“ရဟတ်ယာဉ်ပေါ်ပါသူ အားလုံးသေဆုံး၊ နောင်ချိုမှာ ဗိုလ်မှူးတဦး အရှင်မိနှင့် တိုက်ပွဲသတင်းများ....
(၄- ၁- ၂၀၂၄)
ဇန်နဝါရီ ၄ ရက် ည ၁၂ နာရီအထိရထားတဲ့သတင်းတွေထဲက မနေ့က ဝိုင်းမော်မြို့နယ်မှာ ပစ်ချခံရတဲ့ စစ်ကောင်စီရဟတ်ယာဉ်ပေါ်ပါ စစ်သား ၆ ဦးစလုံး သေဆုံးသွားတဲ့သတင်းကို အရင်ဆုံးတင်ပြချင်ပါတယ်။
ကချင်ပြည်နယ်၊ ဝိုင်းမော်မြို့နယ်ရှိ နာဖော့စစ်တပ်စခန်းဆီ ရိက္ခာနဲ့ခဲယမ်းလာပို့တဲ့ စစ်ကောင်စီရဲ့ ထောက်ပို့စစ်ရဟတ်ယာဉ် Mi 17 ကို မနေ့က နေ့လည် ၁၂ နာရီခန့်မှာ KIA ကချင်လွတ်လပ်ရေးတပ်က ပစ်ချလိုက်တာဖြစ်ပါတယ်။
ဆိုရှယ်မီဒီယာမှာ ပြန်နှံ့နေတဲ့သတင်းတွေအရ စစ်သား ၆ ဦးသေဆုံးပြီး လေယာဉ်မှုးကိုဒဏ်ရာနဲ့အရှင်မိထားတယ်ဆိုပေမယ့် တကယ့်မြေပြင်မှာတော့ အားလုံးမီးလောင်ပျက်စီးနေတဲ့ လေယာဉ်နဲ့အလောင်းတွေကိုသာ တွေ့ရတယ်လို့ KIA ပြန်ကြားရေးအရာရှိ ဗိုလ်မှူးကြီးနော်ဘူက BNN ကို ပြောပါတယ်....
ဒါ့အပြင်...
- ကွတ်ခိုင်မြို့နယ်၊ မိုးမိတ်မြို့နယ်၊ ကျောက်မဲမြို့နယ်၊ မိုးမိတ်မြို့နယ်တို့မှာ စစ်ကောင်စီနဲ့ တအာင်းတပ်တို့ တိုပွဲပြင်းထန်နေ...
- နောင်ချိုမြို့နယ် သံဘိုကျေးရွာတိုက်ပွဲမှာ စစ်ကောင်စီဖက်က စစ်ကြောင်းမှူး ဒုဗိုလ်မှူးကြီးသက်အောင်ကို အရှင်ဖမ်းမိ...
- ရခိုင်ဖက်မှာတော့ ပလက်ဝဒေသရှိ စကခ (၁၉) ရှေ့တန်းဌာနချုပ်၊ တပ်မ (၁၁) ရှေ့တန်းဌာနချုပ်၊ ပလက်ဝ-ကျောက်တော်အစပ်ရှိ “မီးဝဗျူဟာ” နှင့် ကျောက်တော်မြို့အတွင်းရှိ “တောင်ရှည်တောင်ဗျူဟာကုန်း” များကို အပြီးသတ် သိမ်းနိုင်ရေး AA က စစ်ရှိန်မြှင့်...
- ကရင်ပြည်နယ်နဲ့ ပဲခူးတိုင်းဖက်မှာတော့ ကညွတ်ကွင်းမြို့ အနီးရှိ စစ်ကောင်စီစခန်း (၈) ခုကိုရှင်းလင်း၊ စစ်တပ်အတွက်အရေးပါတဲ့ သံတံတားတခုကို ဖျက်ဆီး...
... စတဲ့ တိုက်ပွဲသတင်းတွေကို စုစည်းတင်ပြထားပါတယ်။
(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန်
တိုက်တွန်းပါသည်။ https://www.youtube.com/c/BurmaNewsNetwork)။
0 comments:
Post a Comment