ကလေးမြို့နယ်က ကမ်းပါးနီစခန်းကို PDF သိမ်းပိုက်... ရေစကြိုတိုက်ပွဲမှာ စစ်ကောင်စီအထိနာ... နောက်ဆုံးရ တိုက်ပွဲသတင်းများ ...
၁၄ ဖေော်ဝါရီ ၂၀၂၅
မကွေးတိုင်း ပခန်းမြို့ကနေ ရေစကြို့မြို့ဘက် ပြန်လာတဲ့ စစ်ကောင်စီ စစ်ကြောင်းကို ဒေသခံ တော်လှန်ရေးတပ်တွေက ကြားဖြတ်တိုက်ခိုက်ရာမှာ ၂၀ ကျော် သေပြီး လက်နက် ၅ လက် သိမ်းမိတယ်လို့ Southern YSO PDF (ရေစကြိုတောင် ပိုင်း ပီဒီအက်ဖ်) က သတင်းထုတ်ပြန်ပါတယ်။
ဖေဖော်ဝါရီ ၁၁ မနက် ၈ နာရီခန့်မှာ ခြေလျင်တပ်ရင်း သုံးရင်း (ခလရ ၂၅၆၊ ၂၅၇ နဲ့ ၂၅၈) က စစ်သားတွေ ပါဝင်တဲ့ အဲဒီစစ်ကြောင်း ပခန်းမြို့မြောက်ဘက် လမ်းပေါ် ရောက်လာစဉ် အနီးကပ် တိုက်ခိုက်တာလို့ ဆိုပါတယ်။
၄၅ မိနစ် တိုက်ပွဲဖြစ်ပြီး နယ်မြေရှင်းတဲ့အခါ စစ်သား ၂၀ ကျော် သေဆုံး၊ ကျန်စစ်သားတွေ ထွက်ပြေး၊ MA 1 သေနတ် ၄ လက်နက်နဲ့ MA 3 တလက် အပါအဝင် ခဲယမ်းများစွာ သိမ်းမိ၊ လက်နက်ချဖို့ပြင်တဲ့ စစ်သားတွေကို စစ်သားအချင်းချင်း ပြန်ပစ်လို့ သေတာလည်း ရှိတယ်လို့ ဆိုပါတယ်။
ဒီစစ်ဆင်ရေးကို Southern YSO PDF က ဦးဆောင်ပြီး Yesagyo Revolution Group (YRG)၊ ဒေါင်းညီနောင် ပီဒီအက်ဖ်၊ ဒေါင်းစစ်သည် ပီဒီအက်ဖ်၊ ပြည်သူ့အားမာန် ပီဒီအက်ဖ် နဲ့ King Cobra တပ်ဖွဲ့ ပူးပေါင်းဆောင်ရွက်တာလို့ ဖော်ပြထားပါတယ်။
ဒါ့အပြင်...
- ကလေးမြို့နယ် တောင်ပိုင်း၊ ကလေး-ဂန့်ဂေါ ကားလမ်းပေါ်ရှိ ကမ်းပါးနီ စစ်ကောင်စီ တပ်စခန်းကို တော်လှန်ရေး ပူးပေါင်းတပ်ဖွဲ့က သိမ်းပိုက်လိုက်ပြီး စစ်သား ၃၀ ကျော်သေဆုံး၊ လက်နက် ၂၀ ကျော်သိမ်းမိ...
- မုံရွာမြို့ အနောက်မြောက်တိုင်းစစ်ဌာနချုပ် (နမခ) ကနေ ထွက်လာတဲ့ FAW ကား ၄ စီးပါ စစ်ကောင်စီယာဉ်တန်းကို တော်လှန်ရေးတပ်တွေက ကြားဖြတ် တိုက်ရာမှာ စစ်သားတွေ ထိခိုက် သေဆုံးမှုရှိ...
- မုံရွာမြို့ အနီးဝန်းကျင်ရှိ စစ်ရှောင် စခန်းနဲ့ ကျေးရွာတွေကို စစ်လေယာဉ်က ဗုံးကြဲတဲ့အတွက် ကလေးငယ်တွေ အပါအဝင် အရပ်သား ၁၀ ဦးကျော် သေဆုံး...
- AA (အာရက္ခတပ်တော်) ထိန်းချုပ်ထားတဲ့ ဂွ မြို့နယ် ကျိန္တလီမြို့ကို စစ်လေယာဉ်က ဗုံးထပ်ကြဲတဲ့အတွက် ကလေးငယ်တဦး အပါအဝင် ၂ ဦး သေဆုံးပြီး ၄ ဦး ဒဏ်ရာရ...
- ကျိုက်ထိုမြို့နယ်၊ ကော်ကပ်ရွာကိုလည်း စစ်လေယာဉ်က ဗုံးကြဲတာကြောင့် စာသင်ကျောင်းဆောင် ပျက်စီးပြီး ... ဒီမောဆိုမြိုနယ်မှာလည်း ဗုံးဒဏ်ကြောင့် စာသင်ကျောင်းနဲ့ နေအိမ်တွေ ပျက်စီး...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment