Thursday, November 27, 2014

တော်လှန်ရေးသတင်းသမားတဦးရဲ့ ဒုိုင်ယာရီ (၃၈)

အမေရိကန် First Lady ဆီက ဖိတ်စာလက်ခံရရှိခြင်း

ဒီမိုကရက်တစ်မြန်မာ့အသံ DVB ကနေ ရေဒီယုိုရော၊ တီဗွီ ပါ ပူးတွဲအရှိန်မြှင့်ထုတ်လွှင့်လာပြီး လွှင့်သမျှသ တင်းတွေထဲမှာလည်း ဒီမုိုကရေစီအင်အားစုတွေရဲ့အသံပါတာကြောင့် သံတမန်လောကက DVB ကို အရင်ကထက် ပိုသတိထားမိလာစေတယ်လို့ ကျနော်ထင်ပါတယ်။ အဲဒီထဲက အသိသာဆုံးတခုကတော့ ကုလသမဂ္ဂဌာနချုပ်ရုံးမှာကျင်းပမဲ့ အမေရိကန်သမ္မတကတော် Laura Bush ရဲ့ မြန်မာ့အရေးဆွေးနွေးပွဲဆီ DVB သတင်းထောက်တွေ သတင်းလာယူဖုို့ အိမ်ဖြူတော်ကနေ ဖိတ်စာပုို့လုိုက်ခြင်းပါ။

(မြန်မာ့အရေးဆွေးနွေးပွဲမှာတွေ့ရတဲ့ အမေရိကန်သမ္မတကတော် Laura Bush)

၂၀၀၆ ခုနှစ် စက်တင်ဘာလဆန်းပုိုင်း အဲဒီဖိတ်စာ ရောက်လာချိန်မှာ ကျနော်က ဟောလီးဒေးအဖြစ် ထုိုင်း-မြန်မာ နယ်စပ်ကုိုရောက်နေပါတယ်။ ညွန်မှုးနဲ့အယ်ဒီတာတွေရဲ့ပြန်ပြောပြချက်အရဆိုရင် DVB ရဲ့ အများသုံးလိပ်စာ dvbburma.no ထဲဝင်လာတဲ့ ဒီဖိတ်စာကို ပထမ ပုိုင်းမှာ ဘယ်သူမှ မယုံကြဘူး။ တယောက်ယောက် နောက်ပြီးရေးတာပဲဖြစ်လိမ့်မယ်လို့ သူတုို့အားလုံးက ထင်ခဲ့ကြတယ်လို့ဆုိုပါတယ်။ 

ဒေါက်တာစိန်ဝင်းနဲ့ ဒေါက်တာသောင်းထွန်းအပါဝင် ၀ါရှင်တန်နဲ့ နယူးယောက်ရှိ အမျိုးသားညွန့်ပေါင်း အစိုးရ ၀န်ကြီးတွေ၊ ကုိုယ်စားလှယ်တွေကုိုမေးတဲ့အခါမှာလည်း သူတုို့ကုို ဘာမှဆက်သွယ်ခြင်းမရှိဘူးလုို့ ပြန်ဖြေကြတယ်လို့ သိရပါတယ်။ ဒါပေမယ့် လုိုလုိုမယ်မယ် အီးမေးလ်ပြန်ကြည့်မှဆုိုပြီး စာပြန်ရေးလုိုက် တော့ တကယ်ပဲ အိမ်ဖြူတော်က ဖိတ်စာဖြစ်နေတာကိုသိရတယ်လို့ ညွှန်မှုးတွေကရှင်းပြပါတယ်။

ဘယ်သူသွားမလဲဆုိုပြီး တာဝန်ခွဲတော့ ညွှန်မှုးနဲ့အယ်ဒီတာတွေမှာ တခြားခရီးစဉ်တွေစီစဉ်ထားပြီးဖြစ် တာရယ်၊ နောက်တခါ ၂၀၀၄ ခုနှစ်က အမေရိကန်သွားလည်ဖုို့ကြိုးစားစဉ် ဗီဇာအငြင်းခံထားရဖူးတဲ့ ကျနော်ကို သွားခွင့်ပေးချင်တာရယ်ကြောင့် ထုိုင်း-မြန်မာနယ်စပ်ဆီရောက်နေတဲ့ ကျနော်ဆီ ညွှန်မှုး ကိုအေးချမ်းနုိုင်ကုိုယ်တုိုင်ဖုန်းဆက် ပြီး ဘန်ကောက်က အမေရိကန်သံရုံးဆီ အမြန်သွားဆက်သွယ်ဖုို့ပြော လာပါတယ်။

သူတုို့ ပုို့လာတဲ့ အိမ်ဖြူတော် အီးမေးလ်မိတ္တူကုို ပလင့်ထုတ်ပြီး ဘန်ကောက် ၀ါယာလက်လမ်းပေါ်က အမေရိကန်သံရုံး ဗီဇာ စက်ရှင်အပေါက်ဝမှာသွားပေးတော့ အပေါက်စောင့် ထုိုင်းမလေးတွေက လက်မခံပါဘူး။ ဒါမျိုး လာရွှီးလုို့ မရဘူး ဆိုပြီး ပြောလွှတ်လိုက်ပါတယ်။ နောက်နေတာမဟုတ်ဘူး။ တကယ် အီးမေးလ်၊ မယုံရင် သံရုံးအရာရှိကုိုမေး ပါလုို့ ပြောပေမဲ့ သူတုို့ကလက်မခံနုိုင်ဘူးချည်းလုပ်နေပါတယ်။

ကျနော်လည်းစိတ်ပျက်စွာနဲ့တည်းခုိုခန်းဆီပြန်လာပြီး ကိုအေးချမ်းဆီ အီးမေးလ်နဲ့အစီရင်ခံပေါ့။ ဘန်ကောက်က ရုံး ဖွင့်ချိန်မှာ အော်စလုိုကလူတွေက အိပ်ရာကတောင်မထသေး။ တခါ အော်စလုို ရုံးဖွင့်ချိန်မှာ ၀ါရှင်တန်ကလူတွေက အိပ်ရာက မထသေး။ ဒီလုို နာရီစီကွာနေတဲ့ အာရှ၊ ဥရောပနဲ့ အမေရိကန်ရဲ့ နာရီလက်တံ လည်ပတ်ခြင်းကုို တပတ်ပြည့်အောင်စောင့်ပြီး နောက်တရက်မှာတော့ ဘန်ကောက်အမေရိကန်သံရုံးအရာရှိတဦးဆီကနေ ကျနော့် ဆီအီးမေးလ်ဝင်လာပါတယ်။

တကယ်က သာမန်အရပ်သားတွေလုို ဗီဇာ စက်ရှင်ဆီသွားတန်းစီတုိုးရမှာမဟုတ်။ လမ်းတဖက်ခြမ်းက ခန့်ငြားလှတဲ့ အမေရိကန်သံရုံးထဲဝင်ပြီး နုိုင်ငံရေးဌာနကအရာရှိနဲ့တွေ့ရမှာဖြစ်တယ်လို့ဆုိုပါတယ်။ အစစ်အဆေးများလုိုက်တဲ့ အမေရိကန်သံရုံးဗျာ။ လေယဉ်ပေါ်တက်ခါနီးစစ်တာထက်တောင် ပုိုဆုိုးပါတယ်။ လုံခြုံရေးဂိတ်တဲက ထုိုင်း အရာရှိတွေရဲ့စစ်ဆေးမှုကိုခံယူအပြီးမှာတော့ သားနားလှတဲ့ သံရုံးကြီး ထဲရောက်လာပါတယ်။

တကယ်တန်းတွေ့တော့ မီဒီယာဆက်ဆံရေး လက်ထောက်အရာရှိက အသက် ၂၀ ကျော်အရွယ်သာ ရှိသေးတဲ့ ထုိုင်း မလေး။ မနေ့ကဖြစ်ခဲ့တဲ့အဆင်မပြေမှုတွေအတွက် တောင်းပန်ကြောင်းပြောပြီး လုိုအပ်တဲ့ ဖောင်တွေ၊ စာရွက် စာတန်းတွေအားလုံးကို သူကပဲလုပ်ပေးပါတယ်။ လုပ်ပေးဆုို ဒီသံရုံးထဲမှာ ခရီး သွားလာရေးယန္တယားကုိုပါ တပ် ဆင်ထားသလုိုပါပဲ။ အမေရိကန် အဲလုိုင်း လက်မှတ်ရောင်းဌာနတောင် အဲဒီသံရုံးထဲ တွေ့ခဲ့ရပါတယ်။

အားလုံး အုိုကေ တယ်ဆုိုပေမဲ့ ဗီဇာကိုတော့ သူ ထုပေးလုို့ဘယ်ရမလဲ။ မနေ့ကအဆင်မပြေဖြစ်ခဲ့တဲ့ လမ်းဟုိုဖက် ကမ်းက ဗီဇာ စက်ရှင်ဆီထပ်သွားရပါတယ်။ သူတုို့အရာရှိနဲ့အတူလာလုို့လားတော့ မသိပါဘူး။ မနေ့က ဂိတ်စောင့်တဲ့ ကောင်မလေးတွေက ကျနော်ကုို မသိသလုို၊ မတွေ့ဖူးသလုိုလုိုနဲ့ နေနေလုိုက်ကြတာကုိုတွေ့ရပါတယ်။ အမေရိကန် ဗီဇာစက်ရှင်က အပြင်မှာလူတွေတန်းစီတုိုးနေသလုို အထဲမှာလဲ ရာနဲ့ချီရှိနေပါတယ်။ ဒါပေမယ့် ကိုယ်ကတော့ VIP လုိုလုို၊ ဘာလုိုလုိုဆုိုတော့ အဲဒီလုို တန်းစီတုိုးစရာမလုိုတော့ပါ။ 

ဗီဇာ ထုတ်ပေးတဲ့ အမေရိကန်အရာရှိ အမျိုးသမီးကြီးတဦးရောက်လာပြီး မြန်မာစစ်ဗုိုလ်တွေနဲ့ အမျိုးတော်တာရှိ လား၊ အမေရိကန်ကုိုအရင်ကရောက်ဖူးလား၊ ဗီဇာအငြင်းခံရဖူးလားဆုိုပြီးမေးပါတယ်။ အဲဒီစစ်ဗုိုလ်တွေကုိုတော်လှန်နေတဲ့သူပုန်ပါဆုိုမှ စစ်ဗုိုလ်နဲ့ဘယ်လုိုအမျိုးတော်မလဲဆိုပြီး ပြန်ပြောတော့ အလုပ်သဘောအရ အပျက်မကွက် မေးရတာပါလုို့ သူကဆုိုပါတယ်။ အော်စလုိုမှာရှိတဲ့ အမေရိကန် သံရုံးကတော့ ၂၀၀၄ ခုနှစ် ဒီဇင်ဘာတုန်းက ဗီဇာ ငြင်းခဲ့ ဖူးတယ်လုို့ပြောပြတော့ သူက ပြုံးနေပါတယ်။


ဗီဇာ တပတ်ရပြီ နယူးယောက်က UN ရုံးဆီ

ဆုိုလုိုတာက အရင် သာမန် တုိုးရစ်တဦးလုိုသွားမယ်ဆုိုတုန်းက သူတုို့သံရုံးကငြင်းခဲ့ပေမဲ့ အခုလုို အိမ်ဖြူတော်က ဖိတ်စာနဲ့လာသူကိုတော့ ဘယ်ငြင်းပါ့မလဲဆုိုတဲ့ အပြုံးလုို့ထင်ပါတယ်။ ပြီးတော့ သူကမေးလုိုက်ပါသေးတယ်။ ‘’ရှင် က ဗွီအုိုအေ မှာမလုပ်ပဲ ဘာကြောင့် ဒီဗွီဘီမှာ လုပ်နေတာလဲ’’ တဲ့။ သူ ဘာကုိုရည်ရွယ်ပြီးမေးမှန်းမသိလုို့ မဖြေရဲပါဘူး။ 



ဟုတ်တယ်လေ။ အော်စလုိုသံရုံးမှာ ဗီဇာ အငြင်းခံရတုန်းက အဲဒီလုို အဖြေမတတ်လုို့ဖြစ်သွားတာပေါ့။ အဲဒီအချိန်တုန်းက အိမ်ဖြူတော်ဖိတ်စာလဲ ဘယ်နားနေမှန်းမသိသေးတော့ ဒီမုိုကရေစီ အရေးလှုပ်ရှား သူတွေကို တာဝန်ခံ ဖိတ်ကြားနေတဲ့ US Campaign for Burma မှ ကုိုအောင်ဒင်ရဲ့ ဖိတ်စာကြီးနဲ့ပေါ့။ ‘’ဖိတ်တဲ့သူနဲ့ ရှင်နဲ့ ဘာတော်သလဲ၊ သူ့ကုို လူချင်းတွေ့ဖူးလား’’ ဆုိုပြီး ဗီဇာ ကောင်တာမှာထုိုင်နေတဲ့ ကောင်မလေးကမေးပါတယ်။

ကျနော်ကလဲ သတင်းထောက်လုပ်ပြီး အတော် တဲ့လူ။ အဲဒီကောင်မလေးက ကျနော်ကို အင်တာဗျုး လုပ်နေမှန်း မသိလုိုက်ဘူး။ သတင်းမေးနေတယ်ထင်ပြီး ခပ်ပေါ့ပေါ့ပဲ လျှောက်ဖြေမိပါတယ်။ လူချင်းတော့ တခါမှမတွေ့ဖူးဘူး။ ဒါပေမယ့် ငါတုို့ တော်လှန်ရေးသမားတွေဟာ လူချင်းတွေ့ဖုို့ထက် အလုပ်ချင်းသိဖုို့က ပုိုအရေးကြီးတယ်လုို့ ပြောလုိုက်ပါတယ်။ ပြီးတော့ ‘’ရှင်က နော်ဝေးမှာ ဒုက္ခသည်ရထားတာလား၊ မိသား စုရှိလား၊ အိမ်ရှိသလား၊ အမြဲတန်းနေထုိုင်ခွင့်ရထားပြီးပြီလား’’ ဆုိုပြီးထပ်မေးပါတယ်။ 

‘’ခင်ဗျားက DVB ကိုတောင်မသိဘူးလား။ လူ့အခွင့်ရေးနဲ့ ဒီမုိုကရေစီအတွက်လုပ်နေတာ။ အခုလဲ ငါက မြန်မာအများစုရှိတဲ့ ဖုို့ဝေးမြို့ဆီသွားပြီး စတုိုရီလုပ်မှာ’’ လုို့ ခပ်တင်းတင်းဖြေမိပါတယ်။ ‘’ရှင့် ဘဏ်အကောင့် ထဲက ငွေ သောင်းကျော်ကကော၊ အရင်ကမရှိပဲ အခုမှ ဘယ်ကနေ ယူထည့်ထားတာလဲ’’ လုို့ ဆက်မေးပြန်ပါတယ်။ ဒီအချက်ကတော့ ကျနော်ကိုစော်ကားသလုိုဖြစ်လာတဲ့အတွက် ‘’မင်းတုို့ပဲ ဘဏ်ထဲမှာငွေရှိကြောင်း လစာ စာရင်း ပြရ မယ်ဆုိုလုို့ ချေးငှားပြီး ထည့်ထားတာပေါ့’’ ဆုိုပြီး အသံ မာမာနဲ့ပြန်ပြောမိပါတယ်။ 

‘’ဆော်ရီးပဲ ရှင့်ကို Reject (ငြင်းပယ်) လုပ်ပါတယ်’’ တဲ့။ သေပြီဆရာပေါ့။ အဲဒီလုိုပြောတော့မှ ဒီကောင်မလေးဟာ ကျနော်ကုို ဗီဇာ ပေးသင့် မသင့်အတွက် အင်တာဗျုးလုပ်နေမှန်းသိလုိုက်ပါတယ်။ ဒီလုိုပြောတာကို ပြန်ငြင်းခွင့်မရှိကြောင်း Reject လုပ်တဲ့ စာထဲမှာဖေါ်ပြထားပါတယ်။ ဘာကြောင့်လဲဆုိုရင် ဒီလုိုအင်တာဗျုးလုပ်တဲ့ဝန်ထမ်းတွေဟာ အထူးလေ့ကျင့်ထားသူတွေဖြစ်တဲ့အတွက် တထုိုင်တည်းနဲ့ အဖြေမှန်ကို ဆုံးဖြတ်နုိုင်စွမ်းရှိတယ်လို့ဆုိုပါတယ်။ ဒီလုိုနဲ့ ’’တောက်’’ ခေါက်ပြီး ပြန်လာခဲ့ရဖူးပါတယ်။

အခုတော့ အော်စလုိုသံရုံးအရာရှိနဲ့ ဘန်ကောက်သံရုံးအရာရှိက တခြားစီ။ အဲဒီအချိန်ထိ နော်ဝေးက ထုတ်ပေးထားတဲ့ ခရီးသွားလက်မှတ်ကုိုင်ထားဆဲဖြစ်ပြီး တခြားပုိုင်ဆုိုင်မှုတွေ၊ အဆင့်တန်းတွေကလဲ ၂၀၀၄ ခုနှစ်နဲ့ ဘာမှ မပြောင်းလဲသေးပါ။ တကယ်တန်းဥပဒေအရဆုိုရင် ခရီးသွားလက်မှတ်ကုိုင်ထားသူဟာ ကိုယ်နေတဲ့နုိုင်ငံရှိ သံရုံးမှာပဲ ဗီဇာလျောက်ခွင့်ရှိပြီး တခြားနုိုင်ငံမှာ သွားလျှောက်ခွင့်မရှိပါ။ ဒါပေမယ့် ကျနော်ကြိုက်သလုိုဖြေ၊ ကျနော့် status က ဘယ်လိုပဲဖြစ်နေပါစေ၊ အိမ်ဖြူတော်က ဖိတ်စာပို့ထားသူ ဆိုတော့ ဘယ်ငြင်းတော့မလဲ။ ချက်ချင်းပဲ သူ့အခန်းထဲဝင်ပြီး သတင်းတပတ်စာ ဗီဇာ တုံး ထုပေး လုိုက်ပါတယ်။ 

First Lady ရဲ့ မီနစ် ၂၀ ကြာ ဆွေးနွေးပွဲ

နာမည်ကြီးတွေရဲ့အစည်းဝေးကုို သတင်းယူဖုို့ပြင်ရတာဟာ မီတာ ၁၀၀ ပြေးမဲ့လူတွေပြင်ရသလုိုနဲ့တူနေ မလားပါပဲ။ ဘာကြောင့်လဲဆုိုရင် မီတာ ၁၀၀ အပြေးပြိုင်မဲ့သူတွေဟာ တနှစ်ပတ်လုံးအချိန်ယူလေ့ကျင့် ခဲ့ပေမဲ့ တကယ်တန်းပြိုင်ပွဲကတော့ ၁၀ စက္ကန့်မျှသာ။ ကျနော်လဲ အဲဒီလုိုခဲရာခဲဆစ်အချိန်ယူပြင်လာခဲ့ပေမဲ့ First Lady နဲ့တွ့ရတဲ့အချိန်က ၁၀ မီနစ်ထက်မပိုပါဘူး။ 



အားလုံးသိပြီးဖြစ်တဲ့အတုိုင်း တခုတည်းသော ကမ္ဘာ့အင်အားကြီးနုိုင်ငံဆုိုတော့ နယူးယောက်လေယဉ် ကွင်းမှာ စစ်ခံလုိုက်ရတာ အထပ်ထပ်။ လက်ဗွေတောင်ယူထားတဲ့ နုိုင်ငံပေါ့။ ဒါပေမယ့် အာရှနဲ့ ဥရောပနုိုင်ငံအတော်များများ ကိုရောက်ဖူးပြီးဖြစ်တဲ့ကျနော်ဟာ အရင် ဘန်ကောက်ကနေ အော်စလုိုဆီ စတင်ထွက်ခွါစဉ်ကလုို တောသားမြို့ရောက် အခြေနေမျိုးတော့ မဖြစ်တော့ပါ။ 

နယူးယောက်မှာ ဘယ်သူမှလာကြိုသူမရှိပေမဲ့ ကုလသမဂ္ဂဆုိုင်ရာ ညွန့်ပေါင်းအစိုးရကိုယ်စားလှယ် ဒေါက်တာသောင်းထွန်းရဲ့အိမ်ခန်းဆီ တက္ကစီငှားပြီး တည့်တည့်ရောက်အောင်သွားနုိုင်ခဲ့ပါတယ်။ အိမ်ဖြူတော်က ဖိတ်တာ ဟုိုတယ်မှာမတည်းပဲ ဘာလုို့ သူများအိမ်သွားတည်းတာလဲဆုိုပြီး မေးမလုို့လား။ အဲဒီတုန်းက DVB အခုလုို ငွေ မရွှင်သေးဘူးလေ။ ခရီးစရိတ်ပဲပေးနုိုင်ပြီး ဟုိုတယ်ခ မရှိပါ။ ဒီတော့ အသိမိတ်ဆွေအိမ်မှာ မတည်းလုို့ ဘယ်ဖြစ်မလဲ။

နောက်တနေ့ နယူးယောက်မြို့လယ်က UN ရုံးကြီးဆီရောက်သွားပြီး ၀င်ခွင့်လက်မှတ်တုို့၊ သတင်းထောက် ကဒ်တုို့ လုပ်ရပါတယ်။ ဒုညွန်မှုးကိုခင်မောင်ဝင်းလည်း အော်စလုိုကနေ နယူးယောက်ကုိုကြိုရောက်နေ ပါတယ်။ သူက ကင်မရာအိပ်လွယ်။ ကျနော်က ကင်မရာတုိုင် (သုံးချောင်းထောက်တုိုင်) ထည့်ထားတဲ့ အိတ်ကုိုဆွဲပြီး ရုံးထဲဝင်တော့ လုံခြုံရေးအရာရှိက နောက်ပါတယ်။ ‘’မင်းသယ်လာတာ လက်နက်ကြီးလား’’ တဲ့။ သူကနောက်ပေမဲ့ ကျနော်က ခပ်လန့်လန့်။ အမေရိကန်လုံခြုရေးတွေက ဗလကောင်းကောင်း၊ ထောင်ထောင်မောင်းမောင်းဆုိုတော့ တီးထည့်လုိုက်ရင် ကုိုယ်ပဲခံရမှာ။ ‘’ထရုိုင်ပွတ် အိတ်ပါ’’ ဆုိုတာ ထက်ပိုပြီး ဘာမှမတုန့် ပြန်ရဲ။

ရွက်ဖျင်တဲထဲ သတင်းထောက်ကဒ်လုပ်နေတုန်း RFA က လူသစ်တန်း သတင်းထောက်တဦးကိုလဲ တွေ့ရပါတယ်။ VOA နဲ့ BBC သတင်းထောက်တွေကိုတော့မတွေ့မိပါဘူး။ UN ရုံးထဲဝင်ရတာကလဲ ရှေ့မှာပြောခဲ့တဲ့ အမေရိကန် သံရုံးထဲဝင်ရသလုိုနီးပါး စစ်ဆေးခံရပါတယ်။ စစ်ဆေးရေးကောင်တာ ကိုကျော်ပြီးတာနဲ့ ပထမဆုံးတွေ့ရတာက မြန်မာနုိုင်ငံမှ UN အတွင်းရေးမှုးချုပ်အဖြစ်တာဝန်ထမ်းခဲ့ဖူးသူ ဦးသန့်ရဲ့ ဓာတ်ပုံကြီး။ တကယ်တော့ သူပုံတပုံတည်း ရွေးချိတ်ထားတာမျိုးတာ့မဟုတ်။ အရေးပါတဲ့ အတွင်းရေးမှုးချုပ်ဟောင်းတွရဲ့ ဓာတ်ပုံတွေကုိုချိတ်ဆွဲထားတဲ့အထဲကမှ ကုိုယ်ကမြန်မာမုို့လုို့ ဦးသန့်ပုံ ကို အရင်ဆုံးပြေးမြင်တာ ဖြစ်နုိုင်ပါတယ်။

အဲဒီကနေ အခန်း - ခုကိုဖြတ်ပြီးတဲ့အခါမှာတော့ First Lady စကားပြောမဲ့ အခန်းဆီရောက်လာပါတယ်။ ဒီပွဲအတွက် အထူးဖိတ်ကြားထားသူ တဒါဇင်ခန့်ရှိပြီး အဲဒီထဲမှာ ရှမ်းအမျိုးသမီးလှုပ်ရှားမှုအဖွဲ့မှ နန်း ဆုိုင်နောင်း၊ TBBC ခေါ် ထုိုင်းနယ်စပ်တလျောက်ရှိ ဒုက္ဒသည်တွေကိုအကူညီပေးနေတဲ့အဖွဲ့မှ ညွန်မှုး၊ မြန်မာ့အရေးကျွမ်းကျင်တဲ့ ပညာရှင်တချို့။ ပြီးတော့ အာဆီယံ အဖွဲ့မှ သံတမန် တဦး၊ အီးယူနဲ့ အမေရိကန် နုိုင်ငံခြားရေးဌာနမှ ပုဂ္ဂိုလ်အတော် များများပါဝင်ပါတယ်။ 

First Lady ကုိုသာအဓိက ပစ်မှတ်ထားနေတော့ သူတုို့ကုိုစိတ်မ၀င်စားအား။ ကင်မရာတွေနေရာချ၊ သူဝင် လာမဲ့လမ်းနဲ့ စကားပြောမဲ့နေရာကို အသေချာချိန်ယူပေါ့။ ဒီကြားထဲ အိမ်ဖြူတော် လုံခြုံရေးတွေကတမျိုး။ ဒီနားကနေ ရုိုက်ခွင့်မရှိဘူး၊ ဟုိုနားဆုို first lady နဲ့သိပ်နီးနေတယ်နဲ့။ ဟော ရောက်လာပါပြီ First Lady ရုိုက်လုိုက်ကြတဲ့ ကင်မရာတွေ။ မြန်မာပွဲဆုိုပေမဲ့ မြန်မာကင်မရာက ကျနော်တို့ ဒီဗွီဘီ တခုတည်း။ ကျန်တာ က အမေရိကန်တွေချည်း။ 

သူက မိတ်ဆက်စကားပြောတဲ့ မီနစ်လာက်ပဲ တီဗွီ ရုိုက်ခွင့်၊ အသံဖမ်းယူခွင့်ပေးပြီး ကျန်တဲ့ဆွေးနွေး မှုတွေတွက် Broadcast အသံပုိုင်းဆုိုင်ရာသတင်းထောက်တွေ တက်ခွင့်မရှိဘူး။ Print စာနဲ့ရေး သူတွေလောက်ပဲ မှတ်စုလုိုက်ရေးနုိုင်တယ်ဆုိုပြီး ပြောပါတယ်။ ကျနော်တုို့က တီဗွီ အနေနဲ့မှတ်ပုံတင် ထားတော့ အပြင်ထွက်ရတော့မှာပေါ့။ ဒါပေမယ့် ကုိုခင်မောင်ဝင်းက ၀က်ဆုိုက်အတွက်လဲရေးဖုို့လုိုတယ်။ ကင်မရာသမားကိုထွက်ခုိုင်းပြီး သူက မှတ်စုဆက်ရေးမယ်ဆုိုပြီးအဆုိုတင်တော့ အိမ်ဖြူတော်လုံခြုံရေးက လက်ခံလုိုက်ပါတယ်။

အသံသတင်းထောက်နဲ့ စာသတင်းထောက်ကို ခွဲခြားဆက်ဆံပုံအပြင် အသံမဖမ်းရဆုိုတဲ့ အခန်းထဲက အသံကုို ခုိုးဖမ်းပြီး ယူသုံးမိတဲ့ နုစဉ်တုန်းကသတင်းကျင့်ဝတ်ချိုးဖောက်မှုကိုလဲ တင်ပြချင်ပါတယ်။ အသံမဖမ်းရ၊ ဗီဒီယုို မရုိုက်ရဆုိုပေမဲ့ RFA ကပုဂ္ဂိုလ်က ရီကော်ဒါနဲ့အသံခုိုးဖမ်းလာပြီး ကိုခင်မောင်ဝင်းက ဗီဒီယုို ကင်မရာနဲ့ အသံဖမ်းယူ လာပါတယ်။ ကင်မရာကြီးတကားကားနဲဖြစ်နေတဲ့ ကျနော်ကတော့ အခန်းအပြင်မှာ နာရီဝက်လောက်ထုိုင် စောင့်ပေါ့။ 

ခက်တာက ကျနော်အဲဒီလုို ထုိုင်စောင့်နေတဲ့ဘေးမှာ အမေရိကန် တီဗွီ လုိုင်းတခုက Live အင်တာဗျုး လွှင့်ဖုို့ ကင်မရာတွေနဲ့ အလုပ်ရှုပ်နေပါတယ်။ ကြည့်ရတာ First Lady အခန်းထဲက ထွက်လာတာနဲ့ တား-မေးပြီး Live တခါတည်း တန်းလွှင့်ဖုို့ပြင်ထားပုံမျိုး။ ‘’ဒါ ငါတုို့မူပုိုင်နော်၊ မင်းကင်မရာနဲ့ ၀င်ရုိုက်ခွင့် မရှိဘူး’’ ဆုိုပြီး ထုတ်လုပ်ရေးမှုးဖြစ်ပုံရတဲ့ အမျိုးသမီးတဦးက ကျနော်ကုိုပြောပါတယ်။ အင်း ဒုက္ခပါပဲ။ မြန်မာ့ အရေးအတွက်ပြောတဲ့ပွဲကုို မြန်မာမီဒီယာက ရုိုက်ခွင့်မရှိဘူးတဲ့လား။ ဒါပေမယ့် မတတ်နုိုင်။ First Lady ထွက်လာချိန်မှာ ကင်မရာထုတ်ပဲ သူတို့ပြောတဲ့အတုိုင်းပဲ ငြိမ်ငြိမ်လေး ငေးကြည့်နေလုိုက်ရပါတယ်။

အဲဒီပွဲပြီးတာနဲ့ ကုိုခင်မောင်ဝင်းတည်းတဲ့ နယူးဂျာစီက ကာတွန်း ၀င်းထွန်း (မစ္စတာဘားမား) အိမ်ဆီပြေး ရပါတယ်။ ထုိုင်းနုိုင်ငံမှာတုန်းက ABSDF အပါဝင် တော်လှန်ရေးအဖွဲ့ပေါင်းစုံကထုတ်တဲ့စာစောင်တွေ၊ ခေတ်ပြိုင်အပါဝင် သတင်းစာစောင်တွေကုို အင်တုိုက်အားတုိုက် ကူညီပေးခဲ့သူ။ ပြီးတော့ DVB အပါဝင် ရေဒီယုိုပေါင်းစုံကလွှင့်တဲ့ သတင်းတွေကို စာနဲ့ရုိုက်ပြီးထုတ်ဝေတဲ့ ရေဒီယုိုဘားမား (Radio Burma) စာစောင်ကုို အပတ်စဉ် ၈၀ ကျော်အထိ ထုတ်ဝေခဲ့တဲ့ ကုိုဝင်းထွန်းဟာ တော်လှန်ရေးမီဒီယာဖြစ်တဲ့ DVB ကုိုတက်ကြွစွာကူညီနေဆဲဖြစ်ပါတယ်။

အဲဒီကာလ DVB က လူတွေဟာ ဟုိုတယ်မှာမတည်းနုိုင်လုို့ မိတ်ဆွေတွေအိမ်မှာ အလကားတည်းတဲ့အပြင် အိမ်ရှင်ဧည့်ခံတဲ့ မြန်မာ့လက်ရာထမင်းဝို်င်းကိုလဲ အားမနာတန်း အားပေးခဲ့သူတွေပေါ့။ ဒါပေမယ့် လောလောဆယ်ကတော့ ထမင်းမစားအားသေး။ First Lady ရဲ့ မြန်မာ့အရေးဆွေးနွေးပွဲသတင်းကို မနက်ပုိုင်းအသံလွှင့် ချိန်အမှီ ရေဒီယုိုမှာ ထည့်လွှင့်နုိုင်ဖို့အတွက် အရေးပေါ်ပြင်ဆင်ပုို့ပေးရဦးမယ်။

TV ကတော့ တပတ်မှတခါလွှင့်တာဆုိုတော့ အေးဆေးပေါ့။ ဒါပေမယ့် ရေဒီယုိုသတင်းမှာ သမ္မတကတော် မိတ်ဆက်ပြောတာ အပြင် အစည်းဝေးအတွင်းပြောတဲ့အသံကိုလဲ ထည့်ချင်တော့ ခုနက ခုိုးဖမ်းလာတဲ့ အသံကို ဖြတ်ထည့်မိခဲ့ပေါ့။ ဒါဟာ သတင်းကျင့်ဝတ်ချိုးဖောက်ခြင်းဖြစ်ပေမဲ့ အဲဒီကာလကတော့ အခုလုို မစဉ်း စားဖြစ်ခဲ့ပါ။

Share

Twitter Delicious Facebook Digg Stumbleupon Favorites More