Thursday, January 28, 2016

ဘူဒုိုဇာနည်းကို စစ်အစိုးရခေတ်မှာ ထားခဲ့ပါ

The Voice Daily, 28-01-2016.

ဆန့်ကျင်ဖက် သတင်းနှစ်ပုဒ်

အမိမြေနဲ့ဝေးနေသူတွေရဲ့ထုံးစံအတုိုင်း နောက်ဆုံးသတင်းတွေကို သိခွင့်ရဖုို့ Facebook နဲ့ ပြည်ပ ရေဒီယုို တွေကုိုပဲ အားကိုးနေရပါတယ်။ ဒီလုိုနဲ့ တနေ့ည (ဇန်ဝါရီ ၂၆ ရက်နေ့က) အိမ်ပြန်ရောက်လုို့ ဘီဘီစီ (မြန်မာပုိုင်း) ကို ဖွင့်လုိုက်တဲ့အခါ ထူးခြားတဲ့သတင်း ပုဒ်ကို တပြိုင်တည်းကြားလုိုက်ရပါတယ်။


ပထမ တပုဒ်က အာဏာရှင်စနစ်ကနေ ဒီမုိုကရေစီစနစ်ဆီအသွင်ပြောင်းနေပါတယ်ဆုိုတဲ့ မြန်မာနုိုင်ငံက သတင်းပါ။ ရန်ကုန်တိုင်း မင်္ဂလာဒုံမြို့နယ် ပျဉ်းမပင် စက်မှုဇုန်ဝင်းအတွင်းရှိ အိမ်ထောင်စု ၅၀၀ ကျော်ကို ကျူးကျော်နေထိုင်သူတွေလုို့ဆုိုပြီး ရဲတပ်ဖွဲ့နဲ့ အပြာရောင် သံခမောက်ဆောင်း အင်အား ၁၀၀၀ ခန့်က အတင်းဝင်လာပြီး ဘူဒုိုဇာတွေနဲ့ ထုိုးဖြိုသွားတယ်လို့ဆုိုပါတယ်။ 

ဒုတိယ တပုဒ်ကတော့ ဆုိုရှယ်ဒီမုိုကရက်နုိုင်ငံတခုဖြစ်တဲ့ ဥရောပရှိ ဒိန်းမတ်နုိုင်ငံက သတင်းပါ။ ဒုက္ခသည်လက်ခံရေးနဲ့ပတ်သက်ပြီး ပုိုမုိုတင်းကျပ်တဲ့ ဥပဒေတရပ်ကုို ဒိန်းမတ်ပါလီမန်မှာ မဲခွဲဆုံးဖြတ်ဖုို့ပြင် နေတယ်လို့ဆုိုပါတယ်။ သတင်းနှစ်ပုဒ်စလုံးဟာ ဒုက္ခရောက်နေသူတွေနဲ့ဆုိုင်တဲ့သတင်းလုို့ ဆုိုနုိုင်ပေမဲ့ တပုဒ်က ပြည်တွင်း ဒုက္ခသည်၊ တပုဒ်က ပြည်ပကနေ၀င်လာမဲ့ ဒုက္ခသည်။

ဆုိုလုိုတာက လူ့အခွင့်အရေးကိုလေးစားတဲ့ ဥရောပနုိုင်ငံကြီးတခုက တခြားနုိုင်ငံကနေ ရောက်လာတဲ့ ဒုက္ခသည်တွေကိုလက်ခံရေးနဲ့ပတ်သက်ပြီး ဥပဒေနည်းနည်းတင်းကျပ်လုိုက်တဲ့အပေါ် ကမ္ဘာ့မီဒီယာတွေက ၀ုိုင်းဝေဖန်ခဲ့ကြပါတယ်။ ဒါပေမဲ့ ကုိုယ့်ပြည်သူကုိုယ် အကာအကွယ်မပေးပဲ အတင်းအဓမ္မ ဘူဒုိုဇာနဲ့ထုိုးပြီး နေအိမ်တွေဖြိုလုိုက်တဲ့ မြန်မာအစိုးရကိုတော့ နုိုင်ငံတကာမီဒီယာတွေက ဖေ၀န်တာမတွေ့မိပါဘူး။

ဘာကြောင့်လဲ။ လူ့အခွင့်ရေးကို လေးစားတဲ့နုိုင်ငံတွေမှာပဲ ဒုက္ခရောက်နေသူတွကို ကူညီဖုို့တာဝန်ရှိပြီး စစ်တပုိုင်း အစိုးရဆိုရင် ဒုက္ခရောက်နေသူတွေကို ကူညီဖုို့တာဝန်မရှိဘူးလား။ စိတ်ထင်တုိုင်း လုပ်ခွင့်ရှိ သလား။ စဉ်းစား စရာပါပဲ။ 

ဒီထက်ပုိုစဉ်းစားဖုို့ကောင်းတာက ဒီလုို စစ်တပုိုင်းအစိုးရရဲ့ ခပ်ရုိုင်းရိုင်း လုပ်ရပ်အပေါ် နုိုင်ငံရေးပါတီတွေ၊ တုိုင်းရင်းသားအဖွဲ့တွေ၊ အရပ်ဖက်အဖွဲ့အစည်းတွေဆီက ဝေဖန်ရှုတ်ချတဲ့အသံ သိပ်ကျယ်ကျယ် ထွက် မလာခြင်းပါပဲ။ ဘာကြောင့်လဲ။ အဲဒီလုိုဝေဖန်လုိုက်ရင် စစ်တပုိုင်းအစိုးရက အာဏာမလွဲပေးပဲ ဆက်ယူ ထားမှာကြောက်လုို့လား။ အာဏာလွဲဖုို့ ရက်ပုိုင်းပဲလုိုတော့တဲ့အချိ်န်မှာ ဆိတ်ဆိတ်နေခြင်းက အကောင်းဆုံး လုို့ ခံယူထားလုိုက်ကြပြီလား။

သမီးလေးရွာဖြစ်စဉ်ကို ပြန်သတိရတယ်

ဘူဒုိုဇာနဲ့ထုိုးတဲ့သတင်းကုို အသေးစိပ်သိချင်လို့ Facebook ပေါ်မှာလုိုက်ရှာတော့ ဗွီဒီယုို ဖွိုင်နဲ့ပါ တွေ့ပါ တယ်။ အိမ်ဖျက်ခံရလုို့ ငုိုနေတဲ့ အမျိုးသမီးတွေ၊ နေစရကျောင်း မရှိတော့တဲ့ ကလေးငယ်တွေ၊ ဒီမှာနေလာ တာ နှစ် ၂၀ လောက်ရှိနေပြီလုို့ပြောပြီး အော်ငုိုနေတဲ့ အမျိုးသားတွေကို ကြည့်ရင်း အတော်စိတ် မကောင်းဖြစ်မိပါတယ်။
(ကျုးကျော်အိမ်တွေကို ဘူဒုိုဇာနဲ့ဖြိုနေစဉ်၊ ဓာတ်ပုံ- ဧရာဝတီ)

တဆက်တည်းမှာပဲ လွန်ခဲ့တဲ့ နှစ် ဒီလုိုအချိန်မျုိုးမှာ (၂၀၁၄ ဖေဖေါ်ဝါရီ ပထမ သတင်းပတ်မှာ) ရန်ကုန်တုိုင်းနဲ့ ပဲခူးတုိုင်းနယ်စပ်ရှိ လှည်းကူးမြို့နယ်ထဲက သမီးလေးကျေးရွာကုို အစိုးရဖက်က အလားတူ ဘူဒုိုဇာနဲ့ ထုိုးဖြိုခဲ့တဲ့ ဗွီဒီယုို ဖွိုင်ကုို ပြန်ကြည့်မိပါတယ်။

အသုံးပြုတဲ့စက်အမျိုးအစားနဲ့ တာဝန်ယူ ဖြိုဖျက်တဲ့လူတွေ ပြောင်းသွားပေမဲ့ အမိန့်ပေးတဲ့လူ၊ ဒါမှမဟုတ် ဌာနကတော့ အတူတူပဲဖြစ် ပုံရပါတယ်။ ဘာကြောင့်လဲဆုိုရင် ဒီလူတွေဟာလဲ လွန်ခဲ့တဲ့ နှစ်က တာဝန်ယူခဲ့တဲ့လူတွေလုိုပဲ မျက်နှာမှာ (လူသားချင်းစာနာတဲ့စိတ်) ဘာခံစားချက်မှမပြပဲ အထက်အမိန့် အရဆုိုပြီး အင်အားသုံး ဖြိုဖျက်သွားလုို့ပါပဲ။ 

တုိုးတက်မှုအဖြစ်တွေ့ရတာကတော့ လွန်ခဲ့တဲ့ ၂၀၁၄ ခုနှစ် သမီးလေးရွာ ပထမ အကြိမ်ဖြိုဖျက်ခံရတုန်းက မီဒီယာ က သိပ်မသိသေး။ သိရင်လည်း လွတ်လပ်စွာသတင်းယူခွင့်မရသေးပါ။ အခုတော့ စစ်တပုိုင်းအစိုးရပြုတ်ပြီး အရပ်သားအစိုးရတက်ဖုို့စောင့်နေချိန်ဆိုတော့ မီဒီယာ လွတ်လပ်ခွင့်အရှိန် အကောင်းဆုံးအချိန်ပေါ့။ ကြိုရောက်နေတဲ့ မီဒီယာတွေ နည်းတာမဟုတ်။ အဲဒီမီဒီယာမျိုးစုံရဲ့ ကင်မရာရှေ့မှာတောင် ဒီလုို ဘူဒုိုဇာသုံးပြီး အကြမ်းဖက် ရွာဖျက်ရဲတယ်ဆုိုတာ နည်းတဲ့သိတ္တိမဟုတ်။

ကင်မရာရှေ့မှာတောင် ဒီလုိုဖျက်ရဲရင် ကင်မရာမရှိတဲ့၊ လူသူမမြင်တဲ့ တုိုင်းရင်းသားဒေသက ကျေး လက်တွေမှာ၊ စစ်ဆင်ရေးဒေသတွေမှာ ရွာမီးရှို့တယ်ဆုိုဟာ ဘယ်ပြောပလောက်တော့မလဲ။ ဒါပေမဲ့ ခက်တာက ဒီလုပ်ရပ်အပေါ် ကျယ်ကျယ်လောင်လောင်မကန့်ကွက်တဲ့အပြင် ဒါဟာ ရာဇ၀တ်မှု ကျုးလွန်ခြင်းဖြစ်တယ်ဆုိုတာတောင် ဘယ်သူကမှ မြင်ပုံမရသေးပါ။

ကျုးကျော်ရပ်ကွက်အပေါ် ဘယ်လိုသဘောထားမလဲ

ဒီဖြစ်စဉ်နဲ့ပတ်သက်ပြီး ဘယ်သူတွေဘာပြောထားသလဲဆုိုတာကို လုိုက်ရှာကြည့်တော့ "အခုရှင်းနေတဲ့ ကျုးကျော်တွေက အစိုးရပိုင်မြေတွေအပေါ်မှာဖြစ်လို့ အစိုးရကရှင်းနေတာ။ နောက်အစိုးရလက်ထက် ထားခဲ့ရမယ့်အချိန်မှာ တက်နိုင်သမျှ ကျူးကျော်လိုပြဿနာ အနည်းဆုံးဖြစ်အောင် စိတ်ရင်းစေတနာနဲ့ လုပ်နေတယ်လုို့ထင်ပါတယ်" ဆုိုပြီး သမ္မတရုံးအကြီးတန်းအရာရှိက မဇျိမသတင်းဌာနကုို ဖြေကြား တယ်လုို့ တွေ့ရပါတယ်။


အံ့သြလုို့မဆုံးပါဘူး။ ဒါမျိုး အင်အားသုံးပြီး မဆင်မခြင်လုပ်တာဟာ အပေါ်က မသိပဲ အောက်ကလူတွေ၊ ဒေသဆုိုင်ရာအဆင့်ကလူတွေ လုပ်လုိုက်တာဖြစ်မှာပါဆုိုတဲ့ ပထမပုိုင်း စိတ်ကူး လုံးဝမှားသွားပါတယ်။ ဒါဟာ သမ္မတရုံးရဲ့ညွန် ကြားချက်အရ၊ အစိုးရရဲ့ပေါ်လစီအရ လုပ်တယ်ဆုိုတာ ထင်ရှားသွားပါတယ်။ ဒါပေမဲ့ ပေါ်လာတဲ့မေးခွန်းက ဒီလုို အင်အားသုံးရှင်းလုိုက်တဲ့အတွက် နောက်တက်လာမဲ့အစိုးရသစ်အတွက် ပြသာနာပုိုနည်းသွားမှာလား၊ ပြသာနာပုိုကြီးလာစေမှာလား ဆိုတာပါပဲ။

‘’မြန်မာလူမျိုးတွေ မြန်မာပြည်ထဲမှာနေတာ နေပုိုင်ခွင့်မရှိဘူးလား၊ ကုိုယ့်လူမျီုးအချင်းချင်း ဒီလုိုပဲ လုပ်ရ သလား’’ လုို့ အော်ပြီးငုိုနေတဲ့ ဗွီဒီယုိုဖွိုင်ထဲက အိမ်ရှင်မတဦးရဲ့အသံကိုသာ ကြားရောင်နေမိပါတယ်။ ဒါပေမဲ့ အံ့သြဖုို့ကောင်းတာက ‘’ကျုးကျော်တွေကို ဒီလုိုမရှင်းရင် ဘယ်လုိုရှင်းမလဲ၊ မရှင်းစေချင်ရင် အစကတည်းက ဒီမှာကျုးကျော်ပြီး လာမနေနဲပေါ့’’ ဆုိုတဲ့အမြင်ရှိသူတွေကလည်း မနည်းလှပါ။ 

Facebook က မှတ်ချက်တွေကိုအကြမ်းဖျင်းဖတ်မိသလောက်ဆုိုရင် ဒီလုိုလူသားမဆန်စွာ ဘူဒုိုဇာနဲ့ထုိုးပြီး အိမ်ဖြိုတဲ့အပေါ် ပြည်ပရောက် (အထူးသဖြင့် အနောက်တုိုင်းရောက်) မြန်မာအများစုက အပြင်းအထန် ကန့်ကွက်ရှုတ်ချကြပေမဲ့ ပြည်တွင်းရှိ တချို့လူတွေကတော့ ကျုးကျော်တွေမှာလဲအပြစ်ရှိတယ်ဆုိုတဲ့ပုံစံမျိုးနဲ့ ရေးထားတာတွေ့ရပါတယ်။

တနည်းအားဖြင့် ကျုးကျော်ရပ်ကွက်မှာနေသူတွေကို ဥပဒေမဲ့နေသူတွေ၊ ဥပဒေချိုးဖောက်သူတွေအဖြစ် မြင်နေတဲ့အထဲမှာ အာဏာပုိုင်တွေတင်မက သာမန်အရပ်သားတွေလည်း အများကြီးရှိနေဆဲပါ။ ဘာကြောင့်လဲ။ နှစ် ၅၀ လုံး လုံး စစ်အစိုးရရဲ့ ၀ါဒဖြန့်ချီရေးအောက်မှာ နေလာခဲ့ရလုို့ အစိုးရပြောသမျှ ဥပဒေဆုိုပြီး ဥပဒေနဲ့ အမိန့်ကို မကွဲမပြား ဖြစ်သွားကြလုို့လား။ 

ထားတော့။ အစိုးရတွေ၊ အတုိုက်အခံတွေကို ဘေးဖယ်ပြီး အချက်အလက်ပေါ်အခြေခံစဉ်းစားကြည့်ရ အောင်ပါ။ ဥပမာ အားဖြင့် နယ်စပ်ဒေသမှာ တုိုက်ပွဲဖြစ်လုို့ သူပုန်ထိမ်းချုပ်နယ်မြေထဲက ရွာတွေကို စစ်တပ်ကမီးမရှို့ရင်တောင် လူ့အခွင့်အရေးချိုးဖောက်တယ်။ စစ်ရာဇ၀တ်မှု ကျုးလွန်တယ်ဆုိုပြီး လူ့အခွင့်အရေးအဖွဲ့တွေက ပြောကြပါတယ်၊ အစီရင်ခံစာတွေ ထုတ်ကြပါတယ်။

အခု ရန်ကုန်မြို့နားမှာ၊ အများပြည်သူမြင်ကွင်းရှေ့မှာ လူနေအိမ်တွေကို ရာနဲ့ချီပြီး ဒီတုိုင်းဖြိုချတာကျ လူ့အခွင့် အရေးအဖွဲ့တွေက ဘာလုို့ အဲလုိုမပြောကြတာလဲ။ စဉ်းစားစရာပါပဲ။

ဘယ်လုိုအဖြေရှာမလဲ

အစိုးရအသစ်အဆင်ပြေအောင် ဒီလုိုလုပ်ရတာပါဆုိုပြီး အစိုးရဟောင်းရဲ့ သမ္မတရုံးကပြောနေပေမဲ့ တကယ်တော့ ဒါဟာ အစိုးရသစ်တက်တက်ချင်း ပထမ ဆုံးကုိုင်တွယ်ရမဲ့ ပြသာနာတောင်ဖြစ်လာ နုိုင်ပါတယ်။ အခု သိထားတဲ့စာ ရင်းတွေအရဆုိုရင် ဒီလုိုအတင်းအကျပ်အိမ်တွေဖြိုချခံရ၊ နယ်နှင်ခံရတဲ့ နေရာဟာ မင်္ဂလာဒုံ ပျဉ်းမပင်က အိမ်ခြေ ၅၀၀ ခန့်တည်းမဟုတ်။ ဇန်နဝါရီ ၂၄ ရက်ကလည်း ရန်ကုန်တိုင်း၊ ဒဂုံဆိပ်ကမ်းမြို့နယ်ရှိ ရပ်ကွက် ခုက ကျုးကျော်အိမ်ခြေ ၂၀၀ ကျော်ကို အလားတူရှင်းခဲ့တဲ့အတွက် လူ တထောင်ကျော် အုိုးအိမ်မဲ့ဖြစ်နေပါတယ်။ အလားတူ ကျောက်တန်းဖက်မှာလည်း သီလ၀ါအထူးစီးပွါးဇုန်နဲ့ မလွတ်လုို့ဆုိုပြီး နေအိမ်တချို့ကို ဖြိုဖျက်ဖုို့ပြင်နေတယ်လုို့ဆုိုပါတယ်။


ဒါက ရန်ကုန်တုိုင်းအတွင်းက အခုလောလောဆယ် ကြားရသမျှ အရေးပေါ်သတင်းမျှသာရှိပါသေးတယ်။ တခြား ပြည်နယ်-တုိုင်းတွေမှာ အလားတူပြသာနာ ဘယ်လောက်ရှိနေမှန်းမသိသေးပါ။ ဒီပြသာနာတွေကို ဘယ်လုိုရှင်းမှာလဲ။ ဒီလူတွေကို ဘယ်မှာ ပြန်လည်နေရာချထားပေးမှာလဲ။ အိမ်ဖျက်ခံရသူတွေ အပြောတုိုင်းဆုိုရင်တော့ အာဏာပုိုင်တွေဟာ သူတို့အိမ်တွေကိုဖျက်ချလုိုက်ပေမဲ့ သူ့တုို့ကုို ဘယ်မှာသွားနေ ပါဆုိုပြီး ပြန်လည်နေရာချထားပေးမဲ့ အစီစဉ်ဘာမှပြောမသွားဘူးလုို့သိရပါတယ်။

လွန်ခဲ့တဲ့ နှစ် သမီးလေးရွာအဖျက်ခံရစဉ်တုန်းကတော့ ကရင်လက်နက်ကုိုင်အဖွဲ့မှ ဗိုလ်မှုးဆန်းအောင်တုို့ အဖွဲ့ကနေ သူတုို့ထိမ်းချုပ်နယ်မြေမှာ လုိုက်နေကြပါဆုိုပြီး မော်တော်ယဉ်တန်းနဲ့ လာခေါ်သွားတာတွေ့ဖူး ပါတယ်။ အခုလည်း လက်နက်ကုိုင် ငြိမ်းချမ်းရေးအဖွဲ့တွေက အလားတူလာခေါ်ကြမှာလား။ ရန်ကုန် ဆင်ခြေဖုံးမှာနေတဲ့လူတွေက ဟုိုနယ်စပ်ကနေရာသစ်ဆီသွားပြီး ဘယ်လုိုနေထုိုင်ရှာဖွေ စားသောက်ကြ မှာလဲ။

ဒါဟာ မှန်ကန်တဲ့ဖြေရှင်းနည်းတော့ မဟုတ်သေးပါ။ ဒါဖြင့် မှန်ကန်တဲ့နည်းက ဘာလဲ။ ကျုးကျော်တွေ၊ အုိုးအိမ်မဲ့တွေကို အုိုးနဲ့အိမ်နဲ့ဖြစ်လာအောင် အစိုးရက တာဝန်ယူဆောင်ရွက်ပေးရေးပဲဖြစ်ပါတယ်။ ဒါဟာ အပြောလွယ်သလောက် လက်တွေ့ကတော့ မလွယ်ပါဘူး။ ဒါပေမဲ့ စစ်အစိုးရကနေ အရပ်သားအစိုးရ ဖြစ်လာပြီ၊ ရွေးကောက်ခံ အစိုးရဖြစ်လာပြီဆုိုရင်တော့ ဒီပြသာနာကုို ဘူဒုိုဇာနဲ့ဖြေရှင်းလုို့မရတော့ပါ။

တနည်းအားဖြင့်ပြောမယ်ဆုိုရင်တော့ စစ်တပ်ကြီးစုိုးတဲ့ခေတ်၊ စစ်အတွေးအခေါ်ကြီးစုိုးတဲ့ခေတ်မှာလုို ‘’ရေဗူးပေါက်တာ မလုိုချင်ဘူး၊ ရေပါတယ်ပဲလုိုချင်တယ်’’ ဆုိုပြီး သွားလုပ်လုို့မရတော့ပါ။ ဘာကြောင့် ရေဗူးတွေပေါက်နေရတာလဲဆုိုတဲ့ နောက်ခံအကြောင်းရင်းကုိုပါ အသေအချာရှာဖွေဖြေရှင်း ပေးဖုို့လုို ပါတယ်။

ဒါဟာ ရေရှည်လုပ်ငန်းစဉ်ဖြစ်တဲ့အတွက် လောလောဆယ် အဖြေမရှာနုိုင်သေးရင်တောင် ဒီလုိုတော့ အင်အားသုံး မဖြိုချသင့်ပါ။ လူ့အခွင့်အရေးကိုလေးစားတဲ့နုိုင်ငံတွေ၊ ဒီမုိုကရေစိအခွင့်အရေးကိုလေးစား တဲ့နုိုင်ငံတွေက တခြား နုိုင်ငံကနေ ထွက်ပြေးလာသူတွေကို သူတုို့နုိုင်ငံမှာလက်ခံနုိုင်ဖုို့ စည်းမျဉ်းစည်းကမ်း တွေရေးဆွဲနေစဉ်မှာ ကျနော်တို့နုိုင်ငံကတော့ သူများနုိုင်ငံကလာသူကိုလက်ခံဖုို့နေနေသာသာ ကိုယ်နုိုင်ငံ ထဲကိုယ်နေတဲ့ ကုိုယ်ပြည်သူကုိုတောင် တာဝန်မယူပဲ လက်လွတ်စပယ် လုပ်နေတာမျိုးကတော့ ရှက်ဖုို့ ကောင်းပါတယ်။


ဒါဟာ အစိုးရရဲ့ဂုဏ်သိက္ခာကိုတင်မက မြန်မာအမျိုးသားတရပ်လုံးရဲ့ ဂုဏ်သိက္ခာကိုပါ ထိခုိုက်စေပါတယ်။ စေတနာကောင်းသူတွေ၊ အလှူအတန်းရက်ရောသူတွေ၊ အချင်းချင်း ကူညီရုိုင်းပင်းတတ်သူတွေ၊ အမြဲတန်းပြုံးပျော်နေတတ်သူတွေဆုိုတဲ့ မြန်မာနုိုင်ငံရဲ့ နာမ၀ိသေသနတွေကုိုပါ ထိခုိုက်လာနုိုင်တဲ့အတွက် ဘူဒုိုဇာနဲ့ထုိုးတဲ့ အင်အားသုံးဖြေရှင်းနည်းကို အမြန်ဆုံးရပ်တန့်သင့်ပါကြောင်း တင်ပြလုိုက်ရပါတယ်။           

Monday, January 25, 2016

တုိုင်းရင်းသားတွေရဲ့ ခံစားချက်ကုို နားလည်ပါ

The Voice Daily, 25-01-2016။

ပြည်နယ်ဝန်ကြီးချုပ်နေရာနှင့် တုိုင်းရင်းသားတွေရဲ့ မကျေနပ်ချက်

မကြာခင်အသစ်တက်လာတော့မဲ့ ရွေးကောက်ပွဲအနုိုင်ရ အမျိုးသားဒီမုိုကရေစီအဖွဲ့ချုပ် NLD ပါတီကနေ ရခုိုင်ပြည် နယ်အစိုးရအဖွဲ့ ၀န်ကြီးချုပ်အမည်စာရင်းကိုကြေညာလုိုက်ပြီးတဲ့နောက် ရခုိုင်ပါတီဖက်က ‘’ခံစားချက်မကောင်းတဲ့’’ မကျေမနပ်ပြောဆုိုသံတွေ ပေါ်ထွက်လာပါတယ်။ မကြာခင်မှာ ရှမ်းပြည်နယ်အစိုးရအဖွဲ့ရဲ့ ၀န်ကြီးချုပ်အမည်ကုိုလည်း အလားတူကြေညာဘွယ်ရှိနေပါတယ်။ 


အဲဒီပြည်နယ် နှစ်ခုမှာ တုိုင်းရင်းသားပါတီတွေက အများစုအနုိုင်ရထားလုို့ ပြည်နယ်ဝန်ကြီးချုပ်တွေအဖြစ် တုိုင်းရင်းသားတွေကုိုပဲ NLD ဖက်ကခန့်လိမ့်မယ်ဆုိုပြီး အကဲခတ်တွေက မျော်လင့်ထားစဉ်မှာ အခုလုို သတင်းထွက်ပေါ်လာတာပါ။ NLD ဖက်ကတော့ ၂၀၀၈ ဖွဲ့စည်းပုံအခြေခံ ဥပဒေကုိုမပြင်နုိုင်သေးလုို့ (၂၀၀၈ ဖွဲ့စည်းပုံအရ ပြည်နယ်ဝန် ကြီးချုပ်ကုို သမ္မတက တုိုက်ရုိုက်ခန့်ရတာမုို့) ဒီလုိုလုပ်လုိုက်ရတာပါဆုိုပြီး ဆင်ခြေပေးတယ်လုို့ဆုိုပါတယ်။

ဒါပေမဲ့ ဒီကိစ္စဟာ ဒီလုိုပြောလုိုက်ရုံနဲ့ပြီးမသွားပါ။ ဒါဟာ တုိုင်းရင်းသားပါတီတွေ၊ တုိုင်းရင်းသားအဖွဲ့ အစည်းတွေအပေါ် NLD အစိုးရနဲ့ NLD ကိုမဲပေးထားတဲ့လူတွေဖက်က ဘယ်လုိုသဘောထားသလဲ ဆုိုတာကိုပြသတဲ့ သဘောထားညွှန်းကိန်း ဖြစ်သွားနုိုင်တာကြာင့် အလွန်သတိထား ကုိုယ်တွယ် သင့်ပါတယ်။ 

NLD ရဲ့ လုပ်ရပ်အပေါ် ကန့်ကွက်ကြောင်း ကြေညာချက်ထုတ်တဲ့ ရခုိုင်အမျိုးသားပါတီ (ANP) ကို အစွန်းရောက်တယ်ဆုိုပြီး တချို့က ဝေဖန်ကြပါတယ်။ ဒါဖြင့် ရှမ်းပြည်နယ်မှာ အလားတူ NLD ပါတီဝင် ရှမ်းအမတ်တဦးကို ပြည်နယ်ဝန်ကြီးချုပ်ခန့်လုို့ SNLD ပါတီက ကန့်ကွက်ရင်လည်း ရှမ်းတွေ အစွန်းရောက်တယ်လုို့ ပြောကြဦးမှာလား။ ဒါမှမဟုတ် ရခုိုင်ဖက်မှာက ရုိုဟင်ဂျာ (အစိုးရအခေါ် ဘင်္ဂလီ) ပြသာနာရှိနေလုို့ ရခုိုင်အမတ်ကို ၀န်ကြီးချုပ်တာဝန် မပေးပေမဲ့ ရှမ်းဖက်မှာကျရင် ရှမ်းအမတ်ကုို ပေးချင်ပေးနုိုင်တယ်ဆုိုပြီး မျှော်လင့်ချက် ဆက်ပေးထားတဲ့သဘောလား။

သေချာတာတခုကတော့ ဘယ်သူအစွန်း ရောက်တယ်၊ ဘယ်သူမှားတယ်၊ ဘယ်သူမှန်တယ် ဆုိုတာမျိုးမပြောခင် ဒီလုိုအရေးကြီးတဲ့ ရာထူးနေရာတွေအတွက် ကြေညာချက်မထုတ်ခင်မှာ တနုိုင်ငံလုံးအနုိုင်ရထားတဲ့ NLD ပါတီနဲ့ နေရာတချို့အနုိုင်ရထားတဲ့ တုိုင်းရင်းသားပါတီတွေကြား အရင်ဆုံးတွေ့ဆုံဆွေးနွေး သင့်ပါတယ်။ 

ဒါပေမဲ့ မီဒီယာတွေပေါ်မှာ ဖတ်နေရတဲ့သတင်း အသွားအလာတွေအတုိုင်းဆုိုရင်တော့ NLD ပါတီဟာ တုိုင်းရင်းသားပါတီတွေနဲ့ ရွေးကောက်ပွဲမတုိုင်ခင် ညှိနှိုင်းမှုမရှိခဲ့သလုို အခု ရွေးကောက်ပွဲအပြီး လကျော်ကာလအတွင်းမှာလည်း ညှိနှိုင်းမှု၊ တွေ့ဆုံးဆွေးနွေးမှု မရှိသေးဘူးဆုိုတဲ့သဘောမျိုး တွေ့နေရဆဲဖြစ်ပါတယ်။ ဘာဖြစ်လုို့လဲ၊ ဒီမုိုက ရေစီဆုိုတာ တွေဆုံဆွေးနွေးလေ ပုိုအကျိုးရှိလေ မဟုတ်ပါလား။

အသံတူပေမဲ့ အဓိပ္ဗယ်မတူတဲ့ မြန်မာစကားလုံးတွေကို သတိထားပါ

ရွေးကောက်ပွဲမကျင်းပခင် လပိုင်းအလိုကာလနဲ့ ရွေးကောက်ပွဲအလွန်လပုိုင်းတွေမှာ NLD ပါတီဖက် ကပြောတဲ့ စကားလုံးတွေထဲ တုိုင်းရင်းသားတွေနဲ့လက်တွဲဆောင်ရွက်မယ်၊ တုိုင်းရင်းသားတွေကို အရေးကြီးတဲ့ ရာထူးနေရာတွေပေးမယ်ဆုိုတာတွေ ပါဝင်ပါတယ်။ ဒါပေမဲ့ အဲဒီတုိုင်းရင်းသားဆုိုတာ NLD ပါတီဝင် တုိုင်းရင်းသားကိုပြောတာလား၊ တုိုင်းရင်းသားပါတီဝင် တုိုင်းရင်းသားကုိုပြောတာလား ဆုိုတာကိုတော့ ဘယ်သူကမှ မေးခွန်းထုတ်ဖုို့ သတိမရခဲ့ပါ။ 


တုိုင်းရင်သားလုို့ပြောကတည်းက NLD ပါတီဝင် မဟုတ်သူ၊ ကြံ့ခုိုင်ရေးပါတီဝင်မဟုတ်သူ၊ ပြည်မအခြေစိုက် ပါတီကီးတခုခု (ပြည်ထောင်စုပါတီလုို့ တချို့ကခေါ်ကြပါတယ်) ရဲ့ပါတီဝင်မဟုတ်သူကုိုဆုိုလုိုတာလို့ အလုိုအလျောက်နား လည်ထားလုို့ ဒီလုိုမေးခွန်းမထုတ်တာလည်းဖြစ်နုိုင်ပါတယ်။ ဒါက တုိုင်းရင်းသားတွေနဲ့ သူတုို့အပေါ်နားလည်သူတွေ၊ သူတုို့နဲ့လက်တွဲနေထုိုင်ခဲ့ဖူးသူတွေဖက်က အမြင်ကိုပြောတာပါ။

ဒါပေမဲ့ တုိုင်းရင်းသားဒေသတွေဆီ မရောက်ဖူးသူ၊ ပြည်တွင်းစစ်ဖြစ်နေတဲ့ နေရာတွေဆီမရောက်ဖူးသူ၊  ‘’မဟာဗမာ’’ ဆုိုတဲ့စကားလုံးကို မကြားဖူးသူ၊ ပြည်မရှိလူအများစုကြီးကတော့ ‘’တုိုင်းရင်းသားပဲကွာ၊ NLD ပဲဝင်ဝင်၊ ကြံ့ခုိုင်ရေးပဲဝင်ဝင်၊ ရှမ်းနဲ့ ရခုိုင်ပါတီပဲဝင်ဝင် တုိုင်းရင်းသားဟာ တုိုင်းရင်းသားပဲပေါ့’’ လုို့ ပြောကြပါလိမ့်မယ်။ ဒါလည်းမမှားပါဘူး။ ၀န်ကြီးချုပ်အဖြစ် အမည်တင်သွင်းခံရသူ ဦးညီပုကုို NLD ပါတီဝင်ဖြစ်နေလုို့ ရခုိုင်မဟုတ်တော့ဘူးလုို့ မပြောနုိုင်ပါ။ ဒါပေမဲ့ သူဟာ ရခုိုင်ကိုကုိုယ်စားပြုမှာလား၊ NLD ကုို ကိုယ်စားပြုမှာလားဆုိုတာကုိုတော့ မေးခွန်းထုတ်သင့်ပါတယ်။

‘’NLD သာ တုိုင်းရင်းသားအရေးကို အပြည့်အ၀ဆောင်ရွက်ပေးမယ်ဆုိုရင် ကျနော်တို့က ဘာလုို ပါတီထောင်နေဖုို့ လုိုဦးမလဲဗျာ’’ ဆုိုတဲ့ SNLD ပါတီ ခေါင်းဆောင်တဦးရဲ့ ရွေးကောက်ပွဲအလွန် မီဒီယာဆွေးနွေးပွဲတခုက မှတ်ချက်ကိုလည်း အားလုံးသတိရသင့်ပါတယ်။

တခါ သမ္မတဦးသိန်းစိန်နဲ့ တပ်ချုပ် ဗုိုလ်ချုပ်မှုးကြီးမင်းအောင်လှိုင်တုို့က ဖက်ဒရယ် ပြည်ထောင်စုစနစ်ကုို လက်ခံတယ်လုို့ပြောနေပါတယ်။ ဒါပေမဲ့ အသေချာမေးခွန်းထုတ်မယ်ဆုိုရင် ဦးသိန်းစိန်ပြောနေတဲ့ ဖက်ဒရယ်နဲ့ နုိုင်ဟံသာတုို့ UNFC (တုိုင်းရင်းသားများ ဖက်ဒရယ်ကောင်စီ) နဲ့ ခွန်ထွန်ဦးတုို့ရဲ့ UNA (ညီညွတ်သောတုိုင်းရင်းသားများ မဟာမိတ်အဖွဲ့) က ပြောနေတဲ့ ဖက်ဒရယ် အဓိပယ်ခြင်း မတူနုိုင်ပါဘူး။ ဒီလုိုအသံတူပေမဲ့ အဓိပါယ်မတူတဲ့ စကားလုံးတွေကို သဘောတူချက်တခုခုလက်မှတ်မရေးထုိုးခင်မှာ တိကျတဲ့ အဓိပယ်ဖွင့်ဆုိုမှုလုပ်သင့်ပါတယ်။

ဒီမုိုကရေစီအခွင့်အရေးနဲ့ တုိုင်းရင်းသားအခွင့်အရေး ဘာကွာသလဲ 

ဒီမေးခွန်းအတွက် လွန်ခဲ့တဲ့ နှစ် ၂၀ ကျော်၊ လေးလုံးအရေးတော်ပုံအတွင်း ဒီမုိုကရေစီတောင်းဆုိုခဲ့တဲ့ ထောင်နဲ့ ချီတဲ့ကျောင်းသားတွေ တုိုင်းရင်းသားအခွင့်အရေးအတွက် လက်နက်ကုိုင်တုိုက်ပွဲဝင်နေတဲ့ နယ်စပ်ကအဖွဲ့တွေဆီ ရောက်ကာစ နုိုင်ငံရေးအခြေအနေကုို နည်းနည်းတင်ပြချင်ပါတယ်။ ဒီမုိုကရေစီအရေးတုိုက်ပွဲဝင်ဖုို့ထွက်လာတဲ့ ကျောင်းသားတွေထဲမှာ တုိုင်းရင်းသားပေါင်းစုံပါဝင်ပေမဲ့ အများစုဟာ ပြည်မကနေလာသူတွေဆုိုတော့ ‘’ဗမာ’’ လုို့ပဲ တုိုင်းရင်းသားလက်နက်ကုိုင်တွေနဲ့ သူတို့ထိမ်းချုပ်နယ်မြေတွင်းရှိ ပြည်သူတွေက မြင်ကြပါတယ်။ 


အဲဒီအချိန်မှာ သူတို့က လူများစု၊ ကျောင်းသားတွေက လူနည်းစု။ သူတို့က လက်နက်နဲ့အာဏာရှိသူ၊ ကျောင်းသားတွေက ဘာမှမရှိသေးတဲ့သူ။ အဲဒီအချိန်မှာကြုံရတဲ့ ဗမာနဲ့ တုိုင်းရင်းသားတွေကြား သုို့ မဟုတ် ဒီမုိုကရေစီအုပ်စုနဲ့ တုိုင်းရင်းသားအုပ်စုကြား ယုံကြည်မှုမရှိတဲ့ပြသာနာဟာ အတော်ဆုိုးပါတယ်။ ကျောင်းသားအများစုက ပြည်မမှာ၊ ဗမာလူမျုိုးစုကြီးကြားထဲမှာ ကြီးပြင်းလာသူတွေဆုိုတော့ လူနည်းစုရဲ့ခံစားချက်ကို တခါမှမတွေးမိပါ။ အခု တောထဲမှာ ကိုယ်ကလူနည်းစုဖြစ်သွားတော့မှ လူနဲစုရဲ့ခံစားကုို နည်းနည်း ကိုယ်ချင်းစာမိသလုို ဖြစ်လာပါတယ်။

တုိုင်းရင်းသားတွေဖက်က ဗမာတွေအပေါ် ဒီလောက်အထိ မယုံမကြည်ဖြစ်နေတယ်ဆုိုတာကို အဲဒီဒေသဆီ မရောက်ဖူးခင်အထိ ကျနော်မသိတာ အမှန်ပါ။ ကျန်တဲ့ကျောင်းသားအများစုလည်း ဒီလုိုပဲခံစားရမယ်လုို့ ထင်ပါတယ်။ ‘’မဟာဗမာ’’ ဆုိုတဲ့စကားလုံးကို ကြားစက ဘယ်လုိုမှ နားမခံနုိုင်။ နောက်ပုိုင်းအချိန်ကြာ လာတော့ သူတုို့ရဲ့ ခံစားချက် ကိုတဖြေးဖြေးနားလည်လာပါတယ်။ 

ဒီလုိုပြောလုိုက်လုို့ ဗမာစစ်တပ်နဲ့ ဗမာအစိုးရ (တုိုင်းရင်းသားတွေဖက်က ခေါ်တဲ့အသုံးအနှုန်း) ဖက်က တဖက် သတ်ဆုိုးပြီး တုိုင်းရင်းသားလက်နက်ကုိုင်တွေဖက်က လုံးဝ ကောင်းနေတယ်လုို့ မယူဆစေချင်ပါ။ လက်နက်ကုိုင်ထားသူအားလုံးဟာ ဗမာတပ်ပဲဖြစ်ဖြစ်၊ တုိုင်းရင်းသားတပ်ပဲဖြစ်ဖြစ် အင်အားပေါ်အခြေခံပြီး အာဏာကုိုတလွဲလုပ် တဲ့နေရာမှာတော့ သိပ်မကွာလှပါဘူး။ 

ဗမာစစ်တပ်နဲ့ ဗမာလူမျိုးကို ခွဲခြားမြင်နုိုင်အောင် ပညာပေးမှုမလုပ်ပဲ ဗမာမှန်သမျှကို မုန်းနေအောင် လက်နက်ကုိုင်အဖွဲ့ ခေါင်းဆောင်တချို့က သူတို့တပ်တွေကုို ၀ါဒဖြန့်ထားတဲ့အတွက် ကျနော်တုို့ ကျောင်းသားတွေ လူပျောက်စာရင်းဝင်သွားတာ မနည်းလှပါဘူး။

အဲဒီလုို ကျောင်းသားတွေ ဘ၀နဲ့ရင်းပြီးရခဲ့တဲ့အတွေ့အကြုံ ဆောင်ပုဒ်၊ နောက်ပုိုင်း တပ်ပေါင်းစုဆောင်ပုဒ်အထိ ဖြစ်လာတဲ့ နုိုင်ငံရေးဒဿနကတော့ ‘’ဒီမုိုကရေစီအရေးနဲ့ တုိုင်းရင်းသား အရေးကို တပြိုင်တည်းဖြေရှင်းမှရမယ်၊ ဒီနှစ်ခုဟာ ခေါင်းနဲ့ပန်းလိုတွဲနေတယ်’’ ဆုိုတာပါပဲ။ ဒါ လွန်ခဲ့တဲ့ ၂၇ နှစ်ဝန်းကျင်က တော်လှန်ရေးဌာနချုပ် မာနယ်ပလောက အခြေအနေကိုပြောနေတာပါ။ အခုတော့ ကျောင်းသားအဖွဲ့ ABSDF အပါဝင် တချိန်က မာနယ်ပလောမှာ ဒီအခွင့်အရေးတွေအတွက် ဆွေးနွေးငြင်းခုန်ခဲ့ဖူးတဲ့အဖွဲ့အားလုံး အစိုးရနဲ့အပစ်ရပ်ပြီး ငြိမ်းချမ်းရေးညီလာခံတောင် တက်နေကြပါပြီ။

ဒါပေမဲ့ အဲဒီညီလာခံမှာ ‘’ဒီမုိုကရေစီအရေးနဲ့ တုိုင်းရင်းသားအရေးကို တပြိုင်တည်းဖြေရှင်းမှရမယ်၊ ဒီနှစ်ခုဟာ ခေါင်းနဲ့ပန်းလိုတွဲနေတယ်ဆုိုတဲ့ ဆွေးနွေးချက်မျိုး၊ ဆုံးဖြတ်ချက်မျိုးတော့ မကြားမိသေးပါ။ ဘာကြောင့်လဲ။ ABSDF အပါဝင် တခါက မာနယ်ပလောအဖွဲ့တွေအားလုံး အခွင့်အရေးအပြည့်အ၀ ရသွားကြပြီဖြစ်လုို့လား။ ဒါမှမဟုတ် တောတွင်းဌာနချုပ်၊ ကုိုယ့်အချင်းချင်းကြားမှာပဲ ဒီအခွင့်အရေးတွေကုို ကျယ်ကျယ်လောင်လောင်ပြောရဲပြီး စစ်အစိုးရချုပ်ကိုင်ထားတဲ့ နေပြည်တော်မှာကျ မပြောရဲတော့လုို့လား။ စဉ်းစားစရာပါပဲ။

တုိုင်းရင်းသားတွေ ပါတီထောင်ဖုို့လုိုသေးလား

ဒါက စစ်အစုိုးရခေတ်၊ စစ်တပုိုင်းအစိုးရခေတ်မှာမုို့ အခြေအနေကုို ကြည့်ပြီးပြောနေရတာပါဆုိုပြီး ဆင်ခြေပေးမယ်ဆုို ပေးလုို့ရပါသေးတယ်။ ထားလုိုက်တော့ အရင်ကဖြစ်ခဲ့ကိစ္စတွေကို။ အခုက မနက်ဖြန်ကိစ္စကိုပြောနေတာ။ ဖေဖေါ်ဝါရီလ တရက်နေ့မှာ စတင်တော့မဲ့ လွတ်တော်အသစ်နဲ့ မတ်လမှာတက်လာတော့မဲ့ အစိုးရအသစ်လက်ထက်မှာကော ‘’ဒီမုိုကရေစီအရေးနဲ့ တုိုင်းရင်းသားအရေးကို တပြိုင်တည်းဖြေရှင်းမှရမယ်၊ ဒီနှစ်ခုဟာ ခေါင်းနဲ့ပန်းလို တွဲနေတယ်ဆုိုတဲ့ ကြွေးကြော်သံ ပြန်ပေါ်လာနုိုင်ပါသလား။


ထပ်ရှင်းအောင်ပြောရမယ်ဆုိုရင် ၂၀၁၅ ရွေးကောက်ပွဲမှာ ဒီမုိုကရေစီကိုလေးစားတဲ့ NLD ပါတီ အနုိုင်ရသွားတာကြောင့် ဒီမုိုကရေစီအခွင့်အရေးတော့ တစုံတရာရလာပြီလုို့ပြောနုိုင်ပါတယ်။ ဒါပေမဲ့ ခေါင်းနဲ့ပန်းလုို ဒွန်တွဲနေပါတယ်ဆုိုတဲ့ တုိုင်းရင်းသားအခွင့်အရေး တစုံတရာရလာပြီလုို့ ပြောနုိုင်ပါရဲ့လား။ ဒွန်တွဲနေတဲ့ နှစ်ခုမှာ တခုပဲရပြီး တခုကမရပဲကျန်နေတာ ဘာကြောင့်လဲ။ ဒီနှစ်ခုဟာ တူသယောင်ယောင်နဲ့ မတူတဲ့အနှစ်သာရတွေရှိနေလုို့လား။

‘’NCA လုပ်ငန်းစဉ်ကြီးရှိနေတာပဲ၊ အဲဒီမှာ တုိုင်းရင်းသားအရေး ဆက်ဆွေးနွေးကြပေါ့’’ ဆုိုပြီး အလွယ်ပြောကြမယ် ထင်ပါတယ်။ မဖြစ်သင့်ပါ။ အရင် စစ်တပိုင်းအစုိုးရခေတ်က လုပ်ခဲ့ဖူးတာတွေကုို ထားလုိုက်ပါတော့။ အခု ဒီမုိုကရေစီ အစိုးရခေတ်မှာတော့ ဒါတွေကို အသေအချာ ကုိုယ်တွယ်ဖုို့လုိုပါတယ်။ တုိုင်းရင်းသားတွေကို တန်းတူရည်တူ ဆွေးနွေးဖို့လိုပါတယ်။ ပင်လုံစိတ်စတ်ကို အခြေခံဖုို့လုိုပါတယ်၊ CRPP (ပြည်သူ့လွတ်တော် ကို်ယ်စားပြုကော်မီတီ) မူတွေကို ပြန်သတိရဖုို့လုိုပါတယ်၊ တုိုင်းရင်းသားတွေကို ရာထူးနဲ့အာဏာ ခွဲပေးဖုို့လုိုပါတယ်။ 


ဒီလုိုဖြစ်လာအောင် ဆွေးနွေးနုိုင်ဖုို့အတွက် တုိုင်းရင်းသားပါတီတွေ၊ တုိုင်းရင်းသားအဖွဲ့အစည်းတွေ ဆက်ရှိဖုို့လုိုအပ်နေဆဲဖြစ်ပါတယ်။ တနည်းအားဖြင့်ပြောမယ်ဆုိုရင်တော့ ၂၀၁၅ ရွေးကောက်ပွဲအလွန်မှာ ဒီမုိုကရေစီအခွင့်အရေး တစုံတရာ လမ်းစမြင်လာရပြီဆုိုပေမဲ့ တုိုင်းရင်းသားအခွင့်အရေး လမ်းစ မပေါ်သေးပါ။ ဒါကြောင့် ဒီနေ့အခြေအနေမှာ စစ်ဖက်နဲ့ အရပ်ဖက်အကြားနားလည်မှုရှိရေး တည်ဆောက်မှုအပြင် ဗမာလူများစုပါတီကြီးတွေနဲ့ လူနည်းစုတုိုင်းရင်း သားပါတီတွေ၊ အဖွဲ့အစည်းတွေကြား နားလည်မှုရအောင် တည်ဆောက်ရေးကိုပါ တပြိုင်တည်းလုပ်ဖုို့လုိုအပ်နေပါကြောင်း တင်ပြလိုက်ရပါတယ်။           

Share

Twitter Delicious Facebook Digg Stumbleupon Favorites More