သူပုန္ေက်ာင္းသားတဦးရဲ့ မာရသြန္ခရီး ၃၇

ထက္ေအာင္ေက်ာ္| July 5, 2012 |ဧရာ၀တီ။

 

စတုတၳအႀကိမ္ညီလာခံနဲ႔ သူပုန္သတင္းေထာက္ဘ၀ အစ

အမွတ္ ၁ တပ္ရင္းမႉး ခ်စ္ကုိကုိ (စစ္ေရာင္ယူနီေဖာင္း ၀တ္ထားတဲ့ ယာဖက္မွ ဒုတိယ ပုဂၢိဳလ္) နဲ႔ ဗဟုိဖက္မွ တပ္မႉးတခ်ဳိ႕ကုိ စတုတၳအႀကိမ္ညီလာခံမွာ ေတြ႔ရစဥ္

ထပ္စကဲ၊ ပရာကြ်တ္နဲ႔ ဟြာဟင္ဖက္မွာ တနွစ္နီးပါးၾကာၿပီးတဲ့အခါမွာေတာ့ ပူးတဲြပင္လယ္ျပင္ ကိစၥတာ၀န္ ၿပီးသြားတဲ့အတြက္ မင္းသမီးေဒသဆီ က်ေနာ္တုိ႔ ျပန္လာခဲ့ပါတယ္။ က်ေနာ္ ျပန္ေရာက္တဲ့အခ်ိန္မွာ ဗလဖ တာ၀န္ခံဟာ အေၾကာင္းအမ်ဳိးမ်ဳိးေၾကာင့္ မင္းသမီးစခန္းမွာ ႐ံုးမထုိင္ဘဲ ကန္ခ်နပူရီၿမိဳ႕ေပၚရွိ ပဒုိဆန္နီရဲ့အိမ္မွာ အခန္းတခုငွားၿပီး ႐ံုးထုိင္ေနတာ ေတြ႔ရပါတယ္။ ဒီအတြက္ ဗလဖ အစည္းေ၀း လုပ္တဲ့အခါတုိင္း မင္းသမီးေဒသရွိ ဗလဖ အဖြဲ႔၀င္ေတြ။ တပ္ရင္း ၃ ခုက ကိုယ္စားလွယ္ေတြအားလုံး ကန္ခ်နပူရီၿမိဳ႕ေပၚ တက္ၾကရပါတယ္။ အဲဒီအခ်ိန္မွာ နယ္စပ္ ဖုနန္းလြန္ရြာ (အခု ကန္ခ်နပူရီ-ထား၀ယ္ ကားလမ္းေပၚက ေနာက္ဆုံးထုိင္းရြာ) ကေန ကန္ခ်ပူရီအထိ လုိင္းကားေျပးေနၿပီ ျဖစ္တဲ့အတြက္ သြားလာေရးကိစၥ သိပ္အခက္ခဲ မရွိေတာ့ပါ။

အဲဒီကာလဟာ ၁၉၉၄ ေနွာင္ပုိင္းလုိ႔ ယူဆရပါတယ္။ ဗလဖ အစည္းေ၀းအတြင္း ေဆြးေႏြးတဲ့ အေျကာင္းရာေတြထဲမွာ စခန္းသစ္ကိစၥ၊ ပင္လယ္ျပင္ကိစၥ၊ မဟာမိတ္ဆက္ဆံေရး ကိစၥေတြအျပင္ ေဒသတခုတည္းရွိ ABSDF တပ္ရင္းေတြကို တရင္းတည္းအျဖစ္ေပါင္းၿပီး စနစ္တက်ျပန္လည္ စုဖြဲ႔ေရးကိစၥ ပါ၀င္တယ္လို႔ က်ေနာ္အမွတ္ရေနပါတယ္။
ဆုိလုိတာကေတာ့ မင္းသမီးနဲ႔ စခန္းသစ္ေဒသရွိ ေဒါက္တာနုိင္ေအာင္ ဗဟုိ လက္ေအာက္ခံတပ္ရင္း ၃ ခုျဖစ္တဲ့ ၁၀၁၊ ၂၀၁ နဲ႔ ၂၀၃ တပ္ရင္း ၃ ခုကို ေပါင္းၿပီး ေတာင္ပုိင္းေဒသ တပ္ရင္း ၁ အျဖစ္ ဖြဲ႔စည္းဖုိ႔ျဖစ္ပါတယ္။ ဒီအတြက္ တပ္ရင္း ၃ ခုမွ တပ္မႉးတခ်ဳိ႕ ေဒါင္းဂြင္ဗဟုိ မက်ခင္ေလးမွာ က်င္းပတဲ့ တပ္မႉးညီလာခံဆီတက္ၿပီး ေဆြးေႏြးၾကပါတယ္။


အဲဒီလုိအဆင့္ဆင့္ ေဆြးေႏြးမႈေတြအၿပီး ျပန္လည္စုဖြဲ႔လုိက္တဲ့ တပ္ရင္း ၁ မွာ ေခါင္းေဆာင္ျဖစ္လာသူေတြကေတာ့ ၁၀၁ တပ္ရင္းမႉး ကုိခ်စ္ကုိကို (၁၉၉၇ ပင္လယ္ျပင္တုိက္ပဲြအတြင္း က်ဆုံး) က တပ္ရင္းမႉး၊ ၂၀၁ တပ္ရင္းမႉး ကိုေဇာ္သန္းက ဒုရင္းမႉး (ေနာက္ပုိင္းမွာ ဆရာေအာင္ျမင့္က ဒုရင္းမႈးျဖစ္လာၿပီး ကုိေဇာ္သန္းက ေထာက္လွမ္းေရဗုိလ္အျဖစ္ တာ၀န္ေျပာင္းခဲ့ပါတယ္)။ ၂၀၃ တပ္ရင္းမႉး ကိုခ်မ္းနုိင္က တပ္ေရးဗုိလ္၊ ၂၀၁ ေရး-ေထာက္ဗုိလ္ ကုိ၀င္းေအာင္က တပ္ေထာက္ဗုိလ္၊ ၂၀၃ တပ္ေရးအရာရွိ ကုိလွေရြက ရင္းအရာခံဗုိလ္ ျဖစ္လာပါတယ္။ တပ္ရင္း ၁ အေပၚမွာေတာ့ အတြင္းေရးမႉး ၁ ကိုေအာင္ထူး ဦးေဆာင္တဲ့ ေတာင္ပုိင္း ဗလဖအဖြဲ႔က အရင္တုိင္းပဲ ဆက္လက္ တာ၀န္ယူထားပါတယ္။ (ေနာက္ပုိင္းမွာေတာ့ တျခားေဒသေတြမွာလဲ အလားတူ တပ္ေတြေပါင္းစပ္မႈကို ဆက္လုပ္ခဲ့ၿပီး တပ္ရင္း ၁ ကေန တပ္ရင္း ၄ အထိ တပ္ရင္း ၄ ခုပဲ ေဒါက္တာနုိင္ေအာင္ ဗဟုိေအာက္မွာ ထားပါေတာ့တယ္။ တခါ တနွစ္ေလာက္ၾကာၿပီးခ်ိန္မွာ ကုိမုိးသီးဇြန္ ဗဟုိလက္ေအာက္ခံ တပ္ရင္းေတြလည္း အလားတူ ေပါင္းစည္းမႈေတြလုပ္ခဲ့ၿပီး တပ္ရင္း ၅ ကေန တပ္ရင္း ၈ အထိ ေပၚေပါက္လာပါတယ္)။

အဲဒီလုိ စုဖြဲ႔မႈအသစ္ေတြလုပ္ၿပီး သိပ္မၾကာခင္ ၁၉၉၅ ေအာက္တုိဘာလထဲမွာေတာ့ စတုတၳအႀကိမ္ ညီလာခံလုပ္မယ္လို႔ ေဒါက္တာနုိင္ေအာင္ ဗဟုိဖက္ကေန ဖိတ္စာေရာက္လာပါတယ္။ ဒီအတြက္ အရင္ကရွိၿပီးသား လုပ္ထုံးလုပ္နည္းေတြအတုိင္း ညီလာခံကိုယ္စားလွယ္ေတြ ေရြးခ်ယ္ပါတယ္။ တပ္ရင္း ၁ ကိုယ္စားလွယ္ေတြအျဖစ္ ပါ၀င္လာသူေတြကေတာ့ ၁၀၁ မွ လက္ရွိ ဗဟုိဥကၠ႒ ေဒါက္တာနုိင္ေအာင္၊ တပ္ရင္းမႉး ခ်စ္ကုိကုိ။ ေနာက္ အရွည္ႀကီးခ်စ္ကုိလုိ႔ က်ေနာ္တုိ႔ေခၚၾကတဲ့ ေနာက္ထပ္အမည္တူ ခ်စ္ကိုကိုလည္း ပါပါတယ္။ ၂၀၁ မွ လက္ရွိ ဗဟုိဒုဥကၠ႒ ကိုေက်ာ္ေက်ာ္၊ အေထြေထြအတြင္းေရးမႉး ကုိမ်ဳိး၀င္း၊ အတြင္းေရးမႉး ၂ ကိုေဌးေအာင္၊ ျပန္ၾကားေရးတာ၀န္ခံ ကိုခင္ေမာင္၀င္း၊ နုိင္ငံျခားေရးဌာနမွ ကိုမင္းေအာင္၊ တပ္မႉးေတြထဲမွ ဆရာေအာင္ျမင့္နဲ႔ ဗလဖအဖြဲ႔၀င္ထဲက ကုိသိန္းေဆာင္နဲ႔ က်ေနာ္တုိ႔ ပါ၀င္ပါတယ္။ ၂၀၃ မွ ဗလဖအဖြဲ႔၀င္တဦးျဖစ္သူ ကုိေသာင္းထြန္း၊ တပ္မႉး တဦးျဖစ္သူ ကိုခ်မ္းနုိင္နဲ႔ ေနာက္တဦးတုိ႔ ပါ၀င္ပါတယ္။

စတုတၳအႀကိမ္ညီလာခံ က်င္းပတဲ့ေနရာကေတာ့ ထုိင္းနုိင္ငံ မယ့္စရီယန္းၿမိဳ႕နယ္ သံလြင္ျမစ္ေဘး ေတာနက္ႀကီးထဲက ေရာင္နီဦးစခန္းမွာ ျဖစ္ပါတယ္။ အဲဒီကာလဟာ မာနယ္ပေလာဌာနခ်ဳပ္နဲ႔ ေဒါင္းဂြင္ဌာနခ်ဳပ္အပါ၀င္ ေသာင္ရင္းနဲ႔ သံလြင္ျမစ္တေက်ာရွိ KUN နဲ႔ ABSDF စခန္းအားလုံးနီးပါးကို န၀တနဲ႔ DKBA တပ္ေတြက သိမ္းထားၿပီး ျဖစ္တဲ့အတြက္ ဒီေဒသရွိ ABSDF တပ္ေတြအားလုံး တပ္တည္ေဒသ အတိအက်မရွိဘဲ ေရႊ႕ေျပာင္းေနရတဲ့ကာလ ျဖစ္ပါတယ္။ မယ့္စရီယန္းၿမိဳ႕ေပၚရွိ ABSDF ႐ံုးကေန 4-wheel ကားေတြနဲ႔ ခဲရာခဲဆစ္သြားရၿပီး ေတာနက္ႀကီးထဲရွိ လွ်ဳိေျမာင္နဲ႔ စမ္းေခ်ာင္းေလးတခုရဲ့ ေဘးမွာ အဲဒီေရာင္နီးဦးစခန္းကို ေတြ႔ရပါတယ္။ အင္ဖက္မုိး ၀ါးတဲ ၅ လံုး ၆ လုံးခန္႔ ေတြ႔ရၿပီး ညီလာခံ ကုိုယ္စားလွယ္ေတြ၊ လုံၿခံဳေရးတာ၀န္ရွိသူေတြ၊ ခ်က္ျပဳတ္ေရးတာ၀န္ခံေတြ အပါအ၀င္ အားလုံးမွ လူ ၁၀၀ ေလာက္ပဲရွိမယ္လုိ႔ ထင္ပါတယ္။ က်န္တဲ့ ဗဟုိတခုလုံးက လူေတြကေတာ့ သံလြင္ျမစ္ေဘး ျမန္မာဘက္ကမ္း ၀ဲႀကီးနဲ႔ ထုိင္းဖက္ကမ္းက ဒုကၡသည္စခန္းေတြမွာ ယာယီခုိလံႈေနၾကတယ္လုိ႔ သိရပါတယ္။

ဒီညီလာခံမွာ ေဆြးေႏြးတဲ့ အေၾကာင္းရာမ်ားစြာထဲမွာ ဗဟုိ ၂ ခုေပါင္းစည္းေရးအတြက္ ဆက္လက္ေဆာင္ရြက္ဖို႔ကိစၥ၊ လြတ္ေျမာက္နယ္ေျမသစ္ ရွာေဖြေရးနဲ႔ နုိင္ငံျခားရင္းနွီးျမွဳပ္နွံမႈေတြအေပၚ ဘယ္လုိ သေဘာထားမလဲဆုိတဲ့ အခ်က္ ၃ ခုကုိ က်ေနာ္ အမွတ္ရေနပါတယ္။ ဒါ့အျပင္ အမ်ဳိးသမီးေတြကို ေနရာေပးဖို႔ကိစၥနဲ႔ လူ႔အခြင့္ေရး ကိစၥေတြလည္း ပါတယ္လုိ႔ အမွတ္ရေနၿပီး ”ျမန္မာအမ်ဳိးသမီးသမဂၢ” BWU ဖြဲ႔စည္းေရးကို မူအားျဖင့္ သေဘာတူခဲ့တယ္လုိ႔ ထင္ပါတယ္။
ညီလာခံေနာက္ဆုံးေန႔မွာေတာ့ ဗဟုိေကာ္မတီအသစ္ကို ေရြးခ်ယ္ခဲ့ၿပီး ဥကၠ႒အျဖစ္ ေဒါက္တာနုိင္ေအာင္။ ဒုဥကၠ႒အျဖစ္ ကိုေက်ာ္ေက်ာ္၊ အေထြေထြ အတြင္းေရးမႉးအျဖစ္ ကုိစုိင္းျမတ္သူ၊ အတြင္းေရးမႉး ၁ အျဖစ္ ေဒါက္တာျမင့္ခ်ဳိ၊ အတြင္းေရးမႉး ၂ အျဖစ္ ကိုေဌးေအာင္တုိ႔ ျဖစ္လာပါတယ္။ လူသစ္တန္းေတြထဲမွာေတာ့ ေရွ႕မွာေျပာခဲ့တဲ့ ၁၀၁ မွ အ ရွည္ႀကီး ခ်စ္ကုိကုိ၊ ေမာကဲေဒသမွ မိခ်မ္းနဲ႔ က်ေနာ္တုိ႔ ၃ ဦးက အရန္ဗဟုိေကာ္မတီ၀င္ေတြ ျဖစ္လာတာကို အမွတ္ရေနပါတယ္။

စင္ၿပိဳင္အစုိးရ အသံလြင့္ဌာနအတြက္ သူပုန္သတင္းေထာက္မ်ား အလုိရွိသည္

ဘန္ေကာက္သံ႐ံုး စီးနင္းမႈျဖစ္ၿပီးကာစအခ်ိန္ DVB သတင္း ေထာက္အျဖစ္ မနီလြိဳင္ေက်ာင္းသားစခန္းမွာ သတင္းယူေနစဥ္

ေရာင္နီဦးစခန္းမွာက်င္းပတဲ့ စတုတၳအႀကိမ္ ညီလာခံအတြင္း အထက္ေဖာ္ျပပါ ကိစၥေတြအျပင္ ေဒါက္တာစိန္၀င္း ဦးေဆာင္တဲ့ အမ်ဳိးသားညြန္႔ေပါင္းအစိုးရ အသံလြင့္ဌာန ဒီမိုကရက္တစ္ျမန္မာ့အသံ (DVB) အတြက္ သတင္းပုိ႔ေပးေရးကိစၥကုိလည္း က်ေနာ္တုိ႔ ေဆြးေႏြးခဲ့ပါတယ္။ (၁၉၉၁ မွာ နုိဗယ္ၿငိမ္းခ်မ္းေရးဆုရခဲ့တဲ့ ေဒၚေအာင္ဆန္းစုၾကည္ေပၚ အမွီျပဳၿပီး ၁၉၉၂ ဇူလုိင္လ ၁၉ ရက္ေန႔မွာ စတင္ေပါက္ေလာက္လာခဲ့တဲ့ ေနာ္ေ၀းနုိင္ငံ ေအာ္စလုိၿမိဳ႕အေျခစိုက္ DVB ဟာ အခုနွစ္ ဇူလုိင္ ၁၉ အာဇာနည္ေန႔မွာ နွစ္ ၂၀ သက္တမ္းျပည့္မွာ ျဖစ္ပါတယ္။) က်ေနာ္မွတ္မိသေလာက္ အဲဒီအခ်ိန္မွာ က်ေနာ္ဟာ ေတာင္ပုိင္းေဒသ ဗလဖရဲ့ဲ ျပန္ၾကားေရးတာ၀န္ခံအျဖစ္ တာ၀န္ယူထားၿပီး ရတဲ့သတင္းေတြအားလုံးကို ဆက္သြယ္ေရးစက္ေတြကေန တဆင့္ ဗဟုိျပန္ၾကားေရးဌာနဆီ ေန႔စဥ္ပုိ႔ေပးေနတဲ့အခ်ိန္ ျဖစ္ပါတယ္။ ဒီအတြက္ ဗဟုိျပန္ၾကားေရးတာ ၀န္ခံလည္းျဖစ္၊ DVB ဆုိင္ရာ ABSDF ကုိယ္စားလွယ္လည္းျဖစ္တဲ့ ကိုခင္ေမာင္၀င္းက က်ေနာ္အပါ၀င္ ေဒသအသီးသီးက ျပန္ၾကားေရးတာ၀န္ခံေတြကို သီးျခားေခၚယူၿပီး DVB ဆီ သတင္းေပးပို႔ေရးကိစၥ အေသးစိတ္ ေဆြးေႏြးခဲ့ပါတယ္။

ABSDF လႈပ္ရွားမႈသတင္း၊ မဟာမိတ္လႈပ္ရွားမႈသတင္း၊ တုိက္ပဲြသတင္း၊ လူ႔အခြင့္ေရးခ်ဳိးေဖာက္မႈသတင္းေတြကို စုေဆာင္းေပးပုိ႔တဲ့အခါ အရင္လို အခ်က္အလက္ အၾကမ္းထည္အတုိင္း မပုိ႔ဘဲ သတင္းတပုဒ္အျဖစ္ အေသခ်ာေရးၿပီးမွ သတင္းေထာက္အမည္ တခုခုတပ္ၿပီးေပးဖို႔ ကုိခင္ေမာင္၀င္းက ေျပာပါတယ္။ ဒီအတြက္ ေဒသတခုခ်င္းအလိုက္ သတင္းေထာက္အမည္ (တခ်ဳိ႕ကေတာ့ ကေလာင္အမည္လုိ႔ေခၚၾကၿပီး ဒီလုိ ေဒသအလိုက္အတြက္ အမည္ေပးတာဟာ DVB ရဲ့ ထူးျခားမႈလုိ႔ ဆုိနုိင္ပါတယ္) ေတြကို ေရြးခ်ယ္ၾကပါတယ္။ ေတာင္ပုိင္း ျပန္ၾကားေရးတာ၀န္ခံ က်ေနာ္လည္း ဘာအမည္ ေရြးရမွန္းမသိတာနဲ႔ ျပည္တြင္းမဂၢဇင္းေတြမွာ ၾကားဖူးသလုိလုိရွိတဲ့ “ထက္ေအာင္ေက်ာ္” ဆုိတဲ့ အမည္ကုိ အဆုိတင္ လုိက္ပါတယ္။ အဲဒီ အမည္ဟာ တေန႔ေန႔မွာ ကုိယ့္အမည္ျဖစ္လာလိမ့္မယ္လုိ႔ လုံး၀ေမွ်ာ္လင့္ မထားခဲ့ပါ။ တကယ္ကေတာ့ ေဒသအသိီးသီးအတြက္ ဒီလုိသတင္းေထာက္ အမည္ေတြ မေရြးခင္ကတည္းက ဗဟုိျပန္ၾကားေရး တာ၀န္ခံ ကိုခင္ေမာင္၀င္းက ”ဘေမာင္ဇင္”၊ ABSDF သတင္းေတြအားလုံးကို တည္းျဖတ္ၿပီး DVB အတြက္ အဓိက ပုိ႔ေပးေနသူ ဗဟုိသုေတသနဌာနမႉး ကိုခင္သန္းက ”ေမာင္ပုိင္ထြန္း” အပါ၀င္ တျခား ကေလာင္အမည္ ၂ ခုေလာက္နဲ႔ သတင္းေတြ ေရးသားေပးပုိ႔ေနခဲ့ၿပီး ျဖစ္ပါတယ္။

အဲဒီအခ်ိန္ထိ DVB ဟာ ေတာထဲကေန က်ေနာ္တုိ႔ ေရးပုိ႔လုိက္တဲ့သတင္းေတြကို ျပန္ဖတ္တာ၊ Bangkok Post နဲ႔ The Nation  က ျမန္မာသတင္းေတြကို ဘာသာျပန္ၿပီး ျပန္ဖတ္တာကိုပဲ အဓိကထား လုပ္ေနရတဲ့ အဆင့္မွာပဲရွိပါေသးတယ္။ အဲဒီကာလက အခုေခတ္လုိ ကြန္ျပဴတာ၊ အင္တာနက္ကေန သတင္းပုိ႔တာ၊ ဒစ္ဂ်စ္တယ္နဲ႔ အသံလႊင့္နုိင္တာမ်ဳိးေတြ မရွိေသးဘဲ တိတ္ေခြေတြနဲ႔ သြားေနရဆဲျဖစ္ပါတယ္။ ေရွ႕တန္းေဒသအသီးသီးက သတင္းေတြကုိ ေရွ႕တန္း ျပန္ၾကားေရး တာ၀န္ခံေတြက ေနာက္တန္းရွိ က်ေနာ့္ဆီ ဆက္သြယ္ေရးစက္ကေန တဆင့္ေပးပုိ႔၊ အဲဒိီသတင္းေတြကိုမွ ျပန္စုၿပီး က်ေနာ္က ထပ္မံျပင္ဆင္ေရးသား၊ ၿပီးေတာ့မွ မင္းသမီးစခန္းကေန ဗဟုိဌာနခ်ဳပ္ဆီ ဆက္သြယ္ေရးစက္နဲ႔ပုိ႔၊ ဗဟုိကမွတဆင့္ Fax ထုိးၿပီး ဘန္ေကာက္႐ံုးကုိပုိ႔၊ ဘန္ေကာက္ကမွတဆင့္ ေအာ္စလို DVB ႐ံုးက ဖုန္းေခၚလာတဲ့အခ်ိန္မွာ Fax နဲ႔ ပုိ႔ေပးရတဲ့ အသံမပါတဲ့ အသံလြင့္ဌာန ေခတ္ဦးပုိင္းမီဒီယာ အေျခေနမ်ဳိး ျဖစ္ပါတယ္။

ေတာ္လွန္မီဒီယာ ေခတ္ဦးပုိင္း စိတ္လႈပ္ရွားဖြယ္ သူပုန္သတင္းေထာက္ဘ၀

မယ္ေဟာင္ေဆာင္ၿမိဳ႕မွာ က်င္းပတဲ့ အေျခခံ သတင္းေထာက္သင္တန္းအၿပီး IMMF မွ သင္တန္းဆရာနဲ႔ ေက်ာင္းသားမ်ား အမွတ္တရ

က်ေနာ္ မွတ္မိသေလာက္ဆုိရင္ ၀င္းထိန္ကေန ထက္ေအာင္ေက်ာ္အျဖစ္ တရား၀င္သတ္မွတ္တဲ့ေန႔ဟာ ၁၉၉၈ ေႏြရာသီတုန္းက မယ္ေဟာင္ေဆာင္မွာ က်င္းပတဲ့ မီဒီယာသင္တန္းမွာလုိ႔ ထင္ပါတယ္။ “က်န္တဲ့သူေတြက အမည္ရင္းေတြနဲ႔ ျပန္လုပ္ၾကေပမယ့္ ခင္ဗ်ားကုိေတာ့ ထက္ေအာင္ေက်ာ္အျဖစ္ ပရိသတ္က သိၿပီးသားဆုိေတာ့ အဲဒီအမည္ကိုပဲ ဆက္ယူေစခ်င္ပါတယ္” ဆုိၿပီး ABSDF ေခါင္းေဆာင္တဦးလည္းျဖစ္၊ သင္တန္း တာ၀န္ရွိသူတဦးလည္းျဖစ္တဲ့ ကိုစုိင္းျမင့္သူ (အခုခ်ိန္ထိ NDD မွာ တာ၀န္ ထမ္းေဆာင္ေနဆဲ) က အႀကံျပဳတဲ့အတြက္ ဒီလုိျဖစ္လာတာလုိ႔လည္း ေျပာနုိင္ပါတယ္။ မင္းသမီးစခန္း က်ၿပီးကာစ၊ ဘန္ေကာက္ကို ေရာက္ကာစ၊ တနည္းအားျဖင့္ ေတာတြင္းသတင္းေထာက္ကေန ၿမိဳ႕ေပၚ သတင္းေထာက္ျဖစ္ကာစမွာ ပထမဆုံးတက္ဖူးတဲ့ သင္တန္းကေတာ့ IMMF (The Indochina Media Memorial Foundation) နဲ႔ DVB ဖြင့္လွစ္တဲ့ ၂ ပတ္ၾကာ အေျခခံ အသံလႊင့္သတင္းေထာက္သင္တန္း ျဖစ္ပါတယ္။

ျမန္မာနုိင္ငံမွာတုန္းက သတင္းစာပညာဆုိတာကုိ နကန္းတလုံးမွ နားမလည္ဘဲနဲ႔ ေတာထဲမွာ ေနရင္းထုိင္ရင္း သတင္းေထာက္ျဖစ္လာတဲ့ က်ေနာ္အဖုိ႔ေတာ့ ဒီသင္တန္းဟာ တကယ့္ကုိ အေရးႀကီးပါတယ္။ သင္တန္းပုိ႔ခ်တဲ့ အေနာက္တုိင္း ၀ါရင့္သတင္းစာဆရာေတြနဲ႔ ေတြ႔ေတာ့မွပဲ ကုိယ္ပုိ႔ေနသမွ် သတင္းအေတာ္မ်ားမ်ားဟာ “၀ါဒျဖန္႔ခ်ိေရး” ဆန္ေနမွန္းသိလာခဲ့ၿပီး ၀ါဒျဖန္႔တာနဲ႔ “သတင္းစစ္စစ္” ကို ကြဲကြဲျပားျပား သိလာခဲ့ပါတယ္။
တခ်ိန္တည္းမွာပဲ ျမန္မာနုိင္ငံပညာေရးစနစ္ထဲမွာ သတင္းစာပညာ သင္႐ုိးညႊန္တမ္း မရွိတဲ့အျဖစ္ကိုလည္း စိတ္နာမိပါတယ္။ က်ေနာ္တုိ႔ ေက်ာင္းတက္စဥ္ကေတာ့ လုပ္သားျပည္သူ႔ ေန႔စဥ္သတင္းစာနဲ႔ လစဥ္ထုတ္ မဂၢဇင္းေတြကလဲြၿပီး တျခား မီဒီယာေတြမရွိေသးဘဲ လုံးခ်င္း အခ်စ္၀တၳဳေတြ ေခတ္အစားဆုံး အခ်ိန္ျဖစ္ပါတယ္။ တကၠသိုလ္၀န္းက်င္မွာေတာ့ စာေပ၀ါသနာပါသူေတြ စုေပါင္းၿပီး ထုတ္ေ၀တဲ့ ကဗ်ာစာအုပ္ငယ္ေလးေတြ ေခတ္စားခဲ့ပါတယ္။ ဒါေၾကာင့္ ကဗ်ာေတြ၊ စာေတြကုိ စိတ္၀င္စားသူအမ်ားစုဟာ ျမန္မာစာကုိ ယူၾကတယ္လုိ႔သိရပါတယ္။

ဒါေပမယ့္ က်ေနာ္ကုိယ္တုိင္ကေတာ့ စာေရးတာကို ၀ါသနာပါလုိ႔ ျမန္မာစာကုိ ယူတယ္ဆုိတာထက္ ဆယ္တန္းေအာင္မွတ္က အသက္ေမြး၀မ္းေက်ာင္း တကၠသိုလ္ေတြကို မမွီလုိ႔ ျမန္မာစာကုိယူ လုိက္ရတာဆုိရင္ ပုိမွန္ မယ္ထင္ပါတယ္။ တကၠသုိလ္ ၅ နွစ္တာကာလအတြင္း ကဗ်ာေတြ၊ ေဆာင္းပါးေတြေရးၿပီး မဂၢဇင္းမ်ဳိးစုံကုိ ပုိ႔ဖူးခဲ့ေပမယ့္ တခါမွ ပုံနွိပ္ေဖာ္ျပ ခံရျခင္း မရွိခဲ့ပါဘူး။ စာေပလုပ္သားအဖြဲ႔၀င္ျဖစ္သြားတဲ့ ျမန္မာစာေမဂ်ာက ေရးေဖာ္သူငယ္ခ်င္းတဦးကေတာ့ ကိုယ္ယုံၾကည္တဲ့အတုိင္း ေလွ်ာက္မေရးဘဲ အယ္ဒီတာအႀကိဳက္၊ ထုတ္ေ၀သူအႀကိဳက္ ေပၚလစီေဆာင္းပါးေတြ၊ ကဗ်ာေတြေရးဖို႔၊ အဲဒီလုိေရးၿပီး ပုဒ္ေရ ၁၀ ေက်ာ္ပါမွ စာေပလုပ္သားျဖစ္မယ္လုိ႔ အႀကံေပးခဲ့ဖူးတာကို အမွတ္ရေနပါတယ္။ ဒါေပမယ့္ အဲဒီကတည္းက သူပုန္စိတ္၀င္ေနသလား မေျပာတတ္ပါဘူး။ ကိုယ္ထင္တာ ကိုယ္ေရးတဲ့ဉာဥ္ကုိ မစြန္႔နုိင္တဲ့အတြက္ ထား၀ယ္ေကာလိပ္နဲ႔ ေမာ္လၿမိဳင္တကၠသိုလ္မွာ ၃ က်ပ္တန္ ကဗ်ာစာအုပ္ ၂ အုပ္ေလာက္ ထုတ္ေ၀ဖူူးတာကလြဲရင္ ပုံနွိပ္ေဖာ္ျပခံရတဲ့စာမ်ဳိး ေရးသားနုိင္ခဲ့ျခင္း မရွိခဲ့ပါ။

တခါ ေတာထဲေရာက္ေတာ့လည္း ကေလာင္စြမ္းျပခ်င္သူ အေတာ္မ်ားမ်ားက “ေဒါင္းအုိးေ၀” မွာ အၿပိဳင္အဆုိင္ ေရးေနၾကေပမယ့္ က်ေနာ္က မေရးျဖစ္ခဲ့ပါ။ က်ေနာ္မွတ္မိသေလာက္ဆုိရင္ ၁၉၉၃ ေနွာင္းပုိင္း ပင္လယ္ျပင္စစ္ေၾကာင္းမွာ တာ၀န္ယူေနစဥ္အတြင္း ေရးသားခဲ့တဲ့ “သစ္မရမီ ၀ါးေပါင္းကြပ္ျခင္း” ဆုိတဲ့ ေဆာင္းပါးတပုဒ္ပဲ ေဒါင္းအုိးေ၀မွာ ပါခဲ့ဖူးပါတယ္။ မာနယ္ပေလာအေျခစုိက္ DAB နဲ႔ တပ္ေပါင္းစု အင္အားအေကာင္းဆုံးခ်ိန္မွာ တပ္ေပါင္းစုမူကုိပယ္ၿပီး စစ္အစိုးရနဲ႔ အပစ္ရပ္သြားတဲ့ KIO ကို ေ၀ဖန္တဲ့ ေဆာင္းျဖစ္္ပါတယ္။
အနွစ္ျပန္ခ်ဳပ္ရရင္ေတာ့ ေဆာင္းပါးလည္း အေသခ်ာမေရးဖူး၊ မီဒီယာအေၾကာင္းလဲ ဘာမွမသိ၊ စာေပအသိုင္း၀ုိင္းနဲ႔လည္း မနီးစပ္ဖူးတဲ့က်ေနာ္ဟာ တတ္သိနားလည္လုိ႔ သတင္းေထာက္ ျဖစ္လာတာမဟုတ္ဘဲ ေတာ္လွန္ေရး တာ၀န္တရပ္အေနနဲ႔ DVB သတင္းေထာက္တာ၀န္ကုိ ယူလုိက္တယ္ ဆုိတဲ့သေဘာပါ။

 ဒီဗြီဘီ အေစာပုိင္းကာလကေတြ႔ရတဲ့ ေတာတြင္းစတူဒီယုိတခု

မယ္ေဟာင္ေဆာင္က သတင္းေထာက္သင္တန္းကို ေရာက္ေနသူ အားလုံးဟာလည္း က် ေနာ့္လုိပဲ ဂ်ာနယ္လစ္ဇင္ဆုိတာကုိ ျမန္မာနုိင္ငံက ေက်ာင္းေတြမွာ တခါမွ မသင္ဖူးခဲ့တဲ့ လူေတြလုိ႔ ထင္ပါတယ္။ ဒါေပမယ့္ သင္တန္းသားေတြထဲ ပါလာတဲ့ ကုိေအာင္ေဇာ္ကေတာ့ ခြ်င္းခ်က္ျဖစ္နုိင္ၿပီး အဲဒီ အခ်ိန္ကတည္းက သူဟာ Bangkok Post နဲ႔ The Nation မွာ အဂၤလိပ္ဘာသာနဲ႔ ေဆာင္းပါးေတြ ေရးေနသူ၊ RFA သတင္းေထာက္အျဖစ္ တာ၀န္ထမ္းေနသူ၊ Irrawaddy စာေစာင္ကုိ အဂၤလိပ္ ဘာသာနဲ႔ ထုတ္ေ၀ေနသူ ျဖစ္ပါတယ္။ “ေအာင္ေဇာ္ဆုိတာ ဦးတင့္ေဇာ္တုိ႔အရြယ္ တကၠသုိလ္က ေက်ာင္းဆရာႀကီးတဦးလုိ႔ပဲ ထင္ထားတာ” ဆုိၿပီး က်ေနာ္ကေျပာေတာ့ သင္တန္းသားအားလုံး ၀ုိင္းရယ္ၾကတာကို မွတ္မိေနပါေသးတယ္။ အဲဒီအခ်ိန္မွာ ဗကသေခါင္းေဆာင္ေဟာင္း တကၠသိုလ္ဆရာတဦးျဖစ္သူ ဦးတင့္ေဇာ္ဟာလဲ RFA သတင္းေထာက္အျဖစ္ သတင္းပုိ႔ေနသူ ျဖစ္ပါတယ္။

“အဂၤလိပ္လုိေရးဖို႔ ဘာမွတြန္႔မေနနဲ႔။ ခင္ဗ်ားေျပာခ်င္တာကုိ ခင္ဗ်ားနားလည္သလုိသာ လုိတုိရွင္း ခ်ေရးလုိက္ပါ။ ခင္ဗ်ားဆုိလုိရင္းကုိ အယ္ဒီတာ နားလည္ဖို႔က အဓိကပဲ” လုိ႔ ကုိေအာင္ေဇာ္က ေျပာပါတယ္။ ဆိုလုိတာကေတာ့ အဂၤလိပ္လုိ ေဆာင္းပါးေရးတာကို တကၠသုိလ္က ပါေမာကၡေတြ၊ ကထိကေတြ၊ ပညာရွင္ေတြသာ လုပ္နုိင္တဲ့အလုပ္၊ ပညာတပုိင္းတစနဲ႔ ေတာ္လွန္ေရးထဲ ပါလာတဲ့၊ အဂၤလိပ္စာကို ဘုန္ႀကီးေက်ာင္းေလသံနဲ႔ ေျပာေနတဲ့က်ေနာ္တုိ႔လုိ “ဘဂ၀ါ အဂၤလိပ္စာသမား” ေတြ မလုပ္နုိင္ဘူးလုိ႔ ထင္ေနခဲ့တဲ့ က်ေနာ္ရဲ့ေတြေ၀မႈေတြကုိ သူက အားေပးခဲ့တာပါ။

အဂၤလိပ္ဘာသာနဲ႔ သတင္း၊ ေဆာင္းပါး ေရးတယ္ဆုိတာဟာ ပညာရွင္ေတြ စာတန္းျပဳစုသလုိ ပညာရပ္ဆုိင္ရာ စကားလုံးႀကီးႀကီးေတြနဲ႔ ေရးတာမ်ဳိးမဟုတ္ဘဲ ကိုယ္ေျပာခ်င္တဲ့ အဓိကအခ်က္ စာဖတ္သူဆီေရာက္ဖို႔က အဓိကပါ။ “Perfect ျဖစ္မွေရးမယ္၊ Perfect ျဖစ္မွ လုပ္မယ္ဆုိၿပီး ေစာင့္ေနရင္ ခင္ဗ်ား ဘယ္ေတာ့မွေရးျဖစ္၊ လုပ္ျဖစ္မွာေတာ့မွာ မဟုတ္ဘူး” ဆုိတဲ့ ကိုေအာင္ေဇာ္ရဲ႕ စကားက က်ေနာ့္အတြက္ တြန္းအားျဖစ္ေစခဲ့ပါတယ္။

ဒီသင္တန္းအၿပီးမွာေတာ့ က်ေနာ္ဟာ ဘန္ေကာက္အေျခစိုက္ DVB သတင္းေထာက္အျဖစ္ အခ်ိန္ျပည့္ တာ၀န္ထမ္းခဲ့ၿပီး အဂၤဘာသာနဲ႔ ေဆာင္းပါးေတြလည္း စေရးျဖစ္ခဲ့ပါတယ္။ ဒီလုိေျပာလုိက္လုိ႔ အခုေခတ္ DVB သတင္းေထာက္ေတြလုိ ကိုယ္ပုိင္႐ံုးခန္းေတြ၊ ကုိယ္ပုိင္ကြန္ျပဴတာေတြ၊ ကုိယ္ပုိင္ လက္ကုိင္ဖုန္းေတြနဲ႔ အလုပ္လုပ္ေနတယ္လုိ႔ မထင္လုိက္ပါနဲ႔။ ရတဲ့ေထာက္ပံ့ေၾကးက တလမွ ဘတ္ ၃၀၀၀ နဲ႔ ၅၀၀၀ အၾကား၊ အဲဒီေငြနဲ႔ ေနစရိတ္၊ စားစရိတ္၊ ခရီးစရိတ္၊ တယ္လီဖုန္းစရိတ္ အကုန္လုံး ေလာက္ေအာင္သုံးဖို႔ဆုိတာ ဘယ္လုိမွ မလြယ္ပါ။

ဒီေတာ့ ေနတာက ဘန္းကပိ the Mall ကုန္တုိက္အနီးရွိ ABSDF ရဲ့ ေထာက္ပံ့ေရး႐ံုးခန္း (ABSDF ႐ံုးခန္းေတြဟာ လူေနေဆာင္လည္း ျဖစ္ပါတယ္)၊ သုံးတာက ႐ံုးတယ္လီဖုန္းနဲ႔ ဖက္စ္ျဖစ္ၿပီး ဖုန္းေဘလ္ေတြကို တာ၀န္ယူ ရွင္းေပးရပါတယ္၊ ႐ံုးမွာ ကြန္ျပဴတာ ရွိေပမယ့္ သုံးခ်င္သူမ်ားလြန္းလုိ႔ တန္းစီေစာင့္ရတဲ့အျပင္ အဲဒီကာလက ကြန္ျပဴတာလည္း မသုံးတတ္ေသးပါ။ ဒီေတာ့ DVB ဘန္ေကာက္႐ံုး တာ၀န္ခံ ကုိဘေမာင္ဇင္ ထုတ္ေပးထားတဲ့ မီဒီဒစ္ ကက္ဆက္တလုံးနဲ႔ အင္တာဗ်ဳးလုပ္၊ ၿပီးရင္ အဲဒီထဲမွာပဲ တခါတည္းအသံေတြကို အၾကမ္းတည္းျဖတ္၊ လုိတဲ့အသံေတြကို နံပတ္စဥ္မွတ္ၿပီး ေအာ္စလုိ႐ံုးက ဖုန္းေခၚလာတဲ့အခ်ိန္မွာ DVB မူပုိင္ အေပါက္ေဖာက္ထားတဲ့ တယ္လီဖုန္းကုိ ၀ုိင္ယာႀကိဳးအသြယ္သြယ္နဲ႔ ဂြိ်ဳင္းၿပီး ဒီတုိင္းပုိ႔ရတဲ့ဘ၀ပါ။

ဘန္ေကာက္မွာ တာ၀န္ထမ္းေနစဥ္ ကာလအတြင္း စိတ္လႈပ္ရွားဖြယ္ အေကာင္းဆုံးႀကံဳလုိက္ရတဲ့ သတင္းႀကီး ၂ ခုကေတာ့ စြမ္းအားျမင့္ စစ္သည္ေတာ္မ်ားအဖြဲ႔ VBSW က ျမန္မာသံ႐ုံးကို ၀င္စီးမႈနဲ႔ God Army က ရတ္ခ်ပူရီေဆး႐ံုကုိ ၀င္စီးမႈေတြပဲ ျဖစ္ပါတယ္။ လြတ္လပ္တဲ့ သတင္းသမားတဦးရဲ့ Professional media ethic နဲ႔ အတုိက္အခံ ေရဒီယုိရဲ့သတင္းေထာက္၊ သူပုန္တျဖစ္လဲ သတင္းေထာက္တဦးရဲ့ အတုိက္အခံဖက္ကုိ ဘက္္လုိက္ခ်င္တဲ့ Activist ဆန္တဲ့ အားၿပိဳင္မႈေတြကုိ တကယ္စမ္းသပ္တဲ့ သတင္း ၂ ပုဒ္လုိ႔လည္း ဆုိနုိင္မယ္ထင္ပါတယ္။

အထူးသျဖင့္ ဘန္ေကာက္သံ႐ံုးကုိ စီးနင္းထားခ်ိန္ VBSW ေခါင္းေဆာင္ ကိုေဂ်ာ္နီ (ABSDF တပ္ဖြဲ႔၀င္ေဟာင္း၊ ၂၀၀၂ ခုနွစ္ ေနွာင္းပုိင္းမွာ လုပ္ႀကံခံရသလုိလိုနဲ႔ ေပ်ာက္ဆုံးသြားသူ) နဲ႔ က်ေနာ္ရလုိက္တဲ့ Exclusive တယ္လီဖုန္း အင္တာဗ်ဴး၊ ကုိေဂ်ာ္နီတုိ႔အဖြဲ႔ ရဟတ္ယာဥ္စီးၿပီး သံ႐ံုးကေန နယ္စပ္က God Army စခန္းဆီ ထြက္ခြာသြားတဲ့ Live သတင္းေပးပို႔ခ်က္ေတြဟာ အထက္ေဖာ္ျပပါ အားၿပိဳင္မႈကို အထင္းသား ေပၚလြင္ေစခဲ့ပါတယ္။ ဒါေၾကာင့္လည္း သူပုန္ဖက္ကုိယိမ္းတဲ့ သူပုန္အားေပး သတင္းေထာက္အျဖစ္ ျပင္းထန္တဲ့ ေ၀ဖန္မႈေတြ ခံခဲ့ရဖူးတာကို က်ေနာ္ အမွတ္ရ ေနဆဲျဖစ္ပါတယ္။

===============================================

(အပိုင်း ၃၇)

ထက်အောင်ကျော်| July 5, 2012 |ဧရာဝတီ။

 

စတုတ္ထအကြိမ်ညီလာခံနဲ့ သူပုန်သတင်းထောက်ဘ၀ အစ

အမှတ် ၁ တပ်ရင်းမှူး ချစ်ကိုကို (စစ်ရောင်ယူနီဖောင်း ဝတ်ထားတဲ့ ယာဖက်မှ ဒုတိယ ပုဂ္ဂိုလ်) နဲ့ ဗဟိုဖက်မှ တပ်မှူးတချို့ကို စတုတ္ထအကြိမ်ညီလာခံမှာ တွေ့ရစဉ်

ထပ်စကဲ၊ ပရာကျွတ်နဲ့ ဟွာဟင်ဖက်မှာ တနှစ်နီးပါးကြာပြီးတဲ့အခါမှာတော့ ပူးတွဲပင်လယ်ပြင် ကိစ္စတာဝန် ပြီးသွားတဲ့အတွက် မင်းသမီးဒေသဆီ ကျနော်တို့ ပြန်လာခဲ့ပါတယ်။ ကျနော် ပြန်ရောက်တဲ့အချိန်မှာ ဗလဖ တာဝန်ခံဟာ အကြောင်းအမျိုးမျိုးကြောင့် မင်းသမီးစခန်းမှာ ရုံးမထိုင်ဘဲ ကန်ချနပူရီမြို့ပေါ်ရှိ ပဒိုဆန်နီရဲ့အိမ်မှာ အခန်းတခုငှားပြီး ရုံးထိုင်နေတာ တွေ့ရပါတယ်။ ဒီအတွက် ဗလဖ အစည်းဝေး လုပ်တဲ့အခါတိုင်း မင်းသမီးဒေသရှိ ဗလဖ အဖွဲ့ဝင်တွေ။ တပ်ရင်း ၃ ခုက ကိုယ်စားလှယ်တွေအားလုံး ကန်ချနပူရီမြို့ပေါ် တက်ကြရပါတယ်။ အဲဒီအချိန်မှာ နယ်စပ် ဖုနန်းလွန်ရွာ (အခု ကန်ချနပူရီ-ထားဝယ် ကားလမ်းပေါ်က နောက်ဆုံးထိုင်းရွာ) ကနေ ကန်ချပူရီအထိ လိုင်းကားပြေးနေပြီ ဖြစ်တဲ့အတွက် သွားလာရေးကိစ္စ သိပ်အခက်ခဲ မရှိတော့ပါ။

အဲဒီကာလဟာ ၁၉၉၄ နှောင်ပိုင်းလို့ ယူဆရပါတယ်။ ဗလဖ အစည်းဝေးအတွင်း ဆွေးနွေးတဲ့ အကြောင်းရာတွေထဲမှာ စခန်းသစ်ကိစ္စ၊ ပင်လယ်ပြင်ကိစ္စ၊ မဟာမိတ်ဆက်ဆံရေး ကိစ္စတွေအပြင် ဒေသတခုတည်းရှိ ABSDF တပ်ရင်းတွေကို တရင်းတည်းအဖြစ်ပေါင်းပြီး စနစ်တကျပြန်လည် စုဖွဲ့ရေးကိစ္စ ပါဝင်တယ်လို့ ကျနော်အမှတ်ရနေပါတယ်။ 

ဆိုလိုတာကတော့ မင်းသမီးနဲ့ စခန်းသစ်ဒေသရှိ ဒေါက်တာနိုင်အောင် ဗဟို လက်အောက်ခံတပ်ရင်း ၃ ခုဖြစ်တဲ့ ၁၀၁၊ ၂၀၁ နဲ့ ၂၀၃ တပ်ရင်း ၃ ခုကို ပေါင်းပြီး တောင်ပိုင်းဒေသ တပ်ရင်း ၁ အဖြစ် ဖွဲ့စည်းဖို့ဖြစ်ပါတယ်။ ဒီအတွက် တပ်ရင်း ၃ ခုမှ တပ်မှူးတချို့ ဒေါင်းဂွင်ဗဟို မကျခင်လေးမှာ ကျင်းပတဲ့ တပ်မှူးညီလာခံဆီတက်ပြီး ဆွေးနွေးကြပါတယ်။

အဲဒီလိုအဆင့်ဆင့် ဆွေးနွေးမှုတွေအပြီး ပြန်လည်စုဖွဲ့လိုက်တဲ့ တပ်ရင်း ၁ မှာ ခေါင်းဆောင်ဖြစ်လာသူတွေကတော့ ၁၀၁ တပ်ရင်းမှူး ကိုချစ်ကိုကို (၁၉၉၇ ပင်လယ်ပြင်တိုက်ပွဲအတွင်း ကျဆုံး) က တပ်ရင်းမှူး၊ ၂၀၁ တပ်ရင်းမှူး ကိုဇော်သန်းက ဒုရင်းမှူး (နောက်ပိုင်းမှာ ဆရာအောင်မြင့်က ဒုရင်းမှုးဖြစ်လာပြီး ကိုဇော်သန်းက ထောက်လှမ်းရေဗိုလ်အဖြစ် တာဝန်ပြောင်းခဲ့ပါတယ်)။ ၂၀၃ တပ်ရင်းမှူး ကိုချမ်းနိုင်က တပ်ရေးဗိုလ်၊ ၂၀၁ ရေး-ထောက်ဗိုလ် ကိုဝင်းအောင်က တပ်ထောက်ဗိုလ်၊ ၂၀၃ တပ်ရေးအရာရှိ ကိုလှရွေက ရင်းအရာခံဗိုလ် ဖြစ်လာပါတယ်။ တပ်ရင်း ၁ အပေါ်မှာတော့ အတွင်းရေးမှူး ၁ ကိုအောင်ထူး ဦးဆောင်တဲ့ တောင်ပိုင်း ဗလဖအဖွဲ့က အရင်တိုင်းပဲ ဆက်လက် တာဝန်ယူထားပါတယ်။ (နောက်ပိုင်းမှာတော့ တခြားဒေသတွေမှာလဲ အလားတူ တပ်တွေပေါင်းစပ်မှုကို ဆက်လုပ်ခဲ့ပြီး တပ်ရင်း ၁ ကနေ တပ်ရင်း ၄ အထိ တပ်ရင်း ၄ ခုပဲ ဒေါက်တာနိုင်အောင် ဗဟိုအောက်မှာ ထားပါတော့တယ်။ တခါ တနှစ်လောက်ကြာပြီးချိန်မှာ ကိုမိုးသီးဇွန် ဗဟိုလက်အောက်ခံ တပ်ရင်းတွေလည်း အလားတူ ပေါင်းစည်းမှုတွေလုပ်ခဲ့ပြီး တပ်ရင်း ၅ ကနေ တပ်ရင်း ၈ အထိ ပေါ်ပေါက်လာပါတယ်)။

အဲဒီလို စုဖွဲ့မှုအသစ်တွေလုပ်ပြီး သိပ်မကြာခင် ၁၉၉၅ အောက်တိုဘာလထဲမှာတော့ စတုတ္ထအကြိမ် ညီလာခံလုပ်မယ်လို့ ဒေါက်တာနိုင်အောင် ဗဟိုဖက်ကနေ ဖိတ်စာရောက်လာပါတယ်။ ဒီအတွက် အရင်ကရှိပြီးသား လုပ်ထုံးလုပ်နည်းတွေအတိုင်း ညီလာခံကိုယ်စားလှယ်တွေ ရွေးချယ်ပါတယ်။ တပ်ရင်း ၁ ကိုယ်စားလှယ်တွေအဖြစ် ပါဝင်လာသူတွေကတော့ ၁၀၁ မှ လက်ရှိ ဗဟိုဥက္ကဋ္ဌ ဒေါက်တာနိုင်အောင်၊ တပ်ရင်းမှူး ချစ်ကိုကို။ နောက် အရှည်ကြီးချစ်ကိုလို့ ကျနော်တို့ခေါ်ကြတဲ့ နောက်ထပ်အမည်တူ ချစ်ကိုကိုလည်း ပါပါတယ်။ ၂၀၁ မှ လက်ရှိ ဗဟိုဒုဥက္ကဋ္ဌ ကိုကျော်ကျော်၊ အထွေထွေအတွင်းရေးမှူး ကိုမျိုးဝင်း၊ အတွင်းရေးမှူး ၂ ကိုဌေးအောင်၊ ပြန်ကြားရေးတာဝန်ခံ ကိုခင်မောင်ဝင်း၊ နိုင်ငံခြားရေးဌာနမှ ကိုမင်းအောင်၊ တပ်မှူးတွေထဲမှ ဆရာအောင်မြင့်နဲ့ ဗလဖအဖွဲ့ဝင်ထဲက ကိုသိန်းဆောင်နဲ့ ကျနော်တို့ ပါဝင်ပါတယ်။ ၂၀၃ မှ ဗလဖအဖွဲ့ဝင်တဦးဖြစ်သူ ကိုသောင်းထွန်း၊ တပ်မှူး တဦးဖြစ်သူ ကိုချမ်းနိုင်နဲ့ နောက်တဦးတို့ ပါဝင်ပါတယ်။

စတုတ္ထအကြိမ်ညီလာခံ ကျင်းပတဲ့နေရာကတော့ ထိုင်းနိုင်ငံ မယ့်စရီယန်းမြို့နယ် သံလွင်မြစ်ဘေး တောနက်ကြီးထဲက ရောင်နီဦးစခန်းမှာ ဖြစ်ပါတယ်။ အဲဒီကာလဟာ မာနယ်ပလောဌာနချုပ်နဲ့ ဒေါင်းဂွင်ဌာနချုပ်အပါဝင် သောင်ရင်းနဲ့ သံလွင်မြစ်တကျောရှိ KUN နဲ့ ABSDF စခန်းအားလုံးနီးပါးကို နဝတနဲ့ DKBA တပ်တွေက သိမ်းထားပြီး ဖြစ်တဲ့အတွက် ဒီဒေသရှိ ABSDF တပ်တွေအားလုံး တပ်တည်ဒေသ အတိအကျမရှိဘဲ ရွှေ့ပြောင်းနေရတဲ့ကာလ ဖြစ်ပါတယ်။ မယ့်စရီယန်းမြို့ပေါ်ရှိ ABSDF ရုံးကနေ 4-wheel ကားတွေနဲ့ ခဲရာခဲဆစ်သွားရပြီး တောနက်ကြီးထဲရှိ လျှိုမြောင်နဲ့ စမ်းချောင်းလေးတခုရဲ့ ဘေးမှာ အဲဒီရောင်နီးဦးစခန်းကို တွေ့ရပါတယ်။ အင်ဖက်မိုး ဝါးတဲ ၅ လုံး ၆ လုံးခန့် တွေ့ရပြီး ညီလာခံ ကိုယ်စားလှယ်တွေ၊ လုံခြုံရေးတာဝန်ရှိသူတွေ၊ ချက်ပြုတ်ရေးတာဝန်ခံတွေ အပါအဝင် အားလုံးမှ လူ ၁၀၀ လောက်ပဲရှိမယ်လို့ ထင်ပါတယ်။ ကျန်တဲ့ ဗဟိုတခုလုံးက လူတွေကတော့ သံလွင်မြစ်ဘေး မြန်မာဘက်ကမ်း ဝဲကြီးနဲ့ ထိုင်းဖက်ကမ်းက ဒုက္ခသည်စခန်းတွေမှာ ယာယီခိုလှုံနေကြတယ်လို့ သိရပါတယ်။

ဒီညီလာခံမှာ ဆွေးနွေးတဲ့ အကြောင်းရာများစွာထဲမှာ ဗဟို ၂ ခုပေါင်းစည်းရေးအတွက် ဆက်လက်ဆောင်ရွက်ဖို့ကိစ္စ၊ လွတ်မြောက်နယ်မြေသစ် ရှာဖွေရေးနဲ့ နိုင်ငံခြားရင်းနှီးမြှုပ်နှံမှုတွေအပေါ် ဘယ်လို သဘောထားမလဲဆိုတဲ့ အချက် ၃ ခုကို ကျနော် အမှတ်ရနေပါတယ်။ ဒါ့အပြင် အမျိုးသမီးတွေကို နေရာပေးဖို့ကိစ္စနဲ့ လူ့အခွင့်ရေး ကိစ္စတွေလည်း ပါတယ်လို့ အမှတ်ရနေပြီး ”မြန်မာအမျိုးသမီးသမဂ္ဂ” BWU ဖွဲ့စည်းရေးကို မူအားဖြင့် သဘောတူခဲ့တယ်လို့ ထင်ပါတယ်။

ညီလာခံနောက်ဆုံးနေ့မှာတော့ ဗဟိုကော်မတီအသစ်ကို ရွေးချယ်ခဲ့ပြီး ဥက္ကဋ္ဌအဖြစ် ဒေါက်တာနိုင်အောင်။ ဒုဥက္ကဋ္ဌအဖြစ် ကိုကျော်ကျော်၊ အထွေထွေ အတွင်းရေးမှူးအဖြစ် ကိုစိုင်းမြတ်သူ၊ အတွင်းရေးမှူး ၁ အဖြစ် ဒေါက်တာမြင့်ချို၊ အတွင်းရေးမှူး ၂ အဖြစ် ကိုဌေးအောင်တို့ ဖြစ်လာပါတယ်။ လူသစ်တန်းတွေထဲမှာတော့ ရှေ့မှာပြောခဲ့တဲ့ ၁၀၁ မှ အ ရှည်ကြီး ချစ်ကိုကို၊ မောကဲဒေသမှ မိချမ်းနဲ့ ကျနော်တို့ ၃ ဦးက အရန်ဗဟိုကော်မတီဝင်တွေ ဖြစ်လာတာကို အမှတ်ရနေပါတယ်။

စင်ပြိုင်အစိုးရ အသံလွင့်ဌာနအတွက် သူပုန်သတင်းထောက်များ အလိုရှိသည်

ဘန်ကောက်သံရုံး စီးနင်းမှုဖြစ်ပြီးကာစအချိန် DVB သတင်း ထောက်အဖြစ် မနီလွိုင်ကျောင်းသားစခန်းမှာ သတင်းယူနေစဉ်

ရောင်နီဦးစခန်းမှာကျင်းပတဲ့ စတုတ္ထအကြိမ် ညီလာခံအတွင်း အထက်ဖော်ပြပါ ကိစ္စတွေအပြင် ဒေါက်တာစိန်ဝင်း ဦးဆောင်တဲ့ အမျိုးသားညွန့်ပေါင်းအစိုးရ အသံလွင့်ဌာန ဒီမိုကရက်တစ်မြန်မာ့အသံ (DVB) အတွက် သတင်းပို့ပေးရေးကိစ္စကိုလည်း ကျနော်တို့ ဆွေးနွေးခဲ့ပါတယ်။ (၁၉၉၁ မှာ နိုဗယ်ငြိမ်းချမ်းရေးဆုရခဲ့တဲ့ ဒေါ်အောင်ဆန်းစုကြည်ပေါ် အမှီပြုပြီး ၁၉၉၂ ဇူလိုင်လ ၁၉ ရက်နေ့မှာ စတင်ပေါက်လောက်လာခဲ့တဲ့ နော်ဝေးနိုင်ငံ အော်စလိုမြို့အခြေစိုက် DVB ဟာ အခုနှစ် ဇူလိုင် ၁၉ အာဇာနည်နေ့မှာ နှစ် ၂၀ သက်တမ်းပြည့်မှာ ဖြစ်ပါတယ်။) ကျနော်မှတ်မိသလောက် အဲဒီအချိန်မှာ ကျနော်ဟာ တောင်ပိုင်းဒေသ ဗလဖရဲ့ဲ ပြန်ကြားရေးတာဝန်ခံအဖြစ် တာဝန်ယူထားပြီး ရတဲ့သတင်းတွေအားလုံးကို ဆက်သွယ်ရေးစက်တွေကနေ တဆင့် ဗဟိုပြန်ကြားရေးဌာနဆီ နေ့စဉ်ပို့ပေးနေတဲ့အချိန် ဖြစ်ပါတယ်။ ဒီအတွက် ဗဟိုပြန်ကြားရေးတာ ဝန်ခံလည်းဖြစ်၊ DVB ဆိုင်ရာ ABSDF ကိုယ်စားလှယ်လည်းဖြစ်တဲ့ ကိုခင်မောင်ဝင်းက ကျနော်အပါဝင် ဒေသအသီးသီးက ပြန်ကြားရေးတာဝန်ခံတွေကို သီးခြားခေါ်ယူပြီး DVB ဆီ သတင်းပေးပို့ရေးကိစ္စ အသေးစိတ် ဆွေးနွေးခဲ့ပါတယ်။

ABSDF လှုပ်ရှားမှုသတင်း၊ မဟာမိတ်လှုပ်ရှားမှုသတင်း၊ တိုက်ပွဲသတင်း၊ လူ့အခွင့်ရေးချိုးဖောက်မှုသတင်းတွေကို စုဆောင်းပေးပို့တဲ့အခါ အရင်လို အချက်အလက် အကြမ်းထည်အတိုင်း မပို့ဘဲ သတင်းတပုဒ်အဖြစ် အသေချာရေးပြီးမှ သတင်းထောက်အမည် တခုခုတပ်ပြီးပေးဖို့ ကိုခင်မောင်ဝင်းက ပြောပါတယ်။ ဒီအတွက် ဒေသတခုချင်းအလိုက် သတင်းထောက်အမည် (တချို့ကတော့ ကလောင်အမည်လို့ခေါ်ကြပြီး ဒီလို ဒေသအလိုက်အတွက် အမည်ပေးတာဟာ DVB ရဲ့ ထူးခြားမှုလို့ ဆိုနိုင်ပါတယ်) တွေကို ရွေးချယ်ကြပါတယ်။ တောင်ပိုင်း ပြန်ကြားရေးတာဝန်ခံ ကျနော်လည်း ဘာအမည် ရွေးရမှန်းမသိတာနဲ့ ပြည်တွင်းမဂ္ဂဇင်းတွေမှာ ကြားဖူးသလိုလိုရှိတဲ့ “ထက်အောင်ကျော်” ဆိုတဲ့ အမည်ကို အဆိုတင် လိုက်ပါတယ်။ အဲဒီ အမည်ဟာ တနေ့နေ့မှာ ကိုယ့်အမည်ဖြစ်လာလိမ့်မယ်လို့ လုံးဝမျှော်လင့် မထားခဲ့ပါ။ တကယ်ကတော့ ဒေသအသီးသီးအတွက် ဒီလိုသတင်းထောက် အမည်တွေ မရွေးခင်ကတည်းက ဗဟိုပြန်ကြားရေး တာဝန်ခံ ကိုခင်မောင်ဝင်းက ”ဘမောင်ဇင်”၊ ABSDF သတင်းတွေအားလုံးကို တည်းဖြတ်ပြီး DVB အတွက် အဓိက ပို့ပေးနေသူ ဗဟိုသုတေသနဌာနမှူး ကိုခင်သန်းက ”မောင်ပိုင်ထွန်း” အပါဝင် တခြား ကလောင်အမည် ၂ ခုလောက်နဲ့ သတင်းတွေ ရေးသားပေးပို့နေခဲ့ပြီး ဖြစ်ပါတယ်။

အဲဒီအချိန်ထိ DVB ဟာ တောထဲကနေ ကျနော်တို့ ရေးပို့လိုက်တဲ့သတင်းတွေကို ပြန်ဖတ်တာ၊ Bangkok Post နဲ့ The Nation  က မြန်မာသတင်းတွေကို ဘာသာပြန်ပြီး ပြန်ဖတ်တာကိုပဲ အဓိကထား လုပ်နေရတဲ့ အဆင့်မှာပဲရှိပါသေးတယ်။ အဲဒီကာလက အခုခေတ်လို ကွန်ပြူတာ၊ အင်တာနက်ကနေ သတင်းပို့တာ၊ ဒစ်ဂျစ်တယ်နဲ့ အသံလွှင့်နိုင်တာမျိုးတွေ မရှိသေးဘဲ တိတ်ခွေတွေနဲ့ သွားနေရဆဲဖြစ်ပါတယ်။ ရှေ့တန်းဒေသအသီးသီးက သတင်းတွေကို ရှေ့တန်း ပြန်ကြားရေး တာဝန်ခံတွေက နောက်တန်းရှိ ကျနော့်ဆီ ဆက်သွယ်ရေးစက်ကနေ တဆင့်ပေးပို့၊ အဲဒီသတင်းတွေကိုမှ ပြန်စုပြီး ကျနော်က ထပ်မံပြင်ဆင်ရေးသား၊ ပြီးတော့မှ မင်းသမီးစခန်းကနေ ဗဟိုဌာနချုပ်ဆီ ဆက်သွယ်ရေးစက်နဲ့ပို့၊ ဗဟိုကမှတဆင့် Fax ထိုးပြီး ဘန်ကောက်ရုံးကိုပို့၊ ဘန်ကောက်ကမှတဆင့် အော်စလို DVB ရုံးက ဖုန်းခေါ်လာတဲ့အချိန်မှာ Fax နဲ့ ပို့ပေးရတဲ့ အသံမပါတဲ့ အသံလွင့်ဌာန ခေတ်ဦးပိုင်းမီဒီယာ အခြေနေမျိုး ဖြစ်ပါတယ်။

တော်လှန်မီဒီယာ ခေတ်ဦးပိုင်း စိတ်လှုပ်ရှားဖွယ် သူပုန်သတင်းထောက်ဘဝ

မယ်ဟောင်ဆောင်မြို့မှာ ကျင်းပတဲ့ အခြေခံ သတင်းထောက်သင်တန်းအပြီး IMMF မှ သင်တန်းဆရာနဲ့ ကျောင်းသားများ အမှတ်တရ

ကျနော် မှတ်မိသလောက်ဆိုရင် ဝင်းထိန်ကနေ ထက်အောင်ကျော်အဖြစ် တရားဝင်သတ်မှတ်တဲ့နေ့ဟာ ၁၉၉၈ နွေရာသီတုန်းက မယ်ဟောင်ဆောင်မှာ ကျင်းပတဲ့ မီဒီယာသင်တန်းမှာလို့ ထင်ပါတယ်။ “ကျန်တဲ့သူတွေက အမည်ရင်းတွေနဲ့ ပြန်လုပ်ကြပေမယ့် ခင်ဗျားကိုတော့ ထက်အောင်ကျော်အဖြစ် ပရိသတ်က သိပြီးသားဆိုတော့ အဲဒီအမည်ကိုပဲ ဆက်ယူစေချင်ပါတယ်” ဆိုပြီး ABSDF ခေါင်းဆောင်တဦးလည်းဖြစ်၊ သင်တန်း တာဝန်ရှိသူတဦးလည်းဖြစ်တဲ့ ကိုစိုင်းမြင့်သူ (အခုချိန်ထိ NDD မှာ တာဝန် ထမ်းဆောင်နေဆဲ) က အကြံပြုတဲ့အတွက် ဒီလိုဖြစ်လာတာလို့လည်း ပြောနိုင်ပါတယ်။ မင်းသမီးစခန်း ကျပြီးကာစ၊ ဘန်ကောက်ကို ရောက်ကာစ၊ တနည်းအားဖြင့် တောတွင်းသတင်းထောက်ကနေ မြို့ပေါ် သတင်းထောက်ဖြစ်ကာစမှာ ပထမဆုံးတက်ဖူးတဲ့ သင်တန်းကတော့ IMMF (The Indochina Media Memorial Foundation) နဲ့ DVB ဖွင့်လှစ်တဲ့ ၂ ပတ်ကြာ  အခြေခံ အသံလွှင့်သတင်းထောက်သင်တန်း ဖြစ်ပါတယ်။

မြန်မာနိုင်ငံမှာတုန်းက သတင်းစာပညာဆိုတာကို နကန်းတလုံးမှ နားမလည်ဘဲနဲ့ တောထဲမှာ နေရင်းထိုင်ရင်း သတင်းထောက်ဖြစ်လာတဲ့ ကျနော်အဖို့တော့ ဒီသင်တန်းဟာ တကယ့်ကို အရေးကြီးပါတယ်။ သင်တန်းပို့ချတဲ့ အနောက်တိုင်း ဝါရင့်သတင်းစာဆရာတွေနဲ့ တွေ့တော့မှပဲ ကိုယ်ပို့နေသမျှ သတင်းအတော်များများဟာ “ဝါဒဖြန့်ချိရေး” ဆန်နေမှန်းသိလာခဲ့ပြီး ဝါဒဖြန့်တာနဲ့ “သတင်းစစ်စစ်” ကို ကွဲကွဲပြားပြား သိလာခဲ့ပါတယ်။

တချိန်တည်းမှာပဲ မြန်မာနိုင်ငံပညာရေးစနစ်ထဲမှာ သတင်းစာပညာ သင်ရိုးညွှန်တမ်း မရှိတဲ့အဖြစ်ကိုလည်း စိတ်နာမိပါတယ်။ ကျနော်တို့ ကျောင်းတက်စဉ်ကတော့ လုပ်သားပြည်သူ့ နေ့စဉ်သတင်းစာနဲ့ လစဉ်ထုတ် မဂ္ဂဇင်းတွေကလွဲပြီး တခြား မီဒီယာတွေမရှိသေးဘဲ လုံးချင်း အချစ်ဝတ္ထုတွေ ခေတ်အစားဆုံး အချိန်ဖြစ်ပါတယ်။ တက္ကသိုလ်ဝန်းကျင်မှာတော့ စာပေဝါသနာပါသူတွေ စုပေါင်းပြီး ထုတ်ဝေတဲ့ ကဗျာစာအုပ်ငယ်လေးတွေ ခေတ်စားခဲ့ပါတယ်။ ဒါကြောင့် ကဗျာတွေ၊ စာတွေကို စိတ်ဝင်စားသူအများစုဟာ မြန်မာစာကို ယူကြတယ်လို့သိရပါတယ်။

ဒါပေမယ့် ကျနော်ကိုယ်တိုင်ကတော့ စာရေးတာကို ဝါသနာပါလို့ မြန်မာစာကို ယူတယ်ဆိုတာထက် ဆယ်တန်းအောင်မှတ်က အသက်မွေးဝမ်းကျောင်း တက္ကသိုလ်တွေကို မမှီလို့ မြန်မာစာကိုယူ လိုက်ရတာဆိုရင် ပိုမှန် မယ်ထင်ပါတယ်။ တက္ကသိုလ် ၅ နှစ်တာကာလအတွင်း ကဗျာတွေ၊ ဆောင်းပါးတွေရေးပြီး မဂ္ဂဇင်းမျိုးစုံကို ပို့ဖူးခဲ့ပေမယ့် တခါမှ ပုံနှိပ်ဖော်ပြ ခံရခြင်း မရှိခဲ့ပါဘူး။ စာပေလုပ်သားအဖွဲ့ဝင်ဖြစ်သွားတဲ့ မြန်မာစာမေဂျာက ရေးဖော်သူငယ်ချင်းတဦးကတော့ ကိုယ်ယုံကြည်တဲ့အတိုင်း လျှောက်မရေးဘဲ အယ်ဒီတာအကြိုက်၊ ထုတ်ဝေသူအကြိုက် ပေါ်လစီဆောင်းပါးတွေ၊ ကဗျာတွေရေးဖို့၊ အဲဒီလိုရေးပြီး ပုဒ်ရေ ၁၀ ကျော်ပါမှ စာပေလုပ်သားဖြစ်မယ်လို့ အကြံပေးခဲ့ဖူးတာကို အမှတ်ရနေပါတယ်။ ဒါပေမယ့် အဲဒီကတည်းက သူပုန်စိတ်ဝင်နေသလား မပြောတတ်ပါဘူး။ ကိုယ်ထင်တာ ကိုယ်ရေးတဲ့ဉာဉ်ကို မစွန့်နိုင်တဲ့အတွက် ထားဝယ်ကောလိပ်နဲ့ မော်လမြိုင်တက္ကသိုလ်မှာ ၃ ကျပ်တန် ကဗျာစာအုပ် ၂ အုပ်လောက် ထုတ်ဝေဖူူးတာကလွဲရင် ပုံနှိပ်ဖော်ပြခံရတဲ့စာမျိုး ရေးသားနိုင်ခဲ့ခြင်း မရှိခဲ့ပါ။

တခါ တောထဲရောက်တော့လည်း ကလောင်စွမ်းပြချင်သူ အတော်များများက “ဒေါင်းအိုးဝေ” မှာ အပြိုင်အဆိုင် ရေးနေကြပေမယ့် ကျနော်က မရေးဖြစ်ခဲ့ပါ။ ကျနော်မှတ်မိသလောက်ဆိုရင် ၁၉၉၃ နှောင်းပိုင်း ပင်လယ်ပြင်စစ်ကြောင်းမှာ တာဝန်ယူနေစဉ်အတွင်း ရေးသားခဲ့တဲ့ “သစ်မရမီ ဝါးပေါင်းကွပ်ခြင်း” ဆိုတဲ့ ဆောင်းပါးတပုဒ်ပဲ ဒေါင်းအိုးဝေမှာ ပါခဲ့ဖူးပါတယ်။ မာနယ်ပလောအခြေစိုက် DAB နဲ့ တပ်ပေါင်းစု အင်အားအကောင်းဆုံးချိန်မှာ တပ်ပေါင်းစုမူကိုပယ်ပြီး စစ်အစိုးရနဲ့ အပစ်ရပ်သွားတဲ့ KIO ကို ဝေဖန်တဲ့ ဆောင်းဖြစ်ပါတယ်။

အနှစ်ပြန်ချုပ်ရရင်တော့ ဆောင်းပါးလည်း အသေချာမရေးဖူး၊ မီဒီယာအကြောင်းလဲ ဘာမှမသိ၊ စာပေအသိုင်းဝိုင်းနဲ့လည်း မနီးစပ်ဖူးတဲ့ကျနော်ဟာ တတ်သိနားလည်လို့ သတင်းထောက် ဖြစ်လာတာမဟုတ်ဘဲ တော်လှန်ရေး တာဝန်တရပ်အနေနဲ့ DVB သတင်းထောက်တာဝန်ကို ယူလိုက်တယ် ဆိုတဲ့သဘောပါ။

 ဒီဗွီဘီ အစောပိုင်းကာလကတွေ့ရတဲ့ တောတွင်းစတူဒီယိုတခု

မယ်ဟောင်ဆောင်က သတင်းထောက်သင်တန်းကို ရောက်နေသူ အားလုံးဟာလည်း ကျ နော့်လိုပဲ ဂျာနယ်လစ်ဇင်ဆိုတာကို မြန်မာနိုင်ငံက ကျောင်းတွေမှာ တခါမှ မသင်ဖူးခဲ့တဲ့ လူတွေလို့ ထင်ပါတယ်။ ဒါပေမယ့် သင်တန်းသားတွေထဲ ပါလာတဲ့ ကိုအောင်ဇော်ကတော့ ချွင်းချက်ဖြစ်နိုင်ပြီး အဲဒီ အချိန်ကတည်းက သူဟာ Bangkok Post နဲ့ The Nation မှာ အင်္ဂလိပ်ဘာသာနဲ့ ဆောင်းပါးတွေ ရေးနေသူ၊ RFA သတင်းထောက်အဖြစ် တာဝန်ထမ်းနေသူ၊ Irrawaddy စာစောင်ကို အင်္ဂလိပ် ဘာသာနဲ့ ထုတ်ဝေနေသူ ဖြစ်ပါတယ်။ “အောင်ဇော်ဆိုတာ ဦးတင့်ဇော်တို့အရွယ် တက္ကသိုလ်က ကျောင်းဆရာကြီးတဦးလို့ပဲ ထင်ထားတာ” ဆိုပြီး ကျနော်ကပြောတော့ သင်တန်းသားအားလုံး ဝိုင်းရယ်ကြတာကို မှတ်မိနေပါသေးတယ်။ အဲဒီအချိန်မှာ ဗကသခေါင်းဆောင်ဟောင်း တက္ကသိုလ်ဆရာတဦးဖြစ်သူ ဦးတင့်ဇော်ဟာလဲ RFA သတင်းထောက်အဖြစ် သတင်းပို့နေသူ ဖြစ်ပါတယ်။

“အင်္ဂလိပ်လိုရေးဖို့ ဘာမှတွန့်မနေနဲ့။ ခင်ဗျားပြောချင်တာကို ခင်ဗျားနားလည်သလိုသာ လိုတိုရှင်း ချရေးလိုက်ပါ။ ခင်ဗျားဆိုလိုရင်းကို အယ်ဒီတာ နားလည်ဖို့က အဓိကပဲ” လို့ ကိုအောင်ဇော်က ပြောပါတယ်။ ဆိုလိုတာကတော့ အင်္ဂလိပ်လို ဆောင်းပါးရေးတာကို တက္ကသိုလ်က ပါမောက္ခတွေ၊ ကထိကတွေ၊ ပညာရှင်တွေသာ လုပ်နိုင်တဲ့အလုပ်၊ ပညာတပိုင်းတစနဲ့ တော်လှန်ရေးထဲ ပါလာတဲ့၊ အင်္ဂလိပ်စာကို ဘုန်ကြီးကျောင်းလေသံနဲ့ ပြောနေတဲ့ကျနော်တို့လို “ဘဂဝါ အင်္ဂလိပ်စာသမား” တွေ မလုပ်နိုင်ဘူးလို့ ထင်နေခဲ့တဲ့ ကျနော်ရဲ့တွေဝေမှုတွေကို သူက အားပေးခဲ့တာပါ။

အင်္ဂလိပ်ဘာသာနဲ့ သတင်း၊ ဆောင်းပါး ရေးတယ်ဆိုတာဟာ ပညာရှင်တွေ စာတန်းပြုစုသလို ပညာရပ်ဆိုင်ရာ စကားလုံးကြီးကြီးတွေနဲ့ ရေးတာမျိုးမဟုတ်ဘဲ ကိုယ်ပြောချင်တဲ့ အဓိကအချက် စာဖတ်သူဆီရောက်ဖို့က အဓိကပါ။ “Perfect ဖြစ်မှရေးမယ်၊ Perfect ဖြစ်မှ လုပ်မယ်ဆိုပြီး စောင့်နေရင် ခင်ဗျား ဘယ်တော့မှရေးဖြစ်၊ လုပ်ဖြစ်မှာတော့မှာ မဟုတ်ဘူး” ဆိုတဲ့ ကိုအောင်ဇော်ရဲ့ စကားက ကျနော့်အတွက် တွန်းအားဖြစ်စေခဲ့ပါတယ်။

ဒီသင်တန်းအပြီးမှာတော့ ကျနော်ဟာ ဘန်ကောက်အခြေစိုက် DVB သတင်းထောက်အဖြစ် အချိန်ပြည့် တာဝန်ထမ်းခဲ့ပြီး အင်္ဂဘာသာနဲ့ ဆောင်းပါးတွေလည်း စရေးဖြစ်ခဲ့ပါတယ်။ ဒီလိုပြောလိုက်လို့ အခုခေတ် DVB သတင်းထောက်တွေလို ကိုယ်ပိုင်ရုံးခန်းတွေ၊ ကိုယ်ပိုင်ကွန်ပြူတာတွေ၊ ကိုယ်ပိုင် လက်ကိုင်ဖုန်းတွေနဲ့ အလုပ်လုပ်နေတယ်လို့ မထင်လိုက်ပါနဲ့။ ရတဲ့ထောက်ပံ့ကြေးက တလမှ ဘတ် ၃၀၀၀ နဲ့ ၅၀၀၀ အကြား၊ အဲဒီငွေနဲ့ နေစရိတ်၊ စားစရိတ်၊ ခရီးစရိတ်၊ တယ်လီဖုန်းစရိတ် အကုန်လုံး လောက်အောင်သုံးဖို့ဆိုတာ ဘယ်လိုမှ မလွယ်ပါ။

ဒီတော့ နေတာက ဘန်းကပိ the Mall ကုန်တိုက်အနီးရှိ ABSDF ရဲ့ ထောက်ပံ့ရေးရုံးခန်း (ABSDF ရုံးခန်းတွေဟာ လူနေဆောင်လည်း ဖြစ်ပါတယ်)၊ သုံးတာက ရုံးတယ်လီဖုန်းနဲ့ ဖက်စ်ဖြစ်ပြီး ဖုန်းဘေလ်တွေကို တာဝန်ယူ ရှင်းပေးရပါတယ်၊ ရုံးမှာ ကွန်ပြူတာ ရှိပေမယ့် သုံးချင်သူများလွန်းလို့ တန်းစီစောင့်ရတဲ့အပြင် အဲဒီကာလက ကွန်ပြူတာလည်း မသုံးတတ်သေးပါ။ ဒီတော့ DVB ဘန်ကောက်ရုံး တာဝန်ခံ ကိုဘမောင်ဇင် ထုတ်ပေးထားတဲ့ မီဒီဒစ် ကက်ဆက်တလုံးနဲ့ အင်တာဗျုးလုပ်၊ ပြီးရင် အဲဒီထဲမှာပဲ တခါတည်းအသံတွေကို အကြမ်းတည်းဖြတ်၊ လိုတဲ့အသံတွေကို နံပတ်စဉ်မှတ်ပြီး အော်စလိုရုံးက ဖုန်းခေါ်လာတဲ့အချိန်မှာ DVB မူပိုင် အပေါက်ဖောက်ထားတဲ့ တယ်လီဖုန်းကို ဝိုင်ယာကြိုးအသွယ်သွယ်နဲ့ ဂျွိုင်းပြီး ဒီတိုင်းပို့ရတဲ့ဘဝပါ။

ဘန်ကောက်မှာ တာဝန်ထမ်းနေစဉ် ကာလအတွင်း စိတ်လှုပ်ရှားဖွယ် အကောင်းဆုံးကြုံလိုက်ရတဲ့ သတင်းကြီး ၂ ခုကတော့ စွမ်းအားမြင့် စစ်သည်တော်များအဖွဲ့ VBSW က မြန်မာသံရုံးကို ဝင်စီးမှုနဲ့ God Army က ရတ်ချပူရီဆေးရုံကို ဝင်စီးမှုတွေပဲ ဖြစ်ပါတယ်။ လွတ်လပ်တဲ့ သတင်းသမားတဦးရဲ့ Professional media ethic နဲ့ အတိုက်အခံ ရေဒီယိုရဲ့သတင်းထောက်၊ သူပုန်တဖြစ်လဲ သတင်းထောက်တဦးရဲ့ အတိုက်အခံဖက်ကို ဘက်လိုက်ချင်တဲ့ Activist ဆန်တဲ့ အားပြိုင်မှုတွေကို တကယ်စမ်းသပ်တဲ့ သတင်း ၂ ပုဒ်လို့လည်း ဆိုနိုင်မယ်ထင်ပါတယ်။

အထူးသဖြင့် ဘန်ကောက်သံရုံးကို စီးနင်းထားချိန် VBSW ခေါင်းဆောင် ကိုဂျော်နီ (ABSDF တပ်ဖွဲ့ဝင်ဟောင်း၊ ၂၀၀၂ ခုနှစ် နှောင်းပိုင်းမှာ လုပ်ကြံခံရသလိုလိုနဲ့ ပျောက်ဆုံးသွားသူ) နဲ့ ကျနော်ရလိုက်တဲ့ Exclusive တယ်လီဖုန်း အင်တာဗျူး၊ ကိုဂျော်နီတို့အဖွဲ့ ရဟတ်ယာဉ်စီးပြီး သံရုံးကနေ နယ်စပ်က God Army စခန်းဆီ ထွက်ခွာသွားတဲ့ Live သတင်းပေးပို့ချက်တွေဟာ အထက်ဖော်ပြပါ အားပြိုင်မှုကို အထင်းသား ပေါ်လွင်စေခဲ့ပါတယ်။ ဒါကြောင့်လည်း သူပုန်ဖက်ကိုယိမ်းတဲ့ သူပုန်အားပေး သတင်းထောက်အဖြစ် ပြင်းထန်တဲ့ ဝေဖန်မှုတွေ ခံခဲ့ရဖူးတာကို ကျနော် အမှတ်ရ နေဆဲဖြစ်ပါတယ်။

Posted in: ABSDF