ကပစ ၁၆ အနီး AA တိုက်ခိုက်... တောင်သာက မဲရုံလုံခြုံရေးစစ်တပ်ကို PDF တိုက်ခိုက်... နောက်ဆုံးရ တိုက်ပွဲသတင်းများ...
(၂၀ ဇန်နဝါရီ ၂၀၂၆)
ပဲခူးတိုင်း၊ ဥသျှစ်ပင်မြို့၊ မသုန်ရွာအနီးရှိ ကာကွယ်ရေးပစ္စည်းစက်ရုံ ကပစ (၁၆)ကနေ ၆၆၆ ပွိုင့်ကုန်းနဲ့ လေသာတာင်ဖက် ရိက္ခာပို့ဖို့ ထွက်လာတဲ့ စစ်ကောင်စီ စစ်ကြောင်းကို အာရက္ခတပ်တော် AA နဲ့ မဟာမိတ်တွေက ကြားဖြတ်တိုက်ရာမှာ စစ်တပ်ဖက်က အထိခိုက်များစွာနဲ့ ပြန်ဆုတ်ပြေးသွားပြီး လား ၃ ကောင်နဲ့ ရိက္ခာထုတ်တွေ သိမ်းမိတယ်လို့ နိရဉ္စရာက ဖေါ်ပြပါတယ်။
ဇန်နဝါရီ ၁၈၊ မနက်ပိုင်းမှာ အင်အား ၁၀၀ ခန့်ပါ ရိက္ခာပို့စစ်ကြောင်းကို ကြားဖြတ် တိုက်ခိုင်စဉ် အခုလို ဖမ်းမိတာလို့ စစ်ဖက်သတင်းရပ်ကွက်တွေကပြောပါတယ်။
ဒါ့အပြင်...
- ဖလမ်းမြို့နယ် Sumhrang ရွာအနီး စခန်းချထားတဲ့ စစ်ကောင်စီတပ်ရဲ့ ကင်းစခန်း ၂ ခုကို ချင်းတော်လှန်ရေးတပ်တွေက ဇန်နဝါရီ ၁၈ မှာ သိမ်းပိုက်...
- ကသာမြို့မှာ တိုက်ပွဲတွေငြိမ်နေရာကနေ ဇန်နဝါရီ ၁၇ မှာ စစ်တပ်ဖက်က လေယာဉ်နဲ့ဗုံးကြဲရာကနေ ၂ ဖက် တိုက်ပွဲ ပြန်ပြင်းထန်လာနေ...
- တောင်သာမြို့နယ် မဲရုံလုံခြုံရေးအတွက် ကျောက်ပန်းတောင်းဖက်ကနေ ထွက်လာတဲ့ စစ်ကောင်စီစစ်ကြောင်းကို တော်လှန်ရေးတပ်တွေက ကြားဖြတ်တိုက်ရာမှာ စစ်တပ်ဖက်က ထိခိုက်မှုများပြီး နောက်ပြန်ဆုတ်သွား...
- နွားထိုးကြီးမြို့နယ်၊ ကနား ရဲစခန်းက ဒုတပ်ကြပ် မျိုမင်းအောင်ကို ခဲယမ်းတွေနဲ့အတူ လက်ရဖမ်းမိ...
- လောင်းလုံးမြို့နယ်၊ ထားဝယ်-မောင်းမကန်ကမ်းခြေသွားလမ်းပေါ်ရှိ ခလရ ၁၀၄ ကို တော်လှန်ရေးတပ်ဖွဲ့တခုက ဒရုန်းဗုံးချ တိုက်ခိုက်...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment