သူပုန္ေက်ာင္းသားတဦးရဲ႕ မာရသြန္ခရီး ၁၅

ထက္ေအာင္ေက်ာ္ on January 5, 2012 6:16 pm

ေအာက္ေမ့ဖြယ္ / ဧရာ၀တီမဂဇင္း။

ေသာင္ရင္းျမစ္လယ္က က်ည္ဆံေတြၾကားမွာ

ဒီလူေတြက လမ္းအေတာ္ ကြ်မ္းပုံရပါတယ္။ လက္နက္ႀကီးက်ည္ က်ထားလို႔ မီးေလာင္ထားတဲ့ ေနရာေတြကိုေရွာင္ကြင္း၊ တခ်ိဳ႕ေနရာေတြမွာေတာ့ သစ္ခက္ေတြခုတ္ၿပီး ေတာမီးကို ၿငိမ္းသတ္၊ ေဝၚကီေတာ္ကီထဲကေန ကရင္စကားေတြနဲ႔ေျပာ။

ဒုတိယဗုိလ္မႈးၾကီးေအးျမင့္နဲ႔အတူေတြရတဲ့ ေကာ့မူးရာမွ ရဲေဘာ္မ်ား

“နာဟူးဃာ … နာဟူးဃာ” (ၾကားရလား … ၾကားရလား လို႔ ျမန္မာလုိ အဓိပၸာယ္ရပါတယ္။ က်ေနာ္တို႔ က်ဳိးဖုိးေတြရဲ႕ စကားလုံးအတုိင္းဆိုရင္ေတာ့ ရထား ျဖစ္လား … ရထား ျဖစ္လားလို႔ တဖက္က စက္ကုိင္ထားတဲ့လူကို ေမးတဲ့သေဘာပါ)။ အဲဒီတလံုးကလြဲရင္ က်န္တာကုိ က်ေနာ္က ဘာမွနားမလည္။

ဆုိေတာ့ က်ေနာ္စိတ္ထဲမွာ ငါတခါမွ အေသခ်ာမသိဖူးေသးတဲ့ ဒီလူေတြနဲ႔လုိက္လာမိတာ မွားၿပီလား။

လုိင္းကားျပန္စီးၿပီး မဲေဆာက္ျပန္သြားရင္ ေကာင္းသားဆုိၿပီး စဥ္းစားေနမိပါတယ္။ ေနာက္ၿပီး န၀တ စစ္သားေတြ နယ္ကြ်ံၿပီး ဒီေတာထဲေရာက္ေနမလား၊ န၀တဖက္က လႊတ္ထားတဲ့ စစ္ေျမျပင္ ကင္းေထာက္ေတြနဲ႔ပဲ တုိးမလား၊ KNU ဖက္က လႊတ္ထားတဲ့ စစ္သားေတြနဲ႔ပဲ တုိးၿပီး လူမွားပစ္ခံရမလား စသျဖင့္ ေတြးပူရင္း တကယ့္ကုိ စိတ္လႈပ္ရွားေနမိပါတယ္။

“ဟုိမွာေရာက္ၿပီ”။ က်ေနာ္စဥ္းစားစိတ္ပူလို႔ ေကာင္းတုန္းမွာ ေ၀ၚကီေတာ္ကီဆရာက က်ေနာ့္ကုိ လက္တို႔ၿပီး ေျပာလုိက္တာပါ။ ေကာ့မူးရာစခန္းရဲ့ ေနာက္ေက်ာဘက္ရွိ ထုိင္း-ကရင္ ဘုန္းႀကီးေက်ာင္းတခုကို ျဖတ္အဆင္း ေသာင္ရင္းျမစ္ေဘးက ေတာအုပ္တခုထဲရွိ တဲငယ္တလုံးမွာ ထုိင္ေနတဲ့ လူ ၃-၄ ေယာက္။ KNU စစ္ေျမျပင္ ေထာက္လွမ္းေရးေတြျဖစ္ပုံရၿပီး သူတို႔ကုိ က်ေနာ္တခါမွ မျမင္ဖူးဘူး။ သူတို႔ အခ်င္းခ်င္းၾကား ကရင္စကားနဲ႔ ေျပာေနတာကုိလည္ “အ၀ဲတကာ …”  ျမန္မာလို “ဒီလူတေယာက္ကေတာ့ျဖင့္ …” လို႔ အဓိပၸယ္ရၿပီး က်ေနာ့္ကုိ ညႊန္းဆုိတဲ့စကားလုံးကလဲြရင္ က်န္တာကုိ တလုံးမွနားမလည္။

“ဒီေနရာကုိ ရန္သူ႔ေတာင္ကုန္းေပၚကေန မျမင္ရဘူး ေအးေဆးပဲ။ ဒါေပမယ့္ ျမစ္ကုိ ျဖတ္ရမွာမုိ႔ အလင္းေရာင္ရွိေနတဲ့ အခ်ိန္ဆိုမျဖစ္ဘူး။ ေမွာင္္ရီပ်ဳိးတဲ့အခ်ိန္အထိ ဒီမွာခဏေစာင့္” ရမယ္လို႔ ေဝၚကီေတာ္ကီဆရာက အနွစ္ခ်ဳပ္ ဘာသာျပန္ေပးပါတယ္ (အဲဒီ တဲေနရာဟာ ေနာက္ပုိင္း တုိက္ပဲြၾကာလာတဲ့ အခါမွာေတာ့ ေကာ့မူူးရာနဲ႔ ထုိင္းဘက္ကမ္းကို ႀကိဳးဆဲြေလွနဲ႔ ျဖတ္ကူးတဲ့ လမ္းေၾကာင္းေနရာ ျဖစ္လာပါတယ္)။ ဒီလုိနဲ႔ ည ၆ နာရီ ေက်ာ္ေက်ာ္ေလးမွာ ေသာင္းရင္းျမစ္ကို က်ေနာ္တို႔ ျဖတ္ပါတယ္။ ျမစ္ျပင္က်ယ္က ေပ ၅၀ ေလာက္ရွိ မလားပဲ။ ေရကေတာ့ ျမစ္ထဲဆင္းကာစမွာ ဒူးဆစ္ေလာက္သာရွိေပမယ့္ ျမစ္လယ္ေရာက္ေတာ့ ေပါင္လယ္ေလာက္၊ ခါးဆစ္ေလာက္အထိ နက္လာပါတယ္။

ကံကဆုိးခ်င္ေတာ့ က်ေနာ္တို႔ ျမစ္လယ္ေက်ာ္ေက်ာ္ေလး အေရာက္မွာ န၀တ ဘက္ကေန လက္နက္ႀကီးေတြ ထပ္ပစ္တဲ့အတြက္ KNU ဘက္ကလည္း ျပန္ပစ္သံေတြ ၾကားလုိက္ရပါတယ္။ “သြားၿပီ ဒီတခါေတာ့ ငါလုိက္လာမိတာ တကယ္မွားၿပီ္” လို႔ စိတ္ထဲေတြးေနတုန္း “ဒက္ ဒက္ ဒက္” ဆုိတဲ့ M 16 ေသနတ္ အနီးကပ္ ပစ္သံကို ၾကားလုိက္ရၿပီး “ေျဖာက္ ေျဖာက္ ေျဖာက္” ဆုိတဲ့ အသံေတြနဲ႔အတူ က်ည္ဆံ ထိပ္ဖူးေတြ က်ေနာ္ေဘးက ေရထဲက်လာပါတယ္။ တုိက္ပဲြအေတြ႔အႀကံဳ မရွိေသးတဲ့ က်ေနာ္ဟာ တကယ္ပစ္သလား၊ ေဘးကို ေျခာက္ပစ္သလားဆုိတာကုိ ခဲြျခားဖုိ႔အခ်ိန္ မရလုိက္။ ဘာလေခ်ာင္အိတ္ကုိကုိင္ၿပီး ဒုိင္ဗင္ထုိးကာ ေရငုပ္လုိက္ပါေတာ့တယ္။

“က်ေနာ္တို႔ကုိ ပစ္ေနၿပီ၊ ေအာ္ေျပာေလ ဆရာ” ဆုိၿပီး ေ၀ၚကီေတာ္ကီဆရာကို ေျပာေတာ့ “ကိစၥမရွိဘူး၊ ေျခာက္ပစ္ ပစ္တာပါ” တဲ့။ သူကေျခာက္ပစ္ ပစ္တယ္လို႔ေျပာေပမယ့္ ဒီေလာက္ေမွာင္မဲေနတဲ့ၾကားထဲ ဘယ္လိုလုပ္ပစ္မွတ္ ေရြးမွာလဲ။ ၿပီးေတာ့ က်ေနာ္တို႔က တုိက္ပဲြျဖစ္ေနခ်ိန္ သူတို႔စခန္းထဲ ၀င္လာတဲ့လူေတြ။ ရန္သူထင္ၿပီး ပစ္မိတယ္ဆုိရင္ က်ေနာ္ဘာမွမတတ္ႏိုင္။ ဘယ္သူမွလည္း က်ေနာ္ေသသြားတာကို သိလုိက္မွာမဟုတ္။ ဆုိေတာ့ က်ေနာ္ ေျခဖ်ားလက္ဖ်ားေတြ ေအးစက္ၿပီး အေတာ္ေလးကို တုန္လႈပ္ေျခာက္ျခားေနမိပါတယ္။

ေနာက္ဆုံးေတာ့ က်ေနာ္တို႔ကုိပစ္တဲ့လူရွိရာ ကတုတ္က်င္းထဲကိုပဲ က်ေနာ္တို႔အုပ္စုေရာက္သြားၿပီး ေဝၚကီေတာ္ကီဆရာက ကရင္ဘာသာနဲ႔စကားေတြေျပာေနပါတယ္။ ထုံးစံအတိုင္း က်ေနာ္က တလုံးမွနားမလည္။ က်ေနာ့္ပုံကိုၾကည့္ၿပီး ကရင္စစ္သားေတြ သနားသြားသလား။ ဒါမွမဟုတ္ဟားခ်င္ေနမလားေတာ့ က်ေနာ္မမွန္းတတ္။

ေကာ့မူးရာ စစ္ေျပျပင္မွာ တလတာ

ေနာက္တေန႔မနက္မွာေတာ့ က်ေနာ္တို႔နယ္ေျမ႐ံုးကလူေတြ စခန္းထုိင္ထားတဲ့ ကြ်န္းတံတားႀကီး ႏွစ္ခုေဘးနားက ကတုတ္က်င္းဆီ က်ေနာ္ကုိ ပုိ႔ေပးပါတယ္။ မေန႔ညက အျဖစ္ပ်က္ကိုေျပာျပေတာ့ ဘယ္သူကမွ စိုးရိမ္ထိတ္လန္႔မႈမျပ။ “ေမာင္ရင္က ေမာင္ေက်ာ္ေတြရဲ႕ ပညာေပးမႈကုိ ခံလုိက္ရတာေပါ့” ဆုိၿပီး တ၀ါး၀ါးတဟားဟားနဲ႔ ၀ုိင္းရယ္ၾကပါတယ္ (ေမာင္ေက်ာ္ဆုိတာက KNU ညီအစ္ကိုေတြကို ေက်ာင္းသားေတြက ေခၚေလ့ရွိတဲ့စကားလုံးပါ)။

တကယ္ကေတာ့ က်ေနာ္တို႔လူေတြရွိတဲ့ေနရာနဲ႔ မေန႔ညက က်ေနာ္ေရာက္ခဲ့တဲ့ေနရာဟာ ဟုိဘက္ထိပ္ ဒီဘက္ထိပ္ ဆန္႔က်င္ဖက္။ ျမင္းခြာရာ သုိ႔မဟုတ္ အုိမီဂါပုံရွိတဲ့ ေကာ့မူးရာစခန္းဟာ စတုရန္းမုိင္ တမုိင္ေက်ာ္ေက်ာ္ သုိ႔မဟုတ္ က်ေနာ့္မ်က္မွန္း ေဘာလုံးကြင္း ကြင္း ၁၀၀ စာေလာက္ ရွိမလားပဲ။ ျမင္းခြာရာရဲ႕ ေရွ႕တည့္တည့္က အေပါက္ဟာ န၀တတပ္နဲ႔ ထိပ္တုိက္ရင္ဆုိင္ထားတဲ့ မီတာ ၂၀၀ ၀န္းက်င္ရွိ သတ္ကြင္း။

ေကာ့မူးရာ သုိ႔မဟုတ္ ၀မ္ခစစ္ေျမျပင္ ကတုတ္က်င္းအတြင္း ဖြင့္လွစ္ထားေသာ ABSDF ေဆးခန္း

တုိက္ပဲြမျဖစ္မီအခ်ိန္အထိ ေရေက်ာ္စခန္းနဲ႔ ျမန္မာႏိုင္ငံအတြင္းပုိင္းအထိ သြားႏိုင္တဲ့ အဲဒီသတ္ ကြင္းေရွ႕တည့္တည့္က

ကားလမ္းကိုပိတ္၊ သံဆူးႀကိဳး ၿခံစည္း႐ိုးသုံးထပ္ကာ။ အဲဒီသံဆူးႀကိဳး သုံးထပ္ေရွ႕မွာမွ ၀ါးခြ်န္ခပ္တုိတုိေတြကုိ သစ္ရြက္ေျခာက္ေတြနဲ႔ဖုံးၿပီး စုိက္ထားတဲ့၊ အေ၀းကမျမင္ႏိုင္တဲ့ ၿခံစည္း႐ိုး သုံးထပ္။ သံဆူးႀကိဳး သံုးထပ္ေနာက္မွာေတာ့ ကြန္ကရစ္ေတြနဲ႔ အခုိင္မာေဆာက္ထားတဲ့ ကတုတ္က်င္း ဘန္ကာ တဒါဇင္ခန္႔။ ဒါေပမယ့္ အဲဒီကတုတ္က်င္းနဲ႔ ၿခံစည္း႐ိုးေတြကို န၀တတပ္ေတြ စခန္းထုိင္ထားတဲ့ ေတာင္ကုန္းေပၚကေန မျမင္ႏိုင္ပါဘူး။ ဘာေၾကာင့္လဲဆုိရင္ ဒီထိပ္တုိက္က ကတုတ္က်င္း တဒါဇင္ခန္႔အပါ၀င္ ေသာင္ရင္းျမစ္ပတ္လည္ရွိ ကကုတ္က်င္းေပါင္း ၁၀၀ ၀န္းက်င္ကုိ ၾကခတ္၀ါးရံု အႀကီးႀကီးေတြက မ်က္ကြယ္ေပးထားလို႔ ျဖစ္ပါတယ္။

ဒီလို က်ည္ကြယ္ မ်က္ကြယ္ေကာင္းၿပီး ပထ၀ီအေနထားအရလည္း လုံး၀ အသာစီးရေနတဲ့အျပင္ စိတ္ဓာတ္ေရးရာအရလည္း ၈ ေလးလုံး အေရးေတာ္ပုံၿပီးကာစ၊ DAB တပ္ေပါင္းစုရဲ႕ အင္အားနဲ႔ စည္းလုံးညီညြတ္မႈ အေတာင့္တင္းဆုံးကာလ ျဖစ္ပါတယ္။ KIO, ALP အပါ၀င္ NDF အမ်ဳိးသားဒိီမုိကေရစီ တပ္ေပါင္းစုက တပ္စုတစု၊ ေရွ႕မွာ က်ေနာ္တင္ျပခဲ့တဲ့ မာနယ္ပေလာမွာ မဖြဲ႔ျဖစ္လုိက္တဲ့ DAB စစ္ေၾကာင္းကေန ျပန္လာတဲ့ မင္းသမိီးစခန္းက ABSDF တပ္စုတစု၊ ဘုရားသုံးဆူဘက္က တပ္စုတစု၊ သီေဘာဘုိးဘက္က တပ္စုတစုနဲ႔ မဲေဆာက္မွာ ေသာင္တင္ေနတဲ့ ေက်ာင္းသားအေတာ္မ်ားမ်ား ၀မ္ခတုိက္ပဲြထဲ ၀င္လာၾကပါတယ္။

ေနာက္တခါ ABSDF ေက်ာင္းသားေဟာင္းေတြ အပါအ၀င္ လူဆုိး-လူေတာ္ေလးေတြနဲ႔ စုဖြဲ႔ထားတဲ့ DAB စစ္ေၾကာင္းတခုရဲ႕ နာမည္ႀကီးစစ္ေၾကာင္းမႉး ဗုိလ္မႉး ေရာဘတ္ဇံရဲ႕ တပ္ဖြဲ႔ေတြလည္း ေကာ့မူးရာမွာ စစ္ကူေရာက္ေနၾကပါတယ္။ ဒါေၾကာင့္လည္း ေကာ့မူးရာတုိက္ပဲြဟာ ၆ နွစ္နီးပါး ၾကာခဲ့ၿပီး အရွည္ၾကာဆုံး စစ္ပဲြတခုအျဖစ္ သမုိင္း၀င္ခဲ့ပါတယ္။

၁၉၈၉ ေမလကေန ၁၉၉၅ ေဖေဖာ္၀ါရီလကုန္ပုိင္းအထိ ၾကာျမင့္ခဲ့တဲ့ ဒီတုိက္ပဲြအတြင္း တကယ့္ေျပာင္ေျမာက္စြာ တုိက္ပဲြ၀င္ခဲ့သူေတြ၊ အသက္ေပးသြားသူေတြနဲ႔စာရင္ က်ေနာ္ဟာ ဘာမွမဟုတ္။ ၆ နွစ္ၾကာစစ္ပဲြမွာ တလနဲ႔ ၆ ရက္ေလာက္သာ ပါ၀င္ခဲ့ဖူးတဲ့ အညၾတရစစ္သည္တဦးမွ်သာ။ က်ေနာ္ရွိေနစဥ္ တလေက်ာ္ကာလအတြင္း န၀တတပ္ေတြက ေသာင္ရင္းျမစ္ကုိျဖတ္ၿပီး ၀မ္ခေစ်းထဲကုိ၀င္၊ အဲဒီကေန ေကာ့မူးရာကို ေနာက္ေက်ာကေန ၀င္တုိက္တာ တႀကိမ္နဲ႔ ထိပ္တုိက္မီတာ ၂၀၀ သတ္ကြင္းမွာ တက္တုိက္တာ ၁၀ ႀကိမ္ေလာက္ ႀကံဳခဲ့ဖူးပါတယ္။ ဒီလုိေျပာလုိက္လို႔ အဲဒီပဲြမွာ က်ေနာ္ကုိယ္တုိင္ ဦးစီးပါ၀င္ခဲ့တယ္လို႔ မထင္လုိက္ပါနဲ႔။

ေရွ႕ပုိင္းမွာ တင္ျပခဲ့တဲ့အတုိင္း မင္းသမီးစခန္းမွာ စစ္သင္တန္းေပးဖုိ႔ စျပင္ဆင္ေနခ်ိန္မွာ နယ္ေျမေကာ္မီတီဆီ ပါလာတဲ့က်ေနာ္ဟာ ၀မ္ခတုိက္ပဲြေရာက္တဲ့အထိ တခါမွ စစ္သင္တန္း (၀ါးရင္းတုတ္ သင္တန္းမွအပ) အေသအခ်ာ မတက္ဖူးေသးပါ။ ပဒုိ (ႏိုင္ငံေရးနဲ႔ အုပ္ခ်ဳပ္ေရးအရာရွိ) လုိလုိ သူးခုိ (စစ္ဖက္အရာရွိ) လုိလုိနဲ႔ အေပၚမေရာက္ ေအာက္မေရာက္ ဘ၀ကေန ၀မ္ခတုိက္ပဲြထဲ ေရာက္လာသူပါ။

၀မ္ခ ေရာက္ေရာက္ခ်င္း AK 47 တလက္ကုိကုိင္ၿပီး ေသနတ္ပစ္နည္း၊ ျဖဳတ္နည္း၊ တုိက္ခြ်တ္နည္းေတြကို လက္ပူတုိက္ သင္ရပါတယ္။ AK 47 ဟာ အၾကမ္းခံႏိုင္ဆုံး လက္နက္ျဖစ္ၿပီး ျဖဳတ္ တပ္ ေဆးေၾကာရတာလည္း လြယ္ကူလို႔ က်ေနာ္ေရြးလုိက္တာပါ။ ဒါေပမယ့္ သူရဲ႕ တခုတည္းေသာ အားနည္းခ်က္ကေတာ့ က်ည္ထြက္တဲ့အခါ မီးပြင့္မႈနႈန္း သိပ္ျမင့္တဲ့အတြက္ ညတုိက္ပဲြနဲ႔ ႀကံဳတဲ့အခါ မိမိရဲ့ေနရာကုိ တဖက္ရန္သူက ျမင္ႏိုင္တဲ့အခ်က္ ျဖစ္ပါတယ္။

M 16 ကေတာ့ မီးပြင့္တဲ့ျပႆနာ မရွိေပမယ့္ မၾကာခဏ ဂ်မ္းျဖစ္တတ္ပါတယ္။ ဒါကလည္း က်ေနာ္တို႔ ကုိင္ေနတဲ့ေသနတ္ေတြက အေမရိကန္စစ္သားေတြကိုင္ေနတဲ့ ေသနတ္လုိ အသစ္စက္စက္ မဟုတ္ဘဲ အေတာ္ အုိေဟာင္းေနလို႔လည္း ျဖစ္ႏိုင္ပါတယ္။

ေနာက္တခါ န၀တတပ္ဆီက သိမ္းဆည္းရမိတဲ့ G3, G4 လက္နက္ အေတာ္မ်ားမ်ားကိုလည္း က်ေနာ္တို႔ ေက်ာင္းသားေတြ အသုံးျပဳခဲ့ပါတယ္။ တခ်ဳိ႕ စစ္ေရးအေတြ႔အႀကံဳ ရွိသူေတြရဲ႕အဆုိအရ န၀တတပ္သားေတြဟာ AK 47, M 16 က်ည္ကုိ သိပ္မေၾကာက္ဘဲ G3, G4 က်ည္ကို ပုိေၾကာက္တယ္လို႔ဆုိပါတယ္။ ဒါေပမယ့္ ေက်ာင္းသားေတြ ၾကားမွာေတာ့ G3, G4 က အလြန္ ေလးလံၿပီး ဒီဇုိင္းကလည္း မလွပတဲ့အတြက္ သိပ္မႀကိဳက္ၾကပါဘူး။

အဲဒီလုိ AK 47 တလက္နဲ႔ ဟန္ေရးျပေနတဲ့ က်ေနာ္ဟာ တကယ္ တုိက္ပဲြျဖစ္တဲ့အခါမွာေတာ့ ကတုတ္က်င္းထဲမွာ တုန္တုန္ရီရီျဖစ္ေနၿပီး ဆက္သြယ္ေရးေျမာင္းေဘာင္ေပၚမွာ လမ္းေလွ်ာက္မပ်က္ဘဲ ေဝၚကီေတာ္ကီ ေျပာေနဆဲျဖစ္တဲ့ KNU က စစ္ဗိုလ္ေတြကို အားက်ေငးၾကည့္ေနသူ၊ AK 47 ေသနတ္ကုိ ကကုတ္က်င္းထဲကေန ေခါင္းမေဖာ္ရဲဘဲ ပစ္ေနသူ၊ ေသနတ္ေျပာင္းတခုစာသာ ဖြင့္ထားတဲ့ ကတုတ္က်င္း ေသနတ္ပစ္ ေပါက္ကေန န၀တဘက္က ပစ္လုိက္တဲ့က်ည္မ်ား ကုိယ့္မ်က္နွာဆီတန္းၿပီး ၀င္လာမလားဆုိၿပီး ဘုရားတေနသူတဦးမွ်သာ ျဖစ္ခဲ့ပါတယ္။

“သူမ်ားဖုတ္ေတြမွာ ၀တ္လစ္စလစ္ ေကာင္မေလးပုံေတြ ကပ္ထားၿပီး ခင္ဗ်ားဖုတ္မွာေတာ့ ဘုရားပံုေတြနဲ႔ပါလား။ စစ္တုိက္ရင္းနဲ႔ ကုသုိလ္ေတာ့ အေတာ္ရေနၿပီ ထင္တယ္ေနာ္” လို႔ က်ေနာ္နဲ႔ တပ္စုတခုတည္း တာ၀န္က်တဲ့ ၂၁၁ ရဲေဘာ္တခ်ဳိ႕က စပါတယ္ (ကတုတ္က်င္း၊ ဘန္ကာေတြကုိ KNU နဲ႔ ေက်ာင္းသားေတြက ဖုတ္လို႔ ေခၚပါတယ္။ ဆက္သြယ္ေရးေျမာင္းကိုလည္း ေလွ်ာက္ေျမာင္းလို႔ ေခၚၾကပါတယ္)။

သူတို႔ ေျပာမယ္ဆိုလဲ ေျပာခ်င္စရာပါပဲ။

သာမန္အခ်ိန္မွာ ညအိပ္ရာ၀င္ရင္ေတာင္ ဘုရွားရွိခုိးမႈကုိ ပုံမွန္လုပ္ေလ့မရွိတဲ့က်ေနာ္ဟာ အခုတုိက္ပဲြအတြင္းမွာေတာ့ မနက္တခါ ညတခါအျပင္ အခ်ိန္ရတုိင္း ဘုရားရွိခုိး ဆုေတာင္းသလုိျဖစ္ေနတဲ့အတြက္ သူတို႔မ်က္စိေနာက္ေနပုံရပါတယ္။

အဲဒီအခ်ိန္က က်ေနာ္နဲ႔တပ္စုတခုတည္း တာ၀န္က်သူေတြထဲမွာ အခု DKBA ဘက္ကုိေျပာင္းသြားတယ္ဆုိတဲ့ KNU တပ္စုမႉးတဦးနဲ႔ တပ္ၾကပ္ႀကီးတဦး၊ ေနာက္ ABSDF ရဲ့ ဆက္သြယ္ေရးဌာန အႀကီးအကဲျဖစ္လာၿပီး အခု ၾသစေတးလ်ကို ေရာက္သြားတဲ့ ကုိဗ်တၱနဲ႔ မုဒုံဖက္က ေက်ာင္းသား ၃-၄-ဦး။ ေနာက္တခါ ၂၁၁ တပ္ရင္းမႉနဲ႔ ဗဟုိတပ္ေထာက္ခ်ဳပ္ျဖစ္လာၿပီး အခု မဲေဆာက္မွာ ေက်ာင္းဆရာနဲ႔ ဂီတေဖ်ာ္ေျဖမႈ လုပ္ေနသူ ကုိ၀င္းခ်ဳိ။ ေနာက္ က်ဆုံးသြားၾကၿပီျဖစ္တဲ့ ကိုနီမင္း၊ ကုိလွသြင္နဲ႔ နယ္ေျမရံုးအဖြဲ႔မွ ကုိျမင့္ေဆြတို႔ကုိ  က်ေနာ္အမွတ္ရေနပါတယ္။

စစ္ေျမျပင္ဆိုေပမယ့္ တုိက္ပဲြက တခ်ိန္လုံးျဖစ္ေနတာမ်ဳိးေတာ့ မဟုတ္ပါ။ မနက္ေစာေစာနဲ႔ ညေန ေရခ်ဳိးခ်ိန္မ်ဳိးမွာ န၀တဘက္က ပုံမွန္နီးပါး လက္နက္ႀကီးနဲ႔ ပစ္ခတ္ေလ့ရွိပါတယ္။ ဒါေပမယ့္ ထိပ္တုိက္ကို တက္ထုိးတာမ်ဳိးဆုိရင္ေတာ့ ဘာအသံမွမေပးဘဲ ၿငိမ္ေနစဥ္ မနက္လင္းအားႀကီးမွာ လက္နက္ႀကီးနဲ႔ ထရစပ္ပစ္ၿပီး ႐ုတ္္တရက္ ထလုပ္တာမ်ဳိးေတြ ျဖစ္ပါတယ္။ ထုိင္းဘက္ကမ္းကိုကူးၿပီး  ေကာ့မူးရာစခန္းကုိ ေနာက္ေက်ာကေန ၀င္တုိက္တာမ်ဳိးကုိေတာ့ ေန႔လည္ဘက္မွာ ေျဗာင္လုပ္ေလ့ရွိပါတယ္။ န၀တဘက္က ပစ္တဲ့ လက္နက္ႀကီးေတြကလည္း တကယ့္ေၾကာက္စရာေကာင္းပါတယ္။

၁၂၀ မီလီမီတာ၊ ၈၁ မီလီမီတာ အေ၀းပစ္ေမာ္တာအေျမာက္ဆံနဲ႔ က်ေနာ္တို႔ရဲ့ ကတုတ္က်င္းအမိုးကို ၿပိဳေအာင္ထုတဲ့ဲ့အခ်ိန္၊ ေနာက္ ကတုတ္က်င္းကုိ ကာေပးထားတဲ့ ၾကခတ္၀ါး႐ံုနဲ႔ ကြ်န္းပင္ေတြကို ၈၄ မီလီမီတာ ေလာင္ခ်ာနဲ႔ထုတဲ့အခ်ိန္၊ ဆက္သြယ္ေရးေျမာင္းထဲ လမ္းေလွ်ာက္ေနသူေတြကို ထိႏိုင္ဖုိ႔ ေအာ္လီဂန္းစက္ေသနတ္ (မူလ အမည္က Oerlikon ျဖစ္ၿပီး ၂၀ မီလီမီတာက်ည္နဲ႔ပစ္တဲ့ ေဘာ္ဗာ သုိ႔မဟုတ္ စက္လက္တမ်ဳိး ျဖစ္ပါတယ္) နဲ႔ ကြ်န္းပင္ေတြ၊ သစ္ကုိင္းေတြကို ပစ္ခ်ဳိးတဲ့အခ်ိန္ေတြဟာ အေတာ္စိတ္လႈပ္ရွား ဖုိ႔ေကာင္းပါတယ္။

အဲဒီလုိ လက္နက္ႀကီးမ်ဳိးစုံနဲ႔ ဆက္တုိက္ပစ္ေနတဲ့ အခ်ိန္ဆိုရင္ ဆက္သြယ္ေရးေျမာင္းထဲမွာေရာ၊ ကတုတ္က်င္းထဲမွာပါ ပုန္းေနလို႔ မလုံၿခံဳေတာ့သလုိ ခံစားရပါတယ္။ ေနာက္တခါ ညတုိက္ပဲြေတြမွာ န၀တဘက္ကေန မီးက်ည္ပစ္တဲ့ အခ်ိန္မ်ဳိးဆုိရင္လည္း ေကာ့မူးရာတခြင္လုံး ေနခင္းဘက္ထက္ေတာင္ ပုိလင္းထိန္သြားသလုိ ခံစားရတဲ့အတြက္ ကတုတ္က်င္းထဲမွာ ကိုယ္ပုန္းေနတာကိုေတာင္မွ တဘက္ရန္သူက ျမင္ႏိုင္တယ္ဆုိၿပီး သံသယ၀င္တဲ့အထိ စုိးရိမ္မႈျဖစ္ေစခဲ့ပါတယ္။

အဲဒီကာလ က်ေနာ္တို႔ဘက္က သုံးတဲ့က်ည္ေတြကလည္း န၀တထက္ သိပ္မညံ့။ ၁၂၀ မမ မရွိေပမယ့္ ၈၁ မမနဲ႔ ၆၀ မမ ေမာ္တာေတြကုိ အေတာ္သုံးႏိုင္ခဲ့ပါတယ္။ ၈၄ မမ ေလာင္ခ်ာမရွိေပမယ့္ အဲဒီေလာက္နီးပါး အစြမ္းထက္တဲ့ ၈၂ မမ၊ ၅၇ မမ ေနာက္ပြင့္ေလာင္ခ်ာေတြ၊ ၆၂ မမ ပုခုံးထမ္း တခါသုံးေလာင္ခ်ာ၊ အာပီဂ်ီ အမွတ္၂၊ အမွတ္ ၅၊ အမွတ္ ၇ တို႔ကုိ အေတာ္သုံးႏိုင္ခဲ့ပါတယ္။

ၿပီးေတာ့ န၀တရဲ႕ ေအာ္လီဂန္း စက္ေသနတ္ထက္ ပုိအားေကာင္းတဲ့ ပြိဳင့္ ၅ (၅ မမ အခ်င္းရွိ

က်ည္ကုိသုံးတဲ့စက္လတ္) စက္ေသနတ္ကုိ သုံးႏိုင္ခဲ့ပါတယ္။ လက္နက္ငယ္အပိုင္းမွာလည္း M 79 မမ ေလာင္ခ်ာ။ ေနာက္ M 79 နဲ႔ M 16 တြဲထားတဲ့ေသနတ္၊ AK စက္လက္၊ M 16 စက္လတ္၊ AK 47, M 16 နဲ႔ ကာဘုိင္ေသနတ္။ က်ည္ေတြကို န၀တေလာက္ မျဖဳန္းႏိုင္ေပမယ့္ လုံေလာက္စြာနီးပါး အသုံးျပဳႏိုင္ခဲ့ပါတယ္။

===============================================

(အပိုင်း ၁၅)

ထက်အောင်ကျော် on January 5, 2012 6:16 pm

အောက်မေ့ဖွယ် / ဧရာဝတီမဂဇင်း။

သောင်ရင်းမြစ်လယ်က ကျည်ဆံတွေကြားမှာ

ဒီလူတွေက လမ်းအတော် ကျွမ်းပုံရပါတယ်။ လက်နက်ကြီးကျည် ကျထားလို့ မီးလောင်ထားတဲ့ နေရာတွေကိုရှောင်ကွင်း၊ တချို့နေရာတွေမှာတော့ သစ်ခက်တွေခုတ်ပြီး တောမီးကို ငြိမ်းသတ်၊ ဝေါ်ကီတော်ကီထဲကနေ ကရင်စကားတွေနဲ့ပြော။

ဒုတိယဗိုလ်မှုးကြီးအေးမြင့်နဲ့အတူတွေရတဲ့ ကော့မူးရာမှ ရဲဘော်များ

“နာဟူးဃာ … နာဟူးဃာ” (ကြားရလား … ကြားရလား လို့ မြန်မာလို အဓိပ္ပာယ်ရပါတယ်။ ကျနော်တို့ ကျိုးဖိုးတွေရဲ့ စကားလုံးအတိုင်းဆိုရင်တော့ ရထား ဖြစ်လား … ရထား ဖြစ်လားလို့ တဖက်က စက်ကိုင်ထားတဲ့လူကို မေးတဲ့သဘောပါ)။ အဲဒီတလုံးကလွဲရင် ကျန်တာကို ကျနော်က ဘာမှနားမလည်။

ဆိုတော့ ကျနော်စိတ်ထဲမှာ ငါတခါမှ အသေချာမသိဖူးသေးတဲ့ ဒီလူတွေနဲ့လိုက်လာမိတာ မှားပြီလား။

လိုင်းကားပြန်စီးပြီး မဲဆောက်ပြန်သွားရင် ကောင်းသားဆိုပြီး စဉ်းစားနေမိပါတယ်။ နောက်ပြီး နဝတ စစ်သားတွေ နယ်ကျွံပြီး ဒီတောထဲရောက်နေမလား၊ နဝတဖက်က လွှတ်ထားတဲ့ စစ်မြေပြင် ကင်းထောက်တွေနဲ့ပဲ တိုးမလား၊ KNU ဖက်က လွှတ်ထားတဲ့ စစ်သားတွေနဲ့ပဲ တိုးပြီး လူမှားပစ်ခံရမလား စသဖြင့် တွေးပူရင်း တကယ့်ကို စိတ်လှုပ်ရှားနေမိပါတယ်။

“ဟိုမှာရောက်ပြီ”။ ကျနော်စဉ်းစားစိတ်ပူလို့ ကောင်းတုန်းမှာ ဝေါ်ကီတော်ကီဆရာက ကျနော့်ကို လက်တို့ပြီး ပြောလိုက်တာပါ။ ကော့မူးရာစခန်းရဲ့ နောက်ကျောဘက်ရှိ ထိုင်း-ကရင် ဘုန်းကြီးကျောင်းတခုကို ဖြတ်အဆင်း သောင်ရင်းမြစ်ဘေးက တောအုပ်တခုထဲရှိ တဲငယ်တလုံးမှာ ထိုင်နေတဲ့ လူ ၃-၄ ယောက်။ KNU စစ်မြေပြင် ထောက်လှမ်းရေးတွေဖြစ်ပုံရပြီး သူတို့ကို ကျနော်တခါမှ မမြင်ဖူးဘူး။ သူတို့ အချင်းချင်းကြား ကရင်စကားနဲ့ ပြောနေတာကိုလည် “အဝဲတကာ …”  မြန်မာလို “ဒီလူတယောက်ကတော့ဖြင့် …” လို့ အဓိပ္ပယ်ရပြီး ကျနော့်ကို  ညွှန်းဆိုတဲ့စကားလုံးကလွဲရင် ကျန်တာကို တလုံးမှနားမလည်။

“ဒီနေရာကို ရန်သူ့တောင်ကုန်းပေါ်ကနေ မမြင်ရဘူး အေးဆေးပဲ။ ဒါပေမယ့် မြစ်ကို ဖြတ်ရမှာမို့ အလင်းရောင်ရှိနေတဲ့ အချိန်ဆိုမဖြစ်ဘူး။ မှောင်ရီပျိုးတဲ့အချိန်အထိ ဒီမှာခဏစောင့်” ရမယ်လို့ ဝေါ်ကီတော်ကီဆရာက အနှစ်ချုပ် ဘာသာပြန်ပေးပါတယ် (အဲဒီ တဲနေရာဟာ နောက်ပိုင်း တိုက်ပွဲကြာလာတဲ့ အခါမှာတော့ ကော့မူူးရာနဲ့ ထိုင်းဘက်ကမ်းကို ကြိုးဆွဲလှေနဲ့ ဖြတ်ကူးတဲ့ လမ်းကြောင်းနေရာ ဖြစ်လာပါတယ်)။ ဒီလိုနဲ့ ည ၆ နာရီ ကျော်ကျော်လေးမှာ သောင်းရင်းမြစ်ကို ကျနော်တို့ ဖြတ်ပါတယ်။ မြစ်ပြင်ကျယ်က ပေ ၅၀ လောက်ရှိ မလားပဲ။ ရေကတော့ မြစ်ထဲဆင်းကာစမှာ ဒူးဆစ်လောက်သာရှိပေမယ့် မြစ်လယ်ရောက်တော့ ပေါင်လယ်လောက်၊ ခါးဆစ်လောက်အထိ နက်လာပါတယ်။

ကံကဆိုးချင်တော့ ကျနော်တို့ မြစ်လယ်ကျော်ကျော်လေး အရောက်မှာ နဝတ ဘက်ကနေ လက်နက်ကြီးတွေ ထပ်ပစ်တဲ့အတွက် KNU ဘက်ကလည်း ပြန်ပစ်သံတွေ ကြားလိုက်ရပါတယ်။ “သွားပြီ ဒီတခါတော့ ငါလိုက်လာမိတာ တကယ်မှားပြီ်” လို့ စိတ်ထဲတွေးနေတုန်း “ဒက် ဒက် ဒက်” ဆိုတဲ့ M 16 သေနတ် အနီးကပ် ပစ်သံကို ကြားလိုက်ရပြီး “ဖြောက် ဖြောက် ဖြောက်” ဆိုတဲ့ အသံတွေနဲ့အတူ ကျည်ဆံ ထိပ်ဖူးတွေ ကျနော်ဘေးက ရေထဲကျလာပါတယ်။ တိုက်ပွဲအတွေ့အကြုံ မရှိသေးတဲ့ ကျနော်ဟာ တကယ်ပစ်သလား၊ ဘေးကို ခြောက်ပစ်သလားဆိုတာကို ခွဲခြားဖို့အချိန် မရလိုက်။ ဘာလချောင်အိတ်ကိုကိုင်ပြီး ဒိုင်ဗင်ထိုးကာ ရေငုပ်လိုက်ပါတော့တယ်။

“ကျနော်တို့ကို ပစ်နေပြီ၊ အော်ပြောလေ ဆရာ” ဆိုပြီး ဝေါ်ကီတော်ကီဆရာကို ပြောတော့ “ကိစ္စမရှိဘူး၊ ခြောက်ပစ် ပစ်တာပါ” တဲ့။ သူကခြောက်ပစ် ပစ်တယ်လို့ပြောပေမယ့် ဒီလောက်မှောင်မဲနေတဲ့ကြားထဲ ဘယ်လိုလုပ်ပစ်မှတ် ရွေးမှာလဲ။ ပြီးတော့ ကျနော်တို့က တိုက်ပွဲဖြစ်နေချိန် သူတို့စခန်းထဲ ဝင်လာတဲ့လူတွေ။ ရန်သူထင်ပြီး ပစ်မိတယ်ဆိုရင် ကျနော်ဘာမှမတတ်နိုင်။ ဘယ်သူမှလည်း ကျနော်သေသွားတာကို သိလိုက်မှာမဟုတ်။ ဆိုတော့ ကျနော် ခြေဖျားလက်ဖျားတွေ အေးစက်ပြီး အတော်လေးကို တုန်လှုပ်ခြောက်ခြားနေမိပါတယ်။

နောက်ဆုံးတော့ ကျနော်တို့ကိုပစ်တဲ့လူရှိရာ ကတုတ်ကျင်းထဲကိုပဲ ကျနော်တို့အုပ်စုရောက်သွားပြီး ဝေါ်ကီတော်ကီဆရာက ကရင်ဘာသာနဲ့စကားတွေပြောနေပါတယ်။ ထုံးစံအတိုင်း ကျနော်က တလုံးမှနားမလည်။ ကျနော့်ပုံကိုကြည့်ပြီး ကရင်စစ်သားတွေ သနားသွားသလား။ ဒါမှမဟုတ်ဟားချင်နေမလားတော့ ကျနော်မမှန်းတတ်။

ကော့မူးရာ စစ်ပြေပြင်မှာ တလတာ

နောက်တနေ့မနက်မှာတော့ ကျနော်တို့နယ်မြေရုံးကလူတွေ စခန်းထိုင်ထားတဲ့ ကျွန်းတံတားကြီး နှစ်ခုဘေးနားက ကတုတ်ကျင်းဆီ ကျနော်ကို ပို့ပေးပါတယ်။ မနေ့ညက အဖြစ်ပျက်ကိုပြောပြတော့ ဘယ်သူကမှ စိုးရိမ်ထိတ်လန့်မှုမပြ။ “မောင်ရင်က မောင်ကျော်တွေရဲ့ ပညာပေးမှုကို ခံလိုက်ရတာပေါ့” ဆိုပြီး တဝါးဝါးတဟားဟားနဲ့ ဝိုင်းရယ်ကြပါတယ် (မောင်ကျော်ဆိုတာက KNU ညီအစ်ကိုတွေကို ကျောင်းသားတွေက ခေါ်လေ့ရှိတဲ့စကားလုံးပါ)။

တကယ်ကတော့ ကျနော်တို့လူတွေရှိတဲ့နေရာနဲ့ မနေ့ညက ကျနော်ရောက်ခဲ့တဲ့နေရာဟာ ဟိုဘက်ထိပ် ဒီဘက်ထိပ် ဆန့်ကျင်ဖက်။ မြင်းခွာရာ သို့မဟုတ် အိုမီဂါပုံရှိတဲ့ ကော့မူးရာစခန်းဟာ စတုရန်းမိုင် တမိုင်ကျော်ကျော် သို့မဟုတ် ကျနော့်မျက်မှန်း ဘောလုံးကွင်း ကွင်း ၁၀၀ စာလောက် ရှိမလားပဲ။ မြင်းခွာရာရဲ့ ရှေ့တည့်တည့်က အပေါက်ဟာ နဝတတပ်နဲ့ ထိပ်တိုက်ရင်ဆိုင်ထားတဲ့ မီတာ ၂၀၀ ဝန်းကျင်ရှိ သတ်ကွင်း။

ကော့မူးရာ သို့မဟုတ် ဝမ်ခစစ်မြေပြင် ကတုတ်ကျင်းအတွင်း ဖွင့်လှစ်ထားသော ABSDF ဆေးခန်း

တိုက်ပွဲမဖြစ်မီအချိန်အထိ ရေကျော်စခန်းနဲ့ မြန်မာနိုင်ငံအတွင်းပိုင်းအထိ သွားနိုင်တဲ့ အဲဒီသတ် ကွင်းရှေ့တည့်တည့်က

ကားလမ်းကိုပိတ်၊ သံဆူးကြိုး ခြံစည်းရိုးသုံးထပ်ကာ။ အဲဒီသံဆူးကြိုး သုံးထပ်ရှေ့မှာမှ ဝါးချွန်ခပ်တိုတိုတွေကို သစ်ရွက်ခြောက်တွေနဲ့ဖုံးပြီး စိုက်ထားတဲ့၊ အဝေးကမမြင်နိုင်တဲ့ ခြံစည်းရိုး သုံးထပ်။ သံဆူးကြိုး သုံးထပ်နောက်မှာတော့ ကွန်ကရစ်တွေနဲ့ အခိုင်မာဆောက်ထားတဲ့ ကတုတ်ကျင်း ဘန်ကာ တဒါဇင်ခန့်။ ဒါပေမယ့် အဲဒီကတုတ်ကျင်းနဲ့ ခြံစည်းရိုးတွေကို နဝတတပ်တွေ စခန်းထိုင်ထားတဲ့ တောင်ကုန်းပေါ်ကနေ မမြင်နိုင်ပါဘူး။ ဘာကြောင့်လဲဆိုရင် ဒီထိပ်တိုက်က ကတုတ်ကျင်း တဒါဇင်ခန့်အပါဝင် သောင်ရင်းမြစ်ပတ်လည်ရှိ ကကုတ်ကျင်းပေါင်း ၁၀၀ ဝန်းကျင်ကို ကြခတ်ဝါးရုံ အကြီးကြီးတွေက မျက်ကွယ်ပေးထားလို့ ဖြစ်ပါတယ်။

ဒီလို ကျည်ကွယ် မျက်ကွယ်ကောင်းပြီး ပထဝီအနေထားအရလည်း လုံး၀ အသာစီးရနေတဲ့အပြင် စိတ်ဓာတ်ရေးရာအရလည်း ၈ လေးလုံး အရေးတော်ပုံပြီးကာစ၊ DAB တပ်ပေါင်းစုရဲ့ အင်အားနဲ့ စည်းလုံးညီညွတ်မှု အတောင့်တင်းဆုံးကာလ ဖြစ်ပါတယ်။ KIO, ALP အပါဝင် NDF အမျိုးသားဒီမိုကရေစီ တပ်ပေါင်းစုက တပ်စုတစု၊ ရှေ့မှာ ကျနော်တင်ပြခဲ့တဲ့ မာနယ်ပလောမှာ မဖွဲ့ဖြစ်လိုက်တဲ့ DAB စစ်ကြောင်းကနေ ပြန်လာတဲ့ မင်းသမီးစခန်းက ABSDF တပ်စုတစု၊ ဘုရားသုံးဆူဘက်က တပ်စုတစု၊ သီဘောဘိုးဘက်က တပ်စုတစုနဲ့ မဲဆောက်မှာ သောင်တင်နေတဲ့ ကျောင်းသားအတော်များများ ဝမ်ခတိုက်ပွဲထဲ ဝင်လာကြပါတယ်။

နောက်တခါ ABSDF ကျောင်းသားဟောင်းတွေ အပါအဝင် လူဆိုး-လူတော်လေးတွေနဲ့ စုဖွဲ့ထားတဲ့ DAB စစ်ကြောင်းတခုရဲ့ နာမည်ကြီးစစ်ကြောင်းမှူး ဗိုလ်မှူး ရောဘတ်ဇံရဲ့ တပ်ဖွဲ့တွေလည်း ကော့မူးရာမှာ စစ်ကူရောက်နေကြပါတယ်။ ဒါကြောင့်လည်း ကော့မူးရာတိုက်ပွဲဟာ ၆ နှစ်နီးပါး ကြာခဲ့ပြီး အရှည်ကြာဆုံး စစ်ပွဲတခုအဖြစ်  သမိုင်းဝင်ခဲ့ပါတယ်။

၁၉၈၉ မေလကနေ ၁၉၉၅ ဖေဖော်ဝါရီလကုန်ပိုင်းအထိ ကြာမြင့်ခဲ့တဲ့ ဒီတိုက်ပွဲအတွင်း တကယ့်ပြောင်မြောက်စွာ တိုက်ပွဲဝင်ခဲ့သူတွေ၊ အသက်ပေးသွားသူတွေနဲ့စာရင် ကျနော်ဟာ ဘာမှမဟုတ်။ ၆ နှစ်ကြာစစ်ပွဲမှာ တလနဲ့ ၆ ရက်လောက်သာ ပါဝင်ခဲ့ဖူးတဲ့ အညတြရစစ်သည်တဦးမျှသာ။ ကျနော်ရှိနေစဉ် တလကျော်ကာလအတွင်း နဝတတပ်တွေက သောင်ရင်းမြစ်ကိုဖြတ်ပြီး ဝမ်ခဈေးထဲကိုဝင်၊ အဲဒီကနေ ကော့မူးရာကို နောက်ကျောကနေ ဝင်တိုက်တာ တကြိမ်နဲ့ ထိပ်တိုက်မီတာ ၂၀၀ သတ်ကွင်းမှာ တက်တိုက်တာ ၁၀ ကြိမ်လောက် ကြုံခဲ့ဖူးပါတယ်။ ဒီလိုပြောလိုက်လို့ အဲဒီပွဲမှာ ကျနော်ကိုယ်တိုင် ဦးစီးပါဝင်ခဲ့တယ်လို့ မထင်လိုက်ပါနဲ့။

ရှေ့ပိုင်းမှာ တင်ပြခဲ့တဲ့အတိုင်း မင်းသမီးစခန်းမှာ စစ်သင်တန်းပေးဖို့ စပြင်ဆင်နေချိန်မှာ နယ်မြေကော်မီတီဆီ ပါလာတဲ့ကျနော်ဟာ ဝမ်ခတိုက်ပွဲရောက်တဲ့အထိ တခါမှ စစ်သင်တန်း (ဝါးရင်းတုတ် သင်တန်းမှအပ) အသေအချာ မတက်ဖူးသေးပါ။ ပဒို (နိုင်ငံရေးနဲ့ အုပ်ချုပ်ရေးအရာရှိ) လိုလို သူးခို (စစ်ဖက်အရာရှိ) လိုလိုနဲ့ အပေါ်မရောက် အောက်မရောက် ဘဝကနေ ဝမ်ခတိုက်ပွဲထဲ ရောက်လာသူပါ။

ဝမ်ခ ရောက်ရောက်ချင်း AK 47 တလက်ကိုကိုင်ပြီး သေနတ်ပစ်နည်း၊ ဖြုတ်နည်း၊ တိုက်ချွတ်နည်းတွေကို လက်ပူတိုက် သင်ရပါတယ်။ AK 47 ဟာ အကြမ်းခံနိုင်ဆုံး လက်နက်ဖြစ်ပြီး ဖြုတ် တပ် ဆေးကြောရတာလည်း လွယ်ကူလို့ ကျနော်ရွေးလိုက်တာပါ။ ဒါပေမယ့် သူရဲ့ တခုတည်းသော အားနည်းချက်ကတော့ ကျည်ထွက်တဲ့အခါ မီးပွင့်မှုနှုန်း သိပ်မြင့်တဲ့အတွက် ညတိုက်ပွဲနဲ့ ကြုံတဲ့အခါ မိမိရဲ့နေရာကို တဖက်ရန်သူက မြင်နိုင်တဲ့အချက်  ဖြစ်ပါတယ်။

M 16 ကတော့ မီးပွင့်တဲ့ပြဿနာ မရှိပေမယ့် မကြာခဏ ဂျမ်းဖြစ်တတ်ပါတယ်။ ဒါကလည်း ကျနော်တို့ ကိုင်နေတဲ့သေနတ်တွေက အမေရိကန်စစ်သားတွေကိုင်နေတဲ့ သေနတ်လို အသစ်စက်စက် မဟုတ်ဘဲ အတော် အိုဟောင်းနေလို့လည်း ဖြစ်နိုင်ပါတယ်။

နောက်တခါ နဝတတပ်ဆီက သိမ်းဆည်းရမိတဲ့ G3, G4 လက်နက် အတော်များများကိုလည်း ကျနော်တို့ ကျောင်းသားတွေ အသုံးပြုခဲ့ပါတယ်။ တချို့ စစ်ရေးအတွေ့အကြုံ ရှိသူတွေရဲ့အဆိုအရ နဝတတပ်သားတွေဟာ AK 47, M 16 ကျည်ကို သိပ်မကြောက်ဘဲ G3, G4 ကျည်ကို ပိုကြောက်တယ်လို့ဆိုပါတယ်။ ဒါပေမယ့် ကျောင်းသားတွေ ကြားမှာတော့ G3, G4 က အလွန် လေးလံပြီး ဒီဇိုင်းကလည်း မလှပတဲ့အတွက် သိပ်မကြိုက်ကြပါဘူး။

အဲဒီလို AK 47 တလက်နဲ့ ဟန်ရေးပြနေတဲ့ ကျနော်ဟာ တကယ် တိုက်ပွဲဖြစ်တဲ့အခါမှာတော့ ကတုတ်ကျင်းထဲမှာ တုန်တုန်ရီရီဖြစ်နေပြီး ဆက်သွယ်ရေးမြောင်းဘောင်ပေါ်မှာ လမ်းလျှောက်မပျက်ဘဲ ဝေါ်ကီတော်ကီ ပြောနေဆဲဖြစ်တဲ့ KNU က စစ်ဗိုလ်တွေကို အားကျငေးကြည့်နေသူ၊ AK 47 သေနတ်ကို ကကုတ်ကျင်းထဲကနေ ခေါင်းမဖော်ရဲဘဲ ပစ်နေသူ၊ သေနတ်ပြောင်းတခုစာသာ ဖွင့်ထားတဲ့ ကတုတ်ကျင်း သေနတ်ပစ် ပေါက်ကနေ နဝတဘက်က ပစ်လိုက်တဲ့ကျည်များ ကိုယ့်မျက်နှာဆီတန်းပြီး ဝင်လာမလားဆိုပြီး ဘုရားတနေသူတဦးမျှသာ ဖြစ်ခဲ့ပါတယ်။

“သူများဖုတ်တွေမှာ ဝတ်လစ်စလစ် ကောင်မလေးပုံတွေ ကပ်ထားပြီး ခင်ဗျားဖုတ်မှာတော့ ဘုရားပုံတွေနဲ့ပါလား။ စစ်တိုက်ရင်းနဲ့ ကုသိုလ်တော့ အတော်ရနေပြီ ထင်တယ်နော်” လို့ ကျနော်နဲ့ တပ်စုတခုတည်း တာဝန်ကျတဲ့ ၂၁၁ ရဲဘော်တချို့က စပါတယ် (ကတုတ်ကျင်း၊ ဘန်ကာတွေကို KNU နဲ့ ကျောင်းသားတွေက ဖုတ်လို့ ခေါ်ပါတယ်။ ဆက်သွယ်ရေးမြောင်းကိုလည်း လျှောက်မြောင်းလို့ ခေါ်ကြပါတယ်)။

သူတို့ ပြောမယ်ဆိုလဲ ပြောချင်စရာပါပဲ။

သာမန်အချိန်မှာ ညအိပ်ရာဝင်ရင်တောင် ဘုရှားရှိခိုးမှုကို ပုံမှန်လုပ်လေ့မရှိတဲ့ကျနော်ဟာ အခုတိုက်ပွဲအတွင်းမှာတော့ မနက်တခါ ညတခါအပြင် အချိန်ရတိုင်း ဘုရားရှိခိုး ဆုတောင်းသလိုဖြစ်နေတဲ့အတွက် သူတို့မျက်စိနောက်နေပုံရပါတယ်။

အဲဒီအချိန်က ကျနော်နဲ့တပ်စုတခုတည်း တာဝန်ကျသူတွေထဲမှာ အခု DKBA ဘက်ကိုပြောင်းသွားတယ်ဆိုတဲ့ KNU တပ်စုမှူးတဦးနဲ့ တပ်ကြပ်ကြီးတဦး၊ နောက် ABSDF ရဲ့ ဆက်သွယ်ရေးဌာန အကြီးအကဲဖြစ်လာပြီး အခု သြစတေးလျကို ရောက်သွားတဲ့ ကိုဗျတ္တနဲ့ မုဒုံဖက်က ကျောင်းသား ၃-၄-ဦး။ နောက်တခါ ၂၁၁ တပ်ရင်းမှူနဲ့ ဗဟိုတပ်ထောက်ချုပ်ဖြစ်လာပြီး အခု မဲဆောက်မှာ ကျောင်းဆရာနဲ့ ဂီတဖျော်ဖြေမှု လုပ်နေသူ ကိုဝင်းချို။ နောက် ကျဆုံးသွားကြပြီဖြစ်တဲ့ ကိုနီမင်း၊ ကိုလှသွင်နဲ့ နယ်မြေရုံးအဖွဲ့မှ ကိုမြင့်ဆွေတို့ကို  ကျနော်အမှတ်ရနေပါတယ်။

စစ်မြေပြင်ဆိုပေမယ့် တိုက်ပွဲက တချိန်လုံးဖြစ်နေတာမျိုးတော့ မဟုတ်ပါ။ မနက်စောစောနဲ့ ညနေ ရေချိုးချိန်မျိုးမှာ နဝတဘက်က ပုံမှန်နီးပါး လက်နက်ကြီးနဲ့ ပစ်ခတ်လေ့ရှိပါတယ်။ ဒါပေမယ့် ထိပ်တိုက်ကို တက်ထိုးတာမျိုးဆိုရင်တော့ ဘာအသံမှမပေးဘဲ ငြိမ်နေစဉ် မနက်လင်းအားကြီးမှာ လက်နက်ကြီးနဲ့ ထရစပ်ပစ်ပြီး ရုတ်တရက် ထလုပ်တာမျိုးတွေ ဖြစ်ပါတယ်။ ထိုင်းဘက်ကမ်းကိုကူးပြီး  ကော့မူးရာစခန်းကို နောက်ကျောကနေ ဝင်တိုက်တာမျိုးကိုတော့ နေ့လည်ဘက်မှာ ဗြောင်လုပ်လေ့ရှိပါတယ်။ နဝတဘက်က ပစ်တဲ့ လက်နက်ကြီးတွေကလည်း တကယ့်ကြောက်စရာကောင်းပါတယ်။

၁၂၀ မီလီမီတာ၊ ၈၁ မီလီမီတာ အဝေးပစ်မော်တာအမြောက်ဆံနဲ့ ကျနော်တို့ရဲ့ ကတုတ်ကျင်းအမိုးကို ပြိုအောင်ထုတဲ့ဲ့အချိန်၊ နောက် ကတုတ်ကျင်းကို ကာပေးထားတဲ့ ကြခတ်ဝါးရုံနဲ့ ကျွန်းပင်တွေကို ၈၄ မီလီမီတာ လောင်ချာနဲ့ထုတဲ့အချိန်၊ ဆက်သွယ်ရေးမြောင်းထဲ လမ်းလျှောက်နေသူတွေကို ထိနိုင်ဖို့ အော်လီဂန်းစက်သေနတ် (မူလ အမည်က Oerlikon ဖြစ်ပြီး ၂၀ မီလီမီတာကျည်နဲ့ပစ်တဲ့ ဘော်ဗာ သို့မဟုတ် စက်လက်တမျိုး ဖြစ်ပါတယ်) နဲ့ ကျွန်းပင်တွေ၊ သစ်ကိုင်းတွေကို ပစ်ချိုးတဲ့အချိန်တွေဟာ အတော်စိတ်လှုပ်ရှား ဖို့ကောင်းပါတယ်။

အဲဒီလို လက်နက်ကြီးမျိုးစုံနဲ့ ဆက်တိုက်ပစ်နေတဲ့ အချိန်ဆိုရင် ဆက်သွယ်ရေးမြောင်းထဲမှာရော၊ ကတုတ်ကျင်းထဲမှာပါ ပုန်းနေလို့ မလုံခြုံတော့သလို ခံစားရပါတယ်။ နောက်တခါ ညတိုက်ပွဲတွေမှာ နဝတဘက်ကနေ မီးကျည်ပစ်တဲ့ အချိန်မျိုးဆိုရင်လည်း ကော့မူးရာတခွင်လုံး နေခင်းဘက်ထက်တောင် ပိုလင်းထိန်သွားသလို ခံစားရတဲ့အတွက် ကတုတ်ကျင်းထဲမှာ ကိုယ်ပုန်းနေတာကိုတောင်မှ တဘက်ရန်သူက မြင်နိုင်တယ်ဆိုပြီး သံသယဝင်တဲ့အထိ စိုးရိမ်မှုဖြစ်စေခဲ့ပါတယ်။

အဲဒီကာလ ကျနော်တို့ဘက်က သုံးတဲ့ကျည်တွေကလည်း နဝတထက် သိပ်မညံ့။ ၁၂၀ မမ မရှိပေမယ့် ၈၁ မမနဲ့ ၆၀ မမ မော်တာတွေကို အတော်သုံးနိုင်ခဲ့ပါတယ်။ ၈၄ မမ လောင်ချာမရှိပေမယ့် အဲဒီလောက်နီးပါး အစွမ်းထက်တဲ့ ၈၂ မမ၊ ၅၇ မမ နောက်ပွင့်လောင်ချာတွေ၊ ၆၂ မမ ပုခုံးထမ်း တခါသုံးလောင်ချာ၊ အာပီဂျီ အမှတ်၂၊ အမှတ် ၅၊ အမှတ် ၇ တို့ကို အတော်သုံးနိုင်ခဲ့ပါတယ်။

ပြီးတော့ နဝတရဲ့ အော်လီဂန်း စက်သေနတ်ထက် ပိုအားကောင်းတဲ့ ပွိုင့် ၅ (၅ မမ အချင်းရှိ

ကျည်ကိုသုံးတဲ့စက်လတ်) စက်သေနတ်ကို သုံးနိုင်ခဲ့ပါတယ်။ လက်နက်ငယ်အပိုင်းမှာလည်း M 79 မမ လောင်ချာ။ နောက် M 79 နဲ့ M 16 တွဲထားတဲ့သေနတ်၊ AK စက်လက်၊ M 16 စက်လတ်၊ AK 47, M 16 နဲ့ ကာဘိုင်သေနတ်။ ကျည်တွေကို နဝတလောက် မဖြုန်းနိုင်ပေမယ့် လုံလောက်စွာနီးပါး အသုံးပြုနိုင်ခဲ့ပါတယ်။

Posted in: ABSDF