Wednesday, October 30, 2013

ကမြောကင်း လယ်ယာမြေကိစ္စ လယ်သမား၊ လူထုအခြေပြုအဖွဲ့နှင့် ထွေ/အုပ် ထိပ်တိုက်တွေ့

Dawei Watch၊ ထားဝယ်၊ အောက်တိုဘာ ၃၀
 
ကာလကြာရှည်စွာ မပြေလည်သေးဘဲ ဖြစ်နေသည့် ကမြောကင်း လယ်ယာမြေကိစ္စ လယ်သမား၊ လူထုအခြေပြု အဖွဲ့အစည်း နှင့် တနင်္သာရီတိုင်း အထွေထွေ အုပ်ချူပ်ရေး ဦးစီးဌာနတို့ ထိပ်တိုက်တွေ့လာသည်ဟု ထားဝယ်အခြေစိုက် လူထု အခြေပြု အဖွဲ့အစည်းများ နှင့် လယ်သမားများထံမှ သိရသည်။ 
အောက်တိုဘာလ ၂၇ ရက်နေ့က စပါးရိတ်သိမ်းခါနီး လယ်မြေကို ခြံခတ်သည့်အတွက် လယ်သမားများနှင့် ထားဝယ်ခရိုင် အုပ်ချူပ်ရေးမှူး၊ မြို့နယ် အုပ်ချူပ်ရေးမှူး အပါအ၀င် ဌာနဆိုင်ဝန်ထမ်းများ အငြင်းပွားကာ စကားအခြေအတင်ဖြစ်ခဲ့ကြောင်း လယ်သမားများထံမှ သိရသည်။
ယင်းသို့ စကားအခြေအတင်ဖြစ်ပြီး နောက်တစ်နေ့ အောက်တိုဘာလ ၂၉ ရက်နေ့တွင်  ရိတ်သိမ်းခါနီး စပါးများရှိနေသည့် လယ်မြေပေါ်တွင် မြေဖို့သည်ကို လယ်သမားများနှင့် ဒေသခံ လူထုအခြေပြုအဖွဲ့အစည်းများက တားဆီးရာက ထိပ်တိုက်တွေ့ကာ တနင်္သာရီတိုင်းဒေသကြီး အထွေထွေအုပ်ချူပ်ရေး ဦးစီးဌာနမှ တိုင်းဒေသကြီး အတွင်းရေးမှူး ဦးတင်သိန်းအပါအ၀င် အဖွဲ့က ကြမ်းတမ်းစွာ ပြောဆိုခဲ့သည်ဟု လူထုအခြေပြုအဖွဲ့အစည်းများနှင့် ဒေသခံ လယ်သမားများက ပြောဆိုသည်။ 
လယ်သမားများနှင့် လူထုအခြေပြုအဖွဲ့အစည်းများက မြေလာဖို့သည့် ကားကို တားပြီး တာဝန်ရှိသူများကို ဆက်သွယ်ခိုင်းရာ တိုင်းဒေသကြီး အတွင်းရေးမှူး ဦးတင်သိန်းပါ အဖွဲ့နှင့် ရဲတပ်ဖွဲ့ဝင်များ ရောက်လာပြီး ထိပ်တိုက်တွေ့ခဲ့ခြင်းဖြစ်ကြောင်း လယ်သမားများ၏ ဗီဒီယို မှတ်တမ်းအရ သိရသည်။  
လယ်သမားများနှင့် လူထုအခြေပြု အဖွဲ့အစည်းများကို ကြမ်းတမ်းစွာ ကြိမ်းမောင်းခြင်း၊ လယ်သမားများနှင့် လူထုအခြေပြု အဖွဲ့များ နေရိပ်ခိုနေသည့် ထန်းရည်တဲကို ဖျက်ဆီးရန် အမိန့်ပေးခြင်း၊ လူထူအခြေပြု အဖွဲ့အစည်းတစ်ခုမှ မှတ်တမ်းကင်မရာ တစ်လုံးကို ဖျက်ဆီးခြင်းတို့စသဖြင့် ကြမ်းတမ်းစွာ ပြုမူခဲ့သည်ဟု ဒေသခံ လယ်သမားများက ပြောသည်။
“နိုင်ထက် စီးနင်းဆန်လွန်းတယ်။ လက်ရှိ ဆန္ဒပြခွင့် တင်ဖို့ လုပ်နေတယ်။ ဘက်ပေါင်းစုံကနေ လုပ်သွားမယ်” ဟု အခင်းဖြစ်ပွားသည့် နေရာကို ရောက်ခဲ့သည့် ထားဝယ်ဒေသခံ လူအခွင့်ရေး စောင့်ကြည့်လေ့လာသူ ဦးသန်းဝင်းက ဆိုသည်။
လက်ရှိ ပြုစုထားသည့် စာရင်းအရ မြေသိမ်းဆည်းခံထားရသည့် လယ်သမား ၆၄ ဦးအနက် ၁၀ ဦးသာ လျော်ကြေးယူရန် သဘောတူထားခြင်းဖြစ်ပြီး အများစုက သဘောမတူသေးဟု ဦးသန်းဝင်းက ပြောသည်။
သို့သော် တိုင်းအစိုးရအဖွဲ့မှ ဦးတင်သိန်းကမူ လျှော်ကြေးယူထားသည့်သူ ၃၀ ဦးခန့်ရှိသည်ဟု အခင်းဖြစ်ပွားသည့်နေရာတွင် ပြောဆိုခဲ့သည်ကို ဗီဒီယို မှတ်တမ်းအရ သိရသည်။
အခင်းဖြစ်ပွားမှုနှင့် ပတ်သက်ပြီး အတည်ပြုနိုင်ရန် အောက်တိုဘာလ ၃၀ ရက်နေ့ ညနေပိုင်းက တိုင်းအတွင်းရေးမှူး ဦးတင်သိန်းကို ၂ကြိမ်တိုင်တိုင် ဆက်သွယ်မေးမြန်းရာ ၀န်ကြီးချူပ် ရုံးခန်းသွားနေသည်ဟု တိုင်းအတွင်းရေးမှူး ရုံးခန်းမှ ၀န်ထမ်းတစ်ဦးက ပြန်လည်ဖြေကြားသည်။
အဆိုပါ ကိစ္စနှင့် ပတ်သက်ပြီး တနင်္သာရီတိုင်းဒေသကြီး ၀န်ကြီးချူပ်ထံ ဆက်သွယ်မေးမြန်းရာ မိမိအနေဖြင့် အဆင်ပြေဆုံး ဖြစ်အောင်စဉ်းစားကာ လျှော်ကြေးပေးရန် ကမ်းလှမ်းထားပြီးဖြစ်သည့်အတွက် အချိန်မရွှေးယူနိုင်ကြောင်း၊ ယူသည့်သူများလည်း ယူနေပြီ ဖြစ်ပြီး မယူတာကိုတော့ မိမိအနေဖြင့် မတတ်နိုင်ကြောင်း ပြန်လည်ဖြေကြားသည်။
သက်ဆိုင်ရာများ၏ ကြမ်းတမ်းစွာ ပြောဆိုမှုအပေါ် မှတ်ချက်မေးမြန်းရာ
“ဒီက စည်းနဲ့ကမ်းနဲ့ ဥပဒေနဲ့ အညီလုပ်နေတာကို သူတို့ အုပ်စုဖွဲ့ပြီး ၀ူးဝူးဝါးဝါး တားဟယ် ဆီးဟယ်လုပ်နေတာကိုရော”ဟု တနင်္သာတိုင်းဒေသကြီး ၀န်ကြီးချူပ် ဦးမြတ်ကိုက ပြန်လည် မေးခွန်းထုတ်ခဲ့သည်။
မိမိတို့အနေဖြင့် ရိုက်နှက်ဖမ်းဆီးနေတာမျိုးမဟုတ်သည့်အတွက် ကြမ်းတမ်းစွာ ကိုင်တွယ်သည်ဟု မပြောသင့်၊ တည်တည်ငြိမ်ငြိမ် ဖြစ်ရန် တာဝန်အရ လုပ်နေခြင်းဖြစ်ကြောင်း၊ တစ်ဧကကို ကျပ်သိန်း ၃၀ ဆယ်ခန့်သာ တန်သည့် လယ်ကွက်အစား ကျပ် သိန်း ၁၀၀ ခန့် တန်သည့် မြေကွက်များကို အစားထိုးပေးရန် ကမ်းလှမ်းထားပြီးဖြစ်ကြောင်း ၀န်ကြီးချူပ် ဦးမြတ်ကိုက ပြောသည်။
“အငြင်းပွားမှုဖြစ်လာတဲ့အချိန်မှာ ပြေလည်မှုရဖို့ မကြိုးစားဘဲ အော်နေ ငေါက်နေတာ၊ လူတွေကို ရှင်းလည်း မရှင်းပြ၊ စကားပြောခွင့်လည်းမပေးဘဲ အာဏာသုံးပြီး မောင်းထုတ်တာ၊ ကိုယ်ထိလက်ရောက် လုပ်တာက ယဉ်ကျေးတဲ့ လုပ်ရပ်လား”ဟု အခင်းဖြစ်ပွားနေရာသို့ ရောက်ရှိခဲ့သည့် ထားဝယ်ဒေသ ဖွံ့ဖြိုးတိုးတက်ရေးအဖွဲ့၏ ထားဝယ် ညှိနှိုင်းရေးမှူး ဦးသန့်ဇင်က တန်ပြန် မေးခွန်းထုတ်သည်။
သက်ဆိုင်ရာ၏ ဖြေရှင်းပုံသည် ပြဿနာ ပြေလည်ရန် ဟူသည့် ရည်ရွယ်ချက်ဖြင့် ဦးတည်ကိုင်တွယ်ခြင်းမဟုတ်ဘဲ မိမိတို့တွင် လုပ်နိုင်သည့် အာဏာရှိသည်၊ မည်သူကျေနပ်မကျေနပ် လုပ်ကိုလုပ်မည်ဟူသည့် ဆုံးဖြတ်ချက်ချပြီး ကိုင်တွယ်သလို ဖြစ်နေသည်ဟု ၎င်း ပြောသည်။
“ပြီးခဲ့ နှစ်ရက်စလုံးကဖြစ်တဲ့ ကိစ္စအပေါ်မှာ အလွန်အကျွံ ကိုင်တွယ်တယ်လို့ ကျွန်တော်တို့ မြင်တယ်။ ကိုယ်တိုင်လည်း ကြုံခဲ့တယ်။ ဒီကိစ္စမျိုးကိုတောင် ညင်ညင်တာတာ မကိုင်တွယ်နိုင်တဲ့ အစိုးရ ဘာအစိုးရလဲ။ ပြည်သူ့ လစာ ယူထားတာ မမေ့ပါနဲ့။ စစ်အစိုးရ လက်ထက်ကတောင် ဒါမျိုး မတွေ့ဖူးဘူး” ဟု ဦးသန့်ဇင်က ဆိုသည်။
ယင်းလယ်ယာမြေကိစ္စနှင့် ပတ်သက်ပြီး လယ်သမားများနှင့် လူထုအခြေပြု အဖွဲ့အစည်းများ အားလုံး ပူးပေါင်းတိုင်ပင်ပြီး ရှေ့ဆက် လုပ်ကိုင်သွားမည်ဟု လယ်ဧက ၁၄ ဧက ပိုင်ဆိုင်သည် ဦးထွန်းထွန်းဝင်းက ပြောသည်။
 “ဒီနေရာမှာ ၁၃ နှစ်သားကတည်းက နေလာခဲ့တာ။ ကျွန်တော် အရမ်းစိတ်လေနေပြီ။ ဘာပြောရမှန်းကို မသိတော့ဘူး။ လမ်းလျှောက်တာလည်း မြေနဲ့ ခြေထောက် မထိတော့ဘူး။ အလုပ်သမားတွေလည်း ပေါက်တူးတွေ ဘာတွေ လွှင့်ပစ်ပြီး စားမနိုင် သောက်မနိုင်ဖြစ်နေပြီ” ဟု လယ်မြေဧက ၇ ဧက ပိုင်သည့် ဦးကြည်လွင်က ဆိုသည်။
အခင်းဖြစ်ပွားသည့် စီမံကိန်းနေရာဖြစ်သည့် ထားဝယ်မြို့၊ ဆန်းချီရပ်ကွက် ၀န်ကြီးများအိမ်ယာ အနောက်ဖက် လယ်ကွက်မြေနေရာတွင် မြို့ရွာနှင့် အိုးအိမ် ဆောက်လုပ်ရေး ဦးစီးဌာနမှ ၀န်ထမ်းအိမ်ယာ စီမံကိန်းအဖြစ် ၆ခန်းတွဲ နှစ်ထပ်တိုက် ၁၀လုံးနှင့် ၆ခန်းတွဲ တစ်ထပ်တိုက် ၃လုံး တည်ဆောက်မည်ဟု ကန်ထရိုက်တာများထံမှ သိရသည်။
စီမံကိန်းဖော်ဆောင်မည့်နေရာနှင့် အနီးဝန်းကျင်၌ရှိသော လယ်မြေတွင် နှစ်စဉ်စပါးစိုက်ပျိုးလာခဲ့ပြီး ၂၀၁၁ခုနှစ်အထိ နှစ်စဉ် မြေအခွန်များ ပေးဆောင်ကာ လုပ်ကိုင်လာသော လယ်မြေများဖြစ်ကြောင်း၊ ၂၀၁၂ ခုနှစ်တွင် မြေအခွန်ပြေစာများ ဆက်မထုတ် ပေးတော့သော်လည်း လယ်ယာများကို ဆက်လက် လုပ်ကိုင်လာပြီး ယခုနှစ် စပါးထွက်တော့မည့်အချိန်တွင်  လယ်မြေကို ခြံစည်းရိုးခတ်ခြင်း မြေဖို့ခြင်းခံခဲ့ရသည်ဟု လယ်သမားများက ပြောဆိုသည်။
အစိုးရနှင့် ပုဂ္ဂိုလိက စီမံကိန်းများ ဖော်ဆောင်နေသည့် အငြင်းပွားမှု ကြုံတွေ့နေရသော ဆန်းချီရပ်ကွက်၊ ကမြောကင်း လမ်းမကြီး၏ တောင်ဖက်ရှိ လယ်မြေ ကွက်မှာ ဧက ၃၀၀ ကျော်ရှိသည်ဟု လယ်သမားများထံမှ သိရသည်။
Dawei Watch

Saturday, October 26, 2013

''မြန်မာစံတော်ချိန်'' ဘယ်တော့ပြောင်းမလဲ

သူ့အတွေး သူ့အမြင်

ဧရာဝတီ။
 
စီးပွားရေး, ဖွံ့ဖြိုးရေး, အပြောင်းအလဲ, ယဉ်ကျေးမှု
(ဓာတ်ပုံ – neverendingvoyage.com)

အောက်တိုဘာလ ၂၇ ရက်နေ့ဟာ ဥရောပတိုက်ရဲ့ ဆောင်းရာသီ စံတော်ချိန်ကို ပြောင်းတဲ့နေ့ဖြစ်ပါတယ်။ အခုရှိနေတဲ့ အချိန်ကို နောက် တနာရီ ပြန်ဆုတ်ပြီး မတ်လ ၃၀ ရက်ကျမှ ရှေ့ကို တနာရီပြန်တိုး (အခု မူလအတိုင်း) မှာ ဖြစ်ပါတယ်။

မြောက်အမေရိကတိုက်၊ တောင်အမေရိကတိုက်နဲ့ သြစတေးလျ တိုက်တွေမှာလည်း အလားတူ အချိန်ရှေ့တိုး နောက်ဆုတ် လုပ်လေ့ရှိပြီး တတိုက်နဲ့တတိုက် အချိန်ပြောင်းတဲ့ကာလ မတူပါဘူး။ အမေရိကန်နဲ့ ကနေဒါဘက်မှာ နိုဝင်ဘာ ၃ ရက်နေ့ကျရင် ဆောင်းရာသီ နာရီပြောင်းပြီး သြစတေးလျမှာတော့ ပြီးခဲ့တဲ့ ၆ ရက်နေ့ကတည်းက နွေရာသီနာရီကို ပြောင်းသွားပြီ ဖြစ်ပါတယ်။ ဒီလိုအချိန် ရှေ့တိုး နောက်ဆုတ် လုပ်တာကို DST (Daylight Saving Time) လို့ ခေါ်ကြပါတယ်။

စာရေးသူသည် ထိုင်း-မြန်မာ နယ်စပ်တွင် အခြေစိုက်သော ကျောင်းသား လက်နက်ကိုင် ABSDF အဖွဲ့ဝင်ဟောင်း ဖြစ်ပြီး DVB ၏ သတင်းထောက် ဟောင်းလည်း ဖြစ်သည်။ ယခုအခါ နော်ဝေနိုင်ငံတွင် နေထိုင်လျက် ရှိသည်
ဆောင်းရာသီ ရောက်ပြီဆိုတာနဲ့ ကားတွေအားလုံး ဆောင်းတွင်းသုံး တာရာ ပြောင်းရပါတယ်။ စက်ဘီးဆိုင်တွေပေါ် စကီး (ရေခဲပြင်လျှောစီးကိရိယာ) တွေ ရောက်လာပါတယ်။ လူတွေအားလုံး အနွေးထည် အထူကြီးဝတ်၊ အဝေးက မြင်နိုင်အောင် ရောင်ပြန်ဟပ်နိုင်တဲ့ အ၀ါရောင် အမှတ်သားတွေ အင်္ကျီမှာကပ်ပြီး နေရောင်မရတဲ့ လမ်းတွေပေါ် လျှောက်ရပါတယ်။ နေအိမ်တွေ၊ ရုံးတွေ၊ အလုပ်ရုံတွေအားလုံးလည်း အနွေးပေးစက်တွေဖွင့်။ ဒီလိုနဲ့ ဥရောပရဲ့ နာရီလက်တံ မိနစ် ၆၀ နောက်ပြန်ဆုတ် သွားခဲ့တာကို အသိအမှတ်ပြုခဲ့ကြပေ့ါ။

တချိန်တည်းမှာပဲ ဥရောပနဲ့ အမေရိကမှာ အခြေစိုက်တဲ့ BBC, DVB, VOA, RFA ရေဒီယို ၄ ခုစလုံးရဲ့ မီတာလှိုင်းတွေလည်း အောက်တိုဘာ ၂၇ မှာ ဆောင်းရာသီ လှိုင်းသစ်တွေဆီ ပြောင်းရပါတယ်။ ဒါပေမယ့် အီကွေတာနဲ့နီးတဲ့ အာရှတိုက်ထဲက မြန်မာနိုင်ငံမှာတော့ နွေနဲ့ဆောင်း နေ၀င် နေထွက်ချိန် သိပ်မကွာတဲ့အတွက် ဥရောပမှာလို အချိန်ပြောင်းစရာ မလိုပါဘူး။

ဒါဖြင့် မြန်မာတွေနဲ့မဆိုင်တဲ့ ဥရောပက နာရီပြောင်းတဲ့ကိစ္စကို ဘာကြောင့် ဒီမှာ လာပြောနေတာလဲ ဆိုပြီး မေးစရာရှိပါတယ်။ ဒီလိုပါ။ အချိန်မမှန်ဘဲ အမြဲတမ်းနောက်ကျပြီးမှ လာလေ့ရှိတဲ့၊ နောက်ကျပြီးမှ အစည်းဝေး စလေ့ရှိတဲ့၊ နောက်ကျပြီးမှ အလုပ် စလေ့ရှိတဲ့ ကိစ္စတွေနဲ့ ပတ်သက်ပြီး မြန်မာတွေကြားမှာ ခေတ်စားနေတဲ့ “မြန်မာစံတော်ချိန်” အကြောင်း ဆွေးနွေးချင်လို့ အချိန်လေးစားတဲ့၊ အချိန်ခြွေတာတဲ့ ဥရောပသားတွေ နာရီပြောင်းချိန်မှာ “မြန်မာစံတော်ချိန်” ကိစ္စကိုပြောရင် ကောင်းမလားဆိုပြီး စဉ်းစားမိလို့ပါ။

အရင် နော်ဝေ အခြေစိုက် DVB (ဒီမိုကရက်တစ် မြန်မာ့အသံ) မှာ တာဝန်ထမ်းစဉ်ကဆိုရင် နံရံပေါ်က နာရီကို အမြဲတမ်း ၁၀ မိနစ် စောထားတာ တွေ့ရပါတယ်။ ဘာကြောင့် ဒီလိုလုပ်ထားတာလဲဆိုပြီး မေးကြည့်တော့ အသံမလွှင့်ခင် “၁၀ မိနစ် ကြိုပြင်ချိန် ရအောင်” အချိန်ခိုးထားတာလို့ အယ်ဒီတာက ပြောပါတယ်။ ဒါပေမယ့် ဒီလို ၁၀ မိနစ် ခိုးထားတယ် ဆိုတာကို သတင်းသမား အားလုံးက သိနေတဲ့ အခါကျတော့ “၁၀ မိနစ်တောင် လိုသေးတာပဲ” ဆိုပြီး အချိန်ဆွဲနေကြတဲ့အတွက် သိပ်မထူးခဲ့ဘူးလို့ ထင်ပါတယ်။

ဒါက စက္ကန့်ပိုင်းကအစ နောက်ကျလို့မဖြစ်တဲ့ အသံလွှင့်လုပ်ငန်းခွင်က သတင်းသမားတွေရဲ့ နာရီလက်တံနဲ့ နပမ်းလုံးခဲ့ရတဲ့ အခြေနေပါ။ ဒါပေမယ့် အဲဒီလို အသံလွှင့်လုပ်ငန်းမှအပ ကျန်တဲ့နေရာတွေမှာတော့ မြန်မာတွေဟာ မြန်မာစံတော်ချိန်အတိုင်း သွားနေဆဲဖြစ်ပါတယ်။ နော်ဝေးရောက် မြန်မာတွေရဲ့ နိုင်ငံရေးဆွေးနွေးပွဲဖြစ်ဖြစ်၊ ဘုန်းကြီးကျောင်းကိစ္စဖြစ်ဖြစ်၊ မွေးနေ့ပွဲကိစ္စဖြစ်ဖြစ် အမြဲတမ်းနောက်ကျလေ့ရှိတာကို ကျနော် သတိထားမိပါတယ်။ ကိုယ့်အချင်းချင်းကြား ဒီလိုနောက်ကျလို့ “မြန်မာစံတော်ချိန်ပေါ့” ဆိုပြီး နောက်ပြောင်ပြောဆိုနေတာ ရိုးနေပြီဖြစ်ပေမယ့် နိုင်ငံခြားသားတွေကပါ မြန်မာစံတော်ချိန်ဆိုတာ ဒီလိုလားဆိုပြီး သဘောပေါက်သွားရင်တော့ ပြဿနာရှိတယ်လို့ ထင်ပါတယ်။

တလောက နော်ဝေ ရွေးကောက်ပွဲကို လေ့လာဖို့ရောက်လာတဲ့ မြန်မာကိုယ်စားလှယ်တွေနဲ့ မြန်မာ့ အရေးစိတ်ဝင်စားတဲ့ နော်ဝေနိုင်ငံသားတွေ တွေ့ဆုံဆွေးနွေးနိုင်ဖို့ နော်ဝေး-မြန်မာ ကော်မီတီက အခမ်းအနားတခု လုပ်ပေးခဲ့ပါတယ်။ ကံမကောင်း အကြောင်းမလှစွာနဲ့ အစည်းဝေးစမယ်လို့ ကြေညာထားတဲ့ အချိန်မှာ လူမစုံသေးတဲ့အတွက် မိနစ် ၃၀ ခန့် နောက်ကျပြီးမှ စဖြစ်ပါတယ်။ ဒါကို နော်ဝေး-မြန်မာ ကော်မတီ ၀န်ထမ်းတဦးက နောက်နောက်ပြောင်ပြောင်နဲ့ “မြန်မာစံတော်ချိန်ပေါ့” လို့ ပြောလိုက်ပါတယ်။

တခြားလူတွေစိတ်ထဲ ဘယ်လိုရှိမှန်း ကျနော် မခန့်မှန်းတတ်ပေမယ့် ကျနော့် စိတ်ထဲမှာတော့ ဒီလို အပြောခံရတာကို သိပ်ဘ၀င်မကျလှ။ နည်းနည်း ရှက်မိသလိုလည်း ဖြစ်သွာါးပတယ်။ ငါတို့ မြန်မာတွေ အချိန်မလေးစားတာကို နိုင်ငံခြားသားတွေပါ သိသွားပြီလားဆိုပြီး တွေးနေမိပါတယ်။

ပြည်တွင်းက လူအတော်များများကလည်း အချိန်ကို အလေးအနက် သိပ်မထားကြသေးပါဘူး။ ပြီးခဲ့တဲ့ မေလ ရန်ကုန် ခရီးစဉ်အတွင်း ကျနော် တွေ့ဖူးတဲ့လူတွေထဲမှာ သတင်းသမားနဲ့ NGO ၀န်ထမ်းကလွဲရင် ကျန်လူအတော်များများ ချိန်းတဲ့အချိန် ကွက်တိ ရောက်မလာကြပါဘူး။ သတ်မှတ်ချိန်အမီ မရောက်နိုင်တဲ့အတွက် ဖုန်းဆက် အကြောင်းကြားတာမျိုးလည်း လုပ်လေ့ မရှိသေးပါဘူး။

ပိုဆိုးတာက အများပြည်သူ ၀န်ဆောင်မှုလုပ်ငန်းတွေဖြစ်တဲ့ လေယဉ်ချိန်၊ ရထားချိန်၊ ဘတ်စကားချိန်၊ သင်္ဘောချိန်တွေလည်း မမှန်သေးပါဘူး။ ရန်ကုန်-ထားဝယ် လေယာဉ်ဆိုရင် သတ်မှတ်ချိန်ထက် မိနစ် ၃၀ နောက်ကျပါတယ်။ ဒါတောင် အထူးလေယာဉ်လို့ ဆိုပါတယ်။ သာမန်လေယာဉ်ဆိုရင် ဘယ်အချိန်ကို ထွက်မယ်မှန်း ခရီးသည်က ကြိုသိခွင့်မရ။ မနက် ၇ နာရီမှာ ကွင်းချိန်းချိန်ဆိုပြီး အစောကြီးကတည်းက လေယာဉ်ကွင်းဆီ သွားစောင့်နေ၊ နာရီပေါင်းများစွာ စောင့်ပြီး လေယာဉ်ထွက်တဲ့ အချိန်မှာသာ တက်လိုက်သွားပေတော့။

ရထားအချိန်တွေလည်း ဒီလို နောက်ကျနေဆဲလို့ ထင်ပါတယ်။ ပြီးခဲ့တဲ့ ခရီးစဉ်အတွင်း ရန်ကုန် မြို့ပတ်ရထားလောက်ပဲ စီးဖူးပြီး အဝေးပြေးရထား မစီးဖြစ်ခဲ့ပါ။ ဘတ်စကားကတော့ အချိန်လေးစားမှု အနည်းဆုံး ယာဉ်တွေဖြစ်မယ်လို့ ထင်ပါတယ်။ ဒါပေမယ့် ခက်တာက လူအများဆုံး နေ့စဉ်အသုံးပြုနေတဲ့ယာဉ်ဟာ ဘတ်စ်ကားဖြစ်နေပါတယ်။ မြန်မာနိုင်ငံက မြို့တွင်းပြေး ဘတ်စကားတွေမှာ အချိန်ဇယား မရှိသေးပါ။ ဘယ်အချိန် ဘာကားစီးရင် ဘယ်နေရာကို ဘယ်အချိန်ရောက်မယ်ဆိုပြီး တွက်ထားလို့ မဖြစ်နိုင်သေးတဲ့ နေရာတွေထဲမှာ မြန်မာနိုင်ငံ ပါနေဆဲ ဖြစ်ပါတယ်။

အဝေးပြေးကားတွေ ထဲမှာတော့ နာမည်ကြီး အကောင်းစားလိုင်းတွေက အချိန် အတော်မှန်တာကို တွေ့ရပါတယ်။ ပြီးခဲ့တဲ့ ခရီးစဉ်အတွင်းမှာတော့ ရန်ကုန်-နေပြည်တော်ပြေးတဲ့ အထူးဘတ်စ်ကားနဲ့ ပုဂံ-ရန်ကုန် ပြေးတဲ့ အထူးဘတ်စ်တွေဟာ အချိန်အတော်မှန်ပြီး ၀န်ဆောင်မှုလည်း အတော်ကောင်းပါတယ်။ ဒါပေမယ့် နေပြည်တော်ကနေ ပုဂံအသွား လမ်းတလျှောက် ကျနော်စီးဖူးတဲ့ ရိုးရိုးဘတ်စ်ကားတွေကတော့ အချိန်မေးတာကိုတောင် မကြိုက်ပါဘူး။

မိတ္ထီလာကနေ ပုဂံကိုဖြတ်ပြီး ရေစကြိုဘက်သွားမယ့်ကားဟာ သတ်မှတ်ချိန်ထက် မိနစ် ၅၀ လောက် နောက်ကျပြီးမှ ရောက်လာပါတယ်။ ဘာဖြစ်လို့ ဒီလောက်တောင် နောက်ကျသလဲဆိုပြီး ဂိတ်တာဝန်ခံ ကိုမေးကြည့်တော့ “မြန်မာစံတော်ချိန်လေ ဆရာ” ဆိုပြီး ပြောပါတယ်။ သူနောက်နေတယ်ထင်ပြီး သူ့ မျက်နှာကို အသေချာကြည့်ပေမယ့် သူကတော့ အပြုံးအရယ်မရှိ၊ ပုံမှန်အတိုင်းပါပဲ။ ဒါဆိုရင် “ပုဂံကို ဘယ်အချိန်ရောက်မလဲ” ဆိုပြီး ကျနော်က ထပ်မေးမိပါတယ်။ သူက ကျနော်ကို “ဘယ်ကမ္ဘာက ဂြိုလ်သားလဲ” ဆိုတဲ့ အကြည့်မျိုးနဲ့ တချက်ကြည့်ပြီး ဘာမှပြန်မပြောပါ။

“အဲလို မမေးရဘူးလေ ဆရာ။ ဒီဘက်ကလူတွေက အချိန်မေးတာကို မကြိုက်ကြဘူး။ နိမိတ်မကောင်းဘူးလို့ ထင်ကြတယ်” ဆိုပြီး ကျနော့်ကို ကားဂိတ်လိုက်ပို့တဲ့ မိတ်ဆွေက ၀င်ပြောပါတယ်။ အချိန်မေးတာနဲ့ နိမိတ်မကောင်းတာ ဘာဆိုင်လို့လဲ။ ကားထွက်ချိန်နဲ့ ကားဆိုက်ချိန်ကိုသိမှ ကိုယ်သွားမယ့် ခရီးစဉ်ကို တွက်လို့ရမှာပေါ့။ ဒါက အညာဘက်မှာ ကြုံခဲ့ရတဲ့ မေးခွင့်မရတဲ့ “မြန်မာစံတော်ချိန်” ဆိုပါတော့။

ထားဝယ်ဒေသက ကျနော်တို့ရွာဘက်မှာတော့ “မြန်မာစံတော်ချိန်” က ပုံစံတမျိုး၊ လူငယ်တွေ အတော်များများ အင်တာနက်ပါတဲ့ လက်ကိုင်ဖုန်း သုံးနေကြပြီဖြစ်ပေမယ့် အချိန်နာရီအတွက်တော့ ရွာဦးကျောင်းက အုန်းမောင်းခေါက်သံကို နားစွင့်နေရဆဲပါ။ မနက် ၄ နာရီဝန်းကျင် အုန်းမောင်းခေါက်သံ ကြားရင် အိပ်ရာကထ၊ အရုဏ်တက်ချိန်အမီကြွလာမယ့် “ဆွမ်းတော်ဗျို့” အဖွဲ့အတွက် ဆွမ်းထချက်၊ အရှေ့ကောင်းကင်က နေရောင်ပျိုးစအချိန်မှာ လယ်ထဲဆင်း၊ နေထန်းတဖျား ရောက်ချိန်မှာ မနက်စာစား၊ ကွမ်းတယာညက်ခန့်၊ တအောင့်လောက် အနားယူပြီးရင် အလုပ်ခွင်ပြန်ဝင် စသဖြင့် ရှေးရိုးနည်းတွေနဲ့ ခရီးနှင်နေကြဆဲ ဖြစ်ပါတယ်။

အနှစ်ပြန်ချုပ်ရမယ်ဆိုရင်တော့ ကမ္ဘာကြီးက အချိန်နဲ့တပြေးညီ ရှေ့သို့ချီတက်နေစဉ်မှာ မြန်မာအများစုကတော့ မြန်မာ့နည်းမြန်မာ့ဟန် “မြန်မာစံတော်ချိန်” နဲ့ ခရီးဆက်နေဆဲ ဖြစ်ပါတယ်။ လေယာဉ်တွေ၊ ရထားတွေ၊ သဘောင်္တွေ၊ ဘတ်စ်ကားတွေ နောက်ကျနေဆဲ ဖြစ်ပါတယ်။ အစည်းဝေးတွေ၊ ဆွေးနွေးပွဲတွေ၊ အချင်းချင်း ချိန်းဆိုတာတွေ နောက်ကျနေဆဲ ဖြစ်ပါတယ်။ ဒါကြောင့် မြန်မာနိုင်ငံ အခုလို ခေတ်နောက်ကျ ကျန်နေခဲ့တာလို့ ကောက်ချက်ဆွဲရတော့မလား။

ဒီလို အတိအကျပြောဖို့တော့ ခက်ပါလိမ့်မယ်။ ပြင်ပကမ္ဘာနဲ့ နှစ်ပေါင်း ၅၀ ကျော် အဆက်သွယ် ဖြတ်ခံခဲ့ရလို့ ဒီလိုဖြစ်သွားတယ်လို့ ထင်ပါတယ်။ အခု ခေတ်ပြောင်းကာလမှာတော့ ပြင်ပကမ္ဘာကလူတွေ မြန်မာနိုင်ငံအတွင်း ၀င်လာနေကြပြီ ဖြစ်သလို မြန်မာနိုင်ငံက လူတွေလည်း ပြင်ပကမ္ဘာဆီ ထွက်ခွာလေ့လာခွင့် ရနေကြပြီဖြစ်ပါတယ်။ ဒါဟာ တိုးတက်တဲ့ ကမ္ဘာကြီးကို အမီလိုက်နိုင်ဖို့ အခွင့်အခါကောင်း တခုပေါ့။

ဒီလို ပွင့်လင်းလွတ်လပ်လာတဲ့ အခွင့်အခါကောင်းကို အမိအရ ဖမ်းဆုပ်ရမယ့်အချိန်မှာ မြန်မာ့နည်း မြန်မာ့ဟန် “မြန်မာစံတော်ချိန်” ဆိုတာကို ရာဇ၀င်ထဲမှာ ချန်ထားခဲ့ပြီး တိကျတဲ့အချိန်ဇယားတွေနဲ့ ရှေ့ကို ချီတက်နိုင်ဖို့ ကျနော်တို့ မြန်မာတွေအားလုံး အစွမ်းကုန် ကြိုးစားဖို့ လိုနေပြီဖြစ်ပါတယ်။    ။

ABSDF ငွေရတု မွေးနေ့ အမှတ်တရ...။

လာမဲ့ သောကြာနေ့မှာကျရောက်တဲ့ နိုဝင်ဘာလ ၁ ရက်နေ့ဟာ ABSDF ခေါ် မြန်မာနိုင်ငံလုံးဆိုင် ရာ ကျောင်းသားများဒီမိုကရက်တစ်တပ်ဦး (ကျောင်းသားတပ်မတော်) ရဲ့ ၂၅ နှစ်ပြည့် ငွေရ တု မွေးနေ့ဖြစ်ပါတယ်။
 


လွန်ခဲ့တဲ့ ၂၄ နှစ်အတွင်း မွေးနေ့အခန်းနားတွေကို နယ်စပ်ဒေသအခြေစိုက်စခန်းတွေနဲ့ ပြည်ပရောက် တပ်ဖွဲ့ဝင်ဟောင်းတွေရှိရာနေရာတွေမှာ ကျင်းပကြပေမဲ့ ဒီနှစ်တော့ ပြည်တွင်းဒေသအသီးသီးမှာပါ ကျင်းပ မယ်လို့သိရပါတယ်။

မွေးနေ့အခန်းနားအပြင် ၂၅ နှစ်တာ လက်နက်ကိုင်တော်လှန်ရေးခရီးကြမ်းအတွင်း ကျဆုံးသွားခဲ့တဲ့၊ ပေး ဆပ်သွားခဲ့တဲ့ ''ရဲဘော်သူငယ်ချင်း'' တွေအတွက် ဆွမ်းသွပ်အမျှဝေပွဲတွေကိုလဲ ဒေသအသီးသီးက ဘုန်းတော်ကြီးကျောင်းတွေမှာကျင်းပမယ်လို့သိရပါတယ်။

ဒါ့အပြင် ကျဆုံးရဲဘော် ၃၅၀ ကျော်၊ သေဆုံးရဲဘော် ၂၇၀ ကျော်နဲ့ ဒဏ်ရာရ ရဲဘော် ၄၀၀ ကျော်အတွက် ဂုဏ်ပြုမှတ်တန်းလွှာတွေကိုလဲ အဲဒီ ဆွမ်းသွပ်ပွဲအတွင်းပေးအပ်သွားဖို့စီစဉ်ထားကြောင်း ABSDF တာဝန် ရှိသူတွေကပြောပါတယ်။


တိုင်းရင်းသားလူမျိုးပေါင်းစုံ ပြည်သူလူထုတရပ်လုံး စစ်အာဏာရှင်စနစ်အောက်မှ လွတ်မြောက်ရေး၊ ဒီမိုကရေစီနှင့် လူ့အခွင့်အရေးရရှိရေး၊ ပြည်တွင်းငြိမ်းချမ်းရေး ရရှိရေး၊ ဖက်ဒရယ် ပြည်ထောင်စု ပေါ် ထွန်းရေးဆိုတဲ့ ဦးတည်ချက် ၄ ရပ်အတွက် တိုက်ပွဲဝင်ရင်းကျဆုံးသွားသူတွေ၊ အခုချိန်ထိ ဆက်လက်တိုက်ပွဲဝင်နေဆဲရဲဘော်တွေ၊ အခြေနေ အမျိုးမျိုးကြောင့် ဒေသအသီးသီးမှာပြန်နှံ့ရောက်ရှိနေတဲ့ရဲဘော်တွေအားလုံးကို ဂုဏ်ပြုတဲ့အနေနဲ့ ...

၁၉၉၅ ခုနှစ်နှောင်းပိုင်းက မင်းသမီးစခန်းဆီ (အခု ကန်ချနပူရီ-ထားဝယ်ကားလမ်းအနီး) ရောက်လာတဲ့  သြစတေ လျ သတင်းထောက်တဦး ရိုက်ကူးထားတဲ့ Knife to Knife, Lance to Lance ရုပ်သံမှတ်တန်း၊ ၂၀၁၁ အစောပိုင်း ကာလက ထိုင်း-မြန်နယ်စပ်ရှိ နိုပိုးဒုက္ခသည်စခန်းမှာ ကျနော်ရိုက်ထားတဲ့ ABSDF ရဲဘော်ဟောင်း မိသားစုတချို့ ရဲ့ ဘ၀ရုန်းကန်မှုမှတ်တန်းနဲ့ ၁၉၉၈ ၀န်းကျင်က တပ်ရင်း ၂၀၁၊ မင်းသမီးစခန်းက ရဲဘော်ဟောင်းတွေ ထုတ်ဝေလိုက်တဲ့ ''ကြွေလွင့်သွားသောကြယ်ပွင့်များ'' စာအုက်ကိုပါ ဖေါ်ပြလိုက်ပါတယ်။

ဒါ့အပြင် တတိယ နိုင်ငံရောက် ရဲဘော်တွေနဲ့ လက်ရှိနိုင်ငံရေးအခင်းအကျင်းကို ဝေဖန်ဆန်းစစ်နိုင်ဖို့ အတွက်  အောက်တိုဘာလ အစောပိုင်းမှာထုတ်ဝေတဲ့ The Voice သတင်းစာပါ ''နိုင်ငံခြားသားခံယူခြင်းနှင့် မျိုးချစ်စိတ်ပြဿနာ'' ဆောင်းပါးကိုပါ ပူးတွဲတင်ပြလိုက်ပါတယ်။

တိုက်ပွဲဝင်ရဲဘော်များအားလုံးကို အလေးပြုရင်း...။
ထက်အောင်ကျော်
.......................................................................





......................................................................
နိုင်ငံခြားသားခံယူခြင်းနှင့် မျိုးချစ်စိတ်ပြဿာနာ

Written by  ထက်အောင်ကျော်၊  Thursday, 03 October 201,The Voice Daily.


ပြီးခဲ့တဲ့ စက်တင်ဘာလ ၂၉ ရက်နေ့က နော်ဝေနိုင်ငံသား ခံယူခြင်း အခမ်းအနားတစ်ခု အော်စလို မြို့တော်ခန်းမမှာ ကျင်းပခဲ့ပါတယ်။ ဒီမြို့တော်ခန်းမဟာ ဒေါ်အောင်ဆန်းစုကြည် အပါအဝင် ကမ္ဘာတစ်လွှားက ထင်ရှားတဲ့ နိုဘယ်လ် ငြိမ်းချမ်းရေး ဆုရှင်တွေကို ဆုချီးမြှင့်တဲ့ နေရာပေါ့။ ဒါပေမဲ့ ဒီတစ်ခါ ကိုယ်တက်ရမှာက ဒေါ်အောင်ဆန်းစုကြည်နဲ့ နိုဘယ်လ် ဆုရှင်တွေကို ကြိုဆိုတဲ့ အခမ်းအနားမဟုတ်။ မြန်မာနိုင်ငံသား ဘဝကနေ နော်ဝေနိုင်ငံသားအဖြစ် ခံယူရမယ့် အခမ်းအနားဆိုတော့ စိတ်ထဲမှာ သိပ်ဘဝင်မကျလှပါ။

 (အော်စလို မြို့တော်ခန်းမ)
“ယူချင်လွန်းလို့ ယူလိုက်တာမှ မဟုတ်ဘဲဗျာ။ အခြေအနေအရ ရွေးစရာမရှိလို့ လက်ခံလိုက်ရတာ ဆိုတော့ ကျွန်တော်တော့ အခမ်းအနား မတက်ခဲ့ဘူး” လို့ ကျွန်တော့်လို နိုင်ငံသား ခံယူထားပြီး မနှစ်ကတည်းက နိုင်ငံသား ဖြစ်သွားတဲ့ သူငယ်ချင်းတစ်ဦးက ပြောပါတယ်။ ဒီအခမ်းအနားဟာ မဖြစ်မနေ တက်ရမယ့် ပွဲမဟုတ်တဲ့အတွက် အခမ်းအနား မတက်လည်း ကိုယ့်ရဲ့နိုင်ငံသား ခံယူထားမှုက ဘာမှထိခိုက်စရာ မရှိဘူးလို့ သူကရှင်းပြပါတယ်။

ကျွန်တော်ကတော့ ဒါတွေကို သိပ်မသိ။ နော်ဝေနိုင်သား ခံယူနိုင်ဖို့ နော်ဝေစာနဲ့ စကားကို သတ်မှတ်နာရီ ပြည့်အောင် သင်ထားတယ် ဆိုပေမယ့် ကောင်းကောင်း ဖတ်တတ်၊ ပြောတတ်တာ မဟုတ်သေးပါ။ “အခမ်းအနားတက်ရင် ကိုယ်ကပါ အလိုတူအလိုပါ တရားဝင် အသိအမှတ်ပြုသလို ဖြစ်သွားမလားဆိုပြီး စိတ်ထဲမှာ စွဲနေလို့ မတက်တာဗျို့” လို့ သူကဆိုပါတယ်။ တက်သင့်မသင့် ဇဝေဇဝါ ဖြစ်နေတဲ့ ကျွန်တော်ဟာ သူရဲ့အိုင်ဒီယာကို ကြားရပြီးတဲ့နောက် အဲဒီအခမ်းအနားဆီ မတက်ဖြစ်လိုက်တော့ပါဘူး။

တစ်ဆက်တည်းမှာပဲ ‘အခြေအနေအရ ရွေးစရာမရှိလို့ လက်ခံလိုက်ရတာ’ ဆိုတဲ့ စကားလုံးကို အသေအချာ ပြန်စဉ်းစားနေမိပါတယ်။ ဟုတ်ပါတယ်။ လွန်ခဲ့တဲ့ ၂၅ နှစ်၊ အခုလို စက်တင်ဘာလအတွင်း စစ်တပ်အာဏာ သိမ်းချိန်မှာ အဲဒီစစ်တပ်ကို လက်နက်ကိုင် တော်လှန်မှ ရမယ်ဆိုပြီး တောခိုခဲ့ကြတဲ့ ကျွန်တော်တို့ ကျောင်းသားတွေမှာ နော်ဝေနိုင်ငံဆီ သွားပြီး နော်ဝေနိုင်ငံသား အဖြစ် ခံယူဖို့ အစီအစဉ် ဘယ်ရှိပါ့မလဲ။ မူလအစီအစဉ်က စစ်အာဏာရှင် ပြုတ်ကျရေးအတွက် အသက်စွန့် တိုက်ပွဲဝင်ဖို့ သက်သက်မျှသာ ဖြစ်ပါတယ်။

ဒါပေမဲ့ တော်လှန်ရေးတစ်ရပ် အောင်ဖို့ဆိုတာ အသက်စွန့်တိုက်နေရုံနဲ့ ဘယ်လုံလောက်ပါ့မလဲ။ တခြား အချက်အလက်တွေ အများကြီး လိုဦးမှာပေါ့။ ဒီလိုနဲ့ လူကြီးသူမတွေ ပြောနေကျ စကားအတိုင်း ‘ကာလရွေ့လျားလာတာ နဲ့အမျှ’ ကျွန်တော်တို့ တောခိုကျောင်းသား ABSDF အဖွဲ့ဝင် တွေဟာလည်း တိုက်ပွဲမှာ ကျသူကျ၊ ငှက်ဖျားနဲ့ ဆုံးသူဆုံး၊ အိမ်ပြန်သူပြန်၊ နိုင်ငံခြား ထွက်သူထွက်၊ ဆက်တိုက်သူတိုက် စသဖြင့် လမ်းအသွယ်သွယ်နဲ့ ခရီးဆက်ရင်း အခုတော့ ကျွန်တော်အပါအဝင် တောခိုကျောင်းသားဟောင်း တချို့ဟာ နိုင်ငံခြားသား ခံယူရတဲ့ အခြေအနေအထိ ဆိုက်လာခဲ့တယ် ဆိုပါတော့။

၂၀၀၀ ပြည့်လွန်နှစ်တွေ နောက်ပိုင်း နော်ဝေနိုင်ငံဆီ ရောက်လာတဲ့ မြန်မာနိုင်ငံသားဦးရေ ၃၀၀၀ ကျော်လောက် ရှိမယ်လို့ ခန့်မှန်းရပြီး အများစုဟာ တောခိုကျောင်းသား ဟောင်းတွေ၊ နိုင်ငံရေး အကျဉ်းသားဟောင်းတွေ၊ စစ်ပြေး ဒုက္ခသည်တွေ ဖြစ်ကြပါတယ်။ နော်ဝေ ဥပဒေအရ သူ့နိုင်ငံဧရိယာ ထဲမှာ ခုနစ်နှစ်ကြာ ဆက်တိုက်နေထိုင်ပြီးသူတိုင်း နော်ဝေ ဘာသာစကားကို သတ်မှတ်ထားတဲ့ နာရီပြည့်အောင် သင်ထားပြီးသူတိုင်း နိုင်ငံသားအဖြစ် လျှောက်ခွင့်ရှိ တဲ့အတွက် ခုနစ်နှစ် ပြည့်ပြီး သူတိုင်းနီးပါး နိုင်ငံသားအဖြစ် လျှောက်ထားကြတာကို တွေ့ရပါတယ်။

ဒါက နော်ဝေက အခြေအနေပါ။ ဆွီဒင်၊ ဒိန်းမတ်၊ နယ်သာလန်၊ အိုင်ယာလန်၊ အင်္ဂလန် အပါအဝင် တခြားဥရောပ နိုင်ငံတွေမှာလည်း ၁၉၈၈ နောက်ပိုင်း ထွက်လာသူတွေ ထောင်နဲ့ချီ ရှိနေပါတယ်။ တစ်ခါ မြန်မာတွေ အများဆုံး ရောက်နေတဲ့ အမေရိက၊ ကနေဒါ၊ သြစတြေးလျနဲ့ နယူးဇီလန် တို့မှာဆိုရင် နိုင်ငံသားခံယူမှုက ဥရောပထက်တောင် ပိုလွယ်၊ ပိုမြန်တယ်လို့ ဆိုပါတယ်။ ၁၉၈၈ နောက်ပိုင်း ထိုင်း-မြန်မာ နယ်စပ် ဒုက္ခသည်စခန်းတွေ၊ တခြား နယ်စပ်စခန်း တွေကနေ ထွက်လာတဲ့ မြန်မာနိုင်ငံသားဦးရေ သုံးသောင်း ဝန်းကျင်လောက် ရှိမယ်လို့ ခန့်မှန်းရပေမယ့် အသေအချာစာရင်း ပြုစုထားတာမျိုးတော့ မတွေ့ရသေးပါ။

ဒီလူတွေထဲက ဘယ်လောက်များများ သက်ဆိုင်ရာ နိုင်ငံတွေရဲ့ နိုင်ငံသားအဖြစ် သို့မဟုတ် မြန်မာနိုင်ငံက လူတွေအပြောတိုင်း ဆိုရင် ‘နိုင်ငံခြားသား’ အဖြစ် ခံယူထားသလဲဆိုတာ မသိနိုင်ပါ။ ဒါပေမဲ့ အခုတစ်လော မြန်မာနိုင်ငံဆီ ပြန်လည်တဲ့လူတွေ များလာနေတဲ့အတွက်၊ တစ်နည်း အားဖြင့် ပြောမယ်ဆိုရင် နိုင်ငံခြားသား ခံယူပြီးမှ ဒီလိုပြန်လည်နိုင်တဲ့အတွက် နိုင်ငံခြားသားအဖြစ် ခံယူပြီးသူ ထောင်ဂဏန်းနဲ့ ချီပြီး ရှိနေလောက်ပြီ ဆိုတာကိုတော့ ခန့်မှန်းနိုင်ပါတယ်။

ကျွန်တော်ကိုယ်တိုင်လည်း ဧပြီလကုန်ပိုင်းမှာ နော်ဝေနိုင်ငံသား စာအုပ် ရတဲ့အတွက် မေလထဲမှာ မြန်မာနိုင်ငံဆီ သွားလည်ခွင့် Visa ရခဲ့ပြီး ဒါဟာ ၂၅ နှစ်တာအတွင်း ပထမဆုံးသော ပြည်တော်ပြန် ခရီးစဉ် ဖြစ်ခဲ့ပါတယ်။ တခြားလူတွေထဲမှာလည်း ကျွန်တော့်လို မြန်မာနိုင်ငံ ပြန်ချင်လို့ နိုင်ငံခြားသား ခံယူလိုက်ရသူတွေ ရှိနိုင်သလို အခြားအကြောင်း အမျိုးမျိုးကြောင့် ခံယူလိုက်ရသူတွေ ရှိနိုင်ပါတယ်။

သေချာတာတော့ နိုင်ငံခြားသား ဖြစ်ချင်လွန်းလို့၊ သို့မဟုတ် မြန်မာနိုင်ငံသား မဖြစ်ချင်တော့လို့၊ မြန်မာနိုင်ငံကို မချစ်တော့လို့ နိုင်ငံခြားသားအဖြစ် ခံယူလိုက်သူကတော့ မရှိသလောက် နည်းမယ်လို့ ထင်ပါတယ်။ ဘာကြောင့် ဒီလိုရှည်လျားထွေပြား နိဒါန်းချီ နေရသလဲဆိုရင် အကြောင်း အမျိုးမျိုးကြောင့် နိုင်ငံခြားသားအဖြစ် ခံယူလိုက်ရသူတွေကို မျိုးချစ်စိတ်မရှိ သူတွေ၊ အမေကျော်ဒွေးဒေါ် လွမ်းသူတွေအဖြစ် ဝေဖန်သံတွေ ကြားလာနေရလို့ ဖြစ်ပါတယ်။

တချို့ဝေဖန်သူ တွေကတော့ နိုင်ငံခြားသားအဖြစ် မခံယူဘဲ PR (Permanent Resident- အမြဲတမ်း နေထိုင်ခွင့်) အဖြစ်ပဲ ယူထားပြီး မြန်မာနိုင်ငံ ပြန်လည်ရင်လည်း ဖြစ်ပါတယ်လို့ ဆိုပါတယ်။ ဒါပေမဲ့ ကျွန်တော် မေးမြန်း သိရှိသလောက်ကတော့ PR သမားတွေ မြန်မာနိုင်ငံ ပြန်လည်မယ်ဆိုရင် နိုင်ငံသားအဖြစ် ခံယူထားသူလို ပုံမှန်လမ်းကြောင်းအတိုင်း Social Visa နဲ့ မသွားနိုင်သေးဘဲ သံရုံးအရာရှိတွေ၊ မြန်မာနိုင်ငံက အစိုးရအရာရှိတွေရဲ့ ခွင့်ပြုချက် စောင့်ရသေးတယ်လို့ ဆိုပါတယ်။ တစ်ခါ နိုင်ငံခြား ခရီးသွားလက်မှတ် (Travel Document) ကိုင်ပြီး မြန်မာနိုင်ငံဆီ အဝင်အထွက် လုပ်နေသူ တွေဟာလည်း အလားတူ သက်ဆိုင်ရာ သံရုံးနဲ့ အစိုးရ အရာရှိတွေဆီက ခွင့်ပြုချက်ရပြီးမှ သီးခြားစာရွက်မှာ အထူး Visa စာရွက်ကပ်ပြီး သွားနေကြရတာ ဖြစ်ပါတယ်။

ဆိုလိုတာကတော့ သံရုံးတွေ၊ အစိုးရအရာရှိတွေ၊ အာဏာပိုင်တွေနဲ့ ဘာမှစကားပြောစရာ မလိုဘဲ သာမန်နိုင်ငံသား တစ်ဦးအနေနဲ့ ခရီးသွားချင်တယ်ဆိုရင် နိုင်ငံသားလက်မှတ် ရှိသူတွေက အကောင်းဆုံး အနေအထား ဖြစ်ပါတယ်။ ဒါက အခုမြန်မာနိုင်ငံဆီ ပြန်လည်ခွင့်ရပြီဆိုတဲ့ အနေအထားရောက်မှ နိုင်ငံခြားသား ခံယူသူတွေရဲ့အခြေအနေကို ပြောတာပါ။

ဒီမတိုင်ခင်ကတည်းက နော်ဝေမှာ ခုနစ်နှစ် ပြည့်ပြီးသူတွေ၊ တခြားနိုင်ငံ အသီးသီးမှာ သတ်မှတ်အချိန်နဲ့ သတ်မှတ် ဘာသာစကားရပြီးလို့ နိုင်ငံခြားသား ခံယူလိုက်သူတွေလည်း အများကြီး ရှိမှာပါ။ ဆိုလိုတာက နိုင်ငံခြားသား ခံယူတာဟာ မြန်မာနိုင်ငံ ပြန်လည်ခွင့်ရဖို့ တစ်ခုတည်း အတွက်တော့ မဟုတ်ပါဘူး။

ဒါဖြင့် ဘာကြောင့် နိုင်ငံခြားသားအဖြစ် ခံယူကြတာလဲ။ တစ်ဦးချင်းစီမှာ တစ်ခုချင်း အကြောင်းပြချက်တွေ ရှိနေနိုင်ပါတယ်။ ကဲ ... ဒါဆိုရင် နိုင်ငံခြားသား ခံယူပြီးသူတွေက မြန်မာနိုင်ငံဆီ ပြန်မလာ တော့ဘူးလား။ ဒါကလည်း တစ်ဦးချင်းစီမှာ တစ်ခုချင်း အကြောင်းပြချက်တွေ ရှိနေနိုင်တာပါပဲ။ ဒီလူတွေ မြန်မာနိုင်ငံဆီ ပြန်လာရင် PR (Permanent Resident - အမြဲတမ်း နေထိုင်ခွင့်) အဖြစ်နဲ့ နေကြမှာလား။ မြန်မာနိုင်ငံသား အဖြစ် ပြန်လျှောက်ရမှာလား။ နိုင်ငံရေး၊ စီးပွားရေး လုပ်ပိုင်ခွင့်တွေက ဘယ်လိုရှိမလဲ။ ဒါကတော့ တစ်ဦးချင်းနဲ့ မဆိုင်တော့ဘဲ သူတို့ကို ပြန်လက်ခံမယ့် အစိုးရတွေ၊ ပါလီမန်တွေနဲ့ ဆိုင်သွားပါပြီ။ ဒီအတွက် PR စနစ်နဲ့ ပြည်တော်ပြန်တွေကို ငါးနှစ်တာ နေထိုင်ခွင့်ပေးမယ့် ဥပဒေတစ်ရပ် ပါလီမန်မှာ အတည်ပြုဖို့ ပြင်နေတယ်လို့ ကြားရပါတယ်။

ဒီလိုပြန်လာတဲ့ လူဦးရေက ဘယ်လောက်အထိ ရှိမှာမို့လို့လဲ။ သူတို့အတွက် ဒီလောက်အထိ စဉ်းစားပေးစရာ လိုလို့လားဆိုပြီး မေးခွန်းထုတ် သူလည်းရှိရင် ရှိနိုင်ပါတယ်။ တစ်ခါ ဒီလူတွေက ပြန်လာမယ်ဆိုလည်း အပြီးပြန်လာတာ မဟုတ်ဘူး။ နိုင်ငံရေးအရ ထွက်သွားတယ်ပြောပြီး နိုင်ငံရေး အခြေအနေကောင်းတော့ ဘာကြောင့် အပြီးပြန်မလာရဲ သေးတာလဲ ဆိုပြီးလည်း မေးနိုင်ပါတယ်။ ပြီးတော့ ဒီလူတွေက နိုင်ငံခြားမှာ အနေကြာသွားလို့ ဆင်းရဲတဲ့ မြန်မာနိုင်ငံမှာ ဆင်းရဲတဲ့ ပြည်သူတွေနဲ့အတူ မနေနိုင်တော့ ဘူးလား။ ဒီလူတွေက မျိုးချစ်စိတ် မရှိတော့လို့ မြန်မာနိုင်ငံဆီ ပြန်မလာတော့ တာလားပေါ့။

‘ဘဝဟာ တစ်ခါတစ်ခါ စိတ်နာဖို့ ကောင်းပါတယ်’ ဆိုတာ ဒါမျိုးကို ခေါ်တယ်ထင်ပါရဲ့။ မျိုးချစ်စိတ် ရှိလွန်းလို့ တစ်မျိုးသားလုံး စစ်အာဏာရှင် စနစ်အောက်ကနေ လွတ်မြောက်အောင် စစ်အစိုးရကို လက်နက်ကိုင် တော်လှန်မှ ရမယ်ဆိုပြီး အသက်စွန့် တိုက်ပွဲဝင်ခဲ့တဲ့ ကျွန်တော်တို့ မျိုးဆက်ဟာ အခုတော့ မျိုးချစ်စိတ် မရှိလို့ နိုင်ငံခြားသား ခံယူသူတွေအဖြစ် စွပ်စွဲခံ နေရပါရော့လား။ ၂၅ နှစ်ဆိုတဲ့ ကာလဟာ လူတွေရဲ့စဉ်းစားပုံနဲ့ တွေးခေါ်ပုံတွေကိုပါ ပြောင်းလဲသွားစေနိုင်သလား။
အတိတ်မှာ အမှားတွေ ကျူးလွန်ခဲ့သူတွေက ယူနီဖောင်း လဲလိုက်ရုံနဲ့ အာဏာကို ဆက်ကိုင်ထားနိုင်တဲ့အခါ အဲဒီလူတွေကိုပဲ အောင်ပွဲရသူတွေအဖြစ်၊ ကယ်တင်ရှင်အဖြစ် သတ်မှတ်လိုက် ကြတော့မှာလား။ အဲဒီလို အမှားကျူးလွန် ခဲ့သူတွေကို ဖြုတ်ချဖို့ ကြိုးစားခဲ့သူတွေ၊ အမှန်တရားအတွက် တိုက်ပွဲဝင်ခဲ့သူတွေ၊ ဘဝတစ်ခုလုံး ပေးဆပ်ခဲ့ရ သူတွေကိုတော့ အောင်ပွဲရအောင် မဆောင်ရွက်နိုင်သူတွေ၊ မျိုးချစ်စိတ် မရှိလို့ ပြည်ပထွက်သွားသူတွေ အဖြစ် စွပ်စွဲကြတော့မလား။

အနှစ်ပြန်ချုပ်ရရင်တော့ နိုင်ငံခြားသား ခံယူမှုဆိုတာ အခြေအနေအရ၊ သက်ဆိုင်ရာ လူတစ်ဦးချင်းရဲ့ လိုအပ်ချက်အရ ဖြစ်သွားရတဲ့ အနေထားလို့ ဆိုချင်ပါတယ်။ ပြီးတော့ လက်ရှိအခြေအနေဟာ အသွင်ကူးပြောင်းရေး ကာလကို သွားနေပြီလို့ ဆိုပေမယ့် လက်ဆုပ်လက်ကိုင် ပြနိုင်တဲ့ နိုင်ငံရေး အာမခံချက် ဘာမှမရှိသေးပါ။ ပြန်လာသူတွေကို မဖမ်းပါဘူးလို့ အာမခံချက် ပေးထားတဲ့ ဥပဒေတွေ၊ လုပ်ထုံးလုပ်နည်းတွေ ဘာမှမတွေ့ရသေးပါ။ ငြိမ်းချမ်းရေး လုပ်နေတဲ့ ဝန်ကြီးနဲ့ပိုင်မှ၊ သမ္မတရုံးဝန်ကြီးနဲ့ သိမှ၊ လွှတ်တော်အမတ်နဲ့ ဆွေမျိုးတော်မှ၊ သံအမတ်နဲ့ခင်မှ အဆင်ပြေတယ်ဆိုတဲ့ အဆင့်ကကို မကျော်နိုင်သေးပါ။

ဒီလိုအခြေအနေမျိုးမှာ မြန်မာနိုင်ငံဆီ အပြီးပြန်လာရဲသူ ဘယ်ရှိပါ့ဦးမလဲ။ နိုင်ငံခြားသား ခံယူထားမှုကိုလည်း ဘယ်စွန့်လွှတ်ရဲဦးမလဲ။ လွှတ်တော်က ပြဋ္ဌာန်းပေးမယ်လို့ ပြောနေတဲ့ PR ဥပဒေ၊ အမြဲတမ်း နေထိုင်ခွင့် ဥပဒေ ထွက်လာပြီး ငါးနှစ်တာ နေထိုင်ခွင့်ရမယ် ဆိုရင်တော့ ပြည်ပရောက်နေသူ အတော်များများ ပြန်လာကြမယ်လို့ ထင်ပါတယ်။

အခုလောလောဆယ် အချိန်မှာတော့ အတွင်း-အပြင်၊ နိုင်ငံသား-နိုင်ငံခြားသား စသဖြင့် အချင်းချင်း အငြင်းပွားမှုကို အဆုံးသတ်ပြီး နိုင်ငံ ပြန်လည် တည်ဆောက်ရေးမှာ အားလုံးပါဝင် လက်တွဲ ဆောင်ရွက်နိုင်အောင် လမ်းဖွင့်ပေးသင့်တယ်လို့ ထင်ပါတယ်။ နိုင်ငံရေးအာဏာယူမယ့် လူတွေ အတွက် နိုင်ငံသားဖြစ်ခြင်း၊ မဖြစ်ခြင်း ဖြစ်ဆိုတဲ့ ဘောင်တွေနဲ့ စည်းခြားထားတာကို သဘာဝကျတယ်လို့ ဆိုနိုင်ပေမယ့် နိုင်ငံရေးအာဏာအတွက် မဟုတ်ဘဲ တိုင်းပြည် တည်ဆောက်ရေး အတွက် ဆောင်ရွက်ဖို့ ပြန်လာသူတွေ ကိုတော့ ဒီလိုစည်းဘောင် မခြားထားသင့်ဘူးလို့ ထင်မိပါတယ်။

တစ်ချိန်တည်းမှာပဲ နယ်စည်းခြားပြီး ဘာလူမျိုး၊ ဘာနိုင်ငံသားဆိုတဲ့ ခွဲခြား သတ်မှတ်ချက်တွေကို ကျော်လွန်နိုင်တဲ့ခေတ်၊ လူသားအားလုံးကို ကမ္ဘာသူ ကမ္ဘာသားအဖြစ် အားလုံးတန်းတူ ခံယူနိုင်တဲ့ ခေတ်မျိုး အမြန်ရောက်လာစေဖို့လည်း မျှော်လင့်နေမိပါတယ်။
....................................................


  ABSDF ကျောင်းသားတပ်မတော် အမှတ် ၂၀၁ တပ်ရင်း၊ မင်းသမီးခစန်းမှ ၁၉၉၈ မှာ ထုတ်ဝေတဲ့ ''ကြွေလွင့်သွားသော ကြယ်ပွင့်များ'' စာအုပ်။





Tuesday, October 22, 2013

Myanmar's economic growing pains

တနဿင်္ရီဂျာနယ် အမှတ်စဉ် ၂၀ ။

ထားဝယ်မြို့က မီးပုံးပျံလွှတ်ပွဲနဲ့ သပိတ်မျှောပွဲ...



Saturday, October 19, 2013

လက်ဖက်ရည်ဖိုး ယဉ်ကျေးမှုနဲ့ လာဘ်ပေးလာဘ်ယူ ပြဿနာ

သူ့အတွေး သူ့အမြင်

ဧရာဝတီ။
 
လာဘ်ပေးလာဘ်ယူ, တရားဥပဒေ စိုမိုးရေး, မီဒီယာ 

မနက်စောစော အိပ်ရာနိုးတာနဲ့ လက်ဖက်ရည်ဆိုင် ထိုင်ပြီး မနက်စာ စားကြတာဟာ မြို့ပြဒေသက ဓလေ့တခုပါ။ မနက်စာအပြင် နေ့လည်ဖက်မှာလည်း ဒီလူတွေဟာ အလုပ်ချိန်နည်းနည်း အားတာနဲ့ လဖက်ရည်ဆိုင် ပြေးထိုင်တတ်ကြပါတယ်။ ဒီလိုနဲ့ မြန်မာနိုင်ငံက လက်ဖက်ရည်ဆိုင်ဆိုတာဟာ အစာစားဖို့ နေရာတင်မကဘဲ စကားထိုင်ပြောဖို့၊ ဆွေးနွေးငြင်းခုံဖို့၊ လေကန်ဖို့ နေရာတခုလည်း ဖြစ်လာခဲ့ပါတယ်။

 လက်ဖက်ရည်ဆိုင် ယဉ်ကျေးမှုနဲ့ ပတ်သက်ပြီး ဒီအဆင့်အထိကို ကျနော် ကောင်းကောင်း နားလည်ပေမယ့် “လက်ဖက်ရည်ဖိုး တောင်းတဲ့ယဉ်ကျေးမှု” ဘယ်လိုဖြစ်ပေါ်လာသလဲ ဆိုတာကတော့ သိပ်မရှင်းလှပါ။ ဒီလို လက်ဖက်ရည်ဆိုင်မှာ ထိုင်ရင်းကနေ ဒီဝေါဟာရ ပေါ်လာတာလား၊ ဌာနဆိုင်ရာ ၀န်ထမ်းတွေက သူတို့ဆီလာတဲ့ ဧည့်သည်တွေကို လက်ဖက်ရည်ဆိုင်ခေါ်ပြီး ကျွေးမွေးခိုင်းရာကနေ ဒီစကားလုံး ပေါ်လာတာလား၊ ဘယ်ကနေ ဘယ်လို ဒီဝေါဟာရ ပေါ်လာမှန်းမသိပေမယ့် ဒီစကားလုံး အခုချိန်အထိ ခေတ်စားနေဆဲဆိုတာကတော့ သေချာပါတယ်။ 

ပြီးခဲတဲ့မေလက ရန်ကုန်ကနေ ထားဝယ်အသွား လေယာဉ်ကွင်း ပေါင်ချိန်စက်မှာ ကျနော် လက်ဖက်ရည်ဖိုး အတောင်းခံခဲ့ရပါတယ်။ “ညီလေး လက်ဖက်ရည်ဖိုးလေး” လို့ ၀န်ထမ်းတဦးကပြောတော့ ကျနော် ကောင်းကောင်း နားမလည်။ လက်ဖက်ရည်ဖိုး ဆိုတာကို ကျနော် မကြားဖူးတာ ၂၅ နှစ်တောင် ကြာခဲ့ပြီပဲလေ။ ဒါပေမယ့် ကျနော့်ကို လိုက်ပို့တဲ့ မိတ်ဆွေက ၅၀၀ တန်တရွက်ကို ထုတ်ပြီး ချက်ချင်းပေးလိုက်မှ “သြော် … ခေတ်ပြောင်းကာလမှာလည်း ဒါတွေရှိနေဆဲကိုး” လို့ နားလည် လိုက်ရပါတယ်။

စာရေးသူသည် ထိုင်း-မြန်မာ နယ်စပ်တွင် အခြေစိုက်သော ကျောင်းသား လက်နက်ကိုင် ABSDF အဖွဲ့ဝင်ဟောင်း ဖြစ်ပြီး DVB ၏ သတင်းထောက် ဟောင်းလည်း ဖြစ်သည်။ ယခုအခါ နော်ဝေနိုင်ငံတွင် နေထိုင်လျက် ရှိသည်
ပြန်တော်ပြန် ခရီးစဉ်အတွင်း ဒီအကြောင်းကို ကျနော်က ပြန်ရေးပြတော့ ငွေ ၅၀၀ လောက် ပေးရတာကိုများ စာဖွဲ့နေတယ်၊ အသေးအဖွဲ့လေးကအစ Negative အမြင်တွေ သိပ်များနေတယ်ဆိုပြီး စာဖတ်ပရိသတ်တဦးက ဝေဖန်ပါတယ်။ “ပုံမှန် ခရီးသွားနေကြသူတွေ၊ မြန်မာလူမျိုး တော်တော်များများကတော့ ပုံမှန် မုန့်ဖိုး၊ ပဲဖိုးလေး ပေးသွားကြတာပဲ။ ဒါကို လာဘ်တောင်းတယ်လို့ ခေါ်မလား” ဆိုပြီး အဲဒီ ပုဂ္ဂိုလ်က ငြင်းချက်ထုတ်ပါတယ်။

ဟုတ်ပါတယ်။ မြန်မာငွေ ၅၀၀ ဆိုတာဟာ ဒေါ်လာနဲ့တွက်ရင် တဒေါ်လာတောင် မရှိပါဘူး။ လက်ဖက်ရည်တခွက်တောင် ၃၀၀ ကျပ် ဖြစ်နေချိန်မှာ ၅၀၀ ကို ထည့်တွက်စရာ မရှိပါဘူး။ ဒါပေမယ့် “မြန်မာလူမျိုး အတော်များများကတော့ ပုံမှန် မုန့်ဖိုးပဲဖိုးလေး ပေးသွားကြတာပဲ” ဆိုတဲ့ အယူအဆနဲ့ “ဒီလိုတောင်းတာကို လာဘ်တောင်းတယ်လို့ ခေါ်မလား” ဆိုတဲ့ အယူအဆပေါ်မှာတော့ ဆွေးနွေးစရာ ရှိလာပါတယ်။

ဒါကို လာဘ်တောင်းတယ်လို့ မခေါ်ရင် ဘယ်လိုခေါ်မလဲ။ ဒါကို အလှူပေးလိုက်တယ်လို့ပဲ အလွယ် သဘောထားကြမလား။ ဘာကြောင့် ဒီလို တောင်းနေတာလဲ။ သူ့မှာ အဲဒီလို တောင်းပိုင်ခွင့်ရှိသလား။ သူ တောင်းတိုင်း ကျနော်က ပေးရမှာလား။ ဒီလို အလွယ်တကူ ပေးလိုက်ခြင်းအားဖြင့် ဘာတွေဆက်ဖြစ်လာနိုင်သလဲ။ ၅၀၀ ပေးရတာကို စာမဖွဲ့ချင်ပေမယ့် ၅၀၀ ပေးလိုက်ခြင်းရဲ့ နောက်ဆက်တွဲ ဆက်ဖြစ်လာနိုင်တာတွေကိုသာ ကျနော်က မေးခွန်းထုတ်ချင်နေတာပါ။

ဒီမေးခွန်းကို မဖြေခင် နောက်ထပ်ကြုံခဲ့ရတဲ့ လဖက်ရည်ဖိုး ယဉ်ကျေးမှုအကြောင်းတွေကို နည်းနည်းဖြည့်ပြော ချင်ပါတယ်။ ကျနော် မော်လမြိုင်တက္ကသိုလ်ဆီဝင်ပြီး လွန်ခဲ့တဲ့ ၁၉၈၈ တုန်းက တက်ခဲ့ဖူးတဲ့ စတုတ္တနှစ် ကျောင်းထွက်လက်မှတ် သွားယူတော့ “ဒီဆရာက နိုင်ငံခြားပြန်ဆိုတော့ လက်ဖက်ရည်ဖိုး အများကြီး ပါမယ်ထင်တယ်” ဆိုတဲ့ စာရေးမလေးတွေရဲ့ တီးတိုးစကားသံကို မသဲမကွဲ ကြားလိုက်ရပါတယ်။

တခါ ရန်ကုန်က ထွက်ခါနီး မြန်မာနိုင်ငံ စာစစ်အဖွဲ့ရုံးဆီသွားပြီး ၁၀ တန်းအောင်လက်မှတ် သွားတောင်းပါတယ်။ ဒီရုံးမှာတော့ ကျနော်နဲ့သိသူ တဦးမှမရှိ။ သိသူတွေ၊ ရင်းနှီးသူတွေနဲ့တဆင့် ၀င်ရကောင်းမှန်းလည်း ကျနော်က မသိပါ။ ဒီတိုင်း ရိုးရိုးပဲ သွားတောင်းတော့ မရပါဘူး။ “မင်းကလည်းကွာ ရေတပုံးလောက် လောင်းလိုက်ရင် ရပါတယ်။ ပြင်ပြင်ဆင်ဆင်လုပ်ပြီး သွားမှပေါ့” လို့ ရန်ကုန်နေ မိတ်ဆွေတွေကပြောတော့မှ လက်ဖက်ရည်ဖိုး ယဉ်ကျေးမှုကို နားမလည်ရင် ခေတ်ပြောင်းစ မြန်မာနိုင်ငံမှာ အလုပ်ဖြစ်ဖို့မလွယ်သေးဘူး ဆိုတာကို နားလည်ခဲ့ရပါတယ်။

“အရပ်ဖက်ဝန်ထမ်းတွေ လစာမလောက်လို့ လာဘ်စားတာ အပြစ်လားကွာ။ ရှေ့တန်းက စစ်သားတွေဆို ကျည်ဆံကိုတောင် ရောင်းစားနေရတာ မင်းသိတာပဲ” လို့ ရန်ကုန်ရောက် သူပုန်ဟောင်းတဦးက ပြောပါတယ်။ သူအပြော ပိုတယ်လို့ မထင်ပါနဲ့။ ၁၉၉၀ ပြည့်လွန် နှစ်တွေက ရှေ့တန်းမှာ တကယ်ကြုံခဲ့ရတာပါ။ မြန်မာ့တပ်မတော်က ထုတ်တဲ့ စစ်ပစ္စည်းတွေကို မင်္ဂလာဒုံဈေးနဲ့ တခြား စစ်စခန်းရှိတဲ့ တပ်မြို့တွေက ဈေးတွေမှာ အလွယ်တကူ ၀ယ်နိုင်တာ လူတိုင်းသိပါတယ်။ အဲဒီပစ္စည်း အများစုဟာ စစ်သားတွေ လစာ မလောက်လို့ ပြန်ရောင်းစားထားတယ် ဆိုတာကိုလည်း သူတို့သိကြပါတယ်။

ရှေ့တန်းမှာတော့ ဖိနပ်တွေ၊ အီးကွေးမင်းတွေ၊ ခြင်ထောင်တွေ ရောင်းစရာမရှိတော့လို့ ကာဘိုင်ကျည် (အဲဒီကာလက သူပုန်နဲ့ အစိုးကြား လက်နက်ချင်း၊ ကျည်ချင်း သိပ်မတူဘဲ ကာဘိုင်တမျိုးပဲ တူပါတယ်) ကိုတောင် ရောင်းထုတ်ရတဲ့ အဖြစ်မျိုး တွေ့ရဖူးပါတယ်။ သူပုန်တွေဆီ တိုက်ရိုက်ရောင်းတာ မဟုတ်ပေမယ့် ဒီကျည်တွေ သူပုန်တွေဆီ ရောက်သွားပြီး သူတို့ကို ပြန်လာတိုက်မယ့်အထဲ ပါလာနိုင်တယ်ဆိုတာကို အသက်ပေးတိုက်နေတဲ့ စစ်သားတွေ မသိဘဲ ဘယ်နေပ့ါမလဲ။ ဒါပေမယ့် ဒါတွေဟာ မြန်မာနိုင်ငံမှာ တကယ်ဖြစ် ပျက်ခဲ့တာတွေပါ။

အနှစ်ပြန်ချုပ်ရမယ်ဆိုရင် လေယာဉ်ကွင်းဝန်ထမ်း၊ ပညာရေးဝန်ထမ်း၊ စစ်ဖက်ဝန်ထမ်း အားလုံးဟာ လစာမလောက်လို့ လက်ဖက်ရည်ဖိုး တောင်းတယ်။ လစာမလောက်လို့ ကျည်ဆံနဲ့ စစ်ပစ္စည်းတွေ ရောင်းစားနေရပါတယ်။ ကျောင်းဆရာတွေကတော့ လစာမလောက်လို့ ကျုရှင်သင်နေကြရပါတယ်။ ဒါဖြင့် လစာလောက်တဲ့ သူတွေကရော လက်ဖက်ရည်ဖိုး မတောင်းတော့ဘူးလား။ ၀င်ငွေ ဘယ်လောက်ရှိတဲ့ သူကို လစာလောက်ငှတယ်လို့ ပြောမလဲ။ အနိမ့်ဆုံးလစာ ဘယ်လောက်ရှိရမယ်လို့ အစိုးရက သတ်မှတ်ပေးထားပြီးပြီလား။ ၀င်ငွေနဲ့ ကုန်ဈေးနှုန်း မျှတအောင် အစိုးရက ဘယ်လို စီမံပေးထားသလဲ။ စသည်ဖြင့် နောက်ဆက်တွဲ မေးခွန်းတွေက ပေါ်လာပြန်ပါတယ်။

ပြီးခဲ့တဲ့နှစ် မတ်လထဲမှာ အစိုးရဝန်ကြီးဌာန ၆ ခုလောက် ကျပ်သိန်းထောင်ချီတဲ့ ငွေအလွဲသုံးစားလုပ်မှု သတင်းတွေ ပြည်ထောင်စု စာရင်းစစ်ချုပ်ရုံး ဘက်ကနေ ပေါ်ထွက်လာပါတယ်။ အဲဒီအထဲမှာ ပြန်ကြားရေး၊ စက်မှု (၁)၊ စက်မှု (၂)၊ လယ်ယာနှင့် ဆည်မြောင်း၊ သတ္တုတွင်း နဲ့ စစ်တပ်အတွက် တည်ထောင်ထားတဲ့ မြန်မာ့စီးပွားရေး ဦးပိုင်လီမိတက်တို့ ပါဝင်တယ်လို့ သတင်တွေက ဆိုပါတယ်။

ဒါက အစိုးရဖက်ကလူတွေ လာဘ်စားမှုပါ။ ဒါဖြင့် အတိုက်ခံဘက်က လူတွေကရော လာဘ်ငွေကို မခုံမင်ကြဘူးလား။ အတော် အဖြေရကျပ်တဲ့ မေးခွန်းပါပဲ။ ပြီးခဲ့တဲ့ လပိုင်းအတွင်းကတော့ ခရိုနီ၊ ခရိုပြာတွေ လှူတဲ့ငွေကို လက်ခံသင့်၊ မသင့်နဲ့ပတ်သက်ပြီး အဓိက အတိုက်ခံတွေဖြစ်တဲ့ NLD ပါတီနဲ့ ၈၈ မျိုးဆက် ပွင့်လင်း လူ့အဖွဲ့စည်းတွေကြားမှာ မေးခွန်းတွေ ထွက်ပေါ်ခဲ့ပါတယ်။ နောက်ဆုံးတော့လည်း ဆင်ခြေ အမျိုးမျိုးပေးပြီး ခရိုနီတွေကို စည်းရုံးရမယ်ဆိုတဲ့ မူနဲ့လက်ခံလိုက်တာပါပဲ။

တခါ ၈၈ မျိုးဆက် တောခိုကျောင်းသား အဖွဲ့ဖြစ်တဲ့ ABSDF ကလည်း အစိုးရဖက်ကပေးတဲ့ ကားအစီးရေ ၆၀ ရဲ့ ပါမစ်ကို မကြာသေးခင်က လက်ခံလိုက်တယ်လို့ သတင်းတွေ ထွက်လာပြန်ပါတယ်။ ဒါကို အစိုးရက သူပုန်တွေဆီ လာဘ်ထိုးတယ်လို့ ပြောမလား၊ စေတနာအလျောက် လှူတန်းလေ့ရှိတဲ့ မြန်မာ့ယဉ် ကျေးမှုလို့ ဆိုမလား၊ နိုင်ငံရေးအရ အပေးအယူ လုပ်တယ်လို့ အဓိပ္ပာယ်ဖွင့်မလား။

ဒီဖြစ်စဉ်အပေါ် ကြည်ရှုသူက ဘယ်နေရာမှာရပ်နေပြီး ကြည့်နေသလဲဆိုတဲ့ “ကိုယ့်ရဲ့ရပ်တည်ချက်” ပေါ် မူတည်ပြီး အဓိပ္ပာယ် သတ်မှတ်ချက် ကွဲပြားသွားနိုင်တယ်လို့ ထင်ပါတယ်။ အလှူပေးတယ်လို့ မြင်ချင်မြင်နိုင်သလို လာဘ်ပေးလာဘ်ယူ လုပ်တယ်လို့ မြင်ချင်လည်း မြင်နိုင်ပါတယ်။ သင် ဘယ်နေရာမှာ ရပ်နေသလဲဆိုတဲ့အချက်က သင့်အမြင်ကို ဆုံးဖြတ်ပေးပါလိမ့်မယ်။

အစိုးရ၊ အတိုက်ခံနဲ့ ၀န်ထမ်းတွေရဲ့ လာဘ်ပေးလာဘ်ယူမှုကို ခဏထားလိုက်ပါဦး။ ဒီအမှုတွေကို ဖော်ထုတ်ဖို့ အဓိက တာဝန်ရှိတဲ့ မီဒီယာသမားတွေ ကိုယ်တိုင်က သမ္မတပေးတဲ့ ငွေ သိန်း ၅၀၀ ကို လက်ဆောင်အဖြစ် ယူလာမိတဲ့အခါ ဘယ်လို ပြောတော့မလဲ။ ယူလာသူတွေနဲ့ သူတို့နဲ့ နီးစပ်သူတွေကတော့ ဒါဟာ စာနယ်ဇင်းအဖွဲ့ ရန်ပုံငွေအတွက် ဖြစ်တယ်။ ကိုယ်ကျိုးအတွက် မသုံးဘဲ အဖွဲ့အတွက်သုံးရင် အကျိုး ရှိပါတယ်။ ဒါကို လာဘ်ယူတယ်လို့ မယူဆသင့်ဘူးလို့ ဆိုပါတယ်။

ဒါပေမယ့် စတုတ္တမဏ္ဍိုင်ဟာ လုံးဝလွတ်လပ်ရမယ်ဆိုတဲ့ အမြင်ရှိသူ သတင်းသမား အများစုကတော့ ဒါကို လက်မခံကြပါဘူး။ သမ္မတက စာနယ်ဇင်းကောင်စီကို လာဘ်ထိုးတယ်လို့ အမြင်ရှိကြပါတယ်။ ဒါဆိုရင် သမ္မတကိုယ်တိုင် လာဘ်ပေးသူ ဖြစ်နေပြီလား။ မီဒီယာသမားတွေကိုယ်တိုင် လာဘ်စားသူ ဖြစ်နေပြီလား။

ဒီလို လက်ဖက်ရည်ဖိုး ကျပ် ၅၀၀ ကအစ အလှူငွေ သိန်း ၅၀၀ အထိ ပေးခြင်းဟာ စေတနာအလျောက် လှူတန်းခြင်းလား။ လာဘ်ပေးလာဘ်ယူမှု အထမြောက်သလားဆိုပြီး အငြင်းပွားလို့ကောင်းတုန်းမှာ “အဂတိလိုက်စားမှု တိုက်ဖျက်ရေး ဥပဒေ” ကို ၂၀၁၃ ခုနှစ် စက်တင်ဘာလ ၁၇ ရက်နေ့ကစပြီး အာဏာတည်စေရမည်လို့ သမ္မတ ဦးသိန်းစိန်က လက်မှတ်ရေးထိုး ထုတ်ပြန်လိုက်ပါတယ်။

ကဲ … ဒီဥပဒေ အတည်ဖြစ်ပြီဆိုရင် ဘယ်သူတွေက ဘယ်သူတွေကို ဘယ်လို “မူ” တွေနဲ့ အရေးယူမှာလဲ …။

စစ်အာဏာရှင်စနစ်ကနေ ဒီမိုကရေစီစနစ်ဆီ အသွင်ပြောင်းလဲနေပါတယ် ဆိုတဲ့ စကားလုံးတွေ ထွန်းကားရာ မြန်မာနိုင်ငံ မြို့ပြဒေသက လမ်းဘေး လက်ဖက်ရည်ဆိုင်တွေမှာ ထိုင်ရင်း အနာဂတ်နိုင်ငံတော်သစ်မှာ ခြစားမှု ပပျောက်ရေးအတွက် ကျနော်တို့ ဆက်လက် ငြင်းခုန်ကြရဦးမှာပါ။

Thursday, October 17, 2013

အာဏာပြန်သိမ်းမှာစိုးလို့ ဖက်ဒရယ်ကိစ္စမပြောဘဲ နေရမှာလား

Thu Oct 17, 5:20 pm, The Voice Daily.
By ထက်အောင်ကျော်

per_anpthsl_hak“တိုင်းရင်းသား အခွင့်အရေးနဲ့ ပတ်သက်ပြီး လက်ရှိအနေအထားမှာ စိုးရိမ်ရဆုံးအချက်ကို ပြောပါဆိုရင်တော့ ဖက်ဒရယ်ကိစ္စ ဆွေးနွေးမှုကို အကြောင်းပြပြီး စစ်တပ်က ဖွဲ့စည်းပုံအရ အာဏာပြန်သိမ်းနိုင်တယ်ဆိုတဲ့ ခြိမ်းခြောက်မှုပါပဲ” လို့ မင်းစိုးလင်းက ပြောပါတယ်။ ၁၉၉၀ ရွေးကောက်ပွဲကို ဝင်ခဲ့ပြီး ၂၀၁၀ ရွေးကောက်ပွဲကို သပိတ်မှောက်ခဲ့တဲ့ မွန်အမျိုးသား ဒီမိုကရေစီ အဖွဲ့ချုပ် (MNDF) မှ အတွင်းရေးမှူး အခုလို စကားပြောနေတဲ့ နေရာက နော်ဝေနိုင်ငံ အော်စလိုမြို့မှာ ဖြစ်ပါတယ်။

ဒီလောက် အရေးကြီးတဲ့စကားကို နေပြည်တော်က လွှတ်တော်ထဲမှာ မပြောဘဲ မြန်မာနိုင်ငံနဲ့ မိုင်ပေါင်း ထောင်ချီဝေးတဲ့အရပ်မှာ ဘာကြောင့် သွားပြောနေတာလဲ ဆိုပြီး မေးခွန်းထုတ်ချင်သူတွေ ရှိကောင်း ရှိနိုင်ပါတယ်။ ဒီလိုပါ။ စက်တင်ဘာလ ၉ ရက်နေ့က ကျင်းပခဲ့တဲ့ နော်ဝေ ရွေးကောက်ပွဲနဲ့ နိုင်ငံရေးစနစ်ကို လေ့လာဖို့ ရောက်နေတဲ့ မြန်မာကိုယ်စားလှယ် ၁၃ ဦးကို မြန်မာ့အရေး စိတ်ဝင်စားတဲ့ နော်ဝေ နိုင်ငံသားတွေ၊ ငြိမ်းချမ်းရေး သုတေသီတွေ၊ ပညာရှင်တွေ၊ NGO ဝန်ထမ်းတွေက မေးမြန်းစဉ် မင်းစိုးလင်းက အခုလို ပြောသွားတာပါ။

နော်ဝေနဲ့ မြန်မာဟာ မိုင်ပေါင်းထောင်ချီ ဝေးတယ်ဆိုပေမယ့် အခုလောလောဆယ် မြန်မာနိုင်ငံမှာ အရှိန်အကောင်းဆုံး လှုပ်ရှားမှု တစ်ခုဖြစ်တဲ့ အပစ်အခတ် ရပ်စဲရေး လုပ်ငန်းစဉ်၊ ငြိမ်းချမ်းရေး လုပ်ငန်းစဉ် ကိစ္စတွေကို အဓိက အကူအညီ ပေးနေသူဟာ နော်ဝေနိုင်ငံ ဖြစ်ပါတယ်။ Myanmar Peace Center (MPC) မြန်မာ ငြိမ်းချမ်းရေးစင်တာကို အဓိက ကူညီပေးနေတာဖြစ်ပြီး ဒီအကူအညီတွေနဲ့ အပစ်အခတ်ရပ်စဲရေး ဆွေးနွေးပွဲတွေကို မြန်မာအစိုးရက ဆက်တိုက် လုပ်နေတာ ဖြစ်တယ်လို့ သိရပါတယ်။

ဝေဖန်သူ တချို့ကတော့ နော်ဝေနဲ့ နိုင်ငံတကာကပေးတဲ့ အကူအညီတွေဟာ MPC နဲ့ အစိုးရ ဝန်ကြီးဌာနတွေဆီပဲ ရောက်နေပြီး ပဋိပက္ခရဲ့ အခြားတစ်ဖက်ဖြစ်တဲ့ တိုင်းရင်းသား လက်နက်ကိုင် အဖွဲ့တွေဆီ မရောက်ဘူးလို့ ဆိုပါတယ်။ ဒါပေမဲ့ MPC အဖွဲ့ဝင်တစ်ဦးကတော့ တိုင်းရင်းသား အဖွဲ့တွေဆီကို ဂျပန်နိုင်ငံမှ Nippon Foundation က ထောက်ပံ့ပေးနေတာ ရှိပါတယ်လို့ တုံ့ပြန်ချက်ပေးပါတယ်။

တစ်နည်းအားဖြင့် ပြောမယ်ဆိုရင်တော့ ဒီနေ့ မြန်မာနိုင်ငံရဲ့ အပစ်အခတ်ရပ်စဲရေး၊ ငြိမ်းချမ်းရေး လုပ်ငန်းစဉ်တွေဟာ အရင်မဆလခေတ်၊ နဝတခေတ်ကလို မြန်မာ့တပ်မတော် အရာရှိနဲ့ တိုင်းရင်းသား လက်နက်ကိုင် အဖွဲ့ခေါင်းဆောင်တွေကြား တီးတိုးစကား ပြောတဲ့အဆင့် မဟုတ်တောပါ့။
ပြည်တွင်းရေး ကိစ္စသက်သက် မဟုတ်တော့ပဲ နိုင်ငံတကာ အဖွဲ့အစည်းတွေကပါ ထဲထဲဝင်ဝင် ဆက်စပ်လာနေပြီ ဆိုတဲ့သဘော ဖြစ်ပါတယ်။

ဒီလိုနိုင်ငံတကာနဲ့ ပိုမိုဆက်စပ်လာချိန်မှာ၊ အစိုးရနဲ့ လွှတ်တော်ကိုယ်တိုင်က နိုင်ငံရေး အမြင်တွေကို လွတ်လပ်စွာ ဆွေးနွေးဖို့ ဖိတ်ခေါ်ထားစဉ်မှာ ၂၀၀၈ ဖွဲ့စည်းပုံကိုတောင် ပြန်ပြင်ဖို့ လွှတ်တော်ကော်မတီ ဖွဲ့ထားပေးစဉ်မှာ ဖက်ဒရယ်ကိစ္စ သိပ်ပြောရင် စစ်တပ်က အာဏာပြန်သိမ်းနိုင်တယ်ဆိုတဲ့ ခြိမ်းခြောက်မှု ဘာကြောင့် ပေါ်ထွက်လာတာလဲ။

၂၀၀၈ ဖွဲ့စည်းပုံကို ပြန်ပြင်ရေး၊ သို့မဟုတ် အသစ်ပြန်ရေးဖို့ လိုတယ်ဆိုပြီး အဖွဲ့အတော်များများက အထူးသဖြင့် အပစ်အခတ် ရပ်စဲရေး အဖွဲ့တွေနဲ့ တိုင်းရင်းသားပါတီတွေက ပြောဆိုဆွေးနွေးမှုတွေ အရှိန်အဟုန် ကောင်းလာတာကြောင့်လို့ ယူဆရပါတယ်။ တိုင်းရင်းသားတွေဘက်က ဒီလိုပြောဆိုမှု အရှိန်ကောင်းလာသလို အဓိက အတိုက်အခံ ပါတီဖြစ်တဲ့ အမျိုးသား ဒီမိုကရေစီ အဖွဲ့ချုပ်နဲ့ ၈၈ မျိုးဆက် ပွင့်လင်း လူ့အဖွဲ့အစည်းကလည်း ၂၀၀၈ ကို ပြန်ပြင်ဖို့ သို့မဟုတ် ပြန်ရေးဖို့ လှုပ်ရှားမှုတွေ တိုးပြီးဆောင်ရွက်လာတာ တွေ့နေရပါတယ်။

“လက်ရှိအနေအထားမှာ အစိုးရက ပြုပြင်ပြောင်လဲရေး တကယ်လုပ်နေပြီလို့ မပြောနိုင်သေးဘူး။ ပြုပြင်ပြောင်းလဲရေးဘက်ကို မျက်နှာမူထားတဲ့ အဆင့်မှာပဲ ရှိပါသေးတယ်” လို့ ၈၈ မျိုးဆက်ငြိမ်းချမ်းရေးနဲ့ တိုင်းရင်းသားရေးရာ တာဝန်ခံ ကိုမြအေးက ပြောပါတယ်။ ပြုပြင်ပြောင်းလဲရေး တကယ်လုပ်ပြီဆိုရင် လတ်တလော လုပ်နေတဲ့ တင်းကျပ်မှုတွေ လျှော့ချရေး လုပ်ငန်းစဉ်အပြင် ဖွဲ့စည်းပုံ အခြေခံဥပဒေ ပြင်ရေးကအစ နိုင်ငံရေးအရ အရေးကြီးတဲ့ ပြုပြင်မှုတွေကို အစိုးရဘက်က ဆောင်ရွက်ပေးဖို့ လိုတယ်လို့ သူကထောက်ပြပါတယ်။

ဒါက လက်ရှိသွားနေတဲ့ ပြုပြင်ပြောင်းလဲရေးဆိုတဲ့ စကားလုံးသက်သက်ကို အားမရဘဲ တကယ့်ပြုပြင် ပြောင်းလဲရေးဆီ သွားချင်နေတဲ့ လူတွေရဲ့ဆန္ဒပါ။ ဒါပေမဲ့ လက်ရှိအခြေအနေမှာ စစ်တပ်နဲ့ အစိုးရက ပေးထားသလောက်ကိုပဲ ယူပြီး အဲဒီထက် ပိုမတောင်းသင့်သေးဘူး၊ ပိုတောင်းရင် စစ်တပ်နဲ့ စစ်ဗိုလ်ဟောင်း နိုင်ငံရေးသမားတွေက အာဏာပြန်သိမ်းသွားနိုင်တယ်။ နောက်ပြန်ဆုတ် သွားနိုင်တယ်ဆိုပြီး စိုးရိမ်နေသူတွေလည်း အတော်များလာနေတာ တွေ့ရပါတယ်။

တကယ်တော့ စိုးရိမ်သူတွေဘက်က မမှားသလို ဖက်ဒရယ်တောင်းသူတွေ ဘက်ကလည်း မမှားပါဘူး။ ဒါဖြင့် ဘာမှားနေတာလဲ။ မှားနေတာက နိုင်ငံရေးစနစ်ဟောင်း လက်ကျန်နဲ့ သမားရိုးကျ စဉ်းစားပုံတွေသာ ဖြစ်တယ်လို့ ထင်ပါတယ်။ နှစ်ပေါင်း ၅၀ ကျော် တပ်မတော်အုပ်ချုပ်မှု သို့မဟုတ် အစိုးရ အုပ်ချုပ်မှုအောက်မှာ နေလာရသူတွေဆိုတော့ စစ်တပ်ပြန်လာမှာကို အမြဲတမ်း စိုးရိမ်နေတာ သဘာဝကျပါတယ်။ တစ်ချိန်တည်းမှာပဲ အဲဒီစစ်တပ်က တစ်ချိန်လုံး အနိုင်ကျင့်ထားလို့ ဘာမှမပြောနိုင်၊ မဆိုနိုင်ဖြစ်ခဲ့ရတဲ့ တိုင်းရင်းသားတွေ ဘက်ကလည်း သူတို့ရဲ့ဆန္ဒကို ဒီလိုပွင့်လင်းလာချိန်မှာမှ ထုတ်မပြောရင် ဘယ်အချိန်မှာ သွားပြောရမှာလဲ။

အရေးကြီးတာက တိုင်းရင်းသား အခွင့်အရေးနဲ့ ဒီမိုကရေစီ အခွင့်အရေးအတွက် တိုက်ပွဲဝင်နေသူတွေကြားမှာ ဒီထက်မက ပူးပေါင်းဆောင်ရွက်မှု ရှိဖို့တော့ လိုပါတယ်။ ဘာကြောင့်လဲဆိုရင် ဒီမိုကရေစီနဲ့ တိုင်းရင်းသား အခွင့်အရေးဟာ ခေါင်းနဲ့ပန်းလို တစ်ခုနဲ့တစ်ခု ချိတ်ဆက်နေတယ်။ တစ်ခုမရှိရင် တခြားတစ်ခုလည်း ရှင်သန်ဖို့ မလွယ်ဘူး ဆိုတာကို သဘောပေါက်ဖို့ လိုပါတယ်။ တည့်တည့် ပြောရမယ်ဆိုရင် တိုင်းရင်းသားတွေ ပြောနေတဲ့ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေး သို့မဟုတ် အသစ်ရေးဆွဲရေး ဆိုတာနဲ့ ဒီမိုကရေစီ အင်အားစုတွေ ပြောနေတဲ့ ဖွဲ့စည်းပုံ ပြန်ပြင်ရေး ဆိုတာတွေဟာ တစ်ထပ်တည်း မကျသေးလို့ ဖြစ်ပါတယ်။

လေ့လာဆန်းစစ်သူတွေရဲ့အပြောအတိုင်းဆိုရင် ကြံ့ခိုင်ရေးပါတီ ဦးဆောင်တဲ့ လက်ရှိလွှတ်တော်ထဲက လူအများစု ပြောနေတဲ့ ဖွဲ့စည်းပုံ ပြင်ဆင်ရေး သို့မဟုတ် ဖက်ဒရယ်စနစ် ဆိုတာဟာ ဗဟိုအစိုးရရဲ့ လုပ်ပိုင်ခွင့်ကို နည်းနည်းလျှော့ချပြီး ပြည်နယ်-တိုင်းအစိုးရတွေရဲ့လုပ်ပိုင်ခွင့်ကို နည်းနည်း တိုးပေးလိုက်ဖို့လောက်သာ ဖြစ်တယ်လို့ ဆိုပါတယ်။ NLD နဲ့ ဒီမိုကရေစီ အင်အားစုတချို့ ပြောနေတဲ့ ဖွဲ့စည်းပုံပြင်ရေး ဆိုတာက ဒေါ်အောင်ဆန်းစုကြည် သမ္မတဖြစ်ခွင့်ရှိရေးနဲ့ အခြေခံ လူ့အခွင့်အရေးတွေ အာမခံချက်ရရေး ဖြစ်တယ်လို့ ဆိုကြပါတယ်။

ဒါပေမဲ့ တိုင်းရင်းသားပါတီတွေ၊ ငြိမ်းချမ်းရေး အဖွဲ့အားလုံးနီးပါး တင်ပြနေတာကတော့ လူမျိုးကို အခြေခံတဲ့၊ လူများစုဖြစ်တဲ့ ဗမာကလည်း ပြည်နယ်တစ်ခုအဖြစ် ပါဝင်တဲ့ ဖက်ဒရယ်စနစ်မျိုး ဖြစ်နေတယ်လို့ ဆိုပါတယ်။ ဒီလို မူကွဲသုံးခု ဖြစ်နေတာကိုကြည့်ပြီး နိုင်ငံရေးသမားတွေကြား အချင်းချင်း သဘောထား ကွဲနေကြပြီ၊ ဒါကိုညှိရင်းနဲ့ စစ်တပ်က ကြားကဝင်လာပြီး အာဏာသိမ်းသွားနိုင်တယ်။ ၁၉၆၂ အာဏာသိမ်းတုန်းကလည်း ဒီလို ဖက်ဒရယ်မူ ဆွေးနွေးမှုကိုပဲ အကြောင်းပြပြီး သိမ်းသွားတာ မဟုတ်လားဆိုတဲ့ စိုးရိမ်မှုတွေ လွန်ကဲလာနေတာ ဖြစ်ပါတယ်။

တကယ်တော့ ဒီလိုအမြင်မတူတာကိုက ဒီမိုကရေစီရဲ့သဘာဝပဲ ဆိုတာကို မျိုးဆက်သစ် နိုင်ငံရေးသမားတွေ လက်ခံဖို့ လိုပါတယ်။ ဒီလိုမတူတဲ့ အမြင်တွေကို ဆွေးနွေးငြင်းခုံဖို့ လွှတ်တော်ဆိုတာ ပေါ်လာတာပေါ့။ စီမီနာတွေ၊ ဆွေးနွေးပွဲတွေဆိုတာ ဒါတွေကို ငြင်းခုံဖို့ပေါ့။ အခုတော့ ကိုယ့်အမြင်၊ ကိုယ့်ယုံကြည်ချက်ကို ခိုင်ခိုင်မာမာ ဆွေးနွေးတာကိုပဲ စစ်တပ်ပြန်လာမှာကို ဖိတ်ခေါ်နေသူတွေအဖြစ် မြင်လာတာမျိုးကတော့ ‘စစ်တပ်ပေးသလောက်နဲ့ပဲ ကျေနပ်ပါတော့’ ဆိုတဲ့ အယူအဆမျိုး ဖြစ်နေပါတယ်။

အနှစ်ပြန်ချုပ် ရရင်တော့ အခုလို နိုင်ငံရေး ပွင့်လင်းစကာလဟာ ကိုယ့်အမြင်၊ ကိုယ့်ယုံကြည်ချက်ကို ပွင့်ပွင့်လင်းလင်း ထုတ်ပြောရမယ့် အချိန်ဖြစ်ပါတယ်။ တစ်ချိန်တည်းမှာပဲ ဒီလိုထုတ်ပြောတာဟာ နည်းလမ်းတကျ ဖြစ်ဖို့လိုပြီး အဖြေတစ်ခုခု ရတဲ့ဘက်ဆီ ဦးတည်ဖို့ လိုပါတယ်။ တစ်ဖွဲ့နဲ့တစ်ဖွဲ့ကြား မတူတဲ့ သဘောထားတွေကိုညီအောင် အတင်းညှိတာမျိုး မဟုတ်ဘဲ မတူကွဲပြားတာတွေကို အပြန်အလှန် အသိအမှတ်ပြုဖို့၊ အပြန်အလှန် လေးစားနားလည်မှု ရဖို့ဆီ ဦးတည်သင့်ပါတယ်။

ဒီဆွေးနွေးချက်တွေအပေါ် တပ်မတော်ဘက်က စိုးရိမ်တယ်ဆိုရင်လည်း ဘာကြောင့် စိုးရိမ်တယ် ဆိုတဲ့အကြောင်း တပ်မတော်ဘက်ကလူတွေ ကိုယ်တိုင်ဝင်ရောက် ဆွေးနွေးသင့်ပါတယ်။ နေပြည်တော်ရှိ ပြည်ထောင်စု လွှတ်တော်ကနေ ပြည်နယ်-တိုင်းလွှတ်တော် အသီးသီးအထိ ရှိနေတဲ့ တပ်မတော် ကိုယ်စားလှယ်တွေက တပ်ရဲ့အမြင်ကို ပွင့်လင်းစွာ ဆွေးနွေးဖို့ လိုပါတယ်။ အရပ်ဘက်ကလူတွေ ဆွေးနွေးနေစဉ် တပ်မတော်ဘက်က ဘာမှဝင်မပြောဘဲနဲ့ (ဘောလုံးစကားနဲ့ ပြောရရင်) လူကျွံဘော ထောင်ဖမ်းပြီး ပြစ်ဒဏ်ဘောရအောင် လုပ်တာမျိုး။ အာဏာပြန်သိမ်းနိုင်ဖို့ ကျားချောင်းသလို အကွက်ချောင်းနေတာမျိုးကတော့ မဖြစ်သင့်ပါဘူး။ အဲဒီလိုချောင်းတဲ့ ခေတ်လည်း ကုန်သွားပြီလို့ ထင်ပါတယ်။

သေချာတာကတော့ ၂၀၁၃ ဟာ ၁၉၆၂ ခုနှစ် မဟုတ်တော့ပါ။ ၂၀၁၃ ရဲ့ ဇာတ်ကောင်တွေဟာ ၁၉၆၂ က ဇာတ်ကောင်တွေ မဟုတ်တော့ပါ။ ၂၀၁၃ ရဲ့ နိုင်ငံရေးသမားတွေဟာ ၁၉၆၂ က နိုင်ငံရေးသမားတွေ မဟုတ်တော့သလို ၂၀၁၃ စစ်သားတွေဟာလဲ ၁၉၆၂ တပ်မတော်သားတွေ မဟုတ်တော့ပါဘူး။ အတိတ်ကို သင်ခန်းစာယူရမှာ ဖြစ်ပေမယ့် အတိတ်မှာ တစ်ခါဖြစ်ခဲ့ဖူးတာနဲ့ အမြဲတမ်း အဲဒီလို ဖြစ်လာလိမ့်မယ်လို့ ကောက်ချက်ဆွဲပြီး ဖက်ဒရယ်ကိစ္စ ဆွေးနွေးဖို့ ကြောက်နေမယ် ဆိုရင်တော့ ‘စစ်တပ်က ပေးသလောက်နဲ့ပဲ ကျေနပ်ပါတော့’ ဆိုတဲ့ အဆင့်ကိုကျော်ဖို့ ခက်ခဲနေဦးမှာ ဖြစ်ပါတယ်။

ထက်အောင်ကျော်

Sunday, October 13, 2013

ဝါကျွတ်ချိန် ထီးခီးနယ်စပ်ဂိတ်မှ ခရီးသည် ၀င်ရောက်မှု တစ်ရက် ၁၀၀ ဦးခန့်ရှိ

Dawei Watch၊ ထားဝယ်၊ အောက်တိုဘာ ၁၃


မြန်မာ-ထိုင်း နယ်စပ်ဂိတ်တစ်ခုဖြစ်သည့် ထီးခီးနယ်စပ်ဂိတ်
ဝင်ပေါက်မှတစ်ဆင့် ထားဝယ်မြို့သို့ ယခုရက်ပိုင်းအတွင်း တစ်နေ့လျှင်
ခရီးသည် ၁၀၀ခန့်အထိ ၀င်ရောက်လာကြောင်း ထားဝယ် - ထီးခီး
ခရီးသည်ပို့ဆောင်ရေး ယာဉ်လိုင်း အသိုင်းအ၀ိုင်းမှ သိရသည်။

ထိုင်းနိုင်ငံတွင် အလုပ်သွားလုပ်ကြသည့် ထားဝယ်ဒေသခံများ သီတင်းကျွတ်အမှီ
နေရပ်ပြန်လာကြခြင်းကြောင်း ခရီးသည် ၀င်ရောက်မှု များလာခြင်းဖြစ်ကြောင်း
အထက်ပါ ယာဉ်လိုင်းများက ပြောသည်။

"ထီးခီး လ.၀.က ပြောတာတော့ တစ်နေ့ကို ၁၀၀ လောက် ၀င်နေတယ်လို့ ပြောတယ်" ဟု
ရွှေမင်းသမီး မော်တော်ယာဉ်လိုင်းမှ ဦးမင်းအောင်က ဆိုသည်။
ယခင်က တစ်နေ့လျှင် ထီးခီး - ထားဝယ် အသွား အပြန် ကားတစ်စီးခန့်သာ
ပုံမှန်ပြေးဆွဲရသော်လည်း ယခုအပတ်အတွင်း တစ်နေ့လျှင် သုံးစီးခန့်စီ
ပုံမှန်ပြေးဆွဲနေရကြောင်း ယာဉ်လိုင်းများထံမှ သိရသည်။

" ၁၀၀ မှာ  နိုင်ငံခြားသားတွေက ၂၀ လောက် ရှိမယ်" ဟု ထီးခီး နယ်စပ်ပေါက်မှ
ဝင်လာသည့် နိုင်ငံခြားသားများကို ဒေသတွင်း
လိုက်လံပို့ဆောင်ပေးနေသူတစ်ဦးက ဆိုသည်။
ယခု ရက်ပိုင်းမှ စပြီး သီတင်းကျွတ်ကာလအထိ ခရီးသည်ဝင်ရောက်မှု
တောက်လျောက်များလာနိုင်သည်ဟု ၎င်းက မှတ်ချက်ပြုသည်။

ထားဝယ်သို့ ၀င်ရောက်လာသည့် ခရီးသည် အများစုသည် ထိုင်းနိုင်ငံ
ဘန်ကောက်မြို့နှင့် မဟာချိုင်မြို့များတွင် အလုပ်လုပ်နေသည့် ရွှေ့ပြောင်း
အလုပ်သမားများဖြစ်သည်ဟု ထီးခီးယာဉ်လိုင်း အသိုင်းအ၀ိုင်းမှ သိရသည်။
ထားဝယ်ဒေသခံ ရွှေ့ပြောင်းအလုပ်သမားများသည် ယခင်က
ကော့သောင်းနယ်စပ်ဝင်ပေါက်ကိုသာ အဓိကထား သွားလာကြရသည်။

Thursday, October 10, 2013

The Armstrong Lie



Film out in November
In 2009 documentary filmmaker Alex Gibney set out make a film about Lance Armstrong's return to professional cycling. Gibney’s project was shelved in the wake of the doping scandal that erupted in the months and years that followed. But it's now been turned into The Armstrong Lie, a two hour film that will premiere in the USA on November 8.
Armstrong’s doping confession in an interview with Oprah Winfrey earlier this year opened the doors for the project to move forward with a much different narrative, one that appears to focus as much on the power and cult of personality surrounding Armstrong as the doping itself.
Sony Pictures has just released the first trailer for The Armstrong Lie. The film chronicles Armstrong’s rise to power and glory and examines the fallout from one of the greatest scandals in the history of sport.

 The Armstrong Lie opens in New York and Los Angeles November 8, with other cities to follow.


စက်ဘီးအားကစားအကြောင်း တစေ့တစောင်း...။

( ကမ္ဘာကျော် Tour de France စက်ဘီးစီးပြိုင်ပွဲ နှစ်ပါတ်လည်အချိန်ရောက်လာပြီမို့ မနှစ်က ဒီအချိန်မှာရေး ထားတဲ့ဆောင်းပါးတပုဒ်ကို ပြန်တင်လိုက်တာပါ။ မနှစ်က ချန်ပီယံဖြစ်ခဲ့တဲ့ Cadel Evans နဲ့ ဒုတိယ-နဲ့ ကျေနပ်ခဲ့ ရသူ Andy Schleck တို့ ဒီနှစ်မှာလဲအကြိတ်အနယ် ထပ်ပြိုင်ရမယ်လို့ခန့်မှန်းရပါတယ်။ ဒါပေမဲ့ Sky အသင်းမှ  Bradley Wiggins နဲ့ Edvald Boasson Hagen တို့ဟာလဲ ဒီနှစ်အတွက် အလားလာကောင်းနေသူတွေဖြစ်နေပါ တယ်။ ဒီနေ့ကစပီး သတင်း ၃-ပါတ်ကြာကျင်းပမဲ့ ဒီပွဲကို ကြည့်ရှုဝေဖန်သုံးသပ်ကြပါစို့)

...အခုနောက်ဆုံးရရှိတဲ့ သတင်းတွေအရ Sky အသင်းမှ ဗြိတိန်နိုင်ငံသား  Bradley Wiggins က Tour de France 2012 ကို အနိုင်ရရှိသွားပြီဖြစ်ပါတယ်။ ဒုတိယ-ကိုလဲ Sky အသင်းကဘဲ့ ဗြိတိန်သားတဦးဖြစ်သူ Christopher Froome. ကဘဲ့ရသွားပြီး တတိယကိုတော့ အီတလီနိုင်ငံသားတဦးဖြစ်သူ Liquigas-Cannondale အသင်းမှ Vincenzo Nibali ကရရှိသွားပါတယ်။ နောက်ဆုံးနေ့ ပါရီမြိုအ၀င် ပြိုင်ပွဲမှာလဲ Sky အသင်းမှ ဗြိတိန်နိုင်ငံသားတဦးဖြစ်သူ Mark Cavendish..ကဘဲ့ရရှိသွားပါတယ်။ မနှစ်ကလဲ သူဘဲ့ရပါတယ်။
...သတင်း ၃-ပတ် ၂၁-ရက်ကြာ ၈၇-နာရီခွဲ ပြိုင်ပွဲတခုလုံးအတွက် ပထမ-ဆု အ၀ါရောင်အကျီကို Sky အသင်းမှ  Bradley Wiggins ရရှိသွားပြီး တောင်တက်သမားဆု အနီးရောင်ကွက်ကြားကို ပြင်သစ်နိုင်ငံသား တဦးဖြစ်သူ Thomas Voeckler ။ လူငယ်ဆု အဖြူရောင်အကျီကို အမေရိကန်နိုင်ငံမှ အသက် ၂၃-နှစ်အရွယ် Tejay van Garderen မှရှပြီး အမှတ်အများဆုံးဆု အစိမ်းရောင်အကျီကို အသက် ၂၂-နှစ်သာရှိသေးတဲ့ စလိုဗက်ကီးယားနိုင်ငံသား Peter Sagan မှရရှိသွားပါတယ်။

...........................................................................................

စက်ဘီးစီးပီး ရံပုံငွေရှာခြင်းနဲ့ စက်ဘီးလောကအကြောင်း တစေ့တစောင်း
၂၃၀၇၁၁ (ထက်အောင်ကျော်)



ဘော်လုံး။ တင်းနစ်နဲ့ အခြားအားကစားအကြောင်းတွေ ပြည်တွင်း-ပြည်ပ မီဒီယာတွေမှာ အလးပေး ဖေါ်ပြနေတာတွေ့ရပေမဲ့ စက်ဘီးအားကစားအကြောင်း ဖေါ်ပြတာမတွေ့မိသလောက်ပါဘဲ့။
အထူးသဖြင့် Tour de France ခေါ် ပြင်သစ်နိုင်ငံတပါတ် သတင်း ၃-ကြာ ကမ္ဘာကျော် စက်ဘီးစီး ပြိုင်ပွဲပန်း ၀င်ခါနီးချိန်မှာတောင် အလေးပေးဖေါ်ပြတာမတွေ့မိသေးပါ။ ဒါဟာ စက်ဘီးအားကစား အ ကြောင်း လူတွေစိတ်စားမှုနဲလိုလား။ ဒါမှမဟုတ် ဒီအားကစားအကြောင်း ပြောနိုင်ဆိုနိုင် သတင်းတင် ပြနိုင်သူ နဲနေလို့လား စဉ်းစားရင်းနဲ့ ဒိဆောင်းပါးရေးဖို့စိတ်ကူးပေါ်လာတာပါ။


တကယ်ကတော့ စက် ဘီးစီး အားကစားအကြောင်း ဆောင်းပါးတပုဒ်ရေးမလားဆိုပီး ကျနော်စဉ်းစားနေတာ ကြာပါပီ။ အခု တော့ Tour de France ပြိုင်ပွဲ ပန်းဝင်ခါနီးချိန်။ နောက်တခါ အဲဒီပြိုင်ပွဲအတွင်း ထူးထူးခြားခြား နော်ဝေး နိုင်ငံသား ၂-ဦးကလဲ ခြေစွမ်းပြနေချိန်။ နောက်တခါ ကနေဒါရောက် ကျနော်တို့ရဲဘော်ကြီးတဦးဖြစ်တဲ့ ကိုစိုးနိုင်ကလဲ ဒေါက်တာစင်သီယာမောင်ရဲ့ မယ်တော်ဆေးခန်းအတွက် ကီလိုမီတာ ၅၈၀၀- ကနေဒါ တပါတ် စက်ဘီးစီးပီး ရံပုံငွေရှာနေချိန်နဲ့ တိုက်ဆိုင်နေတဲ့တွက် အခုလိုရေးဖို့ တွန်းအားဖြစ်လာစေခဲ့ တယ်ဆိုပါတော့။


ကိုစိုးနိုင် ဘာကြောင့် စက်ဘီးစီးသလဲ။ အလှုငွေက ဘယ်လောက်ရနိုင်မလဲ


Tour de France အကြောင်းမပြောခင် ကနေဒါက ကိုစိုးနိုင်ရဲ့ မယ်တော်ဆေးခန်းရံပုံငွေ ရှာရေး စက်ဘီးစီးပွဲအကြောင်းကိုအယင်ဆုံးတင်ပြလိုပါတယ်။ ကိုစိုးနိုင်ဟာ ထားဝယ်ခရိုင် ကံပေါက် ဒေ သကဖြစ်ပီး ကျနော်တို့နဲ့အတူ မင်းသမီးစခန်းမှာ ၁၀-နှစ်နီးပါး တာဝန်ထမ်းခဲ့တဲ့ ABSDF ဆေးမှုးတဦး ဖြစ်ပါတယ်။ အသားဖြူဖြူ အရပ်မြင့်မြင့်နဲ့ အားကစားသမားပုံပေါက်တဲ့ ကိုစိုးနိုင်ဟာ ကျနော်တို့နဲ့အတူ တပ်ရင်းက ခြင်းလုံးပွဲ။ ဘော်လုံးပွဲတွေမှာ ခြေစွမ်းပြခဲ့သူဖြစ်ပေမဲ့ စက်ဘီးစီး အားကစားကို သူစိတ် ၀င်စားမှန်းကျနော်မသိခဲ့။ ပြိးခဲ့တဲ့လအတွင်းကတော့ ကနေဒါတပါတ် ကီလိုမီတာ ၅၈၀၀-ကို ကနေဒါ မိတ်ဆွေ တဦးနဲ့အတူ စက်ဘီးစီးပီး မယ်တော်ဆေးခန်းအတွက်ရံပုံငွေရှာမယ်ဆိုပီး သူ Facebook မှာ ကျနော်တွေ့လိုက်တော့ အတော်အံသြသွား ပါတယ်။

ဒါနဲ့ ဘယ်လိုကနေဘယ်လို ဒီလိုစက်ဘီးစီးရံပုံငွေရှာဖို့ စိတ်ကူးရလာသလဲဆိုပီး သူကို ကျနော် မေးကြည့်ဖြစ်ပါတယ်.. "ဒေါ်စု-ရဲ့ မိန့်ခွန်းတခုမှာပါတဲ့ အတ္တဟိတ။ ပရဟိတ။ ကိုယ်ကျိုးအတွက်လဲ သိတတ် ရမယ်။ အများအကျိုးအတွက်လဲ သိတတ်ဖို့လိုတယ်ဆိုတဲ့ စကားလုံးကိုကြားမိရာကနေ အခု လိုစက်ဘီး စီးဖို့ဖြစ်လာတာပါ" လို့ ကိုစိုးနိုင်ကပြောပါတယ်။ ထိုင်းနယ်စပ်ကနေ ကျနေဒါကို ထွက် လာတာ ၁၅-နှစ်ရှိ နေပီ။ ဒီကာလတလျောက်လုံးမှာ ကိုယ့်ပညာရေး။ ကိုယ့်စားဝတ်နေရေး။ ကိုယ့်အိမ် ထောင်ရေး။ ကိုယ့် မိသားစုရေး...စတဲ့ "ကိုယ်ရေးတွေဘဲ့လုံးပန်းနေရင်းက ပရဟိတ-အများအကျီုး ဖက်မှာ မသိမသာ လင့်ဟင်းလာခဲ့ပါတယ်။ ဒီအချိန်မှာ ဒေါ်စု-ရဲ့သတင်းစာရှင်းပွဲတခုမှာပြောသွားတဲ့ စကားကိုကြားမိပီး လင့်ဟင်းမှုကို ပြန်ဆင်ခြင်မိပါတယ်" လို့ ကိုစိုးနိုင်ကပြောပါတယ်။





သူဒီလိုဆင်ခြင်မိချိန်မှာ မြန်မာ့အရေးစိတ်ဝင်စားတဲ့ အသက် ၆၅-နှစ်အရွယ် ကနေဒါလူမျိုး Mr Rod Germaine က ဒေါက်တာစင်သီယာဆေးခန်းအတွက် စက်ဘီးစီးပီးရံပုံငွေရှာဖို့စိတ်ကူးနေကြောင်း စကားစပ်မိရာကနေ အခုလို ကနေဒါနိုင်ငံတပါတ် ကီလိုမီတာ ၅၈၀၀-စီးဖို့ဖြစ်လာတာလို့သိရပါတယ်။ ဇူလိုင် ၂၂-အထိဆိုရင် စက်ဘီးစီးနေတဲ့ရက်ပေါင်း ၄၇-ရက်ကြာနေပီဖြစ်ပီး ကီလိုမီတာ ၄၄၅၇- သို့မ ဟုတ် ခရီးစဉ်ရဲ့ ၃-ပုံ ၂-ပုံကျော် ခရီးပေါက်နေပီလို့ သိရပါတယ်။ အလှုငွေကတော့ ကနေဒါဒေါ် လာ ၂-သောင်းလောက်ရနေပီဖြစ်ပီး ကနေဒါနိုင်ငံသားတွေနဲ့ မြန်မာတွေက လှုဒန်းနေဆဲလို့ကိုစိုးနိုင်ကပြော တယ်။ ဒီခရီးစဉ်စတင်တဲ့နေ့က ဘီဘီစီ-မြန်မာပိုင်းနဲ့လုပ်တဲ့ (အခုချိန်ထိ ဘီဘီစီ-တခုကဘဲ့ မေးမြန်း သတင်းလုပ်တာကြားမိပါသေးတယ်) အင်တာဗျုးတခုမှာ Mr Rod ပြောသွားတဲ့ အတိုင်းဆိုရင်တော့ အလှုငွေ ဒေါ်လာ ၂-သိန်းအထိမှန်းထားတယ်လို့သိရပါတယ်။ ဒီခရီးစဉ်ကို စိတ်ဝင် စားသူတွေ။ အလှု ငွေထည့်ချင်သူတွေအနေနဲ့ http://www.justride2011.com ကိုဆက်သွယ်ပီး http://www. justaid.ca မှာ အလှုငွေထည့်နိုင်တယ်လို့ ကိုစိုးနိုင်က တိုက်တွန်းသွားခဲ့ပါတယ်။

ကိုစိုးနိုင်ကိုအားကျပီး မြန်မာနိုင်ငံမှာကော စက်ဘီးစီးပီးရံပုံငွေရှာလို့ရနိုင်မလားလို့ ကျနော်စဉ်း စားမိပေမဲ့ အခုချိန်ထိတော့ ဒီလိုစီးတာ တခါမှမကြားမိသေး။ ကျနော်တို့မင်းသမီးစခန်း ၂၀၁-တပ်ရင်း မှာ ဒုရင်းမှုးအဖြစ်တာဝန်ထမ်းခဲ့သူ ဆရာဦးအောင်မြင့်ကတော့ သူမြန်မာနိုင်ငံမှာရှိစဉ်တုန်းက ထား ၀ယ်ကနေ မန္တှလေး-မုံရွာတွေအထိ နှစ်စဉ်လိုလို စက်ဘီးနဲ့အုပ်စုလိုက်သွားဖူးပေမဲ့ ရံပုံငွေရှာတာမျိုး တော့ တခါမှမလုပ်ဖြစ်။ လုပ်ရင်လဲခွင့်ပြုဘွယ်ချက်ရဘွယ်မရှိဘူးလို့ပြောပါတယ်။

တံခွန်စိုက်နဲ့ ပြည် နယ်တိုင်း တာတိုပြွိုင်ပွဲတခုမှာရွေတံဆိပ်ရဖူးပီး တာဝေးပွဲမှာ နံပါတ် ၆-နေရာရခဲ့ဖူးတဲ့ ကျနော်ကိုယ် တိုင်ကတော့ အများအကျိုးအတွက်ရံပုံငွေ-ရှာတာ တခါမှမလုပ်ဖူးသေး။ ဒါပေမဲ့ ကိုယ်ကျိုး အတွက် တော့ လေ့ကျင့်စရိတ်ကာမိအောင်ဆိုပီး သံဖြူဇရပ်ကနေ မော်လမြိုင်အထိ မှောင်ခိုပစ္စည်းတွေကို ပြိုင် ဘီးနဲ့ သယ်ဖူးပါတယ်လို့ ၀န်ခံရပါလိမ့်မယ်။ ၁၉၈၇-မတ်လလောက်မှာလို့ထင်ပါတယ်။ မော်လ မြိုင်နဲ့ မွန်ပြည်နယ်လက်ရွေးစင်စက်ဘီးသမားတွေနဲ့အတူ သံဖြူဇရပ်ဈေးက အချိုမုန့်အပါဝင် ထိုင်းက လာတဲ့ မှောင်ခိုပစ္စည်းတချို့ကိုသယ်ပီး မော်လမြိုင်ဈေးထဲသွင်းဖူးပါတယ်။


မြန်မာ့စက်ဘီးလောကအကြောင်း တစေ့တစောင်း


ကျနော်ဟာ ပြည်နယ်နဲ့တိုင်းနဲ့ တံခွန်စိုက်ပြိုင်ပွဲတွေမှာ ရွေတံဆိပ်ရခဲ့ဖူးတယ်ဆိုပေမဲ့ မြန်မာ့ စက်ဘီးလောကသမိုင်းကြောင်းကိုဘာမှမသိ။ ဘယ်လောက်အထိ မသိလဲဆိုရင် ၁၉၈၄-မှာ စက်ဘီး စစီးပီး တနသာင်္ရီတိုင်းလက်ရွေးစင်အဖြစ်အရွေးမခံရမှီအထိ မြန်မာနိုင်ငံမှာ ပြည်နယ်နဲ့တိုင်း စက်ဘီးစီး ပြိုင်ပွဲရှိမှန်းမသိ။ တခွန်စိုက်ပွဲရှိမှန်းမသိ။ စက်ဘီးစစီးချိန်အထိ ကျနော်သိတာက လွတ်လပ်ရေးနေ့မှာ ပြိုင်ပွဲရှိတယ်။ အဲဒီပြိုင်ပွဲကိုဝင်ပြိုင်မယ်ဆိုပီး စစီးခြင်းမျှသာဖြစ်ပါတယ်။ ကံကောင်းတာလား။ တိုက်ဆိုင် တာလား မပြောတတ်။

ကျနော့်ရွာကစက်ဘီးသမားသူငယ်ချင်းတဦးနဲ့အတူ (ရွာက စက်ဘီးဆိုင်မှာ ဖြစ်သလိုဖြတ်တောက်-ဆက်စပ်ထားတဲ့) ပြိုင်ဘီးတစီးစီနဲ့ ရွာပြင်လမ်းပေါ်မှာလေ့ကျင့်ရာကနေ တရက် မှာတော့ ထားဝယ်မြိုပေါ်က လက်ဝဲကျွန်းရပ်ကွက်ကိုကျော်ပီး လေယဉ်ကွင်းဖက်ကိုရောက်သွားပါ တယ်။ အဲဒီမှာ ကိုထိန်ဝင်းဆိုတဲ့ လူတဦးနဲ့တွေပီး "မင်းတို့က လူသစ်တွေလား။ မြိုနယ်မှာပြိုင်ပွဲဝင် ပြိုင်မှာလား" ဆိုပီးမေးပါတယ်။ ကျနော်တို့က မြိုနယ်ပြိုင် ပွဲဆိုတာဘာမှန်းမသိ။ လွတ်လပ်ရေးနေ့ ပြိုင်ပွဲကိုပြောတာလားဆိုပီးပြန်မေးတော့မှ... မကြာခင် ထားဝယ်မြိုနယ် လူရွေးပွဲရှိကြောင်း။ ပြီးရင် တန သာင်္ရီတိုင်းလူရွေးပွဲရှိကြောင်း။ အဲဒီမှာအရွေးခံရရင် ရန်ကုန်မှာသွားပြိုင်ရမယ်လို့ စိတ်ရှည်လက်ရှည် ရှင်းပြခဲ့ပါတယ်။

ဒီတော့မှ တောသား ကျနော်တို့ ၂-ဦးလဲ စိတ်အားထက်သက်လာပီး သူကိုဆရာတင်လိုက် ပါတယ်။ တကယ်က သူဟာ တနသာင်္ရီတိုင်း လက်ရွေးစဉ်ဖြစ်ဖူးပီး လောလောဆယ် ထားဝယ် မြိုနယ် စက်ဘီးနည်းပြ။ သူပြောပြတော့မှ ကျနော်တို့ထားဝယ်မှာ အရှေ့တောင်ရှပြိုင်ပွဲတွေအထိ သွားပြိုင်ဖူးခဲ့ တဲ့ ''နောင်ဖား" ဆိုတဲ့ နာမည်ကြီးစက်ဘီးသမားနဲ့ အောင်သိန်းဆိုတဲ့ စက်ဘီးသမားတွေ ရှိနေတယ် ဆိုတာကိုသိခွင့်ရခဲ့ပါတယ်။ ၁၉၇၀-၀န်းကျင်က နာမည်ကြီးခဲ့တဲ့ နောင်ဖား-ဟာ အခုချိန်မှာတော့ ပန်း ထိမ်ခတ်တာကလွဲပီး အားကစားမလုပ်တော့တဲ့အတွက် သူ့ကိုိ့ဆရာတင်လို့မရတော့။ ဒါပေမဲ့ လက်ဝဲ ကျွန်းမှာနေတဲ့ ဦးအောင်သိန်းကတော့ တခါတလေ စက်ဘီးစီးနေဆဲဖြစ်တဲ့အတွက် သူအိမ်ကိုသွားပီး ဆရာတင်ပါတယ်။ အမှန်တိုင်းဝန်ခံရရင် သူ့ရဲ့ပြိုင်ဘီးကိုတွေ့တော့မှဘဲ့ ပြိုင်ပွဲဝင်ပြိုင်ဘီးဆိုတာ ဒီလိုပါ လားဆိုပီး ကျနော်သဘောပေါက်ခဲ့ရပါတယ်။

ဒါပေမဲ့ တသောင်းနီးပါးတန်တဲ့ သူ့ဘိန်းလိုမျီုးကျနော်တို့မ၀ယ်နိုင်။ (အဲဒီကာလက လူတဦး ၀င်ငွေက တနေ့ ၈-ကျပ်နဲ့ ၁၀-ကြားဘဲ့ရှိပီး ကျနော်ရဲ့တလတာ ကျောင်းစရိတ်သုံးစွဲခွင့်က ကျပ် ၃၀၀-ဘဲ့ရှိပါတယ်) တထောင်ကျော်တန်ဝန်းကျင် လက်လုပ်စက်ဘီးနဲ့ဘဲ့ သူဦးဆောင်ရာနောက်ကို မနိုင် မနင်းနဲ့လိုက်ကြရပါတယ်။ ဆရာဖြစ်ဖြစ်ချင်း ဦးအောင်သိန်း ပညာပေးလိုက်ပုံကလဲကြည့်ပါဦး။ ထား ၀ယ်နဲ့ လောင်းလုံ ၁၀-မိုင်ဝန်းကျင်ကိုသာ စီးဖူးတဲ့ ကျနော်တို့ ၂-ဦးကို ထားဝယ်မြိုနဲ့ ၃၂-မိုင်ဝေးပီး တောင်ဆင်း-တောင်တက်များလှတဲ့ တောင်သုံးလုံး (အခု ကန်ချနပူရီ-ထားဝယ်ကားလမ်းပေါ်ကရွာ) ရွာအထိ ခေါ်သွားပီး အသွားအပြန် ၆၄-မိုင်စီးခိုင်းခဲ့ပါတယ်။ ကျနော်ဟာ တောင်အတက်မှာပြတ် ကျန် ခဲ့တဲ့အပြင် ကုန်းအဆင်းမှာလဲ အရှိန်နဲ့မဆင်းရဲ။ ပီးတော့လမ်းကလဲ ကျဥင်္းပီး အကွေ့အကောက်များ တာကြောင့် ဆုံးဖြတ်ချက်မရဲဘူးဆိုရင် ကားနဲ့တိုက်တာ။ ဂျောက်ထဲကျတာ အချိန်မရွေး ဖြစ်နိုင်တဲ့ ခရီး စဉ်မျိုးပါ။


သူများနာမည်နဲ့ ရွေတံဆိပ်ရတဲ့ ကျနော်



ဆရာအောင်သိန်းရဲ့ ပညာပေးမှု။ ကိုထိန်လင်းရဲ့လမ်းပြမှုတွေကြောင့် အဲဒီနှစ် တနသာင်္ရီတိုင်း လူရွေးပွဲမှာ နံပါတ် ၆-နေရာကနေ ကျနော်ကပ်ပီးပါသွားပါတယ်။ စက်ဘီးဟာလဲ ပြေးခုန်ပစ်ပြိုင်ပွဲလိုဘဲ့ ဘောလုံးကွင်းကိုပတ်ပီး စီးနင်းရတဲ့ပွဲက ၆-မျိုးရှိပါတယ်။ အဲဒီထဲက တာအတိုဆုံးပွဲကတော့ မီတာ ၈၀၀။ ကွင်း ၂-ပါတ်။ ဒုတိယက မီတာ ၁၀၀၀- တဦးချင်းစံချိန်ပြု။ တတိယ-က မီတာ ၁၆၀၀။ စတုတ္တ က မီတာ ၄၀၀၀-တဦးချင်းအမှီလိုက်။ ပဉ္စမက မီတာ ၄၈၀၀။ ဆဌမက မီတာ ၁၀၀၀၀- ကွင်း ၂၅-ပါတ်ဖြစ်ပါတယ်။ ဒီပွဲတွေအားလုံးအပီးမှာတော့ ကီလိုမီတာ ၁၀၀-သို့မဟုတ် ကျနော်တို့အခေါ် ၆၂-မိုင် လမ်းပေါ်ပွဲလုပ်ပီး ဒီ ၇-ပွဲစလုံးက တပွဲချင်းအလိုက်အကောင်းဆုံးလူ ၆-ဦးကို လက်ရွေးစင်အဖြစ်ရွေး တာပါ။

မီတာ ၁၆၀၀-တန်းမှာ လူသစ်တန်းမှကျနော်က မထင်မှတ်ဘဲ ပထမ-ရသွားတဲ့အတွက် တိုင်း လက်ရွေးစင်အဖြစ်အရွေးခံလိုက်ရပါတယ်။ ဒါမေပဲ့ ရန်ကုန်ရောက်တော့ ရန်ကုန်။ မန်းတလေး။ မွန်ပြည်နယ်ကလာသူတွေကို ဘယ်လိုမှ ယှဉ်မစီးနိုင်။ နောက်ဆုံးမှာတော့ မွန်ပြည်နယ်က ပုဂိုတွေဆီ မှာအနီးကပ်သင်ကြားရင်းနဲ့ ၁၉၈၆-မှာ သူတိုနဲ့အပြိုင်ယှဉ်စီးနိုင်တဲ့အဆင့်ကို ရောက်လာပီး ၈၇-မှာ ရွေ တံဆိပ်ရတဲ့အထိ တိုးတက်လာပါတယ်။

ဒါပေမဲ့ ထက်အောင်ကျော်တို့ အတုနဲ့အကျိုးပေးပုံကတော့ အဲဒီ ပထမ-ဆုံးရတဲ့ ရွေတံဆိပ်ဟာ ကျနော်အမည်နဲ့မဟုတ်။ မော်လမြိုင်အသင်းက လူတဦးရဲ့အမည်နဲ့။ ဘာကြောင့်လဲဆိုရင် အပြင်းအ ထန်လေ့ကျင်ထားတဲ့ကျနော်ဟာ ထားဝယ်ကနေ ရန်ကုန် ရောက်ရောက်ချင်း မိုးမိပီးအဖျားတက် သွားတဲ့အတွက် ပြိုင်ပွဲမ၀င်နိုင်တော့ဘူးထင်ကာ စာရင်းပေးမထားတော့။ ဒါပေမဲ့ ပြိုင်ပွဲတွေစတဲ့နေ့မှာ အဖျားနဲ့နဲသက်သာလာလို့ ကွင်းထဲသွားကြည့်ရာကနေ စိတ်အားထက်သန်လာပီး ၀င်စီးဖြစ်သွား တာပါ။

ခက်တာက ပြိုင်ပွဲအတွက်ကြိုစာရင်းပေးထားရပီး ကြားနေ့ကျမှဝင်စီးလို့မရ။ အဲဒီချိန်မှာ... "ဒီလို လုပ် ထားဝယ်ကြီး။ ငါတို့ဆီကစာရင်းပေးထားပီး လာမပြိုင်နိုင်တဲ့ ကိုစိုးဝေ-နေရာမှာ မင်းဝင်သာပြိုင် လိုက်" ဆိုပီး မွန်ပြည်နယ်လက်ရွေးစင် တဦးဖြစ်သူ မင်းအောင်ကျော်ကျော်က ကျနော်ကိုအကြံပြုပါ တယ်။

ဒီလိုနဲ့မီတာ ၁၆၀၀-ပြိုင်ပွဲမှာ ကိုစိုးဝေ-အဖြစ် တာဝန်ကျေဝင်စီးလိုက်တဲ့ ကျနော်ဟာ မထင် မှတ်ဘဲခြေစွပ်ကောင်းနေပီး ဘားမားလက်ရွေးစင်ဟောင်း ဦးကျော်ဇောလင်းနဲ့ လက်ရှိ ပဏမ လက် ရွေးစင် ကာစတန်မှ ကိုထိန်လင်းတို့ကို နောက်ဆုံးပါတ်မှာ တမီတာကျော်ကျော်အထိ အပြတ်ဖြတ်ပီး ပန်းဝင်သွားရာကနေ ရွေတံဆိပ်ရသွားပါတယ်။ ဒါမေပဲ့ နာမည်ကိုပြန်ပြင်ခိုင်းလို့မရတော့တာမို့ စိုးဝေ-အမည်နဲ့ဘဲ့ နောက်တနေ့ထုတ်သတင်းစာတွေမှာ မှတ်တန်းဝင်သွားခဲ့ပေါ့။


Tour de France နဲ့ မြန်မာပြည်ကပြိုင်ပွဲ ဘာတွေကွာသလဲ



တလုံးတည်းဖြေရရင်တော့ ကွာတာကမှ ဘာမှမဆိုင်အောင် ဆီနဲ့ရေလို့ ကိုကွာတာပေါ့ကွ -လို့ ဖြေရမယ်ထင်ပါတယ်။ ဒါမေပဲ့ တာဝေးပွဲတွေရဲ့အခြေခံနည်းနာတွေကတော့ အတူတူလို့ဆိုနိုင် ပါတယ်။ ရှေ့မှာတင်ပြခဲ့တဲ့အတိုင်း ဘောလုံးကွင်းပတ်စီးရတဲ့ တာတိုပြိုင်ပွဲ ၆-မျီုးနဲ့ လမ်းပေါ်ပြိုင်ပွဲတမျိုးကို မှတ် မိကြမယ်ထင်ပါတယ်။ ဒါဟာ အရှေ့တောင်အာရှ။ အာရှနဲ့ အိုလံပစ်ပွဲတွေမှာ ကျင့်သုံးနေတဲ့ပုံစံနဲ့ အ တူတူဖြစ်ပါတယ်။
ဒါပေမဲ့ ကွားခြားချက်ကတော့ နိုင်ငံတကာပွဲတွေမှာ ပြိုင်ပွဲပုံစံက ၆-မျိုးမကတော့ဘဲ မီတာ ၈၀၀-ေ နာက်ချန်ထွက်တာနဲ့တခြားပြိုင်ပွဲတချို့တိုးလာပါတယ်။ နောက်ထပ်ကွာခြားချက်ကတော့ နိုင်ငံတကာမှာ စက်ဘီးပြိုင်ပွဲကို ဘောလုံးကွင်းမှာမလုပ်ဘဲ သီးခြား စက်ဘီးကွင်းတွေရှိပါတယ်။ ကျ နော်တို့အခေါ် ဒယ်အိုးကွင်းလို့ခေါ်ပြီး ကျွန်းသစ်သားတွေနဲ့အသေချာလုပ်ထားတဲ့အတွက် ဘော်လုံး ကွင်းပါတ်စံချိန်နဲ့ အဲဒီသစ်သားကွင်းစံချိန် ဘာမှမဆိုင်။ ထိုင်းနိုင်ငံမှာတောင် အဲဒီသစ်သားကွင်းရှိနေပီ ဖြစ်တဲ့အတွက် ကျနော်တို့မြန်မာနိုင်ငံက အများကြီးကျန်နေသေးတယ်ဆိုတာ သိသာနိုင်ပါတယ်။

နောက်ထပ်ကွာခြားချက်တခုကတော့ ဘောလုံးကွင်းပတ် တာတို စီးတာနဲ့ လမ်းပေါ်က တာဝေး ပွဲဆိုတာဟာ မီတာ ၁၀၀-တာတိုပြေးတာနဲ့ ၂၆-မိုင် မာရသွန်ပြေးသလိုကွာတာပါ။ ဒါပေမဲ့ ကျနော်တို့မြန်မာနိုင်ငံက လူတွေကတော့ မီတာ ၁၀၀-ရော။ မာရသွန်ရောအကုန်ပြေးတဲ့လူတွေဆို တော့ ကျနော်တို့စက်ဘီးသမားတွေလဲအကုန်စီးပါတယ်။ နိုင်ငံတကာမှာတော့ ဒီလိုမဟုတ်။ မဆိုင်တဲ့ အလုပ်တွေကိုတွဲလုပ်လေ့မရှိ။ လေ့ကျင့်ပုံ။ နည်းစနစ်။ လူဘော်ဒီအချီုးအစားနဲ့ စက်ဘီးအချီုးအစားက အစ ဘာမှမဆိုင်။ အဲဒါတွေကိုအသေချာနားမလည်တဲ့ ကျနော်ဟာ တာတိုစီးဖို့ဆင်ထားတဲ့ ဖရီးအသေ စက်ဘီးနဲ့ ကီလို ၁၀၀။ ၁၅၀-ပြိုင်ပွဲတွေကို ၀င်ပြိုင်မိတယ်ဆိုရင် Tour de France ကလူတွေ ၀ိုင်းဟား ကြမလားဘဲ့။

ထားပါတော့။ အရိုးသားဆုံးဝန်ခံရရင် ၈၇-တံခွန်စိုက်မှာရော။ ၈၈-ပြည်နယ်-တိုင်းမှာရော ရော ရွေတံဆိပ် ၂-ခါ ရဖူးပီးသည်အထိ Tour de France ပြိုင်ပွဲကို ဗွီဒီယို-မှာတခါဘဲ့ကြည့်ဖူးပါတယ်။ ဒါ တောင် အား-ကာ တာဝန်ရှိသူတွေကပြသခြင်းမဟုတ်။ ကျနော်တို့နဲ့ မော်လမြိုင်မှာလေ့ကျင့်ဖေါ်တဦး ဖြစ်တဲ့ ရွေဆိုင်ပိုင်ရှင် ကိုတင့်လွင်-ကပြလို့ ကြည့်ဖူးတာပါ။ သူတို့ဟာ ငွေကြေးအဆင်ပြေသူတွေဖြစ်တဲ့ အတွက် ၀ါသနာအလျောက် စက်ဘီးအကောင်းစားတွေကိုစီး။ အပိုပစ္စည်းအကောင်းစားတွေကို စုနေသူတွေဖြစ်ပီး ရိုရာ-လိုခေါ်တဲ့ အိမ်ထဲမှာလေ့ကျင့်လို့ရတဲ့ အပိုပစ္စည်းကိုလဲ ကိုတင့် လွင်-အိမ်မှာဘဲ့ ကျနော်တို့ အုပ်စုစီးကျင့်ခဲ့ဖူပါတယ်။ ရန်ကုန်က အောင်ဆန်းကွင်းမှာ အလေးမခန်းကလွဲပီး စက်ဘီး အတွက် လေ့ကျင့်ရေးပစ္စည်းဘာမှမရှိ။


လေယဉ်ပြေးလမ်းပေါ်စက်ဘီးစီးပီး ၆၂-မိုင်မှာ လက်ဖက်ရည်သောက်ခြင်း




အနှစ်ပြန်ချုပ်ရရင်တော့ Tour de France လို နိုင်ငံတကာ ကြေးစားပြိုင်ပွဲကိုဝင်ဖို့မဆိုထားနဲ့ အိမ်နီးချင်း အရှေ့တောင်အာရှပြိုင်ပွဲကိုတောင် ၀င်ဖို့အနိုင်နိုင်ကျီုးစားနေရတဲ့ မြန်မာနိုင်ငံအခြေနေပါ။ ဒါပေမဲ့ အခုနောက်ပိုင်းမှာတော့ ရန်ကုန်-ပြည်။ ရန်ကုန်-မန္တလေး အသွားအပြန် တာဝေးပြိုင်ပွဲတွေလုပ် နေတာကိုသတင်းစာထဲမှာတွေ့ရပီး ပထမ-ဆုရသူကို ငွေတသိန်းနဲ့ ပြိုင်စက်ဘီးတစီး (ကုပ္ပဏီတွေက) ပေး တာမျီုးအထိ တိုးတက်လာနေတာကိုတော့ သတိထားမိပါတယ်။ ကျနော်တို့ခေါတ်ကဆိုရင်တော့ သံနဲ့လုပ်ထားတဲ့ ဆုတံဆိပ်တခု။ ရွေဝါဆပ်ပြာတတုံး။ မုဒုံစောင်တထည်ထက်ပိုပီး ဘာမှမရ။ ပိုဆိုး တာကတော့ ဓါတ်ဆီဈေးကြီးလို့ဆိုပီး တာဝေးပွဲအတွက် ကားမလိုက်နိုင်တဲ့ နှစ်တွေနဲ့တောင် ထားဝယ် မှာကြုံရဖူးပါတယ်။ ဒီလိုအခြေနေအောက်မှာ အနူတောထဲ လူချောဖြစ်နေတဲ့ ကျနော်တို့ခေါတ် တာဝေး သမားတွေကတော့ ရန်ကုန်တိုင်းက အတာနဲ့ မောင်မောင်စိုး။ မန္တလေးတိုင်းက စိန်ပန်းသန်းဌေးနဲ့ စိုးနောင်။ မော်လမြိုင်က မင်းအောင်ကျော်ကျော်နဲ့မင်းသိန်းချစ်။ ရှမ်းပြည်နယ်ဖက်က စိုင်းတင်မောင် တို့ဖြစ်ပါတယ်။

Tour de France ပွဲကိုကြည့်ရင်း နောက်ထပ်သတိထားမိတဲ့အချက်တွေကတော့ ကျနော်တို့ သုံးတဲ့ စက်ဘီးနဲ့ သူတို့သုံးတဲ့စက်ဘီးတွေကလဲ ဆီနဲ့ရေ လိုကွာနေတာပါ။ ဒီကပုဂိုလ်တွေက ဒေါ်လာ ၃-၄ ထောင်တန် စက်ဘီးစီးနေချိန်မှာ ကျနော်တို့က ကျပ်ငွေ တသောင်းမပြည့်တဲ့ စက်ဘီးတွေနဲ့။ ပီး တော့ စက်ဘီးပစ္စည်းတွေကလဲ ပစ်ဆံရှိတိုင်းဝယ်လို့မရ။ အား-ကာ ကထုတ်ပေးတဲ့ အချိန်ကိုစောင့်နိုင် ရင်စောင့်။ ဒါမှမဟုတ် ၂၅-လမ်းက စက်ဘီးတန်းမှာ မှောင်ခိုဈေးပေးပီး ၀ယ်ရင်ဝယ်။ တခြားဝယ်စရာ နေရာမရှိ။ ပီးတော့ ဒီနေ့ Tour de France ကလူတွေ ၀တ်စားဆင်ရင်ထားပုံ ကလဲကြည့်ပါဦး။ ဦးထုပ် ကနေ ဖိနပ်အထိ တမျီုးကိုအနဲဆုံးဒေါ်လာ ၅၀၀-၀န်းကျင်။

ကျနော်တို့ဆီမှာတော့ ကျော်စိန်ဘောလုံး ကန်ဖိနပ်ကို ဘားတွေဖြုတ်ပီး စက်ဘီးစီးလို့ရအောင်ပြင်။ မောင်သောင်းဆိုင်ကိုဝင်ပီး နိုင်ငံခြားက စက် ဘီးစီးအကျီပုံစံအတိုင်းချုပ်ခိုင်း။ မြောက်ဥက္ကလာဆီသွားပီး လက်ချုပ်ဖော့ဦးထုပ်ကို ကိုယ်စရိတ်နဲ့ ကိုယ်မှာနဲ့ တကယ့်ကိုရင်နာဘွယ်ပါဘဲ့။ ကျနော်စိတ်ထဲ နှိုင်းယှဉ်ခံစားမိဆုံးဖြစ် စဉ်တခုကတော့ Tour de France ကလူတွေ ရေဗူးကိုတခါသုံးပီးလွင့်ပစ်လိုက်တဲ့မြင်ကွင်းပါဘဲ့။ ကျနော်တို့ မြန်မာနိုင်ငံမှာ တုန်းကတော့ တလမှ ကျပ် ၃၀၀-သာ ကျောင်းစရိတ်ရတဲ့ထဲက ရေဗူးတလုံးကို ၁၅၀ -နဲ့ မနဲဖြစ်ညှစ် ၀ယ် ထားရတာကိုသာသိရင် ဒီလူတွေ မြန်မာစက်ဘီးသမားတွေအတွက် အလှုငွေများ ထည့်ကြလေ မလားမသိ။

ဒီဆောင်းပါးရေးရင်းနဲ့ ထူးထူးခြားခြားသတိရလာတဲ့အချက် ၂-ခုကတော့ လေယဉ်ပြေးလမ်း ပေါ် စက်ဘီးစီးပြိုင်ပွဲလုပ်တာနဲ့ ပြိုင်ပွဲကာလအတွင်း လက်ဖက်ရည်ဆိုင်ထိုင်ခဲ့ဖူးတယ်ဆိုရင် စာဖတ်ပရိ သတ်ယုံပါ့မလားဘဲ့။

လေယဉ်ပြေးလမ်းပေါ်စက်ဘီးစီးဖူးတာက ၁၉၈၅-ကပါ။ ထားဝယ် ဘော်လုံးကွင်း မှာ ပြည်ထောင်စုပွဲတော်အတွက် စင်ဆောက်တာ။ ဘာ ညာနဲ့ရှုပ်နေလို့ စက်ဘီးစီးဖို့မသင့်တော်ဘူး။ ဒါ ကြောင့် ရန်ကုန်လေယဉ်ပြန်ပီးတဲ့အချိန် နေလည် ၃-နာရီမှာ ထားဝယ်လေယဉ်ကွင်းမှာ ပြိုင်ပွဲလုပ်မယ် လို့ အား-ကာ ကပြောပါတယ်။ အဲဒီနှစ်ပွဲမှာ ကျနော်ရှုံူးတာပါဘဲ့။ ဘာကြောင့်လဲဆိုရင် တောလမ်းမှာ သာစီးဖူးတဲ့ကျနော်ကို ချောမွတ်နေတဲ့ လေယဉ်ပြေးလမ်းပေါ်တင်ပေးလိုက်တော့ ဘယ်လိုမှမစီးတတ်။ အဲဒီကွင်းထဲမှာ ၂-ရက်ဆိုက်တိုက်စီးရင်းနဲ့ ၁၉၈၅-မှာ ကျနော်လက်ရွေးကျန်ဖြစ်ခဲ့တယ်ဆိုပါတော့။

စက်ဘီးစီးရင်း လက်ဖက်ရည်ထိုင်သောက်တာကတော့ ရှေ့မှာပြောခဲ့တဲ့ ကျနော်ပထမ-ဆုံး ရွှေ ရတဲ့ ၁၉၈၇- တခွန်စိုက်ပြိုင်ပွဲမှာပါ။ ပြည်နယ်တိုင်းပွဲတွေကို ဖေဖေါ်ဝါရီမှာလုပ်ပီး တံခွန်စိုက်ကိုတော့ မေလမှာလုပ်လေ့ရှိပါတယ်။ ကံကောင်းထောက်မပီး ရွှေတံဆိပ်တခုရထားတဲ့ကျနော်ဟာ တခြားပွဲတွေ မှာလဲ ရွှေထပ်ရဦးမလားဆိုပီး ကျိုးစားခဲ့ပေမဲ့ ကျန်လူတွေအားလုံးကို ၀ါ-ချင်းမယှဉ်နိုင်။ ဒီလိုနဲ့နောက် ဆုံးနေ့ လမ်းပေါ်ပွဲ မိုင် ၁၀၀-သို့မဟုတ် ကီလိုမီတာ ၁၅၀-နေ့မှာတော့ ကျနော်ဟာ ၁၆-ဦးပြိုင်တဲ့အထဲ ၁၆-နေရာနဲ့ပန်းဝင်သွားပါတယ်။

ပန်းဝင်ပုံကလဲကြည့်ပါဦး။ အောင်ဆန်းကွင်းကနေ မှော်ဘီဖက်ကို ပြည်လမ်းအတိုင်းသွား။ မော်ဘီအလွန်ကနေပြန်ကွေ့ပီး ဗိုလ်ရွေးတောင်မှာပန်းဝင်ရမှာဖြစ်ပါတယ်။ ဒါ ပေမဲ့ ရှေ့မှာကျနော်တင်ပြခဲ့တဲ့ တာဝေးဆရာကြီး အတာ။ မောင်မောင်စိုးနဲ့ တခြားတဦးတို့ဟာ ခြေစွပ် ကောင်းနေပီး ၃-ဦးတည်းလွတ်အောင် ဖေါက်ထွက်သွားနိုင်ခဲ့ပါတယ်။ အဲဒီချိန်မှာ မြန်မာ့လက်ရွေးစင် ဟောင်းကြီး ဦးကျော်ဇောလင်းကနေ..."First to third ကတော့ ပီးသွားပီ။ အဲတော့ မောင်ရင်တို့ ကျုပ်နဲ့အတူ လက်ဖက် ရည်ဆိုင်ထိုင်ရဲလား" ဆိုပီးမေးပါတယ်။
ကျနော်နဲ့အတူပါနေတဲ့ မွန်နဲ့မန္တလေးကပုဂိုလ်တွေကလဲ လူနောက်တွေဆိုတော့ အားလုံး အိုကေပေ့ါ။

အဲဒါနဲ့ "တို့လူတွေညီစေနော်။ သောက်နေတုန်းထပြေးတဲ့ကောင်တော့ သစ္စဖောက်ဘဲ့" လို့ ပြောပီး ဗိုလ်ရွေးတောင်မရောက်ခင် မိုင် ၂၀-ခန့်အကွာက (ရွာအမည်ကျနော်မမှတ်မိတော့) လမ်းဘေး လက်ဖက်ရည်ဆိုင်ကြီးတခုမှာ ကျနော်တို့ ၁၃-ဦး ထိုင်သောက်ပါလေရော။ မှာတာနဲ့သောက်တာနဲ့ဆို ရင် ၁၅-မီနစ် မီနစ် ၂၀-တော့ကြမယ်ထင်တာပါဘဲ့။ လမ်းရှင်းပေးတဲ့ရှေ့ပြေးကားနဲ့ ရဲတွေကလဲ ပထမ- ၃-ဦးနဲ့အတူပါသွားပီဖြစ်လို့ ကျနော်တို့နဲ့အတူ နောက်ဆုံးကားတစီးဘဲ့ကျန်ခဲ့တယ်လို့ထင်ပါတယ်။ အဲ ဒီလို လက်ဖက်ရည်သောက်ပီးမှ အေးအေးဆေးဆေး စက်ဘီးစီးတာမျီုးကတော့ မြန်မာနိုင်ငံမှာဘဲ့ ရှိခဲ့ ဖူးမယ်ထင်ပါတယ်။


အ၀ါရောင်အကျီလုပွဲနဲ့ ချန်ပီယံဘယ်သူဖြစ်မလဲ




အခုဆိုရင် Tour de France ပွဲပန်းဝင်ဖို့ တရက်ဘဲ့လိုပါတော့တယ်။ ချန်ပီယံ ဘယ်သူဖြစ်မလဲ ဆိုတာ အတိအကျပြောဖို့စောနေသေးပေမဲ့ BMC Racing Team မှ သြစတေလျနိုင်ငံသား Cadel Evans ရဖို့သေချာသလောက်ရှိနေပါတယ်။ တကယ်လို့သူသာရမယ်ဆိုရင် ဒါဟာ သြစတေလျတဦး ပထမ-ဆုံးအကြိမ် Tour de France ချန်ပီယံဖြစ်လာပါလိမ့်မယ်။ ဒါပေမဲ့ အခုချိန်ထိတော့ သူရမယ်လို့ သေချာပေါက်ပြောလို့မဖြစ်သေး။ ဘာကြောင့်လဲဆိုရင် ဒီနှစ်ပွဲဟာ ရလာဒ်တွေနေ့စဉ်ပြောင်းလဲနေပီး မ နေ့ကအထိ Leopard အသင်းမှ လူဇင်းဘတ်နိုင်ငံသား Andy Scheck ရမယ်လို့ ကျနော်ထင်ထားလို့ပါ ။ သူဟာ အယင်တနေ့ကအထိ အ၀ါရောင်အကျီပိုင်ရှင် Europcar အသင်းမှ ပြင်သစ်နိုင်ငံသား Thomas Voeckler ကို တမီနစ် ၄၈-စကန့်ပြတ်နေရာကနေ ၁၈-စကန့်ပြတ်တဲ့အထိလိုက်လာပီး နောက်တနေ့မှာ အကျီအ၀ါကို ရအောင်ယူနိုင်ခဲ့လို့ဖြစ်ပါတယ်။

ဒါပေမဲ့ ဒီနေ့ တဦးချင်းစံချိန်ပြုပွဲမှာတော့ Andy ဘာဖြစ်သွား လဲမသိ။ Cadel Evans က ပထမ-ရပီး အကျီအ၀ါရသွားပါတယ်။ တကယ်တန်းပြောမယ်ဆိုရင်တော့ Evans ကလဲခေသူမဟုတ်။ One to Ten စာရင်းထဲမှာအမြဲတန်းရှိနေပီး Andy-ပထမ-ရတဲ့နေ့ကဆိုရင် သူရဲ့ခြေကို ကောင်းကောင်း မြင်ရပီး အဆုံးအဖြတ်မှားခဲ့လို့သာ ၂-မီနစ်ခွဲလောက် ပြတ်ကျန်ခဲ့တဲ့သဘောဖြစ်ပါတယ်။ ဘယ်လိုဘဲ့ ဖြစ်ဖြစ် အခုချိန်မှာတော့ ရက် ၂၀-စီးပီးတဲ့အထိအကွာအဝေး ၃၃၂၃-ကီလိုမီတာကို Cadel Evans က 83-နာရီ။ 45.မီနစ်နဲ့ 20 စကန့် ရထားပါတယ်။ Andy Schleck က 0:01:34 ပြတ်ပီး ဒုတိယ။ သူရဲ့ညီ Fränk Schleck က 0:02:30 ပြတ်ပီး တတိယ။ Thomas Voeckler က 0:03:20 ပြတ်ပီး စတုတ္တ။ လက်ရှိ ချိန်ပီယံ Saxo Bank အသင်းမှ စပိန်နိုင်ငံသား Alberto Contador Velasco က 0:03:57 ပြတ်ပီး ပဉ္စမနေရာ တွေမှာရှိနေပါတယ်။ ပြိုင်ပွဲဟာ မနက်ဖြန်တရက်သာကျန်တော့တဲ့အတွက် ခြေရည် တူသူ အချင်းချင်းကြား တမီနစ်ခွဲပြတ် အောင်စီးဖို့မလွယ်တော့တဲ့အတွက် Evans-ဘဲ့ ပါရီမှာ ချန်ပီယံ-ဆု ရဖို့သေချာသလောက်ရှိနေတယ် လို့ပြောရမှာဖြစ်ပါတယ်။

တဦးချင်းစံချိန်ပြု တာတိုစီးတဲ့ ၂-ရက်မှာ ကီလို ၂၀-ကျော်နဲ့ ၄၀-ကျော်စီးတာမှအပ သတင်း ၃-ပါတ်လုံးလုံးမှာ ကီလို ၁၀၀-ကျော်ကနေ ၂၂၆-ကီလိုအထိစီးခဲ့ရသူတွေမို့ ဒီပွဲကိုဝင်ပြိုင် ဖို့ဆိုတာ။ အထူးသဖြင့် ဒီပွဲမှာ ချန်ပီယံဖြစ်ဖို့ဆိုတာ အတော့်ကိုမလွယ်တဲ့ကိစ္စပါ။ ဒီလိုမလွယ်တဲ့ပွဲကို တောင်မှ အမေရိကန်နိုင်ငံသား Lance Armstrong -က ၇-ကြိမ်ဆက်တိုက် ချန်ပီယံဆွဲသွားခဲ့ဖူးပါတယ်။ စပိန် မှ Alberto Contador ကလဲ ၂-ကြိမ်ဆက်တိုက်ရထားပီး လူဇင်းဘတ်မှ Andy Schleck ကလဲ ၂-နှစ်ဆက်တိုက် ဒုတိယ-ရထားတာမို့ ဒီနှစ်မှာတော့ သူတို့ ၂-ဦးထဲက တဦးဦးဘဲ့ရလိမ့်မယ်လို့ အများက ထင်နေစဉ်မှာ ရလာဒ်တွေက အခုလိုမမျော်လင့်ဘဲ့ ပြောင်းလဲကုန်တာဖြစ်ပါတယ်။






(အခု ၂၄-ရက်နေ့သတင်းတွေအရတော့ အ၀ါရောင် ဂျက်စီပိုင်ရှင် evans ကဘဲ့ ပထမ-ရ သွားပီဖြစ်ပီး Schleck တို့ညီ အကိုက ဒုတိယ-နဲ့ တတိယ-ရသွားကြပါတယ်။ ဒီနေ့အတွက် တနေ့တာ အနိုင်ဆုကိုတော့ (HTC-Highroad) အသင်းမှ ဗြိတိန်နိုင်ငံသား Mark Cavendish က ရသွားပါတယ် ။ သူဟာ တာတိုပြိုင်ပွဲတွေကနေ တာဝေးပွဲဆီပြောင်းလာသူတဦးဖြစ်တဲ့အတွက် Sprint သိပ်ကောင်းပီး အစိမ်းရောင်အကျီကိုအချိန်များစွာပိုင်ဆိုင်နိုင်ခဲ့သူတဦးလဲဖြစ်ပါတယ်။ အကောင်းဆုံးတောင် တက်သ မားဆု အနီရောင်ကွက်ကျားအကျီကိုတော့ Euskaltel-Euskadi အသင်းမှ စပိန်နိုင်ငံသား Samuel Sanchez Gonzalez က ရရှိသွားပါတယ်။ အသက် ၂၅-နှစ်အောက်လူငယ်တွေထဲက အကောင်းဆုံးဆု အဖြူရောင်အကျီကိုတော့ Team Europcar အသင်းမှ ပြင်သစ်နိုင်ငံသား Pierre Rolland က ရရှိသွား ပါတယ်)

စက်ဘီးစီးပီး ရံပုံငွေရှာပေးနိုင်တဲ့ မြန်မာဦးရေ တိုးလာဘွယ်ရှိမလား



Tour de France -အကြောင်း ချီးမွန်းခန်းဖွင့်ပီး မြန်မာ့စက်ဘီးလောက အားနဲချက်တွေကို ထောက်ပြနေပေမဲ့ တကယ်ကတော့ မြန်မာတင်မက ဘယ်အာရှသားတဦးတယောက်ကိုမှ Tour de France -မှာ ကျနော်မတွေ့မိ။ နောက်တခါ ပြေးခုန်ပစ်နဲ့တာဝေးပွဲတွေမှာနာမည်ကြီးတဲ့ အာဖရိကတိုက် က လူမဲတွေကိုလဲ တဦးမှမတွေ့မိ။ ဥရောပ။ မြောက်အမေရိကားနဲ့ သြစတေလျတိုက်သား သက်သက် သာပြိုင်ရတဲ့ ပွဲတခုလိုဖြစ်နေတာကတော့ သိပ်မမိုက်သေး။ ဒါဟာ ကျနော်တို့အာရှသားတွေက ဥရောပ တိုက်သားတွေကို ယှဉ်မစီးနိုင်သေးလို့လား။ နည်းစနစ်ပိုင်းရော။ ရုပ်ဝတ္တူပစ္စည်းရော။ ခန္ဒာကိုယ်ဖွဲ့စည်း ပုံအရပါ အားနဲနေသေးလို့လား။ ဆက်ပီးစဉ်းစားသင့်ပါတယ်။

ကျနော့်တဦးချင်းအနေနဲ့ အကြံပြုနိုင်တာကတော့ မြန်မာနိုင်ငံလို စက်ဘီးအစီးများတဲ့ အာရှနိုင် ငံတခုအနေနဲ့ ဒီလိုနိုင်ငံတကာစက်ဘီးစီးပြိုင်ပွဲ ကျင်းပချိန်ကို အခွင့်ကောင်းယူပီး မြန်မာတွေ စက်ဘီး အားကစားအကြောင်း ပိုသိလာအောင်။ ပိုစိတ်ဝင်စားလာအောင် မြန်မာနိုင်ငံ စက်ဘီးအဖွဲ့ချုပ်နဲ့ အား-ကာ တာဝန်ရှိသူတွေကလုပ်ပေးသင့်ပါတယ်။ ပြည်တွင်း-ပြည်ပ မီဒီယာတွေကလဲ အားကစားမျီုးစုံကို အဆင့်တန်းမခွဲဘဲ တပြေးညီဖေါ်ပြသင့်တယ်လို့ထင်ပါတယ်။ မြန်မာတနိုင်ငံလုံးမှာ စက်ဘီးစီးသူဦးရေ နဲ့ စက်ဘီးအရေအတွက် ဘယ်လောက်ရှိမှန်း ကျနော်အတိအကျ မသိနိုင်ပေမဲ့ ဘော်လုံးကန်သူဦးရေ။ ဘော်လုံး အရေအတွက်ထက်တော့ ပိုများမယ်လို့ ထင်ပါတယ်။ ဒါပေမဲ့ ဘောလုံးကွင်းဆီ စက်ဘီးစီးပီး သွားကြည့်သူတွေ။ ဘော်လုံးပွဲလောင်းဖို့အရေး စက်ဘီးတစီးနဲ့ အလုပ်ရှုပ်နေသူတွေဟာ ဘော်လုံးကို ဘဲ့စိတ်ဝင်စားနေပီး ကိုယ်စီးနေတဲ့ စက်ဘီးကို စိတ်မ၀င်စားတာကတော့ တခုခုလွဲနေသလားလို့ ကျ နော်စဉ်းစားနေမိပါတယ်။

ဒါကြောင့် Tour de France ကမ္ဘာကျော်ပြိုင်ပွဲကို အခွင့်ကောင်းယူပီး မီဒီယာတွေကနေ စက်ဘီးအားကစားအကြောင်းကို လူထုသိအောင် များများလုပ်ပေးနိုင်မယ်ဆိုရင် အဲဒီကတဆင့် စက် ဘီးအားကစားကို လူတွေပိုစိတ်ဝင်စားလာမယ်ဆိုရင်... ကိုစိုးနိုင်လိုမျိုး အများအကျိုးအတွက် စက်ဘီး စီးပီးရံပုံငွေရှာပေးနိုင်တဲ့လူတွေ။ စက်ဘီးစီးပီး နိုင်ငံရေးကမ်ပိန်းလုပ်နိုင်တဲ့လူတွေ။ မြန်မာနိုင်ငံနဲ့ မြန် မာတွေ အခြေချရောက်ရှိနေတဲ့ တတိယ-နိုင်ငံတွေမှာ တိုးပွါးလာမယ်လို့မျော်လင့်နေမိပါတယ်။

(မှတ်ချက်... ဒီဆောင်းပါးကို သောကြာနေ့မှာတင်နိုင်ဖို့ကျိုးစားခဲ့ပေမဲ့ အင်တာနက်လိုင်ပြတ်တာ။ အော်စလိုမှာ ဗုံးကွဲတာ တွေကြောင့် တရက်နောက်ကျသွားတဲ့အပေါ် စာဖတ်ပရိသတ်အား တောင်းပန်အပ်ပါတယ်၊ ၀န်ခံချက်အနေနဲ့ ကတော့ ဒီထဲက ဓါတ်ပုံတွေကို http://www.cyclingnews.com/tour-de-france ကယူထားပါတယ်)

Tuesday, October 8, 2013

တနိုင်ငံလုံး ကြားရတဲ့ ငြိမ်းချမ်းရေး တေးသံတွေ ဖြစ်ဖို့

သူ့အတွေး သူ့အမြင်

ဧရာဝတီ။
  
MPC, ငြိမ်းချမ်းရေး, အပစ်အခတ်ရပ်စဲရေး
ကချင်ပြည်နယ် မြစ်ကြီးနားတွင် ၉ ကြိမ်မြောက် ကျင်းပသော ကချင် ငြိမ်းချမ်းရေး ဆွေးနွေးပွဲ မြင်ကွင်း (ဓာတ်ပုံ – မေခ / ဧရာဝတီ)

အခုတလော သတင်းတွေထဲမှာ ငြိမ်းချမ်းရေး ဖော်ဆောင်ဖို့ ကြိုးပမ်းတဲ့ သတင်းတွေ အတော်များနေတာကို သတိပြုမိ ပါတယ်။ လေယာဉ်စင်းလုံး ငှားပြီးသွားနေကြတဲ့ ငြိမ်းချမ်းရေး အကျိုးတော်ဆောင် တွေရဲ့ခရီးစဉ်၊ လက်နက်နဲ့ ကားပါမစ် အလဲအလှယ်လုပ်တဲ့ ငြိမ်းချမ်းရေး အပေးအယူ၊ အောက်တိုဘာလ မကုန်ခင်မှာ တနိုင်ငံလုံး အပစ်ရပ် လက်မှတ်ထိုးပွဲ လုပ်မယ်ဆိုတဲ့ သတင်းတွေ စသည်ဖြင့် လူအများ စိတ်ဝင်စားမှု အများဆုံး လို့ထင်ပါတယ်။

ပြောမယ်ဆိုရင်တော့ ငြိမ်းချမ်းရေး သတင်းတွေ ကြားရတာဟာ စစ်ပွဲသတင်း ကြားရတာနဲ့ စာရင်ပို ကောင်းတယ် မဟုတ်လား။ စစ်ပွဲတွေ ဖြစ်ရင် ၂ ဖက် စစ်သားတွေ သေမယ်၊ ဒဏ်ရာရမယ်၊ ဒေသခံတွေ၊ အများပြည်သူတွေ ဒုက္ခရောက်မယ်၊ သဘာဝ ပတ်ဝန်းကျင် ပျက်စီးမယ်၊ တိုင်းပြည် ဆင်းရဲမယ်။ စစ်ပွဲတွေ မရှိတော့ဘူး၊ ငြိမ်းချမ်းရေး ရပြီ ဆိုရင်တော့ အဲဒီ ဆုံးရှုံးမှုတွေ မရှိတော့ဘဲ အများပြည်သူတွေ အဆင်ပြေ ငြိမ်းချမ်းလာမယ်၊ တိုင်းပြည်လည်း ချမ်းသာလာမယ်ပေါ့။

စာရေးသူသည် ထိုင်း-မြန်မာ နယ်စပ်တွင် အခြေစိုက်သော ကျောင်းသား လက်နက်ကိုင် ABSDF အဖွဲ့ဝင်ဟောင်း ဖြစ်ပြီး DVB ၏ သတင်းထောက် ဟောင်းလည်း ဖြစ်သည်။ ယခုအခါ နော်ဝေနိုင်ငံတွင် နေထိုင်လျက် ရှိသည်
ဒါပေမယ့် အခုအထိတော့ အဲဒီလို မဟုတ်သေး။ ငြိမ်းချမ်းရေး အကျိုးတော်ဆောင်တွေက စင်းလုံးငှား လေယဉ်တွေနဲ့ လွန်းပျံ ခရီးနှင်နေချိန်မှာ ဒေသခံပြည်သူတွေ၊ စစ်ဘေးရှောင် ဒုက္ခသည်တွေကတော့ နေစရာမရှိ၊ စားစရာမရှိ ဖြစ်နေဆဲလို့ သတင်းတွေ ကြားနေရ ပါတယ်။ ငြိမ်းချမ်းရေး ဖော်ဆောင်ရေး အဖွဲ့ဝင်တွေက ကားနဲ့ လက်နက် အလဲလှယ်လုပ်နေစဉ်မှာ ဒေသခံပြည်သူတွေ၊ ဒုက္ခသည် တွေက စီးစရာ ဖိနပ်တောင် မရှိ ဖြစ်နေတယ်လို့ ကြားနေရဆဲပါ။

ဒါဆိုရင် ဒီနေ့ လူပြောများနေတဲ့ ငြိမ်းချမ်းရေး လုပ်ငန်းစဉ်၊ လူအများ လိုလားနေတဲ့ ငြိမ်းချမ်းရေး လုပ်ငန်းစဉ်မှာ ဘာတွေများ အားနည်းနေပါသလဲ။ ဒီနေ့ ငြိမ်းချမ်းရေးက ဘယ်သူနဲ့ ဘယ်သူ့ကြား ငြိမ်းချမ်းရေးလဲ။ လက်နက်ကိုင် အဖွဲ့တွေ အချင်းချင်း ကြားက ငြိမ်းချမ်းရေး သက်သက်လား။ အစိုးရစစ်ဗိုလ်နဲ့ သူပုန်စစ်ဗိုလ်ကြားက ငြိမ်းချမ်းရေး သက်သက်လား။ အများပြည်သူ အတွက် ငြိမ်းချမ်းရေး မပါဘူးလား။ ဒါမဟုတ် အများပြည်သူဆီ အကူညီပေးတဲ့ အဆင့်ဆီ မရောက်သေးဘူး၊ အခုမှ အပစ်ရပ်ဖို့ ကြိုးစားဆဲ အဆင့်မှာပဲ ရှိသေးတယ် လို့ ဆင်ခြေ ပေးကြမလား။

ABSDF ကျောင်းသား တပ်မတော် အရှိန်အ၀ါ ကြီးစဉ် ၁၉၉၀ ပြည့်လွန် နှစ်တွေတုန်းက ခေတ်စားခဲ့တဲ့ စကားတခွန်းကို သွားသတိရမိ ပါတယ်။ “သားတို့က အမေတို့လွတ်မြောက်ရေးအတွက် တိုက်ပွဲဝင်နေ တာပါ” ဆိုပြီး ရှေ့တန်းရောက် ကျောင်းသား ရဲဘော်တွေက ဒေသခံလူထုကို စည်းရုံးရေးစကား ပြောပါတယ်။ အဲဒီချိန်မှာ နိုင်ငံရေး အကြောင်း ဘာမှမသိတဲ့ ဒေသခံ အဖွားအိုတဦးက “သြော် သားတို့အတွက် သားတို့ လုပ်နေတယ်လို့ ထင်နေတာ။ အမေတို့ အတွက် ဆိုရင်တော့ အဲလောက် ပင်ပန်းခံပြီး လုပ်မနေပါနဲ့ သားတို့ရယ်” လို့ ပြန်ဖြေတယ် လို့ဆိုပါတယ်။ အခု ငြိမ်းချမ်းရေး လုပ်ငန်းစဉ် အခြေနေကော အဲဒီလိုများ ဖြစ်နေပြီလား။ စဉ်းစားစရာပါ။

ငြိမ်းချမ်းရေး လုပ်ငန်းစဉ်လို့ လူသိများနေတဲ့ အပစ်အခတ် ရပ်စဲရေး ကိစ္စ နောက်ကြောင်းကို နည်းနည်း ပြန်ကြည့်ရ အောင်ပါ။ ၁၉၄၈ ဗြိတိသျှဆီကနေ လွတ်လပ်ရေး ရပြီးကတည်းက စတင်ဖြစ်ပွား လာခဲ့တဲ့ ပြည်တွင်းစစ်ဟာ အခုချိန်ထိ အဆုံးမသတ် နိုင်သေးပါဘူး။ အဲဒီ ပြည်တွင်းစစ်ကို အဆုံးသတ်နိုင်ဖို့ အစိုးရ အဆက်ဆက် ကြိုးစားလာ ခဲ့တာလည်း အခု ဦးသိန်းစိန် အစိုးရအထိ ပါပဲ။ ကျနော်တို့ မျိုးဆက် လက်လှမ်း မမီခဲ့တဲ့ ဖဆပလ ခေတ်၊ မဆလ ခေတ်က ကြိုးပမ်းမှုတွေကို ထားလိုက်ပါတော့။

အခု ၁၉၈၈ နောက်ပိုင်း န၀တ ခေတ်နဲ့ ဒီနေ့ အသွင်ကူးပြောင်းရေး ကာလအစိုးရခေတ် ကြိုးပမ်းမှုတွေ ကိုပဲ တင်ပြချင် ပါတယ်။ သမိုင်း မှတ်တမ်းတွေ အရ ၁၉၈၈ နောက်ပိုင်း ပထမဆုံး အပစ်ရပ်တဲ့ အဖွဲ့ဟာ ကိုးကန့် (MNDAA) နဲ့ ၀ UWSA အဖွဲ့ ဖြစ်ပြီး ၁၉၈၉ မတ်လနဲ့ မေလကတည်းက ဖြစ်ပါတယ်။ ပြီးတာ့ မိုင်းလား (NDAA)၊ ရှမ်း-မြောက် (SSA-North)နဲ့ ဒီမိုကေရစီသစ် တပ်မတော်-ကချင် (NDA-K) အပါဝင် တရုတ်နယ်စပ်ရှိ ကွန်မြူနစ် ခွဲထွက်အဖွဲ့အားလုံး ၁၉၈၉ တနှစ်ထဲမှာတင် အပစ် ရပ်လိုက်ကြ ပါတယ်။

၁၉၉၁ ကနေ ၁၉၉၅ အတွင်းမှာတော့ တရုတ်နယ်စပ် အခြေစိုက် သူပုန်အဖွဲ့တွေ အပြင် ထိုင်းနယ်စပ် မာနယ်ပုလော အခြေစိုက် အမျိုးသား ဒီမိုကရေစီ တပ်ပေါင်းစု NDF (National Democratic Front) ထဲ က အဖွဲ့တချို့ပါ အပစ်ရပ် လိုက်ကြ ပါတယ်။ အဲဒီ အဖွဲ့တွေကို အချိန်ကာလ အလိုက်တန်းစီ ပြောရမယ် ဆို ရင် KIA တပ်မဟာ ၄ (KDA)၊ ပအို့အမျိုးသား အဖွဲ့ချုပ် (PNO)၊ ပလောင်ပြည်လွတ်မြောက်ရေးတပ် (PSLA)၊ ကချင်လွတ်လပ်ရေး အဖွဲ့ (KIO)၊ ကရင်နီ လူမျိုးပေါင်းစုံ လွတ်လပ်ရေး တပ်ဦး (KNPLF)၊ ကယန်းပြည်သစ် ပါတီ (KNLP)၊ ရှမ်းပြည်လူမျိုးပေါင်းစုံ လွတ်မြောက်ရေး အဖွဲ့ (SSNPLO)၊ မွန်ပြည်သစ် ပါတီ (NMSP) နဲ့ ဒီမိုကရက်တစ် ဗုဒ္ဒဘာသာကရင့်တပ်မတော် DKBA တို့ ဖြစ်ပါတယ်။

ကရင်နီ အမျိုးသားတိုးတက်ရေး ပါတီ KNPP ကတော့ ၂၀၀၅ ခုနှစ်မှာ အပစ်ရပ်ပြီး ၃ လအတွင်းမှာ ပြန် ပျက်သွား ပါတယ်။ ပိုရှင်းအောင် ပြောရမယ် ဆိုရင်တော့ KNPP, KNU (ကရင်အမျိုးသား အစည်းရုံး), SSA-South, (ရှမ်းပြည်တပ်မတော်-တောင်ပိုင်း) ABSDF နဲ့ အဖွဲ့တချို့ဟာ အခု ၂၀၁၀ ရွေးကောက်ပွဲ အလွန် ဦးသိန်းစိန် အစိုးရတက်လာတဲ့ အထိ အပစ်မရပ်ဘဲ ဆက်တိုက်ခဲ့တဲ့ အဖွဲ့တွေ ဖြစ်ပါတယ်။

၂၀၁၀ အလွန်မှာ တက်လာတဲ့ ဦးသိန်းစိန် အစိုးရခေတ် ထူးခြားတဲ့ ဆောင်ရွက်ချက်တွေ ကတော့ ဆက်တိုက်နေဆဲ KNPP, KNU, SSA-South, ABSDF အပါဝင် အဖွဲ့အားလုံးနီးပါးကို ဆက်မတိုက်နိုင်အောင် စည်းရုံးနိုင်ခဲ့ ပါတယ်။ ဒါပေမယ့် အရင် ၁၉၉၄ ကတည်းက အပစ်အခတ် ရပ်ထားတဲ့ KIO နဲ့တော့ တိုက်ပွဲတွေ ဖြစ်ခဲ့တာ ဒီနေ့အထိ ပါပဲ။ အလားတူ DKBA ထဲက အဖွဲ့ တချို့ဟာလည်း အပစ်ရပ် သဘောတူညီချက် ပျက်ခဲ့ပြီး ၂၀၁၀ ရွေးကောက်ပွဲ နေ့မှာကို မြ၀တီနဲ့ ဘုရားသုံးဆူ မြို့တွေကို ၀င်တိုက်ခဲ့တာ တွေရှိခဲ့ပါတယ်။

အခုတော့ ဆက်တိုက်နေဆဲ KIO နဲ့ ဆွေးနွေးနိုင်ဖို့ ငြိမ်းချမ်းရေး အကျိုးတော်ဆောင်တွေ၊ အပစ်ရပ်အဖွဲ့ အသီးသီးက ကိုယ်စားလှယ်တွေ၊ တပ်မတော် အရာရှိတွေ၊ ဧည့်သည်တော်တွေဟာ စင်လုံးငှားလေယာဉ်နဲ့ မြစ်ကြီးနားမြို့ကို ရောက်ရှိနေပါပြီ။ KIO ကို ၀ိုင်းဝန်းနားချပြီး အောက်တိုဘာ မကုန်ခင် တနိုင်ငံလုံး အပစ်ရပ် လက်မှတ်ထိုးနိုင်ဖို့ သူတို့ ကြိုးစား ပါလိမ့်မယ်။

ဒါက ငြိမ်းချမ်းရေး စင်တာရဲ့ ဒီနေ့ လုပ်ငန်းစဉ်ပါ။ အရင် န၀တ ခေတ်နဲ့ ဒီနေ့ခေတ် လူတွေ၊ မူတွေ စဉ်းစားပုံတွေ ဘာကွာသလဲ။ အရင် ၁၉၈၉ ၀န်းကျင်က န၀တ ဘက်ကနေ တာဝန်ယူ ဆောင်ရွက်ခဲ့သူ ကတော့ အတွင်းရေးမှုး ၁၊ တပ်မတော် ထောက်လှမ်းရေးမှူး ဗိုလ်ချုပ်ခင်ညွန့်ပါပဲ။ “မူဝါဒ” အားဖြင့်ကတော့ တို့တာဝန် အရေး ၃ ပါးကို လက်ခံဖို့နဲ့ ကျန်တဲ့ နိုင်ငံရေး ကိစ္စအားလုံးကို ရွေးကောက်ခံ အစိုးရသစ် တက်လာမှ ဆက်ဆွေးနွေးဖို့ ဖြစ်ပါတယ်။

သေချာတာကတော့ အရင်နဲ့အခု ပါဝင်တဲ့ လူတွေ မတူတော့ပါဘူး။ အရင် ဗိုလ်ချုပ်ခင်ညွန့် နေရာမှာ အခု ငြိမ်းချမ်းရေး ဖော်ဆောင်ရေး ဒုတိယ ဥက္ကဋ္ဌ၊ ၀န်ကြီး ဦးအောင်မင်း ဦးဆောင်တဲ့ နိုင်ငံခြားပြန် ပညာတတ်တွေ၊ သူပုန်ဟောင်းတွေ၊ စီးပွားရေးသမားတွေ ပါဝင်တဲ့ MPC ခေါ် မြန်မာငြိမ်းချမ်းရေး စင်တာက ဦးစီးဆောင်ရွက် နေတာ တွေ့ရပါတယ်။

ပြီးတော့ အရင် န၀တ ခေတ်က ဘယ်ကရတဲ့ ဘတ်ဂျက်နဲ့ ငြိမ်းချမ်းရေး ဖော်ဆောင် လုပ်ကိုင်မှန်း မသိရပေမယ့် အခု ဦးအောင်မင်း ခေတ်မှာတော့ နိုင်ငံတကာက အလှူရှင်တွေရဲ့ အခန်းကဏ္ဍက အရေးကြီးလာ ပါတယ်။ ငြိမ်းချမ်းရေး အကျိုးဆောင် တွေနဲ့ နိုင်ငံတကာ သံတမန်တွေပါ ပါဝင်လာတဲ့အတွက် ဒီအချက်ကလည်း အရင်ခေတ်ထက် ပိုထူးခြား လာပါတယ်။

ပြန်ပြီး အနှစ်ချုပ်ရရင် ငြိမ်းချမ်းဖော်ဆောင်ရေး “မူဝါဒ” အားဖြင့် ရှင်းရှင်း လင်းလင်း မရှိလှပေမယ့် စဉ်းစားပုံ အားဖြင့် ကတော့ အရင် န၀တ ခေတ်ထက် နည်းနည်းတိုးတက် လာတဲ့ သဘော ရှိပါတယ်။ အပစ်အခတ် ရပ်စဲထားရုံနဲ့ မရ၊ နိုင်ငံရေး ဆွေးနွေးပွဲတွေ ဆက်လုပ်ပြီး အဖြေရှာဖို့ လိုတယ်။ ဒီလုပ်ငန်းစဉ်ထဲမှာ လက်နက်ကိုင် အဖွဲ့တွေ အပြင် လူထု လူတန်းစား အသီးသီး ပါဝင်ဖို့ လိုတယ် ဆိုတဲ့ အချက်တွေဆီ ထည့်သွင်း စဉ်းစားလိုတယ်လို့ နားလည်ရပါတယ်။

ဒါပေမယ့် ဒီလို စဉ်းစားချက်ဟာ ဘယ်တော့ လက်တွေ့ ဖြစ်လာမှာလဲ။ လက်နက်ကိုင်အဖွဲ့ အချင်းချင်း ပစ်ခတ် တိုက်ခိုက်တာ တွေကြောင့် ထွက်ပြေးနေကြရတဲ့ စစ်ပြေး ဒုက္ခသည်တွေရဲ့ အခြေနေကော ဘယ်လိုရှိသလဲ။ သောင်းနဲ့ချီ ရှိတဲ့ ကချင်ပြည်နယ်က စစ်ပြေးဒုက္ခတွေ အရေး အပြင် ထိုင်း-မြန်မာ နယ်စပ် တလျှောက်ရှိ စစ်ပြေးဒုက္ခသည် တသိန်းကျော် အရေးကိုလည်း ထည့်သွင်း စဉ်းစားဖို့ လိုပါတယ်။ လက်နက်ကိုင်အဖွဲ့ နှစ်ခုကြား အပစ်ရပ်လိုက်ရုံနဲ့ ကိစ္စက ပြီးမသွားပါ။ ငြိမ်းချမ်း မသွားနိုင်သေးပါ။
လက်နက်ကိုင် တိုက်ပွဲတွေကြောင့် ဒုက္ခရောက် ရသူ ပြည်သူတွေရဲ့ ဘ၀အတွက်ပါ စဉ်စားပေးဖို့လိုပါတယ်။

ကိုယ်စားလှယ် တချို့က စင်လုံးငှား လေယာဉ်နဲ့ ငြိမ်းချမ်းရေး ပွဲတော်ဆီ သွားနေချိန်မှာ ကချင်ဒုက္ခသည် စခန်းက ကလေးငယ်တွေမှာ စီးစရာ ဖိနပ်တောင်မရှိ ဖြစ်နေဆဲပါ။ ငြိမ်းချမ်းရေး Seminar တခုအတွက် ဒေါ်လာ သောင်းနဲ့ချီ သုံးစွဲ နေချိန် မှာ ကချင်ဒုက္ခသည် ကလေးတွေအတွက် စာသင်ကျောင်း မရှိဖြစ်နေဆဲပါ။ ဆီမီနာ ပြီးလို့၊ လက်မှတ်ထိုးပွဲပြီးလို့ နှစ်ဖက် စစ်ဗိုလ်တွေက ဒေါ်လာ ထောင်နဲ့ချီ အကုန်အကျခံ စီစဉ်ရတဲ့ ညစာစားပွဲ ကျင်းပနေချိန် မှာ ဒုက္ခသည် ကလေးငယ်တွေမှာ ညစာ ဆန်မရှိလို့ ပြတ်လပ်နေချိန် ဖြစ်ကောင်းဖြစ်နေနိုင်ပါတယ်။ အခုလို ပြောရတာက တိုင်းပြည်ရဲ့ အနာဂတ်အတွက် အဖွဲ့အစည်းတိုင်း အနေနဲ့က တကယ့်ကို ထိထိရောက်ရောက် လုပ်ဆောင်ပေးကြဖို့ လိုနေပြီဆိုတာ ပါပဲ။

ဒါကြောင့် ငြိမ်းချမ်းရေး တေးသံသာ ဆိုတာဟာ သီချင်းရေးတဲ့လူ၊ သီချင်းဆိုတဲ့လူ အနီးဝန်းကျင်လောက် ကြားနေရရုံနဲ့ မပြီးပါ။ တနိုင်လုံး ကြားရဖို့ လိုပါတယ်။ လက်နက်ကိုင် အဖွဲ့ ခေါင်းဆောင် နှစ်ဦးကြား လက်ဆွဲ နှုတ်ဆက်ရုံနဲ့ မပြီးသေးပါ။ အောက်ခြေ လူတန်းစားတွေအထိ အဆင်ပြေဖို့ လိုပါတယ်။ လက်ရှိသွားတဲ့နေလမ်း ကြောင်းထဲမှာ အများပြည်သူတွေပါဝင်ခွင့်ရအောင်၊ အောက်ခြေ လူထုရဲ့ဘ၀ ပိုမိုအဆင်ပြေ လာအောင်ပါ ငြိမ်းချမ်းရေး ကိုယ်စားလှယ်တွေ၊ ငြိမ်းချမ်းရေး ဖော်ဆောင်ပေးသူတွေ အနေနဲ့ ထည့်သွင်းစဉ်းစားပေးဖို့ လိုနေပါကြောင်း။ ။

Share

Twitter Delicious Facebook Digg Stumbleupon Favorites More