Monday, December 30, 2019

ချင်းတောင်တန်းသို့ခရီးသွားခြင်း (၄)

မင်းတပ်မှ ဟားခါးသို့...

အေးလို့လားမသိဘူး။ မနက်အစောကြီးနိုးလာပါတယ်။ တည်းခိုဆောင်ရဲ့ နောက်ကျောဖက် တောင်တန်းပေါ် မှာ မြူတွေဆိုင်းလို့။ အောက်ဆင်းပြီး ဓာတ်ပုံရိုက်ဖို့ပြင်တော့ အအေးဒဏ်ကိုမခံနိင်။ အနွေးထည်ပါးပါး အပြင်  ခေါင်းစွပ်နဲ့ လည်စွပ်ကို အသေချာပြန်ဝတ်ရပါတယ်။ (၇)နာရီလောက်မှာတော့ မနေ့က လွှတ်တော် အမတ်က ကားနဲ့ရောက်လာပြီး နံနက်စာစားဖို့ လာခေါ်ပါတယ်။ အပေါ်ဖက်တက်လိုက်တော့ မင်းဒပ်မြို့ လယ်။ တောင်တက်လမ်းကြမ်းခဲ့ပေမယ့် မြိ့လယ်မှာတော့ နိင်လွန်ကတ္တရာခင်းထားတာ တွေ့ရပါတယ်။ ဒီမြိုံကလည်း တခြားတောင်ပေါ်မြိံတွေလိုပါပဲ။ တောင်ထိပ်ကျောတလျောက်မှာ မြိ့တည်ထားတာဆိုတော့ အိမ်တွေ ဆိုင်တွေက လမ်းဘေးတဖက်တချက်ဆီမှာ။



( မင်းတပ်မြို့အ၀င်မှာ တည်ဆောက်နေဆဲ ဦးဝမ္မသူးမောင်း ပန်းခြံ)
ဈေးသစ်ကြီးရှေ့မှာကားရပ်ပြီး အဲဒီနားက လဖက်ရည်ဆိုင်မှာ ထိုင်ပါတယ်။ ချင်းတောင်ရောက်နေပြီဖြစ်ပေမယ့် ချင်းအစားစာ အခုထိမစားရသေး။ အဲဒီဆိုင်မှာလည်း အညာကဆိုင်တွေလိုပဲ လဖက်ရည်၊ ကော်ဖီ (ရက်ဒီမိတ်) စမူဆာ၊ အီကြာ၊ ပလာတာ၊ ကောက်ညှင်းပေါင်း စသဖြင့်ရပါတယ်။ (မုန့်ဟင်းခါးတော့ ချင်းမြို့အတော်များများမှာ မတွေ့ရဘူး) လူတွေအားလုံးက အနွေး ထည်တွေနဲ့၊ ကားတွေကလည်း (၄) ဘီးယက်တွေချည်း။ (အရင်ခေတ်ကဆိုရင်တော့ ဂျစ်ကားနဲ့မှ အဆင်ပြေ မယ့် နေရာမျိးထင်ပါတယ်)။ ဆိုင်ကယ်တွေလည်း အတော်များပါတယ်။ 

တယ်လီဖုန်းက အပူချိန်ကို ချက်ကြည့်တော့ (၁၄) ဒီဂရီစင်တီဂရိတ်တဲ့။ အအေးကြီးမဟုတ်။ ဒါပေ မယ့် ပင်လယ်ရေပြင်ရဲ့ အမြင့်ပေ (၄၆၂၀) အမြင့်မှာရှိတဲ့ တောင်ပေါ်မှာဆိုတော့ လေတဟူးဟူး နဲ့ အေးတာပေါ့။ ဈေးကိုကျော်ပြီး နည်းနည်းဆက် မောင်းလာတော့ အမတ်ကြီးရဲ့အိမ် သို့မဟုတ် NLD ဆိုင်းဘုတ်တင်ထားတဲ့ အိမ်ဆီရောက်ပါတယ်။ ခင်ဗျားက သစ်ပင်တွေကို စိတ်ဝင်စားတယ်ဆိုတော့ ဒီမှာတွေ့လား ထောပတ်သီးအပင်။ ဒါစိုက်ထားတာမဟုတ်ဘူး။ သဘာဝအတိုင်းပေါက်လာတာ ဆိုပြီး ပြူတင်းပေါက်ကနေ လှမ်းခူးလို့မီနေတဲ့ ထောပတ်သီးပင်ကို ပြပါတယ်။ ဟိုဖက်ခြံထဲမှာတော့ လိမ်မော်ပင်တချို့။ 

မြို့ပြစီမံကိန်း (မင်းတပ်က ခရိုင်မြိ့ဖြစ်လာလို့) အတွက် လမ်းတွေချဲ့နေလို့ အိမ်တွေ နောက်နည်းနည်းဆုတ် ပြီး ဆောက်နေကြတာတွေ့ရပါတယ်။ တချိ့ကလည်း နောက်မဆုတ်ချင်လို့ အခုထိ တင်းခံနေဆဲ။ နောက် ဆုတ်ပြီး အသစ်ဆောက်နေတဲ့ တိုက်အိမ်တွေက စိတ်ဝင်စားဖို့ကောင်းပါတယ်။ စာရေးသူတို့ နော်ဝေက အိမ်တွေလိုမျိး။ မြေကိုမညှိပဲ တိုင်ကိုညှိဆောက်တဲ့အိမ်တွေ။ ရန်ကုန်နဲ့ မြေပြန့်မှာတွေ့ဖူးတဲ့ အင်ဂျင်နီ ယာအတော်များများကတော့ အိမ် (အဆောက်ဦ)မဆောက်ခင် မြေကိုညီအောင် အရင်ရှင်းလေ့ရှိပါတယ်။ ရှိသမျှသစ်ပင်ကြီးတွေကို အကုန်ခုတ်လှဲပါတယ်။

ချင်းပြည်မှာတော့ အဲလိုမဟုတ်။ နည်းနည်းအနောက်ဆန်တယ်ပြောရမလား။ Enviromental friendly ဖြစ်တယ်လို့ ဆိုရမယ်။ ရှေ့အခန်းတခုမှာတင်ပြခဲ့တဲ့ ဧရာဝတီမြစ်ဘေးက ရန္တာပို ဟိုတယ်လိုပေါ့။ သစ်ပင်ကြီးတွေကို မခုတ်လှဲပဲ သစ်ပင်နဲ့လိုက်လျောညီထွေဖြစ်အောင် အိမ်ကိုဆောက်လိုက်တာမျိုး။ လမ်းမ ပေါ်ကနေ ကြည့်လိုက်ရင် အိမ်က မြေညီထပ်တခုနဲ့ အပေါ်ထပ် နှစ်ခုသာမြင်ရပေမယ့် မြေအောက်မှာ နောက် နှစ်ထပ်တောင် ရှိပါသေးတယ်။ လမ်းမပေါ်ကနေ အဲဒီအထပ်ဆီ တိုက်ရိုက်ဝင်ပေါက်မရှိတော့ပေမယ့် နောက် ဖေးပြူတင်းပေါက်ကနေတ တောင်ပြာတန်းတွေကို မြင်နိင်တဲ့မြင်ကွင်းနဲ့ ဘေးမှာလည်း ပြူတင်းပေါက်ရှိတဲ့အတွက် ဒီအောက်အဆင့် နှစ်ထပ်ကလည်း နေလို့အဆင်ပြေပါတယ်။

မင်းတပ်က မထွက်ခွာခင် တောင်ကုန်းတခုမှာရပ်ပြီး ဒီဒေသရဲ့အထင်ရှားဆုံး (ဒီမြိုံကိုလာလယ်သူ အားလုံးနီးပါး သွားလယ်တဲ့တောင်) နတ်မတောင်ကို အမတ်ကြီးက လှမ်းပြပါတယ်။ ဟိုးခပ်ဝေးဝေးက မဟာတောင်တန်းကြီး တခု။ ဟားခါးက ပြန်လာမှ လိုက်ပို့မှာတဲ့။ (အဲဒီတောင်ကို မင်းတပ်ဖက်ကနေ သွားလို့ရသလို ကန်ပက်လက်ဖက်ကနေ လည်း တက်လို့ရပါတယ်)။

မနက် (၈)နာရီခွဲလောက်မှာတော့ မင်းတပ်ကနေ ဟားခါးကို ကျနော်တို့ကား စတင်ထွက်ခွာပါတယ်။ မိုင် (၂၀၀) ၀န်းကျင်မောင်းရမှာတဲ့။ ရန်ကုန်-မန္တလေး အမြန်လမ်းလို တနာရီ ကီလိုတရာနဲ့ဆိုရင်တော့ ၃ နာရီ အတွင်း ရောက်မှာပေါ့။ အခုက တောင်ပေါ်လမ်းကြမ်းဆိုတော့ မိုးမချပ်ခင် ဟားခါးဝင်နိင်ရင် ကံကောင်း။ မြိ့အထွက်နား မှာ ပထမ ဆုံးကားရပ်ပြီး ကျနော်ကိုပြတဲ့နေရာက ဦးဝမ္မသူးမောင်း ပန်းခြံ။ လွတ်လပ်ရေးကြိုးပန်းစဉ်ကာလက ဗိုလ်ချုပ်အောင်ဆန်းနဲ့အတူ လက်တွဲဆောင်ရွက်ခဲ့တဲ့ ချင်းခေါင်းဆောင်ကို ဂုဏ်ပြုဖို့ ဒီပန်းခြံကိုဆောက်နေတာ အခုမှ ရက်ပိုင်းပဲရှိပါသေးတယ်။

ရှေ့မှာပြောခဲ့တဲ့ နော်ဝေးမှာ ဒေါ်အောင်ဆန်းစုကြည်ပန်းခြံ လုပ်တဲ့အဖွဲ့က လူတွေ မင်းဒပ်ရောက်ခဲ့တဲ့ လွန်ခဲ့ သီတင်း နှစ်ပတ်လောက်ကမှ ဒီပန်းခြံကို အုတ်မြစ်ချပွဲလုပ်ခဲ့တာပါ။ ဗိုလ်ချုပ်နဲ့လက်တွဲဆောင်ရွက်ခဲ့တဲ့ တိုင်းရင်းသားခေါင်းဆောင်တွေ ဂုဏ်ပြုပွဲကလည်း ဗိုလ်ချပ်ရုပ်တုတွေလိုပဲ NLD အစိုးရလက်ထက်ကျမှ လုပ်ခွင့်ရကြတာမျိုးမဟုတ်လား။ 

ထူးခြားတာကတော့ ချင်းပြည်နယ်ခရီးစဉ်အတွင်း ဗိုလ်ချုပ်ရုပ်တု ပြသာနာအကြောင်းမကြားခဲ့ရပါဘူး။ (တခြားပြည်နယ်အတော်များများမှာ ဗိုလ်ချုပ်ရုပ်တုစိုက်လို့ တိုင်းရင်းသားတွေက ကန့်ကွက်တာ။ အဲလို ကန့်ကွက်သူတွေကို NLD အစိုးရ ၀န်ကြီးချပ်တွေက ဖမ်းဆီးထောင်ချတာတွေရှိနေ)။ ပန်းခြံဆိုလို့ အခု ကျနော်တို့ရဲ့ ဟားခါခရီးစဉ်မှာ နောက်ထပ်ပါလာသူတဦးက ရှေ့မှာပြောခဲ့တဲ့ ဒေါ်အောင်ဆန်းစုကြည်ပန်းခြံကို ဦးစီးဆောင်ရွက်ခဲ့သူ ကိုဂျွန်မန်းရဲ့အဖေ (ဒီဇင်ဘာလအစောပိုင်းက နော်ဝေပန်းခြံအဖွဲ့နဲ့ ဒေါ်အောင်ဆန်စုကြည် တွေဆုံစဉ်ပါဝင်ခဲ့သူ)။ သူ့အသက်က (၈၀)ကျော်နေပြီဖြစ်ပေမယ့် မြေပြန့်က အဖိုးကြီးတွေလိုမဟုတ်။ ဖြတ် လတ် တက်ကြွနေဆဲ။


ဘုလက်လှဆွေမြို့မှာ ခဏတာ

တောင်အဆင်းမှာတော့ ဟုိုးခမ်းဝေးဝေးမှာ တောင်အောက်ရောက်နေတဲ့ တိမ်တိုက်တွေကို လှမ်းမြင်နေရပါ တယ်။ မနေ့ညက မှောင်မှောင်မဲမဲနဲ့ ဘာမှမမြင်ရတဲ့လမ်းကို အခုမှ အသေချာပြန်ကြည့်နေရပါတယ်။ အနှစ် ချုပ်ရရင် မနေ့က လာလမ်းအတုိုင်း ကျောက်ထုအထိပြန်ဆင်း၊ အဲဒီကမှ ဘယ်ဖက်ကိုချိုးပြီး ထီးချိုင့်လမ်းခွဲ ဖက် ကွေ့ပါတယ်။ (တည့်တည့်ဆက်မောင်းရင် ပခုက္ကူရောက်မယ်)။ မကွေးတိုင်းထဲ မဆင်းပဲ မင်းတပ်ကနေ ဟားခါးအထိ တောင်ပေါ်လမ်းရှိပေမယ့် လမ်းဆိုးတာကြောင့် ချင်းတောင်ကနေ မကွေးတိုင်းက မြို့တွေ ကို ဖြတ်၊ ပြီးမှ ချင်းတောင်ပြန်တက်တဲ့ လမ်းကိုရွေးရတာဖြစ်တယ်လို့ အမတ်ကြီးကရှင်းပြပါတယ်။

(ထီးချိုင့်မြို့မှာတွေ့ရတဲ့ ဒီးဒုတ်ဦးဘချိုကျောက်တိုင်နေရာ)

(ခရီးအတူသွားတဲ့ ရဲဘော်ကြီးများ)

မကွေးနဲ့ ချင်းတောင်ခြေအစပ်မှာ မြေပြန့်ကအကျယ်ကြီး။ လမ်းတွေကလည်း သိပ်မဆိုးဘူး။ အိမ်စီးကားသေး လေးတွေအပါဝင် မီနီဘတ်စ်တွေ၊ ကုန်ကားတွေ အတော်များများ ဒီလမ်းမှာသွားနေတာတွေ့ရပါတယ်။ ထီးချိုင့် ရောက်တော့ စည်-ပင် ခြံဝင်းလားမသိဘူး။ ၀န်ထမ်းအိမ်တန်းတွေရဲ့ နောက်ဖေးမှာ ပြိုပျက်နေပြီဖြစ်တဲ့ ဒီးဒုတ် ဦးဘချိုရဲ့ ကျောက်တိုင်ကို သွားရောက်အလေးပြုကြပါတယ်။ ရှေ့မှာပြောခဲ့တဲ့ ဦးဝမ္မသူးမောင်းဟာ အင်္ဂလိပ် တော်လှန်ရေးအတွက် ဗမာအစိုးရကိုယ်စားလှယ် ဒီးဒုတ်ဦးဘချိုနဲ့ ဒီနေရာမှာ စာချုပ်ချုပ်ခဲ့ပါတယ်။ အရေးပေါ် အခြေအနေအရ အမှတ်အသားကို ကပ်ထူစက္ကူနဲ့ပဲ ကျောက်တိုင်လုပ်ခဲ့ရလို့ မူလကျောက်တိုင်က မရှိတော့ဘူး။ အခုနေရာကိုတောင် မနည်းပြန်လည်ဖေါ်ထုတ်ထားရတယ်လို့ မင်းတပ်သားနှစ်ဦးက ကျနော်ကို ရှင်းပြပါတယ်။ (မင်းတပ်က ပန်းခြံလိုပဲ ဒီးဒုတ်ဦးဘချိုကျောက်တိုင်နေရာကိုလည်း လွန်ခဲ့တဲ့ သီတင်းနှစ် ပတ်ခန့်ကမှ ပြန်လည် ဖေါ်ထုတ် ထားတာပါ)။

ထီးချိုင့်ကထွက်တော့ ဂန့်ဂေါမြို့ကို ဦးတည်ပါတယ်။ တကယ်ဆိုထီးချိင့်က ထွက်လာတဲ့အထိ ချင်းတောင် တက်မယ်ဆိုရင် ဂန့်ကောမြို့ကိုဖြတ်သွားရမယ်ဆိုတာကို ကျနော်မသိသေး။ အင်း- ဘုလက်လှဆွေနဲ့ အင်တာ ဗျုးရရင် မဆိုးဘူးပေါ့။ ဂန့်ကောကိုကိုယ်သိတာက ဘူးလက်လှဆွေနဲ့ တွဲပြီးသိထားတာ။ ထီးချိုင့်နဲ့ ဂန့်ကော လမ်းက အတော်သာယာတယ်ပြောရမယ်။ ကားလည်းသိပ်မများ၊ တောတောင်ရှုခင်းတွေကလည်းလှပ၊ အပူ ချိန်ကလည်း သိပ်မများဘူးဆိုတော့ ကားပြူတင်းဖွင့်ပြီး လေကောင်းလေသန့်ရှုခွင့်ရခဲ့ပါတယ်။ (အပူချိန်က မင်းတပ်မှာ (၁၄) ဒီဂရီရှိပေမယ့် ကျောက်ထုကနေ ထီးချိုင့်၊ ဂန့်ကောလမ်းတလျောက်မှာတော့ (၂၄) လောက် ရှိပါတယ်)။

လမ်းမှာတွေ့ရတဲ့ရွာကြီးတရွာက မင်းရွာဆိုလား။ ယောနယ်ကပြုစားမှုများထဲက နာမည်ကြီးတဲ့ရွာဖြစ်တယ်လို့ ဆိုပါတယ်။ အခြေအနေသိရအောင် လဖက်ရည်ဆိုင်ဝင်ထိုင်ကြည့်မလားဆိုတော့ မလုပ်ပါနဲ့ လွန်ခဲ့တဲ့နှစ်ပေါင်း များစွာကဖြစ်ခဲ့တာတွေပါ။ အခုတော့ အားလုံးပုံမှန်ဖြစ်သွားခဲ့ပါပြီ။ အရင်က အကြောင်းတွေလျောက်ပြောမိတဲ့ ဘုလက်လှဆွေတောင် ဒီရွာကနေ တရားစွဲမယ်ဆိုပြီး သတိပေးတာ ခံရဖူးတယ် ဆိုပါတယ်။

ပြောရင်းနဲ့ ဂန့်ဂေါမြို့ထဲဝင်လာပြီ။ သူက ရှေ့မှာတွေ့ခဲ့တဲ့ ကျောက်ထု၊ ထီးချိုင့်တို့ထက် ပိုကြီးပါတယ်။ ခရိုင်မြို့ ဖြစ်မယ်ထင်ပါတယ်။ ဟားခါးကိုသွားမယ်ဆိုရင် ဒီမြို့ကိုဖြတ်ရပါတယ်။ ကလေးမြို့အထိ လေယဉ်နဲ့သွားသူတွေ တောင် ဒီမြို့ကိုဖြတ်ပြီးမှ ဟားခါးကို သွားရတယ်ဆိုပါတယ်။ ဒါမှမဟုတ် ကလေးကနေ ဖလမ်းဖက်သွားပြီး အဲဒီ ကနေ ဟားခါးဝင်လည်းရပါတယ်။ ဒါမှမဟုတ် ပခုက္ကူ၊ ချောက်ဖက်ကနေ ဒီမြို့ဆီလာပြီး ဟားခါးကိုသွားလည်း ရပါတယ်။ ဒီလိုနာမည်ကြီးတဲ့မြို့မှာ မြို့အ၀င်ဆိုင်းဘုတ်နောက်ခံနဲ့ selfie လေးတော့ဆွဲဦးမှဆိုပြီး ဆိုင်းဘုတ် လိုက်ရှာတာ ကလေးဖက်သွားတဲ့ ဟိုမြို့ပြင်အထိ ထွက်လိုက်ရပါသေးတယ်။



(ဂန့်ကောမြို့လယ်က လမ်းခွဲဆိုင်းဘုတ်များ)

တောင်ပေါ်လမ်းမတက်ခင် နေ့လယ်စာတော့စားသွားမှဆိုပြီး လမ်းဆုံက ထမင်းဆိုင်ကိုဝင်တော့ ထားဝယ်က နေ ဘုရားဖူးလာတဲ့ ဘုန်းကြီးကားတစီးနဲ့တွေ့ပါတယ်။ ဆိုလိုတာက ဒီလိုဝေးလံခေါင်းဖျားတဲ့ဒေသဆီ လူ အသွားအလာ သိပ်မရှိဘူးလို့ထင်ထားတဲ့နေရာမှာ ထားဝယ်ကနေ ဘုရားဖူးလာသူတွေတောင် မုံရွာဖက်က ပတ်ဆင်းပြီး ကလေးမြို့ကတဆင့် ဂန့်ကောကိုရောက်လာတာတဲ့။ လမ်းပန်းဆက်သွယ်ရေးကောင်းလာတော့ အညာနဲ့ အကျေနဲ့အတူတူဖြစ်သွားပြီပေါ့။ ထမင်းဆိုင်ကတော့ ထုံးစံအတိုင်း ထမင်းအေး၊ ဟင်းအေးပဲ ရပါ တယ်။ အငတ်ခံမလား၊ အဆာပြေစားမလား။ သင်ကြိုက်ရာရွေးပါပဲ။

ဘူးလက်လှဆွေလား။ သူက ဒီမှာနေတာမဟုတ်ဘူး။ ရန်ကုန်မှာနေတာ၊ ဒီမြို့နယ်ကနေ လွှတ်တော်အမတ် အဖြစ်လာအရွေးခံတဲ့အတွက် ဂန့်ကောက ဘူးလက်လှဆွေဆိုပြီး နာမည်တွင်နေတာ။ အခုတော့ ဟောပြော ပွဲတခုမှာ ဘရိတ်မအုပ်ပဲ လျောက်ပြောမိလို့ ရဲကနေ ဖမ်းဝရမ်းအထုတ်ခံထားရတဲ့အတွက် တိမ်းရှောင်နေတယ် လို့ သိရပါတယ်။ ဘူးလက်တို့မြို့ကအထွက်မှာတော့ တခါ မကွေးတိုင်းက နှုတ်ခွန်းဆက်သပါ၏။ ချင်းပြည်နယ် မှကြိုဆိုပါ၏ ဆိုတဲ့ဆိုင်းဘုတ်ကို တခါတွေ့ရပြန်ပါတယ်။ ဟားခါးသို့တောင်အတက်က မင်းတပ်သို့ အတက်နဲ့ မတူဘူး။ အတော့်ကိုရှည်လျားထွေပြားပါတယ်။ မင်းတပ်အတက်က (၇)မိ်ုင်သာရှိပေမယ့် ဒီမှာ (၇၀)လောက် ရှိ မယ်ထင်ပါတယ်။

အညာရဲ့အငွေ့အသက်ကနေ တောင်ပေါ်အငွေ့အသက်တွေရလာပြီ။ မြူခိုးတွေကိုစမြင်ရပြီ။ ထင်းရှုးပင်တွေ ကိုစမြင်ရတဲ့နေရာက လုံးကျွေးရွာ။ တောင်ပေါ်လမ်းတွေက ကျဉ်းတဲ့အပြင် အကောက်အကွေ့ကလည်း များ လွန်းလှပါတယ်။ ဒါပေမယ့် နေရာတိုင်းလိုလိုမှာ လမ်းပြင်တာ၊ လမ်းချဲ့တာလုပ်နေတဲ့အတွက် မကြာခင်လပိုင်း အတွင်း ဒီလမ်းဟာ အတော်လေး တိုးတက်ကောင်းမွန်လာလိမ့်မယ်လို့ မျှော်လင့်ရပါတယ်။ ဒီလောက် အကွေ့ အကောက်များတဲ့လမ်းမှာ မှန်လုံဘတ်စ်ကားအကြီးကြီးတွေပြေးနေတာ အံ့သြစရာ။ တကယ်ဆို အိမ်စီးကား လေးတွေတောင် သိပ်တွေ့ရတာမဟုတ်။ အတော်များများက (၄)ဘီးယက် ကားတွေချည်းပါပဲ။


တိမ်တွေပေါ်ကမြို့တော် ဟားခါး

မိုင် (၇၀)သာရှိတယ်ဆိုပေမယ့် တနာရီမှ မိုင် (၃၀)လောက်ပဲခရီးပေါက်သလားမသိပါ။ လမ်းကလည်းကြမ်း တော့ ဗိုက်ဆာပြန်ပြီ။ ကားကိုလည်းအနားပေးဖို့လိုသေးတယ်မို့လား။ ဒီလိုနဲ့ ဟားခါးနဲ့မိုင် (၄၀)အလို လမ်တုန့် ရွာမှာ ထမင်းစားပြန်ပေါ့။ ထမင်းအေး-ဟင်းအေးပါပဲ။ ဒါပေမယ့် ဒေသထွက် ကော်ဖီသောက်ခွင့်ရအတွက် မဆိုး ပါဘူး။ နောက်ထပ် တောင်အလုံးများစွာကိုကျော်၊ အကွေ့ပေါင်းများစွာကိုဖြတ်သန်းပြီးနောက် ညနေ (၄) နာရီ လောက်မှာတော့ ‘’ဟားခါးမြို့မှ ကြိဆိုပါ၏၊ ပင်လယ်ရေမျက်နှာပြင်အထက် (၆၁၂၀) ပေ’’ ဆိုတဲ့ဆိုင်းဘုတ် ကို တွေ့ရပါတယ်။












(မနက် ၆ နာရီခွဲခန့် View Point ကနေမြင်ရတဲ့ တိမ်တွေပေါ်က ဟားခါးမြို့)
ဆိုင်းဘုတ်ဘေးနား တောင်ကုန်းပေါ်မှာတော့ တပ်စခန်းတခု။ ဟားခါးမြို့ကို အပေါ်စီးကနေမြင်နိုင်တဲ့ တောင် ကုန်း၊ မနက်ပိုင်းကျရင် တိမ်ပင်လယ်ကိုလာကြည့်ရမဲ့တောင်ကုန်းလို့ အမတ်ကြီးကပြောပါတယ်။ ဟားခါးက မင်းတပ်ထက်တော့ မြေပြန့်ပိုများပါတယ်။ တောင်ထိပ်ဧရိယာပိုကျယ်တယ်ပြောရမလား။ မြို့လယ်မှာ လွတ် တော်အဆောက်ဦသစ်နဲ့ အစိုးရရုံးတွေကိုလှမ်းမြင်နေရပါတယ်။ ဟိုဖက်တောင်ထိပ်မှာတော့ ဒုက္ခသည်စခန်း လိုလို ပြွတ်ညှပ်နေတဲ့အိမ်တွေအများကြီးကို လှမ်းမြင်နေရနေပါတယ်။ (လွန်ခဲ့တဲ့ နှစ်တွေက ဟားခါးမှာမြေပြို လို့ အဲဒီကနေလူတွေကို အခုမြင်နေရတဲ့ တောင်ထိပ်က အိမ်အသစ်တွေမှာ နေရာချပေး ထားတယ်လို့သိရပါ တယ်)။

မြို့ထဲရောက်တော့ ဟိုတယ်မှာမတည်းပါနဲ့၊ လွှတ်တော်အမတ် ဧည့်ရိပ်သာမှာပါမှာပဲ တည်းပါဆိုပြီး အမတ်ကြီး က အတင်းခေါ်တာနဲ့ နှစ်ထပ်ကွမ်း VIP ထပ်ဖြစ်သွားပြန်ပါတယ်။ ဒီရိပ်သာက ဆောက်ထားတာမကြာသေးဘူး ဆိုပါတယ်။ ကြယ်သုံးပွင့်အဆင့် ဟိုတယ်လောက်ရှိတဲ့အတွက် နေပြည်တော်က စည်ပင်ရိပ်သာမှာနေရတဲ့ အမတ်မင်းတွေထက် ချင်းပြည်နယ်က အမတ်မင်းတွေက ပိုသားနားတာပေါ့ဆိုပြီး နောက်ဖြစ်လိုက်ပါသေး တယ်။ ပြီးတော့ ကျနော်ရောက်ဖူးသမျှ မြို့တော်အတော်များများမှာ ပါလီမန်တွေ၊ အစိုးရရုံးတွေက မြို့ပြင် လယ် ကွက်တွေထဲမှာ။ (အထူးသဖြင့် တနသာင်္ရီတိုင်းဆို သိသာပါတယ်)။ ချင်းပြည်နယ်မှာတော့ ထူးထူးခြားခြား အစိုးရရုံးရော၊ လွှတ်တော်ရော မြို့လယ်မှာ။ ဒီဇိုင်းကလည်း မိုက်တယ်။ အမေရိကန်လွှတ်တော် ကယ်ပီတယ် စတိုင်နဲ့။

ဒီအဆောင်မှာတော့ ရေ-ပူ ရေအေးရတဲ့အတွက် ရေအမြန်ချိုးလိုက်ရပါတယ်။ ဒါပေမယ့် အအေးဓာတ်က (၁၀) ဒီဂရီပဲရှိတဲ့အတွက် ကိုယ့်မှာပါလာတဲ့ အနွေးထည်ပါးပါးလေးနဲ့ ဘယ်လိုမှအဆင်မပြေတော့ပါ။ ညစာလိုက် ကျွေးတဲ့ ကိုဂျွန်မန်းရဲ့ အကိုဆီကနေ အနွေးထည်တထည်ကို အတင်းယူငှားလိုက်ရပါတယ်။ နောက်ဆိုရင် တော့ ချင်းတောင်သွားရင် အနွေးထည်မေ့လို့မဖြစ်။ ဒါက ညနေပိုင်းအအေးချိန်ပဲရှိပါသေးတယ်။ မနက် အအေး ချိန်က (၈) ဒီဂရီစင်တီဂရိတ်ပဲရှိပါတယ်။ ဒီလောက်အေးပေမယ့် တည်းခိုဆောင်မှာ Heater မရှိပါ။ အဲကွန်းကို (၃၁) အထိတင်ထားရင် အဲဒါ Heater ပဲတဲ့၊ အမတ်ကြီးကပြောပါတယ်။

ချင်းတောင်ရောက်တဲ့ နှစ်ရက်စလုံး အအေးဒဏ်ကြောင့် ကောင်းကောင်းအိပ်မပျော်။ မနက် (၄) ခွဲလောက်ဆို နိုးနေပြီ။ (ရန်ကုန်မှာတုန်းက ည(၁၂) နာရီကျော်မှအိပ်လေ့ရှိပြီး မနက် (၇) နာရီကျော်မှ ထလေ့ရှိပေမယ့် ဒီခရီး စဉ်အတွင်းမှာတော့ စောစောအိပ် စောစောထဖြစ်ပါတယ်)။ ပြူတင်းပေါက်ဖွင့်ပြီး အရုဏ်တက်ပြီလားဆိုပြီး အပြင်ကို ကြည့်လိုက်တော့ ဟိုအောက်က လွင်ပြင်တခုလုံး ဖြူဖွေးနေလေရဲ့။ ငါတို့အဆောင်က ဧရာတီမြစ် ဘေးမှာလားလို့တောင် ထင်လိုက်မိသေး။ အဲဒါ လူပြောများနေတဲ့ တိမ်ပင်လယ်ဆိုတာပါပဲ။ ကဲ…အမတ်ကြီး မြန်မြန်ထ၊ မနေ့ညနေကမြင်ခဲ့ရတဲ့ View Point ဆီ အမြန်ပြေးမှာဖြစ်မယ်ဆိုတော့ သူက အေးဆေးပါပဲ။ ဒီ တိမ်တွေက နေရောင်လာမှ ကြွလာမှာ အဲဒီအချိန်မှ ကြည့်လို့ကောင်းတယ်တဲ့။

ကိုယ်ကတော့ မရဘူး။ View Point မှ View Point ပဲ။ ဒီလိုနဲ့ ဗျုးပွိုင့်ရောက်တော့ မနက် (၆) နာရီကျော်ကျော် လေးပဲရှိဦးမယ်။ အနောက်မှာ တောင်ကျောကြီးတခုခံနေတဲ့အတွက် နေရောင်က ဟိုးအဝေးက တောင်ထိပ်ဆီ ကနေ မြို့ထဲဆင်းမလာသေး။ ရသမျှပုံတွေရိုက်ပြီး တာဝါဆီတက်မယ်ပြင်တော့ ဟင်နရီဗန်ထီးယူ တာဝါလို့ ရေး ထားတာတွေ့ရပါတယ်။ စာကိုအသေချာဖတ်ကြည့်တော့ (၂၀၁၉) ခုနှစ် ဇန်နာဝါရီလ (၂၁) ရက်နေ့ကမှ နိ်ုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုယ်တိုင် လာဖွင့်ပေးသွားတာ။ တာဝါပေါ်တက်လိုက် တော့ အဲဒီဖွင့်ပွဲတုန်းက ဓာတ်ပုံမှတ်တမ်းတွေကိုပါ တွေ့ရပါတယ်။ ဗျုးကတော့ ရှယ်ပါပဲ။ တိမ်တွေပေါ်မှာ လမ်းလျောက်နေရသလိုလို၊ ဒါပေမယ့် နေရောင်က တိမ်ပင်လယ်ဆီမရောက်သေးတဲ့အတွက် တိမ်တွေက ကြွမလာပဲ သေသေကြီးဖြစ်နေပါတယ်။   




(ဟားခါးတောင်တန်းပေါ်မှာ ပြန်လည်ချထားတဲ့ မြို့သစ်ရပ်ကွက်)

ဗိုက်ကလည်း ဆာလာပြီ၊ မြို့ထဲလည်း လျောက်လည်ချင်သေးတယ်။ အချိန်ရရင် ထန်တလန်ဖက်လည်း သွားလိုက်ချင်သေးတယ်ဆိုတော့ နေရောင်ကိုစောင့်နေလို့မဖြစ်တော့ပါ။ တခါ အမတ်ကြီးတို့ကလည်း လွှတ် တော်အစည်းအဝေးတက်ရဦးမယ်မဟုတ်လား။ အမတ်ကြီးမအားတော့ ကိုဂျွန်မန်းရဲ့အကို မိတ်ဆွေတဦးက သူ့ ကားနဲ့ ဟားခါးမြို့တဝိုက် ကျနော်ကိုလိုက်ပြပါတယ်။ ထန်တလန်ဖက်အထွက်လမ်းက တိမ်ပင်လယ်နဲ့ စတော် ဘယ်ရီစိုက်ခင်းကသိပ်လှပါတယ်။ ပြီးတော့ မနေ့ညနေကမြင်ထားတဲ့ ဟားခါးမြို့ရဲ့ ဟိုဖက်တောင်တန်းပေါ်က ဒုက္ခသည်စခန်းလိုလို အိမ်ယာတွေ။ အနီးကပ်သွားကြည့်တော့မှ ပြန်လည်နေရာချထားရေးလုပ်ငန်းစဉ်က တကယ့်အကြီးကြီး။

ဒါပေမယ့် ပြသာနာက နေအိမ်တွေပဲဆောက်ပေးထားပြီး အလုပ်အကိုင်ကို ဖန်တီးမပေးနိုင်။ ဒီတော့ ဒီအိမ်မှာ နေပြီး ဘာနဲ့စားမလဲ။ တချို့ကတော့ နေရာဟောင်းမှအလုပ်ပြန်လုပ်၊ ညနေကျရင် ဒီမှာပြန်အိပ်တယ်လို့ဆိုပါ တယ်။ နာဂစ်ဒေသဖက်က နေရာပြန်လည်ချထားရေးတွေ၊ ထိုင်း-မြန်မာနယ်စပ်က ဒုက္ခသည်တွေနေရာပြန် လည်ချထားရေးကိစ္စတွေမှာ ကြုံတွေနေရတဲ့ပြသာနာတွေနဲ့ အတူတူပါပဲ။ ထားဝယ်က ရေနက်ဆိပ်ကမ်းမှာ နေရာချပေးထားတာလည်း ဒီလိုပါပဲ။ အိမ်ဒီဇိုင်းတွေက မြို့ပြအိမ်ယာ။ လာနေမယ့်သူက ရွာကမှာ လည်းနဲ့ နွားနဲ့၊ ငါးဖမ်းလှေတွေနဲ့နေလာတဲ့လူတွေ။ မြို့ပြက ဒီအိမ်တွေမှာနေပြီး သူတို့က ဘာတွေ လုပ်ကိုင်စားသောက် ရမှာလဲ။


Saturday, December 28, 2019

ချင်းတောင်တန်းသို့ ခရီးသွားခြင်း (၃)

ပခုက္ကူမြို့မှာ ခဏတာ

ခေါင်းစဉ်ကို ‘’ချင်းတောင်တန်းသို့ ခရီးသွားခြင်း’’ လို့အမည်ပေးထားပေမယ့် ခရီးထွက်လာတာ (၃)ရက်ကြာ ပြီးတဲ့အထိ ချင်းတောင်ခြေကိုတောင်မရောက်သေး။ ပထမ တရက်က ပုဂံဘုရားတွေကြား အီး-ဘိုက်တစီးနဲ့ လမ်းသလား၊ ဒုတိယနေ့က မထင်မှတ်ပဲ တောင်သာ၊ မြင်းခြံကနေ ဧရာတီမြစ်ဘေးက ရန္တာရွာအထိရောက် သွား။ အခု တတိယနေ့တော့ ချင်းတောင်ခရီး မစလို့မဖြစ်တော့ဘူး။ ပုဂံကနေ ချင်းတောင်ကို ဘယ်လိုသွားရ မလဲဆိုပြီး လိုက်မေးကြည့်တော့ ပခုက္ကူကိုအရင်သွား၊ အဲဒီကနေ မီနီဘတ်စ်တွေ ရှာစီးရမယ်ဆိုပါတယ်။ တကယ်က ချင်းတောင်လို့ ပြောလိုက်တာနဲ့မပြီးသေး။ ချင်းပြည်နယ်တောင်ပိုင်း ကန်ပက်လက်-မင်းတပ်ဖက်က နတ်မတောင်ဆီသွားမှာလား။ ချင်းမြောက်ပိုင်းက ဟားခါး-ထန်တလန်-ဖလန်းဖက်သွားမှာလား။




(ပုဂံရဲ့  နေ၀င်ချိန် အလှ..)

မင်းတပ်-ကန်ပက်လက်ဖက်သွားမယ်ဆိုရင်တော့ မီနီဘတ်စ်က မနက် (၇) နာရီတစီး၊ နေ့လည် (၂)နာရီတစီး ပခုက္ကူကနေထွက်တယ်ဆိုပါတယ်။ ပုဂံကနေ ပုခုက္ကူကိုတော့ အဝေးပြေးဘတ်စ်တွေပေါ် တက်လိုက်သွားလို့ ရ ပါတယ်။ ဒါဆို မနက် (၇)နာရီမီဖို့ ဘယ်လွယ်မလဲ။ နေ့လည် (၂)နာရီကားတော့ မီလောက်ပါတယ်ပေါ့ ။ ဒီလိုနဲ့ မင်းတပ်လာရင် သူ့ဆီအရင်ဝင်ပါ။ သူ မပြန်ခင် ရောက်အောင်လာပါလို့ ဖိတ်ခေါ်ထားတဲ့ နော်ဝေးပြန် မိတ်ဆွေ (ဒေါ်အောင်ဆန်းစုကြည်ပန်းခြံကိစ္စ ဦးစီးဆောင်ရွက်နေသူ) ကို ဆက်သွယ်ရပါတယ်။

‘’ခင်ဗျားက မနေ့ကမလာပဲ ဘာလို့ ဒီနေ့မှလာတာလဲ၊ ကျနော်က ဒီမှာ ခေါင်ရည်နဲ့ ဧည့်ခံဖို့စောင့်နေတာ။ အခု တော့ ကျနော်လည်း ရန်ကုန်ပြန်ဆင်းတော့မယ်၊ ပခုက္ကူမှာပဲ စောင့်နေပါ’’ တဲ့။ တကယ်က သူနဲ့ချိန်းထားပြီးမှ ဒီ မှာ ကားကြုံရှိတုန်း (ကိုယ်ပိုင်ကားရှိတဲ့လူ လာတုန်း) ဟိုနား-ဒီနားလျောက်သွားလိုက်တာ။ နို့မိုဆို တခါလာ လည်း ပုဂံဘုရားဝန်းကျင်-နဲ့ ပုပ္ပါးတဝိုက်မှာပဲ လုံးချာ်လည်နေမှာ။ ပုဂံရောက်တာ -၄-၅ ခေါက်ရှိနေပြီဖြစ်ပေမယ့် ဒီတခေါက်ကျမှ သွားနေကြစက်ဝန်းကိုနည်းနည်းကျော်နိုင်တာ။ ဒီလိုနဲ့ နေ့လည်စာ စားပြီးချိန်မှာ ကားပိုင်ရှင် မိတ်ဆွေကြီးကိုပဲ ပခုက္ကူလိုက်ပို့ခိုင်းရပါတယ်။

မနေ့ကရောက်ထားပြီးဖြစ်တဲ့ ရထားလမ်းကုန်းကျော်ဘေးကနေ ဧရာဝတီမြစ်ကူးတံတားကိုဖြတ်လိုက်တော့ ပခုက္ကူကိုရောက်ပါပြီ။ ပုဂံနဲ့ (၁၅)မိုင်လောက်ပဲဝေးတယ်ဆိုပေမယ့် အခင်းအကျင်းက ပုဂံနဲ့ဘာမှမဆိုင်ဘူး။ ယဉ်ကျေးမှုမြို့ဟောင်းကနေ စီးပွား-ကုန်သည်မြို့ဆီ ရောက်လာတယ်ပြောရမလား။ ပုဂံလိုအပန်းဖြေမြို့မဟုတ် တာကတော့ သေချာတယ်။ အဲနောက်ထပ်ထူးခြားချက်က ခုနက ဖြတ်လာတဲ့ ဧရာဝတီမြစ်ဟာ မန္တလေးတိုင်းနဲ့ မကွေးတိုင်းကို စည်းခြားထားတာ။ ပြီးခဲ့တဲ့ နှစ်ရက်လုံးလုံး မန္တလေးတိုင်းထဲမှာလည်နေရာကနေ အခုတော့ မကွေးတိုင်းထဲရောက်ပြီ။ ချင်းတောင်တန်းနဲ့ တိုင်းတခုစာ ပိုနီးလာပြီပေါ့။

ပခုက္ကူမှာ ဒီညတည်းဖို့ ဟိုတယ်လိုက်ရှာတော့ ပုဂံလိုမျိုး သိပ်များများစားစားမရှိ။ မြို့ထဲလမ်း တလျောက် ၃-၄ လုံးလောက်လိုက်ကြည့်ပြီးတော့ အ၀င်လမ်းအတိုင်းပြန်လှည့်ပြီး ဗိုလ်ချုပ်အောင်ဆန်းပန်းခြံရှေ့က ရေကူးကန် ပါတဲ့ ဟိုတယ်ကိုရွေးလိုက်ပါတယ်။ ဈေးနည်းနည်းများပေမယ့် ရေကူးကန်ပါတယ်ဆိုတော့ တောင်ပေါ်မတက် ခင် အကျော်အမြင်လေး နည်းနည်းလျော့မယ်ပေါ့။ အခန်းမှာအထုပ်အပိုးထားပြီးတာနဲ့ ခုနက မင်းတပ်ကပုဂ္ဂိုလ် ရဲ့စီစဉ်ပေးမှုအရ သူ့မိတ်ဆွေတဦး ဆိုင်ကယ်နဲ့ရောက်လာပြီး ပခုက္ကူတဝိုက်လိုက်ပြမယ်ဆိုပါတယ်။ ကိုယ် လည်း ပုဂံလိုထင်ပြီး တမြို့လုံးကို အပေါ်စီးကနေ မြင်ရတဲ့ နန်းမြင့်တာဝန်လိုမျိုး၊ ဒါမှမဟုတ် တောင်ပေါ်တန်း လိုနေရာမျိုး ရှိလားပေါ့။ သူခေါ်သွားတဲ့ တောင်ပေါ်စေတီကနေ မြို့ထဲကိုကြည့်ပေမယ့် သစ်ပင်တွေကွယ် နေ လို့ ဘာမှမမြင်ရ။ ဟိုးခပ်လှမ်းလှမ်းက ဧရာဝတီမြစ်ကူး တံတားကိုသာ ခပ်ရေးမြင်မြင်ရပါတယ်။

ဒါဆို ရွှေဂူကြီးဘုရားသွားရအောင်တဲ့။ တကယ်ဆို ကျနော်က ဘုရားဖူး လာတာမဟုတ်၊ ဘာသာရေးနဲ့ခပ်ဝေး ဝေးနေချင်သူ။ ဒါပေမယ့် ထုတ်ပြောလို့ ဘယ်ကောင်းပါ့မလဲ။ အိမ်ရှင်ကလိုက်ပို့မှတော့ တာဝန်ကျေတော့ လိုက် ကြည့် ရမှာပေါ့။ တကယ်ရောက်သွားတော့ တကယ့်စိတ်ဝင်စားဘွယ် ထူးဆန်းတဲ့ ပန်းပုလက်ရာ၊ (တကယ်က ပန်းပုမဟုတ်ပဲ တံကဲ လို့ခေါ်တယ်ဆိုပါတယ်)။ ဗုဒ္ဒရုပ်ပွားတော်နောက်က ပုလ္လင်ကို သစ်သားကိုထွင်းပြီး အနု စိတ်ပန်းပုထုထားပုံက တကယ်လက်ဖျားခါလောက်ပါတယ်။ တကယ့်ရှားပါးလက်ရာပေါ့။ တကမ္ဘာလုံးမှာ တခုပဲ ရှိတယ်လို့ လိုက်ပို့သူနဲ့ ဘုရားမှာတာဝန်ရှိသူတွေကပြောပါတယ်။


ချင်းတောင်တန်းခရီးစဉ် တကယ်စပါပြီ

အဲဒီက အထွက်မှာတော့ ဧရာဝတီမြစ်ကမ်းနားက စေတီတခုဆီသွားရင်း စိမ်းစိုနေတဲ့ ရေလယ်ကျွန်းက စိုက် ခင်းတွေကို ငေးကြည့်ဖြစ်ပါတယ်။ ဧရာဝတီမြစ်ရေကျချိန်မှာ ပေါ်လာတဲ့ ကျွန်းတွေက နည်းနည်းနောနောမှ မဟုတ်ပဲ။ မျက်စိတဆုံးရှိတယ်လို့တောင်ပြောနိုင်မယ်ထင်ပါတယ်။ စိုက်ခင်းတွေ၊ လယ်ကွင်းတွေကိုသာမြင်နေ ရပေမယ့် ဟိုဖက် တောအုပ်ထဲမှာ ရွာတွေပါရှိတယ်လို့ဆိုပါတယ်။ ဒါပေမယ့် မိုးတွင်းမှာတော့ အဲဒီကျွန်းတခုလုံး ရေလွှမ်းသွားတဲ့အတွက် ရွာကလူတွေ မြို့ပေါ်ခဏတက်ရှောင်ရတယ်လို့ပြောပါတယ်။ အဲလိုရှောင်ရတဲ့အချိန် က တနှစ်မှာ နှစ်လလောက်ပဲဆိုတော့ ကျန် (၁၀)လစာ ဒီမှာ အေးဆေးပေ့ါ။ ဧရာဝတီမြစ်ရိုးတလျောက်မှာ ဒီလို မြေနုကျွန်းတွေအများကြိးရှိပြီး ဒီကျွန်းတွေကထွက်တဲ့ စိုက်ပျိုးရေးထုတ်ကုန်တွေက ပိုကောင်းတယ်လို့ ဆိုကြပါ တယ်။


(ပုဂံရဲ့ နေ၀င်ချိန် ဖုန်လုံးတွေနဲ့ ချင်းတောင်တန်းရဲ့ တောင်ပြာတန်းအောက်က တိမ်တိုက်များ)

ပခုက္ကူတခွင် ရသလောက်အချိန်ယူကြည့်ရှုပြီးတဲ့အချိန်မှာ ညနေ (၅)နာရီကျော်နေပြီ။ တောင်ပေါ်က ဧည့်သည် တွေရောက်မလာခင်၊ ညစာမစားခင် ရေကူးကန်ထဲသွားပြီး ရေစိမ်ဦးမှ။ အ၀တ်လဲပြီး ကန်ထဲဆင်းဖို့ ခုံတန်းမှာ တယ်လီဖုန်းချလိုက်ရုံရှိသေး။ တောင်ပေါ်က ပုဂ္ဂိုလ်ဆီက ဖုန်းဝင်လာပါတယ်။ ‘’အစီစဉ်ပြောင်းသွားပြီ၊ ခင်ဗျား အဲမှာ ညမအိပ်နဲ့တော့၊ ကျနော့်ကိုလာပို့တဲ့ လွှတ်တော်အမတ်ကားနဲ့ တခါတည်းလိုက်သွားမှ အဆင်ပြေမယ်’’ တဲ့။ ဒီမှာက ရေစိုအ၀တ်နဲ့ တန်းလန်းကြီး။ ဖုန်းပြောလို့တောင်မပြီးသေး။ သူတို့ကားက ဟိုတယ်ရှေ့ ရောက် လာပါတယ်။

နဂိုအစီအစဉ်အရက ပခုက္ကူမှာတညအိပ်ပြီး နောက်နေ့မနက်မှ အေးဆေးတက်ဖို့ဖြစ်ပေမယ့် ဟားခါးက အရေး ပေါ်ဖုန်းဝင်လာတယ်။ သဖက်ခါ လွှတ်တော်မှာအရေးပေါ်ဆွေးနွေးပွဲရှိတဲ့အတွက် ကျနော်ကိုလိုက်ပို့မယ့် (သူ့ကို လာပို့တဲ့) လွှတ်တော်ကိုယ်စားလှယ်ရဲ့ကားက ဒီည မင်းတပ်ကိုပြန်တက်မှရမယ်။ မင်းတပ်နဲ့ ဟားခါးက တနေ ကုန်မောင်းရတယ်။ ဒီညထွက်မှ သဖက်ခါ ဟားခါးရောက်မယ်ဆိုပါတယ်။ ဟိုတယ်ကောင်တာမှာ အကြောင်း အကျိုးရှင်းပြပေမယ့် ငွေပြန်အပ်ခြင်း၊ တစုံတရာအဆင်ပြေအောင်လုပ်ပေးခြင်း ဘာမှမရှိ။ ပြေပြေလည်လည် တောင် ဆက်ဆံပြောဆိုခြင်းမရှိတဲ့ မြန်မာ့ဟိုတယ်ဝန်ထမ်းတွေရဲ့ အံ့သြဘွယ် ဆာ့ဗစ်တွေပါပဲ။ ရေတောင်မ ကူးရသေးပဲနဲ့ တရက်စာပေးခဲ့ရပေါ့။

ဘယ်တတ်နိုင်မလဲ၊ သူနဲ့လိုက်မသွားပဲ မနက်မှ ကိုယ့်အစီစဉ်နဲ့ကိုယ် လိုင်းကားစီးသွားမယ်ဆိုရင်လည်း မင်းဒပ် လောက်ပဲရောက်မှာ။ ဟားခါးဖက်ရောက်ဖို့ဆိုတာ မလွယ်ဘူး။ ဒီတော့ လူကြုံ-ကားကြုံရှိတုန်း ဒုံးပေါ့။ နော်ဝေ ပြန်ပုဂ္ဂိုလ်ရဲ့အမျိုးတွေအိမ်မှာ ညစာစားပြီး ချင်းတောင်ကိုတက်ဖို့ပြင်တော့ ည (၇)နာရီနီးနေပြီ။ ဒီလမ်းက တောင်တက်လမ်း၊ ကြမ်းလည်းကြမ်းတယ်လို့ကြားဖူးထားတော့ နည်းနည်းတော့ လန့်သား။ ပြီးတော့ ကိုယ်တခါ မှမသိဖူးတဲ့ လူတယောက်မောင်းတဲ့ကားနဲ့ ညဖက်မှောင်မှောင်ထဲ တခါမှမရောက်ဖူးသေးတဲ့ နေရာသစ်တခုဆီ လိုက်သွားရမှာ။ ဒါပေမယ့် ရွေးစရာက သိပ်ရှိတာမှမဟုတ်တာ။

မြို့ထဲကနေ တောင်ပေါ်တက်တဲ့လမ်းဖက်ထွက်လိုက်တော့ ပခုက္ကူမြို့ပြင် ဓာတ်ဆီဆိုင်တွေရှိတဲ့လမ်းက ဟော လီးဝုဒ်ရုပ်ရှင်ထဲကအတိုင်း ဘားတွေ၊ စားသောက်ဆိုင်တွေ၊ ဟိုတယ်တွေနဲ့ အတော့်ကိုစည်ကားနေတာတွေ့ရ ပါတယ်။ ဒီလမ်းဖောက်က မကြာသေးဘူးလို့ ဆိုပါတယ်။ လမ်းကလည်းအသစ်ဆိုတော့ အတော်ကောင်းပါ တယ်။ လမ်းမီးကတော့ အဲဒီဆိုင်တွေရှိတဲ့နေရာကိုကျော်တာနဲ့ မရှိတော့ပါဘူး။ ကားမီးကိုပဲ အားကိုးပြီး မောင်း ရမှာပေါ့။ ပတ်ဝန်းကျင်အလှကိုမြင်ချင်လို့ ချင်းပြည်ကိုလာပါတယ်ဆိုမှ ညမှောမှောင်ထဲ ဘာမှမြင်ခွင့်မရဘူးဖြစ် နေပါတယ်။

ပထမ ဆုံးတွေ့ရတဲ့ရွာက ကံမတဲ့။ ဒီကံမက အရင်ကကြားဖူးနေကြ ကံမ တော့ မဟုတ်လောက်ဘူး။ ဟိုကမြို့၊ ဒီကရွာဖြစ်မယ်။ အဲဒီရွာကိုကျော်ပြီးချိန်မှာတော့ တောင်နည်းနည်းစတက်ပြီ။ တောင်မတက်ခင်အထိ ကားမီး ရောင်ထဲမြင်နေရသလောက်ကတော့ တလမ်းလုံးဟာ ထနောင်းပင်တွေချည်းပါပဲ။ တချို့နေရာတွေဆို လမ်းတခု လုံးရဲ့အပေါ်မှာ ထနောင်းပင်အကိုင်းတွေက ဖုံးထားတဲ့အထိ။ တောင်ပေါ်စတက်တော့ အပင်အနေအထားက နည်းနည်းပြောင်းသွားပြီး ကျွန်းပင်တွေလို့ ထင်ရတဲ့အပင်အချို့ကိုတွေ့ရပါတယ်။ ကားမောင်းချိန် တနာရီကျော် လာတဲ့အခါ ထမင်းဆီရစ်ပြီး အိပ်ငိုက်စပြုလာတဲ့အတွက် ကားဆရာမငိုက်အောင် ရှိသမျှစကားလျှောက်ပြောနေ ရပါတယ်။ စကားနည်းသူဖြစ်ပေမယ့် နိုင်ငံရေး အကြောင်း၊ သဘာဝပတ်ဝန်းကျင်အကြောင်းတော့ ပြောစရာ များသား။

‘’ဒီက အင်ဂျင်နီယာတွေကလည်းဗျာ။ လမ်းကို ဘယ်လိုဖောက်လဲမသိဘူး’’ ဆိုပြီး ကားမောင်းသူ ပြည်နယ် လွှတ်တော်အမတ်က လမ်းမှာလှိုင်းများလွန်းတယ်ဆိုပြီး ငြီးပါတယ်။ ကျနော်က လမ်းဘေးသစ်ပင်တွေကို ကြည့်ပြီး မြေပြန့်ရှိ ထနောင်းပင်ကနေ တောင်ပေါ်က ကျွန်းပင်တွေလား၊ အညာနဲ့မတူတဲ့ အပင်တွေကို သတိ ထားမိပါတယ်။ ဒီလိုမောင်းလို့ကောင်းတုန်း ယောချောင်းမဖြတ်ခင်မှာ ပုသိမ်-မုံရွာလမ်းနဲ့ အခု ကျနော်တို့သွား နေတဲ့ ပခုက္ကူ-မင်းတပ်လမ်း လာဆုံပါ တယ်။ ကျနော့်အတွက်တော့ အထူးအဆန်းပါပဲ။ ဘယ်လိုလုပ် ချင်း တောင်ပေါ်တက်ပါတယ်ဆိုမှ မုံရွာ-ပုသိမ် လမ်းပေါ် ရောက်လာသလဲပေါ့။ အသေချာမေးကြည့်တော့မှာ မုံရွာ ကလာတဲ့ ဒီလမ်းဟာ ချင်းတောင်ခြေ၊ ရခိုင် ရိုးမတောင်ခြေ၀န်းကျင်ကနေ မင်းဘူး-အမ်းလမ်းမကို ငဖဲ ၀န်းကျင် ကနေဖြတ်ပြီး ပုသိမ်ဖက်ကိုဆင်းသွားတယ်လို့သိရပါတယ်။

‘’တွေ့လားခင်ဗျား ဟိုမှာ၊ မြန်မာအင်ဂျင်နီယာတွေရဲ့လက်ယာစစ်စစ် စံပြတံတား’’ အိန္ဒိယနယ်စပ် မုံရွာဖက်က နေ မြစ်ဝကျွန်းပေါ် ပုသိမ်အထိဖောက်ထားတဲ့ ကားလမ်းအကြောင်းပြောရင်း ယောချောင်းတံတားပေါ် ရောက် လာ ပါတယ်။ သူပြောမှအသချောကြည့်မိပါတယ်။ တံတားက ပထမ တ၀က်လောက်မှာ ပေ (၂၀)လောက် အကျယ် ရှိရာကနေ ရေလယ် လမ်းတ၀က်အရောက်မှာ (၁၆)ပေလောက်ပဲကျန်ပါတယ်။ ဘယ်လိုစိတ်ကူးနဲ့ လုပ်ထားမှန်း ကိုယ်လည်းမသိ။ ည (၉)နာရီလောက်ရှိနေပြီဆိုတော့ ကောင်းကောင်းလည်းမြင်ရတာမဟုတ် ဘူး။ အဲလိုပြောလို့မှမဆုံးခင် နောက်အလားတူတံတားတခုကို ထပ်ဖြတ်ရပြန်ပါတယ်။ ကွေ့ကောက်နေတဲ့ ရောချောင်းကို နှစ် ကြိမ်ဖြတ်ရတာလို့ဆိုပါတယ်။


မင်းဒပ်မြို့မှာ အေးလိုက်တာ

အဲလို ထူးဆန်းလှတဲ့ တံတားကိုဖြတ်ပြီးချိန်မှာတော့ ဒီဒေသရဲ့အထင်ကရမြို့လို့ဆိုနိုင်တဲ့ ပေါက်မြို့ကိုရောက် ပါတယ်။ ဘတ်စ်ကားတွေကတော့ ဒီမြို့မှာရပ်ပြီး ထမင်းစား-ဆီဖြည့်လုပ်ကြတယ်ဆိုပါတယ်။ ကိုယ်တွေက တော့ ကိုယ်ပိုင်ကား (နေရင်းထိုင်းရင်း VIP ဖြစ်သွား) ဆိုတော့ ဆက်မောင်းပေါ့။ အချိန်ကလည်း (၉)နာရီကျော် နေပြီဆိုတော့ မင်းတပ်ကို ဘယ်အချိန်ရောက်မယ်မှန်းမသိ။ ဒီမှာမရပ်တော့တော့ဘူး။ တောင်ပေါ်တက်ခင် နောက်ဆုံးရွာမှာ အဆာပြေတခုခုစားတာ ပေါ့တဲ့၊ ကားဆရာမိတ်ဆွေကြီးကပြောပါတယ်။ သူကသာ တောင် ပေါ်မတက်သေးဘူးပြောနေ။ ကိုယ့်အတွက် တောင်ပေါ်အတော်ရောက်နေပြီလို့ထင်ထားတာ။



(မင်းတပ်မြို့က ပန်းခြံနဲ့ ဟားခါးအ၀င် တိမ်ပင်လယ်)
လမ်းဘေးသစ်ပင်တွေကလည်းပြောင်းသွားပြီလေ။ ထနောင်းပင် လုံးဝမရှိတော့ဘူး။ ဒါတောင်ပေါ်ရောက်နေပြီ ပေါ့။ အဲဒီလိုပြောရင် နောက်ထပ်တွေ့ရတဲ့မြို့က ကျောက်ထု၊ ဒီအမည်က မြန်မာနိုင်ငံမှာအတော်လူကြိုက်များ တဲ့ အမည်ဖြစ်မယ်။ တွေ့ဖူးတဲ့ အမည်တူကျောက်ထုမြို့၊ ကျောက်ထုရွာတွေမနည်းဘူး။ ကျောက်ထုက ထွက် ပြီး သိပ်မကြာခင် ရွာငယ်လေးတခုမှာတော့ ဆော-ကန်ပက်လက်ဖက်သွားတဲ့ လမ်းခွဲကိုတွေ့ရပါတယ်။ အချိန် က ည (၁၀)နာရီ နီးနေပြီ။ နောက်ဆုံးမြေပြန့်ရွာ သို့မဟုတ် မကွေးတိုင်းထဲက နောက်ဆုံးရွာလားမသိပါဘူး။ အဲဒီရွာက ထမင်းဆိုင်ရှေ့မှာ ကားရပ်လိုက်ပါတယ်။

မြန်မာထမင်းဆိုင်တွေမှာအဆင်မပြေတဲ့အချက်က ပူပူနွေးနွေး ထမင်း-ဟင်းမရတဲ့ပြသာနာ။ ကိုယ်တွေက ဘိလပ်ပြန်ဆိုတော့ ပန်းသီးတယ်လီဖုန်းလိုပဲ။ ဖွန်မက်ချထားပြီးသား အစားအစာကလွဲပြီး ကျန်တာကို လက် မခံ။ အေးနေတဲ့ထမင်းနဲ့ အသုတ်တွေကို ဘယ်လိုမှစားလို့မရတော့ပါ။ စားပြီးတာနဲ့ ၀မ်းလျော-၀မ်းကိုက် ဖြစ် တော့တာပဲ။ ဒါပေမယ့် ဒီဆိုင်အပါဝင် အဲလို နယ်ဖက်သွားတဲ့လမ်းခရီးက အတော်များများရဲ့ဆိုင်တွေမှာ ပူပူ နွေးနွေးဘာမှမရပါ။ အားလုံး ရက်ဒီမိတ်။ ထိုင်းမှာလည်း ရက်ဒီမိတ်တွေရှိပေမယ့် လျှပ်စစ်မီး မပြတ်လို့လား မသိ။ ကြိုက်တဲ့အချိန်ဝင်စား ပူပူနွေးနွေးပါပဲ။ ကြက်ဥကြော်၊ ကစွန်းရွက်ကြော်၊ ချောက်ဆွဲကြော်တွေရမလား ဆိုတော့လည်း မသေချာဘူး၊ အကြာကြီးစောင့်ရမယ်လို့ဆိုပါတယ်။ ကဲ-ရှိတာသာ ချပေတော့ဆိုတော့ ၀က် သားဟင်း၊ ကြက်သားဟင်းတွေပေါ့။ အဆီကများ၊ အနွေးဓာတ်ကပျယ်ဆိုတော့ သိပ်ခံစားလို့မရ။

ပြီးတော့ ဟင်းချိုခွက်မှာ ဇွန်းတချောင်းတည်းချပေးတာကလည်း ဒီလိုဆိုင်မျိုးတွေရဲ့ထုံးစံ။ နှစ်ချောင်းပေးပါ ဆိုပြီးတောင်းတော့ သူတို့က ကိုယ့်ကို အထူးအဆန်းကြည့်။ ဒါကလည်း ပြသာနာတခုပဲ။ ဇွန်းတချောင်းကို တဦးထက်ပိုသုံးတာ၊ ဖန်ခွက်တခွက်တည်းကို တဦးထက်ပိုသုံးတာတွေဟာ ကျန်းမာရေးနဲ့မကိုက်ညီဘူးမို့လား။ ထားတော့။ တောထဲလာပြီး ဘာတွေလာပြောနေတာလဲ၊ မစားချင်လဲနေ၊ ဒါပဲရမယ်ဆိုပြီး အပြောခံနေရဦးမယ်။ ဆိုင်ဝန်ထမ်းတွေနဲ့ စကားစမြည်ပြောဦးမှဆိုပြီး စားပွဲထိုး ကောင်မလေးတွေကို ကြည့်လိုက်တော့ အားလုံးက Myanmar Idol ကို ကြည့်နေကြလေရဲ့။

အဲဒီအချိန်က ကိုယ်တောင် လက်ကျန် (၁၁)ဦးစလုံးရဲ့အမည်ကိုမသိသေး။ ချင်းတောင်ခြေက ကျေးရွာလေးရှိ ကောင်မလေးတွေက အကုန်သိနေတယ်။ အယ်စတာက ဘယ်လို၊ အေးမြတ်ဖြူက ဘယ်ပုံ၊ ဘင်ဂျမင်က ချင်း မို့ အားပေးတယ်။ မူးလာအသံက မိုက်တယ်၊ ယောကီးစတိုင်ကိုကြိုက်တယ်…စသဖြင့် စုံနေတာပါပဲ။ ကဲ-ဆရာ။ (၁၀)နာရီကျော်နေပြီ။ ဒိုးမှဖြစ်မယ်ဆိုပြီး ဆိုင်ကနေထွက်လာတော့ မကွေးတိုင်းနဲ့ ချင်းပြည်နယ် နယ်စပ် ဆိုင်း ဘုတ်ကို တွေ့ရပါတယ်။ ချင်းတောင်ကို အခုမှတက်ရမှာတဲ့။ (၇)မိုင်ပဲရှိတယ်ဆိုလား။ ကားတောင် နောက်ပြန် ဆုတ်ကျမလား ထင်ရအောင် တောင်ကမတ်ပါတယ်။ ကားအသေးတွေဆိုမလွယ်ဘူး။ အခု လေးဘီးယက်ကား ဆိုတော့ ဒီလိုလမ်းမျိုးနဲ့ ကွက်တိပါပဲ။

တောင်တက်ပြီး သိပ်မကြာခင်မှာ ထင်းရူးပင်တွေကို စတွေ့ရပါတယ်။ ရောက်ပါပြီ၊ ဟိုမှာ မင်းဒပ်မြို့အ၀င်။ တောင်ပေါ်က မင်းတပ်ဟိုတယ်ဘေးနားရှိ တည်းခိုခန်း သေးသေးလေးတခုမှာ ကျနော်ကိုချထားပေးခဲ့ပါတယ်။ ဒါ ဒီည စခန်းချရမယ့်နေရာပေါ့။ ဝိုး-အေးလိုက်တာ။ ကားပေါ်ကဆင်းတာနဲ့ အအေးလိုင်းထိသွားသလိုလို။ တယ်လီဖုန်းကိုကြည့်လိုက်တော့ အပူချိ်န (၁၂)ဒီဂရီစင်တီဂရိတ်တဲ့။ တော်သေးတယ်။ လိုလိုမယ်မယ်ဆိုပြီး နော်ဝေးလက်ကျန် အနွေးထည်ပါးပါးလေးတထည်နဲ့ ခေါင်းစွပ်တွေ၊ လည်စွပ်တွေယူလာမိလို့။ နော်ဝေကနေ မြန်မာနိုင်ငံပြန်ရောက်ပြီး တနှစ်ခွဲလောက်အတွင်းမှာ ဒါ ပထမဆုံးအကြိမ် အနွေးထည်ဝတ်ရခြင်းပါပဲ။ ဒါပေမယ့် ဒီအနွေးထည်လောက်နဲ့ ဖြစ်ပုံမရဘူး။ နော်ဝေ ဆောင်ဦးမှာဝတ်သလိုမျိုး ခပ်ထူထူအနွေးထည်နဲ့မှဖြစ်မှာ။

ပခုက္ကူမှာ ရေကူးဖို့ပြင်နေတုန်း ထထွက်လာတော့ဆိုတော့ ရေတော့ ချိုးဦးမှပေါ့။ ဒါပေမယ့် ဒီအခန်းမှာက ရေပူ ရေအေးစက်မရှိ။ ရေပူခွက်ကိုယူပြီး ရေအေးခွက်ထဲ စပ်ပြီးချိုးရမှာဆိုတော့ အဲလောက်အထိ ဝိရိယမထည့်ချင်။ အချိန်ကလည်း (၁၁)နာရီရှိနေပြီ။ ပျင်းလို့ရေမချိုးဖြစ်တာကို ဘာ-ညာ သလာကာ ကိုယ်ဘာသာ လက်ခံနိုင် အောင် အကြောင်းပြရပါသေးတယ်။ လူဆိုတဲ့သတ္တဝါကလည်းခက်သား။ သူများလက်ခံအောင် အထောက် အထားနဲ့တင်ပြရသလို ကိုယ်ဘာသာလက်ခံအောင်လည်း ကြိုးကြောင်းစီလျော်မှုရှိတယ်ဆိုတာကို သက်သေပြ ရသေးတယ် မဟုတ်ပါလား။ ဒီလိုနဲ့ ရေမချိုးခြင်းအနုပညာကို ချင်းတောင်ရောက်တဲ့ ပထမနေ့မှာပဲ စတင် အ ကောင်ထည်ဖေါ်ဖြစ်လိုက်တယ် ဆိုပါတော့။

Tuesday, December 24, 2019

ချင်းတောင်တန်းသို့ ခရီးသွားခြင်း (၂)

တောင်တွေကြားက အညာမြို့


မြင်းခြံမဝင်ခင် ပထမ ဆုံးတွေ့ရတာက အမှိုက်ပုံကြီးတခု။ ‘’အမှိုက်ပုံနဲ့ တက္ကသိုလ်တွေ့ပြီဆိုရင် အဲဒါ မြို့ဝင်ဖို့ နီးပြီ’’ ဆိုပြီး ကျနော်မိတ်ဆွေ ကားမောင်းသူကပြောပါတယ်။ သူက မြန်ပြည်တလွှား ကားတစီးနဲ့ လျောက်သွား (ဓာတ်ပုံရိုက်) နေသူဆိုတော့ ဘယ်နား ဘာရှိတယ်ဆိုတာ အတော်သိနေပြီ။ နောက်မိတ်ဆွေတယောက်ကို တောင်သာမှာ ဝင်ခေါ်ရမှာဆိုတော့ မြင်းခြံကနေ ညာဖက်ချိုးပြီး တောင်သာဖက်လှည့်ရပါတယ်။ တကယ်ဆို ပုဂံ-ကျောက်ပတောင်းဖက်နေမောင်းလာရင် တောင်သာကိုအရင်ရောက်မှာဖြစ်ပေမယ့် အဲဒီဖက်က လမ်းဆိုး တယ်ဆိုလို့ မသွားဖြစ်။

(တောင်သာမြို့က တောင်တန်းတခု)
မြင်းခြံအထိ ဘာမှအထူးအခြားမတွေ့မိပေမယ့် တောင်သာဖက်ရောက်တာနဲ့ အတော်သာယာတဲ့ တောင်တန်း ကြီးတွေကိုတွေ့ရပါတယ်။ ဒါကြောင့်မို့ တောင်သာလို့ခေါ်လား မသိပါ။ အညာကနေ ရှမ်းပြည်ရောက်သွားတဲ့ ခံ စားချက်မျိုး။ လမ်းဘေးသစ်ပင်တွေကလည်း နည်းနည်းပြောင်းသွားသလိုလို၊ ပုဂံကနေ မြင်းခြံအထိက ထ နောင်း၊ တမာ၊ မကျီး၊ ထန်းပင်နဲ့ အမျိုးအမည်မသိအပင်ငယ်တချို့၊ ထနောင်းနဲ့ တမာက အပူကို အတော်စုပ်ယူ နိုင်ပုံရပါတယ်။ ပုဂံမှာဆို ထနောင်းရိပ်၊ တမာရိပ်အောက်ဝင်လိုက်တာနဲ့ အေးသွားတာပါပဲ။

တောင်သာဖက်မှာတော့ ထနောင်းတို့၊ တမာတို့ကို မြို့ထဲမှာမြင်ရပေမယ့် ခုနကတွေ့ခဲ့တဲ့ တောင်ပေါ်တန်းမှာ တော့ ဒီအပင်တွေမရှိပါဘူး။ တောင်ပေါ်ဆိုတော့ တောင်ပေါ်အပင်တွေဖြစ်မှာပေါ့။ ကိုယ်ကလဲ ရုက္ခဗေဒ အကြောင်းလေ့လာထားသူမဟုတ်တော့ အပင်နဲ့ ပတ်ဝန်းကျင်အခင်းအကျင်း နည်းနည်းကွာသွားတာကို သတိ ထားမယ်ဆိုတာကိုပြောချင်တာသက်သက်ပါ။ ထူးထူးခြားခြား ကားလမ်းဘေးတလျောက်မှာတော့ ဆူးတွေပါတဲ့ ခြုံပင်တွေကအများကြီး။ တောင်သာက မိတ်ဆွေကြီးကိုမေးကြည့်တော့ ဦးနု ခေတ်က အာဖရိကဖက်ကနေ မျိုး စေ့ယူလာတဲ့ ‘ကန္တရအပင်’ တွေလို့ပြောပါတယ်။ အတော်အမျိုးပွားတဲ့အပင်ဖြစ်ပုံရတယ်။ နေရာတိုင်း ဒီအပင် တွေချည်းပဲ။

 ‘ဒါနဲ့ ဦးအောင်သောင်းအိမ်က ဘယ်နားလဲဗျ’ ဆိုပြီးမေးကြည့်တော့ သူက မြို့ပေါ်က မဟုတ်ဘူး၊ ခပ်လှမ်း လှမ်းက ရွာမှာနေခဲ့တာလို့ဆိုပါတယ်။ ကိုယ်က ဦးအောင်သောင်းကို တောင်သာမြို့ ပေါ်ကလို့ပဲ ထင်ထားတာ။ တောင်သာကိုသိတာတောင် ဦးအောင်သောင်းနဲ့တွဲပြီး သိထားတာမို့လား။ အခုတော့ သူကွယ်လွန်သွားတာ တောင် ၅ နှစ်နီးပါးရှိနေပါပြီ။ ဒါပေမယ့် မြန်မာပလာဇာဖက်က ဘီယာဘား သွားထိုင်တိုင်း ဦးအောင်သောင်း အကြောင်း စကားစပ်မိနေတုန်း။ ထားတော့။ တောင်တွေ ပတ်လည်ဝိုင်းနေတဲ့ ထူးခြားတဲ့ တောင်ပေါ်အညာမြို့ တောင်သာကနေ ပြန်ထွက်။ မြင်းခြံကိုဖြတ်၊ ရန္တပိုဖက်သွားမယ်ဆိုတော့ လမ်းညွန် ဆိုင်းဘုတ်က ဘာမှမရှိ။ ‘တလုတ်မြို့ကိုအရင်သွားရမယ်၊ အဲဒီကနေ ဆည်ဘောင်လမ်းအတိုင်းဝင်ရမယ်လို့ ကျနော်မိတ်ဆွေကပြော တယ်ဗျ’ လို့ ဒီခရီးစဉ်ရဲ့ ရှေ့ဆောင်လမ်းပြ ကားမောင်းသူကပြောပါတယ်။

ကိုယ့်အတွက်တော့ အားလုံးဟာ နယ်မြေအသစ်၊ တောင်သာနဲ့ မြင်းခြံကို အမည်ကြားဖူးပြီးဖြစ်ပေမယ့် တလုတ် မြို့ဆိုတာကို အခုမှ ကြားဖူးတာ။ အမှိုက်ပုံတခုကို ကျော်တဲ့အချိန်မှာ ဒါဟာ မြို့ထွက်သင်္ကေတလို့ သိလိုက်ပြီ။ တလုတ်မြို့အသွားလမ်းက ကျဉ်းပေမယ့် ဘေးပတ်လည် စိုက်ခင်းတွေက ရှမ်းပြည်ဖက်က အောင်ဘန်းနဲ့ တောင် ခပ်ဆင်ဆင်။ ပြီးတော့ ထူးထူးခြားခြား လင်းခေးက ဗာဂျီနီးယားဆေးရွက်ကြီးစိုက်ခင်းလိုမျိုး စိုက်ခင်း တွေကိုလည်း တလုတ်မြို့အသွားလမ်းဘေးမှာတွေ့ခဲ့ရပါတယ်။

တချို့နေရာတွေမှာတော့ ရေသွင်းစိုက်ထားတဲ့ ပဲနဲ့နှမ်းခင်းတွေ၊ ရေဘယ်ကရလဲဆိုတော့ အခု ကျနော်တို့သွား မယ့် ရန္တာပိုရွာရှိ ဧရာဝတီမြစ်တွင်းကနေ သွယ်ယူထားတဲ့ ရန္တပို ရေသွယ်မြောင်းကနေရတာတဲ့။ တလုတ်မြို့ ကိုကျော်ပြီး ဒီဖက်ထွက်လာတော့ လမ်းက မြေနီလမ်းဖြစ်သွားပြီ။ တံတားတွေကလည်း လွန်ခဲ့တဲ့ နှစ် (၃၀) ကျော်က မြိတ်-ထားဝယ်ဖက်မှာ တွေ့ရလေ့ရှိတဲ့ သစ်သားတံတားမျိုး။ ဂျိုးဂျိုးဂျက်ဂျက်မည်နေတဲ့ အဲဒီတံတား ပေါ်က ကျိုးနေတဲ့ သစ်သားစနဲ့ ထိုးမိပြီး ကားတာယာပေါက်သွားရင်တော့ ဒုက္ခ။ ဒါပေမယ့် ကျနော်မိတ်ဆွေ ကြီးက ဒီလိုစွန့်စားသွားရတာကို သဘောကျပုံရပါတယ်။



ရန္တာပိုလမ်းခွဲတွေ့ပြီ


ဘုန်းကြီးကျောင်းတခုရှေ့မှာတော့ နွားဈေးလို့ယူဆရတဲ့ နွားချည်တိုင်းအများကြီးကိုတွေ့ရပါတယ်။ အဲဒီက အ ထွက်မှာတော့ နွားလှည်းတွေအများကြီးနဲ့ စပါးတွေသယ်ယူနေကြတုန်း။ နွားလှည်းတွေ၊ နွားတွေဆိုတာက လည်း အညာရောက်မှပဲ မြင်ဖူးတာ။ အောက်ပြည် အောက်ရွာ၊ အထူးသဖြင့် မွန်-ကရင်-တနသာင်္ရီဖက်မှာ နွား မရှိတော့ဘူး။ အားလုံး စက်မှုလက်ယာဖြစ်နေပြီ။ အဲဒီလို ဖုန်ထူထူ လမ်းမပေါ် စွန့်စားမောင်းပြီး နေ့လည် (၁၂) နာရီလောက်မှာတော့ ရန္တာရွာသို့ ဆိုတဲ့ဆိုင်းဘုတ်ကို လှပတဲ့ ရေသွယ်မြောင်းတခုဘေးမှာတွေ့ရပါတယ်။
ရန္တာပုို ရေသွင်းမြောင်း

တွေ့ဖူးသလောက် ရေသွယ်မြောင်းတွေထဲမှာတော့ အခုတွေ့ရတဲ့ ရန္တာပိုမြောင်းက အလှပဆုံး၊ အသပ်ရပ်ဆုံး၊ စနစ်အကျဆုံးပါပဲ။ အဲဒီလိုလှပပြီး စိမ်းလဲ့နေတဲ့ ရေမြောင်းဘေးရှိ (၆)ပေလောက်သာ အကျယ်ရှိတဲ့ မြေနီလမ်း ပေါ်ကနေ ကားမောင်းသွားရမှာတဲ့။ အင်း- တခြားလမ်းမရှိဘူးလားဆိုတော့ မရှိဘူး။ လှေလမ်းပဲ ရှိတယ်တဲ့။ ဒီ ဖက်မဝင်ပဲ ရှေ့ဆက်မောင်းသွားရင် ဘယ်မြို့ရောက်လဲဆိုတော့ ဆီးမီးခုံဆိုလား၊ မြို့သာဆိုလား၊ ကိုယ်တခါမှ မကြားဖူးသေးတဲ့နေရာတွေ။ ဒီအထိရောက်ပြီးမှတော့ လှည့်ပြန်လို့ ဘယ်ဖြစ်မလဲ။ ဆက်မောင်း ကားဆရာ။


ရေမြောင်းဘေးလမ်းက ကျဉ်းတဲ့အပြင် တဖက်မှာ ရေမြောင်း၊ နောက်တဖက်မှာ လယ်ကွင်းဆိုပေမယ့် ကန် ဘောင်ကိုအမြင့်ကြီးဖို့ထားတော့ (၁၀)ပေကျော်လောက်တောင်မြင့်မယ်ထင်တယ်။ ပြုတ်ကျရင်တော့ မသက် သာဘူး။ စက်ဘီးစီးသလိုပေါ့၊ ပြုတ်ကျတာကိုကြောက်နေရင် ဘယ်စီးတတ်တော့မလဲ။ အဖြေကတော့ ဆက် မောင်းကားဆရာပါပဲ။ ရေမြောင်းအရှည်က (၅) မိုင်လောက်တောင် ရှိမယ်ထင်ပါတယ်။ တော်သေးတယ်၊ (၅) မိုင်စလုံး မျက်နှာချင်းဆိုင်ကလာတဲ့ ကားတစီးမှမတွေ့ပဲ ဆိုင်ကယ်တွေနဲ့ နွားတွေ၊ ဆိတ်အုပ်တွေ လောက်သာ တွေ့လို့။


ကိုယ်တွေက အိမ်စီးကားသေးသေးလေးနဲ့ ကြောက်ကြောက်လန့်လန့်ဖြစ်နေစဉ်မှာ ကုန်ကားတစီးကိုတွေ့မိ တော့ အတော်အံ့သြသွားတယ်။ တော်သေးတယ် အဲဒီကားကို ရွာအဝင် လမ်းခွဲရောက်မှ တွေ့လို့။ ကန်ဘောင် ပေါ်တွေ့လို့ကတော့ မချောင်ဘူး။ ကန်ဘောင်အဆုံး သို့မဟုတ် ဧရာတီမြစ်ဘေးရှိ ရေစတင်တဲ့နေရာရောက် တော့ - ဆီးမီးခုံ တိုးချဲ့လျှပ်စစ်မြစ်ရေတင်စက်ရုံ အမှတ်(၁) လို့ရေးထားတဲ့ ဆိုင်းဘုတ်ကိုတွေ့ရပါတယ်။ မြစ် စပ်ကဘောမှာ စက်ကြီးတွေထားပြီး မြစ်ရေတင်ပေးနေတဲ့စနစ်က အားကျစရာ။ မြန်မာနိ်ုင်ငံတဝှမ်း ဒီလိုရေပေး တဲ့စနစ် ဘယ်လောက်များများရှိသလဲ။ ရေချိုရတဲ့ မြစ်ကြီး (၄)သွယ်ကနေ ဒီလိုသာ ရေတင်ပေးနိုင်မယ်ဆိုရင် မြန်မာနိုင်ငံရဲ့ စိုက်ပျိုးရေး ဒီထက်အများကြီးဖြစ်ထွန်းလာနိုင်ပါတယ်။


ကန်ဘောင်ကနေ ရွာထဲဝင်မယ်ဆိုမှ ကားက ပြန်ကွေ့လို့မရဘူးဖြစ်နေ။ တော်သေးတယ်။ စက်ရုံဘေးမှာ ကားကွေ့လို့ရတယ်ဆိုသာရုံလေး နေရာကျဉ်းကျဉ်းလေးရှိလို့။ အဲဒီကနေ ရွာထဲကိုဖြတ်ပြီး ရန္တာပို ကျောက် တိုင်ရှိတဲ့ဖက်ကိုမောင်း၊ ရွာလမ်းကလည်း ကားတစီးလွတ်တယ်ဆိုရုံ လှည်းလမ်းကလေး။ တွေ့ပြီ- ဟိုမှာ ဧရာ ဝတီမြစ်ဘေးက ခြံဝင်းထဲမှာ အဖြူရောင်ကျောက်တိုင်တခု။ ဒါဟာ အဂ်လိပ်-မြန်မာ ပထမ စစ်ကိုအဆုံးသတ် စေခဲ့တဲ့ ရန္တာပိုစာချုပ်ခဲ့တဲ့နေရာ။ တကယ်စာချုပ်ချုပ်တဲ့နေရာက ဟိုး…မှာ မြင်နေရတဲ့ ဧရာဝတီမြစ်လယ်က သသောင်္ပေါ်မှာ။


ရန္တာပိုစာချုပ် ကျောက်တိုင်
အဲဒီ သဘောင်္အခုတော့ ဘယ်ရှိတော့မလဲ။ အခု ကမ်းစပ်မှာဆိုက်ထားတဲ့သဘောင်္က ဒီရွာကထွက်တဲ့ အိုးတွေ ကိုလာသယ်တဲ့သဘောင်္၊ ဟိုမြစ်လယ်မှာမြင်နေရတာက မန္တလေးကနေ ပုဂံကိုပြေးနေတဲ့ အမြန်သဘောင်္တွေ။ ပြီးတော့ သဲတင်တဲ့လှေတွေလားမသိဘူး။ ဆွဲလှေနဲ့ဆွဲသွားတဲ့ သဲလှေကြီးတွေကလည်း အများကြီး။ ဧရာဝတီ မြစ်ထဲ အဲလိုငေးနေတုန်း မန္တလေး-ပုံဂံပြေးတဲ့ သဘောင်္ဟာ အရှိန်လျော့လိုက်ပြီး နိ်ုင်ငံခြားသား လူဖြူ (၁၀)ဦး ခန့် သဘောင်္ပေါ်ကနေဆင်း၊ ဘေးက လှေငယ်လေးပေါ်ပြောင်းတက်လာတာတွေ့ရပါတယ်။ ပြီးတော့ အဲဒီလှေ က ကျနော်တို့ရပ်နေတဲ့ ကျောက်တိုင်ဘေးနားရှိ တောအုပ်ထဲရှိ အိမ်လေးတလုံးဆီ။ အသေချာကြည့်တော့ အိမ် လေး ဘယ်ဟုတ်မလဲ။ ရှေ့မှာနိဒါန်းချီထားတဲ့ ဧရာဝတီမြစ်ဘေးရှိ ရန္တာပိုကျောက်တိုင်နားက ဒန္တာရီဆန်တဲ့ ကြယ်ငါးပွင့်ဟိုတယ်ဆိုတာ ဒါကိုပြောတာ။

(ဓာတ်ပုံ Yandabo Home)

(ဓာတ်ပုံ Yandabo Home)


မသိရင် ငယ်ငယ်တုန်းကကြားဖူးတဲ့ တောကြီးမျက်မဲထဲက သိုက်နန်းထဲရောက်သွားသလိုလို။ ဒီလိုရွာငယ်လေး ရဲ့ တောအုပ်ထဲမှာ ကြယ်ငါးပွင့်အဆင့် ဟိုတယ်ကြီးတလုံးရှိနေလိမ်မယ်လို့ ဘယ်လိုမှ ထင်ထားစရာမရှိပါ။ လက်ရှိ မြစ်ရေပြင်ထက် ပေ (၃၀)လောက်မြင့်တဲ့ တောအုပ်ထဲက ဒီဟိုတယ်ခြေရင်းအထိ မိုးတွင်းဆိုရေတက် တဲ့အတွက် ဟိုတယ်ကို ခြေတန်ရှည်ဆောက်ထားတယ်ဆိုပါတယ်။ ကွန်ကရစ်တိုင်တွေနဲ့အခိုင်အမာဆောက် ထားပြီး အပေါ်ထပ်မှာတော့ တကယ့်ကိုကြယ်ငါးပွင့်အဆင့်ရှိတဲ့ Resort၊ အခန်းက (၁၂)ခန်းသာရှိပြီး လာ တည်းသူက များလွန်းတဲ့အတွက် ကြိုတင် ဘိုကင်မလုပ်ထားရင် ဘယ်လိုမှအခန်းမရနိုင်ဘူးလို့ ဟိုတယ် တာဝန် ရှိသူတဦး ကပြောပါတယ်။

...


အိုးသူဌေးရွာမှာ ခဏတာ


အဲဒါဆို ခုနကလှေပေါ်ကဆင်းလာတဲ့ လူတဒါဇင်လောက်က ဘယ်လိုတည်းမှာလဲဆိုပြီးမေးကြည့်တော့ အဲလူ တွေက ဒီမှာမတည်းဘူး။ နေ့လည်စာစားပြီးရင် ဟိုတယ်ရှေ့မှာရပ်ထားတဲ့ မောင်တိန်းဘိုက်တွေကိုစီးပြီး မြင်းခြံ ကို ပြန်မှာတဲ့။ ဒီတော့မှ မောင်တိန်းဘိုက်တစီးနဲ့ ဟန်ရေးပြနေတဲ့ တိုးလ်ဂိုက်ဖြစ်ပုံရသူကိုမေးကြည့်မိတယ်။ ဂိုက်က (၂) ဦး၊ စက်ဘီးနဲ့ ပစ္စည်းတွေတင်တဲ့ ကားတစီးနဲ့ ကားဆရာအပြင် အကူက (၂)ဦး။ ခုနက စက်ဘီးစီး မယ့်နိုင်ငံခြားသားက (၇)ဦးတဲ့။ ဧည့်သည်တွေနဲ့စကားမပြောဖြစ်လိုက်ပေမယ့် သူတို့ပြောတဲ့ လေသံက အဂ် လိပ်အသံမဟုတ်ပဲ ပြင်သစ်လို့ထင်ရပါတယ်။ ဒါပေမယ့် ဟိုတယ်ပိုင်ရှင်က အီတလီဖြစ်တဲ့အတွက် ဒီကိုလာတဲ့ နိုင်ငံခြားသားအများစုဟာ အီတလီတွေဖြစ်တယ်လို့ အဲဒီဟိုတယ်မှာတည်းနေတဲ့ အီတလီ တိုးလ်ဂိုက်က ကျနော်ကိုရှင်းပြပါတယ်။



ဟိုတယ်သုံးပစ္စည်းတွေ၊ အထူးသဖြင့် ဟိုတယ် အိပ်ခန်း၊ အိမ်သာနဲ့ ရေချိုးခန်းသုံးပစ္စည်းတွေမှာ အီတလီက နာမည်ရထားပါတယ်။ အီတလီလုပ် မျက်နှာသစ်တဲ့ခွက်၊ ရေချိုးတဲ့ခွက်တွေတွေ့ရင် ဥရောပသားအတော်များ များက ကြိုက်မှကြိုက်။ ဒါကြောင့် ဒီလောက်ဝေးလံတဲ့ တောရွာကဟိုတယ်မှာ ဘိုကင်မလုပ်ရင် အခန်းမရဘူး ဆိုတဲ့အနေအထားအထိဖြစ်နေတာပေါ့။ အစားအသောက်ကလည်းကောင်းပါတယ်။ ဘာကြောင့်သိလဲဆို ဟို တယ်မှာ မတည်းဖြစ်တဲ့ကျနော်တို့ဟာ ဒီဟိုတယ်မှာ နေ့လည်စာစားဖူးသည်ရှိအောင် စားသွားဦးမှဆိုပြီး အား ပေးခဲ့လို့ဖြစ်ပါတယ်။


ဒီဟိုတယ်မှာက အားလုံး ကြိုတင် ဘိုကင်နဲ့ဆိုတော့ ဒီတိုင်းဝင်စားလို့မရဘူး။ ဘိုကင်လုပ်ထားစဉ် တနာရီ လောက်ကြာမယ်ဆိုလို့ ဟိုတယ်နောက်ကျောက ရွာထဲဝင်ပြီး အိုးလုပ်ငန်းကို လေ့လာရေးဆင်းရပါတယ်။ အောက်ပြည်အောက်ရွာကလာတဲ့သူတွေအတွက် အိုးလုပ်တာ၊ အိုးဖုတ်တယ်ဆိုတာ တကယ့်အထူးအဆန်း မြင်ကွင်းတွေပါပဲ။ ဒါပေမယ့် ကိုယ်ကတော့ ဝါးတားတက္ကစီစီးပြီး တွံတေးကိုသွားလည်ဖူးထားတယ်ဆိုတော့ အိုးလုပ်ငန်းအခြေခံသဘောကိုတော့ သိထားပြီးသားဆိုပါတော့။ အဲဒီမတိ်ုင်ခင်အထိဆိုရင် ရေအိုး၊ ပန်းအိုး တွေအားလုံးကို ဒီဇိုင်းဆွဲ၊ ပုံစံသွင်းပြီး ထုတ်ထားတယ်လို့ပဲ ထင်ထားခဲ့တာ။


ရန္တာပိုရွာတွင်းက အိုးလုပ်ငန်း

ဒီဆရာတွေက တသက်လုံး ဒါပဲလုပ်လာတာဆိုတော့ သူ့တို့လက်မှန်းက ကွန်ပြူတာနဲ့တွက်တာနဲ့ ကွက်တိ လောက်နီးနီးဝင်မယ်ထင်ပါတယ်။ ပထမ ဆုံးတွေ့တဲ့အိမ်က ဆရာကြီးက မီးသွေးမီးဖိုတွေလုပ်နေတာတွေ့ရ ပါတယ်။ အတော်လက်ဝင်မယ်လို့ထင်ရပေမယ့် သူ့လုပ်သွားတာ လွယ်လွယ်လေး။ အရေးကြီးတာက လိုအပ် တဲ့ ရွံစေးကို ရအောင်ရှာဖို့ပါပဲ။ ဒီရွံစေးကိုတခြားကနေ မှာရတယ်ဆိုပေမယ့် အသေးစိပ်တော့ သူက ရှင်းမပြပါ။ ဟိုဖက်လမ်းဆုံနားက အိမ်မှာတော့ အိုးတွေကို မီးဖုတ်နေတာတွေ့ရပါတယ်။ ခုနကပြောတဲ့ ပန်းအိုး၊ ရေးအိုး၊ (စဥ့်အိုးတော့မပါဘူး။ အဲဒါက သီးခြားခေါင်းစဉ်နဲ့ သီးခြားနေရာတွေက ထုတ်တယ်လို့ဆိုပါတယ်) မီးဖိုတွေကို နေရောင်မထိစေပဲ အမိုးအကာအောက်မှာခြောက်အောင်ထားပြီး (၃)ရက်ခန့် မီးဖုတ်ရတယ်ဆိုပါတယ်။ မီးဖုတ် တယ်ဆိုတာ အလွယ်ပြောတာ။ မြင်ရတဲ့မြင်ကွင်းက ကျနော်တို့ အောက်ပြည်အောက်ရွာမှာ အုတ်ဖုတ်သလိုမျိုး (၃)ရက်လောက်လော စပါးခွံတွေ၊ လွှစာမုန့်တွေနဲ့ မီးနဲ့ဖုတ်တာမျိုးပါ။


နောက်တနေရာမှာတော့ ရှေ့မှာမြင်ခဲ့ရတဲ့ ကုန်တင်ကားထက်ပိုကြီးတဲ့ (၁၀)ဘီးပါ ကုန်တင်ကားကြီး၊ အိုးပေါင်း စုံကို အဲဒီကားပေါ်စနစ်တကျ (ကောက်ရိုးတွေကြားညှပ်ပြီး) တင်နေတာတွေ့ရပါတယ်။ ခုနက တာရိုးပေါ် ဒီ ကားဘယ်လိုမောင်းလဲ၊ ကားနှစ်စီးတွေ့ရင် ဘယ်လိုလွဲမလဲမသိပါ။ ဒီအိုးတွေအများကြီး ဘယ်ကိုသယ်သွားမှာ လဲဆိုပြီးမေးကြည့်တော့ အညာဘုရားပွဲမှာ သွားရောင်းမှာတဲ့။ အညာက ဘုရားပွဲတွေမှာတွေ့သမျှအိုးအားလုံး နီးပါးဟာ ဒီရန္တပိုရွာက ထွက်တယ်လို့ သူတို့ကဆိုကြပါတယ်။ အိုးလေးတလုံးလောက် လက်ဆောင်ဝယ်သွားပါ ဦးလားတဲ့။ ကိုယ်တွေက ပလစတစ်ဗူးတွေ၊ သတ္တုဗူးတွေနဲ့ ယဉ်ပါးနေပြီဆိုတော့ အဲဒီမြေအိုးကိုဝယ်ပြီး ဘယ်နားသွားထားရမှန်းမသိ။

Saturday, December 21, 2019

ချင်းတောင်တန်းသို့ ခရီးသွားခြင်း (၁)

ဟောလီးဒေးမန်းနီးစနစ် မရှိသေးတဲ့ဒေသမှာ
ဥရောပမှာတော့ ဟောလီးဒေးမန်းနီးက မေလအကုန် ဇွန်လဆန်းလောက်ဝင်ပါတယ်။ ဒါကြောင့် အတော်များ များက ဇူလိုင်လ (ဥရောပရဲ့နွေရာသီ) မှာခရီးထွက်ကြပါတယ်။ မြန်မာနိုင်ငံမှာတော့ အဲဒီလို စနစ်မရှိသေး။ စနစ်မရှိသေးဆိုတာ ဟောလီးဒေးမန်းနီးပြန်ပေးတာနဲ့ တခြားအခွင့်အရေးတွေပြန်ပေးတဲ့စနစ်မရှိသေးဘူးလို့ ပြောတပါ။ ဒါပေမယ့် အခွန်ကောက်တဲ့စနစ်ကတော့ အခိုင်အမာရှိနေပြီ။ စာရေးသူဆို မြန်မာနိုင်ငံမှာ အလုပ် တာဝန်စထမ်းကတည်းက အခွန်ငွေ (၁၀)% ပေးနေရပါတယ်။ ဒါပေမယ့် ကာတွန်းတွေထဲ ပြောင်ထားသလို လက်ခံရရှိပါသည်ဆိုတဲ့ဖြတ်ပိုင်းလေးမှအပ ဘာခံစားခွင့်မှ ပြန်မပေးသေးပါဘူး။ 
(တိမ်ပင်လယ်လို့ခေါ်ကြတဲ့ ဟားခါးမြို့ မနက်ခင်း)
ဥရောပမှာတော့ အခွန်ငွေထဲ ပိုကောက်မိတဲ့ငွေနဲ့ တနှစ်စာဝင်ငွေရဲ့ (၁၂)% ခန့်ကို မေလဆန်းမှာ ဟောလီးဒေးမန်းနီးအဖြစ် အလုပ်ရှင်က (အစိုးရက) အလုပ်သမားတွေရဲ့ ဘဏ်ထဲပြန်ထည့်ပေးပါတယ်။ (အဲဒီငွေ နှစ်ခုပေါင်းဟာ နှစ်လစာ ၀င်ငွေ လာက်ရှိတဲ့အတွက် တလတာခရီးသွားစရိတ် ကာမိပါတယ်)။
ဒါက အများမြင်သာတဲ့ ဟောလီးဒေးမန်နီးအကြောင်း ဥပမာ ထုတ်ပြတာပါ။ အခွန်ကောက်ခြင်းရဲ့ တကယ့်သဘောတရားက ဟောလီးဒေးမန်းနီးမဟုတ်။ လူမှုဖူလုံရေးစနစ်သာဖြစ်ပါတယ်။ အဓိကအားဖြင့် ကျန်းမာရေးစောင့် ရှောက်မှု၊ ပညာသင်ကြားခွင့်၊ အလုပ်လက်မဲ့ခံစားခွင့်၊ မိသားစုခံစားခွင်တွဟော အရေးကြီးလှပါတယ်။ မြန်မာနိင်ငံ မှာ ရောဂါတခုခုဖြစ်ပြီဆို ဆေးဖိုးနဲ့ ကုသမှုစရိတ်မတက်နိင်တာနဲ့သေဖို့များပါတယ်။ နော်ဝေမှာတော့ အဲဒီလို စိတ် ပူနေစရာမလို။ ခရိုနာ (၂၀၀၀) ဒေါ်လာ (၃၀၀-ခန့်) ထက်ပိုတာနဲ့ ကျန်စရိတ်အားလုံးကို အစိုးရက တာဝန်ယူတယ်။ ဆောင်ထားတဲ့အခွန်တွေက ဒီနေရာမှာ အသုံးတည့်တာပေါ့။
အလုပ်လက်မယ့်ထောက်ပံ့မှုကလည်း အရေးကြီးပါတယ်။ လစာရဲ့ (၆၂)%နဲ့ (၂)နှစ်အထိ ခံစားခွင့်ရှိပါတယ်။ ကလေးတွေရဲ့ပညာသင်ကြားခွင့်နဲ့တခြားကိစ္စတွေအများကြီးပါပဲ။ ထားတော့။ အခွန်ကိစ္စဟောရင်းနဲ့ ခရီးထွက်ဖို့ကိစ္စ ခေါင်းစဉ်လွဲသွားဦးမယ်။
ဟောလီးဒေးကော မြန်မာနိုင်ငံမှာ ဘယ်နှစ်ရက်ပေးထားသလဲ။ ကိုယ်လည်းအသေချာမသိဘူး။ တချို့က (၁၀) ရက်လို့ပြောပြီး တချို့က (၁၄) ရက်လို့ပြောကြပါတယ်။ ဥရောပမှာ တော့ (၂၈) ရက်သတ်မှတ်ထားပါတယ်။ ဒါပေမယ့် တချို့ဝေဖန်သူတွေက သင်္ကြန်ပိတ်ရက် (၁၀)ရက်နဲ့ တခြား ရာသီအလိ်ုက်ပိတ်ရက်တွေပေါင်းရင် မြန်မာပြည်ဟောလီးဒေးက ဥရောပထက်တောင် များနိုင်တယ်လို့ဆိုပါ တယ်။ သေချာတာကတော့ ဥရောပသားတွေလို ဟောလီးဒေး (၂၈)ရက် ခွင့်ရက်ရှည်ယူပြီး ကမ္ဘာပတ်ဖို့တော့ မလွယ်ပါ။
ထားတော့။ မြန်မာက အခုမှ စစ်အာဏာရှင်စနစ်ကနေ ဒီမိုကရေစီစနစ်ဆီအသွင်းပြောင်းဆဲ ဖားတပိုင်း ငါး တပိုင်းနိုင်ငံဆိုတော့ ဒီလောက်တော့ရှိမှာပေါ့။ ဥရောပနိုင်ငံတွေလို စဉ်းစားနေလို့ ဘယ်ဖြစ်မလဲ။  ဒီလိုနဲ့ ရသ မျှခွင့် (၁၀)ရက်ကိုယူပြီး ခရီးထွက်ဖို့ပြင်ပါတယ်။ ခရီးထွက်တယ်ဆိုလည်း ခုနကရှေ့မှာပြောသလို ဘယ်အချိန် မှာ မြန်မာတွေ ဟောလီးဒေးယူတယ်ဆိုတဲ့ အချိန်အတိအကျအလည်း မရှိပြန်ပါဘူး။ ဒါပေမယ့် အများစုက တော့ နှစ်ကုန်ခါနီး ဒီဇင်ဘာမှာ ခွင့်ယူခရီးသွားနေကြတာတွေ့ရပါတယ်။

ပြည်ပသွားမလား ပြည်တွင်းပဲလား

ဟောလီးဒေးယူသူ အတော်များများကတော့ ခရီးစရိတ် ဟိုတယ်စရိတ်ရှိမယ်ဆိုရင် ပြည်ပကို ခရီးသွားတာတွေ့ ရပါတယ်။ မေးခွန်းမေးကတည်းက ဘယ်နိုင်ငံက ဘယ်မြို့တွေကိုရောက်ပြီးပြီလဲ။ အနိမ့်ဆုံး ဘန်ကောက်၊ စင် ကာပူ၊ ဟောင်ကောင်ကနေ ကိုးရီးယား၊ ဂျပန်၊ သြစီ၊ ဥရောပ၊ အမေရိကားက ထင်ရှားတဲ့နေရာတွေ … ဒီလို လာတာ။ ပြည်နယ်-တိုင်း (၁၄)ခုက မြို့တော်တွေကို စုံအောင်ရောက်ပြီးပြီလားလို့ မေးသူသိပ်မရှိ။ ကိုယ်တွေက တော့ ပြည်ပမှာအကြာကြီးနေလာသူဆိုတော့ ပြည်ပသွားချင်စိတ်မရှိ။ ပြည်တွင်းက မရောက်ဖူးသေးတဲ့ နေရာ တွေကိုသွားမယ်ပေါ့။
(ကန်ပက်လက်မြိ့နယ်ထဲက နတ်မတောင်)
ဘယ်တွေကိုရောက်ဖူးပြီးပြီလဲဆိုပြီး ဇယားဆွဲကြည့်တော့ ရန်ကုန်မြိုပြဧရိယာ (မြို့ပြင်ဆိုလို့ တွံတေးလောက်ပဲ ရောက်ဖူးသေး)၊ ပဲခူးမြို့ဝန်းကျင်၊ ဧရာဝတီတိုင်းထဲက ချောင်းသာကမ်ခြေအသွား လမ်းတလျောက်၊ မန္တလေး မြို့၊ ရှမ်းပြည်နယ်တောင်ပိုင်းက အင်းလေးဒေသနဲ့ ကယားပြည်နယ်က ဒေသအချို့၊ ဒီထက်မပိုဘူး။ ရန်ကုန်က နေ ထားဝယ်အပြန် ဖြတ်သွားဖူးတဲ့ မွန်နဲ့ ကရင်ပြည်နယ်ပါပေါင်းမှ တိုင်းဒေသကြီး (၄)ခုနဲ့ ပြည်နယ် (၄)ခုပဲ ရောက်ဖူးပါသေးတယ်။ မြန်မာပြည်ရဲ့တ၀က်လောက်တောင် မရောက်ဖူးသေးတဲ့သဘော။
ဒါတောင် အခု ပြည်တော်ပြန်ပြီးမှ လျောက်သွားနေလို့။ အရင်ကဆို ထားဝယ်မှာနေပြီး မြိတ်ကိုတောင် ရောက် ဖူးတာမဟုတ်ဘူး။ လမ်းပန်းဆက်သွယ်ရေးမကောင်းတာ၊ နယ်မြေ မငြိမ်းချမ်းတာ၊ စီးပွားရေးအဆင်မပြေတာ တွေနဲ့လည်း ခရီးသွားလာမှုများခြင်း မများခြင်းက ဆက်စပ်နေမယ်ထင်ပါတယ်။
ကဲ- ရွေးလိုက်ပြီ၊ တခါမှမရောက်ဖူးသေးတဲ့ ချင်းတောင်တန်းဆီ။ ဘာကြောင့်ရွေးလဲဆိုတော့ ရောက်ဖူးသူတွေ ပြောသလောက်က ချင်းတောင်ရဲ့အခင်းအကျင်းဟာ မြေပြန့်နဲ့ လုံးဝကွဲလွဲသွားတယ်။ အဲ…ဥရောပမဲဇာ (နော် ဝေ)နဲ့ တချို့နေရာတွေအတော်တူတယ်ဆိုပြီး အသိတယောက်က ညွှန်းလို့ဖြစ်ပါတယ်။ ဒါပေမယ့် သူက မှာ လိုက်သေးတယ်။ ချင်းတောင်ဆိုပေမယ့် ပလက်ဝဖက်တော့ မသွားနဲ့ပေါ့ကွာ။ သတင်းထောက်ကနေ ဓားစာခံ ဖြစ်နေဦးမယ်တဲ့။

ရန္တာပို ကျေးရွာက ကြယ်ငါးပွင့်ဟိုတယ်ဆီသို့
ချင်းတောင်သွားမယ်ပြောပြီး ဘယ်လိုလုပ် ရန္တာပိုရွာရောက်သွားတာလဲဆိုပြီး မေးမလို့လား။ ဒီလိုလေ- ချင်း တောင်နဲ့ ရန်ကုန်က တိုက်ရိုက် လေယဉ်လိုင်းမရှိဘူးလေ။ အခုတော့ ဖလန်းမြို့မှာ လေယာဉ်ကွင်းဆောက် နေတာ အတော်ပြီးနေပြီလို့ဆိုပါတယ်။ လောလောဆယ် ချင်းတောင်နဲ့အနီးဆုံးလေယာဉ်ကွင်းက ကလေးမြို့။ လေယာဉ်နဲ့ မသွားချင်ဘူး (ဈေးကလည်းကြီးတာကိုး) ဆိုရင်တော့ ပုဂံ၊ ပခုက္ကူ၊ မန္တလေးဖက်ကနေ လိုင်းကား တွေနဲ့ သွားလို့ရပါတယ်။ ဒီလိုနဲ့ ချင်းတောင်သွားဖို့ ပုဂံမှာတညခိုရင်း အဖေါ်ကောင်းတာနဲ့ ရန္တာပိုရွာဖက် ရောက်သွားတယ် ဆိုပါတော့။
(ပုဂံမြိ့ရဲ့ မနက်ခင်းတခု)
တကယ်က ရန္တပိုရွာဆိုတာ ပုဂံ၊ မန္တလေး ကားလမ်းဘေးမှာရှိတာမဟုတ်။ ပုဂံဟိုတယ်တွေမှာ မေးကြည့်တာ ဘယ်သူမှ မသိဘူး။ ပုဂံသားမပြောနဲ့ အနီးဆုံးမြို့ မြင်းခြံက လူတွေတောင် ရန္တပို ဘယ်နားရှိမှန်း မသိဘူး။ အဲလို ဘယ်သူမှမသိတဲ့ ဝေးလံခေါင်ဖျားတဲ့နေရာကို ခင်ဗျားက ဘာသွားလုပ်မှာလဲ။ ခင်ဗျားအဖိုးက ရန္တပို စာချုပ် လက်မှတ်ထိုးတုန်းက ပါဝင်ခဲ့တာလားလို့ မမေးပါနဲ့။ 
ရန္တပိုစာချုပ်ဆိုတာကို အလယ်တန်းစာအုပ်ထဲဖတ်ဖူးတာကလွဲပြီး ဘာမှမသိဘူး။ အင်္ဂလိပ်-မြန်မာ ပထမ စစ် လား၊ ဒုတိယ စစ်လားတောင်မမှတ်မိလို့ ဒီဆောင်းပါးရေးမှ ဂိုဂယ်လိုက်ခေါက်နေရတာ။ (ပထမ စစ်ပွဲအပြီး ၁၈၂၆ မှာ ချုပ်ဆိုခဲ့တယ်လို့ ကျောက်တိ်ုင်မှာ ရေးထားပါတယ်)။ ဒီလို ကိုယ်နဲ့ဘာမှမဆိုင်တဲ့နေရာတခုဆီ ဘာ သွားလုပ်မှာလဲ။ အမေးရှိပေမယ့် အဖြေက အတိအကျမရှိဘူး။ ကျနော် ပုဂံမှာ အီး-ဘိုက်တစီးနဲ့ လျောက်သွား လို့ကောင်းနေတုန်း ကိုယ်ပိုင်ကားပါတဲ့ မိတ်ဆွေတယောက် ချင်းတောင်ကပြန်ဆင်းလာပြီး ပုဂံကိုရောက် လာပါတယ်၊ မြင်းခြံ-တောင်သာမှာရှိတဲ့ မိတ်ဆွေတယောက်ကလည်း အဲဒီဖက်သွားရင် သူလည်းလိုက်မယ် ဆိုတယ်။
မိတ်ဆွေဆိုလို့ အခုမှတွေ့သူတွေမဟုတ်ဘူး။ လွန်ခဲ့တဲ့ ဆယ်နှစ်ကျော် မိုးထဲရေထဲကာလတွေတုန်းက DVB (နော်ဝေ)မှာ အတူတာဝန်ထမ်းခဲ့ဖူးသူတွေ။ သူတို့နှစ်ဦးစလုံးက ကိုကိုသြစီတွေ။ ကိုယ်က နော်ဝေ။ ဆိုတော့ အားလုံး မြန်မာပြည်ဖွား နိုင်ငံခြားသားတွေပေါ့။ ပုဂံကနေ စထွက်ကတည်းက အားလုံးဟာ ကိုယ့်အတွက် နယ် မြေအသစ်။ ဘာကြောင့်လဲဆို အဲဒီအချိန်အထိ ကိုယ်ရောက်ဖူးတဲ့နေရာက ပုဂံလေယဉ်ကွင်း ဟိုဖက်ကို မ ကျော်သေးဘူး။ မြို့သစ်ဖက်နေထွက်လာတော့ ပထမ ဆုံးတွေ့ရတဲ့ဆိုင်းဘုတ်က ငါသရောက်မြို့လမ်းခွဲ၊ ကြားဖူးသလိုလို ရှိ ပေမယ့် ဒီနားမှာ ဒီမြို့ရှိမှန်းကြိုမသိဘူး။ နည်းနည်းဆက်ကျော်လာတော့ ညောင်ဦးဖက်က လာတဲ့ လမ်းနဲ့ဆုံပါတယ်။
လမ်းဆုံကျော်တော့ စဥ့်အိုးထဲ အခန်းဖွဲ့ထားတဲ့ အမြင်ဆန်းဒီဇိုင်းနဲ့ ဆောက်လက်စ ဘန်ဂလိုတွေ၊ ပြီးတော့ ထန်းတောတွေ၊ ငေးလို့ကောင်းတုန်း ဝုန်းဆိုပြီး နိမ့်ဆင်းသွားတဲ့ ရေကျော်။ ရေကျော်ဆိုလို့ပြောရဦးမယ်။ အညာကိုမရောက်ခင်က ရေကျော်ဆိုတာ ပဇွန်တောင်ရေကျော်ဈေးနဲ့ သောရင်းမြစ်ဘေးရှိ ၀မ်ခစခန်းအပေါ် နားက ရေကျော်စခန်းလောက်ပဲ ကိုယ်ကသိတာ။ ရန်ကုန်မှာအလုပ်ပြန်ဝင်တော့ ဘယ်မြို့က ရေကျော်မှာ ကုန်ကားကြီးတွေမျောပါသွားတယ် ဆိုတဲ့ မိုးတွင်းကာလ ရေကြီး သတင်းဝင်လာပါတယ်။ သတင်းထောက်က အညာသားဆိုတော့ ရေကျော်ဆိုတာ သူသိပြီးသား။ မသိတဲ့ကိုယ်က ရေကျော်နေတဲ့နေရာဆိုပြီး သတင်းကိုပြင် ပေးလိုက်ပါတယ်။
ဒါပေမယ့် ကိုယ်ပြင်တာကို အတော်များများက လက်မခံဘူး။ ဘာကြောင့်လဲဆို ရေကျော်လို့ပြောလိုက်ရင် အ ညာရောက်ဖူးသူတိုင်း သိတယ်တဲ့။ အောက်ပြည်ကလာတဲ့ လူတယောက်ရဲ့အမြင်ကိုပြောရမယ်ဆိုရင်တော့ အညာက ရေကျော်ဆိုတာဟာ တကယ်တော့ တံတားဆောက်သင့်တဲ့နေရာမှာ တံတားမဆောက်ပဲ ရေကို လမ်းပေါ်ကနေ ဒီတိုင်း (လမ်းကို မပြိုအောင် ကွန်ကရစ်ခင်းထားပြီး) ကျော်ခိုင်းတဲ့နေရာပါပဲ။ အညာမှာ မိုး သိပ်မရွာတဲ့အတွက် ဒီချောင်းထဲရေစီးတဲ့ကာလကလည်း တနှစ်လုံးနေမှ တလလောက်ပဲရှိပုံရပါတယ်။ အဲဒီချောင်းတွေ (ရေကျော်တွေ) ကိုသာ တံတားလိုက်ဆောက်မယ်ဆိုရင်လည်း ဘတ်ဂျက်အတော်ကုန်မလား မသိပါဘူး။
စာရေးသူအတွက်တော့ ဒါဟာ အညာဒေသရဲ့အထူးအဆန်းပါပဲ။ ရေကျော်အကြောင်းပြောရင်းနဲ့ ပခုက္ကူအ၀င်ဝ က ရထားလမ်းကုန်းကျော်တံတားကြီးအောက်ရောက်လာပါတယ်။ ဒါ ခင်ဗျား မနက်ဖန် ချင်းတောင်တက်ရင် ဒီ ကနေ လိုင်းကားလာစီးရမှာ-တဲ့။ ကျနော်မိတ်ဆွေကပြောပါတယ်။ အခုတော့ မြို့ထဲမ၀င်သေး။ ညောင်ဦး-မြင်း ခြံ လမ်းအတိုင်းဆက်မောင်း။ ဧရာဝတီမြစ်ကူးတံတားတစင်းကိုဖြတ်၊ တနာရီလောက်ကြာတော့ မြင်းခြံကို ရောက်ပါတယ်။ ဒီဖက်ကလမ်းတွေက မွန်-တနသာင်္ရီဘက်က လောက်မကောင်းပေမယ့် ဧရာဝတီတိုင်းက ချောင်းသာကမ်းခြေ ဖက်သွားတဲ့လမ်းထက်တော့ အများကြီးသာပါတယ်။
………………
အပိုင်းလိုက် ဆက်လက်တင်ပြပေးသွားမှာဖြစ်ပါတယ်။


မည်သည့်မီဒီယာမဆို ဒီဘလော့ သို့မဟုတ် FB ကို ခရက်ဒစ်ပေးပြီး အသုံးပြုနိင်ပါတယ်။



Share

Twitter Delicious Facebook Digg Stumbleupon Favorites More