Video

Knife to knife, Lance to lance or the ABSDF.



........................................................................................
ကျားမြီးဆွဲချင်သူတွေအတွက် မြန်မာကျားတွေလာပြီ-

ရန်ကုန်နဲ့နှစ် ၂၀-ကျော် အလှမ်းကွာနေလို့ ကျနော်ဘဲ့ ခေတ်နောက်ကျ ကျန်ခဲ့တာလား။ ရန်ကုန်ကဘဲ့ သိပ်တိုးတက် နေသလား။ ကျနော့်အတွက်မေးခွန်းဖြစ်စေတဲ့ ဟောဒီ-သတင်းတိုလေးကို မျှဝေလိုက်ပါတယ်။ 
နောက်တခါ အနောက်တိုင်းကဟန်နဲ့အတူ မြန်မာသီချင်းတွေကိုပါ အနောက်တိုင်း ပုံစံနဲ့ ပြန်ဆိုထားတဲ့အတွက် ရောသမမွှေ ကိုသားစိုးကိုပါ သတိရမိပါတယ်။ အားလုံး ကြည့်ရှု အကြံပေးကြပါဥိး။



.......................................................................................................................



..................................................................................................................

 
...................................................................................................................

ဒုက္ဒသည်တွေ အိမ်ပြန်ချိန်လား?



........................................................................................................................
နယ်စပ်မှာ ABSDF ကထုတ်ဝေတဲ့ နေ၀န်းနီနီနဲ့ ကိုမွန်းအောင်
ထုတ်ဝေတဲ့ ငြိမ်းချမ်းရေးတိုက်ပွဲ သီချင်းတွေကို အွန်လိုင်းမှာ
ကျနော်ရှာနေတာ အခုထိ အစ-အဆုံးမတွေ့သေးပါ။

ဒါကြောင့် တွေ့သမျှ တပိုင်းတစတွေကို ရတဲ့နေရာကနေ ကူးယူပီး ဖေါ်ပြပေးလိုက်ပါတယ်။
Copy Right ကိစ္စအတွက်တော့ နားလည်ပေးနိုင်လိမ့်မယ်လို့ မျော်လင့်ပါတယ်။

ဒီသီချင်းလေးကတော့ ကိုနေ၀င်း ကိုယ်တိုင်ဆိုထားတဲ့ ငြိမ်းချမ်းရေးတိုက်ပွဲပါ-
(မကြာသေးခင်ကမှ ပြန်ဆို ထားတယ်လို့ယူဆရရပါတယ်)



.....................................................................................................................


ဒါကတော့ ၁၉၉၂-၀န်းကျင်က ကိုမွန်းအောင်ဆိုထားတဲ့ သံစဉ်ကို ရဲဘော်တဦးက ပုံတွေနဲ့ပေါင်း
ပီး ပြန်တင်ထားတာကို ကျနော်ကို ပြန်ကူးထားတာပါ။



.................................................................................................................

 မကြာသေးခင်နှစ်တွေအတွင်း ကိုမွန်းအောင် ဂျပန်မှာဆိုခဲ့တဲ့ ငြိမ်းချမ်းရေးတိုက်ပွဲ



...........................................................................................................

ကိုမွန်းအောင်ရဲ့ သွေးမုန်တိုင်း...



...............................................................................................................

ကိုမွန်းအောင်ရဲ့ ၃/ ၈၈ အင်းလျား



............................................................................................................

ကိုမွန်းအောင်ရဲ့ တော်ထဲက Blues



................................................................................................................

ကိုမွန်းအောင်ရဲ့ သမိုင်းရဲ့ လက်များ။



................................................................................................................

ကိုမွန်းအောင်ရဲ့ လူငယ်ခြေကျ



...................................................................................................................

ကြွေးဟောင်းဆပ်ခွင့်ပြုပါအမေ-



.........................................................................................................................

စာခြောက်ရုပ် (အသံ သက်သက်မျှသာ)



....................................................................................................................

မိုးလုံးမှိုင်း



.မှိုင်းလုံးမိုးကို ရှာနေဆဲ-
......................................................................................................................

ABSDF လှုပ်ရှားမှု မှတ်တန်းအမှတ်တရ။
ကိုးရီးယား KBS TV မှ (လွန်ခဲ့တဲ့နှစ်ပိုင်းအတွင်း-၂၀၁၀-၂၀၁၁)

အပိုင်း ၁-



.....................................................................................................................
အပိုင်း ၂-



..............................................................................................................
အပိုင်း ၃


....................................................................................................................

အပိုင်း ၄-



...................................................................................................................

အပိုင်း ၅-



...............................................................................................................

အပိုင်း ၆-



................................................................................................................

အပိုင်း ၇-



.................................................................................................................

ABSDF တပ်ရင်း ၁- မင်းသမီးစခန်းမှ ရုပ်-သံ တခု (၁၉၉၅-၉၆)



.................................................................................................................



......................................................................................................................


ဘာသာရေးအကြောင်း ကျနော်သိပ်နားမလည်ပေမဲ့ Fcae Book မှာ စိတ်ဝင်စားဘွယ်တွေ့ရတဲ့ ရုပ်-သံ မှတ်တန်းတခုကို ဗုဒ္ဒနဲ့ ဗုဒ္ဒဘာသာအကြောင်း စိတ်ဝင်စားသူတွေ လေ့လာနိုင်ဖို့ တဆင့်ကူးယူဖေါ်ပြ ထားခြင်းဖြစ်ပါတယ်။



......................................................................................................................... 

သဘာဝပါတ်ဝန်းကျင် ပညာပေး ရုပ်-သံ နောက်တခုဖြစ်ပါတယ်။
ဒီတကြိမ်ကတော့ ထိုင်းကနေ ထားဝယ်ဆီပြောင်းပီးဖွင့်မဲ့ စက်မှုဇုံအကြောင်း..





...............................................................................................


From Map Ta Phut to Burma


In the late 1980s Thailand embarked on an ambitious project to transform a popular stretch of coastline east of Bangkok into the country’s largest industrial estate. Ten years later however health experts found that Rayong province, home to the 25 sq. kilometre Maptaphut complex, had Thailand’s highest cancer rates. Residents there had long been complaining that the development of the site, which includes petrochemcial and gas separation plants, a deep sea port and plastics factories, had brought with it a toxic burden – parents lost their children to cancer, and the  fallout of job losses and illnesses ruptured the social fabric of the town, which began to experience high HIV and suicide rates. Years of popular resistance eventually forced 76 companies their to halt operations.
But the lead company in the project, Ital-Thai, is now embarking on an even more ambitious venture, that of the Tavoy megaproject in southern Burma, which upon completion will be 10 times larger than Maptaphut. The company candidly announced that 10,000 people would be displaced, while lessons from Thailand suggest that its impact on Burma’s delicate society and environment could be catastrophic.
..........................................................................

ထားဝယ်ဆိပ်ကမ်းကြောင့် မပြောင်းလိုသူများ ဆန္ဒထုတ်ဖော်

အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်

ချင်းမိုင်(မဇ္စျိမ) ။        ။ ထားဝယ် ရေနက်ဆိပ်ကမ်း စီမံကိန်းကြောင့် ကျေးရွာပေါင်း ၁၉ ရွာပြောင်းရွှေ့ရမည်ဖြစ်၍ မပြောင်းရွှေ့လိုကြောင်းနှင့် စီမံကိန်းကြောင့် ထိခိုက်ရသူများအား နစ်နာကြေး မပေးသည့် အတွက် ထိခိုက်နစ်နာ သူများက ရန်ကုန်မြို့တွင် ကြာသပတေးနေ့က သတင်းစာရှင်းလင်းပွဲ ပြုလုပ်ခဲ့သည်။

ယင်းသတင်းစာ ရှင်းလင်းပွဲကို ထားဝယ်ဒေသ ဖွံ့ဖြိုးတိုးတက်ရေး အဖွဲ့မှ ဦးဆောင်ပြုလုပ်ခြင်းဖြစ်ကာ ရန်ကုန်မြို့၊ ဗဟန်းမြို့နယ်၊ ရွှေဂုံတိုင်လမ်းရှိ တော်ဝင်နှင်းဆီ စားသောက်ဆိုင်တွင် ပြုလုပ်ခဲ့ခြင်း ဖြစ်သည်။

“ဦဇင်းတို့ ဘိုးဘွား လက်ထက်ကပင် စိုက်ထားတဲ့ အုန်းပင်။ ကွမ်းသီးပင်စတဲ့ အပင်တွေကလည်း ရှိတယ်။ စားသောက်သီးနှံပင်တွေကို တစ်သက်လုံး ထိုင်စားလို့ရတယ်။ ဒါတွေကို လျော်ကြေးပေးရင်လည်း တစ်သက်လုံး ထိုင်စားလို့ မရဘူး။ သားစဉ်မြေးဆက် အမွေပေးလို့ မရဘူး။ ဒါကြောင့် မပြောင်းချင်ဘူး” ဟု ရေဖြူမြိုနယ်၊ မယင်းကြီးရွာ။ မယင်းကြီးကျောင်းမှ ဘုန်းတော်ကြီး ဦးသြဘာသက မဇ္ဈိမကို မိန့်သည်။

ယင်းစီမံကိန်း အီတာလျံထိုင်းကုမ္ဗဏီ - ITD က ဦးစီး လုပ်ဆောင်နေခြင်း ဖြစ်ကာ စီမံကိန်းကြောင့် ကျေးရွာ ၁၉  ရွာ၊ လူဦးရေ ၃၂,၂၇၉ ဦး၊ စာသင်ကျောင်း ၂၁ ကျောင်းနှင့် ဘာသာရေး အဆောက်အအုံ ၂၃ ခု ဖယ်ရှားခံရမည်
ဖြစ်ကြောင်း ထားဝယ်ဒေသဖွဲ့ဖြိုးတိုးတက်ရေးအဖွဲ့က ပြုစုထားသော စာရင်းများအရ သိရသည်။
htawall
ထားဝယ် ရေနက်ဆိပ်ကမ်း စီမံကိန်းနှင့် ပတ်သက်၍ ထားဝယ်ဒေသ ဖွံ့ဖြိုးတိုးတက်ရေး အဖွဲ့က သတင်းစာရှင်းလင်းပွဲပြသထားသော ပုံများကိုကြည့်ရှုနေသူများ (ဓါတ်ပုံ-မဇ္ဈိမ)

စီမံကိန်းမှာ တနင်္သာရီတိုင်း သာဂရမြို့ဟောင်းအနီးတွင် တည်ရှိကာ ထားဝယ်မြို့ အနောက်မြောက်ဘက် မိုင် ၂၀ ခန့်အကွာရှိ ရေဖြူမြို့နယ် နဖူးလယ်ကျေးရွာအနီးတွင် တည်ရှိသည်။

စီမံကိန်းအတွက် စစ်အစိုးရလက်ထက် ၂၀၀၈ ခုနှစ်တွင် နားလည်မှု စာချွန်လွှာထိုးခဲ့ပြီး ၂၀၁၀ ပြည့်နှစ်တွင် လုပ်ငန်း လုပ်ဆောင်ခွင့် သဘောတူစာချုပ် ချုပ်ကာ ၇၅ နှစ် လုပ်ကိုင်ခွင့်ပေးထားသည်။

“ပြောင်းမယ်ဆိုရင်လည်း သွားထားဖို့ နေရာ အတိအကျကို မရှိသေးဘူး၊ အခု အိုင်တီဒီနဲ့ သူဌေးတွေက မြေဝယ်
နေတာ များနေတဲ့ ကိစ္စတွေရယ်။ ပြောင်းရမယ်လည်း ပြော၊ ပြောင်းလည်း ပြောင်းရမယ်ဆိုတော့ ပြောင်းရွှေ့ရမဲ့
ဒေသခံတွေနဲ့ အထက်လူကြီးတွေနဲ့ သဘောဝကျကျ ညှိနှိုင်းပေးဖို့ တောင်းဆိုချင်တယ်”ဟု ရေဖြူမြို့နယ် ကလုတ်ထာကျေးရွာ ဦးပညာဝံသက မိန့်သည်။

နိုဝင်ဘာလအတွင်းကလည်း ကျေးရွာပြောင်းရွှေ့ရေးနှင့် ပတ်သက်၍ ကျေးရွာအုပ်ချုပ်ရေးမှူးမှ ဆန္ဒ သဘောထား
ကောက်ခံခဲ့စဉ်က မပြောင်းရွှေ့လိုကြောင်း ဒေသခံများက တင်ပြခဲ့သော်လည်း ပြောင်းရွှေ့ရန် ပြောဆိုလာသည့် အတွက် ယခုကဲ့သို့ သတင်းစာရှင်းလင်းပွဲ ပြုလုပ်ရခြင်းလည်း ဖြစ်သည်။

စီမံကိန်းကို ၂၀၁၀ မှ ၂၀၁၄ အထိ ငါးနှစ်စီမံကိန်း အဖြစ် ပထမအဆင့်၊ ၂၀၁၄ မှ ၂၀၁၇ အထိ ဒုတိယအဆင့်၊ ၂၀၁၅ မှ ၂၀၁၉ အထိ တတိယအဆင့်ဟူ၍ သတ်မှတ်ကာ အကောင်အထည်ဖော် နေခြင်းဖြစ်ပြီး လျှပ်စစ် ဓာတ်အားပေးစက်ရုံ၊ ရေနံဓာတုစက်ရုံ၊ ရေနံချက် စက်ရုံအပြင် သံမဏိ စက်ရုံတို့လည်း ပါဝင်မည် ဖြစ်သည်။

စီမံကိန်း တခုလုံးအတွက် အမေရိကန်ဒေါ်လာ ၅၈ ဘီလျံကုန်ကျမည်ဖြစ်ပြီး ပထမမဆင့်အတွက်မူ ရှစ်ဘီလျံ မှန်းဆထားကြသည်။

ယင်းအပြင် ထိုင်းနိုင်ငံ ကန်ချနပူရီနှင့် ဆက်သွယ်မည့် ကီလိုမီတာ ၁၇၀ အရှည် ရှစ်လမ်းသွား အဝေးပြေးလမ်းမ၊ ရထားလမ်း၊ ဓာတ်အားလိုင်း၊ ရေနံနှင့် သဘာဝဓာတ်ငွေ့ပိုက်လိုင်းနှင့် နယ်ခြားဝင်ထွက်ဇုန် များလည်း ပါရှိမည် ဖြစ်သည်။

“ရေနက်ဆိပ်ကမ်းအတွက် လိုအပ်သော ရေကို ထောက်ပံ့ဖို့ တလုပ်ထာကျေးရွာမှာ တည်ဆောက်မယ့်
ရေလှောင်ကန်ကြောင့် အမြင့်ပေ  ၇ စတုရန်းကီလိုမီတာ ရေလွှမ်းမိုးမှုကို ခံရမယ်လို့ တွက်ချက်ထားတယ်။ ထားဝယ်က ထိုင်းနိုင်ငံထိ သွားမယ့် ရှစ်လမ်းသွားလမ်းမကြီး စူပါဟိုင်းဝေးကားလမ်းကို ဖောက်လုပ်နေတာ အခု နှစ်လမ်းသွားလမ်းမှာ ၉၀ ရာခိုင်နှုန်းခန့် ပြီးစီးနေပြီ” ဟု ဒေသခံတွေနဲ့ လက်တွဲလုပ်ဆောင်နေသူ ထားဝယ်ဒေသခံ ကိုသန့်ဇင်က မဇ္ဈိမကို ပြောသည်။
htawall1
ရန်ကုန် ရွှေဂုံတိုင်ရှိ တော်ဝင်နှင်းဆီခြံတွင် ထားဝယ် ရေနက်ဆိပ်ကမ်း စီမံကိန်းနှင့် ပတ်သက်၍ ထားဝယ်ဒေသ ဖွံ့ဖြိုးတိုးတက်ရေး အဖွဲ့က သတင်းစာရှင်းလင်းပွဲ ကျင်းပပြုလုပ်နေစဉ်။ (ဓါတ်ပုံ မဇ္ဈိမ)

ယင်းလမ်းဖောက်လုပ်ရေး အတွက်လည်း အရှေ့တောရွာ၊ ရေဖြူမြို့နယ် ကလုန်းထော၊ နဘုလည်း ဒေသများတွင်
ဒေသခံများ၏ မြေယာများအား အသိပေးခြင်း မရှိဘဲ မြေထိုးစက်များဖြင့် ဖျက်ဆီးခဲ့ပြီး ယင်းအတွက်လည်း တစုံတရာ လျော်ကြေး မပေးခဲ့ကြောင်း ဒေသခံများထံမှ သိရသည်။

“ဒေသခံတွေကို လျော်ကြေး မပေးတာဟာ အနိုင်ကျင့်တာပဲလို့ပဲ မြင်တယ်”ဟု ပွဲတက်ရောက်ခဲ့သူ သဘာဝ ပတ်ဝန်းကျင်ပညာရှင် ဖရီဒါဦးအုန်းက ဆိုသည်။

အဆိုပါ သတင်းစာ ရှင်းလင်းပွဲသို့ သဘာဝ ပတ်ဝန်းကျင် ထိန်းသိမ်းရေးဆိုင်ရာ ပညာရှင် ဦးအုန်း၊ စာရေးဆရာ
မောင်ဝံသ၊ စာရေးဆရာ ကိုတာ၊ မြန်မာနိုင်ငံ ငှက်နှင့်သဘာဝ ထိန်းသိမ်းရေးအသင်း MBNS မှ ဦးစိုးညွန့်တို့နှင့်
ပြည်တွင်း သတင်းထောက်များ အပါအဝင် စုစုပေါင်း ၁၀၀ ခန့် တက်ရောက်ခဲ့သည်။

ဒေသခံများက မပြောင်းရွှေ့လိုကြောင်း ပြောဆိုနေကြသော်လည်း မယင်းကြီးနှင့် ကလုတ်ထာ ကျေးရွာများတွင်မူ စီမံကိန်းအတွက် မြေထိုးစက်များဖြင့် တောင်ဖြိုခြင်း လုပ်ငန်းများ စတင်နေသည်။ ထားဝယ်ရေနက် ဆိပ်ကမ်းမှာ ထိုင်းနိုင်ငံ၏ အကြီးဆုံးဖြစ်သည့် Laem Chabang ဆိပ်ကမ်းထက် ၁၀ ဆ ကြီးမားပြီး လမ်းဖောက်လုပ်ရာတွင် လည်း ညအချိန်များ၌ မြေညှိစက်၊ မြေတူးစက်များဖြင့် လုပ်ဆောင်နေခြင်း ဖြစ်သည်။

စီမံကိန်းနယ်မြေအတွင်း ကျရောက်သည့် ရေဖြူမြို့နယ်၊ မင်းဒပ်ရွာခံများ၏ စိုက်ပျိုးမြေဧက ၁၂၃.၅၀ ဧကကို သိမ်းယူရန် အတွက် ရွာသားများက သဘောတူကြောင်း လက်မှတ်ရေးထိုးခိုင်းမှုများ အောက်တိုဘာလ အတွင်း ကလည်း ဖြစ်ပွားခဲ့သေးပြီး “သဘောမတူလျှင် အခကြေးငွေလွတ်ဖြင့် သိမ်းမည်” ဟု ဆိပ်ကမ်းတာဝန်ခံ ဦးခင်မောင်ဆွေက ပြောဆိုခဲ့ဖူးသည်။

ယင်းအပြင် ထားဝယ် ရေနက်ဆိပ်ကမ်းနှင့် အထူးစီးပွားရေး စက်မှုဇုန် စီမံကိန်းအတွက် ကျောက်မီးသွေး လောင်စာ သုံး မီဂါဝပ် ၄၀၀၀ ထုတ် လျှပ်စစ်ဓါတ်အားပေး စက်ရုံတို့ကိုပါ တည်ဆောက်မည် ဖြစ်သည်။

သို့သော် စီမံကိန်းအတွင်း ကျောက်မီးသွေးသုံး စက်ရုံ ပါဝင်နေခြင်းကို မလိုလားအပ်သည့် ကိစ္စဖြစ်ကြောင်း ပွဲတက်ရောက်သူ သဘာဝပတ်ဝန်းကျင် ပညာရှင် ဦးဝင်းမျိုးသူက မဇ္ဈိမကို ပြောသည်။

စီမံကိန်း လုပ်ငန်းများတွင် ဒေသခံများအား လုပ်ကိုင်ခွင့် ပေးရန်အတွက် ITD ကုမ္ဗဏီက ယခင်က ကတိပေးခဲ့ဖူး
သော်လည်း ဒေသခံများအား လုပ်ခလစာ လျှော့ပေးခြင်း အပြင် ဖိနှိပ်မှုရှိကြောင်း၊ ယင်းအပြင် မလိုလားအပ်သည့် လူမှုရေး ပြဿနာများလည်း ဖြစ်ပေါ်လျက် ရှိကြောင်း ထားဝယ်ဒေသ ဖွံ့ဖြိုးတိုးတက်ရေး အဖွဲ့ထံမှ သိရသည်။

“ထိုင်းက လုပ်သားတွေနဲ့ မြန်မာလုပ်သားတွေ လုပ်အားခကွာတာ။ တရားဝင် မဟုတ်ဘဲ မြန်မာအမျိုးသမီးတွေနဲ့ ထိုင်းလုပ်သားတွေ ညားနေတာ။ ရွှေ့ပြောင်းလုပ်သားတွေ များလာတဲ့အတွက် ရာဇဝတ်မှုခင်းတွေ များလာတာ စတဲ့ပြဿနာတွေ အများကြီး”ဟု ကိုသန့်ဇင်က ဆိုသည်။
..............................................................................................................
၂၀၁၀-ရွေးကောက်ပွဲကာလအတွင် DVB TV Live လွင့်နိုင်ဖို့ကျိုးစားခဲ့ပုံအကြောင်းမှတ်တန်းဖြစ်ပါတယ်။

www.nrk.no


ဒီမှတ်တန်းအတွက် နော်ဝေး သတင်းထောက်တဦးက ၃-နှစ်နီးပါးရိုက်ကူးခဲ့တာဖြစ်ပီး အခုလ ၂၂-ရက်နေ့ကမှ NRK2 ကနေ ထုတ်လွင့်ခဲ့တာဖြစ်ပါတယ်။ 


မြန်မာ့ဒီမိုကရေစီအရေးလှုပ်ရှားနေသူတွေ။ ပြည်တွင်း-ပြည်ပ ပရိတ်သတ်တွေ အလွယ်တကူ ကြည့်နိုင်ဖို့ အတွက် ထပ်ဆင့်ဖြန့်ဝေလိုက်ခြင်းဖြစ်ပါတယ်။


(NRK Nett-TV: Dagens dokumentar: Burmas stemme 22.11.2011) 


ပေါ်မှာ clip လုပ်ပါရန်။


ကျေးဇူးတင်ပါတယ်။
...................................................................................................................







နော်ဝေးနဲ့ ဒိန်းမတ်က ရှင်လောင်းလှည့်ပွဲများ (သို့မဟုတ်) တတိယနိုင်ငံရဲ့ ဒုတိယဝေဒနာ
၀၉၀၇၁၁ (ထက်အောင်ကျော်)

မြန်မာနိုင်ငံမှာနေစဉ်တုန်းကတော့ ရှင်လောင်းလှည့်တယ်ဆိုတာဟာ နှစ်စဉ်မြင်နေကြ ၁၂-ရာ သီပွဲတွေထဲက တခုမျှသာဖြစ်တဲ့အတွက် စိတ်ထဲမှာ ဘာမှထူးထူးခြားခြားသတိပြုမိတာမျိုးမရှိခဲ့။ ဒါပေ မဲ့ အဲဒီနိုင်ငံနဲ့ နှစ် ၂၀-ကျော်ဝေးကွာနေပီး မိုင်ပေါင်း ၅၀၀၀-ကျော် စည်းခြားခံထားရတဲ့အရပ်မှာ အနေကြာလာတဲ့အခါမှာတော့ ရှင်လောင်းလှည့်ပွဲဆိုတာဟာ အထူးအဆန်းတခုလို ပြန်ခံစားလာမိပါ တယ်။ "နော်ဝေးမှာလဲ မြန်မာနိုင်ငံမှာလိုမျီုး ရှင်လောင်းလှည့်ပွဲလုပ်မယ်'' ဆိုပီး သတင်းကြားမိတော့ ကျနော် အထူးစိတ်ဝင်စားမိပါတယ်။

နောက်တခါ တိုက်ဆိုင်မှုလို့ပြောရမလားဘဲ့။ မြန်မာတွေတကယ်လုပ်မဲ့ ရှင်ပြုပွဲတွေမတိုင်မှီ တလခန့်အလိုမှာ ရှင်လောင်းလှည့်ပွဲကို မြန်မာ့ယဉ်ကျေးမှုပြပွဲထည့်မှာထည့်ပေးဖို့ နိုင်ငံတကာ ယဉ် ကျေးမှုပြပွဲစီစဉ်သူတချို့က မေတ္တာရပ်ခံခဲ့တယ်လို့သိရပါတယ်။ အဲဒီပွဲတော်ကို ပြီးခဲ့တဲ့မေလနောက်ဆုံး ပါတ်တုန်းက ဟားမားမြိုမှာကျင်းပခဲ့ပြိး နော်ဝေးလူမျိုးတွေနဲ့ နော်ဝေးအခြေချ တခြားနိုင်ငံသားတွေလဲ အတော်စိတ်ဝင်စားခဲ့တယ်လို့ အဲဒီပွဲမှာ ရှင်လောင်းလှည့်ပွဲသရုပ်ပြခဲ့သူတွေကပြောပါတယ်။

ဆိုလိုတာ ကတော့ မြန်မာ့ရိုးယာရှင်လောင်းလှည့်ပွဲဆိုတာဟာ ဖိရိုးဖလာမြန်မာတဦးရဲ့မျက်စိထဲမှာ သိပ်မထူးဘူး လို့ထင်ရပေမဲ့ မြန်မာမဟုတ်တဲ့လူတွေ။ မြန်မာနိုင်ငံနဲ့ဝေးကွာနေတဲ့လူတွေကြားမှာတော့ အတော့်ကို ထူးခြားတဲ့ ပွဲတခုဖြစ်နေပုံရပါတယ်။ နောက်ထပ် တိုက်ဆိုင်မှုတခုကတော့ အခုချိန်ဟာ ဥရောပနဲ့ မြော က်အမေရိကားတိုက်အတွက် နွေရာသီအားလပ်ရက်တွေဖြစ်တာကြောင့် အမေရိကန်နဲ့ ကနေဒါရောက် ရဲဘော်ကြီးတွေကလဲ စုပေါင်းရှင်ပြုပွဲတွေ။ ရဟန်းခံပွဲတွေလုပ်နေတဲ့အကြောင်း အီးမေးနဲ့တသွယ်။ Face Book နဲ့တမျိုးဆက်သွယ်ပီး ဓါတ်ပုံတွေတင်ထားတာနဲ့လဲ အချိန်ကိုက်ဖြစ်နေပါတယ်။ ဒီလိုနဲ့ ၁၀၉။ ၁၁၀- အလုပ်လက်မဲ့ဖြစ်နေတဲ့ကျနော်ဟာ အဲဒီပွဲတွေကို မပျက်မကွက်သွား ဖြစ်ခဲ့တယ်ဆိုပါတော့။

တကယ်ကတော့ ရှင်ပြုပွဲက ၂-ခုပါ။ ပီးခဲ့တဲ့လနှောင်းပိုင်းက အော်စလိုမှာ ကျင်းပခဲ့တဲ့ ကိုဇော်နိုင်ဦးနဲ့ မလွင်လွင်ဦးတို့ရဲ့သား မောင်အိုးဝေလုလင်-ရဲ့ပွဲနဲ့ ဘုန်ကြီးကျောင်း (အတိအကျဆိုရင်တော့ ဘုန်းကြီးအိမ်လို့ပြောရမယ်ထင်ပါတယ်။ ဗုဒ္ဒဘာသာဘုန်းတော်ကြီး ၂-ပါး အတွက် ကျောင်းအဖြစ်ပေးထားတာ မျီုးမဟုတ်ဘဲ သာမန်မြန်မာဒုက္ခသည် ၂-ဦးအတွက်ပေးထားတဲ့ ခွဲတန်းကျအိမ်ခန်းတခုမျှသာ ဖြစ်ပါတယ်) ရှိရာ ဆိုရာဆမ်မြိုလေးမှာ အခုလ ၂-ရက်နေ့ကကျင်းပခဲ့တဲ့ ကိုအောင်ထူးနဲ့ မအေးဝေေ၀ဦးတို့ရဲ့သား ၂-ဦးဖြစ်သူ မောင်ထက်ဝေအောင်နဲ့ မောင်ကျော်ဝေအောင် တို့ရဲ့ ရှင်ပြုပွဲတွေဖြစ်ပါတယ်။ ဒါဟာ နော်ဝေးနိုင်ငံက မြန်မာဘုန်းကြီးကျောင်းမှာ ပထမ-ဆုံးကျင်းပတဲ့ မြန်မာကလေးငယ်မျိုးဆက်သစ်တွေရဲ့ ရှင်ပြုပွဲတခုလဲဖြစ်ပါတယ်။

(ဘုန်းကြီးကျောင်းလား။ ဘုန်ကြီးနေတဲ့အိမ်လား။ တတိယ-နိုင်ငံရောက် ဘုန်းဘုန်းများရဲ့ဘ၀-ကို အောက်ပါ ဗွီဒီယို-မှာ ကြည့်နိုင်ပါတယ်)




နော်ဝေးမှာလဲ မြင်းစီးပီး လှည်ခွင့်ရသလား

ရှေ့မှာတင်ပြခဲ့တဲ့အတိုင်း မြန်မာနိုင်ငံနဲ့ မိုင်ပေါင်း ၅၀၀၀-ကျော်ကွာဝေးပီး ယဉ်ကျေးမှုမတူ။ ဘာသာချင်းမတူတဲ့ဒေသမှာ ရှင်လောင်းတွေကမြင်စီးပီး မြန်မာ့ရိုးယာအစဉ်လာအတိုင်း မြိုထဲလှည့်ဖို့ ဆိုတာဖြစ်နိုင်ပါ့မလား။ မြင်းကဘယ်ကရမှာလဲ။ ကျနော်ကိုယ်တိုင်ကတော့ အော်စလိုမှာ ရဲတွေစီးနေ တဲ့မြင်းနဲ့ ပြိုင်ပွဲဝင်ဖို့အသေချာလေ့ကျင့်ပေးနေတဲ့မြင်းတွေကလွဲရင် မြန်မာနိုင်ငံမှာလို မြင်းလှည်းဆွဲတဲ့ မြင်း။ သို့မဟုတ် ရှင်းလောင်းပွဲအတွက်အငှားလိုက်မဲ့မြင်းမျိုးမတွေ့ဖူးသေး။ နောက်တခါ မနှစ်က ဒိန်း မတ်မှာ ကျနော်ကြုံခဲ့ဖူးတဲ့ပွဲတုန်းကလဲ မြင်းတွေနဲ့အသေချာလှည့်မယ်လို့ပြောထားပေမဲ့ နောက်ဆုံးမှာ တော့ မြင်းငှားလို့မရတဲ့အတွက် မော်တော်ဆိုင်ကယ်နဲ့လှည်ခဲ့ရတာကိုတွေ့ခဲ့ဖူးတာကြောင့် နော်ဝေးမှာ လဲ အဲဒီလိုများဖြစ်သွားမလားလို့ထင်ထားခဲ့တာပါ။

ဒါပေမဲ့ ၂-ရက်နေ့မနက် ၁၁-နာရီကျော်ကျော်မှာ ဘုန်းကြီးကျောင်းရှိရာ ဆိုရာဆမ်မြိုလေးဆီ ရ ထားတတန်။ ကားတတန်။ ကုန်းကြောင်းတတန်နဲ့ရောက်သွားတဲ့အခါမှာတော့ ကိုယ်ရင်လောင်း ၂-ဦး တကယ်ဘဲ့မြင်းစီးနေတာကိုမြင်လိုက်ရပါတယ်။ ဒါပေမဲ့ မြန်မာနိုင်ငံမှာလို တဦးကိုတကောင်စီ စီးနိုင် တာမျိုးတော့မဟုတ်။ ဒီမြိုကနော်ဝေးတွေရဲ့ကူညီမှုနဲ့ ခန့်ငြားသန့်ပြန့်လှတဲ့ အလှပြမြင်းပေါ်မှာ ကိုရင် လောင်း ညီအကို ၂-ဦးကိုတင်ပီး မြင်းပိုင်ရှင်က စေတနာနဲ့ကူညီလိုက်ပို့ပေးခြင်းသာဖြစ်ပါတယ်။

ဒီပွဲ ၂-ခုအတွင်း ကျနော်ထူးထူးခြားခြားသတိထားမိတာကတော့ ကိုယ်ရင်ဝတ်ပွဲကို အဓိက စိတ်ဝင်စားသူတွေဟာ မြန်မာနိုင်ငံမှာကြီးပြင်းပီး ၈၈-နောက်ပိုင်းမှ တတိယ-နိုင်ငံတွေကို ရောက်လာ သူတွေမဟုတ်ဘဲ သူတို့ရဲ့မျိုးဆက်သစ်တွေ။ သူတို့ရဲ့နော်ဝေးမိတ်ဆွေတွေဖြစ်နေတာကို တွေ့ရပါတယ်။ နေ့စဉ်ကျောင်းမှာတွေ့နေကြသူငယ်ချင်းတဦးက အခုတော့ ငှက်တောင်ပံလိုလို။ ရှင်ဘုရင်ဝတ်စုံလိုလို။ တောက်တောက်ပြောင်ပြောင် ထူးဆန်းတဲ့ဝတ်စုံကိုဝတ်ထားတဲ့အပြင် ကျောင်းမှာလို နော်ဝေးစကား မပြောတော့ဘဲ "ဗုဒ္ဒံ သရဏံ ဂစ္ဆာမိ"။ "ဓမ္မံ သရဏံ ဂစ္ဆာမိ"။ "သံဃံ သရဏံ ဂစ္ဆာမိ" ဆိုပီး ပါလိစကား ကို အသံမာမာနဲ့အော်ဆိုနေတာဟာ သူတို့ အတွက် အထူးအဆန်းဖြစ်နေပုံရပါတယ်။

"ဟေး ကလေးတွေ။ ဒီနားအထိတိုးလာကြစမ်း။ ကိုယ်ရင်ဝတ်တယ်ဆိုတာ အဲဒီလို ဆန်ချရ တယ်။ ညစာမစားရဘူး" ဆိုပီး မိဘတဦးက သူ့ကလေး ၃-ဦးကို လက်ဆွဲခေါ်ယူ ပြသနေတာကိုလဲ ကျ နော်မြင်ခဲ့ရပါတယ်။ ဒါဟာ နော်ဝေးမှာ ပထမ-ဆုံးအကြိမ်ကျင်းပတဲ့ ရှင်ပြုပွဲတွေဖြစ်လို့ နော်ဝေးရောက် မြန်မာတွေကြားမှာရော။ မျိုးဆက်သစ်တွေကြားမှာရော။ နော်ဝေးပရိတ်သတ်တွေကြားမှာပါ အထူးအ ဆန်းဖြစ်နေပီး ကိုယ်ရင်လောင်းတွေ ဆန်ချချိန်။ သင်္ကန်းဝတ်ချိန်မှာ ၀ိုင်းအုံကြည့်ရှုနေကြတာကို ကျ နော်သတိထားမိပါတယ်။

(အသေးစိပ်ကို အောက်ပါ ဗွီဒီယို-မှာကြည့်နိုင်ပါတယ်..)





ကိုယ်ရင်ဝတ် ရဟန်းဝတ်တာဟာ မြန်မာတွေအတွက် တကယ်အရေးကြီးသလား

ကိုယ်ရင်လောင်း ၂-ဦးဘ၀ကနေ ကိုယ်ရင်အဖြစ် ဆန်ချ။ ကတုံးရိတ်။ သင်္ကန်းတောင်း။ သ င်္ကန်းစည်း။ သိက္ခာယူ စသဖြင့် ၂-နာရီနီးပါးကြာတဲ့ လုပ်ငန်းစဉ်ကို ဗွီဒီယို-မှတ်တန်းရိုက်နေရင်းနဲ့ မြန် မာတွေအဖို့ သူတို့ရဲ့ကလေးငယ်တွေကို ကိုယ်ရင်ဝတ်ပေးရေးဟာ ဘာကြောင့်အရေးကြီးသလဲ။ အ သက် ၂၀-နှစ်ပြည့်ရင်ကော ရဟန်းခံပေးရဦးမလား။ ဘာကြောင့် ဒီလိုလုပ်ဖို့လိုအပ်သလဲ။ မလုပ်ပေး ရင် ဘာဖြစ်မလဲဆိုပီး ကျနော်စဉ်းစားနေမိပါတယ်။ ဒါပေမဲ့ ရှင်ပြုပွဲလုပ်ငန်းအဆင့်ဆင့်နဲ့ တရားဟောပွဲ ကမပြတ်သေးတဲ့အတွက် တရားဟောနေတဲ့ ဆရာတော် ၂-ပါးကို ကျနော်လျောက်ထားမေးမြန်းဖို့ အ ဆင်မပြေသေး။

ဒါဆိုရင် မင်းကိုယ်တိုင်ကော ငယ်ငယ်က ဘာကြောင့် ကိုယ်ရင်ဝတ်ခဲ့သလဲ။ အသက် ၂၀-ကျော်မှာ ရဟန်းမ၀တ်ရခင် ၈-လေးလုံးအရေးတော်ပုံနဲ့တိုးပီး တောခိုလာပေမဲ့ အဲဒီတောထဲမှာ တောင် ရဟန်းဝတ်ခွင့်ရအောင်ကျိုးစားခဲ့တာဟာ ဘာကြောင့်လဲ။ ဒါတွေက မင်းဘ၀အတွက် ဘယ် လောက်များအရေးကြီးလို့လဲဆိုပီး ကိုယ်ဘာသာမေးခွန်းထုတ်မိပါတယ်။
အမှန်တိုင်းဝန်ခံရရင် ကျနော်ကိုယ်တိုင်လဲ ဘာမှအသေချာမသိ။ အသက် ၁၀-နှစ်ဝန်းကျင် တတိယ-တန်းအရွယ်မှာ အဖိုးအဖွားနဲ့အဖေအမေက ကိုယ်ရင်ဝတ်ပေးတဲ့အတွက် ၀တ်လိုက်တာပါဘဲ့။ သူတို့ကလဲ ဘာကြောင့်ဝတ်ဖို့လိုတယ်။ မ၀တ်ရင် ဘာဖြစ်မယ်ဆိုတာကို ရှင်းမပြသလို ကျနော်ကလဲ အဲဒါတွေကိုမေးရကောင်းမှန်းမသိ။

ဖိရိုးဖလာ ဗုဒ္ဒဘာသာဆိုတဲ့အတိုင်း ရှေ့ကလူတွေလုပ်နေတာကိုမြင် ပီးနောက်ကလူတွေက အလိုအလျောက်လိုက်လုပ်နေတာထက်ပိုပီး ဘာမှအသေချာလေ့လာဖြစ်ခဲ့ပုံ မရ။
ကဲ...ထားပါတော့ အသက် ၁၀-နှစ်ဝန်းကျင်ဆိုတော့ ဘာမှမသိတာ သိပ်မထူးဆန်း။ ဒါပေမဲ့ အ သက် ၂၀-ကျော်ပီးလို့ တက္ကသိုလ်ကတောင် ဘွဲ့ရခါနီးနေပီ။ ဘ၀တခုလုံးကိုစွန့်လွတ်။ အသက်နဲ့ ရင်းပီးတောခိုလာပီးမှ အဲဒီတောထဲမှာ ရဟန်းဝတ်ဖြစ်အောင်ကျိုးစားတာကရော ဘာကြောင့်လဲ။ သူပုန် ဘ၀မှာ ရဟန်းခံရေးက အရေးကြီးနေတုန်းလား။

ဒုတိယံပိ-ထပ်မံဝန်ခံရရင်တော့ အဲဒီကာလတွေတုန်းက ဒီမေးခွန်းမျိုးကိုကျနော်တခါမှမစဉ်း စားမိ။ မြန်မာနိုင်ငံမှာတုန်းက ရဟန်းမ၀တ်ရသေးဘူး။ "အခု တောထဲမှာရဟန်ုးခံပွဲလုပ်မယ်ဆိုရင်တော့ အတော်ဘဲ့။ ငါလဲ ရဟန်းဝတ်ဖူးသည်ရှိအောင် ၀င်ဝတ်လိုက်ဦးမယ်"။ ဆိုပီး စိတ်ကူးမျှနဲ့ ၀တ်လိုက်တာ ပါဘဲ့။ ဘယ်လိုဘဲ့ဖြစ်ဖြစ် သတင်းတပါတ်ကြာရဟန်းဝတ်ပီးတဲ့အခါမှာတော့ အဖေအမေဆီက ကျန်နေ တဲ့တာဝန်တခုကို ကြေပွန်သွားသလိုလို ကျနော်စိတ်ထဲတော့ ခံစားမိပါတယ်။ ကျန်တဲ့လူတွေလဲ ကျနော်လို့ဘဲ့စဉ်းစားကြမယ်လို့ထင်ပါတယ်။

ဒါပေမဲ့ အခု အမိမြန်မာနိုင်ငံနဲ့ မိုင်ပေါင်း ၅၀၀၀-ကျော် ကွာဝေးပီး ဘာသာစကားမတူ။ ကိုးကွယ်ယုံပြည်မှုဘာသာရေးမတူ။ ယဉ်ကျေးမှုမတူတဲ့အရပ်မှာ ကြီး ပြင်းလာတဲ့ ကလေးတွေကိုတော့ ကျနော်တို့ငယ်ငယ်တုန်းကလိုမျိုး ရှေ့ကလုပ်လို့ နောက်ကလိုက်လုပ် ရတယ်ဆိုပီး ရွီးလို့မရ။ နောက်တခါ ဒီရှင်ပြုပွဲကို အထူးတလည်စိတ်ဝင်စားနေတဲ့ နော်ဝေးနိုင်ငံသား တွေကို ရှင်ပြုပွဲဆိုတာဘာလဲ။ ဘာကြောင့်လုပ်ဖို့လိုအပ်သလဲဆိုတာကို သူတို့နားလည်အောင် ခင်ဗျား ဘယ်လိုရှင်းပြ မလဲ။

(ဒိန်းမတ်က မော်တော်ဆိုင်ကယ် ရှင်လောင်းလှည့်ပွဲကို အောက်ပါ ဗွီဒီယို-မှာကြည့်နိုင်ပါတယ်...)




တတိယနိုင်ငံ။ ဒုတိယပြည်သူ။ မျီုးဆက်သစ်နဲ့ လက်တွေ့နိုင်ငံရေး

ရှင်ပြုပွဲနဲ့ ရဟန်းခံပွဲတွေရဲ့အရေးကြီးပုံအကြောင်း လျောက်ထားပီးတဲ့အခါမှာတော့ ဒီလို လျောက်ထားဖြစ်အောင် ကျနော်ကိုတွန်းအားပေးခဲ့တဲ့ နော်ဝေးမှာကြီးပြင်းလာတဲ့ မျိးဆက်သစ်မြန်မာ ကလေးငယ်တွေနဲ့ ဒေသခံနော်ဝေးပြည်သူတချို့ကို ကျနော်လှမ်းကြည့်မိပါတယ်။ မျိုးဆက်သစ်တွေက သိပ်မနဲလှ။ တချီု့မိသားစုတွေက ကလေးတဦး။ တချို့က ၂-ဦး ၃-ဦးမွေးထားပီးနေပီ။ တနည်း အားဖြင့်ပြောမယ်ဆိုရင်တော့ နော်ဝေးအပါဝင် တတိယနိုင်ငံတွေဆီအခြေချဖို့ရောက်လာတဲ့ ၈၈-မျိုး ဆက် အသက် ၄၀-တန်း လူကြီးတွေနေရာမှာ အသက် ၅-နှစ်။ ၁၀-နှစ်။ ၁၅-နှစ်တန်း လူငယ်တွေက မကြာခင်မှာ နေရာယူလာတော့မယ်။ အဲဒီလူငယ်ဦးရေဟာ လက်ရှိလူကြီးဦးရေထက် ပိုများလာနိုင် တယ်။ ဒီအတွက် ၈၈-မျိုးဆက်လူကြီးတွေ ဘာများကြိုတင်ပြင်ဆင်ထားပီးပီလဲ။

သူတို့ကိုယ်တိုင် ဘ၀နဲ့ရင်းပီးပါဝင်လာခဲ့တဲ့ ၈-လေးလုံးအရေးတော်ပုံနဲ့ လက်နက်ကိုင်တော် လှန်းရေးအကြောင်းကို သူတို့ရဲ့ကလေးငယ်တွေနားလည်အောင် ဘယ်လောက်အထိရှင်းပြထားပီးပီ လဲ။ လက်ရှိမြန်မာနိုင်ငံမှာနေစဉ်ဖြစ်နေတဲ့ နိုင်ငံရေး။ စီးပွါးရေး။ လူမှုရေးအခြေနေတွေကို ကလေးငယ် တွေနားလည်အောင် ဘယ်လောက်အထိစနစ်တကျ သင်ပြထားပီးပီလဲ။ ကျနော်ဘေးနားရောက်လာ တဲ့ အသက် ၁၀-နှစ်ဝန်းကျင် ကလေးငယ်တဦးကို ကျနော်တီးခေါက်ကြည့်တော့ ဘာကြောင့်သူ နော် ဝေးမှာ နေနေရတယ်ဆိုတာကို အသေချာမသိ။ ဆက်ပီးစကားပြောကြည့်တော့ ဒီကလေးငယ်တွေဟာ မြန်မာစကားကိုလဲ ကောင်းကောင်းမပြောတတ်။ မြန်မာစာဖတ်တတ်ရေးတတ်ဖို့ဆိုတာ ပိုတောင်ဝေးသေး။

"နော်ဝေးမှာနေတာ မြန်မာစာမတတ်လို့ဘာမှမဖြစ်ဘူး။ နော်ဝေးစာနဲ့အင်္ဂလိပ်စာတတ်မှအလုပ် ကောင်းကောင်းရမှာ" ဆိုပီး လူကြီးတချီု့ရဲ့ပြောသံကိုတောင် ကျနော်ကြားခဲ့ဖူးတဲ့အတွက် ကလေးတွေ ကိုတော့ အပြစ်မတင်တော့ပါဘူး။
အဲဒီလိုအပြစ်တင်ရင်လဲ ကလေးတွေက ကျနော်ကိုပြန်မေးပါလိမ့်မယ်။ "သားသားတို့က နော် ဝေးမှာ ၁၀-နှစ်ကြာလို့ မြန်မာစာမရဘဲ နော်ဝေးစာဘဲ့ရနေတာထားပါတော့။ ဦးဦးက နော်ဝေးမှာ ၁၀-နှစ်ကြာနေပီး နော်ဝေးစလဲကောင်းကောင်းမတတ်ဘူး။ နော်ဝေးအသိုင်းဝိုင်းထဲလဲမတိုးနိုင်ဘူး။ မြန်မာ အသိုင်းဝိုင်း ကျဉ်းကျဉ်းလေးထဲမှာဘဲ့ လုံးခြာလည်နေတယ်" ဆိုရင် ကျနော်ဘယ်လိုဖြေမလဲ။

အကူညီရလိုရငြား နော်ဝေးဧည့်သည်တွေဖက် ကျနော်လှမ်းကြည့်လိုက်တော့ ဒီနေ့ပွဲကိုတက် လာတဲ့ ဒေသခံနော်ဝေးလူထုကသိပ်မနဲလှ။ နော်ဝေးရိုးယာအမျီုးသားဝတ်စုံကို ၀တ်ဆင်ထားသူတွေ အပါဝင် ၁၅-ဦးလောက်ရှိမယ်လို့ထင်ပါတယ်။ ဒါဟာ မြန်မာတွေလုပ်နေကြ ဘာသာရေးအခန်းနားဘဲ့ ဖြစ်ဖြစ်။ လူမှုရေးအခန်းနားဘဲ့ဖြစ်ဖြစ်။ နိုင်ငံရေးအခန်းနားဘဲ့ဖြစ်ဖြစ် ဒေသခံနော်ဝေးလူဦးရေ အများ ဆုံးပါဝင်တဲ့ အခန်းနားတခုအဖြစ် ကျနော်သတိပြုမိပါတယ်။ ဒီအခန်းနားမတိုင်မှီ အော်စလိုမှာကျင်းပ တဲ့ရှင်ပြပွဲမှာဆိုရင် နော်ဝေးတဦးစ နှစ်ဦးစဘဲ့ကျနော်တွေ့မိပါတယ်။

နောက်တခါ အဲဒီမတိုင်မှီက အော် စလိုမှာကျင်းပတဲ့ ဒေါ်အောင်ဆန်းစုကြည်မွေးနေ့ပွဲတုန်းကလဲ နော်ဝေး ၃-၄-ဦးထက် ပိုမတွေ့မိ။ နော် ဝေးနိုင်ငံသားတွေကို မဖိတ်မိတာလား။ ဖိတ်ရဲ့သားနဲ့မလာတာလား။ ဒါမှမဟုတ် မြန်မာတွေလုပ်တဲ့ ပွဲ ဟာ နော်ဝေးတွေနဲ့မဆိုင်ဘူးလို့ ၂-ဖက်စလုံးက နားလည်သတ်မှတ်ထားတာမျိုးလား။ ဘာကြောင့်မှန်း တော့မသိ။ တခုခုတော့လွဲနေသလိုပါဘဲ့။ ဒီလိုလွဲနေရင် ဒုတိယ-ပြည်သူကိုအခြေခံပီး နော်ဝေးလူထု။ နော်ဝေးပါလီမန်ကတဆင့် မြန်မာ့အရေးဆွေးနွေးအဖြေရှာရေးဆိုတာ ဘယ်ဖြစ်လာနိုင်တော့မလဲလို့ ကျနော်တွေးမိပါတယ်။

"ခင်ဗျားကလဲဗျာ။ မိုင်ပေါင်း ၅၀၀၀-ကျော်ဝေးပီး ရေခဲပြင်ဆီအပို့ခံထားရတဲ့ လူလေး ထောင် ဂဏန်းကို အပြစ်တင်မနေနေနဲ့လေ။ မြန်မာတွေသန်းနဲ့ချီရှိတဲ့ ထိုင်း။ အိန္ဒိယ။ ဂျပန်တွေမှာလုပ်တဲ့ပွဲ တွေကိုကြည့်ပါလား။ အားလုံးရွေတွေချည်းဘဲ့'' ဆိုပီး ကျနော်သူငယ်ချင်းတဦးက ဆင်ခြေပေးပါ တယ်။
"ပီးတော့ အခန်းနားမှာမိန့်ခွန်း ပြောတဲ့လူကလဲ ဒီလူဒီလူတွေချည်းဘဲ့။ ဘယ်နိုင်ငံမှာလုပ်တဲ့ အခန်းနားဆိုရင် ဘယ်သူတွေပါမယ်။ ဘယ်သူကမိန့်ခွန်းပြောမယ်လို့ ပုံသေနည်းရှိပီးသားလိုဖြစ်နေပီ။ မျီုးဆက်သစ်ဘယ်နှစ်ယောက်ပါလို့လဲ။ ဒေသခံပြည်သူ ဘယ်နှစ်ယောက်ပါလို့လဲ" ဆိုပီး သူက ကျ နော်ကိုထောက်ပြသွားပါတယ်။ သူပြောမှဘဲ့ ပြည်ပမီဒီယာတွေနဲ့ အင်တာနက်ပေါ်က ရုပ်-သံတွေကို သတိရပီး ကျနော်ပြုံးလိုက်မိပါတယ်။

တကယ်ကတော့ ဒီလိုထောက်ပြတာဟာ သူတဦးတည်းတော့မဟုတ်ပါဘူး။ ထိုင်းကနေ နော်ဝေးကိုခေတ္တလာလည်တဲ့သူငယ်ချင်းတဦးကဆိုရင် "ခင်ဗျားလဲ ဘာထူးလို့လဲ။ သီးခြားကမ္ဘာထဲမှာ ၁၀-နှစ်ကျော်နေခဲ့ပီး အခုမှ သူများတွေကိုလျောက်ပြောနေတာ" ဆိုပီး ကျနော်ကိုဝေဖန်ခဲ့ပါတယ်။

ဟုတ်ပါတယ်။ နေ့စဉ်အလုပ်တွေနဲ့မအားလို့ပါဆိုပီး အယင်ကဆိုရင် ဒီလိုအခန်းနားမျိုးတွေကို ကျနော် တက်ရောက်လေ့သိပ်မရှိလှ။ နော်ဝေးရောက် မြန်မာကွန်မြူနတီရော။ နော်ဝေးကွန်မြူနတီရောနဲ့ပါ ကျနော်တို့ကသီးခြားစီဖြစ်နေခဲ့တာ ၁၀-နှစ်ဆယ်မိုးတောင်မကတော့ပါဘူး။

"နောက်တခုက အခုကျနော်ရဲ့ဥရောပခရီးစဉ်အတွင်း တွေခဲ့သလောက် ဘော်ဒါအတော်များ များထဲမှာ သူတို့ရောက်နေတဲ့ရေမြေအခင်းကျင်း။ ကွန်မြူနတီအနေထားနဲ့ အံဝင်ဂွင်ကျ Integration ဖြစ်သွားသူအတော်နဲသေးတယ်ဗျ။" ဆိုပီး အဲဒီပုဂိုလ်က မှတ်ချက်ပေးပါတယ်။

ဒီတော့မှကျနော်လဲ သြော်...တတိယနိုင်ငံရောက် ငါတို့မျိုးဆက်ကလဲ ကိုယ်ဘေးမှာရှိနေတဲ့ ဒုတိယ-ပြည်သူတွေကို စည်းရုံးရမှန်းမသိ။ ငါတို့ထက် အင်အားပိုများလာမဲ့ မျိုးဆက်သစ်ကလေးငယ် တွေကို လက်တွဲခေါ်ပီး အကူညီတောင်းရမှန်းမသိ။ မျိုးဆက်သစ်တွေကို မြန်မာစာမတတ်လို့ဆိုပီး အပြစ်တင်နေမဲ့အစား သူတို့ကိုယ်တိုင် မြန်မာစာသင်ချင်လာအောင် ငါတို့လူကြီးတွေက ဘယ်လောက် များစည်းရုံးခဲ့လို့လဲ။

မြန်မာစာနဲ့ယဉ်ကျေးမှုသင်နိုင်အောင် နော်ဝေးလူ့အဖွဲ့စည်းဆီ ငါတို့လူကြီးတွေက ဘယ်လောက်များထဲထဲဝင်ဝင်စည်းရုံးဟောပြောခဲ့ဖူးလို့လဲဆိုပီး မေးခွန်းထုတ်မိပါတယ်။ တခါလာလဲ "မင်းရယ်။ ငါရယ်။ သူငယ်ချင်းတွေရယ်" ဆိုတာထက်ပိုတဲ့ အင်အားသစ်တွေတိုးချဲ့စည်းရုံးမှုမျီုးကို ငါ တို့ မလုပ်နိုင်သေး။ မလုပ်ဖြစ်သေးပါလားဆိုပီး ကျနော် စဉ်းစားနေမိပါတယ်။

............................................................


နိူင်ငံတကာ ဒုက္ခသည်များနေ့မှာ- သင် ဘာကူညီပေးနိုင်မလဲ...





နရေးရှင်းမပါဘဲ မူရင်းအတိုင်းတင်ထားပါတယ်။

မရှင်းတာရှိရင်- နိုပိုးစခန်းသွား ခရီးသွားဆောင်းပါးနဲ့ တွဲ- ဖတ်စေချင်ပါတယ်။
...မှတ်ချက်...နိုပိုးစခန်းဆီ ကျနော်ရောက်ခဲ့စဉ်က တွေ့ခဲ့တဲ့ရဲဘော်တွေထဲက မင်းသမီးစခန်းမှ ကိုစိုးမိုးတို့ မိသားစု အခုသတင်းပါတ်အတွင်း နယူးဇီလန်နိုင်ငံဆီ ရောက် သွားပီလို့သိရပါကြောင်း။ ---------------------------------------------------------


သန်းကောင်ယံမှာထွက်တဲ့-နေ- ရှိရာအရပ်သို့ အလည်တခေါက်-


North Cape မှ သန်းကောင်ယံ နေ-အလှ



သန်းကောင်ယံ-နေ-ဖြစ်ပေါ်လာပုံကို နာရီပိုင်းအလိုက်ပြထားပုံ



ဘာကြောင့် နေမ၀င်ညနဲ့ နေမထွက်တဲ့နေ့ တွေဖြစ်ပေါ်လာသလဲဆိုတာကို ရှင်းပြတဲ့ပုံ



ကျနော်ရောက်ခဲ့တဲ့ Tromsø မြို-


သန်းကောင်ယံ နေ-ကို မြင်နိုင်တဲ့ဒေသများ-
-----------------------------------------

270511 HAK Midnight Sun-Edited


နော်ဝေးမြောက်ပိုင်း သန်ကောင်ယံမှာထွက်တဲ့ နေ- ရုပ်သံ-မှတ်တန်း



------------------------------------------------------

နေမ၀င်တဲ့ညများနဲ့ နေမထွက်တဲ့နေ့တွေကို နှိုင်းယှဉ်ကြည့်ရှုနိင်ဖို့အတွက် ဆောင်းတွင်းကာလ
ဖင်လန်နိုင်ငံမြောက်ပိုင်းခရီးစဉ် ရုပ်သံ-မှတ်တန်းကိုလဲ ပူးတွဲ တင်ပေးထားပါတယ်။




-------------------------------------------------------------------

ကျနော်ရောက်ခဲ့ဖူးသော ထိုင်း-မြန်မာ နယ်စပ်ဂိတ်များ

၁၉၀၅၁၁ (ထက်အောင်ကျော်)






လူ့စွမ်းအင်သုံး ခေါတ်သစ်ရေယဉ်ထွန်းကားရာ မြ၀တီ-မဲဆောက်ဂိတ်


ပြီးခဲ့တဲ့လ ထိုင်းခရီးစဉ်အတွင်း ကျနော်ပထမ-ဆုံး သွားရောက်လေ့လာဖြစ်ခဲ့တဲ့နယ်စပ်ဂိတ်ကတော့ မဲဆောက်-မြ၀တီ- ချစ်ကြည်ရေးတံတားဂိတ်ဖြစ်ပါတယ်။ မဲဆောက်ဖက်ရောက်တိုင်း ဒီတံဆီ သွား။ မြ၀တီဖက်ကိုငေးကြည့်- အဲ...အတိအကျပြောရမယ်ဆိုရင်တောီ့ မြ၀တီကိုစိတ်ကူးနဲကျော်ဖြတ်ပီး မော်လမြိုင်-ရန်ကုန်-မန္တလေးအထိ မျော်ကြည့်မိတယ်ဆိုပါတော့။ ထူးခြားတာကတော့ အယင်ခေါက် တွေသွားစဉ်က ချစ်ကြည်ရေးတံတားလဲ ဖွင့်။ တံတားအောက်က မှောင်ခိုလမ်းတွေလဲဖွင့်။ ၂-လမ်းသွား နည်းနဲ့ ကုန်သွယ်နေတာကိုတွေ့ရပေမဲ့ ဒီတခေါက်ခရီးစဉ်မှာတော့ ချစ်ကြည်ရေးတံတားကြီးကိုပိတ် ထားတာနဲ့ တိုးနေခဲ့ပါတယ်။

ထုံးစံအတိုင်း တံတားရဲ့ ညာဖက်အောက်နားမှာစိုက်ထားတဲ့ "The Moei River, the westernmost point" ဆိုတဲ့ ဆိုင်းဘုတ်ရှေ့မှာဓါတ်ပုံရိုက်။ အဲဒီဆိုင်းဘုတ်အနီးက ကမ်းနားလမ်း ဘေးတလျောက်မှာရောင်းချနေတဲ့
မြန်မာဖက်လာတဲ့ မှောင်ခိုပစ္စည်းမျိုးစုံကိုကြည့်။ ဒါပေမဲ့ ဓါတ်ပုံရိုက် တာကိုတော့ အဲဒီဈေးသည်တွေက သိပ်ကြိုက်ပုံမရပါဘူး။ မကြိုက်ဆို... ရောင်းနေတဲ့ပစ္စည်းတွေကလဲ ကြည့်ပါဦး။ ဈေးပေါတဲ့အရက်မျိုးစုံ။ ဆေးလိပ်မျီုးစုံ။ ဆေးဝါးမျိုးစုံအပြင် အပြာကားမျိုးစုံ ဗွီဒီယို-အခွေတွေ။ နို့သီးခေါင်းအတု။ လိင်တံအတုတွေ။ လိင်ပိုင်းဆိုင်ရာ လိမ်းဆေးတွေ စသဖြင့်...စသဖြင့် စုံနေတာပါဘဲ့။

မှောင်ခိုရောင်းနေတယ်ဆိုပေမဲ့ လျှို့လျို့ဝှက်ဝှက်မဟုတ်တော့မဟုတ်- ပူလီ-ပူလီ (ဆေး လိပ်) လို့မနားတန်းအော်နေ တဲ့အပြင် "ဒါယူမလား အကိုး- ဈေးလဲပေါတယ်- ကောင်းလဲကောင်းတယ်။ ဟောဒီလို-ဟောဒီလို လုပ်လို့ရတယ်လေအကိုး" ဆိုပီး ရော်ဘာလိင်တန် အတုကို အမျီုးမျီုးလှုပ်ပြ- အော်ဟစ်ရောင်းချနေသူတဦးကိုလဲ တွေ့ခဲ့ရပါသေးတယ်။
အဲဒီဈေးတန်းကိုကျော်ပီး ရှေ့နဲနဲ ဆက်လျောက်မယ်ဆိုရင် မကြာခန ပြသာနာတက်လေ့ရှိတဲ့ ရေ လည်ကျွန်းဆိုတာ ကို ရောက်ပါတယ်။ ဒါပေမဲ့ လုံခြုံရေးစိတ်မချရဘူးဆိုပီး ကျနော်ကိုလိုက်ပိုတဲ့ သူငယ်ချင်းကပြောလို့ အဲဒီကျွန်းထဲအထိတော့ မ၀င်ဖြစ်လိုက်ပါဘူး။

တံတားဖက်ကိုပြန်လျောက်ပီး ဗီဒီယို-ရိုက်ဖို့ပြင်တော့ ထိုင်းစစ်သား ၃-ဦးနဲ့တိုးပါတယ်။ မြန်မာ စစ်သားတွေလို ဗီဒီယို-ရိုက်ခွင့်တား မြစ်မယ်လို့ထင်ထားပေမဲ့ -"မဲပင်လိုင်-ထန်လုကောဒိုင်း။ ဗီဒီအို-ကောဒိုင်း" ဆိုပီး M16- မောင်းပြန် သေ နပ်ကိုင်ထားတဲ့ အသက် ၂၀-ကျော်အရွယ် ထိုင်းစစ်သားက ကျနော် ကိုပြောပါတယ်။ ကျနော် တကယ် ရိုက်တော့ ကင်မရာကိုသူကကျော်ပေးပီး တယ်လီဖုန်းပြောနေတဲ့အတွက် အင်တာဗျုး-တော့ မလုပ်နိုင် ခဲ့။ ဒါပေမဲ့ ဓါတ်ပုံလုံးဝရိုက်ခွင့်မပေး။ သတင်းထောက်လုံးဝ လက်မခံဘူးဆိုပီး အမိန့်ထုတ်ထားတဲ့ ဒီ နယ်စပ်ရဲ့သောင်ရင်းမြစ် ဟိုဖက်ကမ်းကနေ အခြေနေကိုချောင်းကြည့်နေတဲ့ မြန်မာစစ်သားတွေနဲ့စာရင်တော့ ထိုင်းစစ်သားတွေရဲ့ မီဒီယာနဲ့ဆက်ဆံရေး အခြေနေက အများကြီးကောင်းပါတယ်။

သောင်းရင်းမြစ် ဟိုဖက်ကမ်းနေ ချောင်းကြည့်နေတဲ့ မြန်မာစစ်သားတွေ ဘာတွေလုပ်နေသလဲ ဆိုပီး ကျနော်သိချင်လာတဲ့အတွက် အဲဒီဂိတ်နား နီးနိုင်သမျှ နီးအောင်သွားဖို့ ကျနော်ကျိုးစားပေမဲ့ ကျ နော်သူငယ်ချင်းက ခွင့်မပြု။ သူစိုးရိမ်မယ်ဆိုလဲ စိုးရိမ်စရာပါဘဲ့။ ထိုင်းစစ်သား ၄-၅-ဦးက တံတား အောက်မှာဘဲ့ ထိုင်စောင့်နေတာဖြစ်ပြီး မြန်မာနိုင်ငံဖက်ကနေ တဖွဲဖွဲတက်လာနေသူတွေဟာ ထိုင်းစစ် သားတွေထိုင်နေတဲ့နေရာကနေ လှမ်းမမြင်နိုင်တဲ့ ချစ်ကြည်ရေးတံတားရဲ့ အောက်ဖက်နားကနေ လူသွား လမ်းလေးတလျောက်တက်လာနေတာဖြစ်ပါတယ်။ ကျနော်သိပ်သွားချင်နေမှန်းသိတော့ ကျနော်သူငယ်ချင်းကလမ်းကြောင်းရှာပီး တောလမ်းကနေပါတ်ပီး အဲဒီရေဆိပ်အနီးထိ ကားမောင်း သွားပါတယ်။

ဟော- ကားရပ်တဲ့နေရာကနေ မြစ်ကမ်းနားဘောင်ပေါ်တက်လိုက်တာနဲ့ လူတွေရာနဲ့ချီ အသွား-အပြန် သယ်ပို့နေတဲ့ လယ်ထွန်စက်အတွင်းတာယာ-သုံး ခရီးသည်တင်ယဉ်တွေကိုတွေ့ပါ လေရော့။ ဒီနေရာကို ကမ္ဘာလှည့်ခရီးသည် လာခွင့်မပြုတဲ့အတွက် ဒီမြင်ကွင်းအပေါ် နိုင်ငံခြားသားတွေ ဘယ်လိုမြင်သလဲဆိုတာ ကျနော်မေးခွင့်မရလိုက်။ ဒါပေမဲ့ ဥရောပပြန် ကျနော်မျက်စီထဲမှာတော့ တကယ့်ကို ကိုးယိုးကားယားပါဘဲ့။ ပေ ၅၀-လောက်သာကွာတဲ့အပေါ်ဖက်မှာ ဘတ်ငွေ သန်း ၂၀၀-လောက်အကုန်ကျခံဆောက်လုပ်ထားတဲ့ တံတားကြီးရှိပါရဲ့နဲ့ အဲဒီတံတားကိုပိတ်ထားပီး တံတားအောက်ရေပြင်ထဲ ကနေ လယ်ထွန်စက်တာယာကိုစီးပီး သက်စွန့်ဆံဖျားရေထဲကူးနေရတယ်လို့။

အသံ မထွက်အောင် ထွန်စက်တာယာကို သုံးတာလား။ လောင်စာဆီသက်သာအောင်သုံးတာလားဆိုတာကို တော့ ကျနော်အတိအကျမသိခဲ့။ ဒါပေမဲ့ ဟိုဖက်ကမ်း-ဒီဖက်ကမ်းအော်ပြောနေကြတဲ့အသံတွေက တော့ လှေစက်သံထက်တောင် ပိုကျယ်နေတဲ့အတွက် အသံမထွက်အောင်။ ၂-ဖက် အာနာပိုင်တွေ မသိအောင် ခိုးသွားနေတာမျိုးတော့ ဟုတ်ပုံမရပါဘူး။ တရားဝင်တပိုင်းအဖြစ် မြန်မာစစ်တပ်ကို အခွန် ငွေဆောင်ပီး သွားနေရတာဖြစ်တယ်လို့ ထိုင်းဖက်ကမ်းကိုရောက်လာတဲ့ ခရီးသည်တချီု့ကပြောပါတယ်။

ဒီသောင်ရင်းမြစ်ဖြတ် ထွန်စက်တာယာ ရေယဉ်ကို ဗွီဒီယို-ရိုက်ရတာကလဲ သိပ်မလွယ်ပါဘူး။ ဟိုဖက်ကမ်းက နအဖ-တပ်က မှန်ပြောင်းနဲ့ဆွဲပီး ကြည့်နေသလားဆိုတာ စိုးရိမ်နေရပါတယ်။ နောက် တခါ ဒီလမ်းကြောင်းကိုကြီးစိုးထားတဲ့ လူပွဲစားတွေကလဲ ဒီလိုရိုက်တာကိုသိပ်ကြိုက်ပုံမရ။ ဒါပေမဲ့ သူတို့ကတော့ တည့်တည့်မပြော။ လူပွဲစားပီသစွာနဲ့ ဒီပလိုမေစီသုံးပီး
ဟာဒီလိုပြောပါတယ်- "ဟေး နင်တို့ ဒီဖက်မှာဗွီဒီယို-ရိုက်တာကတော့ ပြသာနာမရှိဘူး။ ဒါပေမဲ့ ဟိုဖက်ကမ်းက မှန်ပြောင်းနဲ့ကြည့်ပီး စနိုက်ပါ-နဲ့ ပစ်လိုက်ရင် ပြသာနာဖြစ်မယ်" တဲ့။ ဒီတော့ ကျနော်တို့လဲ ပျောက်ကျားနည်းကို သုံးး ၃-မီနစ်ရိုက် ၃-မီနစ်ပြေးစနစ်နဲ့ မဲဆောက်မြိုဆီ ခပ်သွက်သွက်လေး ပြန်လှည့်လာခဲ့ရပါတယ်။
(အသေးစိပ်ကို ဗွီဒီယို-ဖွိုင်မှာ ကြည့်နိုင်ပါတယ်)

Mae Sod---Myawaddy


---------------------------------------------------

ထွန်စက်တာယာနဲ့ရေကူးတဲ့ဂိတ်ကနေ ထွန်စက်တကယ်မောင်းတဲ့ဂိတ်ဆီသို့

လူသားစွမ်းအင်သုံး ခေါတ်သစ်ရေယဉ်တွေကိုလေ့လာပီးတဲ့နောက် ဒုတိယ-နယ်စပ်ဂိတ်အဖြစ် ကျနော် ရောက်ခဲ့နေရာကတော့ နိုပိုးဒုက္ဒသည်စခန်းကနေ မော်တော်ဆိုင်ကယ်နဲ့ တနာရီနီးပါး ထပ် သွားရတဲ့ ပန်ခရာ. ဂိတ်ဖြစ်ပါတယ်။ ဆိုင်ကယ်နဲ့သွားတယ်ဆိုပေမဲ့ တကယ်က အဲဒီနေရာဟာ မဲဆောက်-အုန်းဖျန်။ အုန်းဖျန်-နိုပိုး- လိုင်းကား ဂိတ်-ဆုံးတဲ့နေရာဖြစ်လို့ မဲဆောက်ကနေ လိုင်းကား တခါတည်း စီးပီးလာရင်လဲရောက်နိုင်တဲ့နေရာပါ။ လမ်းကတော့ အတော်ဆိုးပါတယ်။ ကတ္တရာတွေကွာ နေတဲ့အပြင် ချိုင့်ခွက်တွေကလဲ အတော်များတဲ့အတွက် ဆိုင်ကယ်ကိုတောင် အရှိန်နဲ့မောင်းဖို့သိပ် မလွယ်တဲ့နေရာမျိုးပါ။

အဲဒီရွာကိုဝင်ဝင်ချင်း ကျနော်သတိထားမိတာကတော့ ကေအန်ယူ-တပ်မဟာ ၆-နယ်မြေထဲက ရွာတွေလို ကွမ်းသီးပင်တန်းတွေ။ ကျွန်းသစ်တိုင်အကြီးကြီးနဲ့ဆောက်ထားတဲ့ သစ်သား အိမ်တွေ။ နွား ထိမ်းသိမ်းရေးစခန်းတွေ။ (မြန်မာပြည်ကနေပို့လာတဲ့နွားတွေကို ထိုင်းဖက်က ကုန်တင် ကားပေါ်မတင်မှီ ထိမ်းသိမ်းထားတဲ့နေရာကို အတိကျမခေါ်တတ်လို့ သင့်သလိုသုံးလိုက်ပါတယ်)။ စား သောက်ဆိုင်။ အ၀တ်ဆိုင်နဲ့ အိမ်သုံးပစ္စည်းရောင်းတဲ့ဆိုင်တွေကို မြင်ခဲ့ရပါတယ်။

နယ်စပ်ဂိတ်ကိုလဲရောက်ရော။ ဟိုဖက်ကမ်းမှာ သုံးရောင်ချယ်-ကြယ်ဖြူတလုံးပါတဲ့ အလံတိုင် ကိုသာမြင်ရပီး စစ်သားတွေရဲ့အရိပ်အယောင်ကိုမမြင်ရ။ အလံတိုင်အောက်က ၀ါးတားဂိတ်ကိုကျော်ပီး မြန်မာဖက်ကဈေးတန်းကို သွားလည်လို့ရတယ်လို့ ကျနော်ကိုလိုက်ပို့တဲ့သူငယ်ချင်းကပြောပေမဲ့ သူလဲ မသွားရဲ။ ကျနော်လဲ မသွား ရဲခဲ့။ ဒါနဲ့ဘဲ့ နယ်စပ်ဂိတ်တည့်တည့်မှာရပ်။ ဗီဒီယို-မှတ်တန်းရိုက် မယ်ပြင် တော့ ဟိုဖက်-ဒီဖက်သွားနေတဲ့ ယဉ်တွေက လယ်ထွန်စက်အသေးစား။ သို့မဟုတ် ဒေသအခေါ် ထော် လာဂျီ-တွေဖြစ်နေတာကို တိုက်တိုက်ဆိုင်ဆိုင်တွေခဲ့ရပြန်ပါတယ်။ (အသေးစိပ်ကို ဗီဒီယို-ဖိုင်မှာ ကြည့် နိုင်ပါတယ်)

No Poe Gate


-----------------------------------------------------


မယ်ဆိုင်-တာချီလိတ်-ဂိတ်- သို့မဟုတ် ၆-ပေ ချောင်းခြား တို့နှစ်ယောက်သား

ဒီတခေါက် ခရီးစဉ်အတွင်း မြ၀တီနဲ့ ---နယ်စပ်ဂိတ်မှအပ အခြားနယ်စပ်တွေဆီ သွားဖို့အချိန် မရလိုက်ပါဘူး။ ဒါပေမဲ့ ပြီးခဲ့တဲ့ခရီးစဉ်တွေအတွင်း နယ်စပ်ဂိတ်အားလုံးနီးပါးဆီ ကျနော်ရောက်ခဲ့ဖူးတဲ့ အတွက် မယ်ဆိုင်-တာချီလိတ် နယ်စပ်ဂိတ်ရဲ့အခြေနေကို တင်ပြလိုက်ပါတယ်---(ဗီဒီယို-ဖွိုင်မှာ ကြည့် ပါရန်-)

Mae Sai---Tachilate


--------------------------------------------------

ရနောင်း-ကော့သောင်-ဂိတ်- သို့မဟုတ် သက်စွန့်ဆံဖျား ပဲချိတ်သမားများ

ကော့သောင်-ရနောင်း ဂိတ်ကိုတော့ ဒီတခေါက်ခရီးစဉ်အတွင်း ခနရောက်ဖြစ်ပေမဲ့ ဗီဒီယို-ရိုက်ဖို့ အခြေနေမရခဲ့။ ဒါကြောင့် ပြီးခဲ့နှစ်အတွင်း ရိုက်ကူးထားတဲ့ နယ်စပ်ဂိတ်များခရီးစဉ် ဗီဒီယို-ကိုဘဲ့ တင်ပေးထားပါတယ်။

Ranong-Kaw thaung



-----------------------------------------------------

နတ်အိမ်တောင်နဲ့ ဘုရားသုံးဆူဂိတ်- သို့မဟုတ်- နယ်ကျွံသွားတဲ့ သူပုန်သတင်းထောက်ရဲ့ ရင်ခုန်သံ

သွားဖူးခဲ့သမျှနယ်စပ်ဂိတ်တွေထဲ ကျနော်အတွက် စိတ်လှုပ်ရှားဘွယ်အကောင်းဆုံး နယ်စပ် ဂိတ် ၂-ခုကတော့ နတ်အိမ်တောင်နယ်စပ်ဂိတ်နဲ့ ဘုရားသုံးဆူနယ်စပ်တွေပါ။ နတ်အိမ်တောင်ဆိုတာ ဟာ ရတနာဓါတ်ငွေပိုက်လိုင်းဖြတ်သွားတဲ့ ထိုင်း-မြန်မာနယ်စပ်တည့်တည့်က ကျေးရွာတခုဖြစ်ပီး အဲဒီ ပိုက်လိုင်းမဖြတ်ခင်အထိ ကေအန်ယူနဲ့ ABSDF ကျောင်းသားတွေရဲ့ ကုန်သွယ်ရေးစခန်းကြီးပါ။ ကျနော် ကိုယ်တိုင်လဲ ABSDF အဖွဲ့ဝင်တဦးအဖြစ် အဲဒီမှာနေဖူးတဲ့အပြင် ပိုက်လိုင်းစီမံကိန်းတလျောက်မှာလဲ သတင်းထောက်ပေါက်စတဦးအဖြစ်နဲ့ အဲဒီဝန်းကျင်ကို မကြာခနရောက်ခဲ့ဖူးသူပါ။

ကျနော်အထင် ၁၉၉၆ နှောင်းပိုင်းလို့ထင်ပါတယ်။ ပိုက်လိုင်းတည်ဆောက်မှု မြန်မာဖက်ခြမ်းအပီးသတ်တဲ့နေ့မှာ မှတ် တန်းဓါတ်ပုံရိုက်ဖို့အတွက် ပြင်သစ်သတင်းထောက်တဦးနဲ့အတူ အဲဒီနတ်အိမ်တောင်စခန်းကို ကျနော် ရောက်သွားပါတယ်။
အဲဒီကာလက ကျနော်မှာ ခရီးသွားလက်မှတ်ဆိုလို့ မြန်မာစာအုပ် အတုတောင်မရှိသေး။ ဘန်ကောက်-ခေါက်ဆန်-လမ်းမှာလုပ်ထားတဲ့ သတင်းထောက်ကဒ်ပြားအတုတခုကလွဲပီး ဘာမှမရှိ။ ဒါ ပေမဲ့ ကျနော်နဲ့အတူသွားတဲ့
ပြင်သစ်သတင်းထောက်မှာတော့ ထိုင်းနိုင်ငံခြားရေးဌာနကထုတ်ပေးထားတဲ့ သတင်းထောက်ကဒ်ရှိတဲ့အတွက် ကန်ချနပူရီ။ ထုံပါဖုံ။ နတ်အိမ်တောင်လမ်းတလျောက်ရှိ ရဲနဲ့ တောချတော (ထိုင်း-နယ်ခြားစောင့်တပ်လို့ခေါ်ရမယ်ထင်ပါတယ်) က သိပ်မစစ်ဆေးပါဘူး။

နတ်အိမ်တောင်ကိုအတက် နောက်ဆုံးဂိတ်- (မြန်မာအခေါ် ကျောင်းသားစခန်း-သို့မဟုတ် ကျောက်ပုံစခန်း) ရောက်တော့ အိုင်ဒီ-တွေကိုအသေချာထုတ်စစ်ပါတယ်။ ထုံးစံအတိုင်း ထိုင်းတ၀က်-အင်္ဂလိပ်တ၀က်နဲ့ ရွီးတဲ့အခါမှာတော့ "မင်းက ပြင်သစ်သတင်းထောက်အတွက် မြန်မာ-ထိုင်း-အင်္ဂလိပ် စကားပြန်လို့ ပြောပီး ထိုင်းစကားလဲ မပီဘူး'' လို့ တောချတောတဦးပြုံးစီစီနဲ့ပြောပီး -ပိုင်-ပိုင်-လို့ ပြောပါတယ်။ နိုင်ငံခြားသားလုံခြုံရေးအတွက် သူတို့ဆီက စစ်သားတဦးထည့်ပေးရမလားလို့မေးတော့ ပြင်သစ်သတင်းထောက်က မလိုဘူး-ရတယ်လို့ပြောတဲ့အတွက် ထိုင်းစစ်းသားမပါဘဲ ကျနော်တို့ ၂-ဦး တည်းဆက်လျောက်လာပါတယ်။

ဒါပေမဲ့ နတ်အိတ်တောင်အခြေနေက အယင် ကျနော်တို့ ABSDF - အခြေစိုက်တုန်းကလိုမဟုတ်တော့။ ကျနော်တို့ကျောင်းသားစခန်းဟောင်းခြေရင်းမှာ အမှတ် ၂၈၈-တပ် ရင်းဆိုင်းဘုတ်ကိုတွေ့ရပီး လက်နက်ကိုင်စစ်သားတွေ ကလဲအပြည့်။ နိုင်ငံခြားသတင်းထောက်ပုံဖမ်းပီး ခပ်တည်တည်နဲ့ဆက်လျောက်သွားတော့ ပိုက်လိုင်းချနေတဲ့နေရာ အလံတိုင်ကုန်းခြေရင်းကိုရောက် သွားပါတယ်။ ဓါတ်ပုံရိုက်ဖို့ပြင်တော့ ''No Photo, No Photo" ဆိုပီး ကာဘိုင်သေနပ်နဲ့ ၀ါကီတော်ကီ ကိုင်ထားတဲ့ တပ်ကြပ်ကြီးတဦးက ကျနော်ဆီပြေးလာပီး ကင်မရာကိုလက်နက်လာပိတ်ပါတယ်။ "Sorry" လို့ပြောပီး အလံတိုင်ကုန်းဖက်တက်ဖို့ပြင်တော့ -ခင်ဗျားက ဂျပန်လား။ ဒီမှာဓါတ်ပုံရိုက်ခွင့်မရှိ ပါဘူး- လို့ အဲဒီတပ်ကြပ်ကြီးက မြန်မာအသံထွက် အင်္ဂလိပ်ဘာသာစကားနဲ့ပြောပါတယ်။ ကျနော်ပြန် ပြောရင် ကျနော်မြန်မာအသံထွက် ကိုရိပ်မိပီးပြသာနာတက်မှာစိုးတာနဲ့ သူရဲ့အင်္ဂလိပ်စကားကို နားမလည်သလို ဟန်ဆောင်ပီး ဘာမှပြန်ပြောဘဲ ပြုံးပီး ဟိုငေး-ဒီငေးနဲ့သာ သင့်သလိုနေလိုက်ပါတယ်။

ဒါပေမဲ့ အခြေနေက ကြာကြာနေရင် ပေါ်တော့မှာဖြစ်တဲ့အတွက် ပြင်သစ်သတင်းထောက်ကိုပြောပြပီး ထိုင်း ဖက်ကမ်းကို ကျနော်ပြန်ပြေးဆင်းလာခဲ့ပါတယ်။ ပြင်သစ်သတင်းထောက်ကတော့ ကျနော်သင်ပေးထားတဲ့ မြန်မာစကားအနဲအကျဉ်းကို အသုံး ချ။ ၂၈၈-တပ်ရင်းထဲအထိဝင်ပီး တပ်ရင်းမှုးနဲ့တောင် အင်တာဗျုးလုပ်နိုင်ခဲ့ပါတယ်။ (၁၉၉၉ ဖေဖေါ်ဝါရီ ၁၄-ရက်နေ့ထုတ် ဘန်ကောက်ပို့စ်သတင်းစာပါ ဓါတ်ပုံအပါဝင်) အလွန်အသုံးဝင်တဲ့ ဓါတ်ပုံအတော် မျာများကိုလဲ သူရိုက်ယူနိုင်ခဲ့ပါတယ်။ (အဲဒီကာလက ဗွိဒီယို-ကင်မရာမရှိသေးတဲ့အတွက် ၂၀၀၈-မှာ ရိုက်ကူးထားတဲ့ ဗီဒီယို-ကိုတင်ပေးထားပါတယ်)
Gas Pipeline


--------------------------------------------------------

ကျနော်အတွက် ဒုတိယ-စိတ်လှုပ်ရှားဘွယ်အကောင်းဆုံး နယ်စပ်ဂိတ်ကတော့ ဘုရားသုံးဆူ ဂိတ်ပါ။ ဘုရားသုံးဆူဟာလဲ ABSDF- မှာ ကျနော်တာဝန်ထမ်းစဉ် ၁၉၈၉-အစောပိုင်းမှာ ရောက်ခဲ့ဖူးတဲ့ နေရာပါ။ အဲဒီကာလကတော့ စန်ခရ-သုံးဆူလမ်းဟာ မြေနီလမ်းအဆင့်ဘဲ့ရှိသေးပီး ဘုရားသုံးဆူဂိတ် ကိုတော့ ကေအန်ယူနဲ့ မွန်ပြည်သစ်တို့ရဲ့ ပူးတွဲအုပ်ချုပ်ရေး အဖွဲ့က စီမံခန့်ခွဲနေပါတယ်။ ဒေသတခုလုံး ကို အတိုက်ခံလက်နက်ကိုင်အင်အားစုတွေက ထိမ်းချုပ်ထားနိုင်တဲ့အခြေနေမှာရှိနေ ဆဲဖြစ်ပီး သုံးဆူကနေ မက္ကသာ-ရွာကိုဖြတ် ကေအန်ယူ-တပ်မဟာ ၆-နယ်ထဲဝင်ပီး မဲဆောက်အထိ ကားလမ်းနဲ့ သွားနိုင် တဲ့ အခြေနေပါ။ ဒါပေမဲ့ ကံဆိုးချင်တော့ ကျနော်တို့အဖွဲ့သွားတဲ့အချိန်ကျမှဘဲ့ ရှေ့တန်းမှာ စစ်ကြောင်း ရှုပ်နေလို့ လုံခြုံရေးစိတ်မချရဘူး။ ကားမပြေးဘူး။ ဘန်ကောက်ကဘဲ့ပြန်ပတ်ပီးသွားပါဆိုလို့ ကျနော် တို့အုပ်စု ABSDF တပ်ရင်း ၁၀၁-နဲ့ ၁၀၂-မှာ သတင်း ၂-ပါတ်ကြာသောင်တင်နေခဲ့ပါတယ်။

ကျောင်းသားတပ်ရင်းတွေဖြစ်တဲ့ ၁၀၁-နဲ့ ၁၀၂-အခြေစိုက်တဲ့နေရာက မွန်ပြည်သစ်ပါတီဌာန ချုပ်နဲ့နီးနီးလေး။ တပ်ရင်းရုံးကနေ ၅-မီနစ်လောက်လျောက်လိုက်တာနဲ့ စန်ခရ-သုံးဆူ ကားလမ်းပေါ် ရောက်နေပီ။ အဲဒီကားလမ်းရဲ့ ဒီဖက်ခြမ်းဟာ မြန်မာနယ်မြေဖြစ်ပီး ရုပ်ရှင်ရုံကြီးတခုရှိတဲ့ ကားလမ်းဟို ဖက်ကမ်းတလျောက်ကတော့ ထိုင်းနယ်မြေလို့ဆိုပါတယ်။ ဒါပေမဲ့ ကြားမှာ ဘာမှအတားဆီးမရှိပါဘူး။ မွန်တပ်ဖွဲ့တွေ။ ကျောင်းသားတပ်ဖွဲ့တွေ။ သာမန်ပြည်သူတွေအားလုံး ဒီတိုင်းဘဲ လွတ်လွတ်လပ်လပ် သွားလာနေတာကိုတွေ့နေရပါတယ်။ အဲဒီကျောင်းသားစခန်းရဲ့ ကားလမ်းတဖက်ချမ်းကရွာရဲ့အမည်က တော့ နန်းမကေ့-လိုိ ကျနော်စိတ်ထဲမှတ်မိနေပါတယ်။

အဲဒီခရီးစဉ်နောက်ပိုင်းကစပီး သုံးဆူဖက်ကိုကျနော်မရောက်ဖြစ်တာ ၂၀၀၆-နှောင်းပိုင်းအထိ လို့ထင်ပါတယ်။ ၂၀၀၆-၂၀၀၇-ထိုင်းခရီးစဥင်္အတွင်း သုံးဆူဒေသကိုကျနော်သွားလေ့လာကြည့်တော့ အခြေနေကအတော်ပြောင်းလဲနေပီ။ တချိန်က မြေနီလမ်းလေးဟာ အခုတော့ ၄-လမ်းသွား ဟိုက်ဝေး ကားလမ်းကြီးဖြစ်နေပါပီ။ သုံးဆူမြိုကိုလဲ နအဖ-က အုပ်ချုပ်ရေးချထားပီး ရှေ့မှာကျနော်ပြောခဲ့တဲ့ ကား လမ်းတလျောက်က မွန်ပြည်သစ်နဲ့ ABSDF တပ်တွေဟာလဲ ဒီကားလမ်းဝန်းကျင်မှာမရှိတော့ပါဘူး။ မွန် ပြည်သစ်ပါတီတောင် စစ်အစိုးရနဲ့အပစ်ခတ်ရပ်စဲရေးလုပ်ပီးလို့ သူတို့ရဲ့ဌာနချုပ်ကိုတောင် ရေးချောင်း ဖျားဖက်ရွေ့ထားပီးဖြစ်ပါတယ်။

ဒါပေမဲ့ စေတီသုံးဆူရှိတဲ့နေရာနဲ့ အဲဒီဝန်းကျင်က ဆိုင်တန်းတွေကတော့ အယင်ကထက်ပိုစည် ကားလာတာကလွဲရင် သိပ်အပြောင်းလဲမတွေ့ရပါဘူး။ စေတီ ၃-ဆူရှေ့မှာကင်မရာကိုထောင်။ သုံးဆူ ဖက်ကိုဆွဲရိုက်။ နယ်စပ်ဂိတ်တည့်တည့်မှာရိုက်။ အလံတိုင်ပါတ်လည်က ဆိုင်တန်းတွေကိုရိုက်။ သစ်ခွ ပန်းရောင်းနေတဲ့ဆိုင်တန်းတွေကိုရိုက်ပီးတဲ့အခါမှာတော့ ဗိုက်ဆာလာတဲ့အတွက် ကွီတီယို-စားမယ်ဆို ပီး အလံတိုင်ဘေးက ဆိုင်တဆိုင်ထဲ ကျနော်ဝင်လိုက်ပါတယ်။ ကွီတီယို-နဲ့ ခေါက်ဖတ်ကိုင် (ထိုင်း-ခေါက်ဆွဲပြုတ်နဲ့ ထမင်းကြော်) ကိုမှာထားပီး အပေါ့အပါးသွားချင်လို့ ဆိုင်-နောက်ဖေးကို ကျနော်ဝင် သွားပါတယ်။

ကံဆိုးတယ်ပြောရမလား။ ကံကောင်းတယ်ပြောရမလားမသိပါ။ အိမ်သာတံခါးနဲ့ အိမ်နောက် ဖေးတံခါးကိုမှားဖွင့်မိပီး
မြန်မာနယ်မြေထဲကို ကျနော်ရောက်သွားပါတယ်။ ဒါပေမဲ့ ရိုက်ထားတဲ့ပုံတွေကို ဘယ်လိုအက်ဒစ်လုပ်ရင်ကောင်းမလဲဆိုပီး
စဉ်းစားနေတဲ့ ကျနော်ခေါင်းက မြန်မာနယ်မြေထဲ ရောက်လို့ ရောက်မှန်းမသိသေး။ ရှုးရှုးပေါက်ဖို့သစ်ပင်တွေ။
ခြုံတွေကွယ်တဲ့နေရာကိုရှာရင်းနဲ့ ရှေ့မှာ ကြယ် ၁၄-လုံးပါတဲ့ အနီရောင်အလံကြီးကိုတွေ့လိုက်ပါတယ်။ အသေချာကြည့်တော့ ယယက-ရုံး-ဖြစ် နေပါတယ်။ ဒီတော့မှ အိမ်သာတံခါးနဲ့ အိမ်နောက်ဖေးတံခါးမှားဖွင့်ပီး မြန်မာနယ်မြေထဲရောက်နေပီ ဆိုတာကိုသိ လိုက်တဲ့အတွက် ရှုးရှုးတောင်မပေါက်နိုင်ဘဲ ခပ်မြန်မြန် ပြန်ပြေးလာခဲ့ရပါတယ်။ (သုံးဆူက ပုံတွေကို တင်ပေးထားပါ တယ်)

Three Pagoda Pass


------------------------------------------------------------------




နရေးရှင်းမပါဘဲ မူရင်းအတိုင်းတင်ထားပါတယ်။

မရှင်းတာရှိရင်- ပီးခဲ့တဲ့ ၂-ပါတ်က တင်ပြခဲ့တဲ့ နိုပိုးစခန်းသွား ခရီးသွားဆောင်းပါးနဲ့ တွဲ- ဖတ်စေချင်ပါတယ်။

အားလုံးကိုလေးစားလျက်

ထက်အောင်ကျော်


....................................................

၁၉၉၅-ဒီဇင်ဘာတုန်းက ABSDF- တပ်ရင်း ၁-ရဲ့ ရှေတန်းခရီးစဉ်-




.....................................................
သေနပ်မပါတဲ့ စစ်ကြောင်းမှုး-ကျနော်



...................................................
တတိယ-နိုင်ငံရောက် သံဃာင်္တော်များရဲ့ ဘ၀



..............................................
ဒိန်းမတ်က ခေါတ်သစ်ရှုင်လောင်းလှည့်ပွဲ



...............................................
တတိယ-နိုင်ငံရောက် တတိယ-မျိုးဆက်ပညာရေး-



.....................................................
ခရီးသွားမလား- ထိုင်းနိုင်ငံတလွား-



.......................................................
ဆူးနားမီးသင့်ဒေသက အနာဂါတ်ပညာရေး-



........................................................
မွန်တို့ရိုးရာ-သဘောင်္ပွဲတော်-



.....................................................
ကျနော်ရောက်ဖူးသော နယ်စပ်ဂိတ်များ အပိုင်း- ၁။




ဆောင်းတွင်းကာလ ဖင်လန်နိုင်ငံ မြောက်ပိုင်းခရီးစဉ်-




နော်ဝေး-မြောက်ပိုင်း နေမ၀င်ည ခရီးစဉ်။




Share

Twitter Delicious Facebook Digg Stumbleupon Favorites More