“တပ်မ (၈၈) တပ်မမှူး Y 12 ဗုံးထိပြီး ကျဆုံး... ဖာပွန်မှာ KNLA က စခန်းတွေ ...

“တပ်မ (၈၈) တပ်မမှူး Y 12 ဗုံးထိပြီး ကျဆုံး... ဖာပွန်မှာ KNLA က စခန်းတွေ ထပ်သိမ်း... နောက်ဆုံးရ တိုက်ပွဲသတင်းများ”

(၁- ၄- ၂၀၂၄)

စစ်ကောင်စီရဲ့ တပ်မ (၈၈) တပ်မမှူး ဗိုလ်မှူးချုပ်-မင်းထွဋ်ဦးဟာ စစ်ကောင်စီ တိုက်လေယာဉ် Y12 က ကြဲတဲ့ ဗုံးထိပြီး ကျဆုံးသွားတာဖြစ်တယ်လို့ KIA ကချင်လွတ်လပ်ရေးတပ် ပြောခွင့်ရက BNN ကိုပြောပါတယ်။ 

မတ်လ ၂၉ မှာ KIA နဲ့ စစ်ကောင်စီတပ်တွေ တိုက်ပွဲဖြစ်နေစဉ် စစ်ကောင်စီ Y12 လေယာဉ်က ပစ်မှတ်ကိုအသေချာမရွေးပဲ ရမ်းသမ်းပစ်ခတ်တာကြောင့် ဗိုလ်မှူးချုပ် သေဆုံးရတာဖြစ်တယ်လို့ KIA ပြောခွင့်ရ ဗိုလ်မှူးကြီးနော်ဘူက ပြေပါတယ်။

လွယ်ဂျယ်မြို့ အခြေအနေကိုမေးတဲ့အခါမှာတော့ KIA က ဝင်တိုက်တာမရှိပဲ အရင်တိုင်းရှိနေဆဲဖြစ်တယ်လို့ပြောပါတယ်။ ဒါပေမယ့် လွယ်ဂျယ်-မိုးမောက်ကားလမ်းပေါ်က ယောယုံစခန်းအပါဝင် စခန်းကြီး-ငယ် ၁၀ ခုခန့်ကို KIA သိမ်းလိုက်ပြီဖြစ်တဲ့အတွက် လွယ်ဂျယ်နဲ့ မိုးမောက်ကြား စစ်ကောင်စီတပ်တွေ သွားလို့မရတော့ဘူးလို့ ဆိုပါတယ်။

ဒေသတွင်းမီဒီယာဖြစ်တဲ့  The 74 Media ကတော့ ဝိုင်းမော်မြို့နယ်၊ ရွှေညောင်ပင်ကျေးရွာမှာ မနေ့ညနေပိုင်းက စစ်ကောင်စီစစ်ကြောင်းတခုကို KIA က ကြားဖြတ်တိုက်ခိုက်တဲ့အတွက် စစ်ကောင်စီဖက်က အကျအဆုံးများပြီး လက်နက်တွေပါ ကျန်ခဲ့တယ်လို့ ဖေါ်ပြပါတယ်။

ဒါ့အပြင်...

- ကရင်ပြည်နယ်၊ ဖာပွန်မြို့ရှိ ခလရ (၁၉) နဲ့ စစ်လက်နက်ပစ္စည်းတပ် (စစန) ၆၄၂ -တပ်စခန်းတွေကို KNLA ကရင့်အမျိုးသားလွတ်မြောက်ရေးတပ်မတော်နဲ့ မဟာမိတ်တွေက ထပ်မံသိမ်းပိုက်...

- မွန်ပြည်နယ်၊ ကျိုက်မရောမြို့နယ်ရှိ ဓမ္မသကျေးရွာက နေအိမ်အလုံး (၃၀၀) ဝန်းကျင် မီးလောင်အောင် လက်နက်ကြီးနဲ့ပစ်ခတ်တဲ့ စစ်ကောင်စီရဲ့လုပ်ရပ်ဟာ လူသားမျိုးနွယ်အပေါ် ကျုုးလွန်တဲ့ စစ်ရာဇဝတ်မှုဖြစ်တယ်လို့ မွန်ပြည်သစ်ပါတီ (စစ်အာဏာရှင် တိုက်ဖျက်ရေး) က ကြေညာချက်ထုတ်ပြန်...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“တရုတ်-ဓါတ်ငွေ့ပိုက်လိုင်းအနီး လက်နက်ကြီးပေါက်ကွဲ... ဆီဆိုင်မြို့မှာ တို...

“တရုတ်-ဓါတ်ငွေ့ပိုက်လိုင်းအနီး လက်နက်ကြီးပေါက်ကွဲ... ဆီဆိုင်မြို့မှာ တိုက်ပွဲဆက်ဖြစ်နေ... နောက်ဆုံးရ တိုက်ပွဲသတင်းများ”

(၃၁- ၃- ၂၀၂၄)

ရခိုင်ပြည်နယ်၊ အမ်းမြို့နယ်အတွင်းရှိ တရုတ်-ရေနံနဲ့ သဘာဝဓါတ်ငွေ့ပိုက်လိုင်းအနီးမှာ စစ်ကောင်စီက ပစ်လိုက်တဲ့ လက်နက်ကြီးကျည် ပေါက်ကွဲတဲ့အတွက် ဒေသခံတွေ စိုးရိမ်နေတယ်လို့ ဒေသတွင်းမီဒီယာ Western News က ဖေါ်ပြပါတယ်။

မတ်လ ၂၈ ရက် ညပိုင်းမှာ အမ်းမြို့နယ်ရှိ တစ်မိုင်ကုန်း စစ်ကောင်စီတပ်စခန်းကနေ ပစ်လိုက်တဲ့ လက်နက်ကြီးကျည်တွေ တရုတ်ရေနံပိုက်လိုင်းဖြတ်သန်းရာ ဇင်ဂုန်အထက်ရွာနဲ့ ဇင်ဂုန်အောက်ရွာသို့ ကျရောက်ပေါက်ကွဲခဲ့တယ်လို့ ဒေသခံတွေပြောတာကို ကိုးကားဖေါ်ပြထားပါတယ်။

ဇင်ဂုန်ရွာဖက်မှာ တိုက်ပွဲဖြစ်တယ်လို့မကြားရသေးပေမယ့် လုံးကျေးရွာဖက်မှာတော့ မတ်လ ၂၆ ရက်နေ့က ခမရ (၃၄၆)တပ်နဲ့ AA တပ်တွေ တိုက်ပွဲဖြစ်ပြီး စစ်ကောင်စီဖက်က အကျအဆုံးများတယ်လို့ AA က သတင်းထုတ်ပြန်ထားပါတယ်။

အနောက်ပိုင်းတိုင်း စစ်ဌာနချုပ် (နပခ) တည်ရှိရာ အမ်းမြို့နယ်မှာ စစ်ကောင်စီတပ်ရင်း ၁၄ ခုရှိပြီး အားလုံးကို လက်နက်ချဖို့ AA က သတိပေးထားတယ်လို့ Western News က ဖေါ်ပြပါတယ်။

ဒါ့အပြင် AA က သိမ်းပိုက်ထားပြီးဖြစ်တဲ့ မင်းပြားနဲ့ မြေပုံမြို့နယ်တို့ကို စစ်ကောင်စီက လေကြောင်းနဲ့ဗုံးကြဲတိုက်ခိုက်နေတယ်လို့လည်း ဖေါ်ပြပါတယ်။ မတ်လ ၂၉ ညပိုင်းက တိုက်ခိုက်မှုမှာဆိုရင် မင်းပြားမြို့နယ် သေကန်ကျေးရွာက ဘုန်ကြီးကျောင်းကို ထိမှန်ပြီး ဘုန်းတော်ကြီးဒဏ်ရာရတဲ့အပြင် ဘုန်းကြီးကျောင်းနဲ့ နေအိမ် ၅၀ ခန့် မီးလောင်ပျက်စီးခဲ့တယ်လို့လည်း Western News က ဖေါ်ပြပါတယ်။

AA ရက္ခိုင့်တပ်တော်ကတော့ ဒီနေ့ တိုက်ပွဲသတင်း ထုတ်ပြန်တာမတွေ့ရသေးပါဘူး။

တရုတ်-မြန်မာနယ်စပ်ရှိ နယ်စပ်ကုန်သွယ်ရေးမြို့ လွယ်ဂျယ်ကို KIA ကချင်လွတ်လပ်ရေးတပ်နဲ့ မဟာမိတ်တွေက ဝိုင်းဝန်းပိတ်ဆို့ထားလိုက်ပြီ၊ စစ်ကောင်စီ ဝန်ထမ်းတွေအားလုံး တရုတ်ဖက်ထွက်ပြေးသွားပြီဆိုပြီး ဒေသတွင်းမီဒီယာတွေအပါဝင် မီဒီယာအတော်များများမှာ ဖေါ်ပြနေပါတယ်။

ဒါပေမယ့် KIA ပြောခွင့်ရ ဗိုလ်မှူးကြီးနော်ဘူကတော့ အဲဒီသတင်းကို အတည်ပြုချက်ပေးဖို့ ငြင်းဆိုပြီး လွယ်ဂျယ်မှာ ပုံမှန်အတိုင်းရှိနေဆဲဖြစ်တယ်လို့ BNN ကိုပြောပါတယ်။

ဒါ့အပြင်...

- ရှမ်းတောင်ဒေသ ဆီဆိုင်မြို့မှာ တိုက်ပွဲပြင်းထန်နေဆဲဖြစ်ပေမယ့် စစ်ကောင်စီက သတင်းမှားတွေဖြန့်ပြီး အရပ်သားတွေကို စစ်ဇုန်ထဲ မောင်းသွင်းနေတယ်လို့ PNLA က သတင်းထုတ်ပြန်...

- မကွေးတိုင်း၊ ယောဒေသ ပြည်သူ့ကာကွယ်ရေးတပ်ဖွဲ့ (YPDF) ရဲ့ ခေါင်းဆောင်မှု စွမ်းရည်မြှင့်သင်တန်း အပတ် (၁) သင်တန်းဆင်းပွဲ ကျင်းပ...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“ERO တွေ အတော်လေး စုံစုံညီညီတော်လှန်ရေးထဲပြန်ပါလာတာကိုတွေ့ရတယ်၊ ၁၀၀% ပြည...

“ERO တွေ အတော်လေး စုံစုံညီညီတော်လှန်ရေးထဲပြန်ပါလာတာကိုတွေ့ရတယ်၊ ၁၀၀% ပြည့်ဖို့တော့ နည်းနည်းလိုနေသေးတယ်”

- ပဒိုစောကလယ်စေး (ပြောခွင့်ရပုဂ္ဂိုလ် - KNU)

(၃၀- ၃- ၂၀၂၄)

“တိုင်းရင်းသားတော်လှန်ရေးအင်အားစုတွေ အတော်လေးစုံစုံညီညီတော်လှန်ရေးထဲ ပြန်ပါလာတာတွေရတယ်။ ၁၀၀% ပြည့်ဖို့တော့ နည်းနည်းလိုသေးတယ်။ ဒါပေမယ့် အချိန်တန်ရင် အားလုံးပါလာလိမ့်မယ်လို့ မျှော်လင့်တယ်” လို့ ကရင့်အမျိုးသားအစည်းအရုံး KNU ပြောခွင့်ရပုဂ္ဂိုလ် ပဒိုစောကလယ်စေးက ပြောပါတယ်။

ကရင်ပြည်နယ်အတွင်းဖြစ်ပွားနေတဲ့ စခန်းသိမ်း၊ မြို့သိမ်းတိုက်ပွဲတွေရဲ့အခြေအနေ၊ BGF တပ်တွေရပ်တည်ချက်ပြောင်းလဲမှု၊ NCA အဖွဲ့တွေ တော်လှန်ရေးထဲပါလာနေတဲ့ အခြေအနေတွေနဲ့ပတ်သက်ပြီး ... BNN သတင်းဌာနက ဦးထက်အောင်ကျော် မေးမြန်းစဉ် သူက အဲဒီလိုဖြေကြားခဲ့တာပါ။

အခု ထုတ်လွှင့်မယ့်မေးမြန်းချက်ထဲမှာ...

- ဖာပွန်မြို့ကို ထိန်းချုပ်ထားမှုအပါဝင် လက်ရှိတိုက်ပွဲအခြေအနေ...

- BGF ရပ်တည်ချက်ပြောင်းမှုက တော်လှန်ရေးကို ပိုအရှိန်ကောင်းလာစေသလား...

- ရခိုင်၊ ကချင်၊ ကရင်နီ၊ ကရင် စသဖြင့် ERO ဒေသအသီးသီးရဲ့ တိုက်ပွဲတွေကို ဟန်ချက်ညီ-တပြိုင်တည်းဖြစ်အောင် ဘယ်လိုဆောင်ရွက်သင့်သလဲ...

- စစ်ရှုံးနေတဲ့ စစ်ကောင်စီက လမ်းကြောင်းသစ်မရှာပဲ ၁၀၀% ရှုံးတဲ့အထိ ဆက်တိုက်ဖို့ပြင်ဆင်နေပြီလား...

- နယ်စပ်ဖြတ်ကျော် လူသားစာနာ အကူအညီတွေ တကယ်လိုအပ်နေတဲ့သူတွေဆီ တိုက်ရိုက်ရောက်အောင် ဘယ်လိုဆောင်ရွက်သင့်သလဲ...

...စတဲ့ အကြောင်းအရာတွေကို ဆွေးနွေးတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“လွယ်ဂျယ်မြို့ကို KIA ဝိုင်းဝန်းပိတ်ဆို့... ဖာပွန်မြို့ကို KNLA ဆက်လက် ထ...

“လွယ်ဂျယ်မြို့ကို KIA ဝိုင်းဝန်းပိတ်ဆို့... ဖာပွန်မြို့ကို KNLA ဆက်လက် ထိန်းချုပ်... 

နောက်ဆုံးရ တိုက်ပွဲသတင်းများ”

(၃၀- ၃- ၂၀၂၄)

တရုတ်-မြန်မာနယ်စပ်ရှိ ကချင်ပြည်နယ်ထဲက လွယ်ဂျယ်-နယ်စပ်ကုန်သွယ်ရေးမြို့ကို KIA ကချင်လွတ်လပ်ရေးတပ်နဲ့ မဟာမိတ်တွေက ဝိုင်းဝန်းပိတ်ဆို့ထားလိုက်ပြီလို့ ဒေသတွင်းမီဒီယာ The 74 Media က ဖေါ်ပြပါတယ်။

မတ်လ ၂၉ ရက်နေ့ မနက်ပိုင်းမှာ အခုလို ဝိုင်းထားလိုက်တာဖြစ်ပြီး စစ်ကောင်စီ လက်အောက်ခံ ဌာနဆိုင်ရာဝန်ထမ်းအားလုံး တရုတ်နိုင်ငံဖက် ထွက်ခွာဖို့ နယ်စပ်ဂိတ်မှာရောက်နေတယ်၊ တရုတ်ဖက်က နယ်စပ်ဂိတ်ဖွင့်မပေးသေးဘူးလို့ ဆိုပါတယ်။

မြို့အတွင်း တိုက်ပွဲမဖြစ်ချင်တဲ့အတွက် စစ်ကောင်စီတပ်ဖွဲ့ဝင်တွေ လက်နက်ချဖို့ KIA ဘက်က ကမ်းလှမ်းနေတယ်လို့ KIA အရာရှိတဦးပြောတာကို ကိုးကားဖေါ်ပြပါတယ်။

မိုးမောက် - လွယ်ဂျယ်လမ်းပေါ်ရှိ ယော်ယုံစခန်းအပါအဝင် စခန်း ၆ ခုကို သိမ်းပြီးတဲ့နောက် အခု လွယ်ဂျယ် နယ်စပ်ကုန်သွယ်ရေးမြိုံကို ထိန်းချုပ်လိုက်တာဖြစ်တယ်လို့ The 74 Media အပါဝင် ဒေသတွင်း မီဒီယာအတော်များများမှာ ဖေါ်ပြထားပါတယ်။

ဒီသတင်းနဲ့ပတ်သက်ပြီး KIA ပြောခွင့်ရ ဗိုလ်မှူးကြီးနော်ဘူကို BNN က အကြိမ်ကြိမ် ဆက်သွယ်မေးမြန်းနေပေမယ့် အခုချိန်အထိ အကြောင်းပြန်ချက် မရသေးပါဘူး။

ကရင်ပြည်နယ်၊ ဖာပွန်မြို့ကို KNLA ကရင့်အမျိုးသားလွတ်မြောက်ရေးတပ်နဲ့ မဟာမိတ် ပူးပေါင်းတပ်တွေက ထိန်းချုပ်လိုက်ပြီဖြစ်ပေမယ့် မြို့ပတ်လည်ရှိ စစ်ကောင်စီတပ်စခန်းတွေကို ဆက်လက်တိုက်ထုတ်ဖို့ လိုအပ်နေဆဲဖြစ်တယ်လို့ KNU ပြောခွင့်ရ ပဒိုစောကလယ်စေးက BNN ကိုပြောပါတယ်။

တပ်မဟာ ၅ ဖာပွန်ဒေသအပြင် တပ်မဟာ ၆ ဖက်မှာလည်း တိုက်ပွဲတွေပြင်းထန်နေပြီး စခန်းသိမ်းပွဲတွေ ဆက်တိုက်လုပ်ဆောင်နေတယ်လို့ ဆိုပါတယ်။

ဒါ့အပြင်...

- မွန်ပြည်နယ်၊ သံဖြူဇရပ်မြို့အဝင်ဂိတ်ကို တော်လှန်ရေးတပ်ပေါင်းစုက ဝင်ရောက်တိုက်ခိုက်ပြီး စစ်ကောင်စီဖက်က ၂ ဦးသေ၊ ၃ ဦးဒဏ်ရာရ...

- မ‌ကွေးတိုင်း၊ ပခုက္ကူမြို့နယ်အ‌ခြေစိုက်၊ တော်လှန်ရေးတပ်တွေရဲ့ စုဖွဲ့-လေ့ကျင့်မှုအခမ်းအနားနဲ့ လက်နက်တပ်ဆင်ပွဲတခု ကျင်းပ...

 ... စတဲ့ သတင်းတွေကို စုစည်း တင်ပြထားပါတယ်။

(KNU ပြောခွင့်ရ ပဒိုစောကလယ်စေးနဲ့ မေးမြန်းချက်အပြည့်အစုံကိုတော့ ညနေပိုင်းမှာ ထုတ်လွှင့်ပေးဖို့စီစဉ်ထားပါတယ်)

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“နပခ စစ်ဌာနချုပ် အမ်းမြို့နယ်အထိ AA က ဝင်တိုက်... ဖာပွန်မြို့ကို KNLA ထိ...

“နပခ စစ်ဌာနချုပ် အမ်းမြို့နယ်အထိ AA က ဝင်တိုက်... ဖာပွန်မြို့ကို KNLA ထိန်းချုပ်... နောက်ဆုံးရ တိုက်ပွဲသတင်းများ”

(၂၉ -၃- ၂၀၂၄)

ရခိုင်ပြည်နယ်၊ ဘူးသီးတောင်မြို့နယ်ရှိ တောင်ဘဇာ- စစ်ကောင်စီတပ်စခန်းကို မတ်လ ၂၅ မှာ သိမ်းပိုက်လိုက်ပြီလို့ AA ရက္ခိုင့်တပ်တော်က သတင်းထုတ်ပြန်ပါတယ်။

စခန်းမသိမ်းခင် မနက်ပိုင်းတုန်းကတော့ ဘူးသီးတောင်-မောင်တောလမ်းပေါ်ရှိ ဘူးသီးတောင်ဗျူဟာလက်အောက်ခံ၊ ခလရ (၂၃၄) တပ်ရင်းက အင်အား (၅၀) ခန့်ရှိစစ်ကြောင်းနဲ့ AA တို့အကြား တိုက်ပွဲဖြစ်ပြီး စစ်ကောင်စီဖက်က ၈ ဦးသေတယ်လို့ဆိုပါတယ်။

ဒါ့အပြင် စစ်ပွဲဟာ အခုဆိုရင် အနောက်ပိုင်းတိုင်းစစ်ဌာနချုပ် (နပခ) တည်ရှိရာ အမ်းမြို့နယ်အတွင်းထိရောက်လာနေပြီး လုံးကျေးရွာမှာ မတ်လ ၂၆ ရက်နေ့က ခမရ ၃၄၆ တပ်တွေနဲ့ AA တပ်တွေကြား မိနစ် ၃၀ ကြာ တိုက်ပွဲဖြစ်ခဲ့တယ်လို့ AA က ပြောပါတယ်။

စစ်ကောင်စီဖက်က ဒရုန်းတွေ၊ လေကြောင်းပစ်ကူတွေ၊ လက်နက်ကြီးပစ်ကူအများအပြားသုံးတဲ့အထိ တိုက်ပွဲပြင်းထန်ခဲ့ပြီး စစ်ကောင်စီဖက်က ၁၅ ဦးသေ၊ အလောင်းတွေနဲ့ လက်နက်ခဲယမ်းများစွာ သိမ်းမိတယ်လို့ ထုတ်ပြန်ချက်က ဆိုပါတယ်။

နောက်ထပ် ထူးခြားချက်ကတော့ စစ်ပွဲဟာ ရခိုင်ပြည်နယ်ကိုကျော်ပြီး၊ မကွေးတိုင်း၊ ငဖဲမြို့နယ်အထိဖြစ်နေပြီ၊ မတ်လ ၂၆ ရက်နေ့က ငဖဲမြို့နယ်- တုံးကြီးကျေးရွာဝန်းကျင်မှာ စစ်ကောင်စီအင်အား ၄၀ ခန့်နဲ့ AA တို့တိုက်ပွဲဖြစ်ပြီး စစ်ကောင်စီဖက်က ၄ ဦးသေပြီး ၈ ဦးခန့်ဒဏ်ရာရတယ်လို့ AA က ပြောပါတယ်။

ဒါ့အပြင် မတ်လ ၂၈ ရက်လကည်း ငဖဲမြို့နယ်၊ ချောင်းဖျားရွာဝန်းကျင်မှာ အင်အား ၅၀ ခန့်ရှိ စစ်ကောင်စီတပ်နဲ့ AA တို့တိုက်ပွဲထပ်ဖြစ်ပြီး စစ်ကောင်စီဖက်က ၆ ဦးသေ၊ ၁၀ ဦးခန့် ဒဏ်ရာရကာ လက်နက်အချို့သိမ်းမိတယ်လို့ ထုတ်ပြန်ချက်က ဆိုပါတယ်။

တချိန်တည်းမှာပဲ မောင်တောမြို့နယ်ရှိ  ကြိမ်ချောင်း-နယ်ခြားစောင့်တပ်စခန်းကို အပြီးသတ် သိမ်းပိုက်နိုင်ရေးအတွက် AA က ထိုးစစ်အရှိန်မြှင့်နေတယ်လို့ ထုတ်ပြန်ချက်မှာ ဖေါ်ပြထားပါတယ်။

ကရင်ပြည်နယ်မှာတော့ ဖာပွန်မြို့ကို KNLA ကရင့်အမျိုးသားလွတ်မြောက်ရေးတပ်နဲ့ မဟာမိတ် ပူးပေါင်းတပ်တွေက ထိန်းချုပ်လိုက်ပြီလို့ KIC - Karen Information Center က ဖေါ်ပြပါတယ်။

မတ်လ ၂၈ ရက်နေ့မှာ အခုလိုထိန်းချုပ်လိုက်တာဖြစ်ပြီး မြို့တွင်းရှိ စစ်ကောင်စီတပ်တွေအားလုံး မြို့ပြင်ရှိ မယ်တရိုး စစ်ဗျူဟာကုန်းနဲ့ တပ်ရင်း (၁၉)စခန်းဖက် ပြန်ဆုတ်သွားတယ်လို့ မူတြော်ခရိုင်/ KNLA အမှတ် (၅) တပ်မဟာ အရာရှိတဦးပြောပါတယ်။

ဒါ့အပြင်...

- ကချင်ပြည်နယ်မှာလည်း မိုးမောက်-လွယ်ဂျယ်လမ်းပေါ်ရှိ ဗျုဟာအရအရေးပါတဲ့ ယော်ယုံတောင် တပ်စခန်းအပါအဝင် စခန်း ၆ ခုကို မတ်လ ၂၇ မှာ KIA ကချင်လွတ်လပ်ရေးတပ်နဲ့ မဟာမိတ်ပူးပေါင်းတပ်တွေက သိမ်းပိုက်...

- မွန်ပြည်နယ်၊ ကျိုက်မရောမြို့နယ်၊ ဓမ္မသကျေးရွာကို ဂျိုင်းမြစ်အတွင်းရှိ စစ်ကောင်စီ ရေတပ်က လက်နက်ကြီးနဲ့ပစ်တဲ့အတွက် နေအိမ် ၃၀၀ ခန့် မီးလောင်...

 ... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“စိန်လုံတောင်ပေါ်က စစ်ကောင်စီစခန်းတွေကို KIA ထိုးစစ်ဆင်... ထီးကပလယ် စခန်...

“စိန်လုံတောင်ပေါ်က စစ်ကောင်စီစခန်းတွေကို KIA ထိုးစစ်ဆင်... ထီးကပလယ် စခန်းသိမ်းနိုင်ရေး KTLA က ထိုးစစ်ဆင်... နောက်ဆုံးရ တိုက်ပွဲသတင်းများ”

(၂၈- ၃- ၂၀၂၄)

ကချင်ပြည်နယ်၊ မိုးမောက်မြို့နယ်တွင်းရှိ စစ်ကောင်စီတပ်ခစန်း ၄ ခုကို မတ်လ ၂၆ ရက်နေ့မှာ သိမ်းပိုက်ခဲ့တယ်လို့ KIA ကချင့်လွတ်လပ်ရေးတပ် ပြောခွင့်ရက BNN ကိုပြောပါတယ်။ ဒါ့အပြင် ဆွမ်ပရာဘွမ်ဖက်မှာလည်း တိုက်ပွဲပြင်းထန်နေတယ်လို့ KIA ပြောခွင့်ရ ဗိုလ်မှူးကြီးနော်ဘူက ပြောပါတယ်။

ဒေသတွင်းမီဒီယာဖြစ်တဲ့ The 74 Media ကတော့ မိုးမောက် - လွယ်ဂျယ်လမ်းပေါ်ရှိ စိန်လုံတောင်တန်းပေါ်က စစ်ကောင်စီတပ်စခန်း ၄ ခုကို မနေ့မနက် ၇ နာရီခန့်မှာ KIA နဲ့ မဟာမိတ်တပ်တွေက တပြိုင်တည်း ထိုးစစ်ဆင်တိုက်ခိုက်နေတယ်လို့ ဖေါ်ပြပါတယ်။

ဗျုဟာအရအရေးပါတဲ့ ဒီတောင်တန်းကိုသိမ်းနိုင်ရင် ဗန်းမော်နဲ့ မိုးမောက်ကို ထိန်းနိုင်ပြီလို့ဆိုပါတယ်။ လောလောဆယ်တော့ တိုက်ပွဲတွေပြင်းထန်နေပြီး စစ်ကောင်စီဖက်က လေကြောင်းပစ်ကူသုံးနေတယ်လို့ ဖေါ်ပြပါတယ်။

စစ်ကောင်စီပစ်လိုက်တဲ့ လက်နက်ကြီးကျည်အတော်များများ တရုတ်နယ်စပ်ရှိ မိုင်ဂျာယန်မြို့ စာသင်ကျောင်းပေါ် ကျရောက်တဲ့အတွက် ဒေသခံတွေ ထွက်ပြေးနေရတယ်၊ လက်နက်ကြီးကျည် ၂ လုံဟာ တရုတ်နိုင်ငံ လွယ်ဂျယ်မြို့နယ်ထဲအထိ ကျရောက်ခဲ့တယ်လို့လည်း ဒေသခံတွေပြောတာကို ကိုးကားပြီး The 74 Media က ဖေါ်ပြထားပါတယ်။

ဒါ့အပြင်...

- ကရင်ပြည်နယ်၊ တပ်မဟာ(၆)နယ်မြေ၊ မြဝတီမြို့တောင်ဘက်ရှိ ထီးကပလယ် စစ်ကောင်စီတပ်စခန်းကို သိမ်းပိုက်နိုင်ရေး ကော်သူးလေအာမီ-KTLA နဲ့ မဟာမိတ်တွေက ထိုးစစ်ဆင်...

- ရှမ်းတောင်ဒေသ ဆီဆိုင်မြို့တွင်းနဲ့ မြို့ပတ်ဝန်းကျင်ကို စစ်ကောင်စီက တင့်ကားတွေအသုံးပြု၊ လက်နက်ကြီးနဲ့ပစ်ခတ်ပြီး ထိုးစစ်ဆင်နေတဲ့အတွက် တိုက်ပွဲပြင်းထန်နေတယ်လို့ PNLA- သတင်းထုတ်ပြန်...

 ... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“လက်နက်မဟုတ်တဲ့ အကူအညီက ၂၅ သန်း၊ နယ်စပ်ဖြတ် လူသားစာနာ အကူအညီက ၇၅ သန်းဆို...

“လက်နက်မဟုတ်တဲ့ အကူအညီက ၂၅ သန်း၊ နယ်စပ်ဖြတ် လူသားစာနာ အကူအညီက ၇၅ သန်းဆိုပြီးပါတယ်”

- ဦးကျော်ဇော (သမ္မတရုံးပြောခွင့်ရပုဂ္ဂိုလ် - NUG)

(၂၇- ၃- ၂၀၂၄)

“Burma Act အရ အကူအညီပေးမယ့်ထဲမှာ လက်နက်မဟုတ်တဲ့ နည်းပညာအကူအညီက ၂၅ သန်း၊ စစ်ဘေးရှောင်တွေအတွက် နယ်စပ်ဖြတ်ကျော်ပေးမယ့် လူသားစာနာ အကူအညီက ၇၅ သန်းပါတယ်။ CDM နဲ့ အခြားကိစ္စတွေအတွက်က ၂၁ သန်းဝန်းကျင်ဖြစ်မယ်” လို့ အမျိုးသားညီညွတ်ရေးအစိုးရ (NUG) သမ္မတရုံး ပြောခွင့်ရပုဂ္ဂိုလ် ဦးကျော်ဇောက ပြောပါတယ်။

ပြီးခဲ့တဲ့ရက်ပိုင်းမှာ အမေရိကန်အစိုးရက အတည်ပြုပေးလိုက်တဲ့ မြန်မာနိုင်ငံအတွက် ဒေါ်လာ ၁၂၁ သန်းအကူအညီနဲ့ပတ်သက်ပြီး BNN သတင်းဌာနက ဦးထက်အောင်ကျော် မေးမြန်းစဉ် သူက အဲဒီလိုဖြေကြားခဲ့တာပါ။

အခု ထုတ်လွှင့်မယ့် မေးမြန်းချက်ထဲမှာ...

- အမေရိကန်ကပေးမယ့် ဒေါ်လာ ၁၂၁ သန်းကို ဘယ်သူတွေရနိုင်သလဲ...

- လက်နက်မဟုတ်တဲ့ နည်းပညာအကူအညီဆိုတာ ဘာတွေလဲ...

- အမေရိကန်ရဲ့နယ်စပ်ဖြတ်ကျော်အကူအညီမလာခင် ထိုင်းနိုင်ငံက စတင်လိုက်တဲ့ နယ်စပ်ဖြတ်ကျော်အကူအညီ ရှေ့ပြေးလုပ်ငန်းစဉ် ဘယ်လိုအခြေအနေရှိသလဲ...

- ဒီလိုအကူအညီတိုးရလာခြင်းက နွေဦးတော်လှန်ရေးကို နိုင်ငံတကာက အားပေးထောက်ခံမှု တိုးလာခြင်းရဲ့ သင်္ကေတလား...

... စတဲ့ အကြောင်းအရာတွေကို ဆွေးနွေးတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“ဒီစစ်တပ်ကြီးကို နိုင်အောင်တိုက်နိုင်သူမရှိဘူးလို့ ပြောခဲ့သူတွေ အခု ပက်လ...

“ဒီစစ်တပ်ကြီးကို နိုင်အောင်တိုက်နိုင်သူမရှိဘူးလို့ ပြောခဲ့သူတွေ အခု ပက်လက်လန်နေပြီ”

- ဦးစိန်ဌေး (စီးပွားရေး ဆန်းစစ်ဝေဖန်သူ)

(၂၇- ၃- ၂၀၂၄)

“နိုင်ငံတကာအဆင့်မီတဲ့ ဒီစစ်တပ်ကြီးကို ERO နဲ့ PDF တွေက နိုင်အောင်မတိုက်နိုင်ဘူးလို့ထင်ခဲ့ကြတာ ပြည်တွင်းကလူတွေတင်မကဘူး၊ နိုင်ငံတကာ အစိုးရတွေလည်းပါတယ်။ အခု အဲလိုထင်ခဲ့ပြောခဲ့သူတွေ၊ ဒီစစ်တပ်ကြီးကို နိုင်အောင်တိုက်နိုင်သူမရှိဘူးလို့ ပြောခဲ့သူတွေ ပက်လက်လန်နေပြီ” လို့ စီးပွားရေး ဆန်းစစ်ဝေဖန်သူ ဦးစိန်ဌေးက ပြောပါတယ်။

ဒီနေ့ကျင်းပနေတဲ့ ဖက်ဆစ်တော်လှန်ရေးနေ့ သို့မဟုတ် စစ်ကောင်စီအခေါ် တပ်မတော်နေ့မှာ မြန်မာစစ်တပ်ရဲ့ နောက်ဆုံးအခြေအနေ ဘယ်လိုရှိသလဲ၊ ERO နဲ့ PDF တွေဖက် အခြေအနေကော ဘယ်လောက်အထိတိုးတက်နေပြီလဲ... စသဖြင့် BNN သတင်းဌာနက ဦးထက်အောင်ကျော် မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်မယ့် မေးမြန်းချက် ဒုတိယ ပိုင်းမှာ...

- နိုင်ငံတကာက ဒီလောက်ပိတ်ဆို့အရေးယူနေတဲ့ကြားက စစ်ကောင်စီခေါင်းဆောင် ဘာကြောင့် ဆက်လက်ရှင်သန်နေတာလဲ...

- နှစ် ၇၀ ကျော် သက်တန်းရှိတဲ့၊ နိုင်ငံတကာအဆင့်မီတဲ့ တပ်မတော်ကြီးကို ဘယ်သူမှ နိုင်အောင်မတိုက်နိုင်ဘူးလို့ ပြောဆိုမှုတွေ အခု ဘာဖြစ်သွားပြီလဲ...

- အမြန်ဆုံးပွဲပြတ်အောင် ပြည်သူတွေက ဘယ်လိုကူညီပေးနိုင်မလဲ...

... စတဲ့ အကြောင်းအရာတွေကို ဆွေးနွေးတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“ဘူးသီးတောင်မြို့ကို AA သိမ်းပိုက်... မိုးမောက်က တပ်ရင်း ၂ ခုကို KIA သိမ...

“ဘူးသီးတောင်မြို့ကို AA သိမ်းပိုက်... မိုးမောက်က တပ်ရင်း ၂ ခုကို KIA သိမ်းပိုက်... နောက်ဆုံးရ တိုက်ပွဲသတင်းများ”

(၂၇- ၃- ၂၀၂၄)

ရခိုင်ပြည်နယ်၊ ဘူးသီးတောင်အခြေစိုက် စကခ (၁၅) လက်အောက်ခံ၊ ခမရ (၅၅၂) တပ်ရင်းတခုလုံးကို မတ်လ (၂၅) ရက် နေ့လယ် (၁၂) နာရီမှာ အပြီးသတ်သိမ်းပိုက်လိုက်ပြီလို့ AA  ရက္ခိုင့်တပ်တော်က သတင်းထုတ်ပြန်ပါတယ်။

တနည်းအားဖြင့် ဘူးသီးတောင်မြို့ကို AA က သိမ်းပိုက်လိုက်တာဖြစ်ပြီး ဒါဟာ ၁၀ ခုမြောက် မြို့သိမ်းတိုက်ပွဲလည်းဖြစ်ပါတယ်။ ဒီအရင် AA က သိမ်းထားတဲ့မြို့တွေကတော့ ပလက်ဝ၊ ပေါက်တော၊ ကျောက်တော်၊ မင်းပြား၊ မြောက်ဦး၊ မြေပုံ၊ ပုဏ္ဏားကျွန်း၊ ရမ်းဗြဲ၊ ရသေ့တောင်နဲ့ အခု ဘူးသီးတောင်မြို့တွေဖြစပါတယ်။

ဒီစခန်းသိမ်းနိုင်ရေးအတွက် ဖေဖော်ဝါရီလ (၂၄) ရက်နေ့မှာ စတင်ထိုးစစ်ဆင်ခဲ့ပြီး ၃၂ ရက်အကြာမှာမှ သိမ်းနိုင်ခဲ့တာဖြစ်ပါတယ်။ စစ်ကောင်စီဖက်က ကြည်းတပ်အပြင် လေကြောင်းပစ်ကူနဲ့ပါ အပြင်းအထန်ခုခံနေတဲ့ကြားက အခုလို သိမ်းနိုင်ခဲ့တာဖြစ်ပါတယ်။

တိုက်ပွဲအတွင်း စစ်ကောင်စီရဲ့အလောင်းတွေနဲ့အတူ လက်နက်ခဲယမ်းများစွာ သိမ်းမိတဲ့အပြင် လက်နက်ချအညံ့ခံသူ အချို့ကိုလည်း ဖမ်းဆီး မိထားတယ်လို့ AA က ပြောပါတယ်။ လက်နက်ချအညံ့ခံသူတွေကို AA က ကောင်းမွန်စွာစောင့်ရှောက်ထားပြီး ပလက်ဝတိုက်ပွဲကနေ အခုချိန်အထိဆိုရင် ထောင်နဲ့ချီ ရှိနေပြီလို့ ထုတ်ပြန်ချက်က ဆိုပါတယ်။

တချိန်တည်းမှာပဲ မောင်တောမြို့ရှိ တမန်းသား ရဲကင်းစခန်းကို AA က ထိုးစစ်ဆင်တိုက်ခိုက်ခဲ့ပြီးနောက် မတ်လ (၂၅) ရက်နေ့မှာ စစ်သားအင်အား (၁၀၀) ခန့် AA ထံ လက်နက်ချခဲ့တယ်လို့ ထုတ်ပြန်ချက်မှာ ဖေါ်ပြထားပါတယ်။ 

ဒါ့အပြင်...

- ကချင်ပြည်နယ်၊ မိုးမောက်မြို့နယ်၊ မြို့သစ်ကျေးရွာအနီးရှိ ခမရ ၃၈၇ နဲ့ စီဟတ်ကျေးရွာအနီးရှိ ခမရ (၃၂၀) စခန်းအပါဝင် စခန်း ၄ ခိုကို KIA နဲ့ မဟာမိတ်တွေက သိမ်းပိုက်...

- ချင်းပြည်နယ်၊ ဟားခါးမြို့ပေါ်မှာ စစ်မှုထမ်းဆင့်ခေါ်ရေး ဆောင်ရွက်နေတဲ့ ရဲအုပ်အဆင့်ရှိသူတဦးကို (CDF- ဟားခါး) က ဖမ်းဆီး...

- မွန်ပြည်တော်လှန်ရေးတပ် (MSRF) ရဲ့ ပထမဆုံးအကြိမ် အခြေခံစစ်သင်တန်းဆင်းပွဲ ကျင်းပ...

 ... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“နှစ် ၇၀ ကျော်အတွင်း ပထမဆုံးအကြိမ် ညနေပိုင်းကို ပြောင်းလုပ်ရတယ်ဆိုကတည်းက...

“နှစ် ၇၀ ကျော်အတွင်း ပထမဆုံးအကြိမ် ညနေပိုင်းကို ပြောင်းလုပ်ရတယ်ဆိုကတည်းက လုံခြုံရေးအခြေအနေကို မှန်းလို့ရပါတယ်”

- ဗိုလ်ကြီးဟောင်း နေမျိုးဇင် (ဘက်ပြောင်းရေးအစီအမံကော်မီတီ - IEC)

(၂၆- ၃- ၂၀၂၄)

“ဖက်ဆစ်တော်လှန်ရေးနေ့အခမ်းအနားကို နှစ်စဉ် မတ်လ ၂၇ မနက်စောစောမှာကျင်းပနေကြဖြစ်ပေမယ့် ဒီနှစ်မှထူးထူးခြားခြား ညနေပိုင်းကျင်းပမယ်လို့ကြေညာလိုက်တာဟာ နေပြည်တော်မှာလုံခြုံရေးအခြေအနေမကောင်းဘူး။ တနည်းအားဖြင့် စစ်ခေါင်းဆောင်တွေရဲ့ အနာဂတ်အခြေအနေမကောင်းဘူးဆိုတာကို မှန်းဆလို့ရနိုင်ပါတယ်” လို့ ကရင်နီပြည်ကြားကာလအုပ်ချုပ်ရေးကောင်စီ ဘက်ပြောင်းရေးအစီအမံကော်မီတီ ညွန်ကြားရေးမှူး ဗိုလ်ကြီးဟောင်းနေမျိုးဇင်က ပြောပါတယ်။

မနက်ဖန်ကျင်းပမယ့် ၇၉ ကြိမ်မြောက် ဖက်ဆစ်တော်လှန်ရေးနေ့အခမ်းအနားမှာ ဘယ်လိုထူးခြားချက်တွေ တွေ့ရနိုင်သလဲ၊ လက်ရှိ စစ်တပ်ရဲ့ အနေအထားက ဘယ်အချိန်လောက်မှာ လုံဝပြိုကျသွားနိုင်သလဲ...စသဖြင့် BNN သတင်းဌာနက ဦးထက်အောင်ကျော် မေးမြန်းစဉ် သူက အဲဒီလိုဖြေကြားခဲ့တာပါ။

အခု ထုတ်လွှင့်မယ့်မေးမြန်းချက်ထဲမှာ...

- မနက်ဖန်ကျင်းပမယ့် ဖက်ဆစ်တော်လှန်ရေးနေ့မှာ ဘယ်လိုထူးခြားချက်တွေ မြင်ရနိုင်သလဲ...

- စစ်တပ်အတွင်း အုပ်စုအလိုက်အားပြိုုင်မှုတွေ၊ အချင်းချင်း ပွတ်တိုက်မှုတွေ ဘယ်လိုရှိနေသလဲ...

- ရှေ့တန်းဒေသအသီးသီးက တိုက်ပွဲကျဆုံးမှု၊ လက်နက်ချမှု၊ ဘက်ပြောင်းမှုတွေက ဘယ်လောက်အထိများလာနေသလဲ...

- ရှေ့တန်းမှာ ပြိုကျမှုအတော်ဆိုးနေပေမယ့် နေပြည်တော် စစ်ရုံးချုပ်မပြိုသေးတာ ဘာကြောင့်လဲ...

- အိမ်နီးချင်းနိုင်ငံတွေက ERO, PDF တွေနဲ့ပူးပေါင်းဆောင်ရွက်မှုကို အရှိန်မြှင့်လိုက်ရင် စစ်ကောင်စီအနေအထား ဘယ်လိုဖြစ်သွားနိုင်သလဲ...

... စတဲ့အကြောင်းအရာတွေကို ဆွေးနွေးတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“အရင်လူတွေက ပြည်သူကိုပဲ ဒုက္ခပေးတာ၊ စစ်သားတွေကို မထိဘူး”

“အရင်လူတွေက ပြည်သူကိုပဲ ဒုက္ခပေးတာ၊ စစ်သားတွေကို မထိဘူး”

- ဦးစိန်ဌေး (စီးပွားရေး ဝေဖန်သုံးသပ်သူ)

(၂၆- ၃- ၂၀၂၄)

“စစ်အာဏာသိမ်းခေါင်းဆောင် မျိုးဆက် ၃ ခုမှာ အရင် ၂ ခုရဲ့ခေါင်းဆောင်တွေက လူထုကိုပဲ ဒုက္ခပေးပြီး စစ်သားအချင်းချင်း ဒုက္ခမပေးခဲ့ဘူး။ အခု အာဏာသိမ်းခေါင်းဆောင်ကတော့ သူရဲ့အမာခံ စစ်သားတွေကိုပါမချန် ချနင်းနေပြီ၊ အာဏာနဲ့ဓနရဖို့ဆိုရင် ဘာမဆိုလုပ်ရဲတဲ့ စစ်ခေါင်းဆောင်မျိုးဖြစ်လာနေပြီ” လို့ စီးပွားရေးပညာရှင် ဦးစိန်ဌေးက ပြောပါတယ်။

စစ်မှုထမ်းဥပဒေကိုအသုံးချပြီး ငွေညှစ်နေတဲ့ကိစ္စ၊ စစ်သားတွေရဲ့အသက်အာမခံငွေကို ထုတ်ပေးဖို့တုန့်နှေးနေတဲ့ တပ်ချုပ်ကြီးရဲ့သားပိုင်ကုပဏီကိစ္စအပါဝင် လက်ရှိ စစ်ခေါင်းဆောင်တွေက နိုင်ငံရေးအာဏာအပြင် စီးပွားရေးဖက်မှာပါ သောင်းကျန်းနေသလား...စသဖြင့် BNN သတင်းဌာနက ဦးထက်အောင်ကျော်မေးမြန်းစဉ် သူက အဲဒီလိုဖြေကြားခဲ့တာပါ။

အခု ထုတ်လွှင့်မယ့် မေးမြန်းချက် ပထမပိုင်းမှာ...

- စစ်မှုထမ်းဥပဒေကိုအသုံးချပြီး အုပ်ကြီးတွေ ငွေညှစ်နေသလား...

- သေဆုံး၊ ကျဆုံး စစ်သားတွေအတွက် အသက်အာမခံကြေးထုတ်ပေးဖို့ ဘာကြောင့်တုန့်နှေးနေတာလဲ...

- အာဏာသိမ်း စစ်ခေါင်းဆောင် မျိုးဆက် ၃ ခုမှာ အခုမျိုးဆက်က အဆိုးဆုံးလို့ ဘာကြောင့်ပြောတာလဲ...

- နိုင်ငံတကာရဲ့ စီးပွားရေးဒဏ်ခတ်မှုက ဗိုလ်ချုပ်ကြီးတွေရဲ့ပိုင်ဆိုင်မှုကို ထိကော ထိရဲ့လား...

...စတဲ့အကြောင်းအရာတွေကို ဆွေးနွေးတင်ပြထားပါတယ်။

(ဖက်ဆစ်တော်လှန်ရေးနေ့မှာ လက်ရှိမြန်မာစစ်တပ်ရဲ့ အခြေအနေအပေါ် ဗိုလ်ကြီးဟောင်းနေမျိုးဇင်ရဲ့ သုံးသပ်ချက်ကိုတော့ ညနေပိုင်းမှာ ထုတ်လွှင့်ပေးဖို့ စီစဉ်ထားပါတယ်)

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“ကော့ဘိန်းနယ်မြေ ရဲစခန်းကို KNLA က သိမ်းပိုက်... မချမ်းဘောမြို့နယ်က စစ်က...

“ကော့ဘိန်းနယ်မြေ ရဲစခန်းကို KNLA က သိမ်းပိုက်... မချမ်းဘောမြို့နယ်က စစ်ကောင်စီတပ် စခန်းစွန့်ခွာထွက်ပြေး... နောက်ဆုံးရ တိုက်ပွဲသတင်းများ”

(၂၆- ၃- ၂၀၂၄)

ကရင်ပြည်နယ်၊ ကော့ကရိတ်မြိုနယ်ရှိ ကော့ဘိန်းနယ်မြေရဲစခန်းကို KNLA ဦးဆောင်တဲ့ တော်လှန်ရေးတပ်ပေါင်းစုက မတ်လ ၂၅ ရက်မှာ သိမ်းပိုက်လိုက်ပြီး လက်နက်များစွာနဲ့ သုံ့ပန်းများစွာဖမ်းမိတယ်လို့ Lion Battalion က သတင်းထုတ်ပြန်ပါတယ်။

တပ်မဟာ ၆ နယ်မြေ၊  ဒူးပလာယာခရိုင်အတွင်းရှိ ကော့ဘိန်းနယ်မြေရဲစခန်းကို မတ်လ ၂၄ ရက်၊ မနက် ၇ နာရီမှာ ထိုးစစ်ဆင်ပြီး မတ်လ ၂၅ ရက် နေ့လယ် တနာရီခန့်မှာ သိမ်းမိတယ်လို့ဆိုပါတယ်။ စစ်ကောင်စီဖက်က လေကြောင်းပစ်ကူအပြင်းအထန်လုပ်နေတဲ့ကြားကနေ စခန်းကိုသိမ်းနိုင်ခဲ့တာဖြစ်ပြီး မီးရှို့ဖျက်ဆီးခဲ့တယ်လို့ ထုတ်ပြန်ချက်မှာ ဖေါ်ပြပါတယ်။

စခန်းသိမ်းတိုက်ပွဲအတွင်း စစ်ကောင်စီဖက်က အလောင်း ၅ လောင်းကျန်ခဲ့ပြီး သုံ့ပန်း ၂၃ ဦးကို ဖမ်းဆီးခဲ့တယ်၊ လက်နက်ကြီး-ငယ်မျိုးစုံ ၂၇ လက်ရရှိတယ်လို့ ဓာတ်ပုံ-ဗီဒီယို မှတ်တမ်းနဲ့တကွ ထုတ်ပြန်ထားပါတယ်။

အညံခံသူ ၂၃ ဦးနဲ့ မိသားစုဝင် ၁၈ ဦးတို့ကို လူအခွင့်ရေးနှင့်အညီ ထိန်းသိမ်းခဲ့ပြီး အမျိုးသားညီညွတ်ရေးအစိုးရ NUG ထံသို့ စနစ်တကျလွဲပြောင်းပေးခဲ့တယ်။ စစ်ကောင်စီအောက်မှာ တာဝန်မထမ်းချင်တဲ့ စစ်သားတွေအားလုံး CDM လုပ်ပြီး တော်လှန်ရေးတပ်တွေနဲ့ ဆက်သွယ်ဆောင်ရွက်ဖို့လည်း ထုတ်ပြန်ချက်က တိုက်တွန်းထားပါတယ်။

ဒီတိုက်ပွဲမှာပါဝင်တဲ့တော်လှန်ရေးတပ်တွေကတော့ KNLA လက်အောက်ခံ ဗိုလ်အယ်စေးဝါးဦးဆောင်တဲ့ Lion Battalion ဗျူဟာ စစ်ကြောင်း၊ မွန်ပြည်သစ်ပါတီ(AD)၊ မွန်ပြည်လွတ်မြောက်ရေးတပ်တော် Mon Liberation Army၊ ဂဠုန်စစ်ကြောင်း၊ ကျားဖြူစစ်ကြောင်း၊ ရှားထူးဝေါ်နည်းပညာတပ်ဖွဲ့၊ KNDO တပ်ရင်း ၆၊ စောနဂါးတပ်ဖွဲ့၊ SSDF ဒရုန်းတပ်ဖွဲ့ နဲ့ အယ်ဖာဘတ်-ဒရုန်းအဖွဲ့ တို့ဖြစ်တယ်လို့ ထုတ်ပြန်ချက်မှာ ဖေါ်ပြထားပါတယ်။

ဒါ့အပြင်...

ကချင်ပြည်နယ်၊ မချမ်းဘော့မြို့နယ်၊ အလန်ဂါးကျေးရွာရှိ စစ်ကောင်စီစခန်းက တပ်ဖွဲ့ဝင်တွေ မတ်လ ၂၄ ရက်မှာ စခန်းကိုစွန့်ခွာထွက်ပြေးသွား...

- ဆွမ်ပရာဘွမ် စစ်ကောင်စီတပ်စခန်းကို လေယာဉ်နဲ့လာချပေးတဲ့ ရိက္ခာထုတ်တွေကို  KIA က သိမ်းဆည်းရမိ...

- မွန်ပြည်နယ်အခြေစိုက် ရေးပြောက်ကျားတပ် (YGF) နဲ့ ဒေါနစစ်ကြောင်းတပ်ခွဲ (3) တို့က အခြေခံစစ်သင်တန်းဆင်းပွဲတခု မတ်လ ၂၄ ရက်နေ့က ကျင်းပ...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“မောင်တောမြို့နယ်မှာ AA က စခန်းသိမ်း... မိုးမောက်နဲ့ မံစီမှာ KIA က စခန်း...

“မောင်တောမြို့နယ်မှာ AA က စခန်းသိမ်း... မိုးမောက်နဲ့ မံစီမှာ KIA က စခန်းသိမ်း... နောက်ဆုံးရ တိုက်ပွဲသတင်းများ”

(၂၅- ၃- ၂၀၂၄)

ရခိုင်ပြည်နယ်၊ မောင်တောမြို့နယ်၊ ကြိမ်ချောင်း-နယ်ခြားစောင့်တပ်စခန်းအနီးရှိ ရန်အောင်မြင်-စခန်းကို မတ်လ (၂၃) ရက်မှာသိမ်းပိုက်လိုက်ပြီး စစ်ကောင်စီအလောင်းတွေ၊ လက်နက်ခဲယမ်းတွေ သိမ်းဆည်းမိတယ်လို့ AA  ရက္ခိုင့်တပ်တော်က သတင်းထုတ်ပြန်ပါတယ်။

အဓိက နယ်ခြားစောင့်စခန်းကြီး  ကြိမ်ချောင်းစခန်းကိုသိမ်းနိုင်ရေအတွက် တလနီးပါးကြာ ထိုးစစ်ဆင်နေစဉ် အနီးဝန်းကျင်က ရန်အောင်မြင်-စခန်းကို အရင်သိမ်းလိုက်တာဖြစ်ပါတယ်။ ကြိမ်ချောင်းစခန်းကိုလည်း အတိုင်းအတာတခုအထိ သိမ်းထားပြီးဖြစ်တဲ့အတွက် အပြီးသတ် သိမ်းနိုင်ရေး စစ်ရှိန်မြှင့်နေတယ်လို့ AA က ပြောပါတယ်။

တချိန်တည်းမှာပဲ မောင်တောမြို့၊ တမန်းသား စခန်းကိုလည်း AA က ထိုးစစ်ဆင်နေပြီး စခန်းကနေထွက်ပြေးသွားတဲ့ စစ်ကောင်စီတပ်သားတွေကို လိုက်လံချေမှုန်းစဉ်  အလောင်း ၂၀ ကျော်နဲ့လက်နက်ခဲယမ်းတွေ သိမ်းမိတားတယ်လို့ဆိုပါတယ်။

ဒ့ါအပြင် ဖေဖော်ဝါရီလ (၂၄) ကတည်းက စတင်ထိုးစစ်ဆင်တိုက်ခိုက်နေတဲ့ ဘူးသီးတောင်အခြေစိုက်၊ ခမရ (၅၅၂) တပ်ရင်းဌာနချုပ်သိမ်းနိုင်ရေးအတွက်လည်း စစ်ရှိန်မြှင့်နေတယ်လို့ AA ကပြောပါတယ်။

ဘူးသီးတောင်မြို့နယ်၊ အနောက်ပြင်ရွာစခန်းကထွက်ပြေးလာတဲ့ စစ်ကောင်စီတပ်သားတွေထဲက ၁၂ ဦးကို ချေမှုန်းခဲ့ပြီး ဘူးသီးတောင်တခုလုံး သိမ်းနိုင်ရေး ဆက်လက်ဆောင်ရွက်နေတယ်လို့ AA ထုတ်ပြန်ချက်မှာ ဖေါ်ပြထားပါတယ်။

ဒါ့အပြင်...

- မိုးမောက်မြို့နယ်နဲ့ မံစီမြိုနယ်ရှိ စစ်ကောင်စီတပ်ရင်းဌာနချုပ် ၂ ခုကို KIA က ထပ်မံသိမ်းပိုက်၊ တပ်ရင်းတခုက ပြန်မတိုက်ပဲ ထွက်ပြေး...

- ကရင်နီဒေသမှာတော့ သံလွင်အရှေ့ဘက်ခြမ်းက မယ်စဲ့နဲ့  ရှားတောမြို့နယ်တို့ဟာ စစ်ကောင်စီ ကင်းစင်နယ်မြေဖြစ်လာပြီး နောက်ထပ် ၅ မြို့ကိုလည်း သိမ်းထားပြီးဖြစ်ဟု ကရင်နီတော်လှန်ရေးတပ်ပေါင်းစုက သတင်းထုတ်ပြန်...

- ကရင်ပြည်နယ်၊ ဖားပွန်မြို့ကို လုံခြုံရေးယူပေးထားတဲ့ မောထကိုး စစ်စခန်းကို KNLA- အမှတ်(၅) တပ်မဟာရဲ့ ဒရုန်းတပ်ဖွဲ့က ဝင်ရောက်တိုက်ခိုက်ရှင်းလင်း...

- တနင်္သာရီတိုင်း၊ ဘုတ်ပြင်းမြို့နယ်၊ ပြည်ကြီးမဏ္ဍိုင်ကျေးရွာအနီးရှိ စစ်ကောင်စီရဲ့ မိုက်ခရိုဝေ့-တာဝါတိုင်စခန်းကို ဒေသခံတော်လှန်ရေးတပ်တွေက ဝင်ရောက်တိုက်ခိုက်ပြီး ၆၀ မမ အပါဝင် လက်နက် ၄ လက် သိမ်းမိ...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“မိုးမောက်နဲ့ မံစီက တပ်ရင်း ၂ ခုကို KIA သိမ်းပိုက်... ဖားဆောင်းတိုက်ပွဲမ...

“မိုးမောက်နဲ့ မံစီက တပ်ရင်း ၂ ခုကို KIA သိမ်းပိုက်... ဖားဆောင်းတိုက်ပွဲမှာ စစ်ကောင်စီအထိနာ... နောက်ဆုံးရ တိုက်ပွဲသတင်းများ”

(၂၄- ၃- ၂၀၂၄)

ကချင်ပြည်နယ်၊ မိုးမောက်မြို့နယ်နဲ့ မံစီမြိုနယ်ရှိ စစ်ကောင်စီတပ်ရင်းဌာနချုပ် ၂ ခုကို မတ်လ ၂၃ မှာ ထပ်မံသိမ်းပိုက်လိုက်တယ်လို့ KIA ကချင်လွတ်လပ်ရေးတပ် ပြောခွင့်ရက BNN ကိုပြောပါတယ်။ 

မိုးမောက်က လက်နက်ကြီးတပ်ရင်း အမတ-၂၇၀ ကို အပြင်းထန်တိုက်ခဲ့ရပေမယ့် မံစီက မိုင်းခေါင်ကျေးရွာရှိ ခ.လ.ရ (၁၂၁) ကတော့ ဝင်မတိုက်ခင် ထွက်ပြေးသွားတယ်လို့ KIA ပြောခွင့်ရ ဗိုလ်မှူးကြီးနော်ဘူက ပြောပါတယ်။

ဒါဟာ ၃ ရက်လောက်အတွင်း လိုင်ဇာအနီးက ဗျုဟာကုန်း ၂ ခု၊ တပ်ရင်းဌာနချုပ် ၄ ခုကို ဆက်တိုက်သိမ်းပိုက်ခဲ့တာဖြစ်ပါတယ်။ မတ်လ ၇ ရက်မှာစတင်ခဲ့တဲ့ ၀၃၀၇ စစ်ဆင်ရေးအတွင်း သိမ်းမိစခန်း ၄၀ အထိရှိနေပြီလို့လည်း ဗိုလ်မှူးကြီးကပြောပါတယ်။ ဒါပေမယ့် စစ်ကောင်စီဖက်က အကျအဆုံးနဲ့ သိမ်းမိလက်နက်တွေကိုတော့ ဗိုလ်မှူးကြီးက ထုတ်မပြောခဲ့ပါဘူး။

ဒ့ါအပြင်...

- ကရင်နီပြည်နယ်၊ ဖားဆောင်းဖက်ကို စစ်ကူလာတဲ့ စစ်ကောင်စီစစ်ကြောင်းကို ကရင်နီပူးပေါင်းတပ်တွေက ကြားဖြတ်တိုက်ခိုက်တဲ့အတွက် စစ်ကောင်စီဖက်က ၁၅ ဦးသေဆုံးပြီး လက်နက် ၅ လက်သိမ်းမိ...

- မွန်ပြည်နယ်နဲ့ တနသာ်ရီတိုင်းအစပ်ဒေသရှိ မလွဲတောင်ဂိတ်စခန်းနဲ့ မင်းသားကျေးရွာ ပျု-စစ်တပ် ပူးပေါင်းစခန်းကို ဒေသခံ တော်လှန်ရေးတပ်တွေက ဝင်ရောက်တိုက်ခိုက် ရှင်းလင်း...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“လက်နက်ကြီးတပ်ရင်းအပါဝင် စခန်း ၄ ခုကို KIA သိမ်းပိုက်... ဖယ်ခုံဆေးရုံကို...

“လက်နက်ကြီးတပ်ရင်းအပါဝင် စခန်း ၄ ခုကို KIA သိမ်းပိုက်... ဖယ်ခုံဆေးရုံကို စစ်တပ်က ဗုံးကြဲ... နောက်ဆုံးရ တိုက်ပွဲသတင်းများ”

(၂၃- ၃- ၂၀၂၄)

လိုင်ဇာဌာနချုပ်အနီးရှိ ဗျုဟာကုန်း ၂ ခုနဲ့ မိုးမောက်မြို့နယ်တွင်းရှိ တပ်ရင်းဌာနချုပ် ၂ ခုအပါဝင် အနည်းဆုံးစခန်းကြီး ၄ ခုကို မတ်လ ၂၁ ရက်မှာ သိမ်းပိုက်နိုင်ခဲ့တယ်လို့ KIA ကချင်လွတ်လပ်ရေးတပ် ပြောခွင့်ရက BNN ကိုပြောပါတယ်။ 

လိုင်ဇာနဲ့နီးတဲ့စခန်းတွေဟာ ဗျုဟာအရအရေးကြီးပြီး မိုးမောက်ကစခန်း ၂ ခုကလည်း ဒေသတွင်းအရေးပါတဲ့ တပ်ရင်းဌာနချုပ်တွေဖြစ်တယ်လို့ KIA ပြောခွင့်ရ ဗိုလ်မှူးကြီးနော်ဘူက ပြောပါတယ်။

မနေ့ကတော့တိုက်ပွဲကြီးမရှိပဲ နာဖော့စခန်းကနေ ထွက်ပြေးသွားတဲ့ စစ်ကောင်စီတပ်တွေကို လိုက်လံရှာဖွေချေမှုန်းနေတယ်လို့ ဗိုလ်မှူးကြီးကပြောပါတယ်။

ဒေသတွင်းမီဒီယာဖြစ်တဲ့ The 74 Media ကတော့ နောက်ထပ် အမြောက်တပ်ရင်းတခုဖြစ်တဲ့ အမှတ် ၃၇၀ တပ်ကို KIA နဲ့ မဟာမိတ်တွေက ဆက်လက်ထိုးစစ်ဆင်နေတယ်လို့ ဖေါ်ပြပါတယ်။ မတ်လ ၇ ရက်မှာစတင်ခဲ့တဲ့ ၀၃၀၇ စစ်ဆင်ရေးအတွင်း KIA နဲ့ မဟာမိတ်တွေက သိမ်းပိုက်တဲ့ခစန်းပေါင်း ၃၀ ကျော်၊ ၄၀ နီးပါးရှိနေပြီဖြစ်ပါတယ်။

ကရင်နီပြည်နယ်၊ ဖယ်ခုံမြို့နယ်၊ လအိကျေးရွာ ဆေးရုံကို စစ်ကောင်စီက လေယာဉ်နဲ့ ဗုံးကြဲတဲ့အတွက် ဆေးဝန်ထမ်း ၂ ဦးသေဆုံးပြီး အရပ်သား ၃ ဦးဒဏ်ရာရခဲ့တယ်လို့ ကရင်နီ လူ့အခွင့်အရေးအဖွဲ့က သတင်းထုတ်ပြန်ပါတယ်။

ဒါ့အပြင်...

- ချင်းပြည်နယ်၊ မင်းတပ်မြို့နယ်မှာလည်း တိုက်ပွဲဖြစ်ပွားခြင်းမရှိပဲနဲ့ စစ်ကောင်စီ ဂျက်လေယာဉ်က တိုက်နယ် အမှတ် ၁ ကို ဗုံးလာကြဲသွားတဲ့အပြင် စက်သေနတ်နဲ့ပါ ပစ်ခတ်တဲ့အတွက် အနည်းဆုံး အရပ်သားတဦးသေဆုံး...

- ရှမ်းတောင်ဒေသ ဆီဆိုင်မြို့ကို စစ်ကောင်စီ ဗုံးအလုံး ၁၀၀ ကျော်အထိ ကြဲချတဲ့အတွက် ထိခိုက်ပျက်စီးမှုများ...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“နာဖော့စခန်းကို KIA သိမ်းပိုက်... KNLA ထိုးစစ်ကြာင့် စစ်ကောင်စီတပ်သားတွေ...

“နာဖော့စခန်းကို KIA သိမ်းပိုက်... KNLA ထိုးစစ်ကြာင့် စစ်ကောင်စီတပ်သားတွေ ထိုင်းဖက် ထပ်ထွက်ပြေး... နောက်ဆုံးရ တိုက်ပွဲသတင်းများ...

(၂၂- ၃- ၂၀၂၄)

ကချင်လွတ်လပ်ရေးတပ် (KIA) ဌာနချုပ်တည်ရှိရာ လိုင်ဇာမြို့အနီးရှိ နာဖော့စခန်းအပါအဝင်  စစ်ကောင်စီတပ်စခန်း ၆ ခုကို (KIA) နဲ့ မဟာမိတ်တွေက မတ်လ ၂၁ ရက်နေ့ မနက်ပိုင်းမှာ သိမ်းပိုက်လိုက်တယ်လို့ ဒေသတွင်းမီဒီယာ The 74 Media က ဖေါ်ပြပါတယ်။

ဒီစခန်းတွေသိမ်းနိုင်ရေးအတွက် မတ်လ ၁၉ မှာစတင်ထိုးစစ်ဆင်ပြီး ၂၀ ရက်နေ့မှာ ကာကင်းတွေ၊ စခန်းငယ်တွေသိမ်းနိုင်ပြီး ၂၁ မနက်ကျမှ နာဖော့စခန်းကိုသိမ်းနိုင်တာဖြစ်တယ်လို့ KIA ရှေ့တန်းအရာရှိတဦးပြောတာကို ကိုးကားဖေါ်ပြပါတယ်။

စခန်းကျသွားပြီဖြစ်ပေမယ့် စစ်ကောင်စီက လေယာဉ်နဲ့ဗုံးကြဲနေဆဲလို့ဆိုပါတယ်။ လိုင်ဇာကို ခြိမ်းခြောက်နေတဲ့ စခန်းတွေထဲက ဘွမ်ရာဘွမ်စခန်းကို ပြီးခဲ့တဲ့ရက်ပိုင်းအတွင်း သိမ်းပြီးနောက် အခု နာဖော့ကိုသိမ်းနိုင်ခဲ့တာဖြစ်ပါတယ်။

တချိန်တည်းမှာပဲ မိုးမောက်မြို့နယ်အတွင်းရှိ မြို့သစ်၊ ကုန်းလောနဲ့ နွန်လန်းကျေးရွာရှိ  စစ်ကောင်စီတပ်စခန်း ၃ ခုကိုလည်း (KIA) နဲ့ မဟာမိတ်တွေက မနေ့ကစပြီး ထိုးစစ်ဆင်နေတယ်၊ တိုက်ပွဲပြင်းထန်နေတယ်လို့လည်း The 74 Media က ဖေါ်ပြထားပါတယ်။

ကရင်ပြည်နယ်မှာတော့ ကော့ကရိတ်မြို့နယ် ထိုင်း-မြန်မာ နယ်စပ်အနီးရှိ ရေတလျောက် စစ်ကောင်စီစခန်းကို KNLA ကရင့်အမျိုးသားလွတ်မြောက်ရေးတပ်နဲ့ မဟာမိတ်တွေက ဒရုန်းနဲ့ဗုံးကြဲတာကြောင့် စစ်ကောင်စီတပ်သား ၂၆ ဦး ထိုင်းနိုင်ငံဖက် ထပ်မံထွက်ပြေးလာတယ်လို့ KIC - Karen Information Center က ဖေါ်ပြပါတယ်။

ဒါ့အပြင်...

- ကရင်နီပြည်၊ ဖယ်ခုံမြို့နယ်၊ လွယ်ပတာကုန်းဖက် စစ်ကြောင်းထိုးလာတဲ့ စစ်ကောင်စီတပ်ကို ဒေသခံတော်လှန်ရေးတပ်တွေက ဒရုန်းနဲ့တိုက်ခိုက်တဲ့အတွက် ဒုဗိုလ်မှူးကြီးတဦးအပါဝင် ၁၀ ဦးအထက် သေဆုံး...

- မွန်ပြည်နယ်၊ သံဖြူဇရပ်မြို့အဝင် တိုးလ်ဂိတ်နားမှာ စခန်းချထားတဲ့ စစ်ကောင်စီတပ်ကို တော်လှန်ရေးတပ်တွေက ဝင်ရောက်တိုက်ခိုက်...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“နမ်ဂေါန်စခန်းကို KIA သိမ်းပိုက်... မဲသရောထစခန်းကို KNLA သိမ်းပိုက်... န...

“နမ်ဂေါန်စခန်းကို KIA သိမ်းပိုက်... မဲသရောထစခန်းကို KNLA သိမ်းပိုက်... နောက်ဆုံးရ တိုက်ပွဲသတင်းများ”

(၂၁- ၃- ၂၀၂၄)

ကချင်ပြည်နယ်၊ တနိုင်းမြို့နယ်၊ နမ်ဂေါန်ကျေးရွာအခြေစိုက် စစ်ကောင်စီတပ်စခန်းတခုကို မတ်လ ၁၉ ရက်နေ့ ည ၈ နာရီခန့်မှာ သိမ်းပိုက်လိုက်တယ်လို့ KIA ကချင်လွတ်လပ်ရေးတပ် ပြောခွင့်ရက BNN ကို ပြောပါတယ်။ ဒီစခန်းပါ ပေါင်းရင် (၀၃၀၇) စစ်ဆင်ရေးအတွင်း သိမ်းမိတဲ့ ခစန်း ၃၀ နီးပါးရှိနေပြီလို့ KIA ပြောခွင့်ရ ဗိုလ်မှူးကြီးနော်ဘူက ပြောပါတယ်။

မနေ့ညနေပိုင်းက ထပ်ဝင်လာတဲ့သတင်းတွေအရ လိုင်ဇာဝန်းကျင်မှာ ကျန်နေတဲ့ စခန်းတွေထဲက နာဖော့စခန်းကို KIA က သိမ်းလိုက်ပြီလို့သတင်းတွေထွက်ပေါ်နေပေမယ့် ဗိုလ်မှူးကြီးက အတည်ပြုချက်ပေးဖို့ငြင်းဆိုပြီး တိုက်ပွဲတွေဖြစ်နေဆဲလို့သာ ပြောပါတယ်။

အမျိုးသားညီညွတ်ရေးအစိုးရ (NUG)၊ ကာကွယ်ရေးဝန်ကြီးဌာနကတော့ ကာကွယ်ရေးဝန်ကြီး ဦးရည်မွန်နဲ့ KIA ကချင်လွတ်လပ်ရေးတပ် စစ်ဦးစီးချုပ် (အမှတ် ၁ စစ်ဒေသမှူး) ဒု-ဗိုလ်ချုပ်ကြီးခေါင်လွန်း (R Hkawng Lum) တို့ဟာ မကြာသေးခင်ကမှ သိမ်းပိုက်လိုက်တဲ့ ဘွမ်ရေဘွမ့် (Bumre Bum) ပွိုင့် ၇၇၁ စခန်းကို မတ်လ ၂၀ ရက်နေ့မှာ သွားရောက် စစ်ဆေးခဲ့တယ်လို့ သတင်းထုတ်ပြန်ပါတယ်။

ဘွမ်ရေဘွမ့် (Bumre Bum) စခန်းဟာ စစ်ကောင်စီရဲ့ အမှတ် (၂၁) စစ်ဆင်ရေးကွပ်ကဲမှုဌာနချုပ် ပွိုင့် ၇၇၁ မဆုတ်တမ်း အရေးကြီး ခံစစ်စခန်းဖြစ်ပြီး မတ်လ (၁၅) ရက်နေ့မှာ ကချင်လွတ်လပ်ရေးတပ် (KIA) ဦးဆောင်တဲ့ မဟာမိတ်တော်လှန်ရေးတပ်တွေက သိမ်းပိုက်ခဲ့တာဖြစ်ပါတယ်။

ဒါ့အပြင်...

- ကရင်ပြည်နယ်၊ ကျိုက်ဒုံမြို့နယ်ရှိ မဲသရောထ-စခန်းသိမ်းတိုက်ပွဲအတွင်း လက်နက် ၆၀ ကျော်သိမ်းမိပြီး စစ်ကောင်စီတပ်သား ၅၀ ခန့် ထိုင်းနိုင်ငံဖက် ထွက်ပြေးသွား...

- မကွေးတိုင်း၊ မြိုင်မြို့နယ်၊ ကိုင်းတောမ-စက်တွင်းကနေ ထွက်လာတဲ့ စစ်ကောင်စီ စစ်ကြောင်းကို ဒေသခံ PDF တွေက ကြားဖြတ်တိုက်ခိုက်တဲ့အတွက် စစ်သား ၃ ဦးသေဆုံးပြီး လက်နက်ငယ် ၂ လက်သိမ်းမိ...

- မကွေးတိုင်း၊ ယောဒေသအခြေစိုက် ABSDF (ကျောင်းသားတပ်မတော်)၊ အမှတ် ၃ စစ်ကြောင်း၊ တပ်ရင်း ၁၂ မှာ အခြေခံစစ်သင်တန်း ဆင်းပွဲကျင်းပ...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“ERO တွေ တကယ်တိုက်ရင် စစ်တပ်ဘက်က လက်နက်ချမှုတွေ ဒီထက်ပိုမြင်လာရမယ်”

“ERO တွေ တကယ်တိုက်ရင် စစ်တပ်ဘက်က လက်နက်ချမှုတွေ ဒီထက်ပိုမြင်လာရမယ်”

- လင်းထက်အောင် (CDM - တပ်မတော်အရာရှိ)

(၂၀ -၃- ၂၀၂၄)

“တိုင်းရင်းသားတော်လှန်ရေးအဖွဲ့ ERO တွေနဲ့ PDF တွေရဲ့ ပူးတွဲတိုက်ပွဲဖော်ဆောင်နိုင်မှု ပိုအရှိန်ကောင်းလေ စစ်တက်ဖက်က လက်နက်ချမှုတွေကို ပိုမြင်လာရလေဖြစ်မှာပဲ” လို့ CDM တပ်မတော်အရာရှိ ဗိုလ်ကြီးလင်းထက်အောင်က ပြောပါတယ်။

ရခိုင်၊ ကချင်၊ ကရင်၊ ကရင်နီစစ်မျက်နှာတွေမှာ ERO နဲ့ PDF တွေဘက်က စစ်ရှိန်မြင့်လာတာနဲ့အမျှ စစ်ကောင်စီဖက်က ဗျုဟာအလိုက်လက်နက်ချမှုတွေ၊ စခန်းစွန့်ခွာထွက်ပြေးမှုတွေသိသိသာသာ တိုးလာနေတဲ့အခြေအနေနဲ့ပတ်သက်ပြီး ... BNN သတင်းဌာနက

ဦးထက်အောင်ကျော် မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်မယ့်မေးမြန်းချက် ဒုတိယ ပိုင်းမှာ...

- နယ်စပ်ဒေသတလျောက်မှာ စစ်ရှုံးနေတဲ့ စစ်တပ်ဟာ နေပြည်တော်မှာပြန်စုပြီး ခုခံစစ် ဆင်ဖို့ပြင်နေပြီလား...

- လက်နက်ချသူ၊ သုံ့ပန်းအဖြစ်ဖမ်းမိသူများလွန်းတဲ့အတွက် သုံ့ပန်းလဲလှယ်ရေးအစီအစဉ်တွေ ရှိလာနိုင်သလား...

- ကျဆုံး-သေဆုံး-ဖမ်းမိ များလွန်းတဲ့အတွက် အသက်အာမခံကြေး မပေးနိုင်အောင် စစ်တပ်ဖက်မှာ ပြသာနာရှိနေပြီလား...

- ERO တွေဘက်က ၁၀၀% အထိ တကယ်တိုက်ရင် စစ်တပ်ဖက်က လက်နက်ချမှု၊ လူထုနဲ့ပူးပေါင်းမှု အစုအပြုံလိုက်ဖြစ်လာနိုင်သလား...

... စတဲ့ အကြောင်းအရာတွေကို ဆွေးနွေးတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“တနိုင်းဖက်မှာ KIA က စခန်းသိမ်း... KNLA ရဲ့တိုက်ခိုက်မှုကြောင့် စကစ စစ်သ...

“တနိုင်းဖက်မှာ KIA က စခန်းသိမ်း... KNLA ရဲ့တိုက်ခိုက်မှုကြောင့် စကစ စစ်သားတွေ ထိုင်းဖက်ထွက်ပြေး... နောက်ဆုံးရ တိုက်ပွဲသတင်းများ”

(၂၀- ၃- ၂၀၂၄)

AA က္ခိုင့်တပ်တော်က သိမ်းပိုက်ထားတဲ့ မင်းပြားမြို့ကို စစ်ကောင်စီတပ်က ဂျက်တိုက်လေယာဉ်နဲ့ ဗုံးကြဲတိုက်ခိုက်တဲ့အတွက် အရပ်သား ၂၂ ဦးသေဆုံးပြီး ၂၉ ဦးဒဏ်ရာရတယ်လို့ AA က သတင်းထုတ်ပြန်ပါတယ်။

မတ်လ (၁၈) ရက်၊ ည (၁) နာရီခွဲခန့်မှာ မင်းပြားမြို့နယ်၊ သာဒါ (မူဆလင်) ကျေးရွာကို အခုလို တိုက်ခိုက်တာဖြစ်ပါတယ်။ ဒဏ်ရာရ အပြစ်မဲ့ပြည်သူ (၂၉) ဦးကို ULA/AA ဆေးတပ်ဖွဲ့ဝင်တွေက ဆေးကုသပေးနေတယ်လို့ထုတ်ပြန်ချက်က ဆိုပါတယ်။

စစ်ပွဲတိုင်း ရှုံးနိမ့်နေတဲ့ စစ်ကောင်စီဟာ အရှက်ရ ဒေါသထွက်နေပြီး အပြစ်မဲ့ပြည်သူလူထုတွေ၊ နေအိမ်များ၊ ဈေးတွေ၊ စစ်ဘေးရှောင်စခန်းတွေ၊ စာသင်ကျောင်း၊ ဆေးရုံဆေးခန်းတွေ၊ သမိုင်းဝင်ရှေးဟောင်းအမွေအနှစ်နေရာတွေ၊ သာသနိကအဆောက်အအုံတွေပါမချန် ပစ်ခတ်တိုက်ခိုက်နေတယ်လို့ AA ရဲ့ ထုတ်ပြန်ချက်မှာ ဖေါ်ပြထားပါတယ်။

ကချင်ပြည်နယ်၊ တနိုင်းမြို့ပြင် ၁၀ မိုင်ခန့်အကွာရှိ နမ်ဂေါန်ကျေးရွာက (ခ.လ.ရ) ၂၉၇- လက်အောက်ခံ စစ်တပ်စခန်းတခုကို မတ်လ ၁၈ ရက်နေ့ ညနေပိုင်းမှာ KIA ကချင်လွတ်လပ်ရေးတပ်နဲ့ မဟာမိတ်တွေက သိမ်းပိုက်လိုက်တယ်လို့ ဒေသတွင်းမီဒီယာ The 74 Media  က ဖေါ်ပြပါတယ်။

ဒါ့အပြင်...

- ကရင်ပြည်နယ်၊ တပ်မဟာ(၆) နယ်မြေ ထိုင်း-မြန်မာနယ်စပ်မှာ တိုက်ပွဲဖြစ်တဲ့အတွက် စစ်ကောင်စီတပ်သား ၄၀ ကျော် ထိုင်းနိုင်ငံဖက် ထွက်ပြေးလာတဲ့ ဗီဒီယို ကလစ်တွေ ဆိုရှယ်မီဒီယာမှာ ပြန့်နှံ့နေ...

-  တိုက်ပွဲတခါမှမဖြစ်သေးပဲ ငြိမ်နေတဲ့ တပ်မဟာ (၇) နယ်မြေ မဲသဝေါဖက်မှာ ပထမဆုံးအကြိမ် တိုက်ပွဲဖြစ်တယ်လို့ KIC -က ဖေါ်ပြ...

- ထားဝယ်ခရိုင် သရက်ချောင်းမြိုနယ်ရှိ ပျုစောထီးစခန်းကို ဒေသခံတော်လှန်ရေးတပ်တွေက ဝင်ရောက်တိုက်ခိုက်တဲ့အတွက် ၅ ဦးသေပြီး လက်နက်ငယ် ၂ လက်ရရှိ...

- မွန်ပြည်နယ်နဲ့ တနသာၤရီတိုင်းအစပ်၊ ရေး-ထားဝယ်လမ်းပေါ်က မလွဲတောင်နဲ့ ကလိန်အောင်ကြားမှာ နယ်မြေစိုးမိုးရေးအတွက် ကားတွေကို စစ်ဆေးပြီး လူထုနဲ့လည်း တွေ့ဆုံစကားပြောခဲ့တယ်လို့ တော်လှန်ရေးတပ်တွက သတင်းထုတ်ပြန်...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“သေနတ်တွေပဲရှိပြီး စိတ်ဓာတ်မရှိရင်လည်း ရှုံးမှာပဲ၊ လက်နက်ချမှာပဲ”

“သေနတ်တွေပဲရှိပြီး စိတ်ဓာတ်မရှိရင်လည်း ရှုံးမှာပဲ၊ လက်နက်ချမှာပဲ”

- လင်းထက်အောင် (CDM - တပ်မတော်အရာရှိ)

(၁၉ -၃- ၂၀၂၄)

“သူတို့မှာ သေနတ်တွေသာရှိတယ်၊ ဒီသေနတ်တွေကို ပစ်ခတ်နိုင်တဲ့ စိတ်ဓာတ်တွေ မရှိတော့တဲ့အခါမှာ ရှုံးမှာပဲ၊ လက်နက်ချမှုတွေ ဆက်တိုက်ဖြစ်လာမှာပဲ” လို့ CDM - တပ်မတော်အရာရှိ ဗိုလ်ကြီးလင်းထက်အောင်က ပြောပါတယ်။

ရခိုင်၊ ကချင်၊ ကရင်စစ်မျက်နှာတွေမှာ စစ်ကောင်စီဖက်က အကျအဆုံးများပြီး ရာနဲ့ချီ အလံဖြူထောင်လက်နက်ချတာတွေ၊ စခန်းစွန့်ခွာထွက်ပြေးနေတာတွေနဲ့ပတ်သက်ပြီး BNN သတင်းဌာနက ဦးထက်အောင်ကျော် မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်မယ့်မေးမြန်းချက် ပထမ ပိုင်းမှာ...

- ကျိုက်ဒုံက စစ်ဗျုဟာမှူး အလံဖြူထောင်လိုက်ရခြင်းက နယ်ခြားစောင့်တပ်တွေ ဘက်ပြောင်းသွားတာနဲ့ ဆက်စပ်မှုရှိနိုင်သလား...

- ကြည်း- ရေ - လေ ၃ မျိုးစလုံးသုံးပြီး အပြင်းအထန်တိုက်နေတဲ့ကြားက ရခိုင်စစ်မျက်နှာမှာ စစ်ကောင်စီ မရှုမလှ ရှုံးနေတာ ဘာကြောင့်လဲ...

- KIA ရဲ့ ၀၃၀၇ စစ်ဆင်ရေးက ၁၀၂၇ လိုပဲ အားကောင်းလာနိုင်သလား...

... စတဲ့ အကြောင်းအရာတွေကို ဆွေးနွေးတင်ပြထားပါတယ်။

(ဒီလောက်အကျအဆုံးများနေတဲ့ စစ်တပ်ကို စစ်မှူထမ်းဥပဒေနဲ့ နလန်ထူအောင် ပြန်လုပ်နိုင်ခြေရှိသေးရဲ့လား... ဆွေးနွေးချက်ပါတဲ့ ဒုတိယ ပိုင်းကိုတော့ မနက်ဖန် ထုတ်လွှင့်ပါမယ်)

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“စစ်ကောင်စီစခန်း ၁၀ ခုခန့်ကို KIA က သိမ်းပိုက်... နောက်ဆုံးရ တိုက်ပွဲသတင...

“စစ်ကောင်စီစခန်း ၁၀ ခုခန့်ကို KIA က သိမ်းပိုက်... နောက်ဆုံးရ တိုက်ပွဲသတင်းများ”

(၁၉ -၃- ၂၀၂၄)

ကချင်ပြည်နယ်၊ မိုးမောက်မြို့နယ်၊ တာပိန်မြစ် အနီးဝန်းကျင်ရှိ စစ်ကောင်စီ ရှေ့တန်းစခန်း ၈ -ခုကို မတ်လ ၁၇ ရက်မှာ KIA -ကချင်လွတ်လပ်ရေးတပ်နဲ့ မဟာမိတ်အဖွဲ့ တွေက သိမ်းပိုက်လိုက်တယ်လို့ ဒေသတွင်းမီဒီယာဖြစ်တဲ့ ရွှေဖီမြေက ဖေါ်ပြပါတယ်။

လိုင်ဇာဌာနချုပ်ဝန်းကျင်ရှိ ဗျုဟာအရ အရေးပါတဲ့ စခန်းတွေအပါဝင် ၀၃၀၇ စစ်ဆင်ရေးအတွင်း စခန်းပေါင်း ၂ ဒါဇင်ကျော်ကို သိမ်းပြီးတဲ့နောက် အခု မိုးမောက်ဖက်က စခန်းငယ်တွေကိုပါထပ်သိမ်းလိုက်တာဖြစ်ပါတယ်။ အရင်က စစ်ကောင်စီသိမ်းထားတဲ့ လိုင်ဇာအဝင် မုဒ်ဦးကိုလည်း ပြန်လည်ဖွင့်လှစ်နိုင်ရေး ပြင်ဆင်နေပြီလို့ဒေသခံတွေပြောတာကို ကိုးကားဖေါ်ပြထားပါတယ်။

တချိန်တည်းမှာပဲ တနိုင်းဒေသ နမ့်ကောန်(Namkawn) စစ်တပ်စခန်းကို KIA နဲ့ မဟာမိတ်တွေက ထိုးစစ်ဆင်နေပြီး စစ်ကောင်စီဖက်က လေကြောင်းပစ်ကူသုံးရတဲ့အထိ တိုက်ပွဲပြင်းထန်နေတယ်လို့ KNG (Kachin News Group) က ဖေါ်ပြပါတယ်။ ဆွမ်ပရာဘွမ်ဖက်မှာလည်း တိုက်ပွဲပြင်းထန်နေတယ်လို့ ဒေသတွင်းမီဒီယာတွေမှာ ဖေါ်ပြထားပါတယ်။ 

ဒါ့အပြင်...

- ဟိုပုံမြို့နယ်ရှိ ကျောက္ကဆျားကျေးရွာကို စစ်ကောင်စီက ဂျက်ဖိုက်တာနဲ့ ပေါင် ၅၀၀ ဗုံး ၂ ကြိမ်ကြဲချတဲ့အတွက် နေအိမ်တွေပျက်စီး...

- သံဖြူဇရပ်မြို့နယ်၊ အနင်းကျေးရွာရဲစခန်းကနေ ကျေးရွာအတွင်းကို လက်နက်ကြီး၊ လက်နက်ငယ်နှင့် ဆက်တိုက်ပစ်ခတ်တဲ့အတွက် ရွာသားတွေတိမ်းရှောင်နေရ...

- မကွေးတိုင်း၊ မြိုင်မြို့နယ်မှာ ပခုက္ကူခရိုင် အမှတ် - ၆ တပ်ရင်း Myaing Villages Revolution Front (MVRF) က ရဲဘော်တွေကို ယူနီဖောင်း ပေးအပ်ခြင်းအခမ်းအနားကျင်းပ...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“ရသေ့တောင်မြို့ကို AA သိမ်းပိုက်... ကလေးမြို့တိုက်ပွဲမှာ လက်နက် ၂၀ နီးပါ...

“ရသေ့တောင်မြို့ကို AA သိမ်းပိုက်... ကလေးမြို့တိုက်ပွဲမှာ လက်နက် ၂၀ နီးပါးရရှိ... နောက်ဆုံးရ တိုက်ပွဲသတင်းများ”

(၁၈- ၃- ၂၀၂၄)

ရခိုင်ပြည်နယ်၊ ရသေ့တောင်မြို့အခြေစိုက် “ခမရ (၅၃၆)၊ (၅၃၇) နဲ့ (၅၃၈)” တပ်ရင်းဌာနချုပ် (၃) ခုစလုံးကို မတ်လ (၁၇) ရက်၊ ညနေ (၄) နာရီခန့်မှာ AA ရက္ခိုင့်တပ်တော်က အပြီးသတ်သိမ်းပိုက်ရယူနိုင်ပြီလို့ AA က သတင်းထုတ်ပြန်ပါတယ်။

စစ်ကောင်စီဖက်ကနေ ကြည်း၊ ရေ၊ လေ အစုံသုံးပြီး အပြင်းအထန်ခုခံနေတဲ့ကြားက အခုလို သိမ်းပိုက်နိုင်ခဲ့တာဖြစ်ပါတယ်။

စစ်ကောင်စီအင်အား ၂၀၀ ခန့်ဟာ စစ်သင်္ဘောတွေနဲ့  ကိုယ်လွတ်ရုန်း ထွက်ပြေးလွတ်မြောက်သွားပေမယ့် စစ်မှုထမ်းဥပဒေသစ်အရ လောလောလတ်လတ် စစ်သင်တန်းပေးထားတဲ့ ဘင်္ဂလီအချို့ရဲ့ အလောင်းတွေ၊ စစ်ကောင်စီတပ်သားတွေရဲ့ အလောင်းတွေ၊ လက်နက်ခဲယမ်း၊ စစ်အသုံးအဆောင်ပစ္စည်းများစွာကို သိမ်းဆည်းမိတယ်လို့ AA က ပြောပါတယ်။

ဘူးသီးတောင်မြို့ရှိ စကခ (၁၅) လက်အောက်ခံ၊ ခမရ (၅၅၂) တပ်ရင်းကိုလည်း အပြီးသတ်သိမ်းပိုက်ရယူရေးအတွက် ထိုးစစ်အား အရှိန်မြင့်ဆောင်ရွက်နေတယ်လို့ ထုတ်ပြန်ချက်က ဆိုပါတယ်။

ရသေ့တောင်မတိုင်ခင် AA က သိမ်းပိုက်ခဲ့တဲ့မြို့တွေကတော့ ပလက်ဝ၊ ပေါက်တော၊ မင်းပြား၊ မြောက်ဦး၊ ကျောက်တော်၊ မြေပုံ၊ ပုဏ္ဍားကျွန်း၊ ရမ်းဗြဲ တို့ဖြစ်တဲ့အတွက် အားလုံး ၉ မြို့ရှိနေပြီဖြစ်ပါတယ်။

ဒါ့အပြင်...

- ကော့ကရိတ်မြို့နယ်ရှိ ကျိုက်ဒုံဗျုဟာကုန်း စခန်းသိမ်းတိုက်ပွဲအတွင်း လက်နက်ကြီး-ငယ် ၁၀၀ နီးပါး ရရှိတယ်လို့ KNLA စစ်ရုံးချုပ်က သတင်းထုတ်ပြန်...

- မွန်ပြည်နယ်၊ သံဖြူဇရပ်မြို့နယ်၊ သက္ကော့ကျေးရွာရှိ စစ်ကောင်စီဂိတ်ကို တော်လှန်ရေးပူးပေါင်းတပ်ဖွဲ့က ဒရုန်းနဲ့တိုက်ခိုက်...

- စစ်ကိုင်းတိုင်း၊ ကလေးမြို့အနီး စစ်ကြောင်းထိုးလာတဲ့ စစ်ကောင်စီနဲ့ ပျုစောထီး စစ်ကြောင်း ၂- ခုကို ဒေသခံ PDF တွေက ကြားဖြတ်တိုက်ခိုက်တဲ့အတွက် လက်နက်မျိုးစုံ (၁၉) လက်ရရှိ...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“စစ်ကောင်စီဟာ နိုင်ငံရေးအပြင် လက်တွေ့ မြေပြင်မှာပါ ရှုံးနေပြီဆိုတာကို အာ...

“စစ်ကောင်စီဟာ နိုင်ငံရေးအပြင် လက်တွေ့ မြေပြင်မှာပါ ရှုံးနေပြီဆိုတာကို အားလုံးက သဘောပေါက်လာကြပြီဖြစ်တယ်”

- ဦးအောင်မိုးဇော် (ဥက္ကဌ - လူ့ဘောင်သစ်ဒီမိုကရက်တစ်ပါတီ - DPNS)

(၁၇ - ၃ -၂၀၂၄)

“စစ်ကောင်စီဟာ နိုင်ငံရေး ပြည်တွင်း-ပြည်ပမှာ ခေါင်းမဖေါ်နိုင်အောင် ရှုံးနိမ့်နေတဲ့အပြင် အခုဆိုရင် မြေပြင်မှာ စစ်ပွဲတွေရှုံးနေတာကို အားလုံးက သဘောပေါက်လာကြပြီဖြစ်တယ်။ ဒါကြောင့် အင်အားစုအားလုံးက နွေဦးတော်လှန်ရေးထဲ ပူးပေါင်းလာနေတာဖြစ်တယ်” လို့ လူ့ဘောင်သစ်ဒီမိုကရက်တစ်ပါတီ (DPNS) ဥက္ကဌ ဦးအောင်မိုးဇော်က ပြောပါတယ်။

ထိုင်းပါလီမန်မှာကျင်းပခဲ့တဲ့ မြန်မာ့အရေးဆွေးနွေးပွဲအပါဝင် ထိုင်း-မြန်မာနယ်စပ်မှာ တိုက်ပွဲတွေပြင်းထန်လာတာ၊ NCA လမ်းကြောင်းက အဖွဲ့တွေ နွေဦးတော်လှန်ရေးထဲပါလာတာ၊ စစ်ကောင်စီဟာ နိုင်ငံရေးအရခေါင်းမဖော်နိုင်တဲ့အပြင် စစ်ရေးအရပါ ရှုံးနိမ့်လာနေတာတွေနဲ့ ပတ်သက်ပြီး BNN သတင်းဌာနက ဦးထက်အောင်ကျော် မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်မယ့် မေးမြန်းချက်ထဲမှာ...

- ထိုင်းပါလီမန်အတွင်းက မြန်မာ့အရေးဆွေးနွေးပွဲ နိုင်ငံရေးအရ ဘယ်လိုအဓိပါယ်ဆောင်သလဲ...

- ပအိုဝ်းအဖွဲ့၊ ကရင်-နယ်ခြားစောင့်အဖွဲ့၊ မွန်ပြည်သစ်ပါတီ (စစ်အာဏာရှင်တိုက်ဖျက်ရေး) အဖွဲ့တွေ နွေဦးတော်လှန်ရေးထဲပါလာခြင်းက ဘယ်လောက်ခွန်အားဖြစ်စေနိုင်သလဲ...

- တော်လှန်ရေးတပ်ပေါင်းစုရဲ့ထိုးစစ်က စစ်ကောင်စီကို ဘယ်လောက်အထိ ဖြိုချနိုင်နေပြီလဲ...

- စစ်အာဏာရှင်အလွန်ခေတ်အတွက် တော်လှန်ရေးအင်အားစုတွေ ဘယ်လောက်အထိ ရက်ဒီ- ဖြစ်နေပြီလဲ...

...စတဲ့ အကြောင်းအရာတွေကို ဆွေးနွေးတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“ကနီမြို့တိုက်ပွဲ စစ်ကောင်စီဖက်က အကျအဆုံးများ... မေတ္တာမြို့မှာ တိုက်ပွဲ...

“ကနီမြို့တိုက်ပွဲ စစ်ကောင်စီဖက်က အကျအဆုံးများ... မေတ္တာမြို့မှာ တိုက်ပွဲပြင်းထန်... နောက်ဆုံးရ တိုက်ပွဲသတင်းများ”

(၁၇- ၃- ၂၀၂၄)

စစ်ကိုင်းတိုင်း ကနီမြို့သိမ်းတိုက်ပွဲ ၁၁ ရက်တာအတွင်း စစ်ကောင်စီဖက်က ၄၇ ဦးသေဆုံး၊  လက်နက်ကြီး-ငယ် ၁၀ လက် သိမ်းမိတယ်လို့ အမှတ် ၁ စစ်ဒေသက သတင်းထုတ်ပြန်ပါတယ်။

မတ်လ ၂ ရက်ကနေ ၁၂ ရက်အထိ တိုက်ပွဲအတွင်း ကနီမြို့ ရဲစခန်း၊ ထွေအုပ်ရုံး၊ ဘုရားကုန်း၊ ဆေးရုံ၊ စာသင်ကျောင်းတို့မှာ အခြေချထားတဲ့ နယ်မြေခံတပ် ခလရ (၈၇၊ ၈၉၊ ၂၂၂) တပ်ရင်းတွေ၊ ခမရ-၃၁၃ ပူးပေါင်းအင်အား (၁၀၀) ကျော်၊ လေကြောင်းနဲ့ လာချပေးတဲ့ အင်အား (၁၂၀) ခန့်နဲ့ ရေဦးမြို့က စစ်ကူလာတဲ့ ဘီလူးစစ်ကြောင်း အင်အား (၈၀) စသဖြင့် စစ်ကောင်စီဖက်က အင်အားများစွာသုံးပြီး ခုခံခဲ့တယ်လို့ဆိုပါတယ်။

တော်လှန်ရေးတပ်တွေဖက်တော့ ယင်းမာပင်ခရိုင် ကွပ်ကဲရေး၊ ယင်းမာပင်ခရိုင် တပ်ရင်း (၁၊ ၂၊ ၆၊ ၉၊ ၁၇၊ ၁၈၊ ၂၁၊ ၂၂၊ ၂၃၊ ၂၅၊ ၂၇၊ ၃၀၊ ၃၂)၊ (တပ်ရင်း ၁၃ ခု)၊ LPDF တွေ၊ ဆားလင်းကြီးစစ်ကြောင်း၊ Alpha စစ်ကြောင်း၊ ဒရုန်းတပ်ဖွဲ့တွေနဲ့ ကနီမြို့နယ် ပအဖ၊ ပကဖ တို့က ပူးပေါင်းတိုက်ခိုက်ခဲ့တာလို့ ထုတ်ပြန်ချက်မှာ ဖေါ်ပြပါတယ်။

စစ်ကောင်စီဖက်က တပ်ရင်း ၆ ရင်း အင်အားများစွာနဲ့ ခုခံတဲ့အပြင် Mi-35၊ Jet Fighter တို့ကနေလည်း လကြောင်းတိုက်ခိုက်မှု (၅၄) ကြိမ်၊ Y-12 နဲ့ ဗုံးသီးအလုံး (၁၀၀) ကျော် ကြဲချတိုက်ခိုက်ခဲ့တယ်လို့ဆိုပါတယ်။

ဒီတိုက်ပွဲအတွင်း စစ်ကောင်စီဖက်က ၄၇ ဦးသေဆုံး၊ အလောင်း ၁၁ လောင်းနဲ့ လက်နက်ကြီး-ငယ် ၁၀ လက်ရရှိပြီး PDF ဖက်က ရဲဘော် (၁၁) ဦး မြင့်မြတ်စွာ ကျဆုံးခဲ့ရတယ်လို့ ထုတ်ပြန်ချက်မှာ ဖေါ်ပြပါတယ်။

တော်လှန်ရေးတပ်ပေါင်းစုက ကနီမြို့ကို တိုက်ခိုက် သိမ်းပိုက်နိုင်ခဲ့ပေမယ့် စစ်ကောင်စီဖက်က စစ်ကူအများအပြားထပ်ပို့ခြင်းနဲ့ လေကြောင်းတိုက်ခိုက်မှုတွေ ဆက်တိုက်လုပ်လာတဲ့အတွက် မတ်လ (၁၂) ရက်မှာ ကနီမြို့ကနေ ပြန်လည်ဆုတ်ခွာခဲ့ရတယ်လို့ အမှတ် (၁) စစ်ဒေသ ထုတ်ပြန်ချက်မှာ ဖေါ်ပြထားပါတယ်။

ဒါ့အပြင်...

- ချင်းပြည်နယ် မင်းတပ်မြို့နယ်မှာ တိုက်ပွဲဖြစ်ပွားခြင်းမရှိပဲနဲ့ စစ်ကောင်စီက လေယာဉ်နဲ့ဗုံးကြဲလို့ သားအမိ ၂ ဦးသေဆုံးပြီး အချိုု့ဒဏ်ရာရ...

- ထားဝယ်ခရိုင်၊ မေမတ္တာမြို့မှာ သီတင်းတပတ်နီးကြာ တိုက်ပွဲဆက်တိုက်ဖြစ်နေပြီး စစ်ကောင်စီဖက်က လေကြောင်းကနေ မြို့ကို ဗုံးကြဲနေ...

- KIO ဌာနချုပ် လိုင်ဇာမြို့မှာ ကချင်ပြည်နယ် ပညာရပ်စုံတက္ကသိုလ်က ဘွဲနှင်းသဘင်အခမ်းအနား ကျင်းပ...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“ရသေ့တောင်မြို့သိမ်းနိုင်ရေး AA က စစ်ရှိန်မြှင့်... KIA နဲ့ KNLA တို့က စ...

“ရသေ့တောင်မြို့သိမ်းနိုင်ရေး AA က စစ်ရှိန်မြှင့်... KIA နဲ့ KNLA တို့က စစ်ကောင်စီရဲ့ ဗျုဟာကုန်းတွေကို သိမ်းပိုက်... နောက်ဆုံးရ တိုက်ပွဲသတင်းများ”

(၁၆- ၃- ၂၀၂၄)

ရသေ့တောင်၊ ဘူးသီးတောင်နဲ့ မောင်တောမြို့တွေရှိ စစ်ကောင်စီ လက်ကျန်တပ်စခန်းတွေကို AA ရက္ခိုင့်တပ်တော်က ဆက်လက်ထိုးစစ်ဆင်နေပြီး ဝိုင်းရံပိတ်ဆို့တာ၊ ဖြတ်တောက်တာတွေကို ပြုလုပ်နေတယ်လို့ AA က သတင်းထုတ်ပြန်ပါတယ်။

အဲဒီတပ်စခန်းတွေကတော့ ရသေ့တောင်မြို့အခြေစိုက် “ခမရ (၅၃၆)၊ (၅၃၇) နဲ့ (၅၃၈)” တပ်ရင်းဌာနချုပ်စခန်းတွေ၊ ဘူးသီးတောင်မြို့ရှိ စကခ (၁၅) လက်အောက်ခံ၊ ခမရ (၅၅၂) တပ်ရင်း၊ မောင်တောမြို့နယ်အတွင်းက လက်ကျန်နယ်ခြားစောင့်စခန်း အချို့ဖြစ်တယ်လို့ ဆိုပါတယ်။

နယ်ခြားစောင့်စခန်းက စစ်ကောင်စီတပ်ဖွဲ့ဝင်တွေ ဘင်္ဂလားဒေ့ရှ်ဖက် ရာနဲ့ချီထွက်ပြေးတာတွေလည်းရှိနေပါတယ်။ ဒီမြို့နယ် ၃ ခုမှာ ကျန်နေတဲ့ စစ်ကောင်စီစခန်းတွေအားလုံးကို သိမ်းနိုင်အောင်၊ စစ်ကောင်စီကင်းစင်အောင် ဆက်လက်ဆောင်ရွက်နေတယ်လို့ AA ထုတ်ပြန်ချက်မှာ ဖေါ်ပြထားပါတယ်။

ကချင်ပြည်နယ်မှာတော့ လိုင်ဇာဌာနချုပ်ကို စစ်ရေးအရခြိမ်းခြောက်နေတဲ့ ဘွမ်ရယ်ဘွမ်တောင် စစ်ကောင်စီ ဗျုဟာကုန်းကို မနေ့က နေ့လယ် ၂ နာရီခန့်မှာ အပြီးသိမ်းပိုက်ပြီဖြစ်တယ်လို့ ကချင်လွတ်လပ်ရေးတပ် (KIA) က BNN ကို ပြောပါတယ်။ 

ဒါ့အပြင်...

- ဆွမ်ပရာဘွမ်ဖက်မှာလည်း KIA နဲ့ မဟာမိတ် PDF တွေက စခန်းသိမ်းတိုက်ပွဲတွေ ဆက်လုပ်နေပြီး ဆွမ်ပရာဘွမ်မြို့ပေါ်မှာ တိုက်ပွဲပြင်းထန်နေ...

- ကော့ကရိတ်မြို့နယ်‌ တောင်ပိုင်းရှိ ကျိုက်ဒုံ စစ်‌ကောင်စီဗျူဟာကုန်းကို KNLA နဲ့ မဟာမိတ်တွေက သိမ်းပိုက်စဉ် ဗျူဟာမှူးအပါအဝင် (၆၆) ဦး အလံဖြူထောင် လက်နက်ချ...

- မုဒုံမြို့နယ်၊ ကမာဝက်မြို့ နယ်မြေ ရဲစခန်းမှူးစီးလာတဲ့ ကားကို မွန်ပြည်သစ်ပါတီ (စစ်အာဏာရှင်တိုက်ဖျက်ရေး) NMSP-AD က ကြားဖြတ် တိုက်ခိုက်...

- ဆီဆိုင်မြို့နယ် ထမ်းယံကျေးရွာ ဘုန်းတော်ကြီးကျောင်းကို စစ်ကောင်စီက ပေါင် ၅၀၀ ဗုံး ၂ လုံး ကြဲချတဲ့အတွက် ကျောင်းဆောင် ၂ ခုပျက်စီးပြီး  ကိုရင် ၂ ပါးလည်း ထိခိုက်ဒဏ်ရာရ...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“ဘွမ်ရယ်ဘွမ် စစ်ကောင်စီ ဗျုဟာကုန်းကို KIA သိမ်းပိုက်... ကျိုက်ဒုံ ဗျူဟာမ...

“ဘွမ်ရယ်ဘွမ် စစ်ကောင်စီ ဗျုဟာကုန်းကို KIA သိမ်းပိုက်... ကျိုက်ဒုံ ဗျူဟာမှူးနှင့်အဖွဲ့ အလံဖြူထောင်... နောက်ဆုံးရ တိုက်ပွဲသတင်းများ”

(၁၅- ၃- ၂၀၂၄)

လိုင်ဇာဌာနချုပ်အနီးရှိ ဘွမ်ရယ်ဘွမ်တောင် စစ်ကောင်စီ ဗျုဟာကုန်းကို ဒီနေ့ နေ့လယ် ၂ နာရီခန့်မှာ အပြီးသိမ်းပိုက်ပြီဖြစ်တယ်လို့ ကချင်လွတ်လပ်ရေးတပ် (KIA) က BNN ကို ပြောပါတယ်။ ဒီစခန်းဟာ လိုင်ဇာကို စစ်ရေးအရ ခြိမ်းခြောက်နေပြီး စစ်ကောင်စီ ဗျုဟာမှူးကိုယ်တိုင်ထိုင်တဲ့အတွက် အရေးကြီးတဲ့စခန်းကို သိမ်းနိုင်ခဲ့တာဖြစ်တယ်လို့ KIA ပြောခွင့်ရ ဗိုလ်မှူးကြီးနော်ဘူက ပြောပါတယ်။

မတ်လ ၇ ရက် (၀၃၀၇) စစ်ဆင်ရေးစတင်တဲ့နေ့ကတည်းက ဒီစခန်းကို စတိုက်တာဖြစ်ပြီး ၉ ရက်ကြာမှ သိမ်းနိုင်တာဖြစ်ပါတယ်။ နယ်မြေရှင်းလင်းနေဆဲဖြစ်တဲ့အတွက် စစ်ကောင်စီဖက်က အကျအဆုံးနဲ့ သိမ်းမိလက်နက်တွေအကြောင်း မသိရသေးဘူးလို့ ဗိုလ်မှူးကြီးကပြောပါတယ်။

ဒါ့အပြင်...

- ကရင်ပြည်နယ်၊ ကြာအင်းဆိပ်ကြီးမြို့နယ်၊ ကျိုက်ဒုံ ဗျူဟာကုန်းကို KNLA နဲ့မဟာမိတ်တွေက သိမ်းပိုက်စဉ် ဗျုဟာမှူးနဲ့ အင်အား ၆၀ ခန့် အလံဖြူထောင် လက်နက်ချ...

- မုဒုံမြို့နယ်၊ ကမာဝက်မြို့  နယ်မြေရဲစခန်းမှူး စီးလာတဲ့ကားကို မွန်ပြည်သစ်ပါတီ (စစ်အာဏာရှင်တိုက်ဖျက်ရေး) NMSP-AD က ကြားဖြတ် တိုက်ခိုက်...

...စတဲ့သတင်းတွေကို စုစည်းတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“မိုးမောက်မှာ KIA က ခစန်းသိမ်း... ကျိုက်ဒုံမှာ KNLA က စခန်းသိမ်း... နောက...

“မိုးမောက်မှာ KIA က ခစန်းသိမ်း... ကျိုက်ဒုံမှာ KNLA က စခန်းသိမ်း... နောက်ဆုံးရ တိုက်ပွဲသတင်းများ”

(၁၅- ၃- ၂၀၂၄)

ကချင်ပြည်နယ် မိုးမောက်မြို့နယ်၊ မြစ်ကြီးနား - ဗန်းမော်လမ်းပေါ်ရှိ  (ခ.လ.ရ) ၂၃၇- ဒါဆိုင်း စခန်းကို မနေ့ မနက်ပိုင်းမှာ သိမ်းပိုက်လိုက်ပြီလို့ ကချင့်လွတ်လပ်ရေးတပ် KIA ပြောခွင့်ရက BNN ကိုပြောပါတယ်။ 

ဒီစခန်းပါ ပေါင်းရင် ၀၃၀၇ စစ်ဆင်ရေးအတွင်း စခန်းပေါင်း ၂ ဒါဇင်ခန့်ကို သိမ်းထားနိုင်ပြီဖြစ်တယ်လို့ KIA ပြောခွင့်ရ ဗိုလ်မှူးကြီးနော်ဘူက ပြောပါတယ်။

ဒါဆိုင်းတိုက်ပွဲအတွင်း စစ်ကောင်စီဖက်က အကျအဆုံးနဲ့ သိမ်းမိလက်နက်တွေအကြောင်းကိုတော့ ဗိုလ်မှူးကြီးက ပြောမသွားခဲ့ပါဘူး။ ဒါပေမယ့် ဒေသတွင်းသတင်းဌာနတခုဖြစ်တဲ့ The 74 Media ရဲ့ဖေါ်ပြချက်အရ အဲဒီစခန်းမှာ စစ်ကောင်စီအင်အား ၂၀၀ ခန့်အထိရှိပြီး ၄၀ ကျော်ရဲ့အလောင်းတွေ တွေ့တယ်။ လက်နက်ကြီး၊ လက်နယ်ငယ်အများအပြားသိမ်းမိတယ်လို့ ဖေါ်ပြပါတယ်။

ဒါ့အပြင် KIA နဲ့မဟာမိတ်တပ်တွေဟာ မြစ်ကြီးနား-ဗန်းမော်လမ်းနဲ့ ဖားကန့်ဖက်အပြင် ဆွမ်ပရာဘွမ်မြို့ရှိ  (ခ.လ.ရ) ၄၆ -စခန်းကိုလည်း မနေ့ကစပြီး စတင်ထိုးစစ်ဆင်နေတယ်လို့ ဖေါ်ပြထားပါတယ်။

ကရင်ပြည်နယ်မှာတော့ ကျိုက်ဒုံမြို့ စစ်ကောင်စီဗျူဟာကုန်းကို ကရင့်အမျိုးသားလွတ်မြောက်ရေးတပ်မတော် KNLA နဲ့မဟာမိတ်တွေက မတ်လ ၁၄ ရက်နေ့ ညနေပိုင်းမှာ တိုက်ခိုက်သိမ်းပိုက်လိုက်ပြီလို့ KIC -Karen Information Center က ဖေါ်ပြပါတယ်။

ကျိုက်ဒုံမြို့ရှိ စစ်ကောင်စီဌာနဆိုင်ရာ ရုံးအားလုံးကို ဇန်နဝါရီ ၂၇ ရက်‌နေ့ကတည်းက KNLA နဲ့ မဟာမိတ်တပ်ပေါင်းစုက သိမ်းပိုက်ထားပြီးဖြစ်ပေမယ့် စစ်တပ်ရဲ့ ဗျုဟာ ခစန်းကိုတော့ အခုမှ သိမ်းနိုင်ခဲ့တာဖြစ်ပါတယ်။

ဒါ့အပြင်...

- မွန်ပြည်နယ် ရေးမြို့နယ်ရှိ ချောင်းတောင်တံတား စစ်ကောင်စီဂိတ်ကို ရေးဘီလူးအဖွဲ့က  ဝင်ရောက်တိုက်ခိုက်...

- မကွေးတိုင်း ယောနယ်က ထီးလင်းမြိုနယ်မှာလည်း တိုက်ပွဲဖြစ်နေပြီး စစ်ကောင်စီဖက်က ၄ ဦးသေတယ်လို့ YRA က သတင်းထုတ်ပြန်...

- ပခုက္ကူမြို့ကနေ ထွက်လာတဲ့ ကား(၅)စီးပါ စစ်ကောင်စီ ရိက္ခာသယ်ယာဉ်တန်းကို ဒေသခံတော်လှန်ရေးတပ်တွေက မိုင်းဆွဲတိုက်ခိုက်တဲ့အတွက် ကား ၂ စီးပျက်ပြီး စစ်သား ၃ ဦးသေ...

...စတဲ့သတင်းတွေကို စုစည်းတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“ဖားကန့်မှာ KIA က စခန်းသိမ်း... မြဝတီဖက်မှာ KNLA က စခန်းသိမ်း... နောက်ဆု...

“ဖားကန့်မှာ KIA က စခန်းသိမ်း... မြဝတီဖက်မှာ KNLA က စခန်းသိမ်း... နောက်ဆုံးရ တိုက်ပွဲသတင်းများ”

(၁၄- ၃- ၂၀၂၄)

ရခိုင်ပြည်နယ်၊ တောင်ကုတ်မြိုနယ်၊ မအီမြို့အနီးရှိ မအီတံတားနဲ့ ကျောက်ကြီးပေါက်တံတားတို့ကို စစ်ကောင်စီတပ်က အစီစဉ်ရှိရှိ မိုင်းခွဲဖျက်ဆီးခဲ့တာဖြစ်တယ်လို့  စစ်သုံ့ပန်းအဖြစ် ဖမ်းဆီးခံရသူ ဆေးအရာခံဗိုလ်မျိုးခန့်က ပြောတယ်လို့ AA ရက္ခိုင့်တပ်တော်က သတင်းထုတ်ပြန်ပါတယ်။

ဖေဖော်ဝါရီလ ၁၅ ရက်မှာ မအီမြို့တပ်စခန်းကနေ စွန့်ခွာဖို့ အထက်အမိန့်ရရှိခဲ့ပြီးနောက် ၁၆ ရက် မနက် ၈ နာရီခွဲခန့် မအီမြို့ကနေ စတင်ထွက်ခွာစဉ် မအီတံတားနဲ့ ကျောက်ကြီးပေါက်တံတားတွေကို ဖောက်ခွဲခဲ့တာဖြစ်တယ်လို့ ဆေးအရာခံဗိုလ်မျိုးခန့်က AA က ထုတ်ပြန်တဲ့ ဗွီဒီယိုထဲမှာ ပြောထားပါတယ်။

ဒီနေ့ထုတ်ပြန်ချက်ထဲမှာ စခန်းသိမ်းတိုက်ပွဲ မတွေ့ရပေမယ့် မတ်လ ၁၂ ရက်နေ့ကတော့ မောင်တောမြိုနယ်မြောက်ပိုင်းရှိ အောင်သပြေ နယ်ခြားစောင့်တပ်စခန်းကို AA က အပြီး သိမ်းလိုက်ပြီလို့ဖေါ်ပြပါတယ်။

စခန်းသိမ်းတိုက်ပွဲအတွင်း စစ်ကောင်စီဖက်က အကျအဆုံးများပြီး လက်နက်ခဲယမ်းများစွာကို သိမ်းပိုက်ရရှိတဲ့အပြင် စစ်ကောင်စီတပ်သား အများအပြားဟာ ဘင်္ဂလားဒေ့ရှ်ဖက် ထွက်ပြေးသွားတယ်လို့လည်း AA ထုတ်ပြန်ချက်မှာ ဖေါ်ပြထားပါတယ်။

ကချင်ပြည်နယ်မှာတော့ လိုင်ဇာဌာနချုပ်ဝန်းကျင်ရှိ ဗျုဟာအရ အရေးပါတဲ့ တောင်တန်းတွေပေါ်မှာ တိုက်ပွဲပြင်းထန်နေပြီး စစ်ကောင်စီဖက်က လေကြောင်းပစ်ကူသုံးနေတယ်လို့ ကချင်လွတ်လပ်ရေးတပ် KIA ပြောခွင့်ရက BNN ကို ပြောပါတယ်။ 

ဖားကန့်ဖက်မှာလည်းတိုက်ပွဲတွေရှိနေပြီး တန် ၃၀၀၀ စခန်းကို သိမ်းလိုက်ပြီဖြစ်တယ်လို့ KIA ပြောခွင့်ရ ဗိုလ်မှူးကြီးနော်ဘူက ပြောပါတယ်။

ဒါ့အပြင်...

-  အောင်မြေ ၂ မှာ ပိတ်မိနေတဲ့ ဒေသခံပြည်သူ ၇၀၀ ဝန်းကျင်ကို ကယ်ထုတ်နိုင်ခဲ့...

- မြဝတီမြို့နယ်၊ သင်္ဃန်းညီနောင်အခြေစိုက် ခမရ(၃၅၅)စခန်းနဲ့ ဖလူး-မဆုတ်တန်းခံစစ်စခန်းကို KNLA တပ်မဟာ(၆) နဲ့ မဟာမိတ်ပူးပေါင်းတပ်က သိမ်းပိုက်..

- ဟိုပုံးမြို့နယ် မဲနယ်တောင်ရှိ နမ့်ဟူးကျေးရွာကို စစ်ကောင်စီတပ်က မီးရှို့ဖျက်ဆီးခဲ့တဲ့အတွက် အိမ်ခြေ ၁၀၀ ခန့်ရှိ နမ့်ဟူးတရွာလုံး မီးလောင်ပျက်စီး...

... စတဲ့သတင်းတွေကို စုစည်းတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“ဒီနေ့ ဖားကန့်ဖက်မှာသိမ်းမိတဲ့ စခန်းပါဆိုရင် မတ်လ ၇ ရက်နောက်ပိုင်း ၂၀ ကျ...

“ဒီနေ့ ဖားကန့်ဖက်မှာသိမ်းမိတဲ့ စခန်းပါဆိုရင် မတ်လ ၇ ရက်နောက်ပိုင်း သိမ်းမိတာ ၂၀ ကျော်ရှိနေပါပြီ”

- ဗိုလ်မှူးကြီးနော်ဘူ (ပြန်ကြားရေးအရာရှိ - KIO/ KIA)

(၁၃ -၃ -၂၀၂၄)

လိုင်ဇာဌာနချုပ်ဝန်းကျင်ရှိ ဗျုဟာအရအရေးပါတဲ့ တောင်တန်းတွေပေါ်မှာ တိုက်ပွဲပြင်းထန်နေပြီး စစ်ကောင်စီဖက်က လေကြောင်းပစ်ကူသုံးနေတယ်လို့ ကချင်လွတ်လပ်ရေးတပ် KIA ပြောခွင့်ရက BNN ကို ပြောပါတယ်။ ဖားကန့်ဖက်မှာလည်းတိုက်ပွဲတွေရှိနေပြီး ဒီနေ့ စခန်းတခု ထပ်သိမ်းနိုင်ခဲ့တယ်လို့ KIA ပြောခွင့်ရ ဗိုလ်မှူးကြီးနော်ဘူက ပြောပါတယ်။ 

မြစ်ကြီးနားဝန်းကျင်ရှိ အကျဲရွာဖက်မှာ မနေ့က တိုက်ပွဲဖြစ်ခဲ့ပေမယ့် ဒီနေ့တော့ တိုက်ပွဲငြိမ်နေတယ်လို့ ဗိုလ်မှူးကြီးကပြောပါတယ်။ 

ကရင်ပြည်နယ်မှာတော့ မြဝတီမြို့နယ်၊ သင်္ဃန်းညီနောင်အခြေစိုက် ခမရ(၃၅၅)စခန်းကို KNLA နဲ့ မဟာမိတ်တပ်တွေက မတ်လ ၇ ရက်နေ့ ညနေပိုင်းမှာ သိမ်းပိုက်လိုက်ပြီလို့ ကရင့်အမျိုးသားလွတ်မြောက်ရေးတပ်မတော် KNLA- စစ်ရုံးချုပ်က ဒီနေ့ သတင်းထုတ်ပြန်ပါတယ်။

မနက် ၁၀ နာရီမှာ ထိုးစစ်စတင်ပြီး ညနေ ၇ နာရီခန့်မှာ စခန်းတခုလုံးကို သိမ်းနိုင်ခဲ့တာဖြစ်တယ်။ စစ်ကောင်စီဖက်က အများအပြားကျဆုံးပြီး စစ်မော်တော်ယာဉ် (၆)စီး၊ RPG၊ NATO စက်လတ်အပါအဝင် လက်နက်ငယ်မျိုးစုံ (၁၂၇)လက်၊ 60 mm ၊ 81 mm အပါဝင် လက်နက်ကြီးစိန်ပြောင်းမျိုးစုံ(၁၃)လက်နဲ့ ခဲယမ်းအများအပြားသိမ်းမိတယ်လို့ ကြေညာချက်က ဆိုပါတယ်။

ဒ့ါအပြင်...

- နယ်စပ်မှာ တိုက်ပွဲတွေပြင်းထန်လာနေတဲ့အတွက် ထိုင်းစစ်တပ်ကလည်း ထိုင်း-မြန်မာနယ်စပ်တလျောက် လုံခြုံရေး တိုးချထား...

- ရခိုင်ပြည်နယ်မှာ မောင်တောမြို့မြောက်ပိုင်းရှိ အောင်သပြေ နယ်ခြားစောင့်တပ်စခန်းကို အပြီးသိမ်းနိုင်ပြီဖြစ်တယ်လို့ AA ရက္ခိုင့်တပ်တော်က သတင်းထုတ်ပြန်...

စတဲ့သတင်းတွေကို စုစည်းတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“အောင်သပြေစခန်းက လက်နက်တွေ AA သိမ်းပိုက် ... မြစ်ကြီးနားဝန်းကျင်အထိ KIA ...

“အောင်သပြေစခန်းက လက်နက်တွေ AA သိမ်းပိုက် ... မြစ်ကြီးနားဝန်းကျင်အထိ KIA က တိုက်ပွဲဖေါ်...  နောက်ဆုံးရ တိုက်ပွဲသတင်းများ...

(၁၃- ၃- ၂၀၂၄)

ရခိုင်ပြည်နယ်၊ မောင်တောမြို့မြောက်ဘက်ရှိ အောင်သပြေ နယ်ခြားစောင့်တပ်စခန်းက သိမ်းမိတဲ့ လက်နက်ခဲယမ်းပုံတွေကို AA ရက္ခိုင့်တပ်တော်က သတင်းထုတ်ပြန်ပါတယ်။

အောင်သပြေ နယ်ခြားစောင့်တပ်စခန်းကနေ ထွက်ပြေးလာတဲ့ စစ်ကောင်စီတပ်နဲ့ ရက္ခိုင့်တပ်တော်တို့ မတ်လ (၁၀) ရက်၊ ညနေ (၄) နာရီကတည်းက အခုချိန်အထိ တိုက်ပွဲတွေဆက်တိုက်ဖြစ်နေပြီး စစ်ကောင်စီတပ်သားတွေကို AA က ဝိုင်းရံပိတ်ဆို့ထားတယ်လို့ ဆိုပါတယ်။

အချို့စစ်သားတွေကတော့ ဘင်္ဂလာဒေ့ရှ်နိုင်ငံဖက် ခိုးဝင် ထွက်ပြေးသွားပြီး တရာကျော်အထိရှိနေပြီလို့ AA က ပြောပါတယ်။

နောက်ထပ် စစ်မျက်နှာတခုဖြစ်တဲ့ ရသေ့တောင်မြို့အခြေစိုက် တပ်ရင်းဌာနချုပ်တွေကိုလည်း မတ်လ (၁၀) ရက်၊ ညနေ (၇) နာရီကစပြီး ရက္ခိုင့်တပ်တော်က တဆင့်မြှင့်ထိုးစစ်ဆင်နေတယ်လို့ AA ရဲ့ ထုတ်ပြန်ချက်မှာ ဖေါ်ပြထားပါတယ်။

ဒါ့အပြင်...

- ကချင်ပြည်နယ်မှာတော့ မြစ်ကြီးနားမြို့ပြင်နားရှိ အကျဲကျေးရွာမှာ မနေ့ မနက် ၁၁ နာရီခန့်က ကချင်လွတ်လပ်ရေးတပ် (KIA)နဲ့ စစ်ကောင်စီတပ် မိနစ် ၃၀ ကြာ တိုက်ပွဲဖြစ်ပွား...

- ဖားကန့်မြို့နယ် တာမခန်အခြေစိုက် ခ.မ.ရ (၁၁၉) ကနေ ထွက်ပြေးလာတဲ့ စစ်ကောင်စီတပ်ဖွဲ့ဝင်တွေ ပုန်းအောင်းနေတဲ့နေရာကို KIA နဲ့ KPDF ပူးပေါင်းတပ် ဝင်ရောက်ရှင်းလင်းတဲ့အတွက် ဗိုလ်မှူးတဦးအပါဝင် ၂ ဦးသေပြီး တဒါဇင်ခန့် အရှင်ဖမ်းမိ...

- ကရင်နီပြည်နယ်၊ ဖာဆောင်းမြိုနယ်မှာတော့ ဖာဆောင်း တံတားလမ်းဆုံမှာ တပ်စွဲထားတဲ့ စစ်ကောင်စီတပ်ကို ကရင်နီပြည် ပြည်သူ့လွတ်မြောက်ရေးတပ် (KPLA) က ဝင်ရောက်တိုက်ခိုက်ပြီး လက်နက်မျိုးစုံ ၁၇ လက်ရရှိ...

- ဆီဆိုင်မြို့မှာတော့ တိုက်ပွဲဖြစ်ပွားခြင်းမရှိပဲနဲ့ မနက် ၆ နာရီကနေ ၁၁ နာရီအထိ စစ်ကောင်စီက လက်နက်ကြီးတွေနဲ့ အကြိမ် ၄၀ ပစ်ခတ်တာကြောင့် ဆီဆိုင်မြို့မဈေး မီးလောင်ပျက်စီးသွား...

- မန္တလေးတိုင်း၊ သပိတ်ကျင်းမြို့နယ်မှာတော့ အင်အား (၁၇၀)ခန့်ရှိ စစ်ကောင်စီစစ်ကြောင်း ၂ ခုကို ဒေသခံတော်လှန်ရေးတပ်တွေက ကြားဖြတ်တိုက်ခိုက်ပြီး လက်နက်ငယ် ၁၈ လက် သိမ်းမိ...

...စတဲ့သတင်းတွေကို စုစည်းတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“စစ်ဘေးရှောင်တွေအတွက် နယ်စပ်ဖြတ် အကူအညီပေးဖို့လိုနေတယ်ဆိုတာကို အဓိကတင်ပြ...

“စစ်ဘေးရှောင်တွေအတွက် နယ်စပ်ဖြတ် အကူအညီပေးဖို့လိုနေတယ်ဆိုတာကို အဓိကတင်ပြခဲ့ပါတယ်”

- နန့်ဇိုယာဖန်း (Programme Director - Burma Campaign UK)

(၁၂- ၃- ၂၀၂၄)

“သန်းနဲ့ချှီရှိနေတဲ့ မြန်မာနယ်စပ်က စစ်ဘေးရှောင်တွေအတွက် လူသားချင်းစာနာမှုအကူအညီကို စစ်ကောင်စီကနေတဆင့် ပေးလို့မရောက်နိုင်ဘူး။ ထိုင်းနယ်စပ်ကနေ ဖြတ်ပြီး တိုက်ရိုက်ပေးမှ အလုပ်ဖြစ်မယ်ဆိုတာကို တင်ပြခဲ့တယ်။ ထိုင်းလွှတ်တော်အမတ်တွေကို ဒီတင်ပြချက်ကို လက်ခံတယ် ယုံကြည်ပါတယ်” လို့ Burma Campaign UK ရဲ့ Programme Director နန့်ဇိုယာဖန်းက ပြောပါတယ်။

ပြီးခဲ့တဲ့သီတင်းပတ် (မတ်လ ၂-၃) က ဘန်ကောက်မြို့ ထိုင်းပါလီမန်အတွင်းကျင်းပခဲ့တဲ့ မြန်မာ့အရေးဆွေးနွေးပွဲ (Towards a Democratic Myanmar and Its Impact on Security Along the Thai Border) မှာ ဘာတွေတင်ပြခဲ့သလဲ၊ ထိုင်းအစိုးရဖက်က သဘောထားပြောင်းလာပြီလား၊ စစ်ဘေးရှောင်တွေကို နယ်စပ်ဖြတ်အကူအညီပေးရေးလုပ်ငန်းတွေ စတင်နိုင်တော့မလား... စသဖြင့် BNN သတင်းဌာနက ဦးထက်အောင်ကျော် မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်မယ့် မေးမြန်းချက်ထဲမှာ...

- မြန်မာ့ဒီမိုကရေစီအင်အားစုတွေနဲ့ NUG, NUCC, ERO ကိုယ်စားလှယ်တွေကို ထိုင်းပါလီမန်က တရားဝင်ဖိတ်ကြားဆွေးနွေးခြင်းက ဘယ်လိုထူးခြားချက်တွေရှိသလဲ...

- နယ်စပ်ဒေသက မြန်မာ စစ်ဘေးရှောင်တွေကို အကူအညီပေးရေးအတွက် စစ်ကောင်စီလက်အောက်ခံ ကြက်ခြေနီနဲ့ ပူးပေါင်းဆောင်ရွက်မယ့်အစီစဉ်အပေါ် ဘယ်လိုငြင်းချက် ထုတ်ကြသလဲ...

- ထိုင်းအပါဝင် နိုင်ငံတကာဖိအား ဒီထက်တိုးပြီး ထိရောက်မှု ပိုရှိလာအောင် နိုင်ငံတကာရောက် ဒီမိုကရေစီအရေးလှုပ်ရှားသူတွေ ဘယ်လို Campaign တွေ ဆောင်ရွက်သင့်သလဲ...

... စတဲ့အကြောင်းအရာတွေကို ဆွေးနွေးတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“ရမ်းဗြဲမြို့ကို AA သိမ်းပိုက်... ကချင်မှာ KIA က စခန်းတွေဆက်သိမ်း... နော...

“ရမ်းဗြဲမြို့ကို AA သိမ်းပိုက်... ကချင်မှာ KIA က စခန်းတွေဆက်သိမ်း... နောက်ဆုံးရ တိုက်ပွဲသတင်းများ”

(၁၂-၃-၂၀၂၄)

ရမ်းဗြဲမြို့ကို မတ်လ (၁၁) ရက်၊ နေ့လယ် (၁) နာရီမှာ အပြီးသတ်သိမ်းပိုက်လိုက်ပြီဖြစ်တယ်လို့ AA ရက္ခိုင့်တပ်တော်က သတင်းထုတ်ပြန်ပါတယ်။

ရမ်းဗြဲမြို့ကိုသိမ်းနိုင်ရေးတွက် ဒီဇင်ဘာ (၁၈) ရက်မှာကတည်းက ထိုးစစ်စတင်ခဲ့ပြီး (၈၅) ရက်အကြာမှာမှ သိမ်းနိင်ခဲ့တာဖြစ်ပါတယ်။ စစ်ကောင်စီဖက်က ကြည်း၊ ရေ၊ လေ ပူးပေါင်းတိုက်ခိုက်မှု၊ လေကြောင်းကနေ နေ့စဉ်ရက်ဆက် ဗုံးကြဲတိုက်ခိုက်မှုကြားကနေ သတ္တိပြောင်မြောက်စွာ တိုက်ပွဲဝင်နိုင်ခဲ့တဲ့ အာရက္ခစစ်သည်တော်တွေကို လေးနက်စွာ ဂုဏ်ပြုမှတ်တမ်းတင်အပ်ပါတယ် လို့ ထုတ်ပြန်ချက်မှာ ဖေါ်ပြပါတယ်။

အခုဆိုရင် ပလက်ဝ၊ ပေါက်တော၊ မြောက်ဦး၊ ကျောက်တော်၊ မင်းပြား၊ မြေပုံ၊ တောင်ပြိုလက်ဝဲ၊ ပုံဏ္ဍားကျွန်းနဲ့ ရမ်းဗြဲ (၉) မြို့ကို AA က သိမ်းပိုက်ထားပြီးဖြစ်ပါတယ်။

တချိန်တည်းမှာပဲ ရသေ့တောင်မြို့အခြေစိုက် တပ်ရင်းဌာနချုပ်တွေကို မတ်လ (၁၀) ရက်ကစပြီး ရက္ခိုင့်တပ်တော်က တစ်ဆင့်မြှင့်ထိုးစစ်ဆင်နေတယ်လို့ ဖေါ်ပြပါတယ်။

မောင်တောမြို့မြောက်ဘက်ရှိ အောင်သပြေ၊ နယ်ခြားစောင့်တပ်စခန်းကနေ စခန်းစွန့်ထွက်ပြေးလာကြတဲ့ စစ်ကောင်စီ တပ်ဖွဲ့ဝင်တွေနဲ့ ရက္ခိုင့်တပ်တော်တို့ မတ်လ (၁၀) ရက်၊ ညနေ (၄) နာရီမှာ တိုက်ပွဲ ဖြစ်ပွားပြီး  အခုချိန်ထိ တိုက်ပွဲဖြစ်နေဆဲလို့ဆိုပါတယ်။

ဒီတိုက်ပွဲကြောင့် ရာနဲ့ချီတဲ့ နယ်ခြားစောင့်တပ်တွေ ဘင်္ဂလာဒေ့ရှ်နိုင်ငံဖက် ထွက်ပြေးသွားတယ်လို့လည်း AA ထုတ်ပြန်ချက်မှာ ဖေါ်ပြထားပါတယ်။

ကချင်ပြည်နယ်မှာတော့ မတ်လ ၇ ရက်မှာစတင်ခဲ့တဲ့ ၀၃၀၇ စစ်ဆင်ရေးကာလ ၅ ရက်တာအတွင်း ဌာနချုပ်လိုင်ဇာဝန်းကျင်က အရေးကြီးတဲ့ ဗျုဟာကုန်းတွေအပါဝင် စခန်းပေါင်း ၂၀ ခန့်ကို သိမ်းပိုက်နိုင်ခဲ့ပြီဖြစ်တယ်လို့ KIA ကချင်လွတ်လပ်ရေးတပ် ပြောခွင့်ရ ဗိုလ်မှူးကြီးနော်ဘူက BNN ကိုပြောပါတယ်။

ဒါ့အပြင်...

- ကရင်ပြည်နယ်မှာလည်း မြဝတီမြို့တောင်ဘက်ရှိ ဖလူး-မဆုတ်တန်းခံစစ်စခန်းကို - KNLA နဲ့ မဟာမိတ် တော်လှန်ရေးတပ်ပေါင်းစုက မတ်လ ၁၁ ရက် ညနေပိုင်းမှာ သိမ်းပိုက်...

- ဆီဆိုင်နဲ့ ဟိုပုံးမြို့နယ်မှာလည်း တိုက်ပွဲပြင်းထန်နေတယ်လို့ PNLA က သတင်းထုတ်ပြန်...

- စစ်ကိုင်းတိုင်း၊ ကလေးမြို့နယ်၊ ကန်သာယာရွာဖက်မှာ စစ်ကောင်စီ စစ်ကြောင်းကို ဒေသခံ တော်လှန်ရေးတပ်တွေက ကြားဖြတ်တိုက်ခိုက်တဲ့အတွက် စစ်ကောင်စီဖက်က အကျအဆုံးများပြီး လက်နက် (၂၄) လက်သိမ်းမိ...

.... စတဲ့သတင်းတွေကို စုစည်းတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“ပအိုဝ်းနီ၊ ပအိုဝ်းဖြူဆိုတာမရှိဘူး။ စစ်အာဏာရှင်ကိုတော်လှန်နေတဲ့ ပအိုဝ်းအ...

“ပအိုဝ်းနီ၊ ပအိုဝ်းဖြူဆိုတာမရှိဘူး။ စစ်အာဏာရှင်ကိုတော်လှန်နေတဲ့ ပအိုဝ်းအနက်တွေပဲရှိတယ်”

- ခွန်မြင့်ထွန်း  (ဥက္ကဌ - ပအိုဝ်းအမျိုးသားဖက်ဒရယ်ကောင်စီ - PNFC)

(၁၁-၃-၂၀၂၄)

“ဆီဆိုင်နဲ့ ဟိုပုံးမြို့နယ်အပါဝင် ပအိုဝ်းဒေသမှာဖြစ်ပွားနေတဲ့ တိုက်ပွဲတွေဟာ စစ်ကောင်စီက ဝါဒဖြန့်နေသလို ပအိုဝ်းနီနဲ့ ပအိုဝ်းဖြူကြားက တိုက်ပွဲမဟုတ်ဘူး။ စစ်အာဏာရှင်နဲ့ စစ်အာဏာရှင်ကို တော်လှနေတဲ့ ပအိုဝ်းတော်လှန်ရေသမားတွေကြားက တိုက်ပွဲသာဖြစ်တယ်” လို့ ပအိုဝ်းအမျိုးသားဖက်ဒရယ်ကောင်စီ - (PNFC) ဥက္ကဌ ခွန်မြင့်ထွန်းက ပြောပါတယ်။

ဆီဆိုင်နဲ့ ဟိုပုံးဖက်မှာ တိုက်ပွဲတွေပြင်းထန်လာနေတာ၊ အရပ်သားပစ်မှတ်တွေကို စစ်ကောင်စီဖက်က ဦးတည်တိုက်ခိုက်လာနေတာ၊ ပအိုဝ်းနီနဲ့ ပအိုဝ်းဖြူကြားက ပြသာနာအဖြစ် စစ်ကောင်စီက ပုံဖျက်နေတာတွေနဲ့ပတ်သက်ပြီး BNN သတင်းဌာနက ဦးထက်အောင်ကျော် မေးမြန်းစဉ် သူက အဲဒီလို ဖြေကြားခဲ့တာပါ။

အခုထုတ်လွှင့်မယ့် မေးမြန်းချက်ထဲမှာ...

- ဆီဆိုင်နဲ့ ဟိုပုံးဖက်က တိုက်ပွဲတွေ တောင်ကြီးဖက်အထိ ရောက်လာနိုင်ခြေရှိနေသလား...

- ပအိုဝ်းနီ၊ ပအိုဝ်းဖြူ ဇတ်လမ်းဟောင်းကိုသုံးပြီး စစ်ကောင်စီက ဘာကြောင့် ပုံဖျက်နေတာလဲ...

- ကာယ ကုသိုလ်အဖွဲ့တွေက ဘာကြောင့်ပြည်သူ့စစ်ဖြစ်သွားတာလဲ...

- ဖက်ဒရယ်အရေးနဲ့ ဒီမိုကရေစီအရေးလှုပ်ရှားသူတွေကြား ပေါင်းစည်းမှု အားအကောင်းဆုံးအနေအထားကို ရောက်နေပြီလား...

... စတဲ့အကြောင်းအရာတွေကို ဆွေးနွေးတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“၀၃၀၇ စစ်ဆင်ရေးဟာလည်း ၁၀၂၇ လိုပဲ အရေးကြီးပါတယ်”

“၀၃၀၇ စစ်ဆင်ရေးဟာလည်း ၁၀၂၇ လိုပဲ အရေးကြီးပါတယ်”

- ဦးသန်းစိုးနိုင် (စစ်ရေး - နိုင်ငံရေး ဝေဖန်သုံးသပ်သူ)

(၁၁- ၃- ၂၀၂၄)

“ကချင်လွတ်လပ်ရေးတပ်မတော် KIA နဲ့ မဟာမိတ်တွေက မတ်လ ၇ ရက်နေ့မှာစတင်လိုကတဲ့ ၀၃၀၇ စစ်ဆင်ရေးဟာလည်း မြောက်ပိုင်းညီနောင် ၃ ဖွဲ့ရဲ့ ၁၀၂၇ စစ်ဆင်ရေးလိုပဲ အရေးကြီးတယ်” လို့ စစ်ရေး နိုင်ငံရေး ဝေဖန်သုံးသပ်သူ ဦးသန်းစိုးနိုင်က ပြောပါတယ်။

KIA နဲ့ PDF တွေက တရက်တည်း စစ်ကောင်စီစခန်း ၁၀ ခုကျော်ကို တပြိုင်တည်းသိမ်းနိုင်တာ၊ NCA လမ်းကြောင်းပေါ်ကအဖွဲ့တွေ နွေဦးတော်လှန်ရေးထဲပါလာတာ၊ မြို့ငယ်လေးတွေသိမ်းပိုက်ရေးအစား နေပြည်တော်ကိုသာ ဦးတည်တိုက်ဖို့ KNU ဖက်က ပြောလာတာ... စသဖြင့် ပြီးခဲ့တဲ့သီတင်းပတ်အတွင်း ထူးခြားချက်တွေနဲ့ပတ်သက်ပြီး BNN သတင်းဌာနက ဦးထက်အောင်ကျော်မေးမြန်းစဉ် သူက အဲဒီလိုဖြေကြားခဲ့တာပါ။

အခုထုတ်လွှင့်မယ့် မေးမြန်းချက် ဒုတိယ ပိုင်းမှာ...

- ချင်းပြည်နယ်မှာ တိုက်ပွဲအရှိန်ကျပြီး အချင်းချင်းပွတ်တိုက်မှုဖြစ်နေတာကို ဘယ်လိုညှိနိုင်းအဖြေရှာသင့်သလဲ...

- KIA ရဲ့ စွမ်းဆောင်ရည်အပေါ် ဘယ်လိုမြင်ကြသလဲ...

- ညီနောင် ၃ ဖွဲ့က သိမ်းပိုက်ထားတဲ့ လက်နက်ခဲယမ်းတွေထဲက အချို့ကို အညာစစ်မျက်နှာဆီ ပို့နိုင်ရေးက ဘယ်လောက်အရေးကြီးသလဲ...

- ဘဝတူတွေနဲ့အတူ ရပ်တည်မယ်လို့ကြေညာလိုက်တဲ့ SSPP အဖွဲ့ရဲ့ရပ်တည်ချက်က ဘယ်လိုအရေးပါသလဲ...

- ကရင်အဖွဲ့တွေအားလုံးညီရင် နေပြည်တော်မှာ  ငလျင်လှုပ်ပြီလို့ ဘာကြောင့်ပြောနိုင်တာလဲ...

.... စတဲ့အကြောင်းအရာတွေကို ဆွေးနွေးတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“ကချင်နဲ့ ကရင်မှာ တိုက်ပွဲပြင်းထန်... မွန်ဖက်မှာလည်း စစ်ရေးလှုပ်ရှုားမှု...

“ကချင်နဲ့ ကရင်မှာ တိုက်ပွဲပြင်းထန်... မွန်ဖက်မှာလည်း စစ်ရေးလှုပ်ရှုားမှုတိုးလာ... နောက်ဆုံးရ တိုက်ပွဲသတင်းများ”

(၁၁- ၃- ၂၀၂၄)

ကချင်ပြည်နယ်၊ ပူတာအိုကနေ ဆွမ်ပရာဘွမ်မြို့ကို စစ်ကူလာတဲ့ ခ.လ.ရ (၁၃၇)  စစ်ကောင်စီယာဉ်တန်းကို KIA က ကြားဖြတ်တိုကခိုက်တဲ့အတွက် စစ်ကောင်စီဖက်က အထိနာခဲ့တယ်လို့ ဒေသတွင်းသတင်းဌာန The 74 Media ကဖေါ်ပြပါတယ်။

မတ်လ ၉ ရက်နေ့ ညနေ ၅ နာရီခန့်၊ ဝဒတ်ရွာနဲ့ ဆွမ်ပီယန်ရွာကြားမှာ အခုလိုတိုက်ခိုက်တာဖြစ်ပြီး  စစ်ကားလေးစီးထဲက တစီးမီးလောင်ပျက်စီးသွားတယ်။ အင်အား ၅၀ ကျော်ထဲက အချို့ သေဆုံးမှုရှိတယ်လို့ကြားရပေမယ့် အသေးစိပ်မသိရသေးဘူးလို့ KIA အရာရှိတဦး ပြောတာကို ကိုးကားဖေါ်ပြထားပါတယ်။

မတ်လ ၇ ရက်နေ့က စတင်ခဲ့တဲ့ ၀၃၀၇ စစ်ဆင်ရေးအတွင်း KIA နဲ့ PDF မဟာမိတ်တွေ သိမ်းပိုက်တဲ့ တပ်စခန်း ၂၀ ဝန်းကျင်ထဲမှာ ဆွမ်ပရာဘွမ်မြို့အနီးက စစ်ကောင်စီတပ်စခန်းတခုလည်း ပါဝင်တယ်လို့ The 74 Media က ဖေါ်ပြထားပါတယ်။

ကရင်နီဒေသမှာတော့ ပြီးခဲ့တဲ့ဖေဖေါ်ဝါရီလအတွင်း လွိုင်ကော်၊ ရှားတော၊ ဘောလခဲနဲ့ ဖယ်ခုံမြို့နယ် ၄ ခုမှာ တိုက်ပွဲတွေပြင်းထန်ခဲ့ပြီး ဖေဖော်ဝါရီ (၁၂) ရက်မှာ ရှားတောမြို့ကို အလုံးစုံ သိမ်းပိုက်ထိန်းချုပ်နိုင်ခဲ့တယ်လို့ KNDF ကရင်နီအမျိုးသားများကာကွယ်ရေးတပ်က လချုပ်သတင်းထုတ်ပြန်ပါတယ်။

ရှားတောမြို့သိမ်းတိုက်ပွဲအတွင်း စစ်ကောင်စီဖက်က ဗိုလ်မှူးကြီး၊ ဒု-ဗိုလ်မှူးကြီး၊ ဗိုလ်မှူး ၊ ဒုရဲမှူးတွေအပါအဝင် တပ်ဖွဲ့ဝင် (၁၆၀) ကျော်ကို ချေမှုန်းနိုင်ခဲ့ပြီး စစ်သုံ့ပန်းတွေနဲ့ မိသားစုတွေကိုလည်း စစ်သုံ့ပန်းဥပဒေနဲ့အညီ ထိမ်းသိမ်းစောင့်ရှောက်ထားတယ်။ လက်နက်ခဲယမ်းတွေလည်း များစွာသိမ်းမိတယ်လို့ ထုတ်ပြန်ချက်က ဆိုပါတယ်။

ဒါ့အပြင်...

- ကရင်ပြည်နယ်၊ မြဝတီမြိုနယ် သင်္ဃန်းညီနောင်မှာ တိုက်ပွဲဆက်ဖြစ်နေပြီး စစ်ကောင်စီရဲ့ ဗျုဟာကန်ုးနဲ့ အခြေစိုက်တပ်ရင်းတွေကို KNLA နဲ့  မဟာမိတ် PDF တွေက သိမ်းပိုက်ဖို့ကြိုးစားနေ...

- စစ်ကိုင်းနဲ့ အုန်းတောနယ်မြေအတွင်း ခရီးသွားကားတွေကို အခွန်ကောက်နေတဲ့ ရွာသစ်ကြီးရဲစခန်းကို ဒေသခံ PDF တွေက ဝင်ရောက်တိုက်ခိုက်တဲ့အတွက် ရဲ ၄ ဦးသေဆုံးပြီး လက်နက်ငယ် ၄ လက်သိမ်းမိ...

- မွန်ပြည်နယ် ရေးမြို့နယ်မှာတော့ မွန်ပြည်သစ်ပါတီ (စစ်အာဏာရှင်တိုက်ဖျက်ရေး) တပ်ဖွဲ့ဝင်တွေ စစ်ကြောင်းအလိုက် လှုပ်ရှားနေတာတွေ့ရ...

...စတဲ့သတင်းတွေကို စုစည်းတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“တိုင်းဗဟို (၉)ကျောင်းက ဒု ဗိုလ်မှူးကြီးနဲ့အဖွဲ့ကို AA ချေမှုန်း... အရေ...

“တိုင်းဗဟို (၉)ကျောင်းက ဒု ဗိုလ်မှူးကြီးနဲ့အဖွဲ့ကို AA ချေမှုန်း...  အရေးပါတဲ့ ဗျုဟာစခန်းတွေကို KIA က ဆက်လက်သိမ်းပိုက်... နောက်ဆုံးရ တိုက်ပွဲသတင်းများ”

(၁၀ -၃- ၂၀၂၄)

မင်းပြားမြို့၊ ကမ်းနီရွာအနီးရှိ အမှတ် (၉) တိုင်းဗဟိုလေ့ကျင့်ရေးသင်တန်းကျောင်း အုပ်ချုပ်ရေးဌာနမှူး ဒု ဗိုလ်မှူးကြီး ရဲထွဋ်ဝင်းနဲ့အဖွဲ့ကို မတ်လ (၈) ရက်နေ့ မနက်ပိုင်းမှာ အသေဖမ်းမိတယ်လို့ AA ရက္ခိုင့်တပ်တော်က သတင်းထုတ်ပြန်ပါတယ်။

အမှတ် (၉ ) လေ့ကျင့်ရေးကျောင်းကနေ ထွက်ပြေးသွားတဲ့ အုပ်ချုပ်ရေးဌာနမှူး ဒု ဗိုလ်မှူးကြီး ရဲထွဋ်ဝင်းနဲ့အဖွဲ့ဟာ အရပ်သား ၂၀ ကျော်ကို ဓားစာခံအဖြစ် ဖမ်းဆီးခေါ်ဆောင်သွားတယ်။ အဲဒီ ဓားစာခံတွေကို AA က ကယ်တင်နိုင်ခဲ့ပြီး စကစ ဗိုလ်မှူူးနဲ့အဖွဲ့ကို ချေမှုန်းနိုင်ခဲ့တာဖြစ်တယ်လို့ဆိုပါတယ်။

စစ်ကောင်စီဖက်ကတော့ စစ်တွေရှိ စစ်စခန်းတွေကနေ ရသေ့တောင်မြို့အတွင်းသို့ လက်နက်ကြီးတွေနဲ့ပစ်ခတ်တဲ့အတွက် လူနေအိမ်တစ်ဆယ်ကျော် မီးလောင်ပျက်စီးခဲ့ရတယ်။ ဒါ့အပြင် ရမ်းဗြဲမြို့ကိုလည်း စစ်ကောင်စီက စစ်သဘောင်္ကနေ လက်နက်ကြီးနဲ့ပစ်တာ၊ ဂျက်တိုက်လေယာဉ်၊ Y-12 ၊ ရဟတ်ယာဉ်တို့နဲ့ဗုံးကြဲတာတွေ တနေကုန် လုပ်ဆောင်ခဲ့တယ်လို့ AA ရဲ့ ထုတ်ပြန်ချက်မှာ ဖေါ်ထားပါတယ်။

ကချင်ပြည်နယ်မှာတော့ မတ်လ ၇ ရက်နေ့မှာ စတင်တဲ့ စစ်ကောင်စီစခန်း ၁၀ ခုကျော်ကို တပြိုင်တည်းထိုးစစ်ဆင်တဲ့ စစ်ဆင်ရေးကို KIA ကချင်လွတ်လပ်ရေးတပ်နဲ့ မဟာမိတ်တွေက ဆက်လက်ဆောင်ရွက်နေပြီး လွိုင်ဇာဌာနချုပ်ကို ခြိမ်းခြောက်နေတဲ့ ဗျုဟာမြောက်စခန်းကြီးတခုကို မတ်လ ၉ ရက်နေ့မှာ သိမ်းနိုင်ခဲ့တယ်လို့ KIA ပြောခွင့်ရ ဗိုလ်မှူးကြီး နော်ဘူက BNN ကို ပြောပါတယ်။

ဒါ့အပြင်... 

- အရင်သီတင်းပတ်တွေက အကြီးအကျယ်တိုက်ပွဲဖြစ်နေတဲ့ ဖားကန့်မြို့၊ တာမခန်အခြေစိုက် (ခ.မ.ရ) ၁၁၉ စခန်းကုန်းက အင်အား ၇၀ ခန့်ရှိ စစ်သားတွေအားလုံး စခန်းကိုစွန့်ခွာ ထွက်ပြေး...

- မြဝတီမြို့နယ်၊ သင်္ဃန်းညီနောင်ရှိ ခြေမြန်တပ်ရင်း -ခမရ ၃၅၅ နဲ့ သင်္ဃန်းညီနောင် ရဲစခန်းတို့ကို ကရင့်အမျိုးသားလွတ်မြောက်ရေးတပ်မတော် KNLA နဲ့ မဟာမိတ် PDF တပ်တွေက သိမ်းပိုက်...

- ချင်းပြည်နယ် မင်းတပ်မြို့နယ်မှာတော့ တိုက်ပွဲဖြစ်ပွားခြင်းမရှိပဲနဲ့ စစ်ကောင်စီလေတပ်က ဗုံးလာကြဲတဲ့အတွက် အရပ်သား ၂ ဦး ထိခိုက်ဒဏ်ရာရပြီး နေအိမ်အချို့ပျက်စီး...

...စတဲ့သတင်းတွေကို စုစည်းတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“ဒီညနေ သိမ်းလိုက်တဲ့ ခါယာတောင်စခန်းကတော့ လိုင်ဇာကိုခြိမ်းခြောက်နေတဲ့ အရေ...

“ဒီညနေ သိမ်းလိုက်တဲ့ ခါယာတောင်စခန်းကတော့ လိုင်ဇာကိုခြိမ်းခြောက်နေတဲ့ အရေးကြီးတဲ့ ဗျုဟာစခန်းဖြစ်ပါတယ်”

- ဗိုလ်မှူးကြီးနော်ဘူ (ပြန်ကြားရေးအရာရှိ - KIO/ KIA)

(၉ -၃- ၂၀၂၄)

မတ်လ ၇ ရက်နေ့မှာ စစ်ကောင်စီစခန်း ၁၀ ကျော်ကို တပြိုင်တည်း ထိုးစစ်ဆင်ခဲ့တဲ့ KIA ကချင်လွတ်လပ်ရေးတပ်မတော်နဲ့ မဟာမိတ် PDF တွေဟာ ဒီနေ့မှာလည်း စခန်း ၂ ခု ထပ်သိမ်းခဲ့တယ်။ အဲဒီထဲက ခါယာတောင်စခန်းဟာ လိုင်ဇာကိုခြိမ်းခြောက်နေတဲ့ ဗျုဟာအရ အရေးပါတဲ့စခန်းဖြစ်တယ်” လို့ KIO/ KIA ပြန်ကြားရေးအရာရှိ ဗိုလ်မှူးကြီးနော်ဘူက BNN ကိုပြောပါတယ်။

ဒီညနေ ၇ နာရီခန့်မှာ နောက်ဆုံးရရှိထားတဲ့ ရခိုင်၊ ကချင်နဲ့ ကရင်ပြည်နယ်တို့က တိုက်ပွဲအခြေအနေကို စုစည်းတင်ပြလိုက်ပါတယ်...

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“စစ်အုပ်ချုပ်ရေးကြေညာတာဟာ စစ်ကောင်စီရဲ့ စစ်ရေးရည်မှန်းချက်ကို ထုတ်ဖေါ်လိ...

“စစ်အုပ်ချုပ်ရေးကြေညာတာဟာ စစ်ကောင်စီရဲ့ စစ်ရေးရည်မှန်းချက်ကို ထုတ်ဖေါ်လိုက်တာပါပဲ”

- ဦးသန်းစိုးနိုင် (စစ်ရေး - နိုင်ငံရေး ဝေဖန်သုံးသပ်သူ)

(၈- ၃- ၂၀၂၄)

“TNLA က သိမ်းပိုက်ထားတဲ့ မြို့ ၃ မြို့ကို စစ်ကောင်စီက စစ်အုပ်ချုပ်ရေးကြေညာတယ်ဆိုတာဟာ အပစ်ရပ်ကာလအတွင်း စစ်ကောင်စီရဲ့ စစ်ပြင်ဆင်နေမှု၊ စစ်ကောင်စီရဲ့ စစ်ရေးရည်မှန်းချက်ကို ထုတ်ဖေါ်ပြသလိုက်တာဖြစ်တယ်။ ဟိုင်ဂင်သဘောတူညီချက် မကြာခင် သက်တန်းကုန်တော့မယ့်သဘောဖြစ်တယ်” လို့ စစ်ရေး-နိုင်ငံရေး ဝေဖန်သုံးသပ်သူ ဦးသန်းစိုးနိုင် ကပြောပါတယ်။

မြောက်ပိုင်းညီနောင်မဟာမိတ် ၃ ဖွဲ့ရဲ့ ထိန်းချုပ်မှုအောက်မှာရှိတဲ့ မန်တုံ၊ နမ့်ဆန်၊ နမ္မတူမြို့တွေကို စစ်ကောင်စီက စစ်အုပ်ချုပ်ကြေညာလိုက်ခြင်းက အပစ်ရပ်သဘောတူချက် ပျက်သွားတဲ့သဘောလား၊ တရုတ်ရဲ့ကြားဝင်ညှိနှိုင်းမှုကို စစ်ကောင်စီက လက်မခံတော့တဲ့သဘောလား... စသဖြင့် BNN သတင်းဌာနက ဦးထက်အောင်ကျော် မေးမြန်းစဉ် သူက အဲဒီလို ဖြေကြားခဲ့တာပါ။

အခုထုတ်လွှင့်မယ့်မေးမြန်းချက် ပထမ ပိုင်းမှာ...

- TNLA ထိန်းချုပ်ဒေသကို စစ်အုပ်ချုပ်ရေးကြေညာခြင်းရဲ့ အဓိပါယ်က ဘာလဲ...

- အားလုံးပါဝင်တဲ့ ညှိနိုင်းပွဲတွေကနေ နယ်စပ်ကုန်သွယ်ရေးလမ်းကြောင်း ပြန်ဖွင့်ရေးဆိုတာ ဖြစ်နိုင်ခြေရှိနေဆဲလား...

- တရုတ်ရဲ့ကြားဝင်ညှိနိုင်းပေးမှုက ရခိုင်ဒေသအထိ သက်ရောက်မှုရှိလာနိုင်သလား...

- ဒေသတခုချင်းလွတ်မြောက်ရုံနဲ့ ဖက်ဒရယ်နဲ့ ဒီမိုကရေစီ ရလာနိုင်ပါ့မလား..

... စတဲ့အကြောင်းအရာတွေကို ဆွေးနွေးတင်ပြထားပါတယ်။

(KIA က စစ်ရှိန်မြှင့်တိုက်ခိုက်လာခြင်း၊ NCA အဖွဲ့တွေ နွေဦးတော်လှန်ရေးထဲ ပါဝင်လာခြင်းနဲ့ စစ်ကြောင်းအားလုံး နေပြည်တော်သို့...တကယ်ချီတက်နိုင်မှာလား... ဆွေးနွေးချက်ပါတဲ့ ဒုတိယပိုင်းကိုတော့ မနက်ဖန် ထုတ်လွှင့်ပါမယ်)

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“KIA နဲ့မဟာမိတ်တွေက စစ်ကောင်စီစခန်း ၁၀ ခုကို တပြိုင်တည်း သိမ်းပိုက်... ရ...

“KIA နဲ့မဟာမိတ်တွေက စစ်ကောင်စီစခန်း ၁၀ ခုကို တပြိုင်တည်း သိမ်းပိုက်... ရမ်းဗြဲက စစ်ကောင်စီတပ်ကို AA ထိုးစစ်ဆင်... နောက်ဆုံးရ တိုက်ပွဲသတင်းများ”

(၈- ၃- ၂၀၂၄)

ရမ်းဗြဲမြို့ တိုက်ပွဲအတွင်း စစ်ကောင်စီရဲ့ မြို့တွင်းလက်ကျန်အင်အားနဲ့ စစ်ကူလာတဲ့အင်အားတွေကို AA ရက္ခိုင့်တပ်တော်က ဆက်လက်ချေမှုန်းနေတယ်လို့ AA က သတင်းထုတ်ပြန်ပါတယ်။

ရမ်းဗြဲမြို့ကို AA က သိမ်းလိုက်ပြီဆိုပြီး ဒေသတွင်းမီဒီယာတွေနဲ့ အရပ်သားတွေကြားမှာ ကျယ်ကျယ်ပြန့်ပြန့်ဖေါ်ပြနေပေမယ့် AA ရဲ့ထုတ်ပြန်ချက်မှာတော့ မြို့သိမ်းတာကို အတည်ပြုချက် ပေးမထားသေးပါဘူး။

တချိန်တည်းမှာပဲ ရသေ့တောင်၊ ဘူးသီးတောင်နဲ့ မောင်တောမြို့ရှိ လက်ကျန်စစ်ကောင်စီစခန်းတွေကိုလည်း AA က နေစဉ် ဆက်တိုက်ထိုးစစ်ဆင်နေတယ်လို့ဆိုပါတယ်။ ရသေ့တောင်မြို့ရှိ “ခမရ (၅၃၆)၊ (၅၃၇) နှင့် (၅၃၈)” တို့ မကျရှုံးစေရေးအတွက် စစ်ကောင်စီဖက်က ကြည်း၊ ရေ၊ လေ အားလုံးသုံးပြီး ခုခံကာကွယ်နေပေမယ့် AA ကအပြီးသိမ်းနိုင်အောင် ကြိုးစားနေတယ်လို့ ထုတ်ပြန်ချက်မှာ ဖေါ်ပြပါတယ်။

ဒါ့အပြင် AA ဟာ မဟာမိတ် KIA နဲ့တွဲပြီး ကချင်ပြည်နယ်ဖက်မှာလည်း တိုက်ပွဲဖော်ဆောင်နေသလို သီးခြား စစ်ဆင်ရေးတွေကိုလည်းဆောင်ရွက်နေတယ်လို့ ထုတ်ပြန်ချက်က ဆိုပါတယ်။

KIO ဌာနချူပ် လိုင်ဇာမြို့နဲ့ အနီးဆုံးရှိ စစ်ကောင်စီစခန်း ဖွန်းပရန်ဘွမ့်(Hpun Pyen Bum) အပါဝင် ရှေ့တန်းစခန်း ၁၀ ခုနီးပါးကို KIA - ကချင်လွတ်လပ်ရေးတပ်မတော်နဲ့ မဟာမိတ်တွေက တပြိုင်တည်း ထိုးစစ်ဆင် သိမ်းပိုက်လိုက်တယ်လို့ KNG (Kachin News Group) က ဖေါ်ပြပါတယ်။

ဒါ့အပြင်...

- ကရင်နီပြည်၊ ဖားဆောင်းမြို့မရဲစခန်းက ရဲတပ်ကြပ်တစ်ဦးအပါအဝင် တပ်ဖွဲ့ဝင် ၅ဦး KNDF ထံ ဘက်ပြောင်းခိုလှု့လာ...

- အညာစစ်မျက်နှာ မကွေးတိုင်းမှာတော့ အမှတ် (၁) စစ်ဒေသ၊ မကွေးတိုင်းကွပ်ကဲရေးရုံးက ပြုလုပ်တဲ့ စုဖွဲ့၊ လေ့ကျင့်၊ လက်နက်တပ်ဆင်မှု အပတ်စဉ် (၈) သင်တန်းဆင်းပွဲ အခမ်းအနား  ကျင်းပ...

...စတဲ့သတင်းတွေကို စုစည်းတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“ညီနောင်မဟာမိတ် ၃ ဖွဲ့က သိမ်းပိုက်ထားတဲ့ မြို့နယ် ၃ ခုကို စစ်အုပ်ချုပ်ရေ...

“ညီနောင်မဟာမိတ် ၃ ဖွဲ့က သိမ်းပိုက်ထားတဲ့ မြို့နယ် ၃ ခုကို စစ်အုပ်ချုပ်ရေး ကြေညာလိုက်ခြင်းက ဟိုင်ဂင်သဘောတူညီချက်ကို အခက်အခဲဖြစ်စေနိုင်... နောက်ဆုံးရ တိုက်ပွဲသတင်းများ”

(၇- ၃- ၂၀၂၄)

ရှမ်းမြောက်ဒေသရှိ မြောက်ပိုင်း ညီနောင်မဟာမိတ် ၃ ဖွဲ့က သိမ်းပိုက်ထားတဲ့ မြို့နယ် ၃ ခုကို စစ်ကောင်စီက စစ်အုပ်ချုပ်ရေး ကြေညာလိုက်ခြင်းဟာ ဟိုင်ဂင်သဘောတူညီချက် အပစ်ရပ်ရေးကိစ္စကို အခက်အခဲဖြစ်စေနိုင်တယ်လို့ ညီနောင် ၃ ဖွဲ့က သဘောထားထုတ်ပြန်ပါတယ်။

တရုတ်နိုင်ငံရဲ့ ကြားဝင်စေ့စပ်မှုအရ ညီနောင် မဟာမိတ် ၃ ဖွဲ့နဲ့ စစ်ကောင်စီအကြား ဇန်နဝါရီ ၁၁ ရက်နေ့မှာ အပစ်ရပ်ခဲ့ပြီး နောက်ဆက်တွဲဆွေးနွေးမှုတွေထဲက နောက်ဆုံးအကြိမ်ဆွေးနွေးမှုကို ဖေဖော်ဝါရီလ ၂၉ ရက်နေ့ကနေ မတ်လ ၁ ရက်နေ့အထိ ပြုလုပ်ခဲ့တယ်။ 

ဒီလို ဟိုင်ဂင်သဘောတူညီချက်ကို တဆင့်ပြီးတဆင့်သွားနေစဉ်မှာ အခုလို မန်တုံ၊ နမ့်ဆန်နှင့် နမ္မတူမြို့နယ်တွေကို စစ်အုပ်ချုပ်ရေးကြေညာလိုက်တာဟာ ဒေသခံပြည်သူတွေကို ခြိမ်းခြောက်တဲ့လုပ်ရပ်ဖြစ်တဲ့အပြင် ဟိုင်ဂင်သဘောတူညီချက်ပါ အပစ်ရပ်ရေးကိုလည်း  အခက်အခဲဖြစ်စေနိုင်တယ်လို့ ညီနောင် ၃ ဖွဲ့ထုတ်ပြန်ချက်မှာ သတိပေးထားပါတယ်။

ဒါ့အပြင်...

- ဆီဆိုင်မြို့ကို စစ်ကောင်စီက လက်နက်ကြီးတွေ၊ ဒရုံးတွေနဲ့ အကြိမ် ၁၀၀ နီးပါးအထိပစ်ခတ်တဲ့အတွက် ဆီဆိုင်ဆေးရုံအပါဝင် အဆောက်အဦးအချို့ ပျက်စီး...

- KIA  က သိမ်းပိုက်ထားတဲ့ မဂျီဂုန်ဗျူဟာစခန်းကို စစ်ကောင်စီတပ်က ဂျက်ဖိုက်တာ ၂ စီးနဲ့  ဗုံးကြဲ...

- စစ်ကိုင်းတိုင်း၊ ကနီမြို့မှာ တိုက်ပွဲပြင်းထန်နေပြီး စစ်ကောင်စီဖက်က MI 35 နဲ့ လေကြောင်းပစ်ကူလုပ်နေ...

- မြိတ်ခရိုင်၊ ကျွန်းစုမြို့နယ်၊ ဂျိုးတောင်ရွာမှာ တပ်စွဲထားတဲ့ စစ်ကောင်စီနဲ့ ပျုစောထီးစခန်းကို ဒေသခံတော်လှန်ရေးတပ်တွေက ဝင်ရောက်တိုက်ခိုက်...

- ကရင်နီပြည်၊ မိုးဗြဲမြို့နယ်မှာ အမှတ် (၁၀၀၇) မိုးဗြဲ PDF တပ်ရင်း (၂) ရဲ့ အပတ်စဉ် (၄) မွမ်းမံသင်တန်းနဲ့ အခြေခံစစ်သင်တန်းဆင်းပွဲ ကျင်းပ...

...စတဲ့သတင်းတွေကို စုစည်းတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“တနိုင်ငံလုံးတော်လှန်နေတဲ့အထဲမှာ မွန်တွေလည်းပါဖို့လိုတယ်၊ NMSP (AD) နဲ့ဆ...

“တနိုင်ငံလုံးတော်လှန်နေတဲ့အထဲမှာ မွန်တွေလည်းပါဖို့လိုတယ်၊ ပါဝင်ချင်တဲ့မွန်တွေအားလုံး NMSP (AD) နဲ့ဆက်သွယ်ဖို့ ဖိတ်ခေါ်ပါတယ်”

- နိုင်ဗညားမွန် (ပြောခွင့်ရပုဂ္ဂိုလ် - NMSP-AD) 

(၆- ၃- ၂၀၂၄)

“စစ်အာဏာရှင်ဖြုတ်ချရေးအတွက် တနိုင်ငံလုံးတိုက်ပွဲဝင်နေတဲ့အထဲမှာ မွန်တွေလည်းပါဝင်ဖို့လိုတယ်။ ဒီမိုကရေစီအခွင့်အရေးနဲ့ ကိုယ်ပိုင်ပြဌဏ်းခွင့်ကိုလိုချင်တဲ့ မွန်အမျိုးသားတိုင်း မွန်ပြည်သစ်ပါတီ (စစ်အာဏာရှင်တိုက်ဖျက်ရေး) NMSP (AD) နဲ့ လက်တွဲဆောင်ရွက်ဖို့ ဖိတ်ခေါ်ပါတယ်” လို့ NMSP (AD) ရဲ့ ပြောခွင့်ရပုဂ္ဂိုလ် နိုင်ဗညားမွန်က ပြောပါတယ်။

ဖေဖေါ်ဝါရီ ၁၄ ရက်မှာ စတင်ဖွဲ့စည်းခဲ့တဲ့ မွန်ပြည်သစ်ပါတီ (စစ်အာဏာရှင်တိုက်ဖျက်ရေး) NMSP (AD) အဖွဲ့ရဲ့ နိုင်ငံရေး၊ စစ်ရေး လှုပ်ရှားမှုအခြေအနေနဲ့ပတ်သက်ပြီး BNN သတင်းဌာနက ဦးထက်အောင်ကျော် မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်မယ့်မေးမြန်းချက်ထဲမှာ...

- မွန်ပြည်သစ်ပါတီ (စစ်အာဏာရှင်တိုက်ဖျက်ရေး) NMSP (AD) အပေါ် လူထုထောက်ခံမှု အခြေအနေ...

- NMSP (AD) နဲ့ ဒေသတွင်းရှိ မဟာမိတ်များ ဆက်ဆံရေးအခြေအနေ...

- မုဒုံမြိုနယ်အတွင်းရှိ စစ်ကောင်စီလက်အောက်ခံ ပြည်သူ့စစ်တွေကို ဖမ်းဆီး-လက်နက်သိမ်းလိုက်ခြင်းရဲ့ သတင်းစကားက ဘာလဲ...

- NMSP (AD) နဲ့ MLA (မွန်ပြည် လွတ်မြောက်ရေး တပ်တော်) တို့ ဘယ်လို စုဖွဲ့ပြင်ဆင်နေကြသလဲ...

...စတဲ့အကြောင်းအရာတွေကို ဆွေးနွေးတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“ပုဏ္ဏားကျွန်းမြို့မှာ စစ်ကောင်စီကင်းစင်ပြီလို့ AA ကြေညာ... မုဒုံက ပြည်...

“ပုဏ္ဏားကျွန်းမြို့မှာ စစ်ကောင်စီကင်းစင်ပြီလို့ AA ကြေညာ...  မုဒုံက ပြည်သူ့စစ်တွေကို (NMSP-AD)က လက်နက်သိမ်း... နောက်ဆုံးရ တိုက်ပွဲသတင်းများ”

(၆- ၃- ၂၀၂၄)

ပုဏ္ဏားကျွန်းမြို့မှာ စစ်ကောင်စီကင်းစင်ပြီ၊ မြို့ကို အလုံးစုံသိမ်းပိုက် ထိန်းချုပ်ထားနိုင်ပြီလို့ AA ရက္ခိုင့်တပ်တော်က သတင်းထုတ်ပြန်ပါတယ်။

နောက်ဆုံးကျန်နေတဲ့ စစ်ကောင်စီစခန်း ခလရ (၅၅၀) ကို ဖေဖော်ဝါရီလ (၂၁) ရက်မှာ စတင်ထိုးစစ်ဆင်ပြီး ၁၃ ရက်အကြာ မတ်လ ၄ ရက်မှာမှ အပြီးသတ်သိမ်းနိုင်ခဲ့တာဖြစ်ပါတယ်။ စစ်ကောင်စီဖက်ကနေ ကြည်း၊ ရေ၊ လေ ပူးပေါင်းခုခံကာကွယ်နေတဲ့အတွက် အခုလိုအချိန်ယူခဲ့ရတာလို့ ဆိုပါတယ်။

ပုဏ္ဏားကျွန်းမြို့မ ရဲစခန်းကိုတော့  ဖေဖော်ဝါရီလ (၂၂) ရက်နေ့ ကတည်းက သိမ်းထားပြီးဖြစ်တဲ့အတွက် အခုဆိုရင် ပုဏ္ဏားကျွန်းမြို့ကို လုံး၀ ထိန်းထားနိုင်ပြီ၊ တနည်းအားဖြင့် ပလက်ဝ၊ ပေါက်တော၊ မင်းပြား၊ ကျောက်တော်၊ မြောက်ဦး၊ မြေပုံ၊ တောပြို-လက်ဝဲနဲ့ အခု ပုဏ္ဏားကျွန်းအပါဝင် ၈ မြို့ကို AA က သိမ်းထားနိုင်ပြီဖြစ်ပါတယ်။

ပုဏ္ဏားကျွန်းတိုက်ပွဲအတွင်း အလံဖြူထောင်သူ၊ လက်နက်ချသူအများအပြားကို ကယ်တင်နိုင်ခဲ့ပေမယ့် လက်နက်မချတဲ့ ဗျူဟာမှူး ဗိုလ်မှူးကြီး မျိုးမင်းကိုကို၊ တပ်ရင်းမှူး ဒုဗိုလ်မှူးကြီး ဖြိုးသူအောင်အပါဝင် အများအပြားကိုတော့ အသေဖမ်းမိတယ်လို့ AA က ပြောပါတယ်။

ဒါ့အပြင် လက်နက်ခဲယမ်းများစွာကိုလည်းသိမ်းမိတယ်လို့ပြောပါတယ်။ တချိန်တည်းမှာပဲ မတ်လ (၃) ရက်နေ့က ခမရ (၅၅၀) ဆီ စစ်ကူလာတဲ့ ဇက်သင်္ဘော (၃) စီးကိုလည်း AA အထူးတိုက်ခိုက်ရေးတပ်က ဟန့်တားနိုင်ခဲ့တယ်လို့ဆိုပါတယ်။

အခုဆိုရင် ပုဏ္ဏားကျွန်းမြို့ဟာ စစ်ကောင်စီကင်းစင်တဲ့ နောက်ထပ်တစ်မြို့ဖြစ်လာခဲ့ပြီး ရက္ခိုင်ဒေသတစ်ခုလုံး စစ်ကောင်စီကင်းစင်ရေးအတွက် AA က မရပ်မနား ဆက်လက်ထိုးစစ်ဆင်တိုက်ခိုက်သွားမှာဖြစ်တယ်လို့ ထုတ်ပြန်ချက်မှာ ဖေါ်ပြထားပါတယ်။

ဒါ့အပြင်...

- ကချင်ပြည်နယ်၊ ဖားကန့်မြို့နယ် တာမခံရွာဘုန်းကြီးကျောင်းမှာတပ်စွဲနေတဲ့ စစ်ကောင်စီတပ်နဲ့ ရှမ်းနီပြည်သူ့စစ် (SNA) ပူးပေါင်း အင်အား ၆၀ ဝန်းကျင်ကို KIA, KPDF ပူးပေါင်းတပ်တွေက ဝိုင်းဝန်းပိတ်ဆို့တိုက်ခိုက်ခဲ့တဲ့အတွက် စစ်တပ်ဘက်က ၅၀ ထက်မနည်း သေဆုံး...

- ရှမ်းတောင်ဒေသ၊ ဆီဆိုင်မြို့နယ်မှာတော့ တိုက်ပွဲပြင်းထန်နေပြီး စစ်ကောင်စီက လက်နက်ကြီးနဲ့ အကြိမ် ၄၀ ကျော်အထိ ပစ်ခတ်ခဲ့...

- မွန်ပြည်နယ်၊ မုဒုံမြို့နယ်ရှိ ပြည်သူ့စစ်ခေါင်းဆောင် ၃ ဦးကို ထိန်းသိမ်းပြီး လက်နက် ၁၅ လက်ကို သိမ်းဆည်းခဲ့တယ်လို့ မွန်ပြည်သစ်ပါတီ-စစ်အာရှင်တိုက်ဖျက်ရေး (NMSP-AD) က ပြောဆို...

- တနသာင်္ရီတိုင်း၊ ထားဝယ်မြို့နယ်မှာတော့ ဇဟာကျေးရွာရှိ စစ်ကောင်စီ အမြောက်တပ်ရင်းကို တော်လှန်ရေးတပ်တွေက ပစ်ခတ်တိုက်ခိုက်...

...စတဲ့သတင်းတွေကို စုစည်းတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“သမိုင်းမှာ အဆိုးဆုံးအခြေအနေကို စစ်ကောင်စီ ရောက်နေတာဖြစ်တယ်”

“သမိုင်းမှာ အဆိုးဆုံးအခြေအနေကို စစ်ကောင်စီ ရောက်နေတာဖြစ်တယ်”

- ဒေါ်ဇင်မာအောင် (ပြည်ထောင်စုဝန်ကြီး - နိုင်ငံခြားရေးဝန်ကြီးဌာန - NUG)

(၅- ၃- ၂၀၂၄)

“တပ်မတော်သမိုင်းမှာပဲဖြစ်ဖြစ်၊ အာဏာသိမ်း စစ်ခေါင်းဆောင်ပိုင်းသမိုင်းမှာပဲဖြစ်ဖြစ် လက်ရှိ စစ်ကောင်စီနဲ့ စစ်ခေါင်းဆောင်အခြေအနေဟာ သမိုင်းတလျောက်အဆိုးဆုံးအနေအထားမှာရောက်နေတယ်။ ဒီလိုအခြေအနေမှာ စစ်ကောင်စီပြိုကျအောင် အရှိန်မြှင့်ဆောင်ရွက်ဖို့လိုတယ်” လို့ အမျိုးသားညီညွတ်ရေးအစိုးရ (NUG) နိုင်ငံခြားရေးဝန်ကြီး ဒေါ်ဇင်မာအောင်ကပြောပါတယ်။

နွေဦးတော်လှန်ရေး ၃ နှစ်တာအတွင်း ခရီးဘယ်လောက်ရောက်နေပြီလဲ၊ စစ်ကောင်စီပြုတ်ကျရေး ဘယ်လောက်နီးလာပြီလဲ... စသဖြင့် BNN သတင်းဌာနက ဦးထက်အောင်ကျော် မေးမြန်းစဉ် နိုင်ငံခြားရေးဝန်ကြီးက ဒီလိုဖြေကြားခဲ့တာပါ။

အခု ထုတ်လွှင့်မယ့် မေးမြန်းချက် ဒုတိယ ပိုင်းမှာ...

- ထိုင်းကိုထွက်ပြေးလာမယ့် မြန်မာလူငယ်တွေအတွက် NUG က ဘာတွေဆောင်ရွက်ပေးနိုင်မလဲ...

- ဖက်ဒရယ်မူနဲ့ပတ်သက်ပြီး NUG နဲ့ ERO တွေကြားမှာ ဘယ်လောက်အထိ အခိုင်အမာ သဘောတူချက်ရထားပြီးပြီလဲ...

- တော်လှန်ရေး ၃ နှစ်တာအတွင်း စစ်ကောင်စီအခြေအနေအထား ဘယ်လောက်အထိ ပြိုကျနေပြီလဲ...

...စတဲ့အကြောင်းအရာတွေကို ဆွေးနွေးတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“ပုဏ္ဏားကျွန်းမြို့က ခမရ (၅၅၀) ကို AA သိမ်းပိုက်... TNLA သိမ်းပိုက်နယ်မြ...

“ပုဏ္ဏားကျွန်းမြို့က ခမရ (၅၅၀) ကို AA သိမ်းပိုက်... TNLA သိမ်းပိုက်နယ်မြေတွေကို စစ်ကောင်စီက စစ်အုပ်ချုပ်ရေးကြေညာ... နောက်ဆုံးရ တိုက်ပွဲသတင်းများ”

(၅- ၃- ၂၀၂၄)

ရခိုင်ပြည်နယ်၊ ပုဏ္ဏားကျွန်းမြို့ရှိ "ခမရ (၅၅၀)” ကို AA ရက္ခိုင့်တပ်တော်က မတ်လ ၄ ရက်နေ့မှာ အပြီးသိမ်းလိုက်ပြီလို့ AA က သတင်းထုတ်ပြန်ပါတယ်။ စစ်ကောင်စီက ကြည်း၊ ရေ၊ လေ ပေါင်းပြီး အပြင်းအထန်ခုခံနေတဲ့ကြားက အာရက္ခစစ်သည်တော်တွေက ရဲရင့်ပြောင်မြောက်စွာ သိမ်းလိုက်တာလို့ဆိုပါတယ်။

ဒီလိုစခန်းကျသွားတဲ့ စစ်ရှုံး- စစ်ကောင်စီတပ်ဟာ ရသေ့တောင်-ပုဏ္ဏာကျွန်းကားလမ်း မှာရှိတဲ့ စေတီပြင်တံတားကို ညနေ (၅) နာရီဝန်းကျင်းမှာ ဂျက်တိုက်လေယာဉ် (၂) စီးဖြင့် (၁၂) ကြိမ်တိုင် လာရောက်ပစ်ခတ်ဖျက်စီးခဲ့တယ်လို့ AA က ပြောပါတယ်။

AA က အစောပိုင်းထုတ်ပြန်တဲ့ကြေညာချက်တခုမှာတော့ သဘောင်္နစ်မြုပ်စဉ် ကယ်ဆယ်ထားသူတွေအပါဝင် ရာနဲ့ချီရှိတဲ့ စစ်သုံးပန်းမိသားစုပုံတွေကိုဖေါ်ပြထားပြီး သူတို့ကို ကောင်းမွန်စွာ ကျွေးမွေးစောင့်ရှောက်ထားတယ်လို့ ဓာတ်ပုံမှတ်တမ်းတွေနဲ့တကွဖေါ်ပြထားတာ တွေ့ရပါတယ်။

ဒါ့အပြင်...

- ဖားကန့်မြို့နယ် တာမခံကျေးရွာမှာ စစ်ကောင်စီနဲ့ KIA ကြား တိုက်ပွဲပြင်းထန်နေ...

- တန့်ဆည်မြို့နယ်၊ ကံထူးမရွာ ရဲစခန်းကို ဒေသခံ PDF တွေက အပြီးသိမ်းပိုက်...

- ကလေးမြို့နယ်၊ ထိုမာရွာက ထွက်လာတဲ့ ခမရ- (၇၀၃) နဲ့ ပျူစောထီး ပူးပေါင်းအင်အား (၆၀) ခန့်ပါစစ်ကြောင်းကို ဒေသခံ PDF တွေက ကြားဖြတ်တိုက်ခိုက်...

- ဂန့်ဂေါမြို့နယ်မှာတော့ လက်နက်အပြည့်အစုံနဲ့အတူ အလင်းဝင်လာတဲ့ ပျုစောထီး (၅) ဦးကို ဆုငွေပေးအပ်တဲ့အခမ်းအနားကျင်းပ...

- ကရင်နီပြည်နယ် ဖားဆောင်းမြို့နယ်မှာတော့ စစ်ကောင်စီက လေယာဉ်နဲ့ဗုံးကြဲတဲ့အတွက် နေအိမ်အများအပြား မီးလောင် ပျက်စီး...

- တအာင်းအမျိုးသားလွတ်မြောက်ရေးတပ်မတော်- TNLA က သိမ်းပိုက်ထားတဲ့ နမ့်ဆန်၊ မန်တုံ၊ နမ္မတူ စတဲ့မြို့နယ် ၃ ခုကို စစ်ကောင်စီက စစ်အုပ်ချုပ်ရေး ကြေညာ...

ပူပူနွေးနွေး မတ်လ ၁ ရက်ကနေ ၃ ရက်နေ့အထိ တရုတ်နိုင်ငံမှာ အပစ်ရပ်ခိုင်မာရေးအတွက် ထပ်မံဆွေးနွေးခဲ့တယ်လို့ သတင်းတွေထွက်နေစဉ်၊ AA ဒုတိယ စစ်ဦးစီးချုပ်ဒေါက်တာညိုထွန်းအောင်ကိုယ်တိုင်က မနေ့ကကျင်းပတဲ့ သတင်းစာရှင်းပွဲအတွင်း ဒီလို တွေ့ဆုံရာမှာ အပစ်ရပ်ခိုင်မှာဖို့ဆွေးနွေးခဲ့တယ်ဆိုတာကို အတည်ပြုပြောကြားပြီး နာရီပိုင်းအတွင်းမှာ စစ်ကောင်စီက ညီနောင် ၃ ဖွဲ့ဒေသကို စစ်အုပ်ချုပ်ရေးကြေညာလိုက်တာဖြစ်ပါတယ်...

...စတဲ့သတင်းတွေကို စုစည်းတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။

Read More

“ခွဲထွက်ရေး မခွဲထွက်ရေးဆိုတာက အတူတူနေလို့ရ မရဆိုတာနဲ့ တိုက်ရိုက်အချိုုးက...

“ခွဲထွက်ရေး မခွဲထွက်ရေးဆိုတာက အတူတူနေလို့ရ မရဆိုတာနဲ့ တိုက်ရိုက်အချိုုးကျပါတယ်”

- ခိုင်သုခ (ပြောခွင့်ရပုဂ္ဂိုလ် - ရက္ခိုင့်တပ်တော် - AA )

(၄- ၃- ၂၀၂၄)

“ရက္ခိတလမ်းစဉ်ဆိုတာဟာ ရက္ခိုင့်ကံကြမ္မာ ရက္ခိုင်ဖန်တီးရေးဖြစ်တယ်။ ကွန်ဖက်ဒရေးရှင်းထက် မနိမ့်တဲ့အဆင့်ကို လိုချင်တယ်။ သီးခြားခွက်ထွက်ရေး မခွဲထွက်ရေးဆိုတာက အတူတူနေလို့ရ မရဆိုတာနဲ့ တိုက်ရိုက်အချိုးကျတယ်” လို့ ရက္ခိုင့်တပ်တော် (AA) ပြောခွင့်ရပုဂ္ဂိုလ် ခိုင်သုခက ပြောပါတယ်။

ရခိုင်ပြည်နယ်မှာ မြို့တွေတမြို့ပြီးတမြို့ သိမ်းပိုက်နေတဲ့ ရက္ခိုင့်တပ်တော် (AA) က အနာဂတ်မှာ ဘယ်လိုအုပ်ချုပ်ရေးပုံစံနဲ့သွားမှာလဲ။ ဖက်ဒရယ်မူလား- ကွန်ဖက်ဒရေးရှင်းလား- သီးခြားခွဲထွက်ရေးလား... စသဖြင့် ဒီနေ့ကျင်းပတဲ့ သတင်းစာရှင်းပွဲအတွင်း BNN သတင်းဌာနက ဦးထက်အောင်ကျော်မေးမြန်းစဉ် ခိုင်သုခက အဲဒီလိုဖြေကြားခဲ့တာပါ။

အခုထုတ်လွှင့်မယ့်မေးမြန်းချက်ထဲမှာ...

- ရက္ခိုင့်တပ်တော် (AA) အနေနဲ့ ရခိုင်ပြည်နယ်အပြင် အခြားဘယ်ဒေသတွေမှာ လှုပ်ရှားနေသလဲ၊ ဒေသအသီးသီးက PDF တွေကို ဘယ်လိုသဘောထားသလဲ၊ အကူအညီပေးဖို့ ရှိသလား...

- ရက္ခိုင့်ပြည်အနာဂတ်ကို ရက္ခိတလမ်းစဉ်အတိုင်းသွားမယ်ဆိုတာ ဘာကိုဆိုလိုတာလဲ... ဖက်ဒရယ်လား- ကွန်ဖက်ဒရေးရှင်းလား- သီးခြားခွဲထွက်ရေးလား...

- စစ်ကောင်စီရဲ့ဖိနှိပ်တဲ့လုပ်ရပ်တွေက အတူတူမနေနိုင်တော့တဲ့အဆင့်အထိ ရောက်လာနေပြီလား...

... စတဲ့အကြောင်းအရာတွေကို မေးမြန်းတင်ပြထားပါတယ်။

(AA အဖွဲ့ရဲ့ သတင်းစာရှင်းပွဲက ထူးခြားချက်တွေကို အပိုင်းလိုက် ဆက်လက်တင်ပြပေးသွားမှာဖြစ်ပါတယ်)

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။

Read More