Friday, June 29, 2018

"စစ်ရာဇဝတ်မှုနဲ့ စွပ်စွဲခံထားရသူတယောက် မြန်မာသမ္မတ ဖြစ်လာလေမလား"


30/6/2018
"စစ်ရာဇဝတ်မှုနဲ့ စွပ်စွဲခံထားရသူတယောက်
မြန်မာသမ္မတ ဖြစ်လာလေမလား"
ဘာတေးလစ်တနာ
( မူရင်းဆောင်းပါးရှင် ၏ အာဘော်သာဖြစ်ပါသည်)
Will an alleged war criminal become president of Myanmar?
Bertil Lintner
June 28 , 2018 12:26pm ။Asia Times . ကိုဘာသာပြန်ပါသည်။
ပြန်ဆိုသူ = ဒေါက်တာသိန်းမြင့် ( လူချို )

ဗိုလ်ချုပ်မှူးကြီးမင်းအောင်လှိုင် ကို လူသားများအပေါ်ကျူးလွန်တဲ့
ရာဇဝတ်မှု ဆိုတဲ့စွပ်စွဲချက်နဲ့ ဟိဂ်မြို့ကနိုင်ငံတကာရာဇဝတ်ခုံရုံးကိုပဲ အတင်ခံ ရမလား၊ ထိုအစား နောက်သက်တမ်းမြန်မာသမ္မတအဖြစ် အမျိုးသားရေး စိတ်လှိုင်းလုံး နဲ့ ရေပန်းစား အရွေးခံရမလား။ နိုင်ငံရဲ့ အဝေဖန်အခံရဆုံး ဖြစ်ပေမယ့် နိုင်ငံရေးအရအင်အားကြီးတဲ့ လက်နက်ကိုင်တပ်များရဲ့ စစ်ဦးစီး ချုပ်ဖြစ်သူရဲ့ အနာဂတ်ဟာဘာများဖြစ်လေမလဲလို့ ဖြစ်နိုင်ခြေ များစွာ ရှိနေပါ တယ်။
လူ့အခွင့်အရေးများကိုစနစ်တကျ အလွဲသုံးမှု၊ အထူးသဖြင့် ပြီးခဲ့တဲ့နှစ်
ဩဂုတ် ကစတင်ခဲ့တဲ့ စစ်တပ်ရဲ့ ရှင်းလင်းရေးစစ်ဆင်မှုများကြောင့် အကြမ်း ပြင်း ၈သိန်းခန့်ရှိမယ် ဘင်္ဂလီများ အိမ်နီးချင်း ဘင်္ဂလားဒေ့ နိုင်ငံထဲ ပြေးဝင် သွားခဲ့ကြတဲ့ မြန်မာအနောက်ပိုင်းရခိုင်ပြည်နယ် အရေးအတွက် ဗိုလ်ချုပ်မှူး ကြီးမှာ တာဝန်ရှိတယ်လို့ လူ့အခွင့်အရေးအုပ်စုများက တဖက်မှာ ယုံကြည် နေကြပါတယ်။
ဒုက္ခသည်များဟာ တပ်မတော်လို့ သိကြတဲ့ စစ်တပ်ကသူတို့အပေါ်
ကျူးလွန်တယ်ဆိုတဲ့ မုဒိန်းမှု လူသတ်မှု မီးရှို့မှုစတဲ့ ထိတ်လန့်ဖွယ်အကြောင်း အရာတွေ သူတို့နဲ့အတူ ယူဆောင်သွားခဲ့ကြပါတယ်။အခြားတဖက်မှာတော့ နိုင်ငံရေးအကဲခတ်အချို့ကနိုင်ငံရဲ့ထိပ်ဆုံးစစ်သားကြီးဟာ ဝင်ရောက်အရွေး ခံဖို့အစီအစဉ် ကို လူသိရှင်ကြားမကြေငြာထားသော်လည်း၊ နိုင်ငံရေး ရည်မှန်းချက်များ ရှိပုံရတယ်လို့ သိနေကြပါတယ်။ စစ်ဘက်ဒါမှမဟုတ် စစ်ဘက်ကကျောထောက်နောက်ခံပြုထားတဲ့ အာဏာအလွဲပြုမှု ဆယ်စုနှစ်
များစွာ ကို အဆုံးသတ်စေခဲ့တဲ့လက်ရှိအမျိုးသားခေါင်ဆောင် ဒေါ်အောင် ဆန်းစုကြည်ရဲ့ ရွေးကောက်ခံNLD ပါတီဟာ ၂၀၁၆မတ် လ အစိုးရ ဖွဲ့ပြီးကတည်းကညံဖျင်းတဲ့ဆောင်ရွက်ချက်များကြောင့်မြန်မာလူထုဟာလတ်ဆတ် သစ်လွင်တဲ့ အခြားတခုကို စောင့်မျှော်ခဲ့ကြပါတယ်။
ရခိုင်က မူစလင်လူနည်းစုကို ဘင်္ဂလားဒေ့ ကခိုးဝင်လာသူများလို့
မြင်ကြတဲ့ မြန်မာ အများစုကြားမှာ ရိုဟင်ဂျာတွေအပေါ်လုပ်ခဲ့တဲ့ စစ်ဘက်ရဲ့ စစ်ဆင်ရေးဟာထောက်ခံကြိုဆိုမှု မရခဲ့တာမဟုတ်ပါဘူး။ ကုလ နဲ့ နိုင်ငံတ ကာ လူ့အခွင့်အရေးအုပ်စုများက "လူမျိုးစုရှင်းလင်းရေး" နဲ့ "လူမျိုးတုန်း သတ်ဖြတ်မှု" လို့တောင်မြင်ခဲ့ကြတဲ့အဖြစ်ဟာမင်းအောင်လှိုင် ရဲ့ ပုံရိပ် နဲ့ ရေပန်းစားမှုကို ဒေသအတွင်းမှာ မြှင့်တင်ပေးနိုင်ခဲ့ပုံရပါတယ်။
လူသားများကိုဆန့်ကျင်မှု ပြစ်မှုနဲ့ နိုင်ငံတကာတရားရုံး ကို လွှဲပို့ခံရ
ခြင်း ဒါမှမဟုတ် ရွေးကောက်ခံရပြီး သမ္မတဖြစ်လာခြင်း ဆိုတဲ့ စိတ်မှန်းပုံရိပ် နှစ်ခုလုံးဟာ သေချာပေါက်ဖြစ်လာနိုင်မယ်လို့တော့ပြောမရသေးပါဘူး။ဒါပေမယ့် ရိုဟင်ဂျာအခြေအနေအတွက် တစုံတရာ တာဝန်ယူမှုရှိဖို့အတွက် နိုင်ငံတကာ ဖိအားက စုဖွဲ့နေပါပြီ။ ဇွန်၂၇ရက်ကထုတ်ပြန်တဲ့ နိုင်ငံတကာ လွတ်ငြိမ်းချမ်းသာခွင့်အဖွဲ့ရဲ့ အစီရင်ခံစာမှာ ဘင်္ဂလီများအပေါ် စစ်တပ် ကစစ်ဆင်ရေးဟာလူသားများအပေါ်ကျူးလွန်တဲ့ ရာဇဝတ်မှု ဖြစ်ပြီးဗိုလ်ချုပ်
မှူး ကြီးမင်းအောင်လှိုင် နဲ့ အခြားအရာရှိ ၁၂ဦး ပါဝင်ပတ်သက်ကြောင်း
ကျယ်ပြန့် ယုံကြည်ရတဲ့ သက်သေများ စုဆောင်းထားပြီးပြီဆိုပါတယ်။ အကြမ်းဖက်မှုများဟာ စစ်သားတဦးချင်း တပ်ဖွဲ့တဖွဲ့ချင်းရဲ့ဆိုးရွားတဲ့ အပြု အမူမျိုးမဟုတ်ပဲ အဆင့်မြင့်ပြင်ဆင်ထားတဲ့ စနစ်ကျတဲ့ တိုက်ခိုက်မှုများ ဖြစ်တယ်ဆိုတဲ့ ဒီအစီရင်ခံစာ ဟာ ဒီဖြစ်ရပ်ကို နိုင်ငံတကာတရားခုံရုံး ကို တင်ဖို့ဆော်ဩထားပါတယ်။
လူမျိုးစုရှင်းလင်းရေးစစ်ဆင်မှု မတိုင်ခင်နဲ့ စစ်ဆင်ရေး အတွင်း
ဗိုလ်ချုပ်မှူးကြီးမင်းအောင်လှိုင်အပါအဝင် စစ်ဘက်ထိပ်တန်းအရာရှိကြီးများ ဟာ ရခိုင်ဒေသ ကိုသွားခဲ့ကြပြီး စစ်ဆင်ရေးကဏ္ဍများကိုကွပ်ကဲခဲ့ကြတယ်
လို့ ဒီအစီရင်ခံစာ ကဆိုပါတယ်။ "လူသားများကိုဆန့်ကျင်တဲ့ပြစ်မှုများ ကျူး လွန်နေကြတယ်" ဆိုတာကိုစစ်ဘက်အကြီးတန်းအရာရှိများဟာ သိရမယ် ဒါမှမဟုတ် သိသင့်တယ်။ သို့နှင့်တိုင် ဒီပြစ်မှု များကို တားဆီးဖို့ သို့မဟုတ် အပြစ်ပေးဖို့သူတို့ရဲ့ အမိန့်အာဏာ ကို အသုံးမပြုဘဲ ပျက်ကွက်ခဲ့ကြတယ် လို့
စွပ်စွဲထားပါတယ်။ ဒါ့အပြင် ဖြစ်ရပ်နောက်ပိုင်းမှာ ကျူးလွန်ခဲ့တဲ့
ပြစ်မှု အများစုကြီး ကို ဖာထေးဖို့တောင်ကြိုးစားခဲ့တယ်လို့ စွပ်စွဲပါတယ်။
စွပ်စွဲထားတဲ့ပြစ်မှုများကို အိုင်စီစီကစစ်ဆေးဖို့၊ အိုင်စီစီတရားသူကြီး
များက မြန်မာအစိုးရ ကို ဇူလိုင်၂၇ရက်နောက်ဆုံးထား အကြောင်းပြန်ဖို့ ဇွန်၂၂ရက် က တောင်းဆိုထားပါတယ်။၁၉၉၈ ခုနှစ် အိုင်စီစီစတင်ထူထောင် ခဲ့တဲ့ ရောမ နည်းဥပဒေပြဋ္ဌာန်းမှုကို မြန်မာအစိုးရက လက်မှတ်မထိုးထား တဲ့အတွက် အိုင်စီစီရဲ့ တရားစီရင်နိုင်ခွင့်ပြင်ပမှာရှိနေပါတယ်။ အစိုးရက လည်း ဒီပန်ကြားမှုကို တရားဝင်ပြန်ကြားမှာမဟုတ်ဘူးလို့ပြောထားပါ တယ်။
အိုင်စီစီတရားသူကြီးများအတွက် ဖြစ်နိုင်တဲ့ နည်းလမ်းတခုကတော့
အခု အိုင်စီစီ ရှေ့ကိုရောက်နေပြီဖြစ်တဲ့ ဒုက္ခသည်များရဲ့ ကိုယ်စားလည်များက တင်သွင်းတဲ့ စွဲဆိုချက်အပေါ်ဆက်နွယ်ပါတယ်။နိုင်ငံတကာနယ်စပ်ကို ဖြတ်ကျော်ပြီး ဖြစ်ပေါ်တဲ့ပြစ်မှုရဲ့ အခြေခံ ဥပဒေကြောင်း ဆိုင်ရာအရ- ရောမပြဋ္ဌာန်းချက်အဖွဲ့ဝင် နိုင်ငံတခုရဲ့ ပိုင်နက်မှာ ဖြစ်ပွားခဲ့တယ်ဆိုတာပါ။
ဘင်္ဂလားဒေ့ ဟာ ၂၀၁၀ မှာ ရောမစာချုပ်ကိုလက်မှတ်ရေးထိုး
ထားခဲ့ပါတယ်။ ဒီစွဲဆိုချက်ကိုသာ လက်ခံခဲ့ရင် အိုင်စီစီဟာ ဘင်္ဂလားဒေ့ ကို တရားစီရင်ရေးမှာ အသုံးချနိုင်ပါတယ်။ ဒါပေမယ့် ဒီအမှုတွဲ အိုင်စီစီ ရောက် တယ်ထားဦး မင်းအောင်လှိုင် ဟာ တရားစွဲဆိုမှုကို ရင်ဆိုင်ဖို့ ဟိဂ်မြို့ကို လာလိမ့်မယ်လို့ ယုံကြည်ထားရင် စိတ်ကူးယဉ်ပဲဖြစ်ပါလိမ့်မယ်။ အပြစ်ရှိ တယ်လို့ မျက်ကွယ်မှာအမိန့်ချခဲ့ရင်လည်း တခုတည်းသောဖြစ်နိုင်ခြေ က စစ်တပ်ဦးစီးအရာရှိချုပ် ဟာ အိုင်စီစီ ကိုလက်မှတ်ထိုးထားတဲ့ နိုင်ငံတွေကို သွားဖို့ ခက်ခဲမှာ တခုပဲဖြစ်ပါတယ်။
တချိန်တည်းမှာ အိုင်စီစီ ရဲ့ အမိန့်ချမှတ်မှု နဲ့ ဗိုလ်ချုပ်မှူးကြီး နဲ့ အခြား ထိပ်တန်းခေါင်းဆောင်များကို လွှဲပြောင်းပေးဖို့ တောင်းဆိုခဲ့ရင်မြန်မာဟာ ၂၀၁၁ နဲ့ ၂၀၁၂ မှာ ပိုမိုပွင့်လင်းမှုများဆီသို့ ရွှေ့ပြောင်းခဲ့မှု မတိုင်မီအရင်က လို အနောက်နိုင်ငံများရဲ့ အပယ်ခံဘဝ ကိုပြန်ရောက်သွားပါလိမ့်မယ်။
ဥရောပသမဂ္ဂ ကတော့ ဘင်္ဂလီများအပေါ် ဆန့်ကျင်ခဲ့တဲ့ ကဏ္ဍမှာ
ပါဝင်ခဲ့တဲ့ စစ်အရာရှိ ခုနစ်ဦးကို ပိတ်ဆို့ကန့်သတ်မှုများ ချမှတ်ပြီးဖြစ်ပါ တယ်။သူတို့ထဲကနှစ်ဦးဟာတပ်မှထုတ်ပယ်ပြီးဖြစ်ပါတယ်။ ဒါပေမယ့် ဒီသူများဟာ သူတို့အလိုအတိုင်း လုပ်နိုင်ခဲ့မှာမဟုတ်တဲ့အတွက် ဒီထုတ်ပယ်မှု ဟာတရားခံထိုးကြွေး တာလို့ ကျယ်ကျယ်ပြန့်ပြန့် ယူဆကြပါတယ်။
ဗိုလ်ချုပ်မှူးကြီးမင်းအောင်လှိုင် ဟာ အိုင်စီစီ မှာ တရားစွဲမခံရခဲ့ရင်
သူ ဟာ သမ္မတရာထူးအတွက်ဝင်ရောက်အရွေးခံမလား အမေးရှိပါတယ်။ နိုင်ငံတော်သမ္မတ ဒါမှမဟုတ် ဝန်ကြီးချုပ်ရာထူးနဲ့ ညီတဲ့နိုင်ငံတော် အတိုင်
ပင်ခံပုဂ္ဂိုလ်ရာထူး နဲ့စာလျင် ကာကွယ်ရေးဦးစီးချုပ် နဲ့ အငြိမ်းစားအဆင့်မြင့် စစ်အရာရှိနေရာကတောင် သူ့အတွက်အာဏာ ပိုရှိနေတဲ့အချက်ကို စဉ်းစား ကြည့်ရင် ဒီကိစ္စဟာ ချက်ချင်းကြီးတော့ ရှင်းရှင်းလင်းလင်းဖြစ်ဦးမှာ မဟုတ် ပါဘူး။ နိုင်ငံတော်အတိုင်ပင်ခံပုဂ္ဂိုလ် ရာထူးဟာ ၂၀၁၅ နိုဝင်ဘာ ရွေးကောက်
ပွဲမှာအနိုင်ရခဲ့တဲ့ NLD ရဲ့ သမိုင်းဝင်အောင်ပွဲပြီးနောက် ဒေါ်အောင်ဆန်း
စုကြည် သမ္မတမဖြစ်အောင်တားထားတဲ့ အခြေခံဥပဒေ တားမြစ်ချက်ကို ကွေ့ပတ်ပြီး ဒေါ်အောင်ဆန်းစုကြည်အတွက် ဖန်တီးပေးခဲ့တဲ့ ရာထူးဖြစ်ပါ တယ်။
အာရှတိုက်က အရပ်ဘက် စစ်ဘက်ဆက်ဆံရေးများ ကျွမ်းကျင်သူ
ဖြစ်တဲ့ အမေရိကန် ပညာရှင် ဇိုလ်တန်ဘာရာနေ ကတော့ ဇန္နဝါရီထုတ် ဒီမိုကရေစီဂျာနယ် က ဆောင်းပါးတပုဒ်မှာ မြန်မာနိုင်ငံမှာ ဗိုလ်ချုပ်ကြီးတွေ ကနေ ရွေးကောက်ခံအရပ်သားများကို အာဏာထိထိရောက်ရောက်လွှဲပေး တာ မရှိသေးဘူးဆိုပါတယ်။ တပ်မတော်က ဒီလိုမျိုးမဖြစ်စေချင်သေးသ၍ ဒီလိုမျိုးအရေးပါအရာရောက်တဲ့အာဏာလွှဲမှု ရှိမှာမဟုတ်ဘူးဆိုပါတယ်။
တပ်မတော် ဟာ ဒီလိုလုပ်ချင်စိတ် ရှိရဲ့လားဆိုတာလည်းမသဲကွဲ
ပါဘူး။ ပြည်သူ့လွှတ်တော် မှာရော အမျိုးသားလွှတ်တော်မှာပါ တပ်မတော် ဟာ အမတ် လေးပုံတပုံ ခန့်အပ်ထားပါတယ်။စစ်ဘက်ရဲ့ ကိုယ်ပိုင်အုပ်ချုပ်မှု ကိုတသမတ်တည်းအကာအကွယ်ပေးထားတဲ့ အုပ်စုပါ။ စစ်တပ်က ဖန်တီး ထားတဲ့ အခြေခံဥပဒေ ကိုပြင်ချင်လျင် အမတ်လေးပုံ သုံးပုံ အထက်သဘော တူရမယ်လို့ ပြဋ္ဌာန်းထားလို့ပါ။ စောင့်ကြည့်သူအများစု က ဒီဥပဒေဟာ
၂၀၀၈ခုနှစ်က မသမာတဲ့ ဆန္ဒခံယူပွဲနဲ့အတည်ပြုခဲ့တာလို့ ယူဆကြပါတယ်။ ဒီဥပဒေ ကို ပြင်မဲ့ လုပ်ဆောင်မှုမှန်သမျှ ကို စစ်ဘက်ကတားဆီးပိတ်ဆို့နိုင်ပါ တယ်။
အခြေခံဥပဒေအရ နိုင်ငံတော်အရေးပေါ်အခြေအနေ ဖြစ်ပေါ်ခဲ့လျင်
စစ်တပ်ဟာ အစိုးရတာဝန်ကို တရားဝင်ရယူနိုင်ပါတယ်။ နိုင်ငံရဲ့အရေး အကြီးဆုံးဝန်ကြီးဌာန သုံးခုဖြစ်တဲ့ ကာကွယ်ရေး၊ ပြည်ထဲရေး နဲ့ နယ်စပ် ရေးရာဝန်ကြီးဌာန ဝန်ကြီးများကိုလည်းစစ်တပ်ကဘဲ ခန့်အပ်တာဖြစ်ပါ တယ်။ပြည်ထဲရေးဝန်ကြီးဌာနဟာ ရဲတပ်ဖွဲ့နဲ့ရဲသတင်းတပ်ဖွဲ့ တို့ကိုထိမ်းချုပ် ထားပါတယ်။ ရဲသတင်းတပ်ဖွဲ့ဟာ အရင်ကဖိန့်ဖိန့်တုန်အောင်ကြောက်ခဲ့ရတဲ့ လှို့ဝှက်စစ်ထောက်လှမ်းရေးဌာန ရဲ့ တာဝန်ကို ယူထားတယ်လို့ယူဆပါ
တယ်။ လက်တွေ့မှာ ထောက်လှမ်းရေးအလုပ်ထက် လှို့ဝှက် ရဲတပ်ဖွဲ့ ဖြစ်နေ ပါတယ်။ ရဲသတင်းတပ်ဖွဲ့အာဏာရှိလာတာနဲ့အမျှ စစ်တပ်ဟာတိုင်းပြည်ရဲ့ လုံခြုံရေးယန္တယားကို ပိုမို တိုက်ရိုက်ကိုင်တွယ် လာနိုင်တယ်လို့ ယူဆရပါ တယ်။
နိုင်ငံရေး၊ အုပ်ချုပ်ရေး၊ လုံခြုံရေးအာဏာများအားလုံးကို စစ်တပ်
ရဲ့ လက်ထဲမှာ ဖြန့်ကျက်ထားနိုင် တဲ့အခြေအနေမှာ မင်းအောင်လှိုင်ဟာ သူ့ရဲ့ အာဏာထိပ်ပိုင်းရာထူးကိုစွန့်ပြီး သမ္မတရာထူးကို ဘာကြောင့်ယူချင်သလဲ ဆိုတာ ရှင်းလင်းတဲ့အကြောင်းပြချက်မရှိပါဘူး။ သမ္မတဟာ ဂုဏ်ထူးဆောင် ရာထူးတခုဖြစ်နေပြီး ဟာလာဟင်းလင်းဖြစ်နေတဲ့ နေပြည်တော်မှာ အခြေ စိုက်တဲ့ အာဏာမဲ့ ရုပ်ပြခေါင်းဆောင် ဖြစ်နေလို့ပါ။
အစိုးရကတော့ ကားမောင်းသူနေရာရောက်နေတယ်လို့ လေ့လာသူ
အများစုကယုံကြည်ကြပါတယ်။ စစ်တပ်အပေါ်ဒေါ်စုကြည်ဟာ ဩဇာ အာဏာမရှိပေမယ့် ဘင်္ဂလီအရေးအခင်းမှာ သူမ ဟာ အဝေဖန်ခံနေရပါ
တယ်။ဒီအတွက်ကြောင့် ရက်စက်မှုများအတွက် အဓိကအပြစ်တင်ခံရမယ့် စစ်တပ်ကို တပြိုင်နက်တည်း အကာအကွယ်ပေးသလိုဖြစ်နေပါတယ်။ တပ်မ တော် ရဲ့ ကျူးလွန်မှုကို ဆန်ကျင်မပြောခဲ့တဲ့အတွက် ဒေါ်စုကြည်ကိုစွပ်စွဲနိုင်
ပေမယ့်၊ သူမကိုပါ အိုင်စီစီလွှဲပေးတာမြင်ချင်နေကြတဲ့အချို့သော တက်ကြွ
လှု ပ်ရှား သူများ ယူဆကြသလိုစစ်ရာဇဝတ်မှုများမှာ သူမဟာ " ကြံရာပါ" မဖြစ်နိုင်ပါဘူး။
မင်းအောင်လှိုင်ဟာ နိုင်ငံတခုလုံးမှာ အာဏာအရှိဆုံးပုဂ္ဂိုလ်ဆိုတာ
သံသယဖြစ်ဖွယ်မရှိသလို၊ ရှေ့မြင်နိုင်တဲ့ အနာဂတ်ကာလ မှာလည်းဒီအတိုင်း အာဏာရှိဆဲဖြစ်ပါလိမ့်မယ်။ သူ့ကို တနင်္သာရီတိုင်း ထားဝယ်မြို့မှာ ၁၉၅၆ ခုနှစ်ကမွေးဖွားခဲ့ပါတယ်။ ၁၉၇၂-၇၃ မှာ ဥပဒေပညာ ကိုတက္ကသိုလ်မှာ သင်ယူခဲ့ပြီး စစ်တက္ကသိုလ် ကို တတိယအကြိမ်ကြိုးပမ်းမှု ၁၉၇၄ ခုနှစ်မှာမှ တက်ခွင့်ရခဲ့ပါတယ်။ ၁၉၇၇ မှာဘွဲ့ရပြီး စစ်တပ်မှာ ပြန်တမ်းဝင်အရာရှိ ဒုဗိုလ်အဖြစ်စတင်အမှုထမ်းပါတယ်။ ရာထူးအလျင်အမြန်တိုးခဲ့ပါတယ်။
၂၀၀၁ မှာ အမှတ်၄၄ခြေမြန်တပ်မ တပ်မမှူး ဖြစ်ခဲ့ပြီး၊ မကြာခင် အိန္ဒိယ နဲ့ ဘင်္ဂလားဒေ့ နယ်စပ်ရေးရာများမှာတာဝန်ရှိတဲ့ အနောက်ပိုင်းတိုင်းတိုင်းမှူး ဖြစ်ခဲ့ပါတယ်။၂၀၀၅ မှ ၂၀၀၈ အထိ ရှမ်းပြည်နယ်အရှေ့ပိုင်း တြိဂံဒေသ တိုင်းမှူး အဖြစ်တာဝန်ထမ်းဆောင်ခဲ့ပါတယ်။
၂၀၀၉ခုနှစ်မှာ ရှမ်းပြည်မြောက်ပိုင်း တရုတ်နွယ်ဖွားများကြီးစိုးရာ
ဒေသ က မြန်မာအမျိုးသားမဟာမိတ်တပ်ပေါင်းစု သူပုန်များကိုထိုးစစ်ဆင် တာကို ဦးဆောင်ခဲ့ပြီးနောက်အထူးစစ်ဆင်ရေးအဖွဲ့ ၂ ခေါင်းဆောင်အဖြစ် ထူးတိုး နာမည်ကျော်ခဲ့ပါတယ်။ ၂၀၁၁ မတ်ကတည်းက စစ်ခေါင်းဆောင် ဟောင်း ဗိုလ်ချုပ်မှူးကြီးသန်းရွှေနေရာဖြစ်တဲ့ ကာကွယ်ရေးဦးစီးချုပ်တာဝန် ကို ယူခဲ့ပါတယ်။
စစ်တပ်ရဲ့ထိပ်ပိုင်းခေါင်းဆောင်တယောက်အနေနဲ့ သူဟာ တပ်မတော် အတွင်းကသူနဲ့ပြိုင်ဘက်ဖြစ်လာနိုင်သူအားလုံးကို ကျွမ်းကျင်စွာပညာပြနိုင်ခဲ့ ပါတယ်။ ထိုသူများကို အကျင့်ပျက်ခြစားမှုကြောင့်ရာထူးမှထုတ်ပစ်၍သော် လည်းကောင်း သူ့အောက်တဆင့်နိမ့်ရာထူးကို မပေးပဲ အခြားတန်းစီစာရင်း မှာ အဆင့်နိမ့်တဲ့ရာထူးများတိုးပေးခြင်းဖြင့်သော်လည်းကောင်း လုပ်ခဲ့ပါ တယ်။ ဒီနည်းအားဖြင့် သူ့အပေါ်အလွန်သစ္စာရှိတဲ့အရာရှိအုပ်စုကိုဖန်တီး ယူခဲ့ပါတယ်။
မင်းအောင်လှိုင် ရဲ့ ဒေသအပေါ်အမြင်များကိုတော့ အတိအကျပြော
ရန်ခက်ပါတယ်။၂၀၁၁ နိုဝင်ဘာ မှာ တရုတ်နဲ့ ဆက်သွယ်ရေးခိုင်မာစေဖို့ ညှိနှိုင်းရာမှာ သူဟာ တပ်မတော် ကိုယ်စားလှည်ဖြစ်ခဲ့ပါတယ်။ တရုတ်မြန်မာ နယ်စပ်တလျောက် လုံခြုံရေးဆိုင်ရာကိစ္စရပ်များအတွက်ရင်းနှီးစွာပူးပေါင်း ဆောင်ရွက်ရေးသဘောတူညီချက်ကိုလက်မှတ်ရေးထိုးခဲ့ပါတယ်။ ထိုကာလ မှာပဲ တရုတ်သမ္မတ ရှီကျင့်ပင် နဲ့တွေ့ခဲ့ပါတယ်။ ဒါပေမယ့် သူကာကွယ်ရေး ဦးစီးချုပ် ရာထူးယူပြီးပြီးချင်း ပထမဆုံးသွားတဲ့ နိုင်ငံခြားခရီးက ဘေဂျင်း မဟုတ်ပဲ တရုတ်ရဲ့ ရိုးရာရန်ဘကဗီယက်နမ် ဆိုတာကိုမေ့ထားလို့မဖြစ်ပါ ဘူး။ မြန်မာ နဲ့ ဗီယက်နမ်ဟာ သူတို့ရဲ့မြောက်ဘက်ကအင်အားကြီးမားတဲ့ အိမ်နီးချင်း ကိုကြောက်ရခြင်းဟာ တူညီတဲ့ ဘုံလက္ခဏာပါ။ ဒါကြောင့် မင်းအောင်လှိုင် ဟာ သူ့ရဲ့ဗီယက်နမ်အိမ်ရှင်များနဲ့ ဆွေးနွေးစရာများစွာ ရှိတယ်လို့ယူဆရင် သဘာဝကျပါလိမ့်မယ်။
အမှန်တကယ်လည်း နေပြည်တော်အတွင်းလူများက ယူဆတာက
မင်းအောင်လှိုင်နဲ့ သူ့နောက်လိုက်အရာရှိများဟာ ဒေါ်စုကြည်ဟာတရုတ်နဲ့ နီးစပ်လွန်းပြီး တရုတ်ကလွယ်လွယ်နဲ့ ကြိုးကိုင်သွားနိုင် လိမ့်မယ်လို့ ထင်နေကြတယ်ဆိုပါတယ်။ ၂၀၂၀နောက်တကြိမ်ရွေးကောက်ပွဲမှာ ဘာဖြစ်လိမ့်မလဲလို့ ဟောကိန်းထုတ်ဖို့တော့ စောလွန်းနေပါသေးတယ်။ ဒါပေမယ့် NLD ဟာသူ့ရဲ့ယခင်ကရေပန်းစားမှုများ များစွာ ပျောက်ဆုံးခဲ့ တယ်ဆိုတာကတော့ သံသယရှိစရာမလိုပါဘူး။ အထူးသဖြင့် သူတို့ရဲ့ နာကြည်းချက်များကိုဒေါ်စုကြည် နားလည်ပေးဖို့ပျက်ကွက်ခဲ့လို့ စိတ်ပျက်ခံ စားခဲ့ရတဲ့ တိုင်းရင်းသား လူမျိုးစုဒေသများမှာပါ။ အလားတူပဲ သူတို့ထွေး ပွေ့ထားခဲ့ကြတဲ့ မျော်လင့်ချက်အိပ်မက်များကို NLD ရဲ့ ညံ့ဖျင်းတဲ့လုပ်ဆောင် ချက်များက လွင့်ပစ်လိုက်တာခံရတဲ့ မြို့ပြနေပညာတတ်များ ၊ ဒီမိုကရေစီရေး တက်ကြွလှုပ်ရှားသူ လူဟောင်းကြီးများကြားမှာလည်း ထို့အတူပါပဲ။ 
NLD က ၂၀၁၆ရွေးကောက်ပွဲမှာနိုင်ပြီး အာဏာလွှဲပြောင်းယူချိန်
အထိ ( အကြီးအကျယ်ဝေဖန်ခံရပြီး လုပ်ဇာတ်ကြီးလို့ စွပ်စွဲခံရတဲ့
၂၀၁၀ ရွေးကောက်ပွဲမှာ အနိုင်ရခဲ့ပြီး) အစိုးရတာဝန်ယူခဲ့ တဲ့ ပြည်ခိုင်ဖြိုး အဖွဲ့ ဟာ ၂၀၂၀မှာ နိုင်ခြေ အနည်းငယ် သို့မဟုတ်လုံးဝမရှိဘူး ဆိုတာကို
တော့ နိုင်ငံရေးအကဲခတ်များကယုံကြည်ကြပါတယ်။ဒါပေမယ် ပြည်ခိုင်ဖြိုး ပါတီ နဲ့ သူကတဆင့် စစ်တပ် တို့ဟာ၂၀၁၅ ခု NLD မဲရခဲ့ရာ အခြေခံဒေသ
မျကို ခွဲပစ်ဖို့ ရည်ရွယ်ထားကောင်းထားနိုင်ပါတယ်။ ဒေသဆိုင်ရာ တိုင်းရင်း သားပါတီများနဲ့မဟာမိတ်ပြုတဲ့နည်းလမ်း ၊ NLD အတွက်အရေးပါတဲ့ ထောက်ခံသူများရှိရာပြည်မမှာ အခြားပါတီကွဲများ ထောင်ခြင်းကိုအားပေးတဲ့
နည်းလမ်းများနဲ့ ဖြစ်ပါတယ်။
အသေချာဆုံးအချက်ကတော့ ၁၉၆၂ခုနှစ်ကစလို့ အသွင်မျိုးစုံ
ပြောင်းပြီး တိုင်းပြည်ကိုအုပ်ချုပ်လာခဲ့တဲ့ စစ်တပ်ဟာ ကြိုမြင်နိုင်တဲ့ အနာ ဂတ်ကာလအထိ မြန်မာရဲ့ အင်အားအကြီးဆုံး အင်စတီကျူ ရှင်း (အသင်း အပင်း၊ အဖွဲ့အစည်း)အဖြစ်ရှိနေဆဲဖြစ်မယ်ဆိုတဲ့အချက်ပါ။ ဇူလိုင် မှာ အသက်၆၂နှစ်ပြည့်မယ့် မင်းအောင်လှိုင် ဟာထိုကာလမတိုင်မီ အငြိမ်းစား ယူချင်မှလည်းယူပါလိမ့်မယ်။လူ့အခွင့်အရေး နဲ့ အခြားအလွဲသုံးမှုများကြောင့် အစွပ်စွဲခံခဲ့ရတဲ့မြန်မာစစ်တပ်က အာဏာကြီးခဲ့သူများရဲ့ သမိုင်းကိုပြန် ကြည့်ပြီးပြောရရင်တော့ မင်းအောင်လှိုင် ဟာ မြင်ကွင်းပေါ်က မကြာမတင်
မှိန်ပျောက်သွားမယ့် အနေအထားမှာ မရှိသေးပါဘူး။ 
ဘာတေးလစ်တနာ။
ဘာသာပြန်ဆိုသူ = ဒေါက်တာသိန်းမြင့် ( လူချို )

Monday, March 26, 2018

ရန်-ငါ စည်းမရှိတော့ပေမယ့် Moral စည်းလေးတော့ ရှိစေချင်

The Voice Daily, 
26-Mar-2018 

အနာဂတ်ကောင်းဖို့ အတိတ်ကိုမေ့စို့

အတိတ်ကအမှားတွေအကြောင်း ငြင်းခုံနေရင် အနာဂတ်ဆီ မသွားနိုင်တော့ဘဲ အတိတ်မှာပဲ တဝဲလည်လည်ဖြစ်နေမယ်။ ဒါကြောင့် အတိတ်ကိုမေ့ထားပြီး အနာဂတ်ကိုသာ ဦးတည်ရမယ်လို့ မြန်မာနိုင်ငံရေးသမားတချို့က လွန်ခဲ့တဲ့နှစ်ပိုင်းအတွင်း စတင်ပြောဆိုလို့လာပါတယ်။ အဲဒီနောက်ပိုင်း အမျိုးသားပြန်လည်သင့်မြတ်ရေး၊ အမျိုးသားရင်ကြားစေ့ရေးဆိုတဲ့ အသံတွေကျယ်လောင်လာပြီး အာဏာရှင်ဟောင်းတွေ၊ အာဏာရှင်သစ်တွေ၊ ခရိုနီ၊ ခရိုပြာတွေ အားလုံးနဲ့ လက်တွဲဆောင်ရွက်ရမယ်ဆိုတဲ့ လမ်းကြောင်းပေါ် ဒီလူတွေ ရောက်သွားခဲ့ပါတယ်။


ဒီသဘောတရားဟာ လွန်ခဲ့တဲ့ ဆယ်စုနှစ်တွေအတွင်း ထွက်ပေါ်ခဲ့တဲ့ ကြောင်ဖြူ-ကြောင်မည်းက အဓိကမဟုတ်ဘူး။ ကြွက်ခုတ်ဖို့သာ အဓိကဆိုတဲ့ စကားလုံးနဲ့ ခပ်ဆင်ဆင်တူပါတယ်။ အဓိပ္ပာယ်က စံတွေ၊ မူတွေက အဓိကမဟုတ်ဘူး။ အလုပ်ဖြစ်ရေးက အဓိကဆိုတဲ့ဘက်ကို ဦးစားပေးလာတဲ့သဘောပါ။

စံချိန်စံညွှန်းကို အလေးထားသူတွေက ဒီအဆိုကို လက်ခံဖို့ ဝန်လေးနေဆဲဖြစ်ပေမယ့် အများစုကတော့ သဘောတရားအငြင်းပွားရေးထက် ပြည်သူတွေ ထမင်းဝရေးက ပိုအရေးကြီးတယ်။ ဒါကြောင့် ပြည်သူသာ အကျိုးရှိမယ်ဆိုရင် အရင်ကဖြစ်ခဲ့တဲ့ မှားတာ၊ မှန်တာကို ခဏထား။ လူဆိုးရော သူခိုးပါ အားလုံးနဲ့လက်တွဲဆောင်ရွက်နိုင်မှ တိုင်းပြည်တိုးတက်လာမှာဖြစ်တယ်လို့ ပြောလာကြပါတယ်။ 

ကဲ... ၂၀၁၅ ရွေးကောက်ပွဲအလွန်မှာ စတင်လာခဲ့တဲ့ မြန်မာ့နည်း မြန်မာ့ဟန် သီအိုရီ အခု ဘယ်လောက်အလုပ်ဖြစ်နေပြီလဲ။ စစ်အာဏာရှင်တွေ၊ ခရိုနီစီးပွားရေးသမားတွေက မြန်မာ့နိုင်ငံရေးတိုးတက်မှု၊ စီးပွားရေးတိုးတက်မှုအတွက် ဘယ်လောက်အထိ ပူးပေါင်းဆောင်ရွက်နေပြီလဲ။ ဒါမှမဟုတ် ဒီမူဝါဒက ဒီမိုကရေစီအင်အားစုတွေအပေါ် Backfire (ပြောင်းပြန်ရလဒ်) ဖြစ်လာနေပြီလား။ ၅ နှစ်တာ အစိုးရသက်တမ်းရဲ့ တစ်ဝက်ခရီးမှာ ဒါတွေကို မေးခွန်းထုတ်သင့်တယ် မဟုတ်ပါလား။

လူ့အခွင့်ရေးဆုတွေ ပြန်ရုပ်သွားခြင်း

၂ နှစ်ကျော်ကာလအတွင်း အသိသာဆုံးမြင်ရတဲ့ Backfire ကတော့ မြန်မာ့ဒီမိုကရေစီလှုပ်ရှားမှု ခေါင်းဆောင် ဒေါ်အောင်ဆန်းစုကြည်ကို နိုင်ငံတကာကပေးထားတဲ့ ဆုလာဘ်တွေ အတော်များများ ပြန်လည်ရုပ်သိမ်းသွားခြင်းပါပဲ။ ဒေါ်အောင်ဆန်းစုကြည်ကို မျက်စိမှိတ်ထောက်ခံနေသူတွေကတော့ ဒါဟာ အရေးမကြီးဘူး။ ဆုရဖို့လုပ်နေတာမဟုတ်တဲ့အတွက် နိုင်ငံတကာက ကြိုက်သလိုပြော၊ ပြည်တွင်းမှာ အများစုထောက်ခံပြီး အလုပ်ဖြစ်နေရင်ပြီးတာပဲလို့ ဆိုကြပါတယ်။ 


ဒါပေမဲ့ ပညာတတ်အသိုင်းအဝိုင်းနဲ့ ဝေဖန်ဆန်းစစ်သူတွေကြားမှာတော့ ဒီကိစ္စပေါ် မေးခွန်းထုတ်မှုတွေ ရှိလာနေပါတယ်။ မြန်မာ့ဒီမိုကရေစီအသွင်ပြောင်းမှုလုပ်ငန်းစဉ်ဟာ နိုင်ငံတကာက သတ်မှတ်ထားတဲ့ စံချိန်စံညွှန်းတွေနဲ့ လွဲလာနေလို့ ဒီလိုဆုတွေ ပြန်ရုပ်သိမ်းခံနေရတာလား။ တစ်ချိန်က ဒေါ်အောင်ဆန်းစုကြည်ကို သည်းသည်းလှုပ်ထောက်ခံခဲ့တဲ့ အနောက်ကမ္ဘာကလူတွေ ဘာကြောင့် ချက်ချင်းကြီး သဘောထားပြောင်းသွားကြတာလဲ။ စဉ်းစားစရာတွေက တသီတတန်းကြီးပါပဲ။

ဒီလိုဆုတွေ ပြန်ရုပ်သိမ်းခြင်းအကြောင်း ပြောမယ်ဆိုရင် ဟိုးလေးတကျော်ဖြစ်နေတဲ့ ဘင်္ဂါလီ (နိုင်ငံတကာမီဒီယာအခေါ် ရိုဟင်ဂျာ) တွေ သိန်းနဲ့ချီထွက်ပြေးနေရတဲ့ ရခိုင်မြောက်ပိုင်းပြဿနာကို ချန်လှပ်ထားလို့ မရနိုင်ပါ။ နိုင်ငံတကာဘက်က ဒီကိစ္စကို လူ့အခွင့်အရေးချိုးဖောက်မှုလို့ မြင်ထားပြီး မြန်မာအများစုဘက်ကတော့ နိုင်ငံတော်အချုပ်အခြာအာဏာ ပြဿနာ၊ အမျိုးဘာသာပြဿနာလို့ မြင်ထားကြပါတယ်။ နိုင်ငံတကာ စံချိန်စံညွှန်းနဲ့ မြန်မာတို့ရဲ့ စံချိန်စံညွှန်း ကွာဟနေတဲ့ သင်္ကေတတစ်ခုပေါ့။

ဒါပေမဲ့ ပြဿနာက ဒီလောက်နဲ့ ပြီးမသွား။ လူ့အခွင့်အရေး စံပြပုဂ္ဂိုလ် ဒေါ်အောင်ဆန်းစုကြည်ဟာ လူ့အခွင့်အရေးနဲ့ ဒီမိုကရေစီအခွင့်အရေးချိုးဖောက်နေမှုတွေကို ဘာမှဝင်ရောက်မတားဆီးဘူး။ လက်တွေ့မတားနိုင်ရင်တောင် သဘောတရားအရ ဝင်ရောက်တားဆီးတာတောင် မလုပ်ဘူး။ ဒါကြောင့် ဒေါ်အောင်ဆန်းစုကြည်ဟာ လူ့အခွင့်အရေးချိုး ဖောက်နေသူတွေနဲ့ ကြံရာပါဖြစ်တယ်။ အာဏာရှင်တွေကိုအရေးယူရင် သူ့ကိုပါအရေးယူရမယ်ဆိုတဲ့အထိ နိုင်ငံတကာဘက်က ပြောလာနေပါတယ်။

ရန်-ငါ စည်း ဆက်ထားဖို့မလိုတော့ပေမယ့် Moral စည်းတော့ တောင့်ထားဖို့လိုသေးတယ်

တကယ်တော့ တိုင်းပြည်အတွက် အကျိုးရှိမယ်ဆိုရင် လူဆိုးရော၊ သူခိုးပါ အားလုံးနဲ့ လက်တွဲဆောင်ရွက်ဖို့ ဝန်မလေးဘူးဆိုတဲ့ မူဝါဒကိုချမှတ်ပြီးကတည်းက ရန်-ငါ စည်းဆိုတာ မရှိတော့ပါ။ ဒါပေမဲ့ လူတိုင်းဟာ နိုင်ငံရေးသမားမဟုတ်တဲ့အတွက် တချို့လူတွေမှာ သူ့ဘာသာ သတ်မှတ်ထားတဲ့ ခံယူချက်၊ စံသတ်မှတ်ချက်တွေက အခုချိန်ထိ ခိုင်ခိုင်မာမာကျန် နေကြဆဲဖြစ်ပါတယ်။ 


တစ်လောက လူထုရွေးချယ်ခံ တိုင်းအစိုးရဝန်ကြီးချုပ်တစ်ဦးနဲ့ အာဏာရှင်ဟောင်းရဲ့မြေးတစ်ဦး တွဲရိုက်ထားတဲ့ဓာတ်ပုံ မြန်မာနိုင်ငံရဲ့ လူသုံးအများဆုံး လူမှုကွန်ရက်မီဒီယာ Facebook ပေါ် ရောက်လာပါတယ်။ ဘယ်လိုရည်ရွယ်ချက်နဲ့ ဒီဓာတ်ပုံကို တင်လိုက်မှန်းမသိပေမယ့် တိုင်းအတွင်းမှာတော့ ဝေဖန်မှုဂယက် အတော်ထသွားခဲ့ပါတယ်။ NLD ပါတီဝင် ရွေးကောက်ခံဝန်ကြီးတစ်ဦးနဲ့ အာဏာရှင်မျိုးဆက်သစ်တွေအကြား ဒီလိုပူးပေါင်းဆောင်ရွက်သင့်ပါသလားဆိုပြီး အတော်များများက မေးခွန်းထုတ်ကြပါတယ်။

တိုင်းအစိုးရဘက်က ပြန်ရှင်းတာကတော့ အာဏာရှင်မျိုးဆက်သစ်ကို အားပေးတာမဟုတ်ဘူး။ စီးပွားရေးလုပ်ငန်းရှင်တစ်ဦးက တိုင်းအတွင်း ရင်းနှီးမြှုပ်နှံမှုလုပ်ချင်တယ်ဆိုလို့ တခြားစီးပွားရေးလုပ်ငန်းရှင်တွေလို ပုံမှန်တွေ့ဆုံခြင်းသာ ဖြစ်တယ်လို့ဆိုပါတယ်။ အလုပ်သဘောအရဆိုရင်တော့ ဒီရှင်းလင်းချက်ဟာ လုံလောက်ပါတယ်။ အားလုံးနဲ့ လက်တွဲဆောင်ရွက်မယ်လို့ မူဝါဒချထားတဲ့အတွက် ဒီလိုတွေ့ဆုံမှုဟာ ဘာပြစ်မှုမှမမြောက်ပါ။ ဘာအမှားအယွင်းမှ မရှိပါ။

ဒါပေမဲ့ သာမန်နိုင်ငံသားတစ်ဦးချင်းစီရဲ့ စိတ်ထဲမှာ စွဲကပ်နေဆဲဖြစ်တဲ့ စံချိန်စံညွှန်းဆိုင်ရာ၊ ဂုဏ်သိက္ခာဆိုင်ရာ သတ်မှတ်ချက်တွေအရ ဒါမျိုးမလုပ်သင့်ဘူး၊ ဒါမျိုးလုပ်တာဟာ ဒီမိုကရေစီရေးအတွက် အသက်ပေးသွားသူတွေကို စော်ကားရာရောက်တယ်ဆိုပြီး ခံစားနေကြပါတယ်။

တကယ်ဆို သာမန်လူထုတင်မကပါဘူး။ တော်လှန်ရေးသမားဟောင်းတွေရဲ့ ရင်ထဲမှာလည်း ခံစားချက်တွေနဲ့။ ပြည်တော်ပြန်ခရီးစဉ်တွေအတွင်း တွေ့ခဲ့ဖူးတဲ့ တော်လှန်ရေးရဲဘော်ဟောင်းတွေက လက်ရှိ သူပုန်ခေါင်းဆောင်ပိုင်းနဲ့ အာဏာရှင်တွေ၊ ခရိုနီတွေ စံနှုန်းမဲ့ နီးနီးကပ်ကပ်ပေါင်းသင်းဆက်ဆံနေတဲ့အပေါ် စိတ်မချမ်းမသာ ဖြစ်နေကြပါတယ်။ အသက်ပေးသွားတဲ့ အောက်ခြေရဲဘော်တွေကို စော်ကားရာရောက်နေတယ်ဆိုပြီး သူတို့က ပြောကြပါတယ်။

တစ်နည်းအားဖြင့်ပြောမယ်ဆိုရင် အာဏာရှင်တွေနဲ့လက်တွဲပြီး ဒီမိုကရေစီကိုဖော်ဆောင်တဲ့အခါ ရန်-ငါ စည်းဆက်ထားဖို့ မလိုတော့ပေမယ့် Moral (အကျင့်သိက္ခာ၊ ကိုယ်ကျင့်တရား) စည်းလေးတော့ ခြားထားဖို့ လိုနေဦးမယ်ထင်ပါတယ်။

အသွင်ကူးပြောင်းရေးကာလနှင့် Moral ပြဿနာ

Moral စည်းမရှိတဲ့ပြဿနာက နိုင်ငံရေးနဲ့ စီးပွားရေးလောကမှာတင် မကပါဘူး။ လူမှုရေးကိစ္စမှာပါ ဆိုးဆိုးဝါးဝါးဖြစ်တာကို တွေ့နိုင်ပါတယ်။ လတ်တလောမြင်နေရတဲ့ သာဓကတချို့ကို ထုတ်ပြရမယ်ဆိုရင် NLD ပါတီရဲ့ ဥပဒေအကြံပေးအရာရှိ ဦးကိုနီ လုပ်ကြံခံရမှုအတွက် တရားရုံးမှာစစ်ဆေးနေစဉ် လူသတ်သမားကို ထောက်ခံပါတယ်ဆိုတဲ့ စာတွေရေးထားတဲ့ တီရှပ်တွေဝတ်ပြီး လူတချို့က ပေါ်တင်လာရောက် ဆန္ဒပြတာမျိုး၊ လူသတ်သမားရဲ့ ဆရာတော်ပါဆိုပြီး ဗုဒ္ဓဘာသာ သံဃာတော်တစ်ပါးက Facebook ပေါ် ပြောဆိုတာမျိုးတွေဟာ Moral ပြဿနာ ကြီးမားလာနေခြင်းကို သက်သေပြနေပါတယ်။


တစ်နေ့က နေပြည်တော်မှာ ယာဉ်တိုက်မှုဖြစ်တော့ ကားသမားက ရပ်မပေးဘဲ ဆက်မောင်းပြေးတဲ့အတွက် ချိတ်မိတဲ့ ဆိုင်ကယ်သမား ပွဲချင်းပြီး သေသွားတယ်ဆိုပါတယ်။ ကားသမားက စစ်မှုထမ်းဖြစ်နေလို့ ရွေးပြောခြင်းမဟုတ်ပါ။ စစ်မှုထမ်းမဟုတ်တဲ့ တခြားလူတွေလည်း ဒီလိုပဲ တိုက်ပြီးရင် မောင်းပြေးကြတာ သတင်းတွေထဲ မကြာခဏဖတ်နေရပါတယ်။ ဘာကြောင့်လဲ။ 

ပြီးခဲ့တဲ့ခရီးစဉ်တုန်းက ရန်ကုန်မြို့လယ်မှာ လမ်းဖြတ်ကူးတော့ ကားတွေက ရပ်မပေးဘူး။ ဟွန်းအသားကုန်တီးပြီး သေသွားချင်လားလို့ အော်ပြောပါတယ်။ လူကူးမျဉ်းကျားပေါ်ကူးနေတဲ့လူက အမှားလား၊ စည်းကမ်းမဲ့မောင်းတဲ့ ကားသမားက အမှားလား။ ယာဉ်ထိန်းရဲကလည်း ဒါတွေကို စိတ်မဝင်စားတော့ စာရေးသူနဲ့ တခြားတစ်ဦးနှစ်ဦးမှအပ ဘယ်သူကမှ မျဉ်းကျားမှာကူးတာမတွေ့၊ အားလုံးကြုံတဲ့နေရာမှာကူး။ ကားတွေလည်း ကြုံသလိုမောင်းနဲ့ အမှားအမှားချင်း အဆင်ကိုပြေလို့။ အမှန်ကိုပြောရင်တောင် လူတွေက လက်မခံချင်တော့တဲ့အဆင့်အထိ Moral ပြဿနာက ရှိလာနေပြီဖြစ်ပါတယ်။

လွန်ခဲ့တဲ့ နှစ် ၂၀ ကျော်၊ စာရေးသူတို့ ကျောင်းသားဘဝကဆို “ခြင်္သေ့မှန်ရင် မြက်မစားဘူး”၊ “မိုးခါးရေ မသောက်ဘူး”၊ “လူဆိုးတွေနဲ့တော့ မပေါင်းနိုင်ဘူး”...စသဖြင့် စံသတ်မှတ်ချက်တွေ အတော်များများ ရှိပါသေးတယ်။ အခု ဒါတွေမရှိတော့ပါ။ မြက်ပဲဖြစ်ဖြစ်၊ အသားပဲဖြစ်ဖြစ် ဘားစားစား ဗိုက်ပြည့်ဖို့က အဓိကဖြစ်လာနေပါတယ်။ လူဆိုးပဲဖြစ်ဖြစ်၊ သူခိုးပဲဖြစ်ဖြစ် အာဏာရှိသူ၊ ငွေရှိသူဆိုရင် လက်ဆွဲနှုတ်ဆက်ဖို့ ဝန်မလေးနေတော့ပါ။ အာဏာရှင်တွေ၊ ခရိုနီတွေဆီမှာ အခစားဝင်နေကြတဲ့ တစ်ချိန်က တော်လှန်ရေးသမား၊ နိုင်ငံရေးသမားဆိုသူတွေ များလာနေတဲ့အထိ Moral ပြဿနာ ကြီးမားလာနေပါတယ်။

ဒီပြဿနာတွေအတွက် ဘယ်သူ့ဆီမှာ တိုင်တန်းရမှာလဲ၊ ဒီပြဿနာ ပြေလည်အောင် ဘယ်သူတွေက ဖြေရှင်းပေးနိုင်မှာလဲ။ ဒီဆောင်းပါးရေးနေစဉ် ကြားလိုက်မိတဲ့ ဘီဘီစီသတင်းတစ်ပုဒ်မှာတော့ ကျေးလက်ဒေသက ပြည်သူတချို့ဟာ အစိုးရကိုလည်း အားမကိုးရဲ၊ တပ်မတော်ကိုလည်း ကြောက်နေရဆဲဖြစ်တာမို့ တပ်သိမ်းမြေတွေ ပြန်ရရေးအတွက် ရိုးရာနတ်ဆီမှာ ဆုတောင်းပွဲလုပ်နေကြတယ်ဆိုပါတယ်။ ကယားပြည်နယ် လွိုင်ကော်မြို့နယ်အတွင်းရှိ မြေနီကုန်းရွာမှာ အခုလို ဆုတောင်းပွဲ လုပ်နေတာဖြစ်ပြီး ဒီသတင်းဟာ အဲဒီနေ့အတွက် Facebook မှာ လူစိတ်ဝင်စားမှု အများဆုံးရနေတဲ့သတင်း ဖြစ်တယ်ဆိုပါတယ်။

ကဲ... အများပြည်သူဘဝ အားကိုးရာမဲ့ဖြစ်နေပြီလား။ အမှန်တရားပေါ် ရပ်တည်လိမ့်မယ်လို့ အများက ယုံထားတဲ့လူတွေက အတိတ်မှာ အမှား ကျူးလွန်ခဲ့ဖူးသူတွေနဲ့ လက်တွဲဆောင်ရွက်နေကြတဲ့အခါ အဲဒီလူတွေကိုပါ ပြည်သူက အားကိုးယုံကြည်ဖို့ စိတ်ပျက်သွားကြတာမျိုးလား။ ရွေးကောက်ခံအစိုးရနဲ့စာရင် ရိုးရာနတ်ကမှ တပ်သိမ်းမြေကို ပြန်ရအောင်လုပ်ပေးနိုင်မလားဆိုပြီး လူထုက အရွဲ့တိုက်ပြနေတာမျိုးလား။ အသွင်ကူးပြောင်းရေးကာလမှာ ဒီမိုကရေစီအင်စတီးကျူးရှင်းတွေ ဘာမှ အခိုင်အမာ မတည်ဆောက်နိုင်လို့ အခုလိုဖြစ်သွားတာမျိုးလား။

အနှစ်ပြန်ချုပ်ရရင်တော့ နှစ် ၆၀ နီးပါး စစ်အာဏာရှင်အစိုးရ အဆက်ဆက်ရဲ့ ဖိနှိပ်မှုအောက်မှာ ပြားပြားဝပ်နေခဲ့ရတဲ့ အများပြည်သူဘဝ တစ်စုံတစ်ရာ သက်သာချောင်ချိလာစေရေးအတွက် အာဏာရှိသူ၊ ငွေရှိသူနဲ့ ပူးပေါင်းဆောင်ရွက်ရမယ်၊ အတိတ်ကအမှားတွေအတွက် ဘာမှ မပြောတော့ဘူးဆိုတဲ့ မူဝါဒကို နားလည်ပေးလို့ရနိုင်ပါတယ်။ ဒါပေမဲ့ ဒီမူဝါဒရဲ့ ဘေးထွက်ဆိုးကျိုးသက်ရောက်မှုက နိုင်ငံရေးနယ်ပယ်တင်မကပဲ အများပြည်သူအကြားအထိ Moral ကျဆင်းမှုပြဿနာ အတော်ဆိုးဝါးလာနေပြီဆိုတာကိုတော့ နိုင်ငံရေးသမားတွေ အချိန်မီ ပြန်သုံးသပ်ဖို့ လိုနေပြီဖြစ်ပါတယ်။ ။


ထက်အောင်ကျော်

Monday, March 12, 2018

နှစ်ပေါင်း ၃၀ ကြာပြီးတဲ့အခါ ၈၈ ကျောင်းသားတွေ ဘယ်နားမှာ

The Voice Daily.
12-Mar-2018 

နှစ် ၃၀ ပြည့် ဖုန်းမော်နေ့

မနက်ဖြန်ကျရောက်မယ့် မတ်လ ၁၃ ရက်နေ့ဟာ နှစ် ၃၀ ပြည့် ကိုဖုန်းမော်ကျဆုံးခြင်း နှစ်ပတ်လည်နေ့ဖြစ်ပါတယ်။ တစ်နည်းအားဖြင့် ပြောမယ်ဆိုရင်တော့ ၁၉၈၈ ကာလက တက္ကသိုလ်ကျောင်းသားလူငယ်တွေ စတင်ခဲ့တဲ့ ၈ လေးလုံးလှုပ်ရှားမှု၊ စစ်အာဏာရှင်စနစ် ဆန့်ကျင်တိုက်ဖျက်ရေး - ဒီမိုကရေစီရရှိရေးလှုပ်ရှားမှုစတင်ခြင်း နှစ် ၃၀ ပြည့်နေ့ပေါ့။



အဲဒီနေ့မှာ ဘာတွေဖြစ်ခဲ့သလဲဆိုတာ အားလုံးသိပြီးသားမို့ သိပ်ရှင်းပြနေဖို့ လိုမယ်မထင်ပါ။ အားလုံးဆိုတာ ၈၈ ကို မီခဲ့သူ၊ ၈၈ ကနေ ဒီနေ့အထိ ဖြစ်ပေါ်ပြောင်းလဲနေတဲ့ နိုင်ငံရေးအခြေအနေကို မျက်ခြည်မပြတ်လေ့လာနေသူတွေကို ဆိုလိုတာပါ။ ဒါပေမဲ့ ၈၈ နောက်ပိုင်းမှာ မွေးသူတွေတောင် အခု အသက် ၃၀ ရှိနေပြီမို့ ၁၉၈၈ ခုနှစ် မတ်လ ၁၃ ရက်က အမှန်တကယ် ဘာတွေဖြစ်ခဲ့သလဲဆိုတာကို အသက် ၃၀ အောက် ဒီနေ့လူငယ်တွေ သိပါ့မလား။ စာသင်ကျောင်းတွေမှာကော ၈၈ သမိုင်းကို (NLD အစိုးရသစ် လက်ထက်မှာတောင်) သင်ကြားပေးနေရဲ့လား။

အနှစ်ချုပ်ပြောရမယ်ဆိုရင် ၂၆ နှစ်ကြာနေပြီဖြစ်တဲ့ မဆလ (မြန်မာ့ဆိုရှယ်လစ်လမ်းစဉ်ပါတီ) အုပ်ချုပ်ရေးစနစ်၊ စီးပွားရေးစနစ်၊ ပညာရေးစနစ်တွေအပေါ် မကျေမလည်ဖြစ်နေတဲ့ ကျောင်းသားထုဟာ ၁၉၈၇ စက်တင်ဘာမှာ ပထမအကြိမ် ပေါက်ကွဲမှုဖြစ်ခဲ့ပါတယ်။ အကြောင်းကတော့ ငွေစက္ကူတွေကို တရားမဝင်တော့ဘူးလို့ အစိုးရက ရုတ်တရက် ကြေညာလိုက်တဲ့အတွက် သုံးစရာမရှိ၊ စားစရာမရှိဖြစ်သွားလို့ပါ။ အဲဒီလို အခံရှိနေရာကနေ ၁၉၈၈ မှာ ကျောင်းတွေပြန်ဖွင့်တော့ ပေါက်ကွဲမှုမြင့်မားလာတယ်လို့ ဆိုချင်ပါတယ်။

သာမန်ကြည့်လိုက်ရင်တော့ စက်မှုတက္ကသိုလ်ကျောင်းသားတွေနဲ့ အင်းစိန်ဘက်က အရပ်သားတွေကြား မကျေလည်မှုကနေ စတင်ခဲ့တာလို့ ဆိုနိုင်ပါတယ်။ ဒါပေမဲ့ တကယ့်နောက်ခံအချက်အလက်က နိုင်ငံရေးမကျေလည်မှုပါ။ ဒါကို အဲဒီကာလအစိုးရက စနစ်တကျမကိုင်တွယ်ဘဲ လက်နက်နည်းနဲ့ ပစ်ခတ်ဖြေရှင်းတော့ စက်မှုတက္ကသိုလ်ကျောင်းသား ကိုဖုန်းမော်နဲ့ ကိုစိုးနိုင်တို့ မတ်လ ၁၃ ရက်နေ့မှာ ကျဆုံးခဲ့ရပြီး တခြားကျောင်းသားတွေ ဒဏ်ရာရ၊ တချို့ အဖမ်းခံရ၊ တချို့ ကျောင်းထုတ်ခံရ ဖြစ်ခဲ့ပါတယ်။

ဒါက ရန်ကုန်စက်မှုတက္ကသိုလ်ဝင်းအတွင်း ဖြစ်ပွားခဲ့တာပါ။ ဒီသတင်းဟာ ရန်ကုန်ရှိ တခြားကျောင်းတွေနဲ့ ပြည်နယ်တိုင်းအသီးသီးရှိ ကျောင်းတွေ ဆီပျံ့နှံ့သွားပြီး တစ်နိုင်ငံလုံးမှာ ကျောင်းသားဆူပူမှုတွေ ဖြစ်ပွားခဲ့ပါတယ်။ အကျိုးဆက်ကတော့ ကျောင်းတွေကိုပိတ်ပြီး ကျောင်းသားအားလုံးကို အိမ်ပြန်ပို့လိုက်တာပါပဲ။ ဇွန်လမှာ ကျောင်းတွေပြန်ဖွင့်တော့ အခြေအနေတွေဟာ ထိန်းမရတော့ဘဲ ဆန္ဒပြပွဲဆက်တိုက်ဖြစ်ကာ နောက်ဆုံး ၈ လေးလုံး အရေးတော်ပုံအဖြစ် လူသိများတဲ့ ဩဂုတ်လ ၈ ရက်နေ့ လူထုအုံကြွမှုကြီးဆီ ရောက်သွားခဲ့ပါတယ်။

အဲဒီ မတ်လ ၁၃ ကနေ စက်တင်ဘာ ၁၈၊ စစ်တပ်က အာဏာသိမ်းချိန်အထိ ပစ်ခတ်မှုတွေအတွင်း ကျဆုံးသူဦးရေ ၃၀၀၀ အထိရှိနိုင်တယ်လို့ သမိုင်းဆရာတွေက ပြောပါတယ်။ ဒါပေမဲ့ အခုချိန်အထိ အစိုးရဘက်က တရားဝင်ထုတ်ပြန်ထားတဲ့စာရင်း မရှိသေးပါ။ ၈၈ မျိုးဆက် ကျောင်းသားအဖွဲ့က ၈ လေးလုံးသမိုင်းပြတိုက်ဆိုပြီး ရန်ကုန်မှာလုပ်နေတယ်လို့ သတင်းတွေကြားရပေမယ့် လူ ၃၀၀၀ စလုံးရဲ့အမည်စာရင်းတွေရရဲ့လား၊ ကျောင်းသုံးသမိုင်းစာအုပ်မှာ ၈၈ သမိုင်းကို ဘယ်လိုရေးသားဖော်ပြထားသလဲ၊ ရှင်းရှင်းလင်းလင်းမသိရသေးပါ။

ဒါက လွန်ခဲ့တဲ့နှစ် ၃၀ က ဖြစ်ခဲ့တဲ့ သမိုင်းကြောင်း အနှစ်ချုပ်ပါ။ စာရေးသူ တကယ်ပြောချင်တာက သမိုင်းကြောင်းမဟုတ်ပါဘူး။ အဲဒီသမိုင်းဖြစ်စဉ်အစပိုင်းမှာ ပါဝင်ခဲ့တဲ့ ၈၈ ကျောင်းသားတွေ အခု နှစ် ၃၀ ကြာပြီးတဲ့အချိန်မှာ ဘယ်တွေရောက်ပြီး ဘာတွေလုပ်နေကြသလဲဆိုတဲ့အပိုင်း ဖြစ်ပါတယ်။ လွန်ခဲ့တဲ့ နှစ် ၃၀ က သူတို့မျှော်မှန်းခဲ့သလို စစ်အာဏာရှင် စနစ်ချုပ်ငြိမ်းသွားပြီလား၊ ဒီမိုကရေစီအခွင့်အရေးတွေ ရနေပြီလား။ လက်ရှိနိုင်ငံရေးအခင်းအကျင်းဟာ အဲဒီကာလက သူတို့မျှော်မှန်းခဲ့တဲ့အတိုင်း ဟုတ်ပါရဲ့လား...။

လမ်းသုံးသွယ်နှင့် ၈၈

၈ လေးလုံး အရေးတော်ပုံအတွင်း ဦးဆောင်ပါဝင်ခဲ့သူတချို့ရဲ့ ပြန်လည်ပြောပြချက်အရ စက်တင်ဘာ ၁၈ မှာ စစ်တပ်က အာဏာသိမ်းပြီးတဲ့နောက် ကျောင်းသားလှုပ်ရှားမှုကို လမ်းသုံးသွယ်ခွဲပြီးလုပ်ဖို့ ဆုံးဖြတ်ခဲ့ကြတယ်ဆိုပါတယ်။ တစ်ဖွဲ့က ဗကသ (ဗမာနိုင်ငံလုံးဆိုင်ရာ ကျောင်းသား သမဂ္ဂများအဖွဲ့ချုပ်) အဖြစ်ဆက်ရှိပြီး မြေအောက်လှုပ်ရှားမှုလုပ်မယ်။ တစ်ဖွဲ့က လူ့ဘောင်သစ်ဒီမိုကရက်တစ်ပါတီအဖြစ် ထူထောင်ပြီး မြေပေါ်နိုင်ငံရေးလုပ်မယ်၊ တစ်ဖွဲ့က တောခိုပြီး လက်နက်ကိုင်တော်လှန်ရေးလုပ်မယ်လို့ ဆိုပါတယ်။


၈၈ ကျောင်းသားမှန်ရင် ဒီသုံးခုထဲက တစ်ခုခုမှာ ပါဝင်ခဲ့ဖူးမှာပါ။ စာရေးသူကတော့ တတိယအုပ်စုထဲမှာ ပါခဲ့သူတစ်ဦးပေါ့။ ဒီလမ်းသုံးသွယ်ကိုသိပြီး ကြိုတင်ပြင်ဆင် ပါဝင်ခဲ့တာမျိုးတော့မဟုတ်ပါဘူး။ လက်နက်နဲ့ပစ်ခတ်နေတဲ့ စစ်တပ်ကို လမ်းပေါ်ထွက် အော်ဟစ်ဆန္ဒပြနေရုံနဲ့ အပြောင်းအလဲက ဖြစ်လာမှာမဟုတ်ဘူး။ သေနတ်မှန်ပြီး သေဖို့ပဲရှိတယ်။ ဒီတော့ လက်နက်ရှိသူကို လက်နက်ကိုင်ပြီးတော်လှန်မှရမယ်ဆိုတဲ့ စိတ်ကူးယဉ်မှုတွေနဲ့အတူ တခြားကျောင်းသား သူငယ်ချင်းတွေနဲ့ တောထဲရောက်သွားခြင်းသာ ဖြစ်ပါတယ်။

ဘယ်လိုနည်းနဲ့ပဲ ရောက်သွားသည်ဖြစ်စေ တောထဲရောက်သွားတဲ့ အင်အားတစ်သောင်းဝန်းကျင်ရှိ ကျောင်းသားတွေဟာ ABSDF ခေါ် မြန်မာနိုင်ငံလုံးဆိုင်ရာကျောင်းသားများ ဒီမိုကရက်တစ်တပ်ဦးကို ဖွဲ့ပြီး စစ်အာဏာရှင်တွေကို လက်နက်ကိုင် တော်လှန်ခဲ့ကြပါတယ်။ နှစ် ၃၀ ကာလအတွင်း ကျဆုံးသူ ၈၀၀ ကျော်ရှိတယ်လို့ ABSDF ဗဟိုက စာရင်းထုတ်ပြန်ထားပါတယ်။ ဆိုလိုတာက နှစ် ၃၀ ကြာတဲ့အထိ ပြည်တွင်း - ပြည်ပမှာ ဆက်လက်ရှင်သန်နေသူတွေဟာ ကံကောင်းထောက်မပြီး မသေပဲကျန်နေသူတွေသာ ဖြစ်ပါတယ်။

အလားတူ မြေပေါ်မြေအောက်လှုပ်ရှားမှုကြောင့် ဖမ်းဆီးထောင်ချခံရတဲ့ တခြားလမ်းနှစ်သွယ်က ကျောင်းသားတွေလည်း အကျဉ်းထောင်အတွင်း ကျဆုံးခဲ့ရတာ မနည်းလှပါ။ လက်နက်ကိုင်တော်လှန်ရေးလောက် မများပေမယ့် ဒါဇင်နဲ့ချီ ရှိခဲ့ပါတယ်။ ဘဝပျက်ခဲ့ရသူ ရာနဲ့ချီရှိခဲ့ပါတယ်။ ပြည်ပကိုထွက်ခွာခဲ့ရသူ ရာနဲ့ချီရှိခဲ့ပါတယ်။

ဟောအခု နှစ် ၃၀ ကြာပြီးတဲ့အချိန် ဇာတ်ပေါင်းခန်းရောက်တဲ့အခါမှာတော့ ABSDF ဟာ အစိုးရတပ်မတော်နဲ့ အပစ်အခတ်ရပ်စဲရေးလုပ်ပြီး ငြိမ်းချမ်းရေးဆွေးနွေးပွဲ လုပ်ငန်းစဉ်တွေထဲ ပါဝင်နေပါပြီ။ လူ့ဘောင်သစ် ဒီမိုကရက်တစ်ပါတီလည်း နယ်စပ်ကနေ ပြည်တော်ပြန်ဝင်ပြီး နိုင်ငံရေးပါတီအဖြစ် ဆက်လှုပ်ရှားနေပါပြီ။ ဗကသ ကျောင်းသားဟောင်းတွေလည်း NLD ပါတီထဲ ဝင်သူဝင်၊ လွှတ်တော်အမတ်ဖြစ်သူဖြစ်၊ ပါတီသစ်ထောင်သူထောင်၊ ၈၈ အမည်နဲ့ ဆက်ရပ်သူရပ် စသဖြင့် ပုံစံမျိုးစုံနဲ့ လက်ရှိနိုင်ငံရေးအခင်းအကျင်းသစ်မှာ ပါဝင်နေကြတာကို တွေ့ရမှာဖြစ်ပါတယ်။

ပန်းတိုင်ရောက်ပြီလား၊ အားလုံးပါဝင်ခွင့်ရပြီလား

စာရေးသူ တွေ့ဆုံစကားပြောမိသလောက် ၈၈ ရဲဘော်တွေဆီက ကြားရသမျှကတော့ လက်ရှိနိုင်ငံရေးအခင်းအကျင်းကို ပန်းတိုင်အဖြစ် ခံယူထားသူမရှိပါ။ ပန်းတိုင်ဆီချီတက်နိုင်တဲ့ လမ်းကြောင်းမှန်ပေါ် ရောက်နေပြီလို့ တချို့ကပြောပြီး အများစုကတော့ ဒီနည်းဟာ အကောင်းဆုံးမဟုတ်ပေမယ့် လက်တွေ့အကျဆုံးနည်းတစ်ခု ဖြစ်တယ်လို့ ပြောကြပါတယ်။ တချို့ကတော့ လက်ရှိအနေအထားဟာ အရေးကြီးတဲ့ လမ်းဆုံလမ်းခွမှာ ရောက်နေတယ်လို့သာ မယုတ်မလွန် ပြောပါတယ်။ 


အဲ... တချို့ အနည်းစုကတော့ လက်ရှိနိုင်ငံရေးအခင်းအကျင်းဟာ လမ်းမှန်ပေါ်ရောက်နေတာမဟုတ်ပဲ လမ်းမှားထဲကျသွားပြီ။ စစ်အာဏာရှင်တွေနဲ့ပေါင်းပြီး ဒီမိုကရေစီရအောင်လုပ်မယ်ဆိုတာဟာ သီအိုရီအရကို မှားနေတယ်။ အတွေးအခေါ်အရ ဖောက်ပြန်သွားတာဖြစ်တယ်။ ဘာမူဝါဒမှ မရှိတော့ဘဲ စစ်အာဏာရှင်တွေ ပေးသမျှယူရမယ့်အခြေအနေ ရောက်သွားပြီလို့ ပြင်းပြင်းထန်ထန် ဝေဖန်ကြပါတယ်။

အမြင်ဆိုတာ အမျိုးမျိုးရှိနိုင်တာမို့ ဘယ်သူကမှန်ပြီး ဘယ်သူက မှားတယ်လို့ ပြောဖို့ခက်ပါတယ်။ ကာလတစ်ခုဖြတ်သန်းပြီးရင် အဖြေပေါ်လာပါလိမ်မ့ယ်။ ဒါကြောင့် အမြင်မတူရင် အတိုက်အခံပါတီထောင်ပြီး လက်ရှိအစိုးရကို ဝေဖန်ထောက်ပြကြ၊ ဒါမှမဟုတ် အရပ်ဘက်အဖွဲ့အစည်းတွေ၊ တခြားအဖွဲ့တွေကနေ လက်ရှိအစိုးရ၊ လွှတ်တော်နဲ့ တပ်မတော်ကို ဝေဖန်ထောက်ပြထိန်းကျောင်းကြပေါ့။ တစ်နိုင်ငံလုံးရှိ သန်း ၅၀ စလုံးက အစိုးရကို ကန့်ကွက်သူမရှိ ထောက်ခံရေးဆိုတာ မဖြစ်နိုင်ပါဘူး။ သန်း ၅၀ စလုံးက အစိုးရကိုထောက်ခံနေပါတယ်လို့ ပြောရင်းလည်း မဆလခေတ်ကပြောသလို ၉၉ ရာခိုင်နှုန်း ထောက်ခံပါတယ်ဆိုတာနဲ့ တူသွားနိုင်ပါတယ်။

အရေးကြီးတာက ဘယ်လမ်းကြောင်းနဲ့ပဲလျှောက်လျှောက် အများပြည်သူအတွက် အကျိုးရှိရဲ့လားဆိုတဲ့ ပေတံနဲ့ပဲ တိုင်းတာရမယ်ထင်ပါတယ်။ အဲတော့ အခု NLD အစိုးရတက်လာချိန်မှာ အများပြည်သူဘဝ အရင်ကထက် ပိုအကျိုးရှိလာသလား။ စစ်အာဏာရှင်တွေနဲ့ တရားဝင်ပေါင်းသင်းခဲ့တဲ့ ၂၀၁၂ ကြားဖြတ်ရွေးကောက်ပွဲကနေ အခု ၂၀၁၈ အကြား ၆ နှစ်တာကာလအတွင်း အခြေအနေကို ပြန်ကြည့်ရင် အများပြည်သူဘဝဟာ အာဏာရှင်တွေရဲ့ ဖိနှိပ်မှုအောက်ကနေ နည်းနည်းချင်းစီတော့ သက်သာလာနေတယ်လို့ ဆိုချင်ပါတယ်။ 

ဒါပေမဲ့ ဒီလိုသက်သာလာခြင်းဟာ ဥပဒေအရ၊ အင်စတီကျူးရှင်းတွေအရ ဒီမိုကရေစီအခွင့်အရေးတွေ အခိုင်အမာရလာနေခြင်းလား၊ ဒါမှမဟုတ် စစ်အာဏာရှင်တွေက သနားကြင်နာစိတ်ဝင်လာပြီး ယာယီပေးလိုက်တဲ့ “ကျားသနားမှ နွားချမ်းသာ” ခွင့်ရတဲ့ အခွင့်အရေးတွေမျိုးလား ဆိုတာကတော့ သိပ်မရှင်းလှသေးပါ။

တစ်နည်းအားဖြင့်ပြောမယ်ဆိုရင်တော့ လက်ရှိနိုင်ငံရေးအခင်းအကျင်းဟာ အင်စတီကျူးရှင်းအရ တစ်ဆင့်ပြီးတစ်ဆင့် ဒီမိုကရေစီအသွင် ကူးပြောင်းရေးဆီ စနစ်တကျသွားနေတာမျိုးမဟုတ်ဘဲ အာဏာရှင်တွေကို အလိုလိုက် အကြိုက်ဆောင်ပြီး ချော့မော့ပေါင်းသင်းနေရတဲ့ အနေအထားမှာရှိနေဆဲဖြစ်ပါတယ်။ ဒီလိုချော့ပေါင်းရင်းနဲ့ ဒီမိုကရက်တွေဘက်က အပြောအဟောကောင်းလွန်းလို့ အာဏာရှင်တွေ ဒီမိုကရက်တစ်ဖြစ်လာလေမလား၊ အာဏာရှင်ဟောင်းတွေဘက်က ပြန်စည်းရုံးလို့ ဒီမိုကရက်တွေပဲ အာဏာရှင်စတိုင် ဝင်သွားလေမလား။ အခုအစိုးရသစ်သက်တမ်း ၂ နှစ်ကျော်ကာလအတွင်းမှာတော့ ၅၀ - ၅၀ နဲ့ အပြန်အလှန် အားပြိုင်နေဆဲလို့ ယူဆရပါတယ်။

ဒီလို အကြိတ်အနယ်အားပြိုင်နေတဲ့အချိန်မျိုးမှာ ရှေ့မှာ နိဒါန်းချီခဲ့တဲ့၊ နှစ် ၃၀ ကြာ ဒီမိုကရေစီခရီးလမ်းကို စတင်ဖောက်ခဲ့တဲ့ ၈၈ ကျောင်းသားဟောင်းတွေ ဘယ်ရောက်ပြီး ဘာတွေလုပ်နေကြသလဲ။ ဒီအပြောင်းအလဲဖြစ်စဉ်မှာ ဒီလူတွေအားလုံး ပါဝင်ခွင့် အပြည့်အဝရကြပါရဲ့လား၊ ဘေးဖယ် ခံထားရသူတွေ ရှိနေဆဲလား၊ တကယ်လို့ အားလုံးကို ပါဝင်ခွင့်ပေးပါ့မယ်လို့ အစိုးရဘက်ကပြောမယ်ဆိုရင် ဒီလူတွေ အစိုးရပါတီထဲ ဝင်ကြမှာလား၊ မဟာမိတ်ပါတီထောင်မှာလား၊ အတိုက်အခံပါတီထောင်မှာလား၊ အရပ်ဘက်အဖွဲ့အစည်းတွေအဖြစ် ဆက်လှုပ်ရှားကြမှာလား၊ သာမန်အရပ်သားတွေအဖြစ်ပဲ နေကြတော့မလား။

သေချာတာကတော့ ဘယ်လိုနည်းနဲ့ပဲ နိုင်ငံရေးထဲပါဝင်ခွင့်ရသည်ဖြစ်စေ လက်ရှိဖြစ်နေတဲ့ အရပ်ဘက် - စစ်ဘက် အားပြိုင်ပွဲ၊ သို့မဟုတ် ဒီမိုကရက်တစ်အင်အားစုနဲ့ စစ်အာဏာရှင်ဟောင်းတွေရဲ့အားပြိုင်ပွဲမှာ အရပ်ဘက်အုပ်စု အင်အားကောင်းလာပြီး စစ်အာဏာရှင်အုပ်စု လုံးဝ အမြစ်ပြုတ်သွားရေးအတွက် ၈၈ အင်အားစုအားလုံး ဝိုင်းလုပ်ရမယ့်၊ ဝိုင်းလုပ်ခွင့်ပေးရမယ့်အချိန် ရောက်နေပြီဖြစ်ပါတယ်။ ။


ထက်အောင်ကျော်

Tuesday, February 27, 2018

အသွင်ကူးပြောင်းရေးကာလနှင့် ရေခဲတုံးအောက်က အာဏာများ

The Voice Daily.
24-Feb-2018 

ရေပေါ်မှာမြင်နေရသော ၂၅ ရာခိုင်နှုန်း

မြန်မာ့ဒီမိုကရေစီ အသွင်ကူးပြောင်းရေးကာလ စစ်ဘက် - အရပ်ဘက်က အာဏာခွဲဝေရေးကိုပြောတဲ့အခါ တပ်မတော်ဘက်ကနေ လွှတ်တော်ထဲ အမတ်နေရာ ၂၅ ရာခိုင်နှုန်းယူထားတာနဲ့ အစိုးရအဖွဲ့အတွင်း ဝန်ကြီးနေရာ ၃ ခုယူထားတာကိုသာ လူတွေက ပြေးမြင်လေ့ရှိပါတယ်။ တကယ်က အဲဒီလိုလူအများမြင်သာတဲ့ ၂၀၀၈ ဖွဲ့စည်းပုံထဲကအတိုင်း ပြင်ပနေရာယူမှုထက် လူတွေရဲ့အတွင်းစိတ်ထဲ နှစ်ပေါင်း ၆၀ နီးပါး တပ်မတော် (စစ်အုပ်ချုပ်ရေးစတိုင်) က စွဲကပ်နေရာယူထားခြင်းက ပိုအရေးကြီးတယ်လို့ စာရေးသူက ထင်ပါတယ်။


ဆိုလိုတာက ၁၉၄၈ မှာ လွတ်လပ်ရေးရခဲ့တဲ့ မြန်မာနိုင်ငံဟာ ဒီမိုကရေစီအုပ်ချုပ်ရေးကို ၁၀ နှစ်လောက်ပဲ ကျင့်သုံးခဲ့ဖူးပြီး ၁၉၆၂ ကနေ ဒီနေ့အထိ နှစ်ပေါင်း ၅၀ ကျော်လုံးလုံး စစ်အုပ်ချုပ်ရေး၊ စစ်တစ်ပိုင်းအုပ်ချုပ်ရေးတွေ နဲ့သာ ရင်းနှီးလာခဲ့ရပါတယ်။ ဒါကြောင့် စစ်အုပ်ချုပ်ရေးစတိုင်၊ စစ်အုပ်ချုပ်ရေးအတွေးအခေါ်တွေက မြန်မာလူထုကြား အမြစ်တွယ်စွဲကပ်နေပြီး ဒါတွေကို အရပ်သားအစိုးရသက်တမ်း ၅ နှစ်အတွင်း ချေဖျက်ပစ်ဖို့မလွယ်သေးပါ။

တပ်မတော်နဲ့ စစ်အုပ်ချုပ်ရေးစတိုင်ဆိုတာ အစိုးရတပ်မတော်တစ်ခုတည်းကို ဆိုလိုတာမဟုတ်ပါ။ လက်နက်ကိုင်ထားတဲ့အဖွဲ့တွေ အားလုံးကို ဆိုလိုပါတယ်။ တိုင်းရင်းသားလက်နက်ကိုင်တပ်ဖွဲ့တွေနဲ့ပတ်သက်ရင် လည်း လက်နက်ကိုင်အပေါ်မူတည်ပြီး အဲဒီအဖွဲ့ရဲ့ ဩဇာအရှိန်အဝါကို သတ်မှတ်လေ့ရှိပါတယ်။ တစ်ချိန်တည်းမှာပဲ အဲဒီလက်နက်ကိုင်အဖွဲ့တွေတွင်းမှာတောင် ရွေးကောက်ခံပါတီဥက္ကဋ္ဌထက် တပ်ကိုကိုင်ထားတဲ့ တပ်မှူးတွေက ပိုဩဇာရှိနေတတ်ပါတယ်။ 

ဒါဟာ မြန်မာ့နိုင်ငံရေး ယဉ်ကျေးမှုတစ်ခုဖြစ်နေပြီလား။ လက်နက်ကိုင်အင်အားရှိမှ နိုင်ငံရေးဩဇာရှိမှာလား။ ငြိမ်းချမ်းရေးဆွေးနွေးချင်ရင် လက်နက်ကိုင်အင်အားများများ စုထားဖို့လိုနေပြီလား။ စစ်အာဏာရှင်စနစ်ကနေ ဒီမိုကရေစီစနစ်ဆီ အသွင်ပြောင်းတဲ့အခါ ဒီလိုစဉ်းစားပုံတွေနဲ့ အလုပ်ဖြစ်ပါ့မလား။ 

သမ္မတနဲ့ တပ်ချုပ်/ဝန်ကြီးချုပ်နဲ့ နယ်-လုံ

၂၀၀၈ ဖွဲ့စည်းပုံအရ ဗဟိုအစိုးရမှာ သမ္မတက အာဏာအမြင့်ဆုံး ဖြစ်သလို ပြည်နယ်-တိုင်း အစိုးရတွေမှာလည်း ဝန်ကြီးချုပ်က အာဏာအမြင့်ဆုံးဖြစ်ပါတယ်။ ဒါပေမဲ့ လက်တွေ့ နေ့စဉ် အုပ်ချုပ်မှုယန္တရား တကယ်လည်ပတ်နေပုံကိုကြည့်ရင် စာအုပ်ထဲကအတိုင်း ဟုတ်မဟုတ်ဆိုတာ လူတိုင်းသိနိုင်ပါတယ်။


သမ္မတဦးထင်ကျော် အစိုးရအောက်မှာ ဝန်ကြီးဌာန ၂၁ ခုရှိပြီး ကာကွယ်ရေးဦးစီးချုပ်အောက်မှာ ၃ ခုသာ (အချုပ်အခြာအာဏာနဲ့ဆိုင်တဲ့ ကာကွယ်ရေး၊ ပြည်ထဲရေးနဲ့ နယ်စပ်ရေးရာကို တပ်မတော်က ယူထားပြီး နိုင်ငံခြားရေးတစ်ခုကိုပဲ အရပ်သားအစိုးရအားပေးထား) ရှိပါတယ်။ အလားတူ ပြည်နယ်-တိုင်းဒေသကြီး အသီးသီးမှာလည်း ဝန်ကြီးချုပ်အပါအဝင် ရှိသမျှဝန်ကြီးဌာနအားလုံးကို အရပ်သားဝန်ကြီးတွေက ယူထားပြီး နယ်-လုံတစ်ခုကိုသာ တပ်မတော်ဘက်က ယူထားပါတယ်။

ဒါကြောင့် လက်ရှိအုပ်ချုပ်ရေးပုံစံကို အရပ်သားကြီးစိုးတဲ့ အုပ်ချုပ်ရေးလို့ ယေဘုယျဆိုနိုင်ပါတယ်။ ဒါပေမဲ့ လက်တွေ့မှာတော့ တပ်မတော်က ကိုင်ထားတဲ့ ဝန်ကြီးဌာန ၃ ခုက အရပ်ဘက်ဝန်ကြီးဌာန ၂၁ ခုထက် ပိုဩဇာရှိနေပါတယ်။ ပြည်နယ်-တိုင်းဒေသကြီးတွေမှာလည်း ရဲ၊ ထွေ-အုပ်တွေကို ကိုင်ထားတဲ့ နယ်-လုံ က ကျန်ဝန်ကြီးတွေအားလုံးထက် ပိုဩဇာကြီးနေပါတယ်။ နယ်ခရီးစဉ်တွေအတွင်း မြင်မိသလောက်ကတော့ ဝန်ကြီးချုပ်နဲ့ နယ်-လုံဝန်ကြီးတွေလောက်မှာပဲ လက်နက်ကိုင်လုံခြုံရေးအစောင့်ပါပြီး ကျန်ပင်နီဝတ်ဝန်ကြီးတွေမှာ ဘာလုံခြုံရေးမှ မတွေ့မိပါ။ ပင်နီဝတ် သာမန်အမတ်တွေဆို ပိုဝေးပေါ့။ 

နောက်တစ်ချက်က အုပ်ချုပ်ရေးအတွေ့အကြုံ။ ပြည်နယ်-တိုင်း ဝန်ကြီးအများစုက ဆရာဝန်တွေ၊ ကျောင်းဆရာတွေ၊ ကျူရှင်ဆရာတွေ၊ သာမန်အရပ်သားတွေကနေ လာတာဆိုတော့ အုပ်ချုပ်ရေးအတွေ့အကြုံ ဘာမှမရှိပါ။ နယ်-လုံဝန်ကြီးကတော့ ဗိုလ်မှူးကြီးဆိုရင် တပ်ရင်းမှူး၊ ဗိုလ်မှူးဆိုရင် တပ်ခွဲမှူးလောက်ဖြစ်ခဲ့ဖူးတာမို့ တစ်စုံတစ်ရာ လက်တွေ့ တပ်အုပ်ချုပ်ရေးရှိခဲ့ဖူးတဲ့အပြင် စစ်တက္ကသိုလ်မှာလည်း အုပ်ချုပ်ရေးပညာကို တစ်စုံတစ်ရာ သင်လာခဲ့ဖူးသူဖြစ်နေပါတယ်။

ဒီလိုနောက်ခံအချက်အလက်တွေကြောင့် မြန်မာနိုင်ငံမှာ အစိုးရနှစ်ရပ်ရှိနေတယ်ဆိုပြီး နိုင်ငံတကာမီဒီယာတွေက ညွန်းဆိုလေ့ရှိပါတယ်။ တစ်ချိန်တည်းမှာပဲ နိုင်ငံတကာအစိုးရခေါင်းဆောင်တွေ မြန်မာနိုင်ငံဆီလာရင်လည်း သမ္မတနဲ့ နိုင်ငံတော်အတိုင်ပင်ခံပုဂ္ဂိုလ်အပြင် တပ်ချုပ်ကိုပါ မပျက်မကွက်အလေးထား တွေ့ဆုံနေတာ တွေ့ရမှာဖြစ်ပါတယ်။

လက်နက်ကိုင်တပ်ဖွဲ့တွေဘက်မှာလည်း လက်နက်အင်အားကို ဦးစားပေး

ဒါက နေပြည်တော် အုပ်ချုပ်ရေးအောက်က အာဏာလည်ပတ်ပုံ အခင်းအကျင်းပါ။ နေပြည်တော်ရဲ့ အပြင်ဘက်ရှိ လက်နက်ကိုင်တပ်တွေရဲ့ နယ်တွေကို လှမ်းကြည့်ဦးမလား။ လက်နက်ကိုင်အင်အား ၃ သောင်းကျော် ရှိတယ်ဆိုတဲ့ “ဝ” UWSA နယ်ကိုပဲ အရင်ဆုံး ဥပမာပေးရပါလိမ့်မယ်။ တရုတ်နယ်စပ်နဲ့ ထိုင်းနယ်စပ်က သူတို့ထိန်းချုပ်ထားတဲ့နယ်မြေမှာ အစိုးရတပ်နဲ့ အစိုးရဝန်ထမ်းတွေအားလုံး “ဝ” အစိုးရခွင့်ပြုချက်မရဘဲ ဘာမှလုပ်ခွင့်မရှိပါ။ ဒါဟာ “ဝ”အဖွဲ့မှာ လက်နက်ကိုင်အင်အား ၃ သောင်း ကျော်ရှိနေလို့၊ တစ်နည်း အားဖြင့် တခြားသူပုန်အဖွဲ့တွေထက် “ဝ” အဖွဲ့ က လက်နက်ကိုင်ပိုများနေလို့ အစိုးရဘက်က လိုက်လျောနေရခြင်း ဖြစ်ပါတယ်။


“ဝ” နယ်ကို နည်းနည်းကျော်ပြီး ကြည့်လိုက်မယ်ဆိုရင် မြောက်ပိုင်း မဟာမိတ်အဖွဲ့ဆိုတာကို တွေ့နိုင်ပါတယ်။ ဒီအဖွဲ့ရဲ့ စစ်အင်အား ဘယ်လောက်ရှိသလဲဆိုတာကိုတော့ ၂၀၁၆ နှောင်းပိုင်းကဖြစ်ပွားခဲ့တဲ့ တရုတ်နယ်စပ် ကုန်သွယ်ရေးလမ်းပေါ်က တိုက်ပွဲတွေကိုကြည့်ရင် သိနိုင်ပါတယ်။ ဒီအဖွဲ့ထဲမှာ KIA (ကချင်လွတ်လပ်ရေးတပ်မတော်)၊ TNLA (တအာင်း အမျိုးသားလွတ်မြောက်ရေးတပ်မတော်)၊ MNDAA (ကိုးကန့်တပ်မတော်)၊ AA (ရခိုင့်တပ်မတော်) တို့ ပါဝင်ပါတယ်။ ဒါက အဲဒီကာလတိုက်ပွဲအတွင်း ပါဝင်ခဲ့တဲ့တပ်တွေကို ပြောတာပါ။ အခုနောက်ပိုင်းမှာတော့ “ဝ” UWSA မိုင်းလား၊ SSPP (ရှမ်းပြည်တိုးတက်ရေးပါတီ) တို့ပါ ပါဝင်လာတဲ့အတွက် အင်အားအတောင့်တင်းဆုံး အဓိကသူပုန်မဟာမိတ်အဖွဲ့ ဖြစ်လာနေပါတယ်။ 

ဆိုလိုတာက လက်နက်ကိုင်အင်အားတောင့်မှ၊ မိမိအင်အားနဲ့ နယ်မြေကို တိုးချဲ့နိုင်မှ တစ်ဖက်ရန်သူက အလေးထားပြီး နိုင်ငံရေးအရ တန်းတူရည်တူ ဆွေးနွေးလာလိမ့်မယ်ဆိုတဲ့ မျှော်လင့်ချက်နဲ့ ဒီလိုအင်အားတွေ တိုးချဲ့၊ နယ်မြေတွေတိုးချဲ့၊ မဟာမိတ်တွေဖွဲ့ပြီး လုပ်လာနေကြတာဖြစ်ပါတယ်။ ဒါဟာ မြန်မာ့နိုင်ငံရေး နှစ် ၇၀ ကာလ လက်နက်ကိုင်အင်အားပေါ် အခြေခံတဲ့ ဆွေးနွေးပွဲတွေရဲ့ အစွန်းထွက်ပြဿနာတွေပါပဲ။

အဲဒီတပ်တွေ ဒီလို အင်အားချဲ့နေတာ၊ နယ်မြေချဲ့နေတာ၊ မဟာမိတ်ဖွဲ့နေတာကို အပြစ်ပြောဖို့ခက်ပါတယ်။ ဘာကြောင့်လဲဆို လက်နက်ကိုင် အင်အားနည်းတဲ့ သူပုန်အဖွဲ့ငယ်တွေကို အစိုးရတပ်ဘက်က နေရာမပေးတဲ့အပြင် နည်းမျိုးစုံနဲ့ ချေမှုန်းပြနေတာ အားလုံးအမြင်ပဲမဟုတ်ပါလား။ ဒီတော့ တိုင်းရင်းသားတိုင်းက လက်နက်ကိုင်တပ်ထူထောင်ပြီး မဟာမိတ်အမြန်ဖွဲ့ရမလို ဖြစ်လာနေပါတယ်။ “လက်နက်ကိုင်တပ်ရှိနေလို့ ငါတို့လူမျိုးတွေ ဒီလောက်ခံနေနိုင်တယ်။ လက်နက်ကိုင်တပ်သာမရှိရင် အမျိုးပါပျောက်သွားမလားမသိဘူး”ဆိုတဲ့ တိုင်းရင်းသားအရေး သုတေသနလုပ်နေသူ တစ်ဦးရဲ့မှတ်ချက်ကလည်း စဉ်းစားစရာပါပဲ။

လက်နက်နိုင်ငံတော်ခေတ်မှ ဒီမိုကရေစီနိုင်ငံတော်သစ်ဆီသို့ 

ဒီလိုလက်နက်အင်အားရှိမှ တိုင်းပြည်အင်အားရှိမယ်ဆိုတဲ့ အတွေးအခေါ်ပေါ်အခြေခံပြီး နှစ် ၇၀ ကျော် ဖြတ်သန်းလာတဲ့ လူ့အဖွဲ့အစည်းတစ်ခုကို ၂၁ ရာစုဟာ လက်နက်နိုင်ငံတော်ခေတ် မဟုတ်တော့ဘူး။ လူ့အခွင့်အရေးနဲ့ ဒီမိုကရေစီခေတ်ရောက်နေပြီ၊ ကျည်ဆန်ရှိဖို့ထက် ပိုက်ဆံရှိဖို့က ပိုအရေးကြီးတယ်၊ တင့်ကားရှိဖို့ထက် ဘတ်စ်ကားရှိဖို့က ပိုအရေးကြီးတယ်ဆိုပြီး ပြောင်းရတာ သိပ်တော့မလွယ်လှပါ။



တစ်လောကတော့ စစ်သုံးစရိတ်ဘတ်ဂျက်လျှော့ချပြီး ပညာရေးဘတ်ဂျက်တိုးပေးဖို့ ကျောင်းသားတွေဆန္ဒပြတဲ့သတင်း ကြားလိုက်ရပါတယ်။ လက်နက်ကိုင်အဖွဲ့တွေရဲ့ ဖိအားတွေကြားပိတ်မိနေတဲ့ နိုင်ငံရေးသမားတွေ၊ လွှတ်တော်အမတ်တွေ မပြောရဲဘဲဖြစ်နေတာကို ကျောင်းသားတွေက ထပြောပေးတဲ့အတွက် ကျေးဇူးတင်သင့်ပါတယ်။ ကျောင်းသားတွေရဲ့ တင်ပြချက် ချက်ချင်းဖြစ်လာဖို့မလွယ်သေးပေမယ့် လက်နက်နိုင်ငံတော်ခေတ်ကို ဒီနေ့လူငယ်တွေက လက်မခံတော့ဘူးဆိုတာကိုတော့ နိုင်ငံရေးသမားတွေ သတိထားမိလာစေပါတယ်။

ဒါပေမဲ့ မူလအခြေအနေ (စစ်အုပ်ချုပ်ရေးနဲ့ စစ်တပ်လွှမ်းမိုးတဲ့အုပ်ချုပ်မှုစနစ်) ကို လိုလားသူတွေကတော့ မြောက်ပိုင်းမှာ တိုက်ပွဲတွေရှိနေဆဲဖြစ်တာမို့ စစ်အသုံးစရိတ်လျှော့ချဖို့ မဖြစ်နိုင်သေးဘူး။ တစ်ခါ ဘင်္ဂလားဒေ့ရှ် - မြန်မာနယ်စပ် ရခိုင်မြောက်ပိုင်းမှာဖြစ်နေတဲ့ (နိုင်ငံတကာအခေါ် ရိုဟင်ဂျာ) ဘင်္ဂါလီပြဿနာမျိုးမှာဆိုရင် တပ်မတော်ကသာ အချိန်မီဝင်မထိန်းရင် အချုပ်အခြာအာဏာနဲ့ အမျိုးဘာသာ သာသနာကိုပါ ထိခိုက်နိုင်တာမို့ စစ်အသုံးစရိတ် ပိုတောင်းရေးနဲ့ စစ်တပ်ကြီးစိုးရေးဟာ လိုအပ်နေဆဲလို့ ထောက်ပြကြပါတယ်။

လတ်တလောအနေအထားအရ ဒါကို ငြင်းဖို့ခက်ပေမယ့် ဒါဟာ လုံလောက်တဲ့ဆင်ခြေမျိုးတော့ မဟုတ်ပါ။ ဒီကိစ္စကို ထောက်ပြပြီး၊ ဒါမှမဟုတ် ဒီလိုကိစ္စတွေရှိနေအောင် တမင်ဖန်တီးထားပြီး စစ်အသုံးစရိတ်နဲ့ စစ်တပ်လွှမ်းမိုးရေးကို ဆွဲဆန့်ထားမသင့်ပါ။ ဒီကိစ္စ ၂ ခု အမြန်ဆုံးပြေလည်အောင် အင်အားစုအားလုံး ဝိုင်းဝန်းအဖြေရှာသင့်ပါတယ်။ ပြည်တွင်းစစ်မရှိတော့ဘူးဆိုရင် တပ်မတော်ကလည်း စစ်တန်းလျားဆီပြန်မယ်လို့ ကတိပေးထားတဲ့အတွက် ဒီကိစ္စပြေလည်ရေးကို အချိန်ဇယားနဲ့ ဆောင်ရွက်သင့်ပါတယ်။

တစ်နည်းအားဖြင့်ပြောမယ်ဆိုရင်တော့ ဒီနေ့ ငြိမ်းချမ်းရေးဆွေးနွေးပွဲတွေမှာ အကြိတ်အနယ်ငြင်းခုံနေကြတဲ့ အပစ်အခတ်ရပ်စဲရေးလုပ်ပြီးတဲ့ တိုင်းရင်းသားလက်နက်ကိုင်တပ်တွေကို ဘယ်လိုလက်နက်ဖြုတ်သိမ်းလဲ၊ စကားလုံးလှအောင်ပြောရမယ်ဆိုရင် “လုံခြုံရေးဆိုင်ရာ ပူးပေါင်းရေးကိစ္စ” DDR (Disarmament, Demobilization, Reintegration) ကို ဆွေးနွေးဖို့လိုသလို တိုင်းရင်းသားတပ်တွေ လက်နက်ဖြုတ်သိမ်းပြီးရင် တပ်မတော်ကလည်း နိုင်ငံရေးကစွန့်ခွာပြီး စစ်တန်းလျားဆီ ဘယ်လိုပြန်မယ်ဆိုတာကို အချိန်ဇယားနဲ့ ဆွေးနွေးဖို့လိုနေပါတယ်။ 

၂၀၀၈ ဖွဲ့စည်းပုံအရ ၂၀၁၀ ရွေးကောက်ပွဲကျင်းပတော့ မြန်မာ့တပ်မတော်ဟာ အင်ဒိုနီးရှားတပ်မတော်လိုပဲ ပထမပိုင်းမှာ ပါလီမန်အတွင်း အမတ်နေရာ ၂၅ ရာခိုင်နှုန်းယူပြီး အစိုးရသက်တမ်း ၅ နှစ်တစ်ခါ တဖြည်းဖြည်းချင်း လျှော့ချသွားလိမ့်မယ်လို့ အကဲခတ်တွေက နားလည်ခဲ့ကြပါတယ်။ ဒါပေမဲ့ အခု ဒုတိယသက်တမ်းကုန်ခါနီးတဲ့အထိ ၂၅ ရာခိုင်နှုန်းကနေ လျှော့ချမှုမရှိတဲ့အပြင် စစ်သုံးစရိတ်တောင် ထပ်ဆောင်းပေးဖို့ တောင်းဆိုလာနေပါတယ်။ ဒါကြောင့် မြန်မာ့တပ်မတော်ဟာ အင်ဒိုနီးရှားတပ်မတော်စတိုင် နိုင်ငံရေးခွာစစ်ပုံစံကနေ ထိုင်းတပ်မတော်စတိုင် နိုင်ငံရေးမှာ ဩဇာရှိရေးဘက်ဆီ ရွေ့လျားစပြုလာနေပြီလို့ ဝေဖန်သူတွေက ထောက်ပြလာနေပါတယ်။

ဒါဟာ ကောင်းတဲ့အလားအလာမဟုတ်ပါ။ စစ်အာဏာရှင်စနစ်ကနေ ဒီမိုကရေစီကိုအသွင်ပြောင်းတဲ့အခါ ပထမပိုင်းမှာ စစ်တစ်ပိုင်း အရပ်သားတစ်ပိုင်းဖြစ်နေတာကို နားလည်ပေးလို့ရနိုင်ပေမယ့် အစိုးရသက်တမ်း ၂ ကြိမ် ၁၀ နှစ်အတွင်းမှာတော့ စစ်ဘက်လွှမ်းမိုးမှု တဖြည်းဖြည်းလျော့ကျလာပြီး အရပ်ဘက်အုပ်ချုပ်မှု တဖြည်းဖြည်းအားကောင်းဖို့ လိုအပ်ပါတယ်။ အခု မြန်မာနိုင်ငံမှာကြုံနေရတဲ့အခြေအနေက ကြာလေ စစ်ဘက်လွှမ်းမိုးမှုက ပိုများလာလေဖြစ်နေပါတယ်။ စစ်ဘက်ကို အားနည်းသွားအောင် လုပ်မိ၊ ပြောမိရင်ပဲ တိုင်းပြည်အချုပ်အခြာအာဏာနဲ့ အမျိုးဘာသာသာသနာကို ထိခိုက်စေသူ၊ မျိုးချစ်စိတ်မရှိသူဆိုပြီး တံဆိပ်ကပ်တဲ့ ခေတ်နောက်ပြန်ဆွဲတဲ့ အတွေးအခေါ်တွေဝင်လာနေတာဟာ အတော်ဆိုးပါတယ်။

ဒါကြောင့် မြန်မာ့ဒီမိုကရေစီအသွင်ကူးပြောင်းမှုဟာ အများမြင်သာတဲ့ လွှတ်တော်ထဲက အမတ်နေရာ ၂၅ ရာခိုင်နှုန်းနဲ့ ၂၀၀၈ ဖွဲ့စည်းပုံ ပြင်ဆင်ရေးသာမက အများမမြင်သာတဲ့ ရေအောက်မှာမြုပ်နေဆဲ ၇၅ ရာခိုင်နှုန်းသော စစ်အုပ်ချုပ်ရေးစတိုင်လွှမ်းမိုးမှု၊ တပ်မတော်အင်အားရှိမှ တိုင်းပြည်အင်အားရှိမယ်ဆိုတဲ့ လက်နက်နိုင်ငံတော်ခေတ် အတွေးအခေါ် လွှမ်းမိုးမှုတွေကိုပါ တစ်ပြိုင်တည်း ပြုပြင်ပြောင်းလဲဖို့လိုနေပါကြောင်း တင်ပြလိုက်ရပါတယ်။ ။


Thursday, February 22, 2018

Video editing test

Test 1 (ဗွီဒီယုို အက်ဒစ် လေ့ကျင့်ခန်းအတွက်)




....
test 2


....

Test 3


...



Test 4


...

Abu Dhabi Tour ပွဲ ပထမနေ့ Kristoff အနုိုင်ရ...။ Cavendish က ပွဲမစခင်မှာ လဲပြိုပြီး ထွက်လုိုက်ရ...။

Abu Dhabi Tour ပွဲ ပထမနေ့ Kristoff အနုိုင်ရ...။ Cavendish က ပွဲမစခင်မှာ လဲပြိုပြီး ထွက်လုိုက်ရ...။
...
အာဘူဒါဘီမှာ ဒီနေ့စတင်တဲ့ Abu Dhabi Tour ပွဲ (ဖေ ၂၁ မှ ၂၅ အထိ) ပထမနေ့ (Madinat Zayed - Madinat Zayed) 189 km မှာ နော်ဝေ တာတုိုဘုရင် Alexander Kristoff (Nor) UAE Team Emirates က 4:48:24 နာရီနဲ့ ပထမ ရသွားပါတယ်။



ဒါဟာ အိမ်ရှင် UAE အသင်းဆီပြောင်းပြီး အိမ်ရှင်နုိုင်ငံမှာ ပထမ ဆုံးအနုိုင် ရတာမုို့ အထူးဝမ်းသာမိတယ်လို့ ခရစ်စတော့ကပြောပါတယ်။ တကယ်ဆုို သူဟာ Lead-out man ပျောက်ပြီး လမ်းကြောင်းပိတ်နေရာကနေ အီဝမ်ရဲ့ နောက်ဘီးမှာ ကပ်ပါလာနုိုင်ခဲ့ပြီး အခုလုို ပထမ ရသွားတာပါ။
2 Andrea Guardini (Ita) Bardiani CSF 
3 Caleb Ewan (Aus) Mitchelton-Scott 
4 Elia Viviani (Ita) Quick-Step Floors 
5 Daniel McLay (GBr) EF Education First-Drapac p/b Cannondale 
6 Niccolo Bonifazio (Ita) Bahrain-Merida 
7 Michael Bresciani (Ita) Bardiani CSF 
8 Danny van Poppel (Ned) LottoNL-Jumbo 
9 Rudy Barbier (Fra) AG2R La Mondiale 
10 André Greipel (Ger) Lotto Soudal။
...




နာမည်ကြီး ကစ်တဲလ်ကတော့ ဒီနေ့မှာလဲ လမ်းကြောင်းပိတ်မိပြီး ပထမ မရပြန်ဘူး။ ၁-၁၀ ထဲတောင် မ၀င်ပါဘူး။ သူ့ထက်အခြေအနေပုိုဆုိုးသူက တော့ ဗြိတိန် တာတုိုဘုရင် ကာဗင်းဒစ်ပါပဲ။ သူဟာ ပွဲမစခင် နယူထရယ်ဇုံ neutralized zone မှာစီးနေတုန်း ဒုိုင်လူကြီးကားအရှိန်လျော့ လုိုက်စဉ် နောက်ကနေ၀င်တုိုက်မိတဲ့အုပ်ထဲပါပြီး လဲပြိုခဲ့ပါတယ်။
နယူထရယ်ဇုံဆုိုတော့ အရှိန်မရှိပါဘူး။ တခါတခါ အရှိန်မရှိပဲ လဲတာက ပုိုဆုိုးသလားမသိပါ (စာရေးသူ လက်ကျိုးတုန်းကလုိုမျိုး)။ ကားဗင်းဒစ်ဟာ တခြားစက်ဘီးသမား ၁၀ ဦးခန့်နဲ့အတူ လမ်းပေါ်ပြုတ်ကျခဲ့ပါတယ်။ တခြား လူတွေဘာမှမဖြစ်ပေမဲ့ သူကတော့ အရင် (ပြီးခဲ့တဲ့ ဇူလုိုင် တုိုးဒီဖရင့် ၄ ရက်မြောက်နေ့က ဆာဂန်နဲ့တုိုက်မိလဲပြိုစဉ် ကျိုးထားတဲ့ ပခုံး) တုိုးဒီဖရင့် တုန်းက ကျိုးထားထဲ့ ပခုံးရုံးဖက်နဲ့မြေကြီးပေါ် ကျသွားခဲ့တယ်ဆုိုပါတယ်။
ချက်ချင်းထပြီး ပြန်လုိုက်ပေမဲ့ နောက်ထပ် ၅ ကီလိုခန့်စီးပြီးချိန်မှာ အရုိုး ထပ်ကျိုးသွားပုံရလို့ ပွဲကနေ ထွက်လုိုက်ရပါတယ်။ ဒီဒဏ်ရာက သူ့ရဲ့ ၂၀၁၈ အစီစဉ်တွေကို ဘယ်လုိုထိခုိုက်စေ မလဲ မသိသေးပါ။
...
(အခုနောက်ဆုံးသိရတဲ့သတင်းတွေအရ အာဘူဒါဘီပွဲမှာသုံးတဲ့ ဒုိုင်ကားတွေဟာ အော်တိုဘ ရေ့စင်စတန်ဆင်ထားတာမုို့ စက်ဘီးသမားတွေက ကားနောက်သိပ်ကပ်တဲ့အခါ the sensor က အော်တုိုဖမ်းပြီး ကားက အလုိုလုို ဘရေ့အုပ်လုိုက်တယ်ဆုိုပါတယ်။ ကံဆုိုးချင်တော့ အဲဒီလုို အော်တုိုဘရေ့အုပ်တဲ့အချိန်မှာ ကားဗင်းဒစ်ဟာ ကားနောက်မှာရောက်နေပြီးလဲပြိုခဲ့ပါတယ်။ လဲပြိုစဉ် ဘေးမှာလဲနေသူရဲ့ စက်ဘီးနောက်ဘီးပေါ် ခေါင်းနဲ့ဆောင့်မိသေးတယ်ဆိုပါတယ်။
ချက်ချင်းဆေးရုံတင်ပြီး စစ်ဆေးမှုတွေလုပ်ပေးတယ်ပြောပေမဲ့ အသေးစိပ်မသိရသေးပါ။ လည် ပင်းမှာနဲနဲနာသွားပေမဲ့ စုိုးရိမ်စရာမရှိဘူးလုို့ ဒါမင်ရှင်ဒါတာ အသင်းဆရာဝန်ကပြောပါတယ်။ ဒါပေမဲ့ ရှေ့လစမဲ့ အီတလီက ကလစစ်ပွဲတွေဖြစ်တဲ့ Tirreno-Adriatico and Milan-San Remo မှာ သူဝင်ပြိုင်နုိုင်မနုိုင် မသိရသေးပါ။ လော လောဆယ်တော့ ပွဲစီစဉ်သူတွေဖက်က သုံးနေတဲ့ ကားတွေမှာ အော်တုိုဘရေ့ထည့်ထားတဲ့ အပေါ် ဝေဖန်မှုတုိုးနေပါတယ်။
ပွဲစီစဉ်သူ RCS Sport ဖက်က နောက်ဆုံးထုတ်ပြောချက်အရတော့ အော်တုိုဘရေ့ စင်စတန် ကို deactivate ပြန်လုပ်မယ်လို့ ကတိပေးကြောင်းနဲ့ လဲပြိုပြီးထွက်လုိုက်ရတဲ့ ကားဗင်းဒစ်ဆီကုိုလဲ RCS Sport တာဝန်ရှိသူတွေ သွားရောက်တွေ့ဆုံအားပေးခဲ့ကြောင်း သိရပါတယ်)။
...
မနက်ဖန်မှာတော့ ဒုတိယနေ့အဖြစ် (Yas Mall - Yas Beach) 154 km ကုို ဆက်လက်ယှဉ် ပြိုင်ဖို့ရှိနေပါတယ်။ မြေပြန်ပွဲမုို့ စပရင့်တာတွေပဲရမှာသေချာပါတယ်။ မေးစရာကျန်တာက ဘယ်စပရင့်တာလဲ။...ဒူဘုိုင်းပွဲကနေ အခုထိ ပထမ မရသေးတဲ့ ကစ်တဲလ် မနက်ဖြန်မှာ ပထမ ရနုိုင်မလား။ ဒီနေ့တင်တာစောသွားတဲ့ အီဝမ်ပဲရမလား။ Lead out အားကောင်းလှတဲ့ ကွိစတက်အသင်းက ဗီဗာနီကုို ပထမရအောင် လုပ်ပေးနုိုင်ဦးမလား...။ ။
...

...

...

Share

Twitter Delicious Facebook Digg Stumbleupon Favorites More