တောင်ကုတ်မြို့ကို AA သိမ်းပိုက်... အထူးဒေသ ၁ ကို ဖျက်သိမ်းကြောင်း KIO ကြ...

တောင်ကုတ်မြို့ကို AA သိမ်းပိုက်... အထူးဒေသ ၁ ကို ဖျက်သိမ်းကြောင်း KIO ကြေညာ... ၁၀၂၇ ဒုတိယလှိုင်း နောက်ဆုံးရသတင်းများ

၂၉/၁၁/၂၀၂၄

ရခိုင်ပြည်နယ်က တောင်ကုတ်မြို့ကို နိုဝင်ဘာ ၂၄ မှာ ထိန်းချုပ်လိုက်ပြီလို့ AA (အာရက္ခတပ်တော်) က သတင်းထုတ်ပြန်ပါတယ်။ 

aတာင်ကုတ် မြို့သိမ်းတိုက်ပွဲ အဆင့်ဆင့်ကိုဖော်ပြရာမှာ နိုဝင်ဘာ ၄ ကနေ ၂၀ အတွင်း ... တောင်ကုတ် တက္ကသိုလ် မောင်းတံဂိတ်နဲ့ ရာဘာခြံ စခန်းတွေ၊ တောင်ကုတ် တက္ကသိုလ် ကျောင်းဝင်း၊ အာလိမ်ငါးဆင့် ဘုရားကုန်း၊ ဖုန်ညိုရွာနဲ့ အနီးဝန်းကျင် စခန်းးတွေ၊ စကခ ၅ တပ်မဌာနချုပ် အဝင် ဂိတ်စခန်း၊ တောင်ကုတ်မြို့ ဆုတောင်းပြည့် ဘုန်းကြီးကျောင်း တပ်စခန်း၊ ကြိုးကြာကွင်း ဂိတ် စခန်း၊ ကိုင်းရှည် တံတားထိပ် စခန်း၊ သီရိဆေးရုံ စခန်း၊ မြို့မ ရဲစခန်း စတဲ့ အဓိကနေရာ ၁၀ ခုကို သိမ်းပိုက်တယ် ဆိုပါတယ်။

aတာင်ကုတ် တမြို့လုံးကိုတော့ နိုဝင်ဘာ ၂၄ မှာ လုံးဝ ထိန်းချုပ်နိုင်ခဲ့တယ်လို့ ဆိုပါတယ်။

aတာင်ကုတ် မြို့ပြင်မှာ ကျန်နေတဲ့ စကခ ၅ (အမှတ် ၅ စစ်ဆင်ရေးကွပ်ကဲမှု ဌာနချုပ်) နဲ့  ခမရ ၃၄၆၊ ခမရ ၅၄၄ တို့ကို အမြန်ဆုံး သိမ်းနိုင်အောင် တပြိုင်တည်း ထိုးစစ်ဆင်နေတယ်လို့ AA ထုတ်ပြန်ချက်မှာ ဖော်ပြထားပါတယ်/

ဒ့ါအပြင်...

- အမ်းမြို့ရှိ နပခ ကနေ အမ်း-ပဒါန်း လမ်းအတိုင်း မကွေးတိုင်းဘက် ဆုတ်ခွာလာတဲ့ စစ်ကောင်စီတပ်ကို ဒေသခံ တော်လှန်ရေး တပ်တွေက တိုက်ခိုက်ရာမှာ စစ်သား ၂ ဦး သေ၊ ၁၄ ဦးကို သုံ့ပန်းအဖြစ် ဖမ်းမိတယ်လို့ ACDF (အရှိုချင်း ကာကွယ်ရေးတပ်ဖွဲ့) က သတင်းထုတ်ပြန်...

- တောင်ကုတ်မြို့မှာ တိုက်ပွဲတွေ လနဲ့ချီ ကြာလာပြီး ရိက္ခာပြတ်တဲ့အတွက် ခမရ ၅၄၄ နဲ့ ၃၄၆ က စစ်သားနဲ့ မိသားစုအချို့ AA (အာရက္ခတပ်တော်) ဆီမှာ အလံဖြူထောင် လက်နက်ချ...

- စစ်ကောင်စီ စစ်ဆေးရေးဂိတ်နဲ့ လက်နက်ကြီးစခန်းတွေကို ဒရုန်းနဲ့ တိုက်တဲ့အတွက် စစ်သား ၈ ဦး သေ၊ ၃ ဦး ဒဏ်ရာရတယ်လို့ မွန်ပြည်သစ်ပါတီ (စစ်အာဏာရှင် တိုက်ဖျက်ရေး) NMSP-AD က သတင်းထုတ်ပြန်...

- ဟုမ္မလင်း မြို့နယ်ထဲက SNA (ရှမ်းနီ ပြည်သူ့စစ်) ထိန်းချုပ်ထားတဲ့ ကျေးရွာ ၅ ရွာကို ဟုမ္မလင်း PDF ပူးပေါင်းတပ်က သိမ်းပိုက်...

- ကချင်အထူးဒေသ ၁ အတွင်း နောက်ဆုံး ကျန်နေတဲ့ ကန်ပိုင်တည် မြို့ကို သိမ်းပြီးတဲ့နောက် … အရင် စစ်အစိုးရခေတ်က သတ်မှတ်ထားတဲ့ ကချင် အထူးဒေသ ၁ ဆိုတာကို ဒီနေ့ (နိုဝင်ဘာ ၂၈) က စပြီး ပယ်ဖျက်လိုက်ပြီလို့ KIO (ကချင် လွတ်လပ်ရေးအဖွဲ့) က ကြေညာ...

... စတဲ့ သတင်းတွေကို စုစည်းတင်ပြထားပါတယ်။

သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်

https://www.youtube.com/c/BurmaNewsNetwork ကို Subscribe လုပ်ရန်

တိုက်တွန်းပါသည်။

သတင်းနှင့် ဗီဒီယိုကလစ်များကို https://t.me/burmanewsnetwork မှာလည်း

ကြည့်ရှုနိုင်ပါသည်။

Posted in: VIDEO,View point