ကျောက်ကြီးတိုက်ပွဲ သုံ့ပန်း ၂၀ ကျော်နဲ့ လက်နက် ၂၀ ကျော်သိမ်းမိ... ကျောက်...

ကျောက်ကြီးတိုက်ပွဲ သုံ့ပန်း ၂၀ ကျော်နဲ့ လက်နက် ၂၀ ကျော်သိမ်းမိ... ကျောက်ဖြူမှာ တိုက်ပွဲပြင်းထန်... နောက်ဆုံးရ တိုက်ပွဲသတင်းများ ...

၂၇ ဇွန် ၂၀၂၅

ပဲခူးတိုင်း ကျောက်ကြီးမြို့နယ်အတွင်းရှိ စစ်ကောင်စီ တပ်စခန်းတွေကို ဇွန် ၂၆ မှာ တော်လှန်ရေးတပ်တွေက တပြိုင်တည်း ဝင်တိုက်ရာမှာ စစ်သား ၇ ဦးသေ၊ ၂၂ ဦးကို လက်ရဖမ်းမိ၊ ၆၀ မမ စိန်ပြောင်း အပါအဝင် လက်နက်မျိုးစုံ ၂၈ လက်နဲ့ ခဲယမ်းများစွာ သိမ်းမိတယ်လို့ ပြည်သူ့ကာကွယ်ရေးတပ်မတော် (PDF) စစ်ရုံးချုပ်က သတင်းထုတ်ပြန်ပါတယ်။

ဒီစစ်ဆင်ရေးကို PDF ဗျူဟာ ၂၅ လက်အောက်ခံ တပ်ရင်း ၃၇၀၂၊ အထူးကွန်မန်ဒိုတပ်ရင်းနဲ့ Spring Warrior Column, ကရင်အမျိုးသားလွတ်မြောက်ရေးတပ်မတော် (KNLA) က တပ်ရင်း ၈ နဲ့ တပ်ရင်း ၉ ပူးပေါင်းဆောင်ရွက်တာလို့ ဖော်ပြပါတယ်။

ဒါ့အပြင်...

- ကျောက်ဖြူမြို့က နေရာ ၃ ခုမှာ တိုက်ပွဲပြင်းထန်နေပြီး စစ်ကောင်စီရဲ့ အဓိက ခံစစ်စခန်း တိုက်ခိုက်ရေး ရဲတပ်ရင်း ၃၂ ကို AA အာရက္ခတပ်တော်က သိမ်းပိုက်ဖို့ နီးကပ်လာနေ...

- မိုးကုတ်မြို့ကို ဇွန် ၂၅ ည ၁၁ နာရီခန့်မှာ စစ်ကောင်စီ ဂျက်ဖိုက်တာက ဗုံးကြဲတဲ့အတွက် ကလေးတဦးနဲ့ အမျိုးသားတဦး ဒဏ်ရာရပြီး နေအိမ် ၅ လုံးနဲ့ ဘုန်းကြီးကျောင်းတဆောင် ပျက်စီး...

- ဇွန် ၂၆ မနက် ၈ နာရီခန့်မှာ စစ်ကောင်စီက ဟောင်ဝစ်ဇာ လက်နက်ကြီး ၁၂ လုံးနဲ့ နောင်ချိုမြို့ကို ပစ်ခတ်တဲ့အတွက် ဒေသခံတဦး ဒဏ်ရာရပြီး နေအိမ် ၃ လုံး ပျက်စီး...

- ကျောက်စိမ်းမြေ လုံးခင်း ကျေးရွာကို ထိန်းချုပ်နိုင်ရေးအတွက် ဗျူဟာမြောက် တောင်ကုန်း ၂ ခုဖြစ်တဲ့ လမောင် ကုန်း (Lamawng Bum) နဲ့ မော်မော ကုန်း (Mawmau Bum) ကို စစ်ကောင်စီက အင်အား အလုံးအရင်းနဲ့ ထိုးစစ်ဆင်နေ...

- စစ်ကောင်စီလက်အောက်က စစ်သားသစ် ၃ ဦး တော်လှန်ရေးတပ်တွေထံ ခိုလှုံလာတယ်လို့ KNU မြိတ်-ထားဝယ် ခရိုင်က သတင်းထုတ်ပြန်...

- ရာမည မွန်တပ်တော် RMA ရဲ့ အခြေခံစစ်သင်တန်း အပတ်စဉ် ၄ ဆင်းပွဲကို ဇွန် ၂၄ က မွန်ပြည်တနေရာမှာ ကျင်းပ...

... စတဲ့ သတင်းတွေကို စုစည်းတင်ပြထားပါတယ်။

#BNN သတင်း အင်တာဗျူး youtube ချယ်နယ်

⁦https://www.youtube.com/c/BurmaNewsNetwork⁩ ကို Subscribe လုပ်ရန် တိုက်တွန်းပါသည်။

Update သတင်း ဗီဒီယိုကလစ်များကို ⁦https://t.me/burmanewsnetwork⁩ မှာလည်း ကြည့်ရှုနိုင်ပါသည်။

Posted in: VIDEO,View point