“မင်းပြား၊ ကျောက်တော်၊ မြောက်ဦးမြို့ (၃) မြို့ရှိ စစ်ကောင်စီ တပ်စခန်းအားလုံးကို AA က သိမ်းပိုက်၊ ရဲတပ်ရင်း အမှတ် (၃၁) တခုသာကျန်...နောက်ဆုံးရ တိုက်ပွဲသတင်းများ”
(၈- ၂- ၂၀၂၄)
ရခိုင်ပြည်နယ်၊ မင်းပြား၊ ကျောက်တော်နဲ့ မြောက်ဦးမြို့ (၃) မြို့ရှိ စစ်ကောင်စီ တပ်စခန်းအားလုံးကို ဖေဖေါ်ဝါရီ ၇ ရက်မှာ AA က အပြီးသိမ်းပိုက်လိုက်ပြီး မြောက်ဦးရှိ ရဲတပ်ရင်း အမှတ် (၃၁) တခုပဲ သိမ်းဖို့ကျန်တော့တယ်လို့ ၁၀၂၇ စစ်ဆင်ရေး (၁၀၄) ရက်မြောက်နေ့ ကြေညာချက်မှာ ဖေါ်ပြပါတယ်။
စစ်ဆင်ရေး (၁၀၄) ရက်တာကာလအတွင်း ဖေဖေါ်ဝါရီ ၇ ရက်ဟာ ရက္ခိုင်ဒေသမှာ ထိုးစစ်/ ခံစစ်အပြင်းထန်ဆုံးနေ့တစ်နေ့ဖြစ်ခဲ့တယ်၊ အထူးသဖြင့် ရေကြောင်းတိုက်ပွဲ ပြင်းထန်ခဲ့ပြီး စစ်ကောင်စီရေတပ် အထိနာတဲ့ နေ့တစ်နေ့ဖြစ်ခဲ့တယ်လို့ ကြေညာချက်က ဆိုပါတယ်။
သိမ်းပိုက်တပ်ရင်းတွေကို အမည်ဖေါ်ပြမထားပေမယ့် အရင် ဖေဖေါ်ဝါရီ ၆ ရက်က မင်းပြားရှိ တပ်ရင်း ၃ ခုစလုံးကို သိမ်းပြီးချိန်မှာ နောက်ထပ်သိမ်းဖို့ ကျောက်တော်နဲ့ မြောက်ဦးမှာ တရင်းစီပဲကျန်ပါတယ်။
အခုဆိုရင် စကခ (၉) လက်အောက်ခံ တပ်ရင်း ၁၀ ရင်းစလုံးကို AA က သိမ်းပြီးသွားတဲ့သဘော၊ တနည်းအားဖြင့် မင်းပြား၊ ကျောက်တော်၊ မြောက်ဦး ၃ မြို့ကို AA က ထိန်းချုပ်ထားလိုက်တဲ့သဘောဖြစ်ပါတယ်။ ဒီ့အရင် သိမ်းထားတဲ့ မြို့တွေကတော့ ပလက်ဝနဲ့ ပေါက်တောဖြစ်ပါတယ်။
ဒါ့အပြင်...
- တောင်ပြို (လက်ဝဲ/လက်ယာ) စခန်းတွေနဲ့ ARA၊ RSO စခန်းတို့က သိမ်းမိတဲ့ လက်နက်ခဲယမ်း ဓာတ်ပုံမှတ်တမ်းတွေကို AA ထုတ်ပြန်...
- ပဲခူးတိုင်း၊ ထန်းတပင်မြို့နယ်၊ ဇရပ်ကြီးမြို့ရှိ စစ်ကောင်စီတပ်စခန်း ခလရ(၇၃) တပ်ရင်းကို KNLA နှင့် PDF ပူးပေါင်းတပ်တွေက သိမ်းပိုက်...
- ဆီဆိုင်မြို့ကို စစ်ကောင်စီက လက်နက်ကြီးနဲ့ပစ်တာ၊ လေယာဉ်နဲ့ ဗုံးကြဲတိုက်ခိုက်တာ ဆက်လုပ်နေ...
- စစ်ကိုင်းတိုင်း၊ ဟုမ္မလင်းမြို့နယ်ရှိ SNA (ရှမ်းနီပြည်သူ့စစ်) တပ်က တပ်စိတ်မှူးအဆင့် ရဲဘော်တစ်ဦး လက်နက်နှင့်အတူ PDF ထံ အလင်းဝင်လာ...
...စတဲ့သတင်းတွေကို စုစည်းတင်ပြထားပါတယ်။
(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe
လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။
0 comments:
Post a Comment