ကလေးမြို့နယ် တိုက်ပွဲ စစ်ကောင်စီ အထိနာ... တောင်ခမ်းဖက်မှာ TNLA နဲ့ တိုက်ပွဲပြန်ဖြစ်... နောက်ဆုံးရ တိုက်ပွဲသတင်းများ ...
၃၀ ဧပြီ ၂၀၂၅
စစ်ကိုင်းတိုင်း ကလေးမြို့နယ် တောင်ပိုင်းမှာ တော်လှန်ရေးတပ်တွေက သိမ်းပိုက်ထားတဲ့ ကြံသာရွာစခန်းကို ပြန်ရရေးအတွက် စစ်ကောင်စီဘက်က ထိုးစစ်ဆင်လာတာကြောင့် တိုက်ပွဲပြန်ဖြစ်ပြီး စစ်သား ၂၀ ခန့် သေဆုံး၊ လက်နက် ၈ လက် သိမ်းမိတယ်လို့ Chinland Information Center က ဖော်ပြပါတယ်။
CDF KKG ရဲ့ Major operation အတွင်း ကလေးမြို့တောင်ပိုင်းက အရေးပါတဲ့ စခန်း ၅ ခုကို တော်လှန်ရေး တပ်တွေက သိမ်းပိုက်ပြီးနောက် အခု ဧပြီ ၂၇ မှာ စစ်ကောင်စီတပ်က စစ်ကြောင်း ၂ ခုခွဲပြီး ကြံသာ စခန်းဘက် ထိုးဝင်လာတာလို့ ဆိုပါတယ်။
နယ်မြေရှင်းတဲ့အခါ စစ်သား အလောင်း ၇ လောင်း ကျန်၊ ၆၀ မမ စိန်ပြောင်း အပါအဝင် လက်နက်မျိုးစုံ ၈ လက်နဲ့ ခဲယမ်းတွေ သိမ်းမိတာကို ဓာတ်ပုံမှတ်တမ်းထဲ တွေ့ရပါတယ်။
ဒါ့အပြင်...
- နောင်ချိုမြို့နယ် တောင်ခမ်းကျေးရွာရှိ အမှတ် ၉၀၂ အမြောက်စခန်းကွပ်ကဲမှု ဌာနချုပ်အနီး တိုက်ပွဲ ပြင်းထန်နေစဉ် စစ်ကောင်စီက အဆိပ်ငွေ့ဗုံး ၁၁ လုံးနဲ့ လက်နက်ကြီး ၂၆ လုံး ပစ်ခတ် တိုက်ခိုက်ခဲ့တယ်လို့ TNLA က သတင်းထုတ်ပြန်...
- ရေစကြိုမြို့နယ်၊ ကြူရွာနဲ့ ဗလဘ ရွာဘက် စစ်ကြောင်းထိုးလာတဲ့ စစ်ကောင်စီတပ်ကို တော်လှန်ရေးတပ်တွေက ကြားဖြတ်တိုက်ရာမှာ စစ်သား ၂၀ ခန့် သေဆုံး...
- တောင်သာမြို့နယ် တောင်ခမောက် ကျေးရွာဘက် ထိုးဝင်လာတဲ့ အင်အား ၁၀၀ ကျော်ပါ စစ်ကောင်စီ စစ်ကြောင်းကို တော်လှန်ရေးတပ်တွေက ကြားဖြတ်တိုက်ခိုက်ရာမှာ စစ်ကောင်စီဘက်က သေဆုံးမှုများပြီး သေနတ် ၂ လက်နဲ့ ခဲယမ်းတွေ သိမ်းမိ...
- ကော့ကရိတ်မြို့နယ်၊ ကျုံဒိုးမြို့အနီးရှိ ခမရ ၅၄၅ နဲ့ ခမရ ၅၄၆ ဝန်းကျင်မှာ ဧပြီ ၂၉ ညနေပိုင်းက လက်နက်ကြီး ပေါက်ကွဲသံတွေကြားရပြီး နွားခြံကုန်း ကျေးရွာထဲ နေအိမ်အချို့ မီးလောင်...
- လောင်းလုံး မြို့ပေါ်မှာ ကင်းလှည့်နေတဲ့ စစ်တပ်နဲ့ ပျူစောထီး ပူးပေါင်းအဖွဲ့တွေကို တော်လှန်ရေးတပ်တွေက တိုက်ခိုက်ရာမှာ စစ်သား ၃ ဦး သေဆုံး...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment