Saturday, December 15, 2012

သူပုန္ေက်ာင္းသားတဦးရဲ့ မာရသြန္ခရီး ၄၄

ဧရာ၀တီ။

စစ္ေျမျပင္မွာ သတင္းယူျခင္း

စစ္ပူလုိ႔ ဒီလုိရႈပ္ရွက္ခတ္ေနတဲ့ၾကားထဲ ဗီဒီယုိကင္မရာတလုံးကုိင္ၿပီး က်ေနာ္တို႔စခန္းဆီ ေရာက္လာသူက ကုိေအာင္မ်ဳိးမင္း (အခု လူ႔အခြင့္ေရးပညာေပးဌာန-ျမန္မာႏိုင္ငံ [HREIB] ညႊန္မႉး)။ အဲဒီအခ်ိန္ကေတာ့ သူဟာ က်ေနာ္တို႔ အမွတ္ ၁ တပ္ရင္းရဲ႕ တပ္ဖြဲ႔၀င္တဦးျဖစ္တဲ့အျပင္ DVB သတင္းေထာက္အျဖစ္လည္း စတင္တာ၀န္ထမ္းေနၿပီလို႔ ထင္ပါတယ္။

 ေပါင္းစည္းေရး ညီလာခံအၿပီးမွာ ေတာင္ပုိင္းစစ္ေဒသ ေခါင္းေဆာင္အျဖစ္ တာ၀န္ေပးခံရသူ ကိုေဌးေအာင္ (၀ဲဘက္အစြန္ဆုံး) ကုိ ဥကၠ႒ ကုိႏိုင္ေအာင္နဲ႔အတူ ေတြ႔ရစဥ္

ဘန္ေကာက္အေျခစိုက္ NGO ေတြ၊ မီဒီယာေတြနဲ႔ ပူးေပါင္းေဆာင္ရြက္ေနၿပီး မင္းသမီးစစ္ေျမျပင္ဆီ ႏိုင္ငံျခားသတင္းေထာက္ေတြ ၀င္ခြင့္မရလို႔ သူ၀င္လာတာျဖစ္တယ္၊ ေရွ႕တန္းကပုံေတြ လုိခ်င္တယ္၊ ဒါဟာ ABSDF တခုလုံးအတြက္ျဖစ္တယ္၊ ဒီပုံေတြကုိ သူယူသြားၿပီးျပႏိုင္မွ မင္းသမီးေဒသက စစ္ပဲြအေျခေနကို တမာၻလုံးက သိႏိုင္မယ္ဆုိၿပီး ကိုေအာင္မ်ဳိးမင္းက ရွင္းျပပါတယ္။ သူရဲ့ရွင္းျပခ်က္ကုိ စစ္ေဒသ ေကာ္မတီ၀င္အားလုံးက လက္ခံတဲ့ အတြက္ သူကုိေရွ႕တန္းရွိ ကုိဆလုိင္းေယာေအာင္တို႔ တပ္ေတြရွိရာ ဆင္ျဖဴတုိင္အထိ လုိက္ပုိ႔ေပးေရးတာ၀န္ဟာ ျပန္ၾကားေရးတာ၀န္ခံ က်ေနာ္အေပၚ က်လာပါတယ္။


စစ္ျမင္ျပင္ဆီ သတင္းသြားယူမွာဆုိေတာ့ ဒုကၡသည္စခန္းဆီ သြားသလုိမ်ဳိး ဒီတုိင္းထသြားလို႔ မျဖစ္။ ဒီေတာ့ ကိုရဲမင္းေအာင္ (အခု ဖင္လန္ႏိုင္ငံ) ဦးစီးတဲ့ တပ္စိပ္တစိပ္ကိုေခၚၿပီး ေလွတဆင့္၊ ကားတဆင့္နဲ႔ ဆင္ျဖဴတုိင္ရွိ က်ေနာ္တို႔တပ္ေတြဆီသြားၿပီး သတင္းယူဖို႔ ျပင္ရပါတယ္။ အဲဒီအခ်ိန္မွာ ဆင္ျဖဴတုိင္နဲ႔ လယ္ေအာ္ဖက္အထိ န၀တတပ္ေတြက ေရာက္ေနၿပီး က်ေနာ္တို႔တပ္ေတြနဲ႔ ရင္ဆုိင္တုိက္ပဲြေတြျဖစ္ ေနပါၿပီ။ KNU ဆီ ကား
အကူညီေတာင္းေတာ့ က်ေနာ္တို႔အဖြဲ႔ကုိ ဆင္ျဖဴတုိင္ဆီ စစ္ကူသြားမယ့္အဖြဲ႔ထင္ၿပီး 4-Wheel ကားတစီး ခ်က္ခ်င္းလႊတ္ကာ အမိုေက်းရြာအထိ လုိက္ပုိ႔ေပးပါတယ္။ အမိုေရာက္ေတာ့ ရြာထဲမွာလူေတြ သိပ္မရွိေတာ့။ အကုန္လုံးနီးပါး ထုိင္းနယ္စပ္ဘက္က ေဘာတီေက်းရြာနဲ႔ က်ေနာ္တို႔ စခန္းအနီးက ထီးထာရြာေတြဘက္ ေျပးသြားၿပီလို႔ သိရပါတယ္။

ရြာလယ္ရွိ KNLA တပ္ရင္း ၁၀ တပ္ေထာက္ဗုိလ္ႀကီးရဲ့ အိမ္မွာ ခဏတည္းၿပီးတဲ့ေနာက္ စက္ေလွတစီးနဲ႔ တပ္ရင္း ၁၀ ဌာနခ်ဳပ္ရွိရာ အမိုေဟာင္းရြာဆီ က်ေနာ္တို႔ တပ္စိပ္ေရာက္လာပါတယ္။ စစ္ပူကာလဆုိေတာ့ ေသနတ္ေတြကုိင္ၿပီး ယူနီေဖာင္းအျပည့္အစုံနဲ႔ ေရာက္လာတဲ့ က်ေနာ္တုုိ႔အဖြဲ႔ကုိ စစ္ကူလာတဲ့အဖြဲ႔ခ်ည္း အားလုံးက ထင္ေနလို႔ မနည္းရွင္းျပေနရပါတယ္။
ABSDF ၂၀၃ တပ္ရင္းမွ တပ္မႉးေဟာင္းတဦး KNU ဆီ ေျပာင္းၿပီး တပ္ရင္း ၁၀ ဌာနခ်ဳပ္မွာ ရိကၡာမႉးျဖစ္ေနတဲ့အတြက္ ဒီတုိက္ပဲြ မတုိင္မီကတည္းက တပ္ရင္း ၁၀ စခန္းဆီ က်ေနာ္ ႏွစ္ေခါက္ေလာက္ လာေရာက္လည္ပတ္ဖူးပါတယ္။

 
ေတာင္ပုိင္းစစ္ေဒသ တာ၀န္ခံ ကိုေဌးေအာင္နဲ႔ ေကာ္မတီ၀င္တခ်ဳိ႕ကုိ ေပါင္းစည္းေရးညီလာခံ ရွင္းလင္းပဲြအတြင္း ေတြ႔ရစဥ္

တနသၤာရီျမစ္ကမ္းတေလွ်ာက္မွာ အိမ္ေထာင္သည္လုိင္း ထားရွိၿပီး အေပၚခမ္းလွမ္းလွမ္းမွာေတာ့ စစ္ေရးျပကြင္းနဲ႔ တပ္ရင္းရံုးကုိ စနစ္တက်ထားရွိတာ ေတြ႔ရပါတယ္။ က်ေနာ္နဲ႔သိတဲ့ KNU တပ္မႉးငယ္တခ်ဳိ႕၊ ရဲေဘာ္တခ်ဳိ႕က က်ေနာ္တို႔အဖဲြ႔ကို တပ္ရင္းရုံးဆီ လုိက္ပုိ႔ေပးတဲ့အတြက္ အဲဒီမွာ တပ္ရင္း ၁၀ မႉး ဗုိလ္မႉးႀကီးကက္နက္နဲ႔ စကားေျပာခြင့္ရပါတယ္။
ပထမပုိင္းမွာေတာ့ ဒီေလာက္စစ္ပူေနတဲ့ၾကားထဲ စစ္ကူလာတာ မဟုတ္ဘဲ သတင္းလာေမးတဲ့အဖြဲ႔ ျဖစ္ေနတာကို သူလည္း သိပ္သေဘာက်ပုံမရ။ ဒါေပမယ့္ ထား၀ယ္စကားနဲ႔ နႈတ္ဆက္လုိက္ေတာ့ သူ ၿပံဳးၿပံဳးရႊင္ရႊင္ျဖစ္လာၿပီး က်ေနာ့္ကို DVB သတင္းေထာက္မွန္း မွတ္မိသြားပါတယ္။ KNU တပ္မႉးေတြထဲမွာ ထား၀ယ္သား အေတာ္မ်ားမ်ားရွိေပမယ့္ ကရင္စကားနဲ႔ ဗမာစကားကိုသာ အသုံးမ်ားလို႔ ထား၀ယ္သားမွန္း အခ်င္းခ်င္း သိပ္မသိၾကပါ။

က်ေနာ္ မွတ္မိသေလာက္ဆုိရင္ ရင္း ၁၀ တပ္ရင္းမႉး ဗိုလ္မႉး ကက္နက္၊ စစ္ေၾကာင္းမႉး ဗိုလ္မႉးဒါးေက်ာ္ (အခု တပ္မဟာ ၄ မႉး)၊ ေဆးတပ္ဆြယ္မႉး ဗုိလ္လက္၀ါးတို႔ ၃ ဦးကလဲြရင္ က်န္တဲ့ ထား၀ယ္-ကရင္ တပ္မႉးေတြ၊ ပဒုိေတြ ထား၀ယ္စကားေျပာတာ သိပ္ၾကားရ ေလ့မရွိပါဘူး။
ထား၀ယ္စကားနဲ႔ အဲဒီလုိေျပာလို႔ အဆင္ေျပတဲ့အခါမွာေတာ့ စစ္ပဲြအေျခေနကို ျပင္ပမီဒီယာက သိခြင့္ရဖို႔ အေရးႀကီးတဲ့အေၾကာင္း၊ ႏိုင္ငံျခားသတင္းေထာက္ေတြ ၀င္ခြင့္ကုိ ထုိင္းနယ္စပ္ရွိ တပ္မ ၉ က ပိတ္ထားတ့ဲ့အတြက္ သူတို႔ကိုယ္စား ကိုေအာင္မ်ဳိးမင္း ၀င္လာတာျဖစ္ေၾကာင္း၊ ဗီဒီယုိမွတ္တမ္း ႐ုိက္ခ်င္ေၾကာင္း အေသအခ်ာ တင္ျပေတာ့ ဗုိလ္ကက္နက္က က်ေနာ္တို႔အဆုိကုိ လက္ခံလုိက္ပါတယ္။
မီးစိမ္းျပတာနဲ႔ ကုိေအာင္မ်ဳိးမင္းက ကင္မရာထုတ္ၿပီး ဗုိလ္ကက္နက္ကုိ ခ်က္ခ်င္း ဗ်ဴးေတာ့တာပါပဲ။

က်ေနာ္လည္း ေဘးကေန ၀င္ေထာက္ေပးပါတယ္။ အဲဒီလုိေထာက္ၿပီး ေမးတဲ့ေမးခြန္းေတြထဲ ဒီထုိးစစ္ဟာ ထား၀ယ္ေရနက္ဆိပ္ကမ္း စီမံကိန္း၊ ကန္ခ်နပူရီ-ထား၀ယ္ ကားလမ္း စီမံကိန္းေတြနဲ႔ ဆက္စပ္ေနသလားဆုိတဲ့ အခ်က္ပါ၀င္တာကုိ က်ေနာ္အမွတ္ရေနပါတယ္။ 
ၿပီးေတာ့ ရင္းအရာခံဗုိလ္နဲ႔ ေနာက္တန္းရွိ ရဲေဘာ္ ၁၀ ဦးေက်ာ္ကုိ တပ္ရင္းေဘာလုံးကြင္းအတြင္း ေသနတ္ကုိင္ လမ္းေလွ်ာက္ခုိင္းၿပီး ဆက္ရုိက္ပါတယ္။

ဒီလိုရုိက္လို႔ေကာင္းတုန္း ဒီတပ္ရင္းရံုးရဲ့ အေရွ႕ဖက္ ၃ ကီလုိမီတာခန္႔ အကြာေလာက္က လက္နက္ႀကီးအသံေတြ ၾကားေနရပါတယ္။ သိပ္မၾကာပါဘူး။ လူနာေလွတစီး ရင္း ၁၀ ဂိတ္ဆီ ဆုိက္လာပါတယ္။ ဒီလူနာကို ဗီဒီယုိ ရုိက္ဖို႔ျပင္ေတာ့ KNU ဘက္က သိပ္မႀကိဳက္။ အေသအခ်ာ စဥ္းစားမယ္ ဆုိရင္ေတာ့ တုိက္ပဲြတခုမွာ ကိုယ့္ဘက္က ဒဏ္ရာရတဲ့ ရဲေဘာ္ပုံကုိ ဘယ္တပ္မႉးက မီဒီယာကုိ ျပခ်င္ပါ့မလဲ။
ဒါေပမယ့္ ႏိုင္ငံျခားသတင္းေထာက္ေတြနဲ႔ အလုပ္အတူတူလုပ္ေနတဲ့ ကိုေအာင္မ်ဳိးမင္းကေတာ့ ဒီလုိအခ်ိန္ကုန္ခံ စဥ္းစားေနပုံမရ။ သူ႔အလုပ္သူလုပ္တဲ့သေဘာနဲ႔ ဒဏ္ရာရ စစ္သည္ပုံကို ရေအာင္ရုိက္ယူသြားပါတယ္။

အဲဒီအခ်ိန္မွာ ေရွ႕က တုိက္ပဲြကလည္းျပင္းလာ၊ ဒဏ္ရာရသူကလည္း မ်ားလာတဲ့အျပင္ ရင္း ၁၀ ဌာနခ်ဳပ္ကုိေတာင္ စြန္႔ခြာရမယ့္ အေျခေနမ်ဳိးအထိ ျဖစ္လာႏိုင္တဲ့အတြက္ တပ္ရင္းမႉးနဲ႔အဖြဲ႔ အေတာ္အလုပ္ရႈပ္ကုန္ၿပီး က်ေနာ္တို႔တပ္စိပ္ကုိ ဘယ္သူကမွ ဂရုမစိုက္နုိ္င္ေတာ့ပါဘူး။ က်ေနာ္တို႔စီးလာတဲ့ ေလွကိုလည္း လူနာအေရးေပၚပုိ႔ဖို႔ ဆဲြသြားတဲ့အတြက္ က်ေနာ္တို႔မွာ ျပန္စရာေလွမရွိေတာ့။ အခ်ိန္ကလည္း ညေန ၅ နာရီေလာက္ရွိေနၿပီ။ က်ေနာ္တို႔ မူလလာစဥ္က စိတ္ကူးခဲ့တဲ့ ABSDF တပ္ေတြရွိရာ ဆင္ျဖဴတုိင္၊ လယ္ေအာ္ဘက္အထိသြားၿပီး သတင္းယူဖို႔ဆုိတာ ဘယ္လုိမွ မျဖစ္ႏိုင္ေတာ့ပါ။


စစ္ပူခ်ိန္မွာ ကတိတည္ဖို႔မလြယ္ပါ

ဒီလုိနဲ႔ ရင္း ၁၀ ဌာနခ်ဳပ္ကေန အမိုရြာဆီ ကုန္းေၾကာင္းေလွ်ာက္ျပန္ဖို႔ ဆုံးျဖတ္လုိက္ပါတယ္။ ကားလမ္းၾကမ္းအတုိင္း ျပန္လာလို႔ လမ္းမွားစရာ မရွိဘူးဆုိေပမယ့္ အေျခေနက ပုံမွန္မဟုတ္။ ဆင္ျဖဴတုိင္ဘက္က န၀တတပ္ေတြ နယ္ကြ်ံၿပီး ဒီကားလမ္း၀န္းက်င္ဆီ ေရာက္လာႏိုင္သလုိ KNU ဖက္က စစ္ကူလုိက္လာတဲ့တပ္ေတြနဲ႔ လမ္းမွာတုိးၿပီး လူမွားပစ္ခံရႏိုင္တဲ့ အေျခအေန ရွိေနပါတယ္။
ကံေကာင္းေထာက္မစြာနဲ႔ ဘာတပ္နဲ႔မွ မတုိးဘဲ ည ၆ နာရီခြဲေလာက္ ေမွာင္စျပဳခ်ိန္မွာ အမုိရြာဆီ က်ေနာ္တို႔ တပ္စိပ္ ျပန္ေရာက္လာပါတယ္။ အသြားတုန္းက စခန္းခ်ခဲ့တဲ့ ရင္း ၁၀ တပ္ေထာက္ ဗုိလ္ႀကီးအိမ္ေဘးက အိမ္ေသးေသးတအိမ္မွာ စခန္းခ်ၿပီး တပ္ေထာက္ဗုိလ္ႀကီးအိမ္မွာပဲ ထမင္းေတာင္းစားရပါတယ္။


စစ္ပူကာလ ရွင္းလင္းပဲြဆီ တက္ေရာက္လာၾကတဲ့ တပ္မႉးမ်ားနဲ႔ ရဲေဘာ္မ်ား

ေန႔ခ်င္းျပန္ဆုိၿပီး ထြက္လာတဲ့အတြက္ က်ေနာ္တို႔မွာ ဆန္နဲ႔ရိကၡာေတြ ဘာမွ ပါမလာပါဘူး။ ေနာက္တေန႔ မုိးလင္းေတာ့ ေလွႀကံဳတစီးကုိတားၿပီး ကုိေအာင္မ်ဳိးမင္းနဲ႔အတူ က်ေနာ္နဲ႔ ရဲေဘာ္ ၃ ဦး လုိက္လာခဲ့ပါတယ္။ တပ္စုမႉး ကိုရဲမင္းေအာင္နဲ႔ အဖဲြ႔ကိုေတာ့ ေလွမဆံ့တဲ့အတြက္ အမိုမွာပဲ ခဏေနခဲ့ဖို႔၊ က်ေနာ္တို႔ စခန္းေရာက္ၿပီးမွ တပ္ရင္းေလွကုိ အႀကိဳလႊတ္လုိက္မယ္လို႔ေျပာၿပီး ဆင္းလာခဲ့ပါတယ္။

ဒါေပမယ့္ အမိုကေန ၁၅ မိနစ္ေလာက္ ေမာင္းၿပီးတာနဲ႔ ၀န္မ်ားလို႔ ေလွမႏိုင္ဘူး။ ရဲေဘာ္ေတြ ဆင္းေပးပါဆုိၿပီး ေလွသမားက ေဖာက္ပါေလေရာ၊ ေလွသမားကို ၾကည့္ရတာ မ်က္စိမ်က္နွာ အေတာ္ပ်က္ေနၿပီး န၀တ ထုိးစစ္ကုိ အလြန္ေၾကာက္ေနပုံရပါတယ္။ သူဟာ ဆင္ျဖဴတုိင္ဘက္ကေန ပစၥည္းေတြသယ္ၿပီး ထီးထာဘက္ ေျပးဆင္းလာစဥ္ KNU က တားကာ က်ေနာ္တို႔ကုိ ထည့္ေပးလုိက္တာ ျဖစ္ပုံရပါတယ္။ KNU ေရွ႕မွာ က်ေနာ္တို႔ကုိ လက္ခံလာေပမယ့္ အခု KNU တပ္မရွိတဲ့ ေနရာမွာေတာ့ က်ေနာ္တို႔ “က်ဳိးဖုိး တပ္” ကုိ ေၾကာက္ရြံ႕ပုံမျပဘဲ ေလွေပၚက ေမာင္းခ်ေနပါၿပီ။

အားနာတတ္တဲ့ ေမာင္က်ဳိးဖုိးေတြကလည္း နွစ္ခါမေျပာရပါဘူး။ “အေရးေပၚ သတင္းပုိ႔စရာရွိတဲ့သူကုိသာ ရေအာင္ သယ္သြားေပးပါ” လို႔ ေျပာၿပီး က်ေနာ္နဲ႔ ရဲေဘာ္ ၃ ဦး ေလွေပၚကဆင္း၊ မင္းသမီးစခန္းဆီ ကုန္ေၾကာင္းခရီးရွည္ ေလွ်ာက္ဖို႔ ျပင္လုိက္ပါတယ္။ အမုိနဲ႔ မင္းသမိီၾကား ေလွစီးၿပီး၊ ကားစီးၿပီး မၾကာခဏ က်ေနာ္သြားဖူးေပမယ့္ ကုန္းေၾကာင္းတခါမွ မေလွ်ာက္ဖူးပါ။ သစ္ေမာင္ခုိကားလမ္းရဲ႕ ဖုန္ထူထူကုိ ေနပူပူေအာက္မွာ ေလွ်ာက္ဖို႔ အားတင္းလုိက္ပါတယ္။ ဖုန္ထူ ေနပူတဲ့အျပင္ စစ္ကလဲ ပူခ်ိန္။ က်ေနာ္တို႔အင္အားကလည္း ၄ ဦးတည္းဆုိေတာ့ စိတ္ထဲမွာ သိပ္ဂဏာမၿငိမ္လွ။

သတိ ၀ိရိယႀကီးစြာနဲ႔ တနာရီနီးပါး ေလွ်ာက္ၿပီးခ်ိန္မွာေတာ့ စစ္ကူလုိက္လာတဲ့ KNU စစ္ေၾကာင္းႀကီးတခုနဲ႔ လမ္းမေပၚမွာ တည့္တည့္ႀကီး သြားတုိးပါတယ္။ က်ေနာ္တို႔မွာ ဘာဆက္သြယ္ေရးစက္မွ မပါတဲ့အတြက္ ဒီလမ္းေပၚ သူတို႔လာေနမွန္းလည္း ႀကိဳသိမထားပါဘူး။ ဒါေပမယ့္ ကံေကာင္းတာက စစ္ေၾကာင္းေရွ႕မွာ ဆုိင္ကယ္တစီး ေရွ႕ေျပးပါလာလို႔ ေတာ္ပါေသးတယ္။ “က်ဳိးဖုိး၊ က်ိဳးဖုိး” လို႔ ေအာ္ၿပီးေျပာေတာ့ ဆုိင္ကယ္စီး ကရင္ဗုိလ္က က်ေနာ့္ကုိ မွတ္မိသြားပါတယ္။

 စစ္ပဲြမျဖစ္မီေလး တပ္ရင္းစစ္ေရးျပကြင္းအတြင္း ေတြ႔ရတဲ့ အမွတ္ ၁ တပ္ရင္းမွ တပ္စုတခု

သူမ်ားေတြ ေရွ႕တန္းကုိ စစ္ကူသြားဖို႔ တက္လာခ်ိန္မွာ က်ေနာ္တို႔က အဲဒီေရွ႕တန္းကေန စစ္မတုိက္ဘဲ ျပန္လာသူေတြလုိ ျဖစ္ေနေတာ့ စိတ္ထဲမွာ သိပ္မလုံလွ။ ဒါေပမယ့္ ဒီစစ္ေၾကာင္းကို ဦးစီးလာတဲ့ ဗုိလ္ဒူးနာ (အခု ရင္း ၁၀ တပ္ရင္းမႉးလို႔ ထင္ပါတယ္) ဟာ အရင္ DAB စစ္ေၾကာင္းတုန္းက က်ေနာ္နဲ႔ ေတြ႔ဖူးသူျဖစ္တဲ့အျပင္ DVB သတင္းေထာက္မွန္းလည္း က်ေနာ့္ကုိ သိေနသူျဖစ္ပါတယ္။

သူတို႔တပ္ဖြဲ႔နဲ႔ ခဏ ရပ္စကားေျပာၿပီးတဲ့ေနာက္ “ေလွအဆင္မေျပလို႔ က်ေနာ္တို႔အဖဲြ႔ ကုန္းေၾကာင္းေလွ်ာက္ေနရတဲ့ အေၾကာင္း၊ တပ္ရင္းေလွ ဒီေန႔ပုိ႔ႏိုင္ဖို႔ အခ်ိန္မမီႏိုင္ေတာ့ေၾကာင္း” ပါ၀င္တဲ့ စာတုိတေစာင္ေရးၿပီး အမိုမွာ က်န္ေနတဲ့ ကုိရဲမင္းေအာင္တို႔ တပ္စိပ္ဆီ ပုိ႔ေပးဖို႔ ဗုိလ္ဒူးနာနဲ႔အတူ က်ေနာ္ေရးေပးလုိက္ပါတယ္။

ဒါေပမယ့္ ကံဆုိးခ်င္ေတာ့ စစ္ပူခ်ိန္မွာ အရင္လုိ ေအးေအးေဆးေဆး စာသြားေပးေနဖို႔ ဘယ္အခ်ိန္ရပါ့မလဲ။ အဲဒီစာကုိ သူလက္ခံရရွိျခင္း မရွိသလုိ ဗိုလ္ဒူးနာနဲ႔လည္း သူမေတြ႔လုိက္ရတဲ့အတြက္ အဲဒီေန႔ ညေနအထိ သူတို႔ ေလွေစာင့္ေနခဲ့ၾကေၾကာင္း။ အခ်ိန္မီ ေလွေပၚမလာလို႔ က်ေနာ္တို႔အေပၚ ကတိမတည္သူေတြအျဖစ္ သူျမင္ခဲ့ေၾကာင္း ကုိရဲမင္းေအာင္က ေနာက္ပုိင္းမွာ ျပန္ေျပာျပခဲ့ပါတယ္။


အေစာဆုံးေျပးဖို႔ တာ၀န္ေပးအပ္ျခင္းခံရသူ

က်ေနာ္တို႔ကေတာ့ ဒါေတြကိုမသိ၊ စာေပးခဲ့ၿပီးတဲ့ေနာက္ ဖုန္ထူထူ ေနပူပူကုိ ေနာက္ထပ္ တနာရီေက်ာ္ ထပ္ေလွ်ာက္ၿပီးတဲ့ အခါမွာေတာ့ ထီးထာရြာစပ္နားဆီ ေရာက္လာပါတယ္။ အရင္လို လုံၿခံဳေရးဂိတ္ေတြ၊ ရြာသူရြာသားေတြ သြားလာေနတာ မေတြ႔ရေတာ့ စိတ္ထဲ တမ်ဳိးႀကီးပါပဲ။


 အမွတ္ ၁ တပ္ရင္း အိမ္ေထာင္သည္လုိင္းမွ အိမ္တခ်ဳိ႕ ေျပးဖုိ႔အသင့္ျပင္ေနစဥ္

ထီးထားရြာထဲ ေရာက္တဲ့အထိ ေျခာက္ကပ္ကပ္။ ဒါဟာ မေန႔မနက္ပုိင္းက က်ေနာ္တို႔အဖြဲ႔ ထီးထားကိုျဖတ္ၿပီး အမိုရြာဆီ တက္သြားစဥ္ကနဲ႔ တျခားစီ။ မေန႔က စည္းကားေနတဲ့ရြာလယ္မွာ ဒီေန႔ လူသံတိတ္ဆိတ္လို႔။ KNU ကားတစီးစ၊ နွစ္စီးစ ျဖတ္သြားတာ၊ အရပ္သားကားတစီးစ၊ နွစ္စီးစ ပစၥည္းေတြသယ္ၿပီး ထြက္သြားတာကိုသာ ျမင္ေနရပါတယ္။ အရင္က က်ေနာ္တို႔ ေက်ာင္းသားေတြ ေကာ္ဖီအေၾကြးေသာက္ေနၾက ထီးထာ အထက ေက်ာင္းေရွ႕က ေနာ္ေဖာေကလာဆုိင္လည္း မရွိေတာ့ပါဘူး။

လူမရွိတဲ့ဆုိင္မွာ ခန နားေနစဥ္ ဆုိင္ကယ္တစီးနဲ႔ ေရာက္လာတဲ့ ကရင္ေထာက္လွမ္းေရးက တပ္ၾကပ္တဦးကုိ တားၿပီး သတင္းေမးျကည့္ေတာ့ ထီးထာ ဟုိဖက္ကမ္း၊ အရင္က က်ေနာ္တို႔စခန္းေဟာင္း ေမာင္ေတာ္ဖက္ဆီ ရန္သူစစ္ေၾကာင္းတခု လာေနပုံရတယ္လို႔ ေျပာသြားပါတယ္။ ဒါဆုိရင္ န၀တစစ္ေၾကာင္းဟာ ေမတၱာ၊ ဆင္ျဖဴတုိင္ဘက္က တေၾကာင္းတည္းမဟုတ္ဘဲ အရင္က်ေနာ္တို႔ ေတာခုိရာလမ္းေၾကာင္း ဘန္းေခ်ာင္းဘက္ကေန အမရာစခန္းဆီ ေနာက္ေက်ာဘက္ကပါ ေနာက္တေၾကာင္း ထပ္ထုိးလာတဲ့သေဘာလို႔ ယူဆရပါတယ္။

စခန္းဆီျမန္ျမန္ေရာက္ေအာင္ ဆက္ေလွ်ာက္ေပမယ့္ က်ေနာ္တို႔ စခန္းေရာက္ေတာ့ ညေန ၄ နာရီေက်ာ္ေနပါၿပီ။ ကုိေဌးေအာင္ကို က်ေနာ္ ေမးၾကည့္ေတာ့ အေျခအေနဟာ ထီးထာက တပ္ၾကပ္ေျပာတာနဲ႔ မတိမ္းမယိမ္း၊ တနသၤာရီျမစ္ အေနာက္ဘက္ကမ္းဆီ န၀တတပ္ေတြ မၾကာခင္ ေရာက္လာႏိုင္ဖြယ္ရွိတယ္လို႔ သူတို႔ ခန္႔မွန္းထားေၾကာင္း ေျပာပါတယ္။

“က်န္တဲ့ကိစၥေတြကို မင္းေမ့ထားလုိက္ေတာ့။ ေဟာဒီ အိမ္ေထာင္သည္လုိင္းက လူေတြကို ဦးစီးၿပီး ထီးခီဖက္ အျမန္ဆုတ္ေရး ျပင္ဆင္ပါ” လို႔ ကုိေဌးေအာင္က က်ေနာ္ကုိ တာ၀န္ေပးပါတယ္။ တကယ္က ဒီတာ၀န္ဟာ ကုိမင္းေအာင္ (အခု အေမရိကန္) ကုိ ေပးထားတဲ့တာ၀န္ပါ။ ဒါေပမယ့္ ထုိင္းႏိုင္ငံထဲရွိ NGO ေတြ၊ အလႈရွင္ေတြ၊ ဗဟုိဖက္က တာ၀န္ရွိသူေတြနဲ႔ သြားေရာက္ေဆြးေႏြးေနတဲ့ ကုိမင္းေအာင္က စခန္းကို ျပန္မေရာက္ေသးပါ။

ဆုိလုိတာကေတာ့ န၀တ ထုိးစစ္ဟာ က်ေနာ္တို႔မွန္းထားတာထက္ ပိုေစာၿပီး မင္းသမီးေဒသအထိ ေရာက္လာတာျဖစ္ပါတယ္။ ပုံမွန္အားျဖင့္ဆုိရင္ေတာ့ န၀တ ထုိးစစ္ကို ေရွ႕တန္းစခန္း အဆင့္ဆင့္ကေနခုခံတုိက္ခုိက္ၾကတဲ့အတြက္ ႏွစ္ရက္တာ လမ္းေလွ်ာက္ခရီးဟာ လနဲ႔ခ်ီ ၾကာႏိုင္တဲ့သေဘာရွိပါတယ္။

ဒါေပမယ့္ မင္းသမီး ခုခံစစ္မွာ ဘာေတြျပင္ဆင္မႈ အားနည္းခဲ့သလဲေတာ့ မသိပါ။ သတင္းတပတ္၊ ၁၀ ရက္ေလာက္ အတြင္း န၀တစစ္ေၾကာင္း ေရာက္လာဖြယ္ရွိေနတဲ့အတြက္ ဒီလုိ အျမန္မဆုတ္လို႔ မျဖစ္ေတာ့။ ထီးထာမွာ ေတာင္ရြာသားေတြ မရွိေတာ့ဘူးဆုိေတာ့ ေက်ာင္းသားမိသားစုေတြခ်ည္း ဆုတ္လမ္းပိတ္ၿပီး က်န္သြားႏိုင္ပါတယ္။ ဒီအတြက္ က်ေနာ္ ျပန္မေရာက္ခင္ကတည္းက အိမ္ေထာင္သည္ လုိင္းတခုလုံး အထုပ္အပုိးကုိယ္စီနဲ႔ အဆင္သင့္ျဖစ္ေနၾကပါၿပီ။ အဲဒီအခ်ိန္ အိမ္ေထာင္သည္လုိင္းကို ဦးစီးရသူ သုိ႔မဟုတ္ က်ေနာ္တို႔အေခၚ  ရြာသူႀကီး ႏွစ္ဦးကေတာ့ ကုိလွေရြ (အခု ဒိန္းမတ္) နဲ႔ ဦးစုိး၀င္း (အခုအေမရိကန္) တို႔ ျဖစ္ပါတယ္။

ေနာက္တေန႔မနက္ မုိးလင္းတာနဲ႔ ခရီးထြက္ႏိုင္ဖို႔ တညလုံး ပစၥည္းေတြ သိမ္းရပါတယ္။ က်ေနာ္ တာ၀န္ယူ သယ္သြားရမယ့္အထဲမွာ ရံုးပစၥည္းေတြျဖစ္တဲ့ အေရးႀကီး စာရြက္စာတန္းနဲ႔ ဓာတ္ပုံေတြထည့္ထားတဲ့ သြပ္ျပားေသတၱာ တဒါဇင္ေက်ာ္၊ လက္နွိပ္စက္ေတြ၊ မီးစက္ေတြ၊ ဗီဒီယုိစက္ေတြ၊ ၿပီးေတာ့ အိမ္ေထာင္သည္လုိင္းရွိ အိမ္အမိုးေတြကေန ခြာထားတဲ့ သြပ္ျပားခ်ပ္ေရ ၅၀ ေက်ာ္ေတာင္ ပါေသးတယ္လို႔ ထင္ပါတယ္။

ဒါ့အျပင္ က်ေနာ္တို႔ေက်ာင္းသားေတြရဲ႕ ပညာေရးဘဏ္တုိက္လို႔ ေျပာႏိုင္တဲ့ စာၾကည့္တုိက္ထဲက စာအုပ္ေတြ သယ္ယူသြားေရးကိုလည္း ျပင္ရပါတယ္။ သမုိင္းဆုိင္ရာ အေရးႀကီးစာအုပ္ေတြကိုပဲ သယ္မယ္လို႔ဆုံးျဖတ္ၿပီး ေဒါင္းအုိးေ၀၊ ေခတ္ၿပိဳင္အပါအ၀င္ လစဥ္ထုတ္စာေစာင္ေတြ၊ ဗဟုိကထုတ္တဲ့ ဒီမုိကေရစီအေျခခံ၊ လူ႔အခြင့္ေရးအေျခခံ စသည္ျဖင့္ လက္တဖ၀ါးစာရွိ ပညာေပးစာအုပ္ငယ္ေတြကိုေတာ့ န၀တ စစ္သားေတြ ေရာက္လာရင္ ဖတ္ႏိုင္ေအာင္ဆုိၿပီး တပ္ရင္းအလယ္ ကုကၠိဴပင္ႀကီးေအာက္ လမ္းတေလွ်ာက္မွာ ဒီအတုိင္းျဖန္႔ထားခဲ့ပါတယ္။

မိသားစုေတြအားလုံး အဆင္သင့္ျဖစ္ခ်ိန္၊ ပစၥည္းေတြအားလုံး အဆင့္သင့္ျဖစ္ခ်ိန္မွာ အေရးေပၚ ကားလုိက္ရွာေတာ့ စစ္ပူတုန္း လက္က်န္သစ္ေတြ ခုိးသယ္ဖို႔ေရာက္လာတဲ့ ထုိင္းသစ္ကားတစီးနဲ႔ တုိးပါတယ္။ ဒီတခါေတာ့ ေသနတ္ထုတ္မျပလို႔ မျဖစ္ေတာ့။ အေရးေပၚအေျခေနအရ က်ေနာ္တို႔ကုိ ထီးခီးစခန္းဆီ လုိက္ပုိ႔ေပးဖို႔ ေသနတ္ျပ ေမတၱာရပ္ခံေတာ့ ဘတ္ေငြ ၅၀၀ နဲ႔ အေပးအယူ တည့္သြားပါတယ္။ အဲဒီကားေပၚ ပစၥည္းေတြတင္၊ လမ္းမေလွ်ာက္ႏိုင္တဲ့ အမ်ဳိးသမီးတခ်ဳိ႕နဲ႔ ကေလးငယ္တခ်ဳိ႕ကိုတင္ၿပီး ထီးခီးစခန္းဆီ က်ေနာ္တို႔ တက္လာေတာ့ လမ္းတေလွ်ာက္မွာ ကရင္ရြာသူရြာသားေတြ အမ်ားႀကီးလည္း ထီးခီးဆီ လမ္းေလွ်ာက္သြားေနၾကတာ ေတြ႔ရပါတယ္။

ဒါေပမဲ့ KNU ခ႐ိုင္ရံုးကေန ထီးထာကလူေတြကို ထီးခီးဆီ တရား၀င္လာခြင့္ မေပးေသးတဲ့အတြက္ အေတာ္မ်ားမ်ားဟာ လမ္းတေလွ်ာက္မွာ တဲထုိးၿပီး ယာယီစခန္းခ် ေစာင့္ဆုိင္းေနၾကပါတယ္။ က်ေနာ္တို႔ကားႀကီး ထီးခီးက ေက်ာင္းသားရံုးေရွ႕ေရာက္ေတာ့ ပဒုိနီးနီ အပါအ၀င္ KNU အရာရွိတခ်ဳိ႕ လာၾကည့္ၿပီး စစ္မေရာက္ခင္ ႀကိဳေျပးလာသူေတြအျဖစ္ က်ေနာ့္ကုိ အျပစ္တင္တဲ့ေလသံနဲ႔ ေျပာသြားပါတယ္။ က်ေနာ္လည္း အေျခေနကုိ ရွင္းမျပႏိုင္ေတာ့။ ကားေပၚက ပစၥည္းေတြကုိ အျမန္ခ်။ ပါလာတဲ့ သြပ္ျပားေတြနဲ႔ ေက်ာင္းသားရံုးေဘးမွာ ယာယီအမုိးလုပ္ၿပီး အိမ္ေထာင္သည္လုိင္းက အမ်ဳိးသမီးနဲ႔ ကေလးေတြအတြက္ ေနရာျပင္ေပးရပါတယ္။

က်ေနာ္တို႔က ဒီလုိ ျပာယာခတ္ၿပီး ျပင္ေနေပမဲ့ ထီးခီးရွိ KNU တာ၀န္ရွိသူေတြကုိ ၾကည့္ရတာ ေအးေအးေဆးေဆးပါပဲ။ န၀တစစ္ေၾကာင္း ေတာ္႐ုံနဲ႔ ထီးခီးကို ေရာက္လာမယ့္ပုံ မရွိေသးဘူးဆုိတဲ့ အထာမ်ဳိးနဲ႔ပါ။ တခ်ဳိ႕ေကာလာဟလ သတင္းေတြအရဆုိရင္ အမိုအထိပဲ န၀တက ထုိးစစ္ဆင္ၿပီး ထီးခီးဖက္ကုိ မထုိးဘဲ ခ်န္ထားမယ္လိုလုိ သတင္းေတြ ထြက္ေနပါတယ္။ ဒါေပမယ့္ က်ေနာ္တို႔ကေတာ့ လုပ္စရာရွိတာေတြကို အစိီစဥ္အတုိင္း ဆက္လုပ္ေနၿပီး အေရးႀကီးပစၥည္းေတြကို ထုိင္းနယ္ေျမထဲရွိ ဖုနန္းလြန္ရြာက ထုိင္းေထာက္လွမ္းေရးအိမ္နဲ႔ ေဟြးနန္းေခါင္ရြာရွိ က်ေနာ္တို႔ ယာယီရံုးခန္းဖြင့္ထားတဲ့ အိမ္ေတြဆီ အျမန္ပုိ႔လုိက္ပါတယ္။


မင္းသမီးခစန္းမွာ က်င္းပခဲ့တဲ့ ျမန္မာႏိုင္ငံ အမ်ဳိးသမီးသမဂၢ (BWU) အစည္းေ၀းတခု

ညေနမုိးခ်ဳပ္ခါနီးမွာေတာ့ လမ္းေလွ်ာက္တက္လာၾကတဲ့ အိမ္ေထာင္သည္လုိင္းက မိသားစုေတြအားလုံး ထီးခီရံုးဆီ ေရာက္လာျကပါတယ္။ ပ်ဳိးပန္းေ၀ေက်ာင္းက ေက်ာင္းသားေလးေတြ၊ ကေလးေတြ၊ အမ်ဳိးသမီးေတြနဲ႔ အသက္ႀကီး ပုဂၢိဳလ္ေတြပါ ေပါင္းလုိက္ရင္ လူဦးေရ ၆၀ ေက်ာ္ ၇၀ ေလာက္အထိ ရွိမယ္လို႔ က်ေနာ္ထင္ပါတယ္။     ။

======================================================

(အပိုင်း ၄၄)

ထက်အောင်ကျော်| August 24, 2012 | ဧရာဝတီ။

စစ်မြေပြင်မှာ သတင်းယူခြင်း

စစ်ပူလို့ ဒီလိုရှုပ်ရှက်ခတ်နေတဲ့ကြားထဲ ဗီဒီယိုကင်မရာတလုံးကိုင်ပြီး ကျနော်တို့စခန်းဆီ ရောက်လာသူက ကိုအောင်မျိုးမင်း (အခု လူ့အခွင့်ရေးပညာပေးဌာန-မြန်မာနိုင်ငံ [HREIB] ညွှန်မှူး)။ အဲဒီအချိန်ကတော့ သူဟာ ကျနော်တို့ အမှတ် ၁ တပ်ရင်းရဲ့ တပ်ဖွဲ့ဝင်တဦးဖြစ်တဲ့အပြင် DVB သတင်းထောက်အဖြစ်လည်း စတင်တာဝန်ထမ်းနေပြီလို့ ထင်ပါတယ်။


 ပေါင်းစည်းရေး ညီလာခံအပြီးမှာ တောင်ပိုင်းစစ်ဒေသ ခေါင်းဆောင်အဖြစ် တာဝန်ပေးခံရသူ ကိုဌေးအောင် (ဝဲဘက်အစွန်ဆုံး) ကို ဥက္ကဋ္ဌ ကိုနိုင်အောင်နဲ့အတူ တွေ့ရစဉ်

ဘန်ကောက်အခြေစိုက် NGO တွေ၊ မီဒီယာတွေနဲ့ ပူးပေါင်းဆောင်ရွက်နေပြီး မင်းသမီးစစ်မြေပြင်ဆီ နိုင်ငံခြားသတင်းထောက်တွေ ဝင်ခွင့်မရလို့ သူဝင်လာတာဖြစ်တယ်၊ ရှေ့တန်းကပုံတွေ လိုချင်တယ်၊ ဒါဟာ ABSDF တခုလုံးအတွက်ဖြစ်တယ်၊ ဒီပုံတွေကို သူယူသွားပြီးပြနိုင်မှ မင်းသမီးဒေသက စစ်ပွဲအခြေနေကို တမ္ဘာလုံးက သိနိုင်မယ်ဆိုပြီး ကိုအောင်မျိုးမင်းက ရှင်းပြပါတယ်။ သူရဲ့ရှင်းပြချက်ကို စစ်ဒေသ ကော်မတီဝင်အားလုံးက လက်ခံတဲ့ အတွက် သူကိုရှေ့တန်းရှိ ကိုဆလိုင်းယောအောင်တို့ တပ်တွေရှိရာ ဆင်ဖြူတိုင်အထိ လိုက်ပို့ပေးရေးတာဝန်ဟာ ပြန်ကြားရေးတာဝန်ခံ ကျနော်အပေါ် ကျလာပါတယ်။


စစ်မြင်ပြင်ဆီ သတင်းသွားယူမှာဆိုတော့ ဒုက္ခသည်စခန်းဆီ သွားသလိုမျိုး ဒီတိုင်းထသွားလို့ မဖြစ်။ ဒီတော့ ကိုရဲမင်းအောင် (အခု ဖင်လန်နိုင်ငံ) ဦးစီးတဲ့ တပ်စိပ်တစိပ်ကိုခေါ်ပြီး လှေတဆင့်၊ ကားတဆင့်နဲ့ ဆင်ဖြူတိုင်ရှိ ကျနော်တို့တပ်တွေဆီသွားပြီး သတင်းယူဖို့ ပြင်ရပါတယ်။ အဲဒီအချိန်မှာ ဆင်ဖြူတိုင်နဲ့ လယ်အော်ဖက်အထိ နဝတတပ်တွေက ရောက်နေပြီး ကျနော်တို့တပ်တွေနဲ့ ရင်ဆိုင်တိုက်ပွဲတွေဖြစ် နေပါပြီ။ KNU ဆီ ကား
အကူညီတောင်းတော့ ကျနော်တို့အဖွဲ့ကို ဆင်ဖြူတိုင်ဆီ စစ်ကူသွားမယ့်အဖွဲ့ထင်ပြီး 4-Wheel ကားတစီး ချက်ချင်းလွှတ်ကာ အမိုကျေးရွာအထိ လိုက်ပို့ပေးပါတယ်။ အမိုရောက်တော့ ရွာထဲမှာလူတွေ သိပ်မရှိတော့။ အကုန်လုံးနီးပါး ထိုင်းနယ်စပ်ဘက်က ဘောတီကျေးရွာနဲ့ ကျနော်တို့ စခန်းအနီးက ထီးထာရွာတွေဘက် ပြေးသွားပြီလို့ သိရပါတယ်။

ရွာလယ်ရှိ KNLA တပ်ရင်း ၁၀ တပ်ထောက်ဗိုလ်ကြီးရဲ့ အိမ်မှာ ခဏတည်းပြီးတဲ့နောက် စက်လှေတစီးနဲ့ တပ်ရင်း ၁၀ ဌာနချုပ်ရှိရာ အမိုဟောင်းရွာဆီ ကျနော်တို့ တပ်စိပ်ရောက်လာပါတယ်။ စစ်ပူကာလဆိုတော့ သေနတ်တွေကိုင်ပြီး ယူနီဖောင်းအပြည့်အစုံနဲ့ ရောက်လာတဲ့ ကျနော်တို့အဖွဲ့ကို စစ်ကူလာတဲ့အဖွဲ့ချည်း အားလုံးက ထင်နေလို့ မနည်းရှင်းပြနေရပါတယ်။
ABSDF ၂၀၃ တပ်ရင်းမှ တပ်မှူးဟောင်းတဦး KNU ဆီ ပြောင်းပြီး တပ်ရင်း ၁၀ ဌာနချုပ်မှာ ရိက္ခာမှူးဖြစ်နေတဲ့အတွက် ဒီတိုက်ပွဲ မတိုင်မီကတည်းက တပ်ရင်း ၁၀ စခန်းဆီ ကျနော် နှစ်ခေါက်လောက် လာရောက်လည်ပတ်ဖူးပါတယ်။


  
တောင်ပိုင်းစစ်ဒေသ တာဝန်ခံ ကိုဌေးအောင်နဲ့ ကော်မတီဝင်တချို့ကို ပေါင်းစည်းရေးညီလာခံ ရှင်းလင်းပွဲအတွင်း တွေ့ရစဉ်

တနင်္သာရီမြစ်ကမ်းတလျှောက်မှာ အိမ်ထောင်သည်လိုင်း ထားရှိပြီး အပေါ်ခမ်းလှမ်းလှမ်းမှာတော့ စစ်ရေးပြကွင်းနဲ့ တပ်ရင်းရုံးကို စနစ်တကျထားရှိတာ တွေ့ရပါတယ်။ ကျနော်နဲ့သိတဲ့ KNU တပ်မှူးငယ်တချို့၊ ရဲဘော်တချို့က ကျနော်တို့အဖွဲ့ကို တပ်ရင်းရုံးဆီ လိုက်ပို့ပေးတဲ့အတွက် အဲဒီမှာ တပ်ရင်း ၁၀ မှူး ဗိုလ်မှူးကြီးကက်နက်နဲ့ စကားပြောခွင့်ရပါတယ်။
ပထမပိုင်းမှာတော့ ဒီလောက်စစ်ပူနေတဲ့ကြားထဲ စစ်ကူလာတာ မဟုတ်ဘဲ သတင်းလာမေးတဲ့အဖွဲ့ ဖြစ်နေတာကို သူလည်း သိပ်သဘောကျပုံမရ။ ဒါပေမယ့် ထားဝယ်စကားနဲ့ နှုတ်ဆက်လိုက်တော့ သူ ပြုံးပြုံးရွှင်ရွှင်ဖြစ်လာပြီး ကျနော့်ကို DVB သတင်းထောက်မှန်း မှတ်မိသွားပါတယ်။ KNU တပ်မှူးတွေထဲမှာ ထားဝယ်သား အတော်များများရှိပေမယ့် ကရင်စကားနဲ့ ဗမာစကားကိုသာ အသုံးများလို့ ထားဝယ်သားမှန်း အချင်းချင်း သိပ်မသိကြပါ။

ကျနော် မှတ်မိသလောက်ဆိုရင် ရင်း ၁၀ တပ်ရင်းမှူး ဗိုလ်မှူး ကက်နက်၊ စစ်ကြောင်းမှူး ဗိုလ်မှူးဒါးကျော် (အခု တပ်မဟာ ၄ မှူး)၊ ဆေးတပ်ဆွယ်မှူး ဗိုလ်လက်ဝါးတို့ ၃ ဦးကလွဲရင် ကျန်တဲ့ ထားဝယ်-ကရင် တပ်မှူးတွေ၊ ပဒိုတွေ ထားဝယ်စကားပြောတာ သိပ်ကြားရ လေ့မရှိပါဘူး။
ထားဝယ်စကားနဲ့ အဲဒီလိုပြောလို့ အဆင်ပြေတဲ့အခါမှာတော့ စစ်ပွဲအခြေနေကို ပြင်ပမီဒီယာက သိခွင့်ရဖို့ အရေးကြီးတဲ့အကြောင်း၊ နိုင်ငံခြားသတင်းထောက်တွေ ဝင်ခွင့်ကို ထိုင်းနယ်စပ်ရှိ တပ်မ ၉ က ပိတ်ထားတဲ့အတွက် သူတို့ကိုယ်စား ကိုအောင်မျိုးမင်း ဝင်လာတာဖြစ်ကြောင်း၊ ဗီဒီယိုမှတ်တမ်း ရိုက်ချင်ကြောင်း အသေအချာ တင်ပြတော့ ဗိုလ်ကက်နက်က ကျနော်တို့အဆိုကို လက်ခံလိုက်ပါတယ်။
မီးစိမ်းပြတာနဲ့ ကိုအောင်မျိုးမင်းက ကင်မရာထုတ်ပြီး ဗိုလ်ကက်နက်ကို ချက်ချင်း ဗျူးတော့တာပါပဲ။

ကျနော်လည်း ဘေးကနေ ဝင်ထောက်ပေးပါတယ်။ အဲဒီလိုထောက်ပြီး မေးတဲ့မေးခွန်းတွေထဲ ဒီထိုးစစ်ဟာ ထားဝယ်ရေနက်ဆိပ်ကမ်း စီမံကိန်း၊ ကန်ချနပူရီ-ထားဝယ် ကားလမ်း စီမံကိန်းတွေနဲ့ ဆက်စပ်နေသလားဆိုတဲ့  အချက်ပါဝင်တာကို ကျနော်အမှတ်ရနေပါတယ်။  
ပြီးတော့ ရင်းအရာခံဗိုလ်နဲ့ နောက်တန်းရှိ ရဲဘော် ၁၀ ဦးကျော်ကို တပ်ရင်းဘောလုံးကွင်းအတွင်း သေနတ်ကိုင် လမ်းလျှောက်ခိုင်းပြီး ဆက်ရိုက်ပါတယ်။

ဒီလိုရိုက်လို့ကောင်းတုန်း ဒီတပ်ရင်းရုံးရဲ့ အရှေ့ဖက် ၃ ကီလိုမီတာခန့် အကွာလောက်က လက်နက်ကြီးအသံတွေ ကြားနေရပါတယ်။ သိပ်မကြာပါဘူး။ လူနာလှေတစီး ရင်း ၁၀ ဂိတ်ဆီ ဆိုက်လာပါတယ်။ ဒီလူနာကို ဗီဒီယို ရိုက်ဖို့ပြင်တော့ KNU ဘက်က သိပ်မကြိုက်။ အသေအချာ စဉ်းစားမယ် ဆိုရင်တော့ တိုက်ပွဲတခုမှာ ကိုယ့်ဘက်က ဒဏ်ရာရတဲ့ ရဲဘော်ပုံကို ဘယ်တပ်မှူးက မီဒီယာကို ပြချင်ပါ့မလဲ။
ဒါပေမယ့် နိုင်ငံခြားသတင်းထောက်တွေနဲ့ အလုပ်အတူတူလုပ်နေတဲ့ ကိုအောင်မျိုးမင်းကတော့ ဒီလိုအချိန်ကုန်ခံ စဉ်းစားနေပုံမရ။ သူ့အလုပ်သူလုပ်တဲ့သဘောနဲ့ ဒဏ်ရာရ စစ်သည်ပုံကို ရအောင်ရိုက်ယူသွားပါတယ်။

အဲဒီအချိန်မှာ ရှေ့က တိုက်ပွဲကလည်းပြင်းလာ၊ ဒဏ်ရာရသူကလည်း များလာတဲ့အပြင် ရင်း ၁၀ ဌာနချုပ်ကိုတောင် စွန့်ခွာရမယ့် အခြေနေမျိုးအထိ ဖြစ်လာနိုင်တဲ့အတွက် တပ်ရင်းမှူးနဲ့အဖွဲ့ အတော်အလုပ်ရှုပ်ကုန်ပြီး ကျနော်တို့တပ်စိပ်ကို ဘယ်သူကမှ ဂရုမစိုက်နိုင်တော့ပါဘူး။ ကျနော်တို့စီးလာတဲ့ လှေကိုလည်း လူနာအရေးပေါ်ပို့ဖို့ ဆွဲသွားတဲ့အတွက် ကျနော်တို့မှာ ပြန်စရာလှေမရှိတော့။ အချိန်ကလည်း ညနေ ၅ နာရီလောက်ရှိနေပြီ။ ကျနော်တို့ မူလလာစဉ်က စိတ်ကူးခဲ့တဲ့ ABSDF တပ်တွေရှိရာ ဆင်ဖြူတိုင်၊ လယ်အော်ဘက်အထိသွားပြီး သတင်းယူဖို့ဆိုတာ ဘယ်လိုမှ မဖြစ်နိုင်တော့ပါ။


စစ်ပူချိန်မှာ ကတိတည်ဖို့မလွယ်ပါ

ဒီလိုနဲ့ ရင်း ၁၀ ဌာနချုပ်ကနေ အမိုရွာဆီ ကုန်းကြောင်းလျှောက်ပြန်ဖို့ ဆုံးဖြတ်လိုက်ပါတယ်။ ကားလမ်းကြမ်းအတိုင်း ပြန်လာလို့ လမ်းမှားစရာ မရှိဘူးဆိုပေမယ့် အခြေနေက ပုံမှန်မဟုတ်။ ဆင်ဖြူတိုင်ဘက်က နဝတတပ်တွေ နယ်ကျွံပြီး ဒီကားလမ်းဝန်းကျင်ဆီ ရောက်လာနိုင်သလို KNU ဖက်က စစ်ကူလိုက်လာတဲ့တပ်တွေနဲ့ လမ်းမှာတိုးပြီး လူမှားပစ်ခံရနိုင်တဲ့ အခြေအနေ ရှိနေပါတယ်။
ကံကောင်းထောက်မစွာနဲ့ ဘာတပ်နဲ့မှ မတိုးဘဲ ည ၆ နာရီခွဲလောက် မှောင်စပြုချိန်မှာ အမိုရွာဆီ ကျနော်တို့ တပ်စိပ် ပြန်ရောက်လာပါတယ်။ အသွားတုန်းက စခန်းချခဲ့တဲ့ ရင်း ၁၀ တပ်ထောက် ဗိုလ်ကြီးအိမ်ဘေးက အိမ်သေးသေးတအိမ်မှာ စခန်းချပြီး တပ်ထောက်ဗိုလ်ကြီးအိမ်မှာပဲ ထမင်းတောင်းစားရပါတယ်။



စစ်ပူကာလ ရှင်းလင်းပွဲဆီ တက်ရောက်လာကြတဲ့ တပ်မှူးများနဲ့ ရဲဘော်များ

နေ့ချင်းပြန်ဆိုပြီး ထွက်လာတဲ့အတွက် ကျနော်တို့မှာ ဆန်နဲ့ရိက္ခာတွေ ဘာမှ ပါမလာပါဘူး။ နောက်တနေ့ မိုးလင်းတော့ လှေကြုံတစီးကိုတားပြီး ကိုအောင်မျိုးမင်းနဲ့အတူ ကျနော်နဲ့ ရဲဘော် ၃ ဦး လိုက်လာခဲ့ပါတယ်။ တပ်စုမှူး ကိုရဲမင်းအောင်နဲ့ အဖွဲ့ကိုတော့ လှေမဆံ့တဲ့အတွက် အမိုမှာပဲ ခဏနေခဲ့ဖို့၊ ကျနော်တို့ စခန်းရောက်ပြီးမှ တပ်ရင်းလှေကို အကြိုလွှတ်လိုက်မယ်လို့ပြောပြီး ဆင်းလာခဲ့ပါတယ်။

ဒါပေမယ့် အမိုကနေ ၁၅ မိနစ်လောက် မောင်းပြီးတာနဲ့ ဝန်များလို့ လှေမနိုင်ဘူး။ ရဲဘော်တွေ ဆင်းပေးပါဆိုပြီး လှေသမားက ဖောက်ပါလေရော၊ လှေသမားကို ကြည့်ရတာ မျက်စိမျက်နှာ အတော်ပျက်နေပြီး နဝတ ထိုးစစ်ကို အလွန်ကြောက်နေပုံရပါတယ်။ သူဟာ ဆင်ဖြူတိုင်ဘက်ကနေ ပစ္စည်းတွေသယ်ပြီး ထီးထာဘက် ပြေးဆင်းလာစဉ် KNU က တားကာ ကျနော်တို့ကို ထည့်ပေးလိုက်တာ ဖြစ်ပုံရပါတယ်။ KNU ရှေ့မှာ ကျနော်တို့ကို လက်ခံလာပေမယ့် အခု KNU တပ်မရှိတဲ့ နေရာမှာတော့ ကျနော်တို့ “ကျိုးဖိုး တပ်” ကို ကြောက်ရွံ့ပုံမပြဘဲ လှေပေါ်က မောင်းချနေပါပြီ။

အားနာတတ်တဲ့ မောင်ကျိုးဖိုးတွေကလည်း နှစ်ခါမပြောရပါဘူး။ “အရေးပေါ် သတင်းပို့စရာရှိတဲ့သူကိုသာ ရအောင် သယ်သွားပေးပါ” လို့ ပြောပြီး ကျနော်နဲ့ ရဲဘော် ၃ ဦး လှေပေါ်ကဆင်း၊ မင်းသမီးစခန်းဆီ ကုန်ကြောင်းခရီးရှည် လျှောက်ဖို့ ပြင်လိုက်ပါတယ်။ အမိုနဲ့ မင်းသမီကြား လှေစီးပြီး၊ ကားစီးပြီး မကြာခဏ ကျနော်သွားဖူးပေမယ့် ကုန်းကြောင်းတခါမှ မလျှောက်ဖူးပါ။ သစ်မောင်ခိုကားလမ်းရဲ့ ဖုန်ထူထူကို နေပူပူအောက်မှာ လျှောက်ဖို့  အားတင်းလိုက်ပါတယ်။ ဖုန်ထူ နေပူတဲ့အပြင် စစ်ကလဲ ပူချိန်။ ကျနော်တို့အင်အားကလည်း ၄ ဦးတည်းဆိုတော့ စိတ်ထဲမှာ သိပ်ဂဏာမငြိမ်လှ။

သတိ ဝိရိယကြီးစွာနဲ့ တနာရီနီးပါး လျှောက်ပြီးချိန်မှာတော့ စစ်ကူလိုက်လာတဲ့ KNU စစ်ကြောင်းကြီးတခုနဲ့ လမ်းမပေါ်မှာ တည့်တည့်ကြီး သွားတိုးပါတယ်။ ကျနော်တို့မှာ ဘာဆက်သွယ်ရေးစက်မှ မပါတဲ့အတွက် ဒီလမ်းပေါ် သူတို့လာနေမှန်းလည်း ကြိုသိမထားပါဘူး။ ဒါပေမယ့် ကံကောင်းတာက စစ်ကြောင်းရှေ့မှာ ဆိုင်ကယ်တစီး ရှေ့ပြေးပါလာလို့ တော်ပါသေးတယ်။ “ကျိုးဖိုး၊ ကျိုးဖိုး” လို့ အော်ပြီးပြောတော့ ဆိုင်ကယ်စီး ကရင်ဗိုလ်က ကျနော့်ကို မှတ်မိသွားပါတယ်။


 စစ်ပွဲမဖြစ်မီလေး တပ်ရင်းစစ်ရေးပြကွင်းအတွင်း တွေ့ရတဲ့ အမှတ် ၁ တပ်ရင်းမှ တပ်စုတခု

သူများတွေ ရှေ့တန်းကို စစ်ကူသွားဖို့ တက်လာချိန်မှာ ကျနော်တို့က အဲဒီရှေ့တန်းကနေ စစ်မတိုက်ဘဲ ပြန်လာသူတွေလို ဖြစ်နေတော့ စိတ်ထဲမှာ သိပ်မလုံလှ။ ဒါပေမယ့် ဒီစစ်ကြောင်းကို ဦးစီးလာတဲ့ ဗိုလ်ဒူးနာ (အခု ရင်း ၁၀ တပ်ရင်းမှူးလို့ ထင်ပါတယ်) ဟာ အရင် DAB စစ်ကြောင်းတုန်းက ကျနော်နဲ့ တွေ့ဖူးသူဖြစ်တဲ့အပြင် DVB သတင်းထောက်မှန်းလည်း ကျနော့်ကို သိနေသူဖြစ်ပါတယ်။

သူတို့တပ်ဖွဲ့နဲ့ ခဏ ရပ်စကားပြောပြီးတဲ့နောက် “လှေအဆင်မပြေလို့ ကျနော်တို့အဖွဲ့ ကုန်းကြောင်းလျှောက်နေရတဲ့ အကြောင်း၊ တပ်ရင်းလှေ ဒီနေ့ပို့နိုင်ဖို့ အချိန်မမီနိုင်တော့ကြောင်း” ပါဝင်တဲ့ စာတိုတစောင်ရေးပြီး အမိုမှာ ကျန်နေတဲ့ ကိုရဲမင်းအောင်တို့ တပ်စိပ်ဆီ ပို့ပေးဖို့ ဗိုလ်ဒူးနာနဲ့အတူ ကျနော်ရေးပေးလိုက်ပါတယ်။

ဒါပေမယ့် ကံဆိုးချင်တော့ စစ်ပူချိန်မှာ အရင်လို အေးအေးဆေးဆေး စာသွားပေးနေဖို့ ဘယ်အချိန်ရပါ့မလဲ။ အဲဒီစာကို သူလက်ခံရရှိခြင်း မရှိသလို ဗိုလ်ဒူးနာနဲ့လည်း သူမတွေ့လိုက်ရတဲ့အတွက် အဲဒီနေ့ ညနေအထိ သူတို့ လှေစောင့်နေခဲ့ကြကြောင်း။ အချိန်မီ လှေပေါ်မလာလို့ ကျနော်တို့အပေါ် ကတိမတည်သူတွေအဖြစ် သူမြင်ခဲ့ကြောင်း ကိုရဲမင်းအောင်က နောက်ပိုင်းမှာ ပြန်ပြောပြခဲ့ပါတယ်။


အစောဆုံးပြေးဖို့ တာဝန်ပေးအပ်ခြင်းခံရသူ

ကျနော်တို့ကတော့ ဒါတွေကိုမသိ၊ စာပေးခဲ့ပြီးတဲ့နောက် ဖုန်ထူထူ နေပူပူကို နောက်ထပ် တနာရီကျော် ထပ်လျှောက်ပြီးတဲ့ အခါမှာတော့ ထီးထာရွာစပ်နားဆီ ရောက်လာပါတယ်။ အရင်လို လုံခြုံရေးဂိတ်တွေ၊ ရွာသူရွာသားတွေ သွားလာနေတာ မတွေ့ရတော့ စိတ်ထဲ တမျိုးကြီးပါပဲ။



 အမှတ် ၁ တပ်ရင်း အိမ်ထောင်သည်လိုင်းမှ အိမ်တချို့ ပြေးဖို့အသင့်ပြင်နေစဉ်

ထီးထားရွာထဲ ရောက်တဲ့အထိ ခြောက်ကပ်ကပ်။ ဒါဟာ မနေ့မနက်ပိုင်းက ကျနော်တို့အဖွဲ့ ထီးထားကိုဖြတ်ပြီး အမိုရွာဆီ တက်သွားစဉ်ကနဲ့ တခြားစီ။ မနေ့က စည်းကားနေတဲ့ရွာလယ်မှာ ဒီနေ့ လူသံတိတ်ဆိတ်လို့။ KNU ကားတစီးစ၊ နှစ်စီးစ ဖြတ်သွားတာ၊ အရပ်သားကားတစီးစ၊ နှစ်စီးစ ပစ္စည်းတွေသယ်ပြီး ထွက်သွားတာကိုသာ မြင်နေရပါတယ်။ အရင်က ကျနော်တို့ ကျောင်းသားတွေ ကော်ဖီအကြွေးသောက်နေကြ ထီးထာ အထက ကျောင်းရှေ့က နော်ဖောကေလာဆိုင်လည်း မရှိတော့ပါဘူး။

လူမရှိတဲ့ဆိုင်မှာ ခန နားနေစဉ် ဆိုင်ကယ်တစီးနဲ့ ရောက်လာတဲ့ ကရင်ထောက်လှမ်းရေးက တပ်ကြပ်တဦးကို တားပြီး သတင်းမေးကြည့်တော့ ထီးထာ ဟိုဖက်ကမ်း၊ အရင်က ကျနော်တို့စခန်းဟောင်း မောင်တော်ဖက်ဆီ ရန်သူစစ်ကြောင်းတခု လာနေပုံရတယ်လို့ ပြောသွားပါတယ်။ ဒါဆိုရင် နဝတစစ်ကြောင်းဟာ မေတ္တာ၊ ဆင်ဖြူတိုင်ဘက်က တကြောင်းတည်းမဟုတ်ဘဲ အရင်ကျနော်တို့ တောခိုရာလမ်းကြောင်း ဘန်းချောင်းဘက်ကနေ အမရာစခန်းဆီ နောက်ကျောဘက်ကပါ နောက်တကြောင်း ထပ်ထိုးလာတဲ့သဘောလို့ ယူဆရပါတယ်။

စခန်းဆီမြန်မြန်ရောက်အောင် ဆက်လျှောက်ပေမယ့် ကျနော်တို့ စခန်းရောက်တော့ ညနေ ၄ နာရီကျော်နေပါပြီ။ ကိုဌေးအောင်ကို ကျနော် မေးကြည့်တော့ အခြေအနေဟာ ထီးထာက တပ်ကြပ်ပြောတာနဲ့ မတိမ်းမယိမ်း၊ တနင်္သာရီမြစ် အနောက်ဘက်ကမ်းဆီ နဝတတပ်တွေ မကြာခင် ရောက်လာနိုင်ဖွယ်ရှိတယ်လို့ သူတို့ ခန့်မှန်းထားကြောင်း ပြောပါတယ်။

“ကျန်တဲ့ကိစ္စတွေကို မင်းမေ့ထားလိုက်တော့။ ဟောဒီ အိမ်ထောင်သည်လိုင်းက လူတွေကို ဦးစီးပြီး ထီးခီဖက် အမြန်ဆုတ်ရေး ပြင်ဆင်ပါ” လို့ ကိုဌေးအောင်က ကျနော်ကို တာဝန်ပေးပါတယ်။ တကယ်က ဒီတာဝန်ဟာ ကိုမင်းအောင် (အခု အမေရိကန်) ကို ပေးထားတဲ့တာဝန်ပါ။ ဒါပေမယ့် ထိုင်းနိုင်ငံထဲရှိ NGO တွေ၊ အလှုရှင်တွေ၊ ဗဟိုဖက်က တာဝန်ရှိသူတွေနဲ့ သွားရောက်ဆွေးနွေးနေတဲ့ ကိုမင်းအောင်က စခန်းကို ပြန်မရောက်သေးပါ။

ဆိုလိုတာကတော့ နဝတ ထိုးစစ်ဟာ ကျနော်တို့မှန်းထားတာထက် ပိုစောပြီး မင်းသမီးဒေသအထိ ရောက်လာတာဖြစ်ပါတယ်။ ပုံမှန်အားဖြင့်ဆိုရင်တော့ နဝတ ထိုးစစ်ကို ရှေ့တန်းစခန်း အဆင့်ဆင့်ကနေခုခံတိုက်ခိုက်ကြတဲ့အတွက် နှစ်ရက်တာ လမ်းလျှောက်ခရီးဟာ လနဲ့ချီ ကြာနိုင်တဲ့သဘောရှိပါတယ်။

ဒါပေမယ့် မင်းသမီး ခုခံစစ်မှာ ဘာတွေပြင်ဆင်မှု အားနည်းခဲ့သလဲတော့ မသိပါ။ သတင်းတပတ်၊ ၁၀ ရက်လောက် အတွင်း နဝတစစ်ကြောင်း ရောက်လာဖွယ်ရှိနေတဲ့အတွက် ဒီလို အမြန်မဆုတ်လို့ မဖြစ်တော့။ ထီးထာမှာ တောင်ရွာသားတွေ မရှိတော့ဘူးဆိုတော့ ကျောင်းသားမိသားစုတွေချည်း ဆုတ်လမ်းပိတ်ပြီး ကျန်သွားနိုင်ပါတယ်။ ဒီအတွက် ကျနော် ပြန်မရောက်ခင်ကတည်းက အိမ်ထောင်သည် လိုင်းတခုလုံး အထုပ်အပိုးကိုယ်စီနဲ့ အဆင်သင့်ဖြစ်နေကြပါပြီ။ အဲဒီအချိန် အိမ်ထောင်သည်လိုင်းကို ဦးစီးရသူ သို့မဟုတ် ကျနော်တို့အခေါ်  ရွာသူကြီး နှစ်ဦးကတော့ ကိုလှရွေ (အခု ဒိန်းမတ်) နဲ့ ဦးစိုးဝင်း (အခုအမေရိကန်) တို့ ဖြစ်ပါတယ်။

နောက်တနေ့မနက် မိုးလင်းတာနဲ့ ခရီးထွက်နိုင်ဖို့ တညလုံး ပစ္စည်းတွေ သိမ်းရပါတယ်။ ကျနော် တာဝန်ယူ သယ်သွားရမယ့်အထဲမှာ ရုံးပစ္စည်းတွေဖြစ်တဲ့ အရေးကြီး စာရွက်စာတန်းနဲ့ ဓာတ်ပုံတွေထည့်ထားတဲ့ သွပ်ပြားသေတ္တာ တဒါဇင်ကျော်၊ လက်နှိပ်စက်တွေ၊ မီးစက်တွေ၊ ဗီဒီယိုစက်တွေ၊ ပြီးတော့ အိမ်ထောင်သည်လိုင်းရှိ အိမ်အမိုးတွေကနေ ခွာထားတဲ့ သွပ်ပြားချပ်ရေ ၅၀ ကျော်တောင် ပါသေးတယ်လို့ ထင်ပါတယ်။

ဒါ့အပြင် ကျနော်တို့ကျောင်းသားတွေရဲ့ ပညာရေးဘဏ်တိုက်လို့ ပြောနိုင်တဲ့ စာကြည့်တိုက်ထဲက စာအုပ်တွေ သယ်ယူသွားရေးကိုလည်း ပြင်ရပါတယ်။ သမိုင်းဆိုင်ရာ အရေးကြီးစာအုပ်တွေကိုပဲ သယ်မယ်လို့ဆုံးဖြတ်ပြီး ဒေါင်းအိုးဝေ၊ ခေတ်ပြိုင်အပါအဝင် လစဉ်ထုတ်စာစောင်တွေ၊ ဗဟိုကထုတ်တဲ့ ဒီမိုကရေစီအခြေခံ၊ လူ့အခွင့်ရေးအခြေခံ စသည်ဖြင့် လက်တဖဝါးစာရှိ ပညာပေးစာအုပ်ငယ်တွေကိုတော့ နဝတ စစ်သားတွေ ရောက်လာရင် ဖတ်နိုင်အောင်ဆိုပြီး တပ်ရင်းအလယ် ကုက္ကိူပင်ကြီးအောက် လမ်းတလျှောက်မှာ ဒီအတိုင်းဖြန့်ထားခဲ့ပါတယ်။

မိသားစုတွေအားလုံး အဆင်သင့်ဖြစ်ချိန်၊ ပစ္စည်းတွေအားလုံး အဆင့်သင့်ဖြစ်ချိန်မှာ အရေးပေါ် ကားလိုက်ရှာတော့ စစ်ပူတုန်း လက်ကျန်သစ်တွေ ခိုးသယ်ဖို့ရောက်လာတဲ့ ထိုင်းသစ်ကားတစီးနဲ့ တိုးပါတယ်။ ဒီတခါတော့ သေနတ်ထုတ်မပြလို့ မဖြစ်တော့။ အရေးပေါ်အခြေနေအရ ကျနော်တို့ကို ထီးခီးစခန်းဆီ လိုက်ပို့ပေးဖို့ သေနတ်ပြ မေတ္တာရပ်ခံတော့ ဘတ်ငွေ ၅၀၀ နဲ့ အပေးအယူ တည့်သွားပါတယ်။ အဲဒီကားပေါ် ပစ္စည်းတွေတင်၊ လမ်းမလျှောက်နိုင်တဲ့ အမျိုးသမီးတချို့နဲ့ ကလေးငယ်တချို့ကိုတင်ပြီး ထီးခီးစခန်းဆီ ကျနော်တို့ တက်လာတော့ လမ်းတလျှောက်မှာ ကရင်ရွာသူရွာသားတွေ အများကြီးလည်း ထီးခီးဆီ လမ်းလျှောက်သွားနေကြတာ တွေ့ရပါတယ်။

ဒါပေမဲ့ KNU ခရိုင်ရုံးကနေ ထီးထာကလူတွေကို ထီးခီးဆီ တရားဝင်လာခွင့် မပေးသေးတဲ့အတွက် အတော်များများဟာ လမ်းတလျှောက်မှာ တဲထိုးပြီး ယာယီစခန်းချ စောင့်ဆိုင်းနေကြပါတယ်။ ကျနော်တို့ကားကြီး ထီးခီးက ကျောင်းသားရုံးရှေ့ရောက်တော့ ပဒိုနီးနီ အပါအဝင် KNU အရာရှိတချို့ လာကြည့်ပြီး စစ်မရောက်ခင် ကြိုပြေးလာသူတွေအဖြစ် ကျနော့်ကို အပြစ်တင်တဲ့လေသံနဲ့ ပြောသွားပါတယ်။ ကျနော်လည်း အခြေနေကို ရှင်းမပြနိုင်တော့။ ကားပေါ်က ပစ္စည်းတွေကို အမြန်ချ။ ပါလာတဲ့ သွပ်ပြားတွေနဲ့ ကျောင်းသားရုံးဘေးမှာ ယာယီအမိုးလုပ်ပြီး အိမ်ထောင်သည်လိုင်းက အမျိုးသမီးနဲ့ ကလေးတွေအတွက် နေရာပြင်ပေးရပါတယ်။

ကျနော်တို့က ဒီလို ပြာယာခတ်ပြီး ပြင်နေပေမဲ့ ထီးခီးရှိ KNU တာဝန်ရှိသူတွေကို ကြည့်ရတာ အေးအေးဆေးဆေးပါပဲ။ နဝတစစ်ကြောင်း တော်ရုံနဲ့ ထီးခီးကို ရောက်လာမယ့်ပုံ မရှိသေးဘူးဆိုတဲ့ အထာမျိုးနဲ့ပါ။ တချို့ကောလာဟလ သတင်းတွေအရဆိုရင် အမိုအထိပဲ နဝတက ထိုးစစ်ဆင်ပြီး ထီးခီးဖက်ကို မထိုးဘဲ ချန်ထားမယ်လိုလို သတင်းတွေ ထွက်နေပါတယ်။ ဒါပေမယ့် ကျနော်တို့ကတော့ လုပ်စရာရှိတာတွေကို အစီစဉ်အတိုင်း ဆက်လုပ်နေပြီး အရေးကြီးပစ္စည်းတွေကို ထိုင်းနယ်မြေထဲရှိ ဖုနန်းလွန်ရွာက ထိုင်းထောက်လှမ်းရေးအိမ်နဲ့ ဟွေးနန်းခေါင်ရွာရှိ ကျနော်တို့ ယာယီရုံးခန်းဖွင့်ထားတဲ့ အိမ်တွေဆီ အမြန်ပို့လိုက်ပါတယ်။



မင်းသမီးခစန်းမှာ ကျင်းပခဲ့တဲ့ မြန်မာနိုင်ငံ အမျိုးသမီးသမဂ္ဂ (BWU) အစည်းဝေးတခု

ညနေမိုးချုပ်ခါနီးမှာတော့ လမ်းလျှောက်တက်လာကြတဲ့ အိမ်ထောင်သည်လိုင်းက မိသားစုတွေအားလုံး ထီးခီရုံးဆီ ရောက်လာကြပါတယ်။ ပျိုးပန်းဝေကျောင်းက ကျောင်းသားလေးတွေ၊ ကလေးတွေ၊ အမျိုးသမီးတွေနဲ့ အသက်ကြီး ပုဂ္ဂိုလ်တွေပါ ပေါင်းလိုက်ရင် လူဦးရေ ၆၀ ကျော် ၇၀ လောက်အထိ ရှိမယ်လို့ ကျနော်ထင်ပါတယ်။     ။

0 comments:

Post a Comment

Share

Twitter Delicious Facebook Digg Stumbleupon Favorites More