Thursday, April 26, 2012

သူပုန်ကျောင်းသားတဦးရဲ့ မာရသွန်ခရီး (၂၇)

တတိယအကြိမ် ညီလာခံနဲ့ ABSDF အကွဲအပြဲကာလ

၂ နှစ်တခါ ညီလာခံလုပ်ရမယ်ဆိုတဲ့ ABSDF ဖွဲစည်းအုပ်ချုပ်ပုံ အခြေခံဥပဒေပါ စည်းကမ်းတွေအရ ၁၉၉၁ သြဂုတ်လအစောပိုင်းမှာ တတိယအကြိမ်ညီလာခံ ခေါ်မယ်လို့ ဗဟိုက ဖိတ်စာရောက်လာပါတယ်။ ကျနော်တို့ စခန်းဟာ လူဦးရေ ၃၀၀ ကျော်ရှိတဲ့အတွက် ညီလာခံကိုယ်စားလှယ် ခွဲတန်း ၁၀ ဦးရပါတယ်။ ဒီအတွက် ဖွဲ့စည်းပုံပါ ရွေးကောက်ပွဲကော်မရှင် လုပ်ထုံးလုပ်နည်းတွေအတိုင်း ကိုယ်စားလှယ် ရွေးချယ်ရေးကော်မရှင်ကို ဖွဲ့ပါတယ်။

နှစ်ဘက်ဗဟိုရဲ့ အတွင်းရေးမှူးတွေဖြစ်သွားသူ စခန်းဥက္ကဋ္ဌ ကိုအောင်သန်းဝင်းနဲ့ အတွင်းရေးမှူး ကိုမျိုးဝင်း (နောက်တန်း ၆ ဦးအနက် အလယ် ၂ ဦး) ကို တပ်ရင်းမကွဲမီ သင်တန်းဆင်းပွဲတခုတွင် အတူတွေ့ရစဉ်

တပ်ရင်းဌာနချုပ်ကော်မရှင်၊ ရှေ့တန်း တပ်ခွဲအသီးသီးက ကော်မရှင်ခွဲတွေကနေ လျို့ဝှက်မဲစနစ်နဲ့ ရွေးချယ်မှုအရ ၁၀ ဦးစာရင်းထဲ ပါသွားသူတွေကတော့ ဗဟိုမှာရောက်နေတဲ့ ကိုကျော်ကျော်၊ ကိုခင်မောင်ဝင်းနဲ့ ကိုဌေးအောင်၊ နောက်တခါ စခန်းကော်မတီတွေထဲက ကိုအောင်သန်းဝင်း၊ ကိုမျိုးဝင်း၊ ကိုသိန်းဆောင်၊ ကိုဝင်းမင်းနဲ့ တပ်မှူးတွေထဲကတော့ ကိုဇော်သန်းနဲ့ ကိုဘုန်းကျော်။ ပြီးတော့ စခန်းဥက္ကဋ္ဌဟောင်း ကိုမင်းအောင်တို့ ဖြစ်ပါတယ်။ ကျနော်ကတော့ ကံဆိုးတာလား၊ ကံကောင်းတာလား မပြောတတ်။ ၁၀ ဦး ရွေးတဲ့အထဲ ၁၁ နေရာကနေ ကပ်ပြီး ကျန်နေခဲ့ပါတယ်။

အနီးမှုန်လား။ အဝေးမှုန်လား။

ထက်အောင်ကျော် (၂၆-၀၄-၂၀၁၂)
http://www.colourparliament.com/


အသက် ၄၀-ကျော်ရင် မျက်စိမှုန်တယ်ဆိုတဲ့ ဆိုရိုးနဲ့အညီ ကျနော်လဲ စာကြည့်မျက်မှန် တ လက် ဆောင်ထားရတာ ၂-နှစ်လောက်ရှိနေပါပြီ။ ကြားဖူးနားဝစကားတွေအရ ၂-နှစ်တကြိမ်မျက်မှန် ပုံမှန်စစ်သင့်တယ်ဆိုတာကြောင့် အော်စလိုမြိုတော် နိုဗယ်စင်တာအနီးရှိ ပင်လယ်ကမ်းစပ်က မျက်မှန် ဆိုင်ကို သွားပြီးစစ်ကြည့်မိပါတယ်။ "အနီးမှုန်လား။ အဝေးမှုန်လား" ဆိုပြီး မျက်မှန်စစ်ဆေးသူက မေး ပါတယ်။ "စာကြည့်မျက်မှန် တပ်ထားမှတော့ အနီးမှုန်ပေါ့ဗျ" ဆိုပြီး ပြောတော့ မျက်မှန်စစ်ဆေးသူက မယုံသလိုလိုနဲ့ အနီးရော။ အဝေးပါ စစ်ဆေးနေပါတယ်။

နာရီဝက်နီးပါး စစ်ဆေးစမ်းသပ်ပီးတော့မှ စာလုံးတွေမကြည်လင်တဲ့ အနီးမှုန်သက်သက်ဆို တာကို သူကလက်ခံသွားပုံရပါတယ်။ ပါဝါနဲနဲထပ်တိုးရမယ်။ မှန်လဲရမယ်။ မှန်ခက ဘယ်လောက်။ လက်ခက ဘယ်လောက်ကျတယ်။ ဘယ်နေ့ပြန်လာယူပါလို့ပြောပါတယ်။ ကျနော်လဲ သူပေးလိုက်တဲ့ Appointment စာရွက်ကိုယူပြီး အော်စလိုကမ်းနားက ရဲတိုက်ကုန်းပေါ်တက်။ နေစာလှုံရင်းနဲ့ "ငါဖြစ် နေတာက အနီးမှုံသက်သက်ကောဟုတ်ရဲ့လား" ဆိုပြီး တကိုယ်တော် စဉ်းစားခန်းဖွင့်နေမိပါတယ်။

Thursday, April 19, 2012

သူပုန်ကျောင်းသားတဦးရဲ့ မာရသွန်ခရီး (၂၆)

စင်ပြိုင်အစိုးရ ၀န်ကြီးချုပ်နှင့် သူ၏ သူပုန်တပ်မတော်

ကျနော်မှတ်မိသလောက်ဆိုရင် တပ်ရင်းညီလာခံအပြီး ၁၉၉၀ ဇူလိုင်လကနေ ၁၉၉၁ နှစ်ကုန်ပိုင်း ABSDF ဗဟို နှစ်ချမ်းကွဲတဲ့အချိန်အထိတာဝန်ထမ်းဆောင်ခဲ့တဲ့ စခန်းကော်မတီဟာ စုစည်းညီညွတ်မှု အားအကောင်းဆုံး၊ တည်ငြိမ်မှုအရှိဆုံး ကော်မတီတခုဖြစ်ခဲ့ပြီး အရေးကြီးတဲ့ကိစ္စ အတော်များများကို ဆောင်ရွက်နိုင်ခဲ့ပါတယ်။ ကော်မတီတာဝန်ရှိသူတွေ ထိုင်းနိုင်ငံထဲ ထွက်ပြီး နိုင်ငံတကာ ဆက်ဆံရေး၊ ထိုင်းစီးပွားရေးသမားတွေနဲ့ ဆက်ဆံရေး၊ အလှူရှင်တွေနဲ့ ဆက်ဆံရေး၊ တခြားမဟာမိတ် အဖွဲ့တွေနဲ့ ဆက်ဆံရေး၊ ဘန်ကောက်က ကျောင်းသားတွေနဲ့ ဆက်ဆံရေးကိစ္စတွေကိုပါ ဆောင်ရွက်နိုင်ခဲ့ပါတယ်။ အဲဒီကာလမှာ ဆူခွန်ဗစ် ဆွိုင် ၇၁ ထဲက မင်းသမီးစခန်းရဲ့ရုံးကို ပိတ်ပစ်ခဲ့ပြီး ဆူခွန်ဗစ်လမ်း နောက်တနေရာရှိ ဦးစိုးပိုင် (နောက်ပိုင်း NCGUB ရဲ့ အကြံပေးအရာရှိ) ရဲ့ နေအိမ်ကို စခန်းကော်မတီ စုရပ်နေရာအဖြစ် ကျနော်တို့ အသုံးပြုခဲ့ကြပါတယ်။


ဒေါက်တာ စိန်ဝင်း ၂၀၁ တပ်ရင်း မင်းသမီးစခန်းတွင် မိန့်ခွန်း ပြောနေစဉ်

ဒီလိုနဲ့တနေ့မှာတော့ အထူးပုဂ္ဂိုလ် ၃ ဦးကို ဦးစိုးပိုင်ရဲ့အိမ်မှာ ကျနော်တွေ့ရပါတယ်။ အဲဒီပုဂ္ဂိုလ်တွေကတော့ မာနယ်ပလောကနေ ဘန်ကောက်ကို ရောက်ကာစ စင်ပြိုင်အစိုးရ ၀န်ကြီးချုပ် သချာင်္ပါမောက္ခ ဒေါက်တာ စိန်ဝင်း (အာဇာနည်ခေါင်းဆောင်ကြီး ဦးဘ၀င်းရဲ့သား၊ ဒေါ်အောင်ဆန်းစုကြည်ရဲ့ အစ်ကိုဝမ်းကွဲ)၊ နိုင်ငံခြားရေးဝန်ကြီး ဦးပီတာလင်းပင်၊ ဘဏ္ဍာရေးဝန်ကြီး ဦးဝင်းကိုတို့ ဖြစ်ပါတယ်။ နောက်တပတ်လောက် ကြာတဲ့အချိန်မှာတော့ ဒေါက်တာ စိန်ဝင်းနဲ့ ဘဏ္ဍာရေးဝန်ကြီး ဦးဝင်းကိုတို့ ကျနော်တို့ မင်းသမီးစခန်းဆီ ရောက်လာပါတယ်။

Wednesday, April 18, 2012

ဗြိတိန်နှင့် နော်ဝေသို့ ဒေါ်အောင်ဆန်းစုကြည် သွားမည်

 
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်သည် နှစ်ပေါင်း ၂၄ နှစ်ကျော်အတွင်း ပထမဆုံး ပြည်ပခရီးစဉ် အဖြစ် နော်ဝေနှင့် ဗြိတိန် နိုင်ငံများသို့လာမည့် ဇွန်လတွင် သွားရောက်မည်ဖြစ်ကြောင်း အမျိုးသားဒီမိုကရေစီ အဖွဲ့ ချုပ်ပါတီ (NLD) က ယနေ့ ထုတ်ပြန်သည်။

ဧပြီ ၁၃ ရက်က ဗြိတိန် ၀န်ကြီးချုပ် ဒေးဗစ် ကင်မရွန်း နှင့် ဒေါ်အောင်ဆန်းစုကြည် ရန်ကုန်မြို့ နေအိမ်၌ တွေ့ဆုံစဉ် (ဓာတ်ပုံ - Reuters)

“ရက်အတိအကျ မသိရသေးဘူး၊ ဘယ်လောက်ကြာမယ်ဆိုတာလည်း မသိသေးဘူး၊ သေချာတာကတော့ နော်ဝေနဲ့ အင်္ဂလန် ကို ဇွန်လထဲမှာ သွားပါမယ်”ဟု NLD ပါတီပြောခွင့်ရ ဦးဉာဏ်ဝင်းက ဧရာဝတီကို ပြောသည်။

Friday, April 13, 2012

သူပုန်ကျောင်းသားတဦးရဲ့ မာရသွန်ခရီး ဒုတိယ ပိုင်း

သူပုန်ကျောင်းသားတဦးရဲ့ မာရသွန်ခရီး (၁၄)
on December 29, 2011 4:51 pm
အောက်မေ့ဖွယ် / ဧရာဝတီ။

ကော့မူးရာ (သို့) ABSDF ပထမအကြိမ်ညီလာခံကျင်းပရာ

ကော့မူးရာ ခေါ် ၀မ်ခစခန်းဟာ မဲဆောက်မြို့ကနေ  မိနစ် ၃၀ လောက်ပဲ ကားမောင်းရပြီး ထိုင်းဘက်ကမ်း ၀မ်ခရွာအထိ လိုင်းကားတွေတနာရီတစီးနှုန်း ပြေးနေတဲ့နေရာဖြစ်ပါတယ်။ ဒါ့အပြင် ကျွန်းသစ်တွေနဲ့ အခိုင်မာဆောက်ထားတဲ့ တံတားကြီး ၂ ခုက ၀မ်ခနဲ့ ကော့မူးရာ စခန်းကြားရှိ သောင်ရင်းမြစ်ကို ဖြတ်ကူးဖောက်ထားတဲ့အတွက် မဲဆောက်ကလာတဲ့ အရေးကြီးကားတွေဟာ နာရီဝက်အတွင်း ကော့မူးရာစခန်းထဲအထိ ရောက်နိုင်တဲ့အနေထားဖြစ်ပါတယ်။


 စစ်သင်တန်းဆင်းပွဲတခုအပြီးမှာ တွေ့ရတဲ့ သင်တန်းမှူး ဒုတိယ ဗိုလ်မှူးကြီး အေးမြင့် နဲ့ ABSDF ကော့မူးရာစခန်းမှ သင်တန်းသားများ

ဒီလို ဆက်သွယ်ရေးလွယ်ကူပြီး KNU အထူးတပ်ရင်း ၁၀၁ အခြေစိုက်တဲ့စခန်း ဖြစ်တာကြောင့် ABSDF ပထမ အကြိမ်ညီလာခံ ကျင်းပတဲ့နေရာ ဖြစ်လာတာလို့ ကျနော်ထင်ပါတယ်။
ပထမအကြိမ် ညီလာခံကို နိုဝင်ဘာ ၁ ရက်နေ့ကနေ ၅ ရက်နေ့အထိ ကော့မူးရာမှာ ကျင်းပတာဖြစ်ပေမယ့် ABSDF ဆိုတဲ့အမည်ကိုတော့ အောက်တိုဘာလနှောင်းပိုင်းက သီဘောဘိုးစခန်းမှာ ကျင်းပတဲ့ ကရင်နယ်မြေရောက် ကျောင်းသားစခန်း ၅ ခုမှ ကိုယ်စားလှယ်တွေနဲ့ ဗကသကိုယ်စားလှယ်တွေပါတဲ့ အစည်းဝေးကနေ စတင်ရွေးချယ်ခဲ့တာလို့ အဲဒီ အစည်းဝေးကိုတက်ခဲ့တဲ့ ကျောင်းသားတွေကပြောပါတယ်။

သူပုန်ကျောင်းသားတဦးရဲ့ မာရသွန်ခရီး ပထမ-ပိုင်း


သူပုန် ကျောင်းသားတဦးရဲ့ မာရသွန်ခရီး ၁

ထက်အောင်ကျော် Thursday, 11 August 2011 18:47

အောက်မေ့ဖွယ်။ ဧရာဝတီမဂဇင်း

အခု ကျနော်ရေးမယ့် အဖြစ်အပျက်တွေဟာ ကျနော်ကိုယ်တွေ့တွေကို ကိုယ်ပိုင် ရေးဟန်နဲ့ ရေးသား ထားခြင်းမျှသာ ဖြစ်ပါတယ်။ ABSDF (ကျောင်းသားတပ်မတော်) ရဲ့ သမိုင်းမဟုတ်ပါ။ ABSDF ရဲ့ သမိုင်း တစိတ်တပိုင်းလို့တော့ ပြောမယ်ဆို ပြောလို့ ရနိုင်ပါတယ်။

စက်တင်ဘာ ၁၉-ရက်နေ့မှာ အာဇာနည် ၅-ဦးကျဆုံးခဲ့ရတဲ့ ထားဝယ်မြိုက တပ်ဦးရုံးရှေ့မြင်ကွင်း

ကျနော်တို့ရဲ့ မင်းသမီးစခန်း ဆိုတာဟာ ABSDF မှာ အင်အားအများဆုံး စခန်းတွေထဲက (သီဘောဘိုးနဲ့ သံလွင်ပြီးရင်) တခု ဖြစ်ပြီး ပထ၀ီ အနေထားအရ၊ ပင်လယ်ပြင် စစ်ကြောင်းတွေအရ ထင်ရှားတဲ့ နေရာ တခုဖြစ်ပါတယ်။ ၁၉၈၈ ခုနှစ်ကနေ ၁၉၉၇ ခုနှစ် အထိ ၁၀ နှစ်တာကလအတွင်း ကျဆုံးသွားတဲ့ ကျောင်းသားဦးရေ ၈၀ ကျော်ရှိပြီး အဲဒီထဲက တဒါဇင်လောက်ဟာ တော်လှန်ရေး အစောပိုင်းကာလမှာ လုပ်ကြံ သတ်ဖြတ်ခံရသူတွေ ဖြစ်ပါတယ်။ ဒါဟာ ABSDF ဗဟိုက ထုတ်ပြန်ထားတဲ့ ABSDF တခုလုံးရဲ့ အကျအဆုံးစာရင်း ၃၄၄ ဦးနဲ့ နှိုင်းယှဉ်ရင် တပ်ရင်းတခုတည်းအတွက် အတော် များနေတာကို တွေ့ရမှာ ဖြစ်ပါတယ်။

ဒီမိုကရေစီအရေး တော်လှန်ရေးအတွက် အသက်ပေးသွားကြတဲ့ ကျောင်းသားရဲဘော်တွေကို အမှတ်ရစေဖို့ နှစ် ၂၀ ကျော် ကြာခဲ့ပြီဖြစ်တဲ့၊ မပြီးဆုံးသေးတဲ့ လက်နက်ကိုင် တော်လှန်ရေးအကြောင်း ဖြစ်စဉ် မှတ်တမ်းတချို့ကို သမိုင်းပြုစုသူတွေ၊ နိုင်ငံရေး စိတ်ဝင်စားသူတွေ၊ စာဖတ်သူ လူငယ်တွေ သိရှိ လေ့လာနိုင်ဖို့အတွက် အခုလို ရေးသားလိုက်ရခြင်း ဖြစ်ပါတယ်။

Monday, April 9, 2012

သူပုန်ကျောင်းသားတဦးရဲ့ မာရသွန်ခရီး (၂၅)

နိုင်ငံခြားဘာသာစကား သင်တန်းနဲ့ ခေတ်သစ်သဘောင်္သားများ

အုပ်ချုပ်မှုကိစ္စနည်းနည်း တည်ငြိမ်လာတဲ့အခါမှာတော့ တော်လှန်ရေးရဲ့ ပင်မသင်တန်းတွေဖြစ်တဲ့ စစ်ရေး၊ နိုင်ငံရေး၊ ဆက်သွယ်ရေး၊ကျန်းမာရေး၊ ထောက်လှမ်းရေး ပညာဆိုင်ရာ ရက်ရှည်သင်တန်းတွေအပြင် ဘာသာစကား ရက်တိုသင်တန်း အမျိုးမျိုးဖွင့်ဖို့ ကျနော်တို့ စီစဉ်ခဲ့ပါတယ်။ ပထမဆုံးဖွင်တဲ့ သင်တန်းက အင်္ဂလိပ်စာ အခြေခံသင်တန်းဖြစ်ပြီး အင်္ဂလန်မှ ကျောင်းသားတဦးက စေတနာ့ဝန်ထမ်းအဖြစ် လာသင်ပေးပါတယ်။ ဒါပေမယ့် ပထမ ၃-၄ ရက်လောက်ပဲ သင်တန်းသား ၂၀ လောက် တက်ပြီး တဖြည်းဖြည်းနဲ့ နည်းနည်း သွားတဲ့အတွက် သင်တန်းဆရာလည်း စိတ်ပျက်ပြီး ပြန်သွားပါတယ်။

၂၀၁ တပ်ရင်း ပင်လယ်ပြင်စစ်ကြောင်းမှ တပ်စိပ်တစိပ်ကို မြိတ်ကျွန်းစု ရေပြင်အတွင်း တွေ့ရစဉ်

ဒုတိယဖွင့်တဲ့သင်တန်းကတော့ ထီးထာက ကရင်အမျိုးသမီးနဲ့ လက်ထပ်ထားတဲ့ ထိုင်းကျောင်းဆရာတဦး ဖွင့်တဲ့ ထိုင်းစာသင်တန်းပါ။ A-B-C-D အပါဝင် စကားလုံး ၂၆ လုံးကို အခြေခံထားတဲ့ အင်္ဂလိပ်စာကို မြန်မာနိုင်ငံက ကျောင်းတွေမှာ ကျနော်တို့သင်ဖူးပြီးဖြစ်တဲ့အတွက် သိပ်အထူးအဆန်း မဟုတ်ပါ။ ဒါပေမယ့် ကောကိုင်၊ ခေါ်ခိုင်၊ ခေါခူးဝပ် အပါဝင် စကားလုံး ၄၄ လုံးကို အခြေခံထားတဲ့ ထိုင်းစာကတော့ မြန်မာနိုင်ငံမှာတုန်းက ကျနော် တခါမှမသင်ဖူးသလို ကြားလည်းမကြားဖူး၊ မြင်လည်းမမြင်ဖူးတဲ့အတွက် တကယ့်ကို အသစ်အဆန်း ဖြစ်နေပါတယ်။

Sunday, April 1, 2012

လောင်းလုံးမှာ NLD အမတ်လောင်း ဦးအောင်စိုး အနိုင်ရဟုဆို

၀၁-၀၄-၂၀၁၂-ညနေပိုင်း
လောင်းလုံး။

တနသာင်္ရီတိုင်း လာင်းလုံးမြိုနယ် NLD ပါတီအောင်နိုင်ရေးအဖွဲ့တာဝန်ရှိသူတဦးရဲ့ပြောဆိုချက် အရ မြိုနယ်အတွင်းရှိ မဲရုံ ၁၀၇-ရုံစလုံးမှာ NLD အမတ် ဦးအောင်စိုးက အနိုင်ရသွားတယ်လို့ သိရပါတယ်။
မြိုနယ်ကော်မရှင်ရဲ့စာရင်းထုတ်ပြန်ချက်အရ NLD အမတ်လောင်း ဦးအောင်စိုးက မဲအရေ တွက် ၃၆၈၆၃-မဲရပြီး ကြံ့ခိုင်ရေးပါတီအမတ်လောင်း ဦးစိမ်းမောင်က မဲအရေတွက် ၇၉၁၆ -မဲရတယ်လို့သိရပါတယ်။

ဒါဟာမဲပေးခွင့်ရှိသူ ၅၇၇၉၈ ထဲက ၄၈၁၀၅-ဦးလာပေးတာဖြစ်တဲ့အတွက် ဦးအောင်စိုးက ၇၆-ရာခိုင်နှုံး။ ဦးစိမ်းမောင်က ၁၆-ရာခိုင်နှုံးရခဲ့တာဖြစ်တယ်လို့သိရပါတယ်။

 

လောင်းလုံးမြိုနယ်မှာ အနိုင်ရသွားတဲ့ NLD အမတ် ဦးအောင်စိုး လူထုကို လိုက်နှုတ်ဆက်နေစဉ်-

 ၄၅-နေရာမှာ ၄၃-နေရာနိုင်တယ်လို့ NLD ဗဟိုရဲ့ ထုတ်ပြန်ချက်

Share

Twitter Delicious Facebook Digg Stumbleupon Favorites More