Monday, June 27, 2016

အစုိုးရသစ်လက်ထက် ပထမဆုံးအကြိမ် ပြန်တော်ပြန်ခြင်း

The Voice Daily, 26-06-2016.

ဗီဇာ လွယ်ပြီလား

တတိယ နုိုင်ငံရောက် တောခုိုကျောင်းသားဟောင်းတွေ၊ နုိုင်ငံရေးအကျဉ်းသားဟောင်းတွေ  ပြည်တော်ပြန်မယ်ဆုိုရင် ပထမ ဆုံးကြုံရတာက ဗီဇာ လျှောက်ရတာ အဆင်ပြေရဲ့လားဆုိုတာပါပဲ။ ဘာကြောင့်လဲဆုို ကျနော်ပါဝင်ခဲ့ဖူးတဲ့ ABSDF (မြန်မာနုိုင်ငံလုံးဆုိုင်ရာ ကျောင်းသားများ ဒီမုိုကရက်တစ်တပ်ဦး) အဖွဲ့မှ ဥက္ကဌဟောင်းတွေဖြစ်တဲ့ ကိုမုိုးသီးဇွန်နဲ့ ဒေါက်တာနုိုင်အောင်တို့ကုို အစိုးရသစ်က အခုချိန်ထိ ဗီဇာ ထုတ်မပေးသေးဘူးဆုိုပြီး သတင်းတွေ ကြားနေရလို့ဖြစ်ပါတယ်။


ထုိုင်းနုိုင်ငံရှိ မြန်မာသံရုံးက ဗီဇာထုတ်မပေးလုို့ ဂျပန်အထိသွားပြီး ဗီဇာလျောက်နေတဲ့ ကိုမုိုးသီးဇွန်ကုို (ဇွန်လ ဒုတိယပတ်ကအခြေအနေမေးကြည့်တော့ အခုထိမရသေးဘူးလုိုပြောပါတယ်။ ဒါပေမဲ့ နော်ဝေးမှာတော့ မြန်မာသံရုံးက ဗီဇာတွေ ထုတ်ပေးနေကြောင်း၊ ဒီနှစ်အတွင်း အော်စလုိုသံရုံးက ဗီဇာ ထုတ်ပေးလုိုက်သူ ၁၀၀ ၀န်းကျင်တောင်ရှိနေပြီလုို့ ဆုိုပါတယ်။

ဥရောပရဲ့ နွေရာသီရုံးပိတ်ရက်၊ ကျောင်းပိတ်ရက် ဇွန်၊ ဇူလုိုင်မှာ မြန်မာနုိုင်ငံဆီပြန်လည်မဲ့သူ အတော်များပါတယ်။ သူတုို့ကိုမေးကြည့်တော့ တခေါက်သွားဖူးပြီးသားဆုိုရင် တပတ်အတွင်း ဗီဇာ ရတယ်။ ပထမ အခေါက်သွားမဲ့သူဆုို နေပြည်တော်ဆီ တင်ရတဲ့အတွက် ပတ်လောက်ကြာတယ်လုို့ဆုိုပါတယ်။ လျှောက်လွှာပုံစံတွေကိုတောင်းကြည့် တော့ စာမျက်နှာ မျက်နှာအထိရှိပြီး ဖြည့်စွက်ရမဲ့အချက် ၄၇ ချက်အထိပါဝင်နေတာကိုတွေ့ရပါတယ်။ အစိုးရသစ် လက်ထက်မှာ ဒါမျိုးရှိသင့်သေးသလား။

ဒါကိုပင် အရင် အစုိုးရခေတ်နဲ့စာရင် တုိုးတက်လာတယ်လို့ပြောနေသူတချို့ရှိပါတယ်။ ဘာကြောင့်လဲဆုို အရင် စစ် တပုိုင်းအစိုးရခေတ်မှာ အော်စလုိုသံရုံးကုိုစတင်ဖွှင့်ခဲ့ပေမဲ့ သံရုံးဝန်ထမ်းတွေက သူပုန်ဟောင်းတွေ၊ နုိုင်-ကျဉ်း ဟောင်းတွေနဲ့ စကားမပြောရဲပါ။ အခု အစိုးရသစ်တက်တော့မှ၊ တနည်းအားဖြင့် ဒေါ်အောင်ဆန်းစုကြည်ကုိုယ်တုိုင် နုိုင်ငံခြားရေးဝန်ကြီးဖြစ်လာတော့မှ သံရုံးတွေက သဘောထားပြောင်းပြီး အဝေးရောက်မြန်မာတွေကိုလည်း ကူညီရမယ်လို့ လေသံပြောင်းလာတာဖြစ်ပါတယ်။

ဒါပေမဲ့ သံရုံးနဲ့မဆက်ဆံချင်သူ၊ စာရွက်ပေါင်းများစွာဖောင်ဖြည့်ရမှာကုို စိတ်ကုန်နေသူတွေကတော့  သံရုံးကပေး တဲ့ ဆုိုရှယ်ဗီဇာ (Social Visa) အစား အင်တာနက်ပေါ်လျောက်ရတဲ့ E-visa ကုို ပုိုကြိုက်ကြတယ်လို့ပြောပါတယ်။ ဒေါ်လာ ၅၀ ပေးလုိုက်ရင် ၂၄ နာရီအတွင်း ဗီဇာ ရပါတယ်။ သံရုံးမှာလျောက်ရင် Tourist ဗီဇာက ခရုိုနာ ၂၅၀ (ဒေါ် လာ ၃၀ ခန့်) ဆုိုရှယ်ဗီဇာက ခရုိုနာ ၃၅၀ (ဒေါ်လာ ၄၅) မုို့ နဲနဲသက်သာပေမဲ့ ၄၇ ချက်ဖောင်ဖြည့်ရမဲ့ ဟာမျိုးကုို သူတုို့က သိပ်မကြိုက်ကြပါ။

ဒါက နော်ဝေးကအခြေအနေပါ။ တခြားအနောက်နုိုင်ငံတွေမှာလည်း အရင်နဲ့စာရင် ဗီဇာကိစ္စ ပိုလွယ်လာတယ်လို့ ABSDF ရဲဘော်ဟောင်းတွေက ပြောပါတယ်။ ဘာဖြစ်ဖြစ် အရင် ဦးသိန်းစိန်အစိုးရခေတ်ကလုို ဘန်ကောက်ရောက်မှ ဗီဇာ ၀င်လျှောက်၊ မရ မသေချာလုို့ ထုိုင်စောင့်ရင်းနဲ့ အချိန်တွေကုန်၊ စရိတ်တွေကုန်တာနဲ့စာရင်တော့ အများကြီးတုိုးတက်လာတယ်လုို့ ဆုိုရမှာပါ။ 

ဒါပေမဲ့ ကုိုမုိုးသီဇွန်တုို့၊ ဒေါက်တာနုိုင်အောင်တိုအပါဝင် တချို့ရဲဘော်ဟောင်းတွေကို အခုချိန်ထိ ဗီဇာထုတ်မပေး သေးတာ၊ အစိုးရဟောင်းခေတ်က ထုတ်ထားတဲ့ Black Lists စာရင်းဆုိုတာတွေကို အခုထိ မဖျက်နုိုင်သေးဘူးဆုို တာတွေကတော့ အစိုးရသစ်အပေါ် မေးခွန်းထုတ်စရာရှိနေဆဲပါ။


မြန်မာလေကြောင်း ဘယ်တော့ ကမ္ဘာပတ်နုိုင်မလဲ

ဗီဇာ ရပြီဆုိုတော့ လေယဉ်လက်မှတ်ဝယ်ရမှာပေါ့။ ဒါက သွားခါနီးမှ ကတုိုက်ကရုိုက်ထလုပ်လေ့ရှိတဲ့ ကျနော်တုို့လုို ပုဂ္ဂိုလ်တွေရဲ့ စဉ်းစားချက်ပါ။ ဒီနုိုင်ငံကလူအများစုကတော့ ဒီလုိုမဟုတ်။ ဒီနှစ် ဇူလုိုင်မှာ ဟောလီးဒေးသွားမဲ့အစီစဉ် ကုို မနှစ်ဇူလုိုင်ကတည်းကကြိုဆွဲထားပြီးသား။ လ၊ တနှစ်လောက်ကြိုပြီး လေယဉ်လက်မှတ်ဝယ်ထားရင် ဈေးက ပုံတပုံ လောက်တောင် သက်သာပါတယ်။ 



ကုိုယ်က အဲဒီလုို ကြိုမစီစဉ်နုိုင်သူဆုိုတော့ ဈေးကြီးပေးရမှာပေါ့။ ဒီကြားထဲ တဆင့်ခံ၊ နှစ်ဆစ်ခံ လေယဉ်မပြောင်း ချင်တော့ အော်စလုို-ဘန်ကောက် ဒါရုိုက်ပြေးတဲ့ ထုိုင်းလေကြောင်းကို ၀ယ်လုိုက်မိပါတယ်။ ဈေးကကြီးသလား မမေးနဲ့၊ ၀န်ဆောင်မှုအကောင်းဆုံးလေကြောင်းဆိုတော့ ဒေါ်လာ ၁၁၀၀ ပေးရတာ တန်တယ်လို့ပြောရမှာပေါ့လေ။ ဒီနေရာမှာ မြန်မာ့လေကြောင်းလုိုင်းများရှိနေရင် ဒီထက်ဈေးသက်သာလေမလားလုို့ လုိုရာဆွဲတွေးမိပါသေးတယ်။

အရင်အခေါက်တွေတုန်းက ဈေးသက်သာတဲ့ နော်ဝေးလေကြောင်း၊ ဖင်လန်လေကြောင်း၊ ရှုရှားလေကြောင်းတွေ ကုိုစီးခဲ့ဖူးပါတယ်။ ဒါပေမဲ့ အနောက်တုိုင်းသားတွေဆက်ဆံပုံက အလုပ်သဘော  သိပ်ဆန်ပြီး အာရှသားတွေ၊ အထူးသဖြင့်ထုိုင်းတွေဆက်ဆံပုံက မိတ်ဆွေပုိုဆန်သလုိုစိတ်ထဲခံစား မိသလုိုပါပဲ။ ပြီးခဲ့တဲ့အခေါက်က စီးခဲ့ဖူးတဲ့နော်ဝေ လေကြောင်းဆုိုရင် ဘာဝန်ဆောင်မှုမှ အခမဲ့မပေးပါ။ ရေကအစ ၀ယ်သောက်ရပါတယ်။ စောင်၊ ခေါင်းအုံး၊ နားကျပ်၊ စားစရာ စသဖြင့် လုိုတာအကုန် ထပ်ဝယ်ရပါတယ်။ 

ဝယ်တာတောင် ရုိုးရုိုးငွေသားနဲ့မရ။ ထုိုင်ခုံမှာတပ်ထားတဲ့ စက်ပေါ် ခရက်ဒစ်ကတ်နဲ့ခြစ်ပြီးဝယ်ရပါတယ်။ သိပ်ပြီး စက်ရုပ်ဆန်သွားသလုိုပါပဲ။ အခု ထုိုင်းလေကြောင်းကတော့ အဲဒီလုိုမဟုတ်။ဆ၀ါဒီခပ်ဆိုတဲ့အသံကုို ကြားကတည်းက အိမ်နီးချင်းထုိုင်းနယ်မြေထဲ ရောက်သွားသလုိုခံစားရပါတယ်။ တောခုိုကျောင်းသားဟောင်း အတော် များများဟာ ထုိုင်းမှာ ဆယ်စုနှစ်နဲ့ချီနေခဲ့ဖူးကြောင့် ထုိုင်းရောက်ရင် ကုိုယ့်နယ်မြေရောက်သလုိုဖြစ်သွားလေ့ရှိပါတယ်။ 

ထုိုင်း ကောင်းကြောင်းပြောတာ သိပ်များသွားပြီလားမသိ။ မကောင်းတာတခု ကြုံခဲ့ရတာကိုလည်း တင်ပြချင်ပါတယ်။ အဲဒါကတော့ အော်စလုိုလေယဉ်ကွင်း ထုိုင်းလေကြောင်းလုိုင်းရဲ့ ခရီးသည်နားနေ ခန်းဟာ ကျဉ်းလွန်းပါ တယ်။ ခရီးသည်ရာနဲ့ချီရှိပေမဲ့ Waiting Room က လူ ၃၀ စာလောက်ပဲ ထုိုင်ခုံရှိပါတယ်။ ခရီးသည်တွေထဲမှာ နော်ဝေးတ၀က်၊ ထုိုင်းက တ၀က်လုို့တောင်ပြောရမလားမသိပါ။ ခရီးသွားတဲ့ထုိုင်းတွေ အတော်များပါတယ်။ လူဖြူအမျိုးသားတွေ၊ ထုိုင်းအမျိုးသမီးတွေ၊ ကပြား ကလေးငယ်တွေက အများစုပေါ့။

ပွင့်လင်းစ မြန်မာနုိုင်ငံမှာလည်း ဒီလုိုဖြစ်နေပြီလား မပြောတတ်။ ပြီးခဲ့တဲ့ခရီးစဉ်တွေတုန်းကတော့ လူဖြူအမျိုး သားနဲ့ မြန်မာအမျိုးသမီးငယ်တွေ တွဲသွားနေတာမြင်ခဲ့ရပါတယ်။ ဒါဟာ ဂလုိုဘယ်လယ်ဇေးရှင်းရဲ့ အကျိုးဆက်တခုပါပဲ။ ဒါကိုဒွန်တွဲတဲ့ ဆုိုးဖက်အဖြစ် ရှေးရုိုးဆန်သူတွေ ကမြင်လေ့ရှိပါတယ်။ ဒါပေမဲ့ လူ့အခွင့်ရေးကိုလေးစား သူ၊ ခွဲခြားဆက်ဆံခြင်းကုို ကန့်ကွက်သူတွေကတော့ ဒါကုို တုိုးတက်မှုတခုအဖြစ် မြင်နေကြပါတယ်။

လေယဉ်ပေါ် ရောက်ပါပြီ။ ‘’ဆ၀ါဒီခပ်’’ ဆုိုတဲ့အသံနဲ့ လက်အုပ်ချီနှုတ်ဆက်တဲ့ ဟန်ပန်အပြင် ဘန်ကောက်ထုတ် The Nation, Bangkok Post နဲ့ ထုိုင်း သတင်းစာတွေကုိုပါမြင်ရတော့ ထုိုင်းထဲတကယ်ရောက်သွားသလုိုပါပဲ။ ကျွေးတဲ့အစားအစာကိုလည်း ကြည့်ပါဦး။ အနောက်တုိုင်းသားအကြိုက်ဖြစ်အောင် နဲနဲပြုပြင်ထားတဲ့ ထုိုင်းအစားစာ တွေ။ နော်ဝေးလေကြာင်းမှာဆုို ပုိုက်ဆံရှိရင်တောင် ထမင်းက မှာစားလုို့မရ။ ပေါင်မုန့်နဲ့ပဲ နှစ်ပါးသွားရမဲ့ကိန်း။ စားအစာတင်မက၊ ယာမကာမှာလဲ ဘီယာဆင်းတုို့၊ ဘီယာချန်းတုို့ရနေပြီဆုိုတော့ ထုိုင်းလေယဉ်ပေါ်ရောက်နေ တာဟာ ထုိုင်းနယ်မြေထဲရောက်နေသလုိုပါပဲ။

မြန်မာလေကြောင်းလုိုင်းတွေမှာကော အခု မြန်မာရုိုးရာစားစရာတွေကျွေးနေပြီလား။ ပြီးခဲ့တဲ့နှစ် ရန်ကုန်ကနေ ဘန်ကောက်အထွက်မှာ မြန်မာလေကြောင်းလုိုင်းကိုစီးဖူးပေမဲ့ ကော်ဖီနဲ့ ကိတ်မုန့် ကိုသာကျွေးပါတယ်။ အခု အစိုးရ သစ်လက်ထက်မှာတော့ နုိုင်ငံတော်ဧည့်သည်တွေကုို မြန်မာ့ရုိုးရာစားစရာဆုိုပြီး ကြက် ကာလသားချက်နဲ့ ကျွေးနေပြီဆုိုတော့ မြန်မာ့လေကြောင်း အစားအစာတွေလဲ ပြောင်းလောက်နေပြီပေါ့။ 

အဲဒီကတဆင့် မြန်မာလေယဉ်တွေ နုိုင်ငံတကာလေယဉ်ကွင်းတွေဆီပြေးတဲ့ အဆင့်ထိ မကြာခင် ဖြစ်လာနုိုင်မလား။ ရန်ကုန်က မင်္ဂလာဒုံလေယဉ်ကွင်းလည်း ဘန်ကောက်က သုဝဏဘုမိကွင်းလုို၊ စကာင်္ပူက ချန်ဂီလေယဉ်ကွင်းလုို အာဆီယံဒေသရဲ့ ဗဟုိုချက်ဖြစ်လာနုိုင်မလား။ အစိုးရသစ်ရဲ့ ရက် ၁၀၀ စီမံကိန်းထဲ ဒါတွေကိုမတွေ့မိသေး ပေမဲ့ နှစ်တာစီမံကိန်းထဲတော့ ပါကောင်းပါလာနုိုင်တယ်လုို့ မျှော်လင့်ရပါတယ်။


ဘန်ကောက်မှ ရန်ကုန်သုို့အ၀င်

ဟုိုတွေး၊ ဒီတွေလုပ်ရင်း မှေးကနဲအိပ်ပျော်သွားပါတယ်။ ဒါပေမဲ့ နှိုက်နှိုက်ချိုင့်ချိုင့်တော့မဟုတ်။ ပထ၀ီအနေ ထားပြောင်းသွားတော့ နေ့နဲ့ညက ပြောင်းပြန် ဖြစ်သွားသလုိုလုို။ အော်စလုိုက စထွက်လာတဲ့အချိ်န်က ဒေသစံတော်ချိန် စနေနေ့နေ့လည် နာရီ။ ဘန်ကောက်ကုိုရောက်မဲ့အချိန်က ဒေသစံတော်ချိန် တနင်္ဂနွေ မနက် နာရီ။ ပြန်သန်းချိန်က ၁၁ နာရီဆုိုပေမဲ့ ဘန်ကောက်ရောက်မဲ့အချိန်က အော်စလုိုအချိန် ညသန်းခေါင်ယံပေါ့။ အဓိပယ်က လေယဉ်စီးရင်းနဲ့ တရက်တာအချိန် ပျောက်သွားပြီး အိပ်ချိန်မရလုိုက်ပါ။ 


တမှေးနုိုးလာတော့ ထုိုင်းစံတော်ချိန် မနက် နာရီလောက်ရှိနေပြီ။ ပြန်အိပ်မပျော်တာနဲ့ သူများတွေလုပ်နေ သလုို ထုိုင်ခုံမှ အဆင့်သင့်ရှိနေတဲ့ TV ဖန်သးပြင်ငယ်ပေါ်မှာ ရုပ်ရှင်ကြည့်မိပါတယ်။ တုိုက်ဆုိုင်ချင်တော့ ကျနော်ကြိုက်တဲ့ ထုိုင်းအက်ရှင်မင်းသား Tony Jaa ရဲ့ ‘’တုန့်ယံကူး’’ ဇတ်ကား အမှတ် ဖြစ်နေပါတယ်။ သူ့ဇတ်ကားတွေကို စာဖတ်သူတချို့ ကြည့်ဖူးကောင်းကြည့်ဖူးမယ်ထင်ပါတယ်။ ထုိုင်းရိုးရာကို သရုပ်ဖေါ်တဲ့ကားတွေကိုရုိုက်ပြီး ထုိုင်းစကားပြော၊ အဂ်လိပ်စာတန်းထုိုးဖြစ်ပါတယ်။ ဟောလီးဝုဒ်အဆင့်မီ၊ နုိုင်ငံတကာ အဆင့်မီတယ်လုို့ထင်ပါတယ်။

အခု မီဒီယာပွင့်လင်းစ မြန်မာနုိုင်ငံမှာကော (Twilight over Burma ရုပ်ရှင် အပိတ်ခံရသည့်တုိုင်) ဒီလုို အဆင့်မြင့်ကားတွေ ရုိုက်ခွင့်ရလာနုိုင်မလား။ ရန်ကုန်ရောက်မှ အသိမိတ်ဆွေ ဒါရုိုက်တာကုို မေးကြည့်ရ ပါဦးမယ်။ ဟောပြောရင်းဆုိုရင်းနဲ့ လေယဉ်က ဘန်ကောက် သူဝဏဘုမိလေယဉ်ကွင်းဆီ ဆင်းနေပါပြီ။ အရင်ကဆုိုရင် ဘန်ကောက်မှာ တထောက်နားပြီး မြန်မာသံရုံးမှာ ဗီဇာသွားလျောက်နေကြ။ အခုတော့ ဗီဇာကရပြီးသားဆုိုတော့ ဘန်ကောက်ကုိုဝင်စရာမလုို၊ လေယဉ်ပြောင်းပြီး ရန်ကုန်အထိ ဒါရုိုက်သွားနုိုင်ပြီ။ အိပ်ငုိုက်ငုိုက်နဲ့ လျောက်နေရလုို့ လားမသိပါဘူး။ Transit နေရာကနေ ရန်ကုန်သွားတဲ့ ကောင်တာဆီလျောက်လုိုက်ရတာ မီနစ် ၃၀ လောက်တောင်ကြာပါတယ်။

Waiting Room ထဲမှာ စောင့်နေသူတွေကတော့ အရင်တခေါက်ကနဲ့ သိပ်မထူးခြား။ မြန်မာနုိုင်ငံကနေ ဘန်ကောက်မှာ ဆေးဝါးကုသမှုလာခံယူပုံရတဲ့ အသက်ကြီး၊ နာမကျမ်း မိသာစုတချို့။ ငွေကြေး သိပ်ချမ်းသာသူလုို့ယူဆရတဲ့ တောက်တောက်ပြောင်ပြောင် စီးပွားရေးသမားတချို့။ လူဖြူတချုိုနဲ့ အိန္ဒိယနွယ်ဖွား စီးပွားရေးသမားတချို့ကိုတွေ့ရပါတယ်။ အော်စလို-ဘန်ကောက်လေယဉ်ပေါ် ထုိုင်ခုံလွတ် မရှိအောင် လူတွေပြည့်ကျပ်နေပေမဲ့ ဘန်ကောက်-ရန်ကုန်လေယဉ်ပေါ်မှာတော့ ခရီးသည်က တ၀က်လောက်ပဲရှိပါတယ်။

ဒီတော့ ပြူတင်းပေါက်ဘေးနားက လွတ်နေတဲ့ခုံမှာဝင်ထုိုင်းပြိး ဘန်ကောက်အတက်နဲ့ ရန်ကုန်အဆင်း ပုံတွေကို အသေချာရုိုက်ခွင့်ရခဲ့တယ်ဆုိုပါတော့။ ဒါပေမဲ့ ရာသီဥတုက ဥရောပနဲ့ပြောင်းပြန်။ မုိုးရာသီ ဆုိုတော့ တိမ်နဲနဲရှိနေတဲ့အတွက် မြင်ကွင်းက သိပ်မကောင်းလှပါ။ တုိုက်တာအဆောက်ဦးတွေကြားက သုဝဏဘုမိ လေယဉ်ကွင်းနဲ့ နှစ်ထပ်အိမ်လေးတွေ၊ လယ်စောင့်တဲလေးတွေ၊ ရေလွှမ်းနေတဲ့ လယ်ကွင်းတွေဘေးက မင်္ဂလာဒုံကွင်းအခြေအနေဟာ အတော်ကွာနေဆဲဖြစ်ပါတယ်။ လေယဉ်ကွင်းတုိုး ချဲ့နေတယ်၊ လေယဉ်ကွင်းအဆောက်ဦတွေ တုိုးချဲ့နေတယ်ဆုိုပေ မဲ့ သုဝဏဘုမိလို၊ ချန်ဂီ လုို အာဆီဒေသ ရဲ့ ဆုံချက်လေယဉ်ကွင်းဖြစ်လာဖုို့တော့ အများကြီးဆက်လုပ်ဖုို့လုိုနေဆဲပါ။

ဒါပေမဲ့ လေယဉ်ကွင်းဝန်ထမ်းတွေရဲ့ ၀န်ဆောင်မှုကတော့ အစိုးရဟောင်းခေတ်ကထက် တုိုးတက်လာ တာတွေ့မိပါတယ်။ Passport Control နေရာနဲ့ ကာစတန်စစ်ဆေးတဲ့နေရာတွေမှာ သိသာပါတယ်။ အရင်လို ဆောင့်ကြွားဆောင့်ကြွားနဲ့ ခရီးသည်တွေကြား ဖြတ်လျောက်သွားလေ့ရှိတဲ့ ထောက်လှမ်းရေးတွေ ကုို မတွေ့မိတော့ပါ။ ကာစတန်နဲ့ လေယဉ်ကွင်းအထွက်မှာ စစ်တဲ့ X-ray စက်ဘေးမှာရပ်ပြီး အစိမ်း ရွက်လေး (ဒေါ်လာ) ဒေါ်လာ၊ ၁၀ ဒေါ်လာ ပေးပါဆုိုပြီးတောင်းတဲ့လူတွေလည်း မရှိတော့ပါ။ တခါ ခရီးဆောင်အိတ်တင်တဲ့ လက်တွန်းလှန်းကို ကူတွန်းပေးပြီး ပုိုက်ဆံတောင်းသူလည်း မရှိတော့ပါ။

အဲဒီလုို ချီးကျုးလို့မှ မဆုံးသေး။ တက္ကစီငှားမယ်လဲပြင်ရော၊’’မြို့ထဲ ၇၀၀၀’’ ဆုိုပြီးရေးထားတဲ့၊ အရင်အခေါက် ကတွေ့ ထားဖူးတဲ့ သတိပေးစာတန်းတွေ မတွေ့မိတော့ပါ။ ဘယ်လုိုဖြစ်သွားတာလဲဆုိုပြီး တက္ကစီသမားတွေ ကိုမေးကြည့်တော့ စနစ်ပြောင်းလုိုက်ပြီ။ လေယဉ်ကွင်းတုိုးချဲ့တဲ့အတွက် တက္ကစီတွေ ဂိတ်ဝင်ကြေး ၅၀၀ ပေးရတယ်။ ဒါကြောင့် ဈေးတက်သွားပြီ။ အနည်းဆုံး ၈၀၀၀ ပေးရမယ်လုို့ ပြောပါတယ်။ အင်းလောလောဆယ်တော့ သူတောင်းသလောက် ပေးရုံမှတပါး ဘာမှမတတ်နုိုင်။ 

မြန်မာ့ Facebook လောကမှာ မကြာခဏဖတ်ဖူးနေတဲ့ လေယဉ်ကွင်းနဲ့ ရန်ကုန်မြို့လယ်ကို မုိုးပျံ ရထား လမ်း ဖောက်တော့မယ်၊ အထူးဘတ်စ်ကားတွေ ပြေးတော့မယ်ဆုိုတာတွေဟာ ရက် ၁၀၀ အတွင်းတော့ ဘယ်အကောင်အထည်ဖေါ်နုိုင်ဦးမလဲလေ။ ဒါဖြင့် ကွမ်းသွေးပေနေတာ၊ ကွမ်းစားတာကို တုိုက်ဖျက်မယ်ဆုို တာကကော အလုပ်ဖြစ်နေပြီလား။ ထူးထူးခြားခြား ဒီတခေါက် ကျနော်စီးမိတဲ့ တက္ကစီသမားက ကွမ်း မစားသူဖြစ်နေပါတယ်။ 

ဒါပေမဲ့ မီးပုိုင့်တနေရာမှာ သူကွမ်းဝယ်တာတွေ့တော့ ‘’ကွမ်းယာတွေ ဖမ်းနေတယ်မဟုတ်လား’’ ဆုိုပြီး ကျနော်နှုတ်က အလုိုလိုထွက်သွားပါတယ်။မဖမ်းပါဘူး။ ကွမ်းသွေးထွေးတာကိုပဲဖမ်းတာပါ။ ဒါကြောင့် ကျနော်မထွေးပဲငုံထား တာလေဆုိုပြီ တက္ကစီဆရာကပြန်ပြောပါတယ်။ ဒီတော့မှ တက္ကစီသမား စကားနဲနေတာ ဒါကြောင့်ကုိုးဆုိုပြီး သဘောပေါက်ပါတယ်။ ကွမ်းသွေးထွေးသူတွေကို ဖမ်းနေတယ်ဆုိုတာ ဟုတ်လောက်ပါတယ်။ အရင်ခရီးစဉ်တွေနဲ့စာရင် တတ္ကစီသမားတွေ မီးပုိုင့်မှာရပ်နေတုန်း လမ်းမပေါ် ကွမ်းသွေးထွေးတာ မတွေ့မိတော့သလောက်ပါပဲ။

ရန်ကုန်မြို့ထဲဝင်လာတော့ ပထမ ဆုံးသတိပြုမိတာက မုိုင် ကုန်းကျော်တံတားကြီး။ အရင်ခရိးစဉ်တွေ တုန်းက ဒါတွေမရှိသေးဘူးလေ။ လှည်းတန်း၊ ရွှေဂုံတုိုင်နဲ့ ဘုရင်နောင် နေရာပဲရှိပါသေးတယ်။ အခုတော့ မုိုင်အပြင် ကုက္ကိုင်းလမ်းဆုံနဲ့ တာမွေအ၀ုိုင်းကြီးမှာလည်း ကုန်းကျော်တံတားကြီးက နည်းတာမဟုတ်။ ဒါပေမဲ့ ကိစ္စတခုရှိလုို့ အဲဒီတံတားဘေးကနေ ကုန်တုိုက်ဆီလမ်းလျောက်တဲ့အခါ အရင်ကရှိခဲ့ဖူးတဲ့ ခပ်ကျယ်ကျယ် ပလက်ဖောင်းတွေ အခု မရှိတော့ပါ။ လူသွားလမ်းတွေ၊ လူကူးမျဉ်းကြားတွေလည်း မရှိတော့ပါ။

ဒီတော့ ကားတစီးစာသာသွားနုိုင်တဲ့ လမ်းကျဉ်းလေးပေါ်ဆင်းပြီး အရဲစွန့် ဖြတ်လျောက်ခဲ့ရပေါ့။ ခက်တာက ဒီက ကားဆရာတွေက လမ်းလျောက်သူကို ဦးစားပေးရကောင်းမှန်းသိပုံမရသေး။ စက်တပ်ယဉ်နဲ့ လူတွေကြားမှာ ဘယ်သူ့ကုိုဦးစားပေးရမယ်ဆုိုတဲ့ (Rule and Regulation) လုပ်ထုံးလုပ်နည်း ဒီနုိုင်ငံမှာ ရှင်းရှင်းလင်းလင်းရှိပုံမရသေးပါ။ ကားဆရာက ဟွန်းတဒီဒီ တီးတဲ့အချိန်မှာ အမြန်သာခုန်ပျံကျော်လွှား ရှောင်ပေတော့။ နုို့မုို့လုို့ကတော့ ကားတုိုက်ခံရနုိုင်ပါတယ်။ အနဲဆုံးတော့သေချင်ပြီလား’’ ဆုိုပြီး အဆဲခံ ရနုိုင်ပါတယ်။ ဒီနုိုင်ငံမှာ မိတ်ဖြစ်ဆွေဖြစ် နှုတ်ခွန်းဆက်ဖုို့ စကားလုံးရှားသလောက် ဆဲဆုိုဖုို့စကားလုံး များလွန်းနေတာကလဲ ပြုပြင်ဖုို့လုိုနေတဲ့ ကိစ္စတခုပါပဲ။

အဲဒီ ကုန်းကျော်တံတားသစ်ကြီးဘေးနားက ကုန်တုိုက်သစ်ပေါ်မှာ ထမင်းစားမယ်ပြင်တော့ ထုိုင်းစတုိုင် စားစရာတွေက ဘန်ကောက်ထက် ဈေးနှစ်ဆများနေပါတယ်။ ထမင်းတပွဲ ၄၅၀၀၊ အအေးတခွက် ၃၀၀၀ တဲ့။ ဘန်ကောက်မှာဆုို ဘတ် ၅၀ (၂၀၀၀ ကျပ်ဝန်းကျင်) လောက်သာပေးရတဲ့ ကြက်ဆီထမင်းလုိုမျိုး အစာတွေပါ။ ဒါပေမဲ့ အရသာက ဘန်ကောက်ကုန်တုိုက်တွေနဲ့ တခြားစီ။ မြန်မာရုိုးရာစားစရာများ ရှိမလားဆုိုပြိး လုိုက်ရှာပေမဲ့ မတွေ့မိပါ။ အာလုံး  နုိုင်ငံခြားစားစရာတွေချည်း။ ဈေးကြီးပြီး မူလအရသာကုို မမီတဲ့ နုိုင်ငံခြားစားစရာတွေအပြင် ဈေးချိုပြီး စံချိန်မီတဲ့ မြန်မာ့ရုိုးရာစားစရာတွေကုိုပါ ကုန်တုိုက်မှာ တင်ရောင်းနုိုင်ရင် ပုိုမကောင်းပေဘူးလား။

တနည်းအားဖြင့် ပြောမယ်ဆုိုရင်တော့ မြန်မာ့ပြုပြင်ပြောင်းလဲရေးဟာ နုိုင်ငံရေးလွတ်လပ်ခွင့်၊ စီးပွားရေး လွတ်လပ်ခွင့်ဖက်မှာ တစုံတရာပြောင်းလဲစပြုနေပြီဆုိုပေမဲ့ နုိုင်ငံသားတဦးချင်းစီရဲ့ စိတ်နေသဘောထား  ကတော့ ပြောင်းလဲမှု မရှိသလောက် နည်းနေဆဲလုို့ထင်ပါတယ်။ အာဏာရှိသူ၊ ငွေကြေးချမ်းသာသူကုို လူအများစုကြီးက လုိုတာထက် ပုိုလေးစားပြနေတာမျိုး၊ ကားမောင်းသူကုို လမ်းလျောက်သူက ဦးစားပေး နေရတာမျိုး၊ မျဉ်းကြားမှာလမ်းကူးနေသူက စည်းကမ်းမဲ့မောင်းလာတဲ့ ကားသမားကိုကြောက်နေရတာမျိုး၊ အရေးပေါ်လူနာတင်ယဉ်ကုို လမ်းမဖယ်ပေးပဲ စစ်ကား၊ လူကြီးကားလာမှ လမ်းပေးတာမျိုး၊ ချိုသာတဲ့စကား လုံးတွေအစား ဆဲဆိုတဲ့စကားလုံးတွေကို အလွယ်တကူ သုံးစွဲနေတာမျိုး အပါဝင် စသဖြင့် နုိုင်ငံသား တဦးချင်းဆုိုင်ရာ စံချိန်စံညွှန်းတွေကို ပြုပြင်ဖုို့လုိုနေဆဲဖြစ်ပါတယ်။




အရင်နှစ် ၅၀ လုံးလုံး စစ်အုပ်ချုပ်ရေးအောက်မှာနေခဲ့ရလုို့ နုိုင်ငံသားတွေရဲ့အဆင့်အတန်း ဒီလုိုဖြစ်သွား တယ်ဆုိုတာ မှန်ပေမဲ့ အခု စစ်အုပ်ချုပ်ရေးခေတ်မဟုတ်တော့ပါ။ ကမ္ဘာကလေးစားရတဲ့ခေါင်းဆောင်နဲ့ ကမ္ဘာ့ကအသိအမှတ်ပြုထားတဲ့ ဒီမုိုကရေစီအသွင်ကူးပြောင်းမှုခရီးစဉ်ထဲ ကျနော်တုို့ရောက်နေတာ ရက် ၁၀၀ နီးပါးရှိနေပါပြီ။ ဒါကြောင့်မုို့ စာနဲ့ရေးပြစရာမလုိုပဲ၊ ဥပဒေတခုအဖြစ်ထုတ်ပြီး သတိပေး တားမြစ်စရာမလုိုပဲ ကုိုယ့်အသိစိတ်နဲ့ကုိုယ် နုိုင်ငံကြီးသား ပီသစွာလုိုက်နာကျင့်သုံးသင့်တဲ့ တဦးချင်းဆုိုင်ရာ စံချိန်စံညွှန်းတွေကို ကျနော်တုို့အားလုံး စတင်လုိုက်နာကျင့်ကြံဖုို့ လုိုနေပြီဖြစ်ပါတယ်။         

Share

Twitter Delicious Facebook Digg Stumbleupon Favorites More