“အောင်ဇေယျ စစ်ကြောင်းက တပ်သား ၃ ဦး KNLA ထံ အလင်းဝင်... မုံရွာက စစ်ကောင်စီစခန်းကို PDF တိုက်ခိုက်... နောက်ဆုံးရ တိုက်ပွဲသတင်းများ”
(၁၃- ၅- ၂၀၂၄)
ကရင်ပြည်နယ်၊ ကော့ကရိတ်ကနေ မြဝတီသို့ စစ်ကူသွားရန်ကြိုးစားနေဆဲဖြစ်တဲ့ အောင်ဇေယျ စစ်ကြောင်းက တပ်သား ၃ ဦး တော်လှန်ရေးတပ်တွေထံ အလင်းဝင်လာတယ်လို့ ကျားဖြူစစ်ကြောင်းက သတင်းထုတ်ပြန်ပါတယ်။
တပ်မ ၅၅ လက်အောက်ခံတပ်က စစ်သား ၃ ဦး၊ မေလ ၁၂ ရက်မှာ လက်နက်ငယ်တွေနဲ့အတူ အခုလို အလင်းဝင်လာတာဖြစ်ပြီး ဆုငွေတွေပေးအပ်ခဲ့တယ်လို့ ဓာတ်ပုံမှတ်တမ်းနဲ့တကွ ဖေါ်ပြထားပါတယ်။
လွန်ခဲ့တဲ့ ရက်ပိုင်းကလည်း အောင်ဇေယျ စစ်ကြောင်းက စစ်သား ၂ ဦး ကျားဖြူစစ်ကြောင်းထံ အလင်းဝင်ခဲ့တဲ့အတွက် သီတင်းတပတ်အတွင်း အောင်ဇေယျ ၅ ဦး အလင်းဝင်တာဖြစ်ပါတယ်။
တချိန်တည်းမှာပဲ အဲဒီ အောင်ဇေယျစစ်ကြောင်းကို အမှတ် ၃၁ ဗျူဟာလက်အောက်ခံ နဂါးဖြူစစ်ကြောင်းနှင့် ကျားဖြူစစ်ကြောင်းတို့က ဒေါနတောင်ခြေမှာ ဆက်လက်တိုက်ခိုက်နေပြီး နေစဉ် ထိခိုက် သေဆုံးမှုရှိနေတယ်လို့ ဗီဒီယို မှတ်တမ်းနဲ့တကွ ထုတ်ပြန်ထားတာတွေ့ရပါတယ်။
ဒါ့အပြင်...
- တနသာင်္ရီတိုင်း၊ တနင်္သာရီနဲ့ ဘုတ်ပြင်း မြို့နယ်အစပ်ရှိ ၁၀၂၀ တောင်ကုန်း စစ်တပ်စခန်းကို မေလ ၁၁ ရက်မှာ အလုံးစုံသိမ်းနိုင်ခဲ့ပြီဖြစ်တယ်လို့ Black Cobra စစ်ကြောင်းက သတင်းထုတ်ပြန်...
- ကရင်နီပြည်၊ ဖားဆောင်းမြို့မှာ စခန်းတွင်းပိတ်မိနေတဲ့ စစ်သားတွေအတွက် စစ်ကောင်စီလေတပ်က ချပေးတဲ့ ခဲယမ်းနဲ့ ရိက္ခာထုပ်တွေကို တော်လှန်ရေးတပ်တွေက သိမ်းမိ...
- မန္တလေးတိုင်းနှင့် ရှမ်းပြည်နယ်အစပ်ရှိ နောင်ချိုမြိုနယ်ထဲက သရက်ကုန်းကျေးရွာမှာ မေလ ၁၂ ရက် နေ့လယ် ၂ နာရီမှာတိုက်ပွဲဖြစ်တယ်လို့ PDF- MDY က သတင်းထုတ်ပြန်...
- စစ်ကိုင်းတိုင်း၊ မုံရွာမြို့ှနယ် ကျော်ဆစ်ပုံ အမြောက်တပ်ကို တော်လှန်ရေးတပ်တွေက လက်နက်ကြီးတွေနဲ့ပစ်ခတ်တဲ့အတွက် စစ်သား ၈ ဦးသေဆုံး...
- “ကျင်ဒွေးမြို့သိမ်းတိုက်ပွဲ” မှာပါဝင်ခဲ့တဲ့ အောင်ပွဲရ ချင်းပြည်ကာကွယ်ရေးတပ်ဖွဲ့ မတူပီ (တပ်မဟာ-၁) ကို ဒေသခံလူထုက ဂုဏ်ပြုကြိုဆိုတဲ့ အခမ်းနား မတူပီမြို့မှာ ကျင်းပ...
... စတဲ့ သတင်းတွေကို စုစည်းတင်ပြထားပါတယ်။
(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe
လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)
0 comments:
Post a Comment