ရိုဟင်ဂျာကိစ္စ ICJ တရားရုံးက ဘယ်လိုဆုံးဖြတ်မလဲ... နောက်ဆုံးအခြေအနေ တင်ပြချက်...
(၂၉ ဇန်နဝါရီ ၂၀၂၆)
နယ်သာလန်နိုင်ငံ သည်ဟိတ်မြို့ရှိ ICJ နိုင်ငံတကာတရားရုံးမှာ ဇန်နဝါရီ ၁၂ ကစပြီး ကြားနာနေတဲ့ ရိုဟင်ဂျာတွေအပေါ် မြန်မာစစ်တပ်က လူမျိုးတုန်းသတ်ဖြတ်မှုရှိ မရှိ ကြားနာမှုဟာ အခု ၂၉ ရက်နေ့၊ မကြာခင် နာရီပိုင်းအတွင်း ပြီးဆုံးတော့မှာဖြစ်ပါတယ်။
ICJ တရားသူကြီးတွေ ဘယ်လိုဆုံးဖြတ်မလဲ... အားလုံးက စိတ်ဝင်တစားစောင့်ကြည့်နေပါတယ်...
ဆုံးဖြတ်ချက်ဘယ်လိုထွက်လာနိုင်သလဲဆိုတာကိုမပြောခင်... ဒီကြားနာမှုအပေါ် စစ်တပ်ထောက်ခံသူတွေနဲ့ ရိုဟင်ဂျာတွေအပေါ် စာနာထောက်ခံသူတွေရဲ့အမြင်ကို အရင် တင်ပြချင်ပါတယ်။
ICJ ရုံးနဲ့ ICJ တရားသူကြီးတွေအပေါ် ဝေဖန်ပုတ်ခတ်တာ မလုပ်ရ၊ ရိုဟင်ဂျာတွေအပေါ် လူမျိုးရေးအရတိုက်ခိုက်တာ၊ အမုန်းပွားစေတာတွေ မပြောရဆိုပြီး ဇန်နဝါရီ ၂၁ မှာ စစ်တပ် ဝါဒဖြန့်ဌာန မြဝတီရုပ်သံကနေ သတိပေးလိုက်ပေမယ့် ၂၇ မွန်းလွဲပိုင်းက ရန်ကုန်မြို့လယ် မဟာဗန္ဒုုလပန်းခြံရှေ့ကျင်းပတဲ့ မဘသ တွေရဲ့ ဆန္ဒပြပွဲမှာတော့ အရင်အတိုင်း ဝေဖန်နေဆဲဖြစ်တယ်ကို ကြားခဲ့ရပါတယ်။
ရိုဟင်ဂျာတွေ၊ ရိုဟင်ဂျာတွေကို စာနာအားပေးသူတွေကလည်း ဇန်နဝါရီ ၂၈ မွန်းလွဲပိုင်းက ICJ တရားရုံးရှေ့မှာ ဆန္ဒပြပွဲတခု ကျင်းပခဲ့တာတွေ့ရပါတယ်။
ဒီလို ၂ ဖက်ကွဲပြားနေတဲ့ တင်ပြချက်တွေအပေါ် ICJ တရားသူကြီးတွေက ဘယ်လိုဆုံးဖြတ်မလဲ... မကြာခင်နာရီပိုင်းအတွင်း ဆုံးဖြတ်ချက်ထွက်လာတော့မှာဖြစ်ပါတယ်။ ဒါမှမဟုတ် အချိန်မလုံလောက်သေးတဲ့အတွက် နောက်တကြိမ် ရုံးချိန် ထပ်ချိန်းတာမျိုးလည်းဖြစ်နိုင်ပါတယ်။
ဘယ်လိုပဲဖြစ်ဖြစ် အချက်အလက်တွေအပေါ်အခြေခံပြီး ဥပဒေကြောင်းအရ စနစ်တကျဆုံးဖြတ်မယ့် ICJ တရားသူကြီးတွေရဲ့ ဆုံးဖြတ်ချက်အတိုင်း အားလုံးလိုက်နာဆောင်ရွက်ရမှာဖြစ်တယ်လို့... ဆန္ဒပြပွဲအတွင်းပါဝင်သူ နယ်သာလန်နိုင်ငံရောက် ဒီမိုကရေစီ အရေးတက်ကြွသူ ဦးဌေးတင့်က ပြောကြားခဲ့ပါတယ်။
---
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment