လွိုင်ကော်တိုက်ပွဲ လက်နက် ၂၀ ကျော်သိမ်းမိ... ထားဝယ်မြို့အနီးက တံတား ၃ စင်း စစ်တပ်ဖြိုချ... နောက်ဆုံးရ တိုက်ပွဲသတင်းများ...
(၄ ဒီဇင်ဘာ ၂၀၂၅)
ကရင်နီပြည်နယ်၊ လွိုင်ကော်မြို့နယ်၊ ကုန်းပေါင်းကျေးရွာဖက် စစ်ကြောင်းထိုးလာတဲ့ စစ်ကောင်စီတပ်ကို တော်လှန်ရေးတပ်တွေက ကြားဖြတ်တိုက်ရာမှာ စစ်သား ၂၀ ခန့်သေဆုံး၊ သေနတ် ၂၂ လက် သိမ်းမိတယ်လို့ အမှတ် ၁၀၀၅ တပ်ရင်း၊ ရှမ်းတောင် ဗျုဟာက သတင်းထုတ်ပြန်ပါတယ်။
နိဝင်ဘာ ၁၀ မှာ အင်အား ၅၀ ပါစစ်ကြောင်းကို ဒရုန်းနဲ့ ချေမှုန်းရေးတပ် ပူးတွဲ တိုက်ခိုက်တာဖြစ်ပြီး စစ်သား ၂၀ သေဆုံး၊ RPG နဲ့ စက်လတ်အပါဝင် လက်နက်ငယ် ၂၂ လက် သိမ်းမိတာကို ဓာတ်ပုံမှတ်တမ်းထဲ တွေ့ရပါတယ်။
ဒါ့အပြင်...
- ဆားလင်းကြီး မြို့မ ရဲစခန်းက ထွက်လာတဲ့ စစ်ကောင်စီ စစ်ကြောင်းကိုတော်လှန်ရေးတပ်တွေက ကြားဖြတ်တိုက်ရာမှာ စစ်သား ၁၀ ဦးသေ...
- ဗန်းမောက်မြို့မှာ တော်လှန်ရေးတပ်ပေါင်းစုနဲ့ စစ်ကောင်စီ + SNA ရှမ်းနီပြည်သူ့စစ်တွေကြား ၃ ရက်ဆက် တိုက်ပွဲပြင်းထန်နေပြီး စစ်ကောင်စီဖက်က အထိနာနေတဲ့အတွက် လေကြောင်းပစ်ကူနဲ့ အပြင်းအထန် တိုက်ခိုက်နေ...
- ရွှေကုက္ကူ ကျားဖြန့်မြို့ရှိ ၁၂ ထပ် တိုက်တလုံးကို စစ်ကောင်စီတပ်နဲ BGF ကရင်နယ်ခြားစောင့်တပ်တွေက မိုင်းခွဲဖြိုချလိုက်တာကို ထိုင်းဖက်ကမ်းကနေ မြင်နေရ...
- ထားဝယ်မြို့နဲ့ ၆ မိုင်ခန့်အကွာရှိ ရှင်မုတ္တီးကျေးရွာအနီးက တံတား ၃ စင်းကို စစ်ကောင်စီတပ်က ဖြိုချ ဖျက်ဆီးလိုက်တဲ့အတွက် ကျောင်းသားလေးတွေအပါဝင် ဒေသခံတွေ သွားလာရေး အခက်တွေ့နေ...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment