ထားဝယ်တိုက်ပွဲ စစ်ကောင်စီ အထိနာ... ခလယ်ဒေးစခန်းကို KNLA သိမ်းပိုက်...နောက်ဆုံးရ တိုက်ပွဲသတင်းများ ...
၂၆ မတ် ၂၀၂၅
တနင်္သာရီတိုင်း၊ ထားဝယ်-ရေဖြူ လမ်းပေါ် ကင်းလှည့်နေတဲ့ စစ်ကောင်စီ စစ်ကြောင်းကို တော်လှန်ရေး တပ်တွေက ကြားဖြတ် တိုက်ခိုက်ရာမှာ စစ်သား ၂၀ ခန့် သေပြီး လက်နက် ၅ လက် ရရှိတယ်လို့ ဒူရက စစ်ကြောင်းက သတင်းထုတ်ပြန်ပါတယ်။
အဲဒီစစ်ကြောင်း ညင်းထွေးနဲ့ ကျောက်ကညှာရွာအကြား မတ်လ ၂၄၊ မနက် ၉ နာရီခန့်မှာရောက်လာစဉ် အနီးကပ် ချေမှုန်းတာလို့ ဆိုပါတယ်။ အနီးဝန်းကျင်ရှိ စစ်ကောင်စီ တပ်စခန်းတွေကနေ လက်နက်ကြီးပစ်ကူအပြင် Paramotor စက်တပ် လေစီးနဲ့ပါ ပစ်ကူပေးတယ်လို့ ဖော်ပြပါတယ်။
နယ်မြေရှင်းတဲ့အခါ ဗိုလ်မှူးတဦး အပါအဝင် စစ်သား ၂၀ ခန့် သေဆုံး၊ RPG လောင်ချာ အပါအဝင် လက်နက်မျိုးစုံ ၅ လက်နဲ့ ခဲယမ်းတွေသိမ်းမိတာကို ဓာတ်ပုံမှတ်တမ်းထဲ တွေ့ရပါတယ်။
ဒီစစ်ဆင်ရေးကို ဒူရက စစ်ကြောင်းက ဦးဆောင်ပြီး ဓဝယ်အမျိုးသားလွတ်မြောက်ရေးတပ်တော် (DNLA) နဲ့ ရေဖြူ ပြည်သူ့ကာကွယ်ရေးတပ်ဖွဲ့ (YPPDF) ပူးပေါင်းဆောင်ရွက်ခဲ့တာလို့ ဖော်ပြထားပါတယ်။
ဒါ့အပြင်...
- ကျောက်တံခါး မြို့နယ်၊ စဉ့်အိုးလဟာ ကျေးရွာမှာ တပ်စွဲထားတဲ့ စစ်ကောင်စီ စခန်းကို တော်လှန်ရေး တပ်တွေက ဝင်တိုက်ရာမှာ စစ်သား ၁၂ ဦး သေပြီး သေနတ်နက် တလက် သိမ်းမိ...
- ပခုက္ကူ မြို့ကနေ ပခန်း မြို့ကို ထွက်လာတဲ့ စစ်ကောင်စီ ယာဉ်တန်းကို တော်လှန်ရေး တပ်တွေက ကြားဖြတ် တိုက်ရာမှာ စစ်သား ၁၄ ဦး သေဆုံး...
- စဉ့်ကူးမြိုနယ်ရှိ မာလဲနတ်တောင် ဆည်၊ ဇိုက်ချောင်းကျေးရွာ ၊ ထောက်ကြံ့ပင် ကျေးရွာနဲ့ ကံတောင် ကျေးရွာကို စစ်လေယာဉ်က ဗုံးကြဲ တိုက်ခိုက်တဲ့အတွက် ပြည်သူ ၂ ဦးထိခိုက်ပြီး နေအိမ် အဆောက်အဦတွေ ပျက်စီး...
- ထန်တလန် ဒေသခံတဦးဖြစ်တဲ့ စစ်ကောင်စီ အဖွဲ့ဝင် ဒေါက်တာမှုထန်ရဲ့ အိမ်၊ ခြံ ၊ မြေအားလုံးကို သိမ်းဆည်း ချိတ်ပိတ်လိုက်ပြီလို့ CDF – Thantlang က သတင်းထုတ်ပြန်...
- စစ်မှုထမ်းဥပဒေအရ အဓမ္မ ဖမ်းဆီးခံရပြီး ခမရ ၅၅၈ ဆီ ရောက်သွားတဲ့ စစ်သားသစ် ၂ ဦးဟာ လက်နက်တွေနဲ့ အတူ ဒေါ်နစစ်ကြောင်းထံ ခိုလှုံလာ...
- တိုက်ပွဲတွေ ဆက်တိုက် ပြင်းထန်နေတဲ့ ထိုင်း-မြန်မာနယ်စပ် သောင်ရင်းမြစ်ဘေးက ခလယ့်ဒေး စခန်းကို ကရင့်အမျိုးသားလွတ်မြောက်ရေးတပ်မတော် KNLA ဦးဆောင်တဲ့ မဟာမိတ်တပ်ပေါင်းစုက သိမ်းပိုက်လိုက်ပြီလို့ သတင်းထွက်ပေါ်...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment