မလှိုင်မြို့နယ်တိုက်ပွဲ စစ်သား (၁၀) ဦး လက်နက်ချ... လက်နက်မျိုးစုံ (၂၀) သိမ်းမိ... အပါဝင်...

 https://youtu.be/rxVfudn7wJ4?si=8ESxgthlZ1IyuQjx

မလှိုင်မြို့နယ်တိုက်ပွဲ စစ်သား (၁၀) ဦး လက်နက်ချ... လက်နက်မျိုးစုံ (၂၀) သိမ်းမိ... အပါဝင် နောက်ဆုံးရ တိုက်ပွဲသတင်းများ... (၄ ဇူလိုင် ၂၀၂၆)

- မလှိုင်မြို့နယ်၊ အိမ်ကြီးတောရွာဘက် စစ်ကြောင်းထိုးလာတဲ့ စစ်ကောင်စီတပ်ကို တော်လှန်ရေးတပ်တွေက ကြားဖြတ်တိုက်ရာမှာ စစ်သား (၂) ဦးသေ၊ (၁၀) ဦး လက်နက်ချ၊ ၈၁ မမ၊ ၆၀ မမ စိန်ပြောင်းတွေအပါဝင် လက်နက်မျိုးစုံ ၂၀ သိမ်းမိ... - ဆင်ပေါင်ဝဲမြို့နယ်ရှိ စစ်တပ်ဂိတ်တွေကို တော်လှန်ရေးတပ်တွေက ဝင်တိုက်ရာမှာ စစ်သား ၁၃ ဦးသေ၊ သုံ့ပန်းတဦးဖမ်းမိ၊ သေနတ်တလက် ရရှိ... - မွန်ပြည်သစ်ပါတီ (NMSP) ထိန်းချုပ်နယ်မြေထဲ စစ်ရေးတင်းမာနေချိန် ပါတီ ဒုခေါင်းဆောင်နဲ့အ့ဖွဲ့က စစ်ကောင်စီရဲ့ ငြိမ်းချမ်းရေးဖော်ဆောင်မှု ညှိနှိုင်းရေးကော်မတီ (NSPNC) ဥက္ကဌကို နေပြည်တော်မှာ သွားတွေ့... ... စတဲ့ သတင်းတွေအပါဝင် နောက်ဆုံးရ တိုက်ပွဲသတင်းတွေကို စုစည်းတင်ပြထားပါတယ်။

Read More

“တော်လှန်ရေးတပ်တွေ စုပေါင်းတိုက်ရင် ဒီစစ်တပ် မခံနိုင်ဘူးဆိုတာ သိခဲ့၊ မြင်ခဲ့ပြီးပြီပဲ”

 https://youtu.be/ZJ9hiZDDwF8?si=26_sZ6p1kkiHwDwg

“တော်လှန်ရေးတပ်တွေ စုပေါင်းတိုက်ရင် ဒီစစ်တပ် မခံနိုင်ဘူးဆိုတာ သိခဲ့၊ မြင်ခဲ့ပြီးပြီပဲ” - CDM ဗိုလ်ကြီးလင်းထက်အောင် (စစ်ရေးသတင်း ဝေဖန်သုံးသပ်သူ)

(၃ ဇူလိုင် ၂၀၂၆) “တော်လှန်ရေးတပ်တွေ စုပေါင်းတိုက်ရင် ဒီစစ်တပ် မခံနိုင်ဘူးဆိုတာ ၁၀၂၇ မှာ သိခဲ့၊ မြင်ခဲ့ပြီးပြီပဲ။ ဒါကိုအလေးထားပြီး တဖွဲ့ချင်း၊ တနေရာချင်း တိုက်နေမယ့်အစား အားလုံးလက်တွဲပြီး ဟန်ချက်ညီ တိုက်ဖို့လိုတယ်” လို့ စစ်ရေးသတင်း ဝေဖန်သုံးသပ်သူ CDM ဗိုလ်ကြီးလင်းထက်အောင်က ပြောပါတယ်။ ချင်းပြည်နယ်တောင်ပိုင်းမှာ စစ်ကောင်စီရဲ့ထိုးစစ်ကို ပြန်လန်ကျသွားအောင် တော်လှန်ရေးတပ်ပေါင်းစု ခုခံတိုက်ခိုက်နေတဲ့အခြေနေနဲ့ပတ်သက်ပြီး BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလိုဖြေကြားတာပါ။ အခု ထုတ်လွှင့်မယ့် မေးမြန်းချက် ဒုတိယ ပိုင်းမှာ... - ချင်းတောင်ပိုင်းမှာ စစ်ကောင်စီတပ် ရှေ့တိုးမလာနိုင်အောင် ဘယ်လိုတားဆီး တိုက်ခိုက်နေသလဲ... - စစ်ကိုင်းအထက်ပိုင်းနဲ့ ကချင်စစ်မျက်နှာမှာကော တော်လှန်ရေးတပ်တွေဖက်က တန်ပြန်ထိုးစစ် ပြန်လုပ်လာနိုင်ပြီလား... - ဗုံးကြဲမှုကို အရှိန်မြှင့်လုပ်ဆောင်နေတဲ့ အာဏာသိမ်း သမ္မတက ကြိုတင်ကန့်သတ်ချက်မထားပဲ ERO တွေနဲ့ ဆွေးနွေးမယ်လို့ ခနခနပြောနေတာ ဘာကြောင့်လဲ... - တဖွဲ့ချင်းတိုက်မယ့်အစား စုပေါင်းတိုက်ရင် ဒီစစ်တပ်မခံနိုင်ဘူးဆိုတာကို မြင်နေပါရဲ့နဲ့ ဘာကြောင့် စုပေါင်းတိုက်ဖို့ ခက်ခဲနေသလဲ... ... စတဲ့ အကြောင်းအရာတွေကို ဆွေးနွေးတင်ပြထားပါတယ်။

Read More

ချင်းတောင်ပိုင်းတိုက်ပွဲ စစ်သားတွေ ရာနဲ့ချီသေဆုံး... ကသာဖက်က စစ်တပ်စခန်း ၃ ခု KIA သိမ်းပိုက်...

 https://youtu.be/8GLexVmqJg8?si=3ZyOTIFyx4RQIxHx

ချင်းတောင်ပိုင်းတိုက်ပွဲ စစ်သားတွေ ရာနဲ့ချီသေဆုံး... ကသာဖက်က စစ်တပ်စခန်း ၃ ခု KIA သိမ်းပိုက်... နောက်ဆုံးရ တိုက်ပွဲသတင်းများ...

(၃ ဇူလိုင် ၂၀၂၆) - ချင်းပြည်တောင်ပိုင်း မင်းတပ်နဲ့ ကန်ပက်လက်ဒေသဆီ စစ်ကောင်စီတပ်က အင်အား ထောင်ချီသုံးပြီး ထိုးစစ်ဆင်ပေမယ့် ရှေ့မတိုးနိုင်ပဲ ရာနဲ့ချီသေဆုံး၊ သုံံ့ပန်းတွေ ဖမ်းမိ၊ လက်နက်များစွာသိမ်းမိ... - မင်းဘူးမြို့နယ်၊ ဥယာဉ်တံတား စစ်တပ် ဂိတ်စခန်းကို တော်လှန်ရေးတပ်က တိုက်ခိုက်သိမ်းပိုက်ပြီး မီးရှို့ရှင်းလင်း... - အင်းတော်၊ မော်လူးနဲ့ ကသာဖက်မှာ တိုက်ပွဲတွေ ပြင်းထန်နေပြီး စစ်ကောင်စီစခန်း အနည်းဆုံး ၃ ခုကို KIA နဲ့ မဟာမိတ်တွေက သိမ်းပိုက်... ... ဒီသတင်းတွေအပါဝင် နောက်ဆုံးရ တိုက်ပွဲသတင်းတွေကို စုစည်းတင်ပြထားပါတယ်။

Read More

ရန်ကုန်-ပြည် လမ်းပေါ် တိုက်ပွဲဖြစ်... ဒေါ်အောင်ဆန်းစုကြည်ကို လွတ်ပေးဖို့ အာဆီယံက ထပ်တောင်းဆို...

 https://youtu.be/534qbzAHH2s?si=zKN4uwy6055ntKJO

ရန်ကုန်-ပြည် လမ်းပေါ် တိုက်ပွဲဖြစ်... ဒေါ်အောင်ဆန်းစုကြည်ကို လွတ်ပေးဖို့ အာဆီယံက ထပ်တောင်းဆို... နောက်ဆုံးရ တိုက်ပွဲသတင်းများ...

(၂ ဇူလိုင် ၂၀၂၆) - ချောက်မြို့နယ်အတွင်းဖြစ်ပွားတဲ့ တိုက်ပွဲအတွင်း စစ်တပ်ဖက်က (၁၀) ဦး သေ၊ ဒဏ်ရာရသူများ၊ ဒရုန်း(၁)စီးနဲ့ လက်နက်ငယ် ၂ လက် သိမ်းမိ... - မင်းလှမြို့နယ်၊ ရန်ကုန်-ပြည်ကားလမ်းပေါ်ရှိ အညာတန်းရွာ စစ်တပ် စစ်ဆေးရေးဂိတ်ကို တော်လှန်ရေးတပ်တွေက ဝင်တိုက်ရာမှာ စစ်တပ်နဲ့ ပျု ဒါဇင်နဲ့ချီ သေဆုံး... - ဒေါ်အောင်ဆန်းစုကြည်နဲ့ နိုင်-ကျဉ်း အားလုံးကို ပြန်လွတ်ပေးဖို့ ထပ်မံတောင်းဆိုကြောင်း ဖိလစ်ပိုင်နိုင်ငံခြားရေးဝန်ကြီးဌာန က သတင်းထုတ်ပြန်... ... စတဲ့ သတင်းတွေအပါဝင် နောက်ဆုံးရ တိုက်ပွဲသတင်းတွေကို စုစည်းတင်ပြထားပါတယ်။

Read More

“AA က တိုက်သလိုမျိုးသာတိုက်ရင် လက်ရှိစစ်တပ်အခြေနေက မခံနိုင်ပါဘူး”

 https://youtu.be/MX5DmIg1sbk?si=GhrixgEuWBiu7zqb

“AA က တိုက်သလိုမျိုးသာတိုက်ရင် လက်ရှိစစ်တပ်အခြေနေက မခံနိုင်ပါဘူး” - CDM- ဗိုလ်ကြီးလင်းထက်အောင် (စစ်ရေးသတင်း လေ့လာသုံးသပ်သူ)

( ၁ ဇူလိုင် ၂၀၂၆) “AA က တိုက်သလိုမျိုး တော်လှန်ရေးတပ်တွေအားလုံး စနစ်တကျလေ့ကျင့်ပြီး တိုက်မယ်ဆိုရင် လက်ရှိစစ်တပ်အခြေနေက မခံနိုင်ပါဘူး” လို့ စစ်ရေးသတင်း လေ့လာသုံးသပ်သူ CDM- ဗိုလ်ကြီးလင်းထက်အောင်က ပြောပါတယ်။ ပြီးခဲ့တဲ့သီတင်းပတ်အတွင်း ထူးခြားတိုက်ပွဲတွေဖြစ်တဲ့ မကွေးက ငှက်ကင်၊ ဧရာဝတီက စခန်းသိမ်းပွဲတွေနဲ့ပတ်သက်ပြီး BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလိုဖြေကြားတာပါ။ အခု ထုတ်လွှင့်မယ့်မေးမြန်းချက် ပထမ ပိုင်းမှာ... - မကွေးက PDF တွေ ငှက်ကင်ရအောင် ဘယ်လိုပစ်ချလိုက်တာလဲ... - ဒရုန်းတွေကို ပိုက်ကွန်နဲ့ဖမ်းမယ့်စီမံကိန်း အလုပ်ဖြစ်သလား... - ကျန်တဲ့နေရာတွေမှာ စစ်တပ်က ရှေ့တိုးလာနေပြီး AA ဒေသမှာ စစ်တပ်က နော်ကဆုတ်နေရာတာ ဘာကြောင့်လဲ... တော်လှန်ရေးတပ်တွေ ဘယ်လို လေ့လာသင့်သလဲ... - AA, CPA နဲ့ မဟာမိတ်တွေက စစ်ကောင်စီရဲ့ ချင်းပြည်တောင်ပိုင်းထိုးစစ်ကို စစ်ဦးကျိုးအောင် ရိုက်ချိုးနိုင်မလား...

Read More

ဒရုန်းတွေကို ပိုက်ကွန်နဲ့ဖမ်းဖို့ စစ်တပ်ပြင်ဆင်... မုံရွာ ပလဖ ကို PDF ဝင်စီး...

 https://youtu.be/9PKKbqAcfVk?si=RnzOLe7oCNpzQtId

ဒရုန်းတွေကို ပိုက်ကွန်နဲ့ဖမ်းဖို့ စစ်တပ်ပြင်ဆင်... မုံရွာ ပလဖ ကို PDF ဝင်စီး... နောက်ဆုံးရ တိုက်ပွဲသတင်းများ...

(၁ ဇူလိုင် ၂၀၂၆) - ပဲခူးတိုင်းအနောက်ခြမ်းဒေသ ဇွန်လ စစ်ဆင်ရေးအတွင်း စစ်သား ၁၇ ဦးသေ၊ ဒရုန်းတစီးကို ပစ်ချနိုင်ခဲ့... - တွင်းမ ပျူစောထီးစခန်းဆီ လူနာသယ်ဖို့ ရဟတ်ယာဉ်ဆင်းသက်စဉ် PDF တွေရဲ့ ဒရုန်းစာမိပြီး ငှက်ကင်ဖြစ်သွားပြီးနောက် ဒရုန်းတွေကို ပိုက်ကွန်နဲ့ ဖမ်းဆီးရမယ်ဆိုပြီး စစ်တပ်အတွင်းအမိန့်ထုတ်... - မုံရွာမြို့နယ်အတွင်းရှိ မြို့နယ် ပြည်သူ့လုံခြုံရေးအဖွဲ့- ပလဖ စခန်းကို NUG လက်အောက်ခံ PDF တပ်တွေက ဝင်ရောက်စီးနင်းရာမှာ ပစ်ခတ်မှုဖြစ်ပြီး ပလဖ တာဝန်ခံအပါဝင် သေဆုံးမှုရှိ... ... စတဲ့ သတင်းတွေအပါဝင် နောက်ဆုံးရ တိုက်ပွဲသတင်းတွေကို စုစည်းတင်ပြထားပါတယ်။

Read More

မိုးဗြဲက စစ်တပ်စခန်း ကရင်နီတော်လှန်ရေးတပ်တွေဝင်စီး... အပါဝင်

 https://youtu.be/e8-0y6A9ixQ?si=ih9nku3t34mORUle

မိုးဗြဲက စစ်တပ်စခန်း ကရင်နီတော်လှန်ရေးတပ်တွေဝင်စီး... အပါဝင် နောက်ဆုံးရ တိုက်ပွဲသတင်းများ...

(၃၀ ဇွန် ၂၀၂၆) - မိုးဗြဲနှင့် နန်းမယ်ခုံကြားရှိ စစ်ကောင်စီတပ်စခန်းတခုကို ကရင်နီတော်လှန်ရေးတပ်တွေက သိမ်းပိုက်လိုက်ပြီး စစ်တပ်ဖက်က သေဆုံးသူများ၊ သုံ့ပန်း ၂ ဦးဖမ်းမိ၊ လက်နက်အချို့ သိမ်းမိ... - ထိုင်း-မြန်မာနယ်စပ်ကုန်သွယ်ရေးမြို့ ဘုရားသုံးဆူမြို့ကို သိမ်းနိုင်ရေးအတွက် ရေးကနေ စစ်ကြောင်းတွေ ထိုးလာနေဟု သတင်းထွက်... - စစ်တပ်ဖက် လေယာဉ်နဲ့ ဗုံးကြဲပြီး ငြိမ်းချမ်းရေးဆွေးနွေးဖို့ ဖိတ်ခေါ်ရင် ကျနော်တို့ဖက်ကလည်း တုံ့ပြန်စရာဆိုလို့ ကျည်ဆန်ဘဲရှိတယ်ဗျ” လို့ AA အာရက္ခတပ်တော် ပြောခွင့်ရ ခိုင်သုခက ပြောဆို... ... စတဲ့ သတင်းတွေအပါဝင် နောက်ဆုံးရ တိုက်ပွဲသတင်းတွေကို စုစည်းတင်ပြထားပါတယ်။

Read More

“ရန်သူကို တိုက်ဖို့အတွက် လူထုအလှူငွေနဲ့တပ်ဆင်ပေးထားတဲ့ လက်နက်တွေဖြစ်တယ်၊ အချင်းချင်းတိုက်ဖို့အတွက်မဟုတ်ဘူး”

 https://youtu.be/WrW521AeAd0?si=u5OWFArsjQDCGhEw

“ရန်သူကို တိုက်ဖို့အတွက် လူထုအလှူငွေနဲ့တပ်ဆင်ပေးထားတဲ့ လက်နက်တွေဖြစ်တယ်၊ အချင်းချင်းတိုက်ဖို့အတွက်မဟုတ်ဘူး” - ဆလိုင်းယောအောင် (စစ်ရေး - နိုင်ငံရေး ဝေဖန်သုံးသပ်သူ)

(၃၀ ဇွန် ၂၀၂၆) “နွေဦးတော်လှန်ရေး ရဲဘော်တွေ ကိုင်ဆောင်ထားတဲ့လက်နက်တွေဟာ ရန်သူကို တိုက်ဖို့အတွက် လူထုအလှူငွေနဲ့တပ်ဆင်ပေးထားတဲ့ လက်နက်တွေဖြစ်တယ်၊ အချင်းချင်းတိုက်ဖို့အတွက်မဟုတ်ဘူး၊ ဒါကို အထူးသတိထားသင့်တယ်” လို့ စစ်ရေး - နိုင်ငံရေး ဝေဖန်သုံးသပ်သူ ဆလိုင်းယောအောင်က ပြောပါတယ်။ အညာဒေသမှာဖြစ်ပေါ်နေတဲ့ PDF တပ်ဖွဲ့ဝင်တွေအချင်းချင်း ပစ်ခတ်သတ်ဖြတ်မှုတွေနဲ့ပတ်သက်ပြီး NUG က ဘယ်လိုကိုင်တွယ်ဖြေရှင်းသင့်သလဲ... စသဖြင့် BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလိုဖြေကြားတာပါ။ အခု ထုတ်လွှင့်မယ့် မေးမြန်းချက်ထဲမှာ... - ယင်းမာပင်ခရိုင်အစည်းဝေးအတွင်း တပ်ရင်းမှူး ပုလဲမောင် ဘယ်လို ပစ်ခတ်ခံခဲ့ရသလဲ... - လူထုက တပ်ဆင်ပေးထားတဲ့ လက်နက်တွေကို ကိုယ်ပိုင်လက်နက်တွေလို့များ အညာက တပ်မှူးအချို့ ထင်နေကြပြီလား... - ပစ်ခတ်မှုအတွက် တာဝန်ရှိသူ ခရိုင်ကွပ်ကဲရေးမှူး စွမ်းသူမောင်ကို NUG က ဖမ်းဆီးစစ်ဆေးနေတယ်ဆိုတာ ဘယ်လောက်သေချာလဲ... - အရင်ဖြစ်ခဲ့ဖူးတဲ့ ယင်းမာပင်ခရိုင်အတွင်း အချင်းချင်း သတ်ဖြတ်မှုတွေအတွက် NUG တရားရေးဌာနက ဘာတွေ ဆောင်ရွက်ခဲ့ပြီးပြီလဲ... - ဘာအသံမှမထွက်ပဲ စခန်းတခုပြီးတခုသိမ်းပြနေတဲ့ AA ကို NUG နဲ့ PDF တွေ ဘယ်လိုအတုယူသင့်သလဲ... ... စတဲ့ အကြောင်းအရာတွေကို ဆွေးနွေးတင်ပြထားပါတယ်။

Read More

စစ်ကောင်စီ တပ်ရင်းမှူးကို ပစ်သတ်ပြီး ပစ တဦး ထွက်ပြေးလွတ်မြောက်လာ...

 https://youtu.be/onMfmRAP5AQ?si=-Wwjv2DNtwcOlKuv

စစ်ကောင်စီ တပ်ရင်းမှူးကို ပစ်သတ်ပြီး ပစ တဦး ထွက်ပြေးလွတ်မြောက်လာ... အပါဝင် နောက်ဆုံးရ တိုက်ပွဲသတင်းများ...

(၂၉ ဇွန် ၂၀၂၆) - ချင်းပြည်နယ်တောင်ပိုင်း မင်းတပ်မြို့ကို စစ်လေယာဉ်တွေက တရက်တည်း ဗုံးအလုံး ၁၀၀ နီးပါး ထပ်ကြဲ... - တွင်းမရွာ ပျူစောထီးစခန်းအနီး ဒရုန်စာမိပြီး ငှက်ကင်ဖြစ်သွားတဲ့ MI-17 ရဟတ်ယာဉ်အပိုင်းအစတွေကို စစ်တပ်က ပြန်ကောက်ပြီး ပခုက္ကူဖက် ပြန်သယ်ယူနေ... - ဖာပွန်မြို့နယ်အတွင်း စစ်ကြောင်းထိုးနေတဲ့ ခလရ (၁၉) တပ်ရင်းမှူး ဗိုလ်မှူး ကျော်မင်းသန်းကို လုပ်ကြံသတ်ဖြတ်ပြီးနောက် စစ်မှုထမ်း (ပစ)တွေကို ကယ်တင်ပြီး ပစ တဦး KNU/KNLA တပ်မဟာ (၅) ထံ ဘက်ပြောင်းခိုလှုံလာ... ... စတဲ့ သတင်းတွေအပါဝင် နောက်ဆုံးရ တိုက်ပွဲသတင်းတွေကို စုစည်းတင်ပြထားပါတယ်။

Read More

ရေကြည်မြို့နယ်က စစ်တပ်စခန်း ၃ ခုကို AA သိမ်းပိုက်... လက်နက်မျိုးစုံ ရာနဲ့ချီသိမ်းမိ...အပါဝင်...

 https://youtu.be/wCAAMmf24U4?si=w8oGynzOC1vVl3Dg

ရေကြည်မြို့နယ်က စစ်တပ်စခန်း ၃ ခုကို AA သိမ်းပိုက်... လက်နက်မျိုးစုံ ရာနဲ့ချီသိမ်းမိ...အပါဝင် နောက်ဆုံးရ တိုက်ပွဲသတင်းများ...

(၂၈ ဇွန် ၂၀၂၆) - ဧရာဝတီတိုင်း၊ ရေကြည်မြို့နယ်ရှိ ပွိုင့် (၂၈၈) ကုန်း၊ ပွိုင့် (၁၈၈) ကုန်းနဲ့ ပွိုင့် (၁၄၈) ကုန်း စစ်တပ်စခန်း ၃ ခုကို AA - အာရက္ခတပ်တော်က သိမ်းပိုက်လိုက်ပြီး လက်နက်ကြီး လက်နက်ငယ် ရာနဲ့ချီ သိမ်းမိ... - လူထုတွေ ကန့်ကွက်နေပေမယ့် တရုတ်အစိုးရက လိုလားနေတဲ့ ဧရာဝတီမြစ်ဆုံရေကာတာစီမံကိန်းကို ၈ နှစ်အတွင်း အပြီး လုပ်ဆောင်မယ်လို့ စစ်ကောင်စီရဲ့ ကချင်ပြည်နယ်ဝန်ကြီးချုပ်က ပြော... - ရုရှားအစိုးရက တာဝန်ယူ လုပ်ဆောင်ဖို့ပြင်နေတဲ့ ထားဝယ်ရေနက်ဆိပ်ကမ်းစီမံကိန်း လုံခြုံရေးအတွက် (PDF)တွေကို ရှင်းလင်းရေးလုပ်မယ်လို့ စစ်ကောင်စီ ဒုတပ်ချုပ်ကပြော... ... စတဲ့ သတင်းတွေအပါဝင် နောက်ဆုံးရ တိုက်ပွဲသတင်းတွေကို စုစည်းတင်ပြထားပါတယ်။

Read More

“ကျနော်တို့ ရုပ်ရှင်နဲ့တော်လှန်တယ်၊ နိုင်တဲ့နေရာကနေ တော်လှန်ရေးထဲပါဝင်နေပါတယ်”

 https://youtu.be/zY18nFlVsaQ?si=yWcovJze-x_zQMQF

“ကျနော်တို့ ရုပ်ရှင်နဲ့တော်လှန်တယ်၊ နိုင်တဲ့နေရာကနေ တော်လှန်ရေးထဲပါဝင်နေပါတယ်” - ဒါရိုက်တာ သည်ခေတ်နေ (Ray ရုပ်ရှင် ဖန်တီးသူ)

(၂၇ ဇွန် ၂၀၂၆) “ကျနော်တို့ ရုပ်ရှင်သမားသမားတွေက ရုပ်ရှင်နဲ့တော်လှန်တယ်၊ လူတဦးချင်းစီက တော်လှန်ရေးထဲပါဝင်ဖို့လိုအပ်တဲ့အတွက် ကျနော်တို့နိုင်တဲ့နေရာကနေ ပါဝင်နေတာဖြစ်ပါတယ်” လို့ Ray ရုပ်ရှင်ဖန်တီးသူ ဒါရိုက်တာ သည်ခေတ်နေက ပြောပါတယ်။ ဒီနေ့ (ဇွန် ၂၇) ညနေ သြစတေလျနိုင်ငံ ဆစ်ဒနီမြို့မှာ စတင်ပြသဖို့ရှိနေတဲ့ Ray ရုပ်ရှင်နဲ့ပတ်သက်ပြီး ရုပ်ရှင်ကားတွေက တော်လှန်ရေးကို ဘယ်လိုခွန်အားဖြစ်စေသလဲ... စသဖြင့် BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလို ဖြေကြားတာပါ။ အခု ထုတ်လွှင့်မယ့်မေးမြန်းချက်ထဲမှာ... - Ray ရုပ်ရှင် ဘယ်လို ဖန်တီးဖြစ်သလဲ... - ဒေါင်း၊ မင်းမော်ကွန်းနဲ့ ထားထက်ထက်တို့က ဒီရုပ်ရှင်အပေါ် ဘာတွေပြောထားသလဲ... - အနုပညာရှင်တွေရဲ့ ရုပ်ရှင်ဇတ်ကားက တော်လှန်ရေးကို ဘယ်လိုခွန်အားဖြစ်စေသလဲ... ... စတဲ့ အကြောင်းအရာတွေကို ဒေါင်း၊ မင်းမော်ကွန်း၊ ထားထက်ထက်တို့ရဲ့ ပြောဆိုချက်တွေနဲ့အတူ ဆွေးနွေးတင်ပြထားပါတယ်။

Read More

မြိုင်နဲ့ စလင်းတိုက်ပွဲ စစ်တပ်အထိနာ... အပစ်ရပ် NMSP စခန်းကို စစ်တပ်ဝင်စီး...

 https://youtu.be/2AclLOdQNPg?si=UD9Rf4A7FO_vFAsj

မြိုင်နဲ့ စလင်းတိုက်ပွဲ စစ်တပ်အထိနာ... အပစ်ရပ် NMSP စခန်းကို စစ်တပ်ဝင်စီး... နောက်ဆုံးရ တိုက်ပွဲသတင်းများ... (၂၇ ဇွန် ၂၀၂၆)

- မကွေးတိုင်း၊ မြိုင်မြို့ပေါ် မီးသတ်စခန်းမှာ တပ်စွဲထားတဲ့ စစ်ကောင်စီတပ်ကို တော်လှန်ရေးတပ်တွေက တိုက်ခိုက်ရာမှာ စစ်သားတဦးသေပြီး ၂ ဦး ဒဏ်ရာရ... - ယင်းမာပင်ခရိုင် အမှတ်(၆) တပ်ရင်း၊ တပ်ရင်းမှူး ရဲဘော်ပုလဲမောင် ကျဆုံးမှုအတွက် မိသားစုဝင်တွေ၊ ရဲဘော် ရဲဘက်တွေနဲ့ ထပ်တူ ဝမ်းနည်းကြေကွဲကြောင်း PDF စစ်ရုံးချုပ်ပြော... - ရေးမြို့နယ်မြောက်ပိုင်း၊ မော့ကနင်ကျေးရွာအုပ်စုရှိ အပစ်ရပ် မွန်ပြည်သစ်ပါတီ (NMSP) ကင်းစခန်းတခုကို စစ်ကောင်စီတပ်က ဝင်ရောက်သိမ်းယူပြီး မွန် တပ်ဖွဲ့ဝင်အချို့ကို ဖမ်းဆီးသွား... ... စတဲ့ သတင်းတွေအပါဝင် နောက်ဆုံးရ တိုက်ပွဲသတင်းတွေကို စုစည်းတင်ပြထားပါတယ်။

Read More

ကပစ ၁၆ ရဲ့ ကာကင်းစခန်း ၃ ခု AA သိမ်းပိုက်... စစ်ကောင်စီတပ်က DKBA ယူနီဖောင်းဝတ်ပြီး ဘုရာသုံးဆူဖက် တက်လာနေ...

 https://youtu.be/S1OhS7c0tew?si=859HqrHEacgnyZTr

ကပစ ၁၆ ရဲ့ ကာကင်းစခန်း ၃ ခု AA သိမ်းပိုက်... စစ်ကောင်စီတပ်က DKBA ယူနီဖောင်းဝတ်ပြီး ဘုရာသုံးဆူဖက် တက်လာနေဟုဆို... နောက်ဆုံးရ တိုက်ပွဲသတင်းများ....

(၂၆ ဇွန် ၂၀၂၆) - ပန်းတောင်းမြိုနယ်ရှိ ကပစ ၁၆ ရဲ့ ကာကင်းစခန်း ၃ ခုကို အာရက္ခတပ်တော် (AA) က ဇွန် ၂၂ မှာ သိမ်းပိုက်... - ရွှေကူမြို့ဝန်းကျင်မှာ စစ်ကောင်စီတပ်နဲ့ KIA ကချင်လွတ်လပ်ရေးတပ်မတော်ကြား တိုက်ပွဲတွေ ဆက်ပြင်းထန်နေပြီး စစ်ကောင်စီတပ်ကို KIA နဲ့ ဒေသခံ PDF တပ်တွေက ဒရုန်းနဲ့ တိုက်ခိုက်နေ... - ဘုရားသုံးဆူမြို့ကို စစ်တပ်ဆီ ပြန်ပေးဖို့ ဒီမိုကရေစီအကျိုးပြုကရင့်တပ်မတော်-DKBA ထံ တောင်းဆိုနေတဲ့ စစ်ကောင်စီတပ်က DKBA ဘက်တံဆိပ်နဲ့ ယူနီဖောင်းဝတ်ပြီး ဘုရားသုံးဆူဖက်ကို တက်လာနေဟုဆို... ... စတဲ့ သတင်းတွေအပါဝင် နောက်ဆုံးရ တိုက်ပွဲသတင်းတွေကို စုစည်းတင်ပြထားပါတယ်။

Read More

“ကလေး ၆ သန်းကျော် စာသင်ခန်းထဲ ပြန်ရောက်ရေးအတွက် အားလုံးက စဉ်းစားပေးဖို့လိုတယ်”

 https://youtu.be/CxlvX9Tu7Qc?si=fd50wRu9NTIodlzw

“ကလေး ၆ သန်းကျော် စာသင်ခန်းထဲ ပြန်ရောက်ရေးအတွက် အားလုံးက စဉ်းစားပေးဖို့လိုတယ်” - ဒေါက်တာရေချမ်း (ISP- Myanmar)

(၂၆ ဇွန် ၂၀၂၆) “၂၀၂၆ - ၂၇ ပညာသစ်နှစ်အတွက် ကလေး ၆ သန်းကျော် စာသင်ခန်းနဲ့ ဝေးသွားတယ်၊ ဒီကလေးတွေ စာသင်ခန်းထဲပြန်ရောက်ရေးအတွက် သက်ဆိုင်ရာအဖွဲ့တွေ အားလုံး ဝိုင်းစဉ်းစားပေးဖို့ လိုတယ်” လို့ ISP - Myanmar သုတေသနအဖွဲ့က ဒေါက်တာရေချမ်းက ပြောပါတယ်။ ပြီးခဲ့တဲ့ရက်ပိုင်းက ထုတ်ပြန်တဲ့ ISP - Myanmar သုတေသနပြုချက်အရ အခု ပညာသင်နှစ်အတွက် ကျောင်းနေအရွယ် ၆ သန်းကျော် စာသင်ခန်းနဲ့ဝေးသွားတယ်ဆိုတဲ့ တွေ့ရှိချက်နဲ့ပတ်သက်ပြီး BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလိုဖြေကြားတာပါ။ အခု ထုတ်လွှင့်မယ့် မေးမြန်းချက်ထဲမှာ... - ကလေး ၆ သန်းကျော်အထိ စာသင်ခန်းနဲ့ ဝေးသွားတာ ဘာကြောင့်လဲ... - အတန်းဝင်ခွင့်စာမေးပွဲ (placement test) တွေက ပတိပက္ခဒေသကကျောင်းသားတွေ ကျောင်းဆက်တက်နိုင်ရေးကို တစုံတရာ အထောက်အကူပြုနိုင်သလား... - NUG, ERO ထိန်းချုပ်ဒေသ ပညာရေးအခြေနေက ဘယ်လိုရှိသလဲ... - ဟိုဖက်- ဒီဖက် မဟုတ်တဲ့ “ဘက” ကျောင်းတွေဖွင့်မယ်ဆိုရင် နှစ်ဖက်စလုံးက လက်ခံနိုင်သလား... - ကလေး ၆ သန်းကျော် စာသင်ခန်းထဲပြန်လာနိုင်ရေးအတွက် နိုင်ငံသားတဦးချင်းစီက ဘယ်လိုစဉ်းစားပြီး ဝိုင်းကူပေးနိုင်မလဲ... ... စတဲ့ အကြောင်းအရာတွေကို ဆွေးနွေးတင်ပြထားပါတယ်။

Read More

ချောင်းဦးတိုက်ပွဲ သေနတ် ၂၀ နီးပါးရ... မိုးဗြဲတိုက်ပွဲ သေနတ် ၁၀ နီးပါးရ...

 https://youtu.be/77TSNeo2toY?si=tUC2dzpEAPuPWcm3

ချောင်းဦးတိုက်ပွဲ သေနတ် ၂၀ နီးပါးရ... မိုးဗြဲတိုက်ပွဲ သေနတ် ၁၀ နီးပါးရ... နောက်ဆုံးရ တိုက်ပွဲသတင်းများ...

(၂၅ ဇွန် ၂၀၂၆) - ကရင်နီပြည်၊ မိုးဗြဲဒေသမှာ မေလနဲ့ ဇွန်လအတွင်း တိုက်ပွဲကြီး ၂ ကြိမ်ဖြစ်ပြီး စစ်သား ၁၉ ဦးသေ၊ သေနတ် ၆ လက်နဲ့ ခဲယမ်းများစွာသိမ်းမိ... - ချောင်းဦး - ပခုက္ကူ လမ်းပိုင်းပေါ်ရှိ ဆင်မြေကျေးရွာတိုက်ပွဲအတွင်း စစ်သား ၂၃ ဦးသေ၊ ၂ ဦးကို လက်ရဖမ်းမိ၊ သေနတ် ၁၆ လက်သိမ်းမိ... - ပခုက္ကူအခြေစိုက် တပ်မ (၁၀၁) ကနေ ထွက်လာတဲ့ စစ်ကောင်စီစစ်ကြောင်းကို တော်လှန်ရေးတပ်တွေက ကြားဖြတ်တိုက်ရာမှာ စစ်သား ၅၀ ကျော်အထိ သေဆုံးပြီး ခဲယမ်းများစွာသိမ်းမိ... ... စတဲ့ သတင်းတွေအပါဝင် နောက်ဆုံးရ တိုက်ပွဲသတင်းတွေကို စုစည်းတင်ပြထားပါတယ်။

Read More

“NUG ရဲ့ မဟာမိတ် မူ က မေးခွန်းထုတ်စရာဖြစ်လာနေတယ်”

 https://youtu.be/ci8g4Dt3x2c?si=lezltvrVM1vDgMNW

“NUG ရဲ့ မဟာမိတ် မူ က မေးခွန်းထုတ်စရာဖြစ်လာနေတယ်” - ဆလိုင်းယောအောင် (စစ်ရေး - နိုင်ငံရေး ဝေဖန်သုံးသပ်သူ)

(၂၄ ဇွန် ၂၀၂၆) “NUG က သူ့အမိန့်အောက်မှာ မရှိတဲ့ တော်လှန်ရေးအဖွဲ့တွေအပေါ် ဘယ်လိုသဘောထားသလဲ၊ တန်းတူရည်တူဆက်ဆံသလား၊ အင်အားသုံးဆက်ဆံလာနေသလားဆိုတဲ့ မဟာမိတ် မူ ဟာ မေးခွန်းထုတ်စရာဖြစ်လာနေတယ်” လို့ စစ်ရေး - နိုင်ငံရေး ဝေဖန်သုံးသပ်သူ ဆလိုင်းယောအောင်က ပြောပါတယ်။ မြင်းခြံနယ်မှာဖြစ်ပေါ်နေတဲ့ NUG အောက်ခြေတပ်တွေနဲ့ PLA တပ်တွေကြား ပွတ်တိုက်မှုတွေနဲ့ပတ်သက်ပြီး ဘယ်လိုကိုင်တွယ်ဖြေရှင်းသင့်သလဲ... စသဖြင့် BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလိုဖြေကြားတာပါ။ အခု ထုတ်လွှင့်မယ့် မေးမြန်းချက်ထဲမှာ... - မြင်းခြံနယ်ရှိ NUG အောက်ခြေတပ်တွေနဲ့ PLA တပ်တွေကြား ဘာတွေ အဆင်မပြေဖြစ်နေတာလဲ... - ရခိုင်၊ ချင်းနဲ့ ကချင်ဖက်ကို စစ်တပ်က ထိုးစစ်ဆင်နေစဉ်မှာ ဘာကြောင့် အချိန်ကိုက် ပြသာနာပေါ်လာရတာလဲ... - တော်လှန်ရေးအဖွဲ့တွေအတွက် အုပ်ချုပ်ရေးနယ်မြေရရှိရေးက နေပြည်တော်သိမ်းပိုက်ရေးထက် ပိုလက်တွေ့ကျနေသလား... - စစ်ကောင်စီကို တော်လှန်နေတဲ့ အဖွဲ့တွေအချင်းချင်းကြားက ပွတ်တိုက်မှုကို မိတ်ဖက်ပတိပက္ခအဖြစ် သဘောထားပြီး အင်အားမသုံးပဲ ဆွေးနွေးအဖြေရှာရေးအတွက် ဘယ်လိုဆောင်ရွက်ကြမလဲ... ... စတဲ့ အကြောင်းအရာတွေအပါဝင် အညာဒေက တော်လှန်ရေးတပ်တွေကြား ပွတ်တိုက်မှုများလာနေတဲ့အခြေနေကို ဆွေးနွေးတင်ပြထားပါတယ်။

Read More

Mi -17 ရဟတ်ယာဉ်ကို PDF တွေက ဒရုန်းနဲ့ တိုက်ခိုက်ဖောက်ခွဲ... အပါဝင် နောက်ဆုံးရ တိုက်ပွဲသတင်းများ...

 https://youtu.be/Uo8UHOeknR4?si=MmyGe-a2DygdBrlV

Mi -17 ရဟတ်ယာဉ်ကို PDF တွေက ဒရုန်းနဲ့ တိုက်ခိုက်ဖောက်ခွဲ... အပါဝင် နောက်ဆုံးရ တိုက်ပွဲသတင်းများ...

(၂၄ ဇွန် ၂၀၂၆) - မန္တလေးတိုင်း၊ နွားထိုးကြီးမြို့နယ်အတွင်းရှိ စစ်ကောင်စီတပ်စခန်းတွေကို တော်လှန်ရေးတပ်တွေက ဝင်တိုက်ရာမှာ စစ်တပ်ဖက်က ထိခိုက်သေဆုံးမှုရှိပြီး ဒရုန်း ၁ စင်းနဲ့ ခဲယမ်းတချို့ သိမ်းမိ... - ရွှေကူမြို့မှာ စစ်ကားနဲ့ သုံးဘီးကားတိုက်မိပြီး သုံးဘီးကားစီးသူ အမျိုးသား ၃ ဦးကို စစ်တပ်က ပစ်ခတ်ဖမ်းဆီးသွား... - မြိုင်မြို့နယ်အတွင်းရောက်လာတဲ့ စစ်ကောင်စီရဲ့ Mi -17 ရဟတ်ယာဉ်တစီးကို တော်လှန်ရေးတပ်တွေက FPV ဒရုန်းနဲ့ တိုက်ခိုက်ဖျက်ဆီးလိုက်တဲ့ ရုပ်-သံ မှတ်တခုကို မကွေးပြည်သူ့ကာကွယ်ရေးတပ်မတော်နဲ့ ပကဖ အသံတို့က သတင်းထုတ်ပြန်... ... စတဲ့ သတင်းတွေအပါဝင် နောက်ဆုံးရ တိုက်ပွဲသတင်းတွေကို စုစည်းတင်ပြထားပါတယ်။

Read More

“ငြိမ်းချမ်းရေးက လူကြားကောင်းအောင်ပြောနေတာ၊ လက်တွေ့မှာက ရက် ၁၀၀ လုံး ဗုံးကြဲနေတာ”

 https://youtu.be/DmR77sIE9vw?si=HS2jrAuBllc-BzzU

“ငြိမ်းချမ်းရေးက လူကြားကောင်းအောင်ပြောနေတာ၊ လက်တွေ့မှာက ရက် ၁၀၀ လုံး ဗုံးကြဲနေတာ” - ဒေါ်ဇင်မာအောင် (နိုင်ငံခြားရေးဝန်ကြီး - NUG)

(၂၃ ဇွန် ၂၀၂၆) “ငြိမ်းချမ်းရေးက လူကြားကောင်းအောင်ပြောနေတာ၊ လက်တွေ့မှာက ရက် ၁၀၀ လုံး ဗုံးကြဲနေတာဖြစ်တဲ့အတွက် စစ်အုပ်စုရဲ့ စကားလုံးတွေအပေါ် ယုံကြည်စရာမရှိဘူး” လို့ အမျိုးသားညီညွတ်ရေးအစိုရ NUG နိုင်ငံခြားရေးဝန်ကြီး ဒေါ်ဇင်မာအောင် က ပြောပါတယ်။ တရုတ်ရဲ့လမ်းပြမြေပုံအတိုင်း သွားနေတယ်လို့ ဝေဖန်သူကတွေက ထောက်ပြနေတဲ့ မင်းအောင်လိုင်၊ တရုတ်နိုင်ငံကပြန်လာပြီးတဲ့နောက် လမ်းပြမြေပုံ ဒုတိယ အဆင့်ဖြစ်တဲ့ အပစ်ရပ်ဆွေးနွေးပွဲတွေအတွက် တော်လှန်ရေးအင်အားစုတွေကို ဖိတ်ခေါ်လာနိုင်သလား... စသဖြင့် BNN သတင်းဌာနက ဦးထက်အောင်ကျော် မေးမြန်းစဉ် အခုလို ဖြေကြားခဲ့တာဖြစ်ပါတယ်။ အခု ထုတ်လွှင့်မယ့် မေးမြန်းချက်ထဲမှာ... - နော်ဝေနိုင်ငံ ဖရိုလန်းမြို့ရှိ ဒေါ်အောင်ဆန်းစုကြည်ရဲ့ ငြိမ်းချမ်းရေးပန်းခြံမှာ ကျင်းပခဲ့တဲ့ ဒေါ်အောင်ဆန်းစုရဲ့ ၈၁ နှစ်ပြည့် မွေးနေ့အကြောင်း... - မင်းအောင်လှိုင်ရဲ့ အိမ်နီးချင်းနိုင်ငံတွေဆီခရီးစဉ်နဲ့ SCEF ရဲ့ နိုင်ငံတကာ စည်းရုံးရေးခရီး ဘယ်ဖက်က ပိုအားကောင်းနေသလဲ... - တရုတ်လမ်းပြမြေပုံအတိုင်းသွားနေတဲ့ မင်းအောင်လှိုင်က ငြိမ်းချမ်းရေးဆွေးနွေးပွဲအတွက် ဖိတ်ခေါ်လာရင် SCEF က ဘယ်လိုတုန့်ပြန်မှာလဲ... - နွေဦးတော်လှန်ရေး ၅ နှစ်ကြာပြီးတဲ့အခါ အရှိန်နည်းနည်းကျသွားသလား၊ စိန်ခေါ်မှု အသစ်တွေက ဘာတွေလဲ... - ပြည်ပရောက်မြန်မာတွေရဲ့ ထောက်ပို့အင်အားက နွေဦးတော်လှန်ရေးအတွက် ဘယ်လောက်အရေးကြီးသလဲ... ... စတဲ့ အကြောင်းအရာတွေအပါဝင် လက်ရှိ သံတမန်ရေး- နိုင်ငံရေး- စစ်ရေး အခြေနေတွေကို ဆွေးနွေးတင်ပြထားပါတယ်။

Read More

KNU, AA စခန်းသိမ်းတိုက်ပွဲဆင်နွဲ... အိန်ဒိယနဲ့ ထိုင်းနယ်စပ်မှာ တိုက်ပွဲဖြစ်...

 https://youtu.be/_pRo2jPpW4w?si=wgUswyuKvL0NbmfN

KNU, AA စခန်းသိမ်းတိုက်ပွဲဆင်နွဲ... အိန်ဒိယနဲ့ ထိုင်းနယ်စပ်မှာ တိုက်ပွဲဖြစ်... နောက်ဆုံးရ တိုက်ပွဲသတင်းများ... (၂၃ ဇွန် ၂၀၂၆)

- ပဲခူးတိုင်း၊ ညောင်လေးပင်ခရိုင် (KNU အခေါ် ခလယ်လွီထူခရိုင်) မူးမြို့နယ်၊ ဒိုးဒိုကျေးရွာမှာ တပ်စွဲထားတဲ့ ခမလ ၄၃၉ စခန်းကို တော်လှန်ရေးတပ်တွေက ဝင်ရောက်တိုက်ခိုက်ရာမှာ စစ်တပ်ဖက်က သေဆုံးမှုရှိပြီး လက်နက် ၃ လက်နဲ့ ခဲယမ်းတွေ သိမ်းမိ... - ရေကြည်မြို့နယ်ရှိ စစ်ကောင်စီရဲ့ "၁၈၈ တောင်ကုန်းစခန်း” ကို အာရက္ခတပ်တော် (AA) က သိမ်းပိုက်... - ချောက်မြို့နယ်၊ လမ်းပိုင်းတနေရာမှာ ဆက်ကြေးကောက်၊ ပေါ်တာဆွဲဖို့ပြင်နေတဲ့ ဂွေးပင် ရဲစခန်းမှူးပါအဖွဲ့ကို တော်လှန်ရေးတပ်တွေက ကြားဖြတ်တိုက်ရာမှာ စခန်းမှုးသေဆုံးပြီး နယ်ထိန်းက အပြင်းအထန် ဒဏ်ရာရ... - ထိုင်း-မြန်မာနယ်စပ် မြဝတီမြို့နယ်အတွင်းရှိ မင်းလက်ပံနဲ့ ဖလူးဖက်မှာ တိုက်ပွဲတွေပြင်းထန်ပြီး လက်နက်ကြီးတွေ ထိုင်းနယ်မြေထဲ ကျရောက်လာတဲ့အတွက် သောင်းရင်းမြစ်တဖက်ကမ်းရှိ Ban Mae Kon Ken ရွာက ထိုင်းစာသင်ကျောင်းတကျောင်း ယာယီ ပိတ်ထားလိုက်ရ... ... စတဲ့ သတင်းတွေအပါဝင် နောက်ဆုံးရ တိုက်ပွဲသတင်းတွေကို စုစည်းတင်ပြထားပါတယ်။

Read More

ဆိပ်ဖြူတိုက်ပွဲ သေနတ် ၈ လက်သိမ်းမိ... ကြောင်လျှာတောအနီးက စစ်တပ်စခန်း ၃ ခု AA ထပ်သိမ်း...

 https://youtu.be/f4SxIZcYz08?si=gde3us6503fLdQgE

ဆိပ်ဖြူတိုက်ပွဲ သေနတ် ၈ လက်သိမ်းမိ... ကြောင်လျှာတောအနီးက စစ်တပ်စခန်း ၃ ခု AA ထပ်သိမ်း... နောက်ဆုံးရ တိုက်ပွဲသတင်းများ...

(၁၈ ဇွန် ၂၀၂၆) - မကွေးတိုင်း၊ ဆိပ်ဖြူမြို့ကနေ ထွက်လာတဲ့ စစ်တပ်ကားကို တော်လှန်ရေး တပ်တွေက ကြားဖြတ်တိုက်ရာမှာ ဗိုလ်တဦး အပါအဝင် ၁၀ ဦးသေ၊ သေနတ် ၈ လက် သိမ်းမိ... - သာပေါင်းမြို့နယ်နဲ့ ရေကြည်မြို့နယ် အစပ်ဒေသကရှိ ကြောင်လျှာတောအနီးက စစ်တပ် ကာကင်းစခန်း ၃ ခုကို အာရက္ခတပ်တော် (AA) က သိမ်းပိုက်... - သိုင်းငင်းရွာမှာ တာဝန်ကျနေတဲ့ တပ်မ ၇၇ က တပ်ကြပ်ကြီးနဲ့ ဒုတပ်ကြပ် အပါအဝင် စစ်သား ၄ ဦး လက်နက်နဲ့အတူ CDF CDM Siyin ထံ ဘက်ပြောင်းခိုလှုံ... ... စတဲ့ သတင်းတွေအပါဝင် နောက်ဆုံးရ တိုက်ပွဲသတင်းတွေကို စုစည်းတင်ပြထားပါတယ်။

Read More

တောင်တွင်းကြီးတိုက်ပွဲ စစ်ဗိုလ် ၃ ဦးသေ... ဂန့်ဂေါမြို့နယ်တိုက်ပွဲ လက်နက် ၅ လက်ရ...

 https://youtu.be/Dn04_myz5VM?si=cXy69XWwgPDDNssD

တောင်တွင်းကြီးတိုက်ပွဲ စစ်ဗိုလ် ၃ ဦးသေ... ဂန့်ဂေါမြို့နယ်တိုက်ပွဲ လက်နက် ၅ လက်ရ... နောက်ဆုံးရ တိုက်ပွဲသတင်းများ...

(၁၇ ဇွန် ၂၀၂၆) - မကွေးတိုင်း၊ တောင်တွင်းကြီးမြို့နယ်၊ ဆတ်သွားကျေးရွာဘက်ကနေ ရန်ကုန်-ပြည်လမ်းအတိုင်းမောင်းလာတဲ့ စစ်တပ်အရာရှိတွေပါတဲ့ ကားကို တော်လှန်ရေးတပ်တွေက တိုက်ခိုက်ရာမှာ ဗိုလ်အဆင့် ၃ ဦးသေ၊ သေနတ် ၃ လက် သိမ်းမိ... - ဂန့်ဂေါမြို့နယ်၊ ရှောက်ပင်ကျေးရွာရှိ စစ်ကောင်စီတပ်စခန်းကို တော်လှန်ရေးတပ်တွေက ဝင်တိုက်ရာမှာ စစ်သား ၃ ဦးသေ၊ ၆၀ မမ အပါဝင် သေနတ် ၅ လက် သိမ်းမိ... - ဗဟန်းမြို့နယ်ရှိ အမျိုးသားဒီမိုကရေစီအဖွဲ့ချုပ် (NLD) ပါတီရုံးချုပ်ရဲ့ ဆိုင်းဘုတ်နဲ့ အလံတွေကို ဖြုတ်ချတဲ့အပြင် တက္ကသိုလ်ရိပ်သာလမ်းရှိ ဒေါ်အောင်ဆန်းစုကြည်ရဲ့ နေအိမ် ခြံဝက ဆိုင်းဘုတ်နဲ့ ဗိုလ်ချုပ်ပုံတွေကိုလည်း စစ်ကောင်စီက ဖြုတ်ချသွားဟု သတင်းတွေပြန့်နေ... ... စတဲ့ သတင်းတွေအပါဝင် နောက်ဆုံးရ တိုက်ပွဲသတင်းတွေကို စုစည်းတင်ပြထားပါတယ်။

Read More

“NCA အတွေ့အကြုံရှိပြီးသား ERO တွေက တရုတ်ဖိအားကြောင့်ဖြစ်လာနိုင်တဲ့ ဆွေးနွေးပွဲကို စိတ်ဝင်စားပါ့မလား”

 https://youtu.be/5x25fu0IjQo?si=Pavcz391eQTQqoHr

“NCA အတွေ့အကြုံရှိပြီးသား ERO တွေက တရုတ်ဖိအားကြောင့်ဖြစ်လာနိုင်တဲ့ ဆွေးနွေးပွဲကို စိတ်ဝင်စားပါ့မလား” - ဦးဇော်မိုးကျော် (နိုင်ငံရေး လေ့လာသုံးသပ်သူ)

(၁၆ ဇွန် ၂၀၂၆) “ဦးသိန်းစိန်လက်ထက်နဲ့ ဒေါ်အောင်ဆန်းစုကြည်အစိုးရလက်ထက်တွေမှာ NCA အတွေ့အကြုံရှိပြီးသား ERO တွေက တရုတ်ဖိအားကြောင့်ဖြစ်လာနိုင်တဲ့ ဆွေးနွေးပွဲကို စိတ်ဝင်စားပါ့မလား၊ တရုတ်ကတွန်းပို့တဲ့လမ်းအတိုင်း အားလုံးက လိုက်ပါနိုင်ပါ့မလား” လို့ နိုင်ငံရေး လေ့လာသုံးသပ်သူ ဦးဇော်မိုးကျော်က မေးခွန်းထုတ်ပါတယ်။ မင်းအောင်လှိုင် ပီကင်းကပြန်လာတဲ့အခါ တရုတ်ဇတ်ညွှန်းဒုတိယပိုင်းအရ နိုင်ငံရေးဆွေးနွေးပွဲတွေလုပ်လာမယ်ဆိုရင် ERO တွေ၊ PDF တွေဖက်က လက်ခံနိုင်ခြေရှိရဲ့လား၊ လက်မခံနိုင်ရင် ဘာတွေပြင်ထားဖို့လိုအပ်မလဲ... စသဖြင့် BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလိုဖြေကြားတာပါ။ အခု ထုတ်လွှင့်မယ့် မေးမြန်းချက် ဒုတိယ ပိုင်းမှာ... - တရုတ်ကို ဖေဝန်သူအားလုံးကို တရုတ်အစိုးရက စောင့်ကြည့်နေပြီလား... - ဗဟုဝါဒနဲ့ မတူကွဲပြားတဲ့အမြင်တွေကို လက်ခံနိုင်ဖို့ မြန်မာ့လူ့အဖွဲ့အစည်းမှာ ဘာတွေ အားနည်းနေသလဲ... - မင်းအောင်လှိုင် ပီကင်းကပြန်လာရင် တရုတ်ဇတ်ညွှန်း ဒုတိယပိုင်းကို လက်တွေ အကောင်ထည်ဖေါ်မှာလား... - NCA အတွေ့အကြုံရှိပြီးသား ERO တွေက ဆွေးနွေးပွဲ ဓာတ်ပြားဟောင်းကို ပြန်နားထောင်ချင်ပါ့မလား... ... စတဲ့ အကြောင်းအရာတွေကို ဆွေးနွေးတင်ပြထားပါတယ်

Read More

“သူ့ကို ဝေဖန်ရင် ဘယ်သူမဆို ဖမ်းဆီးခံရနိုင်တယ်ဆိုတာကို ကိုမင်းဇင်ရဲ့ ဖြစ်စဉ်မှာ တရုတ်က ကိုယ်ထိလက်ရောက် ပြသလိုက်တာဖြစ်တယ်”

 https://youtu.be/vSJrf06JGCs?si=q3IwFYinh_nTx_p7

“သူ့ကို ဝေဖန်ရင် ဘယ်သူမဆို ဖမ်းဆီးခံရနိုင်တယ်ဆိုတာကို ကိုမင်းဇင်ရဲ့ ဖြစ်စဉ်မှာ တရုတ်က ကိုယ်ထိလက်ရောက် ပြသလိုက်တာဖြစ်တယ်” - ဦးဇော်မိုးကျော် (နိုင်ငံရေး လေ့လာသုံးသပ်သူ)

(၁၅ ဇွန် ၂၀၂၆) “သူ့ကိုဝေဖန်ရင် ဘယ်သူမဆို ဖမ်းဆီးခံရနိုင်တယ်ဆိုတာကို ကိုမင်းဇင်ရဲ့ ဖြစ်စဉ်မှာ တရုတ်က ကိုယ်ထိလက်ရောက် ပြသလိုက်တာဖြစ်တယ်၊ တရုတ်က အိမ်နီးချင်းကောင်း မပီသတာ၊ မြန်မာ့နိုင်ငံရေး အပေါ် ဝင်ရောက်စွက်ဖက်နေတယ်ဆိုတာ ISP- Myanmar ရဲ့ သုတေသနပြုချက်တွေမှာ ပေါ်လွင်နေတယ်၊ ဒါကို အညှိုးထားတာဖြစ်တယ်” လို့ နိုင်ငံရေး လေ့လာသုံးသပ်သူ ဦးဇော်မိုးကျော်က ပြောပါတယ်။ ဒီနေ့ စတင်တဲ့ အာဏာသိမ်းသမ္မတ မင်းအောင်လှိုင်ရဲ့ တရုတ်နိုင်ငံခရီးစဉ်၊ သူ့ ခရီးစဉ်မစခင် ရက်ပိုင်းအလိုမှာ သုတေသနပညာရှင် ဦးမင်းဇင်ကို တရုတ်က ဖမ်းဆီးလိုက်တာ... စတဲ့ အခြေအနေတွေနဲ့ပတ်သက်ပြီး BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလိုဖြေကြားတာပါ။ အခု ထုတ်လွှင့်မယ့် မေးမြန်းချက် ပထမ ပိုင်းမှာ... - မင်းအောင်လှိုင်ရဲ့ တရုတ်ခရီးစဉ်က ဇတ်ညွှန်းရေးဆရာဆီ လူကြမ်းမင်းသားက အခစား ပြန်ဝင်ရတာမျီုးလား... - သုတေသနပညာရှင် ဦးမင်းဇင်ကို တရုတ်က ဘာကြောင့်ဖမ်းတာလဲ... - မြန်မာနိုင်ငံအပေါ် တရုတ်လွှမ်းမိုးမှုက ဘယ်လောက်တောင် ကြီးမားနေသလဲ... ... စတဲ့ အကြောင်းအရာတွေကို ဆွေးနွေးတင်ပြထားပါတယ်။ (ကိုမင်းဇင် ဖမ်းဆီးခံရမှုအပေါ် အမြင်တွေကွဲနေတာ ဘာကြောင့်လဲ၊ မင်းအောင်လှိုင်ရဲ့ တရုတ်ခရီးစဉ်ကနေ ဒုတိယ ဇတ်ညွန်း အသစ် ပြန်ပါလာနိုင်သလား... ဆွေးနွေးချက်ပါတဲ့ ဒုတိယပိုင်းကိုတော့ မနက်ဖန် ထုတ်လွှင့်ပေးဖို့ စီစဉ်ထားပါတယ်)

Read More

“တရုတ်ကပြောထားတဲ့ အချက် ၃ ချက်အတိုင်း မြန်မာစစ်တပ်က မသွေမတိမ်း လိုက်နာဆောင်ရွက်နေတာ တွေ့ရတယ်”

 https://youtu.be/0vtUFrE5bjs?si=PkeiPvXBYwiU2UnN

“တရုတ်ကပြောထားတဲ့ အချက် ၃ ချက်အတိုင်း မြန်မာစစ်တပ်က မသွေမတိမ်း လိုက်နာဆောင်ရွက်နေတာ တွေ့ရတယ်” - ဦးဝင်းမင်း (အာဆီယံအရေး လေ့လာသုံးသပ်သူ)

(၁၄ ဇွန် ၂၀၂၆)

“တရုတ်ကပြောထားတဲ့ အချက် ၃ ချက်အတိုင်း မြန်မာစစ်တပ်က မသွေမတိမ်း လိုက်နာဆောင်ရွက်နေတာ တွေ့ရတယ်၊ SCEF ရဲ့ သံတမန်ရေးလှုပ်ရှားမှုကို အရှိန်မြှင့်ပြီး တရုတ်အပါဝင် နိုင်ငံတကာကို စည်းရုံးဖို့လိုပါတယ်” လို့ အာဆီယံအရေး လေ့လာသုံးသပ်သူ ဦးဝင်းမင်းက ပြောပါတယ်။ 

 အာဏာသိမ်းသမ္မတ မင်းအောင်လှိုင် မနက်ဖန် (ဇွန်လ ၁၅ ရက်) တရုတ်နိုင်ငံဆီ သွားရောက်လည်ပတ်မယ့်ခရီးစဉ်အပါဝင် အိမ်နီးချင်းနိုင်ငံတွေက စစ်ကောင်စီဖက် ပိုယိမ်းလာနေတဲ့အပေါ် တော်လှန်ရေးအင်အားစုတွေ ဘယ်လို ကောင်တာ လုပ်သင့်သလဲ... စသဖြင့် BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလိုဖြေကြားတာပါ။ 

 အခု ထုတ်လွှင့်မယ့် မေးမြန်းချက် ဒုတိယ ပိုင်းမှာ... 

 - မြန်မာ့အရေး ဦးစီးဆောင်ရွက်ချင်တဲ့ အာဆီယံ ၃ နိုင်ငံကို လုပ်ပိုင်ခွင့်ပေးလိုက်ရင် ဘာတွေထူးခြားလာနိုင်သလဲ... 

 - မင်းအောင်လှိုင် လိုက်နာဆောင်ရွက်ရမယ်လို့ တရုတ်အစိုးရက အမိန့်ပေးထားတဲ့ အချက် ၃ ချက်က ဘာတွေလဲ... 

 - SCEF ရဲ့ သံတမန်ရေးလုပ်ငန်းစဉ်တွေကို ဘယ်လိုအရှိန်မြှင့်နိုင်မလဲ... ... စတဲ့ အကြောင်းအရာတွေကို ဆွေးနွေးတင်ပြထားပါတယ်။

Read More

“နေပြည်တော်ကို အသိအမှတ်ပြုတာမျိုးမဟုတ်ပဲနဲ့ မြေပြင်မှာ အမှန်တကယ် ဘာတွေဖြစ်နေသလဲဆိုတာကို လေ့လာတာ”

 https://youtu.be/_fLjTr3Vcp0?si=oBWH08wuazgkQcPX

“နေပြည်တော်ကို အသိအမှတ်ပြုတာမျိုးမဟုတ်ပဲနဲ့ မြေပြင်မှာ အမှန်တကယ် ဘာတွေဖြစ်နေသလဲဆိုတာကို လေ့လာတာ” - ဦးဝင်းမင်း (အာဆီယံအရေး လေ့လာသုံးသပ်သူ)

(၁၃ ဇွန် ၂၀၂၆) “အာဆီယံဝန်ကြီးတွေရဲ့ ခရီးစဉ်က နေပြည်တော်ကို အသိအမှတ်ပြုတာမျိုးမဟုတ်ပဲနဲ့ မြေပြင်မှာ အမှန်တကယ် ဘာတွေဖြစ်နေသလဲ၊ အပြောင်းအလဲတွေက ဘယ်ကို ဦးတည်နေသလဲဆိုတာကို လာလေ့လာကြတဲ့သဘောဖြစ်တယ်” လို့ အာဆီယံအရေး လေ့လာသုံးသပ်သူ ဦးဝင်းမင်းက ပြောပါတယ်။ မလေးရှား၊ အင်ဒိုနီးရှား၊ လာအို နိုင်ငံခြားရေးဝန်ကြီးတွေ နေပြည်တော်ဆီ ဆက်တိုက်ရောက်လာကြတာ ဘာကြောင့်လဲ၊ စစ်ကောင်စီကို အာဆီယံက အသိမှတ်ပြုချင်တဲ့ သဘောလား... စသဖြင့် BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလိုဖြေကြားတာပါ။ အခု ထုတ်လွှင့်မယ့် မေးမြန်းချက် ပထမ ပိုင်းမှာ... - အာဆီယံ နိုင်ငံခြားရေးဝန်ကြီးတွေ နေပြည်တော်ကို ဆက်တိုက်လာနေတာ ဘာကြောင့်လဲ... - အာဆီယံ မူ နဲ့ အာဆီယံ အဖွဲ့ဝင် တနိုင်ငံချင်းရဲ့ မူ က မတူကြဘူးလား... - လွန်ခဲတဲ့ ၅ နှစ်တာအတွင်း မြန်မာ့အရေးအတွက် အာဆီယံက ဘာတွေဆောင်ရွက်နေခဲ့သလဲ... - အာဆီယံ ဝန်ကြီးတွေ တဖက်မှာ နေပြည်တော်ဆီ သွားလည်နေသလို အခြားတဖက်မှာလည်း တော်လှန်အင်အားစုတွေနဲ့ ဆွေးနွေးနေတာမျိုးရှိလား... ... စတဲ့ အကြောင်းအရာတွေအပါဝင် အာဆီယံအဖွဲ့က မြန်မာအတွက် ဆောင်ရွက်ပေးနေမှု အသေးစိပ်ကိစ္စတွေကို ဆွေးနွေးတင်ပြထားပါတယ်။ (ဖိလစ်ပိုင်ကပြောတဲ့ ERO တွေနဲ့တွေ့ဆုံရေး၊ မင်းအောင်လှိုင်ရဲ့ အိန္ဒိယ-တရုတ် ခရီးစဉ်တွေရဲ့ ရိုက်ခတ်မှုတွေအကြောင်းပါဝင်တဲ့ ဒုတိယ ပိုင်းကိုတော့ မနက်ဖန် ထုတ်လွှင့်ဖို့ စီစဉ်ထားပါတယ်)

Read More

စစ်တွေ ဒကစ အနီးအထိ AA ထိုးစစ် ရောက်လာ... ကျားဖြန့်ဂိုဏ်းတွေထံက ဒေါ်လာ သန်း ၃၀ ခန့် FBI သိမ်းဆည်း...

 https://youtu.be/HDJBf3Y18Fo?si=DLKWYxPMEnhob_ad

စစ်တွေ ဒကစ အနီးအထိ AA ထိုးစစ် ရောက်လာ... ကျားဖြန့်ဂိုဏ်းတွေထံက ဒေါ်လာ သန်း ၃၀ ခန့် FBI သိမ်းဆည်း... နောက်ဆုံးရ တိုက်ပွဲသတင်းများ...

(၁၂ ဇွန် ၂၀၂၆) - စစ်တွေကို လုံခြုံရေးယူပေးထားတဲ့ ဒေသကွပ်ကွဲမှုစစ်ဌနချုပ် (ဒကစ စစ်တွေ) နဲ့ တမိုင်ခန့်အကွာ နာရီကန်ကျေးရွာနားအထိ AA အာရက္ခတပ်တော်ရဲ့ ထိုးစစ်ရောက်လာ... - အိန္ဒိယ-မြန်မာနယ်စပ် တမူး-ကလေး အာရှလမ်းပေါ်မှာတော့ တိုက်ပွဲတွေဆက်ဖြစ်နေပြီး ထိုင်း-မြန်မာ-အိန္ဒိယ အာရှလမ်းကို ပြန်ဖွင့်ဖို့ စကမ က ကြိုးစားနေ... - ထိုင်း-မြန်မာနယ်စပ်၊ DKBA ထိန်းချုပ်ဒေသ ကျောက်ခက်ရွာရှိ တိုင်ချန်း ငွေလိမ်ဂိုဏ်း (ကျားဖြန့်)နဲ့ ဆက်စပ်နေတဲ့ ရာဇဝတ်ဂိုဏ်းတွေထံကနေ အမေရိကန်ဒေါ်လာ သန်း ၃၀ ခန့်တန်ဖိုးရှိ ခရစ်တိုငွေကြေးတွေကို သိမ်းဆည်းရမိခဲ့တယ်လို့ FBI ဒုတိယညွှန်ကြားရေးမှူးက ပြော... ... စတဲ့သတင်းတွေအပါဝင် နောက်ဆုံးရ တိုက်ပွဲသတင်းတွေကို စုစည်းတင်ပြထားပါတယ်။

Read More

မြစ်ခြေရဲစခန်း PDF သိမ်းပိုက် လက်နက်များစွာရ... တမူးဖက်မှာ တိုက်ပွဲဆက်ပြင်းထန်...

 https://youtu.be/3hROi6PKVIs?si=0Yduyq8d0m7OxBAt

မြစ်ခြေရဲစခန်း PDF သိမ်းပိုက် လက်နက်များစွာရ... တမူးဖက်မှာ တိုက်ပွဲဆက်ပြင်းထန်... နောက်ဆုံးရ တိုက်ပွဲသတင်းများ...

(၁၁ ဇွန် ၂၀၂၆) - မကွေးတိုင်း၊ ပခုက္ကူမြိုနယ် (ပုဂံမြို့တဖက်ကမ်းရှိ) မြစ်ခြေရဲစခန်းကို တော်လှန်ရေးတပ်တွေက တိုက်ခိုက်သိမ်းပိုက်ရာမှာ စစ်သား ၂ ဦးသေ၊ ၁၄ ဦးလက်ရဖမ်းမိ၊ လက်နက်မျိုးစု ၂၂ လက်သိမ်းမိ... - ပေါက်မြိုန့ယ် ရေပြာရဲစခန်းနဲ့ ကုက္ကိုစု ပျူစောထီးရွာ စခန်းသိမ်းပွဲတွေကနေ လက်နက်မျိုးစုံ ၆၀ နီးပါးသိမ်းမိပြီး သုံ့ပန်း ၅၀ ကျော် ဖမ်းဆီးမိ... - အိန္ဒိယ-မြန်မာနယ်စပ်၊ ကလေး - တမူး လမ်းမပေါ် တိုက်ပွဲ ဆက်ပြင်းထန်နေ... ... စတဲ့ သတင်းတွေအပါဝင် နောက်ဆုံးရ တိုက်ပွဲသတင်းတွေကို စုစည်းတင်ပြထားပါတယ်။

Read More

ချောင်းဦးတိုက်ပွဲ စစ်တပ် အထိနာ... ကလေး- တမူး အာရှလမ်းမကြီးမှာ တိုက်ပွဲပြင်းထန်...

 https://youtu.be/82NL8qlBx2s?si=WK1IzF73yI57g2Xe

ချောင်းဦးတိုက်ပွဲ စစ်တပ် အထိနာ... ကလေး- တမူး အာရှလမ်းမကြီးမှာ တိုက်ပွဲပြင်းထန်...နောက်ဆုံးရ တိုက်ပွဲသတင်းများ.... (၁၀ ဇွန် ၂၀၂၆)

- စစ်ကိုင်းတိုင်း၊ မုံရွာကနေ ချောင်းဦးမြို့ဖက် ထွက်လာတဲ့ စစ်ယာဉ်တန်းကို တော်လှန်ရေးတပ်တွေက ကြားဖြတ်တိုက်ရာမှာ စစ်သား ၆ ဦးသေပြီး သေနတ် ၄ လက်သိမ်းမိ... - ရွှေကူမြို့အနီးမှာ တိုက်ပွဲပြင်းထန်နေတဲ့အတွက် ရွှေကူ-ငါးအိုးလမ်းပိုင်းကို ရက်အကန့်အသတ်မရှိပိတ်လိုက်တဲ့အပြင် ရွှေကူမြို့က ပြည်သူတွေ မြို့ကနေ ထွက်ခွာကြဖို့ KIA တပ်ရင်း (၁၂) က အသိပေး... - စစ်ကိုင်းတိုင်း၊ တမူးမြို့နယ်၊ မြန်မာ-အိန္ဒိယနယ်စပ် ကလေး-တမူး အာရှလမ်းမကြီး တလျှောက်မှာ စစ်ကောင်စီတပ်နဲ့ တော်လှန်ရေးတပ်တွေကြား တိုက်ပွဲပြင်းထန်နေတဲ့အတွက် ဒေသခံတွေ စစ်ဘေးရှောင်အဖြစ် ထွက်ပြေးနေရ... - တိုက်ပွဲတွေရပ်ပြီး အားလုံးပါဝင်တဲ့ ဆွေးနွေးပွဲတွေလုပ်ဖို့၊ အာဆီယံ မူ ၅ ချက်အတိုင်း လိုက်နာဆောင်ရွက်ဖို့ အာဏာသိမ်းသမ္မတ မင်းအောင်လှိုင်ကို အင်ဒိုနီးရှားနိုင်ငံခြားရေးဝန်ကြီး တိုက်တွန်း... ... စတဲ့ သတင်တွေအပါဝင် နောက်ဆုံးရ တိုက်ပွဲသတင်းတွေကို စုစည်းတင်ပြထားပါတယ်။

Read More

သင့်ရဲ့ ဆန့်ကျင်ဖက်ကို အနာဂတ် မိတ်ဖက်လို ဆက်ဆံပါ။ ထာဝရ ရန်သူကြီးလို မမြင်ပါနဲ့

 ထာဝရ ငြိမ်းချမ်းရေးအတွက် ရားမို့စ်ဟော်တာရဲ့ အကြံပြုချက်

[Kavi Chingkittavorn. (June 9, 2026). Ramos-Horta's guide to lasting peace. Bangkok Post.]

==============

ပြီးခဲ့တဲ့ တပတ်က အင်ဒိုနီးရှားနိုင်ငံမှာ အရှေ့တီမော သမ္မတ ဟိုဆေးရားမို့စ် ဟော်တာ (Jose Ramos-Horta) ရောက် လာတယ်။ ဇွန် ၂ မှာ အင်ဒိုနီးရှားနိုင်ငံ အစိုးရနဲ့ အာဆီယံနဲ့ အရှေ့အာရှဆိုင်ရာ စီးပွားရေးသုတေသန အင်စတိကျု ကျောင်း School of Government of the Economic Research Institute for Asean and East Asia (ERIA) မှာ မီးပုံ ဘေးထိုင်ပြီး စကားပြောကြသလို အေးအေးလူလူ စကားဝိုင်းဖြစ်တယ်။ သူပြောတာရော၊ မေး-ဖြေတွေရော မိနစ် ၁၉၀ လောက်တောင် ကြာသွားတယ်။ သူ့စကားဝိုင်း နားထောင်သူတွေထဲမှာ အဆင့်မြင့် သံအမတ်တွေ၊ နိုင်ငံခြားရေးဝန်ကြီး လက်ရှိနဲ့ အဟောင်းတွေလည်း ပါကြတယ်။ ပြောခဲ့တာတွေကတော့ ရှုထောင့်အမြင် ပေါင်းစုံပါပဲ။ သက်ကြီးစကား သက် ငယ်ကြားလို့ ဆိုရမယ်။ သူက ၁၉၄၉ ခုနှစ်ဖွားဆိုတော့ အသက် ၇၆ နှစ် ရှိနေပြီ။ ဘဝတလျှောက် ပြည်ပရောက် အစိုးရ မှာ သံတမာန်၊ တော်လှန်ရေးသမားလိုလည်း ၂၅ နှစ်ကြာ ဖြတ်သန်းလာခဲ့ရတယ်။ တခါတလေ သူ့ဟောပြောချက်တွေမှာ ဟာသစွက်တာလေးတွေ၊ နာကျည်းဖွယ် ငိုအားထက် ရယ်အားသန်ကိစ္စမျိုးလေးတွေလည်း ထည့်ပြောတယ်။

သူကတော့ ကျနော့်ဆရာလည်း ဖြစ်ဖူးတယ်။ ဩစတြေလျနိုင်ငံ New Southwales တက္ကသိုလ်၊ ဥပဒေပညာဌာက သံတမာန်ရေး သင်တန်းလုပ်တော့ သူက အဲဒီအစီအစဉ်မှာ ဦးဆောင်ဆရာ၊ ၁၉၉၂ ခုနှစ်မှာ အဲဒီမှာ တလကြာ သင်တန်း တက်ဖူးခဲ့တယ်။ သူ့ရဲ့ စွမ်းဆောင်ရည်၊ အရည်အချင်းကို မြင်ခဲ့ရဖူးတယ်။ ၁၉၉၆ ခုနှစ်မှာတော့ သူငြိမ်းချမ်းရေးနိုဘဲဆု ရတယ်။

အခု စကားဝိုင်းက စိတ်ဝင်စားဖွယ် ကောက်နှုတ်ချက်တွေကို ထိုင်းနိုင်ငံ ဘန်ကောက်ပို့စ်သတင်းစာမှာ ဝါရင့်သတင်းစာ ဆရာကြီး ကာဝီ (Kavi Chingkittavorn) က ထုတ်နှုတ် ဆောင်းပါးပြန်ရေးထားတယ်။ မြန်မာ ပဋိပက္ခ၊ ထိုင်း-ကမ္ဘော ဒီးယား ပဋိပက္ခတွေအတွက်လည်း သင်ခန်းစာ ထုတ်ယူစရာတွေ ပါတယ်လို့ ဆိုတယ်။

၁။ သင့်ရဲ့ ဆန့်ကျင်ဖက်ကို အနာဂတ် မိတ်ဖက်လို ဆက်ဆံပါ။ ထာဝရ ရန်သူကြီးလို မမြင်ပါနဲ့။

=============

မစ္စတာ ဟော်တာက ပြည်ပမှာ အတိုက်အခံအဖွဲ့ သံတမာန် လုပ်နေရတော့ တီမောကို သိမ်းထားတဲ့ အင်ဒိုနီးရှားနိုင်ငံ က သံအမတ်တွေနဲ့လည်း နိုင်ငံတကာ ပွဲတွေမှာ တွေ့ရပါတယ်။ “ကျနော်က အင်ဒိုနီးရှား သံတမာန်တွေကို မလေးမစား တခါမှ မလုပ်ခဲ့ဖူးဘူး။ အချို့ဆိုရင် ကျနော့်ကိုတောင် နေ့လည်စာ ဖိတ်ကျွေးသေးတယ်” ဒီလိုဖိတ်ရင် သူကလည်း လက်ခံ ပါတယ်။ အနာဂတ်မှာ မိတ်ဖက်ဖြစ်နိုင်သူပဲလေ။

၂။ အခွင့်အလမ်းပေးလာရင် ဘယ်တော့မှ လက်လွတ်မခံပါနဲ့။ အကယ်၍ အခြေအနေက မပြည့်စုံဘူးဆိုရင်တောင် လက်ခံပါ။

================

၁၉၉၉ ခုနှစ်မှာ အရှေ့တီမော လွတ်လပ်ရေးအတွက် ဆန္ဒခံယူပွဲ လုပ်တယ်။ “သေချာတာ အားနည်းချက်တွေ အများကြီး ရှိတာပေါ့” မစ္စတာ ရာမို့စ်ဟော်တာက ပြောတယ်။ ဒါပေမယ့် ဒီလောက်ဖြစ်လာဖို့တောင် အဆင့်ဆင့် ၁၂ နှစ်ကြာ ဆွေးနွေး ယူလာခဲ့ရတယ်လို့ ဆိုတယ်။ ဖြစ်ချင်တော့ ၁၂ လ မတိုင်ခင်အတွင်း ဖြစ်လာခဲ့တယ်။ အကုန်ပြည့်စုံ ကုံလုံ အောင် စောင့်နေဖို့ မဖြစ်နိုင်ဘူး။ “အခွင့်အလမ်းက ဟာသလို ဖြစ်နေရင်တောင် အလွတ်မခံပါနဲ့” လို့ ဆိုတယ်။

၃။ အောင်ပွဲရတဲ့ အချိန်မှာ သဘောထားကြီး မြင့်မြတ်စိတ်နဲ့ ခွင့်လွှတ်ပါ။ (magnanimous)

================

ဒီလိုဆိုတယ်။ သင့် ဆန့်ကျင်ဖက်ကို အရှက်မခွဲပါနဲ့။ သူက ဒူးထောက်နေရင်တောင် သင့်လက်နဲ့ ဖေးမ ထလာအောင် ဆွဲ ထူပေးပါ။ ခံထားရသူနဲ့ တွေ့ဖို့ဆိုရင် လမ်းတဝက်ကို လျှောက်သွားပါ။ ထွေးပွေ့ပါ။ ငြိမ်းချမ်းရေးပအတွက် ကဏ္ဍသစ် အတူ ထူထောင်ရအောင် ဖိတ်ခေါ်ပါ။”

အရင် အင်ဒိုနီးရှားအစိုးရ ကာလတုန်းက တာဝန်ထမ်းခဲ့တဲ့ တီမောလူမျိုးတွေကိုလည်း သူတို့လွတ်မြောက်ပြီး ကာလမှာ အလုပ်မထုတ်ပစ်ခဲ့ဘူး။ ထွက်သွားဖို့ မဆိုခဲ့ကြဘူး။

၄။ သင့်ဖက်က တိုက်ပွဲဝင်ရဲဘော်တွေကို ပထမဦးဆုံး ရပ်နားခိုင်းပါ။

=================

သူနဲ့ တီမောလက်နက်ကိုင်အဖွဲ့ ဖာလင်တေးလ် (Falintil-- the Armed Forces for the National Liberation of East Timor) ခေါင်းဆောင် ဇာနားနား ဂတ်စ်မောင် (Xanana Gusmão) တို့အတွက် အခက်ခဲ စိတ်အပျက်ရဆုံးက သူတို့ ရဲဘော်တွေကို တိုက်ပွဲ ရပ်ခိုင်းရတာပဲ။ သူတို့ကို လက်နက်ချခိုင်းတယ်လို့ ထင်နေကြတယ်။

ဆန္ဒခံယူပွဲနောက်ပိုင်းမှာ အင်ဒိုနီးရှားလိုလားတဲ့ တီမောအုပ်စုက အကြမ်းဖက်မှုတွေ လုပ်နေကြတယ်။ ဒီအဖွဲ့နဲ့ သူတို့ ထိပ်တိုက်တွေ့ရင် အင်ဒိုနီးရှား စစ်တပ်ပြန်ဝင်လာဖို့ အကြောင်းဖြစ်စေလိမ့်မယ်။ ဒီအတွက် ထိန်းနေကြရတာ။ မြန်မာ အတွက်လည်း အလားတူ ဖြစ်နိုင်တယ်လို့ ကာဝီက ရေးတယ်။ တစုံတရာသဘောတူညီချက် ရတဲ့အခြေအနေမှာ စစ်ပွဲ တွေ လျှော့ချရဖို့ (de-escalate) ဖြစ်နိုင်တယ်။ ဒါမှပဲ ကိုယ့်အကျိုးစီးပွားအတွက် ဖြစ်လာစေမယ်။ ဒါက လက်နက်ချခိုင်း တာ မဟုတ်ပါဘူး။ ထိုင်း-ကမ္ဘောဒီးယားလည်း ဒီလို မူမျိုးကြုံရနိုင်တယ်။

၅။ နိုင်ငံတကာ ခုံရုံးတွေ ကြုံလာရရင် နှစ်ဦးနှစ်ဖက်ရဲ့ အမှန်တရားကို ရှာဖွေပါ။

==================

ခုံရုံး အနိုင်အရှုံး ဆုံးဖြတ်ချက်ထက်စာ ရင် ဆက်ဆံရေးက ပိုအရေးကြီးတယ်။

မစ္စတာ ဟော်တာက အရင်ကုလ အထွေထွေအတွင်းရေးမှူးချုပ်ဟောင်း ကိုဖီအာနန်ရဲ့ လက်စွဲစကားကို ပြန်ပြောတယ်။ “တရားမျှတမှု မရှိ၊ ငြိမ်းချမ်းရေး မရှိ၊ ဒီမိုကရေစီ မရှိ” (No justice, no peace, no democracy) ဆိုတာပါပဲ။

ထိုင်းနဲ့ ကမ္ဘောဒီးယားတို့ကြာလည်း သမိုင်းကြောင်းအရ နာကျည်းစရာတွေ ရှိနေနိုင်တယ်။ ခုံရုံး ဆုံးဖြတ်လိုက်တာနဲ့ ဖြေရှင်းနိုင်ဖွယ် မရှိပါဘူး။ နှစ်နိုင်ငံချင်း လုပ်ငန်းစဉ်တခု လိုအပ်တယ်။ အသိအမှတ်ပြုကြပြီး ရှေ့ကို ဘယ်လို ပူးပေါင်း ဆောင်ရွက် ဆက်သွားကြမယ်ဆိုတဲ့ လုပ်ငန်းစဉ်ပါပဲ။ အပြန်အလှန် စွပ်စွဲနေကြတာထက် ဒီနည်းကပဲ ရေရှည်ခံတဲ့ ကိစ္စ ကို တည်ဆောက်နိုင်ပါလိမ့်မယ်။

၆။ သင့်တော်တဲ့ အဆင့်၊ သင့်တော်တဲ့လူကို လွှတ်ပါ။ နေရာပေးပါ။

=====================

မြန်မာကိစ္စမှာ မစ္စတာ ဟော်တာက ပြောင်ကျကျ ပြောတယ်။ “အဆင့်နိမ့် အရာရှိမျိုး မလွှတ်ပါနဲ့၊ ကျနော် တောင်းပန်ပါတယ်။”

မြန်မာစစ်တပ်က လုံခြုံရေးကောင်စီ ဘာညာတွေ ကရုစိုက်နေတာ မဟုတ်ပါဘူး။ သူတို့က ဘယ်သူက တပ်ကိုအမိန့်ပေး ခဲ့တာလဲ၊ အစိုးရကို ဦးဆောင်ခဲ့တာလဲ၊ ဒီလို ဝိတ်မျိုးကို ကြည့်တယ်။ သူတို့နောက်ခံကို ကြည့်ပြီးပဲ လေးနက်မှုပေးတယ်။ မစ္စတာ ဟော်တာက ဥပမာ- အင်ဒိုနီးရှား သမ္မတဟောင်း ဆူဆီလို ဘမ်ဘန် ယွတ်ဟိုယိုနို (Susilo Bambang Yudhoyono) လို ကြယ် ၄ လုံး ဗိုလ်ချုပ်ကြီးမျိုး မြန်မာပြည်ကို သွားဖို့ တိုက်တွန်းတယ်။ ဒီလိုမှပဲ ထိတွေ့ဆက်ဆံမှု အလုပ်ဖြစ်နိုင်မယ်ဆိုတယ်။

မြန်မာအရေး အထူးသံက ၆-လ၊ တနှစ်တကြိမ် ပြောင်းနေတယ်။ အလုပ်တောင် မစရသေးဘူး၊ အချိန်တနှစ် ကုန်ပါရော လို့ ဆိုတယ်။ သူက အနည်းဆုံး ၂-၃ နှစ် တာဝန်ပေးဖို့ အကြံပြုတယ်။ လာမယ့် ဇူလိုင်လ အာဆီယံနိုင်ငံခြားဝန်ကြီးများ အစည်းအဝေးမှာ ဒီကိစ္စ ဆွေးနွေးကြဖို့ ရှိတယ်။

၇။ သေတ္တာက ပုံမကျနေဘူးဆိုရင် လက်တွေ့နဲ့ ကိုက်ညီဖို့ သေတ္တာပြင်ပက outside the box (ပုံစံခွက်ပြင်ပ) က လုပ်ဆောင်ဖို့ လိုတယ်။

==================

ဂီနီယာ ဘစ်ဆော (Guinea-Bissau) နိုင်ငံတုန်းက အရပ်ဘက် စိုက်ပျိုးရေးအသွင်ပြောင်းဖို့ ကြိုးစားနေတဲ့ ဗိုလ်ချုပ်များ အတွက် ထွန်စက် ထရက်တာတွေ ဝယ်ပေးခဲ့ရပါတယ်။ ကုလ UN ဘတ်ဂျက်ထဲမရှိတော့ မော်ရိုကိုအတွက် စစ်ယူနီ ဖောင်းတွေ ဝယ်ဖို့ ငွေစိုက်ပေးခဲ့ရပါတယ်။ ကုလအဖွဲ့ ဂိုဒေါင်တွေအတွက်လည်း ဆိုလာပြားတွေ ကြံဖန်ခဲ့ရပါတယ်။ အချို့ကိစ္စတွေမှာ ဆန်ရှင်လွတ်အောင် ရှောင်လုပ်ခဲ့ရတာတွေ ရှိပါတယ်။

မြန်မာအတွက်ဆိုရင်လည်း အာဆီယံ သံတမာန်တွေ လှုပ်သာရှားသာ ရှိအောင် ပုံမှန်တရားဝင် မဟုတ်တဲ့ ဆွေးနွေးပွဲမျိုး တွေနဲ့ ယုံကြည်မှု တည်ဆောက်သင့်တယ် ဆိုပါတယ်။ တူညီဆန္ဒ ၅ ချက် 5PC မှာတော့ ဒီလိုအချက်တွေ မပါပါဘူး။

၈။ စစ်ပွဲမရှိတာနဲ့ အမှန်တကယ် ငြိမ်းချမ်းရေးကို ခွဲခြားဖို့ လိုတယ်။

==================

မစ္စတာ ဟော်တာက သူ့နိုင်ငံ ငြိမ်းချမ်းနေတာ၊ နိုင်ငံရေးအကြမ်းဖက်မှု သုည၊ တိုင်းရင်းသား တင်းမာမှု သုည၊ ဘာသာ ရေးပဋိပက္ခ သုည ဖြစ်နေတဲ့ အခြေအနေနဲ့ ပတ်သက်လို့ ပြောပါတယ်။ ဒါပေမယ့် အမျိုးသမီးတွေဟာ အိမ်တွင်းမှာ အကြမ်းဖက်မှု ခံနေရဆဲပါတဲ့။ ထိုင်း-ကမ္ဘောဒီးယား ပဋိပက္ခမှာတော့ ထူးခြားပါတယ်။ နှစ်နိုင်ငံလုံးရဲ့ ဘာသာစကားမှာ သန္တိပတ် (santiphab) ဆိုပြီး ငြိမ်းချမ်းရေးကို ခေါ်ကြပါတယ်။ ဒါပေမယ့် ငြိမ်းချမ်းရေးကို ဖွင့်ဆိုတာမျိုး မတူညီနေပါ ဘူး။

နိုင်ငံနယ်နမိတ် နှစ်ဖက်က ရပ်ရွာလူထုတွေ အေးချမ်းစွာ နေထိုင်မှ၊ ရောင်းဝယ် ဖောက်ကားနိုင်မှ၊ ကူးသန်းသွားလာနေ ကြပါမှ ငြိမ်းချမ်းရေးတည်ရှိ ပါမယ်။ ငြိမ်းချမ်းရေးအတွက် စနစ်ဖွဲ့စည်းပုံသဘော (အင်စတိကျုရှင်း) ဖောင်ဒေးရှင်းကို သဘောတူညီမှုတွေမှာ စကတည်းက တည်ဆောက်ကြရပါလိမ့်မယ်။ နယ်မြေပြဿနာ ပြေလည်မှ လုပ်ကြမယ်ဆိုတာ မျိုး အချိန်ဆွဲထားလို့ မရပါဘူးလို့ ဆိုခဲ့ပါတယ်။

၁၉၀ မိနစ်ကြာ စကားဝိုင်းဆိုတော့ သူပြောခဲ့တာ အများကြီး ရှိမှာပါ။ ဆောင်းပါးရှင် ကာဝီက ဒီလောက်နဲ့ပဲ အနှစ်ချုပ်ခဲ့ တာပါ။

( အားလုံးလေ့လာနိုင်ဖို့အတွက်... ကိုအောင်သူငြိမ်းဆီမှ တဆင့် ကူးယူဖေါ်ပြထားခြင်းဖြစ်ပါတယ်)

Read More

“ရက် ၁၀၀ စီမံကိန်း ထိုးစစ်ကို စစ်ဦးကျိုးအောင် ရိုက်ချိုးဖို့လိုပါတယ်”

 https://youtu.be/S2boTO9lKhk?si=EKJLx6nfhx4rZwOc

“ရက် ၁၀၀ စီမံကိန်း ထိုးစစ်ကို စစ်ဦးကျိုးအောင် ရိုက်ချိုးဖို့လိုပါတယ်” - CDM ဗိုလ်ကြီးလင်းထက်အောင် (စစ်ရေးသတင်း လေ့လာသုံးသပ်သူ)

(၉ ဇွန် ၂၀၂၆) “စစ်တပ်ရဲ့ ရက် ၁၀၀ စီမံကိန်း ထိုးစစ်ကို စစ်ဦးကျိုးအောင် ရိုက်ချိုးဖို့လိုပါတယ်၊ CPU/CPA အပြင် အဖွဲ့အားလုံး ပူးပေါင်းပြီး စစ်တပ် ပြန်လန်ကျသွားအောင် ဆောင်ရွက်ဖို့လိုတယ်” လို့ စစ်ရေးသတင်း လေ့လာသုံးသပ်သူ CDM ဗိုလ်ကြီးလင်းထက်အောင်က ပြောပါတယ်။ ကျောက်ဖြူဖက်က တိုက်ပွဲအခြေနေ၊ ချင်းတောင်ပိုင်းက တိုက်ပွဲခြေအနေအပါဝင် ပြီးခဲ့တဲ့ သီတင်းပတ်အတွင်း ထူးခြားတဲ့ စစ်ရေးအခြေနေတွေနဲ့ပတ်သက်ပြီး BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလိုဖြေကြားတာပါ။ အခု ထုတ်လွှင့်မယ့် မေးမြန်းချက်ထဲမှာ... - ကုက္ကူစု ပျုစခန်းသိမ်းပွဲက အညာဒေသအတွက် ဘာကြောင့် အရေးပါသလဲ... - မကွေးနဲ့ စစ်တောင်းမြစ်ဝှမ်းတိုက်ပွဲတွေမှာ ဗိုလ်မှူးတွေသေဆုံး၊ လက်ရဖမ်းမိဖြစ်မှု ပိုများလာတာ ဘာကြောင့်လဲ... - AA က တောင်မော်ဦး ရေတပ်စခန်းကို တကယ်သိမ်းမှာလား - စစ်မျက်နှာ ၅ ခုစလုံး တပြိုင်တည်း စစ်ရှိန်မြှင့်မှာလား... - ချင်းတောင်ပိုင်း ထိုးစစ်ကို တော်လှန်ရေးအဖွဲ့တွေက နောက်ထပ် ရက် ၅၀ လောက် ထပ်ပြီး တောင့်ခံထားနိုင်ရင် ကာချုပ်သစ်နဲ့ သမ္မတသစ် ဘာတွေဖြစ်သွားနိုင်သလဲ... ... စတဲ့ အကြောင်းအရာတွေအပါဝင် ပြီးခဲ့တဲ့ သီတင်းပတ်အတွင်း စစ်ရေးအရ တိုးတက်ဖြစ်ထွန်းမှုတွေအကြောင်း ဆွေးနွေးတင်ပြထားပါတယ်။

Read More

အသက် ၆၀ ကျော်ရင် အဖိုးအို- အဖွားအိုလို့ ရေးသင့်သလား...

အသက် ၆၀ ကျော်ရင် အဖိုးအို- အဖွားအိုလို့ ရေးသင့်သလား...  

(၈ ဇွန် ၂၀၂၆)

အသက်ကြီးလာတဲ့အကြောင်းတွေ သိပ်မရေးပါနဲ့လို့ မိတ်ဆွေအချို့က ပြောထားတဲ့ကြားထဲ မရေးလို့မဖြစ်တဲ့ ကိစ္စတခုက ပေါ်လာပြန်ပါတယ်။

မီဒီယာအားလုံးက ဒီအသုံးနှုန်းကို သုံးနေကြတာမျိုးမဟုတ်ပေမယ့် လူသိများတဲ့ နာမည်ကြီး မီဒီယာတခုမှာ “သမ္မတပြောခွင့်ရကို ဝေဖန်မှု မှတ်ချက်ရေးသူ အသက် ၆၈ နှစ်အရွယ် အဖွားအိုတဦးဖမ်းဆီးခံရ” ဆိုပြီး သတင်းခေါင်းစဉ် တင်ထားတာ တွေ့လိုက်ရပါတယ်။

အာဏာသိမ်းသမ္မတ မင်းအောင်လှိုင်ရဲ့ ပြောရေးဆိုခွင့်ရှိသူအဖြစ် အသစ်ခန့်အပ်ထားတဲ့ ဒေါက်တာခိုင်ခိုင်စိုး အကြောင်း သတင်းတပုဒ်အောက်မှာ “ဇော်မဲလုံး ညီမလား” လို့ မှတ်ချက်ပြု (Comment) ရေးသားမိသူ ပဲခူးမြို့က အသက် ၆၈ နှစ်အရွယ် အဖွားအိုကို ဖမ်းဆီးသွားပါတယ်တဲ့...

ကဲ... စာဖတ်နေသူတွေကော အသက် ဘယ်လောက်ရှိနေကြပြီလဲ...၊ အဲဒီ သတင်း ခေါင်းစဉ်အပေါ် ဘယ်လိုသဘောရကြပါသလဲ...။

မီဒီယာသမားတွေကော သတင်းခေါင်းစဉ်ကို အဲဒီလို အသက်ပေါ်မူတည်ပြီး အဖိုး-အဖွားဆိုပြီး ညွှန်းသင့်တယ်လို့ ယူဆထားကြပါသလား။

ဘာသာဗေဒဆိုင်ရာ ဝေါဟာရပညာရှင်တွေကကော ဘယ်လိုများ မှတ်ချက်ပေးချင်ကြပါသလဲ...

အသက် ၈၀ နီးပါးအရွယ် သမ္မတ ထရမ့်ကျတော့ ဘာကြောင့် အဖိုးအို သမ္မတလို့ မရေးရဲကြတာလဲ...။

---

စာရေးသူအထင်အရ ဒါဟာ တမင် ရည်ရွယ်ချက်ရှိရှိ ရေးတာတော့ မဟုတ်လောက်ပါဘူး။ အစဉ်အလာအသုံးနှုန်းတွေကြားမှာ ကြီးပြင်းလာတဲ့ မြန်မာပြည်ဖွား မြန်မာစာသုံးစွဲနေသူတွေဟာ အသက်ဆိုတဲ့ တိကျတဲ့ ကိန်းဂဏန်းနဲ့ စိတ္တဇနမ် အိုခြင်း- ပျိုခြင်းကို တွဲသုံးလေ့ရှိတာ သတိထားမိပါတယ်။

ဒါ ပထမ ဆုံးအကြိမ် ကြုံရတာလည်း မဟုတ်သလို နောက်ဆုံးအကြိမ်လည်း မဟုတ်လောက်ပါဘူး။ အစွဲရှိနေသူတွေ၊ တိကျမှုနဲ့ စိတ္တဇနမ်ကို သတိမထားမိသူတွေဟာ ဆက်သုံးနေဦးမယ်ထင်ပါတယ်။

စာရေးသူက အသက် ၆၀ ကျော်နေလို့ ဒီအသုံးအနှုန်းကို လက်မခံနိုင်လို့ ပြောနေတယ်လို့ မယူဆစေချင်ပါဘူး။ 

အသက် ၆၀ မပြည့်ခင် လွန်ခဲ့တဲ့ ၅ နှစ်ခန့်ကတည်းက ဒီအသုံးနှုန်းကို အမေရိကန်အစိုးရ ဘတ်ဂျက်နဲ့ လည်ပတ်နေတဲ့ အမေရိကန်ခြေစိုက် မြန်မာ အသံလွှင့်ဌာနတွေက သုံးခဲ့ဖူးလို့ ဟာသ နှောပြီး ရေးခဲ့ဖူးပါတယ်။

အဲတုန်းကတော့ သမ္မတထရမ့် မဟုတ်သေးဘူး။ သူ့ထက် ပိုအသက်ကြီးတဲ့ သမ္မတ ဘိုင်ဒန်ခေတ်ပေါ့။ ဒါပေမယ့် အမေရိကန်သမ္မတကိုတော့ အဖိုးအိုလို့ မသုံးရဲပဲ မြန်မာတွေကျမှ “အသက် ၆၀ နီးပါးအရွယ်အဖိုးအိုတဦး” လို့ သုံးတာကတော့ သိပ်မမိုက်တဲ့အကြောင်း ရေးခဲ့ဖူးပါတယ်။

ထရမ့်ကို အဲလိုသွားရေးရင် ဘတ်ဂျက်ပါ အဖြတ်ခံရမလား မသိဘူး။ ဒါဟာ ကာယကံရှင်ကို စိတ်အနှောက်အယှက်ဖြစ်စေနိုင်တဲ့အပြင် သတင်းသဘောအရလည်း တိကျမှုမရှိပါဘူး။

အသက် ၆၀ မှာ အချို့က အိုပေမယ့် အချို့က မအိုသေးပါဘူး။ ဒါကို အသက် ၆၀ ရောက်တာနဲ့ လူတိုင်းအိုတယ်ဆိုတဲ့အစွဲနဲ့ရေးနေတာတွေ ပြင်သင့်ပြီ၊ တိကျတဲ့ အသုံးအနှုန်း၊ ယာဉ်ကျေးတဲ့ အသုံးအနှုန်းတွေ ကျနော်တို့ မီဒီယာသမားတွေ၊ ဝေါဟာရဆရာတွေ ရှာဖွေသင့်တယ်ထင်ပါတယ်။

နိုင်ငံတကာ မီဒီယာတွေမှာကော ဒီလိုကိစ္စတွေအတွက် ဘယ်လို ညွှန်းဆိုသုံးစွဲကြသလဲ...။

မြန်မာမီဒီယာသမားတွေ၊ ဝေါဟာရဆရာတွေ ဆက်လက် ဆွေးနွေးကြစေသတည်း။

===

ဘာပုံ ထည့်ရမှန်းမသိ၊ လူပုံလည်း မထည့်ချင်တာနဲ့ စက်ဘီးပုံကို ထည့်လိုက်ပါကြောင်း...

၆၀ ကျော်မှာ စက်ဘီးစီးနေသူ၊ ပြေးနေသူ၊ တောင်တက်နေသူ၊ ဂေါက်သီးရိုက်နေသူ စသဖြင့် အများကြီး ရှိနေသေးပါကြောင်း)။

===

Read More

“ထားဝယ်ဒေသက ကျောင်းကားပြသာနာ ဘယ်လိုအဖြေရှာကြမှာလဲ”

 “ထားဝယ်ဒေသက ကျောင်းကားပြသာနာ ဘယ်လိုအဖြေရှာကြမှာလဲ”

(၈ ဇွန် ၂၀၂၆)

(၁) နိဒါန်း...

၂၀၂၆ ခုနှစ် ဇွန်လ ကျောင်းဖွင့်ရာသီမှာ ကျောင်းတွေပိတ်ထားခြင်းခံရတဲ့ ကျေးရွာတွေက ကျောင်းသားတွေစုပြီး ထားဝယ်မြို့ပေါ်မှာ ကျောင်းအပ်ဖို့ ကျောင်းကားတွေနဲ့သွားတာကို လက်နက်ကိုင် တော်လှန်ရေးအဖွဲ့တွေက တားဆီးတဲ့အတွက် ပွဲဆူနေတဲ့သတင်းတွေ ဆက်တိုက်ကြားနေရပါတယ်။

လက်နက်ကိုင်အဖွဲ့တွေရော၊ လက်နက်မကိုင်အဖွဲ့တွေရော လွတ်လပ်စွာပညာသင်ကြားရေးနဲ့ပတ်သက်ပြီး သူတို့အဖွဲ့တွေရဲ့ ရပ်တည်ချက်တွေကို ထုတ်ပြန်နေတာကိုလည်း ဆက်တိုက်တွေ့နေရပါတယ်။

အကြမ်းအားဖြင့်ကတော့ အရင် ၅ နှစ်အတိုင်း ပိတ်လက်စနဲ့ ဆက်ပိတ်ထားရမယ်၊ အရင်မူအတိုင်းပဲ ဆက်သွားမယ်ဆိုတာက တဖွဲ့... 

၅ နှစ်ကြာလာပြီဖြစ်တဲ့အတွက် လူထုနစ်နာချက်တွေကို စဉ်းစားပေးရတော့မယ်၊ ကလေးတွေ ပညာရေးအတွက် ကိုယ့်ဖက်က ကျောင်းမဖွင့်ပေးနိုင်ရင် ကျောင်းရှိတဲ့နေရာမှာ သွားသင်ပါစေ၊ ဒါကို မတားဆီးသင့်တော့ဘူးဆိုတာက တဖွဲ့...

ဒီလို သဘောထား ၂ ရပ်တွေ့ရတယ်လို့ ဆိုချင်ပါတယ်။

---

(၂) ရေရှည်စစ်ကိုသွားမယ်လို့ ကြေညာပြီးရင် ရေရှည်မှာအရေးပါတဲ့ ပညာရေးကို ဘယ်လိုစဉ်းစားထားသလဲ...

အဲတော့ ပြသာနာက အဲဒီ အမြင် ၂ မျိုးမှာ ခင်ဗျားက ဘယ်ဖက်ကရပ်သလဲ... ဘယ်ဖက်က မှန်တယ်ထင်သလဲ...။ အဲဒီမှာတင် လူတွေက ငြင်းခုန်ပြီး ပွဲဆူနေတာဖြစ်ပါတယ်။ ဒီပြသာနာပြေလည်အောင်၊ ဒါမှမဟုတ် လမ်းစတခုခု ရအောင် ဝိုင်းရှာတာမျိုး အခုထိ မတွေ့ရသေးပါဘူး။

သမိုင်းဖြတ်သန်းမှုအပေါ် အခြေခံပြီးပြောရမယ်ဆိုရင်တော့... ပထမ ၅ နှစ်က ဟုတ်ပါတယ်။ တော်လှန်ရေးအစိုးရ NUG ရဲ့ မူဝါဒကိုက တနှစ်အတွင်း စစ်အနိုင်တိုက်ရေး၊ ၃ နှစ်အတွင်း အနိုင်တိုက်ရေး... ဒီလိုကာလတွေကို လူထု ငြိမ်ပြီး၊ အနစ်နာခံပြီး စောင့်မျှော်နေကြတာဖြစ်ပါတယ်။

ဒါပေမယ့် အခု ၅ နှစ်ကြာလာပြီးချိန်မှာတော့ ပေါ်လစီစာတမ်းအဖြစ် ထုတ်ပြန်တာမျိုး အတိအကျမတွေ့ရသေးပေမယ့် အစိုးရတာဝန်ရှိသူတွေရဲ့ပြောကြားချက်တွေအရ အခု စစ်ပွဲဟာ ရေရှည်စစ်ပွဲဖြစ်တယ်၊ ရေရှည်စစ်ပွဲအတွက် ပြင်ဆင်ရမယ်... ဒီလိုပြောတာ ဆိုတာတွေ ကြားလာနေရပါတယ်။

ဆိုတော့ ရေရှည်ဆိုတာ ၁၀ နှစ်လား၊ အဲဒီအတွက် နောက် ၅ နှစ် စီမံကိန်းတွေက ဘာတွေလဲ...

၅ နှစ်တာ ကျောင်းမတက်ရတဲ့ ကလေးတွေအတွက် စာသင်နိုင်အောင် ဘယ်လို စီမံဆောင်ရွက်ပေးမှာလဲ...

---

(၃) ရေရှည်စစ်နှင့် ERO များရဲ့ လူထုဝန်ဆောင်မှုလုပ်ငန်းများ...

ရေရှည်စစ်ကိုသွားတော့မယ်ဆိုရင်တော့ နှစ် ၇၀ ကျော်တိုက်နေတဲ့ ERO တွေရဲ့ လုပ်နည်း လုပ်ဟန်တွေကို လေ့လာသင့်တယ်ထင်ပါတယ်။ စစ်တိုက်နည်းတခုတည်းကို ဆိုလိုတာ မဟုတ်ပါဘူး။

အခု ပွဲဆူနေတဲ့ ပညာရေးကိစ္စတခုတည်းကိုပဲ ကွက်ပြီး အရင်လေ့လာကြည့်ပါ။

ERO တွေမှာ မူကြိုကနေ တက္ကသိုလ်အထိ ကျောင်းတွေဖွင့်ပေးထားတာ တွေ့နိုင်ပါတယ်။ သူ့ကျောင်းဆီ မလာနိုင်လို့ နီးစပ်ရာ စစ်တပ်ထိန်းချုပ်ဒေသက ကျောင်းတွေမှာ တက်နေသူတွေလည်း အများကြီးပါပဲ။ ဒီအပေါ် သူတို့အဖွဲ့တွေက ဘယ်လို သဘောထားသလဲ...

နောက် ERO တွေမှာ ထိန်းချုပ်နယ်မြေအတိအကျရှိပါတယ်၊ ကြားနယ်မြေဆိုတာရှိပါတယ်... စသဖြင့် နယ်မြေကို အဆင့်လိုက်သတ်မှတ်ပြီး ပြည်သူ့ဝန်ဆောင်မှုလုပ်ငန်းတွေကို တတ်နိုင်သလောက် ဆောင်ရွက်ပေးနေတာ တွေ့နိုင်ပါတယ်။

အဲတော့... အခု ၅ နှစ်ကြာလာပြီ၊ တော်လှန်ရေးတပ်တွေက ထိန်းချုပ်နယ်မြေက ဘယ်နေရာတွေလဲ၊ ဘယ်နေရာတွေကို ကြားဒေသအဖြစ်သတ်မှတ်ထားသလဲ...

ထိန်းချုပ်ဒေသမှာ ကျောင်းဖွင့်ထားပေးနိုင်သလား၊ ကြားဒေသမှာ ကျောင်းမရှိရင် အဲဒီဒေသက ကလေးတွေ ပညာရေးအတွက် ဘယ်လိုစဉ်းစားပေးနိုင်မလဲ... ဘယ်လို စီမံကိန်းဆွဲထားသလဲ...

ဒါတွေဟာ ဒီအချိန်မှာ မဖြစ်မနေဆွေးနွေးရတော့မှာဖြစ်ပါတယ်။

တော်လှန်ရေးရေချိန်၊ လူထုသဘောထားဆိုတာဟာ ၅ နှစ်တာကာလအတွင်း တပြေးတည်းရှိမနေနိုင်ပါဘူး။ ပြောင်းလဲလာနေတဲ့ နိုင်ငံရေးအနေအထား၊ လူထုတွေရဲ့  

စားဝတ်နေရေး အကျပ်အတည်း၊ ၅ နှစ်တာကျောင်းပိတ်ခံထားရတဲ့ ကလေးတွေရဲ့ ပညာရေး... စသဖြင့် စသဖြင့်...

---

(၄) အဲတော့ အဖြေက ဘာလဲ...

အဖြေက ဘာလဲ... ဆိုတော့ ကလေးတွေ ပညာသင်ကြားခွင့်ရရေးအတွက် အဖွဲ့ပေါင်းစုံက နည်းလမ်းရှာဖွေရေးဖြစ်ပါတယ်။ အဖွဲ့ပေါင်းစုံက သူမှန်ကိုယ်မှန် ငြင်းခုံနေရေးမဟုတ်ပါ။

စာရေးသူက မြေပြင်မှာရှိနေသူလည်း မဟုတ်သလို တော်လှန်ရေးအဖွဲ့တွေထဲမှာလည်း ပါဝင်နေသူမဟုတ်တဲ့အတွက် ... ဘာလုပ်ကြပါဆိုပြီး ပြောပိုင်ခွင့်မရှိပါ။

သမိုင်းဖြတ်သန်းမှုအရ၊ ကြုံခဲ့-ကြားခဲ့ဖူးတာတွေအရ ဖြစ်သင့်တယ်ထင်တာကို အကြံပြုမျှဝေခြင်းသာဖြစ်ပါတယ်။

သေချာတာကတော့ ရှေရှည်စစ်ကို သွားမယ်လို့ မူဝါဒချထားသူတွေအနေနဲ့... ဒါကို လက်မခံဘူး၊ ဒါမျိုးလုပ်ရင် တားဆီးမယ်... ဒီလုပ်နည်းလုပ်ဟန်နဲ့ ရေရှည်သွားလို့မရပါ။ အဖြေလည်းထွက်လာမှာ မဟုတ်ပါ။

အလားတူ ဒီလုပ်ရပ်ကို လက်မခံနိုင်တဲ့ အဖွဲ့တွေကလည်း ဒါကို သဘောမတူကြောင်း ကန့်ကွက်စာထုတ်နေရုံနဲ့မရပါ။

ရှေ့မှာ ERO တွေရဲ့ အတွေ့အကြုံပေါ်မူတည်ပြီး နယ်မြေသတ်မှတ်ပါ။ ကိုယ်ဒေသမှာ ကိုယ့်ကျောင်းဖွင့်ပေးပါ၊ ကြားဒေသမှာ ကြားကျောင်း၊ သို့မဟုတ် ဘက ကျောင်း၊ သို့မဟုတ် UN ကျောင်းလိုမျိုး ၂ ဖက်စလုံးနဲ့မဆိုင်၊ ၂ ဖက်စလုံးက ပြသာနာမရှာနိုင်တဲ့ ကျောင်းမျိုး စဉ်းစားသင့်သလား။

ဒါမှမဟုတ် အခု တားဆီးမှုတွေကိုရပ်တန့်ပြီး တော်လှန်ရေးဂိတ်မှာ တော်လှန်ရေးအဖွဲ့တွေက စစ်၊ စစ်တပ်ဂိတ်မှာ စစ်တပ်က စစ်ပြီး ကန့်သတ်ချက်တွေနဲ့ ခွင့်ပြုချက်ပေးတာမျိုးကော လုပ်ပေးနိုင်မလား...

သေချာတာကတော့ ရေရှည်အတွက် ပြင်ဆင်ရပါမယ်။

ရေတိုနည်းတွေကြောင့် ရေရှည်စီမံကိန်းတွေကို မထိခိုက်အောင် မြေပြင်က တာဝန်ရှိသူတွေအားလုံး ဝိုင်းဝန်းဆွေးနွေး အဖြေရှာသင့်ပါကြောင်း တင်ပြလိုက်ရပါတယ်။

-

ထက်အောင်ကျော်

(၈ ဇွန် ၂၀၂၆)

(ဓာတ်ပုံကို DW မှ ကူးယူဖေါ်ပြထားပါသည်)

===

Read More

တောင်မော်ဦးရေတပ် ကာကင်းစခန်း ၅ ခု AA သိမ်းပိုက်... ကေတုမတီလေတပ်ကို ရှော့တိုက်ဒုံးနဲ့ပစ်ခတ်...

 https://youtu.be/lqVdSA7s_Hc?si=tNxcNNb6Gc_uyxyB

တောင်မော်ဦးရေတပ် ကာကင်းစခန်း ၅ ခု AA သိမ်းပိုက်... ကေတုမတီလေတပ်ကို ရှော့တိုက်ဒုံးနဲ့ပစ်ခတ်... နောက်ဆုံးရ တိုက်ပွဲသတင်းများ...

(၈ ဇွန် ၂၀၂၆) - ကျောက်ဖြူမြို့နယ်၊ တောင်မော်ဦးရေတပ်စခန်းရဲ့ ကာကင်း ၆ ခုထဲက ၅ ခုကို အာရက္ခတပ်တော်(AA) က သိမ်းပိုက်လိုက်ပြီး စစ်တပ်ဖက်က ၇၀ ခန့်အထိသေဆုံး... - ပန်းတောင်းတပ်နယ်ဖက်မှာလည်း အာရက္ခတပ်တော် (AA) ရဲ့ထိုးစစ်က ရှေ့တိုးလာပြီး ၂၇ မိုင် လမ်းဆုံရှိ ပွိုင့် ၂၁၇ စခန်းကုန်းကို သိမ်းပိုက်လိုက်ပြီး ဥသျှစ်ပင် မြို့အနီးအထိရောက်လာ... - CPU/CPA ထိန်းချုပ်ဒေသ မင်းတပ်မြို့ကို စစ်လေယာဉ်တွေက ဗုံး ၂ ကြိမ် ထပ်ကြဲ... - အာဏာသိမ်းသမ္မတ မင်းအောင်လှိုင် တောင်ငူမြို့ကိုရောက်နေစဉ် တော်လှန်ရေးတပ်တွေက ရှော့တိုက်ဒုံးတွေနဲ့ ပစ်ခတ်တိုက်ခိုက်... ... စတဲ့ သတင်းတွေအပါဝင် နောက်ဆုံးရ တိုက်ပွဲသတင်းတွေကို စုစည်းတင်ပြထားပါတယ်။

Read More

“ကလေးတွေရဲ့ ပညာရေးကို တားဆီးကန့်သတ်တဲ့ ဘယ်အဖွဲ့၊ ဘယ်ပုဂ္ဂိုလ်ကိုမဆို ဆန့်ကျင်ကန့်ကွက်ပါတယ်”

 https://youtu.be/JDnflYUD4Hs?si=qZpsBxuAF-TPkX05

“ကလေးတွေရဲ့ ပညာရေးကို တားဆီးကန့်သတ်တဲ့ ဘယ်အဖွဲ့၊ ဘယ်ပုဂ္ဂိုလ်ကိုမဆို ဆန့်ကျင်ကန့်ကွက်ပါတယ်”

- ဦးထူးချစ် (Foundation for Education and Development - FED)

(၆ ဇွန် ၂၀၂၆) “ကလေးတွေရဲ့ ပညာရေးကို တားဆီးကန့်သတ်တဲ့ ဘယ်အဖွဲ့၊ ဘယ်ပုဂ္ဂိုလ်ကိုမဆို ဆန့်ကျင်ကန့်ကွက်ပါတယ်၊ နှစ် ဖက်စလုံးက နည်းလမ်းရှာ စဉ်းစားပေးရမယ့်အချိန်ဖြစ်တယ်၊ ကုလသမဂ္ဂနဲ့ နိုင်ငံတကာ NGO တွေကလည်း ဝိုင်းကူညီပေးဖို့လိုတယ်” လို့ ထိုင်ငံတောင်ပိုင်း၊ ဖန်ငဒေသအခြေစိုက် ပညာရေးနှင့် ဖွံ့ဖြိုးတိုးတက်ရေးဖောင်ဒေးရှင်း (FED) ညွန်ကြားရေးမှူး ဦးထူးချစ်က ပြောပါတယ်။ လက်နက်ကိုင်ပတိပက္ခကြောင့် ကျောင်းတွေပိတ်ထားရတာ ၅ နှစ်ကြာလာတဲ့အခြေအနေ၊ ကလေးတွေကို တော်လှန်ရေးကျောင်းမှာပဲထားရမယ်ဆိုတဲ့ အညာက ပအဖ အဖွဲ့တခုရဲ့သတိပေးချက်တွေနဲ့ပတ်သက်ပြီး BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလိုဖြေကြားတာပါ။ အခု ထုတ်လွှင့်မယ့် မေးမြန်းချက်ထဲမှာ... - ကလေးတွေကို တော်လှန်ရေးကျောင်းမှာပဲ ထားရမယ်ဆိုတဲ့ ပအဖ ရဲ့ ကြေညာချက်ဟာ NUG, NUCC တို့ရဲ့ မူဝါဒတွေနဲ့ ကိုက်ညီပါရဲ့လား... - ကရင်နီအပါဝင် ERO ဒေသတွေမှာကော စစ်ကောင်စီကျောင်းမှာ ကျောင်းသွားတက်နေရတဲ့ ကလေးတွေအပေါ် ဘယ်လိုသဘောထားသလဲ... - မြန်မာပြည်မှာ ကျောင်းတွေပိတ်ထားရလို့ ထိုင်းမှာအလုပ်လာလုပ်တဲ့ မိဘတွေက သားသမီးတွေကိုပါ ထိုင်းဖက်ခေါ်လာနေရသလား... - ထိုင်းစာသင်ကျောင်းကနေ ပြန်လာတဲ့ ကျောင်းသားတွေကို မြန်မာစစ်ကောင်စီကျောင်းတွေ လက်မခံဘူးဆိုတာ ဘာကြောင့်လဲ... - အခု ဇွန်လ ကျောင်းဖွင့်ရာသီမှာ ကျောင်းတွေပိတ်ထားရတဲ့ကျေးရွာတွေက ကလေးတွေ ဘယ်မှာကျောင်းသွားတက်ရမလဲ... နှစ်ဖက် အာဏာပိုင်တွေအပြင် UN, NGO တွေကကော ဘာများကူညီပေးနိုင်မလဲ... ... စတဲ့အကြောင်းတွေအပါဝင် ကလေးတွေပညာသင်ကြားနိုင်ရေးအတွက် နည်းလမ်းတွေ ဘယ်လိုရှာဖွေနိုင်မလဲဆိုတာကို ဆွေးနွေးတင်ပြထားပါတယ်။

Read More

ကုက္ကိုလ်စု ပျုစောထီးစခန်း PDF သိမ်းပိုက်... ကြောင်လျှာရွာက စစ်တပ်စခန်း ၂ ခု AA သိမ်းပိုက်...

 https://youtu.be/7l7oev6BY_4?si=_KGUFfjzomo3RNNt

ကုက္ကိုလ်စု ပျုစောထီးစခန်း PDF သိမ်းပိုက်... ကြောင်လျှာရွာက စစ်တပ်စခန်း ၂ ခု AA သိမ်းပိုက်...နောက်ဆုံးရ တိုက်ပွဲသတင်းများ...

(၅ မေ ၂၀၂၆) - မကွေးတိုင်း၊ သရက်နဲ့မင်းတုန်းမြို့နယ်အတွင်း စစ်ကြောင်းထိုးလာတဲ့ စစ်ကောင်စီတပ်ကို တော်လှန်ရေးတပ်တွေက တိုက်ခိုက်ရာမှာ စစ်သား ၃၀ ကျော်သေဆုံး၊ ဗိုလ်မှူးအဆင့်အပါဝင် ၁၈ ဦးလက်ရဖမ်းမိ၊ ပစ္စတို (၁၉)လက်အပါဝင် လက်နက်များစွာသိမ်းမိ... - ပေါက်မြို့နယ်ရှိ ရေပြာရွာ ရဲစခန်းနဲ့ ကုက္ကိုလ်စုရွာရှိ စစ်တပ်-ပျုစောထီး ပူးပေါင်းစခန်းတွေကို တော်လှန်ရေးတပ်တွေက ထိုးစစ်ဆင် သိမ်းပိုက်... - မင်းတပ်နဲ့ ကန်ပက်လက်မြို့နယ်တွေဖက် စစ်တပ်က အင်အား ၂၀၀၀ ခန့်နဲ့ စစ်ကြောင်းထိုးနေပေမယ့် ချင်းတော်လှန်ရေးတပ်တွေက အောင်မြင်စွာရင်ဆိုင် ခုခံထား... - ရေကြည်မြို့နယ်နဲ့ ရခိုင်ရိုးမအစပ်ဒေသရှိ ကြောင်လျှာရွာအနီးက စစ်ကောင်စီ စခန်းကုန်း ၂ ခုကို အာရက္ခတပ်တော် (AA) နဲ့ မဟာမိတ်တပ်တွေက သိမ်းပိုက်... ... စတဲ့ သတင်းတွေအပါဝင် နောက်ဆုံးက တိုက်ပွဲသတင်းတွေကို စုစည်းတင်ပြထားပါတယ်။

Read More