“သိန္နီအခြေစိုက် “စကခ (၁၆) ဌာနချုပ် နှင့် “ကွတ်ခိုင်ဗျူဟာကုန်း” အား သိမ်းပိုက်နှင့် တိုက်ပွဲသတင်းများ...
(၈- ၁- ၂၀၂၄)
ဇန်နဝါရီ ၇ ရက်နေ့ ည ၁၂ နာရီအထိ ရထားတဲ့သတင်းတွေထဲက “သိန္နီအခြေစိုက် “စကခ (၁၆) ဌာနချုပ် နှင့် “ကွတ်ခိုင်ဗျူဟာကုန်း” အား ညီနောင် ၃ ဖွဲ့က သိမ်းပိုက်လိုက်တဲ့သတင်း အရင်ဆုံးတင်ပြချင်ပါတယ်။
၁၀၂၇ စစ်ဆင်ရေး (၇၃) ရက်မြောက်နေ့၊ ဇန်နဝါရီ ၇ ရက် မနက် ၁၀ နာရီမှာ သိန္နီအခြေစိုက် “စကခ (၁၆) နောက်တန်းဌာနချုပ်”ကို သိမ်းပိုက်ပြီး ည ၁၁ နာရီမှာ “ကွတ်ခိုင်ဗျူဟာကုန်း” ကို အပြီးသတ်ချေမှုန်းသိမ်းပိုက်နိုင်ခဲ့ပြီဖြစ်တယ်လို့ ညီနောင် ၃ ဖွဲ့ရဲ့ ည ၁၂ နာရီ ထုတ်ပြန်ချက်မှာ ဖေါ်ပြပါတယ်။
ည ၁၀ နာရီမှ စခန်းသိမ်းနိုင်တာဖြစ်တဲ့တွက် အသေးစိပ်သတင်းကိုတော့ မနက်ဖန်မှ တင်ပြနိုင်မယ်လို့ ကြေညာချက်က ဆိုပါတယ်။
အစောပိုင်းထုတ်ပြန်ချက်ထဲမှာတော့ မိုးမိတ်မြို့နယ်နှင့် ကွတ်ခိုင်မြို့နယ်မှာ စစ်ကောင်စီနှင့် TNLA တပ်တွေကြား တိုက်ပွဲပြင်းထန်နေပြီး နောင်ချိုမြို့နယ်၊ ကျောက်မဲလေး ကျေးရွာတိုက်ပွဲမှာတော့ TNLA နဲ့အတူ MDY (မန်းလေး) PDF တွေ ပါဝင်တိုက်ခိုက်နေတယ်လို့ ဖေါ်ပြပါတယ်။
ဒါ့အပြင်...
- ပလက်ဝမြို့ရှိ စစ်ကောင်စီ ဗျူဟာကုန်းကြီးနှင့် တပ်မများအား အပြီးသတ်သိမ်းပိုက်နိုင်ရေး (AA) က ဆက်လုပ်နေ...
- စစ်ကိုင်းတိုင်း၊ ခါမ်းပတ်မြို့ှရှိ ကနန်ကျေးရွာကို စစ်ကောင်စီတပ်က ဂျက်ဖိုက်တာနဲ့ ဗုံးကြဲတိုက်ခိုက်တဲ့အတွက် ကလေးငယ် ၃ ဦးအပါဝင် အရပ်သား ၁၁ ဦး သေဆုံး...
- စစ်ကိုင်းတိုင်း ဟုမ္မလင်းမြို့နယ်၊ သောင်သွပ်စံပြရွာရှိ စစ်ကောင်စီတပ်စခန်းကို PDF တွေက သိမ်းပိုက်...
- ထန်းတပင်မြို့နယ်၊ သောက်ရေခပ် အမှတ် (၂) ရေအားလျှပ်စစ်ထုတ်လုပ်ရေးခစန်းရှိ စစ်ကောင်စီစခန်းကို KNLA က ရှင်းလင်း...
...စတဲ့သတင်းတွေကို စုစည်းတင်ပြထားပါတယ်။
(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။
0 comments:
Post a Comment