ခလယ့်ဒေး စခန်းကို KNLA သိမ်းပိုက်... တောင်ခမ်းဖက်မှာ စစ်ကောင်စီတပ် ရှေ့တိုးလာ... နောက်ဆုံးရ တိုက်ပွဲသတင်းများ ...
၂၇ မတ် ၂၀၂၅
ထိုင်း-မြန်မာနယ်စပ် သောင်ရင်းမြစ်ဘေးရှိ ခလယ့်ဒေး စခန်းကို ကရင်အမျိုးသား လွတ်မြောက်ရေးတပ်မတော် (KNLA) က မတ်လ ၂၅ မှာ သိမ်းပိုက်လိုက်ပြီး လက်နက်များစွာ ရရှိတယ်လို့ ကရင်အမျိုးသားအသည်းအရုံး (KNU) ဗဟိုက သတင်းထုတ်ပြန်ပါတယ်။
ဖားအံခရိုင်၊ လှိုင်းဘွဲမြို့နယ်ထဲက ဒီစခန်းကို မတ်လ ၂၂ ရက်မှာ စတင်တိုက်ခိုက်ပြီး စစ်တပ်ဘက်က ဂျက်ဖိုက်တာ ၂ စင်းနဲ့ ပေါင် ၅၀၀ ဗုံး ၄ လုံး၊ Y-12 နဲ့ ဗုံး ၃၆ လုံး ကြဲချနေတဲ့ကြားက သိမ်းလိုက်တာလို့ ဆိုပါတယ်။
နယ်မြေရှင်းတဲ့အခါ စစ်သားအလောင်း အချို့၊ ၆၀ မမ စိန်ပြောင်း ၂ လက်၊ ပွိုင့် ၅ စက်သေနတ်ကြီး တစ်လက်၊ RPG-7 ပခုံးထမါဍ်ူလောင်ချာ တလက် အပါအဝင် လက်နက်မျိုးစုံ ၁၀ လက် နီးပါးနဲ့ ခဲယမ်းများစွာ သိမ်းမိတာကို ဗီဒီယို မှတ်တမ်းထဲ တွေ့ရပါတယ်။
ဒီစခန်းကို ၁၉၈၉၊ စက်တင်ဘာ ၂၂ မှာ စစ်တပ်က စထိုင်တဲ့အတွက် ၃၆ နှစ် ကြာပြီးမှ သိမ်းနိုင်တာဖြစ်ပါတယ်။ ဒီစစ်ဆင်ရေးကို တပ်မဟာ ၇ တပ်မဟာ လုံခြုံရေး စစ်ကြောင်း၊ တပ်ရင်း ၁၉၊ တပ်ရင်း ၂၁၊ တပ်ရင်း ၂၂ နဲ့ တပ်ရင်း ၂၄ ပူးပေါင်းဆောင်ရွက်တာလို့ ဖော်ပြထားပါတယ်။
ဒါ့အပြင်...
- ရုရှား အစိုးရက တာဝန်ယူ ဆောင်ရွက်မယ်လို့ပြောထားတဲ့ ထားဝယ် အထူးစီးပွားရေးဇုန်မှာ စစ်ကောင်စီတပ်နဲ့ ဒေသခံ တော်လှန်ရေးတပ်တွေ မတ်လ ၂၆ မှာ တိုက်ပွဲ ထပ်ဖြစ်...
- တရုတ် စီမံကိန်းတွေရှိတဲ့ ရခိုင်ပြည်နယ်၊ ကျောက်ဖြူဘက်မှာ တိုက်ပွဲတွေ ပြင်းထန်နေပြီး အာရက္ခတပ်တော် (AA) ရဲ့ ထိုးစစ်ဟာ အမှတ် ၃၂ ရဲတပ်ရင်းအနီးထိ ရောက်လာ...
- နောင်ချိုမြို့နယ်၊ တောင်ခမ်းဘက်မှာ စစ်ကောင်စီနဲ့ တအာင်းအမျိုးသားလွတ်မြောက်ရေးတပ်မတော် TNLA အကြား တိုက်ပွဲတွေ ဆက်တိုက် ပြင်းထန်နေပြီး နောင်ချိုအနီးက တိမ်ပင်လယ်တောင်အထိ စစ်တပ်ရဲ့ တန်ပြန်ထိုးစစ်ရောက်လာဟုဆို...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment