Saturday, December 15, 2012

သူပုန္ေက်ာင္းသားတဦးရဲ႕ မာရသြန္ခရီး ၁၆



ပစ္တုိင္း မထိ၊ ထိတုိင္း မေသ

မုိင္းေတြထဲမွာေတာ့ ေရွ႕ထြက္မုိင္းဟာ အသုံး၀င္ဆုံးျဖစ္ပါတယ္။ ဗုံးေတြထဲမွာေတာ့ M 16 ေသနတ္ ေျပာင္းထိပ္မွာ တင္ၿပီးပစ္တဲ့ ခြင္းဗံုးနဲ႔ အေမရိကန္လုပ္ လက္ပစ္ဗုံးအေသးစားေတြေပါ့။ ဒါေပမယ့္ က်ေနာ္တို႔အၾကား ေဖာေဖာသီသီ သုံးနုိင္တဲ့ ဗံုးသီးကေတာ့ “မဖြားရွင္” ေခၚ KNU ရဲ႕ လက္လုပ္ဗုံးပဲ ျဖစ္ပါတယ္။

အုိမီဂါပုံျဖစ္ေနတဲ့ ေကာ့မူးရာစခန္းရဲ့ျမင္ကြင္း
 
လက္လုပ္ဗုံးဆုိတဲ့အတုိင္း ပင္ေတြ ဘာေတြအေသခ်ာမပါ။ ယမ္းေတြနဲ႔ သံတုိသံစေတြ ထည့္ထားတဲ့ ဗုံးသီးထဲကေန အုန္းဆံႀကိဳးလုိလုိ၊ အပ္ခ်ည္ႀကိဳးလုိလုိ အျဖဴေရာင္ႀကိဳးစ အႀကီးႀကီးတခု တေပခဲြေလာက္ အရွည္ထြက္ေနပါတယ္။ အဲဒီ အစကုိ မီးရႈိ႕ၿပီးျဖစ္ျဖစ္။ ေဆးလိပ္မီးနဲ႔တို႔ၿပီး ျဖစ္ျဖစ္ ပစ္ရတဲ့ဗုံးသီးမ်ဳိးပါ။ မဖြားရွင္လုိ႔အမည္ရတဲ့ ေဆးေပါလိပ္မီးနဲ႔တုိ႔ၿပီး ပစ္ဖုိ႔ထြင္ထားတဲ့အတြက္ မဖြားရွင္ဗုံးဆုိၿပီး အမည္တြင္လာတယ္လို႔ ဆုိပါတယ္။ လမ္းမွာ မီးၿငိမ္းသြားရင္  ဗံုးသီးက မကြဲေတာ့သလုိ မီးစ ဗုံးသီးနား မေရာက္ခင္ ရန္သူက ေကာက္ၿပီး ျပန္ပစ္ရင္လည္း ကို္ယ့္ဘက္မွာလာၿပီး ကြဲနုိင္တဲ့ ဗုံးသီးမ်ဳိး ဆုိေတာ့ ေက်ာင္းသားေတြက ဒီဗံုးကုိ သိပ္မႀကိဳက္လွ။


ဒီေနရာမွာ စိတ္၀င္စားဖုိ႔ေကာင္းတာက လက္နက္ႀကီးပစ္တဲ့ အဖြဲဲ႔အခ်င္းခ်င္း ပညာေပးၿပိဳင္ဆုိင္မႈပါ။  က်ေနာ္တို႔ ေက်ာင္းသားေတြထဲကလည္း KNU ဆီမွာ လက္နက္ႀကီးသင္တန္း ဆင္းထားသူေတြ ရွိတဲ့အတြက္ အဲဒီပစ္ကြင္းဆီ က်ေနာ္သြားၾကည့္ခြင့္ ရခဲ့ပါတယ္။ ၂ ေပေလာက္နက္ၿပီး ၄ ေပေလာက္ အက်ယ္ရွိတဲ့ ေျမက်င္းထဲကေန ၈၁ မမ ပစ္ေနတာေတြ႔ရၿပီး ၃ ခါပစ္ၿပီးတုိင္း ေနရာေျပာင္းေနတာကုိ ေတြ႔ရပါတယ္။ ဒီလုိ ေနရာမေျပာင္းလုိ႔မျဖစ္။ ၂ ခါေလာက္ ပစ္ၿပီးတာနဲ႔ ဒီကက်ည္ထြက္တဲ့ေနရာကို န၀တ လက္နက္ႀကီးအဖြဲ႔က ေျမပုံေပၚမွာ ရွာေတြ႔သြားၿပီး တန္ျပန္လက္နက္ႀကီး ခ်က္ခ်င္းျပန္လာလုိ႔ျဖစ္ပါတယ္။

လက္နက္ႀကီးအဖြဲ႔ရဲ႕ စြမ္းရည္နဲ႔ပတ္သက္ၿပီး က်ေနာ္တို႔အၾကား သတင္းႀကီးသြားတဲ့ အျဖစ္ပ်က္တခုကေတာ့ ေရွ႕မွာတင္ျပခဲ့တဲ့ KNU က ဗုိလ္လွေ၀နဲ႔ က်ေနာ္တို႔ ေက်ာင္းသားတပ္ဖြဲ႔က ကုလားေလး ကုိတင္ေရႊ (ေမာ္လၿမိဳင္ တကၠသိုလ္ကေန ပထ၀ီနဲ႔ ေက်ာင္းၿပီးသူ) တို႔ ပူးတဲြ ေျမပုံဖတ္ၿပီး ပစ္လုိက္တဲ့ ၈၁ မမ လက္နက္ႀကီးက်ည္ဟာ န၀တဘက္ကေန က်ေနာ္တို႔ဆီ ပစ္ဖုိ႔ျပင္ေနတဲ့ ၁၂၀ မမ ေမာ္တာအေပါက္ထဲ တည့္တည့္ႀကီး၀င္သြားတဲ့အထိ ပစ္မွတ္မွန္တယ္ဆုိတဲ့ သတင္းပါ။ အဲဒီကာလကေတာ့ ဒီလုိမ်ဳိး မွတ္တမ္းေရးဖုိ႔လည္း စိတ္ကူးက မရွိေသးေတာ့ အဲဒီသတင္း ဘယ္ေလာက္မွန္သလဲ ဆုိတာကို သတင္းစာပညာအရ ဘ ၆လုံး (ဘယ္သူ၊ ဘယ္ေနရာက၊ ဘယ္လို … စသည္) စုံေအာင္ ေမးရေကာင္းမွန္းလည္း မသိခဲ့ပါ။ ဒါေပမယ့္ ဒီသတင္း အဲဒီကာလက ဟုိးေလးတေက်ာ္ျဖစ္ခဲ့ တာကေတာ့ အမွန္ပါပဲ။

ဒါက ၈၁ မမ ေမာ္တာပစ္ရာမွာ ေတာ္တဲ့အေၾကာင္းပါ။ ဒါေပမယ့္ ၅၇ မမ ေနာက္ပြင့္ေလာင္ခ်ာ ပစ္တဲ့အခ်ိန္မွာေတာ့ နည္းနည္း အခက္အခဲရွိတယ္လုိ႔ ထင္ပါတယ္။ ေလာင္ခ်ာဆုိေတာ့ ေမာ္တာလုိ ေျမပုံခ် ပစ္တာမ်ဳိးမဟုတ္ဘဲ ရွင္းေနတဲ့ျမင္ကြင္းကေန တုိက္႐ုိက္လွမ္းပစ္ရတာမ်ဳိး ျဖစ္တာေၾကာင့္ က်ည္ထြက္တဲ့၊ မီးပြင့္တဲ့ေနရာကို န၀တဘက္က ခ်က္ခ်င္းျမင္ႏိုင္ပါတယ္။ တခါတေလဆုိရင္ ေလာင္ခ်ာပစ္ၿပီး သိမ္းလုိ႔ေတာင္မၿပီးေသး။ န၀တဘက္က ၈၄ ေလာင္ခ်ာက်ည္က က်ေနာ္တို႔ေလာင္ခ်ာ ပစ္တဲ့ေနရာတည့္တည့္ဆီ တန္းၿပီးေရာက္လာတတ္ပါတယ္။ ဒါေၾကာင့္ ေလာင္ခ်ာကုိေတာ့ တခါပစ္ တေနရာေျပာင္း အျမန္နည္းနဲ႔ လုပ္ရတာေတြ႔ရပါတယ္။ ဒီလုိနဲ႔ သူမ်ားပစ္ေနတာကုိ ၾကည့္ရင္း န၀တဘက္ကလာတဲ့ ေကာင္တာက်ည္ကို ေရွာင္ၿပီး ဆက္သြယ္ေရး ေျမာင္းထဲေျပးရင္းနဲ႔ တုိက္ပဲြအေတြ႔အႀကံဳ ရလာတယ္ဆုိပါေတာ့။

ဒီလုိ တုိက္ပဲြရက္ ၾကာလာတာနဲ႔အမွ် ေရွ႕ကေၾကာက္ရြံ႕မႈေတြ၊ ဘုရားတမႈေတြ တျဖည္းျဖည္း ေလ်ာ့က်လာပါတယ္။ န၀တဘက္က ပစ္လုိက္တဲ့ ဘယ္လုိ လက္နက္ႀကီးအသံဆုိရင္ က်ည္စထြက္သံ ၾကားရတဲ့အခ်ိန္ကေန တကယ့္က်ည္ဆံ ဒီကုိေရာက္တဲ့ အခ်ိန္ၾကားမွာ စကၠန္႔ဘယ္ေလာက္ၾကာတယ္၊ ဘယ္လုိ အသံဆုိရင္ ဘယ္ဘက္ကုိ သြားတယ္၊ ဘယ္အသံမ်ဳိးဆိုရင္ ကို္ယ္ဘက္လာတယ္၊ ဘယ္လုိ အသံဆုိရင္ ကိုယ္ေခါင္းေပၚ ေပဘယ္ေလာက္အျမင့္ကေန ျဖတ္သြားတယ္ စသည္ျဖင့္ ခန္႔မွန္း တြက္ခ်က္လာနုိင္ပါတယ္။

“ဘာမွမပူနဲ႔။ ရန္သူ႔လက္နက္ႀကီးက်ည္မွာ လိပ္စာပါတယ္။ ဒီေန႔အထိေတာ့ မင္းလိပ္စာ သူ မသိေသးဘူး” ဆုိတဲ့ စကားဟာ အဲဒီကာလ က်ေနာ္တို႔ က်ဳိးဖုိးေတြရဲ့ လက္သုံးစကားေပါ့။ ဒိီစကား ဘယ္ေလာက္မွန္သလဲဆုိတာ ေျပာဖုိ႔ခက္ေပမယ့္ “ပစ္တုိင္း မထိ၊ ထိ တုိင္းမေသ” ဆုိတာကုိေတာ့ စစ္ေျမျပင္မွာ အေနၾကာလာတာနဲ႔အမွ် အေတာ္ေလး နားလည္သိရွိလာပါတယ္။


စစ္ေျမျပင္က လက္ဖက္ရည္ဆိုင္

ေနာက္ပုိင္းမွာေတာ့ က်ိဳဖုိးေတြဟာ ပုိမုိအတင့္ရဲလာၿပီး ကြန္ျပဴတာေတြ၊ ေရဒါေတြမရွိဘဲ စိတ္ကူးသက္သက္နဲ႔ တြက္ဆထားတဲ့ အခ်က္ေတြအေပၚ ယုံၾကည္ကာ ကံယုံၿပီး ဆူးပုံနင္းတဲ့အလုပ္မ်ဳိးေတြ လုပ္လာခဲ့ဲ့ပါတယ္။ ဒီေလာက္ ပူအုိက္စြတ္စိုတဲ့ရာသီမွာ ေရမခ်ဳိးဘဲေနရတာ သီတင္းတပတ္ေလာက္ ၾကာလာေတာ့ က်ေနာ္တို႔ ဘယ္လိုမွ ဆက္မေနနုိင္။ ဒီေတာ့ န၀တေတာင္ကုန္းကေန လွမ္းျမင္နုိင္၊ လွမ္းပစ္နုိင္တဲ့ ေနရာမွန္းသိလ်က္နဲ႔ ကြ်န္းတံတားႀကီး ေဘးနားဆင္းၿပီး ေသာင္ရင္းျမစ္ထဲ ေရဆင္းခ်ဳိးတာမ်ဳိး၊ က်ေနာ္တို႔ ကတုတ္က်င္းနဲ႔ နာရီ၀က္နီးပါး လမ္းေလွ်ာက္ရတဲ့ ၀မ္ခေစ်းနဲ႔ မ်က္နွာခ်င္းဆိုင္အရပ္ရွိ အ၀ီစီတြင္းရွိရာေနရာအထိ သြားၿပီး ေရခ်ဳိး ေရခပ္လုပ္တာမ်ဳိး၊

ေနာက္တခါ ထိပ္တုိက္မွာ တာ၀န္က် ေနသူေတြအတြက္ ထမင္းခ်က္ေပးေနတဲ့ စက္ေရတြင္းနဲ႔ မနီးမေ၀း ၾကခတ္႐ံုေအာက္က ကတုတ္က်င္းမွာ ခုိလႈံေနတဲ့ အမုိးတို႔မိသားစုကုိ လက္ဖက္ရည္ဆုိင္ အတင္းျပန္ဖြင့္ခုိင္းၿပီး ေကာ္ဖီ လဖက္ရည္ ထုိင္ေသာက္ၾကတယ္လုိ႔ ေျပာရင္ စာဖတ္ပရိသတ္ ယုံပါ့မလားပဲ။ (အခန္း ၁၄ မွာ ေဖာ္ျပခဲ့တဲ့အမုိးနဲ႔ တဦးတည္းျဖစ္ပါတယ္။ သူတို႔မိသားစုဟာ စစ္မျဖစ္ခင္ကတည္းက ေကာ့မူးရာမွာ ဆုိင္ဖြင့္ထားသူေတြျဖစ္ၿပီး စစ္ျဖစ္ခ်ိန္မွာ ေဟြးခလုတ္ ဒုကၡသည္စခန္းဆီ ထြက္ေျပးသြားခဲ့ပါတယ္။ ဒါေပမယ့္ စစ္ပဲြၾကာလာခ်ိန္မွာေတာ့ ေကာ့မူရားဆီျပန္လာ ကူညီေနတာျဖစ္ပါတယ္။)

အဲဒီစစ္ပဲြကာလအတြင္း က်ေနာ္အမွတ္တရ အျဖစ္ဆုံးျဖစ္စဥ္ ၂ ခုရွိပါတယ္။ ပထမတခုကေတာ့ တုိက္ပဲြႀကီးတခုၿပီးတုိင္း ဖုတ္ေပါင္းစုံဆီေျပးၿပီး က်ဥ္ခြံေတြေကာက္ ေရာင္းစားတာပါ။ အဲဒီကာလက M16 အခြံက ေစ်းအေကာင္းဆုံးျဖစ္ၿပီး AK 47 အခြံက ဒုတိေနရာမွာရွိပါတယ္။ ဂ်ီသရီးက်ည္ခြံကိုေတာ့ ၀ယ္သူမရွိပါ။ က်ည္ခြံေစ်းႏႈန္းကို က်ေနာ္မမွတ္မိေတာ့ေပမယ့္ အဲဒီကာလက AK 47 က်ည္ တေထာင့္ကိုမွ ၅ ဘတ္ပဲေပးရတဲ့အတြက္ က်ည္ခြံတကီလုိကုိ အစိတ္ေလာက္ပဲ ရမယ္လို႔ထင္ပါတယ္။

တခ်ိဳ႕ေက်ာင္းသားေတြနဲ႔ KNU စစ္သားတခ်ဳိ႕ကေတာ့ လက္နက္ႀကီးဒဏ္ေၾကာင့္ ၿပိဳပ်က္သြားတဲ့ ေကာ့မူးရာတခြင္ လူေနအိမ္ေတြက ကြ်န္းသစ္သားေတြကို ခြာယူၿပီး မီးေသြးဖုတ္ၾကပါတယ္။
လက္နက္ႀကီးသံ ၿငိမ္ေနခ်ိန္မွာ ဒီအလုပ္ကုိ အခ်ိန္လု လုပ္ရတာျဖစ္ၿပီး မီးေသြးေဖာ္ၿပီးရင္ ထိုင္းဘက္ကမ္းပို႔ ေရာင္းစားၾကပါတယ္။ ဒီလုိ က်ည္ခြံဖုိးရတဲ့ေငြ၊ မီးေသြးဖုိးကရတဲ့ေငြ အနည္းအက်ဥ္းနဲ႔ စစ္ေျမျပင္မွာဖြင့္ထားတဲ့ အမုိးရဲ႕ေကာ္ဖီဆုိင္ဆီ သြားထုိင္ၿပီး ေက်ာင္းသားေတြထုံးစံအတုိင္း ပြားၾကပါတယ္။

န၀တေတာင္ကုန္းေပၚက လက္နက္ႀကီး ထြက္သံၾကားရင္ ေသနတ္ကုိလြယ္၊ ေကာ္ဖီခြက္ကုိင္ၿပီး ေလွ်ာက္ေျမာင္းထဲဆင္းေျပး၊ အသံျပန္ ၿငိမ္ရင္ ႀကံခတ္႐ံုေအာက္က စားပဲြမွာ ျပန္ထုိင္ေသာက္နဲ႔။ အခုခ်ိန္ျပန္စဥ္းစားရင္ မယုံနုိင္စရာ၊ ၾကက္သီးထစရာ ျဖစ္ေနပါတယ္။
ဒုတိယတခုကေတာ့ မနက္အိပ္ရာထခ်ိန္မွာ အိမ္သာမတက္ရရင္ မေနနုိင္တဲ့က်ေနာ့္အဖုိ႔ အဲဒီမနက္ အိမ္သာတက္ခ်ိန္မွာ န၀တဘက္က လက္နက္ႀကီး မပစ္ပါေစနဲ႔လုိ႔ အိမ္သာတက္ေနရင္း ဘုရားတ ဆုေတာင္းရတဲ့အခ်က္ပါ။

“တုိက္ပဲြမွာက်ည္မွန္ၿပီး က်သြားတာက အေၾကာင္းမဟုတ္ဘူး။ အာဇာနည္စာရင္း ၀င္နုိင္ေသးတယ္။ ဒါေပမယ့္ အီးအီးပါေနတုန္း လက္နက္ႀကီးစထိၿပီး ေသသြားတယ္ဆုိရင္ေတာ့ သမုိင္းေကြးၿပီ” လုိ႔ ေျပာၿပီး အခ်င္းခ်င္းၾကား ဟားၾကတာကုိလည္း အမွတ္ရေနဆဲျဖစ္ပါတယ္။ ထမင္းခ်က္ေနတုန္း၊ တျခားတခုခုလုပ္ေနတုန္း န၀တ ေတာင္ကုန္းဘက္က လက္နက္ႀကီး ထြက္သံၾကားရင္ ကတုတ္က်င္းထဲျဖစ္ျဖစ္၊ အနည္းဆုံး ဆက္သြယ္ေရး ေျမာင္းထဲျဖစ္ျဖစ္ ေျပးခုိလုိ႔ရပါတယ္။ ဒါေပမယ့္ အိမ္သာတက္ေနစဥ္ လက္နက္ႀကီး ထြက္သံၾကားရင္ေတာ့ တုိ႔လုိ႔တန္းလန္းနဲ႔ ဘယ္လုိမွ ေနရာေျပးယူဖုိ႔ မလြယ္ပါ ဘူး။

“ဗုံးခုိ အိမ္သာက်င္း ေဆာက္ေပးထားရင္ ေကာင္းမယ္ကြာ။ တျခားနုိင္ငံက စစ္ပဲြေတြမွာ ဒီကိစၥ ဘယ္လုိ ေျဖရွင္းၾကလဲမသိဘူး” ဆုိၿပီး က်ေနာ္ၿငီးတြားဖူးပါတယ္။ တျခားရဲေဘာ္ေတြ က်ေနာ့္လုိ ဖိီလင္ျဖစ္မျဖစ္ေတာ့ အေသခ်ာမေမးျဖစ္။ က်ေနာ္ကေတာ့ စစ္ေျမျပင္အတြင္း အိမ္သာတက္ခ်င္တာ၊ စစ္ေၾကာင္းသြားေနစဥ္အတြင္း ရႈးရႈးေပါက္ခ်င္တာေတြအတြက္ အေတာ့္ကုိ စိတ္အေနွာက္အယွက္ျဖစ္ခဲ့ဖူးပါတယ္။

က်ေနာ္ဟာ အဲဒီကာလက အညၾက စစ္သည္တဦးသာ ျဖစ္တယ္ဆုိေပမယ့္ သတင္းေထာက္ဗီဇ ပါလာလုိ႔လားမသိဘူး၊ KNU တပ္ၾကပ္ႀကီးတဦး ေပးထားတဲ့ ကင္မရာ ခပ္ညံ့ညံ့တလုံးကုိ ကုိင္ၿပီး မွတ္တမ္းဓာတ္ပုံေတြ ႐ုိက္ေနၿပီျဖစ္ပါတယ္။ ဒါေပမယ့္ ကံဆုိ္းခ်င္ေတာ့ အဲဒီကင္မရာက အလင္းေရာင္ မလုံတဲ့အတြက္ မဲေဆာက္မွာ ဖလင္သြားကူးေတာ့ ဘာပုံမွထြက္မလာ။ ကင္မရာအေၾကာင္း နကန္းတလုံးမွ နားမလည္ေသးတဲ့ က်ေနာ္ကေတာ့ စစ္ခေမာက္ကုိ အပီေဆာင္း၊ စစ္ဖိနပ္ကုိ အေသခ်ာစီး၊ စစ္ယူနီေဖာင္း အျပည့္၀တ္ၿပီး စစ္ေျမျပင္သတင္းေထာက္လုိလုိနဲ႔ ႐ုိက္လိုက္ရတာအေမာ။

ေရွ႕မွာ ေျပာခဲ့တဲ့အတုိင္း ေကာ့မူးရာဟာ မဲေဆာက္ကေန မိနစ္ ၃၀ သာ လာရတဲ့အတြက္ တုိက္ပဲြႀကီးေတြျဖစ္ၿပီးတုိင္း နုိင္ငံတကာက မ်က္နွာျဖဴ သတင္းေထာက္ေတြနဲ႔ ထုိင္းေတြအၿမဲလာၿပီး သတင္းယူေနၾက။  အဲဒီကာလေတြတုန္းကေတာ့ ေအပီ၊ ႐ုိက္တာ၊ ေအအက္ဖ္ပီ စသည္ျဖင့္ ေအဂ်င္စီသတင္းဌာနေတြအေၾကာင္း နားမလည္ေသးတဲ့အတြက္ အေသခ်ာ မစပ္စုမိပါ။ ဒါေပမယ့္ ဘန္ေကာက္ပုိ႔စ္ သတင္းေထာက္ မစၥတာ ဂ်ဳိးဆုိတဲ့ ျမန္မာတ၀က္၊ ထုိင္းတ၀က္၊ အဂၤလိပ္တ၀က္ေျပာတဲ့ လူကုိေတာ့ က်ေနာ္ေကာင္းေကာင္း မွတ္မိေနဆဲျဖစ္ပါတယ္။


လူလိႈင္းလုံးစစ္ဆင္ေရးနဲ႔ လက္ေညာင္းသြားတဲ့သူပုန္မ်ား

တေန႔မွာေတာ့ အဲဒီ သတင္းေထာက္ေတြနဲ႔အတူ ထိပ္တုိက္ ကတုတ္ေတြေရွ႕က သတ္ကြင္းဆီ က်ေနာ္ ေရာက္သြားပါတယ္။ အဲဒီေန႔ဟာ ၃ ရက္ခန္႔ၾကာတဲ့ တုိက္ပဲြအႀကီးႀကီးတခု ၿပီးသြားလုိ႔ ႏွစ္ဖက္တပ္ေတြ ၿငိမ္ေနခ်ိန္။ န၀တတပ္ေတြအားလုံး ထိပ္တုိက္ကေန ခဏေနာက္ျပန္ဆုတ္ၿပီး သူတို႔ရဲ႕ ေတာင္ကုန္းဆီ ျပန္စုေနခ်ိန္ျဖစ္ပါတယ္။

၃ ရက္တာတုိက္ပဲြအတြင္း န၀တဘက္က က်န္ခဲ့တဲ့အေလာင္းေတြ၊ ေသနတ္ေတြ၊ ဗုံးသီးေတြ၊ လွံစြပ္ေတြ၊ ကိုယ္ပုိင္နံပါတ္ ကတ္ျပားေတြ၊ ေဂၚျပားေတြ စုံလုိ႔ပါပဲ။ သတ္ကြင္းကုိ တက္ရွင္းတယ္ဆုိတာ လြယ္တဲ့အလုပ္ေတာ့ မဟုတ္ပါဘူး။ န၀တဘက္က အေလာင္းေတြနဲ႔အတူ က်န္ေနနုိင္တဲ့ ဗုံးသီးေတြ၊ ကိုယ့္ဖက္ကေထာင္ထားတဲ့ မေပါက္ေသးတဲ့ မုိင္းေတြၾကားမွာ သြားရတာမ်ဳိးပါ။ ဒါ့အျပင္ သတ္ကြင္းေပၚ က်ေနာ္တို႔လူအုပ္ႀကီး ဒါဇင္နဲ႔ခ်ီ ေရာက္ေနတာကုိ န၀တေတာင္ကုန္းေပၚကေန ေကာင္းေကာင္းျမင္နုိင္တဲ့အတြက္ အခ်ိန္မေရြး အပစ္ခံရနုိင္တဲ့ အေျခေနလည္း ရွိေနပါတယ္။


ေကာ့မူးရာတုိက္ပဲြမွာေတြ႔ရတဲ့ ABSDF ရဲေဘာ္နွစ္ဦး။



က်ေနာ္အထင္ အဲဒီသတ္ကြင္းထဲမွာ ၁၀ မိနစ္ေလာက္ေတာ့ ဓာတ္ပုံ႐ုိက္ခြင့္၊ ၾကည့္ရႈခြင့္ရခဲ့တယ္လို႔ ထင္ပါတယ္။ အေလာင္းဘယ္နွစ္ေလာင္း ေတြ႔ခဲ့သလဲဆုိတာကို က်ေနာ္မမွတ္မိေတာ့။ ဒါေပမယ့္ ၁၀၁ ဒုတပ္ရင္းမႉး ဗိုိလ္မႉး သန္းေအာင္ရဲ႕ ႐ံုးခန္းေလးတခုမွာေတာ့ ရာနဲ႔ခ်ီရွိတဲ့ န၀တ အေလာင္းေတြရဲ႕ ဦးေခါင္းခံြေတြကုိ စုစည္းၿပီး အေသအခ်ာ မွတ္တမ္းတင္ထားတာ ေနာက္ပုိင္းမွာ ထုတ္ေ၀တဲ့ စာေစာင္ေတြထဲမွာ က်ေနာ္ ေတြ႔ဖူးပါတယ္။

က်ေနာ့္အေတြ႔အႀကံဳအရ ၂ ဘက္ အက်အဆုံး စာရင္းကုိ ေျပာရမယ္ဆုိရင္ န၀တဘက္က ၁၀ ဦးက်ရင္ က်ေနာ္တို႔ဘက္က တဦးေလာက္ပဲ ဒဏ္ရာရာတဲ့သေဘာ။ န၀တဘက္က ၄၀-၅၀ ေလာက္က်မွ က်ေနာ္တို႔ဖက္က တဦးေလာက္က်တဲ့ သေဘာမ်ဳိး ေတြ႔ရပါတယ္။ ဘာေၾကာင့္ ဒီလုိ အခ်ဳိးစားကြာသလဲဆုိရင္  ေရွ႕မွာ က်ေနာ္တင္ျပခဲ့တဲ့အတုိင္း က်ည္ကြယ္၊ မ်က္ကြယ္၊ ေျမပုိင္မႈေတြမွာ က်ေနာ္တို႔ဘက္က အစစအရာရာ သာလြန္ေနလုိ႔ျဖစ္ပါတယ္။

ဒီလုိသာလြန္ေနတဲ့ အေျခေနမွာ ပုံမွန္ထုိုးစစ္နဲ႔ က်ားတက္ထုိးလုိ႔ မျဖစ္နုိင္ေတာ့တဲ့အတြက္ န၀တ တပ္ေတြဟာ သူတို႔တပ္စခန္းရွိရာ ေတာင္ေျခရင္းကေန က်ေနာ္တို႔ရွိတဲ့ ထိပ္တုိက္ၿခံစည္း႐ိုးနားအထိ ဆက္သြယ္ေရးေျမာင္းတူးၿပီး တဆင့္ၿပီးတဆင့္ တက္လာေနတာကို ေန႔ဘက္မွာေတာင္ ျမင္ေနရပါတယ္။ အေကြ႔အေကာက္မ်ားစြာနဲ႔ တူးေနတဲ့အတြက္ ေဂၚျပားနဲ႔ေကာ္ပစ္ေနတဲ့ ေျမစာေတြကိုသာ ေကာင္းေကာင္းျမင္ရၿပီး လူကိုေတာ့ ရိပ္ကနဲသာ ျမင္ရပါတယ္။ အဲဒီျမင္ရတာကို ပိြဳင့္ဖိုက္နဲ႔ လွမ္းပစ္ေတာ့ ခဏၿငိမ္ၿပီး ဆက္တူးၿမဲ တူးေနပါတယ္။

က်ေနာ္အထင္ သီတင္းတပတ္ေက်ာ္ ၾကာတဲ့အခါမွာေတာ့ အဲဒီတူးေျမာင္းဟာ သတ္ကြင္းထိပ္နားအထိ ေရာက္လာၿပီး အဲဒီအခ်ိန္မွာ အင္အားအလုံးအရင္းနဲ႔၊ လူလိႈင္းလုံးနဲ႔ ဖိၿပီးတက္ထုိးေတာ့တာပါပဲ။ က်ေနာ္တို႔ဘက္ကလည္း ကတုတ္က်င္းထဲကေန အေသခ်ာ ခ်ိန္ပစ္႐ုံပါပဲ။

ဒီေလာက္ ပစ္ေနတဲ့ၾကားထဲကကို ပစ္ေနတဲ့လူရဲ႕ ညာဖက္လက္ညိွဳး ေညာင္းသြားေအာင္၊ ဘယ္လက္နဲ႔ကုိင္ထားတဲ့ AK 47, M 16 ကုိယ္ထည္ေတြ ပူလာၿပီး မကုိင္နုိင္တဲ့အထိေတာင္ လူလိႈင္းလုံးႀကီးက တလွိမ့္ၿပီးတလွိမ့္ တက္လာေနဆဲ ျဖစ္ပါတယ္။ တခ်ဳိ႕စစ္သားေတြဆုိရင္ မူးယစ္ေဆးတခုခု သုံးစဲြထားပုံရၿပီး ေသနတ္နဲ႔ ဒီေလာက္ပစ္ေနတဲ့ၾကားထဲ တုိးတုိးၿပီး တက္လာတာ မပစ္ရက္ေလာက္ေအာင္ကို ခံစားခဲ့ရတယ္လုိ႔ ထိပ္တုိက္ကတုတ္မွာ အေနၾကာခဲ့တဲ့ ရဲေဘာ္ေတြရဲ႕ ေျပာၾကားခ်က္အရ သိရပါတယ္။

န၀တဘက္က အက်အဆုံးအမ်ားဆုံး တုိက္ပဲြေတြထဲက တခုကို ဥပမာေပးရမယ္ဆုိရင္  စစ္ကူေရာက္လာတဲ့ DAB စစ္ေၾကာင္းနဲ႔ စစ္ေၾကာင္းမႉး ဗိုိလ္မႉး ေရာဘတ္ဇံ (ဥကၠ႒ႀကီး မန္းဘဇံရဲ့ သားႀကီး၊ အခု အေမရိကား) ဦးေဆာင္တဲ့အဖြဲ႔ ထိပ္တုိက္မွာ တာ၀န္ယူစဥ္ ၃ ရက္္တာ ကာလတုိက္ပဲြပါ။ တျခား စစ္ေၾကာင္းမႉးေတြ ဆုိရင္ေတာ့ န၀တဘက္ကတပ္ေတြ အလုံးအရင္းနဲ႔ တက္လာၿပီဆုိရင္ မုိင္းကြင္း၊ ၀ါးခြ်န္ကြင္းကိုေက်ာ္ၿပီး ပထမ သံဆူးႀကိဳး ၿခံစည္း႐ိုးကိုေရာက္တာနဲ႔ ပစ္မိန္႔ ေပးေလ့ရွိတယ္လုိ႔ဆိုပါ တယ္။

ဒါေပမယ့္ ဗိုလ္မႉး ေရာဘတ္ဇံကေတာ့ သတ္ကြင္းနဲ႔ ၿခံစည္း႐ိုးအားလုံးကို ေက်ာ္ၿပီး ေနာက္ဆုံး သံဆူးႀကိဳးေရာက္မွ ပစ္မိန္႔ေပးတဲ့အတြက္ ထိပ္တုိက္ေပါက္ၿပီထင္ၿပီး တအားလိွမ့္တက္လာတဲ့ န၀တတပ္ေတြကို အနီးကပ္ ပစ္ခတ္ႏိုင္ခဲ့တာကုိ ေတြ႔ရပါတယ္။ နယ္ကြ်ံသြားတဲ့ န၀တတပ္ေတြဟာ အေလာင္းနဲ႔ဒဏ္ရာရသူကိုလည္း ျပန္မသယ္နုိင္၊ ေသနတ္ေတြကိုလည္း ျပန္မယူနုိင္ေတာ့ဘဲ ဆုတ္ခြာခဲ့ရတဲ့အတြက္ အရာရွိေတြအပါ၀င္ အေတာ္မ်ားမ်ား က်ဆုံးခဲ့ရပါတယ္။

ဘာေၾကာင့္မွန္းေတာ့မသိ။ စစ္ေျမျပင္မွာ သာမန္ရဲေဘာ္ေတြ က်ဆုံးၿပီး သူတို႔ဆီက ဂ်ီသရီး ေသနတ္ရတာကို ဘယ္သူကမွ သိပ္စိတ္မ၀င္စား။ ဒါေပမယ့္ အရာရွိတဦးဦးက်ၿပီး သူတို႔ဆီက ပစၥတုိေသနတ္ရၿပီ ဆုိရင္ေတာ့ အဲဒီသတင္းဟာ က်ေနာ္တို႔ၾကား ဟုိးေလးတေက်ာ္ ျဖစ္ေလ့ရွိပါတယ္။ အဲဒီညက တုိက္ပဲြအတြင္း န၀တဆီက ပစၥတုိ ၂ လက္ရခဲ့တယ္လုိ႔ ဗိုလ္မႉး ေရာဘတ္ဇံရဲ႕ ပီေအတဦးက အဲဒီပစၥတုိကုိ ထုတ္ျပၿပီး က်ေနာ္တို႔ ကတုတ္က်င္းေရွ႕မွာ ၾကြားျပသြားတာကို က်ေနာ္ျမင္ေယာင္ေနဆဲျဖစ္ပါတယ္။

=======================================================

(အပိုင်း ၁၆)

ထက်အောင်ကျော် on January 12, 2012 6:57 pm
အောက်မေ့ဖွယ်။ ဧရာဝတီ။

ပစ်တိုင်း မထိ၊ ထိတိုင်း မသေ

မိုင်းတွေထဲမှာတော့ ရှေ့ထွက်မိုင်းဟာ အသုံးဝင်ဆုံးဖြစ်ပါတယ်။ ဗုံးတွေထဲမှာတော့ M 16 သေနတ် ပြောင်းထိပ်မှာ တင်ပြီးပစ်တဲ့ ခွင်းဗုံးနဲ့ အမေရိကန်လုပ် လက်ပစ်ဗုံးအသေးစားတွေပေါ့။ ဒါပေမယ့် ကျနော်တို့အကြား ဖောဖောသီသီ သုံးနိုင်တဲ့ ဗုံးသီးကတော့ “မဖွားရှင်” ခေါ် KNU ရဲ့ လက်လုပ်ဗုံးပဲ ဖြစ်ပါတယ်။


အိုမီဂါပုံဖြစ်နေတဲ့ ကော့မူးရာစခန်းရဲ့မြင်ကွင်း
 
လက်လုပ်ဗုံးဆိုတဲ့အတိုင်း ပင်တွေ ဘာတွေအသေချာမပါ။ ယမ်းတွေနဲ့ သံတိုသံစတွေ ထည့်ထားတဲ့ ဗုံးသီးထဲကနေ အုန်းဆံကြိုးလိုလို၊ အပ်ချည်ကြိုးလိုလို အဖြူရောင်ကြိုးစ အကြီးကြီးတခု တပေခွဲလောက် အရှည်ထွက်နေပါတယ်။ အဲဒီ အစကို မီးရှို့ပြီးဖြစ်ဖြစ်။ ဆေးလိပ်မီးနဲ့တို့ပြီး ဖြစ်ဖြစ် ပစ်ရတဲ့ဗုံးသီးမျိုးပါ။ မဖွားရှင်လို့အမည်ရတဲ့ ဆေးပေါလိပ်မီးနဲ့တို့ပြီး ပစ်ဖို့ထွင်ထားတဲ့အတွက် မဖွားရှင်ဗုံးဆိုပြီး အမည်တွင်လာတယ်လို့ ဆိုပါတယ်။ လမ်းမှာ မီးငြိမ်းသွားရင်  ဗုံးသီးက မကွဲတော့သလို မီးစ ဗုံးသီးနား မရောက်ခင် ရန်သူက ကောက်ပြီး ပြန်ပစ်ရင်လည်း ကိုယ့်ဘက်မှာလာပြီး ကွဲနိုင်တဲ့ ဗုံးသီးမျိုး ဆိုတော့ ကျောင်းသားတွေက ဒီဗုံးကို သိပ်မကြိုက်လှ။


ဒီနေရာမှာ စိတ်ဝင်စားဖို့ကောင်းတာက လက်နက်ကြီးပစ်တဲ့ အဖွဲ့အချင်းချင်း ပညာပေးပြိုင်ဆိုင်မှုပါ။  ကျနော်တို့ ကျောင်းသားတွေထဲကလည်း KNU ဆီမှာ လက်နက်ကြီးသင်တန်း ဆင်းထားသူတွေ ရှိတဲ့အတွက် အဲဒီပစ်ကွင်းဆီ ကျနော်သွားကြည့်ခွင့် ရခဲ့ပါတယ်။ ၂ ပေလောက်နက်ပြီး ၄ ပေလောက် အကျယ်ရှိတဲ့ မြေကျင်းထဲကနေ ၈၁ မမ ပစ်နေတာတွေ့ရပြီး ၃ ခါပစ်ပြီးတိုင်း နေရာပြောင်းနေတာကို တွေ့ရပါတယ်။ ဒီလို နေရာမပြောင်းလို့မဖြစ်။ ၂ ခါလောက် ပစ်ပြီးတာနဲ့ ဒီကကျည်ထွက်တဲ့နေရာကို နဝတ လက်နက်ကြီးအဖွဲ့က မြေပုံပေါ်မှာ ရှာတွေ့သွားပြီး တန်ပြန်လက်နက်ကြီး ချက်ချင်းပြန်လာလို့ဖြစ်ပါတယ်။

လက်နက်ကြီးအဖွဲ့ရဲ့ စွမ်းရည်နဲ့ပတ်သက်ပြီး ကျနော်တို့အကြား သတင်းကြီးသွားတဲ့ အဖြစ်ပျက်တခုကတော့ ရှေ့မှာတင်ပြခဲ့တဲ့ KNU က ဗိုလ်လှဝေနဲ့ ကျနော်တို့ ကျောင်းသားတပ်ဖွဲ့က ကုလားလေး ကိုတင်ရွှေ (မော်လမြိုင် တက္ကသိုလ်ကနေ ပထဝီနဲ့ ကျောင်းပြီးသူ) တို့ ပူးတွဲ မြေပုံဖတ်ပြီး ပစ်လိုက်တဲ့ ၈၁ မမ လက်နက်ကြီးကျည်ဟာ နဝတဘက်ကနေ ကျနော်တို့ဆီ ပစ်ဖို့ပြင်နေတဲ့ ၁၂၀ မမ မော်တာအပေါက်ထဲ တည့်တည့်ကြီးဝင်သွားတဲ့အထိ ပစ်မှတ်မှန်တယ်ဆိုတဲ့ သတင်းပါ။ အဲဒီကာလကတော့ ဒီလိုမျိုး မှတ်တမ်းရေးဖို့လည်း စိတ်ကူးက မရှိသေးတော့ အဲဒီသတင်း ဘယ်လောက်မှန်သလဲ ဆိုတာကို သတင်းစာပညာအရ ဘ ၆လုံး (ဘယ်သူ၊ ဘယ်နေရာက၊ ဘယ်လို … စသည်) စုံအောင် မေးရကောင်းမှန်းလည်း မသိခဲ့ပါ။ ဒါပေမယ့် ဒီသတင်း အဲဒီကာလက ဟိုးလေးတကျော်ဖြစ်ခဲ့ တာကတော့ အမှန်ပါပဲ။

ဒါက ၈၁ မမ မော်တာပစ်ရာမှာ တော်တဲ့အကြောင်းပါ။ ဒါပေမယ့် ၅၇ မမ နောက်ပွင့်လောင်ချာ ပစ်တဲ့အချိန်မှာတော့ နည်းနည်း အခက်အခဲရှိတယ်လို့ ထင်ပါတယ်။ လောင်ချာဆိုတော့ မော်တာလို မြေပုံချ ပစ်တာမျိုးမဟုတ်ဘဲ ရှင်းနေတဲ့မြင်ကွင်းကနေ တိုက်ရိုက်လှမ်းပစ်ရတာမျိုး ဖြစ်တာကြောင့် ကျည်ထွက်တဲ့၊ မီးပွင့်တဲ့နေရာကို နဝတဘက်က ချက်ချင်းမြင်နိုင်ပါတယ်။ တခါတလေဆိုရင် လောင်ချာပစ်ပြီး သိမ်းလို့တောင်မပြီးသေး။ နဝတဘက်က ၈၄ လောင်ချာကျည်က ကျနော်တို့လောင်ချာ ပစ်တဲ့နေရာတည့်တည့်ဆီ တန်းပြီးရောက်လာတတ်ပါတယ်။ ဒါကြောင့် လောင်ချာကိုတော့ တခါပစ် တနေရာပြောင်း အမြန်နည်းနဲ့ လုပ်ရတာတွေ့ရပါတယ်။ ဒီလိုနဲ့ သူများပစ်နေတာကို ကြည့်ရင်း နဝတဘက်ကလာတဲ့ ကောင်တာကျည်ကို ရှောင်ပြီး ဆက်သွယ်ရေး မြောင်းထဲပြေးရင်းနဲ့ တိုက်ပွဲအတွေ့အကြုံ ရလာတယ်ဆိုပါတော့။

ဒီလို တိုက်ပွဲရက် ကြာလာတာနဲ့အမျှ ရှေ့ကကြောက်ရွံ့မှုတွေ၊ ဘုရားတမှုတွေ တဖြည်းဖြည်း လျော့ကျလာပါတယ်။ နဝတဘက်က ပစ်လိုက်တဲ့ ဘယ်လို လက်နက်ကြီးအသံဆိုရင် ကျည်စထွက်သံ ကြားရတဲ့အချိန်ကနေ တကယ့်ကျည်ဆံ ဒီကိုရောက်တဲ့ အချိန်ကြားမှာ စက္ကန့်ဘယ်လောက်ကြာတယ်၊ ဘယ်လို အသံဆိုရင် ဘယ်ဘက်ကို သွားတယ်၊ ဘယ်အသံမျိုးဆိုရင် ကိုယ်ဘက်လာတယ်၊ ဘယ်လို အသံဆိုရင် ကိုယ်ခေါင်းပေါ် ပေဘယ်လောက်အမြင့်ကနေ ဖြတ်သွားတယ် စသည်ဖြင့် ခန့်မှန်း တွက်ချက်လာနိုင်ပါတယ်။

“ဘာမှမပူနဲ့။ ရန်သူ့လက်နက်ကြီးကျည်မှာ လိပ်စာပါတယ်။ ဒီနေ့အထိတော့ မင်းလိပ်စာ သူ မသိသေးဘူး” ဆိုတဲ့ စကားဟာ အဲဒီကာလ ကျနော်တို့ ကျိုးဖိုးတွေရဲ့ လက်သုံးစကားပေါ့။ ဒီစကား ဘယ်လောက်မှန်သလဲဆိုတာ ပြောဖို့ခက်ပေမယ့် “ပစ်တိုင်း မထိ၊ ထိ တိုင်းမသေ” ဆိုတာကိုတော့ စစ်မြေပြင်မှာ အနေကြာလာတာနဲ့အမျှ အတော်လေး နားလည်သိရှိလာပါတယ်။


စစ်မြေပြင်က လက်ဖက်ရည်ဆိုင်

နောက်ပိုင်းမှာတော့ ကျိုဖိုးတွေဟာ ပိုမိုအတင့်ရဲလာပြီး ကွန်ပြူတာတွေ၊ ရေဒါတွေမရှိဘဲ စိတ်ကူးသက်သက်နဲ့ တွက်ဆထားတဲ့ အချက်တွေအပေါ် ယုံကြည်ကာ ကံယုံပြီး ဆူးပုံနင်းတဲ့အလုပ်မျိုးတွေ လုပ်လာခဲ့ဲ့ပါတယ်။ ဒီလောက် ပူအိုက်စွတ်စိုတဲ့ရာသီမှာ ရေမချိုးဘဲနေရတာ သီတင်းတပတ်လောက် ကြာလာတော့ ကျနော်တို့ ဘယ်လိုမှ ဆက်မနေနိုင်။ ဒီတော့ နဝတတောင်ကုန်းကနေ လှမ်းမြင်နိုင်၊ လှမ်းပစ်နိုင်တဲ့ နေရာမှန်းသိလျက်နဲ့ ကျွန်းတံတားကြီး ဘေးနားဆင်းပြီး သောင်ရင်းမြစ်ထဲ ရေဆင်းချိုးတာမျိုး၊ ကျနော်တို့ ကတုတ်ကျင်းနဲ့ နာရီဝက်နီးပါး လမ်းလျှောက်ရတဲ့ ဝမ်ခဈေးနဲ့ မျက်နှာချင်းဆိုင်အရပ်ရှိ အဝီစီတွင်းရှိရာနေရာအထိ သွားပြီး ရေချိုး ရေခပ်လုပ်တာမျိုး၊

နောက်တခါ ထိပ်တိုက်မှာ တာဝန်ကျ နေသူတွေအတွက် ထမင်းချက်ပေးနေတဲ့ စက်ရေတွင်းနဲ့ မနီးမဝေး ကြခတ်ရုံအောက်က ကတုတ်ကျင်းမှာ ခိုလှုံနေတဲ့ အမိုးတို့မိသားစုကို လက်ဖက်ရည်ဆိုင် အတင်းပြန်ဖွင့်ခိုင်းပြီး ကော်ဖီ လဖက်ရည် ထိုင်သောက်ကြတယ်လို့ ပြောရင် စာဖတ်ပရိသတ် ယုံပါ့မလားပဲ။ (အခန်း ၁၄ မှာ ဖော်ပြခဲ့တဲ့အမိုးနဲ့ တဦးတည်းဖြစ်ပါတယ်။ သူတို့မိသားစုဟာ စစ်မဖြစ်ခင်ကတည်းက ကော့မူးရာမှာ ဆိုင်ဖွင့်ထားသူတွေဖြစ်ပြီး စစ်ဖြစ်ချိန်မှာ ဟွေးခလုတ် ဒုက္ခသည်စခန်းဆီ ထွက်ပြေးသွားခဲ့ပါတယ်။ ဒါပေမယ့် စစ်ပွဲကြာလာချိန်မှာတော့ ကော့မူရားဆီပြန်လာ ကူညီနေတာဖြစ်ပါတယ်။)

အဲဒီစစ်ပွဲကာလအတွင်း ကျနော်အမှတ်တရ အဖြစ်ဆုံးဖြစ်စဉ် ၂ ခုရှိပါတယ်။ ပထမတခုကတော့ တိုက်ပွဲကြီးတခုပြီးတိုင်း ဖုတ်ပေါင်းစုံဆီပြေးပြီး ကျဉ်ခွံတွေကောက် ရောင်းစားတာပါ။ အဲဒီကာလက M16 အခွံက ဈေးအကောင်းဆုံးဖြစ်ပြီး AK 47 အခွံက ဒုတိနေရာမှာရှိပါတယ်။ ဂျီသရီးကျည်ခွံကိုတော့ ဝယ်သူမရှိပါ။ ကျည်ခွံဈေးနှုန်းကို ကျနော်မမှတ်မိတော့ပေမယ့် အဲဒီကာလက AK 47 ကျည် တထောင့်ကိုမှ ၅ ဘတ်ပဲပေးရတဲ့အတွက် ကျည်ခွံတကီလိုကို အစိတ်လောက်ပဲ ရမယ်လို့ထင်ပါတယ်။

တချို့ကျောင်းသားတွေနဲ့ KNU စစ်သားတချို့ကတော့ လက်နက်ကြီးဒဏ်ကြောင့် ပြိုပျက်သွားတဲ့ ကော့မူးရာတခွင် လူနေအိမ်တွေက ကျွန်းသစ်သားတွေကို ခွာယူပြီး မီးသွေးဖုတ်ကြပါတယ်။
လက်နက်ကြီးသံ ငြိမ်နေချိန်မှာ ဒီအလုပ်ကို အချိန်လု လုပ်ရတာဖြစ်ပြီး မီးသွေးဖော်ပြီးရင် ထိုင်းဘက်ကမ်းပို့ ရောင်းစားကြပါတယ်။ ဒီလို ကျည်ခွံဖိုးရတဲ့ငွေ၊ မီးသွေးဖိုးကရတဲ့ငွေ အနည်းအကျဉ်းနဲ့ စစ်မြေပြင်မှာဖွင့်ထားတဲ့ အမိုးရဲ့ကော်ဖီဆိုင်ဆီ သွားထိုင်ပြီး ကျောင်းသားတွေထုံးစံအတိုင်း ပွားကြပါတယ်။

နဝတတောင်ကုန်းပေါ်က လက်နက်ကြီး ထွက်သံကြားရင် သေနတ်ကိုလွယ်၊ ကော်ဖီခွက်ကိုင်ပြီး လျှောက်မြောင်းထဲဆင်းပြေး၊ အသံပြန် ငြိမ်ရင် ကြံခတ်ရုံအောက်က စားပွဲမှာ ပြန်ထိုင်သောက်နဲ့။ အခုချိန်ပြန်စဉ်းစားရင် မယုံနိုင်စရာ၊ ကြက်သီးထစရာ ဖြစ်နေပါတယ်။
ဒုတိယတခုကတော့ မနက်အိပ်ရာထချိန်မှာ အိမ်သာမတက်ရရင် မနေနိုင်တဲ့ကျနော့်အဖို့ အဲဒီမနက် အိမ်သာတက်ချိန်မှာ နဝတဘက်က လက်နက်ကြီး မပစ်ပါစေနဲ့လို့ အိမ်သာတက်နေရင်း ဘုရားတ ဆုတောင်းရတဲ့အချက်ပါ။

“တိုက်ပွဲမှာကျည်မှန်ပြီး ကျသွားတာက အကြောင်းမဟုတ်ဘူး။ အာဇာနည်စာရင်း ဝင်နိုင်သေးတယ်။ ဒါပေမယ့် အီးအီးပါနေတုန်း လက်နက်ကြီးစထိပြီး သေသွားတယ်ဆိုရင်တော့ သမိုင်းကွေးပြီ” လို့ ပြောပြီး အချင်းချင်းကြား ဟားကြတာကိုလည်း အမှတ်ရနေဆဲဖြစ်ပါတယ်။ ထမင်းချက်နေတုန်း၊ တခြားတခုခုလုပ်နေတုန်း နဝတ တောင်ကုန်းဘက်က လက်နက်ကြီး ထွက်သံကြားရင် ကတုတ်ကျင်းထဲဖြစ်ဖြစ်၊ အနည်းဆုံး ဆက်သွယ်ရေး မြောင်းထဲဖြစ်ဖြစ် ပြေးခိုလို့ရပါတယ်။ ဒါပေမယ့် အိမ်သာတက်နေစဉ် လက်နက်ကြီး ထွက်သံကြားရင်တော့ တို့လို့တန်းလန်းနဲ့ ဘယ်လိုမှ နေရာပြေးယူဖို့ မလွယ်ပါ ဘူး။

“ဗုံးခို အိမ်သာကျင်း ဆောက်ပေးထားရင် ကောင်းမယ်ကွာ။ တခြားနိုင်ငံက စစ်ပွဲတွေမှာ ဒီကိစ္စ ဘယ်လို ဖြေရှင်းကြလဲမသိဘူး” ဆိုပြီး ကျနော်ငြီးတွားဖူးပါတယ်။ တခြားရဲဘော်တွေ ကျနော့်လို ဖီလင်ဖြစ်မဖြစ်တော့ အသေချာမမေးဖြစ်။ ကျနော်ကတော့ စစ်မြေပြင်အတွင်း အိမ်သာတက်ချင်တာ၊ စစ်ကြောင်းသွားနေစဉ်အတွင်း ရှုးရှုးပေါက်ချင်တာတွေအတွက် အတော့်ကို စိတ်အနှောက်အယှက်ဖြစ်ခဲ့ဖူးပါတယ်။

ကျနော်ဟာ အဲဒီကာလက အညကြ စစ်သည်တဦးသာ ဖြစ်တယ်ဆိုပေမယ့် သတင်းထောက်ဗီဇ ပါလာလို့လားမသိဘူး၊ KNU တပ်ကြပ်ကြီးတဦး ပေးထားတဲ့ ကင်မရာ ခပ်ညံ့ညံ့တလုံးကို ကိုင်ပြီး မှတ်တမ်းဓာတ်ပုံတွေ ရိုက်နေပြီဖြစ်ပါတယ်။ ဒါပေမယ့် ကံဆိုးချင်တော့ အဲဒီကင်မရာက အလင်းရောင် မလုံတဲ့အတွက် မဲဆောက်မှာ ဖလင်သွားကူးတော့ ဘာပုံမှထွက်မလာ။ ကင်မရာအကြောင်း နကန်းတလုံးမှ နားမလည်သေးတဲ့ ကျနော်ကတော့ စစ်ခမောက်ကို အပီဆောင်း၊ စစ်ဖိနပ်ကို အသေချာစီး၊ စစ်ယူနီဖောင်း အပြည့်ဝတ်ပြီး စစ်မြေပြင်သတင်းထောက်လိုလိုနဲ့ ရိုက်လိုက်ရတာအမော။

ရှေ့မှာ ပြောခဲ့တဲ့အတိုင်း ကော့မူးရာဟာ မဲဆောက်ကနေ မိနစ် ၃၀ သာ လာရတဲ့အတွက် တိုက်ပွဲကြီးတွေဖြစ်ပြီးတိုင်း နိုင်ငံတကာက မျက်နှာဖြူ သတင်းထောက်တွေနဲ့ ထိုင်းတွေအမြဲလာပြီး သတင်းယူနေကြ။  အဲဒီကာလတွေတုန်းကတော့ အေပီ၊ ရိုက်တာ၊ အေအက်ဖ်ပီ စသည်ဖြင့် အေဂျင်စီသတင်းဌာနတွေအကြောင်း နားမလည်သေးတဲ့အတွက် အသေချာ မစပ်စုမိပါ။ ဒါပေမယ့် ဘန်ကောက်ပို့စ် သတင်းထောက် မစ္စတာ ဂျိုးဆိုတဲ့ မြန်မာတဝက်၊ ထိုင်းတဝက်၊ အင်္ဂလိပ်တဝက်ပြောတဲ့ လူကိုတော့ ကျနော်ကောင်းကောင်း မှတ်မိနေဆဲဖြစ်ပါတယ်။


လူလှိုင်းလုံးစစ်ဆင်ရေးနဲ့ လက်ညောင်းသွားတဲ့သူပုန်များ

တနေ့မှာတော့ အဲဒီ သတင်းထောက်တွေနဲ့အတူ ထိပ်တိုက် ကတုတ်တွေရှေ့က သတ်ကွင်းဆီ ကျနော် ရောက်သွားပါတယ်။ အဲဒီနေ့ဟာ ၃ ရက်ခန့်ကြာတဲ့ တိုက်ပွဲအကြီးကြီးတခု ပြီးသွားလို့ နှစ်ဖက်တပ်တွေ ငြိမ်နေချိန်။ နဝတတပ်တွေအားလုံး ထိပ်တိုက်ကနေ ခဏနောက်ပြန်ဆုတ်ပြီး သူတို့ရဲ့ တောင်ကုန်းဆီ ပြန်စုနေချိန်ဖြစ်ပါတယ်။

၃ ရက်တာတိုက်ပွဲအတွင်း နဝတဘက်က ကျန်ခဲ့တဲ့အလောင်းတွေ၊ သေနတ်တွေ၊ ဗုံးသီးတွေ၊ လှံစွပ်တွေ၊ ကိုယ်ပိုင်နံပါတ် ကတ်ပြားတွေ၊ ဂေါ်ပြားတွေ စုံလို့ပါပဲ။ သတ်ကွင်းကို တက်ရှင်းတယ်ဆိုတာ လွယ်တဲ့အလုပ်တော့ မဟုတ်ပါဘူး။ နဝတဘက်က အလောင်းတွေနဲ့အတူ ကျန်နေနိုင်တဲ့ ဗုံးသီးတွေ၊ ကိုယ့်ဖက်ကထောင်ထားတဲ့ မပေါက်သေးတဲ့ မိုင်းတွေကြားမှာ သွားရတာမျိုးပါ။ ဒါ့အပြင် သတ်ကွင်းပေါ် ကျနော်တို့လူအုပ်ကြီး ဒါဇင်နဲ့ချီ ရောက်နေတာကို နဝတတောင်ကုန်းပေါ်ကနေ ကောင်းကောင်းမြင်နိုင်တဲ့အတွက် အချိန်မရွေး အပစ်ခံရနိုင်တဲ့ အခြေနေလည်း ရှိနေပါတယ်။



ကော့မူးရာတိုက်ပွဲမှာတွေ့ရတဲ့ ABSDF ရဲဘော်နှစ်ဦး။



ကျနော်အထင် အဲဒီသတ်ကွင်းထဲမှာ ၁၀ မိနစ်လောက်တော့ ဓာတ်ပုံရိုက်ခွင့်၊ ကြည့်ရှုခွင့်ရခဲ့တယ်လို့ ထင်ပါတယ်။ အလောင်းဘယ်နှစ်လောင်း တွေ့ခဲ့သလဲဆိုတာကို ကျနော်မမှတ်မိတော့။ ဒါပေမယ့် ၁၀၁ ဒုတပ်ရင်းမှူး ဗိုလ်မှူး သန်းအောင်ရဲ့ ရုံးခန်းလေးတခုမှာတော့ ရာနဲ့ချီရှိတဲ့ နဝတ အလောင်းတွေရဲ့ ဦးခေါင်းခွံတွေကို စုစည်းပြီး အသေအချာ မှတ်တမ်းတင်ထားတာ နောက်ပိုင်းမှာ ထုတ်ဝေတဲ့ စာစောင်တွေထဲမှာ ကျနော် တွေ့ဖူးပါတယ်။

ကျနော့်အတွေ့အကြုံအရ ၂ ဘက် အကျအဆုံး စာရင်းကို ပြောရမယ်ဆိုရင် နဝတဘက်က ၁၀ ဦးကျရင် ကျနော်တို့ဘက်က တဦးလောက်ပဲ ဒဏ်ရာရာတဲ့သဘော။ နဝတဘက်က ၄၀-၅၀ လောက်ကျမှ ကျနော်တို့ဖက်က တဦးလောက်ကျတဲ့ သဘောမျိုး တွေ့ရပါတယ်။ ဘာကြောင့် ဒီလို အချိုးစားကွာသလဲဆိုရင်  ရှေ့မှာ ကျနော်တင်ပြခဲ့တဲ့အတိုင်း ကျည်ကွယ်၊ မျက်ကွယ်၊ မြေပိုင်မှုတွေမှာ ကျနော်တို့ဘက်က အစစအရာရာ သာလွန်နေလို့ဖြစ်ပါတယ်။

ဒီလိုသာလွန်နေတဲ့ အခြေနေမှာ ပုံမှန်ထိုးစစ်နဲ့ ကျားတက်ထိုးလို့ မဖြစ်နိုင်တော့တဲ့အတွက် နဝတ တပ်တွေဟာ သူတို့တပ်စခန်းရှိရာ တောင်ခြေရင်းကနေ ကျနော်တို့ရှိတဲ့ ထိပ်တိုက်ခြံစည်းရိုးနားအထိ ဆက်သွယ်ရေးမြောင်းတူးပြီး တဆင့်ပြီးတဆင့် တက်လာနေတာကို နေ့ဘက်မှာတောင် မြင်နေရပါတယ်။ အကွေ့အကောက်များစွာနဲ့ တူးနေတဲ့အတွက် ဂေါ်ပြားနဲ့ကော်ပစ်နေတဲ့ မြေစာတွေကိုသာ ကောင်းကောင်းမြင်ရပြီး လူကိုတော့ ရိပ်ကနဲသာ မြင်ရပါတယ်။ အဲဒီမြင်ရတာကို ပွိုင့်ဖိုက်နဲ့ လှမ်းပစ်တော့ ခဏငြိမ်ပြီး ဆက်တူးမြဲ တူးနေပါတယ်။

ကျနော်အထင် သီတင်းတပတ်ကျော် ကြာတဲ့အခါမှာတော့ အဲဒီတူးမြောင်းဟာ သတ်ကွင်းထိပ်နားအထိ ရောက်လာပြီး အဲဒီအချိန်မှာ အင်အားအလုံးအရင်းနဲ့၊ လူလှိုင်းလုံးနဲ့ ဖိပြီးတက်ထိုးတော့တာပါပဲ။ ကျနော်တို့ဘက်ကလည်း ကတုတ်ကျင်းထဲကနေ အသေချာ ချိန်ပစ်ရုံပါပဲ။

ဒီလောက် ပစ်နေတဲ့ကြားထဲကကို ပစ်နေတဲ့လူရဲ့ ညာဖက်လက်ညှိုး ညောင်းသွားအောင်၊ ဘယ်လက်နဲ့ကိုင်ထားတဲ့ AK 47, M 16 ကိုယ်ထည်တွေ ပူလာပြီး မကိုင်နိုင်တဲ့အထိတောင် လူလှိုင်းလုံးကြီးက တလှိမ့်ပြီးတလှိမ့် တက်လာနေဆဲ ဖြစ်ပါတယ်။ တချို့စစ်သားတွေဆိုရင် မူးယစ်ဆေးတခုခု သုံးစွဲထားပုံရပြီး သေနတ်နဲ့ ဒီလောက်ပစ်နေတဲ့ကြားထဲ တိုးတိုးပြီး တက်လာတာ မပစ်ရက်လောက်အောင်ကို ခံစားခဲ့ရတယ်လို့ ထိပ်တိုက်ကတုတ်မှာ အနေကြာခဲ့တဲ့ ရဲဘော်တွေရဲ့ ပြောကြားချက်အရ သိရပါတယ်။

နဝတဘက်က အကျအဆုံးအများဆုံး တိုက်ပွဲတွေထဲက တခုကို ဥပမာပေးရမယ်ဆိုရင်  စစ်ကူရောက်လာတဲ့ DAB စစ်ကြောင်းနဲ့ စစ်ကြောင်းမှူး ဗိုလ်မှူး ရောဘတ်ဇံ (ဥက္ကဋ္ဌကြီး မန်းဘဇံရဲ့ သားကြီး၊ အခု အမေရိကား) ဦးဆောင်တဲ့အဖွဲ့ ထိပ်တိုက်မှာ တာဝန်ယူစဉ် ၃ ရက်တာ ကာလတိုက်ပွဲပါ။ တခြား စစ်ကြောင်းမှူးတွေ ဆိုရင်တော့ နဝတဘက်ကတပ်တွေ အလုံးအရင်းနဲ့ တက်လာပြီဆိုရင် မိုင်းကွင်း၊ ဝါးချွန်ကွင်းကိုကျော်ပြီး ပထမ သံဆူးကြိုး ခြံစည်းရိုးကိုရောက်တာနဲ့ ပစ်မိန့် ပေးလေ့ရှိတယ်လို့ဆိုပါ တယ်။

ဒါပေမယ့် ဗိုလ်မှူး ရောဘတ်ဇံကတော့ သတ်ကွင်းနဲ့ ခြံစည်းရိုးအားလုံးကို ကျော်ပြီး နောက်ဆုံး သံဆူးကြိုးရောက်မှ ပစ်မိန့်ပေးတဲ့အတွက် ထိပ်တိုက်ပေါက်ပြီထင်ပြီး တအားလှိမ့်တက်လာတဲ့ နဝတတပ်တွေကို အနီးကပ် ပစ်ခတ်နိုင်ခဲ့တာကို တွေ့ရပါတယ်။ နယ်ကျွံသွားတဲ့ နဝတတပ်တွေဟာ အလောင်းနဲ့ဒဏ်ရာရသူကိုလည်း ပြန်မသယ်နိုင်၊ သေနတ်တွေကိုလည်း ပြန်မယူနိုင်တော့ဘဲ ဆုတ်ခွာခဲ့ရတဲ့အတွက် အရာရှိတွေအပါဝင် အတော်များများ ကျဆုံးခဲ့ရပါတယ်။

ဘာကြောင့်မှန်းတော့မသိ။ စစ်မြေပြင်မှာ သာမန်ရဲဘော်တွေ ကျဆုံးပြီး သူတို့ဆီက ဂျီသရီး သေနတ်ရတာကို ဘယ်သူကမှ သိပ်စိတ်မဝင်စား။ ဒါပေမယ့် အရာရှိတဦးဦးကျပြီး သူတို့ဆီက ပစ္စတိုသေနတ်ရပြီ ဆိုရင်တော့ အဲဒီသတင်းဟာ ကျနော်တို့ကြား ဟိုးလေးတကျော် ဖြစ်လေ့ရှိပါတယ်။ အဲဒီညက တိုက်ပွဲအတွင်း နဝတဆီက ပစ္စတို ၂ လက်ရခဲ့တယ်လို့ ဗိုလ်မှူး ရောဘတ်ဇံရဲ့ ပီအေတဦးက အဲဒီပစ္စတိုကို ထုတ်ပြပြီး ကျနော်တို့ ကတုတ်ကျင်းရှေ့မှာ ကြွားပြသွားတာကို ကျနော်မြင်ယောင်နေဆဲဖြစ်ပါတယ်။

1 comments:

က်ဥ္ဆံခြံနဲ႔ပတ္သက္ျပီး တခုုလြဲေနပါတယ္။ တကယ္က ေအေက က်ဥ္က ေၾကးမဟုုတ္တဲ့အတြက္ ၀ယ္သူမရွိပါ။ ၁၆ နဲ႔ ဂ်ီသရီးအခြန္သာ ေရာင္းလုုိ႔ ရပါေၾကာင္း...။

Post a Comment

Share

Twitter Delicious Facebook Digg Stumbleupon Favorites More