ထီးခီးစခန်းကို KNLA သိမ်းပိုက်... နောင်ချိုက မင်္ဂလာပွဲကို စစ်တပ်က လက်နက်ကြီးနဲ့ပစ်... နောက်ဆုံးရ တိုက်ပွဲသတင်းများ...
၁၀ မေ ၂၀၂၅
တနင်္သာရီတိုင်း ထားဝယ်မြို့နယ် ထိုင်း-မြန်မာ နယ်စပ်ရှိ ထီးခီး စစ်ကောင်စီစခန်းကို မေလ ၉ ရက်မှာ သိမ်းပိုက်လိုက်ပြီလို့ KNU ဗဟိုက သတင်းထုတ်ပြန်ပါတယ်။
ထီးခီးနဲ့ ၅ မိုင်အကွာရှိ ထီးထာ ဗျူဟာ စခန်းကို ဧပြီ ၁၉ မှာ သိမ်းပိုက်ပြီးနောက် ထီးခီးကို ဆက်လက်ထိုးစစ်ဆင်ပြီး အခု မေ ၉ မနက်ပိုင်းမှာ သိမ်းလိုက်တာဖြစ်ပါတယ်။
ဒါ့အပင်...
- ထိုင်း-မြန်မာ နယ်စပ် ဖားအံခရိုင် ပိုင်ကျုံမြို့နယ်ရှိ တခေါ်ဘီခွီး စစ်ကောင်စီ စခန်းကိုလည်း မေ ၉ ရက် မနက်ပိုင်းမှာပဲ KNLA တပ်မဟာ ၇ ဦးစီးတဲ့ တော်လှန်ရေးတပ်တွေက သိမ်းပိုက်...
- ညောင်လေးပင်ခရိုင်၊ ရွှေကျင်မြို့နယ်ရှိ ခမရ ၅၉၈ ကို KNLA တပ်မဟာ ၃ ဦးဆောင်တဲ့ တော်လှန်ရေးတပ်တွေက မေလ ၉ ရက် မနက်ပိုင်းမှာ သိမ်းပိုက်...
- ပုလောမြို့မ ရဲစခန်းကို တော်လှန်ရေးတပ်တွေက ဝင်တိုက်ရာမှာ ရဲ ၂ ဦးသေ၊ ၆ ဦးဒဏ်ရာရပြီး G3 သေနတ် တလက်နဲ့ ခဲယမ်းတွေ ရရှိ...
- မြောင်မြို့မ ရဲစခန်းကနေ မြင်းမူဘက် ထွက်လာတဲ့ ရဲတွေကို တော်လှန်ရေးတပ်တွေက တိုက်ခိုက်ရာမှာ ၄ ဦး သေပြီး သေနတ် ၃ လက်ရရှိ...
- နောင်ချိုမြို့ နယ် သရက်ချို ကျေးရွာက မင်္ဂလာပွဲကို စစ်ကောင်စီက လက်နက်ကြီးနဲ့ ပစ်တဲ့တွက် ကလေးငယ် တဦး အပါအဝင် ဒေသခံ ၄ ဦး သေဆုံး...
- ဗန်းမော်မြို့၊ ညောင်ပင် ရပ်ကွက်ရှိ စစ်ဘေးရှောင်တွေ ခိုလှုံနေတဲ့ ကမ်းနားရိပ်သာ ဘုန်းကြီးကျောင်းကို စစ်လေယာဉ်က ဗုံးကြဲတိုက်ခိုက်တဲ့အတွက် စစ် ရှောင် ၁၅ ဦး သေဆုံးပြီး ၁၅ ဦးကျော် ဒဏ်ရာရ...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment