“NUG ဝန်ကြီးချုပ်နဲ့ အာဆီယံဥက္ကဌတွေ့ဆုံ... လေးမျက်နှာတိုက်ပွဲ စစ်ကောင်စီ အထိနာ...နောက်ဆုံးရ တိုက်ပွဲသတင်းများ...
၁၉ ဧပြီ ၂၀၂၅
အမျိုးသားညီညွတ်ရေးအစိုးရ NUG ပြည်ထောင်စု ဝန်ကြီးချုပ် မန်းဝင်းခိုင်သန်းဟာ အာဆီယံ အလှည့်ကျ ဥက္ကဋ္ဌ မလေးရှားဝန်ကြီးချုပ် အန်ဝါ အီဘရာဟင်မ်နဲ့ ဧပြီ ၁၈ မနက်ပိုင်းမှာ Teleconference တဆင့် တွေ့ဆုံ တွေ့ဆုံဆွေးနွေးတယ်လို့ NUG က သတင်းထုတ်ပြန်ပါတယ်။
ဆွေးနွေးတဲ့ အဓိက အကြောင်းအရာ နှစ်ချက် ကတော့ “အာဆီယံ အဖွဲ့ဝင်နိုင်ငံတွေနဲ့ ဆက်ဆံရေး တိုးမြှင့်ရေး … မြန်မာပြည်သူတွေဆီကို လူသားချင်း စာနာထောက်ထားမှုဆိုင်ရာအကူအညီတွေ ထိထိရောက်ရောက် ပေးပို့ ဖြန့်ဝေနိုင်ရေးတို့ ဖြစ်တယ်” လို့ ထုတ်ပြန်ချက်မှာ ဖော်ပြပါတယ်။
အာဆီယံ ဥက္ကဋ္ဌ မလေးရှား ဝန်ကြီးချုပ်ကလည်း NUG ဝန်ကြီးချုပ်နဲ့ ဆွေးနွေးတဲ့အကြောင်း သူရဲ့ ဆိုရှယ်မီဒီယာမှာ ဓာတ်ပုံမှတ်တမ်း ဖော်ပြထားပါတယ်။
ဒါ့အပြင်...
- ဧပြီ ၁၈၊ မနက် ၁၁ နာရီခန့်မှာ မန္တလေးတိုင်း သပိတ်ကျင်းမြို့နယ် ကွင်းသုံးဆယ် လမ်းဆုံ လိပ်ကျ ရွာထဲကို စစ်လေယာဉ်က ဗုံးကြဲတဲ့အတွက် ကလေးငယ်တွေနဲ့ အမျိုးသမီးတွေ အပါအဝင် ၁၃ ဦးသေပြီး ၂၀ အထိ ဒဏ်ရာရ...
- လေးမျက်နှာမြို့နယ်မှာ AA (အာရက္ခတပ်တော်) ဦးဆောင်တဲ့ တော်လှန်ရေးတပ်တွေနဲ့ စစ်ကောင်စီအကြားတိုက်ပွဲပြင်းထန်ပြီး စစ်ကောင်စီဘက်က ၅၀ ကျော် သေဆုံး...
- မြိတ်-ထားဝယ် ကားလမ်းပေါ်ရှိ သရက်ချောင်းမြို့နယ်၊ ဝင်းဝ နယ်မြေ ရဲစခန်းကို တော်လှန်ရေးတပ်တွေက ဝင်တိုက်ပြီးနောက် တိုက်ပွဲပြင်းထန်ပြီး ကားလမ်မပေါ် ကားတွေ ရာနဲ့ချီ ပိတ်မိနေ...
- လားရှိုးမြို့အုပ်ချုပ်ရေး လွှဲပြောင်း တာဝန်ယူမယ့် စစ်ကောင်စီ တပ်တွေ ဧပြီ ၁၈ မှာ မြို့ထဲဝင်လာတဲ့အတွက် လားရှိုး-သီပေါ လမ်း အပါအဝင် မြိုအဝင် လမ်းအချို့ ပိတ်ထား...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment