Tuesday, October 4, 2022

“မြေပြင်မှာ တကယ်တိုက်ပွဲဝင်နေတဲ့ တော်လှန်ရေးသမားတွေကို ကူညီပေးနိုင်ဖို့ ...



“မြေပြင်မှာ တကယ်တိုက်ပွဲဝင်နေတဲ့ တော်လှန်ရေးသမားတွေကို ကူညီပေးနိုင်ဖို့ ကြိုးစားသွားပါ့မယ်”
(ဟန်လေး - စစ်အာဏာရှင်ကိုဆန့်ကျင်သော မြန်မာအလှမယ်)

(၄-၁၀-၂၀၂၂)

“စစ်အာဏာရှင်ဖြုတ်ချရေးအတွက် ရှေ့တန်းစစ်မြေပြင်မှာ အသက်စွန့်တိုက်ပွဲဝင်နေတဲ့ နွေဦးတော်လှန်ရေးသမားတွေကို အတတ်နိုင်ဆုံးကူညီပေးသွားမယ်၊ တော်လှန်ရေး ရန်ပုံငွေရှာဖွေရေးကို ဦးစားပေးလုပ်သွားမယ်” လို့ စစ်အာဏာရှင်ကို ဆန့်ကျင်သော မြန်မာအလှမယ် ဟန်လေးက ပြောပါတယ်။

သူ့နိုင်ငံကူးလက်မှတ်ကို စစ်ကောင်စီက ပယ်ဖျက်လိုက်တဲ့အတွက် ဘန်ကောက် အပြည်ပြည်လေဆိပ်မှာ ဖမ်းဆီးခံရပြီး ကနေဒါနိုင်ငံကိုရောက်သွားတဲ့ အလှမယ်ဟန်လေးကို ဘာတွေဆက်လုပ်ဖို့စီစဉ်ထားသလဲဆိုပြီး BNN သတင်းဌာနက ဦးထက်အောင်ကျော် မေးမြန်းစဉ် ဒီလိုဖြေကြားခဲ့တာပါ။

အခု ထုတ်လွှင့်ပေးမယ့်မေးမြန်းချက် ဒုတိယပိုင်းမှာ ...
- အလှမယ်ရွေးပွဲတုန်းက စစ်ကောင်စီကို ဘယ်လိုဆန္ဒပြကန့်ကွက်ခဲ့သလဲ...

- ကနေဒါမှာ ဘာတွေဆက်လုပ်ဖို့ စဉ်းစားထားသလဲ...

- တော်လှန်ရေးတနှစ်ခွဲကြာလာတဲ့အထိ ကိုယ်နဲ့မဆိုင်သလို နေနေသူတွေကို ဟန်လေးက ဘယ်လိုပြောထားသလဲ...

- ရှေ့တန်းစစ်မြေပြင်က တော်လှန်ရေးရဲဘော်တွေအတွက် ဟန်လေးရဲ့ အားပေးစကား...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(အရင်ကြေညာထားတဲ့ စစ်ရေးဝေဖန်သူ ဦးသန်းစိုးနိုင်နဲ့ မေးမြန်းချက် ဒုတိယပိုင်းကိုတော့ ကြာသပတေးနေ့မှာ ထုတ်လွှင့်ပေးပါမယ်)

(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)

Sunday, October 2, 2022

စစ်အာဏာရှင်ကို ဆန့်ကျင်သော အလှမယ် ဟန်လေးနှင့် မေးမြန်းချက် (၁)



စစ်အာဏာရှင်ကို ဆန့်ကျင်သော အလှမယ် ဟန်လေးနှင့် မေးမြန်းချက် (၁)
--------------------------------------
(၃-၁၀-၂၀၂၂)

“စစ်အာဏာသိမ်းမှုကို ဆန့်ကျင်ကြောင်း အလှမယ်ရွေးပွဲမှာပြောခဲ့တဲ့အတွက် စစ်ကောင်စီတာဝန်ရှိသူတွေက ဘန်ကောက်လေဆိပ်အထိ လိုက်လာပြီး သူမကို ဖမ်းဆီးဖို့ကြိုးစားခဲ့တာဖြစ်တယ်” လို့ စစ်အာဏာရှင်ကို ဆန့်ကျင်သော မြန်မာအလှမယ် ဟန်လေးကပြောပါတယ်။

သူမရဲ့ နိုင်ငံကူးလက်မှတ်ကို စစ်ကောင်စီက ပယ်ဖျက်လိုက်တဲ့အတွက် ဘန်ကောက် အပြည်ပြည်လေဆိပ်မှာဖမ်းဆီးခံရမှုအခြေအနေ၊ အဲဒီမှာ ၆ ရက်ကြာနေပြီးနောက် ကနေဒါနိုင်ငံဆီ ရောက်သွားတဲ့အခြေအနေတွေနဲ့ပတ်သက်ပြီး BNN သတင်းဌာနက ဦးထက်အောင်ကျော်မေးမြန်းစဉ် အလှမယ်ဟန်လေးက ဒီလိုဖြေကြားခဲ့တာပါ။

အခု ထုတ်လွှင့်ပေးမယ့်မေးမြန်းချက် ပထမပိုင်းမှာ ...
- ကနေဒါကို ဘယ်လိုရောက်လာတာလဲ...

- ဘန်ကောက်လေဆိပ်မှာ စစ်ကောက်စီ ရဲတပ်ဖွဲ့က သူမကို ဖမ်းဖို့ ဘယ်လိုကြိုးစားခဲ့တာလဲ...

- UNHCR က ဘယ်လိုကာကွယ်ပေးခဲ့သလဲ...

- အလှမယ်ရွေးပွဲတုန်းက ဟန်လေး ဘာတွေပြောခဲ့သလဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(နွေဦးတော်လှန်ရေး ရန်ပုံငွေရှာဖွေရေးအတွက် ကနေဒါမှာ ဘယ်လိုဆက်လုပ်မလဲ- ဆိုတဲ့အကြောင်းပါဝင်တဲ့ ဒုတိယ ပိုင်းကိုတော့ မနက်ဖန်မှာ ဆက်လက်ထုတ်လွှင့်ပေးမှာဖြစ်ပါတယ်)

(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန် တိုက်တွန်းပါသည်။)

Saturday, October 1, 2022

“တနှစ်အတွင်း စစ်ကောင်စီတပ် အင်အား သုံးသောင်းလောက် ရုတ်လျော့သွားတယ်ဆိုတာ ...



“တနှစ်အတွင်း စစ်ကောင်စီတပ် အင်အား သုံးသောင်းလောက် ရုတ်လျော့သွားတယ်ဆိုတာ ဖြစ်နိုင်ပါတယ်”
(ဦးသန်းစိုးနိုင်၊ နိုင်ငံရေး - စစ်ရေး ဝေဖန်သုံးသပ်သူ)
------------------------------------------------
(၁- ၁၀- ၂၀၂၂)

“ခုခံတော်လှန်စစ် တနှစ်တာအတွင်း စစ်ကောင်စီဖက်က နှစ်သောင်းကျော်ကျဆုံးပြီး တသောင်းလောက်ထိခိုက်ဒဏ်ရာရခဲ့တယ်ဆိုတဲ့စာရင်းဟာ ဖြစ်နိုင်ခြေအများကြီးရှိတယ်” လို့ နိုင်ငံရေး-စစ်ရေး ဝေဖန်သုံးသပ်သူ ဦးသန်းစိုးနိုင်ကပြောပါတယ်။

ပြီးခဲ့တဲ့ စက်တင်ဘာ ၆ ရက်နေ့မှာ NUG က ထုတ်ပြန်ခဲ့တဲ့ ခုခံတော်လှန်စစ် တနှစ်တာအစီရင်ခံစာပါ အချက်အလက်တွေနဲ့ပတ်သက်ပြီး BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလို ဖြေကြားခဲ့တာပါ။

အခု ထုတ်လွှင့်ပေးမယ့်မေးမြန်းချက် ပထမပိုင်းမှာ...
- စစ်ကောင်စီက ၁၀၀% ထိန်းချုပ်နိုင်တဲ့ နယ်မြေ ၂၀% လောက်ပဲကျန်တယ်ဆိုတာ ဘယ်အချက်တွေပေါ် အခြေခံ တွက်ချက်တာလဲ...

- တနှစ်အတွင်း စစ်ကောင်စီဖက်က နှစ်သောင်းကျော်ကျဆုံးပြီး တသောင်းခန့် ထိခိုက်ဒဏ်ရာရတယ်ဆိုတာ သိပ်များလွန်းမနေဘူးလား...

- PDF တွေအတွက် လက်နက်တပ်ဆင်နိုင်မှုက ၁၅% ပဲရှိသေးတယ်လို့ NUG ကပြောထားချိန်မှာ စကစ ဖက်က ထိခိုက်ကျဆုံး သုံးသောင်းလောက်ဖြစ်နေတာ ဘာကြောင့်လဲ...

- တနှစ်တာအတွင်း EAO နဲ့ PDF တွေကြား ပူးပေါင်းတိုက်ပွဲဝင်နိုင်မှုက အားရစရာ ရှိရဲ့လား...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(စစ်အရာရှိဟောင်း ဗိုလ်မှူးချုပ်အုန်းသွင် လုပ်ကြံခံရပြီးနောက်ပိုင်း စကစ အတွင်းရေးအခြေအနေ-ဆွေးနွေးချက်ပါတဲ့ ဒုတိယ ပိုင်းကိုတော့ တနလာၤညပိုင်းမှာ ထုတ်လွှင့်ပေးမှာဖြစ်ပါတယ်)

(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန် တိုက်တွန်းပါသည်။)

Thursday, September 29, 2022

လက်ယက်ကုန်းကျေးရွာ စာသင်ကျောင်း ပစ်ခတ်ခံရမှု ... မျက်မြင်သက်သေ ကျောင်းဆရ...



လက်ယက်ကုန်းကျေးရွာ စာသင်ကျောင်း ပစ်ခတ်ခံရမှု ... မျက်မြင်သက်သေ ကျောင်းဆရာမ၏ ပြောကြားချက် ---------------------------------- (၂၇- ၉ -၂၀၂၂) စစ်ကိုင်းတိုင်း၊ ဒီပဲယင်းမြို့နယ်၊ လက်ယက်ကုန်းကျေးရွာ စာသင်ကျောင်းကို စစ်ကောင်စီတပ်တွေက စက်တင်ဘာ ၁၆ ရက်မှာ စစ်သုံးရဟတ်ယာဉ်နဲ့ပစ်ခတ်ခဲ့ပြီး မြေပြင်တပ်တွေကလည်း ဒဏ်ရာရထားသူတွေကို ဝင်ရောက်ဖမ်းဆီးခဲ့ပါတယ်။ ဒီပစ်ခတ်မှုကြောင့် အသက် ၇ နှစ်အရွယ်ကလေးငယ်တွေအပါဝင် အနည်းဆုံး ၁၃ ဦးသေဆုံးပြီး ၂၀ ကျော်ဖမ်းဆီးခံထားရတယ်လို့ မနေ့ကပြုလုပ်တဲ့ အွန်လိုင်း သတင်းစာရှင်းပွဲအတွင်း NUG အမျိုးသားညီညွတ်ရေးအစိုးရ တာဝန်ရှိသူတွေကပြောပါတယ်။ အဲဒီသတင်းစာရှင်းပွဲမှာ မျက်မြင်သက်သေအဖြစ် တက်ရောက်ရှင်းပြတဲ့ လက်ယက်ကုန်းကျေးရွာက ဆရာမ ဒေါ်အေးမာရဲ့ ပြောကြားချက်တွေကို အခု မူရင်းအတိုင်း ထုတ်လွှင့်ပေးလိုက်ပါတယ်။

“သူတို့ပြေးရတာ ကိစ္စမရှိဘူး၊ တော်လှန်ရေးကိုသာ နိုင်အောင်တိုက်ပါလို့ ဒုက္...



“သူတို့ပြေးရတာ ကိစ္စမရှိဘူး၊ တော်လှန်ရေးကိုသာ နိုင်အောင်တိုက်ပါလို့ ဒုက္ခသည်တွေကပြောပါတယ်”
(ဗညားခွန်အောင်- ညွှန်ကြားရေးမှူး- KHRG)
-------------------------------------------------
(၂၉ - ၉ -၂၀၂၂)

“တိုက်ပွဲဖြစ်လို့ ကျမတို့အိမ်ကနေထွက်ပြေးရတာ ကိစ္စမရှိဘူူး။ တော်လှန်ရေးကိုသာ နိုင်အောင်တိုက်ပါ” လို့ စစ်ပြေးဒုက္ခသည်တွေက သူ့ကို ပြောတယ်လို့ ကရင်နီလူ့အခွင့်အရေးအဖွဲ့ KHRG ညွှန်ကြားရေးမှူး ဗညားခွန်အောင်ကပြောပါတယ်။

နွေဦးတော်လှန်ရေးမှာ ရှေ့တန်းကပါဝင်နေတဲ့ ကရင်နီဒေသက တိုက်ပွဲအခြေအနေ၊ စစ်ပြေးဒုက္ခသည်အခြေအနေ၊ ကူညီကယ်ဆယ်ရေးအခြေအနေတွေနဲ့ပတ်သက်ပြီး BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလိုဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ဒုတိယပိုင်းမှာ ...
- UN ကယ်ဆယ်ရေးအဖွဲ့တွေက စကစ ခွင့်ပြုချက်ပေးတဲ့နေရာလောက်ပဲ ကူညီခွင့်ရှိတာလား...

- နယ်စပ်ဖြတ်ကျော် ကူညီပေးနိုင်မယ့်အလားအလာ ဘယ်လောက်အထိ တိုးတက်လာနေပြီလဲ...

- ပြည်ပရောက် မြန်မာတွေက IDP တွေကို ကိုယ်တိုင်ကူညီတာအပြင် သက်ဆိုင်ရာနိုင်ငံက အစိုးရတွေကိုပါ ဖိအားပေးတောင်းဆိုဖို့လိုအပ်နေသလား...

- ကရင်နီတွေတိုက်ပွဲဝင်နေသလို အခြားဒေသတွေအားလုံး တိုက်ပွဲထဲပါမလာသေးတဲ့အပေါ် ဘယ်လိုမြင်သလဲ...

- တနှစ်ခွဲကြာ နွေဦးတော်လှန်ရေးက ဘယ်လောက်အထိ ရှေ့ကို တိုးတက်လာနေပြီလဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန် တိုက်တွန်းပါသည်။)

Wednesday, September 28, 2022

Interview with Nan Mwe San Part1


၂၀၁၉ ခုနှစ် သြဂုတ်လက ပြုလုပ်ခဲ့တဲ့ မော်ဒယ် နန်းမွေစံနှင့်  One News မေးမြန်းချက်ကို မှတ်တမ်းအဖြစ် ဖေါ်ပြထားပါတယ်။

ဒီနေ့ နန်းမွေစံကို စကစက ထောင်ဒဏ် ၆ နှစ်ချလိုက်တယ်ကြားလို့...အရင်က draft အဖြစ် ဆေစ်ထားကို အက်တစ်လုပ်လိုက်ပါတယ်။

သူဟာသူ မော်ဒယ်လုပ်တာ စကစ ကို ဘာများ ထိခိုက်စေလို့လဲ...?

Tuesday, September 27, 2022

“မိုးဗြဲ တမြို့တည်းမှာတင် IDP တသောင်းကျော် ထပ်တိုးလာပါတယ်”



“မိုးဗြဲ တမြို့တည်းမှာတင် IDP တသောင်းကျော် ထပ်တိုးလာပါတယ်”
(ဗညားခွန်အောင်- ညွှန်ကြားရေးမှူး- KHRG)
-------------------------------------------------
(၂၇- ၉ -၂၀၂၂)

“စစ်ကောင်စီတပ်တွေက လူနေရပ်ကွက်တွေကိုပါ ပစ်ခတ်နေတဲ့အတွက် မိုးဗြဲမြို့ကနေ ထပ်မံထွက်ပြေးလာရတဲ့အရပ်သားဦးရေ တသောင်းကျော်အထိရှိနေပြီ” ဖြစ်တယ်လို့ ကရင်နီလူ့အခွင့်အရေးအဖွဲ့ KHRG ညွှန်ကြားရေးမှူး ဗညားခွန်အောင်ကပြောပါတယ်။

နွေဦးတော်လှန်ရေးမှာ ရှေ့တန်းကပါဝင်နေတဲ့ ကရင်နီဒေသက တိုက်ပွဲအခြေအနေ၊ UNOCHA က ထုတ်ပြန်ထားတဲ့ IDP စာရင်း တသန်းခွဲနီးပါးရှိနေပြီဆိုတဲ့ အခြေအနေတွေနဲ့ပတ်သက်ပြီး BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလိုဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ပထမ ပိုင်းမှာ ...
- ကရင်နီဒေသမှာ နေရပ်စွန့်ခွာထွက်ပြေးနေရတဲ့ ဒုက္ခသည်ဦးရေ ဘယ်လောက်အထိ ရှိနေပြီလဲ...

- ကရင်နီဒေသက တိုက်ပွဲတွေရဲ့ နောက်ဆုံးအခြေအနေ...

- ရှမ်းတောင်ပိုင်းရောက် ကရင်နီဒုက္ခသည်တွေ အောက်တိုဘာလအတွင်း အိမ်ပြန်ရမယ်ဆိုတာ ဖြစ်နိုင်ခြေရှိသလား...

- ကရင်နီဒုက္ခသည်တွေကို UN နဲ့ နိုင်ငံတကာအဖွဲ့အစည်းတွေက ဘယ်လိုအကူအညီပေးနေသလဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(ဒုက္ခသည်တွေကို နယ်စပ်ဖြတ်ကျော် ကူညီပေးခွင့်ရလာနိုင်ခြေရှိသလား- ဆွေးနွေးချက်ပါတဲ့ ဒုတိယ ပိုင်းကိုတော့ မနက်ဖန်ညမှာ ဆက်လက် ထုတ်လွှင့်ပေးမှာဖြစ်ပါတယ်)

(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန် တိုက်တွန်းပါသည်။)

Sunday, September 25, 2022

“NUG ကို နိုင်ငံတကာခေါင်းဆောင်တွေက တွေ့ဆုံတယ်ဆိုတာဟာ တရားဝင်အသိအမှတ်ပြုခ...



“NUG ကို နိုင်ငံတကာခေါင်းဆောင်တွေက တွေ့ဆုံတယ်ဆိုတာဟာ တရားဝင်အသိအမှတ်ပြုခြင်း တမျိုးပါပဲ” (ဦးကျော်ဇော - NUG သမ္မတရုံးပြောခွင့်ရပုဂ္ဂိုလ်) -------------------------------- (၂၃- ၉ -၂၀၂၂) အာဆီယံဒေသက မလေးရှားနိုင်ငံခြားရေးဝန်ကြီးအပါဝင် နိုင်ငံတကာခေါင်းဆောင်တွေက အမျိုးသားညီညွတ်ရေးအစိုးရ NUG ကို တွေ့ဆုံဆွေးနွေးမှုတွေဟာ NUG ကို မြန်မာနိုင်ငံရဲ့ တရားဝင်အစိုးရအဖြစ် အသိအမှတ်ပြုတဲ့သဘောဖြစ်တယ်လို့ သမ္မတရုံး ပြောခွင့်ရပုဂ္ဂိုလ် ဦးကျော်ဇော ကပြောပါတယ်။ နယူးယောက်မှာကျင်းပနေတဲ့ ကုလသမဂ္ဂအထွေထွေညီလာခံသို့ ရောက်နေကြတဲ့ နိုင်ငံတကာခေါင်းဆောင်အချို့နဲ့ NUG, NUCC, CRPH ကိုယ်စားလှယ်တွေ ခပ်စိပ်စိပ် တွေ့ဆုံဆွေးနွေးမှုအခြေအနေ၊ ဦးကျော်မိုးထွန်းအား UN သံအမတ်ကြီးအဖြစ် ဆက်လက်တာဝန်ပေးအပ်ရေးအလားအလာတွေနဲ့ပတ်သက်ပြီး BNN သတင်းဌာနမှ ဦးထက်အောင်ကျော် မေးမြန်းစဉ် သူက အဲဒီလိုဖြေကြားခဲ့တာပါ။ အခု ထုတ်လွှင့်ပေးမယ့် မေးမြန်းချက် ပထမ ပိုင်းမှာ... - မလေးရှားနိုင်ငံခြားရေးဝန်ကြီးနဲ့ ဆွေးနွေးမှုက နိုင်ငံရေးအရ ဘယ်လိုအရေးပါသလဲ... - NUG ကို တရားဝင်အစိုးရအဖြစ် နိုင်ငံတကာက အသိအမှတ်ပြုလာနေပြီလား... - ဦးကျော်မိုးထွန်းကို UN ဆိုင်ရာ မြန်မာသံအမတ်ကြီးအဖြစ် ဆက်လက်တာဝန်ပေးနိုင်ခြေ ဘယ်လောက်ရှိသလဲ... - ပြည်တွင်း-ပြည်ပ ဆန္ဒပြပွဲတွေက UN တာဝန်ရှိသူတွေကို ဘယ်လောက်အထိ ဖိအားပေးနိုင်သလဲ... စတဲ့အကြောင်းအရာတွေကို ဆွေးနွေးတင်ပြထားပါတယ်။ (ယူကရိန်းတော်လှန်ရေးက နိုင်ငံတကာအကူအညီရပြီး မြန်မာ့နွေဦးတော်လှန်ရေးက နိုင်ငံတကာအကူအညီ ဘာကြောင့်မရသေးတာလဲ...ဆွေးနွေးချက်ပါတဲ့ ဒုတိယ ပိုင်းကိုတော့ တနင်္ဂနွေညပိုင်းမှာ ဆက်လက်ထုတ်လွှင့်ပေးမှာဖြစ်ပါတယ်) (အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန် တိုက်တွန်းပါသည်။)

“ခုခံတော်လှန်စစ် ဒုတိယနှစ်ဟာ အောင်မြင်မှုသိသာစွာရလာမယ့် ကာလဖြစ်ပါတယ်”



“ခုခံတော်လှန်စစ် ဒုတိယနှစ်ဟာ အောင်မြင်မှုသိသာစွာရလာမယ့် ကာလဖြစ်ပါတယ်”
 (ဦးကျော်ဇော - NUG သမ္မတရုံး ပြောခွင့်ရပုဂ္ဂိုလ်)
-------------------------------------
(၂၅- ၉ -၂၀၂၂)

“ခုခံတော်လှန်စစ် ဒုတိယ နှစ်ထဲဝင်လာတဲ့ ၂၀၂၃ မှာ သိသာထင်ရှားတဲ့ နိုင်ငံရေး အလှည့်အပြောင်းတွေ၊ အောင်မြင်မှုတွေရလာဖို့ NUG က မျှော်မှန်းထားတယ်” လို့ သမ္မတရုံး ပြောခွင့်ရပုဂ္ဂိုလ် ဦးကျော်ဇောက ပြောပါတယ်။

နယူးယောက်မှာ ကျင်းပနေတဲ့ ကုလသမဂ္ဂ အအထွေထွေညီလာခံက NUG ကို အသိမှတ်ပြုမယ့်အလားအလာ၊ နွေဦးတော်လှန်ရေး တနှစ်ခွဲကြာ တိုးတက်မှုအခြေအနေတွေနဲ့ ပတ်သက်ပြီး BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလိုဖြေကြားသွားတာပါ။

အခု ထုတ်လွှင့်ပေးမယ့် မေးမြန်းချက် ဒုတိယပိုင်းမှာ ...
- နိုင်ငံတကာအသိုင်းအဝိုင်းက စစ်ရေးအကူအညီပေးနိုင်မယ့် အလားအလာ ဘယ်လိုရှိသလဲ...

- ယူကရိန်းတော်လှန်ရေးသမားတွေနဲ့ မြန်မာ့နွေဦးတော်လှန်ရေးသမားတွေကြား ဆက်ဆံရေး မထူထောင်နိုင်သေးတာ ဘာကြောင့်လဲ...

- စစ်တပ်က ၁၀၀% ထိန်းချုပ်နိင်တဲ့နယ်မြေ ၂၀% လောက်ပဲ ကျန်တယ်ဆိုတာ ဘယ်လို အချက်အလက်ပေါ်အခြေခံပြောတာလဲ...

- ခုခံတော်လှန်စစ် တနှစ်တာအတွင်း အောင်မြင်မှုကို NUG က အားရကျေနပ်သလား...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန် တိုက်တွန်းပါသည်။)

Tuesday, September 20, 2022

“စာသင်ကျောင်းကို ပစ်တယ်ဆိုတာဟာ ဘယ်လိုမှ တောင်းပန်လို့မရတဲ့ အမှားပဲ”



“စာသင်ကျောင်းကို ပစ်တယ်ဆိုတာဟာ ဘယ်လိုမှ တောင်းပန်လို့မရတဲ့ အမှားပဲ”
(ဗိုလ်ကြီးဇေသူအောင်- CDM- လေတပ်အရာရှိ)
--------------------------------------
(၂၀-၉ -၂၀၂၂)

စစ်ကိုင်းတိုင်း ဒီပဲမြို့နယ်က လက်ယက်ကုန်းကျေးရွာ စာသင်ကျောင်းကို Mi 35 စစ်ရဟတ်ယာဉ်နဲ့ ပစ်ခတ်မှုဟာ ဘယ်လိုမှ ပြန်တောင်းပန်လို့မရနိုင်တဲ့ အမှားကို စစ်ကောင်စီက ကျုးလွန်လိုက်တာဖြစ်တယ်လို့ CDM လေတပ်အရာရှိ ဗိုလ်ကြီးဇေသူအောင်က ပြောပါတယ်။

စက်တင်ဘာ ၁၆ ရက်နေ့ကဖြစ်ပွားခဲ့တဲ့ ဒီပစ်ခတ်မှုကြောင့် အသက် ၇ နှစ် ကလေးငယ်တွေအပါဝင် လူတဒါဇင်ကျော် သေဆုံးရမှုအပေါ် ကုလသမဂ္ဂအပါဝင် ပြည်တွင်း- ပြည်ပ ကန့်ကွက်နေတဲ့အခြေအနေနဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလိုဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ပထမ ပိုင်းမှာ...
- Mi 35 လေယာဉ်မောင်းခဲ့ဖူးသူတွေ အရှက်ရစရာဖြစ်ကုန်ပြီလား...
- စာသင်ကျောင်းမှန်းသိရဲ့နဲ့ ဘာလို့ပစ်တာလဲ...
- အမိန့်ပေးသူနဲ့ တကယ်ပစ်သူ ဘယ်သူ့မှာ တာဝန်ပိုရှိသလဲ...
- စကစ က စစ်လေယာဉ်တွေကို နင်းကန်သုံးလာတာ ဘာကြောင့်လဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(စကစ ဖက်က လေကြောင်းအသာရနေမှုကို ဘယ်လိုတုန့်ပြန်သင့်သလဲ...ဆွေးနွေးချက်ပါတဲ့ ဒုတိယ ပိုင်းကိုတော့ မနက်ဖန်ညပိုင်းမှာ ဆက်လက်ထုတ်လွှင့်ပေးမှာဖြစ်ပါတယ်)

(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန် တိုက်တွန်းပါသည်။)

Monday, September 19, 2022

ဗိုလ်မှူးကြီး ဂျိမ်းစ် လန်ဒေါင်း သို့ သတိရခြင်း...

 ဗိုလ်မှူးကြီး ဂျိမ်းစ် လန်ဒေါင်း သို့ သတိရခြင်း...

------------------------------

(၁၉ - ၉ -၂၀၂၂)





KIO နိုင်ငံခြားဆက်ဆံရေး ဒုတာဝန်ခံဟောင်း ဗိုလ်မှူးကြီး ဂျိမ်းစ် လန်ဒေါင်း James Lum Dau ကွယ်လွန်တယ်။ သူ့ဈာပနအခမ်းအနားကို ချင်းမိုင်မှာလုပ်တယ်၊ တော်လှန်ရေးသမားတွေ တက်ရောက်ကြတယ်ဆိုတဲ့သတင်းကို မနေ့က တွေ့မိပါတယ်။


တကယ်ဆို ဟိုး...မြန်မာပြည်မြောက်ဖျား ပူတာအိုဖက်က ကချင်သူပုန်တဦးနဲ့ ဟိုး... မြန်မာပြည်တောင်ဖျား ကော့သောင်းကျွန်းစုနားက ထားဝယ်သူပုန်တဦး လူချင်းတွေ့ဖို့ဆိုတာ ဖြစ်နိုင်ခြေသိပ်နည်းပါတယ်။


ဒါပေမယ့် ထူးထူးခြားခြား ဗိုလ်မှူးကြီး ဂျိမ်းစ်ကို ကျနော် စတွေ့ဖူးတာ ၁၉၈၉ နှောင်းပိုင်း။ ၈၈ တော်လှန်ရေး အရှိန်ကောင်းနေစဉ်အချိန်တုန်းကပေါ့...။


မာနယ်ပလော၊ ကလက်ဒေး၊ ဝမ်ခ၊ သေဘောဘိုး၊ မောကဲ... မဲဆောက်ဖက်မှာ KNU နယ်မြေကော်မီတီ တာဝန်ပြီးဆုံးလို့ မဲဆောက်ကနေ မင်းသမီးစခန်းအပြန် ဘန်ကောက်ကို ခနဝင်စဉ် သူနဲ့ စတွေ့ဖူးတာပါ။


မဲဆောက်ကနေ ဘန်ကောက်ကို လိုက်ပို့ပေးတဲ့ ထိုင်းထောက်လှမ်းရေးက ဘန်ကောက်မြို့လယ် ပန်ထစ်ပလာဇာက သူ့ရုံးခန်းဆီ ကျနော်နဲ့အခြား ရဲဘော်တဦးတို့ကို ပို့ပေးထားခဲ့တာ။ အဲတုန်းက သူဟာ နိုင်ငံခြားရေးအပြင် စီးပွားရေးဌာနကိုလည်း တာဝန်ယူထားရတယ် ထင်ပါတယ်။


အနောက်တိုင်းဝတ်စုံနဲ့ ဗိုလ်မှူးဂျိမ်းစ်ကို KIO အရာရှိမှန်း ကျိုးဖိုး ၂ ဦးက မသိပါဘူး။ ကချင်တွေ အဝတ်အစား အနေအထိုင် စမတ်ကျမှုက ကျိုးဖိုးတွေအများစုနေတဲ့ ကရင်ဒေသက ပဒိုတွေနဲ့မတူဘူးရယ်။


ခင်ဗျားတို့ဆာနေမှာပေါ့ဆိုပြီး ကုန်တိုက်ပေါ် ထမင်းလိုက်ကျွေးတော့... ကိုယ်တွေက တအားဆွဲခဲ့တာ အမှတ်ရနေဆဲ..။ ဝမ်ခမှာ မီးသွေးဖုတ်၊ ကျည်ခွံကောက် ရောင်းပြီး အမိုးဆိုင်မှာ ကော်ဖီတခွက်ရဖို့အရေး ကြိုးစားခဲ့ရပုံ၊ မဲဆောက်က ဒေါက်တာစင်သီယာ ဆေးခန်းမှာ တန်းစီပြီး ထမင်းဆွဲခဲ့တာတွေကို ပြန်သတိရမိ။


ဒါဟာ ဗိုလ်မှူးကြီး ဂျိမ်းစ်ကို ပထမ ဆုံးတွေ့ဖူူးခြင်းပါ။ လမ်းကြုံလို့ ခနဆုံဖူးခြင်းပဲ ဆိုတော့ ထူးထူးခြားခြား ဆွေးနွေးမှုလည်းမရှိပါ။ တောကတက်လာတဲ့ ရဲဘော်လေး ၂ ဦးကို အရာရှိတဦးက ခဏတွေ့ပြီး ကူညီပေးလိုက်တဲ့သဘောလောက်ပါပဲ။ 

--------------


ဒါပေမယ့် မဲဆောက်နဲ့ ဘန်ကောက်မှာတွေ့မိတဲ့ KNU အရာရှိတွေ၊ KIO အရာရှိတွေကို ကြည့်ပြီး တော်လှန်ရေးဆိုတာ ဒီလို ရေရှည်လုပ်ရတဲ့အမျိုးလား၊ စီးပွားရေးလုပ်ငန်းတွေ၊ ဝင်ငွေရတဲ့အလုပ်တွေရှာပြီး ဆယ်စုနှစ်နဲ့ချီ လုပ်ရတဲ့အမျိုးလား... ဒါတွေက နောက်မှ စဉ်းစားမိတာပါ။ 


အဲတုန်းကတော့ တော်လှန်ရေးပြီးရင် အိမ်ပြန်မယ်။ ကျောင်းပြန်တက်မယ်- စက်ဘီး ပြန်စီးမယ်ပေါ့...။ မကြာခင် ရွေးကောက်ပွဲလည်းရှိတယ်၊ ဒေါ်အောင်ဆန်းစုကြည်ပါတီ နိုင်ရင် ငါတို့ အိမ်ပြန်လို့ရပြီ၊ နောက်ထပ်ကြာလှ တနှစ်ပေါ့... ၃ နှစ်အတွင်း အိမ်ပြန်ရမယ်ဆိုတဲ့... ကလေးအတွေးပဲ ရှိနေခဲ့တာပါ။


အဲဒါ ၁၉၈၉- ၉၀ လက်နက်ကိုင်တော်လှန်ရေး အရှိန်ကောင်းစဉ်အခါကပေါ့...။ ဒီလိုနဲ့ ဗိုလ်မှူးဂျိမ်းစ်ကို ဒုတိယ အကြိမ် ကျနော်ပြန်တွေ့တော့ ၂၀၀၄ ဝန်းကျင်လို့ထင်ပါတယ်။ တကယ်တော့ လူချင်းတွေ့တာမဟုတ်ပါဘူး။ တယ်လီဖုန်းနဲ့ စကားပြောတာပါ။


သူက KIO နိုင်ငံခြားရေး ဒုတိယ တာဝန်ခံအဖြစ် ဆက်တာဝန်ထမ်းနေဆဲဖြစ်ပေမယ့် ကျနော်က သူနဲ့ ပထမအခေါက် တွေ့စဉ်ကလို  ABSDF ရဲဘော် မဟုတ်တော့ဘူူး။ နော်ေ၀ အခြေစိုက် DVB သတင်းထောက်ဖြစ်နေပြီ။


မေးတဲ့အကြောင်းအရာက ညောင်နှစ်ပင်ညီလာခံကို KIO, NMSP အပါဝင် ငြိမ်း အဖွဲ့တွေ တက်နေတဲ့အပေါ် မတက်သင့်တဲ့ လေသံနဲ့ သွားမေးမိတာ။ သူက ကျနော်နဲ့ လွန်ခဲ့တဲ့ ၁၀ နှ်ကျော်က တွေ့ခဲ့ဖူးတာကို မမှတ်မိဘူးရယ်။


နိုင်ငံရေးလုပ်တယ်ဆိုတာ အဖြူ-နဲ့ အမည်း ပဲရှိတာမဟုတ်ဘူး။ အညိုရောင်လည်းရှိတယ်။ ကိုယ်ဖြစ်ချင်တာချည်း ဦးစားပေးလို့မရဘူး။ လက်တွေ့ကျဖို့လည်းလိုသေးတယ်၊ ကျနော်ပြောတာတွေကို မူရင်းအတိုင်း ထည့်ပေးပါ- လိုတာကိုပဲ ဖြတ်မသုံးပါနဲ့...ဆိုပြီး ဝါရင့် တော်လှန်ရေး ခေါင်းဆောင်က သူပုန်လူထွက် သတင်းထောက်ပေါက်စကို တယ်လီဖုန်းထဲကနေ အချိန်အကြာကြီး တရားဟောခဲ့ပါတယ်။


ကိုယ်လည်း သူနဲ့တွေ့မှ မတူကွဲပြားတဲ့ မူလ အသံတွေကို မူလအတိုင်း ထည့်ပေးဖို့လိုတယ်ဆိုတာကို နည်းနည်းသဘောပေါက်လာပါတယ်။ အရင်ကတော့ သူပုန်လူထွက် သတင်းထောက်ဆိုတဲ့အတိုင်း နဝတ-နအဖ ကို အသေဆော်မှ ကြိုက်တာ။ မတင်မကျ ပြောတဲ့ လေသံတွေဆို ဖြတ်ထုတ်ပြီး နဝတ ကို အထိနာစေမယ့် အသံတွေကိုပဲ ရွေးပြီး တမင်တကာ ထုတ်ခဲ့ဖူးပေါ့။

--------------------------


နောက်ဆုံး သူ့ကို လူချင်းတွေ့ဖူးတာက ၂၀၀၇ ရွှေဝါရောင် တော်လှန်ရေးမဖြစ်ခင် ကာလလေးမှာလို့ ထင်ပါတယ်။ နယ်စပ်ဖက်ကို သတင်းကိစ္စနဲ့သွားရင်း ဘန်ကောက်က FCCT မှာတွေ့တာ။ အဲဒီအချိန်မှာ DVB က ရေဒီယိုအပြင် TV ပါ လွှင့်နေပြီဆိုတော့ Video အင်တာဗျုးလုပ်ဖြစ်ခဲ့ပါတယ်။


အခု ဗိုလ်မှူးဂျိမ်းစ် အကြောင်း အမှတ်တရရေးဖို့ အဲဒီပုံတွေ ပြန်ရှာတော့ တခုမှ မတွေ့ဘူး။ TV ကလွှင့်တာအပြင် Youtube မှာလည်း တင်ထားပေမယ့် ကိုယ်ပိုင်ချာနယ်မှာ တင်ထားတာမဟုတ်တော့ အခုထိ ပြန်ရှာမတွေ့သေး...။


၂၀၁၀ နောက်ပိုင်းမှာတော့ အခြေအနေတွေ တစုံတရာပွင့်လင်းလာတဲ့အတွက် KIO လိုင်ဇာ ဌာနချုပ်အထိ မီဒီယာတွေသွားခွင့်ရတာ၊ နေပြည်တော်က ငြိမ်းချမ်းရေးဆွေးနွေးပွဲတွေမှာ ပြောခွင့်ရလာတဲ့အတွက် တချိန်က ဗိုလ်မှုူးဂျိမ်းစ် ဆီ ကျနော်တို့ မဆက်သွယ်ဖြစ်တော့ပါဘူး။


ဟော...အခု ငြိမ်း ခေတ်ကုန်ပြီး စစ်ပွဲခေတ်ကို တခါပြန်ရောက်လာချိန်မှာ ဗိုလ်မှူးဂျိမ်းစ်က ထာဝရ အနားယူသွားခဲ့ပါပြီ။


အနှစ်ပြန်ချုပ်ရရင်တော့ ဗိုလ်မှူးဂျိမ်းစ် အပါဝင် KIO အရာရှိတွေဟာ စမတ်ကျတယ်၊ သက်ဆိုင်ရာ ဘာသာရပ်မှာ ကျွမ်းကျင်တယ်၊ စည်းရုံးရေး အားကောင်းတယ်၊ နိုင်ငံရေးအမြင်ကျယ်တယ်၊ ရေရှည်အတွက်လည်း ပြင်ဆင်ထားကြသူတွေဖြစ်တယ်လို့ ကျနော်ထင်ပါတယ်။


အခု နွေဦးတော်လှန်ရေးမှာလည်း KIO/KIA ဟာ အရေးကြီးတဲ့အခန်းကနေ တခါ ပြန်လည် ပါဝင်နေတယ်မဟုတ်ပါလား။ တော်လှန်ရေးဆိုတာ ရေတိုစီမံကိန်းအပြင် ရေရှည်စီမံကိန်းလည်း စနစ်တကျပြင်ထားဖို့လိုမယ်လို့ တွေးမိရင်း...



ဗိုလ်မှူးဂျိမ်းစ်-ကို အလေးပြုလိုက်ပါတယ်။


ထက်အောင်ကျော်

(၁၉-၉ -၂၀၂၂)

Sunday, September 18, 2022

“စစ်ကောင်စီဖက်က အင်အားကျဆင်းနေပြီး တော်လှန်ရေးဖက်က အင်အားပိုကောင်းလာနေပါ...



“စစ်ကောင်စီဖက်က အင်အားကျဆင်းနေပြီး တော်လှန်ရေးဖက်က အင်အားပိုကောင်းလာနေပါတယ်”
(ဒေါက်တာတင့်ဆွေ- နိုင်ငံရေး လေ့လာသုံးသပ်သူ)
------------------------------------------
(၁၈/ ၉ / ၂၀၂၂)

“နွေဦးတော်လှန်ရေး တနှစ်ခွဲကာလအတွင်း စစ်ကောင်စီဟာ ဘက်ပေါင်းစုံမှာ အင်အားကျဆင်းနေပြီး တော်လှန်ရေးအင်အားစုတွေဖက်ကတော့ တဖြေးဖြေးချင်း အင်အား ပိုကောင်းလာနေတယ်။ ဒီနှုန်းအတိုင်း ဆက်သွားနိုင်ရင် မကြာခင်မှာ စစ်ကောင်စီကို ဖြုတ်ချနိုင်လိမ့်မယ်” လို့ နိုင်ငံရေးလေ့လာသုံးသပ်သူ ဒေါက်တာတင့်ဆွေက ပြောပါတယ်။

တကမ္ဘာလုံးစိတ်ဝင်စားနေတဲ့ ယူကရိန်းစစ်ပွဲ ၆ လကျော်အခြေအနေနဲ့ ကမ္ဘာ့အာရုံစိုက်မှု အနည်းအကျဉ်းသာရတဲ့ မြန်မာ့နွေဦးတော်လှန်ရေး တနှစ်ခွဲကျော် အခြေအနေပေါ် နှိုင်းယှဉ်သုံးသပ်ချက်ပေးဖို့ BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလို ဖြေကြားသွားတာပါ။

အခုထုတ်လွှင့်ပေးမယ့် မေးမြန်းချက် ဒုတိယ ပိုင်းမှာ ...
- ယူကရိန်းတော်လှန်ရေးသမားတွေနဲ့ မြန်မာ့နွေဦးတော်လှန်ရေးသမားတွေကြားမှာ တွေ့ဆုံဆက်စပ်မှု ရှိလာအောင် ဘယ်လိုလုပ်သင့်သလဲ ...
- ယူကရိန်းတော်လှန်ရေးသမားတွေက နိုင်ငံတကာစစ်ရေးအကူအညီရပြီး မြန်မာတော်လှန်ရေးသမားတွေက မရသေးတာ ဘာကြောင့်လဲ...
- စစ်ရေးနဲ့တိုက်ရိုက်မဆိုင်တဲ့ နည်းပညာအကူအညီကော ရနိုင်ခြေရှိသလား...
- နွေဦးတော်လှန်ရေးတနှစ်ခွဲကာလအတွင်း စစ်ကောင်စီ ဘယ်လောက်အထိ အင်အားကျဆင်းသွားသလဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)

Friday, September 16, 2022

“ရုရှားကို ဆရာတင်တဲ့ နည်းဗျုဟာက မြန်မာ့အနာဂတ်ကို အနုတ်သဘောဆောင်စေပါတယ်”



“ရုရှားကို ဆရာတင်တဲ့ နည်းဗျုဟာက မြန်မာ့အနာဂတ်ကို အနုတ်သဘောဆောင်စေပါတယ်”
(ဒေါက်တာတင့်ဆွေ- နိုင်ငံရေး လေ့လာသုံးသပ်သူ)
--------------------------------------
(၁၆/ ၉ / ၂၀၂၂)

“ကျုးကျော်စစ်ဆင်နွဲနေတဲ့ ရုရှားသမ္မတကို ဆရာသွားတင်တဲ့ စစ်ကောင်စီ ဥက္ကဌရဲ့ လုပ်ရပ်ဟာ မြန်မာနိုင်ငံအတွက် အကျိုးမရှိစေပဲ အထီးကျန်မှုကိုသာ တိုးလာစေမှာဖြစ်တယ်” လို့ နိုင်ငံရေးလေ့လာသုံးသပ်သူ ဒေါက်တာတင့်ဆွေကပြောပါတယ်။

ရုရှားရဲ့ ကျုးကျော်စစ် ၆ လကျော်ကာလအတွင်း ယူကရိန်းဖက်က တန်ပြန်ထိုးစစ်ပြန်လုပ်နိင်တာ၊ ရုရှားတပ်တွေ ထွက်ပြေးနေရတာ၊ ယူကရိန်းခုခံစစ်နဲ့ မြန်မာနိုင်ငံက ခုခံစစ် တူညီချက်၊ ကွာခြားချက်တွေအကြောင်း BNN သတင်းဌာနက ဦးထက်အောင်ကျော် မေးမြန်းစဉ် သူက အဲဒီလို ဖြေကြားခဲ့တာပါ။

အခုထုတ်လွှင့်ပေးမယ့် မေးမြန်းချက် ပထမ ပိုင်းမှာ ...
- ယူကရိန်းက ခုခံစစ်ကနေ ထိုးစစ်ကို ပြန်လုပ်လာနိုင်တာ ဘာကြောင့်လဲ...
- ကျုးကျော်စစ်ဆင်နွဲနေသူ ရုရှားသမ္မတကို စကစ ဥက္ကဌက ဘာကြောင့် ဆရာသွားတင်တာလဲ...
- ရုရှား၊ တရုတ်နဲ့ မြန်မာ စကစ ကြားမှာ ဆက်ဆံရေး ဘယ်လိုဆက်ဖြစ်လာနိုင်သလဲ...
- ယူကရိန်းတော်လှန်ရေးမသားတွေနဲ့ မြန်မာ့နွေဦးတော်လှန်ရေးသမားတွေကြားမှာ တွေ့ဆုံဆက်စပ်မှု ရှိလာအောင် ဘယ်လိုလုပ်သင့်သလဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(ယူကရိန်းက နိုင်ငံတကာအကူအညီရပြီး မြန်မာက ဘာကြောင့် မရသေးတာလဲ- ဆွေးနွေးချက်ပါတဲ့ ဒုတိယ ပိုင်းကိုတော့ တနင်္ဂနွေညမှာ ဆက်လက် ထုတ်လွှင့်ပေးမှာဖြစ်ပါတယ်)

(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန် တိုက်တွန်းပါသည်။)

Monday, September 12, 2022

“တိုက်လေယာဉ်သုံးတယ်ဆိုတာ နောက်ဆုံးကျည်ဆံ ထုတ်သုံးနေရတဲ့ အဆင့်ရောက်နေပြီလေ ”



“တိုက်လေယာဉ်သုံးတယ်ဆိုတာ နောက်ဆုံးကျည်ဆံ ထုတ်သုံးနေရတဲ့ အဆင့်ရောက်နေပြီလေ ”
(ဆလိုင်းယောမာန်- မင်းတပ်မြို့နယ် ပြည်သူ့အုပ်ချုပ်ရေးအဖွဲ့)
-------------------------------------------
(၁၂/ ၉ / ၂၀၂၂)

“စစ်ကောင်စီဖက်က ကြည်းတပ်အင်အားနဲ့မနိုင်လို့ တိုက်လေယာဉ်တွေကို နေ့စဉ်ထုတ်သုံးနေရပြီဆိုကတည်းက ဒါဟာ နောက်ဆုံးကျည်ဆံကို ထုတ်သုံနေရတဲ့သဘောဖြစ်နေပြီ၊ တော်လှန်ရေးအင်အားစုတွေဖက်က အသာစီးရနေပြီဖြစ်ပေမယ့် ရလာဒ်ကို ချက်ခြင်းမမြင်ရသေးဘူူးလို့ မင်းတပ်မြို့နယ် ပြည်သူ့အုပ်ချုပ်ရေးအဖွဲ့ ပြောခွင့်ရပုဂ္ဂိုလ် ဆလိုင်းယောမာန်က ပြောပါတယ်။

နွေဦးတော်လှန်ရေး တနှစ်ခွဲကာလအတွင်း တိုးတက်မှု အခြေအနေတွေနဲ့ ပတ်သက်ပြီး BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလို ဖြေကြားတာပါ။

အခုထုတ်လွှင့်ပေးမယ့် မေးမြန်းချက် ဒုတိယ ပိုင်းမှာ ...
- မင်းတပ်မှာ အုပ်ချုပ်ရေးလုပ်ငန်းတွေ ဘယ်လိုဆောင်ရွက်နေသလဲ...

- CDM ရဲတွေ၊ ပညာရေး၊ ကျန်းမာရေး ဝန်ထမ်းတွက အုပ်ချုပ်ရေးကို ဘယ်လို ကူညီပေးနေသလဲ...

- ရန်ပုံငွေရှာဖွေရေးအတွက် ပြည်တွင်း-ပြည်ပက ဘယ်လို ကူညီပေးနိုင်မလဲ...

- တနှစ်ခွဲကာလအတွင်း တော်လှန်ရေးခရီး ရှေ့ကို ဘယ်လောက်အထိ တိုးတက်လာနေပြီလဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)

Sunday, September 11, 2022

ဗြိတိန်ဘုရင်မကြီး ကွယ်လွန်တာ... ခင်ဗျားနဲ့ ဘာဆိုင်လဲ...

 ဗြိတိန်ဘုရင်မကြီး ကွယ်လွန်တာ... ခင်ဗျားနဲ့ ဘာဆိုင်လဲ...

---------------------------------------

(၁၁- ၉ -၂၀၂၂)


၂၀၂၁ ဖေဖေါ်ဝါရီမှာ စစ်တပ်က အာဏာသိမ်းပြီးကတည်းက စာတိုပေစ မရေးဖြစ်ခဲ့တဲ့ စာရေးသူဟာ ပြီးခဲ့တဲ့အပတ်က ဆိုဗီယက်ယူနီယံ နောက်ဆုံးသမ္မတ ဂေါ်ဗာချော့ နာရေးအကြောင်း စာတို တခုရေးဖြစ်ခဲ့ပါတယ်။


တကယ်ဆို ဂေါ်ဘာချော့ ကွယ်လွန်တာနဲ့ ဒီနေ့ မြန်မာ့နိုင်ငံအပြောင်းအလဲအတွက် အဓိကဖြစ်နေတဲ့ မြန်မာ့နွေဦးတော်လှန်ရေးဟာ ဘာမှ မဆိုင်ပါဘူး။ 


ဒါပေမယ့် ၂၁ ရာစုခေတ်မှာ မိုင်ထောင်ချီဝေးတဲ့ တနေရာကဖြစ်စဉ်နဲ့ အခြားတနေရာကဖြစ်စဉ် ဘာမှမဆိုင်ဘူးလို့ပြောဖို့ခက်ပါတယ်။ ဆိုဗီယက်ယူနီယံကိုပဲ ကြည့်... ၁၉၉၀ ဝန်းကျင်မှာ ပြိုကွဲသွားတယ်။ (နိုင်ငံငယ်တွေ လွတ်လပ်ရေးရသွားတယ်)။ 


ဒီဖြစ်စဉ်ဟာ မြန်မာ့နိုင်ငံရေးကို အနည်းနဲ့အများ ကရက်ရိုက်တာပါပဲ။ မြန်မာနိုင်ငံမှာ ဗမာပြည်ကွန်မြူနစ်ပါတီထဲကနေ လူမျိုးစုတွေ တော်လှန်ရေးလုပ်ပြီး ခွဲထွက်သွားကြပါတယ်။ ငြိမ်းချမ်းရေးဆွေးနွေးပွဲတွေဖြစ်လာပြီး -ငြိမ်း- ခေတ်တခေတ် မြန်မာနိုင်ငံရေးမှာ ပေါ်လာခဲ့ဖူးတာ အားလုံးအသိပါပဲ။


အရင်က တရုတ်နီးစပ်ခဲ့ဖူးတဲ့ မြန်မာစစ်တပ်ဟာ အခုတော့ (ဆိုဗီယံယူနီယံထဲက နယ်မြေတခုဖြစ်တဲ့) ရုရှားနဲ့ ဆက်ဆံရေးတည်ဆောက်နေတာ အားလုံး အမြင်ပါပဲ။ စကစ ခေါင်းဆောင်ဆို ရုရှားကို ခဏခဏသွားနေတယ် မဟုတ်ပါလား...


ဒါပေမယ့် စကစ ကို တော်လှန်နေတဲ့ နွေဦးတော်လှန်ရေးခေါင်းဆောင်ပိုင်းက ရုရှားရဲ့ကျုးကျော်မှုခံနေရသူ ယူကရိန်းနိုင်ငံဆီ သွားရောက်လည်ပတ်မှု မရှိသေးတာကတော့ နည်းနည်းထူးနေတယ်ထင်ပါတယ်။


ကမ္ဘာကြီးက ယူကရိန်းကိုပဲကူနေပြီး မြန်မာကျ မကူဘူးဆိုပြီး ဝေဖန်နေသူတွေ ယူရိန်းဆီသွားပြီး၊ အနည်းဆုံး ပိုလန်-ယူကရိန်း နယ်စပ်လောက်သွားပြီး လေ့လာသင့်တာပေါ့... (မီဒီယာသမားတွေ မသိအောင် သွားနေတာလည်း ဖြစ်နိုင်ပါတယ်)


ဆိုတော့... ဂေါ်ဘာချော့ ကွယ်လွန်တာ ကျနော်တို့နဲ့ ဘာမှမဆိုင်ဘူးဆိုပြီး ပြောလို့မဖြစ်ပါ...။

------------


ဒါက နိဒါန်း...။ 


အဓိကပြောချင်တာက ဗြိတိန်ဘုရင်မကြီး အဲလိစ်ဇဘက် ကွယ်လွန်တာ မိုင်ပေါင်း ထောင်ချီအဝေးက မြန်မာတွေနဲ့ ဘာမှမဆိုင်ဘူးဆိုတဲ့ အမြင်တွေကို ဆွေးနွေးချင်လို့ပါ။


အချို့ကတော့ တိုင်းပြည်ရဲ့ ဘဏ္ဍာတွေကို သုံးဖြုန်းနေတဲ့၊ အခွင့်ထူးခံ လူတန်းစား၊ ဘုရင်စနစ်ဆိုတာ ၂၁ ရာစုမှာ မရှိသင့်တော့ဘူးလို့ပြောနေကြပါတယ်။


စာရေးသူလည်း နုစဉ်တုန်းကတော့ ဒီလိုပဲ အမြင်ရှိခဲ့ပါတယ်။ အထူးသဖြင့် ထိုင်းအခြေစိုက် သူပုန်ဘဝ၊ သတင်းထောက်ပေါက်စ ဘဝတုန်းကပေါ့။ ဗြိတိန်ဘုရင်မနဲ့ ဘုရင်ကို လက်ဆွဲနှုတ်ဆက်လို့ရပေမယ့် ထိုင်းဘုရင်ကို လက်ဆွဲနှုတ်ဆက်လို့မရပါ၊ ဆဝါဒီ ခပ် တောင် သွားလုပ်လို့မရဘူးထင်တယ်။ ဘုရင်ယာဉ်တန်းလာတာနဲ့ အားလုံးက ဒူးထောက်ပြီး ဖူးမျှော်ရတာ...


ဆိုတော့ ဒီလိုစနစ်မျိုးကို သူပုန်တယောက်က ဘယ်ကြိုက်ပါ့မလဲ...။ ဒါပေမယ့် (ဆရာဒဂုန်တာရာ စကားကိုငှားသုံးရရင်) သမိုင်းခေတ်တခုကို လက်တွေ့ရော၊ စာတွေ့ပါ ဖြတ်သန်းပြီးတဲ့အခါမှာတော့ ဘုရင်စနစ် (စည်းမျဉ်းခံဘုရင်စနစ်) ဟာ အဆိုးချည်းတော့ မဟုတ်လောက်ဘူး။ ကောင်းတာတွေလည်းရှိလို့ လူတွေက လက်ခံထားတာဖြစ်မှာပေါ့...ဆိုပြီး စဉ်းစားမိပါတယ်။


ကျနော်တို့ အိမ်နီးချင်း ထိုင်းကိုပဲကြည့်...။ ဘုရင်စနစ်ရှိနေလို့ ထိုင်းစစ်တပ်က မြန်မာစစ်တပ်လောက် မဆိုးတာလားဆိုပြီး ကျနော်တွေးမိနေပါတယ်။ တကယ်ဆို ထိုင်းစစ်ဗိုလ်နဲ့ မြန်မာစစ်ဗိုလ်က နိုင်ငံရေးမှာအရေးပါချင်တာ၊ စစ်တပ်ကို ရှေ့တန်းတင်ချင်တာ၊ အခွင့်ထူးခံချင်တာချင်း အတူတူပါပဲ...။


ဒါပေမယ့် ထိုင်းမှာ အကြိမ်းပေါင်းများစွာ စစ်အာဏာသိမ်းမှုဖြစ်ခဲ့ဖူးပေမယ့် ထိုင်းစစ်တပ်က မြန်မာစစ်တပ်လောက် မဆိုးဘူး။ သူ့ပြည်သူအပေါ် ဒီလောက်အထိ မရက်စက်ဘူး။ အာဏာရှိသူအချင်းချင်းကြားမှာ ရက်စက်လေ့ရှိပေမယ့် ဘာမှမဆိုင်တဲ့ သာမန်အရပ်သားတွေကို ဒုက္ခမပေးပါဘူး။ နိုင်ငံ့ အခြေခံအဆောက်ဦတွေ၊ အင်စတီကျုးရှင်းတွေ၊ စီးပွားရေးတွေကို သွားမထိပါဘူး။


ဒါတွေဟာ ထိုင်းမှာ ဘုရင်စနစ်ရှိနေလို့လား...ဆိုပြီး တွေးမိပါတယ်။


တခါ ဥရောပကိုလည်း ကြည့်ဦး...။ စည်းမျဉ်းခံ ဘုရင်စနစ်မရှိတဲ့နိုင်ငံ မရှိသလောက်ပါပဲ။ နော်ဝေ၊ ဒိန်းမတ်၊ နယ်သာလန်၊ ဘယ်လဂျီယံ၊ စပိန် စသဖြင့် နိုင်ငံအတော်များများမှာ စည်းမျဉ်းခံဘုရင်စနစ်ရှိနေဆဲပါ။


အာရှဖက်ပြန်လှည့်ရမယ်ဆိုရင် အာဆီယံထဲမှာတောင် ထိုင်း၊ မလေးရှား၊ ဘရူူးနိုင်တွေမှာ စည်းမျဉ်းခံဘုရင်စနစ်ရှိနေဆဲ၊ အရှေ့ဖျားက ဂျပန်မှာလည်း ရှိနေဆဲ...။ 


တခါ သြစီ၊ နယူးဇီလန်ကနေ တောင်အာရှက အိန္ဒိယ တခွင်ကိုကြည့်မယ်ဆိုရင်လည်း ဗြိတိန်ဘုရင်မကြီးရဲ့ သစ္စာခံ ဓနသဟာရ နိုင်ငံတွေအဖြစ်ရှိနေဆဲပါ...။


ဆိုတော့ ဘုရင်စနစ်ကို မကောင်းဘူးချည်းပြောဖို့တော့ ခက်ပါတယ်။ ဝေဖန်သူ အတော်များများကတော့ ဗြိတိန်ဘုရင်မကြီး ကွယ်လွန်ပြီးနောက်ပိုင်းမှာ ဘုရင်စနစ် တဖြေးဖြေး ကွယ်ပျောက်သွားနိုင်တယ်ဆိုပြီး ပြောနေကြပါတယ်။ ...ကောင်းတာယူ မကောင်းတာဖယ်ပြီး ရှေ့ဆက်ကြပေါ့...။


ဆိုတော့... ဒီနေ့ ခေတ်သစ်ကမ္ဘာမှာ မိုင်ထောင်ချီဝေးတဲ့ ကမ္ဘာ့အနောက်ချမ်းက ဖြစ်စဉ်တွေဟာ ကမ္ဘာ့အရှေ့ချမ်းက ကျနော်တို့ ပြသာနာနဲ့ ဘာမှမဆိုင်ဘူးဆိုပြိး ပြောလို့မရပါ။ အားလုံးဟာ တနည်းနည်းနဲ့ ချိတ်ဆက်နေတာချည်းဖြစ်ပါတယ်။


ဗြိတိန် သံအမတ်ဟောင်းကို စကစ က ဖမ်းဆီးထားတာ၊ သြစီ စီးပွားရေးပညာရှင်ကို ဖမ်းထားတာ၊ ဂျပန်သတင်းထောက်ကိုဖမ်းထားတာတွေဟာ ကျနော်တို့ နွေဦးတော်လှန်ရေးနဲ့ မဆိုင်ဘူးလို့ မပြောနိင်ပါ။


ဆိုတော့...  ဒီချိတ်ဆက်မှုတွေကိုလေ့လာပြီး ကမ္ဘာကြီးနဲ့ မဟာမိတ်ဖွဲ့ဖို့၊ ကမ္ဘာကြီးရဲ့အကူအညီကို ရယူဖို့ ကျနော်တို့ နွေဦးတော်လှန်ရေးထဲက ပုဂ္ဂိုလ်တွေ စဉ်းစားသင့်တယ်မဟုတ်ပါလား...။ 


“ငါတို့မှာ ငါတို့ပဲရှိတယ်”- ဆိုပေမယ့် ကမ္ဘာကြီးကိုလည်း ကိုယ့်ဖက်ပါလာအောင် စည်းရုံးရအူးမယ်လေ...။ မနက်ဖန်၊ သဖက်ခါ ကုလသမဂ္ဂ အထွေထွေညီလာခံ စတင်တော့မယ် မဟုတ်ပါလား...။


Saturday, September 10, 2022

“မြို့နယ်တခုလုံးရဲ့ ၉၀ % ကျော် ကျနော်တို့ အုပ်ချုပ်ရေးအောက်မှာ ရှိနေပါတယ်”



“မြို့နယ်တခုလုံးရဲ့  ၉၀ % ကျော် ကျနော်တို့ အုပ်ချုပ်ရေးအောက်မှာ ရှိနေပါတယ်”

(ဆလိုင်းယောမာန်- မင်းတပ်မြို့နယ် ပြည်သူ့အုပ်ချုပ်ရေးအဖွဲ့)
-----------------------------------------------------------------
(၁၀/ ၉ / ၂၀၂၂)

ချင်းပြည်နယ် မင်းတပ်မြို့နယ်မှာ မြို့ပေါ်ရပ်ကွက် ၄ ခုပဲ စစ်တပ်အုပ်ချုပ်ရေးအောက်မှာကျန်နေပြီး အခြား ၉၀% ကျော်ကို ပြည်သူ့အုပ်ချုပ်ရေးအဖွဲ့က စီမံအုပ်ချုပ်နေတယ်လို့ မင်းတပ်မြို့နယ် ပြည်သူ့အုပ်ချုပ်ရေးအဖွဲ့- ပြောခွင့်ရပုဂ္ဂိုလ် ဆလိုင်းယောမာန်ကပြောပါတယ်။

နွေဦးတော်လှန်ရေး တနှစ်ခွဲကာလအတွင်း တိုးတက်မှုအခြေအနေတွေနဲ့ပတ်သက်ပြီး ဘီအန်အန် သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြား ခဲ့တာပါ။

အခုထုတ်လွှင့်ပေးမယ့် မေးမြန်းချက် ပထမ ပိုင်းမှာ...
- မင်းတပ်ဖက်ကို စကစ က စစ်ကြောင်း မထိုးရဲတော့ဘူးလား...
- တိုက်ပွဲမရှိပဲ လေယာဉ်နဲ့ ဗုံးကျဲတာ ဘာကြောင့်လဲ...
- မြို့နယ်အုပ်ချုပ်ရေးအဖွဲ့တွေက ဘယ်လို စီမံအုပ်ချုပ်နေကြသလဲ...
- ပညာရေး၊ ကျန်းမာရေး ဝန်ဆောင်မှုအတွက် ဘယ်လိုစိန်ခေါ်မှုတွေ ရှိနေသလဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(စစ်လေယာဉ်သုံးခြင်းဟာ စကစရဲ့ နောက်ဆုံးကျဉ်ဆံလား-ဆိုတဲ့ ဆွေးနွေးချက်ပါတဲ့ ဒုတိယ ပိုင်းကိုတော့ တနလာင်္ညပိုင်းမှာ ဆက်လက်ထုတ်လွှင့်ပေးမှာဖြစ်ပါတယ်)

(အင်တာဗျုးများကြည့်ပြီးပါက ဒီ youtube ချာနယ်ကို Subscribe လုပ်ပါရန် တိုက်တွန်းပါသည်။)

Wednesday, September 7, 2022

“စစ်ရေးအရ တိုက်ရိုက်မကူညီနိုင်သေးရင် နည်းပညာအရ ဒရုန်းတွေ ကူပေးပါ”



“စစ်ရေးအရ တိုက်ရိုက်မကူညီနိုင်သေးရင် နည်းပညာအရ ဒရုန်းတွေ ကူပေးပါ”

(ပဒိုစောတောနီး- KNU ပြောခွင့်ရပုဂ္ဂိုလ်)
-----------------------------------------
(၇/ ၉ /၂၀၂၂)

“နိုင်ငံတကာအသိုင်းအဝိုင်းအနေနဲ့ နွေဦးတော်လှန်ရေးအင်အားစုကို စစ်ရေးအရ တိုက်ရိုက်အကူအညီပေးဖို့ အခက်အခဲဖြစ်နေရင် နည်းပညာနဲ့ဆိုင်တဲ့ ဒရုန်းတွေ ကူညီပေးရေးကို အလေးထားစဉ်းစားစေချင်တယ်” လို့ KNU ပြောခွင့်ရပုဂ္ဂိုလ် ပဒိုစောတောနီးက ပြောပါတယ်။

နွေဦးတော်လှန်ရေး တနှစ်ခွဲကာလအတွင်း စစ်ကောင်စီဖက်က လေယာဉ်တွေသုံးပြီး တော်လှန်ရေးအင်အားစုတွေအပေါ် တိုက်ခိုက်နေမှုကို ဘယ်လိုခုခံတော်လှန်နေသလဲ၊ နိုင်ငံတကာဖက်က ဘာတွေအကူအညီပေးနေသလဲဆိုပြီး BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလို ဖြေကြားသွားတာပါ။

အခု ထုတ်လွှင့်ပေးမယ့် မေးမြန်းချက် ဒုတိယ ပိုင်းမှာ ...
- KNU နဲ့ PDF တပ်တွေကြား ပူးပေါင်းဆောင်ရွက်နိုင်မှု ဘယ်လောက်အထိ တိုးတက်လာနေပြီလဲ...
- တော်လှန်ရေးအင်အားစုတွေဖက်က ခုခံစစ်ကနေ ထိုးစစ်ကို တက်နိုင်မယ့်အလား အလာ ဘယ်လိုရှိသလဲ...
- နိုင်ငံတကာရဲ့အကူအညီက -စိုးရိမ်ပါသည်- အဆင့်ထက် ကျော်မလာသေးဘူးလား...
- ဒရုန်းစစ်ဆင်ရေးက စစ်ရေးချိန်ခွင်လျှာကို ပြောင်းနိုင်တဲ့အထိ အရေးပါနိုင်သလား...
- ပြည်တွင်း-ပြည်ပ အလှူရှင်တွေက အဓိက ဖြစ်နေဆဲလား...
စတဲ့ အကြောင်းအရာတွေကို ဆွေးနွေးတင်ပြထားပါတယ်။

(အင်တာဗျူးများ ကြည့်ပြီးပါက ဤ youtube ချန်နယ်ကို Subscribe လုပ်ပါရန် တိုက်တွန်းပါသည်။

Monday, September 5, 2022

Interview with Saw Taw Ne of KNU on 18-months of Revolution. Part 1.



“ကျနော်တို့ကို လာတိုက်ဖို့ထက် သူ့တပ်ပြိုကျမသွားရေးဖက်ကို ဦးစားပေးနေပုံရတယ်”

(ပဒိုစောတောနီး- KNU ပြောခွင့်ရပုဂ္ဂိုလ်)
------------------------------------------------------
(၅/ ၉ /၂၀၂၂)

စစ်ကောင်စီတပ်ရဲ့ လက်ရှိအနေအထားဟာ နွေဦးတော်လှန်ရေးအင်အားစုတွေကို သွားရောက်တိုက်ခိုက်ဖို့ထက် သူ့တပ်ပြိုကျမသွားအောင်၊ CDM တွေ၊ တပ်ပြေးတွေ ပိုများမသွားအောင်အရေးကို အဓိကထား ဆောင်ရွက်နေရတဲ့အနေအထားကိုရောက်ပြီဖြစ်တယ်လို့ KNU ပြောခွင့်ရပုဂ္ဂိုလ် ပဒိုစောတောနီးကပြောပါတယ်။

လက်ရှိ ကရင်ပြည်နယ်က တိုက်ပွဲအခြေအနေ၊ နွေဦးတော်လှန်ရေး တနှစ်ခွဲကာလ တိုးတက်မှုအခြေအနေတွေနဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ပထမ ပိုင်းမှာ....
- EAO တွေ လက်နက်ဆက်ကိုင်ချင်တယ်ဆိုရင် နယ်ခြားစောင့်တပ်လုပ်ရမယ်ဆိုတဲ့ အပေါ် KNU က ဘယ်လိုသဘောထားသလဲ...
- အချုပ်အခြာ အာဏာဟာ ပြည်သူဆီက ဆင်းသက်ရမယ်ဆိုတာကို UN တာဝန်ရှိသူတွေ မေ့နေပြီလား...
- သန်းနဲ့ချီရှိလာတဲ့ IDP တွေကို နယ်စပ်ဖြတ် အကူအညီပေးနိုင်မယ့်အလားအလာ တိုးတက်လာနေပြီလား...
- တနှစ်ခွဲကာလအတွင်း ကရင်နယ်မှာတင် တိုက်ပွဲ ၆၀၀၀ ကျော်ဖြစ်ခဲ့တာ ဘာကြောင့်လဲ...
- CDM တွေ၊ တပ်ပြေးတွေကို သူတို့မိသားစုနဲ့တွေ့ခွင့်ရအောင် စီစဉ်ပေးနိုင်ခြင်းဟာ စည်းရုံးရေး ဗျုဟာအသစ်လား...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(ဒရုန်းစစ်ဆင်ရေးအတွက် နိုင်ငံတကာဖက်က နည်းပညာကူညီပေးဖို့လိုနေကြောင်း-ဆွေးနွေးချက်ပါတဲ့ ဒုတိယ ပိုင်းကိုတော့ ဗုဒ္ဓဟူးနေ့ညမှာ ဆက်လက်ထုတ်လွှင့်ပေးမှာဖြစ်ပါတယ်)

(အင်တာဗျူးများ ကြည့်ပြီးပါက ဤ youtube ချန်နယ်ကို Subscribe လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)

Saturday, September 3, 2022

Interview with Sein Htay on Burma economy. Part-2.



“ဒီလောက်ဆိုးတဲ့ စစ်အာဏာရှင်မျိုး ကမ္ဘာပေါ်မှာ မရှိဖူးသေးဘူး”

(ဦးစိန်ဌေး- စီးပွားရေး ဆန်းစစ်ဝေဖန်သူ)
------------------------------------------------------
(၃/ ၉ /၂၀၂၂)

ကိုယ့်ပြည်သူကို သတ်ဖြတ်၊ ရွာမီးရှို့၊ လေယာဉ်နဲ့ဗုံးကျဲ စသဖြင့် လုပ်နေတဲ့ စစ်ကောင်စီ ဥက္ကဌလောက်ဆိုးတဲ့ အာဏာရှင်မျိုး ကမ္ဘာပေါ်မှာ မတွေ့ဖူးသေးဘူးလို့ စီးပွားရေးပညာရှင် ဦးစိန်ဌေးကပြောပါတယ်။

မြန်မာ့သမိုင်းမှာဖြစ်ပေါ်ခဲ့ဖူးတဲ့ စစ်အာဏာသိမ်းမှု ၃ ခုမှာ အခုတကြိမ်က အဆိုးဆုံးဆိုတဲ့ မှတ်ချက်နဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ဒုတိယ ပိုင်းမှာ....
- စစ်အာဏာသိမ်းမှု ၃ ကြိမ်မှာ ဒီတကြိမ်အဆိုးဆုံးလို့ ဘာကြောင့်ပြောနိုင်တာလဲ...
- စစ်ဗိုလ်ဖြစ်သွားရင် စွယ်စုံလုပ်တတ်တယ်ဆိုတဲ့ အယူအဆဟာ စိတ်ရောဂါတခုလား...
- စီးပွားရေးအခြေအနေ ဒီထက်ပိုးဆိုးမသွားအောင် အကြံပေးလို့ ရနိုင်သေးလား...
- ပြည်သူတွေ အငတ်ဘေးမကြုံမရအောင် ဘယ်လိုကူညီပေးနိုင်မလဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(အင်တာဗျူးများ ကြည့်ပြီးပါက ဤ youtube ချန်နယ်ကို Subscribe လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)

Thursday, September 1, 2022

Interview with Sein Htay on Burma economy. part-1



“တိုင်းပြည်တပြည် ပျက်ဖို့အကြောင်းဖန်လာရင် ငွေ ကစပြီး ပြလေ့ရှိတယ်”

(ဦးစိန်ဌေး- စီးပွားရေး ဆန်းစစ်ဝေဖန်သူ)
------------------------------------------------------
(၁/ ၉ /၂၀၂၂)

မြန်မာကျပ်ငွေ အဆမတန်ဖောင်းပွမှု၊ လောင်စာဆီအပါဝင် ကုန်ပစ္စည်းပြတ်လပ်မှုနဲ့ အုပ်ချုပ်သူတွေအပေါ် လူထုရဲ့မယုံကြည်မှုတွေ အလွန်အမင်းတိုးလာနေခြင်းဟာ တိုင်းပြည်ပျက်ကိန်း လက္ခဏာတွေ ဖြစ်တယ်လို့ စီးပွားရေးပညာရှင် ဦးစိန်ဌေးကပြောပါတယ်။

အမေရိကန်တဒေါ်လာကို မြန်မာကျပ်ငွေ ၄၅၀၀ အထိ ကျသွားတဲ့အခြေအနေ၊ ရွှေဈေးတွေထိုးတက်ပြီး လောင်စာတွေပြတ်လတ်နေအခြေအနေတွေနဲ့ပတ်သက်ပြီး BNN သတင်းဌာမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ပထမ ပိုင်းမှာ....
- ကျပ်ငွေ အဆမတန်ဖောင်းပွဲခြင်းဟာ စစ်တပ်က အာဏာသိမ်းမှုရဲ့ အကျိုးဆက်လား...
- ငွေဈေး- ဒေါ်လာဈေးအတွက် ရည်ညွှန်းဈေးသတ်မှတ်ချက်အပေါ် စီးပွားရေးပညာရှင်တွေက ဘယ်လိုမြင်သလဲ...
- ကျပ်ငွေကို အသုံးပြုမှုနည်းသွားပြီး ဒေါ်လာနဲ့ ရွှေဖက်လှည့်သူများလာရင် ဘာတွေဆက်ဖြစ်လာနိုင်သလဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(လက်ရှိ အာဏာသိမ်းအဖွဲ့ဟာ အရင် အာဏာသိမ်းအဖွဲ့တွေထက် ပိုညံ့ဖျင်းနေတာ ဘာကြောင့်လဲ...ပါတဲ့ ဒုတိယပိုင်းကိုတော့ စနေညမှာ ဆက်လက် ထုတ်လွှင့်ပေးမှာဖြစ်ပါတယ်)

(အင်တာဗျူးများ ကြည့်ပြီးပါက ဤ youtube ချန်နယ်ကို Subscribe လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)

Wednesday, August 24, 2022

Interview with Bo Nagar on Spring Revolution in Upper Burma. Part-2.



“တိရစ္ဆာန်လို လူတွေရဲ့အုပ်ချုပ်မှုအောက်မှာ မနေချင်ရင် တော်လှန်ရေးထဲမှာ အားလုံးပါဝင်ဆောင်ရွက်ဖို့လိုပါတယ်”

(ဗိုလ်နဂါး- ဒေသခံ PDF ခေါင်းဆောင်၊ စစ်ကိုင်းတိုင်း)
-----------------------------------------------------
(၂၄ /၈ /၂၀၂၂)

တိရစ္ဆာန်လို လူတွေရဲ့အုပ်ချုပ်မှုအောက်မှာ မနေချင်ရင် လူသားဆန်တဲ့ တာဝန်ဝတ္တရားတွေကိုယူပြီး နွေဦးတော်လှန်ရေးထဲမှာ အားလုံးပါဝင် လက်တွဲဆောင်ရွက်ဖို့လိုတယ်လို့ စစ်ကိုင်းတိုင်း ပုလဲနယ်က PDF ခေါင်းဆောင် ဗိုလ်နဂါးကပြောပါတယ်။

နွေဦးတော်လှန်ရေး တနှစ်ခွဲကြာတဲ့အထိ အချို့လူတွေက အနေအစားမပျက်၊ တော်လှန်ရေးဟာ သူတို့နဲ့မဆိုင်သလို၊ နေသာသလို နေနေကြတာနဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ဒုတိယ ပိုင်းမှာ...
- UN အထူးကိုယ်စားလှယ်လာချိန်မှာ ရွာမီးရှို့ခံရမှု လျော့ကျသွားသလား...
- ကမ္ဘာကြီးမှာ နှလုံးသားမရှိဘူးလို့ ဘာကြောင့်ပြောတာလဲ...
- စစ်ကိုင်းတိုင်းက စစ်ဘေးရှောင်တွေကို ဘယ်သူတွေက ဘယ်လိုကူညီပေးနေသလဲ...
- NUG အုပ်ချုပ်ရေးဒေသတွေမှာ ဘယ်လိုဝန်ဆောင်မှုတွေ ဆောင်ရွက်ပေးနေသလဲ...
- တနှစ်ခွဲကာလအတွင်း နွေဦးတော်လှန်ရေးအနေအထား ဘယ်လောက်အထိ တိုးတက်လာသလဲ...
- အနေအစားမပျက် နေသာသလိုနေနေသူတွေကို ဗိုလ်နဂါးက ဘယ်လိုပြောထားသလဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(အင်တာဗျူးများ ကြည့်ပြီးပါက ဤ youtube ချန်နယ်ကို Subscribe လုပ်ပါရန် တိုက်တွန်းပါသည်။)

Monday, August 22, 2022

Interview with Bo Nagar on Spring revolution in upper Burma. Part-1.



“အားလုံးပေါင်းစပ် ချိတ်ဆက်ပြီး ဟန်ချက်ညီလှုပ်ရှားနိုင်ဖို့ ခြေလှမ်း လှမ်းနေပါပြီ”

(ဗိုလ်နဂါး- LDPF ခေါင်းဆောင်၊ စစ်ကိုင်းတိုင်း)
-----------------------------------------------------
(၂၂-၈-၂၀၂၂)

စစ်အာဏာရှင်ဖြုတ်ချရေးအတွက် လက်နက်ကိုင်တိုက်ပွဲကို အရှိန်မြှင့်နိုင်ဖို့ စစ်ကိုင်းတိုင်းအပြင် ဆက်စပ်ပြည်နယ်-တိုင်းတွေရှိ တော်လှန်ရေးအဖွဲ့တွေနဲ့ ပူးပေါင်းဆောင်ရွက်မှု ခြေလှမ်းသစ်တွေ စတင်လှမ်းနေပြီဖြစ်တယ်လို့ စစ်ကိုင်းတိုင်းက LDPF ခေါင်းဆောင်တဦးဖြစ်သူ ဗိုလ်နဂါးကပြောပါတယ်။

ပြီးခဲ့တဲ့ ရက်ပိုင်းအတွင်းက စစ်ကိုင်းတိုင်းအတွင်းဖြစ်ပွားခဲ့တဲ့ ပြင်းထန်တဲ့တိုက်ပွဲအခြေအနေ၊ နွေဦးတော်လှန်ရေး တနှစ်ခွဲကာလအတွင်း တိုးတက်မှုအခြေအနေတွေနဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ပထမ ပိုင်းမှာ...
- ပြီးခဲ့တဲ့ရက်ပိုင်း တိုက်ပွဲအတွင်း နှစ်ဖက် ထိခိုက်မှု ဘယ်လိုရှိသလဲ...
- စစ်ကိုင်းနဲ့ ဆက်စပ်-ဒေသရှိ တော်လှန်ရေးတပ်တွေ ပူးပေါင်းဆောင်ရွက်နိုင်ပြီလား...
- စကစရဲ့ ရွာမီးရှို့-လူသတ် စိံမံကိန်းကို တော်လှန်ရေးတပ်တွေက ဘာကြောင့်မတားဆီးနိုင်တာလဲ...
- တနှစ်ခွဲကာလအတွင်း နယ်မြေထိန်းချုပ်နိုင်မှု အနေအထား ဘယ်လောက်အထိ တိုးတက်လာသလဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(UN အထူးကိုယ်စားလှယ်ရဲ့ခရီးစဉ်အပေါ် LPDF တွေ ဘယ်လိုမြင်သလဲဆိုတဲ့ ဆွေးနွေးချက်ပါတဲ့ ဒုတိယ ပိုင်းကိုတော့  ဗုဒ္ဓဟူးညနေပိုင်းမှာ ဆက်လက်ထုတ်လွှင့်ပေးမှာဖြစ်ပါတယ်)

(အင်တာဗျူးများ ကြည့်ပြီးပါက ဤ youtube ချန်နယ်ကို Subscribe လုပ်ပါရန် တိုက်တွန်းပါသည်။)

Friday, August 19, 2022

Interview with Dr Tun Myint on UN envoy in Myanmar.



“နွေဦးတော်လှန်ရေးရဲ့ အရှိန်အဟုန်ကို ကုလသမဂ္ဂနဲ့ နိုင်ငံတကာက သိပါတယ်”

(ဒေါက်တာထွန်းမြင့်- နိုင်ငံတကာဆက်ဆံရေးဌာန ပါမောက္ခ- Carleton College)
--------------------------------------------------------------
(၁၉ /၈ /၂၀၂၂) 

ရွာမီးရှို့၊ အကြမ်းဖက်ပစ်ခတ် သတ်ဖြတ်နေတဲ့ကိစ္စတွေကို ခပ်ပေါ့ပေါ့ပြောပြီး အချိန်ဆွဲနိုင်ဖို့ စစ်ကောင်စီက ကြိုးစားနေပေမယ့် ဒါတွေကို ကုလသမဂ္ဂလုံခြုံရေးကောင်စီနဲ့ နိုင်ငံတကာအသိုင်းအဝိုင်းက သိနေပါတယ်လို့ Carleton College၊ နိုင်ငံတကာဆက်ဆံရေးဌာန ပါမောက္ခ ဒေါက်တာထွန်းမြင့်ကပြောပါတယ်။

မြန်မာနိုင်ငံကို ၃ ရက်တာသွားရောက်ခဲ့တဲ့ ကုလ အတွင်းရေးမှူးချုပ်ရဲ့ အထူးကိုယ်စားလှယ် Noeleen Heyzer ရဲ့ခရီးစဉ်နဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက်ထဲမှာ...
- ဒီခရီးစဉ်ဟာ လုံခြုံရေးကောင်စီရဲ့ တောင်းဆိုချက်အရ ဖြစ်ပေါ်လာတာလား...
- စစ်ကောင်စီကို မဝေဖန်ရဲရင် ဒီခရီးစဉ်က အဓိပါယ်ရှိပါ့မလား...
- ဒီခရီးစဉ်ရဲ့ နောက်ကွယ်မှာ ဘယ်လိုအချက်တွေရှိနေနိုင်သလဲ...
- ကုလ အပေါ် လူငယ်တွေ အားမလို အားမရဖြစ်နေတာ ဘာကြောင့်လဲ...
- တော်လှန်ရေးတနှစ်ခွဲကာလမှာ ကုလ က ဘာတွေ ဆောင်ရွက်ပေးခဲ့သလဲ...
- တနှစ်ခွဲကာလအတွင်း တော်လှန်ရေးအနေအထား ရှေ့ကို ဘယ်လောက်တိုးတက်လာသလဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(အင်တာဗျူးများ ကြည့်ပြီးပါက ဤ youtube ချန်နယ်ကို Subscribe လုပ်ပါရန် တိုက်တွန်းပါသည်။)

Thursday, August 18, 2022

Interview with Dr Khin Zaw Win on UN envoy in Myanmar.



“UN အပါဝင် ဘယ်အဖွဲ့ကိုမှ အားမကိုးပါနဲ့၊ ကိုယ့်အားကိုယ်ကိုးပါ၊ လူငယ်တွေကို အားပေးပါ”

(ဒေါက်တာခင်ဇော်ဝင်း- Director at Tampadipa Institute)
-----------------------------------------------------------
(၁၈ /၈ /၂၀၂၂)

မြန်မာ့နိုင်ငံရေးအပြောင်းအလဲအတွက် ကုလသမဂ္ဂအပါဝင် နိုင်ငံတကာအဖွဲ့အစည်းတွေရဲ့ ကြားဝင်ညှိနိုင်ပေးမှုကို အားကိုးမနေပဲ ကိုယ့်အားကိုယ်ကိုး ဆောင်ရွက်ရေးကိုသာ ဦးစားပေးသင့်တယ်လို့ UN ဝန်ထမ်းဟောင်းနှင့် Tampadipa Institute ရဲ့ ဒါရိုက်တာ ဒေါက်တာခင်ဇော်ဝင်းကပြောပါတယ်။

မြန်မာ့အရေး ကြားဝင်ညှိနိုင်းပေးဖို့အတွက် ကုလ အထူးကိုယ်စားလှယ် Noeleen Heyzer နေပြည်တော်ကိုရောက်ရှိနေတာနဲ့ ပတ်သက်ပြီး BNN သတင်းဌာနမှ ထင်မြင်ချက်မေးမြန်းစဉ် သူက အသံဖွိုင်ပေးပို့ပြီး အဲဒီလို ပြောကြားခဲ့တာပါ။

ဒါ့အပြင် လက်ရှိနိုင်ငံရေးအခြေအနေဟာ ၁၉၈၈ နောက်ပိုင်းအခြေအနေနဲ့ မတူတော့ဘူးဆိုတာကို စစ်ကောင်စီရော၊ နိုင်ငံတကာအဖွဲ့အစည်းတွေကပါ အသေချာနားလည် သဘောပေါက်ဖို့လိုတယ်၊ အရင်နည်းဟောင်းတွေနဲ့ အဖြေရှာလို့မရတော့ဘူးဆိုတာကို သဘောပေါက်ဖို့လိုတယ်လို့လည်း ဒေါက်တာခင်ဇော်ဝင်းကပြောပါတယ်။ 

အခု ဒေါက်တာခင်ဇော်ဝင်ရဲ့ အသံဖွိုင်ကို ထုတ်လွှင့်ပေးလိုက်ပါတယ်။

(အင်တာဗျူးများ ကြည့်ပြီးပါက ဤ youtube ချန်နယ်ကို Subscribe လုပ်ပါရန် တိုက်တွန်းပါသည်။)

Sunday, August 14, 2022

Interview with Ko Naing of CRPH/ NUG Support Group (Australia).



“စစ်ဘေးရှောင် အကူအညီအပြင် စစ်လက်နက်အကူအညီကိုပါ တောင်းဆိုဖို့လိုပါတယ်”

ဦးကိုနိုင်- CRPH / NUG Support Group (Australia).
-----------------------------------------------------------------------
(၁၄/ ၈ /၂၀၂၂)

လူသားချင်းစာနာမှုအကူအညီ၊ စစ်ဘေးရှောင် အကူအညီတွေအပြင် အဲဒီစစ်ဘေးရှောင်တွေကို ကာကွယ်ရေးအတွက် စစ်လက်နက်အကူအညီတွေကိုပါ နိုင်ငံတကာအစိုးရတွေဆီ တောင်းဆိုဖို့လိုအပ်တယ်လို့ သြစတေလျနိုင်ငံဆိုင်ရာ CRPH / NUG Support Group ပြောခွင့်ရသူ ဦးကိုနိင်ကပြောပါတယ်။

သြဂုတ်လ ၆ ရက်နေ့က ကင်ဘာရာမြို့မှာကျင်းပခဲ့တဲ့ NUG သံရုံးဖွင့်ပွဲအပါဝင် ပြည်ပရောက် မြန်မာတွေရဲ့ လှုပ်ရှားမှုနဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခုထုတ်လွှင့်ပေးမယ့် မေးမြန်းချက်ထဲမှာ...
- ကင်ဘာရာမြို့က NUG သံရုံးဖွင့်ပွဲရဲ့ ထူးခြားချက်များ...
- သြစတေလျအစိုးရပိုင်းက ဒီရုံးကို ဘယ်လိုထောက်ခံအားပေးနေသလဲ...
- လူသားချင်းစာနာမှုအကူအညီအပြင် အရေးကြီးတဲ့အကူအညီတွေ ရလာနိုင်သလား...
- CDM စစ်သားနဲ့ ရဲသားတွေကို သြစီက ဗီဇာ ထုတ်ပေးမှုအခြေနေ ဘယ်လိုတိုးတက်လာနေသလဲ...
- ပြည်ပရောက်မြန်မာတွေက တဦးချင်းနိုင်သလောက်အလှူငွေထည့်တာအပြင် သက်ဆိုင်ရာနိုင်ငံရဲ့ အစိုးရပိုင်းကိုပါ ဖိအားပေးတောင်းဆိုမှုလုပ်ဖို့ လိုအပ်နေသလား...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(အင်တာဗျူးများ ကြည့်ပြီးပါက ဤ youtube ချန်နယ်ကို Subscribe လုပ်ပါရန် တိုက်တွန်းပါသည်။)

Thursday, August 11, 2022

Interview with Actor Min Maw Kom on Spring Revolution.



ရုပ်ရှင်သရုပ်ဆောင် မင်းမော်ကွန်းနှင့် မေးမြန်းချက်
----------------------------------------------------
(၁၂-၈-၂၀၂၂)

ဒီလိုတော်လှန်ရေးကာလမှာ ကြားနေရင် ကြားညှပ်မှာဖြစ်တဲ့အတွက် ဒီမိုကရေစီလိုလားသူတိုင်းက နွေဦးတော်လှန်ရေးကို ကူသင့်တယ်။ အနည်းဆုံးတော့ စစ်အာဏာရှင်တွေနဲ့ မပူူးပေါင်းမဆောင်ရွက်ပဲ နေဖို့လိုတယ်လို့ ရုပ်ရှင်သရုပ်ဆောင် မင်းမော်ကွန်းကပြောပါတယ်။ 

ပြီးခဲ့တဲ့ သြဂုတ်လ ၆ ရက်နေ့က သြစတေလျမှာ NUG ရုံးခန်းဖွင့်တာအပါဝင် တော်လှန်ရေးရန်ပုံငွေ ရှာဖွေရမှုအခြေအနေတွေနဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလိုဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက်ထဲမှာ...
- NUG သြစတေလျရုံးခွဲဖွင့်ပွဲအခြေအနေ...
- ပြည်တွင်း-နယ်စပ်နဲ့ နိုင်ငံတကာရောက် မြန်မာတွေရဲ့ တော်လှန်ရေး ရန်ပုံငွေရှာဖွေနိုင်မှု အနေအထား...
- စစ်ကောင်စီနဲ့လက်တွဲနေတဲ့ အနုပညာရှင်တွေကို ဘယ်လိုအရေးယူသင့်သလဲ...
- အနုပညာရှင်တွေ တော်လှန်ရေးထဲ ဘာကြောင့်ပါဝင်လာသလဲ...
- တော်လှန်ရေးအရှိန်ပိုကောင်းလာရေးအတွက် ဘာတွေဆောင်ရွက်သင့်သလဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(NUG သြစတေလျရုံးခွဲ တာဝန်ရှိသူနဲ့မေးမြန်းချက်ကိုတော့ နောက်ရက်တွေမှာ ဆက်လက် ထုတ်လွှင့်ပေးသွားမှာဖြစ်ပါတယ်)

(အင်တာဗျူးများ ကြည့်ပြီးပါက ဤ youtube ချန်နယ်ကို Subscribe လုပ်ပါရန် တိုက်တွန်းပါသည်။)

Sunday, August 7, 2022

Interview with Aung Moe Zaw on 34-years of 8888 uprising. part-2.



“ဒီဖက်ဆစ်တပ်ကို ခံချရမယ်၊ မောင်းထုတ်ရမယ်ဆိုတဲ့ သန္နိဋ္ဌာန်က ပြည်သူတွေဆီမှာ အတော်ခိုင်မာနေပြီဖြစ်တယ်”

(ဦးအောင်မိုးဇော်၊  ဥက္ကဋ္ဌ၊ DPNS)
-------------------------------------------------------------------
(၇/၈/၂၀၂၂)

အာဏာသိမ်း စစ်ကောင်စီတပ်တွေရဲ့ ရက်စက်ကြမ်းကြုတ်မှုတွေက အရင်ဘယ်ခေတ်နဲ့မှ မတူအောင် ဆိုးလွန်းတဲ့အတွက် လက်နက်ရှိသည်ဖြစ်စေ၊ မရှိသည်ဖြစ်စေ ဒီဖက်ဆစ်စစ်တပ်ကို ခံချရမယ်၊ မောင်းထုတ်ရမယ်ဆိုတဲ့ အသိအမြင်က လူထုကြားမှာ အခိုင်အမာ ရှိနေပြီဖြစ်တယ်လို့ လူ့ဘောင်သစ်ဒီမိုကရက်တစ်ပါတီ (DPNS) ဥက္ကဋ္ဌ ဦးအောင်မိုးဇော်ကပြောပါတယ်။

လွန်ခဲ့တဲ့ ၃၄ နှစ်က ဖြစ်ပေါ်ခဲ့တဲ့ ၈-လေးလုံးအရေးတော်ပုံကာလ တိုက်ပွဲအခြေအနေနဲ့ ဒီနေ့ကာလ တိုက်ပွဲအခြေအနေကို နှိုင်းယှဉ်သုံးသပ်ချက်ပေးဖို့ BNN သတင်းဌာနက ဦးထက်အောင်ကျော် မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ဒုတိယ ပိုင်းမှာ ...
- အခုဖွဲ့ထားတဲ့ NUCC တပ်ပေါင်းစုနဲ့ အရင်ကရှိခဲ့ဖူးတဲ့ DAB, NCUB တပ်ပေါင်းစုတွေကြားမှာ ဘာတွေ တူပြီး ဘာတွေကွာသလဲ...
- အရင် တော်လှန်ရေးတပ်တွေက နယ်စပ်မှာအခြေစိုက်တာများပြီး အခု ကျေးလက်မှာ အခြေစိုက်တာများခြင်းက အဓိက ကွာခြားချက်လား...
- UN မှာ ကိုယ်စားလှယ်နေရာ ရထားတာကလွဲရင် နိုင်ငံတကာဆက်ဆံရေးက အရင်ခေတ်နဲ့ အတူတူပဲလား...
- ပြည်ပရောက် မြန်မာတွေရဲ့အကူအညီက နွေဦးတော်လှန်ရေးရဲ့ အဓိက ဘဏ္ဌာရေး လမ်းကြောင်းဖြစ်နေသလား...
- တနှစ်ခွဲကြာနွေဦးတော်လှန်ရေး ဘယ်အထိ ခရီးရောက်နေပြီလဲ...
စတဲ့ အကြောင်းအရာတွေကို ဆွေးနွေးတင်ပြထားပါတယ်။

(အင်တာဗျူးများ ကြည့်ပြီးပါက ဤ youtube ချန်နယ်ကို Subscribe လုပ်ပါရန် တိုက်တွန်းပါသည်။)

Thursday, August 4, 2022

Interview with Aung Moe Zaw on 34-years of 8888 Uprising. part 1



“၈၈-တုန်းက နိုင်ငံရေးစနစ်ပြောင်းလဲရေးကိုသာ တောင်းဆိုခဲ့တယ်၊ အခုက စစ်အာဏာရှင် အမြတ်ပြတ်ရေးကို တောင်းဆိုနေတာဖြစ်တယ်”

(ဦးအောင်မိုးဇော်- လူ့ဘောင်သစ်ဒီမိုကရက်တစ်ပါတီဥက္ကဌ-DPNS)
---------------------------------------------------------
(၅/၈/၂၀၂၂)

လွန်ခဲ့တဲ့ ၃၄ နှစ်ကဖြစ်ပွားခဲ့တဲ့ ၈-လေးလုံးအရေးတော်ပုံတုန်းက လူထုရဲ့ တောင်းဆိုချက်ဟာ “တပါတီအာဏာရှင်စနစ်မှ ပါတီစုံဒီမိုကရေစီစနစ်သို့” နိုင်ငံရေးစနစ်ပြောင်းလဲရေးသာ အဓိကဖြစ်ခဲ့ပေမယ့် အခု နွေဦးတော်လှန်ရေးမှာတော့ စစ်အာဏာရှင်အမြစ်ပြတ်ရေးအထိ တောင်းဆို-တိုက်ပွဲဝင်နေတာဖြစ်တယ်လို့ လူ့ဘောင်သစ်ဒီမိုကရက်တစ်ပါတီ ဥက္ကဌ ဦးအောင်မိုးဇော်ကပြောပါတယ်။

မကြာခင် ကျရောက်မယ့် သြဂုတ်လ (၈)ရက်နေ့၊  ၈-လေးလုံးအရေးတော်ပုံ ၃၄ နှစ်ပြည့် နှစ်ပတ်လည်နဲ့ ဒီနေ့ နွေဦးတော်လှန်ရေးအခြေအနေတွေကို နုှိင်းယှဉ်သုံးသပ်ချက်ပေးဖို့ BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ပထမ ပိုင်းမှာ...
- ၈-လေးလုံးအရေးတော်ပုံကာလနဲ့ ဒီနေ့ကာလ လူငယ်တွေရဲ့ တောင်းဆိုတိုက်ပွဲဝင်မှု ဘာတွေတူပြီး ဘာတွေကွာခြားသလဲ...
- CDM လှုပ်ရှားမှုဟာ နွေဦးတော်လှန်ရေးရဲ့ အဓိက အားသာချက်လား...
- ၈-လေးလုံးကာလ စစ်သားတွေထက် ဒီနေ့စစ်သားတွေက ပိုပြီး ရက်စက်ကြမ်းကြုတ်နေသလား...
- “ဖက်ဆစ်စစ်တပ် အမြစ်ဖြတ်” ဆိုတဲ့တောင်းဆိုချက် ဘာကြောင့်ပေါ်ပေါက်လာသလဲ...
- PDF လူငယ်တွေအပေါ် EAO တွေရဲ့ လက်ခံအားပေးမှုမှာကော အရင်နဲ့ အခု ဘယ်လိုကွာသလဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(NUCC တပ်ပေါင်းစုအခြေအနေအပါဝင် PDF နဲ့ EAO တွေကြား ပူးပေါင်းဆောင်ရွက်မှု အရှိန်မြှင့်တင်ဖို့လိုနေကြောင်း ပါဝင်တဲ့ ဒုတိယ ပိုင်းကိုတော့ တနင်္ဂနွေညမှာ ဆက်လက် ထုတ်လွှင့်ပေးမှာဖြစ်ပါတယ်)

(အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။)

Monday, August 1, 2022

Interview with Naing Htoo Aung of NUG. Part-2



“တနှစ်ခွဲကာလအတွင်း စစ်ကောင်စီတပ်အင်အား နှစ်သောင်းခန့် ပြုန်းတီးသွားပြီဖြစ်ပါတယ်”

(ဦးနိုင်ထူးအောင်- အတွင်းဝန်- ကာကွယ်ရေးဝန်ကြီးဌာန- NUG)
---------------------------------------------------------------
(၁/၈/၂၀၂၂)

တနှစ်ခွဲကာလအတွင်း စစ်ကောင်စီတပ်ထဲကနေ CDM လုပ်သူ၊ ထွက်ပြေးသူ၊ တိုက်ပွဲမှာကျဆုံးသူ၊ ဖမ်းမိသူ အားလုံးပေါင်းရင် အင်အား ၂ သောင်းခန့်အထိ ရှိနေပြီဖြစ်တယ်လို့ NUG ကာကွယ်ရေးဝန်ကြီးဌာန အတွင်းဝန် ဦးနိုင်ထူးအောင်ကပြောပါတယ်။

နွေဦးတော်လှန်ရေး တနှစ်ခွဲကာလအတွင်း စစ်ကောင်စီတပ်နဲ့ တော်လှန်ရေးတပ်တွေကြား နှစ်ဖက်တိုက်ပွဲအခြေအနေ၊ နှစ်ဖက် ထိခိုက်ကျဆုံးမှုအနေအထားတွေကို BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ဒုတိယ ပိုင်းမှာ...
- ဒေါ်လာ ၄၄-သန်းအပြင် နောက်ထပ်အလှူငွေ တိုးရအောင် NUG က ဘယ်လိုဆောင်ရွက်နေသလဲ...
- လက်နက်မပြည့်မစုံနဲ့တိုက်ပွဲဝင်တာတောင် စစ်ကောင်စီဖက်က ဘာကြောင့် ၂-သောင်းလောက်အထိ ကျဆုံးသွားတာလဲ...
- PDF နဲ့ EAO တွေကြား ပူးပေါင်းဆောင်ရွက်မှု၊ ပူးပေါင်းတိုက်ပွဲဝင်မှုက ဘယ်လောက်အထိ အားကောင်းလာနေပြီလဲ...
- တနှစ်ခွဲကနေ ရှေ့အလားအလာအပေါ် NUG က ဘယ်လိုမျှော်လင့် ပြင်ဆင်ထားပါသလဲ...
စတဲ့ အကြောင်းအရာတွေကို ဆွေးနွေးတင်ပြထားပါတယ်။

(အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။)

Saturday, July 30, 2022

Interview with Naing Htoo Aung of NUG. part 1.



“ဒေါ်လာ ၄၄-သန်းကို လက်နက်ရရှိရေးနဲ့ စစ်ဆင်ရေးမှာ ဦးစားပေးသုံးစွဲနေပါတယ်”

(ဦးနိုင်ထူးအောင်- အတွင်းဝန်- ကာကွယ်ရေးဝန်ကြီးဌာန- NUG)
-------------------------------------------------------------------

နွေဦးတော်လှန်ရေး တနှစ်ခွဲကာလအတွင်း ပြည်တွင်း-ပြည်ပ အလှူရှင်တွေဆီကနေ အမေရိကန်ဒေါ်လာ ၄၄-သန်းရရှိထားပြီး အဲဒီငွေတွေကို PDF အတွက် လက်နက်တပ်ဆင်ရေးနဲ့ စစ်ဆင်ရေးမှာ ဦးစားပေးအသုံးပြုနေတယ်လို့ NUG ကာကွယ်ရေးဝန်ကြီးဌာန အတွင်းဝန် ဦးနိုင်ထူးအောင်ကပြောပါတယ်။

နွေဦးတော်လှန်ရေး တနှစ်ခွဲကာလအတွင်း လက်နက်ကိုင်တိုက်ပွဲ အောင်မြင်မှု၊ တိုးတက်မှု အခြေအနေတွေကို BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ပထမ ပိုင်းမှာ...
- တနှစ်ခွဲကာလအတွင်း နိုင်ငံရေး၊ စစ်ရေးအရ ရှေ့ကို ဘယ်လောက်အထိ တိုးတက်လာနေသလဲ...
- PDF အင်အားနဲ့ စုဖွဲ့မှုပုံစံ ဘယ်လိုရှိသလဲ...
- တနှစ်ခွဲကာလအတွင်း MOD က အလှူငွေ ဘယ်လောက်ရပြီး ဘယ်လို သုံးစွဲနေသလဲ...
- ကိုယ်တိုင်ထုတ် စစ်လက်နက်ပစ္စည်းတွေက စစ်မြေပြင်မှာ အသုံးပြုနိုင်တဲ့ အဆင့်ရောက်နေပြီလား...
စတဲ့ အကြောင်းအရာတွေကို ဆွေးနွေးတင်ပြထားပါတယ်။

(ပြည်သူမှ ပြည်သူသို့ အကူအညီသက်သက်နဲ့ လက်နက်ကိုင်တိုက်ပွဲရန်ပုံငွေ အဆင်ပြေပါ့မလား- ဆွေးနွေးချက်ပါတဲ့ ဒုတိယ ပိုင်းကိုတော့ တနလာင်္ညမှာ ဆက်လက် ထုတ်လွှင့်ပေးမှာဖြစ်ပါတယ်)

-အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။

Saturday, July 23, 2022

Interview with Than Soe Naing on 18-months of Revolution. Part-2



”ဒေသအလိုက် စစ်ဆင်ရေး၊ ပြည်နယ်အလိုက် စစ်ဆင်ရေးအဆင့်ဆီ တက်လှမ်းဖို့ လိုနေပါတယ်”

(ဦးသန်းစိုးနိုင်- နိုင်ငံရေး ဝေဖန်သုံးသပ်သူ)
-------------------------------------------------------------------------
(၂၄/၇/၂၀၂၂)

PDF တပ်တွေ နဲ့ EAO တပ်တွေကြား ပူးပေါင်းဆောင်ရွက်မှုဟာ တဖွဲ့ချင်း၊ တနယ်ချင်း တိုက်ပွဲဝင်မှုကနေ ဒေသအလိုက်၊ ပြည်နယ်အလိုက် စစ်ဆင်ရေးလုပ်နိုင်တဲ့အဆင့်အထိ တက်လှမ်းဖို့လိုနေတယ်လို့ နိုင်ငံရေးဝေဖန်သုံးသပ်သူ ဦးသန်းစိုးနိုင်ကပြောပါတယ်။

နွေဦးတော်လှန်ရေး တနှစ်ခွဲကာလအတွင်း PDF တပ်တွေ နဲ့ EAO တပ်တွေ ပူးပေါင်းဆောင်ရွက်မှု၊ NUG အစိုးရရဲ့ ဦးဆောင်နိုင်မှုစွန်းရည်တွေနဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ဒုတိယ ပိုင်းမှာ...
- PDF တပ်တွေရဲ့ စုဖွဲ့မှု ပုံစံနဲ့ အမိန့်ပေးမှုစနစ်က ထိုးစစ်ဆင်နိုင်တဲ့အဆင့်ဆီ ရောက်နေပြီလား...
- ဝယ်ယူ၊ တီထွင်မှုသက်သက်နဲ့ လက်နက်လိုအပ်ချက်ကို ဖြည့်ဆည်းနိုင်ပါ့မလား...
- ဒီနှစ်မကုန်ခင် တော်လှန်စစ်ရဲ့ ထိုးစစ်အဆင့်ကို တက်လှမ်းနိုင်မလား...
- နွေဦးတော်လှန်ရေး အောင်ပွဲခံဖို့ ဘာတွေ လိုအပ်နေသလဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။)

Friday, July 22, 2022

Interview with Than Soe Naing on 18 months of Revolution. Part-1



“PDF တွေဖက်က တိုက်ပွဲအရှိန်မြှင့်ပြီး ဖိအားပေးနိုင်ရင် စစ်ကောင်စီတပ် ပြိုကျမှု ဒီထက် ပိုဆိုးလာနိုင်ပါတယ်”

(ဦးသန်းစိုးနိုင်- နိုင်ငံရေး ဝေဖန်သုံးသပ်သူ)
-------------------------------------------------------------------------
(၂၂/၇/၂၀၂၂)

နွေဦးတော်လှန်ရေး တနှစ်ခွဲကာလအတွင်း စစ်ကောင်စီတပ် ပြိုကျမှုက သိသာလာတဲ့အတွက် PDF နဲ့ EAO တွေဖက်ကသာ တိုက်ပွဲအရှိန်မြှင့်ပြီး ဖိအားပေးလိုက်ရင် စစ်တပ်ပြိုကျမှုပိုဆိုးလာမယ်။ တဦးချင်းထွက်လာနေရာကနေ တပ်စုအလိုက်၊ တပ်ရင်းအလိုက်ထွက်လာတဲ့အထိ ဖြစ်လာနိုင်တယ်လို့ နိုင်ငံရေးဝေဖန်သုံးသပ်သူ ဦးသန်းစိုးနိုင်က ပြောပါတယ်။

နွေဦးတော်လှန်ရေး တနှစ်ခွဲကာလ တိုးတက်မှု၊ အားမလိုအားမရဖြစ်မှုတွေအပေါ် ဆန်းစစ်ဝေဖန်ချက်ပေးဖို့ BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ပထမ ပိုင်းမှာ...
- နွေဦးတော်လှန်ရေး တနှစ်ခွဲကာလအတွင်း အဓိက အောင်မြင်မှုက ဘာလဲ...
- အဓိက အားနည်ချက်ကကော ဘာတွေလဲ...
- ဆန္ဒပြပွဲနဲ့ CDM လှုပ်ရှားမှုတွေ ဘာကြောင့် အားနည်းသွားတာလဲ...
- စစ်တပ်အတွင်း CDM လှုပ်ရှားမှုနဲ့ တပ်ပြိုကျမှု အနေအထားက ဘယ်လောက်အထိ ဆိုးနေပြီလဲ...
- PDF တပ်တွေရဲ့ တနှစ်ခွဲကာလ တိုက်ပွဲဝင်မှုက အားရစရာ ရှိပါရဲ့လား...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(ဒီနှစ်မကုန်ခင် အဆုံးအဖြတ်ပေးနိုင်တဲ့ တိုက်ပွဲတွေဖြစ်ပေါ်လာနိုင်သလား-ဆိုတဲ့ ဆွေးနွေးချက်ပါတဲ့ ဒုတိယ ပိုင်းကိုတော့ တနင်္ဂနွေညမှာ ဆက်လက် ထုတ်လွှင့်ပေးမှာဖြစ်ပါတယ်)

(အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။)

Sunday, July 17, 2022

Interview with CDM- Air force Officer. part-2



“အရာရှိငယ်တွေနဲ့ အောက်ခြေတပ်သားတွေ များများထွက်လာဖို့လိုပါတယ်”

(ဗိုလ်ကြီးဇေသူအောင်- CDM လေတပ်အရာရှိ)
----------------------------------------------------------------
(၁၇/၇/၂၀၂၂)

အရာရှိငယ်တွေနဲ့ အောက်ခြေတပ်သားတွေ များများထွက်လာရင် စကစ ထိပ်တန်းအရာရှိတွေ စစ်ဆက်တိုက်ရေးအမိန့်ပေးဖို့ ခက်ခဲသွားနိုင်တဲ့အတွက် ဒါကို ဦးစားပေးဆောင်ရွက်သင့်တယ်လို့ CDM လေတပ်အရာရှိ ဗိုလ်ကြီးဇေသူအောင်ကပြောပါတယ်။

စစ်အာဏာသိမ်းပြီး တနှစ်ခွဲနီးပါးကာလအတွင်း စစ်တပ်အတွင်း ပြိုဆင်းမှုအခြေအနေနဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခုထုတ်လွှင့်ပေးမယ့် မေးမြန်းချက် ဒုတိယပိုင်းမှာ...
- CDM စစ်သည်တွေ ဦးစီးထုတ်လုပ်နေတဲ့ လက်နက်တွေ စစ်မြေပြင်မှာ တကယ်သုံးနိုင်ပြီလား...
- တနှစ်အတွင်း စကစ ဖက်က ထိခိုက်၊ ကျဆုံး၊ ထွက်ပြေး၊ CDM ဘယ်လောက်ရှိသလဲ...
- အချို့စစ်သားတွေက ထွက်ချင်ပေမယ့် မထွက်နိုင်ဖြစ်နေတာ ဘာကြောင့်လဲ...
- အရာရှိငယ်တွေနဲ့ အောက်ခြေစစ်သားတွေများပြားစွာ ထွက်လာခြင်းက စစ်ပွဲအခြေအနေကို အပြောင်းအလဲဖြစ်စေနိုင်သလား...
- တနှစ်ခွဲနီးပါးကြာ တော်လှန်ရေးအခြေအနေ ဘယ်အထိ ခရီးရောက်နေပြီလဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်

(အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။)

Friday, July 15, 2022

Interview with CDM- Air Force officer. Part-1.



“လေတပ်ကို ဘယ်လောက်သုံးသုံး- ခြေလျင်တပ်က မထိန်းနိုင်ရင် စခန်းကျတာပါပဲ”

(ဗိုလ်ကြီးဇေသူအောင်- CDM လေတပ်အရာရှိ)
----------------------------------------------------------------
(၁၅/၇/၂၀၂၂)

အာဏာသိမ်း စစ်ကောင်စီတပ်ဟာ EAO တွေ PDF တပ်တွေကို မြေပြင်မှာ ရင်ဆိုင်တိုက်ဖို့ အခက်ခဲရှိလာနေတဲ့အတွက် လေကြာင်းအကူကို နေ့စဉ်လိုလို အသုံးပြုနေရပါတယ်။ ဒါပေမယ့် ခြေလျင်တပ်က နယ်မြေကိုမထိန်းနိုင်ဘူးဆိုရင် လေတပ်ကိုဘယ်လောက်သုံးသုံး အလုပ်ဖြစ်မှာ မဟုတ်ဘူးလို့ CDM လေတပ်အရာရှိ ဗိုလ်ကြီးဇေသူအောင်ကပြောပါတယ်။

အခုတလော မြန်မာ-ထိုင်းနယ်စပ်အနီးရှိ ဥကရစ်ထစခန်းကို EAO နဲ့ PDF တပ်တွေက ဝိုင်းထားစဉ် စစ်ကောင်စီဖက်ကနေ လေယာဉ်နဲ့ အကြိမ်ကြိမ်တိုက်ခိုက်နေတဲ့အပေါ် ထင်မြင်ချက်မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ပထမ ပိုင်းမှာ...
- စကစဖက်က လေကြောင်းကို အလေးပေးလာတာဟာ ကြည်းတပ်တွေ အားနည်းသွားလို့လား...
- စကစ ရဲ့ လေတပ်ဖွဲ့စည်းပုံနဲ့ တပ်တည်နေရာတွေက ဘယ်လိုရှိသလဲ...
- MI 29 က ခေတ်အမီဆုံး တိုက်လေယာဉ်ဖြစ်ဆဲလား...
- လေယာဉ်နဲ့ နေ့စဉ်တိုက်နေပေမယ့် စခန်းကို ပြန်မသိမ်းနိုင်တာ ဘာကြောင့်လဲ...
- ဒရုံးနဲ့ ကင်းထောက်ခြင်းက ဒီနေ့စစ်ပွဲရဲ့ နေ့စဉ်လုပ်ငန်းဖြစ်လာနေပြီလား...
စတဲ့ အကြောင်းအရာတွေကို ဆွေးနွေးတင်ပြထားပါတယ်။

(CDM တပ်မတော်သားတွေ ဘယ်လောက်များနေပြီလဲ၊ ထပ်ထွက်လာမယ့်သူတွေကိုဘယ်လို ကြိုဆိုသင့်သလဲ... စတဲ့အကြောင်းတွေပါတဲ့ ဒုတိယ ပိုင်းကိုတော့ မနက်ဖန်ညမှာ ဆက်လက် ထုတ်လွှင့်ပေးမှာဖြစ်ပါတယ်)

(အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။)

Wednesday, July 13, 2022

Interview with Thinzar Shunlei Yi on US meeting.1



“ဒီမိုကရေစီဆိုပေမယ့် ၂၀၀၈ အောက်ကို ပြန်သွားရတဲ့ ဒီမိုကရေစီမျိုးမဖြစ်စေဖို့ ကျမ တင်ပြခဲ့ပါတယ်”

(သဉ္ဇာရွှန်းလဲ့ရည်- လူ့အခွင့်အရေး တက်ကြွလှုပ်ရှားသူ)
-----------------------------------------------------------------------
(၁၃/၇/၂၀၂၂)

စစ်အာဏာရှင်စနစ်အောက်ကနေ ဒီမိုကရေစီကိုပြန်သွားရေးတိုက်တွန်းတဲ့အခါ အရင်လို ၂၀၀၈ ဖွဲ့စည်းပုံ အခြေခံဥပေဒအောက် ပြန်ရောက်သွားတာမျိုးမဖြစ်စေဖို့ အမေရိကန်နိုင်ငံ ခြားရေးဝန်ကြီးနဲ့ တွေ့ဆုံစဉ်မှာ အလေးထားတင်ပြခဲ့တယ်လို့ လူ့အခွင့်အရေး တက်ကြွလှုုပ်ရှားသူ သဉ္ဇာရွှန်းလဲ့ရည် ကပြောပါတယ်။

ပြီးခဲ့တဲ့ ရက်ပိုင်းအတွင်းက ထိုင်းနိုင်ငံမှာပြုလုပ်ခဲ့တဲ့ အမေရိကန်နိုင်ငံခြားရေးဝန်ကြီး Antony Blinken နဲ့ မြန်မာ့ဒီမိုကရေစီအရေးလှုုပ်ရှားသူတွေ တွေ့ဆုံပွဲအတွင်း ဘာတွေ ဆွေးနွေးခဲ့သလဲဆိုပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူမ က အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက်ထဲမှာ...
- အမေရိကန်နိုင်ငံခြားရေးဝန်ကြီးနဲ့ တွေ့ဆုံပွဲအတွင်း ဘာတွေ တင်ပြခဲ့သလဲ...
- စီးပွားရေးပိတ်ဆို့မှုထက် ပိုထိရောက်တဲ့နည်းကို အမေရိကန်ဖက်က ရှာဖွေနေတယ်ဆို ဘယ်လိုနည်းလမ်းတွေလဲ...
- အသက် ၄၀ အောက် လူငယ်တွေကိုပဲ ရွေးပြီးတွေ့ဆုံတာ ဘာကြောင့်လဲ...
- အရပ်ဖက်အဖွဲ့ CSO တွေ နွေဦးတော်လှန်ရေးမှာ ဘယ်လို ပူးပေါင်းပါဝင်နေသလဲ...
- နွေဦးတော်လှန်ရေးတနှစ်ခွဲကြာအခြေအနေ ဘယ်လောက်အထိ တိုးတက်လာနေပြီလဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။)

Monday, July 11, 2022

Interview with Bo Nagar. Part-2.



 “စစ်ခေါင်းဆောင်တွေနဲ့အတူ ချောက်ထဲအထိ မခုန်ချပါနဲ့၊ ပြည်သူနဲ့ အမြန်ဆုံးလက်တွဲကြပါ”

(ဗိုလ်နဂါး- PDF ခေါင်းဆောင်- စစ်ကိုင်းတိုင်း)
-------------------------------------------------------
(၁၁-/-၇-/-၂၀၂၂)

အာဏာသိမ်း စစ်ကောင်စီတပ်ဟာ နိုင်ငံတကာရဲ့ ပိတ်ဆို့အရေးယူမှုခံနေရတဲ့အပြင် နွေဦးတော်လှန်ရေးဖက်ကလည်း မကြာခင် စစ်ရှိန်မြှင့်လာနိုင်တယ်။ PDF တပ်တွေမှာ မောင်းပြန်လက်နက်တွေရှိလာနေပြီဖြစ်တဲ့အတွက် စစ်ကောင်စီ အောက်ခြေစစ်သားတွေအနေနဲ့ ကိုယ်ကျိုးရှာ စစ်ဗိုလ်ချုပ်တွေကို ချန်ထားခဲ့ပြီး ပြည်သူဖက် အမြန်ဆုံးပူူးပေါင်းဖို့လိုနေပြီဖြစ်တယ်လို့ စစ်ကိုင်းတိုင်းက PDF ခေါင်းဆောင်တဦးဖြစ်သူ ဗိုလ်နဂါးက ပြောပါတယ်။

နွေဦးတော်လှန်ရေး တနှစ်ခွဲနီးပါးကာလ တိုးတက်ဖြစ်ထွန်းမှုအခြေနဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ဒုတိယပိုင်းမှာ....
- အာဆီယံနဲ့ တရုတ်ရဲ့ ဖိအားပေးမှုကြောင့် ငြိမ်းချမ်းရေးဆွေးနွေးပွဲတွေ ဖြစ်လာနိုင်တယ်ဆိုတဲ့အချက်အပေါ် ဒေသခံ PDF တွေက ဘယ်လိုအမြင်ရှိသလဲ...
- နွေဦးတော်လှန်ရေးအပေါ် အာဆီယံနဲ့ အိမ်နီးချင်းနိုင်ငံအစိုးရတွေက အခုချိန်အထိ မသိသလိုနေ နေတာ ဘာကြောင့်လဲ...
- လက်နက်ကိုင်တော်လှန်ရေး တနှစ်ခွဲကာလအတွင်း ဘယ်လောက်အထိ တိုးတက်လာခဲ့သလဲ...
- ပြည်သူ့အသက် ကာကွယ်ရေးအတွက် စစ်တပ်ထဲဝင်ခဲ့တဲ့ အောက်ခြေတပ်သားတွေ အခုချိန်မှာ ဘာလုပ်သင့်သလဲ...
- တော်လှန်ရေး အောင်ပွဲနီးလာချိန်မှာ ခေါင်းဆောင်ပိုင်းသဘောထားပြည့်ဝဖို့ ဘယ်လောက်အရေးကြီးသလဲ...
-စတဲ့ အကြောင်းအရာတွေကို ဆွေးနွေးတင်ပြထားပါတယ်။

(အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။)

Sunday, July 10, 2022

Interview with Bo Nagar. P-1.


“စာသင်ကျောင်းတွေ ဖွင့်ပေးနေပါတယ်၊ တိုက်ပွဲတွေလည်းဖြစ်နေဆဲပါ”

(ဗိုလ်နဂါး- PDF ခေါင်းဆောင်- စစ်ကိုင်းတိုင်း)
-------------------------------------------------------
(၁၀-၇-၂၀၂၂)

စစ်ကိုင်းတိုင်းနဲ့ မကွေးတိုင်းရှိ PDF ထိန်းချုပ်ဒေသတွေမှာ ပြည်သူ့အုပ်ချုပ်ရေးအဖွဲ့က မူလတန်းကျောင်းတွေ ပြန်ဖွင့်ပေးနေပြီး တချိန်တည်းမှာပဲ အချို့နေရာတွေမှာ တိုက်ပွဲတွေ  ဖြစ်နေတယ်လို့ စစ်ကိုင်းတိုင်း ပုလဲနယ်က ဒေသခံ PDF ခေါင်းဆောင်တဦးဖြစ်သူ ဗိုလ်နဂါး ကပြောပါတယ်။

NUG က အုပ်ချုပ်ရေးချထားတဲ့ မြို့နယ်ပေါင်း ၃၀ ကျော်မှာ ပြည်သူ့ဝန်ဆောင်လုပ်ငန်းတွေ ဘယ်လိုဆောင်ရွက်ပေးနေသလဲ၊ PDF တွေက ဘယ်လိုပူးပေါင်းဆောင်ရွက်နေသလဲဆိုပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခုထုတ်လွှင့်ပေးမယ့် မေးမြန်းချက် ပထမ ပိုင်းမှာ...
- စစ်ကိုင်းတိုင်းအတွင်းက တိုက်ပွဲတွေရဲ့ နောက်ဆုံးအခြေအနေ...
- ရွာမီးရှို့ခံရမှုအခြေအနေ၊၊ စစ်ပြေးဒုက္ခသည်များအတွက် အကူအညီလိုအပ်ချက်များအကြောင်း...
- စာသင်ကျောင်းနဲ့ ဆေးရုံဆေးခန်း ဝန်ဆောင်မှုတွေကို NUG က ဘယ်လိုဆောင်ရွက်ပေးနေသလဲ...
- စစ်ကိုင်း-မကွေးဒေသတွင်းရှိ တော်လှန်ရေးတပ်တွေ ပူူးပေါင်းစစ်ဆင်ရေး ဆောင်ရွက်နိုင်ပြီလား...
- NUG ဆီတောင်းထားတဲ့ လက်နက်တွေ ရမယ့်အလားအလာ ပိုနီးလာပြီလား...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(နွေဦးတော်လှန်ရေး တနှစ်ခွဲအခြေအနေ သုံးသပ်ချက်ပါတဲ့ ဒုတိယ ပိုင်းကိုတော့ မနက်ဖန် ညမှာ ဆက်လက်ထုတ်လွှင့်ပေးမှာဖြစ်ပါတယ်)

(အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။)

Wednesday, July 6, 2022

Interview with Dr Tint Swe On China-Myanmar relation-2



”အာဆီယံရော၊ တရုတ်ကပါ မြန်မာစစ်ကောင်စီရဲ့ လုပ်ရပ်တွေကို မကြိုက်ကြပါဘူး” (ဒေါက်တာတင့်ဆွေ- နိုင်ငံရေး ဝေဖန်သုံးသပ်သူ) --------------------------------------------------------------------- (၁/ ၇/၂၀၂၂) တရုတ်နိုင်ငံခြားရေးဝန်ကြီးနဲ့ အာဆီယံ ဝန်ကြီးအချို့ မြန်မာနိုင်ငံဆီရောက်နေ- သွားနေကြပေမယ့် သူတို့အားလုံးဟာ စစ်ကောင်စီရဲ့ လုပ်ရပ်တွေကို မကြိုက်ကြဘူး။ ဒီခရီးစဉ်တွေဟာ စစ်ကောင်စီကို တရားဝင်အသိအမှတ်ပြုတဲ့သဘော မဟုတ်ဘူူးလို့ နိုင်ငံရေး ဝေဖန်သုံးသပ်သူ ဒေါက်တာတင့်ဆွေကပြောပါတယ်။ ပုဂံမှာကျင်းပမယ့် လန်ချန်း-မဲခေါင်ပူးပေါင်းဆောင်ရွက်မှုအစည်းအဝေးတက်ရောက်ဖို့ တရုတ်နဲ့ မဲခေါင်းမြစ်ဝှမ်းဒေသက နိုင်ငံခြားရေးဝန်ကြီးတွေ မြန်မာနိုင်ငံဆီရောက်လာမယ့်အခြေအနေနဲ့ပတ်သက်ပြီး BNN သတင်းဌာမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။ အခု ထုတ်လွှင့်ပေးမယ့် မေးမြန်းချက် ဒုတိယ ပိုင်းမှာ.... - စစ်ကောင်စီကို နိုင်ငံတကာက ပိတ်ဆို့ဒဏ်ခတ်ထားချိန်မှာ တရုတ်နဲ့ အာဆီယံ ဝန်ကြီးတွေ မြန်မာနိုင်ငံဆီ သွားသင့်ပါရဲ့လား... - NUG ရဲ့ သံတမန်ရေးတိုက်ပွဲမှာ တရုတ်နဲ့ အာဆီယံကို စည်းရုံးဖို့ အားနည်းခဲ့လေသလား... - PDF တွေကို အနောက်နိုင်ငံတွေက စစ်ရေးအကူအညီမပေးတာ.ဘာကြောင့်လဲ... - စစ်ကောင်စီရဲ့ ဝါဒဖြန်မှုကို ဘယ်လို တုန့်ပြန်ကြမလဲ... စတဲ့အကြောင်းအရာတွေကို ဆွေးနွေးတင်ပြထားပါတယ်။ (အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။)

Interview with Aung Moe Zaw of DPNS. 1.



“တွေ့ဆုံဆွေးနွေးရေးဆိုတဲ့စကားက သိပ်နောက်ကျနေပြီ၊ လူထုက လက်နက်ကိုင်တိုက်ပွဲဝင်နေပြီ”

(ဦးအောင်မိုးဇော်- လူ့ဘောင်သစ်ဒီမိုကရက်တစ်ပါတီ-DPNS)
-------------------------------------------------
(၆/၇/၂၀၂၂)

စစ်ကောင်စီဖက်က တွေ့ဆုံဆွေးနွေးရေးအကြောင်းပြောလာတဲ့အချိန်ဟာ သိပ်နောက်ကျနေပြီဖြစ်ပြီး မြန်မာလူထုက စစ်ကောင်စီ မရှိမှ တိုင်းပြည်ငြိမ်းချမ်းမယ်ဆိုတဲ့ ယုံကြည်ချက်နဲ့ လက်နက်ကိုင်တော်လှန်တဲ့အထိဖြစ်နေပြီလို့ လူ့ဘောင်သစ်ဒီမိုကရက်တစ်ပါတီဥက္ကဌ ဦးအောင်မိုးဇော်ကပြောပါတယ်။

အာဏာသိမ်းစစ်ကောင်စီနဲ့ ဒီမိုကရေစီအင်အားစုတွေ၊ တိုင်းရင်းသားအင်အားစုတွေ အားလုံး တွေ့ဆုံဆွေးနွေးအဖြေရှာကြဖို့ တရုတ်နိုင်ငံခြားရေးဝန်ကြီးက တိုက်တွန်းလိုက်တဲ့အပေါ် BNN သတင်းဌာနမှ ဦးထက်အောင်ကျော်က ထင်မြင်ချက် မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက်ထဲမှာ...
- တရုတ်ရဲ့ ကမ်းလှမ်းချက် အလုပ်ဖြစ်နိုင်သလား...
- စကစ ဖက်ကပြောလာတဲ့ “တွေ့ဆုံဆွေးနွေးရေး-မဖြစ်နိုင်ဘူးလို့ မပြောနိုင်ဘူး” ဆိုတာကို ဘယ်လိုနားလည်သင့်သလဲ...
- တွေ့ဆုံဆွေးနွေးရေးအတွက် နွေဦးတော်လှန်ရေးအင်အားစုတွေဖက်က ဘာတွေပြင်ထားသင့်သလဲ...
- ရွာမီးရှို့၊ လူသတ်၊ ထိုးစစ်အရှိန်မြှင့်နေချိန်မှာ တွေ့ဆုံဆွေးနွေးရေး ဖြစ်နိုင်ပါ့မလား...
- ဆွေးနွေးရေးဆိုတဲ့စကားလုံးကြောင့် ၂၀၁၀ မတိုင်ခင် ကာလတွေဆီ သမိုင်းတပတ် ပြန်လည်သွားနိုင်သလား...
- နွေဦးတော်လှန်ရေးအင်အားစုတွေ တော်လှန်စစ်ကို အရှိန်မြှင့်သင့်သလား...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။)

Friday, July 1, 2022

Interview with ABSDF on Yaw Region revolution.



“ယောနယ်အပါဝင် တိုင်းဒေသကြီးတွေမှာပါ ABSDF က လှုပ်ရှားနေပါတယ်” (ဦးမောင်မောင်- ABSDF ယောနယ်တာဝန်ခံ) -------------------------------------------------------------------- (၂၈/ ၆/၂၀၂၂) ချင်း-မကွေးနယ်စပ် ယောဒေသက စစ်သင်တန်းဆင်းပွဲတင်မကပဲ အခြားဒေသတွေမှာလည်း ABSDF တပ်တွေရှိနေတယ်။ ဒေသခံ PDF တွေနဲ့ ပူးတွဲလှုပ်ရှားနေပါတယ်လို့ ABSDF ဗဟိုကော်မီတီဝင်တဦးဖြစ်သူ ဦးမောင်မောင်ကပြောပါတယ်။ ငြိမ်းချမ်းရေးဆွေးနွေးပွဲတွေနဲ့ အလုပ်ရှုပ်နေပြီး နွေဦးတော်လှန်ရေးမှာ ထဲထဲဝင်ဝင် ပါဝင်တာမတွေ့ရလို့ ဝေဖန်ခံနေရတဲ့ ABSDF ဟာ ဇွန်လ ၂၀ ရက်နေ့ကတော့ မကွေးတိုင်း ယောနယ်မှာ စစ်သင်တန်းဆင်းပွဲတခု ကျင်းပတာတွေ့ရပါတယ်။ အဲဒီသင်တန်းဆင်းပွဲနဲ့ ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။ အခု ထုတ်လွှင့်ပေးမယ့် မေးမြန်းချက်ထဲမှာ... - ယောနယ်က သင်တန်းဆင်းပွဲရဲ့ ထူးခြားချက်များ... - စစ်ကောင်စီဥက္ကဌရဲ့ ဖိတ်ခေါ်ချက်ကို ဘာကြောင့် လက်မခံတာလဲ... - အာဏာသိမ်းစဉ်က အသံတိတ်နေပြီး ၁၆ လကြာမှ အသံထွက်လာတာ ဘာကြောင့်လဲ... - နွေဦးတော်လှန်ရေးရဲ့ ရှေ့အလားအလာကို ABSDF က ဘယ်လို ရှုမြင်ထားပါသလဲ... စတဲ့အကြောင်းအရာတွေကို ဆွေးနွေးတင်ပြထားပါတယ်။ (အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။)

Interview with Dr Tint Swe on Asean- part-1



“အာဆီယံက ပေးမယ့်အကူအညီ ဒုက္ခသည်အစစ်အမှန်တွေဆီ ရောက်မရောက် မသေချာဘူး” (ဒေါက်တာတင့်ဆွေ- နိုင်ငံရေး ဝေဖန်သုံးသပ်သူ) --------------------------------------------------------------------- (၃၀/ ၆/၂၀၂၂) နေပြည်တော်ကိုရောက်နေတဲ့ အာဆီယံ အထူးကိုယ်စားလှယ်ရဲ့ခရီးစဉ်အတွင်း လူသားချင်းစာနာမှုအကူအညီတွေပေးရေး သဘောတူချက်ရကောင်းရနိုင်ပေမယ့် အဲဒီအကူအညီတွေ ဒုက္ခသည်အစစ်အမှန်တွေဆီ ရောက်နိုင်-မနိုင် မသေချာဘူးလို့ နိုင်ငံရေး ဝေဖန် သုံးသပ်သူ ဒေါက်တာတင့်ဆွေကပြောပါတယ်။ ၃ ရက်ကြာခရီးစဉ်အဖြစ် မနေ့က နေပြည်တော်ကိုရောက်လာတဲ့ အာဆီယံ အထူးကိုယ်စားလှယ် ကမ္ဘောဒီးယားနိုင်ငံခြားရေးဝန်ကြီး Prak Sokhonn ရဲ့ခရီးစဉ်၊ ဇူလိုင် ၂ ရက်နေ့မှာ ပုဂံကိုရောက်လာမယ့် တရုတ် နိုင်ငံခြားရေးဝန်ကြီး Wang Yi ရဲ့ ခရီးစဉ်တွေနဲ့ပတ်သက်ပြီး BNN သတင်းဌာမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။ အခု ထုတ်လွှင့်ပေးမယ့် မေးမြန်းချက် ပထမ ပိုင်းမှာ.... - အာဆီယံ အထူးကိုယ်စားလှယ်ရဲ့ ဒုတိယ ခရီးစဉ် ဘာတွေထူးခြားနိုင်သလဲ... - လူသားချင်းစာနာမှုအကူအညီ တကယ်ရလာနိုင်သလား... - အာဆီယံ မူ ၅ ချက် အလုပ်မဖြစ်တာ ဘာကြောင့်လဲ... - အာဆီယံ အလှည့်ကျဥက္ကဌပြောင်းရင် မြန်မာ့အရေးပေါ်ချည်းကပ်မှုပုံစံ ပြောင်းနိုင်သလား... - တရုတ်နိုင်ငံခြားရေးဝန်ကြီးလာရင် ဘာတွေ ထူူးလာနိုင်သလဲ... စတဲ့အကြောင်းအရာတွေကို ဆွေးနွေးတင်ပြထားပါတယ်။ (သံတမန် စစ်မျက်နှာမှာ စကစနဲ့ NUG တို့ရဲ့ အားပြိုင်မှုရှေ့အလားအလာ အကြောင်းပါဝင်တဲ့ ဒုတိယ ပိုင်းကိုတော့ မနက်ဖန်ညမှာ ဆက်လက်ထုတ်လွှင့်ပေးမှာဖြစ်ပါတယ်) အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။

Interview with Dr Tint Swe On China-Myanmar relation-2



”အာဆီယံရော၊ တရုတ်ကပါ မြန်မာစစ်ကောင်စီရဲ့ လုပ်ရပ်တွေကို မကြိုက်ကြပါဘူး”

(ဒေါက်တာတင့်ဆွေ- နိုင်ငံရေး ဝေဖန်သုံးသပ်သူ)
---------------------------------------------------------------------
(၁/ ၇/၂၀၂၂)

တရုတ်နိုင်ငံခြားရေးဝန်ကြီးနဲ့ အာဆီယံ ဝန်ကြီးအချို့ မြန်မာနိုင်ငံဆီရောက်နေ- သွားနေကြပေမယ့် သူတို့အားလုံးဟာ စစ်ကောင်စီရဲ့ လုပ်ရပ်တွေကို မကြိုက်ကြဘူး။ ဒီခရီးစဉ်တွေဟာ စစ်ကောင်စီကို တရားဝင်အသိအမှတ်ပြုတဲ့သဘော မဟုတ်ဘူူးလို့ နိုင်ငံရေး ဝေဖန်သုံးသပ်သူ ဒေါက်တာတင့်ဆွေကပြောပါတယ်။

ပုဂံမှာကျင်းပမယ့် လန်ချန်း-မဲခေါင်ပူးပေါင်းဆောင်ရွက်မှုအစည်းအဝေးတက်ရောက်ဖို့ တရုတ်နဲ့ မဲခေါင်းမြစ်ဝှမ်းဒေသက နိုင်ငံခြားရေးဝန်ကြီးတွေ မြန်မာနိုင်ငံဆီရောက်လာမယ့်အခြေအနေနဲ့ပတ်သက်ပြီး BNN သတင်းဌာမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ဒုတိယ ပိုင်းမှာ....
- စစ်ကောင်စီကို နိုင်ငံတကာက ပိတ်ဆို့ဒဏ်ခတ်ထားချိန်မှာ တရုတ်နဲ့ အာဆီယံ ဝန်ကြီးတွေ မြန်မာနိုင်ငံဆီ သွားသင့်ပါရဲ့လား...
- NUG ရဲ့ သံတမန်ရေးတိုက်ပွဲမှာ တရုတ်နဲ့ အာဆီယံကို စည်းရုံးဖို့ အားနည်းခဲ့လေသလား...
- PDF တွေကို အနောက်နိုင်ငံတွေက စစ်ရေးအကူအညီမပေးတာ.ဘာကြောင့်လဲ...
- စစ်ကောင်စီရဲ့ ဝါဒဖြန်မှုကို ဘယ်လို တုန့်ပြန်ကြမလဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။)

Friday, June 24, 2022

Interview with Rebecca Saimawii on Burma Revolution Song.



နွေဦးတော်လှန်ရေးသီချင်းဆိုသူ အိန္ဒိယတေးသံရှင် Rebecca Saimawii နှင့် တွေ့ဆုံမေးမြန်းချက်
------------------------------------------------------------
(၂၄/၆/၂၀၂၂) 

မြန်မာ့နွေဦးတော်လှန်ရေးအတွက် ငွေအားနဲ့ ရုပ်ဝတ္တုပိုင်းအကူအညီလိုအပ်နေသလို စိတ်ဓာတ်ရေးရာအရ ခွန်အားဖြစ်စေမယ့် အကူအညီတွေလည်းလိုအပ်နေတယ်လို့ နွေဦးတော်လှန်ရေး သီချင်းသီဆိုသူ အိန္ဒိယတေးသံရှင် Rebecca Saimawii ကပြောပါတယ်။

နော်ဝေနိုင်ငံ၊ ဖရိုလန်းမြို့ရှိ ဒေါ်အောင်ဆန်းစုကြည်ပန်းခြံမှာ ဇွန်လ ၁၈ ရက်နေ့က ကျင်းပတဲ့ ဒေါ်အောင်ဆန်းစုကြည် ၇၇ နှစ်ပြည့်မွေးနေ့ပွဲအပြီး BNN သတင်းဌာနမှ ဦးထက်အောင်ကျော်နဲ့ တွေ့ဆုံစဉ် သူမက အဲဒီလိုပြောခဲ့တာပါ။

တော်လှန်ရေးသမားတွေအတွက် စိတ်ခွန်အားဖြစ်စေမယ့် သီချင်းတွေထဲက... ကမ္ဘာမကျေဘူး၊ အလိုမရှိ၊ အရေးကြီးပြီ၊ ခွန်အားဖြည့် မိငယ်၊ Everything will be Ok အပါဝင် တေးသီချင်းများစွာကို အဲဒီပွဲမှာ သူမက သီဆိုဖျော်ဖြေခဲ့ပါတယ်။ ဒီသီချင်းတွေထဲက Everything will be Ok ကို ဦးစားပေးထားပါတယ်။ နွေဦးတော်လှန်ရေးတိုက်ပွဲဝင်နေသူတွေအတွက် စိတ်ဓာတ်ခွန်အား တစုံတရာ ရရှိမယ်လို့ မျှော်လင့်ပါတယ်။

(ဒီအစီစဉ်အတွက် ဝိုင်းဝန်းကူညီပေးခဲ့သော... အင်တာဗျုး- ဗီဒီယို ရိုက်ပေးတဲ့ ကိုဘိုဘို၊ သီချင်း ဗီဒီယို ရိုက်ပေးတဲ့ ကိုဂျာစတင်၊ ရုပ်-သံ ဖွိုင်တွေ အသုံးပြုခွင့်ပေးတဲ့ ပန်းခြံကော်မီတီနဲ့ အားလုံးကို အထူးကျေးဇူးတင်ပါတယ်)။

(အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။)

Monday, June 20, 2022

ASSK's First Speech in Aug 1988.



ဒေါ်အောင်ဆန်းစုကြည်၏ ပထမ ဆုံး လူထုသို့ပြောကြားခဲ့သော မိန့်ခွန်း...
-------------------------------
(၂၀/၆/၂၀၂၂)

လက်ရှိ စစ်ကောင်စီရဲ့ဖမ်းဆီးခြင်းခံနေရသူ မြန်မာ့ဒီမိုကရေစီလှုပ်ရှားမှူခေါင်းဆောင် ဒေါ်အောင်ဆန်းစုကြည် ၁၉၈၈ ခုနှစ် သြဂုတ်လ ၂၆ ရက်နေ့က ရွှေတိဂုံရင်ပြင်မှာ လူထုသို့ ပထမဆုံးပြောကြားတဲ့မိန့်ခွန်းအကြောင်း မှတ်တမ်း ရုပ်-သံ တခုကို ၂၀၁၉ ခုနှစ် သြဂုတ်လတုန်းက ရိုက်ကူးပြီး One News ကနေ ထုတ်လွှင့်ခဲ့ပါတယ်။

မူရင်း ဖွိုင်မရှိတော့တဲ့အတွက် FB မီမိုရီမှာ ပြန်ပေါ်လာတဲ့ ဖွိုင်ကို ကော်ပီပြန်ကူးပြီး youtube မှာ မှတ်တမ်းအဖြစ် ထပ်မံတင်ပြအပ်ပါတယ်။ 

အခုလို အချိန်မှာ လွန်ခဲ့တဲ့ ၈၈-၉၀ နေအိမ်အကျယ်ချုပ်ကာလတွေကို ပြန်လည် သတိရပြီး အနာဂတ်အတွက် ဝေဖန်ဆန်းစစ်ချက်တွေ၊ သုံးသပ်ချက်တွေ လုပ်ဆောင်တဲ့နေရာမှာ ဒီ မှတ်တမ်းက တစုံတရာ အထောက်အကူပြုလိမ့်မယ်လို့ မျှော်လင့်ပါတယ်။

လေးစားစွာဖြင့်...
ထက်အောင်ကျော်-

(အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။)

Interview with Saw Taw Ni of KNU on armed struggle.



“အကူအညီကို ထိုင်စောင့်လို့ မဖြစ်ဘူး၊ ရှိတဲ့ဟာနဲ့ တီထွင်ကြံဆပြီး ဆက်လုပ်ဖို့လိုပါတယ်”

(ပဒိုစောတောနီး- KNU ပြောခွင့်ရပုဂ္ဂိုလ်)
--------------------------------------------------------------------
(၂၀/၆/၂၀၂၂)

နိုင်ငံတကာရဲ့ စစ်ရေးအကူအညီဆိုတာ မသေချာတဲ့အတွက် အဲဒါကို ထိုင်စောင့်မနေပဲ ရှိတဲ့အရင်းအမြစ်တွေကို စစ်မြေပြင်သုံးလက်နက်ဖြစ်လာအောင် တီထွင်ကြံဆကာ တော်လှန်ရေးကို အရှိန်မြင့်သွားဖို့လိုတယ်လို့ ကရင့်အမျိုးသားအစည်းအရုံး KNU ပြောခွင့်ရပုဂ္ဂိုလ် ပဒိုစောတောနီးကပြောပါတယ်။

အမေရိကန်အစိုးရ တာဝန်ရှိသူတွေဖက်က စစ်ရေးအကူအညီပေးဖို့ အခက်ခဲရှိတယ်လို့ ထုတ်ပြောလာတဲ့အပေါ် BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ဒုတိယ ပိုင်းမှာ...
- NUG ဝန်ကြီးတွေရဲ့ နိုင်ငံတကာခရီးစဉ်တွေက ထင်သလောက် အကူအညီရပါရဲ့လား...
- အမေရိကန်ဖက်က စစ်ရေးအကူအညီပေးဖို့အစီစဉ်မရှိသေးဘူးဆိုတဲ့အပေါ် KNU က ဘယ်လို မြင်သလဲ...
- နယ်စပ်ဖြတ် ဒုက္ခသည်ကူညီရေးအစီစဉ်တွေ မကြာခင် ဖြစ်လာနိုင်သလား...
- ၁၆ လတာကာလအတွင်း NUCC တပ်ပေါင်းစုရဲ့ ဆောင်ရွက်နိုင်မှုက အားရစရာရှိပါရဲ့လား...
- ၁၆ လတာ နွေဦးတော်လှန်ရေး- ဘယ်လောက်အထိ ခရီးရောက်နေပြီလဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။)

Friday, June 17, 2022

Interview with Saw Taw Ni of KNU on SAC. Part-1.



“အာဏာသိမ်းထားသူတွေကို တရားဝင်အသိအမှတ်ပြုရမယ့်ဆွေးနွေးပွဲမျိုး ကျနော်တို့ လက်မခံနိုင်ပါဘူး”

(ပဒိုစောတောနီး- KNU ပြောခွင့်ရပုဂ္ဂိုလ်)
------------------------------------------------------------
(၁၇/၆/၂၀၂၂)

အာဏာသိမ်း အကြမ်းဖက်စစ်ကောင်စီကို တရားဝင်အသိအမှတ်ပြုသလို ဖြစ်စေမယ့် ဘယ်ဆွေးနွေးပွဲမျိုးကိုမဆို လက်ခံမှာမဟုတ်ဘူးလို့ ကရင့်အမျိုးသားအစည်းအရုံး KNU ပြောခွင့်ရပုဂ္ဂိုလ် ပဒိုစောတောနီးကပြောပါတယ်။

စစ်ကောင်စီဥက္ကဌ ပထမ အကြိမ်ဖိတ်ခေါ်စဉ်က မတက်ရောက်ဘူးလို့ ငြင်းဆိုထားတဲ့ တိုင်းရင်းသားလက်နက်ကိုင်အဖွဲ့ EAO တွေကို အခု ရက်ပိုင်းမှာ ဒုတိယ အကြိမ် ထပ်မံဖိတ်ခေါ် တာနဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ပထမ ပိုင်းမှာ...
- စစ်ကောင်စီ ဖိတ်ခေါ်ချက်ကို KNU က ဘာကြောင့် လက်မခံတာလဲ...
- တဖက်မှာ ဆွေးနွေးပွဲ ဖိတ်ခေါ်ပြီး အခြားတဖက်မှာ ထိုးစစ်ဆင်နေတာ ဘာသဘောလဲ...
- စကစ တပ်သားတွေ မဆုတ်တန်းခံစစ်စခန်းတွေကို စွန့်ခွာထွက်ပြေးနေတာ ဘာကြောင့်လဲ...
- မိုးတွင်းကာလမှာ လေကြောင်းပစ်ကူ အလုပ်ဖြစ်ပါတော့မလား...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(နွေဦးတော်လှန်ရေး ၁၆ လတာ ကာလအတွင်း ပြည်ပက လက်နက်အကူအညီမရသေးလို့ ကိုယ်တိုင်တီထွင်နေရမှုအပေါ် သုံးသပ်ချက်ပါဝင်တဲ့ ဒုတိယ ပိုင်းကိုတော့ မနက်ဖန်ညမှာ ဆက်လက် ထုတ်လွှင့်ပေးမှာဖြစ်ပါတယ်)။

အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။

Monday, June 13, 2022

Interview with Dr Zaw Wai Soe of NUG on EU trip.



“လက်နက်အပါဝင် တော်လှန်ရေးအတွက် လိုအပ်ချက်အားလုံးကို ကျနော်တို့ တင်ပြနေပါတယ်”

(ဒေါက်တာဇော်ဝေစိုး- ပြည်ထောင်စုဝန်ကြီး- NUG)
-------------------------------------------------------------------------
(၁၃/၆ /၂၀၂၂)

လက်နက်လိုအပ်ချက်အပါဝင် နွေဦးတော်လှန်ရေးအတွက် မရှိမဖြစ်လိုအပ်ချက်တွအားလုံးကို နိုင်ငံတကာအစိုးရတွေဆီ ပွင့်ပွင့်လင်းလင်း တင်ပြဆွေးနွေးနေတယ်လို့ အမျိုးသားညီညွတ်ရေးအစိုးရ NUG ကျန်းမာရေးနှင့် ပညာရေး ပြည်ထောင်စုဝန်ကြီး ဒေါက်တာဇော်ဝေစိုးက ပြောပါတယ်။

ဥရောပခရီးစဉ်အဖြစ် နော်ဝေနိုင်ငံကိုရောက်နေတဲ့ ပြည်ထောင်စုဝန်ကြီး ဒေါက်တာ်ဇော်ဝေစိုးနဲ့ ဦးထင်လင်းအောင်တို့အဖွဲ့ကို BNN သတင်းဌာနမှ ဦးထက်အောင်ကျော်က မေးမြန်းစဉ် ဒေါက်တာဇော်ဝေစိုးက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက်ထဲမှာ...
- နော်ဝေနဲ့ ဥရောပခရီးစဉ်အတွင်း ဘာတွေ အကူအညီရခဲ့သလဲ...
- အမေရိကန်နဲ့ ဥရောပက NUG ကို တရားဝင်အစိုးရအဖြစ် အသိအမှတ်ပြုနေပြီလား...
- PDF တွေအတွက် အရေးပေါ်လိုအပ်နေတဲ့ လက်နက်အကူအညီ အလားအလာ ဘယ်လိုရှိသလဲ...
- CDM ဝန်ထမ်းတွေအတွက် NUG က ဘယ်လို ထောက်ပံ့ကူညီနေသလဲ...
- လွတ်မြောက်ဒေသနဲ့ အွန်လိုင်းပေါ်က NUG ရဲ့ ပညာရေး၊ ကျန်းမာရေး ဝန်ဆောင်မှု လုပ်ငန်းအခြေအနေ ဘယ်လောက်အထိ တိုးတက်နေပြီလဲ...
- ၁၆ လတာ နွေဦးတော်လှန်ရေး ဘယ်အနေအထားအထိ ခရီးပေါက်နေပြီလဲ...
- စတဲ့အကြောင်းအရာတွေကို ဆွေးနွေးတင်ပြထားပါတယ်။

(ဇွန်လ ၁၀ ရက်နေ့ ညနေပိုင်းက နော်ဝေရှိ မြန်မာမိသားစုနဲ့တွေ့ဆုံပွဲအပြီး  အဲဒီခန်းမထဲမှာ ဒီအင်တာဗျုးကို ပြုလုပ်တာဖြစ်တဲ့အတွက် နောက်ခံဆူညံအသံတွေ ပါနေတာကို တောင်းပန်အပ်ပါတယ်)။

အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။

Wednesday, June 8, 2022

Interview with Banya Khung Aung of KHRG on WFP.



“ဒုက္ခသည်တွေအတွက် နိုင်ငံတကာရဲ့အကူအညီ အရေးပေါ် လိုအပ်နေပါတယ်”

(ဗညားခွန်အောင်- ကရင်နီလူ့အခွင့်အရေးအဖွဲ့- KHRG)
--------------------------------------------------------------------
(၈/၆/၂၀၂၂)

မြန်မာနိုင်ငံရှိ ဒုက္ခသည်တသန်းကျော်ကို အကူအညီပေးတဲ့အခါ စစ်ကောင်စီထိန်းချုပ်နယ်မြေအတွင်းရှိ ဒုက္ခသည်တွေအပြင် ထိန်းချုပ်မှုပြင်ပနယ်မြေက ဒုက္ခသည်တွေကိုပါ ကူညီပေးဖို့လိုအပ်တယ်လို့ ကရင်နီလူ့အခွင့်အရေးအဖွဲ့ ညွန်ကြားရေးမှူး ဗညားခွန်အောင် ကပြောပါတယ်။

မြန်မာနိုင်ငံမှာ ဒုက္ခသည်တသန်းအထိရှိလာနေပြီလို့ UN က ကြေညာတာ၊ ကရင်နီဒေသရှိ လူ ၈ သောင်းကို အကူအညီတွေစတင်ပေးအပ်နေပြီလို့  WFP က ကြေညာတာအပါဝင် လတ်တလောရင်ဆိုင်နေရတဲ့ ဒုက္ခသည်ပြသာနာ၊ လူသားချင်းစာနာမှုအခက်အခဲတွေနဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက်ထဲမှာ...
- နေရပ်စွန့်ခွာထွက်ပြေးနေရသူ တကယ့်အရေအတွက်ဟာ တသန်းထက် ပိုများနိုင်သလား...
- ကရင်နီဒေသရှိ လူဦးရေ ၄ သိန်းကျော်မှာ ဒုက္ခသည်က ၂ သိန်းအထိရှိနေတာ ဘာကြောင့်လဲ...
- ကုလသမဂ္ဂ အဖွဲ့အစည်းတွေရဲ့ကူညီမှုဟာ စစ်ကောင်စီ ထိန်းချုပ်နယ်မြေအတွင်းမှာပဲ ဘောင်ခတ်ခံထားရဆဲလား...
- စစ်ကောင်စီက ခွင့်မပြုရင် ထိုင်းဖက်ကနေ နယ်စပ်ဖြတ်ကူညီရေးကော ဖြစ်ပေါ်လာနိုင်သလား...
- အခု မိုးရာသီအစမှာ အရေးပေါ်အကူအညီ ဘာတွေလိုအပ်နေသလဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။)

Sunday, June 5, 2022

Interview with U Thein Oo of NUG on Justice.



“ပထမ အချက်က ဥပဒေနဲ့မညီဘူး၊ ဒုတိယ အချက်က နိုင်ငံရေး အာဃာတနဲ့ လုပ်တာဖြစ်တယ်” 

(ဦးသိန်းဦး- ပြည်ထောင်စုဝန်ကြီး၊ တရားရေးဝန်ကြီးဌာန- NUG)
-------------------------------------------------------------------------------
(၅/၆/၂၀၂၂)

၈၈ မျိုးဆက်ကျောင်းသားခေါင်းဆောင် ကိုဂျင်မီနဲ့ NLD လွှတ်တော်အမတ် ကိုဇေယျာသော်တို့ကို စစ်ကောင်စီဖက်ကနေ သေဒဏ်စီရင်မယ်လို့ ခြိမ်းခြောက်ပြောဆိုလာတာဟာ ဥပဒေနဲ့မညီတဲ့အပြင် နိုင်ငံရေးအာဃာတနဲ့ ဆောင်ရွက်တဲ့သဘောဖြစ်နေတယ်လို့ NUG တရားရေးဝန်ကြီး ဦးသိန်းဦးကပြောပါတယ်။

ကိုဂျင်မီ၊ ကိုဇေယျာသော်နဲ့ အခြား ၂ ဦးကို မကြာခင် သေဒဏ်စီရင်တော့မယ်ဆိုပြီး စစ်ကောင်စီပြောခွင့်ရပုဂ္ဂိုလ်က ခြိမ်းခြောက်ပြောဆိုပြီးနောက် လူထုအကြား စိတ်ဆိုးဒေါသထွက်နေတဲ့အခြေအနေနဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက်ထဲမှာ...
- စစ်ကောင်စီရဲ့ပြောဆိုမှုအပေါ် NUG ရဲ့ ကန့်ကွက်ချက်...
- ဒါဟာ စစ်ကောင်စီက လူထုကို အာရုံလွှဲတာလား...
- ပြည်တွင်း-ပြည်ပ ဝေဖန်မှုတွေနဲ့ နိုင်ငံတကာရဲ့ဖိအားတွေက ဒီသေဒဏ်ကို တားဆီးနိုင်မလား...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။)

Thursday, June 2, 2022

Interview with Bo Nagar. Part-2.



“မြေပြင်အနေအထားအရ စစ်ရေးကို ဦးစားပေး အားဖြည့်စေချင်ပါတယ်”

(ဗိုလ်နဂါး- PDF ခေါင်းဆောင်- စစ်ကိုင်းတိုင်း)
--------------------------------------------------------------------
(၂-၆-၂၀၂၂)

စစ်ကိုင်းနဲ့မကွေးတိုင်းက မြို့နယ် ၃၀ ကျော်ကို NUG အစိုးရက လွတ်မြောက်ဒေသအဖြစ်ကြေညာပြီးတဲ့နောက် ဒေသခံ PDF တွေကို စစ်ရေးအကူအညီ ဦးစားပေးဖြည့်ပေးဖို့ လိုအပ်နေတယ်လို့ စစ်ကိုင်းတိုင်းက ဒေသခံ PDF ခေါင်းဆောင်တဦးဖြစ်သူ ဗိုလ်နဂါးကပြောပါတယ်။

ကြားကာလ အုပ်ချုပ်ရေးချထားတဲ့ မြို့နယ် ၃၀ ကျော်ရဲ့ မြေပြင်အခြေအနေ၊ ဒေသခံ PDF တပ်တွေက နယ်မြေထိန်းချုပ်နိုင်မှုအနေအထားနဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခုထုတ်လွှင့်ပေးမယ့် မေးမြန်းချက် ဒုတိယ ပိုင်းမှာ...
- စစ်တပ်က လေကြောင်းပစ်ကူကို လိုအပ်တာတွေ ပိုသုံးနေဆဲလား...
- ကြားကာလ အုပ်ချုပ်ရေးချထားတဲ့ မြို့နယ် ၃၀ ကျော်ကို ဒေသခံ PDF တွေက ဘယ်လို ကာကွယ်ပေးနေသလဲ...
- စစ်ကောင်စီတပ်ကို တန်ပြန်ထိုးစစ်ဆင်နိုင်ဖို့ PDF တွေမှာ လက်နက်အခက်အခဲ ရှိနေဆဲလား...
- လွတ်မြောက်နယ်မြေ ပိုများလာအောင်၊ တော်လှန်စစ် အရှိန်မြင့်လာအောင် ဘယ်လို ဝိုင်းကူညီနိုင်ကြမလဲ...
- စတဲ့အကြောင်းအရာတွေကို ဆွေးနွေးတင်ပြထားပါတယ်။

(အင်တာဗျူးများ ကြည့်ပြီးပါက ဤ youtube ချန်နယ် ကို Subscribe လုပ်ပါရန် တိုက်တွန်းပါသည်။)

Wednesday, June 1, 2022

Interview with Bo Nagar. Part-1.



“ဒီစစ်တပ်ဟာ အရင် ကိုလိုနီနယ်ချဲ့၊ ဖက်ဆစ်နယ်ချဲ့တပ်တို့ထက် ပိုဆိုးနေတယ်”

(ဗိုလ်နဂါး- PDF ခေါင်းဆောင်- စစ်ကိုင်းတိုင်း)
--------------------------------------------------------------------
(၁-၆-၂၀၂၂)

စစ်ကောင်စီတပ်တွေရဲ့ ရွာမီးရှို့၊ လူသတ်လုပ်နေပုံတွေဟာ အရင် ကိုလိုနီခေတ်၊ ဖက်ဆစ်နယ်ချဲ့ခေတ်က တိုင်းတပါးတပ်တွေရဲ့ ရက်စက်မှုထက်တောင် ပိုဆိုးနေတယ်လို့ စစ်ကိုင်းတိုင်းက ဒေသခံ PDF ခေါင်းဆောင်တဦးဖြစ်သူ ဗိုလ်နဂါးကပြောပါတယ်။

စစ်ကိုင်းတိုင်းအတွင်း စစ်ကောင်စီက နေစဉ်ပြုလုပ်နေတဲ့ ရွာမီးရှို့၊ လူသတ်မှု အခြေအနေနဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခုထုတ်လွှင့်ပေးမယ့် မေးမြန်းချက် ပထမ ပိုင်းမှာ...
- စစ်ကိုင်း-မကွေးဒေသက တိုက်ပွဲများရဲ့ နောက်ဆုံးအခြေအနေ...
- စစ်ကောင်စီဖက်က ထိခိုက်ကျဆုံးမှုများလေ-ရွာမီးရှို့ခံရမှုများလေ ဖြစ်နေသလား...
- အညာဒေသ မြို့နယ်အသီးသီးရှိ ပကဖ-PDF တွေ ဘယ်လို တိုက်ပွဲဝင်နေသလဲ...
- စစ်ပြေးရှောင်တွေအတွက် ဘယ်လိုအကူအညီတွေ လိုအပ်နေသလဲ...
- တိုင်းတပါးကျုးကျော်သူတပ်တွေထက် ပြည်တွင်းစစ်ကောင်စီတပ်က ဘာကြောင့် ပိုဆိုးနေတယ်လို့ စွပ်စွဲနေကြတာလဲ...
- စတဲ့အကြောင်းအရာတွေကို ဆွေးနွေးတင်ပြထားပါတယ်။

(လွတ်မြောက်ဒေသအဖြစ်ကြေညာပြီးရင် အဲဒီဒေသကို ကာကွယ်ဖို့ အားလုံးမှာတာဝန်ရှိတယ်ဆိုတဲ့အကြောင်း ဆွေးနွေးချက်ပါတဲ့ ဒုတိယ ပိုင်းကိုတော့ မနက်ဖန်ညမှာ ဆက်လက် ထုတ်လွှင့်ပေးမှာဖြစ်ပါတယ်)

အင်တာဗျူးများ ကြည့်ပြီးပါက ဤ youtube ချန်နယ်ကို Subscribe လုပ်ပါရန် တိုက်တွန်းပါသည်။

Monday, May 30, 2022

Interview with Sai Kyaw Nyunt of SNLD. Part-2.



“စစ်တပ်က ဘယ်နေ့ ဘယ်ရက်မှာ နိုင်ငံရေးကနေထွက်မလဲဆိုတာကို တိတိလင်းလင်းပြောဖို့ လိုပါတယ်”

(စိုင်းကျော်ညွန့်- တွဲဖက်အတွင်းရေးမှူး (၁)- SNLD)
----------------------------------------------------------------------
(၃၀ / ၅/၂၀၂၂)

မြန်မာနိုင်ငံ လက်ရှိရင်ဆိုင်နေရတဲ့ ပြသာနာတွေဖြေရှင်းဖို့ ဆွေးနွေးပွဲလုပ်တဲ့အခါမှာ အာဏာသိမ်းထားတဲ့ စစ်တပ်ဖက်ကနေ “ဘယ်နေ့ ဘယ်ရက်မှာ နိုင်ငံရေးကနေထွက်မလဲဆိုတာကို တိတိလင်းလင်း ကြိုတင်ကတိပေးဖို့ လိုပါတယ်” လို့ ရှမ်းတိုင်းရင်းသားများဒီမိုကရေစီအဖွဲ့ချုပ် SNLD ပါတီ တွဲဖက်အတွင်းရေးမှူး (၁) စိုင်းကျော်ညွန့်ကပြောပါတယ်။

စစ်တပ်က အာဏာသိမ်းပြီး တနှစ်ကျော်ကာလအတွင်း ရင်ဆိုင်နေရတဲ့ ဘက်ပေါင်းစုံ ဆုတ်ရုပ်နေမှုကို ဘယ်လိုအဖြေရှာနိုင်မလဲ၊ နိုင်ငံရေးထွက်ပေါက်က ဘာဖြစ်မလဲဆိုပြီး BNN သတင်းဌာနမှ ဦးထက်အောင်က မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ဒုတိယ ပိုင်းမှာတော့...
- ရွေးကောက်ပွဲအသစ်ကို ပါတီတွေ ဘာကြောင့် စိတ်မဝင်စားသလဲ...
- စစ်တပ် အာဏာသိမ်းမှုကြောင့် တိုင်းပြည်ဘယ်လောက်အထိ နောက်ပြန်ဆုတ်သွားသလဲ...
- နိုင်ငံရေးအရ ဆွေးနွေးအဖြေရှာမှုတွေဖြစ်ပေါ်လာအောင် စစ်တပ်ဖက်က ဘာတွေ ကြိုတင် ကတိပေးဖို့လိုအပ်မလဲ...
- ပြည်သူတွေရဲ့ ရုန်းကန်တိုက်ပွဲဝင်မှုအပေါ် အားလုံးက ဘယ်လိုဝိုင်းကူသင့်သလဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(အင်တာဗျူးများ ကြည့်ပြီးပါက ဤ youtube ချန်နယ်ကို Subscribe လုပ်ပါရန် တိုက်တွန်းပါသည်။)

Sunday, May 29, 2022

Interview with Sai Kyaw Nyunt of SNLD. P-1.



“အရပ်သား အခန်းကဏ္ဍပျောက်နေပြီး သေနတ်ကိုင်တွေရဲ့ အခန်းကဏ္ဍ ပိုမြင့်နေပါတယ်”

(စိုင်းကျော်ညွန့်- တွဲဖက်အတွင်းရေးမှူး (၁)- SNLD)
----------------------------------------------------------------------
(၂၉ / ၅/၂၀၂၂)

မြန်မာနိုင်ငံမှာ စစ်တပ်က အာဏာသိမ်းပြီးနောက် အရပ်သားအခန်းကဏ္ဍပျောက်နေပြီး သေနတ်ကိုင်တွေရဲ့ အခန်းကဏ္ဍပိုမြင့်လာနေတယ်၊ ဒါကို ဒီမိုကရေစီလိုလားသူတွေက လက်မခံနိုင်ဘူးလို့ ရှမ်းတိုင်းရင်းသားများဒီမိုကရေစီအဖွဲ့ချုပ် SNLD ပါတီ တွဲဖက်အတွင်းရေးမှူး (၁) စိုင်းကျော်ညွန့်ကပြောပါတယ်။

ပြီးခဲ့တဲ့ရက်ပိုင်းက ကျင်းပခဲ့တဲ့ SNLD ပါတီညီလာခံရဲ့ ထူးခြားချက်တွေ၊ လက်ရှိနိုင်ငံရေး အခြေအနေပေါ် ပါတီရဲ့အမြင်တွေကို BNN သတင်းဌာနမှ ဦးထက်အောင်က မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ပထမ ပိုင်းမှာတော့...
- SNLD ပါတီညီလာခံ ဒီအချိန်မှာ ဘာကြောင့် ကျင်းပဖို့လိုအပ်တာလဲ...
- စစ်တပ်က အာဏာသိမ်းတဲ့ဖြစ်စဉ်အပေါ် SNLD ပါတီက ဘယ်လိုရှုမြင်ထားသလဲ...
- ပါတီညီလာခံကျင်းပတာဟာ ရွေးကောက်ပွဲဝင်ဖို့ပြင်တဲ့သဘောလား...
- “တရားဓမ္မ” ဖက်မှာ ရပ်တည်မယ်ဆိုတာ ဘာကိုဆိုလိုတာလဲ...
စတဲ့အကြောင်းအရာတွေကို ဆွေးနွေးတင်ပြထားပါတယ်။

(လက်ရှိပြသာနာတွေကို ဘယ်လိုကိုင်တွယ်ဖြေရှင်းသင့်သလဲ-အကြောင်းပါဝင်တဲ့ ဒုတိယ ပိုင်းကိုတော့ မနက်ဖန်ညမှာ ဆက်လက် ထုတ်လွှင့်ပေးမှာဖြစ်ပါတယ်)။

(အင်တာဗျူးများ ကြည့်ပြီးပါက ဤ youtube ချန်နယ်ကို Subscribe လုပ်ပါရန် တိုက်တွန်းပါသည်။)

Thursday, May 26, 2022

Interview with Dr Tun Myint. Part-2.




“PDF, CDM, သပိတ်လှုပ်ရှားမှု၊ ဒီ ၃ ခုအပေါ် မူတည်နေပါတယ်”

(ဒေါက်တာထွန်းမြင့်-  နိုင်ငံတကာဆက်ဆံရေးဌာန ပါမောက္ခ- Carleton College)
-----------------------------------------------------------------
(၂၆/ ၅/ ၂၀၂၂)

မြန်မာ့နိုင်ငံရေးအပြောင်းအလဲဖြစ်နိုင်ခြေနဲ့ နိုင်ငံတကာရဲ့ ထောက်ခံအားပေးမှုဟာ ပြည်သူ့ကာကွယ်ရေးတပ် PDF ၊ အာဏာဖီဆန်ရေးလှုပ်ရှားမှု CDM နဲ့ သပိတ်တိုက်ပွဲတွေဘယ်လောက်အထိ အရှိန်ကောင်း-မကောင်းဆိုတဲ့အချက်ပေါ် မူတည်နေတယ်လို့ Carleton College နိုင်ငံတကာဆက်ဆံရေးဌာန ပါမောက္ခ ဒေါက်တာ ထွန်းမြင့်ကပြောပါတယ်။ 

နွေဦးတော်လှန်ရေးတနှစ်ကြာပြီးချိန်မှာ နိုင်ငံတကာရဲ့ထောက်ခံမှုအခြေအနေ၊ ပြည်တွင်း လှုပ်ရှားမှုအရှိန်အဟုန်တွေနဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခုထုတ်လွှင့်ပေးမယ့် မေးမြန်းချက် ဒုတိယ ပိုင်းမှာတော့....
- ထိုင်း-မြန်မာ ဆက်ဆံရေးအခြေအနေ...
- တရုတ်-မြန်မာ ဆက်ဆံရေးအခြေအနေ...
- တရုတ်နဲ့ အနောက်နိုင်ငံတွေရဲ့ မြန်မာ့အရေးပေါ် ချည်းကပ်မှုမှာ ဘယ်သူက ပိုလက်တွေ့ကျသလဲ...
- ၁၄ လကြာ မြန်မာ့နွေဦးတော်လှန်ရေးအနေအထား ဘယ်လို ဆက်ဖြစ်လာနိုင်သလဲ...
စတဲ့ အကြောင်းအရာတွေကို ဆွေးနွေးတင်ပြထားပါတယ်။

(အင်တာဗျူးများ ကြည့်ပြီးပါက ဤ youtube ချန်နယ်ကို Subscribe လုပ်ပါရန် တိုက်တွန်းပါသည်။)

Wednesday, May 25, 2022

Interview with Dr Tun Myint. P-.



“အမေရိကန်ရဲ့ အားပေးမှုဟာ မူဝါဒကနေ လက်တွေ့အကောင်အထည်ဖေါ်တဲ့အဆင့်ကို ရောက်လာတာဖြစ်တယ်”

(ဒေါက်တာထွန်းမြင့်-  နိုင်ငံတကာဆက်ဆံရေးဌာန ပါမောက္ခ- Carleton College)
-----------------------------------------------------------------
(၂၅/ ၅/ ၂၀၂၂)

အမျိုးသားညီညွတ်ရေးအစိုးရ NUG နိုင်ငံခြားရေးဝန်ကြီးနဲ့အဖွဲ့ကို ဝါရှင်တန်အထိ ဖိတ်ခေါ် တွေ့ဆုံခြင်းဟာ အမေရိကန်ပြည်ထောင်စုက ကျင့်သုံးနေတဲ့ “မြန်မာ့ဒီမိုကရေစီအရေးအားပေးမှု'' မူဝါဒပိုင်းကနေ လက်တွေ့အကောင်ထည်ဖေါ်တဲ့အဆင့်ဆီ ရောက်လာတာဖြစ်တယ်လို့ Carleton College  နိုင်ငံတကာဆက်ဆံရေးဌာန ပါမောက္ခ ဒေါက်တာ ထွန်းမြင့်ကပြောပါတယ်။ 

နွေဦးတော်လှန်ရေးတနှစ်ကြာပြီးချိန် အမေရိကန်အပါဝင် အနောက်နိုင်ငံတွေရဲ့ အားေ့ပးမှူဟာ “နှုတ်၏စောင်မခြင်း” အဆင့်မှာ ရှိနေဆဲလား၊ တကယ်လက်တွေ့ ဆောင်ရွက်မယ့် အလားအလာရှိပါရဲ့လားဆိုပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခုထုတ်လွှင့်ပေးမယ့် မေးမြန်းချက် ပထမ ပိုင်းမှာတော့....
- NUG ဝန်ကြီးတွေကို ဝါရှင်တန်သို့ ဖိတ်ခေါ်ခြင်းရဲ့ အဓိပ္ဗာယ်က ဘာလဲ...
- အာဆီယံအဖွဲ့ဝင်အချို့ နွေဦးတော်လှန်ရေးအပေါ် နားလည်လာပြီလား...
- အမေရိကန်၊ ဂျပန်၊ သြစတေလျ၊ အိန္ဒိယ ၄ နိုင်ငံတွေ့ဆုံပွဲရဲ့ ကြေညာချက်တွေက တကယ်အလုပ်ဖြစ်မှာလား...
- CDM တပ်မတော်သားတွေကို သြစတေလျက ဗီဇာ ထုတ်ပေးခြင်းဟာ တကယ်အလုပ်ဖြစ်နိုင်သလား...
စတဲ့ အကြောင်းအရာတွေကို ဆွေးနွေးတင်ပြထားပါတယ်။

(အိမ်နီးချင်း ထိုင်းနဲ့ တရုတ်နိုင်ငံတို့နဲ့ ဆက်ဆံရေးအခြေအနေဆွေးနွေးချက်ကိုတော့ မနက်ဖန် ညပိုင်းမှာ ဆက်လက် ထုတ်လွှင့်ပေးမှာဖြစ်ပါတယ်)။

(အင်တာဗျူးများ ကြည့်ပြီးပါက ဤ youtube ချန်နယ်ကို Subscribe လုပ်ပါရန် တိုက်တွန်းပါသည်။)

Share

Twitter Delicious Facebook Digg Stumbleupon Favorites More