Wednesday, April 29, 2015

မြန်မာ့သတင်းလွတ်လပ်ခွင့် ကျဆင်းလာ။

မြန်မာ့သတင်း လွတ်လပ်ခွင့် ကျဆင်း

Freedom House ထုတ်ပြန်တဲ့ မြန်မာ့သတင်းလွတ်လပ်ခွင့်။
Freedom House ထုတ်ပြန်တဲ့ မြန်မာ့သတင်းလွတ်လပ်ခွင့်။ 

မီဒီယာ

အသံ
ဝါရှင်တန်ဒီစီအခြေစိုက် Freedom House အဖွဲ့က ၂၀၁၄ ခုနှစ်အတွက် ထုတ်ပြန်လိုက်တဲ့ အစီရင်ခံစာမှာ မြန်မာနိုင်ငံဟာ အဆိုးဖက်ကို (၃)မှတ်တိုးပြီး သတင်းလွတ်လပ်ခွင့် ကျဆင်းသွားတယ်လို့ ဖေါ်ပြထားပါတယ်။ အဲဒီ အစီရင်ခံစာဟာ မြန်မာနိုင်ငံရဲ့ လက်ရှိအခြေအနေ တွေကို ထပ်ဟပ်စေတယ် လို့ ပြည်တွင်း သတင်းမီဒီယာအဖွဲ့အစည်းတွေက ပြောဆိုပါတယ်။ ဒီအကြောင်းက ကိုဉာဏ်ဝင်းအောင် တင်ပြပါမယ် ။
အမေရိကန်ပြည်ထောင်စု ၀ါရှင်တန်ဒီစီမြို့အခြေစိုက် Freedom House အဖွဲ့က ထုတ်ပြန်လိုက်တဲ့ Freedom of the Press 2015 ဆိုတဲ့ အစီရင်ခံစာမှာ ပြီးခဲ့တဲ့ ၂၀၁၄ အတွင်း မြန်မာနိုင်ငံရဲ့ သတင်းလွတ်လပ်ခွင့် ပြန်ကျ သွားတယ်လို့ ထောက်ပြ ထားပါတယ်။ ကမ္ဘာ့နိုင်ငံနဲ့ ဒေသပေါင်း ၁၉၉ ခုရဲ့ သတင်း လွတ်လပ်ခွင့် ကို လေ့လာပြီး အဆိုးဆုံးနိုင်ငံကို အမှတ် ၁၀၀ ထိ သတ်မှတ်ပေးရာ မှာ မြန်မာနိုင်ငံဟာ ၂၀၁၃ ခုနှစ်အတွက် အမှတ် ၇၀ ရခဲ့ရာက ၂၀၁၄ အခြေအနေတွေအတွက် အဆိုးဖက်ကို ၃ မှတ်တိုးပြီး ၇၃ မှတ် ရရှိခဲ့တာကြောင့် သတင်းလွတ်လပ်ခွင့် ကျဆင်းသွားတယ်လို့ ဆိုပါတယ်။
Freedom House အစီရင်ခံစာထဲမှာ သတင်းသမားတွေကို ဖမ်းဆီး တရားစွဲပြီး ထောင်ချတာ ၊ အချို့သော နိုင်ငံခြားသားတွေကို ပြည်ဝင်ခွင့်ဗီဇာ တားမြစ်ထားတာမျိုးတွေ ရှိနေတယ်လို့ ဖေါ်ပြထားတာပါ။ အဲဒီ အစီရင်ခံစာ ဟာ လက်တွေ့အခြေအနေကို ထင်ဟပ်စေတယ်လို့ မြန်မာဂျာနယ်လစ်ကွန်ယက် MJN ရဲ့ အတွင်းရေးမှူး ဦးမြင့်ကျော်က ထောက်ပြပါတယ်။
" ပြီးခဲ့တဲ့တနှစ်အတွင်းမှာပေါ့နော် ထောင်ချခံရတဲ့ အမှုအကြီးနှစ်ခုရှိတယ်။ ယူနတီနဲ့ မွန်းတည့်နေ။ တခုကဆိုရင် ထောင်ဒဏ် ဆယ်နှစ် ဆိုတော့ တော့်တော့် ကို ပြင်းထန်တဲ့ ထောင်ဒဏ်။ ဒါ့အပြင် ပြီးခဲ့တဲ့နှစ်ဆန်းမှာကတည်းကိုက DVB သတင်းထောက်လည်း ထောင်ချခံရတယ်။ နောက် ဒီဘက်နှစ်ကူးလာတော့ အခုလပိုင်းတွေမှာ ဆက်တိုက်ဆိုသလိုပဲ သတင်းသမားတွေ အရိုက်ခံရတာတွေ ရှိတယ်။ နောက်တခါ ထောင်နှစ်လ အချခံရတာရှိတယ်။ ဆိုတော့ ပြီးခဲ့တဲ့ ကုန်ခဲ့တဲ့ တနှစ်အတွင်းမှာကို အခုဖြစ်ပျက်နေတာတွေက သတင်းရေးသား မှုတွေ ဖော်ပြမှုတွေ နောက်တခုက သတင်းရယူတဲ့အခါတွေမှာလည်း သတင်းသမားတွေ အပေါ်မှာ တရားစွဲခံရနိုင်တယ်။ ရေးသားဖော်ပြမှုကြောင့်လည်း တစုံတရာသော အရေးယူမှုတွေရှိနိုင်တယ်ဆိုတဲ့ စိုးရိမ်မှုတွေလည်း ရှိတယ်။ လက်တွေ့မှာလည်း အရေးယူမှုတွေရှိတယ်ဆိုတော့ ဒီဟာက သတင်း လွတ်လပ်ခွင့်ကို သွားပြီးတော့ တိုက်ရိုက်ခြိမ်းခြောက်မှု ရှိတယ်ဆိုတာတော့ ထင်ရှားပါတယ်။ "
မြန်မာ သတင်းသမားတွေအနေနဲ့ စိုးရိမ်ဖွယ်ရာ ခြိမ်းခြောက်မှုတွေ ကြုံနေရတယ်လို့ Freedom House အစီရင်ခံစာရဲ့ ပြောဆိုမှုနဲ့ ပတ်သက်ပြီး မြန်မာ စာနယ်ဇင်းကောင်စီ အတွင်းရေးမှူး ဦးကျော်မင်းဆွေက ခုလို သုံးသပ်ပါတယ်။
" သတင်းလွတ်လပ်ခွင့်တို့ ခြိမ်းခြောက်မှုတို့နဲ့ ပတ်သက်လို့ရှိရင် နှစ်ပိုင်းရှိ တာပေါ့နော်။ တပိုင်းက အစိုးရဘက်မှာ တာဝန်ရှိတယ်။ အစိုးရဆိုပေမဲ့ အစိုးရတခုတည်း ပြောလို့မရတော့ဘူး။ အခုက တရားရေးမဏ္ဍိုင်ရယ်၊ လွှတ်တော်ရယ်၊ နောက်တခါ အုပ်ချုပ်ရေးရယ်ပေါ့နော်။ တပ်မတော်လည်း ပါကောင်းပါမယ်ပေါ့နော်။ အဲ့တော့ သူတို့ရဲ့ အမြင်တွေ တဖြေးဖြေး ပြောင်းဖို့ လိုတာပေါ့။ အဲ့တာက သူတို့က မီဒီယာလွတ်လပ်ခွင့်ကို ထိန်းချုပ်ဖို့ ကြိုးစားတယ်ဆိုလို့ရှိရင် လက်တွေ့ လုပ်ရပ်တွေက ပေါ်လာမှာပဲ။ ဒါက ရှင်းတယ်ပေါ့နော်။
တဖက်ကလည်း ကျနော်တို့ သတင်းမီဒီယာသမားတွေဘက်မှာ လွတ်လပ်စွာ ရေးသားပြောဆိုခွင့်တို့ ပြောလို့ရှိရင် တချို့ဟာတွေ မထိရဲ မတို့ရဲ မရေးရဲတဲ့ အပိုင်းတွေ အစိုးရမဟုတ်တဲ့ အပိုင်းတွေလည်း ရှိသေးတယ်ဗျ။ အဲ့တော့ ကျနော်တို့က ရှေ့မှာကတော့ ကျင့်ဝတ်နဲ့အညီ သွားနေလို့ရှိရင်တော့ ပြဿနာ နည်းနိုင်တယ်ပေါ့နော်။ သို့သော် မဖြစ်ဘူးလို့ ပြောလို့မရဘူး။ ပြဿနာကတော့ လာဦးမှာပဲ။ တရားစွဲတာတွေက လာဦးမှာပဲ။"
 ပြီးခဲ့တဲ့သုံးနှစ်အတွင်း ဆက်တိုက် ရခဲ့တဲ့ မြန်မာနိုင်ငံရဲ့ တိုးတက်မှု နောက်ပြန် ဆုတ် သွားတာဖြစ်ပါတယ်။ ဒီအချက်နဲ့ ပတ်သက်လို့ MJN ရဲ့ အတွင်းရေးမှူး ဦးမြင့်ကျော်ပြောတာက
"၂၀၁၃မှာ နေ့စဉ်သတင်းစာတွေ ထုတ်ခွင့်ရတယ်။ အမှုကိစ္စကြီးကြီးမားမားမရှိခဲ့ဘူး။ ၂၀၁၃ကတော့ အကောင်းဘက်ကို ဦးတည်ပြီး ပြောလို့ရတယ်။  သို့ပေမဲ့နောက်ပိုင်း သတင်းသမားတွေကလည်း ပိုပြီးတော့ အလုပ်လုပ်လာတဲ့အခါမှာ အဖမ်းခံရတဲ့ ကိစ္စတွေ ဆက်တိုက်ဆိုသလိုဖြစ်လာတယ်။ နောက် မကြာခဏလည်း အခွင့်ကြုံတဲ့အခါမှာ သတင်းသမားတွေ အရိုက်ခံရတာတို့၊ အငြိုးခံရတာတို့ အဲ့တာမျိုးတွေလည်း ရှိလာတယ်ပေါ့နော်။ တရားစွဲမယ်။ ဒီ့ထက်ကြီးရင် ဖမ်းမယ် ဆိုတဲ့ အခုနောက်ပိုင်းမှာ အဲ့ဒီ့အရိပ်အယောင်တွေ ပိုများလာတယ် ဆိုတော့ ဒီဘက်က အကျဘက်လို့ ပြောလို့ရတာပေါ့နော်။
Freedom House အစီရင်ခံစာနဲ့ ပတ်သက်လို့ သဘောထား သိရှိနိုင်ဖို့ မြန်မာအစိုးရ ပြန်ကြားရေးဝန်ကြီးဌာန တာဝန်ရှိသူကို မေးမြန်းဖို့ ဗွီအိုအေက အကြိမ်ကြိမ် ဆက်သွယ်ခဲ့ပေမယ် မရခဲ့ပါဘူး ။
..................................
https://freedomhouse.org/report/freedom-world/freedom-world-2015?gclid=CNCfjKmmnMUCFekLcwodHxUA2g#.VUE4Z6YUvoB
......................

သတင်းမီဒီယာ ထိန်းချုပ်မှုအများဆုံး ၁၀ နိုင်ငံစာရင်း မြန်မာပါဝင်

သတင်းထောက်များကာကွယ်ပေးရေးကော်မတီက ထုတ်ပြန်တဲ့ သတင်း မီဒီယာကို တိုက်ခိုက်မှုများ” အစီရင်ခံစာမှာ မြန်မာ့သတင်းလွတ်လပ်ခွင့်ပုံဖော်မှု ဓာတ်ပုံကို ဖော်ပြထားပုံ။
သတင်းထောက်များကာကွယ်ပေးရေးကော်မတီက ထုတ်ပြန်တဲ့ သတင်း မီဒီယာကို တိုက်ခိုက်မှုများ” အစီရင်ခံစာမှာ မြန်မာ့သတင်းလွတ်လပ်ခွင့်ပုံဖော်မှု ဓာတ်ပုံကို ဖော်ပြထားပုံ။ 

မီဒီယာ

အသံ
နယူးရောက်အခြေစိုက် CPJ လို့ခေါ်တဲ့ သတင်းထောက်များကာကွယ်ပေးရေးကော်မတီက ဧပြီလ (၂၁) ရက်နေ့က ထုတ်ပြန်လိုက်တဲ့ ကမ္ဘာ့ဆင်ဆာ ဖြတ်တောက်မှု အများဆုံး (၁၀) နိုင်ငံစာရင်းထဲမှာ မြန်မာနိုင်ငံဟာ နံပါတ် (၉) အဆင့်မှာ ပါဝင်နေပါတယ်။ ဒါဟာ မြန်မာနိုင်ငံမှာ သတင်းလွတ်လပ်ခွင့် ရှိအောင် ဆောင်ရွက်မယ်လို့ သမ္မတဦးသိန်းစိန်အစိုးရက ကတိကဝတ်ပေးထားတဲ့ အပေါ် နိုင်ငံတကာအနေနဲ့ မေးခွန်းထုတ်စရာတွေ ရှိလာတယ်လို့ CPJ က ဗွီအိုအေကို ပြောပါတယ်။ မအင်ကြင်းနိုင်က အကြောင်းစုံ တင်ပြပေးထားပါတယ်။
ကမ္ဘာ့ဆင်ဆာဖြတ်တောက်မှုအများဆုံး (၁ဝ) နိုင်ငံစာရင်းကို တတိယအကြိမ်မြောက် ပြုစုရာမှာ အင်တာနက်အသုံးပြုမှုကို အာဏာပိုင်တွေက ကန့်သတ်စောင့်ကြည့်တာ၊ သတင်းထောက်တွေကို ဖမ်းဆီးထောင်ချတဲ့ အရေအတွက်ပေါ်မှာ မူတည်ပြီး CPJ က ထုတ်ပြန်ခဲ့တာဖြစ်ပါတယ်။ အဲဒီနိုင်ငံတွေက ဖိနှိပ်တဲ့အစိုးရတွေရဲ့ မူဝါဒတွေကို မီးမောင်းထိုးပြဖို့ ရည်ရွယ်ချက်နဲ့ ထုတ်ပြန်ခဲ့တာဖြစ်တယ်လို့ CPJ က ပြောပါတယ်။
CPJ ကထုတ်ပြန်တဲ့ ကမ္ဘာ့ ဆင်ဆာဖြတ်တောက်မှု အများဆုံး (၁ဝ) နိုင်ငံစာရင်းထဲမှာ အဆိုးရွားဆုံးနိုင်ငံအဖြစ် အီရီထရီးယားကို ဖေါ်ပြထားပြီး အဲဒီနောက် ဒုတိယအနေနဲ့ မြောက်ကိုရီးယား၊ ဆော်ဒီအာရေဗျ၊ အီသီယိုးပီးယား၊ အာဇာဘိုင်ဂျန်၊ ဗီယက်နမ်၊ အီရန်၊ တရုတ်၊ မြန်မာနဲ့ နောက်ဆုံး နိုင်ငံအဖြစ် ကျူးဘားတို့ကို ဖေါ်ပြထားပါတယ်။အဲဒီထဲမှာ မြန်မာက နံပါတ် (၉) အဆင့်မှာ ရှိနေတာနဲ့ပတ်သက်လို့ CPJ ရဲ့ အာရှအစီအစဉ် လုပ်ငန်း ညှိနှိုင်းရေးမှူး Bob Dietz က အခုလိုပြောပါတယ်။
“လွန်ခဲ့တဲ့ နှစ်အနည်းငယ်က မြန်မာနိုင်ငံမှာ အပြောင်းအလဲတွေ စပြီးလုပ်တဲ့အချိန် အစိုးရက ကတိပေးခဲ့တဲ့အရာတွေဟာ အခုဆိုရင် နောက်ပြန်ဆုတ် နေတယ်လို့ ကျနော်တို့မြင်ပါတယ်။ သတင်းထောက်တော်တော်များများ အကျဉ်းထောင်တွေထဲမှာ ထိန်းသိမ်းခံထားရတယ်။ အစိုးရကို ဆန့်ကျင်သူတွေ အထူးသဖြင့် စစ်တပ်ကို ဝေဖန်သူတွေ ဆိုရင်လည်း အဖမ်းခံကြရပါတယ်။ ဒါကြောင့် မြန်မာနိုင်ငံမှာ သတင်းလွတ်လပ်ခွင့်နဲ့ပတ်သက်လို့ အစိုးရရဲ့ ကတိပြု လုပ်ဆောင်ပါမယ်ဆိုတဲ့အပေါ်မှာ ကျနော်တို့ မေးခွန်းထုတ်စရာတွေရှိနေပါတယ်။”
ဒါ့အပြင် သမ္မတဦးသိန်းစိန်အစိုးရလက်ထက် သတင်းထောက်တွေကို ဖမ်းဆီးထောင်ချနေတဲ့လုပ်ရပ်ကြောင့် သတင်းလွတ်လပ်ခွင့်အခြေအနေကို ပိုပြီး ဆိုးရွားသွားစေတယ်လို့ မြင်ကြောင်း Bob Dietz ကပြောပါတယ်။
“ကျနော်တို့ စာရင်းတွေအရ မြန်မာနိုင်ငံမှာ လက်ရှိ သတင်းသမား(၁ဝ) ဦး ဖမ်းဆီးခံထားရပါတယ်။သမ္မတဦးသိန်းစိန်အစိုးရတက်လာခါစ အရင်စစ်အစိုးရ လက်ထက် ထိန်းသိမ်းခံထားရတဲ့ သတင်းသမားအားလုံးကို လွှတ်ပေးလိုက်ချိန်တုန်းက ကျနော်တို့အားလုံး စိတ်လှုပ်ရှားခဲ့ကြတာပါ။ အဲဒါဟာ အချိန်မကြာ လိုက်ပါဘူး။ အခု အရင်ကအတိုင်းပဲ သတင်းထောက်တွေကိုဖမ်းဆီးထောင်ချနေတာပါ။”
အစိုးရအနေနဲ့ သတင်းမီဒီယာလွတ်လပ်ခွင့်ကို တကယ်ခွင့်ပြုချင်တယ်ဆိုရင် အခုလိုသတင်းထောက်တွေဖမ်းဆီးခံထားရတဲ့အခြေအနေမျိုး မရောက်နိုင်ဘူးလို့ Messenger သတင်းဂျာနယ်ရဲ့ တာဝန်ခံအယ်ဒီတာ ကိုသူရအောင်ကလည်း ပြောပါတယ်။
“တကယ်တန်းသာ အစိုးရအနေနဲ့ အသွင်ကူးပြောင်းမယ့်အစိုးရတရပ်မှန်တယ်၊ ပြီးတော့ တကယ် သတင်းမီဒီယာလွတ်လပ်ခွင့်ကို တကယ်အားပေးတဲ့ အစိုးရတရပ်ဖြစ်တယ်ဆိုလို့ရှိရင် ဒီအခြေအနေတွေဟာ ဖြစ်လာစရာမရှိဘူးလို့ ကျနော်ကတော့ ယူဆတယ်ဗျ။ အစိုးရသစ်လက်ထက်မှာ ကောင်းတာ တွေရော မရှိဘူးလားဆိုတော့ ကောင်းတာတွေတော့ ရှိပါတယ်။ ဒါ ကျနော် မျှပြီး တွေးကြည့်တာပေါ့နော်။ ဒါပေမယ့်လည်း သတင်းမီဒီယာသမားတွေ၊ ဂျာနယ်လစ်စ်တွေကို တကယ်ကာကွယ်ပေးနေတယ်၊ တကယ် လွတ်လပ်စွာ ထုတ်ဖော်ရေးသားနေသူတွေကို လှိုက်လှိုက်လှဲလှဲ ကြိုဆိုတာမျိုးတော့ အစိုးရမှာ မတွေ့သေးဘူးဗျ။ နောက်တချက်- ဥပမာ၊ မကြာသေးခင်က လက်ပံတန်းမှာဖြစ်သွားတဲ့ကိစ္စဆိုလို့ရှိရင်လည်း ကြည့်ဗျ။ သတင်းမီဒီယာသမားတွေ အကြမ်းဖက် ရိုက်နှက်ခံရတာတွေ ရှိတယ်။ ဖမ်းဆီးခံရတာတွေ ရှိတယ်။ ဒါမျိုးတွေက ဒီအခြေအနေမှာ မရှိသင့်တော့ဘူးလို့ ကျနော်တို့ကတော့ ယူဆတယ်။သို့သော်ငြားလည်း ဒီအခြေအနေဟာ ကျနော်တို့နိုင်ငံမှာ ရှိနေသေးတဲ့အတွက် စိတ်မကောင်းစရာအခြေအနေပေါ့ဗျာ။”
ဒါ့အပြင် မြန်မာနိုင်ငံမှာ သတင်းမီဒီယာဥပဒေပြဌာန်းခဲ့တယ်ဆိုပေမယ့် သတင်းသမားတွေကို အကာအကွယ်ပေးနိုင်တဲ့ ခိုင်မာတဲ့ ဥပဒေမျိုး မပေါ်ပေါက်သေးဘူးလို့လည်း ကိုသူရအောင်က အခုလိုဆက်ပြောပါတယ်။
“ကျနော်တို့ တကယ်လွတ်လပ်ခွင့်ရတာမဟုတ်ဘူးလို့ ကျနော်မြင်တယ်။ ကျနော်တို့မှာ သိသိသာသာ ဖိအားပေးမှုတွေရှိတယ်။ မသိမသာ ဖိအားပေးမှု တွေလည်း ရှိတယ်။ လွတ်လပ်စွာရေးသားဖော်ပြခွင့်ရတယ်ဆိုပေမယ့် လွပ်လပ်စွာ ရေးသားဖော်ပြတဲ့လူတွေနောက်မှာ ဘာနည်းဥပဒေနဲ့မှ ကာရံထားတာ မရှိဘူးဗျ။ ဆိုလိုတာက သတင်းထောက်တွေ၊ ဂျာနယ်လစ်တွေကိ တကယ်ကာကွယ်ပေးတဲ့ဥပဒေ မြန်မာပြည်မှာ အခုထက်ထိကို အစိုးရသစ်လက်ထက်မှာ အခုထက်ထိကို မဖော်ဆောင်နိုင်သေးဘူး …။ အဲဒီအခါကျတော့ ကျနော်တို့ရဲ့ လက်ရှိအခြေအနေဟာ ကျနော် အခုနက ပြောသလိုပဲ လှောင်အိမ်သေးသေးလေးထဲကနေ လှောင်အိမ်အကြီးကြီးထဲကို ရောက်သွားတဲ့အခြေအနေတခုလို့ပဲ ကျနော်မြင်ပါတယ်။ သတင်းမီဒီယာ လွတ်လပ်ခွင့်လို့တော့ ကျနော် မမြင်ပါဘူး။”
မနေ့ကထုတ်ပြန်တဲ့ CPJ ရဲ့ ကြေညာချက်မှာ သမ္မတဦးသိန်းစိန်လက်ထက် သတင်းမီဒီယာလွတ်လပ်ခွင့် ဘယ်လောက်ဆုံးရှုံးနေသလဲ ဆိုတာကို ဝေဖန် ထောက်ပြထားပါတယ်။ မြန်မာနိုင်ငံမှာ နှစ်ပေါင်း (၄ဝ) ကြာခဲ့တဲ့ ပုံနှိပ်ထုတ်ဝေခြင်းဆိုင်ရာ ဆင်ဆာဖြတ်တောက်မှုကို ၂၀၁၂ ခုနှစ်က ဖျက်သိမ်းခဲ့တယ်ဆိုပေမယ့်လည်း သတင်းမီဒီယာကို အာဏာပိုင်တွေက တင်းတင်းကျပ်ကျပ်ထိန်းချုပ်ထားတယ်လို့ CPJ က ရေးသားထားပါတယ်။
ယူနတီဂျာနယ် အမှုဆောင်အယ်ဒီတာချုပ်အပါအဝင် သတင်းသမား လေးဦးကို ထောင်ဒဏ် (၁၀) နှစ်နဲ့ အလုပ်ကြမ်း ပြစ်ဒဏ် ချမှတ်ခဲ့ပြီးနောက် ထောင်ဒဏ် (၇) နှစ်ဆိုပြီး လျှော့ချပေးလိုက်တယ်ဆိုပေမယ့် ဒါဟာ စစ်တပ်နဲ့ပတ်သက်လာရင် သတင်းသမားတွေကို ပြင်းထန်တဲ့ ဖိနှိပ်မှုတခု အဖြစ် CPJ က ထောက်ပြ ထားပါတယ်။
ဒါ့အပြင် ဘိုင်မွန်းတည့်နေဂျာနယ် အယ်ဒီတာနဲ့သတင်းထောက် (၃) ယောက် အပါအဝင် ထုတ်ဝေသူ (၂) ဦးတို့ကိုလည်း နိုင်ငံတော် အကြည်ညိုပျက်စေမှု ပုဒ်မနဲ့ ထောင်ဒဏ် နှစ်နှစ်စီချမှတ်ခဲ့တယ်လို့လည်းရေးသားထားပါတယ်။ နောက်ပြီး ၂၀၁၄ ခုနှစ် အောက်တိုဘာလမှာ အလွတ်သတင်းထောက် ကိုပါကြီး ခေါ် ကိုအောင်ကျော်နိုင်ကို ထိုင်းမြန်မာနယ်စပ်မှာ စစ်တပ်က ပစ်သတ်ခဲ့တဲ့အမှုကိုလည်း ဝေဖန် ထောက်ပြထားပါတယ်။
ကမ္ဘာ့ဆင်ဆာ ဖြတ်တောက်မှု အများဆုံး (၁၀) နိုင်ငံ။
ကမ္ဘာ့ဆင်ဆာ ဖြတ်တောက်မှု အများဆုံး (၁၀) နိုင်ငံ။
CPJ က အခုလိုထုတ်ပြန်လိုက်တဲ့ ကမ္ဘာ့ ဆင်ဆာဖြတ်တောက်မှု အများဆုံး (၁ဝ) နိုင်ငံစာရင်းဟာ ဧပြီလ (၂၇) ရက်နေ့ ကုလသမဂ္ဂဌာနချုပ်မှာ “သတင်း မီဒီယာကို တိုက်ခိုက်မှုများ”- ဆိုတဲ့ခေါင်းစဉ်နဲ့ CPJ ကတင်ပြမယ့် နှစ်ပတ်လည်အစီရင်ခံစာရဲ့ တစိတ်တပိုင်းလည်း ဖြစ်ပါတယ်။

Saturday, April 25, 2015

ဗိုလ်ချုပ်မှူးကြီးနှင့် တစ်နေ့စာအလွဲများ

ဗိုလ်ချုပ်မှူးကြီးနှင့် တစ်နေ့စာအလွဲများ

  • Saturday, 25 April 2015 . The Voice Weekly.

Friday, April 24, 2015

စီးပွားရေး အခွင့်အလမ်းတွေနဲ့ ထားဝယ်

ဆောင်းပါး

စီးပွားရေး အခွင့်အလမ်းတွေနဲ့ ထားဝယ်

facebook
Share on gmailShare on twitter
ထားဝယ်, စီးပွားရေးဇုန်, မောင်းမကန်, Italian-Thai Development (ITD), ထိုင်း-မြန်မာ, နယ်စပ်,
ထားဝယ် ကမ်းခြေအနီး မြင်ကွင်း တခု (ဓာတ်ပုံ – ဂျေပိုင် / ဧရာဝတီ)
မော်တော်ဆိုင်ကယ်တစီးနဲ့ ယောက်ျားလေးတွေ မြေလမ်းလေးအတိုင်း ကမ်းခြေဆီကို အပြင်း မောင်းသွား ကြတဲ့ လမ်းတလျှောက်မှာတော့ တဒုန်းဒုန်းဆိုတဲ့ အသံတွေ လေထဲမှာ ပျံ့လွင့်ကျန်ခဲ့ပါတယ်။
အနီးအနားက ဝါးတဲတလုံး ပေါ်မှာတော့ လူငယ်တစု ပျင်းရိပျင်းတွဲနဲ့ ထိုင်နေကြပါတယ်။ သူတို့ထဲက တချို့က ဆံပင်ရှည်တွေနဲ့ ပါ။ ဒီလို အပူပင်မရှိ လွတ်လွတ်လပ်လပ် ခံစားမှုမှာ သူတို့တွေ အသားကျနေသလိုပါပဲ။
မြန်မာနိုင်ငံရဲ့ တောင်ဘက် အကျဆုံးနေရာ၊ ပိုပြီး တိတိကျကျ ပြောရရင် ထားဝယ်ကျွန်းဆွယ်က ကြိုဆိုလိုက် ပါတယ်။
ထိုင်းကမ်းခြေ ယဉ်ကျေးမှုတွေဟာ ကုန်းမြေချင်း ထိစပ်နေတဲ့ ဒီဘက်ကို လုံးလုံးလျားလျားကူးစက် မလာသေး ပေမယ့် ဖြစ်နိုင်ခြေ အနည်းငယ်တော့ ရှိပါတယ်။ ဒီလို ဖြစ်လာစေနိုင်တဲ့ အခြေအနေတွေ ဖြစ်တဲ့ ဖြူဖွေးတဲ့ သဲသောင်ပြင်တွေနဲ့ ပင်လယ်ရေ နွေးနွေးတို့ ဒီဘက်မှာလည်း ရှိနေလို့ ဖြစ်ပါတယ်။
တနင်္သာရီတိုင်း အတွင်းက သဘာဝအတိုင်း ရှိနေဆဲ ဖြစ်တဲ့ ဒီလိုကမ်းခြေတွေ ထိုင်းနိုင်ငံလို ဖြစ်လာဖို့ ကနဦး လက္ခဏာ တခု ဟုတ်ချင်မှလည်း ဟုတ်ပါလိမ့်မယ်။
သတိထားမိ တာကတော့ အဲဒီ ဒေသမှာ နေထိုင်သူ လူအများစုဟာ ထိုင်းစကား ပြောဆိုကြတာ ပါပဲ။ ဒေသခံ ထားဝယ်လူမျိုး အများစုက ထိုင်းနိုင်ငံမှာ အလုပ်လုပ်ဖို့ သွားကြပါတယ်။ ဒေသအတွင်းမှာ စီးပွားရေး အပြောင်း အလဲ အနည်းဆုံး ဖြစ်နေတာတောင်မှ မြန်မာနိုင်ငံရဲ့ ဒီအစိတ်အပိုင်းက တခြား နေရာတွေနဲ့ နှိုင်းစာရင် နောက်ကျ ကျန်နေခဲ့ပါတယ်။
ဒါပေမယ့် အရင်ကနဲ့ စာရင် အဲဒီနေရာကို သွားဖို့ ပိုပြီး လွယ်ကူလာတဲ့ အတွက် ဒါက ပြောင်းလဲ နိုင်ပါတယ်။
မကြာသေးခင်ကမှ ထားဝယ်ကနေ ဘန်ကောက် ကားလမ်း ဖွင့်လှစ်လိုက်ကြောင့် ကုန်းလမ်း ခရီးနဲ့ဆို တရက်အတွင်း သွားရောက်နိုင်ပါပြီ။ ဒါကြောင့် ဒီနေရာကို ဗီဇာ စောင့်နေသူတွေ တထောက်နားတဲ့ နေရာ အဖြစ်လည်း ပြုလုပ်နိုင် ပါတယ်။ အနည်းဆုံးတော့ ဒီလို ရင်သပ်ရှုမောဖွယ် ကောင်းတဲ့ နေရာကို ဧည့်သည်တွေ ပိုရောက်လာနိုင်ပါတယ်။
ခရီးသွားလုပ်ငန်း အလားအလာ
တလမ်းလုံးမှာ ဒုက္ခခံခဲ့ရပေမယ့် ကျနော် ရန်ကုန်ကနေ ထားဝယ်ကို ကားလမ်းကနေ သွား ကြည့်တဲ့အခါ စုစုပေါင်း ၁၈ နာရီ ကြာပါတယ်။ လေယာဉ်နဲ့လည်း သွားနိုင်ပါတယ်။ ဒါ့အပြင် မော်လမြိုင်ကနေတဆင့် ဖြည်းဖြည်း နှေးနှေး မောင်းတဲ့ ရထားကို စီးပြီးတော့လည်း သွားနိုင်ပါ တယ်။
ထားဝယ်မှာ တည်းခိုခန်းတွေ အများကြီး ရှိပါတယ်။ ထားဝယ်ကနေ မိနစ် ၃၀ လောက် ကားမောင်းသွားရတဲ့ နေရာမှာ ဖွင့်ထားတဲ့ မြန်မာ-ပြင်သစ် စုံတွဲတတွဲရဲ့ Coconuts အမည်ရှိ တည်းခိုခန်းမှာလည်း တည်းနိုင်ပါတယ်။ အဲဒီကနေမှ ၁၀ မိနစ်လောက် လမ်းလျှောက်သွားမယ် ဆိုရင် မောင်းမကန် ကမ်းခြေကိုလည်း ရောက်နိုင်ပါတယ်။
အဲဒီ တည်းခိုခန်းမှာ တည်းမယ် ဆိုရင်တော့ ရိုးရှင်းပေမယ့် သက်သောင့်သက်သာရှိတဲ့ အခန်း အတွက် တညကို ၂၅ ဒေါ်လာနီးပါး ပေးရမှာ ဖြစ်ပါတယ်။ အစားအသောက်တွေ အနေနဲ့ကလည်း လတ်လတ်ဆတ်ဆတ် ဖမ်းပြီး ချက်ပြုတ် ထားတဲ့ ပင်လယ်အစားအစာတွေကို အေးအေးဆေးဆေး ထိုင်နိုင်တဲ့ သစ်သားလေသာဆောင်ပေါ်မှာ စားပွဲ အနိမ့် လေးများနဲ့ တည်ခင်းဧည့်ခံပါတယ်။ တူနာငါး၊ ကင်းမွန်၊ ပုစွန်တုပ်နဲ့ မြန်မာအသုပ်များ၊ ယိုးဒယား သင်္ဘောသီးထောင်း များလည်း ရနိုင်ပါတယ်။
အလွန် တိတ်ဆိတ်တဲ့ နေရာတခု ဖြစ်နေဆဲ ဆိုပေမယ့် မောင်းမကန်ကို ကမ္ဘာလှည့် ခရီးသွားတွေ လာရောက်မှု မြင့်မားလာမယ့် အလားအလာတွေ ရှိနေပါတယ်။ ကမ်းခြေရဲ့ညာဘက်မှာတော့ ဟိုတယ် အသစ်တလုံးရှိပြီး တခြား ဟိုတယ်တွေ ကတော့ ဆောက်လက်စ ဖြစ်ပါတယ်။ လတ်တလောအချိန် အထိ ကမ်းခြေမှာ အမှိုက်သရိုက်တွေ ဖုံးနေဆဲ ဖြစ်လို့ စီးပွားရေး လုပ်ငန်းသစ်တွေက စတင်ပြီး ရှင်းလင်းရေး လုပ်ပေးမယ်ဆိုရင် ပိုကောင်းမှာပါ။
ထားဝယ်ကနေပြီးတော့ တောင်ဘက်နဲ့ မြောက်ဘက်တွေမှာ ရှိတဲ့ တခြားကမ်းခြေတွေ ကိုလည်း သွားနိုင်ပါတယ်။ မြောက်ဘက်ကို သွားရင်တော့ ဒီဒေသရဲ့ ရတနာတခုလို့ ဆိုနိုင်တဲ့ နဘူးလည် ကမ်းခြေကို တွေ့ရမှာ ဖြစ်ပါတယ်။ ဒါပေမယ့် ဒီနေရာဟာ နောက်ပိုင်းမှာ မရှိနိုင်တော့တဲ့ အတွက် ကျယ်ပြန့် ရှည်လျားတဲ့ အဖြူရောင် သဲပြင်ပေါ်မှာ ခံစားရတဲ့ ပျော်ရွှင်မှုဟာ တမျိုး ဖြစ်စေနိုင်ပါ လိမ့်မယ်။
ဘာကြောင့်လဲ ဆိုတော့ ဒီနေရာဟာ ဘီလီယံ ၁ ဒသမ ၇ သန်း တန်ဖိုးရှိတဲ့ ထားဝယ် အထူးစီးပွားရေး ဇုန်ကြီး အကောင်အထည် ဖော်ဖို့ စီစဉ်ထားတဲ့ နေရာ ဖြစ်လို့ပါ။ ဒီ စီမံကိန်းကို ရပ်တန့်ထားပေမယ့် မကြာသေးခင်က ရရှိခဲ့တဲ့ သတင်းတွေ အရ မူလ ရင်းနှီးမြှုပ်နှံသူ Italian-Thai Development (ITD) နဲ့ ထိုင်း-ဂျပန် ဖက်စပ်လုပ်ငန်းသစ် တခုတို့ ပူးပေါင်းပြီး ပြန်လည် စတင်ဖို့ လုပ်ဆောင်နေပါပြီ။
တကယ်လို့ ရေနက်ဆိပ်ကမ်းတခု၊ စက်မှုဇုန်နဲ့ ဘန်ကောက်မြို့အထိ ကုန်စည်တွေကို ပို့ဆောင်ပေးနိုင်မယ့် အဝေးပြေး လမ်းသစ်ကြီးရဲ့ ခရီးဆုံးနေရာ ဖြစ်လာခဲ့ရင် ဒီကမ်းခြေဟာ အကောင်းအတိုင်း ပြန်ဖြစ်လာဖွယ် မရှိတော့ပါဘူး။
တောင်ဘက်ကို သွားမယ် ဆိုရင်တော့ မော်တော်ဆိုင်ကယ်ငှားပြီး မောင်းသွားရင် မိနစ် ၉၀ အတွင်း စိတ်ဝင်စားစရာ နေရာတချို့ဆီကို ရောက်ပါတယ်။ ပထမဆုံးအနေနဲ့ မြင်တွေ့ရမှာတော့ ဆမ်မာရီယာ ပင်လယ်အော်ရဲ့ လှပတဲ့ အကွေ့အကောက်တွေကို ခံစားရမှာဖြစ်ပြီး အဆုံးမှာတော့ စေတီတဆူ တည်ထားပါတယ်။
ကမ်းခြေ အနီးမှာရှိတဲ့ တခုတည်းသော တခြား အဆောက်အအုံ ကတော့ တံငါသည်တွေ အချိန်ဖြုန်း နိုင်ဖို့ အဓိက ထားတဲ့ ကျေးလက် ကော်ဖီဆိုင်လေး ဖြစ်ပြီးတော့ လက်ဖက်သုပ်နဲ့ ဘီယာလည်း ရနိုင်ပါတယ်။
တောင်ဘက်ကို နည်းနည်း ဆက်သွားမယ် ဆိုရင်တော့ တေဇစ်ကမ်းခြေကို ရောက်ပါတယ်။ လမ်းတလျှောက်မှာ လှပပြီး ချစ်စရာကောင်းတဲ့ ရွာတွေ၊ ကြမ်းတမ်းတဲ့ တောင်ပတ်လမ်းတွေကို ဖြတ်ကျော်ပြီးရင်တော့ ကမ်းခြေကို ရောက်ပါပြီ။
နယ်စပ်ထိစပ်မှုရဲ့ အားသာချက်
ထားဝယ်မှာ လည်ပတ်ပြီးသွားပြီ ဆိုရင်တော့ တဖက်နယ်စပ်ကို ဆက်သွားဖို့ အခက်အခဲ မရှိတော့ ပါဘူး။ အချိန် ၅ နာရီသာ ကြာမှာဖြစ်ပါတယ်။
မြန်မာဘက်အပိုင်းက ကားလမ်းတွေကတော့ တောင်တန်းတွေ တလျှောက် ဖြတ်သွားရပြီး ကြမ်းတမ်းပါတယ်။ မီနီဗင်ကား အသေးနဲ့ သွားမယ် ဆိုရင် တယောက်ကို ကားခ မြန်မာငွေ ၂ သောင်းကျပ် ပေးရပြီး လမ်းမှာ စစ်ဆေးရေးဂိတ် အတော်များများကို ဖြတ်ရပါတယ်။ တဂိတ်ရောက်တိုင်း ကျနော်တို့ရဲ့ ယာဉ်မောင်းက သေနတ်ကိုင် ထားတဲ့ သူတွေ (အစိုးရ ဘက်က ဖြစ်စေ၊ အစိုးရ မဟုတ်တဲ့ လက်နက်ကိုင်အဖွဲ့က ဖြစ်စေ) ရဲ့ လက်ထဲကို ပိုက်ဆံ ထည့်ပေးရ ပါတယ်။
နယ်စပ်ကို ဖြတ်ကျော်တာကတော့ ရှုပ်ထွေးပါတယ်။ ဘယ်လမ်းက သွားလို့ အဆင်ပြေနိုင်တယ် ဆိုတာကတော့ အသေအချာ မသိရ သေးပါဘူး။
ကျနော်နဲ့ တခြား ခရီးသွားတချို့က ပစ်ကပ်ကားမောင်းတဲ့ ထိုင်းအမျိုးသား တယောက်ကို ကျနော်တို့ကို ပို့ပေးနိုင်မလားလို့ မေးလိုက်ပါတယ်။ သူက သဘောတူလိုက်ပြီးတော့ လူသူမရှိတဲ့ နယ်မြေအတိုင်း ကီလိုမီတာ အနည်းငယ်လောက် ဖြတ်ကျော် ခေါ်ဆောင်သွားပါတယ်။ ကျောက်ခင်းထားတဲ့ လမ်းကြမ်းကနေ လေးလမ်းသွား အနက်ရောင် ကတ္တရာလမ်းပေါ်ကို ရောက်ပြီ ဆိုရင်တော့ ထိုင်းနိုင်ငံထဲကို ရောက်ပါပြီ။
ထိုင်းနိုင်ငံ နယ်စပ်စစ်ဆေးရေး ဂိတ်မှာတော့ တန်းစီနေတဲ့ မြန်မာရွှေ့ပြောင်း အလုပ်သမားတွေရဲ့ လူတန်းရှည်ကြီးနဲ့ ကမ္ဘာလှည့် ခရီးသည်တွေကို မြင်တွေ့ရ ပါတယ်။
ထိုင်းနိုင်ငံထဲကို ရောက်ပြီ ဆိုတာနဲ့ ရက်ဂေး ဂီတကို ဖွင့်ထားတဲ့ ဘားဆိုင်တွေက သိပ်မဝေးတော့ ပါဘူး။ အဲဒီကနေ ကန်ချနာဘူရီကို ကိုယ်ပိုင်ကားနဲ့ သွားမယ် ဆိုရင် တနာရီလောက်ပဲ ကြာပြီး ဘန်ကောက် ဆိုရင်တော့ သုံးနာရီ လောက်ပဲ ကြာပါလိမ့်မယ်။
(၂၀၁၅ ခုနှစ် မတ်လထုတ် The Irrawaddy မဂ္ဂဇင်းတွင် ဖော်ပြခဲ့သော imon Lewis ၏ “Dawei and Beyond” ဆောင်းပါးကို ဘာသာပြန်ဆို ဖော်ပြခြင်းဖြစ်ပါသည်။)

Share

Twitter Delicious Facebook Digg Stumbleupon Favorites More