“မုံရွာမြို့ရှိ (နမခ) ကို ရှေ့ာ့တိုက်ဒုံးတွေနဲ့တိုက်ခိုက်... မိုးမောက်နဲ...

“မုံရွာမြို့ရှိ (နမခ) ကို ရှေ့ာ့တိုက်ဒုံးတွေနဲ့တိုက်ခိုက်... မိုးမောက်နဲ့ ဆင်ဘိုမှာ တိုက်ပွဲဖြစ်... နောက်ဆုံးရ တိုက်ပွဲသတင်းများ”

(၂၇- ၄- ၂၀၂၄)

ကရင်ပြည်နယ်၊ ဖာပွန်မြိုံရှိ ခမရ (၄၃၄) တပ်ရင်း သိမ်းပိုက်မှုကို တောင်ပိုင်းစစ်ဒေသ (JOC)၊ အမှတ် (၂) စစ်ဒေသခွဲ ကွပ်ကဲမှုနဲ့ ကရင်အမျိုးသားလွတ်မြောက်ရေး တပ်မတော် (KNLA) ၊ ပြည်သူ့ကာကွယ်ရေးတပ်မတော် (PDF)၊ Force For Federal Democracy (FFD)၊ ဗမာပြည်သူ့ လွတ်မြောက်ရေးတပ်တော် (BPLA) တို့က ပူးပေါင်းဆောင်ရွက်ခဲ့တာဖြစ်တယ်လို့ NUG အမျိုးသားညီညွတ်ရေးအစိုးရ- ကာကွယ်ရေးဝန်ကြီးဌာနက သတင်းထုတ်ပြန်ပါတယ်။

ဖာပွန်စစ်ဆင်ရေးကို မတ်လ (၁၉) မှာ စတင်ခဲ့ပြီး မတ်လ (၂၄) မှာ ရဲစခန်းနဲ့ကင်းစခန်းတွေကို သိမ်းတယ်။ (၂၆)မှာ ဖာပွန်မြို့ကို သိမ်းပိုက်ထိန်းချုပ်ခဲ့ပြီး မတ်လ (၃၀) မှာတော့ ဖာပွန်မြို့အခြေစိုက် ခလရ (၁၉) တပ်ရင်းကို သိမ်းပိုက်ခဲ့ပါတယ်။

အခု ဧပြီ ၂၅ မှာတော့ ခမရ (၄၃၄) တပ်ရင်းကိုသိမ်းပိုက်နိုင်ခဲ့ပြီး ဖာပွန်စစ်ဆင်ရေးကို တောင်ပိုင်းစစ်ဒေသ(JOC) ကွပ်ကဲမှုနဲ့ ဆက်လက်ဆောင်ရွက်နေတယ်လို့ NUG ကာကွယ်ရေးဝန်ကြီးဌာန ထုတ်ပြန်ချက်မှာ ဖေါ်ပြထားပါတယ်။

ဒါ့အပြင်...

- မကွေးတိုင်း၊ ဆိတ်ဖြူမြိုနယ်ရှိ ကပစ (ကာကွယ်ရေးပစ္စည်းစက်ရုံ) အမှတ် ၂၁ ကို ရှေ့ာ့တိုက် ဒုံးနဲ့တိုက်ခိုက်တဲ့ ဗီဒီယို မှတ်တမ်းထွက်လာ...

- မုံရွာမြို့ရှိ အနောက်မြောက်တိုင်း စစ်ဌာနချုပ် (နမခ) ကို တော်လှန်ရေးတပ်တွေက ရှေ့ာ့တိုက်ဒုံးတွေနဲ့ပစ်ပြီး ဒရုန်းတွေနဲ့ ဗုံးကြဲ...

- ရခိုင်ပြည်နယ်မှာတော့ ဘူးသီးတောင်နဲ့ မောင်တောမြိုနယ်မှာ ညမထွက်ရ အမိန့်ထုတ်ပြန်လိုက်တယ်လို့ AA အာရက္ခတပ်တော်က ကြေညာ...

- ချင်းပြည်နယ်၊ မင်းတပ်မြို့နယ်ရှိ ဝမ္မသူးတိုက်နယ် ဆေးရုံကို စစ်တပ်က ဗုံးကြဲတိုက်ခိုက်မှုအတွင်း ၄ ဦးသေဆုံးပြီး ဒဏ်ရာရသူ ၁၅ ဦးရှိ...

- ကချင်ပြည်နယ်၊ မိုးမောက်မြို့နဲ့ ဆင်ဘိုမြို့မှာ တိုက်ပွဲဖြစ်နေ...

- KIO/ KIA ဌာနချုပ် လိုင်ဇာမြို့သို့ ဝင်ပေါက်ဂိတ်ဖွင့်ပွဲကို မနေ့က ကျင်းပ...

...စတဲ့ သတင်းတွေကို စုစည်းတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“ဗျုဟာပိုင်းကို စဉ်းစားတဲ့အခါ တော်လှန်ရေးရဲဘော်တွေရဲ့ စိတ်ဓတ်ထိခိုက်နိုင...

“ဗျုဟာပိုင်းကို စဉ်းစားတဲ့အခါ တော်လှန်ရေးရဲဘော်တွေရဲ့ စိတ်ဓတ်ထိခိုက်နိုင်မှုကိုပါ ထည့်စဉ်းစားဖို့လိုပါတယ်” 

- လင်းထက်အောင် (CDM- တပ်မတော်အရာရှိ)

(၂၆- ၄- ၂၀၂၄)

“မြဝတီ-သင်္ကန်းညီနောင်တိုက်ပွဲတွေမှာ တော်လှန်ရေး ရဲဘော်တွေရဲ့ စိတ်ဓာတ်က အမြင့်ဆုံးကိုရောက်နေတယ်။ အခု မြဝတီကနေခွာတော့ တော်လှန်ရေးရဲဘော်တွေရဲ့ စိတ်ဓာတ်ကို ထိခိုက်နိုင်ပါတယ်၊ ဒါကို ဗျုဟာဆွဲသူတွေ ထည့်စဉ်းစားဖို့လိုပါတယ်” လို့ CDM တပ်မတော်အရာရှိ ဗိုလ်ကြီးလင်းထက်အောင်က ပြောပါတယ်။

မြဝတီတိုက်ပွဲနောက်ဆုံးအခြေအနေ၊ စစ်တပ်ရဲ့ဝါဒဖြန်မှုအခြေအနေတွေနဲ့ပတ်သက်ပြီး ... BNN သတင်းဌာနက ဦးထက်အောင်ကျော် မေးမြန်းစဉ် သူက အဲဒီလိုဖြေကြားခဲ့တာပါ။

အခု ထုတ်လွှင့်မယ့် မေးမြန်းချက်ထဲမှာ ...

- မြဝတီကနေ ခွာလိုက်ခြင်းက စစ်ကောင်စီအတွက် ဝါဒဖြန့်စရာဖြစ်သွားခဲ့သလား...

- မြဝတီပတ်လည် တောင်ကုန်းတွေကို တော်လှန်ရေးတပ်တွေက ဘယ်လောက်အထိ ထိန်းချုပ်ထားနိုင်သလဲ...

- BGF/ KNA က ဘာကြောင့် စစ်တပ်ကို ပြန်မလှန်ရဲ ဖြစ်နေတာလဲ...

- စစ်တပ်အတွင်း အကွဲအပြဲတွေဖြစ်နေတယ်ဆိုတာက ဘယ်လောက်မှန်ကန်မှုရှိသလဲ...

... စတဲ့ အကြောင်းအရာတွေကို ဆွေးနွေးတင်ပြထားပါတယ်။

(ဗုဒ္ဓဟူးနေ့ ညပိုင်းက မေးမြန်းထားချက်ဖြစ်ပါတယ်။ အရေးပေါ်သတင်းတွေကြောင့် ဒီနေ့မှ ထုတ်လွှင့်နိုင်တာဖြစ်ပါကြောင်း)

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“ဖာပွန်က ခမရ (၄၃၄) ကို KNLA သိမ်းပိုက်... မြင်းခြံက ကုက္ကဲ ရဲစခန်းကို PL...

“ဖာပွန်က ခမရ (၄၃၄) ကို KNLA သိမ်းပိုက်... မြင်းခြံက ကုက္ကဲ ရဲစခန်းကို PLA ဝင်တိုက်... နောက်ဆုံးရ တိုက်ပွဲသတင်းများ”

(၂၆- ၄- ၂၀၂၄)

ကရင်ပြည်နယ်၊ ဖာပွန်အခြေစိုက် ခမရ (၄၃၄) တပ်ရင်းကို (KNLA) ကရင်အမျိုးသားလွတ်မြောက်ရေးတပ်မတော် ဦးဆောင်တဲ့ မဟာမိတ်တပ်တွေက မနေ့က တရက်တည်းနဲ့ အပြီး သိမ်းပိုက်လိုက်ပြီလို့ KNLA- တပ်မဟာ ၅ နဲ့ မဟာမိတ်တွေက သတင်းထုတ်ပြန်ပါတယ်။

ဧပြီ ၂၅ ၊ မနက် ၄ နာရီမှာ ထိုးစစ်စတင်ပြီး နာရီပိုင်းအတွင်းမှာတင် စခန်းတခုလုံးကို သိမ်းနိုင်ခဲ့တယ်၊ လက်နက်ကြီး- လက်နက်ငယ်များစွာသိမ်းမိတယ်။ လောလောဆယ် ရေတွက်နေဆဲဖြစ်တယ်လု့ိ ဆိုပါတယ်။

ဒီစစ်ဆင်ရေးမှာပါဝင်တဲ့ တော်လှန်ရေးတပ်တွေကတော့ KNLA/နဲ့ KNDO၊ ပြည့်သူ့ကာကွယ်ရေးတပ်-PDF နဲ့ ဗမာပြည်သူလွတ်မြောက်ရေးတပ်မတော်-BPLA တို့ဖြစ်ပါတယ်။

ဒါဟာ ပြီးခဲ့သီတင်းပတ်တွေအတွင်း ဖာပွန်ရှိ ခလရ (၁၉)၊ ခမရ (၄၃၄)၊ စစန (၆၄၂) တပ်ရင်း ၃ ခုကိုတော်လှန်ရေးတပ်ပေါင်းစုက သိမ်းပိုက်ပြီးနောက် အခု ၄ ခုမြောက်တပ်ရင်းကို သိမ်းပိုက်လိုက်တာဖြစ်ပါတယ်။

ဒါ့အပြင်...

- မွန်ပြည်နယ်၊ ရေးမြိုနယ်၊ ခေါဇာမြိုနယ်ခွဲအတွင်းမှာ စစ်မှုထမ်းဥပဒေအတွက် တပ်သားစုဆောင်းနေပေးနေသူ ကျုံညှဲကျေးရွာအုပ်ချုပ်ရေးမှူး၊ ပြည်သူ့စစ်ခေါင်းဆောင်ထံက လက်နက်ခဲယမ်းတွေကို မွန်ပြည်တော်လှန်ရေးတပ် (MSRF) က သိမ်းဆည်း...

- မြင်းခြံမြို့နယ် ၊ ကုက္ကဲ ရဲစခန်းအတွင်း အခြေစိုက်ထားတဲ့ စစ်ကောင်စီတပ်ဖွဲ့ကို တော်လှန်ရေးတပ်တွေက ဝင်ရောက်တိုက်ခိုက်ပြီး လက်နက်ငယ်တလက် သိမ်းမိ...

- ကရင်နီပြည်နယ်၊ ဒီးမော့ဆိုမြို့နယ်၊ PDF တပ်ဖွဲ့က သင်တန်းဆင်းပွဲနဲ့ လက်နက်တပ်ဆင်ပွဲ ကျင်းပ...

- ချင်းပြည်နယ်၊ မင်းတပ်မြို့နယ်၊ တိုက်နယ် (၂)ရှိ ဝမ္မသူးဆေးရုံကို စစ်ကောင်စီ ဂျက်ဖိုက်တာက မနေ့ည ၈ နာရီမှာ ဗုံးကြဲတဲ့အတွက် ဆေးကုသမှုခံယူနေရသူ လူနာ ၂ ဦးသေဆုံးပြီး အချို့ဒဏ်ရာရ... 

...စတဲ့ သတင်းတွေကို စုစည်းတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

TSN One Final 025 A “နွေဦးတော်လှန်ရေးတခုလုံးနဲ့ ခြုံကြည့်မယ်ဆိုရင် မြဝတီ...

“နွေဦးတော်လှန်ရေးတခုလုံးနဲ့ ခြုံကြည့်မယ်ဆိုရင် မြဝတီက ဇီးရွက်လောက်ပဲ ရှိတယ်”

- ဦးသန်းစိုးနိုင် (စစ်ရေး - နိုင်ငံရေး ဝေဖန်သုံးသပ်သူ)

(၂၅-၄-၂၀၂၄)

“ကရင်အဖွဲ့တွေကြား ရပ်တည်ချက် မပြတ်သားတဲ့အတွက် မြဝတီတိုက်ပွဲမှာ ရှုပ်ထွေးမှုအချို့ရှိခဲ့ပေမယ့် တနိုင်ငံလုံးမှာဖြစ်ပေါ်နေတဲ့ နွေဦးတော်လှန်ရေးအရှိန်အဟုန်နဲ့ နိုှင်းယှဉ်ရင် ဒါဟာ ဇီးရွက်လောက်ပဲရှိတဲ့ ပြသာသနာတခုသာဖြစ်တယ်။ တနိုင်ငံလုံးအတိုင်းအတာနဲ့စဉ်းစားပြီး စစ်ကောင်စီပြိုနေစဉ်မှာ တော်လှန်ရေးကို အရှိန်မြှင့်ဖို့လိုတယ်” လို့ စစ်ရေး-နိုင်ငံရေး ဝေဖန်သုံးသပ်သူ ဦးသန်းစိုးနိုင်က ပြောပါတယ်။

မြဝတီရှိ ခလရ (၂၇၅)ကို သိမ်းပိုက်ပြီးမှ တော်လှန်ရေးတပ်တွေဖက်က ပြန်ဆုတ်ပေးလိုက်ရတဲ့အပေါ် အများပြည်သူကြားမှာ ထင်မြင်ချက်အမျိုးမျိုးပြောဆိုနေတာနဲ့ပတ်သက်ပြီး ... BNN သတင်းဌာနက ဦးထက်အောင်ကျော် မေးမြန်းစဉ် သူက အဲဒီလိုဖြေကြားခဲ့တာပါ။

အခု ထုတ်လွှင့်မယ့် မေးမြန်းချက် ပထမ ပိုင်းမှာ...

- မြဝတီတိုက်ပွဲ ဘာကြောင့် အရှုပ်အထွေးများနေသလဲ...

- မြဝတီမြို့ကို ထိန်းချုပ်နိုင်ရေးက ဘာကြောင့်အရေးပါနေသလဲ...

- မြဝတီအပြင် တနိုင်ငံလုံးရဲ့ တော်လှန်ရေးအရှိန်အဟုန်က ဘယ်လိုရှိသလဲ...

... စတဲ့ အကြောင်းအရာတွေကို ဆွေးနွေးတင်ပြထားပါတယ်။

(စစ်ကောင်စီအတွင်း သဘောထားကွဲမှုတွေ၊ အဖမ်းအဆီးတွေရှိနေတယ်ဆိုတာ ကတယ်လား... ဆွေးနွေးချက်ပါတဲ့ ဒုတိယ ပိုင်းကိုတော့ မနက်ဖန် ထုတ်လွှင့်ပါမယ်)

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

မြဝတီအခြေအနေနဲ့ပတ်သက်ပြီး KNU ပြောခွင့်ရ ပဒိုစောတောနီ ရှင်းလင်း...

မြဝတီအခြေအနေနဲ့ပတ်သက်ပြီး KNU ပြောခွင့်ရ ပဒိုစောတောနီ ရှင်းလင်း... (၂၄- ၄- ၂၀၂၄) ကရင်ပြည်နယ်၊ မြဝတီ နယ်စပ်မြို့မှာ အခုရက်ပိုင်း ဖြစ်ပေါ်ခဲ့တဲ့ အခြေအနေတွေနဲ့ပတ်သက်ပြီး ကရင့်အမျိုးသားအစည်းအရုံး KNU ပြောခွင့်ရ ပဒိုစောတောနီးက မီဒီယာတွေကို အသံဖွိုင်နဲ့ ရှင်းလင်းပြထားပါတယ်။ ဒါ့အပြင် ခလရ ၂၇၅ တခုကိုသာ ခွာလိုက်တာဖြစ်ပြီး သင်္ကန်းညီနောင်က ဗျုဟာကုန်းနဲ့ တပ်ရင်း ၃ ခုအပါဝင် ဗျုဟာအရအရေးပါတဲ့ နေရာတွေအားလုံမှာ တော်လှန်ရေးတပ်တွေရှိနပါတယ်။ လူထုနဲ့အတူ ဆက်လက်တိုက်ပွဲဝင်သွားမယ်လို့ BNN ကို ပြောထားပါတယ်။ (သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ရန် တိုက်တွန်းပါသည်။

Read More

“ဖားကန့်က ဆယ်ဇင်းစခန်းကို KIA သိမ်းပိုက်... မြင်းခြံက ပျု စခန်းကို PDF ...

“ဖားကန့်က ဆယ်ဇင်းစခန်းကို KIA သိမ်းပိုက်...  မြင်းခြံက ပျု စခန်းကို PDF သိမ်းပိုက် ...နောက်ဆုံးရ တိုက်ပွဲသတင်းများ”

(၂၅- ၄- ၂၀၂၄)

ကချင်ပြည်နယ်၊ ဖားကန့်မြို့ယ်၊ ဆယ်ဇင်းကျေးရွာရှိ ခ.မ.ရ (၁၁၆) တပ်စခန်းကို KIA ကချင်လွတ်လပ်ရေးတပ်နဲ့ မဟာမိတ်တွေက ဧပြီ ၂၃ ညမှာ သိမ်းပိုက်လိုက်ပြီလို့ KNG Kachin News Group က ဖေါ်ပြပါတယ်။

ဧပြီ ၂၀ မှာ စတင်ထိုးစစ်ဆင်ပြီး ၄ ရက်အကြာ ဧပြီ ၂၃ ရက်နေ့ ည ၁၁ နာရီဝန်းကျင်မှာ စစ်ကောင်စီ အင်အား ၈၀ ခန့်ဟာ စခန်းစွန့်ထွက်ပြေးသွားတဲ့အတွက် KIA က နယ်မြေရှင်းလင်းရေးလုပ်နေပြီလို့ ဆိုပါတယ်။

ဒါ့အပြင်...

- တော်လှန်ရေးတပ်တွေသိမ်းပိုက်ထားတဲ့ ခလရ ၂၇၅ တပ်ရင်းနေရာကနေ တော်လှန်ရေးတပ်တွေ ပြန်ဆုတ်ခွာလိုက်ခြင်းဟာ စစ်ကောင်စီရဲ့ထောင်ချောက်ထဲ မကျရောက်စေရေးအတွက် ဖြစ်တယ်လို့ KNU ကရင့်အမျိုးသားအစည်းအရုံး ပြောခွင့်ရပုဂ္ဂိုလ်က ပြောကြား...

- ထားဝယ်ခရိုင်၊ မေတ္တာမြိုနယ် ထိုင်း-မြန်မာနယ်စပ် ထီးခီးကုန်သွယ်ရေး ဂိတ်အနီးရှိ မောထာ-စစ်ကောင်စီတပ်စခန်းကို KNLA နဲ့ PDF ပူးပေါင်းတပ်က သိမ်းပိုက်...

- မြင်းခြံမြို့နယ်၊ ကြည်ရွာရှိ စစ်ကောင်စီနဲ့ ပျုစောထီးပူးတွဲစခန်းကို ဒေသခံ တော်လှန်ရေးတပ်တွေက ဝင်ရောက်တိုက်ခိုက်တဲ့အတွက် စစ်ကောင်စီဖက်က ၁၅ ဦးသေ၊ ၅ ဦး ဖမ်းမိ၊ လက်နက်အချို့ရရှိ...

- ရှမ်းပြည်တပ်မတော် (SSA) တည်ထောင်ခြင်း၊ နှစ် (၆၀) ပြည့်အခမ်းအနားကို ဧပြီလ (၂၄) က  ရှမ်းပြည်တိုးတက်ရေးပါတီ -ရှမ်းပြည်တပ်မတော် (SSPP/SSA) ဗဟို ဌာနချုပ်မှာ ကျင်းပပြီး အာရက္ခတပ်တော် (AA) ဒုစစ်ဦးစီးချုပ် တက်ရောက်တာကို ဓာတ်ပုံမှတ်တမ်းထဲ တွေ့ရ...

...စတဲ့ သတင်းတွေကို စုစည်းတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“မြဝတီက ခလရ ၂၇၅ မှာ စစ်ကောင်စီအလံ ပြန်တင်ဟုဆို... သံတွဲမြို့နယ်မှာ တိုက်...

“မြဝတီက ခလရ ၂၇၅ မှာ စစ်ကောင်စီအလံ ပြန်တင်ဟုဆို... သံတွဲမြို့နယ်မှာ တိုက်ပွဲဖြစ်...

နောက်ဆုံးရ တိုက်ပွဲသတင်းများ”

(၂၄- ၄- ၂၀၂၄)

ကရင်ပြည်နယ်၊ မြဝတီမြို့မှာ မနေ့က တိုက်ပွဲငြိမ်သွားတဲ့အပြင် KNLA, PDF တော်လှန်ရေးတပ်ပေါင်းစုက သိမ်းပိုက်ထားတဲ့ ခလရ ၂၇၅ မှာတောင် စစ်ကောင်စီအလံ ပြန်တင်လိုက်ပြီဆိုပြီး နယ်စပ်သတင်းတွေက ဖေါ်ပြပါတယ်။

ထိုင်းသတင်းဌာန The Reporters ရဲ့ဖေါ်ပြချက်အရဆိုရင် စစ်ပွဲတွေအမြန်ရပ်ပြီး မြဝတီကို လုံခြုံ စိတ်ချရတဲ့ စီးပွားရေးဇုန်အဖြစ်ထားဖို့ KNA/BGF ခေါင်းဆောင် ဗိုလ်ချစ်သူက စစ်ကောင်စီနဲ့ ညှိနှိုင်းခဲ့တယ်လို့ဆိုပါတယ်။

ဒီညှိနိုင်းမှုရဲ့ အကျိုးဆက်အဖြစ် KNA/BGF အဖွဲ့က လုံခြုံရေးတာဝန်ယူပြီး စစ်ကောင်စီ စစ်သားတွေက ခလရ ၂၇၅ မှာ စစ်ကောင်စီအလံပြန်တင်လိုက်တာလို့ ဖေါ်ပြပါတယ်။ 

ဒါပေမယ့် KNU ပြောခွင့်ရပုဂ္ဂိုလ်ကတော့ ကရင်အချင်းချင်း အကွဲအပြဲမဖြစ်ချင်ဘူး။ လောလောဆယ်မှာ ကော့ကရိတ်ဖက်ကနေ မြဝတီဖက် တက်လာဖို့ကြိုးစားနေတဲ့ စစ်ကောင်စီ စစ်ကြောင်း တားဆီးနိုင်ရေးကို ဦးစားပေးဆောင်ရွက်မယ်လို့ ပြောဆိုကြောင်း The Reporters က ဖေါ်ပြထားပါတယ်။

ဒါ့အပြင်....

- ထားဝယ်မြိုနယ်၊ မေတ္တာမြိုနယ်ခွဲအနီးအရှိ ကျောက်မဲတောင်ရဲစခန်းဝန်းကျင်မှာ KNLA, PDF ပူးပေါင်းတပ်တွေနဲ့ စစ်ကောင်စီ တိုက်ပွဲဖြစ်ပြီး လေယာဉ်က ချပေးပစ္စည်းအချို့ တော်လှန်ရေးတပ်တွေဖက်က သိမ်းမိ...

-  ချင်းပြည်နယ်၊ ကန်ပက်လက်မြို့နယ်ထဲက ကျင်ဒွေးမြို့-သိမ်းတိုက်ပွဲကို အရှိန်မြှင့်မယ်လို့ ‘ချင်းညီနောင်’အဖွဲ့က ကြေညာ...

- ရခိုင်ပြည်နယ်၊ သံတွဲမြို့နယ်မှာ စစ်ကောင်စီတပ်နဲ့ အာရက္ခတပ်တော် (AA) တို့တိုက်ပွဲဖြစ်ပြီး စစ်ကောင်စီက လေကြောင်းပစ်ကူသုံးတဲ့အတွက် ဒေသခံရွာသားတွေ ထွက်ပြေးနေရ...

...စတဲ့ သတင်းတွေကို စုစည်းတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“စစ်ကောင်င်စီ စစ်ကြောင်းကို KNLA က ကြားဖြတ်တိုက်... သံချပ်ကာယာဉ်နဲ့ လက်န...

“စစ်ကောင်င်စီ စစ်ကြောင်းကို KNLA က ကြားဖြတ်တိုက်... သံချပ်ကာယာဉ်နဲ့ လက်နက်ခဲယမ်းများစွာသိမ်းမိ... နောက်ဆုံးရ တိုက်ပွဲသတင်းများ”

(၂၃- ၄ -၂၀၂၄)

ကရင်ပြည်နယ်၊ ကော့ကရိတ်ကနေ မြဝတီသို့ စစ်ကူလာဖို့ ထိုးစစ်ဆင်နေတဲ့ စစ်ကောင်စီ စစ်ကြောင်းကို KNLA ကရင်အမျိုးသား လွတ်မြောက်ရေး တပ်မတော်နဲ့ PDF ပြည်သူ့ကာကွယ်ရေးတပ်ဖွဲ့ တို့က ကြားဖြတ်တိုက်ခိုက်တဲ့အတွက် စစ်ကောင်စီဖက် ၆ ဦးသေဆုံး၊ သံချပ်ကာယာဉ်နဲ့ လက်နက်ခဲယမ်းများစွာ သိမ်းဆီးရမိတယ်လို့ KNU ဗဟိုက သတင်းထုတ်ပြန်ပါတယ်။

ဧပြီ ၂၁ ရက်မှာ အခုလို တိုက်ခိုက်တာဖြစ်ပြီး ဗိုလ်ကြီး (၁) ဦးနဲ့ ဗိုလ်လေး (၁) ဦး အပါအဝင် (၆) ဦး သေဆုံးခဲ့ပြီး သံချပ်ကာယာဉ် (၁) စီး၊ စက်သေနပ်တပ်ဆင်ထားတဲ့ စစ်သုံးယာဉ် (၂) စီး၊ ပွိုင့်ဖွိုက် (၁) လက် အပါအဝင် လက်နက်ငယ် (၁၁) လက် နှင့် ခဲယမ်းမျိုးစုံ သိမ်းဆည်း ရမိတာ ဖြစ်တယ်လို့ ထုတ်ပြန်ချက်က ဆိုပါတယ်။

တချိန်တည်းမှာပဲ ဧပြီ ၂၀ ရက်နေ့ မြဝတီမြို့ ထိုင်း−မြန်မာချစ်ကြည်ရေး တံတား အမှတ် (၂) တိုက်ပွဲမှာလည်း ခလရ ၂၇၅ ကနေ ထွက်ပြေးလာပြီး တံတားအောက်မှာ ပုန်းအောင်နေတဲ့ စစ်ကောင်စီတပ်ဖွဲ့ဝင်တွေထဲက ၃၀ ခန့်သေဆုံးပြီး တပ်မ(၄၄) တပ်မမှူး ဗိုလ်မှူးကြီး စိုးမင်းထက်အပါအဝင် (၃၀)ကျော် ဒဏ်ရာရတယ်လို့ ဖေါ်ပြပါတယ်။

စစ်ကောင်စီဟာ မြဝတီမြို့အား ပြန်လည်ရရှိရေးအတွက် “အောင်ဇေယျ” အမည်ဖြင့် နိုင်ငံတော်အဆင့် စစ်ဆင်ရေးတစ်ရပ်ကို ဖေါ်ဆောင်နေပြီး လူအင်အား၊ လက်နက်အင်အား အပြည့်အစုံနဲ့ ထိုးစစ်ဆင်နေတယ်။ လက်နက်ကြီးပစ်ကူ၊ လေယာဉ်ပစ်ကူ နေ့ညမပြတ် ဗုံးကြဲနေပါတယ်။

စစ်ရေးအရ ရှုံးနှိမ့်နေတဲ့ စစ်ကောင်စီဟာ  လက်နက်ကြီးနဲ့ လေယာဉ်ကိုအားကိုးပြီး လူထုကိုပစ်မှတ်ထားကာ ကျေးရွာတွေကို တမင်ပစ်ခတ်နေတယ်။ လူထု ထိခိုက်မှုရှိလာနေတယ်လို့ KNU ထုတ်ပြန်ချက်မှာ ဖေါ်ပြထားပါတယ်။

ဒါ့အပြင်....

- မြဝတီမှာ တိုက်ပွဲငြိမ်လို့ မဲဆောက်စစ်ရှောင်စခန်းကနေ အိမ်ပြန်ဖို့ပြင်သူတွေ မနေ့က ဗုံးကြဲတဲ့အတွက် အိမ်မပြန်နိုင်ဖြစ်နေဆဲ....

- ကချင်ပြည်နယ်၊ ဗန်းမော်နဲ့ မိုးမောက်ဖက်မှာ တိုက်ပွဲဖြစ်၊ ဖားကန်း ဆယ်ဇင်းဖက်မှာလည်း တိုက်ပွဲပြင်ထန်နေတယ်လို့ KIA ပြောခွင့်ရက BNN ပြောကြား....

-  စစ်ကိုင်းတိုင်း၊ ကောလင်းမြို့နယ်မှာ စစ်ကောင်စီစစ်ကြောင်းကို တော်လှန်ရေးတပ်တွေက ကြားဖြတ်တိုက်ခိုက်တဲ့အတွက် စစ်ကောင်စီဖက်က ၂၀ ခန့်သေဆုံးပြီး ၆၀ မမအပါဝင် လက်နက်ခဲယမ်းတွေ သိမ်းမိ...

- မန္တလေးတိုင်းနဲ့ ရှမ်းပြည်နယ်အစပ်ရှိ နောင်ချိုမြို့နယ် သရက်ကုန်းကျေးရွာအနီးမှာ ဧပြီ ၂၁ က တိုက်ပွဲပြင်းထန်၊ စစ်ကောင်စိလေတပ်က ဘုန်ကြီးကျောင်းတွေကို ဗုံးကြဲ...

...စတဲ့ သတင်းတွေကို စုစည်းတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“မြဝတီမှာ တိုက်ပွဲပြန်ငြိမ်... ရွာငံနဲ့ တံတားဦးဖက်မှာ တိုက်ပွဲဖြစ်... နေ...

“မြဝတီမှာ တိုက်ပွဲပြန်ငြိမ်... ရွာငံနဲ့ တံတားဦးဖက်မှာ တိုက်ပွဲဖြစ်... နောက်ဆုံးရ တိုက်ပွဲသတင်းများ”

ကရင်ပြည်နယ်၊ မြဝတီမြို့မှာ ဧပြီ ၂၀ ရက်နေ့က တနေကုန် တိုက်ပွဲဖြစ်ပွားခဲ့ပြီး ၂၁ ရက်မှာတော့ မနက် ၁၀ နာရီနောက်ပိုင်း တိုက်ပွဲပြန်ငြိမ်သွားတယ်လို့ နယ်စပ် သတင်းတွေက ဖေါ်ပြပါတယ်။

အချို့သတင်းဌာနတွေရဲ့ ဖေါ်ပြချက်အရ မြဝတီမြို့ အမှတ်(၂)တံတားရှိ စစ်ကောင်စီတပ်တွေကို ၃၆ နာရီကြာ ထိုးစစ်ဆင်ပြီးတဲ့နောက် တော်လှန်ရေးတပ်တွေဟာ မနေ့က မွန်းလွဲပိုင်းမှာ ယာယီခွာစစ်ပြန်လုပ်သွားတယ်။ မြို့တွင်းက ပြည်သူတွေ ထိုခိုက်မှု ပိုများမှာစိုးတဲ့အတွက် အခုလို ယာယီခွာသွားတာလို့ ဆိုပါတယ်။

စစ်ကောင်စီရဲ့ လေကြောင်းဗုံးကြဲတိုက်ခိုက်မှုကြောင့် မြဝတီမြို့က ပြည်သူ ၅ ဦးခန့်သေဆုံးတယ်လို့ နယ်စပ်သတင်းတွေက ဖေါ်ပြပါတယ်။ ထိုင်းသတင်းဌာန The Reporters ကတော့ မြဝတီဖက်မှာ တိုက်ပွဲငြိမ်သွားတဲ့အတွက် မြန်မာစစ်ဘေးရှောင် ၁၀၀၀ ခန့် မဲဆောက်ရှိ စစ်ရှောင်စခန်းကနေ မြဝတီဖက်ကို ပြန်သွားတယ်လို့ဖေါ်ပြပါတယ်။

အရင် ၃၀၀၀ ကျော်ရှိနေရာကနေ မနေ့ ညနေပိုင်းမှာ ၁၆၀၀ ကျော်ကျော်လေးပဲ ကျန်တယ်လို့ဆိုပါတယ်။ ပြန်သွားသူတွေဟာ မြဝတီက အိမ်တွေနဲ့မိသားစုတွေကို စိုးရိမ်လို့ပြန်သွားကြတာသာဖြစ်ပြီး ထိုင်းဖက်က အတင်းပြန်ခိုင်းတာမရှိဘူး။ အရေးပေါ်အခြေအနေရ ပြန်လာရင် ပြန်လက်ခံဖို့အဆင့်သင့်ရှိတယ်လို့ နယ်စပ်တာဝန်ရှိသူတွေပြောတာကို ကိုးကားဖေါ်ပြပါတယ်။

နောက်ထူးခြားသတင်းကတော့ ကော့ကရိတ်ဖက်ကနေ စစ်ကူလာနေတဲ့ စစ်ကောင်စီယာဉ်တန်းကို တော်လှန်ရေးတပ်ပေါင်းစုက ရှေ့မတိုးနိုင်အောင် ဒေါနတော်ခြေမှာ ပိတ်ဆို့ထားဆဲဖြစ်ပြီး သံချပ်ကားတစီး မြဝတီဖက် ရောက်လာတယ်ဆိုတာဟာ သတင်းအမှားသာဖြစ်တယ်လို့ KNLA တပ်မဟာ ၆ က ဗိုလ်မှူး နယ်ဒါထူး ပြောတာကိုလည်း ဖေါ်ပြထားပါတယ်။

KIC- Karen Information Center သတင်းတပုဒ်မှာတော့ စစ်ကောင်စီရဲ့ စစ်ကူစစ်ကြောင်းက လက်နက်ကြီးတွေနဲ့ အဆက်မပြတ်ပစ်တဲ့အပြင် အဆိပ်ငွေ့လို မျက်ရည်ယိုဗုံးတွေပါ သုံးလာတဲ့အတွက် တော်လှန်ရေးတပ်တွေဖက်က မူလစခန်းထိုင်ထားတဲ့နေရာတွေကနေ နေရာ အပြောင်းအလဲလုပ်ပြီး စစ်ကောင်စီတပ်ကို အပြင်းအထန် ခုခံတိုက်ခိုက်နေတယ်လို့ ဖေါ်ပြထားပါတယ်။

ဒါ့အပြင်...

- မန္တလေးတိုင်း၊ ရွာငံမြို့နယ်၊ ရွာငံ-မန္တလေး အဝေးပြေးလမ်းပေါ်ရှိ မြင်းကျဒိုး ရဲစခန်းကို တော်လှန်ရေးတပ်တွေက ဝင်ရောက်တိုက်ခိုက်တဲ့အတွက် စစ်ကောင်စီ ၃ ဦးသေ၊ လက်နက်ငယ် ၂- လက်ရရှိခဲ့တယ်လို့ ရွာငံ PDF က သတင်းထုတ်ပြန်...

- မန္တလေးမြို့၊ တံတားဦး လေဆိပ်ကို လုံခြုံရေးဆောင်ရွက်နေတဲ့ စစ်ကောင်စီတပ်ကို တော်လှန်ရေးတပ်တွေက ကြားဖြတ်တိုက်ခိုက်တဲ့အတွက် ၄ ဦးသေဆုံး...

- ကရင်နီပြည်နယ်မှာ KNDF (ကရင်နီအမျိုးသားများကာကွယ်ရေးတပ်) အမှတ် ၁၀ တပ်ရင်းနဲ့ SODF ( Special Operation Drone Force) တို့ ပူးတွဲပြုလုပ်တဲ့ ဒရုန်း သင်တန်းဆင်းပွဲ ကျင်းပ...

- ချင်းပြည်နယ်၊ တီးတိန်မြို့နယ်အခြေစိုက် PDF - Zoland က  ပြည်သူတွေ ပံ့ပိုးကူညီတဲ့ စစ်သုံးပစ္စည်းတွေ ရောက်ရှိလာပြီလို့ ဓာတ်ပုံမှတ်တမ်း ထုတ်ပြန်...

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

မြဝတီ-မဲဆောက် နယ်စပ် နောက်ဆုံးအခြေအနေ မေးမြန်းချက်

မြဝတီ-မဲဆောက် နယ်စပ် နောက်ဆုံးအခြေအနေ မေးမြန်းချက်

(၂၁- ၄- ၂၀၂၄)

မြဝတီမြို့မှာ မနေ့က တနေကုန်တိုက်ပွဲဖြစ်ပြီးတဲ့နောက် ဒီမနက် နေ့လယ်ပိုင်းကနေ ညနေအထိ တိုက်ပွဲငြိမ်နေတယ်။ တိုက်ပွဲစဖြစ်ချိန်မှာ အမှတ် ၂ ချစ်ကြည်ရေးတံတားကို ထိုင်းဖက်က ပိတ်ထားလိုက်ပြီး အမှတ် ၁ တံတားကိုတော့ ဒီနေ့ မနက်ပိုင်းမှာ မြန်မာဖက်က ပိတ်လိုက်တယ်လို့သိရပါတယ်။

စစ်ဘေးရှောင်တွေကတော့ မနေကတည်းက တနေကုန်ထွက်ပြေးနေကြပြီး အခုဆိုရင် ၃ ထောင်ကျော်၊ ၄ ထောင်နီးပါးအထိ ထိုင်းကဖွင့်ထားတဲ့ ယာယီစစ်ရှောင်စခန်းတွေမှာ ရောက်နေတယ်လို့ BNN က မေးမြန်းခွင့်ရတဲ့ ဒေသခံတဦးကပြောပါတယ်။

သောင်းရင်းမြစ်ကိုကူးပြီး အရေးပေါ်ထွက်ပြေးလာသူတွေကို ထိုင်းစစ်သားတွေက ကူညီပြီး တခါတည်း စစ်ဘေးရှောင်စခန်းဆီ ပို့ပေးတယ်လို့ဆိုပါတယ်။ အမှတ် ၁ တံတားကနေ ၇ ရက်စာ လက်မှတ်နဲ့ထွက်လာသူတွေကတော့ မဲဆောက်မြို့ထဲအပါဝင် မဲဆောက်ဝန်းကျင်က အခြားရွာတွေမှာ နေလည်းရတယ်။ စစ်ဘေးရှောင်ခစန်းဆီ ဝင်ချင်လည်းရတယ်၊ ထိုင်းစစ်သားတွေက စစ်ဘေးရှောင်စခန်းဆီ ကူညီပို့ဆောင်ပေးနေတယ်လို့သိရပါတယ်။

မြဝတီ-မဲဆောက် နယ်စပ်အခြေအနေနဲ့ပတ်သက်ပြီး ဒီနေ့ (ဧပြီ ၂၁) ညနေ ၅ နာရီခန့်က အမှတ် ၂ တံတားဖက်ရှိ ဒေသခံအမျိုးသမီးတဦးနဲ့ မေးမြန်းထားတာကို အခု ထုတ်လွှင့်ပေးလိုက်ပါတယ်...။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“မြဝတီမှာ တိုက်ပွဲပြင်းထန်လို့ ထောင်နဲ့ချီတဲ့ပြည်သူတွေ ထိုင်းဖက် ထွက်ပြေ...

“မြဝတီမှာ တိုက်ပွဲပြင်းထန်လို့ ထောင်နဲ့ချီတဲ့ပြည်သူတွေ ထိုင်းဖက် ထွက်ပြေး...  နောက်ဆုံးရ တိုက်ပွဲသတင်းများ”

(၂၁- ၄- ၂၀၂၄)

ကရင်ပြည်နယ်၊ မြဝတီမြို့ရှိ အမှတ် ၂ ချစ်ကြည်ရေးတံတားဝန်းကျင်မှာ ဧပြီ ၁၉ ညနေပိုင်း ကတည်းက စတင်ခဲ့တဲ့တိုက်ပွဲဟာ ဧပြီ ၂၀ ည သန်းခေါင်ယံအထိ ဖြစ်နေဆဲလို့ နယ်စပ်သတင်းတွေက ဖေါ်ပြပါတယ်။

ချစ်ကြည်ရေးတံတားအောက်မှာ ပုန်းနေတဲ့ ခလရ ၂၇၅ က ထွက်ပြေးလာတဲ့စစ်သားတွေကို တော်လှန်ရေးတပ်ပေါင်းစုက ညဖက်မှာ ဒရုန်းနဲ့ဗုံးကြဲပြီး မနက်ဖက်မှာ ရှင်းလင်းရေးလုပ်ပြီးတဲ့နောက် စစ်ကောင်စီဖက်ကနေ အဲဒီတံတားဖက်ကို Y 12 အပါဝင် တိုက်လေယာဉ်တွေနဲ့ မရပ်မနား တောက်လျှောက် ဗုံးကျဲနေတယ်လို့ဆိုပါတယ်။

တိုက်ပွဲပြင်းထန်၊ စစ်ကောင်စီဗုံးဒဏ်ကိုကြောက်တဲ့ မြဝတီမြို့ခံတွေဟာ မနက်အစောပိုင်းကနေ ညသန်းခေါင်ရောက်တဲ့အထိ ထိုင်းနိုင်ငံ မဲဆောက်ဖက်ထွက်ပြေးနေကြတာ ထောင်နဲ့ချီရှိနေပြီလို့ဖေါ်ပြပါတယ်။ အချို့နေရာတွေမှာ ထိုင်းစစ်သားတွေက လက်ခံကြိုဆိုပေမယ့် အချို့နေရာတွေမှာ လက်မခံတဲ့အတွက် မြဝတီဖက်ခြမ်း သောင်းရင်းမြစ်ကမ်းမှာ ဖြစ်သလို အိပ်နေရတာကို ဓာတ်ပုံမှတ်တမ်းတွေထဲ တွေ့ရပါတယ်။

စစ်လေယာဉ်တွေဟာ အမှတ် ၂ တံတားအပြင်  မြဝတီမြို့တွင်း၊ ပတ္တမြားဓာတ်ဆီဆိုင်လမ်းကြား၊ မဟာစည်၊ မွေးမြူရေးဇုန် စတဲ့နေရာတွေကိုလည်း ဗုံးကြခဲ့တယ်လို့ဆိုပါတယ်။ ဒါကြောင့် မြဝတီကနေ စစ်ရှောင်တဲ့လူဦးရေ ၆၀၀၀ ခန့်ရှိနေပြီး အဲဒီထဲက ၂၀၀၀ ကျော်ဟာ ထိုင်းဖက် ရောက်သွားကြပေမယ့် အများစုက မြဝတီဖက်ချမ်းမှာ ရှိနေဆဲဖြစ်တယ်လို့ KIC - Karen Information Center က ဖေါ်ပြထား ပါတယ်။

အတည်မပြုနိုင်သေးတဲ့ သတင်းတရပ်အရတော့ တပ်မ ၄၄ တပ်မမှူး ဗိုလ်မှူးချုပ် စိုးမင်းထက်ဟာ အမှတ် ၂ ချစ်ကြည်ရေးတိုက်ပွဲအတွင်း ကျဆုံးသွားတယ်လို့ နယ်စပ်သတင်းတွေမှာ ဖေါ်ပြထားတာ တွေ့ရပါတယ်။

ဒ့ါအပြင်...

- လွိုင်ကော်မြို့နယ်၊ ကုန်းသာရွာကို စစ်ကောင်စီက ဗုံးကြဲတဲ့အတွက် ကလေးငယ် ၂ ဦးအပါဝင် ပြည်သူ(၆)ဦး သေဆုံး...

- ကချင်ပြည်နယ်မှာတော့ ဝိုင်းမော်မြို့ကနေ ချီဖွေ၊ ပန်ဝါဘက်ကို စစ်ကြောင်းထိုးလာတဲ့ စစ်ကောင်စီယာဉ်တန်းနဲ့ KIA ကချင်လွတ်လပ်ရေးတပ်တို့ ဧပြီး ၁၉ တရက်တည်းမှာတင် တိုက်ပွဲ ၂ ကြိမ်ဖြစ်၊ စစ်ကောင်စီကား မီးလောင်...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“အကြောက်တရားနဲ့ အရမ်းဖိတဲ့အခါ မုန်းတီးမှု၊ နာကြည်းမှုဖက်ရောက်သွားပြီး ဒီ...

“အကြောက်တရားနဲ့ အရမ်းဖိတဲ့အခါ မုန်းတီးမှု၊ နာကြည်းမှုဖက်ရောက်သွားပြီး ဒီကောင်တွေကို တိုက်မှရမယ်ဆိုတဲ့အထိ ဖြစ်သွားတယ်”

- ဒေါက်တာ မီမီဝင်းဘတ် (လုံခြုံရေးဆိုင်ရာ ကျွမ်းကျင်သူ)

(၂၀ - ၄- ၂၀၂၄)

“ပြည်သူထောက်ခံမှုမရတဲ့ဘက်က စစ်ရှုံးတယ်ဆိုတာ စစ်ဗျုရဲ့အခြေခံပဲ၊ ဒါကို စစ်ကောင်စီက သဘောမပေါက်ဘူး။ ခေတ်ဟောင်းကနည်းတွေအတိုင်း လူထုကို အကြောက်တရားနဲ့ အရမ်းဖိတဲ့အခါ မုန်းတီးမှု၊ နာကြည်းမှုဖက်ရောက်သွားပြီး ဒီကောင်တွေကို တိုက်မှရမယ်ဆိုတဲ့အထိ ဖြစ်သွားတယ်” လို့ အမေရိကန်စစ်တပ်ရဲ့ အငြိမ်းစား ဒုဗိုလ်မှူးကြီး၊ လုံခြုံရေးဆိုင်ရာ ကျွမ်းကျင်သူ (Asia Pacific Center for Security Studies) ပါမောက္ခ ဒေါက်တာ မီမီဝင်းဘတ်က ပြောပါတယ်။

မြဝတီက တိုက်ပွဲအခြေအနေ၊ စစ်တပ်က လေကြောင်းနဲ့ လက်နက်ကြီး အလွန်အကျွံသုံးပြီး ရွာတွေကို ဗုံးကြဲတဲ့အခြေအနေတွေရဲ့ အကျိုး-အပြစ် အကြောင်း ... စသဖြင့် BNN သတင်းဌာနက ဦးထက်အောင်ကျော် မေးမြန်းစဉ် အဲဒီလို ဖြေကြားခဲ့တာပါ။

အခု ထုတ်လွှင့်မယ့် မေးမြန်းချက် ဒုတိယ ပိုင်းမှာ...

- လေကြောင်းပစ်ကူနဲ့ လက်နက်ကြီးပစ်ခတ်မှုတွေက အရပ်သားတွေအပေါ်ဘယ်လို ထိခိုက်စေသလဲ... ။ အကျိုး-အပြစ်က ဘယ်လိုဆက်ဖြစ်နိုင်သလဲ....

- မြဝတီစစ်မျက်နှာက မြန်မာပြည်တွင်းရေးအပြင် ထိုင်းနဲ့ နိုင်ငံတကာအတွက်ပါ ဘာကြောင့် အရေးကြီးနေသလဲ...

... စတဲ့အကြောင်းအရာတွေကို ဆွေးနွေးတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“ကျုံဒိုးဖက် ဦးတည်တဲ့ စစ်ကောင်စီတပ်ကို KNLA ကြားဖြတ်တိုက်ခိုက်...မြစ်ကြီ...

“ကျုံဒိုးဖက် ဦးတည်တဲ့ စစ်ကောင်စီတပ်ကို KNLA ကြားဖြတ်တိုက်ခိုက်...မြစ်ကြီးနား၊ မန္တလေး လေယာဉ်ကွင်းတွေကို PDF တိုက်ခိုက်... နောက်ဆုံးရ တိုက်ပွဲသတင်းများ”

(၂၀ -၄ -၂၀၂၄)

ကရင်ပြည်နယ်၊ ကျုံဒိုးမြို့နယ်ခွဲဒေသဆီ ကျုံဒိုးချောင်းဖျား၊ နဘူးလမ်းကြောင်းကနေ စစ်ကူတက်လာတဲ့ စစ်ကောင်စီတပ်တွေကို KNLA ကရင့်အမျိုးသားလွတ်မြောက်ရေးတပ်နဲ့ မဟာမိတ်တွေက မနေ့မနက် ၇ နာရီမှာ ကြားဖြတ်တိုက်ခိုက်တဲ့အတွက် တိုက်ပွဲပြင်းထန်ပြီး စစ်ကောင်စီဖက်က လေကြောင်းပစ်ကူသုံးနေတယ်လို့ KIC - Karen Information Center က ဖေါ်ပြပါတယ်။

ဒီစစ်ကြောင်းဟာ ကျုံဒိုးအခြေစိုက် ခမရ ၅၄၅/ ၅၄၆ တပ်ရင်းတွေကနေတဆင့် ချောင်းဖျား ၊ အုန်းတစ်ပင်ရွာဘက် ထွက်လာစဉ် အခုလိုတိုက်ခိုက်ခံရတာဖြစ်ပါတယ်။ စစ်ကောင်စီဖက်က အကျအဆုံးများတဲ့အတွက် လေကြောင်းပစ်ကူသုံးနေတာကြောင့် ဒေသခံတွေ ရွာထဲက ထွက်ပြေးနေရတယ်လို့ ဆိုပါတယ်။

ကော့ကရိတ်မြို့တွင်းနေရာတွေ၊ အာရှလမ်းမ နေရာတွေကိုလည်း စစ်ကောင်စီက လက်နက်ကြီးတွေ၊ အတွဲလိုက် ရောကက်ဒုံးတွေနဲ့ ပစ်ခတ်နေတယ်လို့ဖေါ်ပြပါတယ်။ ဒါပေမယ့် တော်လှန်ရေးတပ်ပေါင်းစုက ဖြတ်တောက် ပိတ်ဆို့ထားတဲ့အတွက် ရှေမတိုးနိုင် ဖြစ်နေတယ်လို့ ဆိုပါတယ်။

မြဝတီမြို့သို့ စစ်ကူတက်လာနေတဲ့ စစ်ကောင်စီတပ်ဟာ အင်အား ၅၀၀ ခန့်ရှိပြီး စစ်ကြောင်း ၃ ကြောင်းခွဲကာ ကော့ကရိတ်၊ နဘူး၊ ထို့ကော်ကိုး၊ အာရှလမ်းသစ် စတဲ့လမ်းကြောင်းတွေကနေ ရှေ့တိုးဖို့ကြိုးစားနေပုံရတယ်လို့ ဖေါ်ပြပါတယ်။

ဒါပေမယ့် ဒေသတွင်းလှုပ်ရှားနေတဲ့ ကျားဖြူစစ်ကြောင်း စစ်ကြောင်းမှူး ဗိုလ်ကျော်သက်ကတော့ “စစ်ကောင်စီက ဒီအင်အားလောက်နဲ့တော့ ထိုးဖောက်လို့ လွယ်ကူမှာမဟုတ်ဘူး။ တော်လှန်ရေးတပ်တွေက နေရာတိုင်းကနေ ဖြတ်တောက်ပိတ်ဆို့ထားတယ်” လို့ ပြောတယ်ဆိုပြီး KIC က ဖေါ်ပြထားပါတယ်။

မြဝတီဖက်က ဝင်လာတဲ့သတင်းတွေမှာတော့ အမှတ် ၂ ချစ်ကြည်ရေးတံတားအောက်မှာ ပုန်းနေတဲ့ ခလ၇ ၂၇၅ က ထွက်ပြေးလာတဲ့ စစ်သားတွေကို တော်လှန်ရေးတပ်တွေက မနေ့ညဦးပိုင်းမှာ ဒရုန်းနဲ့ ဗုံးကြဲတိုက်ခိုက်တယ်လို့ ဖေါ်ပြပါတယ်။

ဒ့ါအပြင် မြဝတီမြို့ အလုံးစုံသိမ်းပိုက်နိုင်ရေး ဆက်လက်တိုက်ခိုက်သွားမယ်လို့ KNU ကရင်အမျိုးသားအစည်းအရုံး ပြောခွင့်ရ ပဒိုစောတောနီးက The Reporters ထိုင်း- သတင်းဌာနကို ပြောတယ်လို့လည်း ဆိုပါတယ်။

စစ်ဆင်ရေးကိစ္စတွေပြီးပြတ်အောင် အရင်လုပ်ပြီးမှ မြဝတီမြို့အုပ်ချုပ်ရေးကို ဆက်လုပ်မယ်လို့ KNU ဖက်ကပြောတာကို ဖေါ်ပြထားတာတွေ့ရပါတယ်။

ဒါ့အပြင်...

- ကချင်ပြည်နယ်၊ မြစ်ကြီးနားရှိ နမ့်ပေါင်း စစ်ကောင်စီလေတပ်စခန်းကို People’s Defense Forces – NBPDF က  ရှော့တိုက်ဒုံးနဲ့ တိုက်ခိုက်...

- မန္တလေးတိုင်း၊ တံတားဦးမြို့ရှိ တံတားဦးလေဆိပ်ကိုလည်း Freedom Revolution Force - FRF နဲ့ Kyaukse Revolution Army – KRA တို့က ရှော့တိုက်ဒုံးနဲ့ တိုက်ခိုက်...

- ချင်းပြည်နယ်၊ ကန်ပက်လက်မြို့နယ်က ကျေးရွာ ၃ ခုကို စစ်ကောင်စီက လေယာဉ်နဲ့ဗုံးကြဲတဲ့အတွက် ကလေး ၂-ဦးနဲ့ အသက်ကြီးပိုင်း အမျိုးသားတဦး ထိခိုက် ဒဏ်ရာရ...

- မွန်ပြည်နယ်၊ ကျိုက်မရောဒေသအတွင်း ထိုးစစ်ဆင်လာတဲ့ စစ်ကောင်စီတပ်နဲ့ မွန်ပြည်သစ်ပါတီ-စစ်အာရှင်တိုက်ဖျက်ရေး NMSP-AD ဦးဆောင်တဲ့ ပူးပေါင်းတပ်ဖွဲ့တို့အကြား တိုက်ပွဲပြင်းထန်နေ...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“ခေတ်သစ်စစ်ပွဲ အခင်းအကျင်းတွေပြောင်းလဲသွားတာကို စစ်ကောင်စီက နားမလည်ဘူး”

“ခေတ်သစ်စစ်ပွဲ အခင်းအကျင်းတွေပြောင်းလဲသွားတာကို စစ်ကောင်စီက နားမလည်ဘူး”

- ဒေါက်တာ မီမီဝင်းဘတ် (လုံခြုံရေးဆိုင်ရာ ကျွမ်းကျင်သူ) 

(၁၉ - ၄- ၂၀၂၄)

“ဒီနေ့စစ်ပွဲ အခင်းအကျင်းတွေက အရင် နှစ် ၇၀ အခြေအနေနဲ့မတူတော့ဘူး။ နည်းပညာသုံး စစ်နည်းဗျုဟာတွေမှာ တော်လှန်ရေးအင်အားစုဖက်က အသာစီးရလာနေပြီဖြစ်တယ်။ ဒီလိုစစ်ရေးအခင်းအကျင်းပြောင်းလဲသွားတာကို စစ်ကောင်စီက မသိလိုက်ဘူး၊ နားမလည်ဘူးဖြစ်နေတယ်” လို့ အမေရိကန်စစ်တပ်ရဲ့ အငြိမ်းစား ဒုဗိုလ်မှူးကြီး၊ လုံခြုံရေးဆိုင်ရာ ကျွမ်းကျင်သူ (Asia Pacific Center for Security Studies) ပါမောက္ခ ဒေါက်တာ

မီမီဝင်းဘတ်က ပြောပါတယ်။

နေပြည်တော်၊ ပြင်ဦးလွင်နဲ့ မော်လမြိုင်က စစ်ဖက်ဆိုင်ရာအဆောက်ဦတွေ၊ စစ်ဖက်ဆိုင်ရာ အရေးကြီးပုဂ္ဂိုလ်တွေ ဒရုန်းစာမိတာ ဘာကြောင့်လဲ၊ စစ်တပ်ဖက်မှာ လုံခြုံရေးစည်း ပျက်နေပြီလား... စသဖြင့် BNN သတင်းဌာနက ဦးထက်အောင်ကျော် မးမြန်းစဉ် အဲဒီလို ဖြေကြားခဲ့တာပါ။

အခု ထုတ်လွှင့်မယ့် မေးမြန်းချက် ပထမ ပိုင်းမှာ...

- နေပြည်တော်၊ ပြင်ဦးလွင်နဲ့ မော်လမြိုင်က စစ်ရေးပစ်မှတ်တွေ ဒရုန်းစာမိတာ ဘာကြောင့်လဲ...

- စစ်ပွဲဆိုင်ရာ အခင်းအကျင်းတွေ ပြောင်းလဲမှုကို စစ်တက်ဖက်က ခေတ်နဲ့အညီ မလိုက်နိုင်တာ ဘာကြောင့်လဲ...

- လေတပ်ပဲအားရှိပြီး မြေပြင်တပ်က အားမရှိရင်လည်း ဘာမှ လုပ်မရဘူးဆိုတာကို စစ်တပ်က သဘောပေါက်လာပြီလား...

... စတဲ့အကြောင်းအရာတွေကို ဆွေးနွေးတင်ပြထားပါတယ်။

(လူထုကိုဗုံးကြဲရင် လူထုကကြောက်သွားသလား... ပိုစိတ်နာသွားပြီး တော်လှန်ချင်စိတ်ကို ဆွပေးသလိုဖြစ်သွားသလား... ဆွေးနွေးချက်ပါတဲ့ ဒုတိယ ပိုင်းကိုတော့ မနက်ဖန် ထုတ်လွှင့်ပါမယ်)

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“မြဝတီသို့ ဦးတည်နေတဲ့ စစ်ကောင်စီတပ်ကို K.N.L.A က ကြားဖြတ်တိုက်... ဟားခါး...

“မြဝတီသို့ ဦးတည်နေတဲ့ စစ်ကောင်စီတပ်ကို K.N.L.A က ကြားဖြတ်တိုက်ခိုက်... ဟားခါးနဲ့ ထားဝယ်မှာ စစ်သား ၆ ဦးလက်နက်ချ... နောက်ဆုံးရ တိုက်ပွဲသတင်းများ”

(၁၉ -၄- ၂၀၂၄)

ကရင်ပြည်နယ်၊ ကော့ကရိတ်ဖက်ကနေ မြဝတီမြို့သို့ ထိုးစစ်ဆင်လာနေတဲ့ စစ်ကောင်စီ စစ်ကြောင်းကို ကရင်အမျိုးသားလွတ်မြောက်ရေးတပ် (K.N.L.A) နဲ့ မဟာမိတ်တွေက ကြားဖြတ်တိုက်ခိုက်တဲ့အတွက် ရာနဲ့ချီသေဆုံးပြီး ဒေါနတောင်တန်း အနောက်ဘက်တောင်ခြေကနေ ရှေ့မတိုးနိုင် ရှိနေဆဲဖြစ်တယ်လို့ KNU ဗဟိုက သတင်းထုတ်ပြန်ပါတယ်။

(K.N.L.A)၊ (K.N.D.O) နဲ့ (PDF) တို့က မြဝတီမြို့စောင့်တပ် ခလရ−၂၇၅ ကို ဧပြီ (၁၁) ရက်မှာသိမ်းပိုက်ပြီးနောက် စစ်ကောင်စီဟာ မြဝတီမြို့ကို ပြန်လည်ရရှိရေးအတွက် “အောင်ဇေယျ” အမည်ရှိ နိုင်ငံတော်အဆင့် စစ်ဆင်ရေးတစ်ရပ်ကို ဖော်ဆောင်နေတယ်လို့ ဆိုပါတယ်။

အဲဒီ စစ်ဆင်ရေးအရ မြဝတီဖက်သို့ တက်လာနေတဲ့စစ်ကြောင်းကို တော်လှန်ရေးတပ်တွေက ကြားဖြတ်တိုက်ခိုက်နေတာဖြစ်ပြီး သံချပ်ကာယာဉ်အပါအဝင် စစ်သုံးကားအချို့ ပျက်စီး၊ စစ်ကောင်စီတပ်ဖွဲ့ဝင် ၁၀၀ ကျော်အထိ သေဆုံးတဲ့အတွက် ရှေ့သို့ဆက်မတက်နိုင်ဘဲ ဒေါနတောင်တန်း အနောက်ဘက်တောင်ချေမှာ ရပ်တန့် နေတယ်လို့ မနေ့ မနက်ပိုင်းက ထုတ်ပြန်တဲ့ KNU ဗဟိုကြေညာချက်မှာ ဖေါ်ပြပါတယ်။

မနေ့ နေ့လယ်ပိုင်းက ထုတ်ပြန်တဲ့ ကျားဖြူစစ်ကြောင်း တပ်ခွဲ (၁) ကြေညာချက်မှာတော့ စစ်ကောင်စီ စစ်ကြောင်းနဲ့ တော်လှန်ရေးတပ်တွေကြား မနက် ၁၁ နာရီကနေ ညနေပိုင်းအထိ  ကော့ကရိတ်မြို့ပေါ်မှာ တိုက်ပွဲပြင်းထန်နေတယ်။ စစ်ကောင်စီဖက်က အကျအဆုံးများတဲ့အတွက် လေကြောင်းပစ်ကူပါ သုံးနေတယ်လို့ ဖေါ်ပြထားပါတယ်။

ညနေပိုင်းဝင်လာတဲ့ KIC - Karen Information Center သတင်းမှာတော့ စစ်ကောင်စီ လေတပ်ရဲ့ ဗုံးကြဲတိုက်ခိုက်မှုကြောင့် ကော့ကရိတ်မြို့အနီးရှိ၊ မြို့ဟောင်းရွာက ဆရာတော် ပျံလွန် တော်မူပြီး ရွာသား ၃ ဦးဒဏ်ရာရတယ်လို့ ဖေါ်ပြထားပါတယ်။

ထိုင်းနယ်စပ်က ဝင်လာတဲ့သတင်းတွေမှာတော့ မြဝတီမြို့အုပ်ချုပ်ရေးကို တာဝန်ယူထားတဲ့ ကရင်နယ်ခြားစောင့်တပ် (BGF) ကနေ အသွင်ပြောင်းထားတဲ့ ကရင်အမျိုးသားတပ် KNA ကို အရင်က ထောက်ပံ့ပေးထားတဲ့ စစ်လက်နက်ခဲယမ်းတွေကို ပြန်အပ်ဖို့ စစ်ကောင်စီက တောင်းဆိုထားတယ်ဆိုပြီး Thai PBS သတင်းကို ကိုးကားဖေါ်ပြကြပါတယ်။

KNA ရဲ့ အထွေထွေအတွင်းရေးမှူး ဗိုလ်မှူးကြီး စောချစ်သူ ထံ စစ်ကောင်စီဖက်က ကိုယ်စားလှယ်စေလွှတ်ပြီး အဲဒီလို ပြန်ပေးဖို့ တောင်းထားတာလို့ ဆိုပါတယ်။ ဒီတောင်းဆိုချက်ကို မလိုက်နာဘူးဆိုရင် မြဝတီနဲ့ ထိုင်း-မြန်မာနယ်စပ်က ကာစီနိုရုံတွေကို တိုက်ခိုက်သွားမယ်ဆိုပြီး စစ်ကောင်စီက သတိပေးထားတယ်လို့လည်း ထိုင်းနယ်စပ် သတင်းတွေမှာ ဖေါ်ပြထားပါတယ်။

ဒါ့အပြင်...

- KIA -က သိမ်းပိုက်ခဲ့တဲ့ တနိုင်းမြိုနယ်ထဲက ရွှေမော်၊ ပယင်းမှော်တွေရှိရာ ခ.လ.ရ (၂၉၇) ရှေ့တန်းစခန်းကနေ စစ်ကောင်စီအလောင်းတွေ၊ လက်နက်ခဲယမ်းတွေ များစွာသိမ်းမိ...

- ချင်းပြည်နယ် ဟားခါးနဲ့ တနသာင်္ရီတိုင်း သရက်ချောင်းမှာ သင်္ကြန်ကာလအတွင်း စစ်ကောင်စီတပ်ဖွဲ့ဝင် ၆ ဦး အလင်းဝင်...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“တနိုင်းမြို့နယ်ရှိ စစ်ကောင်စီစခန်း KIA သိမ်းပိုက်... ဆိတ်ဖြူမြို့နယ်ရှိ...

“တနိုင်းမြို့နယ်ရှိ စစ်ကောင်စီစခန်း KIA သိမ်းပိုက်... ဆိတ်ဖြူမြို့နယ်ရှိ ကပစ ၂၁ ကို PDF တိုက်ခိုက်... နောက်ဆုံးရ တိုက်ပွဲသတင်းများ”

(၁၈- ၄- ၂၀၂၄)

ကချင်ပြည်နယ်၊ တနိုင်းမြို့နယ်ရှိ နွယ်ဂျယ်ဘွမ့်အခြေစိုက် ခလရ ၂၉၇၊ ရှေ့တန်းစခန်းကို မနေ့က မနက်ပိုင်းမှာ သိမ်းပိုက်လိုက်ပြီဖြစ်တယ်လို့ KIA ကချင်လွတ်လပ်ရေးတပ် ပြောခွင့်ရက BNN ကိုပြောပါတယ်။

ဒီဒေသမှာ ရွှေမှော်၊ ပယင်းမှော်တွေများပြီး အရင်က KIA တပ်ရင်း ၁၄ ထိန်းချုပ်တဲ့နယ်မြေဖြစ်တယ်၊ လွန်ခဲ့တဲ့ ၁၀ နှစ်ခန့်က စစ်ကောင်စီက သိမ်းသွားတာကို အခု KIA က ပြန်သိမ်းတာဖြစ်တယ်လို့ KIA ပြောခွင့်ရ ဗိုလ်မှူးကြီးနော်ဘူက ပြောပါတယ်။

ဒေသတွင်း မီဒီယာ KNG -  Kachin News Group ကတော့ ဒီစခန်းမှာ စစ်ကောင်စီအင်အား ၃၀ ကျော်ရှိတယ်လိုဆိုပါတယ်။ စခန်းကျပြီးချိန်မှာ စစ်ကောင်စီက လေယာဉ်နဲ့ဗုံးလာကြဲပေမယ့် အသေစိပ်တော့ မသိရသေးဘူးလို့ ဖေါ်ပြပါတယ်။

ဒါ့အပြင် People’s Spring သတင်းဌာနကလည်း ဧပြီ ၁၄ ရက်မှာ မြစ်ကြီးနား-နမ္မတီး ကြားရှိ အကဲရွာမှာ စခန်းချနေတဲ့ စစ်ကောင်စီတပ်စစ်ကြောင်းကို KIA က ဝင်ရောက်တိုက်ခိုက်ခဲ့ပြီး ခလရ (၁၃) က ဒုဗိုလ်မှူးကြီး နိုင်နိုင်ဝင်း အပါအဝင် စစ်ကောင်စီ ၆ ဦးသေဆုံးတယ်လို့ ဖေါ်ပြထားတာတွေ့ရပါတယ်။

ဒါ့အပြင်...

- ဆီဆိုင်မြို့နယ်မှာ စစ်ကောင်စီစစ်ကြောင်းနဲ့ PNLA တိုက်ပွဲဖြစ်ပြီး စစ်ကောင်စီဖက်က ၁၀ ဦးသေ၊ လက်နက် ၃ လက်သိမ်းမိ...

- မကွေးတိုင်း၊ ဆိတ်ဖြူမြို့နယ်တွင်းရှိ ကပစ (၂၁) ကို တော်လှန်ရေးတပ်တွေက တိုက်ခိုက်ခဲ့တယ်လို့ ပြည်သူ့ကာကွယ်ရေးတပ်မတော် (PDF)၊ စစ်ရုံးချုပ်က သတင်းထုတ်ပြန်...

- မွန်ပြည်နယ်၊ ရေးမြို့နယ်၊ ကိုးမိုင်ရွာအနီးရှိ ခလရ - ၂၉၉ တပ်ရင်းနဲ့ မွန်-တနသာင်္ရီအစပ်ရှိ မလွှဲတောင်ဂိတ်စခန်းတို့ကို တော်လှန်ရေးတပ်ပေါင်းစုက ဝင်ရောက်တိုက်ခိုက်...

- ဗမာပြည်သူ့လွတ်မြောက်ရေးတပ်တော်(BPLA) တပ်တည်ထောင်ခြင်း (၃)နှစ်ပြည့်အခမ်းအနားကို အမှတ်(၁၀၇)စစ်ဒေသမှာ ကျင်းပခဲ့ပြီး KNLA - ဒုတိယစစ်ဦးစီးချုပ် ဒုတိယဗိုလ်ချုပ်ကြီး စောဘောကျော်ဟဲ တက်ရောက်...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“ခလရ (၁၀၃)က တပ်ရင်းမှူးအပါအဝင် (၄၈) ဦး KNLA ထံ လက်နက်ချ... ညောင်ရွှေတို...

“ခလရ (၁၀၃)က တပ်ရင်းမှူးအပါအဝင် တပ်ဖွဲ့ဝင် (၄၈) ဦး KNLA ထံ လက်နက်ချ...  ညောင်ရွှေတိုက်ပွဲမှာ စစ်ကောင်စီ ၃၀ ခန့်ကျဆုံး... နောက်ဆုံးရ တိုက်ပွဲသတင်းများ”

(၁၆- ၄- ၂၀၂၄)

စစ်ကောင်စီတပ် ခလရ (၁၀၃)က တပ်ရင်းမှူးအပါအဝင် တပ်ဖွဲ့ဝင် ၄၈ ဦး KNLA (ကရင့်အမျိုးသားလွတ်မြောက်ရေးတပ်) တပ်မဟာ ၄ နဲ့ ပူးပေါင်းတပ်ထံ ဧပြီ ၁၅ ရက်က လက်နက်ချခဲ့တယ်လို့ KIC- Karen Information Center က ဖေါ်ပြပါတယ်။

KNU ဘိတ်-ထားဝယ်ခရိုင်၊ ထိုင်း-မြန်မာနယ်စပ်အနီးရှိ (အရင် ဘုရားသခင်တပ်မတော်နဲ့ စွမ်းအားမြင့်ကျောင်းသားတွေအခြေစိုက်ခဲ့ဖူးတဲ့နေရာ) ကမာပလောနဲ့ ထောမာဖြိုးစခန်းကနေ မင်းသမီးစခန်းအနီးရှိ ထီးထာဗျုဟာဖက် ပြန်လာတဲ့ စစ်ကောင်စီ စစ်ကြောင်းကို KNLA နဲ့ ပူးပေါင်းတပ်တွေက ကြားဖြတ်တိုက်ခိုက်စဉ် အခုလို လက်နက်ချတာ ဖြစ်ပါတယ်။

ခလရ ၁၀၃ တပ်ရင်းမှူး ဒုတိယဗိုလ်မှူးကြီး အောင်ဟိန်း ဦးဆောင်တဲ့ စစ်ကြောင်းကို ထီးထာမရောက်ခင် မောထာရွာအနီးမှာ ပူးပေါင်းတပ်တွေက ကြားဖြတ်တိုက်ခိုက်တာဖြစ်ပြီး ဗိုလ်ကြီးတဦးအပါဝင် ၆ ဦးသေပြီးနောက် တပ်ရင်းမှူး အပါဝင် အင်အား ၄၈ ဦးကို ဖမ်းဆီးခဲ့တာဖြစ်တယ်လို့ ဘိတ်-ထားဝယ်ခရိုင် အတွင်းရေးမှူး ပဒိုစောအယ်နာ ပြောတာကို ကိုးကားဖေါ်ပြပါတယ်။

ဒါ့အပြင် ပွိုင့်ဖိုက်၊ ငါးကြင်းမြီး၊ RPG အပါအဝင် လက်နက်မျိုးစုံ (၆၈) လက် သိမ်းဆည်းရမိတယ်လို့လည်း ဓာတ်ပုံနဲ့တကွ ဖေါ်ပြထားပါတယ်။ 

ဒီတိုက်ပွဲအတွင်း ပါဝင်တဲ့ တော်လှန်ရေးတပ်တွေကတော့ KNLA တပ်မဟာ ၄ စစ်ကြောင်း၊ KNLA တပ်ရင်း ၁၀၊ တပ်ရင်း ၂၇၊ တပ်ရင်း ၂၀၃ နဲ့ PDF ပူးပေါင်းတပ်တွေဖြစ်တယ်လို့ KIC က ဖေါ်ပြထားပါတယ်။

ဒါ့အပြင်...

- ဘားအံ-ကောကရိတ်ကတဆင့် မြဝတီဖက် တက်လာနေဆဲဖြစ်တဲ့ စစ်ကောင်စီ စစ်ကူယဉ်တန်းကို KNLA နဲ့ PDF ပူးပေါင်းတပ်တွေက ကြားဖြတ်တိုက်ခိုက်နေ...

- တော်လှန်ရေးတပ်တွေက သိမ်းပိုက်ထားတဲ့ မြဝတီမြို့ပြင်က ခလရ  ၂၇၅ တပ်ရင်းအလံတိုင်မှာ စစ်ကောင်စီအလံကိုဖြုတ်ချပြီး ကရင့်အမျိုးသားအလံတော်လွှင့်ထူလိုက်တာကို ထိုင်းသတင်းဌာနတွေက ဖေါ်ပြ...

- ဧပြီ ၁၄ ရက်နေ့ ညကဖြစ်ခဲ့တဲ့ ပြင်ဦးလွင်ရှိ စစ်တက္ကသိုလ်ကို ရှော့တိုက်ဒုံးနဲ့အတိုက်ခံရမှုကို မန္တလေး PDF က ဆောင်ရွက်တာဖြစ်ပြီး စစ်ကောင်စီဥက္ကဌကို ပစ်မှတ်ထား တိုက်ခိုက်တာလို့ NUG ရဲ့ မီဒီယာ PVTV က ဖေါ်ပြ...

- ညောင်ရွှေမြို့နယ်၊ ညောင်လေးပင်ရွာအနီးရောက်လာတဲ့ စစ်ကောင်စီ စစ်ကြောင်းကို ဒေသခံ (IPDF) အင်းလေးပြည်သူ့ကာကွယ်ရေးတပ်က ကြားဖြတ်တိုက်ခိုက်တဲ့အတွက် ၃၀ ကျော်သေဆုံး...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“နမခ ယာဉ်တန်းကို PDF က ကြားဖြတ်တိုက်ခိုက်... ပြင်ဦးလွင်စစ်တက္ကသိုလ် ဒရုန...

“နမခ ယာဉ်တန်းကို PDF က ကြားဖြတ်တိုက်ခိုက်... ပြင်ဦးလွင်စစ်တက္ကသိုလ် ဒရုန်းနဲ့ ထပ်မံတိုက်ခိုက်ခံရ... နောက်ဆုံးရ တိုက်ပွဲသတင်းများ”

(၁၅- ၄- ၂၀၂၄)

စစ်ကိုင်းတိုင်း၊ မုံရွာအခြေစိုက် အနောက်မြောက်တိုင်းစစ်ဌာနချုပ် (နမခ) ကနေ အရာတော်မြိုနယ် စစ်သင်တန်းကျောင်းသို့ ထွက်လာတဲ့ စစ်ကောင်စီယာဉ်တန်းကို တော်လှန်ရေးတပ်တွေက ကြားဖြတ်တိုက်ခိုက်တဲ့အတွက် စစ်ကောင်စီဖက်က ၂၀ ကျော်သေဆုံး၊ ၄၅ ဦး အရှင်ဖမ်းမိတယ်လို့ အမှတ် (၁) စစ်ဒေသက သတင်းထုတ်ပြန်ပါတယ်။

ဧပြီ ၁၂ ရက် နေ့လယ် တနာရီခွဲခန့်မှာ မိနစ် ၃၀ ကြာ တိုက်ခိုက်ခဲ့တာဖြစ်ပြီး နေရာကတော့ အရာတော်မရောက်ခင် ကမ်းဖြူရွာအနီးမှာဖြစ်တယ်လို့ဆိုပါတယ်။ စစ်ကောင်စီဖက်က စစ်ထရပ်ကား ၅ စီးနဲ့ Express ကားတစီး ထွက်လာတာဖြစ်ပြီး အဲဒီကားပေါ်မှာ စစ်သင်တန်းသားအသစ် ၂၅၀ နဲ့ စစ်သားတွေပါတယ်လို့ ထုတ်ပြန်ချက်က ဖေါ်ပြပါတယ်။

တိုက်ခိုက်မှုအတွင်း စစ်ကောင်စီဖက်က  ဗိုလ်ကြီး (၁) ဦးအပါအဝင် (၂၀) ဦး သေဆုံး၊ (၁၅) ဦး ဒဏ်ရာရကာ စစ်သုံ့ပန်း (၄၉) ဦး ဖမ်းဆီးရမိပါတယ်။ ဒ့ါအပြင် လက်နက် မျိုးစုံ (၆) လက်နဲ့ ခဲယမ်းမီးတွေလည်း သိမ်းမိတယ်လို့ ဓာတ်ပုံမှတ်တမ်းနဲ့တကွ ဖေါ်ပြထားပါတယ်။

ဒီစစ်ဆင်ရေးမှာ ပါဝင်တဲ့ တော်လှန်ရေးတပ်တွေကတော့ အမှတ် (၁) စစ်ဒေသ၊ မုံရွာခရိုင်ကွပ်ကဲမှုနဲ့ မုံရွာခရိုင် ကွန်မန်ဒိုတပ်ဖွဲ့၊ မုံရွာခရိုင် လက်နက်ကြီး အဖွဲ့၊ မုံရွာခရိုင် တပ်ရင်း (၆၊ ၁၉၊ ၂၄)၊ အရာတော်မြို့နယ် ပကဖ၊ အရာတော်မြို့နယ် တိုက်နယ် (၁၁) ပကဖ ၊မိတ္ထီလာခရိုင် တပ်ရင်း (၂)၊ Danger Force LPDF၊ ကျားသစ်နက် LPDF၊ နဲ့ Special Revolution Force LPDF တို့ဖြစ်တယ်လို့ အမှတ် (၁) စစ်ဒေသ ထုတ်ပြန်ချက်မှာ ဖေါ်ပြထားပါတယ်။

ဒါ့အပြင်...

- ချင်းပြည်နယ်၊ တီးတိန်မြိုမှာ စစ်ကောင်စီအတွက် စစ်သားသစ်စုဆောင်းပေးတဲ့ တီးတိန်ခရိုင် လဝက မှူးကို PDF Zoland က ဖမ်းဆီး...

- ကရင်ပြည်နယ်၊ ကော့ကရိတ်မြိုအနီးရှိ  ကော့နွဲကျေးရွာမှာ စစ်ကောင်စီတပ်ဖွဲ့ဝင် (၂၀၀)ခန့် ရောက်ရှိနေပြီး အာရှလမ်းမကြီးကတဆင့် မြဝတီမြို့ဘက်သို့ စစ်ကူတက်ရန်ကြိုးပမ်းနေဆဲ...

- သင်္ကြန်ကာလအတွင်း စစ်ကောင်စီဥက္ကဌ အပူရှောင်ဖို့ရောက်နေတဲ့ ပြင်ဦးလွင် စစ်တက္ကသိုလ်နဲ့ မြို့တွင်းနေရာအချို့မှာ မနေ့ည ၉ နာရီခန့်က ပေါက်ကွဲသံတွေကြားရ...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

Interview with Dr Naing Ko Ko in 2019.

တိုက်ဆိုင်စွာနဲ့ ဒေါက်တာနိုင်ကိုကို လွန်ခဲ့တဲ့ ၃ ရက်က ကွယ်လွန်သွားတဲ့အကြောင်း ပြောနေရင်း ၂၀၁၉ ခုနှစ် ဧပြီ ၁၄ မှာ မေးမြန်းထားတဲ့ One News အင်တာဗျုး FB မီမိုရီမှာ ပြန်ပေါ်လာပါတယ်။

၂၀၁၉ ကာလ မြန်မာ့စီးပွားရေးအခြေအနေကို ဒေါက်တာနိုင်ကိုကို ဘယ်လိုပြောခဲ့သလဲ...

လက်ရှိ စကစ ဥက္ကဌပြောနေတဲ့ သူ့လက်ထက်မှာ စီးပွားရေး ဦးမော့လာတယ်ဆိုတာနဲ့ နုှိင်းယှဉ် သုံးသပ်နိုင်ရန် ပြန်လည်ကူးယူတင်ပြလိုက်ပါတယ်။

ထက်အောင်ကျော်

၁၄-၄-၂၀၂၄.

Read More

“ဖားအံက တက်လာတဲ့ စစ်ကြောင်းကို ကြားဖြတ်တိုက်ခိုက်... ဟားခါးမှာ စစ်ကောင်စ...

“ဖားအံက တက်လာတဲ့ စစ်ကြောင်းကို ကြားဖြတ်တိုက်ခိုက်... ဟားခါးမှာ စစ်ကောင်စီဝန်ကြီးတွေ တိုက်ခိုက်ခံရ... နောက်ဆုံးရ တိုက်ပွဲသတင်းများ”

(၁၄- ၄- ၂၀၂၄)

ကရင်ပြည်နယ်၊ ဖားအံကနေ မြဝတီကို စစ်ကူတက်လာနေတဲ့ စစ်ကောင်စီ စစ်ကြောင်းကို ကော့ကရိတ်ခရိုင်အတွင်းရှိ ကျိုးဒိုးချောင်းဖျား၊ မြပတိုင်၊ ကော့နွဲ့  စတဲ့နေရာတွေမှာ တော်လှန်ရေးတပ်တွေက ကြားဖြတ်တိုက်ခိုက်တဲ့အတွက် စစ်ကောင်စီဖက်က ၃၀ နီးပါး သေဆုံးပြီး  (Faw) ဖောကား တစီးပျက်စီးခဲ့တယ်လို့ ကျားဖြူစစ်ကြောင်း (Albino Tiger Column) က သတင်းထုတ်ပြန်ပါတယ်။

ဧပြီ ၁၃ နေ့လယ်ပိုင်းမှာ အခုလို တိုက်ခိုက်ခဲ့တာပါ။ စစ်ကောင်စီတပ်ဟာ လေယာဉ်နဲ့ကင်းထောက်ပြီး လက်နက်ကြီးတွေနဲ့ ရွာတွေထဲပါမရှောင် ပစ်ခတ်နေတယ်လို့ ဆိုပါတယ်။

နောက်ထပ် စစ်ကြောင်းတခုဖြစ်တဲ့ Hydra Column ကတော့ စစ်ကောင်စီတပ်တွေဟာ ကော့နွဲ့တံတား (ကျိုးပျက်) အနီးမှာ အထိုင်ချပြီး လက်နက်ကြီးတွေ၊ အတွဲလိုက်ဒုံးကျည်တွေနဲ့ တနေကုန် ပစ်ခတ်နေတယ်လို့ သတင်းထုတ်ပြန်ပါတယ်။

စစ်ကောင်စီရဲ့ စစ်ကူအဖွဲ့ ရှေ့မတိုးနိုင်အောင် တော်လှန်ရေးတပ်ပေါင်းစုက တိုက်ခိုက်နေတယ်လို့လည်း ဖေါ်ပြထားပါတယ်။

မြဝတီ-မဲဆောက် နယ်စပ်က ဝင်လာတဲ့သတင်းတွေမှာတော့ ဧပြီ ၁၃ ရက်က မြဝတီမှာ တိုက်ပွဲငြိမ်နေပြီး ခလ၇ ၂၇၅ က ထွက်ပြေးလာတဲ့ စစ်သားတွေ ပုန်းအောင်းနေရာ အမှတ် ၂ တံတားကိုတောင် ပြန်ဖွင့်ပြီး ကုန်တင်ကားတွေ ပုံမှန်အတိုင်း သွားနေပြီလို့ ဖေါ်ပြပါတယ်။

အမှတ် ၁ တံတားကတော့ အရင်နေ့တွေကအတိုင်း ပုံမှန်ဖွင့်ထားပြီး မြဝတီဖက်ကလူတွေ 

မဲဆောက်ဖက်ကို ၇ ရက်စာ လက်မှတ်ယူပြီး ထွက်နေကြဆဲလို့ဆိုပါတယ်။ ဒါပေမယ့် အဲဒီလက်မှတ်ကို ဘယ်အဖွဲ့က ထုတ်ပေးနေသလဲ၊ စစ်ကောင်စီရဲ့ လဝက ဝန်ထမ်းတွေရှိနေဆဲလား ဆိုတာကိုတော့ နယ်စပ်သတင်းတွေမှာ ရှင်းရှင်းလင်းလင်း ဖေါ်ပြမထားပါဘူး။

ထိုင်းသတင်းဌာနတွေက ဖေါ်ပြတဲ့ ဓာတ်ပုံတွေထဲမှာတော့ မြဝတီဖက်က အလံတိုင်မှာ စစ်ကောင်စီအလံ လွှင့်ထူထားဆဲဖြစ်တာကို တွေ့ရပါတယ်။ 

အချို့သတင်းတွေမှာတော့ အရင်က ကရင်နယ်ခြားစောင့်တပ် BGF အဖြစ်လူသိများခဲ့ပြီး အခု ကရင်အမျိုးသားတပ်မတော် KNA အဖြစ် အမည်ပြောင်းထားတဲ့အဖွဲ့က မြဝတီကို ထိန်းချုပ်ထားတယ်လို့ တွေ့ရပါတယ်။ ဗိုလ်ချစ်သူ ဦးဆောင်တဲ့ ဒီအဖွဲ့ဟာ ပြီးခဲ့တဲ့ ဇန်နဝါရီကမှ စစ်ကောင်စီအောက်ကနေခွဲထွက်ပြီး ကြားနေအဖွဲ့အဖြစ် ကြေညာထားတာ ဖြစ်ပါတယ်။

ဒါ့အပြင်...

- ကရင်နီပြည်နယ်၊ ဖားဆောင်းမြို့မှာ ဖမ်းမိတဲ့ စစ်ကောင်စီတပ်ဖွဲ့ဝင် ၅၀ ကျော်ထဲမှာ ဗျုဟာမှူး၊ စစ်ကြောင်းမှူးနဲ့ တပ်ရင်းမှုးတွေပါ ပါဝင်တယ်လို့ ကရင်နီပြည်တပ်မတော် (KA) က ပြောဆို...

- ချင်းပြည်နယ်၊ ဟားခါးမြို့မှာ စစ်ကောင်စီခန့် ပြည်နယ်ဝန်ကြီး ၂ -ဦး လိုက်ပါလာတဲ့ ကားကို တိုက်ခိုက်ခဲ့ပြီး ဝန်ကြီးနဲ့အချို့ ဒဏ်ရာရတယ်လို့ (CDF -Hakha) က သတင်းထုတ်ပြန်...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“မောင်တောက ကြိမ်ချောင်း ဗျူဟာကို AA သိမ်းပိုက်... ဖားဆောင်းမှာ စစ်ကောင်စ...

“မောင်တောက ကြိမ်ချောင်း ဗျူဟာကို AA သိမ်းပိုက်... ဖားဆောင်းမှာ စစ်ကောင်စီတပ်သား ၅၀ ကျော် ဖမ်းမိ... နောက်ဆုံးရ တိုက်ပွဲသတင်းများ”

(၁၃- ၄- ၂၀၂၄)

ရခိုင်ပြည်နယ်၊ မောင်တောမြို့ ရှိ ကြိမ်ချောင်း ဗျူဟာစခန်းကြီးကို ဧပြီ (၁၂) ရက်မှာ အပြီးသတ်သိမ်းပိုက်ရယူနိုင်ခဲ့ပြီဖြစ်တယ်လို့ AA ရက္ခိုင့်တပ်တော်က သတင်းထုတ်ပြန်ပါတယ်။

ဒီစခန်းကို သိမ်းနိုင်ရေးအတွက် လနဲ့ချီ ဝန်းရံပိတ်ဆို့ခဲ့ပြီး မတ်လ ( ၂၃) မှာ ထိုးစစ် အရှိန် မြှင့်ဆောင်ရွက်ခဲ့တယ်။ အခု ဧပြီ ၁၂ ရက်နေ့မှ အပြီးသိမ်းနိုင်ခဲ့တယ်လို့ ဆိုပါတယ်။ စခန်းသိမ်းတိုက်ပွဲအတွင်း ပေးဆပ်စွန့်လွှတ်ခဲ့ရသော အာရက္ခစစ်သည်တော်များကိုလည်း

လေးနက်စွာ ဂါရဝပြုပါတယ်လို့ ဖေါ်ပြထားပါတယ်။

ဒီစခန်းမှာ စစ်ကောင်စီတပ်ဖွဲ့ဝင် (၁၀၀) ကျော်၊ နယ်ခြားစောင့်တပ်ဖွဲ့ဝင် (၄၀၀) ခန့်နဲ့အတူ မိသားစုဝင်များ (၁၅၀) ခန့်ရှိနေပြီး ဗျူဟာမှူး ဒု-ဗိုလ်မှူးကြီး မင်းစိုးနဲ့ ဒုဗိုလ်မှူးကြီး ရဲမှူးကြီး ဝင်းမြင့်အောင်တို့က ဦးဆောင်ပြီး အသေအလဲခုခံခဲ့တာဖြစ်တယ်လို့ AA က ပြောပါတယ်။

စခန်းသိမ်းတိုက်ပွဲအတွင်း စစ်ကောင်စီဖက်က အလောင်းတွေ၊ သုံ့ပန်းတွေနဲ့အတူ

မိသားစုအချို့ကိုပါ ဖမ်းဆီးမီပြီး လက်နက်ခဲယမ်းများစွာလည်း သိမ်းမိတယ်လို့ ဖေါ်ပြပါတယ်။

တချိန်တည်းမှာပဲ အမ်း၊ ဘူးသီးတောင်၊ မောင်တောမြို့နယ်တွေမှာ တိုက်ပွဲပြင်းထန်နေပြီး  အမ်းမြို့ရှိ နပခ (အနောက်ပိုင်းတိုင်း စစ်ဌာနချုပ်)၊ ဘူးသီးတောင်ရှိ အမှတ် ၁၅- စကခ

(စစ်ဆင်ရေးကွပ်ကဲမှူဌာနချုပ်) နဲ့ တောင်ကုတ်ရှိ စကခ (၅) အပါအဝင် လက်ကျန်စခန်းအားလုံးကို တစ်ခုမကျန် ဆက်လက်ထိုးစစ် ဆင်သွားမှာဖြစ်တယ်လို့ ထုတ်ပြန်ချက်မှာ ဖေါ်ပြထားပါတယ်။

မနေ့က သီးခြားထုတ်ပြန်တဲ့ သတိပေးချက်တခုမှာတော့ သင်္ကြန်ကာလအတွင်း

လူစုလူဝေးမပြုလုပ်ကြဖို့ လူထုကို မေတ္တာရပ်ခံကြောင်း ဖေါ်ပြထားပါတယ်။

စစ်ရှုံးနေတဲ့ စစ်ကောင်စီက လူစုလူဝေးရှိတဲ့နေရာတွေကို လေယာဉ်နဲ့ ဗုံးကြဲနိုင်တဲ့အတွက် အခုလို မေတ္တာရပ်ခံတာဖြစ်ပြီး လူစုပြီး သင်္ကြန်ပွဲလုပ်တာ၊ အလှူပွဲလုပ်တာ၊ ဘုန်းကြီးကျောင်းမှာ လူစုတာ စသဖြင့် ရှောင်ရှားကြဖို့ နှိုးဆော်ထားပါတယ်။

ဒါ့အပြင်...

- ကရင်နီပြည်နယ်မှာတော့ ဘောလခဲမြို့ဘက်ကနေ ဖားဆောင်းမြို့ကို စစ်ကူပေးဖို့ တက်လာတဲ့ အင်အား ၁၀၉ ဦးပါ စစ်ကောင်စီ စစ်ကြောင်းတစ်ခုလုံး ချေမှုန်းခံလိုက်ပြီး ၅၈ ဦး အရှင်ဖမ်းမိ...

- မွန်ပြည်နယ်၊ ကျိုက်မရောမြိုနယ်၊ ကော့ဝမ်းကျေးရွာရှိ ပြည်သူ့စစ်စခန်းကို မွန်တော်လှန်ရေးတပ်တွေက ဝင်ရောက်တိုက်ခိုက်ပြီး လက်နက်ငယ် ၁၀ လက်နဲ့ လူ ၄ ဦးကို ဖမ်းဆီး...

- ကချင်ပြည်နယ်၊ လွယ်ဂျယ်မြို့မှာတော့ လွယ်ဂျယ်ကို KIA - ကချင်လွတ်လပ်ရေးတပ်က သိမ်းပိုက်ပြီးနောက် တရုတ်နယ်စပ်- နှစ်နိုင်ငံနယ်စပ်ကုန်သွယ်ရေး တရားဝင်တံခါးပေါက်ကို စတင်ဖွင့်လိုက်ပြီး KIO ရဲ့ အုပ်ချုပ်ရေးယန္တရား ဧပြီ ၁၂ ရက်မှာ စတင်လည်ပတ်နေ...

- ထိုင်းနယ်စပ်ရှိ ကရင်ပြည်နယ်၊ မြဝတီမြို့အခြေအနေကတော့ တရုတ်နယ်စပ် လွယ်ဂျယ်လို ရှင်းရှင်းလင်းလင်း မရှိသေးပါဘူး။ မြဝတီ-မဲဆောက် အမှတ် ၁ တံတားကို ပုံမှန်ဖွင့်ထားတယ်ဆိုပေမယ့် မြဝတီကို ဘယ်အဖွဲ့က အုပ်ချုပ်နေသလဲဆိုတာ ရှင်းရှင်းလင်းလင်း မသိရသေးပါဘူး။

မြဝတီ-မဲဆောက် ချစ်ကြည်ရေးတံတား အမှတ် ၂ အောက်မှာလည်း ခလ၇ ၂၇၅ က ထွက်ပြေးလာတဲ့ စစ်သား ၁၀၀ ခန့် ဆက်လက်ရှိနေဆဲဖြစ်တယ်လို့ နယ်စပ်သတင်းတွေက ဖေါ်ပြပါတယ်။ ညနေပိုင်းမှာတော့ တော်လှန်ရေးတပ်တွေဖက်ကနေ အဲဒီစစ်သားတွေ ပုန်းအောင်းနေတဲ့နေရာကို ဒရုန်းနဲ့တိုက်ခိုက်မှုလုပ်တယ်လို့ဆိုပါတယ်။ 

တခါ စစ်ကောင်စီ လေယာဉ်တစီး ပျံသန်းလာပြီး ခလရ ၂၇၅ နေရာဟောင်းကို ဗုံးကြဲသွားတယ်လို့လည်း ဒေသခံတွေကပြောပါတယ်။ 

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“စစ်ကောင်စီအလွန်မှာ ဆောင်ရွက်သင့်တဲ့ စီးပွားရေးမူဝါဒအသစ်တွေ ရေးဆွဲကြဖို့...

“စစ်ကောင်စီအလွန်မှာ ဆောင်ရွက်သင့်တဲ့ စီးပွားရေးမူဝါဒအသစ်တွေ ရေးဆွဲကြဖို့ လိုပါတယ်”

- ဦးစိန်ဌေး (စီးပွားရေး ဆန်းစစ်ဝေဖန်သူ)

(၁၂- ၄- ၂၀၂၄)

“စစ်ကောင်စီအလွန်မှာ ပြည်လည်တည်ဆောက်မယ့် နိုင်ငံသစ်နဲ့ပတ်သက်ပြီး ဖက်ဒရယ်ပြည်ထောင်စု ဖွဲ့စည်းပုံအခြေခံဥပဒေရေးဆွဲရေး ပြင်ဆင်နေကြသလိုမျိုး ဖက်ဒရယ်စီးပွားရေး မူဝါဒတွေကိုလည်း ပြင်ဆင်ရေးဆွဲကြဖို့လိုတယ်” လို့ စီးပွားရေးပညာရှင် ဦးစိန်ဌေးက ပြောပါတယ်။

လက်ရှိ စစ်ကောင်စီလက်ထက် အဆိုးဆုံးဖြစ်နေတဲ့ စီးပွားရေးအခြေအနေကနေ စစ်ကောင်စီအလွန်မှာ စီးပွားရေးတိုးတက်ကောင်းမွန်အောင် ဘယ်လိုလုပ်သင့်သလဲ... စသဖြင့် BNN သတင်းဌာနက ဦးထက်အောင်ကျော် မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်မယ့် မေးမြန်းချက် ဒုတိယ ပိုင်းမှာ...

- စစ်ကောင်စီဥက္ကဌပြောတဲ့ စီးပွားရေးဦးမော့လာပြီဆိုတာ ဘာကို ဆိုလိုတာလဲ...

- စစ်ကောင်စီဥက္ကဌရဲ့ မိသားစုစီးပွားရေးက ဘာတွေလဲ...

- စစ်ကောင်စီအလွန် စီပွားရေးမူဝါအသစ်တွေ၊ စီမံကိန်းအသစ်တွေအတွက် ဘယ်လောက်ပြင်ဆင်မှုရှိနေပြီလဲ...

... စတဲ့ အကြောင်းအရာတွေကို ဆွေးနွေးတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“မြဝတီ ခလရ -၂၇၅ တပ်ရင်းကို KNLA သိမ်းပိုက်... အေလာလေယာဉ်ကွင်းကို ရှော့တိ...

“မြဝတီ ခလရ -၂၇၅ တပ်ရင်းကို KNLA သိမ်းပိုက်... အေလာလေယာဉ်ကွင်းကို ရှော့တိုက်ဒုံးနဲ့ပစ်... နောက်ဆုံးရ တိုက်ပွဲသတင်းများ”

(၁၂- ၄- ၂၀၂၄)

ကရင်ပြည်နယ်၊ မြဝတီမြို့မှာ နောက်ဆုံးကျန်နေတဲ့ မြို့စောင့်တပ် ခလရ−၂၇၅ တပ်စခန်းကို ဧပြီ (၁၁) ရက်နေ့ မနက် ၄ နာရီခွဲခန့်မှာ အပြီးသိမ်းပိုက်လိုက်ပြီလို့ KNU ကရင့်အမျိုးသားအစည်းအရုံး ဗဟိုက သတင်းထုတ်ပြန်ပါတယ်။

သင်္ကန်းညီနောင် ဗျုဟာလို လက်နက်ချအညံ့ခံရန် အခွင့်အရေးပေးခဲ့ပေမယ့် လက်မခံပဲ 

စစ်ကူတွေလာရောက်နိုင်ရေး ခုခံတိုက်ခိုက်တာကြောင့် ဧပြီ (၈) ရက်မှာ စတင်ထိုးစစ်ဆင် တိုက်ခိုက်ခဲ့ရတယ်လို့ ကြေညာချက်က ဆိုပါတယ်။

(K.N.L.A) ကရင်အမျိုးသားလွတ်မြောက်ရေးတပ်မတော်က ဦးဆောင်ပြီး ကရင်အမျိုးသား ကာကွယ်ရေးတပ်ဖွဲ့ (K.N.D.O) နဲ့ တော်လှန်ရေးပူးပေါင်းတပ်ဖွဲ့တို့က အခုလို သိမ်းပိုက်ခဲ့တာဖြစ်ပါတယ်။

မြဝတီဒေသရှိ စစ်ကောင်စီ တပ်စခန်းအားလုံးကို သိမ်းပိုက်နိုင်ခဲ့ပြီဖြစ်ပြီး ထွက်ပြေးနေတဲ့ အကြွင်းအကျန်တွေကို ရှင်းလင်းမှု ဆက်လက်လုပ်ဆောင်နေတယ်။ ပြည်သူလူထုတွေအနေနဲ့ ထိတ်လန့်ကြောက်ရွံ့မှုမရှိပဲ တော်လှန်ရေးတပ်တွေနဲ့ ပူးပေါင်းလုပ်ဆောင်ရန် အသိပေးတယ်လို့ ထုတ်ပြန်ချက်မှာ ဖေါ်ပြထားပါတယ်။

နေ့လယ်ပိုင်းထုတ်ပြန်တဲ့ နောက်ထပ်ကြေညာချက်တခုမှာတော့ ခလရ−၂၇၅ တပ်စခန်းကနေ ထွက်ပြေးသွားတဲ့ စစ်ကောင်စီတပ်ဖွဲ့ဝင်တွေဟာ ထိုင်း-မြန်မာနယ်စပ်ရှိ မြဝတီတံတားအမှတ် (၂) အောက်မှာ ပုန်းရှောင်နေတယ်လို့ KNU က ဓာတ်ပုံမှတ်တမ်းနဲ့တကွ ဖေါ်ပြထားပါတယ်။

စစ်ရှုံးတဲ့ စစ်ကောင်စီတပ်သားတွေဟာ ထိုင်းနိုင်ငံဖက် ခုံလှုံခွင့်ရရေးကြိုးစားနေပုံရပေမယ့် အခုချိန်အထိ (ဧပြီ ၁၁ ရက် ညနေပိုင်းအထိ) ထိုင်းဖက်က ဝင်ခွင့်မပေးသေးဘူးလို့ဆိုပါတယ်။ ဒါကြောင့် အဲဒီအနီးတဝိုက်ကို လူထုတွေ မသွားကြဖို့၊ စစ်ကောင်စီက လေကြောင်းတိုက်ခိုက်မှု အချိန်မရွေးလုပ်နိုင်လာနိုင်တဲ့အတွက် လူထုတွေ သတိထားကြဖို့ KNU က သတိပေးထားပါတယ်။

ညနေပိုင်းဝင်လာတဲ့ ထိုင်းသတင်းတွေအရတော့ ထိုင်းဖက်က ဝင်ခွင့်မပေးသေးတဲ့အတွက် စစ်ကောင်စီတပ်သား ၁၀၀ ခန့်ဟာ တော်လှန်ရေးတပ်တွေ လာတိုက်မှာစိုးတဲ့အတွက် တံတားအောက်မှာ စာပွဲခုံတွေကို ကာဗာလုပ်၊ အရေးပေါ်ကတုတ်ကျင်းတွေတူးပြီး နေရာယူနေကြတယ်လို့ ဖေါ်ပြပါတယ်။

မနေ့ကဖေါ်ပြခဲ့တဲ့ မော်လမြိုင်-သထုံ-ဘားအံကနေ စစ်ကူ တက်လာနေတဲ့ သံချပ်ကာကားအပါဝင် ယာဉ်အစီး ၂၀ ကျော်နဲ့ အင်အား ၃၀၀ စစ်ကြောင်းကတော့ လမ်းတလျောက်မှာ တော်လှန်ရေးတပ်တွေရဲ့ တိုက်ခိုက်မှုကိုခံနေရတယ်လို့ ဒေသတွင်း မီဒီယာတွေက ဖေါ်ပြပါတယ်။

အဲဒီ စစ်ကူအဖွဲ့ ကော့ကရိတ်၊ မြဝတီဖက်မရောက်ခင်မှာ မြဝတီဝန်းကျင်က တပ်စခန်းအားလုံးနဲ့ မြဝတီမြို့ကိုပါ တော်လှန်ရေးတပ်တွေက သိမ်းပိုက်လိုက်တာဖြစ်ပါတယ်။

ဒါ့အပြင်...

- ကချင်ပြည်နယ် ကျောက်စိမ်းဒေသ ဖားကန့်မြို့နယ်၊ နန့်ယားကျေးရွာရှိ စစ်ကောင်စီတပ်စခန်းကို KIA နဲ့ မဟာမိတ်တွေက သိမ်းပိုက်...

- စစ်ကောင်စီဌာနချုပ် နေပြည်တော်ရှိ အေလာလေဆိပ်ကို ၁၀၇ ရှော့တိုက်ဒုံး ၇ လုံးနဲ့ တိုကခိုက်ခဲ့ပြီး စစ်ကောင်စီဖက်က ထိခိုက်သေဆုံးမှုရှိတယ်လို့ Brave Warriors for Myanmar (BWM) အဖွဲ့က သတင်းထုတ်ပြန်...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“မြဝတီ- မဲဆောက် နယ်စပ်အခြေအနေ မေးမြန်းချက်”

“မြဝတီ- မဲဆောက် နယ်စပ်အခြေအနေ မေးမြန်းချက်”

(၁၁- ၄- ၂၀၂၄)

မြဝတီမြို့စောင့်တပ် ခလရ ၂၇၅ ကို KNLA ဦးဆောင်တဲ့ မဟာမိတ်တွေက မနေ့ညက သိမ်းပိုက်လိုက်ပြီးတဲ့နောက် ရာနဲ့ချီတဲ့ စစ်ကောင်စီတပ်သားတွေဟာ ထိုင်းဖက်ကို ထွက်ပြေးဖို့အတွက် သောင်ရင်းမြစ်ကမ်းဘေး (မြို့ပြင်က တံတား) ချစ်ကြည်ရေးတံတားအောက်မှာ လာစောင့်နေတာ တွေ့ရတယ်လို့ မြဝတီ-မဲဆောက် နယ်စပ်တံတားအနီးရောက်ရှိနေတဲ အလုပ်သမားအရေးကူညီဆောင်ရွက်သူ (JACBA) - ဥက္ကဌ- ဦးမိုးကြိုးက ပြောပါတယ်။

မြို့ပြင်ကတံတားကို ပိတ်လိုက်ပြီဖြစ်ပေမယ့် မြို့ထဲကတံတားကိုတော့ ပုံမှန်ဖွင့်ထားဆဲဖြစ်ပြီး စစ်ဘေးရှောင်တွေ ရာနဲ့ချီ မဲဆောက်ဖက် ဝင်လာနေဆဲလို့ဆိုပါတယ်။

ဒါပေမယ့် ထိုင်းဖက်က ဒုက္ခသည်တသိန်းအထိလက်ခံမယ်ပြောထားပေမယ့် အခုချိန်အထိ တရားဝင်စခန်းဖွင့်တာ မတွေ့ရသေးဘူးလို့ဆိုပါတယ်။ အရင် ၂၀၀၉  ခုနှစ်မှာ DKBA က မြဝတီကိုသိမ်းစဉ် ထွက်ပြေးလာတဲ့ ဒုက္ခသည်တွေအတွက် ဆောက်ပေးထားဖူးတဲ့ စခန်းဟောင်း ၃ ခုတော့ ရှိတယ်လို့သိရပါတယ်။

မြဝတီ-မဲဆောက်နယ်စပ် နောက်ဆုံးအခြေအနေနံ့ပတ်သက်ပြီး မြန်မာအချိန် ညနေ ၆ နာရီခန့်က ဦးမိုးကြိုးနဲ့မေးမြန်းထားတာကို ထုတ်လွှင့်လိုက်ပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“မြဝတီမှာ တိုက်ပွဲပြင်းထန်လို့ ဒေသခံတွေ မဲဆောက်ဖက်ထွက်ပြေး... လွယ်ဂျယ်မ...

“မြဝတီမှာ တိုက်ပွဲပြင်းထန်လို့ ဒေသခံတွေ  မဲဆောက်ဖက်ထွက်ပြေး... လွယ်ဂျယ်က စစ်တပ်စခန်းမှာ ကျပ်ငွေ သိန်းပေါင်း ၆ သောင်းကျော်တွေ့ရှိ ... နောက်ဆုံးရ တိုက်ပွဲသတင်းများ”

(၁၁-၄-၂၀၂၄)

ကရင်ပြည်နယ်၊ မြဝတီမြို့ပြင်ရှိ ခလရ ၂၇၅ ကို KNLA ကရင့်အမျိုးသားလွတ်မြောက်ရေးတပ်နဲ့ မဟာမိတ်တွေက ထိုးစစ်ဆင်နေတဲ့အတွက် တိုက်ပွဲပြင်းထန်နေဆဲဖြစ်တယ်လို့ နယ်စပ်သတင်းတွေက ဖေါ်ပြပါတယ်။

ဧပြီ ၉ ရက်ညနေပိုင်းကတည်းက ထိုးစစ် စတင်တာဖြစ်ပြီး အခုချိန်အထိ စခန်းသိမ်းမိတာ ဒါမှမဟုတ် စစ်ကောင်စီဖက်က အသလံဖြူထောင်တာ မကြားရသေးပါဘူး။ 

ခလရ ၂၇၅ စခန်းဟာ မြဝတီမြိုု့နဲ့ ၅ ကီလိုခန့်သာကွာဝေးပြီး လက်နက်ကြီးပေါက်ပွဲသံတွေ၊ မြို့ပြင်ရပ်ကွက်မီးလောင်တာတွေရှိနေတဲ့အတွက် မြို့တွင်းက ထောင်နဲ့ချီတဲ့ ပြည်သူတွေ ချစ်ကြည်ရေး တံတားပေါ်ကနေ သောင်ရင်းမြစ်ကိုဖြတ်ပြီး ထိုင်းနိုင်ငံ မဲဆောက်ဖက် ထွက်ပြေးနေကြတာကို ဓာတ်ပုံမှတ်တမ်းတွေထဲ တွေ့ရပါတယ်။

၇ ရက်စာ နယ်စပ်ဖြတ်လက်မှတ်ယူပြီးမှ ထိုင်းနယ်မြေထဲဝင်ရတာဖြစ်တဲ့အတွက် အဲဒီလုပ်ငန်းစဉ်အတွင်း မြန်မာ-ထိုင်း ၂ ဖက်စလုံးမှာ လဝက ဝန်ထမ်း မလုံလောက်တဲ့အတွက် ရာနဲ့တဲ့လူတွေ မြန်မာဖက်မှာ စောင့်နေရဆဲလို့ ဆိုပါတယ်။

တချိန်တည်းမှာပဲ စစ်ကောင်စီဖက်ကတော့ မြဝတီကို စစ်ကူပေးဖို့ တင့်ကား၊ သံချပ်ကာကားအပါဝင် အစီး ၂၀ ကျော် ယာဉ်တန်းတခုကို ဘားအံကနေ မြဝတီမြို့ဆီ စေလွှတ်လိုက်ပြီလို့ ဒေသတွင်း မီဒီယာတွေက ဖေါ်ပြပါတယ်။

မော်လမြိုင်-သထုံ-ဘားအံ ကတဆင့် တက်လာတဲ့ အဲဒီယာဉ်တန်းဟာ တပ်မ ၅၅ က တပ်ဖွဲ့ဝင်တွေဖြစ်ပြီး ကား ၂၂ စီး၊ အင်အား ၃၀၀ ခန့်ရှိတယ်လို့ဆိုပါတယ်။ အဲဓီယာဉ်တန်းကို ဂျိုင်းတံတားမှာ တော်လှန်ရေးအဖွဲ့တွေက စတင်တိုက်ခိုက်နေပြီလို့လည်း ဒေသတွင်း မီဒီယာတွေမှာ ဖေါ်ပြထားပါတယ်။

ဒါ့အပြင်...

- ကချင်ပြည်နယ်၊ လွယ်ဂျယ်-နယ်စပ်ကုန်သွယ်ရေးမြို့ရှိ ခလရ ၁၄၂ တပ်ရင်းကို KIA ကချင့်လွတ်လပ်ရေးတပ်က ရှင်းလင်းရေးလုပ်စဉ် ငွေကျပ် သိန်းပေါင်း ၆ သောင်းကျော် တွေ့ရှိ...

- ဖားကန့်မြိုနယ်ရှိ နန့်ယား-စစ်ကောင်စီတပ်စခန်းကို မနေ့ည ၁၀ နာရီခန့်မှာ KIA နဲ့ ပူးပေါင်းတပ်တွေက သိမ်းပိုက်...

- ဗမာပြည်သူ့လွတ်မြောက်ရေးတပ်တော် (BPLA)ရဲ့ အပတ်စဉ်(၆) သင်တန်းဆင်းပွဲကို ဧပြီ (၁၀)ရက်နေ့က အမှတ်(၁၀၇)စစ်ဒေသမှာ ကျင်းပ...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“လေယာဉ်နဲ့ လက်နက်ကြီးတွေ မလာနိုင်အောင် ဆောင်ရွက်ဖို့လိုနေပါတယ်”

“လေယာဉ်နဲ့ လက်နက်ကြီးတွေ မလာနိုင်အောင် ဆောင်ရွက်ဖို့လိုနေပါတယ်”

- ဦးသန်းစိုးနိုင် (စစ်ရေး - နိုင်ငံရေး ဝေဖန်သုံးသပ်သူ)

(၁၀ - ၄- ၂၀၂၄)

“မြေပြင်မှာ ဆက်တိုက်အရှုံးနဲ့ရင်ဆိုင်နေရတဲ့ စစ်ကောင်စီဟာ လေကြောင်းနဲ့ လက်နက်ကြီးကို အားကိုးလာနေတယ်။ တော်လှန်ရေးတပ်တွေကို ပစ်တာအပြင် အရပ်သားလူထုနေရာတွေကိုလည်း ဦးတည်တိုက်ခိုက်မှုတွေရှိလာနေတယ်။ ဒါကြောင့် လေယာဉ်ပြေးလမ်းတွေနဲ့ လက်နက်ကြီးစက်ရုံတွေကို တော်လှန်ရေးအင်အားစုတွေ အလေးထား တားဆီးဖို့ လိုအပ်နေတယ်” လို့ စစ်ရေး - နိုင်ငံရေး ဆန်းစစ်ဝေဖန်သူ ဦးသန်းစိုးနိုင်က ပြောပါတယ်။

ကချင်၊ ကရင်၊ ရခိုင်အပါဝင် ဒေသအသီးသီးမှာ စစ်ကောင်စီတပ်က စခန်းစွန်ခွာထွက်ပြေးတာ၊ လက်နက်ချတာ နေ့စဉ်ဖြစ်နေပြီး နယ်စပ်ကုန်သွယ်ရေးလမ်းကြောင်းတွေကို တော်လန်ရေးတပ်တွေက ထိန်းချုပ်လာနိုင်တဲ့ အခြေအနေတွေနဲ့ပတ်သက်ပြီး ... BNN သတင်းဌာနက ဦးထက်အောင်ကျော် မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်မယ့် မေးမြန်းချက် ဒုတိယ ပိုင်းမှာ...

- AA တပ်တွေ မကွေးတိုင်းအတွင်းဝင်လာခြင်း၊ KIA တပ်တွေ စစ်ကိုင်းအတွင်း ဝင်လာခြင်းက အညာစစ်မျက်နှာအနေအထားကို အပြောင်းလဲဖြစ်စေနိုင်သလား...

- မြေပြင်တိုက်ပွဲမှာ နေ့စဉ်အရှုံးနဲ့ရင်ဆိုင်နေရတဲ့ စစ်ကောင်စီ ဘာတွေ ဆက်လုပ်လာနိုင်သလဲ...

- စစ်မှူထမ်းဥပဒေကို ဘယ်လိုဆက်လက် တိုက်ဖျက်သင့်သလဲ...

... စတဲ့ အကြောင်းအရာတွေကို ဆွေးနွေးတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“လွယ်ဂျယ်နယ်စပ်မြို့ကို KIA သိမ်း... မြဝတီနယ်စပ်မြို့ကို KNLA က သိမ်းဖို...

“လွယ်ဂျယ်နယ်စပ်မြို့ကို KIA သိမ်း... မြဝတီနယ်စပ်မြို့ကို KNLA က သိမ်းဖို့ပြင် ...နောက်ဆုံးရ တိုက်ပွဲသတင်းများ”

(၁၀- ၄- ၂၀၂၄)

တရုတ်-မြန်မာနယ်စပ် ကချင်ပြည်နယ်၊ လွယ်ဂျယ်-နယ်စပ်ကုန်သွယ်ရေးမြို့ရှိ စစ်ကောင်စီတပ်သားတွေအားလုံး ဧပြီ ၈ ရက်နေ့ညမှာ စခန်းစွန့်ထွက်ခွာသွားပြီဖြစ်တဲ့အတွက် လွယ်ဂျယ်ဟာ စစ်ကောင်စီကင်းစင်ဒေသဖြစ်သွားပြီလို့ KIA ကချင်လွတ်လပ်ရေးတပ် ပြောခွင့်ရက BNN ကို ပြောပါတယ်။

ပြီးခဲ့တဲ့ သီတင်းပတ်အတွင်း ရဲစခန်းနဲ့ ဌာနဆိုင်ရာ အဆောက်ဦတွေအားလုံးကို  KIA သိမ်းပိုက်ပြီးနောက် ရဲနဲ့ စစ်သားတွေအားလုံးဟာ တပ်ရင်း ၁၄၂ မှာ ဝင်ရောက်စုစည်းနေကြတာဖြစ်ပါတယ်။ ဧပြီ ၈ ရက်နေ့ညပိုင်းမှာတော့ စစ်သားတွေအားလုံး စခန်းစွန့်ခွာထွက်ပြေးသွားတဲ့အတွက် အခု လွယ်ဂျယ်ကို KIA/ KIO က အုပ်ချုပ်ရေးလုပ်ငန်းတွေ စတင်ဆောင်ရွက်ဖို့ပြင်နေပြီလို့ KIA ပြောခွင့်ရ ဗိုလ်မှူးကြီးနော်ဘူက ပြောပါတယ်။

မတ်လ ၇ ရက်မှာစတင်ခဲ့တဲ့ ၀၃၀၇ စစ်ဆင်ရေးအတွင်း ဌာနချုပ်လိုင်ဇာအနီးက စစ်ကောင်စီရဲ့ ဗျုဟာကုန်းတွေ၊ မိုးမောက်-လွယ်ဂျယ် ကားလမ်းပေါ်ရှိ ဗျုဟာကုန်းတွေအပါဝင် စခန်းပေါင်း ၆၀ ခန့်ကို တလအတွင်း သိမ်းပြီးတဲ့နောက် အခုနောက်ဆုံး လွယ်ဂျယ်မြို့ကို သေနတ်တချက်မှ မဖောက်ရပဲနဲ့ KIA က သိမ်းလိုက်တာဖြစ်ပါတယ်။

ဒါ့အပြင်...

- ထိုင်း-မြန်မာနယ်စပ် ကရင်ပြည်နယ်၊ မြဝတီနယ်စပ်ကုန်သွယ်ရေးမြိုံ့ကိုလည်း KNLA ကရင့်အမျိုးသားလွတ်မြောက်ရေးတပ် ဦးဆောင်တဲ့ မဟာမိတ်တွေက သိမ်းနိုင်ဖို့ မနေ့က စတင် ထိုးစစ်ဆင်နေ...

- မော်လမြိုင်မြို့ရှိ အရှေ့တောင်တိုင်းစစ်ဌာနချုပ် (ရတခ)မှာ စစ်ကောင်စီ ဒုခေါင်းဆောင် ဒုတိယဗိုလ်ချုပ်မှူးကြီး စိုးဝင်းနဲ့အဖွဲ့  အထူးအစည်းအဝေးလုပ်နေစဉ် တော်လှန်ရေးတပ်တွေက ဒရုန်းနဲ့တိုက်ခိုက်တဲ့အတွက် ထိခိုက်ဒဏ်ရာရမှုရှိတယ်လို့ ရှာထူးဝေါ်နည်းပညာတပ်ဖွဲ့ Alpha Bats တပ်ခွဲက သတင်းထုတ်ပြန်...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“လွယ်ဂျယ်မှာ စစ်ကောင်စီမရှိတော့ဘူး၊ KIO က လုံး၀ သိမ်းလိုက်ပါပြီ”

“လွယ်ဂျယ်မှာ စစ်ကောင်စီမရှိတော့ဘူး၊ KIO က လုံး၀ သိမ်းလိုက်ပါပြီ”

- ဗိုလ်မှူးကြီးနော်ဘူ (ပြန်ကြားရေးအရာရှိ - KIO/ KIA)

(၉ - ၄- ၂၀၂၄)

“တရုတ်-မြန်မာနယ်စပ် ကချင်ပြည်နယ်က လွယ်ဂျယ်-နယ်စပ်ကုန်သွယ်ရေးမြို့ရှိ စစ်ကောင်စီတပ်သားတွေအားလုံး မနေ့က စခန်းစွန့်ထွက်ခွာသွားပြီဖြစ်တဲ့အတွက် လွယ်ဂျယ်မှာ စစ်ကောင်စီမရှိတော့ဘူး။ လွယ်ဂျယ်ကို KIO က လုံးဝသိမ်းပိုက်လိုက်ပြီ၊ အခု မြို့တွင်း အုပ်ချုပ်ရေးချဖို့ပြင်ဆင်နေတယ်” လို့ KIA ကချင်လွတ်လပ်ရေးတပ် ပြောခွင့်ရ ဗိုလ်မှူးကြီးနော်ဘူက BNN ကို ပြောပါတယ်။

ပြီးခဲ့တဲ့ သီတင်းပတ်အတွင်း ရဲစခန်းနဲ့ ဌာနဆိုင်ရာ အုပ်ချုပ်ရေးအဆောက်ဦတွေ အားလုံးကို သိမ်းပိုက်ပြီးနောက် ရဲနဲ့ စစ်သားတွေအားလုံးဟာ တပ်ရင်း ၁၄၂ မှာ ဝင်ရောက်စုစည်းနေကြတယ်။ မနေ့ကတော့ စခန်းစွန့်ခွာထွက်ပြေးသွားတယ်လို့ ဗိုလ်မှူးကြီးက ပြောပါတယ်။

လွယ်ဂျယ်မြို့သိမ်းတိုက်ပွဲအပါဝင် ကချင်ဒေသက နောက်ဆုံးတိုးတက်မှုတွေအကြောင်း ကိုဟန်ထွန်းက စုစည်းတင်ပြထားပါတယ်...

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“ပြင်ဦးလွင် စစ်တက္ကသိုလ်ကို ရှော့တိုက်ဒုံးနဲ့ ပစ်... ဟုမ္မလင်းတိုက်ပွဲမှ...

“ပြင်ဦးလွင် စစ်တက္ကသိုလ်ကို ရှော့တိုက်ဒုံးနဲ့ ပစ်... ဟုမ္မလင်းတိုက်ပွဲမှာ လက်နက် ၁၀၀ ကျော်သိမ်းမိ... နောက်ဆုံးရ တိုက်ပွဲသတင်းများ”

(၉ -၄- ၂၀၂၄)

မန္တလေးတိုင်း၊ ပြင်ဦးလွင်မြို့ရှိ စစ်တက္ကသိုလ် (DSA) ကို တော်လှန်ရေးတပ်တွေက ၁၀၇ မမ ရှော့တိုက်ဒုံးနဲ့ ပစ်ခတ်တိုက်ခိုက်ခဲ့တယ်လို့  အမှတ် ၁ စစ်ဒေသက သတင်းထုတ်ပြန်ပါတယ်။

မတ်လ ၈ ရက် မနက် ၄ နာရီမှာ ရှော့တိုက်ဒုံး (၅) လုံးနဲ့ တိုက်ခိုက်တာဖြစ်ပြီး စစ်ကောင်စီ တပ်သားတွေ အဆောင်အနီး ၄ လုံးကျရောက်ပေါက်ကွဲခဲ့တယ်လို့ ဆိုပါတယ်။ ဒီစစ်ဆင်ရေးကို မန္တလေးတိုင်း ပကဖ က တာဝန်ယူဆောင်ရွက်ခဲ့တာဖြစ်တယ်လို့ ဗီဒီယို မှတ်တမ်းနဲ့တကွ ထုတ်ပြန်ထားပါတယ်။

စစ်ကိုင်းတိုင်း၊ ခန္တီးခရိုင်၊ ဟုမ္မလင်းမြို့နယ်ရှိ စစ်ကောင်စီနဲ့ ပျုစောထီး စခန်း ၄ ခုကို တော်လှန်ရေးတပ်တွေက သိမ်းပိုက်ခဲ့ပြီး လက်နက်မျိုးစုံ ၁၀၀ ကျော်အထိ ရရှိတယ်လို့ အမှတ် ၁ စစ်ဒေသက သတင်းထုတ်ပြန်ပါတယ်။

ဒါ့အပြင်...

- မနေ့ညက မဲဆောက်လေယာဉ်ကွင်းဆီ ရောက်လာတဲ့ စစ်ကောင်စီအထူးလေယာဉ်ဟာ မြဝတီက ဝန်ထမ်းတွေကို ခေါ်ယူတာမဟုတ်ပဲ မြဝတီမြို့ရှိ ဘဏ်အသီးသီးက မြန်မာငွေတွေကို သယ်ယူသွားတာသာဖြစ်...

- လက်နက်ချသူတွေကို သူတို့ဆန္ဒမပါပဲ ပြန်ပို့မှာမဟုတ်ဟု KNU ဗဟိုအလုပ်မှုဆောင်ကော်မီတီဝင် ပဒိုစောတောနီးက ပြောကြား...

- မွန်ပြည်သစ်ပါတီ (စစ်အာဏာရှင်တိုက်ဖျက်ရေး) NMSP-AD ဒု-စစ်ဦးစီးချုပ် ဗိုလ်မှူးချုပ် စလွန်းထောနဲ့အဖွဲ့ ဟာ ကော့ကရိတ်မြို့နယ်နဲ့ ကျိုက်မရောမြို့နယ်ရှိ တပ်ဖွဲ့ဝင်တွေ၊ ဒေသခံလူထုတွေကို သွားရောက်တွေ့ဆုံ အားပေး...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“နေပြည်တော်ရဲ့ ခံစစ်စည်းနဲ့ပတ်သက်လို့ ဗိုလ်ချုပ်တွေကိုယ်တိုင်တောင် ယုံကြ...

“နေပြည်တော်ရဲ့ ခံစစ်စည်းနဲ့ပတ်သက်လို့ ဗိုလ်ချုပ်တွေကိုယ်တိုင်တောင် ယုံကြည်မှု ကျဆင်းနေပြီ”

- ဦးသန်းစိုးနိုင် (စစ်ရေး - နိုင်ငံရေး ဝေဖန်သုံးသပ်သူ)

(၈ - ၄- ၂၀၂၄)

“စစ်ကောင်စီဌာနချုပ် နေပြည်တော်ရဲ့ ခံစစ်စည်းနဲ့ပတ်သက်ပြီး ဗိုလ်ချုပ်တွေကိုယ်တိုင်တောင် ယုံကြည်မှု ကျဆင်းနေတာတွေ့ရတယ်” လို့ စစ်ရေး - နိုင်ငံရေး ဆန်းစစ်ဝေဖန်သူ ဦးသန်းစိုးနိုင်က ပြောပါတယ်။

ပြီးခဲ့တဲ့ ရက်ပိုင်းအတွင်း နေပြည်တော်စစ်ရုံးချုပ်ကို PDF တွေက ဒရုန်းနဲ့တိုက်ခိုက်မှုနောက်ပိုင်း ဘယ်လိုထူးခြားချက်တွေရှိသလဲ၊ လက်ရှိ တိုက်ပွဲတွေရဲ့အခြေအနေ... စသဖြင့် BNN သတင်းဌာနက ဦးထက်အောင်ကျော် မေးမြန်းစဉ် သူက အဲဒီလို ဖြေကြားခဲ့တာပါ။

အခု ထုတ်လွှင့်မယ့် မေးမြန်းချက် ပထမပိုင်းမှာ...

- နေပြည်တော်စစ်ရုံးချုပ်က ဒရုန်းတွေကို မကာကွယ်နိုင်တာ ဘာကြောင့်လဲ...

- KIA ရဲ့ စစ်ရေးဗျုဟာနဲ့ နိုင်ငံရေးအရ ဦးဆောင်နိုင်မှုက နွေဦးတော်လှန်ရေးအတွက် ဘယ်လိုအရေးကြီးသလဲ...

- အညာစစ်မျက်နှာမှာ ပြောက်ကြားစစ်ကနေ စခန်းသိမ်းတဲ့အဆင့်ထိ တက်လာနေပြီလား...

- စစ်ပွဲတွေအရှိန်ကောင်းရင် တရုတ်ကကြား ဝင်လာပြီး စစ်ကောင်စီဖက်ကနေ ရှေ့နေလိုက်ပေးနေတာ ဘာကြောင့်လဲ...

... စတဲ့ အကြောင်းအရာတွေကို ဆွေးနွေးတင်ပြထားပါတယ်။

(မြေပြင်မှာ စစ်ရှုံးနေတဲ့ စစ်ကောင်စီတပ်ကို လေကြောင်းပါ ရှ့ုံးနိမ့်သွားအောင် ဘယ်လိုလုပ်ကြမလဲ... ဆွေးနွေးချက်ပါတဲ့ ဒုတိယ ပိုင်းကိုတော့ မနက်ဖန် ထုတ်လွှင့်ပါမယ်)

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“ခမရ (၅၆၅) ဒု ရင်းမှူးကို အရှင်ဖမ်းမိ... တပ်မ ၁၀၁-ယာဉ်တန်းကို တိုက်ခိုက်...

“ခမရ (၅၆၅) ဒု ရင်းမှူးကို အရှင်ဖမ်းမိ... တပ်မ ၁၀၁-ယာဉ်တန်းကို တိုက်ခိုက်... နောက်ဆုံးရ တိုက်ပွဲသတင်းများ”

(၂၅- ၄- ၂၀၂၄)

ရခိုင်ပြည်နယ်၊ ဘူူးသီးတောင်အခြေစိုက် စကခ (၁၅) လက်အောက်ခံ၊ ခမရ (၅၆၅) တပ်ရင်းက ဒုတပ်ရင်းမှူး ဗိုလ်မှူးဇော်ဇော်အောင်ကို ဧပြီ (၅) ရက်၊ ညနေ (၄) နာရီခန့်မှာ ဒဏ်ရာနဲ့ အရှင်ဖမ်းမိတယ်လို့ AA ရက္ခိုင့်တပ်တော်က သတင်းထုတ်ပြန်ပါတယ်။

ခမရ (၅၆၄) တပ်ရင်းဌာနချုပ်ကို AA က သိမ်းပိုက်စဉ် လက်နက်ချအညံ့မခံဘဲ ထွက်ပြေးနေတဲ့ စစ်ကောင်စီတပ်ဖွဲ့ဝင်တွေထဲက အသက် ၄၀ အရွယ်၊ DSA အပတ်စဉ် (၄၇) ကျောင်းဆင်း ဒုရင်းမှူး ဗိုလ်မှူးဇော်ဇော်အောင်ကို ဘဒနာကျေးရွာ အနီးမှာ ဒဏ်ရာရလျက်  ဖမ်းဆီးမိတာဖြစ်ပြီး အခု ဆေးကုသမှုပေးနေတယ်လို့ ဗွီဒီယိုမှတ်တမ်းနဲ့တကွ ဖေါ်ပြထားပါတယ်။

AA ဟာ ဘူးသီးတောင်ရှိ တပ်ရင်း ၂ ခုကို ပြီးခဲတဲ့ရက်ပိုင်းအတွင်းသိမ်းနိုင်ခဲ့ပြီး မောင်တောရှိ နယ်ခြားစောင့်တပ်စခန်းနဲ့ အခြားစခန်းတွေ သိမ်းနိုင်ရေး စစ်ရှိန်မြှင့်ဆောင်ရွက်နေတယ်လို့ ထုတ်ပြန်ချက်မှာ ဖေါ်ပြထားပါတယ်။

ဒါ့အပြင်...

- ကရင်ပြည်နယ်မှာတော့ သင်္ကန်းညီနောင်ရှိ အခြေချစစ်ဗျုဟာကို KNLA က သိမ်းပိုက်ပြီး သို့မဟုတ် စစ်ကောင်စီဖက်က လက်နက်ချပြီးနောက် မြဝတီမြို့ရှိ ဝန်ထမ်းတွေကို စစ်ကောင်စီက ထိုင်းနယ်မြေကတဆင့် ပြန်ခေါ်ယူနေ...

- အင်အား ၆၀၀ ကျော်ကို ဦးစီးလက်နက်ချခဲ့သူ သင်္ကန်းညီနောင် အခြေချစစ်ဗျုဟာ ဗျုဟာမှူး ဗိုလ်မှူးကြီးထွန်းထွန်းလတ်ရဲ့ ရင်ဖွင့်သံ...

- မကွေးတိုင်း၊ ကမ္မမြို့နယ်၊ သာကြီးတောင် ရေနံမြေအနီးမှာ စစ်ကောင်စီ ရိက္ခာယာဉ်တန်းကို ဒေသခံတော်လှန်ရေးတပ်တွေက တိုက်ခိုက်သိမ်းပိုက်...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“ဝင်ငွေမတိုးပဲ ကုန်ဈေးနှုန်းပဲတိုးနေလို့ လူတိုင်းဒုက္ခရောက်နေချိန်မှာ စီ...

“ဝင်ငွေမတိုးပဲ ကုန်ဈေးနှုန်းပဲတိုးနေလို့ လူတိုင်းဒုက္ခရောက်နေချိန်မှာ စီးပွားရေး ဦးမော့လာတယ်ဆိုတာကတော့...”

- ဦးစိန်ဌေး (စီးပွားရေး ဆန်းစစ်ဝေဖန်သူ)

(၇- ၄- ၂၀၂၄)

“စစ်တပ် အာဏာသိမ်းပြီးကတည်းက နိုင်ငံခြားရင်းနှီးမြှပ်နှံမှုတွေ ထွက်သွားတယ်။ နိုင်ငံခြားဝင်ငွေနည်းလာလို့ ကုန်စည်တွေမသွင်းနိုင်ဖြစ်ပြီး ကုန်စည်ပြတ်လပ်လာ၊ ကုန်ဈေးနှုန်းကတက်၊ လစာက မတက်၊ လူတွေရဲ့စားဝတ်နေရေး ဒီလောက်ခက်ခဲနေချိန်မှာ စီးပွားရေး ဦးမော့လာတယ်လို့ပြေတာဟာ လူထုကို ဗြောင်လိမ်တာပါပဲ” လို့ စီးပွားရေးပညာရှင် ဦးစိန်ဌေးက ပြောပါတယ်။

ပြီးခဲ့တဲ့ရက်ပိုင်းအတွင်း ရုရှားသတင်းဌာနတခုနဲ့ပြုလုပ်တဲ့ တွေ့ဆုံမေးမြန်းခန်းအတွင်း စစ်ကောင်စီဥက္ကဌက “၂၀၁၈ မှာကတည်းက အစိုးရ စီမံခန့်ခွဲမှုညံ့ဖျင်းလို့ ကျဆင်းခဲ့ရတဲ့ စီးပွားရေးဟာ သူ အာဏာသိမ်းပြီး ၃ နှစ်တာအတွင်း တိုးတက်လာတယ်၊ ဦးမော့လာတယ်”...ဆိုတဲ့ ပြောဆိုချက်နဲ့ပတ်သက်ပြီး BNN သတင်းဌာနက ဦးထက်အောင်ကျော် မေးမြန်းစဉ် အခုလို ဖြေကြားခဲ့တာပါ။

အခု ထုတ်လွှင့်မယ့် မေးမြန်းချက် ပထပ ပိုင်းမှာ...

- စစ်တပ်က အာဏာသိမ်းပြီးနောက်ပိုင်း လူတိုင်းလိုလို စီးပွားပျက်နေချိန်မှာ စီးပွားရေးဦးမော့လာပြီလို့ စစ်ကောင်စီဥက္ကဌက ဘာကြောင့်ပြောသလဲ... ဘယ်အချက်တွေပေါ် အခြေခံပြောတာလဲ...

- GDP ထုတ်ကုန် တိုးတက်မှု၊ FDI နိုင်ငံခြားရင်းနှီးမြှုပ်နှံမှု၊ CPI ငွေကြေးဖောင်းပွမှု၊ နယ်စပ်ကုန်သွယ်ရေး...စသဖြင့် အရေးကြီးအချက်အလက်တွေက စကစဥက္ကဌပြောတာနဲ့ ဘာတွေ ကွာဟနေသလဲ...

- စစ်တပ်က အာဏာသိမ်းပြီးနောက်ပိုင်း... ဒေါ်လာဈေး၊ ရွှေဈေး၊ လောင်စာဈေးကနေ ကဇွန်းရွက်ဈေးအထိ ဘယ်နှစ်ဆ တက်လာသလဲ...

- ကုန်ဈေးနှုန်းတက်တာနဲ့ ကာမိစေဖို့ လူတွေရဲ့ ဝင်ငွေတိုးအောင် စကစ က ဘာတွေ ဆောင်ရွက်ပေးနေသလဲ...

... စတဲ့ အကြောင်းအရာတွေကို ဆွေးနွေးတင်ပြထားပါတယ်။

(စစ်ကောင်စီအလွန်မှာ မြန်မာ့စီးပွားရေးတိုးတက်အောင် ဘယ်လိုဆောင်ရွက်သင့်သလဲ... ဆွေးနွေးချက်ပါတဲ့ ဒုတိယပိုင်းကိုတော့ မနက်ဖန် ထုတ်လွှင့်ပါမယ်)

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“သင်္ဃန်းညီနောင် အခြေချစစ်ဗျူဟာကို KNLA သိမ်းပိုက်... ဗျုဟာမှူးအပါဝင် အင...

“သင်္ဃန်းညီနောင် အခြေချစစ်ဗျူဟာကို KNLA သိမ်းပိုက်... ဗျုဟာမှူးအပါဝင် အင်အား ၆၀၀ ကျော်လက်နက်ချ... နောက်ဆုံးရ တိုက်ပွဲသတင်းများ”

(၇- ၄- ၂၀၂၄)

ကရင်ပြည်နယ်၊ မြဝတီမြိုနယ်၊ သင်္ကန်းညီနောင်ရှိ အရှေ့တောင်တိုင်းစစ်ဌာနချုပ် (ရတခ) လက်အောက်ခံ စစ်ဗျူဟာအခြေချ (သင်္ဃန်းညီနောင်) စခန်းကို မတ်လ ၅ ရက်နေ့မှာ KNLA - ကရင်အမျိုးသားလွတ်မြောက်ရေးတပ်မတော် ဦးဆောင်တဲ့  တော်လှန်ရေးပူးပေါင်းတပ်ဖွဲ့က သိမ်းပိုက်လိုက်ပြီလို့ KNU ဗဟိုက သတင်းထုတ်ပြန်ပါတယ်။

ဧပြီလ(၅)ရက် မနက်(၈း၀၀)နာရီခန့်မှာ စတင်တိုက်ခိုက်ပြီ နေ့လယ်( ၁)နာရီခန့်မှာ အောင်မြင်စွာ သိမ်းပိုက်နိုင်တယ်လို့ဆိုပါတယ်။ ဒီစခန်းဟာ (၁၉၆၈) ကတည်းက အခြေချထားတဲ့စခန်းဖြစ်တဲ့အတွက် နှစ်ပေါင်း ၆၀ နီးပါး သက်တန်းရှည် စခန်းတခုလည်းဖြစ်ပါတယ်။

စခန်းတွင်းရှိ စစ်ကောင်စီရဲ့ ဗျုဟာမှူးအပါဝင် အရာရှိအဆင့်(၆၇) ဦး၊ အခြားနှင့်တပ်သားအဆင့် (၄၁၀) ဦး၊ စုစုပေါင်း (၄၇၇) ဦး လက်နက်ချ အညံ့ခံခဲ့ပါတယ်။ ဒါ့အပြင် ရဲမေ(၅၉)ဦးနှင့် တပ်မိသားစုဝင် (၈၁)ဦး စုစုပေါင်း (၁၄၀)ဦး လက်နက်ချ ဝင်ရောက်လာတဲ့အတွက် အားလုံး 

(၆၁၇)ဦး ရှိတယ်လို့ ကြေညာချက်မှာ ဖေါ်ပြပါတယ်။

ဒါ့အပြင် ၁၂၂ မမ အဝေးပစ် ဟာဝင်ဇာ ၂ လက်၊ ၁၂၀ မမ မော်တာကြီး ၂ လက် အပါဝင်... လက်နက်ကြီး-ငယ် ရာနဲ့ချီသိမ်းမိပြီး ခဲယမ်းမျာစွာရရှိတာကိုလည်း ဓာတ်ပုံမှတ်တမ်းထဲ တွေ့ရပါတယ်။

ဒါဟာ သင်္ကန်းညီနောင်ရှိ ရဲစခန်းနဲ့ ခမရ ၃၅၅ ကိုပြီးခဲ့တဲ့လအတွင်း သိမ်းပြီးတဲ့နောက် အခု အခြေချဗျုဟာကိုပါ သိမ်းလိုကတာဖြစ်ပါတယ်။ 

မြဝတီမြို့စောင့်တပ် ခလရ ၂၇၅ တပ်ရင်းကိုလည်း တော်လှန်ရေးတပ်ပေါင်းစုက သိမ်းပိုက်လိုက်ပြီ သို့မဟုတ် လက်နက်ချလိုက်ပြီဆီုပြီး ဆိုရှယ်မီဒီယာမှာ သတင်းတွေပြန့်နေပေမယ့် တော်လှန်ရေးအင်အားစုဖက်က တရားဝင် သတင်းထုတ်ပြန်တာ မရှိသေးပါဘူး။

ဒါ့အပြင်...

- မွန်ပြည်နယ်၊ မုဒုံမြို့နယ်၊ ကော့ပရံ လေဆိပ်နဲ့ ဆိပ်ကမ်းစီမံကိန်းနေရာကို လာရောက်စစ်ဆေးတဲ့ စစ်ကောင်စီထိပ်တန်းအရာရှိ ဗိုလ်ချုပ်ကြီး မြတ်ထွန်ဦးနဲ့အဖွဲ့ကို အမည်မသိ အဖွဲ့တခုက ဒရုန်းနဲ့ တိုက်ခိုက်...

- ကချင်ပြည်နယ်၊ မိုးမောက်-လွယ်ဂျယ်ကားလမ်းပေါ်ရှိ စိန်လုံဗျူဟာစခန်းကို KIA က သိမ်းပိုက်စဉ် ထွက်ပြေးသွားတဲ့ ဗျူဟာမှူးအပါအဝင် စစ်သား ၁၁- ဦးကို KIA က ဖမ်းမိ...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“ဘူးသီးတောင် ခမရ (၅၆၄) ကို AA သိမ်းပိုက်... သင်္ဃန်းညီနောင် အခြေချစစ်ဗျူ...

“ဘူးသီးတောင် ခမရ (၅၆၄) ကို AA သိမ်းပိုက်... သင်္ဃန်းညီနောင် အခြေချစစ်ဗျူဟာကို KNLA သိမ်းပိုက်... နောက်ဆုံးရ တိုက်ပွဲသတင်းများ”

(၆- ၄- ၂၀၂၄)

ရခိုင်ပြည်နယ်၊ ဘူးသီးတောင်မြို့ရှိ ခမရ (၅၆၄) တပ်ရင်းဌာနချုပ်ကို ဧပြီ (၅) ရက်၊ မနက် (၈) နာရီမှာ အပြီးသိမ်းပိုက်လိုက်ပြီလို့ AA  ရက္ခိုင့်တပ်တော်က သတင်းထုတ်ပြန်ပါတယ်။

ဧပြီ (၁) ရက်နေ့မှာ စတင်ထိုးစစ်ဆင်ပြီး ၅ ရက်နေ့မှာ သိမ်းလိုက်တာဖြစ်ပါတယ်။ စစ်ကောင်စီဖက်က ကြည်းတပ်၊ လေတပ်တို့ပူးပေါင်းပြီး အသည်းအသန် ခုခံကာကွယ်နေတဲ့ကြားကနေ အခုလိုသိမ်းနိုင်ခဲ့တာဖြစ်ပါတယ်။

တိုက်ပွဲကာလအတွင်း စစ်ကောင်စီဖက်က ၈၀ ကျော်သေဆုံးပြီး လက်နက်ခဲယမ်းအများအပြား သိမ်းမိခဲ့တယ်လို့ဆိုပါတယ်။ AA ဖက်ကလည်း ထိုက်သင့်တဲ့ ပေးဆပ်မှု၊ ရင်းနှီးမှုရှိခဲ့ပြီး ပေးဆပ်စွန့်လွှတ်ခဲ့သော အာရက္ခစစ်သည်တော်တွေကို ရက္ခိုင့်တပ်တော်၊ စစ်ရုံးချုပ်က လေးနက်စွာ မှတ်တမ်းတင်ဂုဏ်ပြုတယ်လို့ ကြေညာချက်မှာ ဖေါ်ပြပါတယ်။

ဒါဟာ ဘူးသီးတောင်ရှိ ခမရ (၅၅၂) တပ်ရင်းကို မတ်လ ၂၅ မှာသိမ်းပြီးတဲ့နောက် နောက်ထပ် တပ်ရင်းတခုကို ၅ ရက်အတွင်း ထပ်သိမ်းခဲ့တာဖြစ်ပါတယ်။ ကျန်နေသေးတဲ့ စစ်ကောင်စီစခန်းအားလုံးကို ဆက်လက်တိုက်ခိုက်သိမ်းပိုက်သွားမှာဖြစ်တယ်လို့ AA က ပြောပါတယ်။

တချိန်တည်းမှာပဲ မောင်တောမြိုနယ်၊ ကြိမ်ချောင်း နယ်ခြားစောင့်တပ်စခန်းနဲ့ အခြားနေရာတွေကိုလည်း AA က ထိုးစစ် အရှိန်မြှင့်ဆောင်ရွက်နေတယ်လို့ ထုတ်ပြန်ချက်မှာ ဖေါ်ပြထားပါတယ်။

ဒါ့အပြင်...

- ကရင်ပြည်နယ်၊ မြဝတီမြိုနယ်၊ သင်္ဃန်းညီနောင်ရှိ စစ်ကောင်စီရဲ့ အခြေချစစ်ဗျူဟာကုန်းကို KNLA နဲ့ မဟာမိတ်တွေက ဧပြီ ၅ ရက်၊ နေ့လယ်ပိုင်းမှာ သိမ်းပိုက်...

- မွန်ပြည်နယ်၊ ကျိုက်ထိုမြို့၊  မုပ္ပလင်လမ်းဆုံရှိ စစ်တပ် စစ်ဆေးရေးဂိတ်ကို ဒေသခံတော်လှန်ရေးတပ်တွေက ဒရုန်းနဲ့ ဗုံးကြဲတိုက်ခိုက်...

- ကချင်ပြည်နယ်၊ မံစီမြို့နယ်၊ ဗန်းမော် - မန္တလေးလမ်းပေါ်ရှိ ဗျုဟာအရအရေးပါတဲ့ ဟန်ထက် စစ်ကောင်စီစခန်းကို KIA နဲ့ မဟာမိတ်တွေက သိမ်းပိုက်...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“နေပြည်တော် စစ်ရုံးချုပ်နဲ့ အေလာလေတပ်စခန်းကို PDF က ဒရုန်းနဲ့တိုက်ခိုက်....

“နေပြည်တော် စစ်ရုံးချုပ်နဲ့ အေလာလေတပ်စခန်းကို PDF က ဒရုန်းနဲ့တိုက်ခိုက်... KIA က လွယ်ဂျယ်ကို သိမ်းပိုက်... နောက်ဆုံးရ တိုက်ပွဲသတင်းများ”

(၅- ၄- ၂၀၂၄)

နေပြည်တော်ရှိ စစ်ရုံးချုပ်နဲ့ အေလာလေတပ်စခန်းကို ဒရုန်းတွေနဲ့ တပြိုင်တည်း တိုက်ခိုက်ခဲ့တယ်လို့ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ PDF စစ်ရုံးချုပ်က သတင်းထုတ်ပြန်ပါတယ်။

ဧပြီ ၄ ရက်၊ မနက် ၉ နာရီမှာစတင်တဲ့ အဲဒီစစ်ဆင်ရေးအတွင်း ဒရုန်း ၃၀ ခန့်အသုံးပြုပြီး စနစ်တကျ အချိန်ယူပြင်ဆင်ခဲ့တာလို့ NUG ကာကွယ်ရေးဝန်ကြီးဌာန အတွင်းဝန် ဦးနိုင်ထူးအောင် ပြောတာကို ကိုးကားဖေါ်ပြပါတယ်။

ကာကွယ်ရေးဝန်ကြီးဦးရည်မွန်ကတော့ “ခရီးရှည်ဒရုန်းများရဲ့ ပထမဆုံးအတွေ့အကြုံပါပဲ။

ဒရုန်းတစ်စင်းပါ ယမ်းပေါက်ကွဲအားက 107 တစ်စင်းထက်  ၂၀% ပိုပြင်းပြီး အနက်ဖောက်ထွင်းအားလည်း ပိုကောင်းပါတယ်။ ပစ်မှတ်တိုင်းကို မှတ်ပုံတင်ထားလို့ ရပါပြီ” လို့ ပြောကြောင်း ထုတ်ပြန်ချက်က ဆိုပါတယ်။

ဒီစစ်ဆင်ရေးကို တာဝန်ယူဆောင်ရွက်တဲ့အဖွဲ့ကတော့ ပြည်သူ့ကာကွယ်ရေးတပ်မတော် (PDF) အထူးတပ်ဖွဲ့နဲ့ ရှာထူးဝေါ် နည်းပညာတပ်ဖွဲ့ရဲ့ Kloud Drone တပ်ခွဲတွေဖြစ်တယ်လို့ ထုတ်ပြန်ချက်က ဖေါ်ပြပါတယ်။

ဒီတိုက်ခိုက်မှုကြောင့် စစ်ကောင်စီ စစ်ရုံးချုပ်နဲ့ အေလာလေယာဉ်ကွင်းမှာ ထိခိုက်မှုရှိပြီး နေပြည်တော် လေယာဉ်ကွင်းကို ယာယီပိတ်ထားလိုက်ရတယ်လို့ ဆိုရှယ်မီဒီယာမှာ သတင်းတွေ ပြန့်နေပါတယ်။

စစ်ကောင်စီဖက်ကတော့ နေပြည်တော် လေဆိပ်နဲ့ စစ်ရုံးချုပ်တည်ရှိရာ ဇေယျာသီရိမြို့နယ်ထဲ ပျံသန်းဝင်ရောက်လာတဲ့ Fixed Wing တွေထဲက ၁၅ စင်းကို လေကြောင်းရန် ကာကွယ်ရေးတပ်ဖွဲ့က ပစ်ချနိုင်ခဲ့တယ်လို့ ပြောပါတယ်။

ဒါပေမယ့် အဲဒီ ၁၅ စင်းထဲက ၂ စင်းဟာ သတ်မှတ်နေရာမရောင်မီ ပေါက်ကွဲသွားခဲ့တယ်လို့ စစ်ကောင်စီသတင်းထုတ်ပြန်ရေးအဖွဲ့ကပြောတယ်ဆိုပြီး စစ်ကောင်စီနဲ့နီးစပ်တဲ့ မီဒီယာတွေမှာ ဖေါ်ပြထားပါတယ်။

ဒါ့အပြင်...

- တရုတ် - မြန်မာနယ်စပ်ရှိ  လွယ်ဂျယ် နယ်စပ်ကုန်သွယ်ရေးမြို့ကို KIA နဲ့ မဟာမိတ်တွေက သိမ်းပိုက်လိုက်ပြီး အရေးကြီးနေရာအတော်များများမှာ စစ်ကောင်စီအလံကိုဖြုတ်ချကာ KIA အလံတွေ လွှင့်တင်ထား...

- တနသာၤရီတိုင်း၊ ကော့သောင်းခရိုင်၊ ခမောက်ကြီးမြို့နယ်မှာ စစ်ကောင်စီနဲ့ တော်လှန်ရေးတပ်တွေ တိုက်ပွဲပြင်းထန်ခဲ့ပြီး နေအိမ်အချီု့ မီးလောင်ပျက်စီး...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“လေယာဉ်ပစ်လက်နက် မရှိသေးရင် လေယာဉ်ကွင်း၊ လေယာဉ်ဆီ၊ လေယာဉ်မောင်းတွေဖက်ကို...

“လေယာဉ်ပစ်လက်နက် မရှိသေးရင် လေယာဉ်ကွင်း၊ လေယာဉ်ဆီ၊ လေယာဉ်မောင်းတွေဖက်ကို စဉ်းစားတာ မျိုးပေါ့”

- ဒေါက်တာ မီမီဝင်းဘတ် (လုံခြုံရေးဆိုင်ရာ ကျွမ်းကျင်သူ)

(၃- ၄- ၂၀၂၄)

“စစ်လေယာဉ်တစီး ဗုံးကြဲဖို့ဆိုတာ လေယာဉ်ကွင်း၊ လေယာဉ်ဆီ၊ လေယာဉ်မောင်း၊ လေယာဉ်ပြင်သူ စသဖြင့် မြေပြင်မှာ အဆင့်ဆင့်လုပ်ရတာ၊ အဲထဲက အဆင့်တခုခုကို ဟန့်တားနိုင်ရင်လည်း ရတယ်” လို့ အမေရိကန်စစ်တပ်ရဲ့ အငြိမ်းစား ဒုဗိုလ်မှူးကြီး၊ လုံခြုံရေးဆိုင်ရာ ကျွမ်းကျင်သူ ပါမောက္ခ ဒေါက်တာ မီမီဝင်းဘတ်က ပြောပါတယ်။

လက်နက်ကောင်းဖို့ထက် ဗျုဟာကောင်းဖို့က ပိုအရေးကြီးတယ်ဆိုတဲ့ ပြောဆိုချက်နဲ့ပတ်သက်ပြီး လေယာဉ်ပစ်လက်နက်မရှိပဲ စစ်လေယာဉ်ကို ဘယ်လိုတားဆီးနိုင်မလဲ...စသဖြင့် BNN သတင်းဌာနက ဦးထက်အောင်ကျော် မေးမြန်းစဉ် အဲဒီလို ဖြေကြားခဲ့တာပါ။

အခု ထုတ်လွှင့်မယ့် မေးမြန်းချက် ဒုတိယ ပိုင်းမှာ...

- လက်နက်ကောင်းဖို့ထက် ဗျုဟာကောင်းဖို့က ပိုအရေးကြီးတယ်ဆိုတာ ဘာကို ဆိုလိုတာလဲ...

- တရုတ်အပါဝင် အိမ်နီးချင်းနိုင်ငံတွေရဲ့ လွှမ်းမိုးမှုအပေါ် တော်လှန်ရေးအင်အားစုတွေက ဘယ်လို တုန့်ပြန်သင့်သလဲ...

- ဒီတကြိမ်မှာ စစ်တပ်က အရင်လို ပြန်နိုင်မှာမဟုတ်တော့ဘူးဆိုတာကို နိုင်ငံတကာ ပညာရှင်တွေ၊ နိုင်ငံတကာအစိုးရတွေက လက်ခံလာပြီလား...

...  စတဲ့ အကြောင်းအရာတွေကို ဆွေးနွေးတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“ဘူးသီးတောင်နဲ့ အမ်းမှာ AA က စစ်ရှိန်မြှင့်... KIA က မိုးမောက်မှာ စခန်းထ...

“ဘူးသီးတောင်နဲ့ အမ်းမှာ AA က စစ်ရှိန်မြှင့်... KIA က မိုးမောက်မှာ စခန်းထပ်သိမ်း...နောက်ဆုံးရ တိုက်ပွဲသတင်းများ”

(၄- ၄- ၂၀၂၄)

ရခိုင်ပြည်နယ်၊ ဘူးသီးတောင်ရှိ စကခ(၁၅) လက်အောက်ခံ၊ ခမရ (၅၆၄) တပ်ရင်းဌာနချုပ်ကို သိမ်းနိုင်ရေးအတွက် ဧပြီလ(၁) ရက်နေ့မှာ စတင်ထိုးစစ်ဆင်တိုက်ခိုက်နေတယ်လို့ AA ရက္ခိုင့်တပ်တော်က သတင်းထုတ်ပြန်ပါတယ်။

တချိန်တည်းမှာပဲ အမ်းမြို့နယ်အတွင်းရှိ စကခ(၅) လက်အောက်ခံ တောဟိန်းတောင် ဗျူဟာကုန်း၊ မောင်တောမြိုနယ်တွင်းရှိ ကြိမ်ချောင်း နယ်ခြားစောင့် စခန်းတို့ကို အပြီးသတ် သိမ်းနိုင်ရေးအတွက်လည်း ဆောင်ရွက်နေတယ်လို့ ဆိုပါတယ်။

ဒါ့အပြင် မြေပုံမြို့နယ်၊ စညှင်းကျေးရွာအနီးရှိ ပွိုင့်(၂၅၇)စခန်းကိုလည်း ဧပြီလ(၂) ရက်နေ့မှာ စတင်တိုက်ခိုက်နေပြီး စစ်ကောင်စီဖက်က လေကြောင်းပစ်ကူနဲ့ အသည်းအသန် ခုခံနေတယ်လို့ AA ရဲ့ ထုတ်ပြန်ချက်မှာဖေါ်ပြထားပါတယ်။

ဒါ့အပြင်...

- ရခိုင်ပြည် အမ်းမြို့နယ်တိုက်ပွဲကနေ ထွက်ပြေးလာတဲ့ စစ်ကောင်စီတပ်သား ၆ -ဦးကို ဖမ်းမိထားပြီး မဟာမိတ် AA ထံ လွဲပေးမယ်လို့ မကွေးတိုင်းအခြေစိုက် လူထုတော်လှန်ရေးမဟာမိတ်တပ် PRA- က သတင်းထုတ်ပြန်...

- ကချင်ပြည်နယ်၊ မိုးမောက်နယ်ရှိ မဒါဘွမ် စစ်ကောင်စီတပ်ခစန်းကို KIA ကချင်လွတ်လပ်ရေးတပ်နဲ့ မဟာမိတ်တွေက ထပ်မံ သိမ်းပိုက်...

- ကရင်ပြည်နယ်၊ မြဝတီမြို့ပြင်ရှိ ခလရ ၂၇၅ စခန်း၊ သင်္ဃန်းညီနောင် စစ်ဗျူဟာကုန်း၊ ကုန်သွယ်ရေးဇုန်၊ လေးကေကော် စွယ်တေယ်အမြှောက်ကုန်း အပါဝင် စစ်ကောင်စီရဲ့ အရေးပါတဲ့နေရာအတော်များများကို KNLA နဲ့ မဟာမိတ်တွေက ဝိုင်းပတ်ပိတ်ဆို့ထားတဲ့အတွက် တိုက်ပွဲပြင်းထန်နေ...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“မြန်မာစစ်တပ်က ပရိုဖက်ရှင်နယ် စစ်တပ်မဟုတ်တော့ဘူး၊ ရာဇဝတ်ဂိုဏ်း လုပ်နည်းလ...

“မြန်မာစစ်တပ်က ပရိုဖက်ရှင်နယ် စစ်တပ်မဟုတ်တော့ဘူး၊ ရာဇဝတ်ဂိုဏ်း လုပ်နည်းလုပ်ဟန်တွေအတိုင်း လုပ်နေတာတွေ့ရတယ်”

- ဒေါက်တာ မီမီဝင်းဘတ် (လုံခြုံရေးဆိုင်ရာ ကျွမ်းကျင်သူ) 

(၃- ၄- ၂၀၂၄)

“လက်ရှိ မြန်မာစစ်တပ်ဟာ ပရိုဖက်ရှင်နယ် စစ်တပ်မဟုတ်တော့ဘူး၊ ရာဇဝတ်ဂိုဏ်းတွေရဲ့ လုပ်နည်းလုပ်ဟန်တွေအတိုင်း လုပ်နေတာတွေ့ရတယ်။ စစ်တပ်တခု လိုက်နာရမယ့် ကျင့်ဝတ်တွေကို မလိုက်နာတော့ဘူး။ လက်ရှိ ခေါင်းဆောင်မှုအောက်မှာ ဒါတွေကို ပြုပြင်ဖို့ဆိုတာ မဖြစ်နိုင်တဲ့အတွက် အသစ်ပြန်တည်ဆောက်မှရမယ်” လို့ အမေရိကန်စစ်တပ်ရဲ့ အငြိမ်းစား ဒုဗိုလ်မှူးကြီး၊ ဟာဝိုင်အီရှိ Daniel K. Inouye Asia Pacific Center for Security Studies (APCSS) က ပါမောက္ခ ဒေါက်တာ မီမီဝင်းဘတ်က ပြောပါတယ်။

လက်ရှိ မြန်မာ့နိုင်ငံရေးအခြေအနေ၊ နွေဦးတော်လှန်ရေး အလားအလာတွေနဲ့ပတ်သက်ပြီး BNN သတင်းဌာနက ဦးထက်အောင်ကျော် မေးမြန်းစဉ် အဲဒီလို ဖြေကြားခဲ့တာပါ။

အခု ထုတ်လွှင့်မယ့် မေးမြန်းချက် ပထမ ပိုင်းမှာ...

- စစ်ကောင်စီဘက်က ရှုံးနေပြီး တော်လှန်ရေးအင်အားစုဘက်က အသာရနေပြီလို့ ဘာကြောင့်ပြောနိုင်တာလဲ...

- မြန်မာစစ်တပ်ဟာ ကမ္ဘာမှာအဆိုးဆုံး စစ်တပ်- ကျင့်ဝတ်မဲ့တဲ့စစ်တပ် ဖြစ်နေပြီလား...

- တော်လှန်ရေးအင်အားစုတွေဘက်မှာ ဗဟိုအမိန့်ပေးဌာန တည်ဆောက်ဖို့လိုအပ်နေပြီလား...

... စတဲ့ အကြောင်းအရာတွေကို ဆွေးနွေးတင်ပြထားပါတယ်။

(အသာစီးရလာနေတဲ့အဆင့်ကနေ အောင်ပွဲရတဲ့အဆင့်ကို ဘယ်လိုတက်လှမ်းနိုင်မလဲ... ဆွေးနွေးချက်ပါတဲ့ ဒုတိယ ပိုင်းကိုတော့ မနက်ဖန် ထုတ်လွှင့်ပါမယ်)

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“လွယ်ဂျယ်ရဲစခန်းကို KIA သိမ်းပိုက်... သင်္ကန်းညီနောင်တိုက်ပွဲမှာ စကစ အထိ...

“လွယ်ဂျယ်ရဲစခန်းကို KIA သိမ်းပိုက်... သင်္ကန်းညီနောင်တိုက်ပွဲမှာ စကစ အထိနာ...နောက်ဆုံးရ တိုက်ပွဲသတင်းများ”

(၃- ၄- ၂၀၂၄)

ကချင်ပြည်နယ်၊ လွယ်ဂျယ် နယ်စပ်ကုန်သွယ်ရေးမြို့က စစ်ကောင်စီ ရဲတပ်ဖွဲ့ဝင်တွေ စခန်းကို စွန့်ခွာထွက်ပြေးသွားတဲ့အတွက် ရဲစခန်းအပါဝင် အရေးပါတဲ့နေရာအတော်များများကို KIA ကချင်လွတ်လပ်ရေးတပ်နဲ့  မဟာမိတ်တွေက ဝင်ရောက် နေရာယူထားလိုက်ပြီလို့ ဒေသတွင်းမီဒီယာ The 74 Media က ဖေါ်ပြပါတယ်။

မတ်လ ၂၈ မှာကတည်းက လွယ်ဂျယ်မြို့ကို  KIA က စတင်ပိတ်ဆို့ထားတာပါ။ ဧပြီ ၁ ရက် ညနေ ၅ နာရီခန့်မှာတော့ ရဲတွေက စခန်းကိုစွန့်ပြီး စစ်တပ်စခန်းဆီထွက်ပြေးသွားတယ်။ မနေ့က မနက် ၇ နာရီမှာ ရဲခစန်းကို KIA က ဝင်ရောက်ရှင်းလင်းခဲ့တယ်လို့ဆိုပါတယ်။

တရုတ်နယ်စပ်နားကပ်နေတဲ့ စစ်တပ်စခန်းကိုတော့ KIA က ဝင်ရောက် တိုက်ခိုက်တာမရှိသေးပါဘူး။ အစောပိုင်းသတင်းတွေအရဆိုရင်တော့ တရုတ်က ဖိအားပေးတဲ့အတွက် KIA ဖက်က လွယ်ဂျယ်မြို့ထဲ တိုက်ပွဲမဖြစ်အောင် ထိန်းနေတာဖြစ်ပြီး စစ်ကောင်စီတပ်တွေ လက်နက်ချအောင် ဖိအားပေးနေတာလို့ ဒေသတွင်း မီဒီယာတွေက ဖေါ်ပြပါတယ်။

တချိန်တည်းမှာပဲ မိုးမောက်မြို့နယ်၊ ကျောက်စခန်းကျေးရွာအနီးရှိ အူဒန်ဘွမ် စစ်ကောင်စီ တပ်စခန်းကို မနေ့ညနေ ၆ နာရီခန့်မှာ (KIA) နဲ့ မဟာမိတ်တွေက သိမ်းပိုက်လိုက်ပြိလည်း  ဖေါ်ပြပါတယ်။

မိုးမောက် - လွယ်ဂျယ် ကားလမ်းပေါ်ရှိ စိန်လုံတောင်နဲ့ ယော်ယုံတောင်အပါဝင် စခန်း ၁၂ ခုကိုသိမ်းပြီးတဲ့နောက် အခု မိုးမောက်မြို့ဖက်က စခန်းတွေကို ဆက်သိမ်းမယ့်သဘောရှိနေတယ်လို့ The 74 Media က ဖေါ်ပြထားပါတယ်။

ဒါ့အပြင်...

- ကရင်ပြည်နယ် မြဝတီ/ သင်္ကန်းညီနောင်မှာ KNLA ကရင်အမျိုးသား လွတ်မြောက်ရေးတပ်မတော်နဲ့ မဟာမိတ်တွေ သိမ်းပိုက်ထားတဲ့ ခမရ (၃၅၅) တပ်စခန်းကို ပြန်လည်ရရှိရေး စစ်ကူလာတဲ့စစ်ကောင်စီ စစ်ကြောင်းကို KNLA -နဲ့ မဟာမိတ်တွေက ကြားဖြတ် တိုက်ခိုက်တဲ့အတွက် စစ်ကောင်စီဖက်က ၂၀ သေဆုံးပြီး လက်နက်ကြီး-ငယ် ၂၀ နီးပါးသိမ်းမိ...

- ရခိုင်ပြည်နယ်နဲ့ မကွေးတိုင်းကို ဆက်ထားတဲ့ အမ်း-ပဒါန်း ကားလမ်းကို ရက်အကန့်အသတ်မရှိ ပိတ်ပင်လိုက်တယ်လို့  AA ရခိုင်တပ်တော်က အရေးပေါ် သတင်းထုတ်ပြန်...

- ရေစကြိုအခြေစိုက်  ခလရ ၂၅၈ တပ်က စစ်သားတွေလိုက်ပါလာတဲ့ အိမ်စီးကားကို ဒေသခံတော်လှန်ရေးတပ်တွေက ကြားဖြတ်တိုက်ခိုက်တဲ့အတွက် ၃ ဦးသေပြီး လက်နက်ငယ် ၂ လက် သိမ်းမိ...

- မွန်ပြည်နယ်၊ ကျိုက်မရောမြို့နယ်၊ ဓမ္မသကျေးရွာက မီးဘေးသင့် နေအိမ် ၃၀၀ ကျော်ကို ကူညီရေးအတွက် ထိုင်းလက်ရွေးစဉ် လူငယ်ဘော်လုံးသမားတဦးက သူရဲ့ ဘော်လုံးကန်အကျီကို လေလံတင်ရောင်းချရာ ဘတ်ငွေ ၃၆ ၅၀၀ အထိရ...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“စိန်လုံဗျူဟာကုန်းကို KIA သိမ်းပိုက်... လေးကေ့ကော်- ရေကန်ကုန်းကိုKNLA သ...

“စိန်လုံဗျူဟာကုန်းကို KIA သိမ်းပိုက်...  လေးကေ့ကော်- ရေကန်ကုန်းကို

KNLA သိမ်းပိုက်... နောက်ဆုံးရ တိုက်ပွဲသတင်းများ”

(၂- ၄- ၂၀၂၄)

ကချင်ပြည်နယ်၊ မိုးမောက်-လွယ်ဂျယ်လမ်းပေါ်မှာ နောက်ဆုံးကျန်နေတဲ့

စိန်လုံဗျုဟာကုန်းကို KIA ကချင်လွတ်လပ်ရေးတပ်နဲ့ မဟာမိတ်တွေက ဧပြီလ ၁

ရက်နေ့မှာ သိမ်းပိုက်လိုက်ပြီလို့ ဒေသတွင်းမီဒီယာ The 74 Media က

ဖေါ်ပြပါတယ်။

ဒီလမ်းတလျောက်က စစ်တပ်စခန်းတွေသိမ်းနိုင်ရေး စစ်ဆင်ရေးကို မတ်လ ၂၇

မှာစတင်ခဲ့တာဖြစ်ပြီး ယောယုံတပ်စခန်းနဲ့ကာကင်းအပါဝင် စခန်း ၁၀ ခုခန့်ကို

အရင်နေ့တွေကသိမ်းမိပြီး စိန်လုံကိုတော့ မနေ့ကမှ သိမ်းနိုင်တယ်။

လမ်းတလျောက်ရှိ စခန်း ၁၂ ခုစလုံး သိမ်းပြီးသွားပြီဖြစ်တယ်လို့ KIA ဖက်က

ပြောတာကို ကိုးကားဖေါ်ပြထားပါတယ်။

တရုတ် - မြန်မာနယ်စပ်ရှိ လွယ်ဂျယ် နယ်စပ်ကုန်သွယ်ရေးမြို့ကိုလည်း မတ်လ ၂၈

ရက်နေ့ကတည်းက (KIA) နဲ့  ပူးပေါင်းတပ်တွေက

ဝိုင်းဝန်းပိတ်ဆို့ထားပြီဖြစ်တယ်လို့ ဆိုပါတယ်။

တချိန်ည်းမှာပဲ မြစ်ကြီးနား - ဗန်းမော်လမ်းတစ်လျှောက်ရှိ

စစ်ကောင်စီတပ်စခန်းတွေကိုလည်း မတ်လ ၇ ရက်မှာ KIA က စတင်ထိုးစစ်ဆင်ပြီး

ဌာနချုပ် လိုင်ဇာကိုခြိမ်းခြောက်နေတဲ့ စစ်ကောင်စီစခန်းအားလုံးကို

သိမ်းနိုင်ခဲ့ပြီးဖြစ်ပါတယ်။

ဖားကန့်၊ ဆွမ်ပရာဘွမ်၊ ဝိုင်းမော်၊ မိုးမောက်နဲ့ မံစီမြို့နယ်ရှိ

စခန်းတွေအားလုံးပေါင်းရင် ၀၃၀၇ စစ်ဆင်ရေးအတွင်း KIA နဲ့မဟာမိတ်တွေက

သိမ်းတဲ့စခန်းပေါင်း ၆၀ ကျော်ရှိနေပြီဖြစ်တယ်လို့ The 74 Media က

ဖေါ်ပြထားပါတယ်။

ဒါ့အပြင်...

- ကရင်ပြည်နယ် KNLA တပ်မဟာ ၆ နယ်မြေ၊ လေးကေ့ကော်မြို့အနီးရှိ

စစ်ကောင်စီတပ်ရဲ့ ရေကန်ကုန်းစခန်းကို KNLA ဦးဆောင်တဲ့  တော်လှန်ရေးတပ်ပေါင်းစုက သိမ်းပိုက်...

- ဖာပွန်မြို့မှာတော့ ခလရ ၁၉ နဲ့ (စစန) ၆၄၂ တပ်စခန်းတွေကို သိမ်းပြီးဖြစ်ပေမယ့် ခမရ ၃၄၀၊ ၃၄၁၊ ၄၃၄ နဲ့ ဗျူဟာကုန်းတွေကို သိမ်းပိုက်ဖို့ လိုအပ်နေဆဲဖြစ်...

- တနသာင်္ရီတိုင်း၊ ထားဝယ်မြို့နယ်မှာ စစ်ကောင်စီယာဉ်တန်းကို

တော်လှန်ရေးတပ်တွေက ကြားဖြတ်တိုက်ခိုက်တဲ့အတွက် စစ်သား ၄၀ ခန့်အထိ

သေဆုံး...

- ချင်းပြည်နယ်၊ မင်းတပ်မြိုမှာတော့ တိုက်ပွဲဖြစ်ပွားခြင်းမရှိပဲနဲ့

စစ်ကောင်စီက လေယာဉ်နဲ့ ဗုံး ၁၀ ကြိမ်အထိ

လာကြဲခဲ့...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“တပ်မ (၈၈) တပ်မမှူး Y 12 ဗုံးထိပြီး ကျဆုံး... ဖာပွန်မှာ KNLA က စခန်းတွေ ...

“တပ်မ (၈၈) တပ်မမှူး Y 12 ဗုံးထိပြီး ကျဆုံး... ဖာပွန်မှာ KNLA က စခန်းတွေ ထပ်သိမ်း... နောက်ဆုံးရ တိုက်ပွဲသတင်းများ”

(၁- ၄- ၂၀၂၄)

စစ်ကောင်စီရဲ့ တပ်မ (၈၈) တပ်မမှူး ဗိုလ်မှူးချုပ်-မင်းထွဋ်ဦးဟာ စစ်ကောင်စီ တိုက်လေယာဉ် Y12 က ကြဲတဲ့ ဗုံးထိပြီး ကျဆုံးသွားတာဖြစ်တယ်လို့ KIA ကချင်လွတ်လပ်ရေးတပ် ပြောခွင့်ရက BNN ကိုပြောပါတယ်။ 

မတ်လ ၂၉ မှာ KIA နဲ့ စစ်ကောင်စီတပ်တွေ တိုက်ပွဲဖြစ်နေစဉ် စစ်ကောင်စီ Y12 လေယာဉ်က ပစ်မှတ်ကိုအသေချာမရွေးပဲ ရမ်းသမ်းပစ်ခတ်တာကြောင့် ဗိုလ်မှူးချုပ် သေဆုံးရတာဖြစ်တယ်လို့ KIA ပြောခွင့်ရ ဗိုလ်မှူးကြီးနော်ဘူက ပြေပါတယ်။

လွယ်ဂျယ်မြို့ အခြေအနေကိုမေးတဲ့အခါမှာတော့ KIA က ဝင်တိုက်တာမရှိပဲ အရင်တိုင်းရှိနေဆဲဖြစ်တယ်လို့ပြောပါတယ်။ ဒါပေမယ့် လွယ်ဂျယ်-မိုးမောက်ကားလမ်းပေါ်က ယောယုံစခန်းအပါဝင် စခန်းကြီး-ငယ် ၁၀ ခုခန့်ကို KIA သိမ်းလိုက်ပြီဖြစ်တဲ့အတွက် လွယ်ဂျယ်နဲ့ မိုးမောက်ကြား စစ်ကောင်စီတပ်တွေ သွားလို့မရတော့ဘူးလို့ ဆိုပါတယ်။

ဒေသတွင်းမီဒီယာဖြစ်တဲ့  The 74 Media ကတော့ ဝိုင်းမော်မြို့နယ်၊ ရွှေညောင်ပင်ကျေးရွာမှာ မနေ့ညနေပိုင်းက စစ်ကောင်စီစစ်ကြောင်းတခုကို KIA က ကြားဖြတ်တိုက်ခိုက်တဲ့အတွက် စစ်ကောင်စီဖက်က အကျအဆုံးများပြီး လက်နက်တွေပါ ကျန်ခဲ့တယ်လို့ ဖေါ်ပြပါတယ်။

ဒါ့အပြင်...

- ကရင်ပြည်နယ်၊ ဖာပွန်မြို့ရှိ ခလရ (၁၉) နဲ့ စစ်လက်နက်ပစ္စည်းတပ် (စစန) ၆၄၂ -တပ်စခန်းတွေကို KNLA ကရင့်အမျိုးသားလွတ်မြောက်ရေးတပ်မတော်နဲ့ မဟာမိတ်တွေက ထပ်မံသိမ်းပိုက်...

- မွန်ပြည်နယ်၊ ကျိုက်မရောမြို့နယ်ရှိ ဓမ္မသကျေးရွာက နေအိမ်အလုံး (၃၀၀) ဝန်းကျင် မီးလောင်အောင် လက်နက်ကြီးနဲ့ပစ်ခတ်တဲ့ စစ်ကောင်စီရဲ့လုပ်ရပ်ဟာ လူသားမျိုးနွယ်အပေါ် ကျုုးလွန်တဲ့ စစ်ရာဇဝတ်မှုဖြစ်တယ်လို့ မွန်ပြည်သစ်ပါတီ (စစ်အာဏာရှင် တိုက်ဖျက်ရေး) က ကြေညာချက်ထုတ်ပြန်...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“တရုတ်-ဓါတ်ငွေ့ပိုက်လိုင်းအနီး လက်နက်ကြီးပေါက်ကွဲ... ဆီဆိုင်မြို့မှာ တို...

“တရုတ်-ဓါတ်ငွေ့ပိုက်လိုင်းအနီး လက်နက်ကြီးပေါက်ကွဲ... ဆီဆိုင်မြို့မှာ တိုက်ပွဲဆက်ဖြစ်နေ... နောက်ဆုံးရ တိုက်ပွဲသတင်းများ”

(၃၁- ၃- ၂၀၂၄)

ရခိုင်ပြည်နယ်၊ အမ်းမြို့နယ်အတွင်းရှိ တရုတ်-ရေနံနဲ့ သဘာဝဓါတ်ငွေ့ပိုက်လိုင်းအနီးမှာ စစ်ကောင်စီက ပစ်လိုက်တဲ့ လက်နက်ကြီးကျည် ပေါက်ကွဲတဲ့အတွက် ဒေသခံတွေ စိုးရိမ်နေတယ်လို့ ဒေသတွင်းမီဒီယာ Western News က ဖေါ်ပြပါတယ်။

မတ်လ ၂၈ ရက် ညပိုင်းမှာ အမ်းမြို့နယ်ရှိ တစ်မိုင်ကုန်း စစ်ကောင်စီတပ်စခန်းကနေ ပစ်လိုက်တဲ့ လက်နက်ကြီးကျည်တွေ တရုတ်ရေနံပိုက်လိုင်းဖြတ်သန်းရာ ဇင်ဂုန်အထက်ရွာနဲ့ ဇင်ဂုန်အောက်ရွာသို့ ကျရောက်ပေါက်ကွဲခဲ့တယ်လို့ ဒေသခံတွေပြောတာကို ကိုးကားဖေါ်ပြထားပါတယ်။

ဇင်ဂုန်ရွာဖက်မှာ တိုက်ပွဲဖြစ်တယ်လို့မကြားရသေးပေမယ့် လုံးကျေးရွာဖက်မှာတော့ မတ်လ ၂၆ ရက်နေ့က ခမရ (၃၄၆)တပ်နဲ့ AA တပ်တွေ တိုက်ပွဲဖြစ်ပြီး စစ်ကောင်စီဖက်က အကျအဆုံးများတယ်လို့ AA က သတင်းထုတ်ပြန်ထားပါတယ်။

အနောက်ပိုင်းတိုင်း စစ်ဌာနချုပ် (နပခ) တည်ရှိရာ အမ်းမြို့နယ်မှာ စစ်ကောင်စီတပ်ရင်း ၁၄ ခုရှိပြီး အားလုံးကို လက်နက်ချဖို့ AA က သတိပေးထားတယ်လို့ Western News က ဖေါ်ပြပါတယ်။

ဒါ့အပြင် AA က သိမ်းပိုက်ထားပြီးဖြစ်တဲ့ မင်းပြားနဲ့ မြေပုံမြို့နယ်တို့ကို စစ်ကောင်စီက လေကြောင်းနဲ့ဗုံးကြဲတိုက်ခိုက်နေတယ်လို့လည်း ဖေါ်ပြပါတယ်။ မတ်လ ၂၉ ညပိုင်းက တိုက်ခိုက်မှုမှာဆိုရင် မင်းပြားမြို့နယ် သေကန်ကျေးရွာက ဘုန်ကြီးကျောင်းကို ထိမှန်ပြီး ဘုန်းတော်ကြီးဒဏ်ရာရတဲ့အပြင် ဘုန်းကြီးကျောင်းနဲ့ နေအိမ် ၅၀ ခန့် မီးလောင်ပျက်စီးခဲ့တယ်လို့လည်း Western News က ဖေါ်ပြပါတယ်။

AA ရက္ခိုင့်တပ်တော်ကတော့ ဒီနေ့ တိုက်ပွဲသတင်း ထုတ်ပြန်တာမတွေ့ရသေးပါဘူး။

တရုတ်-မြန်မာနယ်စပ်ရှိ နယ်စပ်ကုန်သွယ်ရေးမြို့ လွယ်ဂျယ်ကို KIA ကချင်လွတ်လပ်ရေးတပ်နဲ့ မဟာမိတ်တွေက ဝိုင်းဝန်းပိတ်ဆို့ထားလိုက်ပြီ၊ စစ်ကောင်စီ ဝန်ထမ်းတွေအားလုံး တရုတ်ဖက်ထွက်ပြေးသွားပြီဆိုပြီး ဒေသတွင်းမီဒီယာတွေအပါဝင် မီဒီယာအတော်များများမှာ ဖေါ်ပြနေပါတယ်။

ဒါပေမယ့် KIA ပြောခွင့်ရ ဗိုလ်မှူးကြီးနော်ဘူကတော့ အဲဒီသတင်းကို အတည်ပြုချက်ပေးဖို့ ငြင်းဆိုပြီး လွယ်ဂျယ်မှာ ပုံမှန်အတိုင်းရှိနေဆဲဖြစ်တယ်လို့ BNN ကိုပြောပါတယ်။

ဒါ့အပြင်...

- ရှမ်းတောင်ဒေသ ဆီဆိုင်မြို့မှာ တိုက်ပွဲပြင်းထန်နေဆဲဖြစ်ပေမယ့် စစ်ကောင်စီက သတင်းမှားတွေဖြန့်ပြီး အရပ်သားတွေကို စစ်ဇုန်ထဲ မောင်းသွင်းနေတယ်လို့ PNLA က သတင်းထုတ်ပြန်...

- မကွေးတိုင်း၊ ယောဒေသ ပြည်သူ့ကာကွယ်ရေးတပ်ဖွဲ့ (YPDF) ရဲ့ ခေါင်းဆောင်မှု စွမ်းရည်မြှင့်သင်တန်း အပတ် (၁) သင်တန်းဆင်းပွဲ ကျင်းပ...

... စတဲ့ သတင်းတွေကို စုစည်း တင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“ERO တွေ အတော်လေး စုံစုံညီညီတော်လှန်ရေးထဲပြန်ပါလာတာကိုတွေ့ရတယ်၊ ၁၀၀% ပြည...

“ERO တွေ အတော်လေး စုံစုံညီညီတော်လှန်ရေးထဲပြန်ပါလာတာကိုတွေ့ရတယ်၊ ၁၀၀% ပြည့်ဖို့တော့ နည်းနည်းလိုနေသေးတယ်”

- ပဒိုစောကလယ်စေး (ပြောခွင့်ရပုဂ္ဂိုလ် - KNU)

(၃၀- ၃- ၂၀၂၄)

“တိုင်းရင်းသားတော်လှန်ရေးအင်အားစုတွေ အတော်လေးစုံစုံညီညီတော်လှန်ရေးထဲ ပြန်ပါလာတာတွေရတယ်။ ၁၀၀% ပြည့်ဖို့တော့ နည်းနည်းလိုသေးတယ်။ ဒါပေမယ့် အချိန်တန်ရင် အားလုံးပါလာလိမ့်မယ်လို့ မျှော်လင့်တယ်” လို့ ကရင့်အမျိုးသားအစည်းအရုံး KNU ပြောခွင့်ရပုဂ္ဂိုလ် ပဒိုစောကလယ်စေးက ပြောပါတယ်။

ကရင်ပြည်နယ်အတွင်းဖြစ်ပွားနေတဲ့ စခန်းသိမ်း၊ မြို့သိမ်းတိုက်ပွဲတွေရဲ့အခြေအနေ၊ BGF တပ်တွေရပ်တည်ချက်ပြောင်းလဲမှု၊ NCA အဖွဲ့တွေ တော်လှန်ရေးထဲပါလာနေတဲ့ အခြေအနေတွေနဲ့ပတ်သက်ပြီး ... BNN သတင်းဌာနက ဦးထက်အောင်ကျော် မေးမြန်းစဉ် သူက အဲဒီလိုဖြေကြားခဲ့တာပါ။

အခု ထုတ်လွှင့်မယ့်မေးမြန်းချက်ထဲမှာ...

- ဖာပွန်မြို့ကို ထိန်းချုပ်ထားမှုအပါဝင် လက်ရှိတိုက်ပွဲအခြေအနေ...

- BGF ရပ်တည်ချက်ပြောင်းမှုက တော်လှန်ရေးကို ပိုအရှိန်ကောင်းလာစေသလား...

- ရခိုင်၊ ကချင်၊ ကရင်နီ၊ ကရင် စသဖြင့် ERO ဒေသအသီးသီးရဲ့ တိုက်ပွဲတွေကို ဟန်ချက်ညီ-တပြိုင်တည်းဖြစ်အောင် ဘယ်လိုဆောင်ရွက်သင့်သလဲ...

- စစ်ရှုံးနေတဲ့ စစ်ကောင်စီက လမ်းကြောင်းသစ်မရှာပဲ ၁၀၀% ရှုံးတဲ့အထိ ဆက်တိုက်ဖို့ပြင်ဆင်နေပြီလား...

- နယ်စပ်ဖြတ်ကျော် လူသားစာနာ အကူအညီတွေ တကယ်လိုအပ်နေတဲ့သူတွေဆီ တိုက်ရိုက်ရောက်အောင် ဘယ်လိုဆောင်ရွက်သင့်သလဲ...

...စတဲ့ အကြောင်းအရာတွေကို ဆွေးနွေးတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More

“လွယ်ဂျယ်မြို့ကို KIA ဝိုင်းဝန်းပိတ်ဆို့... ဖာပွန်မြို့ကို KNLA ဆက်လက် ထ...

“လွယ်ဂျယ်မြို့ကို KIA ဝိုင်းဝန်းပိတ်ဆို့... ဖာပွန်မြို့ကို KNLA ဆက်လက် ထိန်းချုပ်... 

နောက်ဆုံးရ တိုက်ပွဲသတင်းများ”

(၃၀- ၃- ၂၀၂၄)

တရုတ်-မြန်မာနယ်စပ်ရှိ ကချင်ပြည်နယ်ထဲက လွယ်ဂျယ်-နယ်စပ်ကုန်သွယ်ရေးမြို့ကို KIA ကချင်လွတ်လပ်ရေးတပ်နဲ့ မဟာမိတ်တွေက ဝိုင်းဝန်းပိတ်ဆို့ထားလိုက်ပြီလို့ ဒေသတွင်းမီဒီယာ The 74 Media က ဖေါ်ပြပါတယ်။

မတ်လ ၂၉ ရက်နေ့ မနက်ပိုင်းမှာ အခုလို ဝိုင်းထားလိုက်တာဖြစ်ပြီး စစ်ကောင်စီ လက်အောက်ခံ ဌာနဆိုင်ရာဝန်ထမ်းအားလုံး တရုတ်နိုင်ငံဖက် ထွက်ခွာဖို့ နယ်စပ်ဂိတ်မှာရောက်နေတယ်၊ တရုတ်ဖက်က နယ်စပ်ဂိတ်ဖွင့်မပေးသေးဘူးလို့ ဆိုပါတယ်။

မြို့အတွင်း တိုက်ပွဲမဖြစ်ချင်တဲ့အတွက် စစ်ကောင်စီတပ်ဖွဲ့ဝင်တွေ လက်နက်ချဖို့ KIA ဘက်က ကမ်းလှမ်းနေတယ်လို့ KIA အရာရှိတဦးပြောတာကို ကိုးကားဖေါ်ပြပါတယ်။

မိုးမောက် - လွယ်ဂျယ်လမ်းပေါ်ရှိ ယော်ယုံစခန်းအပါအဝင် စခန်း ၆ ခုကို သိမ်းပြီးတဲ့နောက် အခု လွယ်ဂျယ် နယ်စပ်ကုန်သွယ်ရေးမြိုံကို ထိန်းချုပ်လိုက်တာဖြစ်တယ်လို့ The 74 Media အပါဝင် ဒေသတွင်း မီဒီယာအတော်များများမှာ ဖေါ်ပြထားပါတယ်။

ဒီသတင်းနဲ့ပတ်သက်ပြီး KIA ပြောခွင့်ရ ဗိုလ်မှူးကြီးနော်ဘူကို BNN က အကြိမ်ကြိမ် ဆက်သွယ်မေးမြန်းနေပေမယ့် အခုချိန်အထိ အကြောင်းပြန်ချက် မရသေးပါဘူး။

ကရင်ပြည်နယ်၊ ဖာပွန်မြို့ကို KNLA ကရင့်အမျိုးသားလွတ်မြောက်ရေးတပ်နဲ့ မဟာမိတ် ပူးပေါင်းတပ်တွေက ထိန်းချုပ်လိုက်ပြီဖြစ်ပေမယ့် မြို့ပတ်လည်ရှိ စစ်ကောင်စီတပ်စခန်းတွေကို ဆက်လက်တိုက်ထုတ်ဖို့ လိုအပ်နေဆဲဖြစ်တယ်လို့ KNU ပြောခွင့်ရ ပဒိုစောကလယ်စေးက BNN ကိုပြောပါတယ်။

တပ်မဟာ ၅ ဖာပွန်ဒေသအပြင် တပ်မဟာ ၆ ဖက်မှာလည်း တိုက်ပွဲတွေပြင်းထန်နေပြီး စခန်းသိမ်းပွဲတွေ ဆက်တိုက်လုပ်ဆောင်နေတယ်လို့ ဆိုပါတယ်။

ဒါ့အပြင်...

- မွန်ပြည်နယ်၊ သံဖြူဇရပ်မြို့အဝင်ဂိတ်ကို တော်လှန်ရေးတပ်ပေါင်းစုက ဝင်ရောက်တိုက်ခိုက်ပြီး စစ်ကောင်စီဖက်က ၂ ဦးသေ၊ ၃ ဦးဒဏ်ရာရ...

- မ‌ကွေးတိုင်း၊ ပခုက္ကူမြို့နယ်အ‌ခြေစိုက်၊ တော်လှန်ရေးတပ်တွေရဲ့ စုဖွဲ့-လေ့ကျင့်မှုအခမ်းအနားနဲ့ လက်နက်တပ်ဆင်ပွဲတခု ကျင်းပ...

 ... စတဲ့ သတင်းတွေကို စုစည်း တင်ပြထားပါတယ်။

(KNU ပြောခွင့်ရ ပဒိုစောကလယ်စေးနဲ့ မေးမြန်းချက်အပြည့်အစုံကိုတော့ ညနေပိုင်းမှာ ထုတ်လွှင့်ပေးဖို့စီစဉ်ထားပါတယ်)

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Read More