ဆဒုံးဗျုဟာကုန်းအပါဝင် အရေးကြီးစစ်စခန်း ၄ ခုကို KIA သိမ်းပိုက်...နောက်ဆုံးရ တော်လှန်ရေးသတင်းများ
(၁၂- ၆ -၂၀၂၄)
ကချင်ပြည်နယ်၊ ဝိုင်းမော်နဲ့ ဆဒုံး - ကံပိုင်တည်သွားလမ်းပေါ်ရှိ ဗျုဟာအရအရေးပါတဲ့ စစ်ကောင်စီစခန်း ၃ ခုကို တပြိုင်တည်း သိမ်းပိုက်ပြီး ဆဒုံးဗျုဟာကုန်းကို သိမ်းပိုက်ရေး ဆက်လုပ်နေတယ်လို့ KIA ကချင်လွတ်လပ်ရေးတပ်မတော် ပြောခွင့်ရက BNN ကိုပြောပါတယ်။
ဇွန် ၁၁ ရက်၊ မနက်ပိုင်းမှာ တပြိုှုင်တည်း ထိုးစစ်ဆင်ပြီး စခန်းငယ် (၃) ခုကို နယ်မြေရှင်းပြီးပြီ၊ ဗျုဟာကုန်းကိုတော့ တိုက်ဆဲနေဆဲဖြစ်တယ်လို့ KIA ပြောခွင့်ရ ဗိုလ်မှူးကြီးနော်ဘူက ပြောပါတယ်။
မနေ့ညနေ ၇ နာရီခန့်က ဗိုလ်မှူးကြီးနော်ဘူပြောခဲ့တာပါ။ အခု ညနှောင်းပိုင်းဝင်လာတဲ့ သတင်းတွေအရ ဆဒုံး ဗျုဟာကုန်းကို KIA နဲ့ မဟာမိတ်တွေက သိမ်းလိုက်ပြီလို့ ဒေသတွင်း မီဒီယာတွေက ဖေါ်ပြပါတယ်။
တချိန်တည်းမှာပဲ ဝိုင်းမော်မြို့ကို စစ်ကောင်စီက လေယာဉ်နဲ့ဗုံးကြဲတာ၊ လက်နက်ကြီးနဲ့ပစ်တာတွေကြောင့် အရပ်သား သေဆုံးမှုရှိပြီး ဘုရားကျောင်းတခုလည်း ပျက်စီးခဲ့တယ်လို့ ဖေါ်ပြပါတယ်။
ပြီခဲ့တဲ့ လကုန်ပိုင်းမှာ ဝိုင်းမော်မြို့က အဓိကတပ်ရင်းတခုဖြစ်တဲ့ ခမရ ၃၂၁ ကို KIA နဲ့ မဟာမိတ်တွေက သိမ်းပိုင်ပြီးတဲ့နောက် မြို့ပတ်ဝန်းကျင်ရှိ စစ်ကောင်စီ စခန်းတွေကို ဆက်တိုက် သိမ်းနေတာလို့ ဖေါ်ပြထားပါတယ်။
ဒါ့အပြင်...
- မွန်ပြည်နယ်၊ မုဒုံမြို့နယ်အတွင်း ဝင်ရောက်လာတဲ့ စစ်ကောင်စီယာဉ်တန်းကို NMSP-AD မွန်ပြည်သစ်ပါတီ (စစ်အာဏာရှင်တိုက်ဖျက်ရေး)အဖွဲ့က ကြားဖြတ်တိုက်ခိုက်ပြီး လက်နက်ငယ် တလက်သိမ်းမိ...
- (AA) အာရက္ခတပ်တော် ထိန်းချုပ်နယ်မြေဖြစ်တဲ့ ပေါက်တော မြို့ပေါ်ရပ်ကွက်တွေကို စစ်ကောင်စီက လေယာဉ်နဲ့ ဗုံးကြဲတဲ့အတွက် အရပ်သား ၁၀ ဦး ပြင်းထန်းစွာဒဏ်ရာရ...
- ချင်းပြည်နယ်နဲ့ မကွေးတိုင်းအစပ်ရှိ ကန်ပက်လက်မြို့နယ်ထဲက ကျေးရွာတရွာကို စစ်တပ်က လေယာဉ်နဲ့ဗုံးကြဲတဲ့အတွက် အရပ်သား ၂ ဦးသေဆုံး၊ အချို့ဒဏ်ရာရ...
- မေလအတွင်း ဗိုလ်မှူး (၃) ဦးအပါအဝင် တပ်သားနဲ့ ရဲ (၄၅) ဦး ပြည်သူ့ရင်ခွင် ခိုလှုံခဲ့တယ်လို့ NUG ကာကွယ်ရေးဝန်ကြီးဌာနက သတင်းထုတ်ပြန်...
- ချင်းအမျိုးသားကာကွယ်ရေးတပ် CNO/CNDF ရဲ့ အခြေခံစစ်ပညာသင်တန်း အမှတ်စဉ် (၄၀) သင်တန်းဆင်းပွဲကို ဇွန် ၈ ရက်က ချင်းတောင်တန်းပေါ်မှာ ကျင်းပ...
... စတဲ့ သတင်းတွေကို စုစည်းတင်ပြထားပါတယ်။
(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe
လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)
0 comments:
Post a Comment