Sunday, October 31, 2021

Interview with Saw Han Ngwe Oo (LGBT) Part 2


“လွတ်ငြိမ်းထဲပါပေမယ့် ထောင်ဖူးဝရောက်ပြီးမှ အထဲပြန်သွင်းခံရသူတွေလည်း အများကြီးပဲ”
(စောဟန်နွေဦး- LGBT အရေးနှင့် လူ့အခွင့်အရေးလှုပ်ရှားသူ)
-----------------------------------------------
(၃၀ /၁၀/၂၀၂၁)
လူသားချင်းစာနာမှုအရ နိုင်-ကျဉ်း ၅၀၀၀ ကျော်ကို ပြန်လွှတ်ပေးခဲ့တယ်လို့ စစ်ကောင်စီက ကြေညာပေမယ့် ထောင်ဖူး၀ ရောက်ပြီးမှ ပြန်ဖမ်းခံရသူတွေလည်း အများကြီးရှိနေတယ်လို့ အောက်တိုဘာ ၁၉ ရက်ကမှ ပြန်လွတ်လာသူ၊ LGBT အရေးလှုပ်ရှားသူ စောဟန်နွေဦးကပြောပါတယ်။

မန္တလေးနန်းတွင်း စစ်ကြောရေးစခန်းမှာ လိင်ပိုင်းဆိုင်ရာစော်ကားမှုတွေရှိခဲ့တယ်ဆိုတဲ့ စွပ်စွဲချက်တွေနဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် စောဟန်နွေဦးက အဲဒီလိုပြောခဲ့တာပါ။

အခုထုတ်လွှင့်ပေးမယ့် မေးမြန်းချက် ဒုတိယ ပိုင်းမှာတော့... လွှတ်ပေးပြီးမှ ထောင်ဖူးဝမှာတင် ပြန်ဖမ်းတယ်ဆိုတာ တကယ်လား၊ နွေဦးတော်လှန်ရေးမှာ LGBT တွေအတော်များများပါဝင်နေတာ ဘာကြောင့်လဲ၊ လွတ်မြောက်နယ်မြေမှာ ဘာတွေဆက်လုပ်မှာလဲ... စတဲ့ အကြောင်းအရာတွေကို ဆွေးနွေးတင်ပြထားပါတယ်။

Friday, October 29, 2021

Interview with Saw Han Ngwe Oo (LGBT) Part-1


စစ်ကြောရေးစခန်းတွင် လိင်ပိုင်းဆိုင်ရာ စော်ကားခံခဲ့ရသူ LGBT တဦးနှင့် မေးမြန်းချက် (၁)
--------------------------------------------
(၂၉ /၁၀/၂၀၂၁)

နွေဦးတော်လှန်ရေးအတွင်း ပါဝင်မှုနဲ့ ဖမ်းဆီးခံခဲ့ရသူတွေကို စစ်ဆေးတဲ့အခါမှာ စစ်ကောင်စီ တာဝန်ရှိသူတွေက လိင်ပိုင်းဆိုင်ရာစော်ကားမှုတွေ ပြုလုပ်ခဲ့တယ်လို့ အောက်တိုဘာ ၁၉ ရက်ကမှ လွတ်ငြိမ်းချမ်းသာခွင့်နဲ့ ပြန်လွတ်လာသူ၊ LGBT အရေးလှုပ်ရှားသူ စောဟန်နွေဦးကပြောပါတယ်။

သီတင်းကျွတ်ပွဲမှာ ပါဝင်နိုင်ဖို့အတွက် လူသားချင်းစာနာမှုအရ နိုင်-ကျဉ်း ၅၀၀၀ ကျော်ကို ပြန်လွှတ်ပေးခဲ့တယ်လို့ စစ်ကောင်စီရဲ့ကြေညာချက်နဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် စောဟန်နွေဦးက အဲဒီလိုပြောခဲ့တာပါ။

အခုထုတ်လွှင့်ပေးမယ့် မေးမြန်းချက် ပထမ ပိုင်းမှာတော့... ဘာကြောင့် အဖမ်းခံခဲ့ရတာလဲ၊ မန္တလေး နန်းတွင်းစစ်ကြောရေးစခန်းမှာ ဘယ်လို စော်ကားခံခဲ့ရတာလဲ၊ KIA ဒေသအထိသွားပြီး စစ်သင်တန်းတက်ခဲ့တယ်ဆိုတာ တကယ်လား၊ အိုးဘိုထောင်တွင်းမှာကော အခြေအနေတွေ ဘယ်လိုရှိသလဲ... စတဲ့ အကြောင်းအရာတွေကို ဆွေးနွေးတင်ပြထားပါတယ်။

(နွေဦးတော်လှန်ရေးမှာ LGBT အတော်များများပါဝင်နေတဲ့ ထူးခြားချက်၊ လွတ်မြောက်နယ်မြေမှာ ဘာတွေဆက်လုပ်ဖို့ရှိလဲ... စတဲ့ အချက်တွေပါဝင်တဲ့ ဒုတိယ ပိုင်းကိုတော့ မနက်ဖန်၊ စနေညမှာ ဆက်လက်ထုတ်လွှင့်ပေးသွားမှာဖြစ်ပါတယ်)။

Wednesday, October 27, 2021

Interview with U Bo Hla Tint (ASEAN- NUG) Part- 2


“မျိုးဆက်သစ်လူငယ်တွေရဲ့ စွန့်လွှတ်စွန့်စားမှုက လွတ်မြောက်ရေးလှုပ်ရှားမှု သမိုင်းမှာ အမြင့်ဆုံး ဒီဂရီကို ရောက်နေပါပြီ”

(ဦးဘိုလှတင့်- အာဆီယံဆိုင်ရာ သံအမတ်ကြီး- NUG)
----------------------------
(၂၈/၁၀/၂၀၂၁)

ဒီနေ့  မျိုးဆက်သစ် GZ လူငယ်တွေရဲ့ စွန့်လွှတ်စွန့်စားမှုဟာ စစ်အာဏာရှင်လက်အောက်က လွတ်မြောက်ရေးလှုပ်ရှားမှုသမိုင်းမှာ အမြင်း့ဆုံး ဒီဂရီအထိ ရောက်နေပြီဖြစ်တဲ့အတွက် မကြာခင် အောင်ပွဲရမှာသေချာတယ်လို့ အမျိုးသားညီညွတ်ရေးအစိုးရ NUG အာဆီယံ ဆိုင်ရာ သံအမတ်ကြီး ဦးဘိုလှတင့်ကပြောပါတယ်။

အောက်တိုဘာ ၂၆ ကနေ ၂၈ အထိ သုံးရက်တာကျင်းပနေတဲ့ အာဆီယံ ထိပ်သီးအစည်းအဝေးရဲ့ အလားအလာတွေနဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလိုဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ဒုတိယ ပိုင်းမှာတော့... အာဆီယံ အစည်းအဝေးက ဘယ်လိုဆုံးဖြတ်ချက်တွေ ထွက်လာနိုင်သလဲ၊ စစ်ကောင်စီက အစည်းအဝေးမတက်တဲ့အတွက် အာဆီယံနဲ့ NUG ကြား ဆက်ဆံရေး ပိုတိုးတက်လာနိုင်သလား၊ အရင် ၁၉၉၀ ဝန်းကျင် NCG အစိုးရအောက်မှာ တာဝန်ယူရတာနဲ့ အခု ၂၀၂၀ ရွေးကောက်ပွဲအလွန် NUG အစိုးရအောက်မှာ တာဝန်ထမ်းရတာ အခြေအနေခြင်း ဘယ်လိုကွာခြားသလဲ... စတဲ့ အကြောင်းအရာတွေကို ဆွေးနွေးတင်ပြထားပါတယ်။


Tuesday, October 26, 2021

Interview with U Bo Hla Tint of (ASEAN-NUG) Part 1


“အာဆီယံ ခေါင်းဆောင်တွေရဲ့ ပြောင်းလဲလာနေတဲ့ ခြေလှမ်းသစ်ကို ကျနော်တို့ ကြိုဆိုတယ်”

(ဦးဘိုလှတင့်- အာဆီယံဆိုင်ရာ သံအမတ်ကြီး- NUG)
----------------------------
(၂၇/၁၀/၂၀၂၁)

အာဆီယံ ဆုံးဖြတ်ချက်ကို မလိုက်နာတဲ့ စစ်ကောင်စီ ဥက္ကဌကို ထိပ်သီးအစည်းအဝေး ဆီ မဖိတ်ပဲချန်ထားတာအပါဝင် အာဆီယံ ခေါင်းဆောင်ပိုင်းရဲ့ ပြောင်းလဲလာနေတဲ့ ခြေလှမ်းသစ်တွေကို ကြိုဆိုပါတယ်လို့ အမျိုးသားညီညွတ်ရေးအစိုးရ NUG အာဆီယံ ဆိုင်ရာ သံအမတ်ကြီး ဦးဘိုလှတင့်ကပြောပါတယ်။

အောက်တိုဘာ ၂၆ ကစပြီး ၃ ရက်တာကျင်းပနေတဲ့ အာဆီယံ ထိပ်သီးအစည်းအဝေးရဲ့ အလားအလာတွေနဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလိုဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ပထမ ပိုင်းမှာတော့... အာဆီယံ သံအမတ်ကြီးအဖြစ် တာဝန်ပေးခံရပုံ၊ စစ်ကောင်စီ ဥက္ကဌ မပါပဲ ကျင်းပတဲ့ အာဆီယံ အစည်းအဝေးက တကယ်ပဲ တိုးတက်တဲ့ ခြေလှမ်းသစ်တွေ လှမ်းလာနိုင်တော့မလား၊ ၃ ရက်တာ အစည်းအဝေးအပြီးမှာ မြန်မာ့အရေးအပေါ် အာဆီယံက ဘယ်လို အရေးယူမှုတွေ လုပ်လာနိုင်သလဲ... စတဲ့ အကြောင်းအရာတွေကို ဆွေးနွေးတင်ပြထားပါတယ်။

(၁၉၉၀ ရွေးကောက်ပွဲအလွန်ကာလနဲ့ အခု ၂၀၂၀ ရွေးကောက်ပွဲအလွန်ကာလ တူညီချက်- ကွာခြားချက်အကြောင်းတွေပါဝင်တဲ့ မေးမြန်းချက် ဒုတိယ ပိုင်းကိုတော့ မနက်ဖန် မှာ ဆက်လက် ထုတ်လွှင့်ပေးသွားမှာဖြစ်ပါတယ်)။

Interview with Khin Omar of Progressive Voice- Part 2


“စစ်ကောင်စီရဲ့ အနိုင်ကျင့် ဗိုလ်ကျမှုတွေကို ရပ်တန့်အောင် အရင်လုပ်ပြီးမှ ဆွေးနွေးရေးစကားကိုပြောပါ”

(မခင်ဥမ္မာ- Progressive Voice)
----------------------------
(၂၆/၁၀/၂၀၂၁)

အာဏာသိမ်း မြန်မာစစ်ကောင်စီရဲ့ အနိုင်ကျင့် ဗိုလ်ကျမှုတွေကို ရပ်တန့်အောင် အရင်လုပ်ပြီးမှ တွေ့ဆုံဆွေးနွေးရေးဆိုတာကို ပြောသင့်တယ်လို့ Progressive Voice က မခင်ဥမ္မာကပြောပါတယ်။

ဒီနေ့စတင်ကျင်းပတဲ့ အာဆီယံ ထိပ်သီးအစည်းအဝေး၊ အဲဒီအစည်းအဝေးအပြီးဖြစ်ပေါ်လာနိုင်တဲ့ နိုင်ငံတကာ ကြားဝင် ညှိနှိုင်းမှုအလားအလာတွေနဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူမက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ဒုတိယ ပိုင်းမှာတော့... ၃ ရက်ကြာ အာဆီယံအစည်းအဝေးပြီးရင် နိုင်ငံတကာဖက်က ကြားဝင်ညှိနှိုင်းမှုဖြစ်လာနိုင်သလား၊ စစ်တပ်နဲ့ အာဏာခွဲဝေအုပ်ချုပ်ရေးဆိုတဲ့ လွန်ခဲ့တဲ့ ၁၀ နှစ်က ပုံစံကို ဒီနေ့ တော်လှန်ရေးမျိုးဆက်သစ်က လက်ခံနိုင်သေးရဲ့လား၊ တိုက်ပွဲပုံစံသစ်တွေနဲ့ နိုင်ငံသစ်ကို တည်ဆောက်နိုင်တော့မလား... .. စတဲ့ အကြောင်းအရာတွေကို ဆွေးနွေးတင်ပြထားပါတယ်။

Monday, October 25, 2021

Interview with Khin Omar of Progress Voice- part 1


“အာဆီယံ တခုတည်းမဖြေရှင်းနိုင်ဘူး။ လုံခြုံရေးကောင်စီက ထောက်ခံပေးဖို့ လိုနေပါတယ်”
(မခင်ဥမ္မာ- Progressive Voice)
----------------------------
(၂၅-၁၀-၂၀၂၁)

မြန်မာနိုင်ငံက စစ်ကောင်စီကို အရေးယူတဲ့အခါ အာဆီယံ တခုတည်းနဲ့ ဆောင်ရွက်နိုင်စွမ်းမရှိတဲ့အတွက် ကုလသမဂ္ဂလုံခြုံရေးကောင်စီရဲ့ ထောက်ခံမှုကို အာဆီယံက ရယူဖို့လိုအပ်နေတယ်လို့ Progressive Voice အဖွဲ့ရဲ့ ဥက္ကဌ မခင်ဥမ္မာကပြောပါတယ်။

မနက်ဖန်စတင်တော့မယ် အာဆီယံ ထိပ်သီးအစည်းအဝေးနဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူမက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ပထမ ပိုင်းမှာတော့... ပြီးခဲ့တဲ့ သတင်းပတ်က ကျင်းပခဲ့တဲ့ အာဆီယံ အရပ်ဖက်အဖွဲ့များရဲ့ အစည်းအဝေးတောင်းဆိုချက်၊ မနက်ဖန် အစည်းအဝေးကိုတက်မယ့် နိုင်ငံရေးအရ ကိုယ်စားမပြုတဲ့ ကိုယ်စားလှယ်ဆိုတာ ဘယ်လိုမျိုးလဲ၊ ၃ ရက်တာ အစည်းအဝေးမှာ ဘာတွေ ဆွေးနွေးပြီး ဘယ်လို ဆုံးဖြတ်ချက်တွေ ထွက်လာနိုင်သလဲ၊ အစည်းအဝေးမတိုင်ခင် ရက်ပိုင်းအလိုမှာ အာဆီယံဒေသဆီခရီးထွက်လာတဲ့ အမေရိကန် အဆင့်မြင့် ကိုယ်စားလှယ်အဖွဲ့ရဲ့ ခရီးစဉ်က ဘယ်လောက်အရေးပါသလဲ... စတဲ့ အကြောင်းအရာတွေကို ဆွေးနွေးတင်ပြထားပါတယ်။

(ဆွေးနွေးရေးအကြောင်း မပြောခင် စစ်ကောင်စီရဲ့ ထိုးစစ်ဆင်မှုတွေ၊ လူသားမဆန် ရက်စက်မှုတွေကို အရင်ရပ်တန့်အောင်လုပ်ဖို့လိုကြောင်းဆွေးနွေးချက် ပါဝင်တဲ့ ဒုတိယ ပိုင်းကိုတော့ မနက်ဖန် ညမှာ ဆက်လက် ထုတ်လွှင့်ပေးမှာဖြစ်ပါတယ်)။

Thursday, October 21, 2021

Interview with U Aung Myo Min of NUG.


“ပြန်လွတ်လာသူတွေထဲမှာ NLD ထိပ်ပိုင်းခေါင်းဆောင်တွေ မပါသေးဘူး”
(ဦးအောင်မျိုးမင်း- လူ့အခွင့်အရေးဝန်ကြီး- NUG)
------------------------------------------
(၂၁/၁၀/၂၀၂၁)

အာဏာသိမ်းစစ်ကောင်စီက ပြန်လွှတ်ပေးတဲ့သူတွေထဲမှာ ဒေါ်အောင်ဆန်းစုကြည်နဲ့ ပြည်နယ်-တိုင်း ဝန်ကြီးချုပ်တွေလို NLD ထိပ်ပိုင်းခေါင်းဆောင်တွေ မပါသေးတဲ့အတွက် ဒါဟာ ပြုပြင်ပြောင်းလဲမှုလုပ်ချင်လာတဲ့သဘောလို့ လုံး၀ ယူဆလို့မရသေးတဲ့အကြောင်း အမျိုးသားညီညွှတ်ရေးအစိုးရ NUG လူ့အခွင့်အရေးဝန်ကြီး ဦးအောင်မျိုးမင်းကပြောပါတယ်။

ဖေဖေါ်ဝါရီ ၁ ရက်နေ့ နောက်ပိုင်း ဖမ်းဆီးခံထားရသူ ၈၀၀၀ နီးပါးထဲက ၅၀၀၀ ကျော်ကို ပြန်လွှတ်ပေးနေပါပြီလို့ စစ်ကောင်စီက ကြေညာတဲ့အပေါ် BNN သတင်းဌာနမှ ဦးထက်အောင်ကျော်က NUG ရဲ့ သဘောထားကိုမေးမြန်းစဉ် သူက အဲဒီလိုဖြေကြားခဲ့တာပါ။

အခုထုတ်လွှင့်ပေးမယ့် မေးမြန်းချက်ထဲမှာ... စစ်ကောင်စီက ဘာကြောင့် နိုင်-ကျဉ်းတွေကို အခုလို ပြန်လွှတ်ပေးလိုက်တာလဲ၊ ဒီလိုလွှတ်ပေးမှုအပေါ် အာဆီယံနဲ့ နိုင်ငံတကာအသိုင်းအဝိုင်းကကြိုဆိုလေမလား၊ ဒီလိုလွှတ်ပေးမှုကြောင့် တိုက်ပွဲအရှိန်တွေ ပြန်ကျသွားနိုင်သလား၊ NUG ဖက်ကကော လွှတ်ပေးမှုကနေဖြစ်ပေါ်လာမယ့် နောက်တဆင့်အတွက် ဘာတွေပြင်ဆင်ထားသလဲ... စတဲ့အကြောင်းအရာတွေကို ဆွေးနွေးတင်ပြထားပါတယ်။

Tuesday, October 19, 2021

Interview with U Myo Win of PPST- Part 2


“လူထုရွေးချယ်မှု Mandate တခုတည်းနဲ့မရဘူး၊ အားလုံး လက်တွဲဆောင်ရွက်နိုင်ဖို့လိုတယ်”

(ရဲဘော်မျိုးဝင်း- PPST ပြောခွင့်ရပုဂ္ဂိုလ်)
----------------------------------------------
(၁၉/၁၀/၂၀၂၁)

မြန်မာနိုင်ငံရဲ့ပြသာနာတွေကိုဖြေရှင်းတဲ့နေရာမှာ လူထုကရွေးချယ်ထားတဲ့ဆိုတဲ့ Mandate တခုတည်းနဲ့မလုံလောက်ဘူး။ အင်အားစုအားလုံး လက်တွဲဆောင်ရွက်နိုင်ဖို့လိုတယ်လို့ အပစ်ရပ်ထားတဲ့ တိုင်းရင်းသားလက်နက်ကိုင်အဖွဲ့ ၁၀ ဖွဲရဲ့ ငြိမ်းချမ်းရေးလုပ်ငန်းစဉ် ဦးဆောင်အဖွဲ့ PPST ပြောခွင့်ရသူ ရဲဘော်မျိုးဝင်းကပြောပါတယ်။

တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ် NCA လက်မှတ် ရေးထိုးခြင်း (၆)နှစ်ပြည့်နေ့မှာ ထုတ်ပြန်တဲ့ ကြေညာချက်နဲ့ လက်ရှိနိုင်ငံရေးဖြစ်စဉ်တွေအပေါ် BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ဒုတိယ ပိုင်းမှာတော့...အာဆီယံအပါဝင် နိုင်ငံတကာရဲ့ ကြားဝင်ဖြန်ဖြေမှုအပေါ် အမြင်၊ ဒီအချိန်မှာ တွေ့ဆုံဆွေးနွေးရေးပြောနေတာ လက်တွေ့ကျရဲ့လား၊ လက်ရှိ ပြသာနာအားလုံးရဲ့ မူလအစဟာ အာဏာသိမ်း စစ်ကောင်းစီပဲ မဟုတ်ဘူးလား.... စတဲ့ အကြောင်းအရာတွေကို ဆွေးနွေးတင်ပြထားပါတယ်။

Monday, October 18, 2021

Interview with U Myo Win of PPST- Part 1


“PPST က နွေဦးတော်လှန်ရေးကို ဝန်းရံပံ့ပိုးနေပါတယ်”
(ရဲဘော်မျိုးဝင်း- PPST ပြောခွင့်ရပုဂ္ဂိုလ်)
----------------------------------------------
(၁၈/၁၀/၂၀၂၁)

CDM လှုပ်ရှားမှုအပါဝင် နွေဦးတော်လှန်ရေးကို သူတို့အဖွဲ့က ဝန်းရံပံ့ပိုးနေပါတယ်လို့ အပစ်ရပ်ထားတဲ့ တိုင်းရင်းသားလက်နက်ကိုင်အဖွဲ့ ၁၀ ဖွဲရဲ့ ငြိမ်းချမ်းရေးလုပ်ငန်းစဉ် ဦးဆောင်အဖွဲ့ PPST ပြောခွင့်ရသူ ရဲဘော်မျိုးဝင်းကပြောပါတယ်။

တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ် NCA လက်မှတ် ရေးထိုးခြင်း (၆)နှစ်ပြည့်နေ့မှာ ထုတ်ပြန်တဲ့ ကြေညာချက်နဲ့ လက်ရှိနိုင်ငံရေးဖြစ်စဉ်တွေအပေါ် BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ပထမပိုင်းမှာတော့... NCA သဘောတူစာချုပ်က ဆက်ရှိနေဆဲလား၊ ပျက်သွားပြီလား။ အာဏာသိမ်းစစ်တပ်အပေါ် PPST က ဘယ်လိုသဘောထားသလဲ၊ နွေဦးတော်လှန်ရေးမှာ ပူးပေါင်းပါဝင်ဖို့ ဘာတွေ အခက်အခဲရှိနေသလဲ... စတဲ့ အကြောင်းအရာတွေကို ဆွေးနွေးတင်ပြထားပါတယ်။

(အာဆီယံအပါဝင် နိုင်ငံတကာရဲ့ ကြားဝင်ဆောင်ရွက်မှုအပေါ်အမြင်၊ တွေ့ဆုံဆွေးနွေးအဖြေရှာရေးဆိုတာဖြစ်နိုင်ခြေရှိသေးလား...စတဲ့ အကြောင်းရာတွေပါဝင်တဲ့ ဒုတိယ ပိုင်းကိုတော့ မနက်ဖန်ညမှာ ဆက်လက် ထုတ်လွှင့်ပေးမှာဖြစ်ပါတယ်)။

Friday, October 15, 2021

Interview with U Aung Thu Nyein


“စစ်ကောင်စီမှာ မဟာမိတ်သိပ်နည်းနေလို့ ဒီအတိုင်း ရပ်တည်ဖို့ ခက်ပါတယ်”
-------------------------------------------
(၁၅/၁၀/၂၀၂၁)

အာဏာသိမ်းစစ်ကောင်စီဟာ အိမ်နီးချင်း အာဆီယံကိုတောင် မဟာမိတ်မဖွဲ့နိုင်ပဲ တရုတ်နဲ့ရုရှားကိုသာအားကိုးနေရတဲ့အတွက် ရေရှည်ရပ်တည်ရေးခက်ခဲနိုင်တယ်လို့ နိုင်ငံရေး ဝေဖန်သုံးသပ်သူ ဦးအောင်သူငြိမ်းကပြောပါတယ်။

အာဏာသိမ်းပြီး ၈ လကြာ နိုင်ငံရေးအခြေအနေ၊ အာဆီယံ အထူးကိုယ်စားလှယ် လာခွင့်ရ မရအခြေနေ၊ နိုင်ငံတကာရဲ့ ဖိအားတိုးလာနေတဲ့အခြေအနေတွေနဲ့ပတ်သက်ပြီး BNN သတင်းဌာနမှ ဦးထက်အောင်ကျော်က မေးမြန်းစဉ် သူက အဲဒီလိုဖြေကြားခဲ့တာပါ။

အခုထုတ်လွှင့်ပေးမယ့် မေးမြန်းချက်ထဲမှာ... အာဆီယံ အထူးကိုယ်စားလှယ်ခရီးစဉ်ရဲ့ နောက်ဆုံးအခြေနေ၊ အာဆီယံကိုယ်စားလှယ်ကို လာခွင့်မပေးရင် ဘာတွေ ဆက်ဖြစ်လာနိုင်သလဲ၊ သံတမန်ရေးကြားဝင်စေ့စပ်မှု မအောင်မြင်ရင် လက်နက်ကိုင်တိုက်ပွဲတွေ ပိုပြင်းထန်လာနိုင်သလား၊ နွေဦးတော်လှန်ရေး ၈ လကျော်ကြာတဲ့အထိ ဒီမိုကရေစီ အင်အားစုနဲ့ တိုင်းရင်းသားအင်အားစုတွေကြားမှာ တပ်ပေါင်းစု မဖွဲ့နိုင်သေးတာ ဘာကြောင့်လဲ... စတဲ့ အကြောင်းအရာတွေကို ဆွေးနွေးတင်ပြထားပါတယ်။

Thursday, October 14, 2021

Interview with Chairman of Myanmar Cycling.



2019 ခုုနွစ္က ျပဳလုုပ္ခဲ့တဲ့ ျမန္မာနုုိင္ငံ စက္ဘီးအဖြဲ႔ခ်ဳပ္ဥကၠဌ ဦးခင္ေမာင္၀င္းနွင့္ One News ေမးျမန္းခ်က္ကုုိ မွတ္တမ္းအျဖစ္ ျပန္လည္ေဖၚျပအပ္ပါသည္။

Wednesday, October 13, 2021

Dr Tint Swe Part 3


ဒေါက်တာတင့်ဆွေနှင့် မေးမြန်းချက် (၃) ------------------------------------------- (၃/၉ /၂၀၂၁) စစ်အာဏာရှင်စနစ်ကို အပြတ်ရှင်းမယ်ဆိုရင် အာဏာရှင်တွေနဲ့ပေါင်းနေတဲ့ အခွင့် အရေးသမားတွေကိုလည်း အပြတ်ရှင်းသင့်တယ်လို့ ၁၉၉၀ ရွေးကောက်ခံ လွှတ်တော် ကိုယ်စားလှယ်တဦးဖြစ်သူ ဒေါက်တာတင့်ဆွေကပြောပါတယ်။ စစ်အာဏာသိမ်းမှု ၇ လပြည့်အခြေအနေနဲ့ပတ်သက်ပြီး BNN သတင်းဌာနက ဦးထက်အောင်ကျော်နဲ့ သီးသန့် မေးမြန်းခန်းအတွင်း သူက အဲဒီလိုပြောခဲ့တာပါ။ အခုထုတ်လွှင့်ပေးမယ့် မေးမြန်းချက် နောက်ဆုံးအပိုင်းမှာတော့... အရင်တော်လှန်ရေးတွေထက် အခုတော်လှန်ရေးက အောင်မြင်မှုရနိုင်ခြေ ပိုများနေတယ်လို့ ဘာကြောင့် ပြောနိုင်တာလဲ၊ ဘယ်အစိုးရတက်တက် ပေါင်းစား-ညာစားမယ်ဆိုတဲ့ လူတန်းစား ကို ဘယ်လိုသဘောထားသင့်သလဲ၊ ဒလန်တွေကို ရှင်းပစ်တာ ထိရောက်မှုရှိသလား၊ ပြည်တွင်း-ပြည်ပ အကူအညီတွေက နွေဦးတော်လှန်ရေးကို ဘယ်လောက်အထိ တွန်းအားဖြစ်စေသလဲ... စတဲ့ အကြောင်းအရာ တွေကို ဆွေးနွေးတင်ပြထားပါတယ်။ (ဒီတပတ် စနေ-တနင်္ဂနွေမှာတော့ လက်နက်ကိုင်တော်လှန်ရေးအကြောင်း စစ်ရေး၊နိုင်ငံရေး လေ့လာသုံးသပ်သူ ဦးမောင်မောင်စိုးနဲ့ မေးမြန်းချက်ကို ထုတ်လွှင့်ပေးသွားဖို့ စီစဉ်ထားပါတယ်)။

Dr Tint Swe Part 2


ဒေါက်တာတင့်ဆွေနှင့် မေးမြန်းချက် (၂) ------------------------------------------- (၂/၉ /၂၀၂၁) “စစ်အာရှင်စနစ် အလိုမရှိ” ကနေ “အာဏာရှင်မှန်သမျှ အမြစ်ပြတ်ချေမှုန်းကြ” ဆိုပြီး ရရာ လက်နက်ဆွဲကိုင်တော်လှန်တဲ့အထိ ဖြစ်လာနေတဲ့ PDF တွေရဲ့ လမ်းစဉ်ဟာ မြန်မာ့သမိုင်းမှာ လုံးဝအသစ်ပေါ်လာတဲ့ စိတ်ကူးအသစ်ဖြစ်တယ်လို့ ဝါရင့်နိုင်ငံရေးသမားတဦးဖြစ်သူ ဒေါက်တာတင့်ဆွေကပြောပါတယ်။ စစ်အာဏာသိမ်းမှု ၇ လပြည့်အခြေအနေနဲ့ပတ်သက်ပြီး BNN သတင်းဌာနက ဦးထက်အောင်ကျော်နဲ့ သီးသန့် မေးမြန်းခန်းအတွင်း သူက အဲဒီလိုပြောခဲ့တာပါ။ အခုထုတ်လွှင့်ပေးမယ့် မေးမြန်းချက် ဒုတိယ ပိုင်းမှာတော့... “စစ်အာဏာရှင်စနစ် အလိုမရှိ” ကနေ “အာဏာရှင်မှန်သမျှ အမြစ်ပြတ်ချေမှုန်းကြ” ဆိုတဲ့အထိ ဖြစ်လာပြီး လူတွေ ဘာကြောင့် လက်နက်ကိုင်တော်လှန်နေကြတာလဲ၊ ၁၉၈၈ ဝန်းကျင်လူငယ်တွေနဲ့ ဒီနေ့ GZ လူငယ်တွေရဲ့ စဉ်းစားပုံ ဘယ်လိုကွာသလဲ၊ ၁၉၈၈ ဝန်းကျင် မြန်မာစစ်တပ်နဲ့ ဒီနေ့ စကစ စစ်တပ် အခြေအနေ ဘယ်လိုကွာသလဲ... စတဲ့ အကြောင်းအရာ တွေကို ဆွေးနွေးတင်ပြထားပါတယ်။ (မေးမြန်းချက် နောက်ဆုံး အပိုင်းကိုတော့ မနက်ဖန် ညပိုင်းမှာ ဆက်လက် ထုတ်လွှင့်ပေးသွားမှာဖြစ်ပါတယ်)။

Dr Tint Swe Part 1


ဒေါက်တာတင့်ဆွေနှင့် မေးမြန်းချက် (၁) ------------------------------------------- (၁/၉ /၂၀၂၁) အမျိုးသားညီညွတ်ရေးအစိုးရ NUG ရဲ့ ထူးခြားချက်က ရွေးကောက်ခံ လွှတ်တော်ကိုယ်စားလှယ်တွေအပြင် တိုင်းရင်းသားကိုယ်စားလှယ်တွေ၊ အရပ်ဖက် အဖွဲ့အစည်း ကိုယ်စားလှယ်တွေကိုပါ ပါဝင်ဖွဲ့စည်းနိုင်ခဲ့ခြင်းဖြစ်တယ်လို့ ၁၉၉၀ ခုနှစ် ရွေးကောက်ခံ လွှတ်တော်ကိုယ်စားလှယ်တဦးဖြစ်သူ ဒေါက်တာတင့်ဆွေကပြောပါတယ်။ စစ်အာဏာသိမ်းမှု ၇ လပြည့်အခြေအနေနဲ့ပတ်သက်ပြီး BNN သတင်းဌာနက ဦးထက်အောင်ကျော်နဲ့ သီးသန့် မေးမြန်းခန်းအတွင်း သူက အဲဒီလိုပြောခဲ့တာပါ။ အခုထုတ်လွှင့်ပေးမယ့် မေးမြန်းချက် ပထမ ပိုင်းမှာတော့... ၁၉၉၀ ရွေးကောက်ပွဲအလွန်ကာလနဲ့ ၂၀၂၀ ရွေးကောက်ပွဲအလွန်ကာလတွေရဲ့ တူညီချက်နဲ့ မတူညီချက်တွေ၊ NCG ဖြစ်ပေါ်လာပုံနဲ့ NUG ဖြစ်ပေါ်လာပုံ တူညီချက်-မတူညီချက်တွေ၊ နယ်စပ်ဒေသက တိုင်းရင်းသားလက်နက်ကိုင်အဖွဲ့တွေရဲ့ အစိုးရတွေအပေါ် သဘောထား၊ ကုလသမဂ္ဂနဲ့ နိုင်ငံတကာဖက်က အသိမှတ်ပြုမှု အခြေအနေတွေကို ဆွေးနွေးတင်ပြထားပါတယ်။ (မေးမြန်းချက် ဒုတိယ ပိုင်းကိုတော့ မနက်ဖန် ညပိုင်းမှာ ဆက်လက် ထုတ်လွှင့်ပေးသွားမှာဖြစ်ပါတယ်)။

MMS Part 2


“လက်နက်ကိုင်တိုက်ပွဲ အရှိန်မြင့်လာမှုကို ဘယ်သူကမှ တားနိုင်မယ် မထင်ဘူး” ------------------------------------------- (၆/၉ /၂၀၂၁) စစ်အာဏာသိမ်းမှုအပေါ် မကျေနပ်လို့ဖြစ်ပေါ်လာတဲ့ လက်နက်ကိုင်တော်လှန်မှုကို ဘယ်သူကမှ တားဆီးနိုင်မယ်မထင်ဘူးလို့ လက်နက်ကိုင်တပ်ဖွဲ့များအရေး လေ့လာသုံးသပ်သူ ဦးမောင်မောင်စိုးကပြောပါတယ်။ စစ်အာဏာသိမ်းမှု ၇ လပြည့်အခြေအနေနဲ့ပတ်သက်ပြီး BNN သတင်းဌာနမှ ဦးထက်အောင်ကျော်နဲ့ သီးသန့်မေးမြန်းခန်းအတွင်းသူက အဲဒီလိုပြောခဲ့တာပါ။ အခုထုတ်လွှင့်ပေးမယ့် မေးမြန်းချက် နောက်ဆုံးပိုင်းမှာတော့... နယ်စပ်မှာရှိနေတဲ့ တိုင်းရင်းသားလက်နက်ကိုင်တပ်တွေနဲ့ အသစ်ဖြစ်ပေါ်လာတဲ့ PDF တပ်တွေကြား ပူးတွဲ တိုက်ပွဲဝင်နိုင်မှု အားနည်းနေတာ ဘာကြောင့်လဲ၊ အပစ်ခတ်ရပ်စဲရေးသဘောတူညီချက် NCA စာချုပ်က အခုထိ ရှိနေဆဲလား၊ လက်ရှိ မြန်မာ့နိုင်ငံရေးအခြေအနေဟာ အရင် ဘယ်တုန်းကနဲ့မှမတူအောင် ထူးခြားနေတယ်ဆိုတာ ဘယ်အချက်တွေကို ပြောတာလဲ၊ မြန်မာနိုင်ငံရေးအကျပ်အတည်းရဲ့ ထွက်ပေါက်က ဘာဖြစ်မလဲ... စတဲ့ အကြောင်းအရာတွေကို ဆွေးနွေးတင်ပြထားပါတယ်။

MMS Part 1


နိုင်ငံရေး ဝေဖန်သုံးသပ်သူ ဦးမောင်မောင်စိုနှင့် မေးမြန်းချက် (၁) ------------------------- (၅/၉ /၂၀၂၁) အသစ်ဖြစ်ပေါ်လာတဲ့ PDF တပ်တွေနဲ့ အရင်ရှိပြီးသား တိုင်းရင်းသားလက်နက်ကိုင်တပ်တွေ ပူးတွဲတိုက်ပွဲဝင်နိုင်အောင်ရေးအတွက် အရေးကြီးတဲ့ ဦးဆောင်မှုတခု လိုအပ် နေတယ်လို့ လက်နက်ကိုင်တပ်ဖွဲ့အရေး လေ့လာသုံးသပ်သူ ဦးမောင်မောင်စိုးကပြောပါတယ်။ စစ်အာဏာသိမ်းမှု ၇ လပြည့်အခြေအနေနဲ့ပတ်သက်ပြီး BNN သတင်းဌာနမှ ဦးထက်အောင်ကျော်နဲ့ သီးသန့်မေးမြန်းခန်းအတွင်းသူက အဲဒီလိုပြောခဲ့တာပါ။ အခုထုတ်လွှင့်ပေးမယ့် မေးမြန်းချက် ပထမ ပိုင်းမှာတော့... မြန်မာနိုင်ငံမှာ လက်နက်ကိုင်အဖွဲ့အစည်း ဘယ်လောက်များများရှိနေပြီး ဘာတွေလုပ်နေကြသလဲ၊ စစ်အုပ်စု နဲ့ အဲဒီအဖွဲ့တွေကြားက အပစ်ခတ်ရပ်စဲရေးသဘောတူချက်က ဆက်ရှိနေဆဲလား၊ စစ်အစိုးရ အဆက်ဆက်ကိုတော်လှန်နေတဲ့ အဲဒီလက်နက်ကိုင်အဖွဲ့အစည်းတွေက အခု အသစ်ဖြစ်ပေါ်လာတဲ့ PDF နဲ့လက်တွဲပြီး စစ်အုပ်စုကို တော်လှန်ဖို့အရေးမှာ ဘာကြောင့် အဆင်သင့်မဖြစ်သေးတာလဲ... စတဲ့ အကြောင်းအရာတွေကို ဆွေးနွေးတင်ပြထားပါတယ်။ (လက်နက်ကိုင်တိုက်ပွဲ ရှေ့အလားအလာ ဘယ်လိုဆက်ဖြစ်လာနိုင်သလဲ ဆိုတဲ့ မေးမြန်းချက် ဒုတိယ ပိုင်းကိုတော့ မနက်ဖန်ညမှာ ဆက်လက်ထုတ်လွှင့်ပေးသွားမှာဖြစ်ပါတယ်)။

Interview with Min Ko Naing part 1


၂၀၁၉ ခုုနွစ္ ၈ ေလးလုုံးအေရးေတာ္ပုုံကာလ အေျခအေနနဲ႔ပတ္သက္ျပီး မင္းကုုိနုုိင္နွင့္ One News ေတြ႔ဆုုံေမးျမန္းခ်က္ကုုိ မွတ္တမ္းအေနျဖင့္ ျပန္လည္ေဖၚျပထားပါသည္။

Interview with Aung la Nsang


2019 က ျပဳလုုပ္ခဲ့တဲ့ လက္ေ၀ွ႔ခ်န္ပီယံ ေအာင္လနဲ႔ အင္တာဗ်ဳး...(One News အတြက္ ဗ်ဳးတာကုုိ မွတ္တမ္းအျဖစ္ ျပန္တင္ထားတာျဖစ္ပါတယ္)

Interview with Min Ko Naing part 2


၂၀၁၉ ခုုနွစ္ ၈ ေလးလုုံးအေရးေတာ္ပုုံကာလ အေျခအေနနဲ႔ပတ္သက္ျပီး မင္းကုုိနုုိင္နွင့္ One News ေတြ႔ဆုုံေမးျမန္းခ်က္ကုုိ မွတ္တမ္းအေနျဖင့္ ျပန္လည္ေဖၚျပထားပါသည္။

ABIA Part 2


Interview with ABIA (All Burma Independent Army)

ကျောင်းသားလူငယ်တွေ ငြိမ်းချမ်းစွာဆန္ဒပြနေတာကို စကစ က အကြမ်းဖက် ပစ်ခတ်သတ်ဖြတ်တာကြောင့် လူငယ်တွေမှာ ရွေးစရာလမ်းမရှိတော့ပဲ လက်နက်ကိုင်တော်လှန်ရေးထဲ ရောက်လာရတာဖြစ်တယ်လို့ ABIA -ဗမာ့လွတ်လပ်ရေးတပ်မတော်- စစ်ဦးစီးချုပ် ကိုအောင်ကျော်က ပြောပါတယ်။ Burma News Network (BNN) သတင်းဌာနမှ ဦးထက်အောင်ကျော်နဲ့ သီးသန့်မေးမြန်းခန်းအတွင်း သူက အဲဒီလိုဖြေကြားခဲ့တာပါ။ အခုထုတ်လွှင့်ပေးမယ့် မေးမြန်းချက် ပထမ ပိုင်းမှာတော့... ဆန္ဒပြပွဲတွေ ဖြိုခွင်းခံရပြီးနောက်ပိုင်း မြို့ပြ ပြောက်ကျားတိုက်ပွဲဝင်နေသူတွေဖေါ်ဆောင်ရင်းနဲ့ တိုင်းဒေသကြီး ၇ ခုမှာ ABIA စတင်ပေါ်ပေါက်လာပုံ၊ PDF တပ်တွေနဲ့ PDF မဖွဲ့ခင်ကတည်းက ရှိနေတဲ့ အခြားတပ်ဖွဲ့တွေကြား ပူးပေါင်းဆောင်ရွက်မှုအခြေအနေ၊ တိုင်းရင်းသားလက်နက်ကိုင်အဖွဲ့တွေရဲ့ အားပေးကူညီမှုအနေအထား၊ စစ်သင်တန်းတွေရဲ့အခက်အခဲနဲ့ GZ တွေရဲ့ မျှော်လင့်ချက်အကြောင်းတွေကို ဆွေးနွေးတင်ပြထားပါတယ်။

ABIA part 1


Interview with ABIA (All Burma Independent Army). ABIA စစ်ဦးစီးချုပ်နှင့် မေးမြန်းချက် (၁) --------------------------------------------- (၂၃/၈/၂၀၂၁) ကျောင်းသားလူငယ်တွေ ငြိမ်းချမ်းစွာဆန္ဒပြနေတာကို စကစ က အကြမ်းဖက် ပစ်ခတ်သတ်ဖြတ်တာကြောင့် လူငယ်တွေမှာ ရွေးစရာလမ်းမရှိတော့ပဲ လက်နက်ကိုင်တော်လှန်ရေးထဲ ရောက်လာရတာဖြစ်တယ်လို့ ABIA -ဗမာ့လွတ်လပ်ရေးတပ်မတော်- စစ်ဦးစီးချုပ် ကိုအောင်ကျော်က ပြောပါတယ်။ Burma News Network (BNN) သတင်းဌာနမှ ဦးထက်အောင်ကျော်နဲ့ သီးသန့်မေးမြန်းခန်းအတွင်း သူက အဲဒီလိုဖြေကြားခဲ့တာပါ။ အခုထုတ်လွှင့်ပေးမယ့် မေးမြန်းချက် ပထမ ပိုင်းမှာတော့... ဆန္ဒပြပွဲတွေ ဖြိုခွင်းခံရပြီးနောက်ပိုင်း မြို့ပြ ပြောက်ကျားတိုက်ပွဲဝင်နေသူတွေဖေါ်ဆောင်ရင်းနဲ့ တိုင်းဒေသကြီး ၇ ခုမှာ ABIA စတင်ပေါ်ပေါက်လာပုံ၊ PDF တပ်တွေနဲ့ PDF မဖွဲ့ခင်ကတည်းက ရှိနေတဲ့ အခြားတပ်ဖွဲ့တွေကြား ပူးပေါင်းဆောင်ရွက်မှုအခြေအနေ၊ တိုင်းရင်းသားလက်နက်ကိုင်အဖွဲ့တွေရဲ့ အားပေးကူညီမှုအနေအထား၊ စစ်သင်တန်းတွေရဲ့အခက်အခဲနဲ့ GZ တွေရဲ့ မျှော်လင့်ချက်အကြောင်းတွေကို ဆွေးနွေးတင်ပြထားပါတယ်။ (မေးမြန်းချက် ဒုတိယ ပိုင်းကိုတော့ မနက်ဖန်ညပိုင်းမှာ ဆက်လက် ထုတ်လွှင့်ပေးသွားမှာဖြစ်ပါတယ်)။

Interview with Chairman of DPNS- part 2


“လက်နက်ကိုင်အင်အားစုတွေ ညီညွတ်ရင် စစ်အုပ်စုကို နောက်ဆုတ်သွားအောင် တွန်းလို့ရတယ်” ---------------------------------------------- (၂၁/၉/၂၀၂၁) နယ်စပ်ဒေသရှိ လက်နက်ကိုင်အင်အားစုတွေအားလုံး ညီညီညာညာနဲ့ အတူတကွ အလုပ်လုပ်နိုင်ကြမယ်ဆိုရင် စစ်ကောင်စီကို နောက်ပြန်ကျသွားအောင် တွန်းလှန်နိုင်မှာ ဖြစ်တယ်လို့ လူ့ဘောင်သစ်ဒီမိုကရက်တစ်ပါတီ (DPNS) ဥက္ကဌ ဦးအောင်မိုးဇော်က ပြောပါတယ်။ စစ်တပ်က အာဏာသိမ်းပြီး ၈ လနီးပါးကြာ အခြေအနေနဲ့ပတ်သက်လို့ BNN သတင်းဌာနက ဦးထက်အောင်ကျော်နဲ့ သီးသန့်မေးမြန်းခန်းအတွင်း သူက အဲဒီလိုပြောခဲ့တာပါ။ အခု ထုတ်လွှင့်ပေးမယ့် မေးမြန်းချက် ဒုတိယ ပိုင်းမှာတော့... နိုင်ငံရေးပါတီတွေ၊ နိုင်ငံရေးသမားတွေဟာ လူထုဆန္ဒပြပွဲတွေကို အမီလိုက်နိုင်ဖို့ အသဲအသန်ကြိုးစားခဲ့ရသလို အခုလူထုလက်နက်ကိုင်တော်လှန်ရေးမှာလည်း အဲဒီလို ကြုံနေရဆဲလား၊ တရုတ် အစိုးရရဲ့ လက်ရှိရပ်တည်ချက်က သံတမန်ဆက်ဆံရေးမှာ အတော်ထူးခြားနေသလား၊ စစ်တပ်က ဆွေးနွေးရေး စကားဝိုင်းဆီ တက်လာဖို့ရှိသေးလား၊ NLD အပြင် အခြားအင်အားစုတွေအားလုံး တော်လှန်ရေးမှာပါဝင်နိုင်ဖို့အတွက် တပ်ပေါင်းစုမူ က ဘယ်လိုရှိသလဲ... စတဲ့အကြောင်းအရာတွေကို ဆွေးနွေးတင်ပြထားပါတယ်။

Interview with Chairman of DPNS- Part 1


“နွေဦးတော်လှန်ရေးမှာ ပြည်သူနဲ့အတူ ကျနော်တို့ ပါဝင်နေတယ်” ---------------------------------------------- (၂၀/၉/၂၀၂၁) နွေဦးတော်လှန်ရေးမှာ ပြည်သူနဲ့အတူ ပါဝင်နေတယ်လို့ လူ့ဘောင်သစ်ဒီမိုကရက်တစ်ပါတီ (DPNS) ဥက္ကဌ ဦးအောင်မိုးဇော်က ပြောပါတယ်။ စစ်တပ်က အာဏာသိမ်းပြီး ၈ လနီးပါးကြာ အခြေအနေနဲ့ပတ်သက်လို့ BNN သတင်းဌာနက ဦးထက်အောင်ကျော်နဲ့ သီးသန့်မေးမြန်းခန်းအတွင်း သူက အဲဒီလိုပြောခဲ့တာပါ။ အခု ထုတ်လွှင့်ပေးမယ့် မေးမြန်းချက် ပထမ ပိုင်းမှာတော့... စစ်တပ်က အာဏာသိမ်းပြီးနောက်ပိုင်းမှာ NLD အပြင် အခြားနိုင်ငံရေးပါတီတွေ ဘယ်လိုလှုပ်ရှားနေသလဲ၊ နိုင်ငံရေးပါတီတွေ လက်နက်ကိုင်တော်လှန်ရေးလုပ်တဲ့အခါ ဘယ်လိုအခက်အခဲတွေနဲ့ ရင်ဆိုင်ရသလဲ၊ EAO တပ်တွေ PDF အတူ ပူးတွဲ တိုက်ပွဲမဝင်သေးတာ ဘာကြောင့်လဲ... စတဲ့အကြောင်းအရာတွေကို ဆွေးနွေးတင်ပြထားပါတယ်။ (နယ်စပ်အခြေအနေ၊ နိုင်ငံတကာအခြေအနေ၊ စစ်တပ်အခြေအနေနဲ့ နွေဦးတော်လှန်ရေး ရှေ့အလားအလာတွေအကြောင်းတွေပါဝင်တဲ့ ဒုတိယ ပိုင်းကိုတော့ မနက်ဖန်ညမှာ ဆက်လက် ထုတ်လွှင့်ပေးမှာဖြစ်ပါတယ်)။

Interview with Wai Wai Nu- Part 3


“စစ်ကောင်စီဟာ ဘယ်တော့မှ အစိုးရဖြစ်လာမှာ မဟုတ်ဘူး”
(မဝေဝေနု- Women’s Peace Network in Myanmar)
--------------------------------------
(၁၂/၁၀/၂၀၂၁)

စစ်ကောင်စီဟာ လက်နက်အားကိုးနဲ့ အနိုင်ကျင့်ပြီး အာဏာသိမ်းထားတာ ၈ လကြာလာပြီဆိုပေမယ့် ပြည်သူတွေက လက်မခံပဲ ဆက်လက်တော်လှန်နေတာမို့ ဘယ်တော့မှ အစိုးရတရပ် ဖြစ်လာမှာမဟုတ်ဘူးလို့ လူ့အခွင့်အရေးနဲ့ ဒီမိုကရေစီအရေး လှုပ်ရှား ဆောင်ရွက်နေသူ မဝေဝေနုကပြောပါတယ်။

စစ်အာဏာသိမ်းပြီး ၈ လအကြာ နိုင်ငံရေးအခြေအနေ၊ လူနည်းစု ရိုဟင်ဂျာတွေရဲ့ အခြေအနေ၊ နွေဦးတော်လှန်ရေးအတွင်း လူငယ်တွေရဲ့ ပါဝင်ဆောင်ရွက်နေမှု အခြေအနေတွေနဲ့ပတ်သက်ပြီး BNN သတင်းဌာနက ဦးထက်အောင်ကျော်ကမေးမြန်းစဉ် သူမက အဲဒီလိုဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် နောက်ဆုံးပိုင်းမှာတော့... ရိုဟင်ဂျာအရေး ကိုင်တွယ်မှုမှာ တာဝန်ရှိသူတွေကို ဘယ်လိုအရေးယူမှာလဲ၊ ပြန်လည်သင့်မြတ်ရေးအတွက် ဘယ်လိုဆောင်ရွက်ကြမလဲ၊ အာဏာသိမ်းစစ်တပ်က ဘယ်အချိန်အထိ တိုင်းပြည်ကို ထိမ်းချုပ်ထားနိုင်မလဲ၊ GZ တွေရဲ့ စိတ်ကူးအသစ်က ဘာတွေလဲ... စတဲ့ အကြောင်းအရာ တွေကို ဆွေးနွေးတင်ပြထားပါတယ်။

Monday, October 11, 2021

Interview with Wai Wai Nu- Part 2


“AA ရဲ့ ပွင့်လင်း တိုးတက်တဲ့အမြင်တွေကို ကြိုဆိုပါတယ်” (မဝေဝေနု- Women’s Peace Network in Myanmar) -------------------------------------- (၁၁/၁၀/၂၀၂၁) ရိုဟင်ဂျာတွေရဲခံစားချက်ကို စာနာနားလည်ပြီး နိုင်ငံတည်ဆောက်ရေးမှာ ပူးတွဲဆောင်ရွက်သွားမယ်လို့ ထုတ်ပြောလာတဲ့ ရခိုင့်တပ်မတော် AA ရဲ့ ပွင့်လင်းပြီးတိုးတက်တဲ့အမြင် တွေကို ကြိုဆိုပါတယ်လို့ ရိုဟင်ဂျာအရေးအပါဝင် လူ့အခွင့်အရေးနဲ့ ဒီမိုကရေစီအရေး လှုပ်ရှား ဆောင်ရွက်နေသူ မဝေဝေနုကပြောပါတယ်။ စစ်အာဏာသိမ်းပြီး ၈ လအကြာ နိုင်ငံရေးအခြေအနေ၊ လူနည်းစု ရိုဟင်ဂျာတွေရဲ့ အခြေအနေ၊ နွေဦးတော်လှန်ရေးအတွင်း လူငယ်တွေရဲ့ ပါဝင်ဆောင်ရွက်နေမှု အခြေအနေတွေနဲ့ပတ်သက်ပြီး BNN သတင်းဌာနက ဦးထက်အောင်ကျော်ကမေးမြန်းစဉ် သူမက အဲဒီလိုဖြေကြားခဲ့တာပါ။ အခု ထုတ်လွှင့်ပေးမယ့် မေးမြန်းချက် ဒုတိယ ပိုင်းမှာတော့... NUG အစိုးရဖက်က သဘောထားပြောင်းလာသလို သာမန်ပြည်သူတွေကြားမှာလည်း ရိုဟင်ဂျာတွေအပေါ် နားလည်မှုရှိလာနေပြီလား၊ ရခိုင်ဒေသခံတွေကကော ရိုဟင်ဂျာတွေရဲ့ခံစားချက်ကို နးလည်ပါရဲ့လား၊ ရိုဟင်ဂျာတွေ နေရပ်ပြန်ရေးအစီစဉ် ဘယ်လိုရှိနေသလဲ၊ ပြစ်မှုကျုးလွန်တဲ့ စစ်ခေါင်းဆောင်တွေကို နိုင်ငံတကာတရားရုံးက အရေးယူနိုင်မယ့် အလား အလာက ဘယ်လိုရှိနေသလဲ... စတဲ့ အကြောင်းအရာ တွေကို ဆွေးနွေးတင်ပြထားပါတယ်။ (နွေဦးတော်လှန်ရေးမှာ ရိုဟင်ဂျာလူငယ်တွေ ဘယ်လိုပါဝင်နေသလဲ၊ GZ တွေကြားမှာ ခွဲခြားဆက်ဆံမှာ တကယ်မရှိတော့ဘူးလား၊ စကစ မကြာခင် နိဂုံးချုပ်တော့မလား... စတဲ့ အကြောင်းအရာတွေပါဝင်တဲ့ တတိယ ပိုင်းကိုတော့ မနက်ဖန်ညမှာ ဆက်လက်ထုတ်လွှင့်ပေးမှာဖြစ်ပါတယ်)။

Sunday, October 10, 2021

Interview with Wai Wai Nu- Part 1


“NUG ရဲ့ ရိုဟင်ဂျာ ပေါ်လစီ ကြေညာချက်ဟာ အရမ်းကောင်းမွန်တဲ့ ခြေလှမ်းဖြစ်ပါတယ်”
(မဝေဝေနု- Women’s Peace Network in Myanmar)
----------------------------------------------
(၁၀/၁၀/၂၀၂၁)

တကမ္ဘာလုံးက စိတ်ဝင်တစားစောင့်ကြည့်နေတဲ့ ရိုဟင်ဂျာပြသာနာကို အလေးထားကိုင်တွယ်ဖြေရှင်းမယ်လို့ အမျိုးသားညီညွတ်ရေးအစိုးရက မူဝါဒကြေညာချက် ထုတ်ပြန်လာတဲ့အပေါ် ဝမ်းမြောက်စွာကြိုဆိုထောက်ခံတယ်လို့ ရိုဟင်ဂျာအရေးအပါဝင် လူ့အခွင့်အရေးနဲ့ ဒီမိုကရေစီအရေး လှုပ်ရှား ဆောင်ရွက်နေသူ မဝေေ၀နုကပြောပါတယ်။

စစ်အာဏာသိမ်းပြီး ၈ လအကြာ နိုင်ငံရေးအခြေအနေ၊ လူနည်းစု ရိုဟင်ဂျာတွေရဲ့ အခြေအနေ၊ နွေဦးတော်လှန်ရေးအတွင်း လူငယ်တွေရဲ့ ပါဝင်ဆောင်ရွက်နေမှု အခြေအနေတွေနဲ့ပတ်သက်ပြီး BNN သတင်းဌာနက ဦးထက်အောင်ကျော်ကမေးမြန်းစဉ် သူမက အဲဒီလိုဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ပထမ ပိုင်းမှာတော့... အခုလ အစောပိုင်းက ချီးမြှင့်ခံရတဲ့  အေသင်မြို့တော်ရဲ့ ဒီမိုကရေစီဆုအကြောင်း၊ မြန်မာ နိုင်ငံမှာကော ရိုဟင်ဂျာတွေရဲ့ ရုန်းကန်လှုပ်ရှားမှုအပေါ် အသိအမှတ်ပြုလာပြီလား၊ အာဏာသိမ်း စစ်တပ်က ရိုဟင်ဂျာတွေအပေါ် ဘယ်လိုသဘောထားသလဲ၊ CRPH, NUG တို့က ရိုဟင်ဂျာတွေရဲ့ ရုန်းကန်လှုပ်ရှားမှုကို အသိအမှတ်ပြုလာပြီလား... စတဲ့ အကြောင်းအရာ တွေကို ဆွေးနွေးတင်ပြထားပါတယ်။

(သာမန်ပြည်သူတွေကြားမှာကော ရိုဟင်ဂျာတွေအပေါ် စာနာ နားလည်မှုရှိလာနေပြီလား၊ နွေဦးတော်လှန်ရေးကိုဦးဆောင်နေတဲ့ GZ တွေကြားမှာ ဘာမှ ခွဲခြားဆက်ဆံ မှုမရှိတော့ဘူးလား...စတဲ့ အကြောင်းအရာတွေပါဝင်တဲ့ ဒုတိယ ပိုင်းကိုတော့ မနက်ဖန်ညမှာ ဆက်လက်ထုတ်လွှင့်ပေးမှာဖြစ်ပါတယ်)။
 

Tuesday, October 5, 2021

Interview with WLB- part 2


“စစ်အာဏာရှင်စနစ် ပပျောက်မှ အမျိုးသမီးတွေရဲ့ ဘဝတိုးတက်ရေး ဆောင်ရွက်နိုင်မယ်”
--------------------------------------------------
(၅/၁၀/၂၀၂၁)

စစ်အာဏာရှင်အပါဝင် အာဏာရှင်မှန်သမျှကို ပပျောက်အောင် တိုက်ထုတ်ပြီးမှသာ အမျိုးသမီးတွေရဲ့ ဘဝတိုးတက်ရေးကို ဆောင်ရွက်နိုင်မှာဖြစ်တယ်လို့ အမျိုးသမီးများအဖွဲချုပ်-မြန်မာနိုင်ငံ WLB အထွေထွေအတွင်းရေးမှူး နော်ဆဲဆဲကပြောပါတယ်။

စစ်တပ်က အာဏာသိမ်းခြင်း ၈ လပြည့်အခြေအနေနဲ့ပတ်သက်ပြီး BNN သတင်းဌာနက ဦးထက်အောင်ကျော်နဲ့ မေးမြန်းခန်းအတွင်း သူမက အဲဒီလိုဖြေကြားခဲ့တာပါ။

အခု ထုတ်လွှင့်ပေးမယ့် မေးမြန်းချက် ဒုတိယ ပိုင်းမှာတော့...မြို့ပြဒေသကနေရောက်လာတဲ့ GZ လူငယ်တွေနဲ့ နယ်စပ်ရှိ တိုင်းရင်းသားလက်နက်ကိုင်တွေကြားမှာ နားလည်မှုရရှိလာပြီလား၊ စစ်တပ်ကပြောထားတဲ့ ၂၀၂၃ ရွေးကောက်ပွဲမတိုင်မီ နွေဦးတော်လှန်ရေး အောင်ပွဲခံနိုင်သလား၊ အမျိုးသမီးတွေရဲ့ အနာဂတ် မျှော်မှန်းချက်တွေက ဘယ်လိုရှိသလဲ... စတဲ့အကြောင်းအရာတွေကို ဆွေးနွေးတင်ပြထားပါတယ်။

Monday, October 4, 2021

Interview with GS of WLB- Part 1


“GZ တွေကြားမှာ ကျား-မ ခွဲခြားမှုမရှိတော့ပေမယ့် အရင်မျိုးဆက်တွေကြားမှာ ရှိနေဆဲပါ”
----------------------------------------------
(၄/၁၀/၂၀၂၁)

တော်လှန်ရေးမျိုးဆက်သစ် GZ တွေကြားမှာ ကျား-မ ခွဲခြားမှုမရှိတော့ပဲ အမျိုးသမီး ဦးဆောင်မှုကိုလက်ခံလာပေမယ့် အရင်မျိုးဆက်တွေကြားမှာတော့ ခွဲခြားမှုရှိနေဆဲဖြစ်ပြီး အမျိုးသမီးဦးဆောင်မှုကို လက်ခံဖို့ အဆင်သင့်မဖြစ်သေးဘူးလို့ အမျိုးသမီးများအဖွဲ့ချုပ်-မြန်မာနိုင်ငံ (WLB) အထွေထွေအတွင်းရေးမှူး နော်ဆဲဆဲ ကပြောပါတယ်။

နွေဦးတော်လှန်ရေး ၈ လတာကာလ ဦးဆောင်မှုအခန်းမှာ အမျိုးသမီးတွေရဲ့ ပါဝင်နိုင်မှုအခြေအနေနဲ့ပတ်သက်ပြီး BNN သတင်းဌာနက ဦးထက်အောင်ကျော်နဲ့  မေးမြန်းခန်းအတွင်း သူမက အဲဒီလိုဖြေဆိုခဲ့တာပါ။

အခုထုတ်လွှင့်ပေးမယ့် မေးမြန်းချက် ပထမ ပိုင်းမှာတော့... နွေဦးတော်လှန်ရေးမှာ အမျိုးသမီးပါဝင်မှုနှုန်း တိုးလာတာ ဘာကြောင့်လဲ၊ ဦးဆောင်မှုအခန်းမှာ အမျိုးသမီးဦးရေ နည်းနေဆဲလား၊ တပ်ပေါင်းစု NUCC မှာ အားလုံးပါဝင်ခွင့်ရမှာလား၊ GZ တွေအပေါ် တိုင်းရင်းသားလက်နက်ကိုင်တော်လှန်ရေးအဖွဲ့တွေရဲ့ အားပေးမှုက ဘာကြောင့် အရှိန်မကောင်းသေးတာလဲ... စတဲ့ အကြောင်းအရာတွေကို ဆွေးနွေး တင်ပြထားပါတယ်။

(နွေဦးတော်လှန်ရေး ရှေ့အလားအလာနဲ့ အမျိုးသမီးတွေပါဝင်တဲ့ အနာဂတ် ဖက်ဒရယ်ပြည်ထောင်စုအကြောင်း ဆွေးနွေးချက်ပါဝင်မယ့် ဒုတိယ ပိုင်းကိုတော့ မနက်ဖန်ညမှာ ဆက်လက် ထုတ်လွှင့်ပေးမှာဖြစ်ပါတယ်)။

Saturday, October 2, 2021

Interview with Burma News International (BNI)


“စစ်တပ်က အာဏာသိမ်းပြီးကတည်းက နိုင်ငံသားတိုင်းဟာ သတင်းသမားတွေလို ဖြစ်သွားတယ်”
--------------------------------------------------
(၂-၁၀-၂၀၂၁)

စစ်တပ်က အာဏာသိမ်းပြီးနောက်ပိုင်း သတင်းထောက်တွေ ရာနဲ့ချီဖမ်းဆီးခံရ၊ သတင်းဌာနတွေ ဒါဇင်နဲ့ချီပိတ်ပင်ခံရပြီးတဲ့နောက် ကွင်းဆင်းသတင်းယူနိုင်တဲ့ သတင်းထောက် မရှိတော့တဲ့အတွက် ဒေသခံပြည်သူတွေကိုယ်တိုင် သတင်းထောက်တွေဖြစ်လာနေပြီလို့ Burma News International ရဲ့ မူဝါဒရေးရာကော်မီတီ ဥက္ကဌ နန်းဖောဂေ ကပြောပါတယ်။

စစ်အာဏာသိမ်းမှု ၈ လပြည့်ချိန် မြန်မာသတင်းဌာနတွေရဲ့ သတင်းရယူတင်ပြနိုင်မှု အခြေအနေနဲ့ပတ်သက်ပြီး BNN သတင်းဌာနက ဦးထက်အောင်ကျော်နဲ့ မေးမြန်းခန်း အတွင်း သူမ ကအဲဒီလိုပြောခဲ့တာပါ။

အခု ထုတ်လွှင့်ပေးမယ့် အဲဒီမေးမြန်းချက်ထဲမှာ... ဖမ်းဆီးခံသတင်းထောက်နဲ့ လိုင်စင်အသိမ်းခံရတဲ့ သတင်းဌာနတွေရဲ့ လက်ရှိ အခြေအနေ၊ အများပြည်သူတွေကိုယ်တိုင် CJ တွေဖြစ်လာပုံ၊ အင်တာနက်ဖြတ်တောက်ခံဒေသက သတင်းတွေကို ဘယ်လို ရယူနေသလဲ၊ မြန်မာ့သတင်းလောက အနာဂတ် ဘယ်လိုဖြစ်လာနိုင်သလဲ... စတဲ့ အကြောင်း အရာတွေကို ဆွေးနွေးတင်ပြထားပါတယ်။

Share

Twitter Delicious Facebook Digg Stumbleupon Favorites More