“စစ်တပ်ကဗုံးကြဲလို့ ရေဇွာမြို့မှာ ဘုရားကျောင်းအပါဝင် အိမ်ခြေ ၆၀ ကျော်ပျက...

“စစ်တပ်ကဗုံးကြဲလို့ ရေဇွာမြို့မှာ ဘုရားကျောင်းအပါဝင် အိမ်ခြေ ၆၀
ကျော်ပျက်စီးခဲ့ရတယ်”

တာဝန်ရှိသူတဦး (Zotung Federal Council)

(၂ -၁၂ -၂၀၂၃)

“ချင်းတော်လှန်ရေးတပ်တွေက သိမ်းပိုက်လိုက်တဲ့ မတူပီမြို့နယ်ထဲက
ရေဇွာမြို့ကို စစ်တပ်က ဗုံးကြဲတိုက်ခိုက်တဲ့အတွက် ဘုရားကျောင်းအပါအဝင်
နေအိမ်အဆောက်အအုံ အလုံး ၆၀ ကျော် ပျက်စီးခဲ့ရတယ်။ အခုတော့
တော်လှန်ရေးတပ်တွေက နယ်မြေရှင်းလင်းရေးလုပ်နေပြီး မကြာခင်မှာ ပြည်သူတွေ
ပြန်နေခွင့်ရအောင် ဆောင်ရွက်နေတယ်” လို့  Zotung Federal Council
တာဝန်ရှိသူတဦးက BNN ကိုပြောပါတယ်။

ရေဇွာမြို့သိမ်းတိုက်ပွဲနဲ့
ရေဇွာမြို့ရဲ့နောက်ဆုံးအခြေအနေကိုပြောပြပေးဖို့ ... BNN သတင်းဌာနက
ဦးထက်အောင်ကျော် မေးမြန်းစဉ် သူကဒီလို ဖြေကြားတာပါ။

အခုထုတ်လွှင့်မယ့် မေးမြန်းချက်ထဲမှာ ...

- ရေဇွာမြို့ ဗုံးကြဲတိုက်ခိုက်ခံရမှုအခြေအနေ...

- ရေဇွာမြို့သိမ်းတိုက်ပွဲနှင့် သိမ်းမိသော လက်နက်များ...

- နယ်မြေရှင်းလင်းရေးနှင့် လူထုပြန်လည်နေရာချထားရေးအခြေအနေ...

... စတဲ့ အကြောင်းအရာတွေကို ဆွေးနွေးတင်ပြထားပါတယ်။

(ချင်းတော်လှန်ရေးတပ်ပေါင်းစုက ရေဇွာမြို့သိမ်းတိုက်ပွဲကို နိုဝင်ဘာ ၂၅
မှာစတင်ခဲ့ပြီး ၂၉ ရက်နေ့မှာအပြီးသိမ်းနိုင်ခဲံတာဖြစ်ပါတယ်။ အဲဒီလို
အပြီးသိမ်းတဲ့နေ့ နိုဝင်ဘာ ၂၈ နဲ့ ၂၉ မှာ စစ်ကောင်စီတပ်က ဗုံးအလုံး ၂၀
ကျော်အထိ ကြဲချတိုက်ခိုက်ခဲ့တာဖြစ်ပါတယ်။

မတူပီမြို့နယ်တွင်းက ရေဇွာမြို့ဟာ ချင်းတော်လှန်ရေးတပ်တွေက
သီတင်းတပတ်အတွင်း ဒုတိယမြောက် သိမ်းပိုက်လိုက်တဲ့မြို့ဖြစ်ပြီး ပထမ
သိမ်းပိုက်တဲ့မြို့ကတော့ လိုင်လင်းပီဖြစ်ပါတယ်။

အခုဆိုရင် အိန္ဒိယ-မြန်မာနယ်စပ်က အဓိကကုန်သွယ်ရေးမြို့ဖြစ်တဲ့
ရိခေါဒါရ်အပါဝင် မြို့ငယ် ၇ မြို့ကို ချင်းတော်လှန်ရေးတပ်တွေက
သိမ်းပိုက်ထားနိုင်ပြီလို့ သိရပါတယ်။)

(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန်
တိုက်တွန်းပါသည်။ https://www.youtube.com/c/BurmaNewsNetwork)။

Posted in: VIDEO,View pont