လက်ပံတန်းတိုက်ပွဲ စစ်သား ၁၂ ဦးလက်ရဖမ်းမိ... နတ်ရေကန်စခန်းက ရေဒါတွေကို စစ်ကောင်စီဖြုတ်သိမ်း...နောက်ဆုံးရ တိုက်ပွဲသတင်းများ...
(၁၇ အောက်တိုဘာ ၂၀၂၅)
ပဲခူးတိုင်း၊ လက်ပံတန်းမြို့နယ်၊ သရက်ချောင်းကျေးရွာဘက် စစ်ကြောင်းထိုးလာတဲ့ စစ်ကောင်စီတပ်ကို တော်လှန်ရေးတပ်တွေက ကြားဖြတ်တိုက်ခိုက်ရာမှာ စစ်သား ၁၅ ဦးသေ၊ ၁၂ ဦးကို လက်ရဖမ်းမိ၊ သေနတ် ၁၉ လက်ရရှိတယ်လို့ အမှတ် (၂) စစ်ဆင်ရေး နယ်မြေက သတင်းထုတ်ပြန်ပါတယ်။
အောက်တိုဘာ (၁၅)၊ မနက် (၁၀) နာရီခန့်မှာ တိုက်ခိုက်တာဖြစ်ပြီး သိမ်းမိလက်နက် ၁၉ လက်ထဲမှာ စက်လတ်တွေ၊ G3 တွေ၊ ကာဘိုင်တွေနဲ့ ခဲယမ်းတွေ ပါဝင်တာကို ဓာတ်ပုံမှတ်တမ်းထဲ တွေ့ရပါတယ်။
ဒါ့အပြင်...
- စစ်ကိုင်း-မင်းကွန်းလမ်းပေါ်ရှိ ပေါက်တောကျေးရွာအနီး ရောက်လာတဲ့ စစ်ကောင်စီတပ်ကို တော်လှန်ရေးတပ်တွေက တိုက်ခိုက်ရာမှာ စစ်သား ၅ ဦးသေ၊ သေနတ် ၇ လက်ရရှိ...
- ပခုက္ကူလေယာဉ်ကွင်းကနေ ရိက္ခာသယ်ပြီးထွက်လာတဲ့ စစ်ကောင်စီတပ်ကို တော်လှန်ရေးတပ်တွေက တိုက်ခိုက်ရာမှာ စစ်သား ၆ ဦးသေ၊ သေနတ် ၂ လက်သိမ်းမိ...
- ဟားခါး မြို့မ ရဲစခန်းကို ချင်းတော်လှန်ရေးတပ်တွေက ဝင်ရောက်စီးနင်းတိုက်ခိုက်ပြီး ဖမ်းဆီးခံနေရတဲ့ ချင်းတော်လှန်ရေး ရဲဘော် ၅ ဦးကို ကယ်တင်...
- နတ်ရေကန်လေကြောင်းရန်ကာကွယ်ရေးစခန်းကို AA အာရက္ခတပ်တော်က သိမ်းပိုက်ဖို့နီးလာချိန်မှာ စခန်းတွင်းရှိ ရေဒါတွေကို စစ်ကောင်စီက ကြိုတင်ဖြုတ်သိမ်းသွား...
- လေးကေကော်မြို့အနီးမှာ တိုက်ပွဲတွေပြင်းထန်နေပြီး ဖလူးနဲ့ မင်းလက်ပံဖက်ကိုပါ စစ်ကောင်စီတပ်တွေ ထိုးစစ်ဆင်လာနေ...
- မြစ်ဝကျွန်းပေါ် အမျိုးသားများတပ်ဖွဲ့ရဲ့ အပတ်စဉ် (၂) အခြေခံ စစ်သင်တန်းဆင်းပွဲ ကျင်းပ...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment