“တောင်ပြို (လက်ယာ) နယ်ခြားစောင့်ရဲစခန်းကို AA သိမ်းပိုက်၊ သံတောင်ကြီးက တပ်စခန်းတခု KNLA သိမ်းပိုက်... နောက်ဆုံးရ တိုက်ပွဲသတင်းများ”
(၅- ၂- ၂၀၂၄)
ဘင်္ဂလာဒေ့ရှ်- ရက္ခိုင်နယ်စပ်၊ မောင်တောမြို့နယ်ရှိ တောင်ပြို (လက်ယာ) နယ်ခြားစောင့်ရဲစခန်းကို AA ရခိုင့်တပ်တော်က ဖေဖေါ်ဝါရီ ၄ ရက်၊ ညနေ ၆ နာရီနာမှာ သိမ်းပိုက်လိုက်တယ်လို့ ည ၁၂ နာရီထုတ်ပြန်တဲ့ ၁၀၂၇ စစ်ဆင်ရေး (၁၀၁) ရက်မြောက်နေ့ ကြေညာချက်မှာ ဖေါ်ပြပါတယ်။
တောင်ပြို (လက်ဝဲ-လက်ယာ) စခန်း နှစ်ခုစလုံးကို AA က တပြိုင်တည်း ထိုးစစ်ဆင်တာဖြစ်ပြီး ညနေ ၆ နာရီမှာ တောင်ပြို (လက်ယာ) စခန်းကိုရတယ်၊ တောင်ပြို (လက်ဝဲ) စခန်းကို ဆက်လက်တိုက်ခိုက်နေဆဲဖြစ်တယ်လို့ ကြေညာချက်က ဆိုပါတယ်။
ဒီစခန်းသိမ်းပွဲကနေ စစ်ကောင်စီတပ်သား အလောင်းတွေနဲ့ အတူ လက်နက်ခဲယမ်းအမြောက်အမြား သိမ်းဆည်းရမိပြီး AA ဖက်ကလည်း အာရက္ခစစ်သည်အချို့ တိုင်းပြည်နှင့် လူမျိုးအတွက် အသက်ပေးဆပ်စွန့်လွှတ်ခဲ့ရတယ်လို့ ကြေညာချက်မှာ ဖေါ်ပြပါတယ်။
ဒီလို စခန်းသိမ်းနေစဉ် နယ်ခြားစောင့်ရဲနှင့် စစ်ကောင်စီတပ်ဖွဲ့ဝင် စုစုပေါင်း (၆၀) နီးပါးဟာ ဘင်္ဂလာဒေ့ရှ်နိုင်ငံအတွင်း ထွက်ပြေးသွားတယ်လို့ AA က ပြောပါတယ်။ ၄ ရက်နေ့ထုတ် ဘင်္ဂလားဒေ့ရှ်သတင်းတွေမှာလည်း ထွက်ပြေးလာတဲ့ စစ်သား၊ ရဲသားတွေကို ဓာတ်ပုံနဲ့တကွက် ဖေါ်ပြထားတာ တွေ့ရပါတယ်။
ဒါ့အပြင်...
- “ညီနောင်မဟာမိတ် (၃) ဖွဲ့အနေဖြင့် မြန်မာပြည်သူလူထုတစ်ရပ်လုံး လိုလားသောဆန္ဒကို လျစ်လျူရှုသွားမည်မဟုတ်ဘဲ တစ်သွေးတည်းတစ်သားတည်း ရပ်တည်လျက်ရှိပါသည်” လို့ ညီနောင် ၃ ဖွဲ့က ပြော...
- ကရင်ပြည်နယ်၊ သံတောင်ကြီးမြို့နယ်၊ လိပ်သိုဗျုဟာ လက်အောက်ခံ မိုင်းလွန် စခန်းကို တော်လှန်ရေးတပ်ပေါင်းစုက သိမ်းပိုက်...
- ရွှေပြည်အေးတိုက်ပွဲကနေ ပြန်ဆုတ်သွားတဲ့ စစ်ကောင်စီတပ်နဲ့ SNA ရှမ်းနီပြည်သူ့စစ် ဆုတ်လမ်းကို ဆက်ရှင်းတဲ့အခါ အလောင်း ၁၅ လောင်းထပ်တွေ့...
... စတဲ့သတင်းတွေကို စုစည်းတင်ပြထားပါတယ်။
(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe
လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။
0 comments:
Post a Comment