မောင်းမကန် စခန်းသိမ်းပွဲ သေနတ် ၂၀ ကျော်ရရှိ... ဝက်လက် တိုက်ပွဲ စစ်သား ၂၀ နီးပါးသေဆုံး... နောက်ဆုံးရ တိုက်ပွဲသတင်းများ...
(၃၁ အောက်တိုဘာ ၂၀၂၅)
ထားဝယ်ခရိုင်၊ လောင်းလုံးမြိုနယ်၊ မောင်းမကန်ကမ်းခြေရှိ မောင်းမကန် ရဲ စခန်းသိမ်းပွဲအတွင်း စစ်တပ်ဖက်က (၁၂) ဦးသေဆုံး၊ ၁၀ ကျော်ဒဏ်ရာရ၊ လက်နက်မျိုးစုံ ၂၁ လက် သိမ်းမိတယ်လို့ PDF အထူးတိုင်းစစ်ဌာနက သတင်းထုတ်ပြန်ပါတယ်။
အောက်တိုဘာ ၂၆၊ မနက် ၅ နာီရခွဲမှာ စတင်တိုက်ခိုက်ပြီး ၉ နာရီခွဲမှာ စခန်းသိမ်းနိုင်တယ်၊ စခန်းတခုလုံးကို မီးရှိ့ရှင်းလင်းနိုင်ခဲ့တယ်လို့ ဆိုပါတယ်။ သိမ်းမိလက်နက်တွေကတော့ ၆၀ မမ စိန်ပြောင်း ၂ လက်၊ Uzi (၆) လက်၊ G3 (၇) လက်၊ Shot Gun/Smoke gun (၂) လက်၊ ခြောက်လုံးပြူး (၄) လက် အပါဝင် သေနတ် ၂၁ လက်နဲ့ jampar စက် (၂) လုံး၊ ခဲယမ်းတွေဖြစ်တာကို ဓာတ်ပုံမှတ်တမ်းထဲ တွေ့ရပါတယ်။
ဒါ့အပြင်...
- ထားဝယ်အထူးစီးပွားရေးဇုန်စီမံကိန်းဒေသ၊ ရေဖြူမြို့နယ်၊ မူဒူးရွာနဲ့ ဝက်ချောင်းရွာရှိ စစ်ကောင်စီတပ်ကို ဒေသခံတော်လှန်ရေးတပ်တွေက ဝင်ရောက်တိုက်ခိုက်ရာမှာ စစ်သား ၁၀ ဦးသေဆုံး...
- အရာတော် မြို့နယ်၊ သလဲဘာ ပျူစောထီးရွာကနေ ဝက်လက်မြို့နယ် ကျောက်ကုန်းကျေးရွာဖက် စစ်ကြောင်းထိုးလာတဲ့ စစ်ကောင်စီတပ်ကို တော်လှန်ရေးတပ်တွေက တိုက်ခိုက်ရာမှာ စစ်သား ၁၆ ဦးသေ၊ ၃၀ ခန့် ဒဏ်ရာရ...
- ပုဏ္ဏားကျွန်းနဲ့ ရသေ့တောင်မြို့နယ်တွေကို စစ်လေယာဉ်က ဗုံးကြဲတဲ့အတွက် အရပ်သား ၁၀ ကျော်အထိ သေဆုံး...
- လေးကေကော်မြို့သစ် တောင်ဘက်ရှိ ရသေ့ဂူကျေးရွာ၊ မယ်ဝါးခီးရွာဖက်က တောင်ကြောတွေပေါ် စစ်ကောင်စီတပ်က Y12 လေယာဉ်နဲ့ ဗုံးကြဲခဲ့ပြီး ဖလူးဖက်ကိုပါ လေယာဉ်တွေ ဝဲနေ...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment