Wednesday, February 27, 2013

နော်ဝေရောက် ဦးသိန်းစိန်နဲ့အဖွဲ့ မြန်မာများကို စည်းရုံးဟောပြော

ဧရာဝတီ။

နော်ဝေးနိုင်ငံဆီ ရောက်နေတဲ့ သမ္မတ ဦးသိန်းစိန်နဲ့ အဖွဲ့ဟာ နော်ဝေရောက် မြန်မာ မိသားစုတွေနဲ့ ဖေဖော်ဝါရီ ၂၇ ရက်နေ့ ညနေပိုင်းက အော်စလို မြို့မှာတွေ့ဆုံ ခဲ့ပါတယ်။ သမ္မတနဲ့ အတူ သမ္မတရုံး ၀န်ကြီး ဥိးစိုးသိန်း၊ ပြောခွင့်ရပုဂ္ဂိုလ် ဦးရဲထွဋ်နဲ့ အတူ ဒုတိယဝန်ကြီး ဦးသန့်ကျော်၊ ဒေါက်တာ ဒေါ်သက်သက်ဇင်၊ ဒေါက်တာ ဒေါ်သိန်းသိန်းဌေးတို့ အစုံအညီ တက်လာပါတယ်။ မြန်မာ မိသားစုတွေ ၈၀ လောက်အထိ တက်လာတာလည်း တွေ့ရပါတယ်။

(ဓာတ်ပုံ- ထက်အောင်ကျော်)

သမ္မတနဲ့ နော်ဝေရောက် မြန်မာတွေ တွေ့ဆုံပွဲအတွက် အခမ်းအနားမှုး အဖြစ် တာဝန် ယူသူကတော့ တချိန်က အတိုက်အခံ သတင်းဌာန ဒီမိုကရေစီရေး သတင်းဌာန အဖြစ် လူသိများခဲ့တဲ့ DVB သတင်းဌာနမှ ဒုညွန်မှုး ကိုခင်မောင်ဝင်း ဖြစ်နေတာကို ထူးထူးခြားခြား တွေ့ရပါတယ်။

ဒီအခန်းအနားအတွင်း သမ္မတဦးသိန်းစိန် အဓိကပြောသွားတာကတော့ နော်ဝေနိုင်ငံကို ဘာကြောင့် ပထမဆုံး လာဖို့ရွေးချယ်ခဲ့သလဲဆိုတာနဲ့ ပြည်ပရောက်မြန်မာတွေ နိုင်ငံတည်ဆောက်ရေးမှာ လက်တွဲ ပါဝင်ကြဖို့ ဖြစ်ပါတယ်။ လက်ရှိဆောင်ရွက်နေတဲ့ ပြုပြင်ပြောင်းလဲမှုဖြစ်စဉ်ကို ပထမဆုံး ထောက်ခံတဲ့နိုင်ငံဟာ နော်ဝေးဖြစ်ကြောင်း၊ ပညာရေး၊ ကျန်းမာရေး၊ သဘာဝပတ်ဝန်းကျင်အတွက် အဓိကကူညီနေပြီး အင်းလေးထိန်းသိမ်းရေးကို သမ္မတက ဥပမာပေး ထောက်ပြသွားပါတယ်။

ပြီးတော့ နော်ဝေနိုင်ငံဆီ ပြန်လည်ပေးဆပ်ရန် ကျန်နေတဲ့ ခရိုနာ ၃ ဘီလီယံ (အမေရိကန်ဒေါ်လာ သန်းပေါင်း ၅၄၀ ခန့်)ကို နော်ဝေအစိုးရက လျှော်ပေးလိုက်တဲ့အတွက် အထူးကျေးဇူးတင်ကြောင်း၊ ဒီအတွက် လူကိုယ်တိုင်လာပြီး ကျေးဇူးတင်စကား လာပြောတာဖြစ်တယ်လို့  ဦးသိန်းစိန်က ဆိုပါတယ်။ တခါ နော်ဝေက ဒီလို အကြွေးလျှော်လိုက်တဲ့အတွက် တခြားနိုင်ငံတွေကလည်း အလားတူအကြွေးတွေ လျှော်ကြတာကြောင့် အခုဆိုရင် ကြွေးဟောင်းကျေလို့ ကြွေးသစ်ပြန်ချေးနိုင်ပြီ။ IMF, ADB, ODA တို့ကနေ အတိုးနှုန်းသက်သာစွာနဲ့ နှစ် ၄၀ စာချေးဖို့ပြင်နေပြီး အဲဒီချေးငွေတွေနဲ့ တိုင်းပြည်တည်ဆောက်ရေးလုပ်မယ်လို့ သမ္မတက ရှင်းပြပါတယ်။

ပြီးတော့ KIA နဲ့ဆွေးနွေးမှု နောက်ဆုံးအခြေနေကိုပြောပြီး အပစ်အခတ်ရပ်စဲ ထားရုံနဲ့မရ နိုင်ငံရေးအဖြေရတဲ့အထိ ဆွေးနွေးဖို့လိုတယ်လို့လည်း ပြောပါတယ်။ ထာဝရ ငြိမ်းချမ်းရေးရအောင် လုပ်ရမှာဖြစ်ပြီး တိုင်းရင်းသားတွေရဲ့ ရပိုင်ခွင့်တွေကို ဖွဲစည်းပုံအခြေခံဥပဒေနဲ့ပါ ကာကွယ်ပေးဖို့ လိုနေတယ်လို့ သမ္မတက ထည့်ပြောသွားပါတယ်။

သမ္မတပြောတဲ့ နောက်ဆုံးအချက်ကတော့ ”ခင်ဗျားတို့တတွေ ဘယ်နိုင်ငံကိုပဲ ရောက်နေနေ၊ ခင်ဗျားတို့ အားလုံးဟာ မြန်မာနိုင်ငံသား တိုင်းရင်းသားတွေ ဖြစ်တယ်။ ကျနော်တို့ အချင်းချင်းကြားမှာ အားလုံး တူညီချင်မှ တူညီကြပါလိမ့်မယ်။ ဒါပေမယ့် ကိုယ့်နိုင်ငံကိုယ် ချစ်တဲ့စိတ်ကတော့ တူကြပါတယ်” လို့ သမ္မတက ပြောပါတယ်။ ဒါကြောင့် ”မတူတာတွေကို ဘေးဖယ်ပြီး တူတာတွေကို တွဲလုပ်ဖို့ အချိန်တန်နေပြီ၊ ပြည်ထောင်စု ချစ်စိတ်ပေါ်အခြေခံပြီး ကိုယ့်နိုင်ငံ အကျိုးအတွက် တဖက်တလမ်းက လက်တွဲဆောင်ရွက်ကြပါ” လို့ သမ္မတက တိုက်တွန်းသွားပါတယ်။

သမ္မတဦးသိန်းစိန်က ၅ မိနစ်ပဲ အမှာစကားပြောပြီး ပရိသတ်မေးတာကို ၀န်ကြီးအဖွဲ့က ဖြေပေးပါလိမ့်မယ်၊ သူ့မှာ တခြားကိစ္စရှိသေးတယ်လို့ ပြောပြီး ပြန်ထွက်သွားပါတယ်။ အဲဒီအချိန်မှာ သမ္မတ ပြောခွင့်ရပုဂ္ဂိုလ် ဦးရဲထွဋ်က တခုခုပြောမလားလို့ ထင်ထားပေမယ့် တကယ်တန်း ဒိုင်ခံပြောသွားသူကတော့ သမ္မတရုံးဝန်ကြီး ဦးစိုးသိန်း တဦးတည်းသာ ဖြစ်ပါတယ်။

 (ဓာတ်ပုံ- NRK)

ရေ တပ်ဦးစီးချုပ် စစ်ဗိုလ်ဘ၀နေ ၀န်ကြီးဖြစ်လာသူပါလို့ မိတ်ဆက်ရင်းနဲ့ နိဒါန်းချီလိုက်တဲ့ ဦးစိုးသိန်းဟာ မိနစ် ၂၀ လောက်အထိ မနားတမ်းပြောနေတဲ့အတွက် ပရိသတ်ကို မေးခွင့်ပေးပါဦး၊ အချိန် သိပ်မရဘူးလို့ အခန်းအနားမှုးက ၀င်ပြောရတဲ့အထိ ဖြစ်ခဲ့ပါတယ်။ ”၀န်ကြီးက သိပ်ပွားတာပဲ” ဆိုပြီး ပရိသတ်တဦးက ထပြောတဲ့အထိလည်း ၀န်ကြီးက စကားကို အပြောမရပ်ပါဘူး။ (အခန်းအနားတခုလုံးအတွက် အချိန် တနာရီစာပဲပေးထားကြောင်း ဖိတ်စာမှာ အတိအလင်း ဖော်ပြထားပါတယ်)

မိနစ် ၂၀ ကျော်ကြာ မိန့်ခွန်းအတွင်း ၀န်ကြီးဦးစိုးသိန်း အဓိကပြောသွားတာကတော့ လွန်ခဲ့တဲ့ ၂ နှစ် တာကာလ သူတို့အစိုးရသစ်ဆောင်ရွက်ခဲ့ရတဲ့ ”စစ်ဖက်အုပ်ချုပ်ရေးကနေ အရပ်ဖက်အုပ်ချုပ်ရေးသို့ ပြောင်းလဲခြင်း” ဖြစ်စဉ် ခက်ခဲကြမ်းတမ်းပုံအကြောင်း ဖြစ်ပါတယ်။ ဒီလိုပြုပြင်ပြောင်းလဲရေး လုပ်တဲ့နေရာမှာ နိုင်ငံရေးရော၊ စီးပွားရေးပါ တပြိုင်တည်း တိုးတက်လာအောင် ဆောင်ရွက်နေတယ်လို့ ၀န်ကြီးက ဆိုပါတယ်။

နောက်တခါ ဒီလိုပြုပြင်ပြောင်းလဲမှုလုပ်တဲ့အခါမှာ ပြောင်းလဲရေး မလိုချင်သူတွေနဲ့လည်း ရင်ဆိုင်ရကြောင်း၊ သူ့လို ပြုပြင်ပြောင်းလဲရေးလုပ်ချင်သူ အစိုးရအဖွဲ့ထဲမှာ အားနည်းနေဆဲဖြစ်တဲ့အတွက် အပြင်က အင်အားစုတွေအပါအ၀င် ဒီမိုကရေစီအင်အားစု အားလုံးက ၀ိုင်းကူလုပ်ဖို့လိုတယ်လို့ ၀န်ကြီးက ဆိုပါတယ်။

”အခုဆိုရင်  ဦးသိန်းစိန်ကလည်း ဒီမိုကရေစီ၊ ခင်ဗျားတို့လည်း ဒီမိုကရေစီ၊ ဒီမိုကရေစီဆီ သွားနေသူကို ခဲနဲ့ပေါက်ရင်တော့ ဆက်လုပ်မယ့်သူမရှိဘူး ဖြစ်သွားနိုင်တယ်၊ ဒါကိုတော့ ခင်ဗျားတို့ သတိထားဖို့ လိုပါတယ်” ဆိုပြီး သမ္မတဦးသိန်းစိန်ကို ၀ိုင်းထောက်ခံကြဖို့ ၀န်ကြီးက တိုက်တွန်းခဲ့ပါတယ်။

ဝန်ကြီးအဖွဲ့အတွက် ပထမဆုံး မေးခွန်းကတော့ ၂၀၁၅ မှာ ဒီမိုကရေစီ အင်အားစုတွေဖက်က ရွေးကောက်ပွဲနိုင်ရင် စစ်တပ်က အာဏာမသိမ်းဘူးလို့ ၀န်ကြီးအာမခံသလားတဲ့။ ဒီအတွက် ဦးစိုးသိန်းရဲ့ အဖြေကတော့ ပြည်သူတွေ နိုင်ကိုနိုင်ရမယ်။ စစ်တပ်က အာဏာသိမ်းစရာ အကြောင်းမရှိဘူး။ သိမ်းလို့လည်း မရဘူး၊ အခြေနေတွေက ပြောင်းသွားခဲ့ပြီ။ အီဂျစ်နိုင်ငံမှာ ဖြစ်နေတဲ့ လတ်တလော အခြေနေတွေကိုသာ ကြည့်ပါ ဆိုပြီး ၀န်ကြီးက ဥပမာပေး ဖြေကြားသွားပါတယ်။

နောက်ထပ်မေးခွန်းတွေထဲက ထူးခြားချက်တချို့ကို ကောက်နှုတ်တင်ပြရမယ်ဆိုရင် အမျိုးသမီး အခွင့်အရေးတွေအတွက် အစိုးရက ဘာတွေ ဆောင်ရွက်ပေးနေသလဲဆိုတာကို အမျိုးသမီးတဦးက မေးပါတယ်။ ဒီမေးခွန်းကိုတော့ အမျိုးသမိးရေးရာ အဖွဲ့ ဥက္ကဌကနေ ကျန်းမာရေး ဒုဝန်ကြီးဖြစ်လာသူက နိုင်ငံအနှံ့ အမျိုးသမီး ပညာပေး သင်တန်းတွေ ဖွင့်နေပါတယ်လို့ ဖြေကြားပါတယ်။

War Crime စစ်ရာဇ၀တ်မှု ကျုးလွန်ခဲ့သူတွေကို လက်ရှိအစိုးရက ဘယ်လို အရေးယူဆောင်ရွက်ဖို့ အစီအစဉ်ရှိသလဲ ဆိုတာဖြစ်ပြီး ဒီမေးခွန်းကိုကြားတော့ ပရိသတ် အတော်များများ လက်ခုတ်ထ တီးကြပါတယ်။ ဒီမေးခွန်းအတွက် ဦးစိုးသိန်းရဲ့အဖြေကတော့ ”ကျနော်တို့ ဒီမိုကရေစီကိုပဲ သွားချင်ပါတယ်။ အရေးယူတဲ့ အပိုင်းကို ပထမ ဦးစားပေးနေရာမှာ မထားချင်ပါဘူး”။ ဒါကို ပထမနေရာထားရင် ရှေ့မတိုးနိုင် ဖြစ်နေလိမ့်မယ်။ အရေးယူတာက နောက်တပိုင်းဖြစ်ပါလိမ့်မယ်လို့ ဆိုပါတယ်။

နောက်တခါ လက်ရှိဖွဲ့စည်းပုံအရ စစ်တပ် လက်ထဲမှာ အာဏာ အများကြီး ရှိနေတယ်၊ သမ္မတထက် ကာချုပ်က ပို အာဏာရှိနေတယ်ဆိုတဲ့ မေးခွန်းကိုလဲ ဦးစိုးသိန်းက မဟုတ်ပါဘူးလို့ ငြင်းဆိုပြီး မြန်မာနိုင်ငံ ပြု ပြင်ပြောင်းလဲရေးဟာ အင်ဒိုနီးရှားထက် အခြေအနေ ပိုကောင်းတယ်လို့ ဆိုပါတယ်။ အင်ဒိုနီးရှား ပါလီမန်ထဲက စစ်သား ၂၅ ရာခိုင်နှုန်း ထွက်ဖို့အတွက် ပါလီမန် သက်တန်း နှစ်ခါစောင့်ခဲ့ရပေမယ့် မြန်မာနိုင်ငံမှာ အဲဒီ လောက်အထိ စောင့်စရာ မလိုလောက်ပါဘူးလို့ ဦးစိုးသိန်းက ခန့်မှန်းပါတယ်။

ပြီးတော့ ”ဒေါ်အောင်ဆန်းစုကြည်ဟာ ဒီမိုကရေစီရဲ့ Icon ဖြစ်သလို သမ္မတဦးသိန်းစိန်ဟာလည်း လက်ရှိသွားနေတဲ့ Reform ရဲ့ Icon ဖြစ်ပါတယ်။ ဒါကြောင့် ဒီနှစ်ဦးကို ခင်ဗျားတို့ ကူညီဖို့ လိုတယ်” လို့ ဦးစိုးသိန်းက တိုက်တွန်းသွားပါတယ်။

(ဓာတ်ပုံ- အောင်ဆန်းညွန့်)

သမ္မတနဲ့အဖွဲ့ မြန်မာမိသားစုတွေနဲ့ တွေ့ဆုံရာ Litteratur huset အပြင်ဖက်မှာတော့ ရိုဟင်ဂျာ သို့မဟုတ် ဘင်္ဂလီ အင်အား ၁၀ ကျော် ဆိုင်းဘုတ်တွေ ထောင်ပြိး ဆန္ဒပြနေပါတယ်။ ဒီကိစ္စကို လက်ရှိအစိုးရအဖွဲ့က ဘယ်လိုကိုင်တွယ် ဖြေရှင်းမှာလဲ။ ရခိုင် ပဋိပက္ခ စုံစမ်းရေး ကော်မရှင် အစီရင်ခံစာ ဘယ်တော့ ထွက်လာမလဲ။ မေးစရာတွေ ကျန်နေဆဲပါ။

ဒီလို စဉ်းစားရင်း အိမ်ပြန်ရောက်လို့ ကွန်ပြူတာဖွင့်လိုက်တော့ ပထမဆုံး တွေ့ရတဲ့ ထူးခြားသတင်းက လွန်ခဲ့တဲ့ ၂၁ နှစ် ဒေါ်အောင်ဆန်းစုကြည် နိုဘဲလ်ဆုရပြီးချိန်ကတည်းက စတင်ဖွင့်လှစ်ခဲ့တဲ့ နော်ဝေ အခြေစိုက် DVB သတင်းဌာနရဲ့ အသံလွှင့်မှု အားလုံးကို နော်ဝေးမှာ လုံးဝမထားတော့ဘဲ အမိမြေကို ပြန်တော့မယ်လို့ ဒုညွန်မှုးကပြောတယ် ဆိုတဲ့သတင်းဖြစ်ပါတယ်။ နော်ဝေးနိုင်ငံရဲ့ NRK သတင်းဌာန ၀က်ဆိုက်မှာ ဓာတ်ပုံတွေနဲ့တကွ ရှင်းပြထားပြီး ဒီနေ့ပြုလုပ်တဲ့ ဗိုလ်ချုပ်ဟောင်း သမ္မတ ဦးသိန်းစိန်နဲ့ အင်တာဗျူးကို လွင့်ပြီးတဲ့နောက် DVB နော်ဝေးကနေ ထုတ်လွှင့်မှု အားလုံးကို ရုပ်သိမ်းလိုက်ပါပြီလို့  ကြေညာထားပါတယ်။

တဆက်တည်း သမ္မတဦးသိန်းစိန်ရဲ့ ခရီးစဉ်အပေါ် နော်ဝေ မီဒီယာတွေ ဘယ်လိုမြင်ကြသလဲဆိုပြီး လိုက်ဖတ်တော့ နော်ဝေးအစိုးရက ရှယ်ယာအများစုထည့်ထားတဲ့ Statoil ရေနံကုမ္ပဏီနဲ့ Telenor ဆက်သွယ်ရေးကုမ္ပဏီတို့ မြန်မာနိုင်ငံဆီ ၀င်ဖို့ ပြင်နေကြောင်း ရေးထားတာ တွေ့ရပါတယ်။ တခါ နော်ဝေးနဲ့ မြန်မာဟာ ရေနံနဲ့ သဘာဝဓာတ်ငွေ့ထွက်တာ၊ ပင်လယ်ပြင်နဲ့ သစ်တောတွေရှိတဲ့နေရာ၊ သယံဇာတ ကြွယ်ဝတဲ့နေရာမှာ တူညီနေတယ်လို့ နှိုင်းယှဉ်ပြထားတာကိုလည်း ဖတ်ရပါတယ်။

ဒါကြောင့် ဒီလို သယံဇာတ ကြွယ်ဝမှုအပေါ် အခြေခံပြီး တိုင်းပြည် ချမ်းသာလာအောင် လုပ်နိုင်ခဲ့တဲ့ နော်ဝေနိုင်ငံရဲ့ အုပ်ချုပ်ရေးစနစ်ကို သမ္မတ ဦးသိန်းစိန်နဲ့အဖွဲ့ လာလေ့လာတာလား။ အုပ်ချုပ်မှုစနစ်သာ မှန်မယ်ဆိုရင် မြန်မာနိုင်ငံ ဆင်းရဲတွင်းကနေလွတ်အောင် ဒီသယံဇာတတွေက ကူညီနိုင်ပါတယ်။ နော်ဝေနိုင်ငံရဲ့ ရင်းနှီးမြှုပ်နှံမှုတွေကလည်း နိုင်ငံတကာ စံချိန်စံညွန်းတွေနဲ့အညီ မြန်မာနိုင်ငံ ဖွံဖြိုးရေးအတွက် ကူညီနိုင်ပါလိမ့်မယ်လို့ ရေးထားတာကို တွေ့ရပါတယ်။

ဒါဆို ဒီလို ဖြစ်လာစေဖို့အတွက် သမ္မတ ဦးသိန်းစိန် အစိုးရက မှန်ကန်တဲ့ အုပ်ချုပ်ရေးစနစ်တခုကို ဘယ်တော့လောက် ဘယ်လိုစတင် ကျင့်သုံးနိုင်မလဲ။ ပြည်ပရောက်မြန်မာတွေကရော ဒီ လုပ်ငန်းစဉ်အပေါ် ဘာတွေများ ဘယ်လောက် ကူညီပေးနိုင်လေမလဲ။

ဆန္ဒပြတာ မကြိုက်ဘူးတဲ့လား


နော်ဝေရောက် သမ္မတ ဦးသိန်းစိန်ကို အော်စလိုရှိ မြန်မာနိုင်ငံသားတွေက ဆန္ဒပြဖို့ရှိတယ်လို့ သတင်း ရထားတဲ့အတွက် ဖေဖော်ဝါရီ ၂၆ ရက်နေ့ ညနေ ၃ နာရီခွဲလောက်မှာ အော်စလိုမြို့လယ်က ပါလီမန် ရင်ပြင်ဆီ ကျနော် ထွက်လာခဲ့ပါတယ်။ သမ္မတ ဦးသိန်းစိန်ဟာ လက်ရှိဖြစ်ပေါ်နေတဲ့ ပြုပြင်ပြောင်းလဲမှု တွေကို ဦးဆောင် လုပ်ကိုင်နေသူ ဖြစ်တဲ့အပြင် ဒေါ်အောင်ဆန်းစုကြည် ကိုယ်တိုင်ကလည်း သမ္မတကို သူ ယုံကြည်ပါတယ်လို့ ပြောထားဖူးအတွက် ဒီနေ့ဆန္ဒပြပွဲမှာ လူသိပ်မရှိလောက်ဘူးလို့ ထင်ထားခဲ့တာပါ။


 “၂၀၀၈ ဖွဲ့စည်းပုံ အလိုမရှိ၊ အလိုမရှိ”၊ “ဦးသိန်းစိန် အစိုးရ အလိုမရှိ”၊ “ကြံ့ဖွံ့အစိုးရ အလိုမရှိ” စတဲ့ ကြွေးကြော်သံတွေ ကို အော်ဟစ်နေတဲ့ ဆန္ဒပြသူတွေ (ဓာတ်ပုံ – ထက်အောင်ကျော်)

ဒါပေမယ့် အခြေနေက ကျနော်ထင်ထားသလို မဟုတ်။ လူအင်အား ၅၀ နီးပါးအထိ ပါလီမန်ရင်ပြင်ရှေ့မှာ ရောက်နေတာကို တွေ့ရပါတယ်။ အများစုဟာ KIA (ကချင်လွတ်လပ်ရေး တပ်မတော်) အလံတွေ၊ KNU (ကရင်အမျိုးသားအစည်းရုံး) အလံတွေ ကိုင်ထားပြီး ကချင်ရိုးရာဝတ်စုံ၊ ကရင်ရိုးရာဝတ်စုံတွေ၊ အအေးဒဏ်ကို ကာနိုင်မယ့် ထူထဲတဲ့ နှင်းကာဝတ်စုံတွေနဲ့။
ညနေ ၄ နာရီလောက်မှာတော့ သမ္မတ တည်းခိုတဲ့ Continental ဟိုတယ်ရှိရာ ဆီ ချီတက်ဖို့ ပြင်ကြပါတယ်။

ပုံမှန်အားဖြင့်ဆိုရင် နိုင်ငံတော်ဧည့်သည်အဖြစ် ရောက်လာကြတဲ့ နိုင်ငံတကာ အစိုးရအဖွဲ့ ခေါင်းဆောင်တွေဟာ ဒီပါလီမန်ရှေ့က Grand Hotel မှာ တည်းခိုလေ့ရှိပါတယ်။ ဒါပေမယ့် မြန်မာသမ္မတကျမှ ဘာလို့ ဒီဟိုတယ်မှာ မတည်းဘဲ ခပ်လှမ်းလှမ်းက Continental မှာ သွားတည်းသလဲ မသိပါ။ (ဒေါ်အောင်ဆန်းစုကြည် လာတုန်းကလည်း Grand Hotel မှာပဲ တည်းပါတယ်)။

နောက်ထပ် ထူးခြားချက်တခုကတော့ နိုင်ငံခြားခေါင်းဆောင်တွေ တရားဝင် အလည်အပတ်လာရင် နှစ်နိုင်ငံအလံတွေ တလွင့်လွင့် လွှင့်တင်ထားလေ့ရှိတဲ့ နန်းတော်၊ ပါလီမန်နဲ့ ဘူတာကြီး တလျှောက်က အထင်ကရ လမ်းမကြီး Karl Johans တလျောက် အလံတိုင်တွေမှာ ဘာအလံမှ တင်ထားတာ မတွေ့ရပါ။
ဒီလိုနဲ့ ပါလီမန်၊ Karl Johans လမ်းမ၊ Grand Hotel တွေနဲ့ ခပ်လှမ်းလှမ်းက Continental ဟိုတယ်ဆီ ဒီ လူအုပ် ကြွေးကြော်သံတွေနဲ့ အော်ဟစ်ချီတက်ကြပါတယ်။

“၂၀၀၈ ဖွဲ့စည်းပုံ အလိုမရှိ၊ အလိုမရှိ”၊ “ဦးသိန်စိန် အစိုးရ အလိုမရှိ”၊ “ကြံ့ဖွံ့အစိုးရ အလိုမရှိ” စတဲ့ ကြွေးကြော်သံတွေကို အော်ဟစ်ချီတက်လာတဲ့ လူအုပ် ဟိုတယ်ရှေ့နား ရောက်တော့ ရဲကား ၃ စီးလောက် လုံခြုံရေးအတွက် နေရာယူထားတာ တွေ့ရပါတယ်။

ဟိုတယ်ရှေ့မှာ ဒီလူအုပ် ကြွေးကြော်သံ အော်နေပေမယ့် ဟိုတယ်ထဲမှာ သမ္မတ ရှိနေပုံမရပါဘူး။ ဒါပေမယ့် သိပ်မကြာပါ။ ဆန္ဒပြပွဲ ၁၅ မိနစ်လောက်အတွင်း သမ္မတယာဉ်တန်း ဟိုတယ်ရှေ့ ရောက်လာပါတယ်။ ရဲ တွေအတော် အလုပ်ရှုပ်သွားပြီး ဆန္ဒပြသူတွေရဲ့ ကြွေးကြော်သံတွေကလည်း ကားသံတွေကို လွှမ်းမိုးတဲ့အထိ ဆူညံသွားပါတယ်။

သမ္မတ ဦးသိန်းစိန်ဟာ ဆန္ဒပြနေသူတွေဖက်ကို လှည့်တောင်မကြည့်ဘဲ ဟိုတယ်ထဲ တန်းဝင်သွားပါတယ်။ တခါ သူနောက်မှာ လိုက်လာကြတဲ့ သမ္မတရုံးဝန်ကြီး ဦးစိုးသိန်း၊ သမ္မတပြောခွင့်ရပုဂ္ဂိုလ် ပြန်ကြားရေး ဒုဝန်ကြီး ဦးရဲထွဋ်နဲ့ ၀န်ကြီးအဖွဲ့ကလည်း ဆန္ဒပြပွဲကို မသိမသာ လှမ်းကြည့်ပေမယ့် ဘာမှမပြောဘဲ ဟိုတယ်ထဲ လိုက်ဝင်ကြပါတယ်။

ဟိုတယ်ရှေ့ ကားလမ်းတဖက်ကမ်းမှာတော့ ကြွေးကြော်သံတွေက ဆူညံဆဲ။ ကချင်၊ ကရင် တိုင်းရင်းသားတွေနဲ့ အတူ ပြည်ပရောက် ၈၈ မျိုးဆက်တွေဟာ ကြွေးကြော်သံ အော်လိုက်၊ ဒီမိုကရေစီ တိုက်ပွဲဝင် သီချင်းတွေ သီဆိုလိုက်နဲ့။
ထူးထူးခြားခြား ငြိမ်းချမ်းရေး တေးသံရှင် ကိုမွန်းအောင်လည်း ဒီနေ့ပွဲကို လာရောက်ပူးပေါင်းပြီး ဂီတာတီး သီချင်းဆိုတဲ့အပြင် စကားပါ ပြောပါတယ်။

“ကျနော်တို့က ဗမာပြည်မှာ အပြောင်းအလဲဖြစ်တယ်ဆိုတာကို လက်မခံနိုင်သေးလို့ ဆန္ဒပြတာဖြစ်တယ်။ လူ့အခွင့်အရေးတို့ တိုင်းရင်းသားအခွင့်အရေးတို့ဆိုတာ ဗမာပြည်မှာ မရှိသေးပါဘူး။ သမ္မတ ရောက်တဲ့နေရာတိုင်းမှာ ဒီမိုကရေစီ အင်အားစုတွေက ဆန္ဒပြရမယ်။ သူတို့ လမ်းမှန်ရောက်အောင် ဒီနည်းနဲ့ တွန်းပို့ရမယ်” လို့ ကိုမွန်းအောင်က ပြောပါတယ်။

ဒီထက် ပိုထူးခြားတာကတော့ အရင် ဆန္ဒပြပွဲတွေမှာ သတင်းလာယူနေကြ နော်ဝေအခြေစိုက် DVB ကို မတွေ့ရဘဲ နေပြည်တော် အခြေစိုက် Sky Net ကိုသာ တွေ့ရပါတယ်။ သမ္မတနဲ့အတူ ပြည်တွင်း မီဒီယာ တချို့လိုက်ပါလာပြီး ကိုမွန်းအောင်ရဲ့ “သွေးမုန်တိုင်း” သီချင်းကို အမိအရ ရိုက်ယူနေတာ တွေ့ရပါတယ်။ ဆန္ဒပြ ခေါင်းဆောင်တွေကိုလည်း အသေအချာ အင်တာဗျုး လုပ်ပါတယ်။

ဆန္ဒပြပွဲ အရှိန်ကောင်းတုန်းမှာပဲ သမ္မတ ယာဉ်တန်းနဲ့အတူ ပါလာတဲ့ နော်ဝေ နိုင်ငံခြားရေးဌာမှ အရာရှိတချို့ ဆန္ဒပြနေသူတွေဆီ ရောက်လာပြီး ကိုယ်စားလှယ်နှစ်ဦးကို ဖိတ်ခေါ်ကာ ဟိုတယ်ထဲ ၀င်သွားပါတယ်။

တနာရီကျော်ကြာ ဆန္ဒပြပွဲ အပြီးမှာတော့ ကိုယ်စားလှယ်နှစ်ဦး ဟိုတယ်ထဲက ပြန်ထွက်လာပါတယ်။ သမ္မတရုံးဝန်ကြီး ဦးစိုးသိန်းနဲ့ သမ္မတပြောခွင့်ရပုဂ္ဂိုလ် ဦးရဲထွဋ်တို့က သူတို့နှစ်ဦးကို လက်ခံတွေ့ဆုံပြီး နေပြည်တော်ရဲ့ တည်ဆောက် ပြုပြင် မြန်ပြည်တခွင် လုပ်ငန်းစဉ်တွေကို ရှင်းပြခဲ့တယ်လို့ ကိုယ်စားလှယ်နှစ်ဦးက ပြန်ပြောပြပါတယ်။

“ဘာလို့ ဒီမှာဆန္ဒပြနေလဲ၊ နေပြည်တော်အထိ လာ လေ့လာကြလေ” လို့ ၀န်ကြီးဦးစိုးသိန်းက ဖိတ်ခေါ်တယ်လို့ ဆိုပါတယ်။ ပြည်တွင်းမှာ တိုးတက်နေတဲ့ အခြေအနေတွေကို အပြင်ကလူတွေက မသိလို့ အခုလို ဆန္ဒပြနေတာ ဖြစ်နိုင်တယ်ဆိုပြီး နော်ဝေ နိုင်ငံခြားရေးဌာနက အရာရှိတွေကို ၀န်ကြီးက ပြောတယ်လို့ လည်း သူတို့က ဆိုပါတယ်။

“နေပြည်တော်မှာ ပြောင်းမပြောင်းတော့ မသိဘူး။ ဧရာဝတီတိုင်း၊ မအူပင်မြို့နယ်၊ မလက်တို ကျေးရွာမှာတော့ ရဲက သေနတ်နဲ့ပစ်လို့ လယ်သမား ၆ ယောက် ဆေးရုံတင်လိုက်ရတယ်” ဆိုပြီး ကိုယ်စားလှယ်တွေက ပြောလိုက်တဲ့အခါ ၀န်ကြီးနှစ်ဦး မျက်စိမျက်နှာ ပျက်သွားတယ်လို့လည်း ဆိုပါတယ်။ နော်ဝေ နိုင်ငံခြားရေးဌာနက အရာရှိတွေလည်း တအံတသြဖြစ်သွားပြီး “မြန်မာနိုင်ငံမှာ ဒီလိုဖြစ်နေဆဲလား” လို့ ဖြစ်စဉ် အသေးစိတ်ကို မေးမြန်းခဲ့တယ်လို့ သူတို့က ပြန်ရှင်းပြပါတယ်။

၂၀၀၈ ဖွဲ့စည်းပုံ ပြင်ရေးအကြောင်း မေးတဲ့အခါ လောလောဆယ် မလွယ်သေးတဲ့အကြောင်း၊ တပ်မတော်နဲ့ ကြံ့ခိုင်ရေးပါတီက လက်ရှိ ပြုပြင်ပြောင်းလဲရေးတွေကို သိပ်မလိုလားတဲ့အတွက် သမ္မတနဲ့ အစိုးရအဖွဲ့က လုပ်ရကိုင်ရ ခက်နေဆဲဖြစ်တယ်ဆိုပြီး ဦးစိုးသိန်းက ပြောတယ်လို့ ကိုယ်စားလှယ်နှစ်ဦးက ပြန်ပြော ပြခဲ့ပါတယ်။

တခါ ဒီလိုပြင်ရခက်တဲ့ ၂၀၀၈ ဖွဲ့စည်းပုံဟာ လက်ရှိအစိုးရက ဆွဲထားတာ မဟုတ်ဘူး၊ အရင် အစိုးရဟောင်းက ဆွဲထားတာဖြစ်တယ်။ နောက်တခါ လယ်ယာသမားတွေ အပစ်ခံရတဲ့ကိစ္စဟာ အရင်အစိုးရခေတ်က လယ်တွေသိမ်းထားတာကြောင့် ဖြစ်တယ်၊ အခု အစိုးရလက်ထက်မှာတော့ သိမ်းဆည်းလယ်တွေကို လယ်သမား လက်ထဲပြန်အပ်နိုင်အောင် ကြိုးစားနေပါတယ်လို့ ၀န်ကြီးနှစ်ပါးက ရှင်းပြခဲ့တယ်လို့ သိရပါတယ်။

ကချင်နယ်မှာ စစ်ပွဲရပ်ရေးအပါဝင် တနိုင်ငံလုံး ငြိမ်းချမ်းရေးရအောင်၊ တိုင်းရင်းသား အားလုံး ပါဝင်နိုင်တဲ့ ဆွေးနွေးပွဲတွေ ဖြစ်လာအောင်လည်း သူတို့အစိုးရက ဆောင်ရွက်နေတယ်လို့ ၀န်ကြီးတွေက ပြောကြောင်း ဆိုပါတယ်။

ဦးရဲထွဋ်က သူ့ဖေ့စ်ဘုတ်ခ်မှာ ဆန္ဒပြပွဲအကြောင်းနဲ့ ကိုယ်စားလှယ် နှစ်ယောက်ကို တွေ့ဆုံတဲ့အကြောင်း ရေးသားခဲ့ပြီး “ကျွန်တော်တို့က သူတို့ကို အခြေခံဥပဒေ ပြင်ဆင်ရေး ကို ဆန္ဒပြနေရုံနဲ့ လုပ်လို့မရကြောင်း၊ နိုင်ငံတည်ဆောက်ရေးမှာ ကိုယ်တိုင် ၀င်ပါပြီး နိုင်ငံထဲမှာ ဖွဲ့စည်းပုံအခြေခံ ဥပဒေ ပြင်ဆင်နိုင်မယ့် အခြေအနေမျိုး ရောက်အောင် ၀ိုင်းကြိုးစားဖို့လိုကြောင်း၊ ကျွန်တော်တို့ နိုင်ငံဟာ မှန်ကန်တဲ့ လမ်းကြောင်းပေါ် ရောက်နေပြီ ဖြစ်တဲ့အတွက် ဒီလမ်းကြောင်းအတိုင်း မြန်မြန်သွားနိုင်အောင် ကူညီပေးဖို့လိုကြောင်း ရှင်းပြ ခဲ့ပါတယ်” လို့ ရေးတာကို တွေ့ရပါတယ်။

နောက်ပြီး “ကျွန်တော်တို့ ကြားမှာ သဘောမတူတာတွေ ရှိနေသည့်တိုင်အောင် ဒီလို ထိုင်ပြီး စကားပြောဆို ဆွေးနွေးတာကိုက သမ္မတကြီးပြောတဲ့ သည်းခံ ခွင့်လွှတ်တဲ့ နိုင်ငံရေး ယဉ်ကျေးမှုတစ်ရပ်ကို ကျွန်တော်တို့ ဖော်ဆောင်နေပြီ ဆိုတာကို ထပ်မံ သက်သေပြလိုက်တာလည်း ဖြစ်ပါတယ်” လို့ နိဂုံးချုပ်လိုက်ပါတယ်။

ကိုယ်စားနှစ်ဦး ပြန်ပြောပြသမျှအတိုင်းဆိုရင် သမ္မတနဲ့ ၀န်ကြီးအဖွဲ့က ဒီလို ဆန္ဒပြတာကို မကြိုက်ဘူးဆိုပဲ။ သူတို့ဟာ အရင်ကလို စစ်အစိုးရ မဟုတ်တော့ဘဲ ပြည်သူက ရွေးချယ်တဲ့ အရပ်သားအစိုးရ ဖြစ်နေပြီ။ လူအများစုက ကြိုက်တဲ့ ဒေါ်အောင်ဆန်းစုကြည်နဲ့ အမျိုးသား ဒီမိုကရေစီ အဖွဲ့ချုပ်လည်း ပါလီမန်ထဲ ရောက်နေပြီ ဖြစ်တဲ့အတွက် ဒီလို ဆန္ဒပြဖို့ မလိုတော့ဘူးလို့ တွက်ဆထားတာလည်း ဖြစ်ကောင်းဖြစ်နိုင်ပါတယ်။

တကယ်တမ်း ပြောမယ်ဆိုရင် ဆန္ဒပြနေတာဟာ ပြည်ပရောက် မြန်မာနိုင်ငံသားတွေချည်း မဟုတ်ပါဘူး။ ဧရာဝတီတိုင်း မအူပင်မြိုနယ်က လယ်သမားတွေလည်း သူတို့လယ် ပြန်ရရေးအတွက် ဆန္ဒပြတာပဲ မဟုတ်ပါလား။ စက်ရုံ အလုပ်ရုံတွေက အလုပ်သမားတွေလည်း လုပ်အားခ တိုးရဖို့နဲ့ အလုပ်သမား အခွင့်အရေးရဖို့ ဆန္ဒပြနေကြတာပဲ မဟုတ်လား။ မုံရွာ လက်ပံတောင်းက ဒေသခံတွေကလည်း သူတို့ရဲ့ တောတောင်ရေမြေ သဘာဝတွေ ဆုံးရှုံးမခံနိုင်လို့ ဆန္ဒပြနေကြတာပဲ မဟုတ်ပါလား။ ကချင်ပြည်နယ်နဲ့ တနိုင်ငံလုံးမှာ စစ်ပွဲတွေရပ်ဖို့အတွက် ရန်ကုန်ကနေ လိုင်ဇာအထိ တန်းစီလမ်းလျှောက် ဆန္ဒပြကြတာပဲ မဟုတ်ပါလား။ ဟံသာဝတီ ကားပွဲစားတန်းကတောင် သူတို့ လုပ်ကွင်းလုပ်ကွက် ဟန်မပျက်သွားရအောင် ဆန္ဒပြကြတာပဲ။

ပြုပြင်ပြောင်းလဲမှုတွေ လုပ်နေပါတယ်လို့ အစိုးရက ပြောနေပေမယ့် နောက်ထပ်လုပ်စရာတွေ အများကြီး ကျန်နေဆဲဆိုတာကို ဒီဆန္ဒပြပွဲတွေက ရောင်ပြန်ဟပ်နေတာ မဟုတ်လား။ တနည်းအားဖြင့် ပြောမယ်ဆိုရင်တော့ ငြိမ်းချမ်းစွာ ဆန္ဒပြတယ်ဆိုတာဟာ ဒီမိုကရေစီစနစ်ရဲ့ ယဉ်ကျေးမှုတရပ်ပဲ မဟုတ်ပါလား။

Monday, February 25, 2013

သမ္မတရဲ့ နော်ဝေခရီးစဉ် နောက်ဆုံးရသတင်းများ။

သမ္မတဦးသိန်းစိန်အား နော်ဝေးရောက် မြန်မာများ ဆန္ဒပြ။
အော်စလို၊ ၂၆-၀၂-၂၀၁၃။


နော်ဝေးနိုင်ငံမှာနေထိုင်တဲ့ မြန်မာနိုင်ငံသား ၅၀ ခန့်ဟာ ဒီနေ့ညနေ ၄ နာရီခွဲခန့်က သမ္မတတည်းခိုတဲ့ Continental ဟိုတယ်ရှေ့ကိုရောက်လာပြီး ဆန္ဒပြကြပါတယ်။

''သိန်းစိန်လူလိမ်''၊ ''သိန်းစိန်အစိုးရအလိုမရှိ၊ ကြံ့ဖွံ့အစိုးရအလိုမရှိ''၊ ''၂၀၀၈ ခုနှစ်ဖွဲ့စည်းပုံအခြေခံဥပဒေပြင်ဆင်ပေးပါ'' စတဲ့ကြွေးကြော်သံတွေအော်၊ ပိုစတာတွေထောင်ပြီး တနာရီကျော် ဆန္ဒပြတာတွေ့ရပါတယ်။

၅ နာရီခန့်မှာ သမ္မတနဲ့အဖွဲ့ ဟိုတယ်ကိုပြန်ရောက်လာချိန်မှာ ဆန္ဒပြပွဲရဲ့အရှိန် အထွတ်အထိပ်ကိုရောက်ရှိခဲ့ပြီး ကြွေးကြော်သံတွေ ဟိန်းထွက်သွားခဲ့ပါ တယ်။


(သတင်းအသေးစိပ်နဲ့ဆောင်းပါး မကြာခင် ဆက်လာမည်...) 



....................................................................................................
 ဦးသိန်းစိန်ခရီးစဉ်အတွက် Facebook ပေါ်က  နောက်ဆုံးရသတင်းများ
(ကိုညို- အောစလိုမှယူသည်)


“နိုင်ငံရေးဗွက်ထနေအုံးမဲ့ အော်စလို.”

မနက်ဖန် သမတ ဦးသိန်းစိန် အော်စလိုလာမယ်။
ညပိုင်းမှာ သမတညစာစားပွဲတက်ဖို့ မြန်မာတချို့ ကို တိတ်တိတ်လေးခေါင်းခေါက်ပြီးဖိတ်ထားတယ
်။ 


သမတကိုထောက်ခံတဲ့ NLD(LA)ကလူကြီးလူကောင်းတချို့၊ ပြည်ပမှာတသွေးတမွေးနဲ့ စိုပြေနေတဲ့ တိုင်းရင်းခေါင်းဆောင် အမည်ခံတချို့နဲ့ တော်လှန်ရေး နိုင်ငံရေးသမား မျက်နှာဖုံးစွပ် တွေ အဲဒီသမတညစာစားပွဲတက်ပြီး ၀ိုင်တခွက်နဲ့ သိက္ခာတသက်စာလဲကြလိမ်ပမယ်။ ပွဲကကြည့်ကောင်းတယ်။
အဲဒီအချိန်..ညနေခင်းမှာတော့ သမတ ဦးသိန်းစိန်ကို ကန့်ကွက်ဆန္ဒပြကြအုံးမဲ့ လူတွေလည်းအများကြီး။
 
တဘက်ခါ ဗုဒ္ဓဟူးနေကျတော် သမတက မြန်မာတွေအားလုံးနဲ့ တနာရီလောက် အချိန်ပေးတွေ့မယ်လို့ပြောတယ်။ မေးစရာမေးခွန်းလဲဖြေမယ်တဲ့ ဘယ်နှစ်ခွန်းပဲဖြေမလဲမသိဖူး။

 
အဲဒီအချိန်…ရိုဟင်ဂျာတွေကလည်း အပြင်မှာဆန္ဒပြကြမယ်တဲ့.. အာဖဂန်နစ္စတန်တို့၊ပါကစ္စတန်တို့နဲ့ အစ္စလမ်မစ် မွတ်စလင်အဖွဲ့ကလူတွေလည်းဖိတ်ထားသတဲ့။

 
အော်စလိုမှာဗွက်ပေါက်မဲ့ နေ့တွေပဲ။ ကောင်းလေစွ။
ကိုယ်ကတော့ ဓာတ်ပုံရိုက်မယ်။ Video ၇ိုက်မယ်။ သတင်းရေးမယ်။


(ဒီလိုဆန္ဒပြပွဲတွေရှိတဲ့အတွက် ၂၇ ပွဲတက်မဲ့သူတွေကို ရဲက အထူးစစ်ဆေးမှာဖြစ်တဲ့အတွက် မူလ သတ်မှတ်ချိန်ထက် တနာရီစောပြီး ကြွရောက်ပါရန် နှိုးဆော်ထားပါကြောင်း)။
.............................................................



(နိုင်ငံတော်သမ္မတ ဦးဆောင်သော မြန်မာကိုယ်စားလှယ်အဖွဲ့တွင် အဖွဲ့ဝင်များအဖြစ် ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဗိုလ်ချုပ်ကြီးစိုးဝင်း၊ ပြည်ထောင်စုဝန်ကြီး ဦးဝဏ္ဏမောင်လွင်နှင့် ဦးစိုးသိန်း၊ ဒုတိယဝန်ကြီး ဦးသန့်ကျော်၊ ဦးရဲထွဋ်၊ ဒေါက်တာဒေါ်သက်သက်ဇင်၊ ဒေါက်တာ ဒေါ်သိန်းသိန်းဌေးနှင့် ဌာနဆိုင်ရာ အကြီးအကဲများ လိုက်ပါသွားကြသည်။)

"နိုင်ငံတော်သမ္မတ ဦးသိန်းစိန် ဥရောပသမဂ္ဂအဖွဲ့ဝင် ငါးနိုင်ငံသို့ ချစ်ကြည်ရေး ခရီးထွက်ခွာ"

နေပြည်တော် ဖေဖော်ဝါရီ ၂၅

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတဦးသိန်းစိန်သည် ဥရောပသမဂ္ဂ အဖွဲ့ဝင်နိုင်ငံများဖြစ်သည့် နော်ဝေ၊ ဖင်လန်၊ သြစတြီးယား၊ ဘယ်လ်ဂျီယံနှင့် အီတလီ နိုင်ငံတို့သို့ ချစ်ကြည်ရေးခရီးသွားရောက်ရန် ယနေ့နံနက် (၉) နာရီတွင် အထူး လေယာဉ်ဖြင့် နေပြည်တော်မှ ခရီးစတင်ထွက်ခွာသွားသည်။

နိုင်ငံတော်သမ္မတဦးသိန်းစိန် ဦးဆောင်သော ကိုယ်စားလှယ်အဖွဲ့အား ဒုတိယသမ္မတများ ဖြစ်ကြသော ဒေါက်တာစိုင်းမောက်ခမ်း နှင့် ဦးဥာဏ်ထွန်း၊ တပ်မတော်ကာကွယ်ရေး ဦးစီးချုပ် ဒုတိယ ဗိုလ်ချုပ်မှူးကြီး မင်းအောင်လှိုင်၊ ပြည်ထောင်စုဝန်ကြီးများ ဖြစ်ကြသည့် ဒုတိယဗိုလ်ချုပ်ကြီးကိုကို၊ ဦးအောင်ကြည်၊ ဦးသိန်းညွန့်၊ ဦးစိုးမောင်၊ ဦးတင်နိုင်သိန်း၊ ဦးဥာဏ်ထွန်းအောင်၊ ဦးသန်းဌေး၊ ဦးအေးမြင့်နှင့် ဦးမောင်မြင့်၊ တိုင်းမှူး ဗိုလ်ချုပ် မောင်မောင်အေး၊ ဒုတိယဝန်ကြီး ရဲချုပ် ကျော်ကျော်ထွန်း၊ ဌာနဆိုင်ရာ အကြီးအကဲများ နှင့် နော်ဝေ နိုင်ငံ သံရုံးမှ လီလန်အော့တို တို့က နေပြည်တော် လေဆိပ်တွင် ပို့ဆောင် နှုတ်ဆက်ကြသည်။

နိုင်ငံတော်သမ္မတ ဦးဆောင်သော မြန်မာကိုယ်စားလှယ်အဖွဲ့တွင် အဖွဲ့ဝင်များအဖြစ် ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဗိုလ်ချုပ်ကြီးစိုးဝင်း၊ ပြည်ထောင်စုဝန်ကြီး ဦးဝဏ္ဏမောင်လွင်နှင့် ဦးစိုးသိန်း၊ ဒုတိယဝန်ကြီး ဦးသန့်ကျော်၊ ဦးရဲထွဋ်၊ ဒေါက်တာဒေါ်သက်သက်ဇင်၊ ဒေါက်တာ ဒေါ်သိန်းသိန်းဌေးနှင့် ဌာနဆိုင်ရာ အကြီးအကဲများ လိုက်ပါသွားကြသည်။

နိုင်ငံတော်သမ္မတနှင့် အဖွဲ့၏ ဥရောပသမဂ္ဂငါးနိုင်ငံခရီးစဉ်သည် (၁၂) ရက် ကြာမြင့်မည် ဖြစ်ပြီး ချစ်ကြည်ရင်းနှီးမှု ပိုမိုတိုးမြင့် ခိုင်မာရေး သဘာဝပတ်ဝန်းကျင် ထိန်းသိမ်းရေးနှင့် မြန်မာနိုင်ငံတွင် ရင်းနှီးမြှုပ်နှံမှု တိုးမြှင့်လာစေရေးတို့အတွက် သွားရောက်ခြင်း ဖြစ်ကြောင်း သိရှိရသည်။

(နိုင်ငံတော် သမ္မတရုံး)
 ................................................................................

သမ္မတခရီးစဉ် တရားဝင်ထုတ်ပြန်ပြီ။

နော်ဝေ၊ ဖင်လန်၊ သြစတြီးယား၊ ဘယ်လ်ဂျီယံနဲ့ အီတလီ ၅-နိုင်ငံ ဥရောပ ခရီးဖြစ်ပါတယ်။

Burmese (Myanmar) President U Thein Sein will visit to 5 countries in Europe: Norway, Finland, Austria, Belgium and Italy.


 ၂၅ သို့မဟုတ် ၂၆ ရက်နေ့မှာ နော်ဝေးနိုင်ငံသို့ရောက်မှာဖြစ်ပြီး နိုင်ငံခြားရေးဝန်ကြီး၊ စီးပွါးရေးဆိုင်ရာဝန်ကြီးတွေနဲ့ ကိုယ်စားလှယ်အဖွဲ့ အင်အားအတော်များလိမ့်မယ်လို့ သိရပါတယ်။

နော်ဝေးအစိုးရတာဝန်ရှိသူတွေနဲ့တွေ့တာအပြင် နော်ဝေးရောက် မြန်မာမိသားစုတွေနဲ့လဲ တွေ့ဆုံဖို့ ဖိတ်ခေါ်ထားကြောင်းသိရပါတယ်။

Sunday, February 24, 2013

Santa Claus ရှိရာအရပ်သို့ ခရီးသွားခြင်း (ပြန်လည်တင်ပြချက်)

ထက်အောင်ကျော် (ဖေဖေါ်ဝါရီ ၂၀၁၀)

(၂၀၁၀ ဖေဖေါ်ဝါရီက ရေးသားခဲ့သောဆောင်းပါးကို သတ်ပုံနဲ့ လက်ကွက်ပြန်ပြင်ပြီး တင်ပေးထားပါတယ်၊ သတ်ပုံ၊ လက်ကွက်အမှားတွေ့ပါက ထောက်ပြကြပါရန်)

ဆောင်းပါးရဲ့ ခေါင်းစည်းကို ဒီလို ကြီးကြီးကျယ်ကျယ်တပ်လိုက်ပေမဲ့ တကယ်ကတော့ အဲဒီ The Santa Claus Village at the Arctic Circle in Rovaniemi, Lapland ကိုရောက်တဲ့အထိ ဒီနေရာမှာ Santa Claus ရှိမှန်းကျနော်မသိပါ။ နောက်တခါ ခရစ်ယန်ဘာသာနဲ့ အလှမ်းဝေးသူမို့ Santa Claus ရဲ့ နောက်ကြောင်းကိုလဲ ကျနော်ဘာမှမသိပါ။


ဆောင်းရာသီအားလပ်ရက်မှာ နော်ဝေး ထက်ပိုအေးတဲ့နေရာ၊ ဆီးနှင်းပိုထူတဲ့နေရာ၊ နောက်တခါ ငယ် ငယ်တုန်းက ကျောင်းမှာသင်ဖူးတဲ့ အက်စကီမိုးလူမျိုးတွေရှိတဲ့နေရာဆီသွားနိုင်ရင် ကောင်းမှာပဲဆိုတဲ့ စိတ်ကူးနဲ့ သူငယ်ချင်းတွေနဲ့အတူ ဖင်လန်နိင်ငံမြောက်ပိုင်းဆီ ခရီးသွားရင်း မမျော်လင့်ဘဲ Santa Claus ရွာထဲ မျက်စိလည်လမ်းမှားပီး ရောက်သွားခြင်းမျှသာ ဖြစ်ပါတယ်။

တတိယ နိုင်ငံရောက် ဒုက္ခသည်တွေရဲ့ထုံးစံအတိုင်း အားလပ်ရက်သွားတာတောင် လွတ်လွတ်လပ် လပ်သွားတာမဟုတ်။ သွားလေရာမှာ မြန်မာတွေနဲ့တွေချင်နေသူပီပီ ကျနော်ရဲ့ခရီးစဉ်ကို မစုစုနွေး စာ သင်ကျောင်းရှိရာ Kuopio မြို့လေးကနေ စတင်ခဲ့တာပါ။

အဲဒီမြို့လေးဆီ ကျနော်ရောက်သွားတဲ့အချိန်မှာ ဆီးနှင်းတွေ တအားကျနေပီး မြို့ပြင်တောင်ကုန်းပေါ်က ရေခဲလျှောစီးတဲ့ တာဝါဆီ အယင်ဆုံး သွားလည်ခဲ့ပါတယ်။ တောင်ပေါ်တက်တဲ့လမ်းတလျောက်က ထင်းရူးပင်တွေမှာ နှင်းဖတ်တွေကပ်နေတာ၊ ထင်းရူးရွက်ပေါ် နှင်းမုန်တွေကျနေတာက တကယ့်ပန်းချီ ကားတချပ်လိုပါပဲ။

ဒီလိုတောင်ပေါ်ကို တက်လာတဲ့ကားကိုလဲကြည့်ပါဦး။ တာယာ ၄ လုံးစလုံး ဆောင်းတွင်းတာယာတွေ နဲ့။ မြန်မာနုိုင်ငံမှာတော့ တာယာက တမျိုးပဲရှိတဲ့အတွက် ဆောင်းတွင်းတာယာဆိုတာ အထူးအဆန်း ဖြစ်နေနိုင်ပါတယ်။ ဆောင်းရာသီရောက်ရင် ရေခဲပြင်၊ နှင်းပြင်တွေမှာ တာယာမချောဘဲ မောင်းနှင်နိုင် အောင် သံဆူးသေးလေးတွေနဲ့ အထူးပြင်ဆင်ထားတဲ့ ကားတာယာကိုဆိုလိုတာဖြစ်ပါတယ်။

တကယ်က ကားတင်မဟုတ်ပါဘူး။ ဆိုင်ကယ်ရော၊ စက်ဘီးပါ ဆောင်းရောက်ရင် ဆောင်းတွင်း တာ ယာ အကုန်ပြောင်းသုံးကြရပါတယ်။ အဲဒီလို တာယာနဲ့ နှင်းပြင်ကိုယက်ပီးတက်လာတဲ့ကား တောင် ထိပ်ရောက်တော့ လှလိုက်တဲ့ရှုခင်း။ ဘာနဲ့နှိုင်းပြန်ရမှန်းကို မသိအောင်ပါပဲ။

ဖင်လန်နိုင်ငံရောက် ထန်းမနိုင်ရွာသူ မစုစုနွေး

နေ့လည်ပိုင်းမှာတော့ မြို့လယ်က မစုစုနွေးကျောင်းဆီ ကျနော်ရောက်သွားပါတယ်။ ဒီကျောင်းကို ၂၀၀၅ ခုနှစ် ဧပြီလမှာ စတင်ဖွင့်လှစ်ခဲ့ပြီး ဖွင့်ကာစ အမည်ကတော့ အရုဏ်ဦးကျောင်း (Dawn School) ဖြစ်တယ်လို့ ကျောင်းကော်မီတီဝင်တဦးဖြစ်သူ ကိုသားဆွေက ကျနော်ကိုရှင်းပြပါတယ်။ ဒီ အမည်ဟာ ထိုင်းနိုင်ငံ ရတ်ချပူရီခရိုင် မနီလွိုင် ကျောင်းသားဒုက္ခသည်စခန်းမှာ ဖွင့်ခဲ့ဖူးတဲ့အမည်ကို ယူလာတာဖြစ်ပြီး နိုဝင်ဘာလမှာတော့ လုပ်အားပေးကိစ္စကို ကမ္ဘာသိအောင်လုပ်ခဲ့တဲ့ မစုစုနွေးကို ဂုဏ်ပြုတဲ့အနေနဲ့ အရုဏ်ဦးကနေ စုစုနွေးကျောင်းအဖြစ် အမည်ပြောင်းလိုက်တာလို့သိရပါတယ်။

 (ဓါတ်ပုံ... http://susunwayschool.blogspot.com)

မူလတန်းကျောင်းဆိုပေမဲ့ ကျနော်တို့မြန်မာနိုင်ငံကကျောင်းတွေလို နေ့စဉ်သင်နေတဲ့ ကျောင်းမျိုးတော့ မဟုတ်။ ဒီမြို့မှာရောက်နေတဲ့ မြန်မာကလေးငယ်တွေ မြန်မာစာနဲ့ မြန်မာစကား ရေးတတ်၊ ဖတ်တတ်၊ ပြောတတ်ဖြစ်လာအောင် အပါတ်စဉ် စနေ၊ တနဂ်နွေမှာ နေ့လည် ၂ နာရီကနေ ၄ နာရီအထိ တပတ် ၄ နာရီသင်ပေးနေတဲ့နေရာသာဖြစ်ပါတယ်။ ဒီစာသင်ဆောင်ဟာ Kuopio မြို့ရဲ့ လူငယ်ရိပ်သာတခုဖြစ်ပြီး စနေ တနင်္ဂနွေမှာ မြန်မာကလေးတွေစာသင်နိုင်ဖို့ နေရာပေးထားတာဖြစ်ပါတယ်။

ကျောင်းလာတက်နေတဲ့ကလေးတွေထဲမှာတော့ ၄-၅ နှစ်အရွယ်ကနေ ၁၄-၁၅ အရွယ်လောက်ထိ တွေ့ရပြီး သူငယ်တန်းကနေ ၄ တန်းအထိ ကျောင်းသားကျောင်းသူ ၃၀ ၀န်းကျင်ကို သင်ပေးနေတာ တွေ့ရပါတယ်။ စေတနာ့ဝန်ထမ်းအဖြစ် သင်ပေးနေတဲ့ဆရာတွေထဲက အများစုဟာ မနီလွိုင်စခန်းမှာ ကတည်းက ကျောင်းဆရာလုပ်လာသူတွေဖြစ်ပြီး လက်ရှိကျောင်းအုပ်ဆရာ ဦးမြတ်သစ်ဆိုရင် မနီလွိုင် Dawn School မှာလဲ ကျောင်းအုပ်လုပ်ခဲ့သူလို့သိရပါတယ်။

ဆရာတွေက တက်ကြွစွာသင်နေပေမဲ့ ကျောင်းသားတွေကတော့ အဖေ၊ အမေ ပို့လိုက်လို့သာ ဒီ ကျောင်းကိုရောက်နေတယ်လို့ ပြောရမလားပါပဲ။ ဘာကြောင့်လဲဆိုရင် ကျနော်မေးမြန်းခွင့်ရခဲ့တဲ့ ဒုတိ ယ တန်းကျောင်းသားတဦးက "ဖှင်းစာထက် မြန်မာစာကပိုခက်တယ်။ ယပင့်တွေ၊ ယရင့်တွေ၊ တ ချောင်းငင်တွေ၊ လုံးကြီးတင်တွေနဲ့ အတော်ရှုပ်တယ်" လို့ပြောပါတယ်။ ဒါဆိုရင် မင်း ဘာလို့သင်နေလဲ ဆိုပီး ကျနော်ကထပ်မေးတော့ "အဖေတက်ခိုင်းလို့တက်နေရတာပါ" ဆိုပြီး ဖြေသွားပါတယ်။

တကယ်ကတော့ ဒီကလေးငယ်ပြောတာ အမှန်ဖြစ်ဖို့များပါတယ်။ ဘာကြောင့်လဲဆိုရင် အလားတူ ကျောင်းတက်နေတဲ့ တတိယ နိုင်ငံရောက် ကလေးငယ်တချို့ကို ကျနော်မေးကြည့်တဲ့အခါတိုင်း ဒီလို ခပ်ဆင်ဆင်အဖြေတွေကိုပေးလေ့ရှိပါတယ်။ နောက်တခါ မြန်မာစာနဲ့ မြန်မာစကားဟာ သူတို့အတွက် တတိယ နေရာလောက်မှာသာရှိတော့တဲ့ ဘာသာစကားတခုဖြစ်ပီး မတတ်ရင်လဲ ဘာမှမဖြစ်။ သူတို့ နေ့စဉ်ဘ၀နဲ့ မြန်မာစာ မြန်မာစကား ဘာမှမဆက်စပ်သလိုဖြစ်လာနေပါတယ်။

သူတို့အဖို့အရေးကြီးတာက သူတို့ရောက်နေတဲ့နိုင်ငံရဲ့ ဘာသာစကားကို ကျွမ်းကျွမ်းကျင်ကျင်တတ် ရေးက ပထမ။ ပြီးရင် အင်္ဂလိပ်ဖြစ်ဖြစ်၊ ပြင်သစ်ဖြစ်ဖြစ်၊ စပိန်ဖြစ်ဖြစ်၊ ဂျာမနီဖြစ်ဖြစ် တခုခုကို ဒုတိယ ဘာသာစကားအဖြစ် သင်ရပါလိ့မ်မယ်။ အဲဒီစကား ၂ ခုက သူတို့ဘ၀ရဲ့ရှေ့ရေးကို ဆုံးဖြတ်ပေးမှာဖြစ် ပြီး မြန်မာစကားကတော့ သူတို့ရှေ့ရေးနဲ့ဘာမှမဆိုင်တော့ပဲ မြန်မာအသိုင်းဝိုင်းသေးသေးလေး ကြားမှာ သုံးဖို့သက်သက်ဖြစ်တယ်လို့ သူတို့က ထင်နေပုံရပါတယ်။

ကလေးငယ်တွေ ဒီလိုထင်နေတာကို အပြစ်မဆိုသာပေမဲ့ တတိယ နိုင်ငံရောက် မျိုးဆက်သစ်တွေ ကြား မြန်မာစာ၊ မြန်မာစကားနဲ့ မြန်မာ့ယဉ်ကျေးမှုတွေ ဆက်လက်ရှင်သန်ရေးအတွက် ကလေးမိဘ တွေက ကြိုးစားဖို့တာဝန်ရှိတယ်လို့ ကျနော်မြင်မိပါတယ်။ နောက်တခါ မိဘတွေအပြင် နိုင်ငံရေးလုပ် နေပါတယ်၊ တော်လှန်ရေးလုပ်နေပါတယ်၊ မြန်မာနိုင်ငံ ဒိမိုကရေစီရရှိရေးအတွက် လုပ်နေပါတယ်လို့ နေ့စဉ်ကြွေးကြော်နေတဲ့လူတွေမှာလဲ ဒီတာဝန်ရှိတယ်လို့ ကျနော်မြင်မိပါတယ်။ ဒါပေမဲ့ အခုချိန်ထိ တော့ ဥရောပတလွှားမှာ ဒီ စုစုနွေး ကျောင်းကလွဲပီး တခြားနိုင်ငံတွေမှာ ဒီလိုအပါစဉ် ပုံမှန်သင်ပေးနိုင် တဲ့ကျောင်းမျိုး ကျနော်မတွေ့ရသေးပါဘူး။

(အခု ဒီဆောင်းပါးကို အက်ဒစ်လုပ် အသစ်ပြန်ရေးချိန် ၂၀၁၃ မှာတော့ နော်ဝေးနိုင်ငံ အော်စလိုမြို့ အနီးမှာလဲ တပတ်မှာ ၄ နာရီလောက် မြန်မာစာသင်ပေးတဲ့ ကျောင်းလေးတခုရှိနေပါပြီ)

အီကွေတာအရပ်ကသူငယ်ချင်းများနဲ့ မြောက်ဝင်းရိုးစွန်းမှာတွေ့ဆုံခြင်း

စုစုနွေးကျောင်းကနေ အပြန်မှာတော့ ABSDF ခေါ် ကျောင်းသားတပ်မတော် အမှတ် ၂၀၁ တပ်ရင်း မင်းသမီးစခန်းမှာ ၁၀ နှစ်နီးပါး အတူနေခဲ့ဖူးတဲ့ ရေဇင်းစိုက်ပျိးရေးတက္ကသိုလ်ကျောင်းသားဟောင်း ကို အောင်မော် အိမ်မှာ ကျနော်တို့ စခန်းချပါတယ်။ သူ့အိမ်ဟာ Kuopio မြို့နဲ့ ၂ နာရီကျော်ကားမောင်းရတဲ့ Mikkeli မြို့လေးမှာရှိပီး သူ့ကား အားကိုးနဲ့ ကျနော် လျောက်သွားနေတာဖြစ်ပါတယ်။ တကယ်ကတော့ ဒီခရီးစဉ်ဖြစ်လာတာကိုက ကိုအောင်မော်ရဲ့အကြံပေးချက်အရ စတင်လာတာပါ။ တောထဲကထွက်လာ ကတည်းက မတွေ့ရတာကြာပီဖြစ်တဲ့ တတိယ နိုင်ငံရောက် ရဲဘော်ဟောင်းတွေ စုတွေ့ရေး အစီစဉ်ရဲ့ တစိပ်တဒေသလဲဖြစ်ပါတယ်။


ဒီအစီစဉ်အရ ဘယ်သူတွေလာနိုင်မလဲဆိုပီး ဆက်သွယ်လိုက်တော့ ဟိုး ကမ္ဘာကြီးရဲ့ တောင်ဖက်ခြမ်း၊ အိုဇိုးလွှာပေါက်နေတဲ့ ပူပြင်းဒေသ သြစတေလျမှ ကိုဖိုးချိုနဲ့ ဖင်လန်နဲ့သိပ်မဝေးတဲ့ နော်ဝေး ရေခဲပြင် မှာ သောင်တင်နေသူ ကျနော်တို့ ၂ ဦး ဖင်လန်ကိုရောက်လာပီး သတင်း ၂ ပတ်ကြာ ရေခဲပြင် ခရီးစဉ် ကို စတင်ခဲ့တယ်ဆိုပါတော့။

"တောထဲကအကြောင်းမပါရင် ဆောင်းပါး မရေးတတ်တော့ဘူးလား" လို့ စာဖတ်ပရိသတ်တဦးဦးက မေးမယ်ဆိုရင်လဲ ကျနော်အပြစ်မမြင်ပါဘူး။ ဘာကြောင့်လဲဆိုတော့ အဲဒီတောထဲမှာ နေခဲ့တဲ့ ၁၀ နှစ် တာ ၀န်းကျင်ဟာ ကျနော်တို့ဘ၀ရဲ့ အတောက်ပဆုံးကာတွေကို ပေးဆပ်ခဲ့ရလို့၊ ကျနော်တို့နဲ့အတူတူ တက္ကသိုလ်စာသင်ခန်းကနေ တောတောင်တွေထဲထွက်လာတဲ့ သူငယ်ချင်းတချို့ တောတွင်းတိုက်ပွဲ တွေမှာ လူမသိသူမသိနဲ့ ကျဆုံးသွားကြလို့၊ ဒီ ၁၀ နှစ်တာဟာ ကျနော်တို့ဘ၀ရဲ့ အရေးအကြီးဆုံး ကာ လအဖြစ် ဦးနှောက်ထဲမှာရော၊ နှလုံးသားထဲမှာပါ အမြဲတန်း လွှမ်းမိုးနေတယ်လို့ ကျနော်ထင်ပါတယ်။

အခု ကျနော်ရောက်နေတဲ့ ဖင်လန်နိုင်ငံမှာ (ကျနော်အခန်းဆက်ရေးနေတဲ့ သူပုန်ကျောင်းသားတဦးရဲ့ မာရသွန်ခရီးထဲမှာပါတဲ့) မင်းသမီးစခန်းက ရဲဘော်ဟောင်း ၈ ဦးရောက်နေပါတယ်။ သူပုန်ကျောင်း သားဆောင်းပါးတွေရဲ့ ပထမ ဆုံးအခန်းတွေမှာပါတဲ့အတိုင်း အခု သြစီကနေရာက်နေတဲ့ ကိုဖိုးချို၊ နောက်တခါ ဆွီဒင်နယ်စပ်အနီးက Vaasa မြို့မှာရောက်နေတဲ့ ကိုမိုးဇော်အောင်တို့ဟာ ကျနော်နဲ့အတူ ရှင်မုတ္တီး၊ ဘန်းချောင်းဖက်ကနေ တောထဲအတူတူဝင်လာသူတွေဖြစ်ပါတယ်။ အလားတူ ကိုအောင် မော်၊ ကိုသန်းဌေးတို့ဟာလဲ နတ်အိမ်တောင်ဖက်ကနေ တချိန်တည်းဝင်လာသူတွေ ဖြစ်ပါတယ်။ ကို ရဲမင်းအောင်၊ ကိုဝင်းဌေးနဲ့ ကိုမိုးနိုင်တို့ကတော့ ၁၉၉၀ ရွေးကောက်ပွဲနောက်ပိုင်း ၀င်လာသူတွေဖြစ် ပါတယ်။

ကျနော်တို့တောထဲမှာရှိစဉ်က အသက် ၁၀-နှစ်ကျော်သာရှိသေးတဲ့ ကိုဝေထွန်းဆိုရင် မင်းသမီးစခန်း မှာဖွင့်ထားတဲ့  "ပျိုးပန်းဝေ" မိဘမဲ့စာသင်ကျောင်းတက်ဖို့ရောက်လာတဲ့ ကလေးလေးပေါ့။ အခုတော့ ဒီပုဂ္ဂိုလ်တောင်မှ အသက် ၃၀-ကျော်စပြုနေပီဖြစ်ပြီး ကလေးတောင် ၃ ယောက်ရနေပီ ဖြစ်ပါတယ်။ ဒါပေမဲ့ ကျနော်တို့ရဲ့ဆက်ဆံရေးကတော့ တောထဲကအတိုင်း ရဲဘက်ရဲဘက်ဆက်ဆံရေးပါပဲ။ ဒီလို ဒီလို ကျနော်တို့တပ်ရင်းက ရှိသမျှလူတွေနဲ့တွေဆုံရင်း၊ ဖင်လန်မြောက်ပိုင်းဒေသရဲ့ ရေခဲပြင်အလှကို ရှုစားရင်းနဲ့ ဒီခရီးစဉ် ထွက်လာဖြစ်တယ်ဆိုပါတော့။

ကိုအောင်မော်ရဲ့အိမ်ဟာ ထင်ရူးတောတန်းရဲ့ဘေးမှာ၊ အင်းလျားကန်ရဲ့ ၅ ပုံတပုံလောက်အကျယ်ရှိတဲ့ ရေကန်ကြီးရဲ့ဘေးမှာရှိတဲ့အတွက် သဘာဝအလှတွေနဲ့ပြည်စုံတဲ့၊ ဥရောပမဲဇာကလူတွေ သိပ်ကြိုက်တဲ့ နေရာမျိုးပေါ့။ အဲဒီနေ့ အပူချိန်က ရေခဲအမှတ်အောက် အနှုတ် ၃၀ ဒီဂရီစင်တီဂရိတ်ဖြစ်နေပါတယ်။ ဒီလောက်အေးတဲ့စံချိန်မျိုး အော်စလိုမှာနေတဲ့ ၁၀ နှစ်တာအတွင်း ကျနော်မကြုံဖူးသေးပါဘူး။ ဒါပေမဲ့ ရေခဲပြင်မှာ ဟန်ရေးပြ စကီးစီးပြီး ဓါတ်ပုံရိုက်ချင်နေတဲ့ ကျနော်နဲ့ ကိုဖိုးချိုဟာ ကိုအောင်မော်ကို မရ မက အိမ်ထဲကနေဆွဲခေါ်ပြီး ရေခဲပြင်ဖြစ်နေတဲ့ ခုနက ရေကန်ကြီးပေါ် စကီးထွက်စီးကြပါတယ်။

သူများတွေ စကီးစီးနေတာကိုကြည့်ပီး ဒီအားကစားက သိပ်မခက်ဘူးလို့ထင်ရပေမဲ့ တကယ်တန်း ကိုယ်တိုင်စီးတဲ့အခါမှာတော့ မလွယ်ပါဘူးခင်ဗျား။ ကျနော်ဆိုရင် အခုထိ မစီးတတ်သေးပါဘူး။ နောက် တခါ ကိုယ်ပိုင် စကီး၊ စကီးဖိနပ်၊ စကီးဝတ်စုံတွေကိုလဲ အခုထိ မ၀ယ်နိုင်သေးပါဘူး။ ဒီမှာတော့ ကို အောင်မော်ဆီမှာ စကီးက ၂ စုံတောင်ရှိတဲ့အတွက် အဲဒါကြီးကို နှင်းတောထဲ ဟန်ရေးပြစီးပီး ကျနော် နဲ့ ကိုဖိုးချို ဓါတ်ပုံအရိုက်ခံကြပါတယ်။ အေးလွန်းပြီး နှင်းတွေတအားကျနေတဲ့အတွက် ဘေးပါတ်လည် မှာ ဘယ်သူမှမရှိ။

နောက်မှသိရတာက ဒီလိုရာသီတုဟာ နှင်းလျောစီးဖို့ ကောင်းတဲ့ရာသီမျိုးမဟုတ်။ အအေးဓတ် နဲနဲ ကျပြီး နှင်းဖွဖွလေးကျကာ နေနဲနဲသာနေတဲ့အချိန်ကျမှ ဒီကလူတွေက အုပ်စုလိုက်ထွက်ပီး ဒီရေကန် ပတ်လည်မှာ စီးကြတာလို့သိရပါတယ်။ ဒါပေမဲ့ ကျနော်တို့ကတော့ အဲဒီလိုအချိန်ကောင်းကိုစောင့် မနေနိုင်။ တပေကျော်လောက်အထူရှိတဲ့ အဲဒီနှင်းပြင်ထဲမှာ စကီးကို ဖြစ်သလိုစိးပြီး ဓါတ်ပုံအရိုက်ခံရေး တို့အရေးဖြစ်နေခဲ့ပါတယ်။

ရေခဲပြင်မှာနေတာချင်းအတူတူတောင် ဖင်လန်နဲ့ နော်ဝေးမတူတဲ့အချက်ကတော့ ဖင်လန်က အိမ်တိုင်း မှာ ဆောင်နာ Sauna ရှိပီး ကျနော်တို့ နော်ဝေးမှာတော့ အဲဒါကြီးတွေ အိမ်မှာမပါတဲ့အတွက် ချွေး ထုတ်ချင်ရင် ပစ်ဆံပေးပီး အားကစားရုံတွေ၊ ရေကူးကန်တွေဆီမှာရှိတဲ့ Sauna ကိုသွားကြရပါတယ်။ မြန်မာနိုင်ငံနဲ့ ဘန်ကောက်မှာနေတုန်းက ရာသီဥတုပူလွန်းလို့ ချွေးထွက်ရင် စိတ်ညစ်တဲ့ကျနော်ဟာ အခု မြောက်ဝင်းရိုးဒေသမှာတော့ ချွေးမထွက်လို့ စိတ်ညစ်နေရပါတယ်။ ဒါကြောင့် ဒီ Sauna ကိုတွေ့ တုန်း ညနေတိုင်းလိုလို ချွေးထုတ်ဖြစ်ခဲ့ပါတယ်။

ရေခဲရဲတိုက်မှာ အဘိဓာန်ရေးနေသူ

နေ့ခင်းဖက် ရေခဲပြင်မှာချော်လဲလိုက်၊ ညနေဖက်ကျရင် ဗော်လကာခွက်လေးကိုင်ပီး Sauna ထဲဝင် ချွေးထုတ်လိုက်နဲ့ ၃ ရက်လောက်ကြာပီးတဲ့အခါမှာတော့ ရေခဲရဲတိုက်ရှိရာ မြောက်ဝင်းရိုးစွန်း အရပ်ဆီ ကျနော်တို့ခရီးနှင်လာခဲ့ပါတယ်။ ဖင်လန်ဟာလဲ နော်ဝေးနဲ့ ဆွီဒင်လိုပဲ အရှေ့-အနောက် ဧရိယာက တို တောင်းပီး တောင်-မြောက်ဧရိယာက အတော်ရှည်လျားတဲ့ နိုင်ငံဖြစ်ပါတယ်။ အရှေ့ဖက်မှာ ရုရှားနိုင်ငံ၊ အနောက်ဖက်မှာ ဘောလတစ်ပင်လယ်၊ မြောက်ဖက်မှာတော့ ရေခဲပြင်တွေရှိတဲ့၊ ရှေ့မှာကျနော်ပြောခဲ့ တဲ့ အက်စကီးမိုးလူမျိုးတွေနေထိုင်တဲ့ နော်ဝေး၊ ဆွီဒင်၊ ဖင်လန်နဲ့ ရုရှား ၄ နိုင်ငံဆုံရာ ဆာမီး Sami people ဒေသပေါ့။


အဲဒီ တောင်-မြောက် ရှည်မျောမျော ဟိုက်ဝေးလမ်းပေါ်မှာ တနေကုန်နီးပါး မောင်းပြီးတဲ့အခါမှာတော့ ရှေ့မှာပြောခဲ့တဲ့ ဘန်ချောင်းဒေသဆီ ကျနော်တို့နဲ့အတူတူ တောစခိုတဲ့အထဲပါလာတဲ့ ကိုမိုးဇော်အောင် နေအိမ်ရှိရာ ဘောလတစ်ပင်လယ်ဘေးက Vaasa မြို့လေးဆီ ကျနော်တို့ ရောက်သွားပါတယ်။ သူနဲ့ အတူ ကိုဝင်းဌေးကိုပါတွေ့ရပြိး ကိုမိုးဇော်အောင်ဟာ ထူးထူးခြားခြား ကိုယ်ပိုင်စီးပွါးရေးလုပ်ကိုင်နိုင်ဖို့၊ ကုန်စုန်ဆိုင်ဖွင့်ဖို့ ကျိုးစားနေသူအဖြစ် တွေ့ခဲ့ရပါတယ်။ ဒါပေမဲ့ ကျနော်တို့ဆွေးနွေးဖြစ်တဲ့ ဘာသာရပ် တွေထဲမှာတော့ လက်ရှိအခြေနေနဲ့ အနာဂါတ်ခရီးစဉ်ကိစ္စက သိပ်နေရာမရပါဘူး။ ကုန်လွန်ခဲ့တဲ့ တော တောင်တွေထဲက ၁၀ နှစ်တာ ဘ၀အခြေနေတွေကိုပဲ ပြန်ပြောင်းပြောရင်းနဲ့ အချိန်တွေ ကုန်သွားခဲ့ပါ တယ်။

အဲဒီမြို့ကနေအထွက် နောက်တနေ့ နေ့လည်လောက်မှာတော့ ရေခဲရဲတိုက်ရှိရာ Kemi မြို့ကို ကျနော် တို့ရောက်သွားပါတယ်။ မြုိ့အ၀င်မှာ ကျနော်တို့ကိုလာကြိုသူက ကိုရဲမင်းအောင်။ သူ့ပုံက တောထဲမှာ တွေ့စဉ်ကပုံနဲ့ အတော်ကွာသွားပြီး ထောင်ထောင်မောင်းမောင်း အသားဖြူဖြူ ၀၀ ဖြစ်နေပါတယ်။ သူ့ ကားဦးဆောင်ရာနောက်ကိုလိုက်ရင်းနဲ့ ရေခဲရဲတိုက်ဆီ ကျနော်တို့ရောက်တော့ နေလည် ၂ နာရီ လောက်ရှိနေပါပြီ။ ဘောလတစ်ပင်လယ်ကမ်းစပ်မှာ ဆောက်ထားတဲ့ အဲဒီ ရေခဲရဲတိုက်ကတော့ အပူ ပိုင်းဒေသကလာတဲ့ ကိုဖိုးချိုအတွက်တင်မကဘဲ ရေခဲပြင်မှာ ၁၀ နှစ်လောက်နေဖူးတဲ့ ကျနော်အတွက် ပါအထူးအဆန်းဖြစ်နေခဲ့ပါတယ်။

"ရေမှာအရုပ်ရေးလို့ ဘာမှဖြစ်လာမှာမဟုတ်ဘူး" ဆိုတဲ့စကားလုံးကို ကြားဖူးပေမဲ့ အဲဒီရေကို ခဲအောင် လုပ်ပီး အဲဒီရေခဲကိုပန်းပုထုရင် ကမ္ဘာကျော်နိုင်တယ်ဆိုတာကို ကျနော်မသိခဲ့ရိုးအမှန်ပါ။ သဘာဝ အ လျောက်ကျလာတဲ့နှင်းကနေဖြစ်သွားတဲ့ရေခဲတွေ၊ ဘောလတစ်ပင်လယ် ထိပ်ပိုင်းမှာခဲနေတဲ့ရေတွေ ကိုယူပြီး ဆောက်ထားတဲ့ ဒီရေခဲရဲတိုက်ဟာ တကယ့်ကိုအံသြစရာပါပဲ။ ရဲတိုက်အ၀င်ဝကို ရေခဲမြို့ရိုး နဲ့ကာထားပြီး အထဲမှာတွေ့သမျှအဆောက်ဦတွေ၊ ပစ္စည်းတွေအားလုံးဟာလဲ ရေခဲတွေချည်းဖြစ်နေပါ တယ်။ ရေခဲတိုင်၊ ရေခဲအကာ၊ ရေခဲအမိုး၊ ရေခဲကုတင်၊ ရေခဲစားပွဲ၊ ရေခဲ ကုလားထိုင်၊ ရေခဲ ဆွဲကြိုး၊ ရေခဲလက်စွပ်၊ ရေခဲလူပုံ၊ ရေခဲသစ်ပင်ပုံ၊ စသဖြင့် စုံလို့ပါပဲ။



မီးရောင်စုံတွေနဲ့ ပြထားတဲ့ရေခဲရဲတိုက်ဟာ အတော့်ကို လှပနေပါတယ်။
အဲဒီရဲတိုက်ထဲရှိ ရေခဲကော်ဖီဆိုင်က ရေခဲကုလားထိုင်မှာထိုင်ပြီး ရေခဲစားပွဲပေါ်မှာ ကော်ဖီသောက်ရင်း နဲ့ အအေးဓါတ်ကို လျော့ချရပါတယ်။ အပူဓါတ်ဆိုလို့ ကော်ဖီခွက်ကလွဲပီး ဘာမှမရှိ။ အဲဒီရေခဲ ကော် ဖီဆိုင်မှာထိုင်ရင်း ကျနော်စကားပြောခွင့်ရခဲ့တဲ့ပုဂိုလ်တချို့ကတော့ စပိန်ကနေလာလည်တဲ့ လူငယ် တွေပါ။ တကယ်ကတော့ ဒီလိုရေခဲ ရဲတိုက်နဲ့ ဆီးနှင်းတွေဟာ အာရှနဲ့ အပူပိုင်းဒေသကလာတဲ့ သူတွေအတွက်တင် အထူးအဆန်းမဟုတ်။ စပိန်၊ ပေါ်တူဂီ၊ ဂရိတို့လို ဥရောပ အနောက်ခြမ်းက လူ တွေအတွက်ပါ အထူးအဆန်းဖြစ်နေပါတယ်။ ဥရောပချင်းတူပေမဲ့ သူတို့ဖက်မှာ ဒီလိုဆီးနှင်းမရှိ၊ ရေခဲ မရှိပါ။ ကျန်တဲ့ နယ်သာလန်၊ ဘလဂျီယံ၊ အဂ်လန်၊ ဂျာမဏီ။ ဒိန်းမတ်ဖက်မှာလဲ နဲနဲအေးပေမဲ့ ဒီလို ရေခဲရဲတိုက်နဲ့ ဆီးနှင်းတွေမရှိဘူး လို့သိရပါတယ်။

အဲဒီလို ထူးဆန်းတဲ့သဘာဝအလှတရားတွေရှေ့မှာ ဓါတ်ပုံအရိုက်ခံမှုလုပ်ငန်းစဉ်ပီးဆုံးတဲ့ အခါမှာတော့ ကိုရဲမင်းအောင်ရဲ့ အိမ်ကို ကျနော်တို့သွားလည်ခဲ့ပါတယ်။ ဒီတော့မှ တောထဲမှာ တပ်စုမှုးတဦးအဖြစ် တာဝန်ယူခဲ့တဲ့ ကျနော်တို့ရဲ့ ရဲဘော်ကြီးက ဖင်လန်-မြန်မာ၊ ဖင်လန်-ကရင် အဘိဓာန် ပြုစုနေသူမှန်း သိခွင့်ရခဲ့ပါတယ်။ မြန်မာနိုင်ငံမှာနေစဉ်တုန်းကတော့ အဘိဓာန်ပြုစုတယ်ဆိုတာဟာ ဦးထွန်းငြိမ်းတို့ လို၊ ဆရာယုဒဿန်တို့လို၊ ဆရာတက်တိုးတို့လို ပုဂ္ဂိုလ်ကြီးတွေနဲ့သာဆိုင်ပီး ကိုယ်နဲ့ဘာမှမဆိုင်ဘူးလို့ ထင်ထားပေမဲ့ ဒီမှာတော့ အဲဒီလိုမဟုတ်တော့။

အစဉ်အလာအရ မြန်မာနိုင်ငံသားတွေ တခါမှမရှိခဲ့ဖူးတဲ့၊ ရှိရင်လဲ ဆယ်ဂဏန်းထက်မပိုခဲ့ဖူးတဲ့၊ မြန်မာ သံရုံးလဲ တခါမှမဖွင့်ဖူးသေးတဲ့ ဒီ စကင်ဒီနေဗီယန်းဒေသမှာ သက်ဆိုင်ရာဘာသာစကားကိုသင်ဖို့ ဘာ အဘိဓာန်မှမရှိသေးပါ။ အနောက်တိုင်းသားအားလုံး အင်္ဂလိပ်စကားပြောတယ်လို့ ထင်ထားခဲ့တဲ့ ဟိုး ရှေးရှေးကအမြင်တွေဟာလဲ ဒီရောက်တော့မှ လက်တွေ့နဲ့အထင် တလွဲစီဖြစ်နေခဲ့ပေ့ါ။ ဥရောပဟာလဲ ကျနော်တို့ အာရှနဲ့ အရှေ့တောင်အာရှက နိုင်ငံတွေလိုပါပဲ။ တနိုင်ငံချင်းစီအလိုက် ကိုယ်ပိုင်ဘာသာ စကားတခုစီရှိနေတဲ့အတွက် အဲဒီနိုင်ငံမှာနေရင် အဲဒီစကားကိုမပြောတတ်လို့မဖြစ်။ ဆိုလိုတာကတော့ အင်္ဂလိပ်စကားတတ်နေယုံနဲ့ ဒီနိုင်ငံတွေမှာ အလုပ်မဖြစ်ပါ။

အမေရိကန်၊ ကနေဒါ၊ ဗြိတိန်၊ တောင်အာဖရိက၊ သြစတေလျနဲ့ နယူးဇီလန်ကလွဲရင် ကျန်တဲ့နိုင်ငံတွေ မှာ အင်္ဂလိပ်စကားက ဒုတိယ အဆင့် ဆက်သွယ်ရေးကရိယာမျှသာဖြစ်ပါတယ်။ နောက်တခါ စပိန် ဘာသာစကားကို အမေရိကန်အပါဝင် လက်တင်အမေရိကားနိုင်ငံအတော်များများမှာ အသုံးပြုကြတာ ၊ ပြင်သစ်စကားကို အာဖရိကတိုက်ကနိုင်ငံ အတော်အတော်များများမှာ အသုံးပြုကြတာ၊ အာရဗစ်၊ အူရဒူ၊ ပါရှန် စကားတွေတတ်ရင် အရှေ့အလယ်ပိုင်းနဲ့ တောင်အာရှဒေသတခုလုံးအတွက် အသုံးတည့် တယ်ဆိုတာတွေကို မြန်မာနိုင်ငံအပြင်ဖက်ကိုရောက်ပီး ၁၀ နှစ်ကျော်ကြာမှ ကျနော်သိလာခဲ့ရပါတယ်။

ဆိုလိုတာကတော့ အင်္ဂလိပ်စကားတတ်နေရုံနဲ့အလုပ်မဖြစ်တဲ့အတွက် သက်ဆိုင်ရာနိုင်ငံရဲ့ စာပေနဲ့ မြန်မာစာပေအကြား ပေါင်းကူးသင်ပြနိုင်အောင် အဘိဓာန်တွေကို အခုမှရောက်လာတဲ့လူတွေ ကိုယ် တိုင်ဦးစီးပြီး ပြုစုနေရတယ်ဆိုပါတော့။ အလားတူ ပြုစုနေမှုတွေကို နယ်သာလန်ရောက်စဉ်ကလဲ ကျနော်တွေ့ခဲ့ရပြီး ကျနော်တို့ နော်ဝေးမှာလဲ မကြာသေးခင်ကဘဲ့ နော်ဝေး-မြန်မာ အဘိဓာန် ထုတ်ဝေ လိုက်ပြီဖြစ်ပါတယ်။ ဒီအဘိဓာန်တွေဟာ ရှေ့မှာပြောခဲ့တဲ့ ဦးထွန်းငြိမ်းတို့၊ ယုဒသန်တို့လို ပညာရှင်တွေ ပြုစုတဲ့အဘိဓာန်မဟုတ်ဘဲ လုပ်ငန်းခွင်ထဲကလူတွေက တကယ့်လိုအပ်ချက်အရပြုစုထားတာဖြစ်တဲ့ အတွက် ဘာသာဗေဒအရ အားနဲချက်တွေရှိနေနိုင်ပါတယ်။ ဒါပေမဲ့ လက်တွေ့မှာတော့ တတိယ နိုင် ငံရောက် ပုဂ္ဂိုလ်တွေအတွက် မရှိမဖြစ်လိုနေတဲ့ စာအုပ်တွေဖြစ်ပါတယ်။

"ဒီစကားက မသိရင် အင်္ဂလိပ်စာလုံးတွေလိုဘဲ့ထင်ရတယ်။ အသေချာဖတ်ကြည့်တော့ တလုံးမှ နား မလည်ဘူးဗျ" ဆိုပီး ကိုရဲမင်းအောင်ကပြောပါတယ်။ အင်္ဂလိပ်စာအခြေခံရှိသူတောင် ဒီလိုဖြစ်နေရင် အခြေခံမရှိသူဆို ပိုဆိုးမယ်။ ဖင်လန်-မြန်မာ အဘိဓာန်ရေးမှဖြစ်မယ်ဆိုပီး သူထိုင်ရေးလိုက်တာ ၂ နှစ် ကျော်ကြာတယ်လို့သိရပါတယ်။ အခုတော့ သူရေးသားပြုစုထားတဲ့ ဖင်လန်-မြန်မာ၊ ဖင်လန်-ကရင် အဘိဓာန်တွေက ဖင်လန်ရောက် ABSDF ကျောင်းသားဟောင်းတွေ၊ နိုင်ငံရေးအကျဉ်းသားဟောင်း တွေနဲ့ ကရင်နီဒုက္ခသည်စခန်းကနေရောက်လာသူတွေအတွက် အတော်အသုံးဝင်နေပီဖြစ်ပါတယ်။

ခရစ်စမတ်ဖိုးဖိုး Santa Claus နဲ့တွေ့ဆုံခြင်း

ကိုရဲမင်းအောင်နဲ့ အဘိဓာန်ကိစ္စ၊ ဘာသာစကားကိစ္စတွေ ဆွေးနွေးပြီးနောက်မှာတော့ နောက်တမြို့ဆီ ခရီးဆက်ထွက်ပြီး ဟိုက်ဝေးကားလမ်းဘေးတနေရာက ရေခဲပြင်မိုတယ်မှာ ကျနော်တို့အုပ်စု ညအိပ် စခန်းချပါတယ်။ အဝေးကကြည့်လိုက်ရင် ရေခဲပြင်ထဲက သစ်သားအိမ်သေးသေးလေးတွေ အဖြစ်သာ မြင်ရပေမဲ့ အခန်းထဲမှာတော့ ရေချိုးခန်း၊ အိမ်သာနဲ့ မီးဖိုးချောင် အားလုံးအစုံ်ပါ ပါတယ်။ အားလုံးကို သစ်သားနဲ့ ဆောက်ထားပီး လျှပ်စစ်အပူပေးကရိယာမပါပဲ ထင်းမီးဖို အပူးပေးကရိယာတခုတည်းကို သာ သဘာဝအတိုင်းဖြစ်အောင် တပ်ဆင်ပေးထားပါတယ်။


အဲဒီရေခဲပြင်တဲငယ် ၁၀ လုံးလောက်ရဲ့ ဘေးနားမှာတော့ ရေခဲနေတဲ့ကန်တခုရှိပြိး အဲဒီကန်ဘေးမှာ အကောင်းစား Sauna တခုကိုတွေ့ရပါတယ်။ ထုံးစံအတိုင်း ဗော်လကာခွက်ကိုကိုင်ပြီး Sauna ထဲမှာ ချွေးထုတ်၊ ပီးရင် ရေခဲဖြစ်နေတဲ့ ကန်ထဲပြေးဆင်းပီး နှင်းတောထဲမှာ လှဲအိပ်၊ ပီးရင် Sauna ထဲပြန်ဝင်။ ဒီလိုပုံစံနဲ့ Shock ရိုက်ပီး စိတ်ပင်ပန်းမှုလန်းဆန်းလာအောင် ဒီမှာလာတည်းတဲ့လူတွေ လုပ်လေ့ရှိ တယ်လို့ ဆိုပါတယ်။ အဲဒီနည်းအတိုင်း ကျနော်လဲ လိုက်စမ်းကြည့်ပေမဲ့ အေးလွန်းလို့ မခံနိုင်ပါဘူး။ တခါလောက်ပဲ စမ်းနိင်ပီး ဗော်လကာတခွက်နဲ့ Sauna ထဲမှာ ထိုင်ရင်း အချိန်ကုန်သွားပါတယ်။

နောက်တနေ့မနက်မှာတော့ Santa Claus ရှိတယ်ဆိုတဲ့အရပ်၊ မြောက်ပိုင်းရောင်ချည် Northern Light (ဆရာဦးဝင်းတင်ကတော့ ဥတ္တရအလင်း ဆိုပြီး ဘာသာပြန်ပါတယ်) ကိုမြင်ရတယ်ဆိုတဲ့ အရပ်၊ အာတိတ်စက်ဝိုင်းဖြတ်သွားတဲ့ ၆၆.၃၃ ဒီဂရီအရပ်။ ရှေ့မှာ ပြောခဲ့တဲ့ အက်စကီးမိုး သို့မဟုတ် Sami people တွေရှိတဲ့အရပ်နဲ့ သိပ်မဝေးတော့ဘူးဆိုတဲ့ Rovaniemi မြို့ဆီ ကျနော်တို့ခရီးဆက်ခဲ့ပါ တယ်။ ဒီမြို့နဲ့ ၈ ကီလိုမီတာအကွာကိုရောက်တဲ့အခါမှာတော့ အာတိတ်စက် ၀ိုင်းဖြတ်သွားတဲ့အရပ်ကို ရောက် ပြိး ကမ္ဘာလှည့်ခရီးသည်အများအပြားကိုတွေ့ရပါတယ်။

ဆီးနှင်းတဖွေးဖွေးကျနေတဲ့ အုပ်ဆိုင်းကောင်းကင်ရဲ့အောက်မှာ ခန့်ငြားစွာရှိနေတဲ့ဘုရားကျောင်း၊ အဲဒီ ကျောင်းရှေ့မှာ ခရစ်စမတ်တေးသွားနဲ့ ကခုန်နေတဲ့ လူတစု။ အဲဒီဘေးမှာတော့ အာတိတ်စက်ဝိုင်းဖြတ် သွားတဲ့ ၆၆. ၃၃ ဒီဂရိမျဉ်းကြောင်းရှိရာ မီးအိမ်တန်း။ ဆီးနှင်းတွေထူလွန်းလို့ မြေပေါ်ကအမှတ်သား တွေကို ကောင်းကောင်းမမြင်ရပါဘူး။

အဲဒီ မီးအိမ်တန်းကိုကျော်ပီး ဒီဖက်ထွက်လာတော့ ပြတိုက်နဲ့ အမှတ်တရပစ္စည်းဈေးဆိုင်တန်းတွေ။ ဟို ဖက်နဲနဲဆက်လျောက်လိုက်တော့ ရေခဲတဲအိမ်တွေကြားက ရေခဲပြင်သမင်တွေပြေးဆွဲနေတဲ့ စွပ်ဖား လှည်း။ ဒီလှည်းကိုစီးပြီး တကီလိုမီတာဝန်းကျင်လောက် ဒီရွာတခွင် လှည့်လည်နိုင်ပါတယ်။ အဲဒီလို ထူးဆန်းတဲ့ သဘာဝအလှတွေ၊ ပထ၀ီ ထူးခြားချက်တွေကို ငေးမောပီးတဲ့အခါမှာတော့ ရှေ့မှာပြောခဲ့တဲ့ ဘုရားကျောင်းဆီပြန်လာပီး ခရစ်စမတ်ဖိုးဖိုး Santa Claus နဲ့တွေ့ခွင့်ရဖို့ ကျနော်တို့အုပ်စု တန်းစီ စောင့်ရပါတယ်။ မစောင့်လိုမဖြစ်။ ကျနော်တို့အယင် စောင့်နေသူတွေက ရာနဲ့ချီပြီးရှိနေပါတယ်။

ဟော...တွေ့ပါပီ၊ Santa Claus နဲ့။ ဒါပေမဲ့ ဓါတ်ပုံရိုက်ခွင့်မပေးပါဘူးခင်ဗျား။ Santa Claus နဲ့ လက် ဆွဲနှုတ်ဆက်ပြီး ဘယ်ကလာလဲ။ ဘယ်နယ်ကလဲ တာဝန်ကျေမေးမြန်းပေ့ါ။ ဒါပေမဲ့ မြန်မာနိုင်ငံက လာ တယ်လို့ပြောလိုက်တော့ Santa Claus ဖိုးဖိုး နဲနဲတော့ အံသြပြီး မျက်ခုံးပင့်ပြပါတယ်။ အားလုံးမှ အချိန် ၅-မီနစ်ပဲရမယ်ထင်ပါတယ်။ အားလုံးနေရာယူတန်းစီပီးတာနဲ့ အမှတ်တရ ဓါတ်ပုံရိုက်ပါတယ်။ ကိုယ့် ကင်မရာနဲ့ကိုယ် ရိုက်ခွင့်မရတော့ သူတို့ကင်မရာနဲ့ ရိုက်ပေးတဲ့ပုံနဲ့ပဲ တင်းတိမ်ခဲ့ရပါတယ်။


ညဖက်မှာ မြောက်ပိုင်းရောင်ချည် Northern Light ကိုမြင်ရမလားဆိုပီး စောင့်ကြည့်ခဲ့ပေမဲ့ ဘာမှ ထူးထူးခြားခြားပေါ်မလာခဲ့ပါဘူး။ ဒီမြို့ကိုကျော်ပီး မြောက်ဖက်ကိုဆက်သွားမှ မြင်ရနိုင်တယ်လို့ ဒေ သခံတွေက အကြံပြုပေမဲ့ ဝေးလွန်းတာရယ်၊ အေးလွန်းတာရယ်တွေကြောင့် ကျနော်တုို့ ဆက်မသွား နိုင်တော့ပါဘူး။ အလားတူ အက်စကီးမိုး Sami people တွေရှိရာအရပ်ဆီလဲ မသွားနိုင်တော့ပါဘူး။ အာတိတ်စက်ဝိုင်းဖြတ်သွားရာ ၆၆. ၃၃ ဒီဂရိမျဉ်းပေါ်မှာပဲ အမှတ်တရာ ဓါတ်ပုံတွေရိုက်ပြီး ကျနော်တို့ အုပ်စု မြောက်ဝင်ရိုးစွန်းအရပ်ကနေ လှည့်ပြန်လာခဲ့ပါတယ်။        ။

(မှတ်ချက်။     ။ဒီခရီးစဉ်အကြောင်းကို ရုပ်-သံ မှတ်တန်းကို အောက်မှာ ကြည့်ရှုနိုင်ပါတယ်။ ၈ မီနစ် စာ ရုပ်-သံကို ၈ မျက်နာအထိရေးပြိး ကျနော်ရှင်းပြထားခြင်းသာဖြစ်ပါတယ်)



Friday, February 22, 2013

သမ္မတဦးသိန်းစိန် ၂၅ ရက်နေ့မှာ ဥရောပ ၅ နိုင်ငံသို့ ခရီးသွားလာပြီ။

 ဦးသိန်းစိန်ခရီးစဉ်အတွက် Facebook ပေါ်က  နောက်ဆုံးရသတင်းများ
(ကိုညို- အောစလိုမှယူသည်)


“နိုင်ငံရေးဗွက်ထနေအုံးမဲ့ အော်စလို.”

မနက်ဖန် သမတ ဦးသိန်းစိန် အော်စလိုလာမယ်။
ညပိုင်းမှာ သမတညစာစားပွဲတက်ဖို့ မြန်မာတချို့ ကို တိတ်တိတ်လေးခေါင်းခေါက်ပြီးဖိတ်ထားတယ
်။ 


သမတကိုထောက်ခံတဲ့ NLD(LA)ကလူကြီးလူကောင်းတချို့၊ ပြည်ပမှာတသွေးတမွေးနဲ့ စိုပြေနေတဲ့ တိုင်းရင်းခေါင်းဆောင် အမည်ခံတချို့နဲ့ တော်လှန်ရေး နိုင်ငံရေးသမား မျက်နှာဖုံးစွပ် တွေ အဲဒီသမတညစာစားပွဲတက်ပြီး ၀ိုင်တခွက်နဲ့ သိက္ခာတသက်စာလဲကြလိမ်ပမယ်။ ပွဲကကြည့်ကောင်းတယ်။
အဲဒီအချိန်..ညနေခင်းမှာတော့ သမတ ဦးသိန်းစိန်ကို ကန့်ကွက်ဆန္ဒပြကြအုံးမဲ့ လူတွေလည်းအများကြီး။
 
တဘက်ခါ ဗုဒ္ဓဟူးနေကျတော် သမတက မြန်မာတွေအားလုံးနဲ့ တနာရီလောက် အချိန်ပေးတွေ့မယ်လို့ပြောတယ်။ မေးစရာမေးခွန်းလဲဖြေမယ်တဲ့ ဘယ်နှစ်ခွန်းပဲဖြေမလဲမသိဖူး။

 
အဲဒီအချိန်…ရိုဟင်ဂျာတွေကလည်း အပြင်မှာဆန္ဒပြကြမယ်တဲ့.. အာဖဂန်နစ္စတန်တို့၊ပါကစ္စတန်တို့နဲ့ အစ္စလမ်မစ် မွတ်စလင်အဖွဲ့ကလူတွေလည်းဖိတ်ထားသတဲ့။

 
အော်စလိုမှာဗွက်ပေါက်မဲ့ နေ့တွေပဲ။ ကောင်းလေစွ။
ကိုယ်ကတော့ ဓာတ်ပုံရိုက်မယ်။ Video ၇ိုက်မယ်။ သတင်းရေးမယ်။

.............................................................



(နိုင်ငံတော်သမ္မတ ဦးဆောင်သော မြန်မာကိုယ်စားလှယ်အဖွဲ့တွင် အဖွဲ့ဝင်များအဖြစ် ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဗိုလ်ချုပ်ကြီးစိုးဝင်း၊ ပြည်ထောင်စုဝန်ကြီး ဦးဝဏ္ဏမောင်လွင်နှင့် ဦးစိုးသိန်း၊ ဒုတိယဝန်ကြီး ဦးသန့်ကျော်၊ ဦးရဲထွဋ်၊ ဒေါက်တာဒေါ်သက်သက်ဇင်၊ ဒေါက်တာ ဒေါ်သိန်းသိန်းဌေးနှင့် ဌာနဆိုင်ရာ အကြီးအကဲများ လိုက်ပါသွားကြသည်။)


"နိုင်ငံတော်သမ္မတ ဦးသိန်းစိန် ဥရောပသမဂ္ဂအဖွဲ့ဝင် ငါးနိုင်ငံသို့ ချစ်ကြည်ရေး ခရီးထွက်ခွာ"

နေပြည်တော် ဖေဖော်ဝါရီ ၂၅

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတဦးသိန်းစိန်သည် ဥရောပသမဂ္ဂ အဖွဲ့ဝင်နိုင်ငံများဖြစ်သည့် နော်ဝေ၊ ဖင်လန်၊ သြစတြီးယား၊ ဘယ်လ်ဂျီယံနှင့် အီတလီ နိုင်ငံတို့သို့ ချစ်ကြည်ရေးခရီးသွားရောက်ရန် ယနေ့နံနက် (၉) နာရီတွင် အထူး လေယာဉ်ဖြင့် နေပြည်တော်မှ ခရီးစတင်ထွက်ခွာသွားသည်။

နိုင်ငံတော်သမ္မတဦးသိန်းစိန် ဦးဆောင်သော ကိုယ်စားလှယ်အဖွဲ့အား ဒုတိယသမ္မတများ ဖြစ်ကြသော ဒေါက်တာစိုင်းမောက်ခမ်း နှင့် ဦးဥာဏ်ထွန်း၊ တပ်မတော်ကာကွယ်ရေး ဦးစီးချုပ် ဒုတိယ ဗိုလ်ချုပ်မှူးကြီး မင်းအောင်လှိုင်၊ ပြည်ထောင်စုဝန်ကြီးများ ဖြစ်ကြသည့် ဒုတိယဗိုလ်ချုပ်ကြီးကိုကို၊ ဦးအောင်ကြည်၊ ဦးသိန်းညွန့်၊ ဦးစိုးမောင်၊ ဦးတင်နိုင်သိန်း၊ ဦးဥာဏ်ထွန်းအောင်၊ ဦးသန်းဌေး၊ ဦးအေးမြင့်နှင့် ဦးမောင်မြင့်၊ တိုင်းမှူး ဗိုလ်ချုပ် မောင်မောင်အေး၊ ဒုတိယဝန်ကြီး ရဲချုပ် ကျော်ကျော်ထွန်း၊ ဌာနဆိုင်ရာ အကြီးအကဲများ နှင့် နော်ဝေ နိုင်ငံ သံရုံးမှ လီလန်အော့တို တို့က နေပြည်တော် လေဆိပ်တွင် ပို့ဆောင် နှုတ်ဆက်ကြသည်။

နိုင်ငံတော်သမ္မတ ဦးဆောင်သော မြန်မာကိုယ်စားလှယ်အဖွဲ့တွင် အဖွဲ့ဝင်များအဖြစ် ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဗိုလ်ချုပ်ကြီးစိုးဝင်း၊ ပြည်ထောင်စုဝန်ကြီး ဦးဝဏ္ဏမောင်လွင်နှင့် ဦးစိုးသိန်း၊ ဒုတိယဝန်ကြီး ဦးသန့်ကျော်၊ ဦးရဲထွဋ်၊ ဒေါက်တာဒေါ်သက်သက်ဇင်၊ ဒေါက်တာ ဒေါ်သိန်းသိန်းဌေးနှင့် ဌာနဆိုင်ရာ အကြီးအကဲများ လိုက်ပါသွားကြသည်။

နိုင်ငံတော်သမ္မတနှင့် အဖွဲ့၏ ဥရောပသမဂ္ဂငါးနိုင်ငံခရီးစဉ်သည် (၁၂) ရက် ကြာမြင့်မည် ဖြစ်ပြီး ချစ်ကြည်ရင်းနှီးမှု ပိုမိုတိုးမြင့် ခိုင်မာရေး သဘာဝပတ်ဝန်းကျင် ထိန်းသိမ်းရေးနှင့် မြန်မာနိုင်ငံတွင် ရင်းနှီးမြှုပ်နှံမှု တိုးမြှင့်လာစေရေးတို့အတွက် သွားရောက်ခြင်း ဖြစ်ကြောင်း သိရှိရသည်။

(နိုင်ငံတော် သမ္မတရုံး)
 ................................................................................

သမ္မတခရီးစဉ် တရားဝင်ထုတ်ပြန်ပြီ။

နော်ဝေ၊ ဖင်လန်၊ သြစတြီးယား၊ ဘယ်လ်ဂျီယံနဲ့ အီတလီ ၅-နိုင်ငံ ဥရောပ ခရီးဖြစ်ပါတယ်။

Burmese (Myanmar) President U Thein Sein will visit to 5 countries in Europe: Norway, Finland, Austria, Belgium and Italy.


 ၂၅ သို့မဟုတ် ၂၆ ရက်နေ့မှာ နော်ဝေးနိုင်ငံသို့ရောက်မှာဖြစ်ပြီး နိုင်ငံခြားရေးဝန်ကြီး၊ စီးပွါးရေးဆိုင်ရာဝန်ကြီးတွေနဲ့ ကိုယ်စားလှယ်အဖွဲ့ အင်အားအတော်များလိမ့်မယ်လို့ သိရပါတယ်။

နော်ဝေးအစိုးရတာဝန်ရှိသူတွေနဲ့တွေ့တာအပြင် နော်ဝေးရောက် မြန်မာမိသားစုတွေနဲ့လဲ တွေ့ဆုံဖို့ ဖိတ်ခေါ်ထားကြောင်းသိရပါတယ်။

အကယ်၍ (ကဗျာ)

IF
Composed By RUDYARD KIPLING (Burmese Translation by Aung San Suu Kyi)
အကယ်၍
(ရေး-RUDYARD KIPLING)
(ဒေါ်အောင်ဆန်းစုကြည် ဘာသာပြန်သည်)


____________
If you can keep your head when all about you,
Are losing theirs and blaming it on you,

အကယ်၍
မင်းအသိုင်းအ၀ိုင်းက
တုန်လှုပ်ခြောက်ခြားပြီး
ဒါတွေဟာ
မင်းကြောင့်လို့
ဝိုင်းဝန်းပြစ်တင်ကြတဲ့အခါ
မင်းဟာ
ခေါင်းအေးအေးနဲ့ ရင်ဆိုင်နိုင်မယ်ဆိုရင်. . . . . . . .. . .။

If you can trust yourself when all men doubt you,
But make allowance for their doubting too,

အကယ်၍
အားလုံးက မင်းကို
မယုံသင်္ကာဖြစ်လာတဲ့အခါ
သူတို့ကို နားလည်စွာခွင့်လွှတ်ရင်းနဲ့
မင်းကိုယ်မင်း ယုံကြည်မှုအပြည့်ရှိမယ်ဆိုရင်. . . . . . . . .။

IF you can bear to hear the truth you’ve spoken
Twisted by knaves to make a trap for fools,
On watch the things you gave your life to broken.
And stoop and build ’em up with wornout tools:

အကယ်၍
မင်းရဲ့အမှန်စကားတွေကို
လူလိမ်လူညစ်တွေက
လှည့်စားပြောင်းလဲပြီး
မုသားအဖြစ် ထောင်ချောက်ဆင်ညစ်တဲ့အခါ
မင်းဟာ
တည်ငြိမ်စွာနဲ့ နာကြားနိုင်မယ်ဆိုရင်
ဒါမှမဟုတ်
မင်းဘ၀တစ်ခုလုံးပေးပြီး
အရိပ်တကြည့်ကြည့် ဖြည့်ဆီးခဲ့ရတဲ့ အရာရာကို
ဖျက်ဆီးခံလိုက်ရပြီးတဲ့ နောက်မှာ
အင်မတန်သေးငယ်တဲ့ တန်ဆာပလာ အရာရာနဲ့
ပြန်လည်တည်ဆောက်နိုင်မယ်ဆိုရင်. . . . . . . . .။

If you can make one heap of all your winnings,
And risk it on one turn of pitch-and-toss.
And lose, and start again at your beginnings,
And never breath a word about your loss:

အကယ်၍
မင်းနိုင်ခဲ့သမျှတွေအားလုံးဟာ
ကြွေတစ်လှည့် ကြက်တစ်ခုန်ပမာ
တစ်လှည့်တစ်ခါတည်းနဲ့ ဆုံးရှုံးသွားခဲ့ရင်….
ပြီးတော့
အစကနေ ပြန်စနိုင်မယ်ဆိုရင်….
ပြီးတော့တစ်ခါ
ဆိုးလှတဲ့ကံကြမ္မာရယ်လို့
ဘယ်သောအခါမှ ညည်းညူးမနေဘူးဆိုရင်. . . . . .။

If you can force your heart and nerve and sinew,
To serve your turn long after they are gone,
And so hold on when there is nothing in you
Except the Will which says to them: ‘ Hold on:!’

အကယ်၍
သူများတကာ လုပ်ပြီးသွားကြလို့ အချိန်အတော်ကြာမှ
မင်းအလှည့်ရောက်လာတဲ့အခါ
မင်းတစ်ယောက်တည်းနဲ့ပဲ
အားနဲ့မာန်နဲ့ ဇွဲသတ္တိရှိရှိ ဆက်ကြိုးစားမယ်ဆိုရင်…..
အဲဒီလိုပဲ
မင်းမှာ စိတ်အင်အားကလွဲလို့
ဘာဆိုဘာမှ မရှိတော့တဲ့အခါ
အဲဒီစိတ်ဓာတ်အင်အားကို
ခိုင်မာစွာနဲ့ပဲ ဆက်လက်ဆုပ်ကိုင်ထားနိုင်မယ်ဆို
ရင်. . . . . .။

If you can wait and not be tired by waiting,
Or, being lied about, don’t deal in lies,
Or being hated, don’t give way to hating,
And yet don’t look too good, nor take too wise,

အကယ်၍
စောင့်သင့်တဲ့အချိန်ကို စောင့်နိုင်ပြီး
အဲဒီအတွက်လည်း မမောမပန်းနေနိုင်မယ်ဆိုရင်…
ဒါမှမဟုတ်
မင်းရဲ့အကြောင်း
မဟုတ်တရား မုသားစကား ကြားရတဲ့အခါ
မင်းကလည်း အလိမ်အညာတွေနဲ့
မတုန့်ပြန်ဘူးဆိုရင်….
ဒါမှမဟုတ်
မင်းကို လူတကာက ၀ိုင်းဝန်းမုန်းတီးတဲ့အခါ
မင်းဟာ အမုန်းတွေပြန်မပွားဘူးဆိုရင်….
ပြီးတော့
မင်းကိုမင်း လူတော်တစ်ယောက်ရယ်လို့ မမြင်ဘဲ
ပညာရှိစကားတွေလည်း မပြောဘူးဆိုရင် . . . . . . . ။

If you can dream-and not make dreams your master;
If you can think-and not make thoughts your aim;

အကယ်၍
စိတ်ကူးယဉ် အိပ်မက်တွေဟာ
မင်းအပေါ် မလွှမ်းမိုးစေဘဲ စိတ်ကူးနိုင်မယ်ဆိုရင်…
အတွေးအခေါ် စိတ်ကူးတွေဟာ
မျှော်မှန်းချက်သက်သက်သာ မဖြစ်စေဘဲ တွေးခေါ်နိုင်မယ်ဆိုရင်. . . . . . ။

If you meet with triumph and disaster,
And treat those two imposters just the same;

အကယ်၍
အောင်မြင်မှုသုခနဲ့ ဆုံးရှုံးမှုဒုက္ခတွေကို ကြုံတွေ့ရတဲ့အခါ
တူညီသော လောကဓံ တရားတွေပါလား ရယ်လို့
ခံယူထားနိုင်မယ်ဆိုရင်. . . . . .။

If you can talk with crowds and keep your virtue,
Or walk with kings – nor lose the common touch,

အကယ်၍
လူတွေနဲ့ထိတွေ့ပြောဆိုဆက်ဆံရတဲ့
အခါ
ကိုယ်ကျင့်သိက္ခာကို စောင့်ထိန်းနိုင်မယ်ဆိုရင်…..
ဒါမှမဟုတ်
မင်းဧရာဇ်တွေနဲ့ အတူလမ်းလျှောက်နေရပေမယ့်
မာန်မာန သွေးမကြွဘူးဆိုရင်….

If neither foes nor loving friends can hurt you,

အကယ်၍
ရန်သူကဖြစ်စေ၊မိတ်ဆွေကဖြစ်စေ
မင်းကိုသိပ်ပြီး နာကျည်းအောင် မလုပ်နိုင်စေရင်. . . . . . ။

If all men count with you, but none too much;

အကယ်၍
လူတိုင်းကို တန်ဖိုးထားလေးစားရပေမယ့်
စွဲလမ်းမှု သံယောဇဉ်တွေ ထားမနေဘူးဆိုရင်….

If you can fill the unforgiving minute,
With sixty seconds’ worth of distance run-

အကယ်၍
တိုတောင်းလှတဲ့ မပစ်ပယ်နိုင်တဲ့ တစ်မိနစ်အတွင်းမှာ
အဓိပ္ပါယ်ရှိလှတဲ့ စက္ကန့်ခြောက်ဆယ် အဖြစ်
အသုံးချနိုင်မယ်ဆိုရင်. . . . .။

Yours is the Earth and everything that’s in it,
And – which is more – you’ll be a Man my son!

ငါ့သားရေ
မင်းဟာ
အရာရာရှိတဲ့၊အရာရာဖြစ်တဲ့
ကမ္ဘာကြီးကို ဆုပ်ကိုင်လို့
အရာရာ ဘာမဆို မင်းစွမ်းနိုင်ပြီပေါ့….။
အဲဒီတော့ မင်းဟာလည်း
ယောက်ျားကောင်းတစ်ယောက်ပဲပေါ့။

Thursday, February 21, 2013

စစ်မှန်တဲ့ သတင်းလွတ်လပ်ခွင့် ရရှိတော့မလား

ဦးကျော်ဇံသာ,20.02.201, VOA.
 
ဒီတပတ် မြန်မာ့အရေး မျက်မှောက်ရေးရာ ဆွေးနွေးခန်းမှာ မြန်မာနိုင်ငံမှာ စစ်မှန်တဲ့ သတင်းလွတ်လပ်ခွင့် ပေါ်ထွန်းရေးအတွက် အစိုးရနဲ့ မီဒီယာလောကအကြား အပြန်အလှန် နားလည်မှု နဲ့ ယုံကြည်စိတ်ချမှု ရှိဖို့လည်း လိုအပ်တယ်လို့ နိုင်ငံတော်သမ္မတရဲ့ ပြောခွင့်ရပုဂ္ဂိုလ် ပြန်ကြားရေး ဒုတိယဝန်ကြီး ဦးရဲထွဋ် က ပြောဆိုပါတယ်။ သတင်းလွတ်လပ်ခွင့် ဖန်တီးရေးမှာ တွေ့ကြုံရတဲ့ စိမ်ခေါ်မှုတွေ နဲ့ ပတ်သက်ပြီး ဦးရဲထွဋ် နဲ့ ဦးကျော်ဇံသာတို့ ဆွေးနွေးသုံးသပ်ထားပါတယ်။
 

ဦးကျော်ဇံသာ ။ ။ မြန်မာနိုင်ငံမှာ ဒီမိုကရေစီပြုပြင်ပြောင်းလဲရေးနှင့်အတူ သတင်းလွတ်လပ်ခွင့်တွေကို ဖော်ဆောင်ပေးဖို့ဆိုပြီးတော့ လုပ်လာနေပါတယ်။ ဆိုတော့ နှစ်ပေါင်းများစွာ ရာစုဝက်နီးပါး သတင်းလွတ်လပ်မှုကို ပိတ်ပင်ထားခြင်းခံခဲ့ရတဲ့ လူ့အဖွဲ့အစည်းတစ်ခုမှာ မီဒီယာလွတ်လပ်ခွင့်ကို ဖန်တီးဖို့ လုပ်ရတာဟာ လွယ်ပါရဲ့လား။ ဘယ်လို အခက်အခဲတွေ စိန်ခေါ်မှုတွေ တွေ့ရသလဲဆိုတာ ပထမဦးဆုံး ပြောပြပါလား။ အကျဉ်းရုံးလေး။

ဦးရဲထွဋ် ။ ။ တကယ်တော့ ကျနော်တို့ ဦးကျော်ဇံသာ ပြောသလိုပဲ နှစ်ပေါင်းများစွာ ကျနော်တို့ တံခါးပိတ်ထားခဲ့တဲ့ ထိန်းချုပ်မှုတွေ အရမ်းများခဲ့တဲ့ လူအဖွဲ့အစည်းတစ်ခုမှာ ကျနော်တို့ ဒီသတင်းလွတ်လပ်ခွင့်တွေ မီဒီယာလွတ်လပ်ခွင့်တွေ လုပ်တဲ့အခါမှာ ကျနော်တို့ စိန်ခေါ်မှုတွေ အများကြီးကြုံရပါတယ်။ ကျနော်တို့ဖက်က အစိုးရဖက်က စိန်ခေါ်မှုတွေကို စပြောရရင် ကျနော်တို့ဖက်မှာလည်းပဲ ဒီလို ကိုယ့်ကိုယ်ကို ဝေဖန်တဲ့ကိစ္စမျိုးတွေ မီဒီယာလွတ်လပ်ခွင့်တွေနှင့် ပတ်သက်လို့ရှိရင် အသားမကျသေးတဲ့ကိစ္စတွေ ကျနော်တို့ ရင်ဆိုင်ရပါတယ်။

တဖက်က ကျနော်တို့ ပြည်တွင်းက မီဒီယာတွေဖက်ကနေ ပြောရမယ်ဆိုရင်လည်း ပြန်ကြားရေးဝန်ကြီးဌာနက နှစ်ပေါင်းများစွာ မီဒီယာကို ထိန်းချုပ်တဲ့အဖွဲ့အစည်းတစ်ခုအဖြစ်နှင့် ဆောင်ရွက်လာပြီးတော့မှ ကျနော်တို့က အသွင်ကူးပြောင်းရေးကို လုပ်တဲ့အခါမှာ ကျနော်တို့အပေါ် သံသယတွေ ရှိနေသေးတာလည်း ရှိပါတယ်။ ဒီနှစ်ခုကတော့ ကျနော်တို့ အကြီးမားဆုံး ရင်ဆိုင်ရတဲ့ စိန်ခေါ်မှုပေါ့။ ကျန်တဲ့ အတက်ပညာပိုင်းဆိုင်ရာ၊ နည်းပညာပိုင်းဆိုင်ရာ၊ ကျင့်ဝတ်ပိုင်းဆိုင်ရာ အတွေ့အကြုံနည်းပါးမှု စိန်ခေါ်မှုလေးတွေလည်း ကျနော်တို့ ရှိပါတယ်။

ဦးကျော်ဇံသာ ။ ။ အခု ကျနော် သတင်းသမားတွေဆီက တဆင့်ကြားတယ်။ နောက်ပြီး မြန်မာနိုင်ငံသတင်းသမားတွေ ပို့လာတဲ့ သတင်းတွေကိုကြည့်တော့ အချက်အလက်ကိုတော့ အတော်လေး လွတ်လွတ်လပ်လပ် သူတို့ ရေးသားထောက်ပြလာကြတာ တွေ့ပါတယ်။ ဒါပေမယ့် ဝေဖန်မှုတွေကြတော့ သူတို့ သိပ်ပြီးတော့ မလုပ်နိုင်တာ မလုပ်ဖြစ်တာကို တွေ့ရပါတယ်။ ဆိုတော့ စောစောက ဦးရဲထွဋ်ပြောသလို အစိုးရပိုင်းကလည်းပဲ ဒီကိစ္စ သူတို့ကို ထောက်ပြဝေဖန်တာနှင့် ပတ်သက်ပြီး သူတို့သိပ်ပြီးတော့ မယဉ်ပါးသေးဘူး။ အလေ့အကျင့် မရှိသေးဘူးဆိုတော့ ဒီကိစ္စကို ဘယ်လိုပြုပြင်လို့ ရနိုင်မယ်ထင်ပါသလဲ။

ဦးရဲထွဋ် ။ ။ ဒါကတော့ ကျနော်တို့ ပထမဦးဆုံးကတော့ အခု နိုင်ငံတော်သမ္မတကြီးကနေ သူကိုယ်တိုင် စံပြလုပ်ပြနေတဲ့အတွက်ကြောင့်မို့လို့ ကျနော်တို့ အထက်ပိုင်းမှာရှိတဲ့ တာဝန်ရှိသူတွေကတော့ မီဒီယာလွတ်လပ်ခွင့်ရယ်၊ ဒီမိုကရေစီအသွင်ကူးပြောင်းရေးမှာ မီဒီယာက အရေးပါတဲ့ကဏ္ဍက ပါဝင်တယ်ဆိုတာတော့ ဒါကျနော်တို့ ဒီထိပ်ပိုင်း မူဝါဒ ချမှတ်သူတွေအပိုင်းမှာတော့ သဘောပေါက်ပါတယ်။ အထူးသဖြင့် အလယ်အလတ်နှင့် ကျနော်တို့ ဒီအောက်ခြေအပိုင်းမှာတော့ မီဒီယာတွေက ငါတို့ကို အမြဲတမ်းပဲ ဝေဖန်မယ့်လူတွေပဲ အကောင်းပြောမှာ မဟုတ်ဘူး။ မီဒီယာကို ပြောလိုက်ရင်၊ မေးတဲ့ဟာကို ဖြေလိုက်ရင် တစ်ခုခုများ မှားသွားမလား။ သူတို့ပြောတဲ့ဟာကို မီဒီယာကနေပြီးတော့မှ လိုသလိုဆွဲပြီးရေးသားလိုက်မလား ဆိုတဲ့ဟာတွေကတော့ ကျနော်တို့ ကျန်နေဆဲဖြစ်ပါတယ်။ ဒါတွေအတွက်လည်း ကျနော်တို့တော့ ဒီဝန်ကြီးဌာနတွေက ပြောရေးဆိုခွင့်ရှိသူတွေ တာဝန်ထမ်းဆောင်တဲ့သူတွေကို သင်တန်းနှစ်ကြိမ် ပေးခဲ့ပြီးပါပြီ။

သို့သော် ဘာပဲပြောပြော ကျနော်တို့ဖက်ကကြီးပဲ ပြုပြင်လို့မရပဲနှင့် ဒီပုဂ္ဂလိက မီဒီယာတွေအပိုင်းကလည်း ဝန်ထမ်းတွေစိတ်ထဲမှာ ရှိနေတဲ့ စိုးရိမ်မှုတွေ ကြောင့်ကြမှုတွေ လုပ်ငန်းဆောင်ရွက်တဲ့အထဲမှာ ကြုံနေရတဲ့အခက်အခဲတွေကိုလည်း စာနာနားလည်ပေးပြီးတော့မှ လုပ်ပေးမယ်ဆိုရင်တော့ ပိုကောင်းတဲ့ဆက်ဆံရေးရလာမှာပါ။ ပိုကောင်းတဲ့ဆက်ဆံရေးနှင့် အပြန်အလှန်နားလည်းမှု ပူးပေါင်းလိုက်ရင်တော့ ကျနော်တို့မှာ စံမီပြည့်မီ စာနယ်ဇင်းလွတ်လပ်ခွင့်ကို ကျင့်သုံးနိုင်တဲ့အဆင့်ကို တဖြည်းဖြည်းနှင့် ရောက်ရှိသွားမယ်လို့ထင်ပါတယ်။

ဦးကျော်ဇံသာ ။ ။ နောက်တစ်ခုက တချို့ကထောက်ပြကြတယ်။ မြန်မာနိုင်ငံမှာ ဥပဒေတချို့က ပြုပြင်ဖို့လိုသေးတယ်။ မီဒီယာနှင့် ပတ်သက်လို့ ဥပမာအားဖြင့် Electronic Act လို့ ထင်ပါတယ်။ အဲဒီဟာဆိုလို့ရှိရင် မီဒီယာသမားတွေအတွက် စိုးရိမ်စရာရှိတဲ့အခြေအနေလို့ ပြောကြပါတယ်။ တချို့ကလည်းပဲ အခုထိ ဒါထုတ်တင်စနစ်ပေါ့။ Publish လုပ်ပြီးမှ သူတို့က အမြဲတမ်းခေါ်ပြီးတော့ စစ်ဆေးနိုင်တယ်ဆိုတဲ့အနေအထား ရှိနေသေးတယ်လို့ ပြောပါတယ်။ အဲဒီဟာတွေကို ဘယ်တော့ ပပျောက်နိုင်ဖို့ အလားအလာ ရှိပါသလဲ။

ဦးရဲထွဋ် ။ ။ ဟိုဖက်က Electronic ဥပဒေနှင့် ပတ်သက်လို့ကတော့ ကျနော်တို့ ဆက်သွယ်ရေး ဒုတိယဝန်ကြီး ဦးသောင်းတင် လွှတ်တော်ထဲမှာ ဖြေကြားသွားတဲ့အထဲမှာလည်း ပါပါတယ်။ ဒါကိုတော့ သူတို့ ပြန်ဆွဲပါမယ်။ ဒါကို ခေတ်နှင့်ကိုက်ညီအောင် ပြန်ဆွဲပြီးတော့မှ လုပ်ပါ့မယ်လို့ပြောသွားပါတယ်။ ကျနော်တို့ဖက်မှာ လက်ရှိ ထုတ်တင်ဆိုတာကတော့ တကယ်တော့ ကျနော် မှတ်တမ်းအတွက် တောင်းတဲ့ဟာပဲ ရှိပါတော့တယ်။ ကျနော်တို့မှာ ထုတ်တင်လုပ်တာက မှတ်တမ်းသိမ်းထားတယ်။ တချို့ဟာတွေကို အမျိုးသားစာပေစုနှင့် အမျိုးသားစာကြည့်တိုက်ကို ပေးတယ်။ လက်ရှိ ကျနော်တို့ လုပ်နေတာကတော့ ကျနော်တို့ဆီကို တစ်ယောက်ယောက်က Complain မလုပ်လို့ ရှိရင်ဆိုတော့ ကျနော်တို့ အဲဒါမျိုးတွေကို ဆင်ဆာလုပ်ပြီးတော့ လိုက်ကြည့်နေတာမျိုးတွေလည်း မရှိပါဘူး။ ဒီထုတ်တင်စနစ် ကျင့်သုံးပြီးတဲ့နောက်ပိုင်းမှာ ကျနော်ထင်တယ် ကျနော်တို့ဆီက ဒီရေးသားချက်နှင့်ပတ်သက်ပြီးတော့ ခေါ်ပြီးသတိပေးတယ်ဆိုတာ ကျနော်တို့ မရှိတော့ပါဘူး။ ကိစ္စလေး နှစ်ခု သုံးခုမှာပဲ လောင်းကစားလိုကိစ္စမျိုးတွေ ဒါမျိုးမှာတော့ ကျနော်တို့က နောက်တစ်ခါ အမျိုးသမီးတွေရဲ့ရုပ်ပုံတွေ ဖော်ပြတဲ့အထဲမှာ နည်းနည်း အလွန်အကျွံဖြစ်တဲ့ကိစ္စမျိုးတော့ ကျနော်တို့ စာနယ်ဇင်းကောင်စီကို အကြောင်းကြားတာရှိပါတယ်။ ဒါကြောင့်မို့လို့ ကျနော်ထင်တယ်။ ထုတ်တင်စနစ် ကျင့်သုံးနေတာဟာ စာနယ်ဇင်းလွတ်လပ်ခွင့်ပေါ်မှာ ဘာမှသွားပြီး အနှောက်အယှက် မဖြစ်ဘူးလို့တော့ ကျနော် ယုံကြည်ပါတယ်။

ဦးကျော်ဇံသာ ။ ။ ဟုတ်ကဲ့။ ဒါပေမယ့် အဲဒီထုတ်ဝေသူတချို့နှင့် စာရေးသူတချို့ကတော့ အဲဒီဟာကိုလည်း သူတို့ နည်းနည်း စိတ်ထဲမှာ တခြိမ်းခြိမ်း ဖြစ်နေကြသေးတာတော့ အမှန်ပဲ။

ဦးရဲထွဋ် ။ ။ဒါကြောင့်လည်း ကျနော် ပြောတာပေါ့။ ကျနော်တို့ အသွင်ကူးပြောင်းရေးကာလ လုပ်တဲ့အခါမှာ ကျနော်တို့ကို လုပ်ဖော်ကိုင်ဖက်အဖြစ်မြင်ဖို့။ ကျနော်တို့ကို ယုံကြည်ဖို့ဆိုတဲ့ဟာက ကျနော်တို့ တော်တော်ကျော်လွှားနေရတဲ့ စိန်ခေါ်မှုပဲ။ ဘာဖြစ်လို့လဲဆိုတော့ လူတွေက ဖြတ်သန်းလာခဲ့တဲ့ အတွေ့အကြုံနှင့် ခံစားမှုတွေ ရှိနေသေးတဲ့အတွက်ကြောင့်မို့လို့ အဲဒါတွေကို မကျော်လွှားနိုင်ပဲနှင့် သံသယတွေဖြစ်နေတယ်လို့ ကျနော်တော့ ထင်ပါတယ်။

ဦးကျော်ဇံသာ ။ ။ နောက်အာဏာပိုင်တွေ အစိုးရတာဝန်ရှိတဲ့ လူတွေအပိုင်းက တချို့နိုင်ငံတွေမှာဆိုရင် သူတို့ကတော့ သိပ်အဆင့်မြင့်နေပြီလို့ ဆိုရမလား။ လူပြက်တွေကအစ ပျက်လုံးထုတ်တာ ပြင်သစ်တို့ ဘာတို့မှာဆိုလည်း ကာတွန်းရုပ်နှင့်အစ နိုင်ငံရေးခေါင်းဆောင်တွေကို သူတို့ ပြောကြ ဝေဖန်ကြတာတွေ ရှိပါတယ်။ အဲဒါကိုလည်းပဲ သူတို့ဟာ ဘာမှ အမှုမဲ့အမှတ်မဲ့ဘဲ ဒီလိုပဲ သူတို့ ပြောစရာရှိလို့ပြောတာပဲဆိုပြီးတော့ မျက်ကွယ်ပြုထားလိုက်ကြတာပဲ။ အဲဒီလို ပုံစံမျိုးဖြစ်လာဖို့တော့ အတော်ဝေးဦးမယ် ထင်ပါတယ် ဗမာပြည်မှာ။

ဦးရဲထွဋ် ။ ။ အဲဒါမျိုးကတော့လေ။ ဦးကျော်ဇံသာရေ။ ကျနော်တို့ အစိုးရတင်ပဲ မဟုတ်ပါဘူး။ ဘာဖြစ်လို့လဲဆိုတော့ ဒီပြည်သူ့ရဲ့မျက်စိအောက်မှာ နေနေရတဲ့ အနုပညာရှင်တွေရော နိုင်ငံရေးသမား အားလုံးပေါ့ နိုင်ငံရေးပါတီအသီးသီးက လူတွေကော စီးပွားရေးလုပ်ငန်းတွေမှာ လုပ်နေတဲ့လူတွေ နောက်တစ်ခါ Civil Society မှာ တာဝန်ယူနေရတဲ့သူတွေ ဒါတွေအားလုံးက ရင့်ကျက်ဖို့ လိုပါတယ် ခင်ဗျာ။ အစိုးရတစ်ခုတည်းကပဲ ဒီကာတွန်းဆွဲတာကို သည်းခံနိုင်မှ ရမယ်လို့တော့ ပြောလို့မရဘူး။ လူတွေအားလုံးရဲ့ အယူအဆ အမူအကျင့်ပေါ်မှာ မူတည်မယ် ထင်တယ်ခင်ဗျ။

ဦးကျော်ဇံသာ ။ ။ ဟုတ်ကဲ့။ ဆိုတော့ ကျနော်က အဲဒါကြောင့်ပေါ့ ဒီလူအဖွဲ့အစည်းကိုယ်၌်က ပိတ်ပင်ပြီးတော့နေခဲ့ရတယ်။ လူ့အဖွဲ့အစည်းအောက်မှာ နှစ်ပေါင်းများစွာကြောင့် ဒီလိုစရိုက်မျိုး ဖြစ်လာဖို့ကတော့ တစ်စုံတစ်ခု ကျနော်တို့ လုပ်ပေးဖို့လိုတယ် ထင်ပါသလား။ သို့မဟုတ် လွတ်လပ်ခွင့်ပေးထားရင် တစ်ချိန်ချိန်မှာ ဖြစ်သွားမယ်လို့ ထင်ပါသလား ဦးရဲထွဋ်။

ဦးရဲထွဋ် ။ ။ ဒါပေမယ့် ကျနော့် ပုဂ္ဂလိကအယူအဆ ပြောရင်တော့ ဒီကာတွန်းတို့ ရုပ်ပြောင်တို့ သရုပ်ပျက်တို့ စာတွေမှာ ကျနော်တို့ရဲ့ ဗမာမှာလည်း ထားရှိရတဲ့ လေးစားမှုတွေဟာတွေ ရှိသေးတာကိုး။ အဲဒါမျိုးတွေကို သွားပြီးတော့ ထိခိုက်နိုင်လောက်တဲ့အထိတော့ ကျနော်တော့ မဖြစ်စေချင်ပါဘူး။ ဒီလို ကာတွန်းနှင့် ပျက်လုံးတွေပေါ့ လူရဲ့ဂုဏ်သိက္ခာကို ထိခိုက်စေတဲ့ ပျက်လုံးမျိုးတွေ မထုတ်ဘဲနှင့်လည်း စာနယ်ဇင်းလွတ်လပ်ခွင့်ကို ကျင့်သုံးလို့ရတယ်။ စတုတ္ထမဏ္ဍိုင်ကို ဖြည့်ဆည်းရတယ်လို့တော့ ကျနော်ထင်ပါတယ်။ ဒါကို ကျနော်တို့ ပုဂ္ဂိုလ်တစ်ဦးချင်းအရ ပြောရင်တော့ ကျနော်တို့သည် ကျင့်သုံးတဲ့နေရာမှာ အဲဒီလောက်အထိ အမေရိကားတို့ ဒီ ဥရောပနိုင်ငံတွေမှာ လုပ်သလို ပုံကို ချစ်စနိုးနှင့်ရေးတဲ့ ကာတွန်းမျိုးကိုပြောတာမဟုတ်ဘူး။ Caricature ပြောတာမဟုတ်ဘူး။ သိက္ခာကို လှောင်ပြောင်တဲ့ ပုဂ္ဂိုလ်ရေး သိက္ခာကို လှောင်ပြောင်ရာကျတဲ့ ရေးသားမှုမျိုး၊ ပုံပျက်မှုမျိုး ပျက်လုံးမျိုးတော့ ကျနော်တော့ သိပ်ပြီးတော့ ဘဝင်မကျဘူးပေါ့။ လုပ်ရပ်ကိုထောက်ပြပြီး ဝေဖန်တဲ့ကာတွန်းမျိုး ပျက်လုံးမျိုးဆိုရင်တော့ ဒါကျနော်တို့ ဘာမှ ပြဿနာမရှိဘူးလို့ ထင်ပါတယ်။

ဦးကျော်ဇံသာ ။ ။ ကျနော် နောက်တစ်ခုမေးချင်တဲ့အပိုင်းကတော့ အစိုးရ အာဘောမီဒီယာဆိုတာ သတင်းလွတ်လပ်ခွင့် တကယ်ထွန်းကားလာရင် လိုအပ်ပါသေးသလား။ ဦးရဲထွဋ်တို့ သတင်းပြန်ကြားရေးအဖွဲ့အစည်း အနေနှင့်။
ဦးရဲထွဋ် ။ ။ ဒါကြောင့် ကျနော်တို့က ဒီကနေ့ BBC လို Public Service Media အများပြည်သူဝန်ဆောင်မှု မီဒီယာအဖြစ် ကျနော်တို့ ကူးပြောင်းဖို့ လုပ်နေတယ်ဆိုတာဟာ ဒီမိုကရေစီကာလမှာ ကိုက်ညီမယ့် ဒီ မီဒီယာစနစ်တစ်ခု ဖြစ်အောင်ဆိုပြီးတော့ ကျနော်တို့ ကြိုးစားနေတာ ဖြစ်ပါတယ်။ နိုင်ငံပိုင်အဖြစ်နှင့် ပြီးလို့ရှိရင် အာဏာရတဲ့အစိုးရဖက်ကနေပဲ ရပ်တည်ပြီးတော့ ပြောမယ်ဆိုတဲ့ဟာမျိုးကတော့ ဒီမိုကရေစီစနစ်မှာ မကိုက်ညီတော့ပါဘူး။ ဒါကြောင့်မို့လို့လည်း ကျနော်တို့ သမ္မတကြီး တာဝန်ယူတဲ့အချိန်ကစပြီးတော့ ကျနော် တဖြည်းဖြည်းနှင့် ပြောင်းလဲလာခဲ့တယ်။ အခုအချိန်မှာ ပိုင်ဆိုင်မှုအနေနှင့် နိုင်ငံပိုင်ဆိုပေမယ့် ကျနော်တို့ရဲ့ သွားနေတဲ့လမ်းကြောင်းတွေ အများပြည်သူဝန်ဆောင်ဖို့ကို သွားနေတယ်။ ရေးတဲ့ သတင်းပုံစံတွေကအစ တဖြည်းဖြည်းချင်းပြောင်းလဲနေပြီဆိုတာကို ဦးကျော်ဇံသာ တွေ့မှာပါ။ တချိန်ကြရင်တော့ ကျနော်တို့ ဒီ လုံးဝ BBC တို့လိုပဲ ဒီဝေဖန်ရေးအရရော အယ်ဒီတာကို လွတ်လပ်တဲ့ Public Service Media အဖြစ် ပြောင်းသွားဖို့ ကျနော်တို့ လုပ်နေပါတယ်။ ဒီမိုကရေစီစနစ်မှာတော့ Public Service Media ရဲ့ကဏ္ဍက ဆက်ပြီးတော့ ရှိနေမယ်လို့ ရှိလည်းရှိသင့်တယ်လို့ ယုံကြည်ပါတယ်။

ဦးကျော်ဇံသာ ။ ။ BBC တို့ဘာတို့ ဒါ ရုပ်မြင်သင်ကြားတို့ ရေဒီယိုတို့ကတော့ ဟုတ်ပြီ။ သတင်းစာတွေကိုကော Privatize လုပ်ဖို့ ပုဂ္ဂလိကလက်ထဲကို ပြန်အပ်ဖို့ ရည်ရွယ်ချက်ရှိပါသလား။ နိုင်ငံပိုင်သတင်းစာဆိုတာ ဆက်လက်ပြီးထားဖို့ ရည်ရွယ်ထားပါသလား။

ဦးရဲထွဋ် ။ ။ သတင်းစာတွေကိုလည်း အခုနကလို ဒီအများပြည်သူဝန်ဆောင်မှု သတင်းစာအဖြစ်နှင့် ကျနော်တို့ပြောင်းပါမယ်။ ဒါကတော့ နိုင်ငံတကာမှာ တော်တော်ရှားတဲ ပုံစံဖြစ်တဲ့အတွက်ကြောင့်မို့ ကျနော်တို့ အရင် နိုင်ငံတကာမှာ ကျနော်တို့ လိုက်လေ့လာကြည့်ဦးမယ်။ ဥပမာ ဖောင်ဒေးရှင်းတစ်ခု တာဝန်ယူပြီးတော့မှ သတင်းစာလေးတစ်ခုကို စီးပွားရေးလုပ်ငန်းကြီးကနေပြီး သိမ်းပိုက်ပြီးတော့မှ ကာကွယ်တဲ့အနေနှင့် ဖောင်ဒေးရှင်ဘာတွေ စေတနာရှင်တွေကနေ ဝင်ဝယ်ပြီးတော့ လုပ်ပေးတာမျိုးပဲရှိတယ်။ BBC တို့လို ကျနော်တို့ NHK တို့လိုမျိုး ဒီ Public Service Media အစစ်အဖြစ်နှင့် လုပ်တဲ့သတင်းစာဆိုတာ မတွေ့ဘူး။ ဒါမို့လည်း ကျနော်တို့ UNESCO ဘာတို့နှင့် လုပ်ပြီးတော့မှ ဟိုဖက်အသံလွှတ်မှာရှိတဲ့ အခြေခံမူတွေကို သတင်းစာမှာ ဘယ်လိုပုံစံနှင့် ကျနော်တို့ ကျင့်သုံးလို့ရမလဲဆိုတာကို ကျနော်တို့ စဉ်စားပြီးတော့လုပ်နေတယ်။ အဲဒီတော့ ဒီသတင်းစာတွေကတော့ အများပြည်သူဝန်ဆောင်မှု သတင်းစာအဖြစ်နှင့် အသံလွှတ်ဌာနလိုပဲ ဆက်ပြီးတော့ ရှိသွားမှာ ဖြစ်ပါတယ်။

ဦးကျော်ဇံသာ ။ ။ ဒါပေမယ့် အဲဒီ Editorial Freedom ပေါ့လေ။ စောစောကပြောတဲ့ အယ်ဒီတာ တည်းဖြတ်တဲ့ သတင်းတည်းဖြတ်တဲ့အပိုင်း၊ လွတ်လပ်ခွင့်ကိုကော အတိအကျပေးပါ့မလား။ ပွင့်ပွင့်လင်းလင်း။

ဦးရဲထွဋ် ။ ။ အခု BBC ဒါကို Charter နှင့် ကာကွယ်ထားသလိုပဲ ကျနော်တို့ အများပြည်သူဝန်ဆောင်မှု သတင်းစာနှင့် အများပြည်သူဝန်ဆောင်မှု အသံလွှင့်ဌာနအဖြစ်  ပြောင်းလဲမယ့်ဟာတွေကို အဲဒီလိုမျိုး Charter သို့မဟုတ် ဥပဒေမျိုးနှင့် ဘယ်အစိုးရတက်တက် ဘယ်သူပဲတာဝန်ယူယူ ကာကွယ်နိုင်တဲ့ မှန်ကန်တဲ့ အများပြည်သူဝန်ဆောင်မှု မီဒီယာဖြစ်အောင် ကျနော်တို့ လုပ်ရမယ့်ကိစ္စတွေကို ကျနော်တို့ အခု နိုင်ငံတကာအဖွဲ့အစည်းတွေနှင့် ပေါင်းပြီးတော့မှ ကျနော်တို့ ရေးဆွဲတာ လေ့လာတာတွေ ကျနော်တို့ လုပ်နေပါတယ်။

ဦးကျော်ဇံသာ ။ ။ နောက်တစ်ခုက မြန်မာပရိသတ် မြန်မာပြည်သူတွေရဲ့ မီိဒီယာအပေါ်မှာ သဘောထားကော ဘယ်လိုမြင်ပါသလဲ။ အရင်တုန်းကတော့ ဒါသူတို့က ပြည်ပကသတင်းထောက်ကို နားထောင်ကြတယ်။ နောက်ပြီး တချို့သတင်းတွေလည်းပဲ ဒါ အတိုက်အခိုက်နှင့်  ပြောတဲ့သတင်းတွေကို သူတို့ ပိုပြီး စိတ်ဝင်စားကြတယ်ဆိုတာကတော့ ဒါ အမှန်အတိုင်း ဝန်ခံကြမှာ ဖြစ်ပါတယ် ကျနော်လည်း သတင်းသမားပါ။ နောက် အစိုးရပြောတဲ့ သတင်းကို သူတို့ လုံးဝ အယုံအကြည် မရှိတက်ကြဘူး။ အခုကော ပြုပြင်ပြောင်းလဲရေးတွေလုပ်လာတော့ ဦးရဲထွဋ် ဘယ်လိုသုံးသပ်မိပါသလဲ။ လူထုရဲ့မီဒီယာအပေါ်သဘောထား။

ဦးရဲထွဋ် ။ ။ ကျနော်လေ့လာမိသလောက်တော့ ကျနော်တို့ ဒီ မီဒီယာတွေကို စပြီးတော့ ဖြေလျော့မှုတွေလုပ်တဲ့ အစပိုင်းမှာတော့ လူတွေက အရင်တုန်းကလိုပဲ ကျနော်တို့ ပွဲဆူမဲ့သတင်းမျိုးပေါ့။ အဲဒီလိုမျိုးတွေ ဝေဖန်တိုက်ခိုက်တဲ့ သတင်းမျိုးတွေကို ပိုပြီးတော့မှ ဖတ်ချင်ကြတယ်။ စိတ်ဝင်စားတယ်လို့ ထင်ပါတယ်။ ဒါပေမယ့် ဒီဖက်ပိုင်းတွေမှာ သမ္မတကြီးရဲ့ မူဝါဒတွေအပေါ်မှာ ပြည်သူတွေက ယုံကြည်မှုရလာတယ်။ နောက်တစ်ခါ ဒေါ်အောင်ဆန်းစုကြည်တို့ကလည်း ဒီဖက် ပြည်သူလွှတ်တော်ထဲကို ဝင်လာပြီးတော့မှ ဒီ နိုင်ငံတည်ဆောက်ရေးမှာ ဝင်ပါပြီး လုပ်လာတယ်။ ကိုမင်းကိုနိုင်တို့လို ၈၈ မျိုးဆက်တွေကလည်း ဒီ Civil Society ထဲမှာ ဝင်လာတယ်။ တိုင်းရင်းသား အဖွဲ့အစည်းတွေကလည်း ကျနော်တို့ ငြိမ်းချမ်းရေး လမ်းကြောင်းပေါ် ရောက်လာတယ်ဆိုတဲ့အချိန်မှာ လူတွေဟာ အခုချိန်မှာတော့ စိတ်လှုပ်ရှားရမယ့် သတင်းမျိုး ပွဲဆူအောင်လုပ်တဲ့ သတင်းမျိုးထက် အဖြစ်တစ်ခုကို မှန်မှန်ကန်ကန်နှင့် ယထာဘူတ၊ ဓမ္မဓိဋ္ဌာန်ကျကျ သုံးသပ်တာမျိုးကို ပိုပြီးတော့ တန်ဖိုးထားလာကြပြီလို့တော့ ကျနော်ထင်ပါတယ်။ ဒါကြောင့်မို့လို့ ကျနော်တို့ နိုင်ငံပိုင် မီဒီယာတွေကော ပုဂ္ဂလိက မီဒီယာတွေကော ပြည်ပမှာအခြေစိုက်နေတဲ့ မြန်မာမီဒီယာတွေအားလုံးက နောင်ကျရင်တော့…. သတင်းရဲ့တန်ဖိုး သတင်းရဲ့အဆင့်အတန်း သတင်းရဲ့ခိုင်မာမှုတွေနှင့်ပဲ ပြိုင်ကြရတော့မယ်လို့ ကျနော်ထင်ပါတယ်။

ဦးကျော်ဇံသာ ။ ။ နောက်ဆုံးတစ်ခုကတော့ အဲပုဂ္ဂလိကသတင်းစာ မကြာခင်ထွက်မယ် ကြားပါတယ်။ ဘယ်တော့လောက် တွေ့ရမှာလဲ။

ဦးရဲထွဋ် ။ ။ ကျနော်တို့ကို အခု လျှောက်လွှာတင်ထားတာ ကျနော်ထင်တယ် ရှစ်ခု ကိုးခုလောက် ရှိပါတယ်။ အဲဒီအထဲမှာ ကျနော်တို့ကတော့ သူတို့တွဲပြီးတော့ တင်လိုက်တဲ့ ကျင့်ဝတ်တွေ နောက်တစ်ခါ လုပ်ငန်းလုပ်ကိုင်ပုံစည်းမျဉ်း Code of Conduct  တွေဟာ အများလက်ခံနိုင်တဲ့ စံချိန် ဖြစ်မဖြစ် ကျနော်တို့ ဖတ်ရှုပြီးတော့ စီစစ်နေပါတယ်။ နောက်တစ်ခါ တခြား ဒီစစ်ဆေးရမယ့် အချက်တွေပေါ့။ သူတို့ရဲ့ ပိုင်ဆိုင်မှုကိစ္စတွေ ဘာတွေ ဒါတွေလည်း ကျနော်တို့ ပြန်ကြည့်နေတယ်။ အဲဒါတွေ ကြည့်ပြီးလို့ရှိရင် အချက်လက်မပြည့်စုံတဲ့သူရှိရင် ကျနော်တို့ ပြန်တောင်းမယ်။ ပြည့်စုံလို့ အားလုံးပေးနိုင်တဲ့သူတွေရှိလို့ရှိရင်တော့ ကျနော်တို့က ဒါ ရှေ့လထဲမှာခွင့်ပြုမယ်။ သူတို့ ဧပြီလ (၁) ရက်နေ့မှာ စပြီးတော့မှ ထုတ်နိုင်အောင် ကျနော်တို့ လုပ်ပေးသွားမှာ ဖြစ်ပါတယ်။

Wednesday, February 20, 2013

မင်းကိုနိုင်၊ ကျောင်းသားအရေးနဲ့ အော်စလို ဆွေးနွေးဝိုင်း


နော်ဝေနိုင်ငံကို ရောက်လာတဲ့ ၈၈ မျိုးဆက်ကျောင်းသားခေါင်းဆောင် မင်းကိုနိုင်ဟာ ဖေဖေါ်ဝါရီ ၁၈ ရက်နေ့က အော်စလိုတက္ကသိုလ်မှာ ဟောပြောပွဲတခု ကျင်းပခဲ့ပါတယ်။ ”The role of students in Burma’s development”  မြန်မာနိုင်ငံ ဖွံ့ဖြိုးတက်ရေးနဲ့ ကျောင်းသားများရဲ့ အခန်းကဏ္ဍလို့ အမည်ပေးထားတဲ့ ဒီဟောပြောပွဲဆီ မြန်မာအပါအ၀င် ပရိဿတ် ၁၀၀ နီးပါးတက်ပါတယ်။

(ဓာတ်ပုံ....88Generation Students Facebook မှ)


ထူးခြားတာကတော့ အဖွင့်စကားပြောသွားတဲ့ အော်စလိုတက္ကသိုလ် ပါမောက္ခဟာ ပြီးခဲ့တဲ့လအတွင်းကမှ မြန်မာနိုင်ငံကနေ ပြန်လာသူဖြစ်ပြီး မြန်မာနိုင်ငံ ပညာရေးဖွံ့ဖြိုးဖို့၊ မြန်မာနဲ့ နော်ဝေးတက္ကသိုလ်တွေ ပူးပေါင်းဆောင်ရွက်ဖို့ သွားရောက်ဆွေးနွေးခဲ့သူဖြစ်ပါတယ်။ တခါ ထူးထူးခြားခြား မြန်မာနိုင်ငံမှာ ဆရာဝန်ဘွဲ့ရပြီး အော်စလိုတက္ကသိုလ်မှာ မဟာတန်း လာတက်နေတဲ့ မန္တလေးက ကျောင်းသားတဦးကိုလည်း ဟောပြောပွဲမှာ တွေ့ရပါတယ်။

ကိုလိုနီခေတ်ကနေ ၁၉၈၈ ခေတ်အထိ ကျောင်းသားလှုပ်ရှားမှုသမိုင်းကြောင်းကို ကိုမင်းကိုနိုင်က ၁၀ မိနစ်ခန့်ပြောပါတယ်။ ပြီးတော့ ပရိဿတ်နဲ့ အမေးအဖြေကဏ္ဍပေါ့။ ပရိဿတ်က အမေးအမြန်းထူပါတယ်။ မေးတဲ့လူတချို့ဟာ မြန်မာနိုင်ငံ ငြိမ်းချမ်းရေးအကြောင်း သုတေသနလုပ်နေတဲ့ တက္ကသိုလ်ဆရာတွေဖြစ်ပါတယ်။

ရှစ်လေးလုံး အရေးတော်ပုံအတွင်း လူပေါင်း ၃၀၀၀ လောက် အသတ်ခံရပြီး စစ်တပ်အကြမ်းဖက် နှိပ်ကွပ်ခဲ့တယ်ဆိုတာ မှန်ပါတယ်။ ဒါပေမယ့် အတိုက်ခံတွေဘက်ကလည်း သေနတ်ကိုင်ပြီး အကြမ်းဖက်တဲ့နည်းနဲ့ ပြန်တိုက်တာပဲ မဟုတ်လား၊ အကြမ်းဖက်တာဟာ စစ်တပ်ဘက်က တခုတည်းလို့ ဘယ်ပြောလို့ရမလဲ တဲ့။ အဲဒါ မင်းကိုနိုင်အတွက် အော်စလိုတက္ကသိုလ်ရဲ့ ပထမဆုံးမေးခွန်းပါ။

”လက်နက်ကိုင် တော်လှန်ရေး ဆိုတာဟာ လိုအပ်ချက်အရ ပေါ်လာတာ ဖြစ်ပါတယ်” လို့ မင်းကိုနိုင်က ဖြေပါတယ်။ အခြေနေတခုမှာ အော်တဲ့လူက အော်ပြောမယ်။ တုတ်ကောက်ပြီး ပြန်ရိုက်သင့်ရင် ရိုက်ရမယ်။ ခဲနဲ့ပေါက် တန်ပေါက်ရမယ်။ နည်းမျိုးစုံနဲ့ တိုက်ပွဲဝင်ဖို့ လိုပါတယ်လို့ သူကပြောပါတယ်။ မင်းကိုနိုင် ဒီလို ပွင့်ပွင့်လင်းလင်းပြောတာကို ကြားရတော့ ဘေးနားမှာထိုင်နေတဲ့ ABSDF တပ်ဖွဲ့ဝင်ဟောင်း တချို့ လက်ခုပ်ထတီးပါတယ်။

ဒါပေမယ့် မင်းကိုနိုင် ဆက်ပြောတာက ဒီနည်းဟာ အမြဲတန်း ရှိနေလို့တော့ မရဘူး။ လိုအပ်ချက်အရ ပေါ်လာတာဖြစ်တဲ့အတွက် လိုအပ်တဲ့ အချိန်အတိုင်းတာအတွင်းမှာပဲ ရှိနေသင့်တယ်။ အမြဲတန်း ရှိနေရမှာက အကြမ်းမဖက် လှုပ်ရှားမှုသာဖြစ်ပြီး အဲဒီနည်းထဲမှာ လူထုတရပ်လုံး ပါဝင်ရင် အောင်ပွဲရမှာဖြစ်တယ်။ ဥပမာ ကချင်ပြည်နယ်က ဧရာဝတီမြစ်ဆုံကိုကြည့်ပါလို့ မင်းကိုနိုင်က ရှင်းပါတယ်။

ကျောင်းသားနဲ့ဆိုင်တဲ့ ဒုတိယ မေးခွန်းကတော့ ၈၈ အလွန် လက်ရှိ ဗကသနဲ့ ကျောင်းသားလှုပ်ရှားမှု အခြေနေ၊ တက္ကသိုလ်ပညာရေးပါ။ ဒီအတွက် မင်းကိုနိုင်က အခု ဒီအ ခန်းထဲမ၀င်ခင် အပြင်နားက အဆောင်တခုရှေ့မှာ ”ကျောင်းသားပါလီမန်” ဆိုတဲ့ ဆိုင်းဘုတ်ကြီးကို သူ တွေ့ မိကြောင်း၊ အတော်အံ့သြသွားကြောင်း အစချီပြီး မြန်မာနိုင်ငံမှာတော့ ကျောင်းသားပါလီမန် မပြောနဲ့ ကျောင်းသားသမဂ္ဂဖွဲ့တာကိုတောင် အာဏာပိုင်တွေက ကြောက်နေလို့ မနည်းကြိုးစားနေရတဲ့ အခြေအနေ ရှိနေဆဲလို့ ပြောပြပါတယ်။

တကယ်ဆိုရင် ဒီမှာတွေ့ရတဲ့ ကျောင်းသားပါလီမန်မျိုး မြန်မာနိုင်ငံမှာလည်း မြင်ချင်ပါတယ်။ ”ကျောင်းသား ပါလီမန်မှာကတည်းက အသေအချာလေ့ကျင့်ထားတဲ့ လူငယ်တွေ တကယ့် ပါလီမန်ထဲ ရောက်သွားတဲ့ ခေတ်၊ ရောက်သွားတဲ့ စနစ်မျိုးဖြစ်လာအောင် ကျောင်းသားတွေကို လေ့ကျင့်ပေးခွင့်ရချင်ပါတယ်” လို့ မင်းကိုနိုင်ကပြောပါတယ်။

တတိယ မေးခွန်းထမေးသူကတော့ မြန်မာနိုင်ငံ (နယ်စပ်ဒုက္ခသည်စခန်းမှာလည်း ဖြစ်နိုင်ပါတယ်) မွေးပြီး နော်ဝေးမှာကြီးတဲ့ လက်ရှိ တက္ကသိုလ်တက်နေသူ အသက် ၂၀ ကျော် အရွယ် ကျောင်းသူတဦး ဖြစ်ပါတယ်။ ”အပြင်က ကျောင်းသား ကျောင်းသူတွေအနေနဲ့ အထဲမှာ ဘာတွေကူညီပေးနိုင်မလဲ” လို့ ရိုးရိုးလေး မေးသွားတာပါ။

မင်းကိုနိုင်ဖြေပုံကလည်း ရိုးရိုးလေးပါ။ ပညာရေး သမိုင်းက ၂ ပိုင်းရှိပါတယ်။ ပထမ တပိုင်းဖြစ်တဲ့ တော်လှန်ရေးကာလမှာ အသက်ပေးပြီး တိုက်ပွဲဝင်တဲ့ကျောင်းသားတွေ၊ ထောင်နန်းစံရတဲ့ ကျောင်းသားတွေ အများကြီးရှိခဲ့ကြောင်း၊ အခုချိန်မှာတော့ ဒီလိုပေးဆပ်တိုက်ပွဲဝင်ရတဲ့ အခြေအနေတွေကနေ လွန်မြောက်စေချင်ပါပြီ၊ ပြန်လည်တည်ဆောက်ရေး အပိုင်းကို ရောက်စေချင်ပါပြီလို့ နိဒါန်းချီပြီး အခုလိုပြောပါတယ်။

”အခု ဒုတိယပိုင်း ပြန်လည်တည်ဆောက်ရေးလုပ်တဲ့အခါ ပထမပိုင်းမှာ ပါဝင်ခဲ့သူတွေ တတ်ချင်လည်း တတ်မယ်၊ မတတ်ချင်လည်း မတတ်ဘူး။ ကျနော် ကိုယ်တိုင်ကတော့ တည်ဆောက်ရေးအတွက် ဘာမှမတတ်ဘူး” လို့ ပြောချလိုက်ပါတယ်။ ဒီအတွက် အခု မေးခွန်းထမေးတဲ့ ကျောင်းသူလေးအပါအ၀င် မျိုးဆက်သစ် တတ်သိပညာရှင်တွေ လိုနေတယ်လို့ မင်းကိုနိုင်က ပြောပါတယ်။

အခုချိန်ထိ သူတွေ့မိသလောက်ကတော့ ပြည်ပရောက်မြန်မာတွေ၊ နိုင်ငံခြားသားတွေ အတော်များများဟာ ကျောင်းတွေဆောက်ဖို့၊ ကျောင်းသားတွေ စားဖို့၊ ဒုက္ခသည်တွေကို ကူညီဖို့ ငွေအား၊ ပစ္စည်းအား စသဖြင့် ရုပ်ဝတ္တုပစ္စည်းကူဖို့ပဲ ကမ်းလှမ်းတာများနေပြီး စနစ်တခုပြောင်းအောင် ကူညီဖို့၊ သင်ကြားရေးစနစ်အတွက် စဉ်းစားဖို့ သိပ်မတွေ့ရသေးဘူးလို့ မင်းကိုနိုင်က ထောက်ပြပါတယ်။

”ကျောင်းတွေပြင်ဖို့၊ ကျောင်းတွေဆောက်ဖို့ ကူညီတာကတော့ဟုတ်ပါပြီ၊ အဲဒီကျောင်းတွေဆောက်ပြီး သွားရင် ဘာစာတွေကို ဘယ်လိုသင်မှာလဲ” လို့ သူက မေးခွန်းပြန်ထုတ်ပါတယ်။ သင်ရိုးညွန်းတန်း အသစ် မရှိဘူးဆိုရင် စစ်တပ်က တိုင်းပြည်ကယ်တင်ရှင်ဖြစ်ကြောင်း၊ ကျေးဇူးရှင်ဖြစ်ကြောင်း လက်ရှိသင်နေဆဲ သင်ရိုးညွန်းတန်း အဟောင်းကိုပဲ ပြန်သင်နေရရင် အဲဒီကျောင်းသစ်ဟာ ဘာမှအဓိပ္ပါယ်မရှိဘူး လို့ မင်းကိုနိုင်က ထောက်ပြပါတယ်။

”Critical Thinking တွေ၊ Debate ယဉ်ကျေးမှုတွေ၊ Dialogue လုပ်တဲ့ အလေ့အကျင့်တွေပါတဲ့ ပညာရေးစနစ် တခု၊ Mindset ကိုပါပြောင်းနိုင်တဲ့ စနစ်တခု ကျနော်တို့နိုင်ငံမှာ ပြင်ဆင်ပြဌာန်းဖို့ လိုနေပါတယ်” လို့ မင်းကိုနိုင်ကပြောပါတယ်။

မြန်မာမိသားစုနဲ့ တွေ့ဆုံပွဲမှာရော၊  နော်ဝေ ကျောင်းသားတွေနဲ့ တွေ့ဆုံပွဲမှာပါ အများဆုံးမေးတာက ပြည်တွင်းစစ်၊ ငြိမ်းချမ်းရေးနဲ့ အနာဂတ်ပြည်ထောင်စု ပုံစံ အကြောင်းပါ။ ဒီမေးခွန်းကို ၄ ဦးလောက်က ဒေါင့်မျိုးစုံကနေမေးမြန်းပါတယ်။

မင်းကိုနိုင်က ”ခင်ဗျားတို့ဆီမှာ Ceasefire ကို ဘယ်လို အဓိပ္ပါယ်ဖွင့်သလဲ မသိဘူး။ ကျနော်တို့ဆီမှာတော့ Cease နဲ့ Fire ကို တခုစီခြားပြီး ပြောကြတဲ့အတွက် Cease လုပ်လိုက် ပြန်ပြီး Fire လုပ်လိုက် Cease လုပ်လိုက် ပြန်ပြီး Fire လုပ်လိုက်ဖြစ်ပါတယ်” ဆိုပြီး မင်းကိုနိုင်က အရွန်းဖေါက်ပါတယ်။ ပြီးတော့ ၁၉၄၈ လွတ်လပ်ရေးရတဲ့အချိန်ကစ လွတ်လပ်ရေးနဲ့အတူ တွဲပါလာတဲ့ ပြည်တွင်းစစ် သမိုင်းနောက်ခံအကျဉ်းကို ရှင်းပြပါတယ်။

ပထမပိုင်းမှာ Ism နိုင်ငံရေး အယူဝါဒပေါ် အခြေခံထားတဲ့ လက်နက်ကိုင်အဖွဲ့ပေါ်လာပြီး အဲဒီနောက်မှာ လူမျိုးစု လက်နက်ကိုင်တွေ ပေါ်လာကြောင်း၊ အခုချိန်မှာတော့ နိုင်ငံရေး အယူဝါဒပေါ် အခြေခံတဲ့ လက်နက်ကိုင်လှုပ်ရှားမှု မှေးမှိန်သွားပြီး အမျိုးသားရေးအခြေခံတဲ့ လက်နက်ကိုင်လှုပ်ရှားမှုက အားကောင်းလာတယ်လို့ မင်းကိုနိုင်ကပြောပါတယ်။

လူမျိုးစုတွေလိုလားတဲ့ ဖက်ဒရယ်မူဟာ တန်းတူရည်တူ အတူတကွ ပေါင်းစည်းနေထိုင်ခြင်းမူ ဖြစ်ပေမယ့် နှစ်ပေါင်းများစွာ စစ်အစိုးရရဲ့ဝါဒဖြန့်မှုကြောင့် ဖက်ဒရယ်ဆိုရင် လူတွေက မပြောရဲ မဆိုရဲ မတို့ရဲ မထိရဲ ဖြစ်နေကြတယ်လို့ သူကထောက်ပြပါတယ်။ ဒါကြောင့် ဖက်ဒရယ်ဆိုတဲ့ စကားလုံးကို လေသံကျယ် ကျယ်နဲ့ပြောခွင့်ရတာတောင် အချိန်ကာလအားဖြင့် တနှစ်မပြည့်သေးဘူး။ ဖက်ဒရယ်ကို လူတွေအားလုံး နားလည်အောင် လုပ်သွားဖို့လိုတယ်လို့ဆိုပါတယ်။

”ကျနော်တို့ငယ်ငယ်က လူကြီးတွေခြောက်သလိုပေါ့ဗျာ။ ဟိုနားမသွားနဲ့ ကောင်ကောင်ကြီးကိုက်လိမ့် မယ်ဆိုတာမျိုး။ ဘာကောင်ကြီးမှန်းလည်း မသိဘူး။ တကယ်ကြောက်စရာလား၊ ချစ်စရာလားလည်း မသိဘူး။ မမြင်ရသေးတဲ့အရာနဲ့ အခြောက်ခံထားရတာမျိုးပေါ့” လို့ မင်းကိုနိုင်က ပြောပါတယ်။
နောက်တခါ ငြိမ်းချမ်းရေးဆွေးနွေးပွဲတွေ ခဏခဏလုပ်နေပေမဲ့ တခါမှ ကောင်းကောင်း အောင်မြင်မှု မရသေးတာဟာ ပြည်သူတွေမပါသေးတာကြောင့် ဖြစ်တယ်လို့ သူကဆိုပါတယ်။

“အခုငြိမ်းချမ်းရေး ဆွေးနွေးပွဲကို ခင်ဗျားတို့ကြည့်ပါလား၊ ဟိုဖက်က ဗိုလ်ချုပ်နဲ့ ဒီဖက်ကဗိုလ်ချုပ်တွေ ထိပ်သီးအချင်းချင်း ပြောနေကြတာလေ။ ပြည်သူလူထုမပါသေးဘူး” လို့ မင်းကိုနိုင်က ထောက်ပြပါတယ်။

ပြီးတော့ Mindset ပြောင်းနိုင်ဖို့ အရေးကြီးကြောင်း သူကထောက်ပြပါတယ်။ ”စစ်သားတွေရဲ့ ထုံးစံက စစ်မြေပြင်မှာ လူများများသတ်နိုင်သူကို Hero အဖြစ်ဂုဏ်ယူကြပါတယ်။ ဒါပေမယ့် အခုခေတ်ပြောင်းသွား ပြီ။ စစ်ပွဲတွေရပ်ပြီး ငြိမ်းချမ်းရေးလုပ်နိုင်သူကို Hero အဖြစ် သဘောထားနေကြပါပြီ” လို့မင်းကိုနိုင်က ပြောပါတယ်။

ဒီဆွေးနွေးပွဲအတွင်း နောက်ဆုံးမေးခွန်းကို ထမေးသူကတော့ မြန်မာနိုင်ငံထဲမှာ အလုပ်လုပ်ဖို့ပြင်နေတဲ့ နိုင်ငံတကာအဖွဲ့အစည်းတခုက အမျိုးသမီးတဦးဖြစ်ပါတယ်။ လက်ရှိ မြန်မာနိုင်ငံ ပြုပြင်ပြောင်းလဲရေးလုပ်ငန်းစဉ်ဟာ အစိုးရက ဖန်တီးထားတဲ့ တီးကွက်ထဲ အတိုက်အခံတွေ လိုက်ကနေရတာမျိုးဖြစ်နေတယ် မဟုတ်လား တဲ့။

”အဲဒီလို Passive အမြင်တွေကို ကျနော် လက်မခံပါဘူး။ သူတို့ ပေးသနားတော်မူမှ ရတဲ့ဟာမျိုး မဟုတ်ပါဘူး။ အစိုးရကွင်းထဲမှာ ကျနော်တို့ ကစားနေရတာမျိုးလည်း မဟုတ်ပါဘူး” လို့ မင်းကိုနိုင်က ခပ်ပြတ်ပြတ် ပြောပါတယ်။ ပြီးတော့ ”တကယ်တန်းပြောမယ်ဆိုရင် ကျနော်တို့ပြောတဲ့အတိုင်း၊ ကျနော်တို့တောင်းဆိုခဲ့တဲ့အတိုင်း အစိုးရက လိုက်လုပ်နေရတာပါ။ ဒီမိုကရေစီလို့ ကျနော်တို့ တောင်းဆိုနေ၊ ပြောနေတာကြာပြီ၊ အစိုးရက အခုမှ ဒီမိုကရေစီအကြောင်း စပြောနေတာလေ” လို့ သူကထောက်ပြပါတယ်။

”မတရားတဲ့ နည်းမျိုးစုံနဲ့ ရယူထားတဲ့အတွက် အာဏာနဲ့ လုပ်ပိုင်ခွင့်တွေ သူတို့လက်ထဲမှာ ရှိနေနိုင်ပါတယ်။ ဒါပေမယ့် ပြည်သူလုထုရဲ့ မေတ္တာနဲ့ထောက်ခံမှုက ကျနော်တို့ဆီမှာ ရှိတယ်ဆိုတာကို ကျနော်ရဲရဲ ကြီးပြောရဲပါတယ်” လို့ မင်းကိုနိုင်က အားရပါးရ ပြောချလိုက်တော့ ပရိဿတ် အားလုံး မတ်တတ်ထရပ်ပြီး လက်ခုတ်တီးကြပါတယ်။ အခန်းနားကို အောင်မြင်စွာရုတ်သိမ်းကြောင်း ကြေငြာတဲ့သဘောပေါ့။

ကျနော့်အတွက်တော့ အခန်းအနားပြီးမှ မေးခွန်းက ပေါ်လာသလို ဖြစ်နေပါတယ်။ ခုနက အမျိုးသမီး မေးသွားတဲ့မေးခွန်းက ကျနော်စိတ်ထဲ ကပ်ပါလာနေဆဲ။ ”ဘယ်သူ့ တီးကွက်ထဲ ဘယ်သူတွေက ကနေရတာလဲ” ဆိုတာဟာ အရေးကြီးသလား။ ”တီးကွက်နဲ့ ကကွက်ညီဖို့” က ပိုအရေးကြီးသလား။

ရှေ့သီတင်းပတ်ကျရင် အော်စလိုကို ရောက်လာမယ့် သမ္မတဦးသိန်းစိန်ကို ဒီမေးခွန်းသွားမေးရင် ဘယ်လိုဖြေလေမလဲ၊ သမ္မတက အခုအချိန်မှာ ပြည်ပရောက် မြန်မာတွေနဲ့ တွေ့ဖို့စီစဉ်ထားတာဟာ ဒေါ်အောင်ဆန်းစုကြည်တို့၊ မင်းကိုနိုင်တို့နောက်ကို သမ္မတက လိုက်နေရတဲ့ သဘောမျိုးလား။ ဘယ်သူက ရှေ့ကသွားပြီး ဘယ်သူက နောက်က လိုက်နေရတာလဲ။

တီးကွက်က အရေးကြီးသလား၊ ကကွက်က အရေးကြီးသလား။ စင်ပေါ်က လူတွေ တီးပြ ကပြတာကို စင်အောက်က ကြည့်နေတဲ့ သန်း ၆၀ လူထုတွေရော နှစ်ခြိုက်သဘောတွေ့ရဲ့လား။ သူတို့အားလုံးပါ ဝင်ကနိုင်မယ့် အခြေအနေနဲ့ အချိန်အခါကရော ဘယ်တော့လဲ။

Share

Twitter Delicious Facebook Digg Stumbleupon Favorites More