အင်းတော်တိုက်ပွဲ လက်နက် ၅၀ ကျော်သိမ်းမိ... ဘောလခဲတိုက်ပွဲ လက်နက် ၂၀ နီးပါးရရှိ... နောက်ဆုံးရ တိုက်ပွဲသတင်းများ ...
၂၂ မတ် ၂၀၂၅
စစ်ကိုင်းတိုင်း၊ အင်းတော်မြို့နယ်နဲ့ ကသာမြို့နယ်အစပ် တိုက်ပွဲမှာ စစ်ကောင်စီဖက်က ၃၀ ကျော် သေဆုံး၊ ၃၀ ကျော် လက်ရဖမ်းမိ၊ လက်နက်မျိုးစုံ ၅၀ ကျော် သိမ်းမိတယ်လို့ PDF အမှတ် (၁) စစ်ဒေသက သတင်းထုတ်ပြန်ပါတယ်။
မတ်လ ၁၅ ရက်မှာ ကသာမြို့ အခြေစိုက် ခမရ-၃၀၉ က ထွက်လာတဲ့ ဗိုလ်မှူး လင်းထက် ဦးစီးတဲ့ အင်အား ၁၅၀ ပါ စစ်ကြောင်းကို ပင်လွတ်ရွာအနီး ပန်းတောင်ကြီး-ပန်းတောင်လေး တောင်ကြားမှာ တော်လှန်ရေးတပ်တွေက ကြားဖြတ် တိုက်ခိုက်တာလို့ ဆိုပါတယ်။
ဒီစစ်ကြောင်းမှာ ခမရ ၃၀၉ အပြင် ခမရ ၁၀၆ နဲ့ ခလရ ၆ က အင်အားတွေ စုပေါင်းထားတာဖြစ်ပြီး စစ်ကြောင်း တခုလုံးနီးပါး တပ်ပျက်သွားတယ်လို့ ဖေါ်ပြပါတယ်။
နယ်မြေရှင်းတဲ့အခါ စစ်သားအလောင်း ၃၃ လောင်း၊ လက်ရဖမ်းမိသူ ၃၁ ဦး၊ ဒဏ်ရာရသူ ၁၀ ဦး၊ စက်လတ် အပါအဝင် လက်နက်မျိုးစုံ ၅၄ လက် သိမ်းမိတယ်။ တော်လှန်ရေးဖက်ကလည်း ရဲဘော် ၂ ဦး ကျဆုံးတယ်လို့ ဆိုပါတယ်။
ဒီစစ်ဆင်ရေးကို ကချင်လွတ်လပ်ရေးတပ်မတော် KIA၊ ကချင်ဒေသ ပြည်သူ့ကာကွယ်ရေးတပ်မတော် KPDF ၊ ကသာခရိုင် PDF တပ်ရင်း-၁၊ မိုးတား တိုက်နယ် ပကဖ နဲ့ ကသာမြို့နယ် ပကဖ ပူးပေါင်းဆောင်ရွက်တာလို့ ဖေါ်ပြထားပါတယ်။
ဒါ့အပြင်...
- ဘောလခဲမြို့နယ် တိုက်ပွဲမှာ စစ်ကောင်စီဖက်က ဗိုလ်ကြီးအဆင့် အပါအဝင် သေဆုံးသူများပြီး အချီု့ကို လက်ရဖမ်းမိ၊ လက်နက်မျိုးစုံ ၂၀ ခန့် သိမ်းမိ...
- ပဲခူးတိုင်း၊ စစ်ကွင်းမြို့၊ အုတ်တွင်း ကျေးရွာ အနီးရှိ ရန်ကုန်-ပြည် လမ်းပေါ်က စစ်ကွင်းတာဆုံဂိတ်ကို တော်လှန်ရေးတပ်တွေက ဝင် တိုက်ရာမှာ စစ်သား ၈ ဦး သေပြီး လက်နက် တလက် သိမ်းမိ...
- ပန်းတောင်းမြို့နယ်ရှိ ညောင်ကျိုးစခန်းကို အာရက္ခတပ်တော် AA ဦးဆောင်တဲ့ ပူးပေါင်းတပ်တွေက သိမ်းပိုက်ပြီးနောက် ဥသျှစ်ပင်မြို့အနီး တိုက်ပွဲပြင်းထန်နေ...
- တရုတ်အစိုးရက စစ်ကောင်စီကို အကူအညီပေးနေတာတွေကို ဆန့်ကျင်တဲ့ ပြောက်ကြားဆန္ဒပြပွဲတခု လားရှိုးမှာဖြစ်ပွား...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment