အင်္ဂပူမြို့နယ်အနီးအထိ AA ရဲ့ ထိုးစစ်ရောက်လာ... ရန်ကုန်-မန္တလေး ကားလမ်းမပေါ် PDF တပ်တွေ လုံခြုံရေးစစ်ဆေး... နောက်ဆုံးရ တိုက်ပွဲသတင်းများ ...
၂၈ မတ် ၂၀၂၅
ဧရာဝတီတိုင်း၊ အင်္ဂပူမြို့နယ်၊ ကွင်းကောက်မြို့ အနီးအထိ အာရက္ခတပ်တော် AA နဲ့ ပူးပေါင်းတပ်တွေရဲ့ထိုးစစ် ရောက်လာပြီး အမှတ် ၅ တပ်မတော် တန်းမြင့် လေ့ကျင်ရေး သင်တန်းကျောင်းအနီး တိုက်ပွဲ ပြင်းထန်နေတယ်လို့ ဧရာဝတီတိုင်းမ်က ဖော်ပြပါတယ်။
ဒီသင်တန်းကျောင်းနဲ့ သိပ်မဝေးတဲ့ ပိန္နဲကွင်း ရွာက ဒေသခံတွေ စစ်ဘေးရှောင် ထွက်ပြေးနေရပြီး စစ်ပွဲတွေက ထင်ထားတာထက် အများကြီးာစောပြီး ရောက်လာတယ်လို့ ပိန္နဲကွင်း ရွာက ဆရာတော်တပါးက လူမှုကွန်ရက်မှာ ရေးပါတယ်။
ကွင်းကောက် မြို့ ဝန်းကျင်ရှိ ပိန္နဲကွင်း၊ ခင်ကိုက်ကွင်း၊ ကြက်ပေါင်ကုန်း၊ သံပုရာကုန်း၊ စာစီကုန်း၊ တောင်ဇင်း စတဲ့ ကျေးရွာတွေမှာ လက်နက်ကြီး လက်နက်ငယ် အသံမျိုးစုံ ကြားနေရတဲ့အတွက် ဒေသခံတွေ စစ်ရှောင်နေရတယ်လို့လည်း ဖော်ပြထားပါတယ်။
ဒါ့အပြင်...
- ပေါက်ခေါင်း-အုတ်တွင်း အမြန်လမ်းပိုင်းအတိုင်း မောင်းလာတဲ့ စစ်ကောင်စီ ယာဉ် ၂ စီးကို တော်လှန်ရေး တပ်တွေက ကြားဖြတ် တိုက်ရာမှာ စစ်ကားတစီး ချောက်ထဲ ပြုတ်ကျပြီး စစ်သား ၇ ဦးသေ၊ ၁၂ ဦး ဒဏ်ရာရ...
- ရန်ကုန်-မန္တလေး ကားလမ်းပိုင်း တနေရာမှာ ပြည်သူ့ကာကွယ်ရေးတပ်မတော် (PDF) ဗျူဟာ ၂၃ တပ်ဖွဲ့ဝင်တွေက လုံခြုံရေးအတွက် လမ်းပိုင်းစစ်ဆေးမှုတွေကို မတ်လ ၂၇ ရက်မှာ ဆောင်ရွက်...
- တန့်ဆည်မြို့ ရှိ ခမရ ၃၆၁ နဲ့ ပျူစောထီး ပူးတွဲစခန်းကို တော်လှန်ရေး တပ်တွေက ဝင်တိုက်ရာမှာ စစ်သားနဲ့ ပျူစောထီး ၂၀ ခန့် သေဆုံး၊ ၄၀ ခန့် ဒဏ်ရာရ၊ အချို့ကိုလက်ရဖမ်းမိ၊ လက်နက်အချို့လည်း သိမ်းမိ...
- နောင်ချိုမြို့နယ်ကို စစ်လေယာဉ်က ဗုံးထပ်ကြဲတဲ့အတွက် အမျိုးသမီးတွေ အပါအဝင် ဒေသခံ ၄ ဦး သေဆုံးပြီး ၄ ဦး ဒဏ်ရာရ...
- စစ်မှုမထမ်းမနေရ ဥပဒေကြောင့် ဖမ်းဆီးခံရပြီး စစ်တပ်ထဲ ရောက်သွားတဲ့ စစ်သားသစ်တွေအပါအဝင် စစ်သား ၄ ဦး KNDF အမှတ် ၅ တပ်ရင်းထံ ခိုလှုံလာ...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment