Tuesday, December 30, 2014

တနသာင်္ရီ ဂျာနယ် ၂/ ၂၇

Friday, December 26, 2014

PR အမြဲတမ်း နေထိုင်ခွင့်က ဘယ်သူတွေကို ပေးချင်တာလဲ

  • ထက်အောင်ကျော်
  • Monday, 15 December 2014 09:49 The Voice.
(ခရီးသွားနေစဉ်ကာလအတွင်း မြန်မာပြည်တွင်းမှာ အင်တာနက်နှေးလွန်းလုို့ Posts တွေ ပုံမှန်မတင်နုိုင်တဲ့အတွက် စာဖတ်ပရိသတ်အား တောင်းပန်ပါကြောင်း...။ လက်ကျန်ဆောင်းပါးတွေနဲ့ ဆောင်းပါးအသစ်တွေကို ဆက်တုိုက် တင်ဆက်ပေးသွားမည်ဖြစ်ပါကြောင်း...)။

Sunday, December 14, 2014

ကျောက်မီးသွေးစက်ရုံကုို ထားဝယ်ဒေသခံတွေ ဆန္ဒပြ

ရမ္မဇူကျောက်မီးသွေးစက်ရုံစီမံကိန်း ထောက်ခံအဖွဲ့ ပေါ်လာ၍ ကန့်ကွက်အုပ်စုဆန္ဒပြ
|Dawei Watch| ထားဝယ်၊ ဒီဇင်ဘာ ၁၄
တနင်္သာရီတိုင်းဒေသကြီး ထားဝယ်ခရိုင်၊ လောင်းလုံးမြို့နယ်၊ ရမ္မဇူဒေသတွင် တည်ဆောက်မည့် ၅၀၀ မဂ္ဂါဝပ် ကျောက်မီးသွေး ဓာတ်အားပေးစက်ရုံ စီမံကိန်း ထောက်ခံသည့်အဖွဲ့ပေါ်လာသည့်အတွက် ကန့်ကွက်သူများက လူအင်အား ၅၀၀ ခန့်ဖြင့် ဒီဇင်ဘာလ ၁၄ ရက်နေ့က လောင်းလုံးမြို့နယ် သကျက်တောကျေးရွာတွင် ဆန္ဒပြခဲ့ကြသည်။

နိုဝင်ဘာလ ၉ ရက်နေ့က ကျောက်မီးသွေးစက်ရုံစီမံကိန်းနှင့်ပက်သက်၍ သကျက်တောကျေးရွာတွင် ပြုလုပ်ခဲ့သည့် ပထမအကြိမ် ပြည်သူလူထုနှင့် ညှိနှိုင်းဆွေးနွေးပွဲတွင် ဒေသခံများက စီမံကိန်းကို လက်မခံဟု ပြောဆိုခဲ့ပြီး နောက်ပိုင်းတွင် စီမံကိန်းထောက်ခံသည့်ဒေသခံများက ထောက်ခံကြောင်း လက်မှတ်စုဆောင်းကာ သက်ဆိုင်ရာဌာနများကို တင်ပြနေသည်ဟု သတင်းထွက်ပေါ်နေသည့်အတွက် ဆန္ဒပြရခြင်းဖြစ်ကြောင်း ဦးဆောင်သူတစ်ဦးဖြစ်သည့် သကျက်တောကျေးရွာမှ ဒေါ်သီတာမိုးက ပြောသည်။
“အစကတော့ ဆန္ဒပြဖို့အထိ အစီအစဉ် မရှိပါဘူး။ ၀န်ကြီးတွေ လာတုန်းကလည်း မလိုချင်ဘူးလို့ ပြောထားတယ်။ ဒီလိုပြောထားရင်းတန်းလန်းက ရွာထဲမှာ စီမံကိန်းလိုတဲ့လူတစ်စုက လက်မှတ်တွေလိုက်ကောက်ပြီး တင်ထားတယ်လို့ ကြားတယ်။ ဘယ်ကိုတင်လဲတော့ မသိဘူး။ ဒါကြောင့် ကျွန်မတို့ကလည်း မလိုဘူးဆိုတဲ့အကြောင်း ဆန္ဒပြတာပါ” ဟု ဒေါ်သီတာမိုးက ဆိုသည်။
သကျက်တောကျေးရွာနှင့် ငါးမိုင်ခန့်ကွာဝေးသည့် ရမ္မဇူဒေသတွင် ဆောက်လုပ်မည့် ကျောက်မီးသွေးစီမံကိန်းသည် ဒေသခံများ၏ ကျန်းမာရေးကို ဆိုးဝါးစွာထိခိုက်စေနိုင်မည့်အပြင် ဘေးထွက်ဆိုးကျိုးများကာ ရေအရင်းအမြစ်၊ ပတ်ဝန်းကျင်နှင့် တောတောင်ရေမြေများ ပျက်စီးမည်ကို စိုးရိမ်သည့်အတွက် စီမံကိန်းကို လက်မခံနိုင်ခြင်းဖြစ်ကြောင်း ဦးဆောင်သူ တစ်ဦးဖြစ်သည့် ဦးဝင်းလွင်က ပြောသည်။
ကျောက်မီးသွေးစက်ရုံကို ထောက်ခံကြောင်း လက်မှတ်ကောက်ယူရာတွင် သကျက်တောကျေးရွာအုပ်ချုပ်ရေးမှူးက ဦးဆောင်နေပြီး မည့်သည့်အတွက် လက်မှတ်ကောက်ခံသည်ကို ပြောပြခြင်းမရှိသည့်အပြင် အိမ်ထောင်စုစာရင်းတွင် ရှိသူအားလုံး၏ နာမည်ကိုယူကာ လက်မှတ်များကို ကောက်ခံသူများ ကိုယ်တိုင်ထိုးကြသည်ဟု ဦးဝင်းလွင်က ဝေဖန်ပြောဆိုသည်။

“ထောက်ခံလက်မှတ်ကို အုပ်ချုပ်ရေးမှူးက ဦးဆောင်ပြီးလုပ်နေတယ်ဆိုတာက သက်သက်စွပ်စွဲပြီး ပြောတာပါ။ အုပ်ချုပ်ရေးမှူးတယောက်အနေနဲ့ သမာသမတ်ကျကျ အလယ်မှာပဲ နေပါတယ်။ စီမံကိန်းကို ကန့်လည်းမကန့်ကွက်ဘူး ထောက်လည်း မထောက်ခံဘူး။ အများဆန္ဒသဘောထားအတိုင်းပဲ လုပ်ရမှာပါ” ဟု သကျက်တောကျေးရွာအုပ်ချုပ်ရေးမှူး ဦးဖိုးထူးက ပြောသည်။
ကျေးရွာတွင် ထောက်ခံသူများရော ကန့်ကွက်သူများပါ ဒေသခံများ၏ သဘောထားလက်မှတ်များကို ကောက်ယူလျက်ရှိပြီး ထောက်ခံလက်မှတ်ကောက်သူများက ၎င်းထံသို့ လာရောက်အကြောင်းကြားထားသော်လည်း ကန့်ကွက်သူများကမူ တစ်စုံတစ်ရာ လာရောက်အကြောင်းကြားထားခြင်းမရှိဟု အုပ်ချုပ်ရေးမှူးက ပြောသည်။
“လက်မှတ်ထိုးခိုင်းတဲ့အဖွဲ့က သဘောတူလားမေးတော့ သဘောတူလို့ လက်မှတ်ထိုးပေးလိုက်ပါတယ်။ ကိုယ့်ဆန္ဒအရ ထိုးလိုက်တာပါ။ ဘာမှမပြောပဲ ထိုးခိုင်းတာမျိုးတော့ မဟုတ်ပါဘူး”ဟု ထောက်ခံ လက်မှတ်ထိုးခဲ့သူတစ်ဦး ဖြစ်သည့် သကျက်တောကျေးရွာမှ  ဦးစံရီက ဆိုသည်။
ရမ္မဇူကျောက်မီးသွေးစီမံကိန်းကို ထောက်ခံကြောင်းကို ဒေသခံ ၇၀၀ ကျော်၏ လက်မှတ်များဖြင့် တင်ပြထားသည်ဟု ကြားသော်လည်း မည်သည့်ဌာနထံသို့တင်ပြထားသည်ကိုမူ ၎င်းအနေဖြင့် မသိဟု ဦးစံရီက ရှင်းပြသည်။
စီမံကိန်းထောက်ခံသူများက ထောက်ခံကြောင်း တင်ပြထားသည့်အတွက် ကန့်ကွက်သူများဘက်ကလည်း ကန့်ကွက်ကြောင်း လက်မှတ်များကို စုဆောင်းလျက်ရှိပြီး လက်ရှိအချိန်အထိ လက်မှတ် ၂၄၀၀ ကျော်ရနေပြီဖြစ်ကာ ယခုဒီဇင်ဘာလအတွင်း စီမံကိန်းနှင့်သက်ဆိုင်သည့် ဌာနဆိုင်ရာများအားလုံးကို တင်ပြသွားမည်ဟု ဦးဝင်းလွင်က ပြောသည်။
ရမ္မဇူဒေသတွင် တည်ဆောက်မည့် ကျောက်မီးသွေး အပူစွမ်းအင်သုံး ရေနွေးငွေ့လျှပ်စစ်ဓာတ်အားပေးစီမံကိန်းကို လျှပ်စစ်စွမ်းအားဝန်ကြီးဌာန၊ 24 Hour Mining and Industry Company Limited ၊ ကိုးရီးယားနိုင်ငံမှ Truben Investment ကုမ္ပဏီနှင့် စင်င်္ကာပူနိုင်ငံမှ Global Power Generation Limited တို့ က ပူးပေါင်းဆောင်ရွက်မှုဖြင့် တည်ဆောက်၊ လည်ပတ်၊ လွှဲပြောင်းစနစ်ဖြင့် အကောင်အထည်ဖော်မည်ဖြစ်ပြီး စက်ရုံ၏ ပုံမှန်သက်တမ်းမှာ နှစ် ၃၀ ဖြစ်ကြောင်း စီမံကိန်းအချက်အလက် များအရ သိရသည်။

Dawei Watch

Monday, December 8, 2014

တော်လှန်ရေး သတင်းသမားတဦးရဲ့ ဒုိုင်ယာရီ (၄၀)

ရေဒီယုို သတင်းထောက်ဘ၀က အမှတ်တရ အလွဲများ


သတင်းထောက်သက်တန်း ၁၅ နှစ်ကျော်ကာလမှာ ကြုံခဲ့ရတဲ့အလွဲအချော်တွေက သိပ်မနည်းလှ။ ကုိုယ်တုိုင်လွဲ ချော်ခဲ့တာတွေရှိသလုို ကုိုယ်ရှေ့မှာသူများလွဲတာတွေကိုလဲ မြင်ခဲ့ဖူးပေါ့။ ဒီအလွဲတွေထဲက အမှတ်ရနေဆဲ ဖြစ်စဉ် တချို့ကို ဒီနေရာမှာတင်ပြချင်ပါတယ်။ 


(၂၀၀၀ ခုနှစ် အာဆီယံ အစည်းဝေးအတွင်း နုိုင်ငံခြားရေးဝန်ကြီး ဦးဝင်းအောင်ကို မြန်မာသတင်းထောက် ၃ ဦး ၀ုိုင်းမေးနေစဉ်)

၁၉၉၉ ခုနှစ် စက်တင်ဘာလအစောပုိုင်းမှာ   လေးလုံးလှုပ်ရှားမှုများ ဖြစ်လာမလားဆုိုပြီး ထုိုင်း-မြန်မာနယ်စပ် မဲဆောက်ရှိ အတုိုက်ခံလှုပ်ရှားသူတွေဆီ သတင်းယူဖုို့ ကျနော်ရောက်နေခဲ့ပါတယ်။ အဲဒီအချိန်မှာ မမျှော်လင့်ပဲ အုန်းဖြန်ဒုက္ခသည်စခန်းဆီ ရောက်သွားပါတယ်။ မမျှော်လင့်ဘူးဆိုတာက မဲဆောက်နဲ့ကီလုိုမီတာ ၁၀၀ နီးပါးဝေးပြီး သတင်းထောက်တွေတော်ရုံ သွားခွင့်မရနုိုင်တဲ့နေရာမုို့ပါ။ အဲဒီအချိန်မှာ တုိုက်တုိုက်ဆုိုင်ဆုိုင် ဧရာဝတီအယ်ဒီတာ ချုပ် (အဲဒီအချိန်က RFA သတင်း ထောက်လဲဖြစ်ပါတယ်ကုိုအောင်ဇော်က ချင်းမုိုင်ကနေ မဲဆောက်ကုို ကားတစီး နဲ့ပေါက်ချလာပါတယ်။

သူ့ကားဆရာက ထုိုင်း။ ဒီနယ်ကုိုအတော်ကျွမ်းပုံရပြိး လမ်းတလျောက်က စစ်ဆေးရေးဂိတ်ကအရာရှိတွေကို ဘယ်လုိုဆက်ဆံ ရမယ်ဆုိုတာကိုပါ သိထားပုံရပါတယ်။ ဒီလုိုနဲ့ သူကားကြုံကုိုစီးပြီး အုန်းဖျံစခန်းဆီရောက်သွား တယ်ဆုိုပါတော့။ အဲဒီအချိန် စခန်းဆောက်တာက မကြာသေး။ ကားလမ်းမကြီးဘေးနားမှာတင် ဆောက်ထားတဲ့ ဒီစခန်းဂိတ်ဝမှာ တောချတော ခေါ် ထုိုင်းနယ်ခြားစောင့်စစ်သားတွေရှိနေပါတယ်။ ဒါပေမယ့် ဟုိုဖက်ခမ်းလှမ်းလှမ်း အစွန်ဖက်က လမ်းဘေးမှာတော့ အဖြစ်သဘောကာထားတဲ့ ၀ါးလုံးတန်းလေးမှအပ ဘယ်သူမှမရှိ။ အဲဒီ အစောင့် မရှိတဲ့အပေါက်ကနေ ခုိုးဝင်။ ဟာလားဂေး၊ ၀ါးလားဂေးနဲ့ နှုတ်ဆက်ပြီး စခန်းအတွင်း ပုိုင်းတောင်ကုန်းပေါ်အထိ ကျနော်တုို့လမ်းလျောက်တက်သွားပါတယ်။

စခန်းကဆောက်လက်စဆုိုတော့ သစ်၊ ၀ါး၊ အင်ဖက် သယ်ပိုးနေသူတွေ၊ တဲဆောက်နေသူတွေအများကြီး။ အဲဒီ ထဲက အင်ဖက်အထုပ်ကြီးပုခုံးပေါ်ထမ်းပြီး တောင်ကုန်းပေါ်တက်လာနေသူတဦးကုို မုိုက်ကရုိုဖုန်းတကားကားနဲ့ ကျနော်ကလုိုက်မေးမိပါတယ်။ ဟုိုလူကလဲ မောမောပန်းပန်းနဲ့ နားနားပြီး ပြန်ဖြေနေပါတယ်။ ဒါကို မြင်သွားတဲ့ ကိုအောင်ဇော်က “ဟေ့လူ၊ ခင်ဗျားသတင်းယူပုံက refugee ကို Torture ထပ်လုပ်သလုိုဖြစ်နေပြီ” လုို့ လှမ်းအော် ပြောပါတယ်။ 

ဒီတော့မှ ကျနော်လည်း သတင်းရချင်တာတခုကိုသာသိပြီး သတင်းမေးခံရတဲ့လူဖက်ကအခြေနေကို ထည့်မတွက် မိတဲ့အတွက် ရှက်သလုိုလိုဖြစ်သွားခဲ့ပါတယ်။ ဒါဟာ သတင်းသမားတွေ သတိထားသင့်တဲ့အချက်တခုပါပဲ။

နောက်တကြိမ်အမှားကတော့ သူများမှားတာကို ကုိုယ်ကဘေးကနေမြင်ခဲ့တာပါ။ အဲဒီအကြိမ်မှာလဲ ကိုအောင်ဇော် ပါတာပါပဲ။ ၂၀၀၀ ခုနှစ် ဇူလုိုင်လက ဘန်ကောက်မှာကျင်းပတဲ့ အာဆီယံ အစည်းဝေးထဲမှာပေါ့။ ကျနော်တုို့မြန်မာသတင်း ထောက်တွေအားလုံးက စာအုပ်အတုကုိုင်ပြီးနေရသူတွေဆုိုတော့ သတင်းထောက်ကဒ်ကုို လည်ပင်းမှာ အချိန် ပြည့်ဆွဲထားဖုို့ သတိမမေ့ပါ။ 

ဒါပေမယ့် ထုိုင်းသတင်းထောက်တွေကတော့ သူတုို့နုိုင်ငံထဲမှာဆုိုတော့ ကျနော်တုို့လုို သတင်းထောက်ကဒ်ကုို သွား လေရာ ဆွဲချင်စိတ်ရှိပုံမရပါဘူး။ ကံကဆုိုးချင်တော့ အဲဒီသတင်းထောက် ကဒ်မပါလာတဲ့နေ့မှာမှ အမေရိကန် နုိုင်ငံ ခြားရေးဝန်ကြီး မက်ဒရင်းအောဘရုိုက် သတင်းစာရှင်းပွဲနဲ့တုိုးနေပါတယ်။ ထုံးစံအတုိုင်း အစစ်ဆေးအမေးမြန်း ထူလှတဲ့ အမေရိကန်လုံခြုံရေးနဲ့ အဲဒီသတင်းထောက်တွေ့ပြီပေါ့။

ရှိသမျှကဒ်တွေအကုန်ထုတ်ပြပေမဲ့ သတင်းထောက်ကဒ် (အာဆီယံ-အစည်းဝေးအတွက် သီးသန့်ထုတ်ပေးထား တဲ့ကဒ်မပြနုိုင်တော့ ဘယ်လုိုမှရှင်းပြလုို့မရ။ ဗလတောင့်လှတဲ့ အမေရိကန် လုံခြုံရေးတွေက လူတွေကြားထဲကနေ အဲဒီသတင်းထောက်ကုို အပြင်ဆွဲထုတ်သွားပါတယ်။ ကျနော့်အတွက်တော့ လုံးဝ အထူးအဆန်းပါပဲ။ ထုိုင်း စစ်စစ်ကို ဒီလုိုဆွဲထုတ်ရတယ်လို့။ စာအုပ်အတုနဲ့ သတင်းယူနေတဲ့ ကျနော်ကတော့ တုတ်တုတ်မှ မလှုပ်ရဲ။ 

ဆီဆုိုင်မြို့လား ဓတ်ဆီဆုိုင်လား

ဒါက ကွင်းဆင်းသတင်းထောက်ဘ၀က အတွေ့အကြုံတွေပေါ့။ အော်စလိုရောက်ပြီး တယ်လီဖုန်းနဲ့ အလုပ်လုပ်ရ တဲ့ခေတ်ကျတော့ အတွေ့အကြုံကနောက်တမျိုး။ ကုိုယ်မျက်စီနဲ့လည်းမမြင်ရ၊ အနီးအနားဝန်းကျင်ကိုလဲ မသွားနုိုင် တဲ့ဘ၀မှာ တယ်လီဖုန်း သက်သက်နဲ့မေးထားတဲ့သတင်းတွေကို ဘယ်လုိုအတည်ပြုချက်ယူမလဲပေါ့။ ကျနော်မှတ် မိသလောက်ဆုိုရင် အဲဒီလုိုမေးခွန်း အရမ်းထွက်တဲ့ကာလဟာ DVB ရဲ့ အအောင်မြင်ဆုံးကာလ အစောပုိုင်း ၂၀၀၇ ရွှေဝါရောင်တော်လှန်ရေးကာလဖြစ်ပါတယ်။



(DVB ရဲ့ ခေတ်ဟောင်း၊ ခေတ်သစ် စက်တွေနဲ့အတူတွေ့ရတဲ့ စက်ဆရာ ကိုအောင်ကျော်ဦး)

အဲဒီအချိန် ဘန်ကောက်မှာကျင်းပတဲ့ နုိုင်ငံတကာအခန်းနားတခုအတွင်း DVB ကုိုယ်စားတက်လာတဲ့ အုပ်ချုပ်ရေး ဖက်က အရာရှိတဦးကုို နုိုင်ငံတကာသတင်းထောက်တဦးက ဟောဒီလုို မေးတယ်လို့ဆုိုပါတယ်။ “ခင်ဗျားတုို့ ဒီဗွီဘီ က သတင်းဦး သတင်းထူးတွေရလှချည်လား။ သတင်းတွေကို ဘယ်လုိုအတည်ပြုချက်ယူသလဲ” တဲ့။ အဲဒီအချိန် DVB အုပ်ချုပ်ရေးအရာရှိ ဖြေလုိုက်ပု့က “ကျနော်တုို့က ဘုန်းကြီးတွေကို အဓိက မေးတာလေ။ ဘုန်းကြီးတွေဟာ ၀ိနည်းနဲ့အညီနေတော့ ဘယ်လိမ်ပြောပါ့မလဲ” တဲ့။ 

ဒီလုိုနဲ့ နုိုင်ငံတကာသတင်းသမားတွေရဲ့ ၀ုိုင်းဟားခြင်းကို အဲဒီပုဂ္ဂိုလ်အကြီးအကျယ်ခံလုိုက်ရတယ်လို့ အဲဒီပွဲအ တွင်းရှိနေသူ မြန်မာသတင်းထောက်တဦးက ကျနော်ကိုပြန်ပြောပြခဲ့ပါတယ်။ သတင်းအတည်ပြုချက်ယူတဲ့ နေရာမှာ ဘုန်းကြီးမုို့လုို့၊ ဘာသာရေးဆရာမို့လို့၊ သမ္မတမုို့လုို့၊ ဆွေမျိုးတော်စပ်သူမုို့လုို့ဆုိုပြီး ယုံလုို့ဘယ်ဖြစ်မလဲ။ သတင်းလုပ်ထုံးလုပ်နည်းအတုိုင်း အရာရာကုို သံသယနဲ့ကြည့်ရမယ်လေ။

နောက်ထပ်မှတ်မိတဲ့အမှားတခုကတော့ ၂၀၀၉ ခုနှစ် မုိုးတွင်းကာလမှာပါ။ ရလလဖ (ရှမ်းပြည်လူမျိုးပေါင်းစုံ လွတ် လပ်ရေးအဖွဲ့အဖွဲ့ကနေ ဗိုလ်သူရိန်ဦးဆောင်တဲ့ အင်အား ၈၀ ခန့်ရှိ အဖွဲ့တခု ခွဲထွက်လာတယ်ဆုိုတဲ့သတင်း (အခု ခွန်မြင့်ထွန်း ဦးဆောင်နေတဲ့ ပအုို့ဝ်အဖွဲ့ကို ကြားဖြတ်စက်ကနေ ကျနော်တုို့လက်ခံရရှိပါတယ်။ ဒီသတင်း အတည်ပြုချက်ရနုိုင်ဖို့ ရလလဖ ရုံးခွဲရှိတဲ့ တောင်ကြီး ကိုဖုန်းဆက်တော့ ဖုန်းကမ၀င်ပါ။ နယ်စပ်ကသတင်းရပ်ကွက် တွေကိုလုိုက်မေးရင်းနဲ့ နောက်ဆုံးတော့ ဥက္ကဌ ဦးတာကလယ် နေတယ်ဆုိုတဲ့ အိမ်ဖုန်းနံပတ်တခု ရလာပါတယ်။

ဥက္ကဌ ဦးတာကလယ်တုို့ အိမ်ကပါလားခင်ဗျား၊ ကျနော် DVB ကခေါ်တာပါ” လုို့ ဆယ်ခါခေါ်မှ တခါလောက်ဝင်တဲ့ ဖုန်းလုိုင်းမိမိချင်း စတင်မိတ်ဆက်လုိုက်ပါတယ်။ “မဟုတ်ပါဘူးရှင့်၊ ဖုန်းနံပတ်မှားနေပါတယ်ရှင့်” တဲ့။ သေပြီဆရာ ပေါ့။ ဒီလောက်အချိန်ယူစောင့်စားခေါ်ခဲံ့ရတဲ့ဖုန်းက ၀င်လဲဝင်ရော နံပတ်မှားနေပါသတဲ့။ ဒါပေမယ့် ဒီအမျိုးသမီး လေသံက ရှမ်းသံပေါက်နေတဲ့အတွက် အဝေးကြီးတော့ မမှားလောက်ပါဘူး။ အိမ်နီးချင်းဖြစ်ပုံရပါတယ်ဆုိုပြီး ရသမျှ ထပ်မေးဖုို့ကြိုးစားလုိုက်ပါတယ်။

ဘယ်လိုမှားတာလဲခင်ဗျား။ ဥက္ကဌကြီးတုို့နဲ့ အိမ်နီးချင်းပါလား၊ အခုနံပတ်က ဘယ်ကပါလဲ” ဆုိုပြီး ထပ်မေးတော့ “မဟုတ်ဘူး။ ဒီနံပတ်က ဆီဆုိုင် ကပါ” တဲ့။ အဲဒါမှ ဒုက္ခ။ သူပုန်ဥက္ကဌအိမ်ကိုခေါ်တာ ဘယ်လိုလုပ် ဆီဆုိုင်ကုိုရောက် သွားတာလဲ။ ဒါပေမယ့် ဇွဲက မလျော့ချင်သေး။ သူပုန်ဥက္ကဌလဲ အဖွဲ့ရံပုံငွေအတွက် ဆီဆုိုင်ဖွင့်ရင်ဖွင့်ထားမှာပေါ့။ KNU ခေါင်းဆောင်တချို့ဆုိုရင် မဲဆောက်မှာ အဲလုိုဆီဆုိုင်ဖွင့်ထားတာ ကျနော်ကိုယ်တုိုင်တွေ့ဖူးခဲ့တာပဲ။

ဟုတ်လား။ အခု ဓတ်ဆီဈေးကဘယ်လုိုရှိလဲ။ အရောင်းအ၀ယ် ကောင်းလား” ဆုိုပြီး နုိုင်ငံရေးသတင်းမရလဲ စီးပွါး ရေးသတင်းတော့ ရအောင်ယူမှာပေါ့။ ဖုန်းခေါ်ပြီးမှတော့ ဖုန်းဖုိုးကာမီအောင် သတင်းတခုခုတော့ ရအောင်မေးမှပေါ့ ဆုိုပြီး ထပ်မေးဖုို့ပြင်တုန်း ဖုန်းလုိုင်းကျသွားပါတယ်။ ကျနော်လဲ စိတ်ပျက်လက်ပျက် နဲ့ စတူဒီယုိုထဲကနေ ထွက်ပြီး ကွန်ပြူတာရှေ့ထုိုင် မှိုင်ပေါ့။ မှိုင်နေရင်း၊ ခုနက စက်သတင်းကိုဖတ်ရင်းနဲ့ ဗုိုလ်သူရိန် တုို့အဖွဲ့ ဆီဆုိုင်မြို့ နယ်အတွင်း ရှိ ဌာနချုပ်စခန်းကနေထွက်ခွါ ဆုိုတဲ့စာသားကုို သွားတွေ့မိပါတယ်။

သေပြီဆရာ” ပေါ့။ ခုနကအမျိုးသမီးပြောတဲ့ဆီဆုိုင်ဆုိုတာ ဓာတ်ဆီဆုိုင်မဟုတ်လောက်ဘူး။ ဆီဆုိုင်မြို့ကုို ဆုိုလုို တာဖြစ်မယ်။ စတူဒီယုိုထဲအမြန်ပြန်ဝင်ပြီး ဖုန်းပြန်ခေါ်ပေမဲ့ ဖုန်းလုိုင်းက ဘယ်လုိုမှ မ၀င်တော့ပါ။ ကိုယ့်ဘာသာ ငုိုရအခက်၊ ရည် ရအခက်နဲ့ ဘာဆက်လုပ်ရမှန်းမသိ။ အသံလွှင့်ချိန်ကလည်းနီးနေပြီ။ သတင်းအတည်ပြုချက်က အခုထိမရသေး။ နောက်ဆုံးတော့ နယ်စပ်က စစ်ရေးအကဲခတ်ကိုပဲမေးပြီး မီးစင်ကြည့်လွှင့်ခဲ့ရတာကုို အခုချိန်ထိ မှတ်မိနေဆဲဖြစ်ပါတယ်။

စတုိုရီမပြီးခင် ဆံပင်မညှပ်ပါနဲ့

အဲဒီလုိုအမှားတွေက TV သတင်းထောက်၊ Video journalist ဗီဒီယုို သတင်းထောက်ဖြစ်တဲ့အထိ ရှိနေတုန်း။ ကင်မရာသင်တန်းဆင်းပြီးလုို့သိပ်မကြာခင်မှာ နော်ဝေး၀န်ကြီးချုပ်ဟောင်း ဗုိုနာဗစ်ပြုလုပ်တဲ့ Oslo Peace Center  ဖွင့်ပွဲကိုသတင်းသွားယူရပါတယ်။ ထုံးစံအတုိုင်း အခန်းနားအတွင်း သူပြောတာကိုရုိုက်ပြီးတဲ့နောက် သူ့အသံကုို သုံးနုိုင်ဖုို့ သူ့ကုိုသီးခြားအင်တာဗျုး အသံ  သံစာလောက်ရုိုက်ပေါ့။ 


(စန်ခရပူရီမြို့က နာမည်ကြီး သစ်သားတံတားနဲ့ မွန်တွေအများစုရှိတဲ့ ရပ်ကွက်)

ဟေး၊ မင်းကင်မရာက အလုပ်လုပ်ရဲ့လား။ ဟောဒီနေရာက မီးနီလင်းမနေဘူး” လုို့ သူကကျနော်ကုို လှမ်းပြောပါ တယ်။ အဲဒီအချိန် အင်တာဗျုးက မေးခွန်း  ခုလောက်၊  မီနစ်စာလောက်မေးပြီးသွားပြီ။ အဲဒါမှ ဒုက္ခ။ ကင်မရာ ကုို အသေချာပြန်စစ်တော့ ဟုတ်ပါတယ်။ Record ခလုတ်နဲ့ Pause ခလုပ်ကို ကျနော်ပြောင်းပြန်နှိပ်မိထားတာ။ အရင် စမ်းထားတဲ့ပုံတွေက Record ထဲဝင်နေပြီး အခုတကယ့်ရုိုက်နေတဲ့ အင်တာဗျုးက Record ထဲ ဘာမှမရှိပါ။ သေပြီ ဆရာပေါ့။ 

ကင်မရာမင်းမရှိပဲ အားလုံးကုို တဦးတည်းလုပ်ရခြင်းရဲ့ အကျိုးဆက်လုို့အပြစ်တင်ချင်ပေမဲ့ တကယ်တော့ ကျနော် ကိုယ်တုိုင်ရဲ့ နမော်နမဲ့နုိုင်မှုပါပဲ။ ကုိုယ်နဲ့ရင်းနှီးနေတဲ့ နုိုင်ငံရေးသမားဖြစ်တဲ့အပြင် တီဗွီ အတွေ့အကြုံလဲ ရှိနေသူမုို့ တော်သေးတာပေါ့။ တခြားလူဆုိုရင် ဒီလုိုပြောမှာမဟုတ်။ ရုံးပြန်ရောက်လို့လွှင့်ခါနီးမှ ဘာပုံမှမရှိမှန်းသိရင် သွားပြီ။ ဘယ်လုိုမှ သတင်းတပုဒ်မဖြစ်နုိုင်တော့ပါ။ 

နောက်အတွေ့အကြုံတခုကတော့ စတုိုရီတခုကုို တရက်တည်းအပြီးမရုိုက်ပဲ နောက်တရက်မှ ထပ်ရုိုက်တဲ့ကိစ္စ။ ၂၀၀၆ ၀န်းကျင်မှာလုို့ထင်ပါတယ်။ အမျိုးသားညီလာခံကို မွန်ပြည်သစ်ပါတီက သပိတ်မှောက်ပြီး ကုိုယ်စားလှယ် အစား လေ့လာသူအဆင့်ပဲ တက်နုိုင်မယ်ဆုိုတဲ့ကာလလုို့ ကျနော်မှတ်မိနေပါတယ်။ အဲဒီအချိန်မှာ ထုိုင်း-မြန်မာ နယ်စပ် စန်ခရပူရီမြို့က မွန်ပြည်သစ်ရုံးဆီ ကျနော်ရောက်သွားပြီး ပြောခွင့်ရပုဂ္ဂိုလ် နုိုင်အောင်မငေးနဲ့ ဗီဒီယုို အင်တာဗျုး ရုိုက်ပါတယ်။

ထုံးစံအတုိုင်း ကင်မရာမင်းမပါ။ အားလုံးတကုိုယ်တော်ပါပဲ။ နာရီဝက်နီးပါး ဗျုးပြီးတော့ စန်ခရရေအုိုင်ကြီးပေါ်က နာမည်ကြီး သစ်သားတံတားကိုဖြတ်၊ မွန်ဖက်ကမ်းက မွန်ယဉ်ကျေးမှုရုံးဆီသွားပြီး နုိုင်ကဆော့မွန်နဲ့ထပ်ဗျုး။ ပြိးတော့ မွန်ဘုန်းကြီးကျောင်း၊ ဓမ္မစေတီ တွေဖက်လှည့်ရင်းနဲ့ တနေကုန်သွားခဲ့ပေါ့။ ညဖက် တည်းခုိုခန်းရောက်လုို့ ပုံတွေကုို ကွန်ပြူတာထဲကူးမှ သတိရလာတာက ခုနကရုိုက်တဲ့အထဲ သူတုို့ပုံပဲပါပြီး ကုိုယ့်မေးနေတဲ့ ပုံကို တွဲရုိုက်ဖို့ သတိမရလုိုက်ပါ။ 

သတင်းတုို မဟုတ်ပဲ ဖီချာသဘောဆန်ဆန် - မီနစ်ခန့် စတုိုရီလုပ်မှာဆုိုတော့ တချို့နေရာတွေမှာ ကုိုယ်က မေး နေတဲ့ပုံလေးပါ ထည့်နုိုင်ရင် ပုိုအသက်ဝင်တာပေါ့။ တခါ သူပြောနေတဲ့ ရှည်လျားထွေပြားစကားကိုလဲ ဒီပုံနဲ့ဖုံးပြီး ဖြတ်လုို့ရတာပေါ့။ ဒီလုိုနဲ့ အဲဒီပုံပြန်ရုိုက်ဖို့ မနက်ဖြန်မနက် တချက်လောက်အချိန်ပေးပါဦးလုို့ နုိုင်အောင်မငေး ဆီ ဖုန်းထပ်ဆက်ရပါတယ်။ ဟုိုကလဲ ရပါတယ်။ အုိုကေ ပါတဲ့။

ဒီလုိုနဲ့ နောက်တနေ့ မနက်ပုိုင်း သူ့ရုံးဆီကျနော်ကရောက်သွားတော့ သူ့ဆံပင်တွေက မနေ့ကလုိုမဟုတ်တော့။ “ဟုတ်တယ်လေ။ မနေ့ညနေက ကျနော် ဆံပင်ညှပ်လုိုက်တယ်လေ၊ ခင်ဗျားက ညမှပြောတာကုိုး” တဲ့။ အဲဒါမှ ဒုက္ခ။ မနေ့ကပုံထဲမှာ ဆံပင် ရှည်နေတဲ့လူက ဒီပုံထဲ ဆံပင်တုိုနေလုို့ ဘယ်ဖြစ်မလဲ။ သတင်းထဲမှာ “မနေ့ညက ဆံပင်ညှပ် လုိုက်လုို့ပါ” ဆုိုပြီး မှတ်ချက်ထည့်ရေးလုို့ရတာမှမဟုတ်တာ။ ဒါပေမယ့် မတတ်နုိုင်။ ကုိုယ်ပုံကိုလဲ ပါအောင် ထည့်ချင်သေးတော့ အဲဒီ ဆံပင်တုိုနေတဲ့ပုံနဲ့ပဲ ဆက်ရုိုက်လုိုက်ရပါတယ်။ ပရိသတ်တွေ သတိထားမိ မမိတော့ မသိ။ ကျနော်ကုိုယ်တုိုင် အတွက်တော့ ဒါဟာ အမှတ်တရသင်္ခန်းစားတခုပါပဲ။

အသံလွှင့်သမား သတ်ပုံမှားတာ ပြသာနာရှိလုို့လား

သတင်းသမား အမျိုးမျိုးထဲမှာ သတ်ပုံနဲ့ လက်ကွက်ကုို အလေးမထားဆုံးသတင်းသမားဟာ Broadcast အသံလွှင့် သတင်းသမား တွေဖြစ်မယ်လို့ထင်ပါတယ်။ ဘာကြောင့်လဲဆုိုရင် အသံလွှင့်တယ်ဆုိုတာ စာလုံးကုိုမြင်ရတာမဟုတ်၊ အသံကုိုသာကြားရတာ ဆုိုတော့ သတ်ပုံမှန်ဖုို့ထက် အသံမှန်ဖုို့ ပုိုအရေးကြီးတယ်မဟုတ်ပါလား။ အဲဒီအသံကိုပဲ ပရိ သတ်တွေက မှတ်မိနေကြတယ် မဟုတ်ပါလား။


(၀က်ဆုိုက် အယ်ဒီတာ စောထွန်းအေး အပါဝင် ၂၀၀၈ ခုနှစ်ကတွေ့ရတဲ့ ၀ုိုင်းတော်သားတချို့)

ဒီလုိုအခြေခံစဉ်းစားချက်တွေနဲ့သွားနေတဲ့ ကျနော်တုို့ DVB က သတင်းသမားတွေ မှားလုိုက်တဲ့ သတ်ပုံ ဘယ်နည်း ပါ့မလဲ။ မှားနေမှန်းလဲမသိပါဘူး။ ကျနော်ကိုယ်တုိုင် အယ်ဒီတာ တာဝန်ယူနေရပေမဲ့ သတင်းထောက်တွေပုို့လာတဲ့ သတင်းကုို တခါမှ သတ်ပုံမစစ်ပါ။ သတင်းအကြောင်းအရာ၊ အသံအရည်အသွေး၊ အချိန် အတုို-အရှည်ကုိုသာ အဓိကစစ်ပါတယ်။ 

ဒီလုိုနဲ့တနေ့မှာတော့ www.dvb.no Website ရဲ့ မြန်မာပုိုင်း အယ်ဒီတာ ကုိုနေထူး (စောထွန်းအေးအော်စလုိုရုံးဆီ   လုပ်ငန်းခွင့်သင်တန်းအတွက်ရောက်လာပါတယ်။ နေ့စဉ်လုပ်နေကြ မနက် ၁၀ နာရီ သတင်းအစည်းဝေးမှာ သူလဲ ၀ုိုင်ထုိုင်ပေါ့။ မှတ်မှတ်ရရ အဲဒီအချိန်က မြန်မာနုိုင်ငံမှာ ကြက်တုပ်ကွေးသတင်းတွေ ခေတ်စားနေချိန်။ ဒီ တော့ ဒီနေ့သတင်းထဲမှာ ကြက်တုပ်ကွေးသတင်း မပါလုို့ ဘယ်ဖြစ်မလဲ။

ဒါကြောင့် ဒီနေ့လုိုက်ရန်သတင်းများဆုိုတဲ့ ခေါင်းစဉ်တွေထဲမှာ ကြက်တုတ်ကွေး သတင်းကို မခင်နှင်းထက်က တာ ၀န်ယူ သတင်းလုိုက်ရန်ဆုိုပြီး ကျောက်သင်ပုန်းပေါ် ကျနော်ကချရေးလုိုက်ပါတယ်။ အဲဒီအချိန်မှာ ကုိုနေထူးက “ဟီးဟီး” ဆုိုပြီး ထရည်ပါတယ်။ “ခင်ဗျား ဘယ်လိုဖြစ်နေတာလဲ” ဆုိုပြီးဟောက်လုိုက်တော့ “ခင်ဗျားရေးထားတဲ့ တုတ် က သတ်ပုံမှားနေတယ်လေဗျာ” သူက ဖြေပါတယ်။

တုတ်ကွေးဖြစ်တာပဲဗျာ။ တသတ်နဲ့တုတ်တုတ် ပသတ်နဲ့တုပ်တုပ် အတူတူပဲပေါ့။ လေလှိုင်းပေါ်မှာ တသတ်လား၊  သတ်လား ဘယ်သူမြင်ရလုို့လဲ” ဆုိုပြီး ကျနော်က ပြောပါတယ်။ မမြင်ရပေမဲ့ မြန်မာစာမှာ သတ်ပုံကအရေးကြီး တယ်ဆုိုပြီး သူကရှင်းပြနေ ပါတယ်။ မြန်မာစာနဲ့ စတုတ္တနှစ်အထိတက်လာတဲ့ ကျနော့်အတွက် အရှက်ရစရာကြီး။ 

ပြီးတော့ သူကဆက် ပြောလုိုက်သေးတယ်။ “အဲဒီ တသတ်နဲ့ တုတ်ပြီးကွေးတဲ့ တုတ်ကွေးက ဘာလဲဆုိုတာ ဆုို ကုိုတော့ အမျိုးသမီးတွေရှိနေလုို့ ကျနော် မပြောတော့ပါဘူး” တဲ့။ သူကုို အစ-အနောက်သန်သူမှန်းသိနေတော့ မခင်နှင်းထက်နဲ့ နန်းခမ်းကယောက်တုို့လည်း တခွီးခွီးရယ်ပြီး အစည်းဝေးခန်းထဲကနေ ထွက်ပြေးသွားခဲ့ကြပေါ့။

ဒါဟာ ရယ်စရာတခုလုိုဖြစ်သွားခဲ့ပေမဲ့ ကျနော့်အတွက်တော့ သတ်ပုံမမှားဖုို့ ဘယ်လောက်အရေးကြီးမှန်း သတိ ထားမိစေခဲ့ပါတယ်။ ဒါပေမယ့် ပြင်ရကောင်းမှန်းမသိပါဘူး။ မြန်မာစာသတ်ပုံကျမ်းဆုိုတဲ့ အစိမ်းရောင်စာအုပ် ငယ်လေး ကွန်ပြူတာစားပွဲပေါ်မှာရှိနေပေမဲ့ တခါမှ အသေချာမဖတ်ဖြစ်ပါ။

ဘယ်အချိန်ကျမှ သတ်ပုံကုိုပြင်ဖြစ်သလဲဆုိုတော့ ၂၀၁၁ ခုနှစ် မတ်လကုန်မှာ DVB ကနေ အလုပ်ထုတ်ခံရပြီး မနေနုိုင်မထုိုင်နုိုင် စာတွေရေးတော့မှ သတ်ပုံမှန်ဖို့အရေးကြီးမှန်းသိလာပါတယ်။ တကယ်က သတ်ပုံတင်မကဘူး။ (ကွန်ပြူတာလက်ကွက် လည်းမှန်ဖုို့လုိုပါသေးတယ်။ ဒါတွေကို မသိတဲ့ ကျနော်ဟာ အရင် အသံလွှင့်စဉ်ကလုို့ပဲ အသံထွက်ကုိုပဲရေးပြီး သတ်ပုံကို အလေးမထားပဲနဲ့ “သူပုန်ကျောင်းသားတဦးရဲ့ မာရသွန်ခရီး” အခန်းဆက်ဆောင်း ပါးကို ဧရာဝတီသတင်းဌာနဆီ သွားပုို့မိခဲ့ပေါ့။

သတ်ပုံနဲ့ လက်ကွက်လေး သတိထားပေးနုိုင်ရင် ကောင်းမှာပဲ” လုို့ အဲဒီကာလ ဧရာဝတီ မြန်မာအယ်ဒီတာက အီးမေးလ်နဲ့ အကြံပြုပါတယ်။ ဒါကို ကျနော်က သဘောမပေါက်သေးပါဘူး။ ကုိုယ်ရေးတာ ဘာမှားနေလုို့လဲပေါ့။ ဒီဗွီဘီ မှာ ဒီလုိုပဲရေးလာတာ ၁၅ နှစ်လောက်တောင်ရှိနေပြီပဲဆုိုပြီး မာနက မလျော့ချင်။ အဲဒီအချိန်မှာ ကျနော်ကုို တည့်တည့်ပြောလာသူက နာမည်ကြီးဘလောဂါ ဒေါက်တာလွဏ်းဆွေ ပါပဲ။ 

ခင်ဗျားဆောင်းပါးကို ဖတ်ရတာ အာရုံနောက်တယ်ဗျာ။ အရေးအသားကသွက်ပေမဲ့ သတ်ပုံနဲ့လက်ကွက်ပြင်ရ တာက အတော် အချိန်ကုန်တယ်၊ ချက်ခြင်းမထည့်နုိုင်ဘူး။ အနည်းဆုံးတရက်လောက် အချိန်ယူ ပြင်ရတယ်” တဲ့။ ဒါတင်လားဆိုတော့ မဟုတ်သေး။ အဲဒီအချိန်မှာ အချိန်ပုိုင်း ဘာသာပြန်အလုပ်တခုလည်း လုပ်လုိုက်ပါသေးတယ်။ အဲဒါ ဘာသာပြန်တဲ့ အကြောင်းအရာနဲ့ ကျွမ်းကျင်မှု အဆင့်အတန်းအပေါ် အငြင်းမပွါးပဲ ကျနော်ရဲ့ မြန်မာစာက သတ်ပုံနဲ့ လက်ကွက်မှားနေလို့ အဲဒါကို သတိထားပေးပါတဲ့။ 
............................................................................


...


...............

Share

Twitter Delicious Facebook Digg Stumbleupon Favorites More