ခလယ်ဒေးစခန်းကို KNLA ထိုးစစ်ဆင်... ထားဝယ် ရေနက်ဆိပ်ကမ်း ဒေသမှာ တိုက်ပွဲဖြစ်... နောက်ဆုံးရ တိုက်ပွဲသတင်းများ ...
၂၅ မတ် ၂၀၂၅
ထိုင်း-မြန်မာနယ်စပ်၊ သောင်ရင်းမြစ် ဘေးရှိ ကရင်ပြည်နယ်၊ လှိုင်းဘွဲ့မြို့နယ်က ခလယ်ဒေးစခန်းကို ကရင်အမျိုးသားလွတ်မြောက်ရေးတပ်မတော် KNLA နဲ့ မဟာမိတ်တွေက ပိတ်ဆို့ထားစဉ် စစ်ကောင်စီက လေကြောင်းပစ်ကူနဲ့ ခုခံနေပြီး တိုက်ပွဲပြင်းထန်နေတယ်လို့ Karen Information Center - KIC က ဖော်ပြပါတယ်။
မတ်လ ၂၄၊ မနက်ပိုင်းမှာ စစ်လေယာဉ်က ဗုံးအလုံး ၂၀ ကျော် ကြဲသွားတဲ့အတွက် သောင်ရင်း မြစ်ကို ဖြတ်ပြီး ထိုင်းနိုင်ငံဘက်ထွက်ပြေးတဲ့ ကရင် ရွာသားတွေကို ထိုင်း နယ်ခြားစောင့် တပ်က ကူညီပေးနေတဲ့ သတင်းဓာတ်ပုံတွေ တွေ့ရပါတယ်။
မြန်မာ စစ်တပ်က ဗုံးကြဲတဲ့နေရာဟာ ထိုင်းနယ်စပ်နဲ့ ကပ်နေတဲ့အတွက် စစ်လေယာဉ်တွေ ပိုင်နက် မကျော်အောင်၊ ဗုံးသီးတွေ ထိုင်းဘက် မကျအောင် သတိပေးတဲ့အနေနဲ့ ထိုင်းစစ်လေယာဉ်တွေကလည်း သောင်ရင်းမြစ်ရဲ့ ထိုင်းဘက်ကမ်း လေပိုင်နက်ထဲကနေ သတိပေးပျံသန်းခဲ့တယ်လို့ ထိုင်းမီဒီယာတွေက ဖော်ပြပါတယ်။
KNLA တပ်မဟာ ၇ နယ်မြေထဲရှိ ပူလူတူ စခန်းကို မတ်လ ၁၄ ရက်မှာ သိမ်းပိုက်ပြီးနောက် အနီးဝန်းကျင်ရှိ ခလယ်ဒေးစခန်းကို ဆက်ပြီး ထိုးစစ်ဆင်လာတာဖြစ်ပါတယ်။
ခလယ်ဒေးစခန်းရဲ့အထက်ဘက်ရှိ KNU ဗဟိုဌာနချုပ်ဟောင်း မာနယ်ပလော စခန်းနေရာကို KNLA နဲ့ မဟာမိတ်တွေက လွန်ခဲ့တဲ့ ဒီဇင်ဘာမှာ သိမ်းပိုက်ပြီးဖြစ်ပါတယ်။
ဒါ့အပြင်...
- ရုရှားအစိုးရကတာဝန်ယူ ဆောင်ရွက်မယ်လို့ပြောထားတဲ့ ထားဝယ် ရေနက်ဆိပ်ကမ်း ဒေသမှာ စစ်ကောင်စီတပ်နဲ့ ဒေသခံ ပြည်သူ့ကာကွယ်ရေးတပ်တွေ မတ်လ ၂၄ မှာ တိုက်ပွဲဖြစ်...
- လေးမျက်နှာ မြို့နယ်ရှိ တုံးတောရွာက စစ်ကောင်စီစခန်းကို အာရက္ခတပ်တော် (AA) နဲ့ ပူးပါင်းတပ်က မတ်လ ၂၃ မှာ သိမ်းပိုက်...
- မုံရွာအခြေစိုက် အနောက်မြောက်တိုင်း စစ်ဌာနချုပ် (နမခ) ကို ၁၀၇ မမ ရှော့တိုက်ဒုံးတွေနဲ့ တိုက်ခိုက်ရာမှာ စစ်ရဟတ်ယာဉ် ရပ်နားစခန်းကို ထိမှန်တယ်လို့ Brave Warriors for Myanmar (BWM) အဖွဲ့ကဆို...
- MNDAA ကိုးကန့်တပ် ကိုယ်စားလှယ်တွေနဲ့ စစ်ကောင်စီ ကိုယ်စားလှယ်တွေ ကူမင်းမြို့မှာ မတ်လ ၂၂ ကတွေ့ဆုံဆွေးနွေးပေမယ့် သဘောတူညီချက် မရဘဲ ဆွေးနွေးပွဲ ပြီးဆုံး...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment