ပလက်ဝမြို့နယ်ရှိ “နှုံးဘူးဗျူဟာ” ကုန်းကို AA သိမ်းပိုက်
(၁၂- ၁၂- ၂၀၂၃)
ဒီဇင်ဘာ ၁၁ ရက်၊ ည ၁၂ နာရီအထိ ရထားတဲ့ အရေးကြီး တိုက်ပွဲသတင်းတွေထဲက ပလက်ဝမြိုနယ်ရှိ “နှုံးဘူးဗျူဟာ” ကုန်းကို ရခိုင့်တပ်တော် AA သိမ်းပိုက်လိုက်တာကို အရင်ဆုံး တင်ပြချင်ပါတယ်။
“နှုံးဘူးဗျူဟာ” ကို ဒီဇင်ဘာလ (၁၀) ရက်နေ့၊ ည (၁၁) နာရီ (၄၅) မိနစ်မှာ ရက္ခိုင့်တပ်တော် AA က အပြီးသတ်သိမ်းပိုက် ရယူနိုင်ခဲ့တာဖြစ်ပါတယ်။
ဒါ့အပြင်...
- ရှမ်းမြောက်ဒေသရှိ တအာင်းတပ်မတော် TNLA ကလည်း နမ့်ဆန်နဲ့ လားရှိုးက စစ်ကောင်စီတပ်စခန်း ၂ ခုကို ဒီနေ့ သိမ်းပိုက်ပါတယ်။
- MNDAA ကတော့ ဒီနေ့ တိုက်ပွဲသတင်းထုတ်ပြန်တာမတွေ့ရပါဘူး။ ဒါပေမယ့်
လောင်ကိုင်မှာ ထွက်ပေါက်ပိတ်နေတဲ့ စစ်ကောင်စီတပ်ဟာ အရပ်သားတွေကို
ပစ်မှတ်ထားတိုက်ခိုက်နေတဲ့အတွက် ဒဏ်ရာရသူတွေကို ကယ်ထုတ်နေရတယ်လို့
ပြောပါတယ်။
- ကရင်ပြည်နယ်နဲ့ ပဲခူးတိုင်းမှာတော့ ဆောထိမြို့နယ်ရှိ စစ်ကောင်စီ တပ်သားတွေ စွန့်ခွာ ထွက်ပြေးသွားတဲ့ ကွန်ဖဲ့စခန်းကို KNLA က မီးရှို့ရှင်းလင်းခဲ့ပါတယ်။
(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန်
တိုက်တွန်းပါသည်။ https://www.youtube.com/c/BurmaNewsNetwork)။
0 comments:
Post a Comment