မိုးကုတ်က စစ်တပ်စခန်း TNLA သိမ်းပိုက်... ဟားခါးအနီးက စစ်တပ်စခန်း CNA သိမ်းပိုက်... ၁၀၂၇ ဒုတိယလှိုင်း နောက်ဆုံးရ သတင်းများ ...
(၂၃ ဇူလိုင် ၂၀၂၄)
၁၀၂၇ စစ်ဆင်ရေး ဒုတိယလှိုင်း ၂၈ ရက် မြောက်နေ့ နောင်ချိုနဲ့ မိုးကုတ်မှာ တိုက်ပွဲပြင်းထန်ပြီး မိုးကုတ် အရှေ့ပိုင်းမှာ စခန်းတခုသိမ်း၊ စစ်ကောင်စီဘက်က အကျအဆုံးများ၊ လက်နက်တချို့ သိမ်းမိတယ်လို့ PSLF/ TNLA (တအာင်းအမျိုးသား လွတ်မြောက်ရေးတပ်မတော်) က သတင်းထုတ်ပြန်ပါတယ်။
မိုးကုတ်မြို့ အရှေ့ပိုင်း ပန်မထိပ်ရွာ အနီးနဲ့ အကျဉ်းထောင်ရှိ စစ်ကောင်စီ တပ်စခန်းကို TNLA နဲ့ PDF (မိုးကုတ်ဗျူဟာ) ပူးပေါင်းတပ်ဖွဲ့တို့က တိုက်ခိုက်သိမ်းပိုက်လိုက်တာဖြစ်ပြီး စစ်ကောင်စီ စစ်သားအလောင်း ၂၀ နဲ့ လက်နက်ငယ် ၅ လက်၊ ဒရုန်းတစင်း သိမ်းမိတယ်လို့ ထုတ်ပြန်ချက်မှာ ဖော်ပြပါတယ်။
နောင်ချိုမြို့နယ် တဲခေါ် ရွာရှိ စစ်ကောင်စီတပ်စခန်းကိုလည်း TNLA နဲ့ MDY-PDF တို့က ပူးပေါင်း ထိုးစစ်ဆင်တယ် … ကျောက်မဲမြို့နယ်ရှိ အေးရှားဝေါဂိတ်နဲ့ နမ့်ဆီလင်း ဘုန်းကြီးကျောင်းမှာ တပ်စွဲထားတဲ့ စစ်ကောင်စီတပ်ကို TNLA က လိုက်လံရှင်းလင်း တိုက်ခိုက်နေတယ်လို့လည်း ဖော်ပြထားပါတယ်။
ဒါ့အပြင်...
- လားရှိုးမှာလည်း တိုက်ပွဲ ဆက်လက်ပြင်းထန်နေပြီး ခမရ ၅၀၇ နဲ့ ခလရ ၄၁ ဘက်မှာ အပြင်းထန်ဆုံးလို့ ဒေသတွင်း မီဒီယာတွေက ဖေါ်ပြ...
- ယင်းမာပင်မြို့နယ်၊ မုံရွာ-ပုသိမ် လမ်းမပေါ်မှာ အင်အား ၁၀၀ ကျော်နဲ့ စခန်းထိုင်နေတဲ့ စစ်ကြောင်းက ကင်းအဖွဲ့ ထွက်လာစဉ် ဒေသခံ တော်လှန်ရေး တပ်တွေက ကြားဖြတ် တိုက်ခိုက်တဲ့အတွက် စစ်သား ၅ ဦး သေ၊ လက်နက်ငယ် ၃ လက် ရရှိ...
- ဟားခါးမြို့နဲ့ ထန်တလန် မြို့အကြားက စစ်ကောင်စီ တပ်စခန်း ၃ ခုကို Chinland Council နဲ့ ပူးပေါင်းတပ်ဖွဲ့က တိုက်ခိုက် သိမ်းပိုက်လိုက်ပြီး လက်နက်ငယ်အချို့ သိမ်းမိ...
- ကန်ပက်လက်မြို့နယ်၊ မြို့မ ရဲစခန်းက ရဲ ဒု-တပ်ကြပ်တဦး G-3 သေနတ် တလက်၊ ဆက်သွယ်ရေးစက် တလုံးနဲ့အတူ အလင်းဝင်လာတယ်လို့ CDF-Kanpetlet က သတင်းထုတ်ပြန်...
... စတဲ့ သတင်းတွေကို စုစည်းတင်ပြထားပါတယ်။
(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe
လုပ်ရန် တိုက်တွန်းပါသည်။
0 comments:
Post a Comment