မတူပီ ခရိုင်ရုံးကို CDF သိမ်းပိုက်... ဖာပွန်မှာ KNLA က စစ်ရှိန်မြှင့်...

မတူပီ ခရိုင်ရုံးကို CDF သိမ်းပိုက်... ဖာပွန်မှာ KNLA က စစ်ရှိန်မြှင့်... နောက်ဆုံးရ တိုက်ပွဲသတင်းများ

(၃၁- ၅ - ၂၀၂၄)

ချင်းပြည်နယ်၊ မတူပီမြို့ပေါ်က စစ်ကောင်စီတပ်စွဲထားတဲ့ ခရိုင်ရုံးကို CDF မတူပီ တပ်မဟာ ၂ - က သိမ်းပိုက်တယ်လို့ CDF.Matupi. Brigade 2 က သတင်းထုတ်ပြန်ပါတယ်။ 

မေ ၃၀၊ မနက်ပိုင်းမှာ အခုလို သိမ်းလိုက်တာဖြစ်ပြီး စစ်ကောင်စီတပ်ဖွဲ့ဝင်တွေ ဖနိုင်ကျေးရွာဘက် ထွက်ပြေးသွားတဲ့အတွက် လိုက်လံရှင်းလင်းနေတယ်လို့ ဆိုပါတယ်။

မတူပီမြို့ တိုက်ပွဲမှာ စစ်ကောင်စီဘက်က ထိခိုက်သေဆုံးမှု မသိရသေးပေမယ့်

ချင်းတော်လှန်ရေးတပ်ဖွဲ့ဝင်တဦး မြေမြှုပ်မိုင်းနင်းမိပြီး ဒဏ်ရာရတယ်လို့ ဖေါ်ပြပါတယ်။ မတူပီမြို့မှာ ခလရ ၁၄၀၊ ခမရ  ၃၀၄ နဲ့ စစ်ဗျုဟာတခု အခြေစိုက်ရှိနေဆဲဖြစ်ပါတယ်။

ချင်းတော်လှန်ရေးတပ်တွေဟာ ပြီးခဲ့ရက်ပိုင်းကလည်း တီးတိန်မြို့ကို

ဝင်ရောက်တိုက်ခိုက်ခဲ့ပါသေးတယ်။ အဲဒီမတိုင်ခင် ပြီးခဲ့တဲ့သတင်းပတ်ကတော့

တွန်းဇံနဲ့ ကျီခါးမြို့အပါဝင် မြိုငယ် ၁၀ ခုခန့် သိမ်းထားခဲ့ပြီးဖြစ်ပါတယ်။

ဒါ့အပြင်...

- ရွှေဘိုမြို့နယ်၊ ညောင်ကိုင်းရွာရှိ ပျူစောထီး စခန်းကို တော်လှန်ရေးတပ်တွေက ဝင်ရောက်တိုက်ခိုက်တဲ့အတွက် ပျုနဲ့ စစ်သားတွေ ထိခိုက် သေဆုံးမှုရှိ...

- ကချင်နဲ့ ရှမ်းအစပ်မှာရှိတဲ့ ရွှေလီမြစ်ဝှမ်းအခြေစိုက် တပ်မဟာအသစ်တခုကို KIA ကချင်လွတ်လပ်ရေးတပ်မတော်က ဖွဲ့စည်း...

- ဖာပွန်မြို့မှာ ကျန်ရှိနေဆဲဖြစ်တဲ့ စစ်ကောင်စီ တပ်ရင်းဌာနချုပ်တွေ၊ စစ်စခန်းတွေကို သိမ်းပိုက်နိုင်ရေးအတွက် KNLA -ကရင့်အမျိုးသားလွတ်မြောက်ရေးတပ်မတော်နဲ့ မဟာမိတ်တွေက ပိတ်ဆို့မှုတွေ အရှိန်မြင့်လုပ်ဆောင်နေ...

- စစ်မြေပြင်မှာရှုံးနိမ့်ပြီး အင်အားနည်းလာတဲ့ စစ်ကောင်စီတပ်က စစ်သားသစ်လည်းစုမရဖြစ်နေတဲ့အတွက် “တန်းပြည့်စစ်မှုထမ်းများအဖြစ်သတ်မှတ်ခြင်း” ဆိုတဲ့ အမိန့်တခုကို ထုတ်ပြန်...

... စတဲ့ သတင်းတွေကို စုစည်းတင်ပြထားပါတယ်။

(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe

လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)

Posted in: V,View point