“မြောက်ဦး ခမရ (၃၇၈) ကို AA သိမ်းပိုက်... နောက်ဆုံးရ တိုက်ပွဲသတင်းများ”
(၆- ၂- ၂၀၂၄)
ရခိုင်ပြည်နယ် မြောက်ဦးမြို့အခြေစိုက် “ခမရ (၃၇၈) တပ်ရင်း” တစ်ခုလုံးကို AA ရခိုင့်တပ်တော်က ဖေဖော်ဝါရီလ (၅) ရက်) မနက် (၉) နာရီ (၃၀) မိနစ်မှာ အပြီးသတ်ချေမှုန်းသိမ်းပိုက်လိုက်ပြီလို့ ၁၀၂၇ စစ်ဆင်ရေး (၁၀၂) ရက် ကြေညာချက်မှာ ဖေါ်ပြပါတယ်။
မင်းပြား၊ ကျောက်တော်နှင့် မြောက်ဦးရှိ စစ်ကောင်စီစခန်းတွေကို အပြတ်ချေမှုန်းရေးအတွက် AA က စစ်ရှိန်မြှင့်နေတယ်လို့ နေ့စဉ်ကြေညာပြီးတဲ့နောက် အခုလို စခန်းတခု ထပ်သိမ်းလိုက်တာဖြစ်ပါတယ်။ ပြီးခဲ့တဲ့ ရက်ပိုင်းအတွင်းကလည်း မြောက်ဦး၊ ကျောက်တော်၊ မင်းပြားရှိ တပ်ရင်းတခုစီကို AA က သိမ်းပိုက်ခဲ့ပြီးဖြစ်ပါတယ်။
ဒ့ါအပြင် ဘင်္ဂလားဒေ့ရှ် နယ်စပ် မောင်တောမြို့နယ်ရှိ တောင်ပြို (လက်ယာ) စခန်းကို ဖေဖေါ်ဝါရီ ၄ မှာသိမ်းပြီးတဲ့နောက် အခု တောင်ပြို (လက်ဝဲ) စခန်းကို သိမ်းပိုကရေး ဆက်လုပ်နေတယ်လို့ AA က ပြောပါတယ်။ စခန်းကျလို့ ဘင်္ဂလားဒေ့ရှ်ဖက် ထွက်ပြေးတဲ့ စစ်သားနဲ့ရဲသား ပိုများလာနေတယ်လို့ ဒေသတွင်းမီဒီယာတွေမှာ ဖေါ်ပြထားပါတယ်။
ဒါ့အပြင်...
- TNLA က သိမ်းပိုက်ထားတဲ့ မန်တုံရှိ ခမရ ၁၃၀ စစ်တပ်ကုန်းကို PSLF/TNLA ထိပ်ပိုင်းခေါင်းဆောင် ၂ ဦးနဲ့အတူ NUG ဖက်ဒရယ်ရေးရာ ဒုတိယဝန်ကြီး လိုက်ပါကြည့်ရှုစစ်ဆေး...
- ကချင်ပြည်နယ် ဖားကန့်မြို့နယ်မှာ KIA နဲ့, PDF ပူးပေါင်းတပ်က သိမ်းပိုက်လိုက်တဲ့ နန့်တိန်းစခန်းပုံတွေကို သတင်းထုတ်ပြန်...
- ကချင်- စစ်ကိုင်း အစပ်မှာ တော်လှန်ရေးတပ်တွေက သိမ်းပိုက်ထားတဲ့ ကောလင်းမြို့ကို စစ်ကောင်စီက ထိုးစစ်ဆင်နေဟုဆို...
- ကရင်ပြည်နယ် ကော့ကရိတ်မြို့မှာလည်း တိုက်ပွဲတွေဆက်ဖြစ်နေ...
...စတဲ့သတင်းတွေကို စုစည်းတင်ပြထားပါတယ်။
(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe
လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။
0 comments:
Post a Comment