“စစ်ကောင်စီ သံချပ်ကာကား (၂) စီးကို AA တိုက်ခိုက်ဖျက်ဆီး ... စစ်လေယာဉ်ဆီတင်သဘောၤကို ပကဖ ဖောက်ခွဲ... နောက်ဆုံးရ တိုက်ပွဲသတင်းများ”
(၂- ၃- ၂၀၂၄)
ရခိုင်ပြည်နယ်၊ စစ်တွေကနေ ပုဏ္ဏားကျွန်းမြို့ ကို စစ်ကူလာတဲ့ စစ်ကောင်စီစစ်ကြောင်းကို AA က ကြားဖြတ်တိုက်ခိုက်တဲ့အတွက် စစ်ကောင်စီဖက်က အထိနာခဲ့တယ်လို့ AA က သတင်းထုတ်ပြန်ပါတယ်။
ဖေဖေါ်ဝါရီ ၂၈ ရက်၊ နေ့လည် ၂ နာရီခွဲခန့်မှာ အမြင့်ကျွန်း တံတားထိပ်အနီး အခုလို ကြားဖြတ်တိုက်ခိုက်ခဲ့တာဖြစ်ပြီး သံချပ်ကာကား (၂) စီးကိုပါ မီးရှို့ ဖျက်ဆီးနိုင်ခဲ့တယ်လို့ ဗီဒီယိုမှတ်တမ်းနဲ့တကွဖေါ်ပြထားပါတယ်။
ရန်ကုန်တိုင်းမှာတော့ စစ်တပ်ပိုင် စစ်လေယာဉ်၊ စစ်ရဟတ်ယာဉ်တွေမှာအသုံံးပြုမယ့် လေယာဉ်ဆီ သယ်ဆောင်လာတဲ့ ဆီတင်သင်္ဘောကို ရန်ကုန်တိုင်း ပကဖ (ပြည်သူ့ကာကွယ်ရေးအဖွဲ့) (ရေငုပ်အထူးတပ်ဖွဲ့)က ဖောက်ခွဲတိုက်ခိုက်ခဲ့တယ်လို့ အမျိုးသားညီညွတ်ရေးအစိုးရ (NUG) ကာကွယ်ရေးဝန်ကြီးဌာနက သတင်းထုတ်ပြန်ပါတယ်။
ရန်ကုန်မြို့လယ် ထီးတန်းဆိပ်ကမ်းမှာဆိုက်ကပ်ထားတဲ့ အဲဒီသဘောၤင်္ကို ဖေဖေါ်ဝါရီ ၂၉ ရက်ညပိုင်းမှာ အခုလို တိုက်ခိုက်ခဲ့တာလို့ ထုတ်ပြန်ချက်မှာဖေါ်ပြထားပါတယ်။
ဒါ့အပြင်...
- စစ်ကိုင်းတိုင်း၊ တန့်ဆည်မြို့နယ်၊ ရွာသစ်ကုန်းရွာအနီး စစ်ကောင်စီနဲ့ ပျူစောထီး ပူးပေါင်းအင်အား (၁၃၀) ခန့်ကို ဒေသခံတော်လှန်ရေးတပ်တွေက ကြားဖြတ်တိုက်ခိုက်တဲ့အတွက် စစ်ကောင်စီဖက်က ၉ ဦးသေပြီး ၁၂ ဦးဒဏ်ရာရ...
- ချင်းပြည်နယ် မင်းတပ်မြို့မ ရဲစခန်းက ရဲတပ်သားတဦးနဲ့ မကွေးတိုင်း ရေရစကြိုမြို့နယ် နံ့သာဟေဝန်ပန်းခြံက ရဲတပ်ကြပ်တဦး ပြည်သူ့ရင်ခွင်ထံခိုလှုံလာ...
- ကရင်ပြည်နယ်၊ နယ်ခြားစောင့်တပ် -BGF တပ်နယ်အားလုံး စစ်ကောင်စီလက်အောက်ကနေ ခွဲထွက်ပြီး ကရင်အမျိုးသားတပ်မတော် (Karen National Army -KNA) အဖြစ် ပြောင်းလဲဖွဲ့စည်းရပ်တည်တော့မယ်လို့ ကြေညာ...
...စတဲ့သတင်းတွေကို စုစည်းတင်ပြထားပါတယ်။
(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe
လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။
0 comments:
Post a Comment