ငါ့သရောက်တိုက်ပွဲ စစ်ကောင်စီ အထိနာ... KNU ဌာနချုပ် ဒရုန်းနဲ့အတိုက်ခံရ...နောက်ဆုံးရ တိုက်ပွဲသတင်းများ ...
၁၉ မတ်၂၀၂၅
ကချင်လွတ်လပ်ရေးတပ်မတော် KIA က ထိန်းချုပ်ထားတဲ့ ဗန်းမော်မြို့နယ်၊ စင်းခန်းကျေးရွာကို စစ်လေယာဉ်က ဗုံးကြဲတဲ့အတွက် ဒေသခံ ၆ ဦး သေဆုံး၊ တဦး ဒဏ်ရာရတယ်လို့ The 74 Media က ဖော်ပြပါတယ်။
မတ်လ ၁၈၊ မနက် ၅ နာရီခန့်မှာ တိုက်လေယာဉ်က ကျေးရွာ ရဲစခန်းကို ဗုံးကြဲသွားတာဖြစ်ပြီး အမျိုးသမီး ၂ ဦး အပါအဝင် ၆ ဦးသေဆုံးတာလို့ ဒေသခံတွေက ပြောပါတယ်။
စင်းခန်း ရွာဟာ ဗန်းမော်မြို့နဲ့ ၃၆ မိုင်အကွာမှာရှိပြီး ဧရာဝတီမြစ်ကူးတံတား (စင်းခန်း) ကို KIA နဲ့ ပူးပေါင်းအဖွဲ့က မနှစ် မေလ ၇ ရက်မှာ သိမ်းပိုက်ပြီးကတည်းက လွတ်မြောက်ဒေသဖြစ်နေတာပါ။
ဗန်းမော် စကခ ၂၁ နဲ့ လက်ကျန် တပ်ရင်းတွေကို သိမ်းပိုက်နိုင်ဖို့ KIA နဲ့ ပူးပေါင်းတပ်ဘက်က စစ်ရှိန်မြှင့်နေစဉ်မှာ စစ်ကောင်စီက အနီးဝန်းကျင်ရှိ အရပ်သားနေရာတွေကို အခုလို ဗုံးကြဲနေတာဖြစ်တယ်လို့ ဖော်ပြထားပါတယ်။
ဒါ့အပြင်...
- ကသာမြို့နယ်တိုက်ပွဲမှာ ဖမ်းဆီးရမိတဲ့ စစ်သုံ့ပန်း ၃၀ နီးပါးရဲ့ ဗီဒီယိုဖိုင်တွေ ဆိုရှယ်မီဒီယာမှာ ပြန့်နေ...
- ညောင်ဦးမြို့နယ်၊ ငါ့သရောက် (ငသယောက်) မြို့နယ်ခွဲအတွင်း စစ်ကြောင်းထိုးလာတဲ့ စစ်ကောင်စီတပ်နဲ့ ပျူစောထီး ပူးတွဲစစ်ကြောင်းကို ဒေသခံ တော်လှန်ရေး တပ်တွေက ကြားဖြတ် တိုက်ခိုက်ရာမှာ စစ်သား ၇၀ ကျော် သေဆုံး...
- ဂန့်ဂေါမြို့နယ်၊ မြောက်ခင်ရန်း ရွာရှိ ပျူစောထီး စခန်းနဲ့ မြစ်သာ ဆည်ပေါ်မှာ တပ်စွဲထားတဲ့ စစ်တပ်စခန်းကို တော်လှန်ရေးတပ်တွေက ဒရုန်းနဲ့ ဗုံးကြဲတိုက်ခိုက်ရာမှာ စစ်သားနဲ့ ပျူစောထီး ၆ ဦး သေဆုံး...
- KNU ဖားအံခရိုင်၊ တပ်မဟာ ၇ ဌာနချုပ်နေရာကို စစ်ကောင်စီက အသေခံ ဒရုန်း ၃ လုံးနဲ့ တိုက်ခိုက်...
- လောင်းလုံးမြို့ အနီးရှိ လက်ခတ်တောင် တာဝါတိုင် စစ်ကောင်စီစခန်းကို တော်လှန်ရေး တပ်တွေက ဝင်တိုက်ရာမှာ စစ်သား ၁၂ ဦး သေပြီး သေနက်တလက်နဲ့ ခဲယမ်းတွေ သိမ်းမိ...
- ပခုက္ကူခရိုင်၊ ပြည်သူ့ကာကွယ်ရေးတပ်မတော် အမှတ် ၆ တပ်ရင်း အရာရှိ၊ အရာခံ၊ စစ်သည် အားလုံး ပါဝင်တဲ့ တပ်ရင်း စုဖွဲ့မှုနဲ့ လေ့ကျင့်မှု သင်တန်းဆင်းပွဲ ကျင်းပ...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment