တရုတ်နယ်စပ်အနီးရှိ ပြည်သူ့စစ် စခန်း ၂ ခု KIA ထပ်သိမ်းပိုက်... စစ်ကောင်စီနဲ့ အပစ်ရပ်လိုက်ပြီလို့ TNLA ကြေညာ... နောက်ဆုံးရ တိုက်ပွဲသတင်းများ...
(၃၀ အောက်တိုဘာ ၂၀၂၅)
ကန်ပိုင်တည်၊ လွယ်ဂျယ်၊ လိုင်ဇာ အပါဝင် ကချင်-တရုတ် နယ်စပ်ရှိ ဂိတ်တွေအားလုံးကို အောက်တိုဘာ ၂၅ မှာ တရုတ်ဖက်က ပြန်ဖွင့်ပေးလိုက်ပြီလို့ KIA ကချင်လွတ်လပ်ရေးတပ်မတော် ပြောခွင့်ရ ဗိုလ်မှူးကြီးနော်ဘူက BNN ကိုပြောပါတယ်။
ဒါဟာ တရုတ်နဲ့အပေးအယူလုပ်ပြီး ဖွင့်တာမျိုးမဟုတ်ပဲ တရုတ်ဖက်က ပိတ်ထားတာတွကို တရုတ်ကပြန်ဖွင့်ပေးတာသာဖြစ်တယ်၊ လူထုအတွက် အခြေခံစားသောက်ကုန်တွေကို အဓိက တင်သွင်းနေတယ်လို့ ဗိုလ်မှူးကြီးက ရှင်းပြပါတယ်...
ဒါ့အပြင်...
- ခေါင်လန်ဖူးမြို့နယ်၊ တရုတ်နယ်စပ်အနီးရှိ စစ်ကောင်စီနဲ့ ဌာနေပြည်သူ့စစ် စခန်း ၂ ခုကို KIA နဲ့ မဟာမိတ်တွေက ထပ်မံသိမ်းပိုက်...
- တရုတ်နိုင်ငံရဲ့ ကြားဝင်ညှိနိုင်ပေးမှူအရ အောက်တိုဘာ (၂၉) ရက် ည သန်းခေါင်ချိန်ကစပြီး စစ်ကောင်စီတပ်နဲ့ ၂ ဖက် အပစ်ရပ်ဖို့ သဘောတူလက်မှတ်ရေးထိုးလိုက်တယ်လို့ TNLA က ကြေညာ...
- TNLA က အပစ်ရပ်ပြီး မိုးကုတ်နဲ့ မိုးမိတ်ကို စစ်ကောင်စီထံ ပြန်ပေးမယ်လို့ ကြေညာပေမယ့် TNLA ရဲ့ မဟာမိတ် မန္တလေး PDF နဲ့ မိုးကုတ်ဗျုဟာ တို့က သိမ်းပိုက်ထားတဲ့နယ်မြေတွေကို ဆက်လက်ကာကွယ်သွားမယ်လို့ ကြေညာချက်တွေ ထုတ်ပြန်...
- တီးတိန်မြို့နယ်၊ စီးယင်ဒေသ၊ သိုင်းငင်းကျေးရွာကို စစ်ကောင်စီတပ်က အင်အားရာချီပြီး နှစ်ဖက်ညှပ် စစ်ကြောင်းထိုးလာရာကနေ ချင်းတော်လှန်ရေးတပ်တွေနဲ့ အောက်တိုက်ဘာ ၂၉ မှာ တိုက်ပွဲစဖြစ်နေ...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment